Presidenti ukrainas Volodymyr Zelensky ka deklaruar se Ukraina po përgatit sulme të reja në thellësi të territorit rus, si pjesë e operacioneve të vazhdueshme për mbrojtjen e vendit.
Përmes një postimi në platformën X, Zelensky tha se ka zhvilluar një takim me komandantin e përgjithshëm të forcave të armatosura, gjeneralin Oleksandr Syrsky, ku është diskutuar situata në vijën e frontit dhe planet për fazat e ardhshme të luftës.
“Ne do të vazhdojmë operacionet tona aktive në mënyrën e duhur për mbrojtjen e Ukrainës. Forcat dhe burimet janë të përgatitura. Janë planifikuar gjithashtu sulme të reja të thella,” shkruan Zelensky.
Deklarata e presidentit vjen në një kohë kur forcat ruse po përpiqen të avancojnë në disa drejtime përgjatë vijës së frontit në lindje të Ukrainës, ndërsa Kievi vijon të kërkojë mbështetje të vazhdueshme ushtarake nga Perëndimi.
Sot ka nisur faza e dytë e regjistrimeve për vitin akademik 2025-2026 për maturantët fitues në universitetet publike dhe private.
Faza II e raundit të parë të regjistrimeve do të zgjasë vetëm 48 orë njëjtë si ajo e para që ishte më 29-30 gusht.
Pra çdo maturant i shpallur fitues ka dy ditë kohë për t’u regjistruar, përndryshe vendi i tij i kalon automatikisht një kandidati në pritje.
Pas përfundimit të fazave, do të ketë edhe një periudhë çregjistrimi për ata që dëshirojnë të ndryshojnë degën dhe të rikthehen në garë për raundin e dytë.
Sipas Rrjetit Akademik Shqiptar degët e preferuara për këtë vit janë Teknologjia dhe Inxhineria, ndjekur më pas nga mjekësia.
Ndërkohë, programet e mësuesisë vijojnë të mbeten më pak të preferuarat, me një përqindje që nuk kalon 7.5, duke ruajtur të njëjtat ritme si vitet e mëparshme. Degët profesionale, po ashtu kanë shënuar rritje.
Mbi 20.000 maturantë aplikuan për studime në universitetet publike dhe private. Konkretisht 500 maturantë më shumë kanë aplikuar për arsimin e lartë krahasuar me një vit më parë.
Mungesa e mbrojtjeve të forta i lë chatbot-ët të manipulueshëm, thonë studiuesit. Një shembull i freskët është Grok, chatbot-i i kompanisë xAI të Elon Musk, i cili këtë javë publikoi mesazhe antisemitike në përgjigje të kërkesave të përdoruesve.
Sipas studiuesve, përmbajtja e urrejtjes online po rritet sepse modelet e mëdha të gjuhës janë lehtësisht të manipulueshme dhe nuk arrijnë të dallojnë midis materialeve të besueshme shkencore dhe teorive konspirative apo urrejtjes që qarkullon në forume.
Në korrik, Grok u vu re duke dhënë përgjigje antisemitike, vetëm disa javë pasi Musk kishte kërkuar që të “riprogramohej” sepse e konsideronte shumë politikisht korrekt. Platforma X tha më pas se kishte ndërhyrë për të bllokuar gjuhën e urrejtjes para se Grok të postonte.
Një raport i Lidhjes Anti-Shpifje në mars gjeti se ChatGPT, Claude, Gemini dhe Llama shfaqnin paragjykime ndaj hebrenjve dhe Izraelit, duke kërkuar masa të forta mbrojtëse në industrinë e AI-së.
Llama, si model i hapur, doli më i dobëti për besueshmëri. Meta kundërshtoi metodologjinë e raportit, duke thënë se modeli i tyre nuk përdoret në atë mënyrë. Një rrezik shtesë është se chatbot-ët po zëvendësojnë kërkimet online, sidomos te të rinjtë.
“Njerëzit po përdorin ChatGPT si Google. Nëse teoritë konspirative hyjnë në këto përgjigje, ato do të ndikojnë drejtpërdrejt tek mënyra si formohet perceptimi i botës.” Ai shtoi se rreziku po shtohet edhe nga gjenerimi i imazheve dhe videove me AI.
Mesfushori Ylber Ramadani do të mungojë në dy ndeshje e Kombëtares të shtatorit, miqësores me Gjibraltarin më 4 shtator dhe ndeshjes së kualifikueseve të Botërorit 2026 ndaj Letonisë në Tiranë.
Departamenti i Komunikimit në FSHF bën me dije se futbollisti ka pasur një infeksion të përsëritur të laringut, i cili kërkon pushim për disa ditë dhe terapi me antibiotikë dhe për këtë arsye ai nuk do të jetë në gjendje t’i përgjigjet thirrjes së Kombëtares.
Autoritetet bëjnë me dije se të miturit në bashkëpunim me njëri tjetrin kanë dhunuar një bashkëmoshatar të tyre.
Dyshohet se sherri ka ndodhur për motive të dobëta.
“Për 5 shtetas të mitur 15-vjeçarë, pasi dyshohet se për motive të dobëta, në bashkëpunim me njëri-tjetrin kanë goditur me grushta një 15-vjeçar”, thuhet në njoftimin e policisë.
Një detaj prekës që ka dalë në dritë pas aksidentit është historia personale e njërit prej viktimave, Gabriel Lluca.
Në moshën 8-vjeç, ai i kishte mbijetuar një aksidenti të rëndë pranë derës së shkollës “Demir Godelli” në Peqin ku ndodhet edhe shtëpia e familjes Lluca, kur një automjet i kishte kaluar sipër trupit duke i shkaktuar fraktura dhe plagë të shumta.
Asokohe, historia e tij kishte prekur zemrat e shumë njerëzve për fatin e madh, pas mbijetesës së tij të mrekullueshme. Por fati nuk e kurseu këtë të diel fund gushti. Disa vite më vonë, Gabriel Lluca humbi jetën në mesnatën që lamë pas nga një aksident tragjik në qytetin e tij duke lënë pas një dramë e boshllëk të madh në familje dhe në mesin e bashkëmoshatarëve si një djalë energjik, i dashur dhe gjithmonë i buzëqeshur.
Gabrieli ishte një nga katër fëmijët e familjes Lluca, ndërsa babai i tij Agroni ndërroi jetë tri vite më parë. Policia ka nisur hetimet për të zbardhur rrethanat e aksidentit dhe po shqyrtohen kamerat e sigurisë në zonë si dhe po bëhen verifikime për shpejtësinë e mjetit dhe gjendjen e rrugës në momentin e ngjarjes.
30 shkolla të reja do të hapin dyer në të gjithë vendin në ditën e parë të shkollës, më 8 shtator.
Në një postim në rrjetet sociale, kryeministri Edi Rama shkruan se këto shkolla do të mirëpresin mbi 8 mijë nxënës dhe mësues
Më tej, kreu i qeveris shprehet “Vijojmë të investojmë për ndërtimin dhe rehabilitimin e objekteve arsimore, shkollave, palestrave e terreneve sportive, për të garantuar të njëjtin standard, kudo në Shqipëri”
Postimi i plotë i kryeministrit Rama:
Më 8 shtator, në ditën e parë të shkollës do të hapin dyert 30 shkolla të rilindura nga veriu në jug, të cilat do të mirëpresin mbi 8 mijë nxënës dhe mësues.
Vijojmë të investojmë për ndërtimin dhe rehabilitimin e objekteve arsimore, shkollave, palestrave e terreneve sportive, për të garantuar të njëjtin standard, kudo në Shqipëri.
Më 31 gusht 1997, bota u shokua nga lajmi tragjik për vdekjen e Princeshës Diana.
E njohur për humanizmin dhe për natyrën e saj të afërt me njerëzit, Diana u nda nga jeta në moshën 36-vjeçare në një aksident automobilistik në Paris, ndërsa udhëtonte me partnerin e saj, biznesmenin egjiptian Dodi Al-Fayed.
Çifti ndodhej në një Mercedes-Benz, që u përplas me një nga shtyllat e tunelit Alma, ndërsa përpiqej t’i shpëtonte paparacëve. Dodi dhe shoferi i tyre, Henri Paul, humbën jetën në vend, ndërsa Diana vdiq pak orë më vonë në spital. Truproja i saj, Trevor Rees-Jones, ishte i vetmi që mbijetoi.
Hetimet zyrtare dhe dyshimet që nuk u shuan kurrë
Hetimet britanike dhe franceze e konsideruan ngjarjen si një aksident tragjik, duke theksuar se shoferi ishte në gjendje të dehur në momentin e përplasjes. Por për shumë njerëz, përfshirë familjen e Dodi Al-Fayed, kjo nuk ishte thjesht një aksident.
Mohamed Al-Fayed, babai i Dodit, ka akuzuar hapur Shërbimin Britanik të Inteligjencës (MI6) dhe Familjen Mbretërore për përfshirje në atë që ai e quan një atentat të mirëorganizuar. Sipas tij, mbretëria nuk pranonte idenë që Diana – nëna e trashëgimtarëve të fronit – të martohej me një mysliman, dhe fëmijët e saj të kishin një njerk të tillë.
A ishte shoferi një spiun?
Një tjetër teori që vazhdon të qarkullojë lidhet me identitetin e shoferit Henri Paul. Richard Tomlinson, një ish-anëtar i MI6, ka sugjeruar në librin e tij se Paul kishte lidhje me shërbimet sekrete dhe ishte ndoshta i infiltruar. Gjetja e një shume të madhe parash nën sediljen e tij pas aksidentit ka ngritur edhe më shumë dyshime.
Madje është përfolur se makina e çiftit ishte përgjuar, çka do t’i kishte mundësuar shërbimeve të sigurisë të ndiqnin çdo lëvizje të Dianës dhe Dodit.
Ishte objektivi vërtet Diana?
Gazetari francez Francis Gillery, në librin e tij “Lady Died”, hedh një tjetër pistë: se shënjestra nuk ishte Diana, por vetë Dodi Al-Fayed. Sipas tij, Dodi nuk ndodhej në Paris vetëm për pushime me Princeshën, por për të përfunduar një marrëveshje të rëndësishme biznesi me babain e tij. Gillery sugjeron se sulmi ishte një përpjekje për të ndaluar këtë marrëveshje dhe për të goditur familjen Al-Fayed.
28 vjet më pas – ende shumë pyetje pa përgjigje
Pavarësisht se kanë kaluar më shumë se dy dekada nga ngjarja, teoria se vdekja e Lady Di ishte një komplot vazhdon të mbetet e gjallë në opinionin publik. Për miliona njerëz në mbarë botën, ajo nuk ishte vetëm “Princesha e Popullit”, por edhe një figurë që mbetet e pazëvendësueshme në historinë moderne.
Nënkryetari i Bashkisë së Tiranës per territorin dhe zona rurale Blendi Sulaj ka inspektuar nga afër punimet për ndërtimin e shkollës “Mersin Duqi” ne Bërzhitë.
Ai tha se shkolla e re do të jetë gati sa më shpejt për të mirëpritur nxënësit e zonës, si dhe theksoi që do shërbejë edhe si hapësirë rekreative për komunitetin pas orarit zyrtar të shkollës.
“Po bëhet një punë shumë e mirë. Bashkia e Tiranës do të jetë shumë e vëmendshme ndaj të gjitha investimeve që do të bëhen në zonat rurale sepse do t’i shërbejnë komunitetit, por mbi të gjitha kjo shkollë do t’i shërbejë do ti shërbejë mbi 180 nxënësve dhe shkolla të shihet të paktën edhe pas orarit shkollor të jetë një pjesë që e gjithë zona ta shfrytëzojë për ambientet rekreative që do të krijohen dhe që është bërë e mundur. Ju shkoftë mbarë dhe mbaroni sa më shpejt”, u shpreh Sulaj.
Ndërtimi i kësaj shkolle është një investim i rëndësishëm për komunitetin, që do t’i shërbejë mbi 180 nxënësve të zonës.
Nënkryetari Sulaj inspektoi edhe shkollën “Selman Meta”, për të cilën tha se bashkia Tirane do te jete ne gadishmeri per cdo nevoje qe do te kene shkollat e ketyre zonave.
Gjatë këtyre viteve, Bashkia e Tiranës ka investuar në ndërtimin dhe rikonstruksionin e dhjetëra shkollave të reja, duke sjellë kushte më të mira mësimi për mijëra nxënës në kryeqytet dhe zonat rurale.
Një ngjarje e rëndë ka ndodhur në Detin Egje në Greqi ditën e djeshme, kur një i burgosur turk që po transferohej me target nga policia greke, u hodh në det. Rasti është bërë i ditur sot nga shtypi grek.
I burgosuri arriti të dalë në kuvertën e tragetit, dhe sipas dëshmitarëve, mori vrull dhe u hodh në det. Katër efektivët e policisë që po e shoqëronin njoftuan menjëherë kapitenin e tragetit, i cili ndaloi motorët dhe filloi kërkimet. Në operacionin e shpëtimit u përfshinë edhe mjete lundruese të Rojës Bregdetare Greke, por deri tani i burgosuri nuk është gjetur.
Turku ishte arrestuar më 7 korrik për trafik emigrantësh dhe po mbahej në paraburgim në burgun e sigurisë së lartë të Koridhalos.
Ai po transferohej për t’u paraqitur në gjykatë kur ndodhi incidenti.
Ndaj katër policëve që e shoqëronin të burgosurin është hapur një hetim disiplinor. Hetimet paraprake janë marrë në dorë nga Roja Bregdetare, e cila vijon kërkimet në zonë.
Ngjarja ka ngjallur reagime në opinionin publik grek, ndërsa autoritetet theksojnë nevojën për rishikim të protokolleve të sigurisë gjatë transferimeve të të burgosurve.
Policia e Tiranës ka përmbyllur me sukses operacionin antidrogë të koduar “Twins”, duke sekuestruar 1 kilogram e 65 gram kokainë dhe arrestuar katër persona të dyshuar për trafikim dhe shpërndarje të lëndëve narkotike.
Sipas njoftimit zyrtar, operacioni është zhvilluar në një lokal në kryeqytet, ku të dyshuarit janë kapur në flagrancë me një pako me kokainë. Të arrestuarit janë: A. L., 25 vjeç; G. P., 30 vjeç; P. K., 18 vjeç dhe J. Z., 18 vjeç. Pas kontrollit fillestar, policia ka vijuar me sekuestrimin e dy automjeteve të përdorura nga të dyshuarit, katër aparateve celularë si dhe një shume parash që dyshohet të jetë përfituar nga aktiviteti kriminal.
Autoritetet bënë të ditur se veprimet procedurale janë në vijim, ndërsa grupi hetimor po punon për identifikimin e mundshëm të bashkëpunëtorëve dhe rrjetit të plotë të shpërndarjes së drogës në kryeqytet.
Ylli i Kosovës, Edon Zhegrova, është shumë pranë transferimit te Juventusi. Lajmin e ka bërë të ditur gazetari i njohur Fabrizio Romano, i cili ka raportuar se futbollisti ka arritur marrëveshje personale me “Zonjën e Vjetër”.
Tashmë gjithçka varet nga marrëveshja që do të arrihet mes Juventusit dhe Lille, për kalimin e kartonit të lojtarit.
Megjithatë, një faktor kyç në realizimin e kësaj lëvizjeje është largimi i mesfushorit Nico González nga Juventusi, për të liruar hapësirën e nevojshme në skuadër.
Atletico Madridi është në bisedime për transferimin e tij, por gjithçka varet nga marrëveshja me Juventusin dhe regjistrimi i tij në La Liga.
Zhegrova, i cili ka bërë paraqitje mbresëlënëse me Lille në Ligue 1, shihet si një përforcim i rëndësishëm për repartin ofensiv të Juventusit.
Meta është duke testuar një veçori të re në aplikacionin e mesazheve WhatsApp, e cila do t’i ndihmojë përdoruesit të verifikojnë përmbajtjen e lajmeve në kohë reale, pa pasur nevojë të largohen nga aplikacioni.
Veçoria e re quhet “Ask Meta AI” dhe u zbulua nga faqja e specializuar WaBetaInfo. Ajo u mundëson përdoruesve të zgjedhin këtë opsion nga menyja e WhatsApp-it dhe ta dërgojnë përmbajtjen e dyshuar direkt te chatbot-i i Metës, ku mund të bëjnë pyetje për saktësinë e informacionit.
Aktualisht, kjo veçori është në fazën e testimit dhe është e disponueshme për një numër të kufizuar përdoruesish. Meta ka paralajmëruar se veçoria do të shpërndahet në mënyrë graduale për të gjithë përdoruesit.
Qëllimi kryesor i kompanisë është të luftojë dezinformimin që qarkullon me shpejtësi përmes bisedave në platformë, veçanërisht në periudha të ndjeshme si zgjedhjet apo krizat globale.
Sistemi bazohet në Inteligjencën Artificiale, pa ndërhyrje njerëzore direkte, çka ka ngritur pikëpyetje mbi efikasitetin dhe saktësinë e verifikimit të informacionit.
Meta nuk ka dhënë ende një datë zyrtare se kur kjo veçori do të jetë e disponueshme për të gjithë përdoruesit globalisht.
Udhëheqësit e Kinës dhe Indisë, Xi Jinping dhe Narendra Modi, theksuan thellimin e besimit mes dy vendeve pas viteve të tensioneve, gjatë takimit të tyre në Samitin e Organizatës së Bashkëpunimit të Shangait (SCO) në Tianjin, Kinë.
Ky ishte vizita e parë e Modit në Kinë pas shtatë vitesh. Xi u shpreh se Kina dhe India duhet të jenë partnerë, jo rivalë, ndërsa Modi theksoi një “atmosferë paqeje dhe stabiliteti” midis dy vendeve, shkruan BBC.
Në sfond të marrëdhënieve të tendosura globale, Modi dhe Xi diskutuan rifillimin e fluturimeve midis dy vendeve, të pezulluara që nga përplasjet kufitare në Himalaje në vitin 2020, pa dhënë një datë të saktë.
Presidenti rus Vladimir Putin, edhe ai pjesëmarrës në samit, u vu në hije nga konfliktet tregtare dhe sanksionet ndërkombëtare.
Modi dhe Xi nënvizuan rëndësinë e bashkëpunimit dhe zgjidhjes së sfidave nga një perspektivë afatgjate, duke synuar një marrëdhënie strategjike miqësore midis dy vendeve më të populluara dhe ekonomive kryesore në botë.
Nga 9 shkurti i këtij viti, përveç përqindjes së votave që morën partitë, nuk u prodhua edhe ndonjë rezultat tjetër, në kuptimin e krijimit të institucioneve. Porsa u shpallën rezultatet përfundimtare, filluan edhe përgatitjet për krijimin e tyre, por nuk u bë shumë.
Tashmë që jemi në fund të gushtit, qytetarët kanë parë vetëm ngërç politik. Vetëvendosje dje e shpalli të kryer konstituimin e Kuvendit, partitë konstatuan shkelje të re.
Nuk dihet megjithatë nëse Gjykata Kushtetuese do të pranojë ta trajtojë ankesën e Listës Srpska e cila të shtunën njoftoi se ka dërguar rast me synimin për ta kontestuar procedurën e votimit për nënkryetarin serb të udhëhequr nga Kryeparlamentari Dimal Basha.
Kushtetuesja u përfshi disa herë në bllokadën politike në vend pasi disa herë i shkuan pyetje apo kërkesa për sqarim situate. Sebepi ishte kontesti i VV’së me rivalët për procedurat.
Partia e Kurtit përgjatë kësaj kohe me plot bindje e siguri ka insistuar në disa prej veprimeve në Parlament.
Kushtetuesja i ka hedhur poshtë me aktgjykimet e saj çështjen e kandidatit për kryeparlamentar, dhe, mënyra e votimit për zgjedhjen e tij.
Gjatë dhjetëra mbledhjeve të deputetëve në kuvend, VV-ja deri në seancat e fundit, pati për propozim emrin e Albulena Haxhiut. Edhe pse bëhej thirrje për ndërrim të kandidatit, në emër të konsensusit, VV-ja s’dëgjoi asnjëherë, derisa u detyrua.
Detyrimi u bë me aktgjykimin e Kushtetueses ku u tha se një kandidat mund të propozohej, rrjedhimisht të votohej, për kryetar vetëm deri në tri herë. Pas këtij aktgjykimi, VV-ja propozoi vetëm edhe njëherë Haxhiun, e cila dështoi.
Insistimi i dytë siç ishte mënyra e votimit ku VV-ja kërkonte votim të fshehur, partitë e tjera të hapur. Edhe këtu partia më e madhe s’reflektonte. Përsëri, derisa u detyrua. Dhe sërish, detyrimi erdhi nga Kushtetuesja.
Gjykata vendosi që votimi për kryetar të bëhet në mënyrë të hapur, për dallim nga ajo çfarë kërkonte VV-ja. Kësisoj edhe u bë.
Ky insistimi i fundit lidhet në një forme edhe me të tretin e ku kryefjala është Avni Dehari, ai që udhëhoqi seancat për disa muaj. Dehari u kritikua nga shumëkush për disa gjëra, një prej tyre ishte ndërprerja siç thuhej arbitrare e seancave.
Edhe për të, Kushtetuesja nxori përgjigje. Në të, u tha se Dehari ka shkelur Kushtetutën duke shkelur aktgjykimin e 26 qershorit, e që ishte aktgjykimi paraprak, para këtij të fundit të gushtit.
E në këtë mes insistimesh, Kushtetueses i ka dal edhe një punë. Kjo pasi që Lista Serbe i është drejtuar asaj lidhur me ngërçin e ri të krijuar në Kuvend, ku ende s’është zgjedhur nënkryetari i ri nga radhët e këtij komuniteti.
Në anën tjetër, si në rastet tjera, VV shprehur e bindur në insistimin e saj se kryetari i ri, Dimal Basha, ka të drejtë që procesin e zgjedhjes së këtij nënkryetari e ka bërë me short e jo në pako.
Por a do të dalë edhe ky insistim i VV-së si ato të tjerat, huqje, duhet të pritet aktgjykimi i Kushtetueses.
Përveç kësaj, kryeparlamentari Basha, dje ka bërë edhe një veprim tjetër që po ashtu po vlerësohet si i gabuar. I njëjti dje ka shpallur të mbyllur konstituimin e Kuvendit, edhe pse s’u zgjodh nënkryetari nga komuniteti jo shumicë serb.
Edhe për këtë reaguan njohës të ndryshëm të zhvillimeve politike të cilët hodhën poshtë veprimin e Bashës duke thënë se seanca konstituive nuk mund të konsiderohet e përmbyllur pa zgjedhjen e të gjithë nënkryetarëve.
Ndryshe Basha ka thirrur një mbledhje të kryesisë për të hënën, porse për të njëjtën partitë e tjera si LDK e PDK, kanë deklaruar tashmë se s’do të marrin pjesë.
Komisioni Qendror i Zgjedhjeve (KQZ) ka njoftuar se më 29 gusht ka përfunduar afati për regjistrimin e votuesve jashtë Kosovës për votim me postë në zgjedhjet lokale të 12 tetorit.
Nga data 23 korrik deri më 29 gusht, KQZ ka pranuar 56,778 aplikime për regjistrim për votim me postë, prej të cilave janë aprovuar 46,015, ndërsa janë refuzuar 10,094 aplikime.
“Të dhënat përfundimtare do të publikohen në javën e parë të muajit shtator, me rastin e certifikimit të Listës së Votuesve për Zgjedhjet Lokale 2025”, thuhet në njoftimin e KQZ-së.
Policia e Kosovës ka ndaluar një shtetas serb në fshatin Joshanicë, në komunën e Leposaviqit, pasi ka kaluar ilegalisht nga Serbia në Kosovë.
Ngjarja ka ndodhur rreth orës 16:30, kur njësitet policore kanë ndaluar një automjet VW Sharan me targa serbe (NP), të drejtuar nga M.B., i lindur në vitin 1980.
Gjatë kontrollit, policia ka sekuestruar 13,992 euro dhe 17,880 dinarë serbë, si dhe mallra për mobilje me vlerë rreth 600 euro. Autoritetet dyshojnë se paratë dhe mallrat janë futur në Kosovë pa deklarim doganor.
Me urdhër të Prokurorit të Shtetit, ndaj të dyshuarit është iniciuar rasti penal për “Kalim i paautorizuar i vendkalimit kufitar apo vijës kufitare”. Automjeti, paratë dhe mallrat janë dërguar në Terminalin Doganor në Mitrovicë për trajtim të mëtejshëm ligjor nga Policia dhe Dogana e Kosovës.
Pas tre vitesh lidhjeje, aktorja e njohur turke Hande Erçel dhe biznesmeni Hakan Sabancı kanë vendosur të ndahen.
Sipas mediave turke, shkaku kryesor i ndarjes është ndërhyrja e nënës së Hakan Sabançit, Arzu Sabancı, e cila nuk ka pranuar marrëdhënien dhe ka ushtruar presion ndaj çiftit.
Mesazhi enigmatik i Arzu Sabançit në Instagram, ku shkruante: “Injoranca është si gjumi, reagimi i parë ndaj atij që të zgjon është zemërimi”, u interpretuar nga fansat si një shigjetë për Hande Erçelin.
Shenjat e krizës u vunë re kur aktorja fshiu të gjitha fotot e çiftit nga Instagrami, duke ngjallur dyshime për ndarje. Kjo u konfirmua më pas nga prezantuesja Ece Erken, e cila deklaroi se ndarja ishte bërë që në fillim të gushtit.
Hande u shfaq e heshtur dhe e tronditur në aeroport, duke refuzuar t’i përgjigjej gazetarëve. Romanca e tyre ishte një nga më të përfolurat në median turke dhe tani ka përfunduar në mënyrë surprizuese.
Tablodi britanik “Daily Mail” i ka kushtuar një shkrim të gjatë historisë së shqiptarit Edmond Kallmi. Ai u arrestua dhe dënua pasi kërcënoi në një incident trafiku një grua më një pistoletë imituese.
Por tabloidi britanik thotë se shqiptari ka qenë i dënuar për një vrasje në Shqipëri dhe ka hyrë dy herë ilegalisht në Britani.
Edmond Kallmi, 50 vjeç, i drejtoi një armë zjarri imituese një gruaje britanike në një rrugë në qytetin e vogël minerar të Ferndale në Uells përpara se t’i thoshte: “Po sikur të të qëlloj, o idiote?”. Ai u burgos për 18 muaj për incidentin në tetor 2022 ndërsa në seancën e tij të dënimit në vitin 2023 iu tha se nuk kishte leje qëndrimi në Mbretërinë e Bashkuar.
Por realiteti i plotë është edhe më tronditës. Nga dokumentet gjyqësore të para nga Ministria e Shtetit zbulojnë se Kallmi ishte një shkelës i dhunshëm i përsëritur i cili ishte dënuar më parë për vrasje në Shqipëri. Ngjarja e tmerrshme e vitit 1998 ndodhi kur ai dhe një burrë tjetër hynë në një shtëpi familjare dhe të qëllonin për vdekje një grua teksa ajo mbante djalin e saj 1-vjeçar. Kallmi dhe shoku i tij kishin pasur një sherr në një lokal me burrin e viktimës.
Vrasësi iku në Britani pas të shtënave, vetëm për t’u dënuar në vitin 2007 për një goditje me thikë. Pasi u ekstradua në Shqipëri dhe vuajti dënimin e tij për vrasje, ai arriti të hynte sërish në Mbretërinë e Bashkuar për herë të dytë dhe të vendosej me gruan dhe vajzën e tij.
Procedurat e ekstradimit në vitin 2008 zbuluan se Kallmi kishte kërkuar azil në Mbretërinë e Bashkuar duke përdorur informacion të rremë nën emrin Martin Buzi. Të dhënat e gjykatës tregojnë se Kallmi iku në Britani një ditë pas të shtënave më 12 shtator 1998. Dy vjet më vonë, ai u shpall fajtor në mungesë për vrasje dhe u dënua me 12 vjet burg.
Kallmi vazhdoi jetën e tij kriminale në Mbretërinë e Bashkuar dhe në mars të vitit 2007 u dënua me 2 vjet burg në Gjykatën e Kurorës në Harrow pasi u dënua për plagosje me dashje dhe përleshje për përpjekjen për të goditur një përmbarues.
Procedurat e ekstradimit që u vonuan për shkak të gjyqit filluan përsëri kur ai ishte në burg dhe në mars të vitit 2008 një gjyqtar në Gjykatën e Magjistraturës së Westminsterit dha miratimin që Kallmi të dërgohej përsëri në Shqipëri për një rigjykim.
Vrasësi apeloi për disa arsye, përfshirë Nenin 8 të Konventës Evropiane për të Drejtat e Njeriut – i cili mbron të drejtën për një jetë familjare – por kjo u hodh poshtë nga Gjykata e Lartë dhe ai u ekstradua më në fund në korrik të vitit 2009.
Në nëntor të vitit 2012, pas rigjykimit të tij në Shqipëri, tre gjyqtarë dhanë një vendim që mbështeti dënimin e tij për vrasje. Në rigjykim u dëgjua se Kallmi kishte pirë në një bar në fshatin Perondi në Berat me mikun e tij Dritan Vila kur ata u grindën me një burrë të quajtur Hamit Baci dhe filluan të godisnin njëri-tjetrin me shishe birre.
Baci doli nga bari dhe shkoi në shtëpi. Më vonë u dëgjuan të shtëna me armë pranë shtëpisë dhe gruaja e tij, Arjana Baci, u gjet e vdekur në dysheme pranë djalit të saj njëvjeçar të cilin ajo e kishte mbajtur më parë në krahë. Burri i saj ishte gjithashtu në shtëpi së bashku me nënën e tij, por të dy shpëtuan.
Një dëshmitar tha se e pa Kallmin dhe Vilën të armatosur me kallashnikov. Ata më vonë ikën përtej kufirit me Greqinë përpara se Kallmi të hynte kontrabandë në Mbretërinë e Bashkuar.
Pavarësisht se mori një dënim të ri me burg prej 8 vjetësh – i cili do të fillonte në vitin 2009 kur ai u ekstradua – Kallmi duket se ka dalë nga burgu vetëm 6 muaj pas dënimit të tij. Shqiptari hyri ilegalisht në Britani për herë të dytë dhe u vendos me gruan dhe vajzën e tij britanike në Pontypridd në Rhondda.
Më 21 tetor 2022, ai po ngiste makinën nëpër qytetin e afërt të Ferndale kur doli nga një rrugë anësore përpara një shofereje, nëna e së cilës ishte në sediljen e pasagjerit. Pas një grindje që përfundoi me Kallmin që kërcënoi shoferen me një armë të rreme përpara se ajo të largohej.
Në gjyqin e tij të mëvonshëm, Gjykata e Kurorës Merthyr Tydfil dëgjoi se viktima mbeti ‘e tronditur dhe e frikësuar’ nga incidenti. Policia u thirr, por Kallmi kishte arritur ta fshihte ose ta asgjësonte armën. Kjo nuk është gjetur kurrë, megjithëse oficerët gjetën bombola gazi dhe kushineta me sfera. Kallmi u shpall fajtor për posedim të një arme zjarri imituese me qëllim shkaktimin e frikës nga dhuna.
Duke dhënë dënimin, gjyqtari Duncan Bould tha: “Ky ishte një gjest jashtëzakonisht kërcënues i përforcuar nga prodhimi i një arme zjarri me pamje realiste me qëllim që [viktima] të besonte se do të ishte përdorur dhunë e paligjshme kundër saj, se do të qëllohej nga afër. E bindi viktimën tuaj dhe të tjerët se ishte një armë e vërtetë. E mbanit atë send me vete duke parashikuar se do të kishit mundësi ta përdornit. Ju pretenduat se keni përdorur një telefon celular, por nuk e sqaruat këtë shpjegim dhe juria e hodhi poshtë”.
Kallmi u dënua me 18 muaj burg në tetor 2023 përpara se të lirohej në qendrën e largimit të imigracionit në Colnbrook në dhjetor. Robert Bates, Drejtor i Kërkimeve në Qendrën për Kontrollin e Migracionit, tha: “Ky njeri është një kërcënim serioz, prania e të cilit në Britani është e padëshirueshme në mënyrë të pashprehur. Fakti që ai u dëbua nga vendi ynë, por arriti të depërtojë përsëri, është studimi perfekt i rastit se sa të trazuar janë kufijtë tanë. Politikanët po e zhgënjejnë publikun duke lejuar që më të pakëndshmit dhe brutalët në botë t’i trajtojnë rrugët tona si shesh lojërash të tyre. Ne duhet të bëhemi shumë më të ashpër dhe të sigurohemi që çdo i dënuar i huaj të mos ketë kurrë një shans për t’u rihyrë në Britani.”
Ministria e Brendshme refuzoi të thoshte nëse ai do të deportohej dhe kur. Një zëdhënës tha: “Është politikë e jonë e hershme të mos komentojmë për raste individuale, por kur shtetasit e huaj kryejnë krime të rënda në vendin tonë, ne gjithmonë do të bëjmë gjithçka që kemi në dorë për t’i deportuar ata. Kjo qeveri deportoi pothuajse 5,200 shkelës të shtetasve të huaj në vitin e saj të parë në detyrë, një rritje prej 14% krahasuar me vitin e kaluar, dhe ne do të vazhdojmë të bëjmë gjithçka që mundemi për të larguar këta kriminelë të ligë nga rrugët tona.”
Ushtria e Izraelit tha të dielën se i ka sulmuar infrastrukturën ushtarake të Hezbollahut në jug të Libanit, në vazhdën e sulmeve ndaj objektivave në vendin fqinj, megjithëse kanë kaluar më shumë se nëntë muaj që nga arritja e një armëpushimi me grupin e mbështetur nga Irani.
Sulmet e së dielës kishin në shënjestër gjithashtu pozicione nëntokësore pranë Kështjellës së Beaufortit, një fortesë kryqëzate e njohur në vend si Qal’at al-Shaqif, në juglindje të Arnounit, pasi Izraeli zbuloi “aktivitet ushtarak” në zonë, tha ushtria izraelite në një komunikatë.
“Ekzistenca e objektit dhe aktiviteti brenda tij përbëjnë shkelje të marrëveshjeve mes Izraelit dhe Libanit”, tha ushtria duke justifikuar sulmet.
Agjencia Kombëtare e Lajmeve e Libanit (NNA) raportoi për dy sulme ajrore pranë qytetit Nabatieh, raporton REL.
Nuk është raportuar për viktima, ndërsa banorët treguan se kishin dëgjuar shpërthime të fuqishme gjatë sulmeve.
Sulmet vijnë mes tensioneve të shtuara përgjatë kufirit izraelito-libanez, pavarësisht marrëveshjes së armëpushimit të 27 nëntorit të vitit të kaluar mes Izraelit dhe Hezbollahut, e cila synonte t’i jepte fund mbi luftimeve mbi njëvjeçare, përfshirë dy muaj luftimesh të ashpra që e dobësuan lëvizjen proiraniane.
Sipas kushteve të asaj marrëveshjeje, Hezbollahu do të tërhiqte luftëtarët e tij në veri të lumit Litani – rreth 30 kilometra nga kufiri me Izraelin – duke ia lënë sigurinë në rajonin jugor ushtrisë libaneze dhe paqeruajtësve të OKB-së.
Në këmbim, Izraeli pritej t’i tërhiqte plotësisht trupat e tij nga toka libaneze.
Megjithatë, Izraeli ka mbajtur trupa në pesë vende që i konsideron me rëndësi strategjike.
Kështjella e Beaufortit ndodhet në veri të lumit, por afër kufirit izraelit.
Login
