Analisti Fatos Lubonja thotë se flamingot janë simbol i protestës pasi ashtu si projekti rrezikon t’I largojë ata nga habitati ashtu edhe betonizimi ka larguar banorët nga qyteti. I pranishëm në protestë, Lubonja tha se Rama po iu merr qytetarëve habitatet shekullore. ”48 ditë protestë tregojnë dështimin e klasës politike për të ndërtuar shtetin e së drejtës, ky është shtet bandit…
Sot është dita e 48-të e protestës përballë Kryeministrisë, me thirrjet ”Rama dil në Bulevard”. Protestuesit janë nisur në këmbë drejt godinës së Kryeministrisë, ku pritet të zhvillohet tubimi i radhës. Pjesëmarrësit në këto protesta kërkojnë dorëheqjen e kryeministrit Edi Rama, duke shprehur pakënaqësi ndaj qeverisjes dhe situatës politike në vend. Gjatë marshimit, qytetarët kanë hedhur thirrje…
Kreu i grupit parlamentar i PD, Gazment Bardhi, ka reaguar pas publikimit të raportit të Komisionit Evropian për Shtetin e së Drejtës, duke e lidhur atë me çështjen e zëvendëskryeministres Belinda Balluku. Në Facebook, Bardhi pretendon se raporti i Brukselit konfirmon “kapjen e shtetit, pabarazinë para ligjit dhe pandëshkueshmërinë në nivelet më të larta të qeverisjes”. Sipas tij…
Këtë të premte janë nënshkruar marrëveshjet e bashkëpunimit ndërinstitucional që synojnë forcimin e sigurisë publike në komunitet dhe rritjen e koordinimit mes institucioneve vendore dhe strukturave të Policisë së Shtetit. Marrëveshjet janë firmosur ndërmjet pesë bashkive të Qarkut Tiranë, pesë strukturave të Policisë Bashkiake, Drejtorisë Vendore të Policisë Tiranë dhe Drejtorisë Vendore të…
Procesi i integrimit europian nuk përfundon me miratimin e ligjeve, por kërkon mbi të gjitha zbatimin e tyre. Ky ishte mesazhi që përcolli deputetja Jorida Tabaku, e cila, pas disa mandatesh në Kuvendin e Shqipërisë dhe angazhimit në administratën e lartë në fushën e integrimit europian, bëri një bilanc të sesionit parlamentar që po mbyllet. Sipas Tabakut, përparimi drejt Bashkimit Europian mbetet…
Komisioni Europian vlerëson se sistemi gjyqësor në Shqipëri ka ruajtur stabilitetin pas zbatimit të Reformës në Drejtësi, por thekson se gjatë periudhës së fundit kanë vijuar përpjekjet për ndikim të padrejtë mbi institucionet e drejtësisë. Në raportin vjetor për shtetin e së drejtës evidentohet se magjistratët kanë qenë objekt i sulmeve personale dhe presioneve publike. Sipas dokumentit…
Analisti Mentor Kikia thotë se protesta pati disa arritje dhe një ndër to është bashkimi në shesh i forcave opozitare gjë që nuk e arritën në zgjedhje. ”Kërkesa kryesore e protestuesve është dorëheqja e kryeministrit Edi Rama. Protesta ka sjellë një përmirësim të jashtëzakonshëm në shoqëri dhe mjedisin politik shqiptar. PD kishte licensën e opozitarizmit ku i duheshin 3 javë për të përgatitur…
Një tërmet me magnitudë 7.3 goditi Puerto Madero në Meksikë, njoftoi Shërbimi Gjeologjik i Shteteve të Bashkuara. Tërmeti ndodhi në një thellësi prej 10 kilometrash. Deri më tani nuk raportohen viktima. Lëkundjet e forta kanë ngritur kërcënimin për cunam në zona të Oqeanit Paqësor që ndodhen më afër qendrës ku ndodhi tërmeti, në një rreze prej 300 kilometrash nga epiqendra.
”’Revolucioni Flamingo” e ndërpreu hovin turistik”, tha kryeministri Edi Rama, teksa evidenton se pas 5 vitesh u regjistrua një ngecje e rritjes në hyrjet turistike në muajin qershor, e një sërë anulimesh. ”Në pesë vjet kam parë një grafik në ngecje, jo në rënie, ne ngecje muaj qershor. Në muajin qershor kemi 1% rritje dhe shumë anulime rezervimesh”, tha Rama. Shifrat e INSTAT tregojnë se në maj…
Shtetet e Bashkuara raportohet se janë pranë marrjes së të drejtës për të organizuar Kupën e Botës për Femra në vitin 2031.
Si një prej vendeve pioniere në futbollin e femrave, Kombëtarja amerikane do ta mirëpriste mundësinë për të luajtur para publikut vendas. Drejtuesi i grupit të punës të Shtëpisë së Bardhë për Kupën e Botës, Andrew Giuliani, pretendon se FIFA e ka informuar tashmë Donald Trumpin për vendimin. “E di se presidentit i kanë thënë tashmë që SHBA-ja do ta marrë Kupën e Botës 2031 dhe kjo duhet të jetë vërtet fantastike”, deklaroi ai.
Trump vendos ultimatum për politikat gjinore të FIFA-s
Administrata e Trumpit është e gatshme ta organizojë turneun, por vetëm nëse FIFA e përshtat politikën e saj për sportistët transgjinorë me atë të qeverisë amerikane. “Është e rëndësishme që Kupa e Botës për Femra të mos shkelë politikat e Shteteve të Bashkuara. Është e rëndësishme që në Botërorin e Femrave të luajnë gratë dhe jo meshkujt biologjikë”, tha Giuliani.
Nëse Trump nuk arrin atë që kërkon, SHBA-ja mund të refuzojë dhënien e garancive qeveritare për çështje të tilla si vizat dhe siguria, të cilat janë pjesë thelbësore e procesit të organizimit. “Nga këndvështrimi ynë, kjo do të jetë një nga çështjet kryesore që duhet të zgjidhet përpara se të nisin diskutimet për garancitë qeveritare. Nëse kjo politikë është në fuqi, jam i sigurt se bisedimet do të përparojnë shumë shpejt”, shtoi Giuliani.
Sipas artikullit, politika e miratuar së fundmi nga Komiteti Olimpik Ndërkombëtar ua ndalon grave transgjinore pjesëmarrjen në garat e femrave dhe kërkon kontrolle të detyrueshme gjenetike.
FIFA nuk kërkon verifikime të detyrueshme, por u kërkon federatave kombëtare të sigurohen që futbollistet i plotësojnë kriteret e pjesëmarrjes. Çdo “devijim i perceptuar në karakteristikat sekondare seksuale” duhet të hetohet dhe rezultatet të dokumentohen.
FIFA ende nuk e ka zyrtarizuar vendimin
FIFA nuk e ka konfirmuar ende vendin organizator, por kandidatura e përbashkët e Shteteve të Bashkuara, Meksikës, Kosta Rikës dhe Xhamajkës është e vetmja në garë. Një Kongres i Jashtëzakonshëm pritet të mbahet gjatë vitit 2026, ku do të caktohen vendet organizatore të Botërorëve të Femrave për vitet 2031 dhe 2035.
Giuliani thotë se turneu do t’i japë SHBA-së mundësinë të prezantojë më shumë qytete të vendit. “Mendoj se do të duket disi ndryshe nga ky Botëror. Besoj se do të jetë i jashtëzakonshëm dhe ndoshta do të përfshihen edhe qytete të tjera.” Ai gjithashtu mezi pret që ta shoqërojë vajzën e tij në ndeshjet e turneut. “Do të ishte fantastike të shihnim futbollistet më të mira në botë të vinin në Shtetet e Bashkuara dhe, si tifoz, të kisha mundësinë ta merrja vajzën time në një ndeshje.”
Kampionët e Botës bëhen gati për kurorëzimin
Spanja dhe Argjentina do të përballen të dielën në finalen e madhe në stadiumin MetLife. Fituesit do të marrin “unaza kampioni të personalizuara”, diçka që ndodh për herë të parë në këtë turne. Në total janë prodhuar 2,026 unaza. Tridhjetë prej tyre do t’u jepen fituesve, ndërsa pjesa tjetër do t’u shitet tifozëve, teksa FIFA synon të sigurojë sa më shumë të ardhura.
Kjo nismë është kritikuar si një tjetër përpjekje për të fituar para nga një turne tashmë shumë i komercializuar, i cili ka përfshirë pushime për hidratim, spektakël gjatë pushimit mes pjesëve dhe madje nxjerrjen në ankand të fushës së stadiumit MetLife. Përpara finales, sipas tekstit origjinal, Anglia dhe Argjentina do të luajnë ndeshjen për vendin e tretë, të cilën shumë persona e konsiderojnë të panevojshme.
Komisioni Evropian publikoi sot Raportin për Sundimin e Ligjit 2026, në të cilin evidenton progresin e Shqipërisë në forcimin e shtetit të së drejtës dhe konsolidimin e reformës në drejtësi, si pjesë e procesit të integrimit evropian.
Raporti vlerëson përfundimin e plotë të procesit të rivlerësimit kalimtar (vettingut), duke theksuar se ai ka forcuar pavarësinë, integritetin dhe llogaridhënien e sistemit të drejtësisë. Gjithashtu, raporti konstaton vijimin e zbatimit të reformës në drejtësi dhe përparimin në integrimin e standardeve të krijuara nga vettingu në funksionimin e zakonshëm të institucioneve të drejtësisë.
Një vlerësim pozitiv i kushtohet edhe luftës kundër korrupsionit, ku Komisioni Evropian evidenton rezultatet e institucioneve të specializuara, veçanërisht në hetimin, ndjekjen penale dhe gjykimin e rasteve të korrupsionit të nivelit të lartë, si dhe përmirësimin e kuadrit ligjor dhe institucional në këtë fushë.
Raporti vëren gjithashtu përmirësime të mëtejshme në efikasitetin e sistemit gjyqësor, duke evidentuar uljen e ndjeshme të backlog-ut në Gjykatën e Lartë, përmirësimin e cilësisë së formimit të magjistratëve dhe vijimin e hapave drejt modernizimit dhe digjitalizimit të sistemit të drejtësisë.
Një tjetër tregues pozitiv i evidentuar është rritja e perceptimit për pavarësinë e gjyqësorit, si nga qytetarët ashtu edhe nga komuniteti i biznesit, duke reflektuar besim në rritje ndaj institucioneve të drejtësisë.
Komisioni Evropian identifikon njëkohësisht edhe fusha ku nevojiten përpjekje të mëtejshme për forcimin e sundimit të ligjit. Shqipëria mbetet plotësisht e angazhuar në adresimin e këtyre rekomandimeve, në bashkëpunim me institucionet e pavarura dhe partnerët ndërkombëtarë.
Raporti i këtij viti konfirmon se progresi i arritur në reformën në drejtësi po konsolidohet dhe se Shqipëria vijon të ecë përpara në përmbushjen e standardeve evropiane, në rrugën drejt anëtarësimit në Bashkimin Evropian.
TIRANË- Shtetet e Bashkuara kanë ngritur alarmin për rritjen e kërcënimit nga terrorizmi politik i së majtës ekstreme dhe kanë mbledhur aleatët në një takim të posaçëm në Uashington për të diskutuar masat e përbashkëta të sigurisë.
Sipas autoriteteve amerikane, sulmet dhe komplotet e lidhura me grupime ekstremiste janë shtuar ndjeshëm gjatë viteve të fundit. Takimi u përqendrua në forcimin e bashkëpunimit ndërkombëtar për përballimin e kësaj sfide të re të sigurisë.
I ftuar në emisionin “Tirana Live”, eksperti i kriminalistikës Ervin Karamuço tha se analizat e kryera në SHBA tregojnë një rritje të akteve të dhunës të lidhura me grupime të majta ekstreme dhe anarkiste, si në SHBA ashtu edhe në Evropë.
Sipas tij, individë të tillë janë të infiltruar edhe në protestë në Shqipëri, veprimtari e të cilëve duhet mbajtur në monitorim. Eksperti ndaloi edhe te fenomeni i sulmeve të koordinuara ndaj bizneseve përmes komenteve dhe vlerësimeve negative në platformat online, duke e cilësuar atë një problem serioz për ekonominë.
“Nga analizat e kryera në SHBA, është vënë re një rritje e akteve të sponsorizimit të dhunës në SHBA dhe në Evropë nga grupe të majta ekstreme, por edhe nga grupe anarkiste. Nuk synohen më vetëm godinat përmes protestave, por edhe infrastruktura kritike, ekonomia dhe bizneset. Kjo e ka çuar në një nivel tjetër shqetësimin e Departamentit Amerikan të Shtetit (DASH). Amerika e ka futur në hartën e saj edhe Shqipërinë, ku sipas informacioneve ka celula që synojnë dëmtimin e infrastrukturës kritike. Janë të infiltruar brenda protestave. Nëse këto veprime janë pjesë e një plani të mirëfilltë, kemi të bëjmë me organizata kriminale. Bëhet fjalë për sulme ndaj institucioneve, zjarrvënie, përdorim eksplozivësh dhe dëmtime të bizneseve. Kanë taktika të ngjashme me ato që janë parë në SHBA dhe në Evropë.
Agjencitë inteligjente dhe ato ligjzbatuese, ku ne jemi partnerë, si vende anëtar i NATO dhe si vend kandidat për në Bashkimin Evropian, shkëmbejnë informacione. Së bashku me struktura të tjera dhe me Ambasadën Amerikane janë identifikuar individët dhe synimet e tyre. Ka hetime aktive që po vijojnë dhe mbetet të shihet se çfarë rezultatesh do të ketë. Rreth 200 persona kanë sulmuar biznese dhe kjo nuk është normale. Këto janë akte të ekstremizmit, që dëmtojnë rendin, stabilitetin dhe përbëjnë një kërcënim serioz për rendin publik në Shqipëri”, tha ai. /abcnews.al
Ministria e Energjisë e Iranit i bëri thirrje të martën popullsisë që të zvogëlojë konsumin e energjisë elektrike, pasi rrjeti elektrik është nën presion të rëndë pas sulmeve të SHBA-së në infrastrukturën energjetike .
Në një deklaratë, ministria u bëri thirrje banorëve që të fikin kondicionerët gjatë orëve të pikut “për të ndihmuar në sigurimin e një furnizimi të qëndrueshëm me energji elektrike në provincat jugore, të cilat aktualisht po përballen me nxehtësi ekstreme dhe sulme ndaj termocentraleve”.
Ndërkohë, një burim ushtarak sirian mohoi të premten, duke folur për AFP-në, se Irani kishte bombarduar bazën ushtarake Al-Tanf në Sirinë juglindore.
“Ne mohojmë çdo bombardim iranian në drejtim të rajonit Al-Tanf”, tha burimi.
Irani kishte njoftuar se kishte sulmuar “qendrën e komandës së operacioneve speciale të armikut në rajonin Al-Tanf, duke fajësuar Shtetet e Bashkuara, të cilat u tërhoqën nga kjo bazë në shkurt”.
Polonia po përgatit një status të ri ligjor, të quajtur “gjendja e gatishmërisë së plotë për luftë”, i cili do t’i mundësojë autoriteteve të reagojnë ndaj kërcënimeve të sigurisë edhe përpara shpalljes zyrtare të gjendjes së luftës.
Lajmi u bë i ditur nga Maciej Samsonowicz, këshilltar i ministrit polak të Mbrojtjes, i cili tha se projektligji synon të mbushë boshllëkun ligjor mes kohës së paqes dhe fillimit të një konflikti të armatosur.
“Po punojmë edhe për këtë. Nuk dua të hyj në detaje. Në projekt quhet ‘gjendja e gatishmërisë së plotë luftarake’”, tha Samsonowicz.
Sipas tij, kuadri aktual ligjor i Polonisë mund të mos jetë i mjaftueshëm në rast se lufta afrohet pranë kufijve të vendit, por ende nuk janë përmbushur kushtet për shpalljen zyrtare të gjendjes së jashtëzakonshme.
Projektligji do t’i lejojë qeverisë të nisë më herët dislokimin e trupave, përgatitjen e infrastrukturës strategjike dhe pritjen e forcave aleate të NATO-s, pa pritur shpalljen e gjendjes së luftës.
Paralelisht, Ministria polake e Mbrojtjes po harton një projektligj të veçantë për investimet strategjike dhe lehtësimin e lëvizjes së forcave ushtarake. Në rast të përkeqësimit të situatës së sigurisë, ushtria do të marrë kompetenca shtesë për koordinimin e kolonave ushtarake edhe përpara shpërthimit të luftimeve.
The post Polonia përgatit ligjin për “gjendjen para luftës” appeared first on Euronews Albania.
Një anije nën sanksione për transportimin e karburantit rus ka të ngjarë të ketë rrjedhje nafte në një zonë detare të mbrojtur pranë brigjeve të Omanit, sipas analizës së imazheve satelitore dhe ekspertëve.
Anija Caroline Bezengi mori naftë ruse në bord në Novorossiysk përpara se të nisej për udhëtimin e saj më të fundit, sipas të dhënave të gjurmimit të anijeve. Ajo transmetoi për herë të fundit një sinjal në gjurmimin publik të AIS më 11 qershor në brigjet e Jemenit.
Derdhja e mundshme – që shfaqet në imazhe si një njollë argjendi dhe gri – mbuloi ujërat në një gji në jugperëndim të ishullit al-Qibliyyah, treguan fotografitë nga Copernicus Sentinel-1 dhe Sentinel-2 më 2-13 korrik.
Tre specialistë të pavarur – John Amos i SkyTruth, Leon Moreland i Observatorit të Konflikteve dhe Mjedisit dhe Louis Goddard i Data Desk – i thanë Reuters se imazhet satelitore duket se tregojnë një derdhje nafte.
Reuters shqyrtoi një video që tregonte anijen Caroline Bezengi në brigjet e ishullit al-Qibliyyah. Rusia përdor cisterna të vjetra, shpesh të mirëmbajtura keq, në të ashtuquajturën flotë të saj në hije për të anashkaluar sanksionet perëndimore mbi eksportet ruse të naftës.
Nuk ishte e qartë nëse rrjedhja ishte për shkak të një mosfunksionimi apo dëmtimit nga një sulm i mundshëm nga Ukraina, e cila ka synuar cisterna të lidhura me Rusinë, apo nga konflikti midis SHBA-së dhe Iranit në rajonin e Gjirit.
Cisterna raportoi për herë të parë vështirësi më 8 qershor në brigjet e portit jugor të Jemenit, Mukalla, thanë dy burime të ndara të sigurisë detare. Njëri konfirmoi derdhjen. Ata thanë se shkaku i problemeve të anijes ishte i paqartë.
Bashkimi Evropian dhe Britania kanë vendosur sanksione ndaj anijes për atë që e quajtën përfshirje në transportimin e karburanteve nga Rusia.
The post Cisterna e sanksionuar po rrjedh naftë pranë brigjeve të Omanit appeared first on Euronews Albania.
Një civil u vra dhe një oficer policie u plagos pas të shtënave me armë në qytetin verior danez, Norresundby. Personi i armatosur u plagos rëndë nga të shtënat e policisë dhe u dërgua në spital.
E gjitha filloi kur oficerët e policisë shkuan në një zonë industriale pas raportimeve për një ndërtesë në flakë. Ata u qëlluan me të mbërritur, sipas një deklarate të policisë. Oficerët iu kundërpërgjigjën zjarrit, duke plagosur personin e armatosur.
“Ky burrë u dërgua në spital dhe është plagosur rëndë”, thanë autoritetet.
“Një civil dhe një oficer policie që ishin në vendngjarje u goditën nga plumbat. Civili ka vdekur. Oficeri i policisë i plagosur është në gjendje të qëndrueshme”, thuhet në deklaratën e policisë.
One civilian killed, police officer and suspect wounded in Aalborg (Denmark) shooting
— Orla Joelsen (@OJoelsen) July 17, 2026
A civilian was killed and both a police officer and the suspected gunman were wounded in a shooting in the Virkelyst area of Nørresundby, Aalborg, on Friday afternoon.
Police were initially… pic.twitter.com/mqRUQbPcWW
The post Të shtëna me armë zjarri në Danimarkë, vritet një person. Plgoset polici dhe autori (VIDEO) appeared first on Euronews Albania.
Komisioni Europian vlerëson se Reforma në Drejtësi ka forcuar qëndrueshmërinë e sistemit gjyqësor në Shqipëri, por evidenton se vijojnë përpjekjet për ndikim të padrejtë ndaj institucioneve të drejtësisë.
Në raportin vjetor për shtetin e së drejtës, KE thekson se gjatë periudhës së raportimit janë konstatuar përpjekje nga zyrtarë publikë dhe politikanë, përfshirë nivele të larta të administratës shtetërore, për të ushtruar ndikim publik mbi institucionet e drejtësisë.
Raporti nënvizon gjithashtu vijimin e sulmeve personale ndaj magjistratëve në të gjitha nivelet, përfshirë edhe përfaqësues të Strukturës së Posaçme kundër Korrupsionit dhe Krimit të Organizuar.
Sipas dokumentit të Komisionit Europian, tetë magjistratë janë vendosur nën masa mbrojtjeje për shkak të kërcënimeve dhe presioneve të mundshme. Në mesin e tyre janë dy gjyqtarë dhe gjashtë prokurorë, përfshirë prokurorë të SPAK dhe ish-kryetarin e Këshillit të Lartë të Prokurorisë.
Komisioni Europian i referohet edhe përplasjeve institucionale të shkaktuara pas vendimeve të drejtësisë ndaj zyrtarëve të nivelit të lartë. Në raport përmendet pezullimi nga detyra i një zyrtari të lartë me vendim të Gjykatës së Posaçme, si dhe kërkesa e SPAK-ut drejtuar Kuvendit për heqjen e imunitetit parlamentar.
Sipas KE-së, këto zhvillime sollën reagime të forta nga përfaqësues të pushtetit ekzekutiv dhe atij legjislativ, përfshirë kritika dhe sulme të drejtpërdrejta ndaj SPAK-ut dhe institucioneve gjyqësore. Ndërkohë, organet drejtuese të sistemit të drejtësisë reaguan duke denoncuar presionin politik ndaj gjyqësorit.
Raporti evidenton edhe problematika që lidhen me aksesin në drejtësi. Komisioni Europian nënvizon mangësi në ofrimin e ndihmës ligjore, infrastrukturën gjyqësore dhe sigurinë në gjykata.
Në fushën e luftës kundër korrupsionit, KE vlerëson se kuadri institucional është përmirësuar, por thekson se koordinimi mes institucioneve të drejtësisë dhe strukturave të zbatimit të ligjit mbetet një pikë e dobët.
“Rreziqet e korrupsionit vazhdojnë të jenë të përhapura në Policinë e Shtetit, prokurimin publik dhe sektorët me risk të lartë”, thuhet në raport.
Duke iu referuar procesit të vettingut, Komisioni Europian bën të ditur se deri në përfundim të procesit janë shkarkuar 456 gjyqtarë dhe prokurorë, ndërsa 348 prej tyre janë konfirmuar në detyrë. Këto të fundit përbëjnë rreth 43 për qind të rasteve të kontrolluara.
The post Raporti i KE për Shqipërinë: Korrupsioni mbetet shqetësim appeared first on Euronews Albania.
Login