Një qytetar i është drejtuar redaksisë së JOQ Albania me një denoncim për gjendjen e kanaleve vaditëse në zonën e Durrësit, duke ngritur shqetësimin për mungesën e mirëmbajtjes dhe pastrimit të tyre. Sipas qytetarit, disa vite më parë bashkitë në të gjithë vendin u pajisën me një flotë ekskavatorësh të financuar nga Buxheti i Shtetit, me qëllim pastrimin dhe mirëmbajtjen e kanaleve ekzistuese vaditëse. Ai pretendon se gjatë viteve 2023-2024, Bashkia Durrës ka ndërhyrë në pastrimin e kanalit vaditës nga Ujëmbledhësi i Borçës deri në derdhjen në lumin Erzen, por sipas banorëve punimet nuk kanë qenë me cilësinë e duhur. Sipas denoncimit, ndërhyrjet e mëparshme kanë dëmtuar skarpatën e kanalit, duke krijuar rrezik për humbjen e tokës bujqësore, ndërsa prej vitit 2025 pastrimi i këtij kanali, sipas qytetarit, është ndërprerë plotësisht. Në pamjet e dërguara në redaksi shihet se kanali është mbuluar nga bimësia e dendur dhe kallamishtet, duke penguar qarkullimin normal të ujit dhe duke vështirësuar vaditjen e tokave bujqësore. Ky kanal shërben për furnizimin me ujë të tokave bujqësore në zonat Manëz, Kullë, Borçë, Radë dhe Vadardhë, ku sipas banorëve preken mijëra hektarë tokë me kultura bujqësore dhe pemtari. Qytetari ngre pikëpyetje për mënyrën e menaxhimit të fondeve publike dhe kërkon përgjigje nga institucionet: “Bashkia i ka harruar këto detyrime, apo punimet deklarohen dhe lekët e Buxhetit futen në xhep të dikujt?”, shprehet ai në denoncimin e tij. Fermerët kërkojnë ndërhyrje për pastrimin dhe rikthimin në funksion të kanalit vaditës, pasi mungesa e ujit rrezikon prodhimet bujqësore dhe ekonominë e familjeve që varen nga toka. JOQ Albania publikon shqetësimin e qytetarit dhe mbetet në pritje të një reagimi nga Bashkia Durrës lidhur me situatën e denoncuar dhe masat që do të merren.

18.7K views

💾

Një aksident rrugor ka ndodhur mbrëmjen e sotme në zonën e Kënetës, në Durrës, ku një automjet ka humbur kontrollin dhe ka përfunduar i përmbysur në mes të rrugës. Pamjet janë dërguar në redaksinë e JOQ Albania nga një qytetare, e cila ka kaluar pranë vendit të ngjarjes pak çaste pasi kishte ndodhur aksidenti. Sipas saj, në vendngjarje nuk është konstatuar asnjë automjet tjetër i përfshirë, çka lë të kuptohet se drejtuesi mund të ketë humbur kontrollin e mjetit, duke bërë që ai të përmbysej. Fatmirësisht, sipas informacionit të siguruar nga denoncuesja, nuk ka persona të lënduar. Shkaqet e aksidentit pritet të sqarohen nga autoritetet.

12K views

💾

Një qytetar i është drejtuar redaksisë së JOQ Albania me një denoncim lidhur me disa ambiente shtetërore që, sipas tij, po përdoren nga Prestige Resort / Acqua Park, në vend që të shërbejnë për funksionin publik për të cilin janë destinuar. Në videon e dërguar në redaksi, qytetari tregon disa godina dhe ambiente që ai pretendon se janë pronë e shtetit dhe ngre dyshime se ato po shfrytëzohen për interes privat. Sipas tij, bëhet fjalë për prona që administrohen nga Ministria e Shëndetësisë dhe që kanë qenë të destinuara për shërbime në funksion të fëmijëve me aftësi të kufizuara. "Këto janë prona të Ministrisë së Shëndetësisë. Në vend që t'u shërbejnë fëmijëve me aftësi të kufizuara, po shfrytëzohen nga Prestige Resort," shprehet qytetari në videon e dërguar në redaksi. Qytetari pretendon gjithashtu se ambientet shtetërore po përdoren për qëllime komerciale dhe kërkon që institucionet përgjegjëse të verifikojnë ligjshmërinë e përdorimit të tyre. JOQ Albania nuk mund të verifikojë në mënyrë të pavarur pretendimet e ngritura nga qytetari mbi statusin juridik të pronës, administrimin e saj apo marrëdhëniet kontraktore që mund të ekzistojnë. Redaksia mbetet e hapur për një reagim zyrtar nga Ministria e Shëndetësisë, institucionet përgjegjëse për administrimin e pronës, si edhe nga Prestige Resort, për të sqaruar situatën dhe pretendimet e ngritura.

17.4K views

💾

Një arritje e jashtëzakonshme në fushën e mjekësisë është realizuar në spitalin “Molinette” në Torino, ku një ekip mjekësh ka arritur t'i rikthejë pjesërisht shikimin një pacienteje që kishte pesë vite e verbër, përmes një transplanti unik të pjesës qendrore të retinës, të njohur si makula. Pacientja 67-vjeçare, e identifikuar si Elena, kishte humbur tërësisht shikimin në syrin e majtë si pasojë e një aksidenti të rëndë automobilistik, ku dëmtimi i pariparueshëm i nervit optik e bënte të pamundur transmetimin e sinjaleve të dritës drejt trurit. Ndërkohë, syri i saj i djathtë vuante nga degjenerimi makular dhe kishte dëmtime të rënda në retinë dhe korne. Meqenëse mungesa e qelizave staminale e bënte të pamundur një transplant klasik të kornesë, ekipi mjekësor i drejtuar nga profesori Michele Raibaldi mori një vendim guximtar: përdorimin e indeve të shëndetshme por jofunksionale të syrit të majtë për të rindërtuar syrin e djathtë. Për herë të parë në botë, operacioni kompleks që zgjati pothuajse gjashtë orë përfshiu jo vetëm kornenë, sklerën dhe konjuktivën, por edhe vetë makulën. Përmes kësaj procedure, mjekët arritën të krijonin një "sy funksional" duke kombinuar pjesët e shëndetshme të dy syve të dëmtuar. "Tani po presim të shohim deri në çfarë mase retina e transplantuar do të jetë në gjendje të funksionojë, por rezultatet e para janë inkurajuese", deklaroi profesori Michele Raibaldi pas ndërhyrjes. Suksesi i kësaj procedure u konfirmua edhe nga specialisti francez i sëmundjeve të retinës, profesori Michel Pack nga Spitali Kombëtar Caen-Ven në Paris, i cili e cilësoi ndërhyrjen si një arritje absolute në shkallë botërore. Megjithatë, komuniteti shkencor thekson se do të nevojiten studime të mëtejshme për të vlerësuar efektivitetin afatgjatë të kësaj teknike dhe mundësinë e aplikimit të saj te pacientë të tjerë.

28.9K views

💾

Ka një lloj gjeografie institucionale në Shqipëri ku distancat mes qelisë së burgut dhe zyrës së prokurimeve publike nuk maten me kilometra, por me shkathtësi familjare. Ish-kryebashkiaku i Kukësit, Safet Gjici, i cili u dënua me tre vjet burg për korrupsion pasiv dhe shpërdorim detyre, ofron një studim rastesh mbi elasticitetin e ligjit. Pasi drejtësia i dha faturën penale dhe i ndaloi ushtrimin e funksioneve publike për pesë vjet, më 18 maj 2025 ai fitoi lirinë për arsye shëndetësore. Dhe, sikur për të vërtetuar se ajri i lirisë bën mrekulli për qarkullimin e kapitaleve, emri i tij u kthye menjëherë në qendër të vëmendjes përmes kompanisë Kevin Konstruksion, e ngritur prej tij dhe e administruar sot nga vëllai, Lavdrim Gjici. Në qytetin bregdetar, administrata duket se e ka përvetësuar fiziken e tenderëve me saktësi prej orëzimi zviceran. Bashkia Vlorë, nën drejtimin e Brunilda Mersini (qokaxheshka), ka kurorëzuar si fituese bashkimin e operatorëve APIS CONSTRUCTION & KEVIN KONSTRUKSION për tenderin madhor me objekt "Ndërtimi i Qendrës Operacionale të Emergjencave Civile". Me një fond limit prej 288,559,870 lekë (pa TVSH), kontrata u mbyll me një ofertë prej 269,123,172 lekë. Përtej shifrave, ajo që tërheq vëmendjen është koreografia administrative e garës. Nga tre operatorë që hynë në pistë, vetëm njeri mbijetoi nga amnezia dokumentare: ARKONSTUDIO u tërhoq në heshtje, duke mos dorëzuar as dokumentacion, as ofertë ekonomike. RAFIN COMPANY u ndal në pengesën e parë burokratike, duke mos paraqitur letrat e kërkuara sipas standardeve. Në këtë skenografisë ku konkurrentët shpërndahen si me telekomandë, fusha mbeti e pastër dhe e hapur. Përfundimi? Një tjetër kontratë publike që provon se përtej dënimeve dhe kufizimeve ligjore, gjenetika e suksesit biznesor në Shqipëri nuk njeh as pengesa fizike, as mungesë sinjalesh nga tregu. Gara në fjalë është vlerësuar nga Open Data Albania me një “Flamur të Kuq” të pastër, me motivacionin klasik: skualifikimi i çdo konkurrenti tjetër përveç fituesit dhe eliminimi i ofertës më të ulët. Një koreografi standarde ku rivalët thjesht plotësojnë tabelën e Excel-it para se të fshihen nga skena. Por problemi nuk mbaron te letrat e djegura të garës, sepse matematika e kantiereve flet një gjuhë tjetër. Projekti kërkon 18 muaj kohë zbatimi dhe rreth 50 mjete e pajisje të rënda në terren. Në realitetin e pasqyrave financiare: Kevin Konstruksion ka mesatarisht vetëm 63 punonjës gjithsej. Për këtë kontratë, ajo ka marrë përsipër 89.2% të punimeve. Vëllimi i marrë përsipër kërkon llogari lëvizëse prej rreth 81 punonjësish vetëm për këtë objekt. Këtyre u shtohen edhe kontratat e tjera që e njëjta kompani mban aktualisht në zbatim. Në anën tjetër të kësaj bashkie, partneri në këtë bashkim operatorësh, APIS CONSTRUCTION, mbart gjithashtu pikëpyetjet e veta financiare. Referuar të dhënave, kompania rezultonte të mos plotësonte kriteret ekonomike për një tender të kësaj madhësie, duke qenë se në vitin 2023 kishte regjistruar humbje në bilanc. Megjithatë, kjo nuk e ka penguar të pozicionohet si pjesë e bashkimit fitues, qoftë edhe me një kuotë prej 3.6% të kontratës. Në fund të kësaj llogarie, tenderi përmbyllet me mungesë konkurrence efektive, ndërsa procesi i verifikimit të kapaciteteve teknike dhe financiare lë pas dyshime të hapura. Ndërkohë, kompania e lidhur me emrin e ish-kryebashkiakut Safet Gjici shënon një tjetër rikthim në tryezën e fondeve publike, duke siguruar një kontratë me vlerë afro 269 milionë lekë pa TVSH.

20.8K views

💾

Është mbajtur mbrëmjen e sotme protesta e 58-të kundër kryeministrit Edi Rama, ku qytetarët kanë zbritur sërish në rrugë për të kërkuar dorëheqjen e menjëhershme të kreut të qeverisë. Ashtu si në tubimet e mëparshme, protestuesit janë grumbulluar fillimisht në Sheshin "Skënderbej" dhe më pas kanë nisur marshimin drejt godinës së Kryeministrisë, ku edhe kanë vijuar qëndrimin e tyre. Gjatë marshimit dhe përpara godinës së qeverisë, qytetarët kanë hedhur thirrje të fortë kundër drejtuesve dhe gjithë klasës politike në vend. Ndër sloganet kryesore që u dëgjuan gjatë protestës ishin: "Rama në burg", "Berisha në burg", "Revolucion", "Jep dorëheqjen" si dhe "Ju erdhi fundi". Pjesëmarrësit në tubim kanë shprehur revoltën e tyre për situatën e vështirë politike dhe ekonomike ku ndodhet vendi, duke kërkuar ndryshime rrënjësore dhe largimin e kryeministrit nga detyra.

9798 views

💾

Një denoncim ka mbërritur në redaksinë e JOQ Albania, ku një qytetar ka dërguar një video që tregon një automjet tip Benz të parkuar mbi trotuar pranë Qendrës Spitalore Universitare "Nënë Tereza" në Tiranë, duke penguar lëvizjen e këmbësorëve dhe, sipas tij, duke bllokuar edhe hyrjen e vendit të punës. Sipas denoncuesit, automjeti me targa AB 666 SL mban në targë logon e Partisë Demokratike. Me ironi, ai e komenton situatën në video duke thënë: "Makina e PD, shikojeni targën e PD, por e ka hipur në trotuar, se është 'gango'. Ka marrë urdhër nga Sali Berisha, a vrafshi dhe ngrënshit kokat e njëri-tjetrit këta. Ka bllokuar dhe vendin e punës, gangot." Ndërsa në mesazhin e dërguar në redaksi, qytetari shkruan: "Përshëndetje. Makina mbi trotuar duke bllokuar lëvizjen e këmbësorëve. Njëkohësisht na ka bllokuar dhe vendin e punës ku punojmë. Në targën e tij ka logon e Partisë Demokratike." Parkimi mbi trotuar jo vetëm që përbën shkelje të rregullave të qarkullimit rrugor, por krijon edhe vështirësi për këmbësorët, të cilët detyrohen të zbresin në rrugë për të kaluar. Qytetarët kërkojnë më shumë kontroll dhe masa ndaj drejtuesve të mjeteve që zënë hapësirat e dedikuara për këmbësorët, pavarësisht se kujt i përkasin apo çfarë simbolesh mbajnë në automjetet e tyre.

50.2K views

💾

Një marrje nuseje ndryshe nga ato që jemi mësuar të shohim. Këtë herë, nusja “gangstere” shoqërohet nga një grup motorristësh, duke tërhequr vëmendjen e të gjithëve. Videoja po bëhet me shpejtësi virale për kreativitetin e saj dhe atmosferën ndryshe që sjell në këtë ceremoni tradicionale.

8823 views

💾

Nëse mendon se për të fituar tendera shtetërorë duhet të jesh patjetër i pranishëm në zyrë, të përgjigjesh në telefon apo të paktën të jesh i lirë, gabohesh rëndë. Biznesmeni Ermal Beqiri na vërteton thelbin e “arratisë krijuese”, duke drejtuar bizneset dhe duke korrur miliona nga buxheti i shtetit ndërkohë që është shpallur në kërkim nga SPAK si i dyshuar për drejtimin e një grupi të strukturuar kriminal të lidhur me aferat e AKSHI-t. Për ironi të fatit, ndërkohë që kompanitë e jo-aq-të-panjohura të tij, “Soft & Solution” dhe “Horizon”, janë vënë zyrtarisht nën sekuestro preventive me urdhër të Gjykatës së Posaçme që nga muaji prill i këtij viti, Universiteti i Tiranës ka vendosur t'i hapë dyert dhe arkën. Nën drejtimin e rektorit Artan Hoxha dhe me procedurën e zbardhur në maj nga administratori Skerdi Dafa, ky institucion arsimor i ka dhuruar bashkimit të shoqërive të Beqirit një tender me vlerë mbi 50 mijë euro për “Mirëmbajtjen e Sistemit Informativ të Institucionit”. Gara, si zakonisht, ka pasur atë “lezetin” e zakonshëm administrativ: në të morën pjesë dy operatorë ekonomikë, ku njëri ishte regjistruar thjesht sa për numër pasi nuk paraqiti asnjë ofertë ekonomike dhe u skualifikua në sekondën e parë duke lakuar në lojë vetëm bashkimin e operatorëve në pronësi të vetë Ermal Beqirit, të cilët u shpallën menjëherë fitues. Kështu, ndërkohë që Policia e Shtetit ende luan lojën e fshehtësisë me masën e sigurisë “arrest me burg” ndaj Beqirit, dhe ndërkohë që ish-drejtoresha e AKSHI-t Mirlinda Karçanaj sillet mes arrestit të shtëpisë dhe detyrimit për paraqitje të caktuar nga Gjykata e Lartë për shkak të dyshimeve të forta mbi kanalizimin e tenderave në disa duar, sistemi informativ i universitetit më të madh në vend ka gjetur shpëtimin te duart e një “të kërkuari” që komandon nga arratia. Në fund të fundit, çfarë rëndësie ka qelia kur lulishtja e tenderave publikë vazhdon të lulëzojë?

7260 views

💾

Një qytetar i është drejtuar redaksisë së JOQ Albania me një denoncim nga Rruga Butrinti, në zonën pranë Hotel Lost, Nertilit dhe pallateve përreth në Sarandë, ku banorët dhe bizneset thonë se prej ditësh kanë mbetur pa furnizim me ujë të pijshëm. Sipas qytetarit, në kulmin e sezonit turistik, apartamentet me qira, banesat dhe hotelet në këtë zonë janë detyruar të furnizohen me autobotë, pasi në rrjet mungon plotësisht uji. Në videon e mbërritur në redaksi, qytetari tregon situatën dhe shprehet se mungesa e ujit po krijon vështirësi të mëdha për banorët dhe bizneset, ndërsa turistët po largohen të zhgënjyer. "Po na ikin turistët. Furnizohemi me autobotë sepse nuk ka ujë. E gjithë zona vuan prej disa javësh. Shtëpitë, apartamentet me qira dhe hotelet janë pa ujë," shprehet ai. Sipas denoncimit, banorët dhe bizneset paguajnë dy herë në ditë nga 5,000 lekë të reja, pra 10,000 lekë të reja në ditë, vetëm për të siguruar ujë për nevojat bazë dhe për të vazhduar aktivitetin. Qytetari e cilëson të papranueshme që Saranda, destinacioni kryesor turistik i Shqipërisë, të përballet edhe këtë verë me të njëjtin problem, duke theksuar se situata po dëmton rëndë banorët, bizneset dhe imazhin e turizmit shqiptar. Banorët dhe operatorët turistikë kërkojnë ndërhyrje të menjëhershme nga institucionet përgjegjëse dhe Bashkia Sarandë, me në krye Oltion Çaçin, për rikthimin e furnizimit me ujë dhe zgjidhjen përfundimtare të këtij problemi. JOQ Albania publikon shqetësimin e qytetarëve dhe pret një reagim nga institucionet përgjegjëse lidhur me situatën e krijuar në këtë zonë të Sarandës.

8184 views

💾

Mitrovica ka humbur një nga mjekët e saj më të njohur. Ka ndërruar jetë Dr. Sinan Prekazi, ish-drejtor i Spitalit të Mitrovicës dhe një nga figurat që la gjurmë në shëndetësinë e qytetit.

Përveç kontributit shumëvjeçar në mjekësi, Dr. Prekazi kujtohet edhe për angazhimin e tij gjatë luftës në Kosovë. Ai u vu në shërbim të familjes Jashari dhe luftëtarëve të Ushtrisë Çlirimtare të Kosovës, duke ofruar ndihmë mjekësore në rrethana të vështira dhe duke rrezikuar jetën për të shpëtuar të tjerët.

Gjatë karrierës së tij, Dr. Prekazi udhëhoqi edhe Spitalin e Mitrovicës, ku u vlerësua për profesionalizmin dhe përkushtimin në zhvillimin e shërbimeve shëndetësore.

Ai ishte pjesë e brezit të mjekëve që në vitet kur Spitali i Mitrovicës konsiderohej ndër qendrat më të rëndësishme shëndetësore në Kosovë, kontribuuan në ngritjen e reputacionit të tij. Krahas emrave si Dr. Adem Ademi, Dr. Sami Haxhibeqiri, Dr. Bajram Rexhepi, Dr. Shaqir Demiri, Dr. Avdyl Salihu, Dr. Adem Nura dhe Dr. Gani Shabani, ai dha një kontribut të rëndësishëm në shërbim të pacientëve.

Me iniciativën e Dr. Avdyl Salihut, Dr. Prekazi ishte gjithashtu pjesë e ekipit të mjekëve që udhëtonin në zonat ku mungonte kujdesi shëndetësor, kryesisht në Drenicë dhe Shalë. Së bashku me kolegët e tij, ai ofroi ndihmë mjekësore në kushte të jashtëzakonshme, duke u bërë simbol i përkushtimit ndaj qytetarëve.

Sinjali – aty ku e vërteta flet para lajmit!

/GazetaSinjali/

The post Vdes Dr. Sinan Prekazi, mjeku mitrovicas që ndihmoi UÇK-në dhe familjen Jashari appeared first on Sinjali.

Ish-bashkëshorti i influencueses amerikane, Sara Gilson, e cila u vra në Oklahoma, ka reaguar publikisht pas tragjedisë, duke zbuluar se për vite me radhë ishte përpjekur ta bindte të largohej nga partneri i saj, Jeremiah “Shawn” Duffey, i cili sipas policisë e vrau atë dhe më pas kreu vetëvrasje.

Në një deklaratë prekëse, Lyle Landers tha se për pesë vite me radhë i kishte ofruar ndihmë ish-bashkëshortes së tij për t’u larguar nga marrëdhënia që, sipas tij, ishte e mbushur me dhunë në familje.

“Ajo ishte e bllokuar në një lidhje ku dhuna dukej sikur ishte bërë normale. E luta për pesë vjet të largohej prej tij. I ofrova ndihmë në çdo mënyrë të mundshme, por dukej se ai kishte një lloj kontrolli mbi të dhe ajo nuk arrinte të shpëtonte”, u shpreh ai.

Landers tregoi se ai dhe Sara ishin divorcuar shtatë vjet më parë, por kishin ruajtur një marrëdhënie të mirë për hir të dy fëmijëve të tyre.

Ai e përshkroi ish-bashkëshorten si një nënë të jashtëzakonshme, duke thënë se përkushtimi i saj ndaj fëmijëve ishte i pakrahasueshëm.

“Sara ishte një nënë e mrekullueshme dhe do të jepte jetën për fëmijët e saj. Në fund, përpjekja e saj për t’i mbrojtur ata çoi në vdekjen e saj”, tha ai.

Shtoi se do ta kujtojë gjithmonë Sarën si një person plot dashuri dhe mirësi, që nuk i gjykonte të tjerët dhe që arritjen më të madhe të jetës e konsideronte rritjen e dy fëmijëve të saj.

Foto: Facebook

Tragjedia ndodhi më 23 qershor në një shtëpi në qarkun Tulsa të Oklahomës, ku policia gjeti të pajetë Sarën dhe partnerin e saj, Duffey.

Sipas hetimeve paraprake, ai e vrau influencuesen dhe më pas i dha fund jetës.

Vetëm dy javë para vdekjes, Sara kishte publikuar një video në rrjetet sociale, e cila u bë virale me mbi 21 milionë shikime, ku akuzonte publikisht partnerin e saj se ishte pedofil. /Telegrafi/

Shqipëria hyri në sezonin veror me më shumë vizitorë sesa prona të reja për t’i akomoduar, të paktën në segmentin e apartamenteve me qira afatshkurtra.

Në qershor, kërkesa për qira afatshkurtra u rrit me një ritëm më shumë se dy herë më të shpejtë se oferta, duke ndikuar njëkohësisht në rritjen e normës së zënies (prenotimeve) dhe të çmimeve.

Sipas të dhënave të AirDNA, në qershor 2026 u regjistruan 284 329 net-qëndrime në pronat e listuara në platformat e qirave ditore, ose 22,6% më shumë krahasuar me një vit më parë. Në të njëjtën periudhë, numri i pronave të disponueshme u rrit në 31 655, nga 28 972 që ishin në qershor të vitit 2025, duke shënuar një rritje prej 9,26%.

Me kërkesën që po ecën dukshëm më shpejt se oferta, norma e zënies apo e prenotimeve u rrit në 58,89%, nga 55,47% një vit më parë. Kjo rritje prej 3,42 pikësh përqindjeje konfirmon edhe një herë se tregu vazhdon të ketë kërkesë të lartë për këtë segment akomodimi, duke përthithur menjëherë kapacitetet e disponueshme.

Kjo lidhet veçanërisht me profilin e turistit individual që ka vizituar Shqipërinë gjatë tre viteve të fundit, ku apartamentet me qira ditore po fitojnë gjithnjë e më shumë terren përballë strukturave tradicionale hoteliere.

Edhe pronarët e këtyre njësive me qira ditore kanë përfituar nga ritmi i sezonit. Tarifa mesatare ditore arriti në 65,85 euro për natë, nga 62,43 euro në qershorin e vitit të kaluar, duke shënuar një rritje vjetore prej 5,48%.

Pamja e 12 muajve të fundit është po aq pozitive. Në periudhën e mbyllur në qershor, numri mesatar i listimeve arriti në 28 074, ose 15,34% më shumë se një vit më parë. Netët e rezervuara u rritën me 17,93%, duke arritur në 2,51 milionë, ndërsa të ardhurat e vlerësuara nga tregu arritën në 144,1 milionë euro, me një rritje prej 20,05%.

Tarifa mesatare për periudhën 12-mujore u rrit në 57,5 euro për natë, nga 56,5 euro më parë, ndërsa norma mesatare e zënies u përmirësua lehtë në 54,49%, nga 54,1%.

Shqipëria ruajti gjithashtu ritmin më të shpejtë të zgjerimit të ofertës në grupin e vendeve të rajonit të përfshira në të dhënat e AirDNA. Rritja prej 15,34% ishte më e lartë se në Malin e Zi, me 10,04%, Rumani, me 9,99%, Serbi, me 8,49%, Slloveni, me 6,61% dhe Bullgari, me 4,96%.

Për nga madhësia, tregu shqiptar mbetet i dyti në grup, pas Rumanisë.

Shqipëria kishte mesatarisht 28 074 listime mujore, kundrejt 34 384 në Rumani. Pas tyre renditeshin Mali i Zi me 21 902 listime, Bullgaria me 18 678, Serbia me 15 333 dhe Sllovenia me 10 826.

Panorama e qershorit konfirmon edhe një herë një tendencë të qartë: gjithnjë e më shumë persona po i drejtohen apartamenteve me qira ditore si një mundësi investimi në pasuri të paluajtshme, ndërsa rritja e rezervimeve tregon se kërkesa për këtë lloj akomodimi vijon të jetë e fortë./Tv Klan

Mesfushori brazilian Bruno Guimaraes mund të jetë një nga transferimet më të bujshme të kësaj vere, pasi gazetari i talkSPORT, Alex Crook, beson se kalimi i tij te Arsenali është shumë i mundshëm, pavarësisht se Newcastle United vazhdon të këmbëngulë se lojtari nuk është në shitje.

Sipas Crook, qëndrimi i klubit anglez mund të ndryshojë nëse në tavolinë mbërrin një ofertë e konsiderueshme.

"Mendoj se Bruno Guimarães do të transferohet te Arsenali. E di që qëndrimi i Newcastle është se ai nuk është në shitje, por besoj se në fund paratë do të bëjnë diferencën. Nëse vjen një ofertë rreth 80 milionë funte ose më e lartë, pres që marrëveshja të realizohet", deklaroi Crook.

Raportimet bëjnë të ditur se Arsenali ka arritur tashmë marrëveshje të plotë me Guimarães për kushtet personale, ndërsa reprezentuesi i Brazilit është i gatshëm të transferohet në Emirates Stadium.

Mesfushori 28-vjeçar thuhet se është i joshur nga mundësia për të punuar nën drejtimin e Mikel Artetës dhe për të luftuar për trofetë më të rëndësishëm në Angli dhe Evropë.

Megjithatë, deri në këtë moment Newcastle nuk ka dhënë dritën jeshile për largimin e kapitenit të saj, ndaj mbetet të shihet nëse Arsenali do të paraqesë ofertën që mund ta bindë klubin ta lejojë transferimin. /Telegrafi/

U prezantuan më shumë kënaqësi dhe shpresë.

Rilindja e Italisë, apo siç njihet në Italisë, “Il risorxhimento” nuk kishte si ndodhte më mirë sesa me ndihmën e Paolo Maldinit, legjendës së Kaltër dhe milaniste.

Gjithsesi, kanë mjaftuar vetëm 16 ditë që kjo ëndërr të kthehej në zhgjëndër.

Maldini dha dorëheqjen nga posti i drejtorit teknik të Federatës Italiane të Futbollit, dhe bashkë me të u largua edhe këshilltari i tij, Leonardo.

Braziliani punoi tek Milani dhe erdhi si “paketë” me ish-mbrojtësin legjendar.

Çfarë ndodhi?

Maldini dhe Leonardo ndërprenë bashkëpunimin me presidentin e Federatës, Malago, pasi ky i fundit hoqi dorë nga kandidatura e Andrea Pirlos si trajner i kombëtares.

Emërimi i Pirlos ishte thuajse çështje e përfunduar, por gjithçka “u hodh në erë” nga fakti se ish-kampioni i botës kishte firmosur kontratë me një kompani bastesh ruse.

Kontrata fare mirë mund të prishej, por çështja u kthye në politike për shkak të raporteve të Italisë dhe Bashkimit Europian me Rusinë.

Mediat italiane e kishin parashikuar se Maldini e Leonardo do ta kishin rikonsideruar pozicionin e tyre në rast se Pirlo refuzohej si trajner.

Ish-tekniku i Juventusit nuk e fshehu zhgënjimin e tij duke postuar një mesazh në rrjetet sociale, ku theksoi se bashkëpunimi me kompaninë ruse ishte teknik dhe tregtar, dhe se politizimi i çështjes i atribuon bindje që ai as nuk I ka shprehur, dhe as nuk I ka.

Tashmë, Federata Italiane duhet të gjejë një trajner tjetër, dhe sa më shpejt.

Favorit është ish-komisari teknik i “Axurrëve”, Roberto Mançini, që fitoi Kampionatin Europian në 2021, dhe që mund të kërkojë 2 milionë euro rrogë në sezon.

Alternativë tjetër është Antonio Konte, që gjithashtu ka qenë në stolin e Italisë, dhe që mund të merrte nga 4 deri në 6 milionë euro në sezon.

Kryeredaktori i KALLXO.com, Kreshnik Gashi, ka pranuar se mediumi nuk i kishte njoftuar lexuesit se emri “Lule Gjeli” ishte pseudonim, kur publikoi më 27 gusht 2020 opinionin “Modeli i fshehur që mund të jetë në tavolinën e marrëveshjeve Kosovë-Serbi”.

I ftuar në emisionin “Rubikon”, Gashi tha se redaksia kishte vendosur ta publikonte shkrimin me pseudonim për shkak se, sipas tij, autorit mund t’i rrezikohej vendi i punës.

“Kemi konsideru që i rrezikohet vendi i punës”, deklaroi ai.

Në kohën e publikimit, emri “Lule Gjeli” ishte paraqitur si identitet i zakonshëm i autorit, pa asnjë shënim që bëhej fjalë për pseudonim ose se identiteti i vërtetë ishte i njohur për redaksinë, por po mbahej i fshehtë për arsye sigurie apo profesionale.

Opinioni ishte shoqëruar edhe me një përshkrim profesional të autorit, pa u bërë e ditur se emri i përdorur nuk ishte identiteti i tij i vërtetë.

Vetëm pas zhvillimeve të fundit, KALLXO.com pranoi publikisht se “Lule Gjeli” kishte qenë pseudonim dhe se redaksia e njihte identitetin e autorit, por bëri të ditur se nuk do ta publikojë atë.

Sinjali – aty ku e vërteta flet para lajmit!

/GazetaSinjali/

The post Kryeredaktori i KALLXO për “Lule Gjelin”: Nuk treguam se ishte pseudonim, sepse i rrezikohej vendi i punës appeared first on Sinjali.

Ngadalësimi i shkrirjes së akullit në Arktik, i vërejtur gjatë viteve të fundit, ka marrë fund. Një studim i ri tregon se është regjistruar rënia më e madhe vjetore e akullit dimëror që nga fillimi i matjeve satelitore.

Në një studim të publikuar vitin e kaluar, shkencëtarët kishin konstatuar se shkrirja e akullit detar në Arktik ishte ngadalësuar gjatë 20 viteve të fundit. Sipas të dhënave, mes viteve 2005 dhe 2024 nuk ishte vërejtur një rënie statistikisht domethënëse e sipërfaqes së akullit, pavarësisht rritjes së vazhdueshme të temperaturave globale.

Studiuesit shpjeguan se ndryshimet natyrore në rrymat oqeanike, të cilat kufizojnë përkohësisht shkrirjen e akullit, kishin balancuar efektin e ngrohjes globale. Megjithatë, ata paralajmëruan se ky ishte vetëm një fenomen i përkohshëm dhe se shkrirja do të rifillonte me ritme edhe më të shpejta.

Vetëm dy vjet më vonë, studimi më i fundit konfirmon se ky ngadalësim ka përfunduar. Duke analizuar të dhënat më të fundit satelitore, studiuesit arritën në përfundimin se periudha 2005–2024 përfaqësonte vetëm një pauzë të përkohshme dhe jo një ndryshim afatgjatë të trendit.

Autori kryesor i studimit, Dr. Duo Chan nga Universiteti i Southamptonit, tha se ajo që në fillim të viteve 2020 dukej si një ndalesë e shkrirjes, rezulton të ketë qenë vetëm një ngadalësim i përkohshëm brenda një prirjeje afatgjatë të humbjes së akullit.

Sipas studiuesve, sipërfaqja e akullit detar në muajin shtator, kur arrin nivelin më të ulët vjetor, është përgjysmuar që nga viti 1979, kur nisën matjet satelitore.

Studimi zbulon se nga viti 2024 në 2025, sipërfaqja e akullit në Arktik u tkurr me 5.8%, duke shënuar rënien më të madhe dimërore nga një vit në tjetrin në historinë e regjistrimeve.

Bashkautori i studimit, Dr. Alessandro Silvano, theksoi se kjo rënie e fortë ishte e pazakontë, por plotësisht e mundshme në kushtet e ngrohjes së vazhdueshme të Arktikut.

Shkencëtarët paralajmërojnë se akulli dimëror luan një rol jetik si izolues mes oqeanit relativisht të ngrohtë të Arktikut dhe atmosferës shumë më të ftohtë. Me pakësimin e tij, më shumë nxehtësi dhe lagështi kalojnë në atmosferë, duke ndikuar në modelet e presionit atmosferik, zhvillimin e stuhive dhe qarkullimin e masave ajrore. Këto ndryshime mund të ndikojnë në motin edhe në rajone shumë larg Arktikut.

Sipas Dr. Chan, studimi përbën një tjetër sinjal alarmi për krizën klimatike.

“Rikuperimet afatshkurtra mund ta fshehin përkohësisht prirjen afatgjatë të humbjes së akullit në Arktik. Nivelet shumë të ulëta të akullit dimëror gjatë viteve 2025 dhe 2026 tregojnë qartë se humbja e akullit nuk është ndalur, por po vazhdon në një klimë që po ngrohet vazhdimisht.”/KultPlus.com

Avokati Idajet Beqiri ka deklaruar se Shqipëria po përballet me një formë lufte hibride, e cila sipas tij ka nisur në një moment të rëndësishëm të procesit të integrimit europian.

Në një intervistë në “Ora e Fundit” në ABC News, Beqiri u shpreh se sulmet ndaj vendit lidhen me përparimin e Shqipërisë në procesin e anëtarësimit në Bashkimin Europian dhe me rritjen e investimeve të huaja.

“Jemi në luftë dhe këtë luftë na e hapën pasi i hapëm të gjithë kapitujt në BE dhe nisën mbylljet e tyre. Dhe po ashtu nisi kur investime të mëdha filluan të vërshonin në Shqipëri. Në momentin që u caktuan datat kur do të mbylleshin 3 kapitujt e parë, pamë që u sajua i ashtuquajturi incidenti i rëndë në Zvërnec dhe u mbushën rrugët e Tiranës, gjë që kurrë nuk kishte ndodhur më parë. Sepse, me thënë të drejtën, ne e dimë se çfarë shoqërie kemi. Po ashtu, ne e dimë lidhjen që ka ndërtuar Berisha me Beogradin, Hamasin dhe Bin Ladenin. Se si i stërviste kundër SHBA-ve… Por tashmë kanë rekrutuar edhe të rinj si Agron Shehaj me shokë, që edhe bizneset i kanë të dyshimta. Edhe të tjerë që fshihen pas protestës. E kanë ngrënë çorbën e prishur që është serbofile, grekofile, rusofile dhe e Iranit. Janë bërë armiku më i betuar i Shqipërisë dhe kanë vënë në shërbim gjithë agjenturën që kanë në Kosovë, Maqedoninë e Veriut dhe në Shqipëri”, tha avokati.

Gjithashtu, gjatë intervistës, avokati komentoi edhe aktin e kryetarit të Partisë Mundësia dhe deputetit Agron Shehaj, i cili mori në sekretariatin e Kuvendit dokumentin e marrëveshjes së huas prej 302 milionë dollarësh, duke u larguar me vrap.

Duke komentuar ngjarjen dhe marrjen e dokumentit të marrëveshjes së huas prej 302 milionë dollarësh mes Shqipërisë dhe SHBA-së, Beqiri e cilësoi një akt shumë të rëndë dhe kërkoi hetim penal.

Sipas tij, Shehaj duhet të përballet me drejtësinë për disa vepra penale, ndërsa SPAK duhet të kërkojë heqjen e imunitetit të deputetit për nisjen e hetimeve.

“Ky është një akt i rëndë. Një akt tradhtie kombëtare dhe tregon që agjenturat e huaja nuk të kursejnë, por të hedhin në veprim. Kur të paralajmërohesh që dokumenti vetëm do të lexohet, është një marrëveshje nga më historiket. Këtë dokument Irani e donte fizikisht dhe që ta kishte fizikisht, ata futën atje Agron Shehajn. Sikur të bëhet kallëzim penal, ai dënohet për grabitje dhe grabitja e ka deri në 15 vite burg. Ai duhet çuar për ndjekje penale sepse ka siguruar një dokument sekret, dhe sigurimi i një dokumenti të tillë, ai e mori për ta dhënë diku dhe kjo dënohet me 20 vite burg sipas nenit 213 të Kodit Penal të Shqipërisë. Për të paktën pesë vepra penale ai i ka kryer dhe rrezikon 35 vite burg. Puna e parë që duhet të bëjë SPAK është t’i kërkojë Parlamentit heqjen e imunitetit dhe nënshtrimin e hetimit”, tha mes të tjerash ai.

/abcnews.al/

Presidenti ukrainas Volodymyr Zelensky është pritur nga kryeministri i ri britanik, Andy Burnham, në bazën detare britanike në Portsmouth, ku dy liderët diskutuan për forcimin e bashkëpunimit ushtarak dhe mbështetjen ndaj Ukrainës.

Burnham, i cili mori detyrën vetëm një javë më parë, tha se Zelensky ishte lideri i parë i huaj që priti zyrtarisht, duke theksuar se kjo ishte një zgjedhje e qëllimshme.

“Je lideri i parë që mirëpres që nga marrja e detyrës dhe kjo nuk është rastësi. Dua të dërgoj një mesazh shumë të qartë: jemi 100% me Ukrainën dhe unë personalisht jam 100% me ju. Do ta respektojmë çdo zotim që Britania i ka dhënë Ukrainës”, tha Burnham, raporton Euronews, transmeton Sinjali.

Takimi u zhvillua në bordin e aeroplanmbajtëses HMS Queen Elizabeth, ku u diskutua edhe nevoja urgjente e Ukrainës për më shumë raketa interceptuese për t’u mbrojtur nga sulmet balistike ruse, si dhe zgjerimi i prodhimit të përbashkët të dronëve.

Nga ana e tij, Zelensky tha se marrëdhëniet mes Ukrainës dhe Britanisë janë “më të forta se kurrë” dhe bëri të ditur se synon ndërtimin e një fabrike të madhe për prodhimin e dronëve në Mbretërinë e Bashkuar.

Dy liderët vizituan gjithashtu mbi 200 ushtarë ukrainas që po marrin pjesë në një program stërvitor trejavor në Britani, ndërsa Zelensky pritet të udhëtojë të martën në Uashington për t’u takuar me presidentin amerikan Donald Trump.

Sinjali – aty ku e vërteta flet para lajmit!

/GazetaSinjali/

The post Burnham pret Zelenskyn në vizitën e parë si kryeministër: Britania është 100% në krah të Ukrainës appeared first on Sinjali.

Ish-sulmuesi i Barcelonës, Robert Lewandowski, refuzoi një ofertë marramendëse nga Arabia Saudite përpara se të largohej drejt Chicago Fire, ka zbuluar agjenti i tij, Pini Zahavi.

Në një intervistë për SportoweFakty, Zahavi tha se sulmuesi polak hodhi poshtë një kontratë dyvjeçare me vlerë 100 milionë euro në sezon, pasi dëshironte të vazhdonte karrierën te Barcelona.

"Në janar të vitit 2026, Roberti kishte në tavolinë një ofertë dyvjeçare me vlerë 100 milionë euro për sezon. Ai e refuzoi sepse donte të luante për Barcelonën", deklaroi Zahavi.

Laporta dhe Zahavi

Pas largimit nga klubi katalanas, për 37-vjeçarin shfaqën interes edhe Porto, Milani dhe Juventusi, por asnjëra prej këtyre lëvizjeve nuk u konkretizua.

Në fund, Lewandowski vendosi të vazhdojë karrierën te Chicago Fire, i bindur nga projekti i klubit dhe trajneri Gregg Berhalter. Ai firmosi një kontratë dyvjeçare, me vlerë rreth 40 milionë dollarë, duke u bërë futbollisti me pagën e dytë më të lartë në MLS, pas Lionel Messit.

Zahavi zbuloi edhe mesazhin prekës që presidenti i Barcelonës, Joan Laporta, ia përcolli në momentin e largimit të sulmuesit polak.

Laporta, Zahavi dhe Lewandowski

"I thuaj Robertit se e duam. Ai është pjesë e historisë sonë, njeriu që e shpëtoi Barcelonën", ishte mesazhi i Laportës. /Telegrafi/