❌

Normal view

There are new articles available, click to refresh the page.
Yesterday — 19 July 2026Social

Këto janë pamjet e motorrit me te cilin gazetari u aksidentua. Aksidenti ndodhi në plazhin e Porto Noves, në Zvërnec mbrëmjen e sotme. Gazetari mori l...

✇@a2_cnn - TikTok
By: @a2_cnn
20 July 2026 at 00:01

Këto janë pamjet e motorrit me te cilin gazetari u aksidentua. Aksidenti ndodhi në plazhin e Porto Noves, në Zvërnec mbrëmjen e sotme. Gazetari mori lëndime të rënda në kraharor dhe fatkeqësisht humbi jetën në spital. Në një reagim për ngjarjen Policia e Vlorës tha: Rreth orës 21:40, në zonën e Dajlanit, në Vlorë, në bregdet dhe jashtë zonës rrugore, ka ndodhur një ngjarje aksidentale me pasojë humbjen e jetës së shtetasit E. M., rreth 40 vjeç, banues në Vlorë (gazetar). Nga veprimet e para hetimore dyshohet se, duke lëvizur me një motomjet me katër rrota, ai ka humbur kontrollin mbi drejtimin e motomjetit, i cili është përmbysur. Si pasojë e përmbysjes, drejtuesi i motomjetit, shtetasi E. M., ka pësuar dëmtime të rënda trupore. Menjëherë pas marrjes së njoftimit, në vendngjarje kanë shkuar shërbimet e Policisë dhe autoambulanca. I dëmtuari është transportuar me urgjencë në Spitalin Rajonal Vlorë, ku, pavarësisht ndihmës së dhënë nga personeli mjekësor, ka ndërruar jetë. Në motomjet ndodhej si pasagjer shtetasi K. S., rreth 18 vjeç, i cili ka pësuar dëmtime të lehta pa probleme për jetën. Nga verifikimet paraprake rezulton se ngjarja aksidentale ka ndodhur jashtë zonës rrugore, në një sipërfaqe bregdetare, dhe nuk ka përfshirë mjete të tjera apo përdorues të rrugës. Grupi hetimor, nën drejtimin e Prokurorisë, po kryen të gjitha veprimet procedurale në vendngjarje për dokumentimin e plotë të rrethanave dhe përcaktimin e shkakut të kësaj ngjarjeje aksidentale. #a2cnn #lajmifundit #ndiqa2cnn #lajmeshqip

2318 views


💾

Before yesterdaySocial

Një tërmet i fuqishëm me magnitudë 7.4 ballë të shkallës Rihter ka goditur brigjet e shtetit jugor të Chiapas në Meksikë, duke shkaktuar alarm dhe par...

✇@a2_cnn - TikTok
By: @a2_cnn
19 July 2026 at 00:01

Një tërmet i fuqishëm me magnitudë 7.4 ballë të shkallës Rihter ka goditur brigjet e shtetit jugor të Chiapas në Meksikë, duke shkaktuar alarm dhe paralajmërime për cunami në rajon. Sipas Shërbimit Gjeologjik të Shteteve të Bashkuara (USGS), epiqendra e tërmetit ndodhej pranë qytetit bregdetar Puerto Madero, ndërsa lëkundja u regjistrua në një thellësi prej rreth 10 kilometrash. Thellësia e vogël e tërmetit ka bërë që lëkundjet të ndihen fuqishëm në zonat përreth. Menjëherë pas tërmetit, Sistemi i Paralajmërimit për Cunami i SHBA-së lëshoi një njoftim për rrezik potencial cunami përgjatë brigjeve të rajonit, ndërsa autoritetet monitorojnë situatën për valë të mundshme detare. Lëkundjet u ndjenë edhe përtej kufijve të Meksikës. Dëshmitarë të cituar nga “Reuters” raportuan se tërmeti u ndje në disa zona të Guatemalës dhe El Salvadorit, duke shkaktuar shqetësim te banorët.

398 views


💾

Autoritetet siriane kanë mohuar kategorikisht pretendimet e Iranit se ka kryer një sulm ndaj bazës amerikane në al-Tanf, pranë kufirit Siri–Jordani. B...

✇@a2_cnn - TikTok
By: @a2_cnn
19 July 2026 at 00:01

Autoritetet siriane kanë mohuar kategorikisht pretendimet e Iranit se ka kryer një sulm ndaj bazës amerikane në al-Tanf, pranë kufirit Siri–Jordani. Burime nga Ministria e Brendshme siriane i thanë Al Jazeera se nuk ka pasur asnjë sulm iranian në territorin sirian dhe se nuk është regjistruar asnjë incident në zonën e ish-bazës amerikane. Sipas të njëjtave burime, trupat amerikane janë tërhequr nga baza e al-Tanf që në shkurt të këtij viti, duke shtuar se aktualisht nuk ka prani të ushtarëve amerikanë në Siri. Më herët, Garda Revolucionare Islamike e Iranit (IRGC) deklaroi se kishte goditur sistemet e radarëve në al-Tanf, kishte shkatërruar disa helikopterë dhe kishte vrarë ushtarë amerikanë. Megjithatë, këto pretendime janë hedhur poshtë nga autoritetet siriane dhe nuk janë konfirmuar nga burime të pavarura, shkruan A2CNN. Pretendimet e Teheranit vijnë vetëm një ditë pasi autoritetet siriane njoftuan se kishin sekuestruar një ngarkesë të dyshuar armësh në kufirin Siri-Irak, e cila, sipas tyre, ishte destinuar për grupin Hezbollah në Liban. Në njoftimin zyrtar, qeveria siriane e cilësoi Hezbollahun si organizatë terroriste. #a2cnn #lajmifundit #ndiqa2cnn #lajmeshqip

1531 views


💾

❌
❌