Zjarri që u shfaq rreth 2 javë më parë në afërsi të liqenit të luleve në Lurë ka marrë përmasa të mëdha teksa ka kaluar deri në Zall Gjoçaj. Flakët kanë shkrumbuar deri tani dhjetëra hektarë pyje me pishë të zezë, ah e bimësi tjetër.

Megjithëse po punohet nga toka me dhjetëra forca të ADZM Dibër, Shërbimit Zjarrfikës të Bashkisë Dibër, Shërbimit Pyjor, punonjës të tjerë dhe forcat e armatosura, nuk është bërë e mundur neutralizimi i zjarrit.

Era e fortë dhe terreni i thyer malor kanë qenë në disfavor të grupeve të angazhuara për fikjen e zjarrit.

Flakët janë zhvendosur deri në Zall Gjoçaj ku rrezikojnë të djegin stanet e verimit të bagëtisë së imtë, gjedhëve dhe mbi 100 koshere bletësh.

Autoritetet vendore kërkojnë ndihmë nga ajri pasi është e pamundur që të neutralizohet zjarri në rrugë tokësore.

Duke qenë se në zonë ndodhen liqenet e Lurës, por në distancë të vogël edhe ato të malit të Balgjajt, ndërhyrja me helikopter nga ajri mund të jetë efektive në mënyrë që të mos rritet dëmi ekonomik në Parkun Kombëtar të Lurës.

The post Përkeqësohet situata me zjarret në Parkun Kombëtar të Lurës, kërkohet ndërhyrja nga ajri first appeared on JavaNews.al.

Këtë të shtunë Policia zbuloi një aktivitet të jashtëligjshëm në fabrikën “Master AL” në Vorë, pronë në cilën sipas QKB dhe njoftimit zyrtar të policisë rezulton ortak Skifter Tagani.

Në këtë fabrikë grumbulloheshin ushqime të skaduara nga tregje të ndryshme të vendit, kryesisht në qytete si Tirana, Elbasani dhe Durrësi por edhe nga jashtë Shqipërisë.

Sipas Policisë hetimet kanë vërtetuar se kjo fabrikë ishte përfshirë në manipulimin dhe shpërndarjen e ushqimeve të skaduara, të cilave u falsifikohej data e skadencës dhe më pas hidheshin përsëri për t’u shitur në treg.

Në ambientet e fabrikës u sekuestruan dhjetëra kilogramë produkte të përpunuara, të cilat sipas ekspertizës kishin skaduar që në janar të këtij viti.

Për këtë veprimtari policia ushtroi kontroll në ambientet e subjektit tregtar “Master AL”, dhe arrestuan ne flagrance Florenc Domi administrator i subjektit tregtar dhe Agim Domi magazinier pranë subjektit. Ndërsa Skifter Tagani vetëm është proceduar penalisht, edhe pse është pjesë e pronësisë së subjektit “Master Al”.

Por Skifter Tagani është edhe pronar i ANTER SHPK, për prodhim biskota dhe çokollata. /balkanweb/

The post Hidhte në treg ushqime të skaduara, procedohet penalisht pronari i një kompanie që prodhon çokollata e biskota first appeared on JavaNews.al.

Sekretari për Bujqësinë në Partinë e Lirisë, Edmond Panariti shprehet kundër ultimatumit për përjashtimin e fermerëve nga tregu nëse nuk fiskalizohen brenda 24 orëve, duke e quajtur një masë të padrejtë dhe të dëmshme për 90% të prodhuesve të vegjël dhe të mesëm, që janë të paidentifikuar dhe pa kapacitete fiskalizimi.
Ai thekson se ky formalizim i sforcuar i përjashton fermerët nga tregu, i ngarkon me TVSH 20%, i bën të pakonkurueshëm dhe i shtyn drejt falimentimit.

“Në rradhë të parë, i nxjerr ata në mënyrë të dhunshme nga tregu, një pjesë e tyre mbajnë familjet, por edhe kontribojnë në ekonominë familjare pikërisht me atë biznes të vogël dhe të mesëm, të cilët me këtë deklaratë ultimative synon ta nxjerrësh përfundimisht nga tregu. Ky është një dëm i madh që i bëhet prodhimit bujqësor shqiptar, prandaj dhe arsyeja e rrudhjes së sektorëve të bujqësisë është pikërisht përjashtimi dhe mospërkrahja e biznesit të vogël dhe të mesëm, qoftë me fonde të buxhetit të shtetit. Janë tashmë të përjashtuar edhe nga fondet e Bashkimit Europian dhe ajo që është më e dhimbshme, është që ngarkohen dhe me taksa e tatime sic është TVSH-ja me 20%, e cila e bën këtë prodhim të pakonkurueshëm.”, u shpreh Panariti.

Sipas tij, mungon një sistem grumbullimi i organizuar i prodhimeve, mbështetje nga buxheti i shtetit dhe fondet e BE-së. Ai kërkon që formalizimi të jetë i përfshirës, gradual dhe me mbështetje konkrete për prodhuesit e vegjël, për të ruajtur bujqësinë dhe për të frenuar importet që e dëmtojnë atë.

“Ne nuk jemi kundër formalizimit, përkundrazi është në interesin e të gjithë prodhuesve, por formalizimi duhet të jetë gjithëpërfshirës, nuk duhet të jetë përjashtues”, thotë ai.

The post Panariti: Të ndalet formalizimi i sforcuar! Ky proces i imponuar godet rëndë prodhuesin e vogël first appeared on JavaNews.al.

Këtë të shtunë pritet që kryetari i Lëvizjes Vetëvendosje, Albin Kurti, të zhvillojë takim me liderin e NISMËS, Fatmir Limajn, si përpjekje për të arritur një marrëveshje që do ta nxirrte vendin nga bllokada institucionale që zgjat prej muajit prill.

Nga partia e Limajt thonë se ai dhe NISMA janë alternativa e vetme për Kurtin.

“Ky është realiteti politik. NISMA dhe lideri Fatmir Limaj e kanë kuptuar që në fillim, andaj kemi zgjatur dorën e bashkëpunimit. Presim edhe nga lideri i LVV-së të tregojë vullnet.
Aktualisht alternativa e vetme është NISMA. Nuk ka ofertë tjetër – ne kemi ofruar bashkëpunim pa kushte: që ekzekutivi t’i takojë partisë fituese, ndërsa në krye të Kuvendit të jetë Limaj”, u shpreh Xhevahire Izmaku, deputete e NISMËS.

Ky takim pritet t’i paraprijë zhbllokadës, pasi në rast arritjeje të marrëveshjes, synohet që konstituimi i Kuvendit të bëhet në vazhdimin e se hënës.

Nga Lëvizja Vetëvendosje theksojnë se po vazhdojnë të jenë konstruktivë për të gjetur zgjidhje.

“Takimet me përfaqësues politikë, VV-ja po i zhvillon vazhdimisht – jo vetëm sot, por edhe dje, pardje dhe do t’i vazhdojmë edhe nesër. Le të shihet nga të gjithë kush është bllokuesi i vërtetë pas 50 tentativave për formimin e Kryesisë së Kuvendit”, tha Artan Abrashi deputet i LVV-së.

Në Partinë Demokratike të Kosovës ka qëndrime të ndryshme për votimin e Fatmir Limajt për kryeparlamentar, ndërsa nga Aleanca për Ardhmërinë e Kosovës thonë se nuk do ta votojnë atë.

“Mendoj që PDK-ja do të votojë Fatmir Limajn për kryeparlamentar. Ai ka treguar një virtyt që e vlerësoj shumë. Për të mbajtur një pozitë shtetërore, mendoj që njeriu duhet ta dojë këtë vend – edhe nëse nuk di, ka këshilltarë që mund ta mësojnë. Mendoj se Limaj e do këtë vend”, tha Jakup Nura, deputet i PDK-së.

“Nuk kam votë për Fatmir Limajn. Ai nuk e meriton votën time. Kam deklaruar që para fushatës kanë folur shumë rëndë për Albinin, e pas fushatës po e vlerësojnë”, Nait Hasani, deputet i PDK-së.

“Edhe nëse ata arrijnë dakordësim, votën time Limaj nuk do ta ketë. Ne kemi dhënë propozimet tona – cilido prej VV-së që nuk është i angazhuar në ndonjë ministri, do ta votonim. Por Limajn jo”, Lahi Brahimaj, deputet i AAK-së.

Kuvendi i Kosovës nuk është konstituar tash e tre muaj. Afati i fundit për këtë proces, sipas vendimit të Gjykatës Kushtetuese, është data 26 korrik.

The post Fatmir Limaj, kryeparlamentar? Sot takimi mes kreut të Nismës dhe kryeministrit Kurti për zgjidhjen e krizës first appeared on JavaNews.al.

Aksioni për lirimin e hapësirave publike ka degraduar në përplasje fizike në fshatin Tushemisht në Pogradec. Jetmir Muçollari pronar i “Hotel Driloni”, ka dhunuar kryetarin e fshatit, i cili i ka kërkuar lirimi e hapësirës të zënë prej tij.

Ndërkohë, që operacioni është shtrirë në të gjithë vendin, 52 vjeçari ka zgjeruar aktivitetet e tij në fshatin turistik, duke zaptuar hapësirat deri në prishjen e urave në parkun e Drilonit, duke sjellë ankesa tek banorët e zonës.

Mësohet se Ilirjan Tasellari në cilësinë e kryetarit të fshatit i ka kërkuar Muçollarit të heqë tavolinat e vendosura prej tij në urat e drurit në parkun e Drilonit.

Por, 52 vjeçari ka kundërshtuar lirimin e hapësirës, ndërsa bahskë me të birin Johan Muçllari kanë përdorur dhunën. Në këto pamje shihet momenti kur at e bir, dhunojnë kryetarin e fshatit Ilirjan Tasellari, ndërsa në konflikt janë përfshirë edhe persona të tjerë.

Në lidhje me këtë ngjarje, policia ka sqaruar se kanë nisur procedimin penal ndaj personave të përfshirë në konflikt për motive pronësie.

Babë e bir, Jetmir dhe Johan Muçollari janë emra të njohur në zonën e Pogradecit për përplasjet e tyre. Dy vite më parë, Johan Muçollari i është bërë atentat. Po ashtu disa vite më parë, hotel Voloreka në pronësi të familjes Muçollari ishte shënjestër e plumbave.

The post I kërkoi të lirojë hapësirat e zaptuara në parkun e Drilonit, “i forti” i Pogradecit dhunon kryeplakun first appeared on JavaNews.al.

Pa llogaritur pajisjet kompjuterike, gjatë tre viteve të fundit SPAK ka kryer këqyrjen dhe kontrollin e 978 aparateve celularë të sekuestruar për hetime të ndryshme, kryesisht për persona nën hetim për korrupsion dhe krim të organizuar.

Shifra është e dhënë zyrtare e prokurorisë së posaçme, që nuk ka përjashtuar nga hetimet edhe qytetarë që kanë dijeni apo që kanë komunikuar me shtetas nën hetim dhe që është vlerësuar se të nga këto biseda do të përftoheshin detaje me interes për hetimet e mëtejshme.

Mes ish-zyrtarëve të lartë madje edhe politikanë, telefonat e të cilëve kanë qenë çelësi që kanë zbërthyer dosjet penale, ka edhe të dyshuar të cilët rezultojnë se komunikonin me funksionarë apo përmendnin emrat e tyre dhe ndaj telefonat e tyre janë bllokuar.

Një ndër to është rasti Onejda Ymeraj e cila kërkon kthimin e telefonit të marrë nga SPAK mbasi aty ka të regjistruar të gjithë numrat e kontaktit që i duhen për punën e saj.

Padia, siç rezulton në gjykatën kushtetuese ka kaluar në seancë plenare dhe bëhet fjalë për sekuestrimin e telefonit të Ymeraj, dy vjet mbas hetimeve të hapura ndaj, ish-zv.kryeministrit Arben Ahmetaj. Onejda Ymeraj rezulton e pyetur si person që ka dijeni në shkurt 2024 dhe në të njëjtën ditë asaj i është kërkuar këqyrja e telefonit e më pas sekuestrimi.

Argumenti I SPAK rezulton nga aktet që ishte përmendja e ish funksionarit nën hetim. Por rezulton nga vendimet e mëpasshme se gjykatat nuk e morën parasysh kthimin e telefonit të paditëses e cila ka si argument faktin që në telefon ka kontakte që i nevojiten për përditshmërinë.

Kjo çështje është në kushtetuese dhe nuk bëhet më fjalë për një telefon, por për një praktikë.

The post Sekuestroi 978 celularë në 3 vitet e fundit, praktika e SPAK ankimohet në Gjykatën Kushtetuese first appeared on JavaNews.al.

Skuadra e Policisë së Bolonjës arrestoi një 34-vjeçar shqiptar për posedim të mbi 11 kilogramëve kokainë dhe një arme. 34-vjeçari, i cili kishte qenë nën mbikëqyrje për njëfarë kohe, ishte dënuar tashmë me 14 vjet burg për vrasjen e një muratori rumun 25-vjeçar në Bolonjë më 26 shtator 2011.

Për këtë krim dhe për shfrytëzim prostitucioni, 34-vjeçari kishte qenë në burg “nga viti 2011 deri në maj 2024”, sipas Shtabit të Policisë. Hetuesit monitoruan lëvizjet e burrit dhe më pas vendosën të kontrollonin shtëpinë e tij në Castel dei Britti, një fshat i vogël i San Lazzaro di Savena, në zonën e Bolonjës.

Në bodrum u gjet një çnatë që përmbante 10 blloqe kokaine, me peshë 11.405 kilogramë, dhe një pistoletë Arminius 38 Special të fshehur në një furrë të integruar, i cili u vodh në provincën e Sienës në nëntor 2022. Brenda çantës ishte edhe një çorape që përmbante 23 fishekë.

The post U kap më 11 kg kokainë dhe një pistoletë, arrestohet në Itali 34-vjeçari shqiptar i dënuar më parë për vrasje first appeared on JavaNews.al.

Qumështi i fermerit të vogël që shitet në trotuare në formë ambulante nuk është i sigurtë, sepse për të mbërritur deri këtu, kësaj shisheje plastike i është dashur të udhëtojë 12 orë që nga koha e mjeljes.

Mbatja e qumështit larg kushteve frigoriferikë krijon ambientin ideal për microbe të dëmshme.

“Duhet të keni parasysh që ai ka pësuar një rrugë të gjatë nga momenti që është mjelë në fermë që mund të jetë marrë në darkë ose në mëngjes, kjo kohë gjithmonë krijon kushte për shumimin e mikroorganizmave të dëmshme dhe natyrisht nuk është i mbajtur në kushte higjienike që është i vendosur në shishet plastike. Ndërkohë transportohet sidomos në këto temperature kaq të rrezikshme kuptohet që gjithçka ndodh në atë qumësht”, tha Lumturi Papa, pedagoge e UBT.

Shumë qytetarëbkëtë qumësht e blejnë me mendimin se ky është më i sigurt se sa ai që shitet në markete, dhe kjo jo për faj të konsumatorit, por të fabrikave të cilat jo gjithmonë tregohen të ndershme me përmbajtjet e qumështit.

Një qumësht i pa ambalazhuar mund të sigurojë shijen e dhe aromën e mirë të fshatit, por jo shëndetin.

“Mbart rreziqe të ndryshme pasi mban toksikacione ushqimore si infeksione si salmonela, ech.coli shigelozat që vijnë me origjinë nga qumësht”, u shpreh Kapllan Sulaj, pedagog i UBT.

Jo gjithmonë temperaturat e larta shkatërrojnë toksinat, në shumë raste ato gjithashtu asgjësojnë dhe vlerat ushqyese të këtij produkti.

“Zierja është një proces termik dëmton dhe ul përqindjen e proteinave, duke i denatyruar ato, ulet vlera neturive e qumështit”, tha pedagogu.

Formalizimi dhe gjurmueshmëria e produkteve blegtoriale dhe bujqësore është një detyrim që BE i ka vendosur Shqipërisë për tu bërë pjesë e familjes europiane. Deri më tani vendi ynë e ka të ndaluar të eksportojë produkte me origjinë shtazore për konsum human, pasi qumështi, djathi apo mishi ynë cilësohen si të pasigurta për qytetarët e europian./TCH

The post “12 orë transport jashtë frigoriferit, bëhet i rrezikshëm”, ekspertët flasin për rrezikun nga qumështi ambulant first appeared on JavaNews.al.

Në vijim të planit të masave për mbrojtjen e mjedisit në zonat turistike, si dhe në zbatim të bashkëpunimit ndërinstitucional për kontrollin dhe ndëshkimin e shkeljeve mjedisore, strukturat e Drejtorisë Vendore të Policisë Vlorë, konkretisht të Stacionit të Policisë Dhërmi, në bashkëpunim me Task-Forcën e Agjencisë Kombëtare të Ujësjellës-Kanalizimeve, ushtruan verifikime në një subjekt hotelier në fshatin Dhërmi.

Gjatë kontrollit të ushtruar më datë 18.07.2025, u konstatua se impianti i trajtimit të ujërave të ndotura i këtij hoteli ishte jashtë funksionit dhe si pasojë, një pjesë e ujërave të ndotura derdhej në një përrua pranë objektit, duke shkaktuar ndotje të ambientit përreth.

Në përfundim të veprimeve, specialistët për Hetimin e Krimeve në Stacionin e Policisë Dhërmi referuan materialet në Prokurori dhe nisën procedimin penal, në gjendje të lirë, për administratoren e hotelit, shtetasen E. M., 46 vjeçe, banuese në Vlorë, për veprën penale “Ndotja e ajrit, ujërave dhe tokës”, parashikuar nga neni 201 i Kodit Penal.

Ndërkohë, nga ana e Task-Forcës së Agjencisë Kombëtare të Ujësjellës-Kanalizimeve, Tiranë, u vendos masë administrative ndaj subjektit, për shkeljen e konstatuar.

The post Ndotën mjedisin nga shkarkimi i ujëravë të ndotur të hotelit, procedohet administratorja në Dhërmi first appeared on JavaNews.al.

Kreu i Partisë Demokratike, Sali Berisha publikoi një denoncim në lidhje me pagesat e munguara për policët e burgjeve.

Mesazhin e publikuar nga Berisha, një efektiv policie denoncon ministrin e Drejtësisë Ulsi Manja për mungesën e pagave për orët e natës por edhe probleme të tjera që kanë në “burgun 313”.

Reagimi i plotë nga Sali Berisha:

Denoncohet Uluzi Mashtruesi.

Lexoni denoncimin e policit dixhital.

I nderuar Profesor Doktor Sali Berisha,po ju sjell nje menxyre nga I.E.V.P 313 Jordan Misja u trumbetua me te madhe per rritje Pagash por ministri genjeu se ne na kane vjedhur jo vetem rritje nuk shijuam por oret e nates nuk na jane paguar edhe pse kemi punuar ne kushte vdekjeprurese me mbi 50 grade e mungese oksigjeni ,me arsyetimin per mungese fondesh na kane privuar pagesen e veshtersise per te psgusr gjoja shtesen e pages nga e cila kane perfituar patronazhistet e Administrates dhe policet qe sherbejne ne turnin e pare me kondicioner e klima me leket tona te veshtersise dhi diteve te teperta te punes ju lutem beje publike por pa permendur emrin pasi na kane kercenuar me largime nga puna thuhet qe per muajn Shtator nuk ka fond per te paguar dhe pagat se kane konsumuar fondin e pagave per uniforma me kosto 3500 e per polic. Me respekt.

The post “Më kërcënuan”/ Berisha: Ulsi Manja nuk u jep pagesat e munguara policëve të burgjeve first appeared on JavaNews.al.

Policia greke ka arritur të zbardhë atentatin ndaj një shtetasi turk ndodhur në 13 korrik në Athinë.

Në prangat e policisë ka rënë një 22-vjeçar shqiptar nga Vau i Dejës, i cili kishte funksionuar nën urdhrat e një tjetër turku të arrestuar për 6 vrasje.

Ngjarja ndodhi në 13 korrik në lokalin “Filloas” në rrugën “Tripoleos” në Athinë, ku nga të shtënat me armë zjarri mbeti i plagosur 48-vjeçari turk Volkan Ertas dhe polici grek Dh. P, bashkëshorti i pronares së lokalit. Ndaj turkut, i cili ishte shënjestër i atentatit, u qëllua 4 herë me pistoletë. Një plumb kapi atë dhe një tjetër kapi rastësisht policin grek, duke mbetur të dy të plagosur.

Viktima e atentatit zbuloi për policinë se kishte shkuar aty, pasi shtetasi turk i burgosur Suleyman Dalgic, i kishte thënë se do të merrte një automjet nga një person, si shkëmbim i një borxhi që i kishte. Personi i panjohur që do takonte, i ka kërkuar Ertas ta ndiqte dhe ky i fundit, ndoshta duke ndjerë rrezik, ka devijuar rrugën duke u futur në lokal. Pikërisht aty, ndaj tij është hapur zjarr.

Pas hetimeve dhe dëshmive, policia identifikoi si autor të tentativës së vrasjes, shtetasin shqiptar Alesio Biba, 22 vjec, nga Vau i Dejës. Gjatë tentativës për arrestimin e tij, Biba, në sy të policëve, hodhi në tokë dhe theu telefonin celular. Gjatë kontrollit të banesës, atij iu gjetën dhe sekuestruan arma e krimit, 1 pistoletë “Grand Power MK7” me një krehër me 15 fishekë, 1 krehër pa fishekë, 29 fishekë, 1 fishek “Luger”, 1 celular “Samsung”, 4 paketa të katër numrave celularë, 1 letër A4 me udhëzime për GPS Tracker makinash dhe 1 kartë SIM.
Gjatë marrjes në pyetje, Biba ka deklaruar se ishte pikërisht ai autor i ngjarjes dhe kishte si synim vetëm të plagoste Volkan Ertas.

Sipas policisë greke, urdhëruesi i ngjarjes, Suleyman Dalgic, ndodhet në burgun e Larisas, i dënuar me burgim të përjetshëm për vrasjen e 6 shtetasve turq në tetor 2023 në Artemida të Greqisë. Gjatë kontrollit të qelisë së tij, nuk u gjet asnjë send i paligjshëm. 6 turqit ishte pjesë e grupit kriminal mafioz “Daltons” në Turqi. Dalgic akuzohet se është personi që i ka nxjerrë ata në pritë.

The post Plagosi dy persona për llogari të mafias turke, kapet në Athinë vrasësi shqiptar me pagesë first appeared on JavaNews.al.

Një statistikë e realizuar nga Eurostat, ka renditur Shqipërinë ndër vendet me nivelin më të ulët të përgatitjes digjitale në Europë. Vetëm gjysma e të rinjve shqiptarë, zotërojnë aftësi digjitale bazë, shumë poshtë nga mesatarja e BE-së, rreth 71%.

Në lidhje me këtë temë psikologia Enertila Bekteshi në një lidhje të drejtëpërdrejtë tha për Report Tv se prindërit dhe shkolla janë dy nga faktorët kryesorë se si të rinjtë përdorin internetin.

“Fillesa për këtë gjë është në shkolla, në institucione dhe ne kemi një mungesë edukimi. Moskoordinimi i institucionit të shkollës dhe pastaj roli i pjesës së familjes i bën këta fëmijë që ta përdorin internetin në mënyrë të gabuar. Ne nuk dimë të bëjmë kërkim, nuk dimë të përdorim hapësirat e botës së internetit. Inteligjenca Artificiale po përdoret në mënyrë të gabuar nga të rinjtë. Në Shqipëri kemi programe, platforma, por mungon pjesa e edukimit. Vëmë re që në institucionet e arsimimit, jo të gjithë profesorët janë profesorë që kanë mbaruar një shkollë për dhënien e IT”, tha Bekteshi.

Më tej ajo theksoi se shpeshherë është përballur me të rinj që nuk dinë ta shfrytëzojnë internetin, për shembull pë të bërë një punë.“Jo pak herë unë kam pasur të rinj që nuk dinë të gjejnë një vend pune ose se si ta shfrytëzojnë hapësirën e internetit. Për të qenë të marketuar ose për të bërë një punë reale nëpërmjet internetit, pasi nuk kanë drejtimin e duhur. Edhe pandemia i ka lënë pak pasiv njerëzit pas përdorimit të rrjeteve sociale. Atë kohë e shfrytëzonim vetëm për fotografi apo për të hedhur gatime”, tha ajo.

Bekteshi nënvizoi se prindërit duhet të jenë shumë të kujdesshëm në mënyrën sesi fëmijët e tyre e përdorin internetin.

“Pjesa më e kontradiktore e imja me prindërit qëndron në atë që unë i them që mos e kushtëzo duke ia hequr ti telefonin sepse, një edukim i mirë nuk shërben, nuk shërben aq mirë sa ndëshkimi që ti i jep fëmijës, pra i gjithë çelësi i një komunikimi të mirë prind-fëmijë për çështjen e telefonit qëndron në pjesën e marrëveshjes, në pjesën e edukimit apo qoftë të vendosjes së limitit apo të filtrave që në aplikacion ekzistojnë.

Detyra e prindit nuk është aq e lehtë. Ti duhet ta bindësh dhe duhet ta stimulosh, duhet ta vësh në punë. Ka një sërë procesesh që ti ta bësh një njeri aktiv. Nëse një prind i mirë e saktëson kohën e përdorimit të tabletit, të kohës që mund t’i kushtosh fëmijës. Nëse është një prind që nuk i kushton fëmijës kohë dhe i jep atij Ipad në dorë për të për të lehtësuar veten e tij, atëherë nuk është absolutisht, faji i fëmijës është faji i prindërve” u shpreh psikologia.

Në fund por jo më pak e rëndësishme ajo tha se njerëzit ndikohen shumë nga bota virtuale e veçanërisht nga TikTok.

“Jeta është bërë shumë virtuale dhe njerëzit shpërqëndrohen, fokusohen në pjesën e gjërave që interpretohen thjesht nga interneti dhe krijojnë atë monotoninë, atë varësinë. Truken aty tek ajo pjesë e imazhit të bukur, mundohen, përpiqen për të qënë ashtu dhe sigurisht që kjo shkakton ankth. Për fat të keq, kjo po shihet edhe tek moshat e mëdhaja, jo vetëm tek fëmijët, por edhe te moshat e rritura, gati gjashtëdhjetë vjeç. TikToku ka shfaqur fenomene të mosha të mëdhaja që dalin jashtë kornizave të pjesës së edukimit. Për mua ato janë pjesë e çrregullimeve dhe e vetmisë, e shumë episodeve pastaj që kanë në lidhje me shëndetin mendor”, theksoi ajo.

The post Në ‘kurthin’ e internetit/ Psikologia: Fëmijët dhe të rinjtë ndjekin modelet e ‘VIP’-ave të TikTok! first appeared on JavaNews.al.

The post Aksident i trefishtë në Maliq, dy persona të plagosur first appeared on JavaNews.al.

Stina e verës dhe temperaturat e larta që e shoqërojnë atë kanë rritur edhe rastet e helmimeve ushqimore.  Mjekët theksojnë rrezikun e shtuar nga problemet gastrointestinale, sidomos gjatë udhëtimeve dhe qëndrimeve në plazh.

“Gjatë verës rriten rastet me helmime ushqimore dhe shqetësime të traktit tretës, për shkak të konsumit të ushqimeve të pakontrolluara ose të ruajtura në mënyrë jo të duhur”, tha dietologia Arlinda Garuci.

Mjekët dietologë tërheqin vëmendjen për më shumë kujdes të shtuar vecanërisht me produktet e bulmetit dhe ushqimet të cilat konsumohen të pagatuara.

“Duhet të kemi kujdes më së shumti me produktet krudo, produktet e peshkut sepse temperaturat e larta mund të krijojnë dhe bakteret siç është salmonela. Bulmeti, qumështi, kosi, djathi, veza gjithashtu nëse konsumohen gjatë periudhës së verës bëhen më të rrezikshme për një helmim”, tha dietologia Arlinda Garuci.

Bluzat e bardha japin disa këshilla në këtë periudhë të nxehtë vere për të shmangur helmimet nga ushqimet.

“Duhet të fokusohemi te produktet që na japin një hidratim të mirë siç është jo vetëm uji, por gjithashtu dhe fruta dhe perime të kësaj stine. Kosin, mishin e bardhë, peshkun, mishin e pulës, dhe gjithashtu proteinat bimore. Gjithashtu e mira është që të konsumojmë ushqime të lehta për organizmin për t’i tretur për të mos lodhur organizmin. Pra larg të skuqurave, alkoolit pasi janë produkte që na dehidratojnë. Një borsë frigoriferike dhe të marin ushqime që konsumohen shpejt jo të lihen me orë të gjata”, tha dietologia.

Temperaturë e lartë,  të përziera e të vjella, dhimbje koke, marramendje, dhimbje stomaku janë vetëm disa nga simptomat më të zakonshme të helmimeve nga ushqimet.

The post Rreziku i helmimit nga ushqimet, mjekët: Kujdes nga produktet e bulmetit dhe ushqimet e gatshme first appeared on JavaNews.al.

The post Spiropali takon babanë e një prej pengjeve të mbajtur nga Hamasi, Ambasadorja e Izraelit: I dhatë shpresë për kthimin e të birit në shtëpi first appeared on JavaNews.al.

The post 99% e të rinjve shqiptarë online çdo ditë, por gjysma pa njohuri digjitale first appeared on JavaNews.al.

The post Makina merr para turmën me njerëz në Los Anxheles, 20 të plagosur, 10 prej tyre në gjendje të rëndë first appeared on JavaNews.al.

The post Gazetari: Bankers, plaçkitja më e madhe që nga pushtimi romak, të implikuar ish-ministra dhe oligarkë first appeared on JavaNews.al.

The post Kumbaro me ministren e Turizmit të Malit të Zi: Zgjerim i bashkëpunimit në shërbim të flukseve turistike first appeared on JavaNews.al.

The post Princ Leka drejt martesës së dytë me fotografen, çifti planifikojnë ceremoni private first appeared on JavaNews.al.