Ditën e sotme, është zbuluar një aktivitet i rëndë kriminal në fabrikën “Master AL”, pronë e Skifter Taganit në qytetin e Vorës.

Skifter Tagani, grumbullonte ushqime të skaduara nga tregje të ndryshme të vendit, kryesisht në qytete si Tirana, Elbasani dhe Durrësi, por edhe nga jashtë Shqipërisë, të cilat më pas i dërgonte në magazinën e tij në Vorë.

Hetimet tregojnë se kjo fabrikë ishte përfshirë në manipulimin dhe shpërndarjen e ushqimeve të skaduara, të cilave u falsifikohej data e skadencës dhe më pas hidheshin përsëri për t’u shitur në treg.

Në ambientet e fabrikës u sekuestruan dhjetëra kilogramë produkte të përpunuara, të cilat sipas ekspertizës kishin skaduar që në janar të këtij viti.

Pavarësisht këtij skandali dhe raportimeve të shumta të qytetarëve për produkte jocilësore të blera në markete të ndryshme, policia “mbyll sytë” pasi Skifter Tagani vetëm është proceduar penalisht, pa u marrë masa më të rënda ndaj tij.

Më rëndë e kanë pësuar punonjësit e magazinës. Florenc Domi dhe Agim Domi, të cilët mbanin detyrën e administratorit dhe magazinierit, respektivisht, janë ndaluar për hetime të mëtejshme.

Po ashtu, është proceduar edhe një shofer i fabrikës, 58-vjeçari me inicialet A.D.

Ngjarja ka ngjallur reagime të shumta nga qytetarët, të cilët prej kohësh kishin ngritur shqetësime për cilësinë e produkteve në disa markete të vendit.

Tashmë mbetet në dorën e drejtësisë që të japë një mesazh të qartë, për rastet e tilla që rrezikojnë shëndetin publik.

Pamjet nga aksioni i policisë:

Çfarë njofton policia?

Operacioni policor i koduar “Siguria Ushqimore”, çoi në sekuestrimin e sasisë prej 716 kolish dhe dhjetëra kilogramësh mallra ushqimore të përpunuara, me afat skadence të falsifikuar.

“Zbulohet në Vorë një magazinë ku falsifikoheshin etiketat e produkteve ushqimore të skaduara, të cilat më pas hidheshin sërish në treg. Sekuestrohen sasi të mëdha mallrash ushqimore të përpunuara të skaduara në muajin janar dhe shkurt me etiketa skadence të falsifikuara. Arrestohen në flagrancë administratori i magazinës dhe magazinieri. Procedohen penalisht ortaku dhe shoferi i magazinës. Në kuadër të planit të masave për kontrollet në magazina, dyqane dhe supermarkete, me qëllim parandalimin e tregtimit të produkteve ushqimore të skaduara, u finalizua operacioni “Siguria Ushqimore”.

Si rezultat i operacionit u arrestuan në flagrancë shtetasit F. D., 38-vjeç, administrator i subjektit dhe A. D., 58-vjeç, magazinier. U proceduan penalisht shtetasit S. T., 56-vjeç, ortaku i subjektit dhe A. D., 36- vjeç, shofer i magazinës. Nga hetimet rezultoi se subjekti me aktivitet import-eksport dhe tregtim të produkteve industriale dhe ushqimore, grumbullonte produkte të skaduara nga tregje të ndryshme në Tiranë, Durrës e Elbasan, u falsifikonte datat e skadencës dhe i hidhte sërish në treg, pa dokumentacion tatimor.

Gjatë operacionit u sekuestruan në cilësinë e prova materiale 716 koli dhe dhera kilogramë me mallra ushqimorë të përpunuara që kishin afatin e skadencës në janar dhe shkurt 2025 dhe afati i skadencës ishte falsifikuar me qëllim rihedhjen në treg për shitje”, njofton policia.

Materialet procedurale i kaluan Prokurorisë së Juridiksionit të Përgjithshëm Tiranë, për veprime të mëtejshme për veprat penale “Shkelja e të drejtave të pronësisë industriale”, “Falsifikimi i vulave, stampave ose formularëve”, “Fshehja e të ardhurave”, “Mospagimi i taksave dhe tatimeve”, “Punësim i paligjshëm” dhe “Importi, prodhimi, shitja, ruajtja e ushqimeve të rrezikshme për shëndetin ose jetën e njerëzve”.

The post Ky është Skifter Tagani që grumbullonte ushqime të skaduara dhe falsifikonte etiketat për t`i hedhur në treg appeared first on Albeu.com.

Teksa javët e fundit po flitet gjithnjë e më shumë për ish-bashkëshorten e tij, Xhensila Myrtezaj dhe lidhjen e saj me Ledri Vulën, edhe aktori i humorit Besart Kallaku, nuk humb kohë.

Tashmë që divorci ka përfunduar dhe ai i është rikthyer jetës në krye të angazhimeve si sipërmarrës dhe artist, ka gjetur kohë edhe për dashuri.

Në rrjetet sociale, ditët e fundit ka qarkulluar lajmi se edhe aktori i dashur për publikun ka nisur një lidhje të re.

Miqtë dhe bashkëpunëtorët që i rrinë pranë, janë shumë diskret teksa flasin për detaje nga jeta e tij private.

Megjithatë, një gjë është e sigurt, që vajza e re krah Besit, nuk është e famshme.

Mesa duket, pas ndarjes nga Xhensila dhe ekspozimit të madh që i është bërë këtij divorci, Besi ka hequr dorë nga vajzat e famshme, për të shijuar një romancë diskrete sa më larg syve të publikut.

Nëse i hedhim një sy rrjeteve sociale, asgjë nuk ka ndryshuar për aktorin, pasi në postimet e tij, nuk ka asnjë gjurmë nga partnerja e re, duke zgjedhur që të postojë për projektet që sjell, apo edhe nga jeta si baba.

Ndaj nuk e dimë nëse kjo lidhje është diçka e rëndësishme për të, apo një njohje në fillimet e saj.

Ajo që dimë me siguri është fakti se Besi preferon që këtë herë, jetën private ta mbajë larg vëmendjes së publikut.

Ndarja e vështirë e Besit dhe Xhensilës, u konfirmua edhe njëherë, javën e shkuar, kur vajza e tyre festoi ditëlindjen.

Ajkës i janë organizuar dy festa, njërën të cilën e ka festuar krah të atit dhe të afërmve të tjerë, dhe një festë ditën e nesërme, teksa shihet pranë këngëtares, e cila e ka suprizuar me një festë me animator brenda në shtëpinë e tyre.

Ndonëse Bes Kallaku dhe miqtë e tij kanë publikuar momente nga festa e madhe që i është organizuar vogëlushes, Xhensila ka postuar një urim të veçantë për Ajken teksa falenderon zotin që e ka sjellë në jetën e saj.

Megjithëse jo me të dy prindërit bashkë, duket qartë që Ajka i ka shijuar në maksimum të dyja festat ku shihet pranë miqve të vegjël, personazheve të ndryshme televizivë si edhe pranë familjarëve më të dashur të saj.

Divorci i çiftit Bes Kallaku dhe Xhensila Myrtezaj, ka qenë një ndër lajmet që kanë bërë bujë të madhe në mediat rozë.

Në vendimin e datës 23 dhjetor të vitit të kaluar, Gjykata e Tiranës, ka vendosur që aktori i njohur t’i japë këngëtares nga 50 mijë lekë për secilin fëmijë, pra 50.000 lekë për Ajkën dhe 50.000 për Amen.

“I padituri Besart Kallaku detyrohet të paguajë detyrimin për ushqim për fëmijët e tij të mitur në masën 50,000 (pesëdhjetë mijë) lekë në muaj për secilin prej tyre, detyrim ky që fillon nga data e ngritjes së padisë datë 16.05.2024”, thuhet në vendimin e Gjykatës.

Ndërsa këngëtarja do të kujdeset për rritjen dhe edukimin e dy fëmijëve të tyre Sipas vendimit Bes Kallaku, ka të drejtë t’i marrë dhe t’i takojë fëmijët disa herë në muaj gjatë fundjavës, si dhe 15 ditë për pushime në muajin gusht dhe dhjetor.

“I padituri Besart Kallaku, ka të drejtë të marrë dhe të takojë fëmijën e tij të mitur, Ajka Kallaku, fundjavat e para dhe të treta të çdo muaji, nga dita e premte pas përfundimit të procesit mësimor, duke e marrë atë nga shkolla, deri ditën e dielë ora 18:00 dhe java e dytë dhe të katërt të çdo muaji ditën e mërkurë dhe të premte, pas përfundimit të procesit mësimor duke e marrë atë nga shkolla deri në orën 17:00”.

The post Pas divorcit me këngëtaren Xhensila Myrtezaj, Bes Kallaku nis lidhjen e re! Historia diskrete e dashurisë, aktori heq dorë nga… appeared first on Albeu.com.

Real Madridi, ka shpenzuar plot 180 milionë euro këtë verë për të siguruar katër përforcime të rëndësishme: Alexander-Arnold, Carreras, Huijsen dhe Mastantuono.

Por, pavarësisht këtyre lëvizjeve, madrilenët nuk janë të ngopur dhe kërkojnë ende përforcime, sidomos në mesfushë.

Trajneri i ri, Xabi Alonso, ka kërkuar nga presidenti Florentino Perez një mesfushor me emër të madh, sidomos pas largimit të Luka Modric dhe dëmtimit të Jude Bellingham, i cili pritet të mungojë për tre muaj pas një operimi në shpatull.

Sipas raportimeve të gazetës Sport, tekniku spanjoll ka hartuar një listë dëshirash me emra të mëdhenj, ku përfshihet edhe mesfushori i Interit, Nicolò Barella, së bashku me Vitinha, Rodri, Enzo Fernandez dhe Alexis Mac Allister.

Megjithatë, këto pista duken të paarritshme për momentin, për shkak të çmimeve të larta, që shkojnë mbi 100 milionë euro, një shifër që Real Madridi nuk është i gatshëm të paguajë pas investimeve të deritanishme.

Një alternativë më e përballueshme financiarisht është Angelo Stiller, mesfushor i Stuttgart, i vlerësuar rreth 40 milionë euro nga klubi gjerman.

Por kjo zgjedhje nuk duket se e bind plotësisht Xabi Alonson, i cili është i shqetësuar nga forma e skuadrës, veçanërisht pas humbjes 4-0 nga PSG, që i kushtoi eliminimin nga Kupa e Botës për Klube.

The post Real Madrid kërkon një emër “big” në mesfushë, ja yjet e përfolur appeared first on Albeu.com.

Pedagogia Albana Kullolli Kastrati, është ndarë nga jeta pas një beteje të gjatë me një sëmundje të rëndë.

Lajmin e hidhur e ka bërë të ditur bashkëshorti i saj, Agron Kastrati, i cili njoftoi edhe për detajet e ceremonisë mortore që do të zhvillohet në orët në vijim.

Albana Kullolli, ishte një emër i njohur në fushën akademike. Ajo përfundoi studimet në vitin 2004 në Universitetin “Luigj Gurakuqi” të Shkodrës, në Fakultetin Ekonomik, dega Financë–Kontabilitet.

Menjëherë pas diplomimit, nisi rrugëtimin e saj profesional si pedagoge në të njëjtin institucion ku kishte studiuar.

Më pas, ajo vijoi kualifikimet në Universitetin e Tiranës, ku u diplomua në fushën e Kontabilitetit, ndërsa në vitin 2017 mbrojti gradën shkencore “Doktor i Shkencave”.

Në të njëjtin vit, nisi angazhimin edhe si eksperte pranë Observatorit për të Drejtat e Fëmijëve në Shkodër, ku kontribuoi në mënyrë aktive në projekte të ndryshme sociale dhe kërkimore, duke dhënë një ndihmesë të çmuar për komunitetin.

Largimi i saj lë një boshllëk të madh në radhët e kolegëve, studentëve dhe të gjithë atyre që e njohën përkushtimin dhe profesionalizmin e saj.

The post E trishtë/ Vuante nga një sëmundje e rëndë, ndahet nga jeta në moshë të re pedagogia e njohur (EMRI+FOTO) appeared first on Albeu.com.

Qeveria ka miratuar zyrtarisht indeksimin me 9.3% të bazës së vlerësuar të vitit 2023, e cila do të përdoret për llogaritjen e pensioneve të reja, që do të caktohen nga 1 janari 2025 e në vazhdim.

Ky zhvillim, vjen pas miratimit të Vendimit të Këshillit të Ministrave nr. 404, datë 16.7.2025, i cili synon të mbrojë vlerën reale të kontributeve të qytetarëve në kushte inflacioni dhe ndryshimesh ekonomike.

Në pikën 1 të vendimit theksohet: “Miratimin e indeksimit të bazës së vlerësuar të vitit 2023, me indeksin 9.3%, të llogaritur sipas kritereve, të përcaktuara në nenin 59, të ligjit nr. 7703, datë 11.5.1993, ‘Për sigurimet shoqërore në Republikën e Shqipërisë’, të ndryshuar”.

Kjo rritje e indeksit, ka për qëllim të përmirësojë llogaritjen e pensionit fillestar mujor, duke rritur shumën për të gjithë ata që përfitojnë të drejtën e pensionit nga fillimi i vitit të ardhshëm.

Vendimi ndikon mbi “bazën e vlerësuar individuale vjetore, të arritur nëpërmjet kontributeve të paguara dhe rivlerësimeve të tyre, të kryera deri në vitin 2023”, – siç citohet në pikën 2 të tij.

Për të ruajtur një trajtim të drejtë, vendimi përcakton gjithashtu kufijtë maksimalë të bazës së rivlerësuar, duke theksuar në pikën 4 se: “Pas aplikimit të indeksit të vitit 2023, baza e vlerësuar për efekt të llogaritjes së shumës fillestare mujore të pensioneve, që do të caktohen me datë fillimi nga data 1.1.2025, nuk mund të jetë më e lartë se: a) trefishi i pagës minimale në shkallë vendi, e përcaktuar me vendim të Këshillit të Ministrave për pagat e periudhës, nga viti 1994 deri më 31.12.2001; b) paga maksimale në shkallë vendi, e përcaktuar sipas kritereve të nenit 10, të ligjit nr. 7703, për pagat nga viti 2002 e në vazhdim”.

Po ashtu, vendimi i ri vjen i shoqëruar me një shtojcë zyrtare, ku përfshihen indekset akumulative të pagave për periudhën 1994–2023, sipas pagave referuese për profesione të ndryshme dhe kontributeve mujore, bazuar në vendimin e mëparshëm nr. 561, datë 12.8.2005.

Këto të dhëna do të jenë bazë për përllogaritje më të sakta dhe të personalizuara për çdo qytetar. Sipas pikës 5 të vendimit, “Efektet financiare, që rrjedhin nga zbatimi i këtij vendimi, lidhen me zbatimin e formulës së caktimit të pensioneve dhe aplikohen vetëm për pensionet me datë fillimi nga data 1.1.2025 e në vazhdim dhe përballohen brenda buxhetit vjetor, të miratuar për Institutin e Sigurimeve Shoqërore”.

Ky indeksim nuk prek pensionet aktuale, por vetëm ato që do të caktohen nga fillimi i vitit të ardhshëm.

Sipas autoriteteve, kjo masë synon të ruajë ekuilibrin e sistemit të sigurimeve shoqërore dhe të garantojë shpërblim të drejtë për kontributet e qytetarëve, duke përmirësuar trajtimin financiar të brezave që hyjnë në pension. Vendimi hyn në fuqi pas botimit në Fletoren Zyrtare, ndërsa efektet e tij do të nisin nga 1 janari 2025.

The post Zbardhet vendimi/ Ndryshon skema e llogaritjes së pensionit, të moshuarit që dalin pas 1 janarit 2025 përfitojnë më shumë appeared first on Albeu.com.

Ditën e sotme, Gjykata e Dibrës, ka vendosur masën e sigurisë “Arrest me burg” për Fatjon Bushgjokën dhe Petrit Çakrrin, të akuzuar për vrasjen e 23-vjeçarin Renis Dobra.

Për ngjarjen e rëndë, janë shpallur në kërkim dhe dy vëllezërit e Fatjon Bushgjokës, Kristi dhe Aleksandër Bushgjoka, që dyshohet se janë larguar nga Shqipëria.

Vrasja e 23-vjeçarit u zbardh më 16 Korrik, ku u vendosën në pranga 2 prej autorëve të dyshuar, të cilët dhanë dëshmi kontradiktore para hetuesve, por janë kamerat e sigurisë në bizneset e aksit Burrel-Tiranë që i kanë tradhtuar.

Nga kqyrja e pamjeve filmike, ka rezultuar se 55-vjeçari, si edhe tre vëllezërit, Fatjon, Kristi dhe Aleksandër Bushgjokaj (dy të fundit në kërkim policor) kanë pirë kafe së bashku pranë një pike karburanti pak orë para krimit.

Më pas, 4 autorët e dyshuar të vrasjes së 23-vjeçarit, kanë udhëtuar me dy automjete, “Range Rover”-in e zi dhe një “Hundyai Santa Fe”, nga Burreli drejt fshatit Zenisht.

The post Vranë 23-vjeçarin Renis Dobra, gjykata lë në burg Petrit Çakrrin dhe Fatjon Bushgjokën appeared first on Albeu.com.

Këtë të shtunë, një magazinë ku falsifikoheshin etiketat e produkteve ushqimore të skaduara dhe më pas hidheshin sërish në treg, është zbuluar në Vorë nga Policia e Tiranës.

Administratori i magazinës, Florenc Domi, 38-vjeç dhe magazinieri Agim Domi, 58-vjeç, janë vënë në pranga, ndërsa ortaku dhe shoferi i magazinës po hetohen në gjendje të lirë.

Nga hetimet rezultoi se subjekti me aktivitet import-eksport dhe tregtim të produkteve industriale dhe ushqimore, grumbullonte produkte të skaduara si çokollata, fruta të thata, patatina, kroasan, kikirika nga tregje të ndryshme në Tiranë, Durrës e Elbasan.

Pasi u falsifikonte datat e skadencës i hidhte sërish në treg, pa dokumentacion tatimor.

Gjatë operacionit, u sekuestruan në cilësinë e prova materiale 716 koli dhe dhjetra kilogramë me mallra ushqimorë të përpunuara që kishin afatin e skadencës në janar dhe shkurt 2025 dhe afati i skadencës ishte falsifikuar me qëllim rihedhjen në treg.

Të arrestuarit akuzohen për veprat penale, shkelja e të drejtave të pronësisë industriale”, falsifikimi i vulave, stampave ose formularëve”, fshehja e të ardhurave, mospagimi i taksave dhe tatimeve”, punësim i paligjshëm dhe importi, prodhimi, shitja, ruajtja e ushqimeve të rrezikshme për shëndetin ose jetën e njerëzve.

The post Skandali në Vorë/ Ushqimet kishin skaduar në janar, u falsifikonin etiketat për t’u hedhur në treg, çfarë u sekuestrua appeared first on Albeu.com.

Kryeministri Edi Rama, ka reaguar lidhur me aksionin për lirimin e hapësirave publike në Tiranë.

Kreu i qeverisë theksoi se sipas planit të punës “vetëm në Tiranë arrin deri nesër në rreth 20 mijë metra katrorë sipërfaqja e hapësirave publike të çliruara”.

Rama shtoi po punohet me projektet e Rilindjes Urbane 2.0, ku shtoi se janë angazhuar shumë arkitektë të huaj e vendas.

“Ndërsa për vendosjen e tavolinave jashtë, së shpejti do t’u jepet të gjithëve plani i ri, me formulën bazë 75% të hapësirës këmbësorët 25% njësia e shërbimit”, shtoi ai.

Postimi i plotë:

Sipas planit të punës vetëm në Tiranë arrin deri nesër në rreth 20 mijë metra katrorë sipërfaqja e hapësirave publike të çliruara, ndërkohë që puna nuk do të ndalet më as në kryeqytet, as në qytetet e tjera ku ka marrë kot ky fenoment dhe as në bregdet e në zonat e mbrojtura jo e jo…

Në ndërkohë po punohet me projektet e Rilindjes Urbane 2.0 për të cilën janë angazhuar shumë arkitektë të huaj e vendas😍

Ndërsa për vendosjen e tavolinave jashtë, së shpejti do t’u jepet të gjithëve plani i ri, me formulën bazë 75% të hapësirës këmbësorët 25% njësia e shërbimit. Dhe nuk do të lejohet asnjë lloj strukture e ndërtuar në trotuare, përveçse në rastet e hapësirave të bollshme e vetëm atje ku ka një projekt të mirëfilltë urbanistik🤷🏻‍♂️

The post Lirimi i hapësirave publike në Tiranë/ Rama: Po punohet me projektet e Rilindjes Urbane, u angazhuan arkitektë të huaj e vendas appeared first on Albeu.com.

Një skenë intime e kapur nga kamera e famshme “Kiss Cam” gjatë koncertit të Coldplay në Gillette Stadium të Foxborough, Massachusetts, ka bërë që dy drejtues të lartë të kompanisë së teknologjisë Astronomer të përballen me pasojat.

CEO i kompanisë, Andy Byron, dhe drejtoresha e re e burimeve njerëzore, Kristin Cabot, janë pezulluar nga detyra, pasi videoja e tyre në një përqafim të ngrohtë, pavarësisht se të dy janë të martuar me partnerë të tjerë, u bë virale në rrjetet sociale, raporton La Repubblica.

Rasti, i quajtur tashmë nga interneti “ColdplayGate”, është kthyer në një bisedë të madhe publike, duke marrë vëmendje të jashtëzakonshme në platformat sociale si ‘X’, ku qarkullojnë edhe disa versione të ndryshme të një kërkese ndjese të supozuar nga Byron. Sipas vetë rrjetit ‘X’ dhe kompanisë Astronomer, disa prej këtyre postimeve janë të rreme, duke përfshirë edhe një llogari të sajuar të kompanisë.

Situata ka marrë përmasa edhe më të mëdha për faktin se vetë Andy Byron, vetëm disa muaj më parë, kishte shpallur me entuziazëm emërimin e Kristin Cabot në rolin e saj të ri. Në atë kohë, ai e kishte vlerësuar si “personin perfekt për pozicionin” dhe kishte theksuar “udhëheqjen e jashtëzakonshme dhe ekspertizën e saj në menaxhimin e talenteve dhe përfshirjen e punonjësve”.

Nga ana e saj, Cabot kishte deklaruar publikisht se ndihej e frymëzuar nga bisedat me Byron dhe ekipin drejtues të Astronomer mbi mundësitë për të kontribuar në rritjen e kompanisë.

Por videot nga koncerti i Coldplay kanë nxjerrë në pah një anë tjetër të marrëdhënies mes tyre. Teksa u shfaqën në ekranin gjigant të stadiumit, të dy u përpoqën të fshehnin fytyrat, ndërsa publiku reagoi. Edhe këngëtari i Coldplay, Chris Martin, e komentoi momentin me humor: Çfarë? Apo janë shumë të dashuruar, ose janë thjesht shumë të turpshëm….

Ngjarja ka hapur një debat mbi kufirin mes jetës private dhe asaj publike, por edhe mbi etikën e drejtuesve të kompanive në marrëdhëniet profesionale. Për momentin, të dy janë pezulluar në pritje të një hetimi të brendshëm nga kompania Astronomer.

The post Skandali/ CEO Andy Byron dhe drejtoresha e burimeve njerëzore Kristin Cabot, pezullohen nga detyra appeared first on Albeu.com.

Kombëtarja shqiptare e futbollit, do të zhvillojë një ndeshje miqësore ndaj Gjibraltarit më 4 shtator.

Të dyja federatat, kanë rënë dakord që kjo ndeshje të zhvillohet në Gjibraltar, në “Europa Point Stadium” në orën 18:00.

Në muajin shtator, Shqipëria ka vetëm një ndeshje zyrtare, atë kundër Letonisë në kuadër të kualifikueseve të Kupës së Botës 2026, që do të luhet më 9 shtator në stadiumin “Air Albania”.

Për këtë arsye, stafi teknik ka vendosur të zhvillojë një miqësore, për të testuar gjendjen e lojtarëve para sfidës zyrtare.

The post Shqipëria do të luajë ndeshje miqësore ndaj Gjibraltarit, caktohet data dhe stadiumi ku do të përballen appeared first on Albeu.com.

Policia e Shtetit, ka finalizuar me sukses operacionin policor të koduar “Siguria Ushqimore”, i zhvilluar nga Sektori për Hetimin e Krimit Ekonomik dhe Financiar në Drejtorinë e Përgjithshme të Policisë së Shtetit, në bashkëpunim me Komisariatin e Policisë nr. 7.

Në pranga kanë rënë administratori Florenc Domi dhe magazinieri i subjektit tregtar, Agim Domi.

Ndërkohë, u proceduan penalisht shtetasit S. T., 56-vjeç, ortaku i subjektit dhe A. D., 36-vjeç, shofer i magazinës.

Gjatë këtij operacioni, është zbuluar në zonën e Vorës një magazinë ku falsifikoheshin etiketat e produkteve ushqimore të skaduara, të cilat më pas riktheheshin në treg si të sigurta për konsum.

Në kuadër të këtij hetimi:

U arrestuan në flagrancë administratori i magazinës, F. D., 38 vjeç dhe magazinieri, A. D., 58 vjeç.

U proceduan penalisht ortaku i subjektit, S. T., 56 vjeç dhe shoferi, A. D., 36 vjeç.

Sipas Policisë, subjekti kishte aktivitet në fushën e import-eksportit dhe tregtimit të produkteve industriale dhe ushqimore. Ai grumbullonte mallra të skaduara nga tregjet në Tiranë, Durrës dhe Elbasan, i rietiketonte me data të rreme skadence dhe i hidhte sërish në treg, pa dokumentacion tatimor dhe në shkelje të rënda të sigurisë ushqimore.

Gjatë kontrolleve, u sekuestruan:

716 koli dhe dhjetëra kilogramë produkte ushqimore të përpunuara, të cilave u ishte falsifikuar afati i skadencës (produktet kishin skaduar që në janar dhe shkurt 2025).

Prokuroria e Juridiksionit të Përgjithshëm Tiranë ka marrë në dorë materialet procedurale për vijimin e hetimeve për disa vepra penale, përfshirë:

“Shkelja e të drejtave të pronësisë industriale”

“Falsifikimi i vulave, stampave ose formularëve”

“Fshehja e të ardhurave”

“Mospagimi i taksave dhe tatimeve”

“Punësim i paligjshëm”

“Importi, prodhimi, shitja, ruajtja e ushqimeve të rrezikshme për shëndetin ose jetën e njerëzve”

Policia e Shtetit fton qytetarët të denoncojnë çdo rast të ngjashëm në numrin pa pagesë 112 ose përmes aplikacionit Komisariati Dixhital, duke garantuar anonimat të plotë dhe reagim të menjëhershëm.

Njoftimi:

Finalizohet operacioni policor i koduar “Siguria Ushqimore”, i zhvilluar nga Sektori për Hetimin e Krimit Ekonomik e Financiar në DPPSh, në bashkëpunim me Komisariatin e Policisë nr. 7.

Zbulohet në Vorë një magazinë ku falsifikoheshin etiketat e produkteve ushqimore të skaduara, të cilat më pas hidheshin sërish në treg.

Sekuestrohen sasi të mëdha mallrash ushqimore të përpunuara të skaduara në muajin janar dhe shkurt me etiketa skadence të falsifikuara.

Arrestohen në flagrancë administratori i magazinës dhe magazinieri. Procedohen penalisht ortaku dhe shoferi i magazinës.

Në kuadër të planit të masave për kontrollet në magazina, dyqane dhe supermarkete, me qëllim parandalimin e tregtimit të produkteve ushqimore të skaduara, u finalizua operacioni “Siguria Ushqimore”.

Si rezultat i operacionit u arrestuan në flagrancë shtetasit F. D., 38 vjeç, administrator i subjektit dhe A. D., 58 vjeç, magazinier.

U proceduan penalisht shtetasit S. T., 56 vjeç, ortaku i subjektit dhe A. D., 36 vjeç, shofer i magazinës.

Nga hetimet rezultoi se subjekti me aktivitet import-eksport dhe tregtim të produkteve industriale dhe ushqimore, grumbullonte produkte të skaduara nga tregje të ndryshme në Tiranë, Durrës e Elbasan, u falsifikonte datat e skadencës dhe i hidhte sërish në treg, pa dokumentacion tatimor.

Gjatë operacionit u sekuestruan në cilësinë e prova materiale 716 koli dhe dhera kilogramë me mallra ushqimorë të përpunuara që kishin afatin e skadencës në janar dhe shkurt 2025 dhe afati i skadencës ishte falsifikuar me qëllim rihedhjen në treg për shitje.

Materialet procedurale i kaluan Prokurorisë së Juridiksionit të Përgjithshëm Tiranë, për veprime të mëtejshme për veprat penale “Shkelja e të drejtave të pronësisë industriale”, “Falsifikimi i vulave, stampave ose formularëve”, “Fshehja e të ardhurave”, “Mospagimi i taksave dhe tatimeve”, “Punësim i paligjshëm” dhe “Importi, prodhimi, shitja, ruajtja e ushqimeve të rrezikshme për shëndetin ose jetën e njerëzve”.

Policia e Shtetit fton qytetarët të denoncojnë çdo rast abuzimi me sigurinë ushqimore në numrin pa pagesë 112.

The post Skandal në Vorë/ Zbulohen ushqime të skaduara me etiketa false, arrestohen administratori dhe magazinieri, dy të tjerë në procedim (VIDEO+EMRAT) appeared first on Albeu.com.

Këtë të shtunë, dalin para gjykatës, dy të arrestuarit si të dyshuar për vrasjen e 23-vjeçarit Renis Dobra mbrëmjen e 8 korrikut, Petrit Çakrri dhe Fatjon Bushgjoka.

Për ngjarjen e rëndë, janë shpallur në kërkim dhe dy vëllezërit e Fatjon Bushgjokës, Kristi dhe Aleksandër Bushgjoka, që dyshohet se janë larguar nga Shqipëria.

Vrasja e 23-vjeçarit u zbardh më 16 Korrik, ku u vendosën në pranga 2 prej autorëve të dyshuar, të cilët dhanë dëshmi kontradiktore para hetuesve, por janë kamerat e sigurisë në bizneset e aksit Burrel-Tiranë që i kanë tradhtuar.

Nga kqyrja e pamjeve filmike, ka rezultuar se 55-vjeçari, si edhe tre vëllezërit, Fatjon, Kristi dhe Aleksandër Bushgjokaj (dy të fundit në kërkim policor) kanë pirë kafe së bashku pranë një pike karburanti pak orë para krimit.

Më pas, 4 autorët e dyshuar të vrasjes së 23-vjeçarit, kanë udhëtuar me dy automjete, “Range Rover”-in e zi dhe një “Hundyai Santa Fe”, nga Burreli drejt fshatit Zenisht.

The post Vrasja e Renis Dobrës në Mat/ Dalin sot para gjykatës autorët e dyshuar, Petrit Çakrri dhe Fatjon Bushgjokaj appeared first on Albeu.com.

Mbrëmjen e djeshme, momente paniku dhe kaosi janë regjistruar në klubin e natës “Lollipop” në Palasë, ku po mbahej një koncert me praninë e shumë qytetarëve dhe të ftuarit special, këngëtarit Yll Limani.

Sipas dëshmive të të pranishmëve, ngjarja ka nisur pas një sherri mes dy grupeve brenda lokalit, i cili ka degjeneruar në përplasje fizike.

Dyshohet se gjatë konfliktit është përdorur edhe armë zjarri, ç`ka ka rritur ndjeshëm ndjenjën e frikës mes publikut.

Në kushtet e pasigurisë, stafi i sigurisë ndërhyri për të larguar këngëtarin nga skena, ndërsa publiku u përfshi nga paniku.

Të pranishmit raportojnë se njerëzit filluan të vraponin drejt daljeve të emergjencës, duke shtyrë njëri-tjetrin në përpjekje për të dalë sa më shpejt jashtë.

Gjatë rrëmujës, shumë persona janë rrëzuar apo janë dëmtuar nga sendet e thyera në ambient.

“Tavolina, gota, shishe u përplasën në dysheme, plagosën njerëz. U pa gjak në dalje, njerëz të prerë nga qelqet”, – raporton një dëshmitar.

Sipas dëshmive, disa persona kanë mbetur të plagosur lehtë si pasojë e thyerjeve apo përplasjes me të tjerët në përpjekje për të dalë jashtë.

Shumë të pranishëm kanë humbur sende personale, telefona, çanta dhe para. Të gjithë të revoltuar nga mungesa e sigurisë dhe reagimit të vonuar të stafit të klubit.

“Është skandaloze që në një nga klubet më të njohura dhe më të shtrenjta të jugut, në kulmin e sezonit turistik dhe me praninë e të huajve, të përjetohen skena paniku dhe terrori”, shkruan një tjetër qytetar në denoncimin për JOQ.

Deri më tani, nuk ka një reagim zyrtar nga administrata e klubit apo nga autoritetet. Gjendja e personave të lënduar mbetet për t’u sqaruar, ndërsa nuk dihet ende nëse ka persona të arrestuar apo identifikime të qarta për autorët e incidentit.

Ngjarja ngre shqetësime serioze për sigurinë në mjediset e argëtimit në Shqipëri, veçanërisht në sezonin turistik kur prania e qytetarëve vendas dhe të huaj është e lartë.

The post Plas sherri në klubin “Lollipop” në Palasë, panik dhe të lënduar në mes të koncertit (VIDEO) appeared first on Albeu.com.

Trajneri Erik Ten Hag. ka nisur aventurën e tij te Bajer Leverkusen në mënyrën më të keqe të mundshme, duke pësuar një humbje 5-1 ndaj ekipit nën 20 vjeç të Flamengos në një ndeshje miqësore.

Holandezi u shkarkua nga Mançester Junajtid në tetor, pas një fillimi të dobët sezoni dhe kaloi disa muaj jashtë futbollit, pavarësisht interesimit të disa klubeve për ta rikthyer në stol.

Në verë, ai pranoi ofertën e Leverkusenit, kampionëve të Bundesligës 2024, pasi Ksabi Alonso u largua për të marrë drejtimin e Real Madridit.

Ten Hag mori një skuadër me ndryshime të mëdha, pasi Florian Virc dhe Jeremie Frimpong janë transferuar te Liverpuli.

Ndeshja e tij e parë erdhi ndaj të rinjve të Flamengos dhe rezultati ishte zhgënjyes. Leverkusen pësoi dy gola brenda 10 minutave të para dhe shkoi në pushim me rezultatin 4-0.

Në fillim të pjesës së dytë, Flamengo shënoi edhe golin e pestë, duke thelluar edhe më shumë humbjen e gjermanëve.

Leverkusen arriti të shënojë golin e nderit me 17-vjeçarin Montrell Culbreath, ndërsa edhe Granit Xhaka pati disa minuta.

Kjo humbje poshtëruese ka rritur menjëherë presionin mbi Ten Hag, i cili kërkon të ndërtojë një ekip konkurrues pas largimeve të rëndësishme gjatë verë.

The post Debutimi katastrofik i Ten Hag, pëson humbje të turpshme në ndeshjen e parë me Bajern Leverkusen appeared first on Albeu.com.

Në orët e para të mëngjesit të sotëm, një lokal është përfshirë nga flakët rreth orës 03:00 të mëngjesit, përballë shkollës “Sotir Gurra” në Korçë

Nga informacionet paraprake, mësohet se shkak i zjarrit është bërë një defekt nga energjia elektrike.

Për fikjen e tij u angazhuan 3 mjete zjarrfikëse, të cilat kanë bërë të mundur shuarjen e flakëve.

Dëmet në biznes janë të konsiderueshme në pjesën e brendshme të tij, në pajisjet në funksionale.

Policia po kryen veprimet për zbardhjen e plotë të rrethanave.

The post Shkrumbohet nga flakët lokali në Korçë/ Dëme të konsiderueshme, detajet e para appeared first on Albeu.com.

Sot, më 19 korrik 2025, dollari amerikan, blihet me 83 lekë dhe shitet me 84.2 lekë.

Euro, blihet me 97 lekë dhe shitet 97.8 lekë.

Franga zvicerane, këmbehet në blerje me 103.6 lekë, ndërsa në shitje me 104.8 lekë.

Paundi britanik, blihet me 111.4 lekë dhe shitet me 112.8 lekë.

Dollari kanadez, sot në blerje këmbehet me 60.5 lekë, ndërsa në shitje me 62 lekë.

Më poshtë, po sjellim të dhënat e këmbimin valutor, për të gjitha monedhat e huaja:

The post Këmbimi valutor/ Çfarë po ndodh me monedhat e huaja? Me sa po blihen dhe shiten dollari dhe euro appeared first on Albeu.com.

Një aksident me vdekje është regjistruar në Tiranë, ku sipas informacioneve policore, një automjet me drejtues një 27-vjeçar ka përplasur 54-vjeçarin S.Xh, i cili lëvizte me biçikletë në rrugën “Jordan Misja”.

Si pasojë e aksidentit është dëmtuar 54-vjeçari, i cili ka humbur jetën në spital.

Ndërsa drejtuesi i automjetit, është shoqëruar në Komisariat për veprime të metejshme hetimore.

Me datë 18.07.2025, në rrugën “Jordan Misja” automjeti me drejtues shtetasin H. M., rreth 27-vjeç, ka aksidentuar biçikletën me të cilën lëvizte shtetasi S. Xh., rreth 54-vjeç.

Si pasojë e aksidentit është dëmtuar 54-vjeçari, i cili ka humbur jetën në spital.

Drejtuesi i automjetit është shoqëruar në Komisariat për veprime të metejshme hetimore.

Grupi hetimor po punon për sqarimin e rrethanave të aksidentit.

The post Aksident me vdekje në Tiranë appeared first on Albeu.com.

Ditën e sotme, riaktivizimi i valëve të të nxehtit Afrikan, do të kushtëzoje në vendin tonë sërisht mot të kthjellët dhe shumë të nxehtë.

Situata problematike nga temperaturat e larta, do të jenë në zonën midis Elbasanit deri poshtë në Berat, ku termometri do të ngjitet serish në 40 gradë C.

Orët e vona të mbrëmjes do të sjellin vranësira të lehta e kalimtare, vetëm në zonat Verilindore dhe Juglindore.

Temperaturat e ajrit do të rriten sërisht në mëngjes dhe në mesditë, duke luhatur vlerat ditore nga nga 10°C vlera më e ulët e shënuar në Pukë deri në 39°C vlera maksimale, e cila do të shënohet në Elbasan.

Era do te fryjë e lehtë në tokë dhe në det, duke arritur shpejtesinë 38 km/h nga drejtimi Veriperëndimor, kjo do të bëjë që në brigjet detare të krijohet dallgëzim i ulët.

The post Parashikimi i motit 19 Korrik 2025/ I nxehti afrikan mbërthen Shqipërinë, temperatura deri në 40°C appeared first on Albeu.com.

Dashi
Të lindur më: 21 Mars – 19 Prill
Në dashuri sot priten biseda të ndjeshme me partnerin, ndaj mundohuni të tregoni mirëkuptim. Në punë, do të keni mundësi të zgjidhni një çështje të vjetër që ju ka shqetësuar prej kohësh. Shëndeti mund të jetë pak i luhatshëm, ndaj mos e neglizhoni pushimin dhe kujdesuni për veten. Financat duken të qëndrueshme, por shmangni shpenzimet impulsive gjatë ditës.

Demi
Të lindur më: 20 Prill – 20 Maj
Sot ndiheni të afërt me partnerin ose dikë të veçantë mund të hyjë në jetën tuaj. Në aspektin profesional, do të gjeni mbështetje nga kolegët për një projekt të rëndësishëm. Shëndeti është i mirë, por duhet t’i kushtoni më shumë vëmendje ushqyerjes. Në anën financiare, mund të merrni një lajm të vogël pozitiv që ju jep më shumë siguri.

Binjakët
Të lindur më: 21 Maj – 20 Qershor
Çështjet e zemrës mund të sjellin surpriza të këndshme, veçanërisht nëse jeni të hapur për biseda të sinqerta. Në punë, një ide e re mund të vlerësohet nga eprorët dhe të hapë rrugë të reja. Shëndeti kërkon më shumë aktivitet fizik, ndaj merrni kohë për veten. Financat janë të qëndrueshme, por është mirë të bëni një planifikim më të detajuar të shpenzimeve.

Gaforrja
Të lindur më: 21 Qershor – 22 Korrik
Sot lidhjet romantike kërkojnë më shumë durim dhe mirëkuptim, pasi mund të lindin keqkuptime të vogla. Në punë, do të ndiheni të motivuar për të përfunduar detyra të rëndësishme dhe të arrini rezultate të mira. Shëndeti është i mirë, por mos e nënvlerësoni lodhjen mendore. Financat janë të balancuara, por është koha të mendoni për kursime afatgjata.

Luani
Të lindur më: 23 Korrik – 22 Gusht
Në dashuri, sot është dita ideale për të shprehur ndjenjat dhe për të forcuar lidhjet ekzistuese. Në ambientin e punës ju pret një surprizë pozitive ose një vlerësim nga drejtuesit. Shëndeti është në gjendje të mirë, por mos e teproni me aktivitete fizike. Në aspektin financiar, mund të merrni një ofertë interesante që ja vlen të analizohet me kujdes.

Virgjëresha
Të lindur më: 23 Gusht – 22 Shtator
Ndjenjat tuaja do të jenë të balancuara sot, duke ju mundësuar një komunikim të mirë me partnerin. Në punë, mund të hasni disa sfida, por përkushtimi juaj do të shpërblehet. Shëndeti kërkon më shumë kujdes për sistemin nervor, ndaj shmangni stresin e tepërt. Financat janë të qëndrueshme, por mos harroni të bëni llogari të sakta para çdo shpenzimi.

Peshorja
Të lindur më: 23 Shtator – 22 Tetor
Marrëdhëniet romantike janë në qendër të vëmendjes sot, dhe një bisedë e thellë do të sjellë qartësi. Në punë, do të keni mundësi të përmirësoni marrëdhëniet me kolegët dhe të arrini një marrëveshje të rëndësishme. Shëndeti është i mirë, por kushtojini vëmendje ushqimit të shëndetshëm. Financat janë stabile, por një shpenzim i papritur mund t’ju detyrojë të rishikoni buxhetin.

Akrepi
Të lindur më: 23 Tetor – 21 Nëntor
Sot ndiheni më të afërt me partnerin dhe është momenti i duhur për të zgjidhur mosmarrëveshje të vogla. Në aspektin profesional, do të ndjeni presion për të përfunduar detyra, por do t’ia dilni me sukses. Shëndeti është i mirë nëse i kushtoni rëndësi pushimit. Në planin financiar, shmangni investimet e nxituara dhe qëndroni të kujdesshëm me shpenzimet.

Shigjetari
Të lindur më: 22 Nëntor – 21 Dhjetor
Jeta sentimentale sot do të jetë plot energji pozitive, veçanërisht për ata që kërkojnë diçka të re. Në punë, do të merrni njohje për përpjekjet tuaja dhe mund të shfaqen mundësi për avancim. Kujdesuni për shëndetin, sidomos ndaj lodhjes dhe mungesës së gjumit. Financat janë të mira, por bëni kujdes me huatë ose borxhet.

Bricjapi
Të lindur më: 22 Dhjetor – 19 Janar
Sot ndjeni nevojën të jeni më të hapur me ndjenjat tuaja, gjë që do të përmirësojë marrëdhëniet personale. Në punë, një takim i rëndësishëm mund të sjellë mundësi të reja bashkëpunimi. Shëndeti është i mirë, por mos e neglizhoni aktivitetin fizik. Financat janë të qëndrueshme, por është momenti të mendoni për investime me risk të ulët.

Ujori
Të lindur më: 20 Janar – 18 Shkurt
Në dashuri, sot është ditë e mirë për të forcuar besimin dhe për të bërë plane të përbashkëta me partnerin. Në aspektin profesional, do të keni energji për të përballuar sfida dhe për të përmbyllur projekte të mbetura pezull. Shëndeti është i favorshëm, por kujdesuni për hidratimin. Financat janë nën kontroll, ndaj mund të lejoni ndonjë shpenzim të vogël për veten.

Peshqit
Të lindur më: 19 Shkurt – 20 Mars
Marrëdhëniet personale sot kërkojnë më shumë vëmendje, ndaj kushtojini kohë njerëzve të dashur. Në punë, mund të përballeni me vonesa të vogla, por asgjë që nuk zgjidhet me durim. Shëndeti është i mirë, por mos e teproni me ushqimet e rënda. Në aspektin financiar, shmangni spekulimet dhe qëndroni në kursin tuaj të zakonshëm.

The post Horoskopi 19 Korrik, ja çfarë kanë parashikuar yjet për ju appeared first on Albeu.com.

Një bërthamë akulli që mund të jetë më e vjetër se 1.5 milion vjet ka mbërritur në Britani, ku shkencëtarët do ta shkrijnë me kujdes për të zbuluar të dhëna jetike mbi historinë klimatike të planetit.

Ky cilindër i akullt, i nxjerrë nga thellësitë e Antarktidës Lindore, është konsideruar si akulli më i vjetër i planetit dhe përmban informacion të paprecedentë mbi përqendrimet e dioksidit të karbonit, temperaturat dhe modelet e erës që datojnë më shumë se një milion vjet më parë.

Akulli është dërguar në British Antarctic Survey në Kembrixh, ku ekipi i udhëhequr nga Dr. Liz Thomas do ta analizojë me metoda të avancuara gjatë një procesi që zgjat shtatë javë. Ata do të përdorin teknologji si spektrometri masiv me plazmë të lidhur induktivisht (ICPMS) për të analizuar mbi 20 elementë kimikë dhe izotope në lëngun e shkrirë të akullit.

Kjo bërthamë mund të zbulojë se si ka ndryshuar klima globale gjatë Tranzicionit të Pleistocenit të Mesëm (800,000 – 1.2 milion vjet më parë), kur ciklet e akullnajave ndryshuan nga çdo 41,000 në çdo 100,000 vjet. Kjo është një nga pyetjet më të mëdha të pazgjidhura në shkencën e klimës.

Bërthamat e akullit PNRA/IPEV 15 që duken si të ngrira dhe kanë diametër rreth 15 cm janë brenda kanaleve metalike. Ato janë të grumbulluara mbi rafte druri dhe metali.

Gjithashtu, shkencëtarët kërkojnë të kuptojnë se si kanë reaguar shtresat e akullit dhe nivelet e detit në të kaluarën, në një periudhë kur përqendrimet natyrore të CO₂ mund të kenë qenë po aq të larta sa janë sot.

Projekti përfshin institucione nga Britania, Gjermania, Zvicra, Italia dhe Franca. Akulli u shpuar në një zonë rreth 40 km nga baza kërkimore Concordia, u nda në segmente 1 metër dhe u transportua me anije e më pas me furgon frigoriferik në Evropë.

Në total, janë nxjerrë 2.8 km akull, sa tetë Kulla Eiffel të grumbulluara njëra mbi tjetrën.

The post Pritet zbulimi i sekreteve të klimës së Tokës, akulli 1.5 milionë vjeçar do të shkrihet appeared first on Albeu.com.