Gjermania planifikon të dërgojë një sistem të mbrojtjes ajrore Patriot në Ukrainë, por për dorëzimin dhe pranimin e tij do të duhen të paktën gjashtë deri në tetë muaj, raporton Bild, duke iu referuar burimeve nga qeveria gjermane.

Sipas planit fillestar, SHBA do të ridrejtonte një pjesë të rezervave të saj të mbrojtjes ajrore drejt Ukrainës, ndërsa Gjermania do të financonte zëvendësimin e tyre. Megjithatë, presidenti amerikan Donald Trump refuzoi të transferojë sisteme nga rezervat ushtarake. Si pasojë, vendet evropiane tani duhet të ofrojnë pajisje nga rezervat e veta dhe të porosisin zëvendësime nga prodhuesit amerikanë.

Thuhet se vetëm financimi i blerjes së armëve për Ukrainën nuk e zgjidh problemin. Shtetet evropiane duhet të shfrytëzojnë rezervat e tyre dhe të bëjnë porosi për t’i zëvendësuar ato tek prodhuesit në SHBA.

Bild raporton se aktualisht në Evropë ka mungesë të sistemeve të mbrojtjes ajrore. Prej disa ditësh po zhvillohen negociata të mbyllura se kush dhe në çfarë mënyre mund ta mbështesë Ukrainën.

Sipas të dhënave më të fundit, Zvicra është renditur më poshtë në listën e pritjes për marrjen e një sistemi Patriot, ndërsa njësia e parë nga kjo seri, e financuar nga Gjermania, do të dërgohet drejtpërdrejt në Ukrainë. Ndërkohë, sistemi është ende në prodhim nga kompania amerikane Raytheon dhe nuk do të jetë gati për dorëzim përpara gjashtë deri në tetë muajsh.

Të hënën, më 14 korrik, Trump njoftoi një marrëveshje me Sekretarin e Përgjithshëm të NATO-s, Mark Rutte, sipas së cilës vendet evropiane anëtare të NATO-s do të blejnë armë amerikane, përfshirë sistemet e avancuara Patriot, dhe do t’ia dorëzojnë ato Kievit.

SHBA gjithashtu po shqyrton shitjen e sistemeve Patriot nga rezervat e saj për Ukrainën, si pjesë e planit të ri të Trump, në të cilin aleatët evropianë do të blejnë armë amerikane për Kievin. /Telegrafi/

The post Sistemi Patriot do të arrijë brenda tetë muajve në Ukrainë appeared first on Telegrafi.

Presidenti i Çekisë, Petr Pavel, ka nënshkruar një ligj të ri që dekriminalizon pjesërisht kanabisin, duke sjellë ndryshime të rëndësishme në politikën e vendit ndaj përdorimit personal të marijuanës.

Sipas ligjit të ri qytetarët çekë lejohen të ruajnë deri në 100 gramë marijuanë në shtëpi. Mund të mbajnë me vete deri në 25 gramë në hapësira publike si dhe lejohet kultivimi i deri në tre bimëve të marijuanës në kushte shtëpiake për përdorim personal.

Kjo është një lëvizje e rëndësishme drejt liberalizimit të politikave të drogës, duke e vendosur Çekinë në mesin e vendeve evropiane më tolerante ndaj përdorimit të kanabisit, shkuan forbes.

Synimi i kësaj reforme është reduktimi i penaliteteve për përdoruesit individualë, promovimi i përdorimit të sigurt dhe të përgjegjshëm, si dhe çlirimi i burimeve të sistemit të drejtësisë nga ndjekja penale e rasteve të vogla.

Megjithatë, përdorimi komercial i marihuanës mbetet i ndaluar dhe çdo tejkalim i sasisë së lejuar apo shitja e saj jashtë kornizave të ligjit vazhdon të trajtohet si vepër penale.

Me këtë hap, Çekia i bashkohet një numri gjithnjë në rritje të vendeve që po rishikojnë ligjet e tyre ndaj drogës me një qasje më pragmatike dhe të bazuar në të drejtat e individit. /Telegrafi/

The post Çekia legalizon marihuanën – lejohet kultivimi në shtëpi! appeared first on Telegrafi.

Shërbimi informativ ukrainas ka përgjuar një radio-komunikim të armikut, ku komandanti i Brigadës së 155-të të këmbësorisë detare të Flotës Paqësore ruse urdhëron ekzekutimin e një ushtari të plagosur nga njësia e tij, nëse ai nuk është në gjendje të vazhdojë më tej.

Sipas Ukrinform, audio-incizimi është publikuar në faqen zyrtare në Facebook të Drejtorisë Kryesore për Inteligjencë të Ministrisë së Mbrojtjes së Ukrainës (HUR).

“Qëlloje! Në marinë nuk ka të sëmurë – ka vetëm të gjallë dhe të vdekur. Ai nuk ka mundësi tjetër. Të urdhëroj ta qëllosh nëse nuk mundet të ecë më tej”, dëgjohet të thotë komandanti rus.

HUR thekson se vrasja e ushtarëve të vet është një metodë e zakonshme “motivimi” midis komandantëve të ushtrisë ruse.

Kërcënimi me ekzekutim mbetet një nga mjetet e rralla me të cilat oficerët rusë detyrojnë ushtarët të përmbushin detyrat luftarake.

Brigada e 155-të e këmbësorisë detare ruse është e njohur për krimet e kryera gjatë okupimit të përkohshëm të rajonit të Kievit, si dhe në zona të tjera përgjatë vijës së frontit.

Shërbimi ushtarak informativ ukrainas rikujton se çdo krim lufte i kryer kundër popullit ukrainas do të ndëshkohet me hakmarrje të drejtë. /Telegrafi/

The post Përgjohet biseda e marinsave rusë – komandanti urdhëron ekzekutimin e shokut të plagosur appeared first on Telegrafi.

Të paktën pesë persona janë në gjendje kritike pasi një automjet raportohet se ka hyrë në një turmë njerëzish në Los Angeles, duke shkaktuar panik dhe një numër të madh të lënduarish.

Incidenti ndodhi në bulevardin Santa Monica, një zonë shumë e frekuentuar dhe e njohur për turistët dhe banorët lokalë, vetëm pak hapa larg nga Hollywoodi.

Sipas autoriteteve, ngjarja ndodhi në orët e pasdites dhe ka përfshirë një numër të konsiderueshëm kalimtarësh që ndodheshin në trotuar në momentin e përplasjes, shkruan skynews.

#Últimahora Entre 20 y 30 heridos, cinco en estado crítico, en un atropello masivo en el Bulevar de Santa Mónica, en East Hollywood, Los Ángeles.#EEUU #LAX pic.twitter.com/9fe7p3Nwks

— eSPAINews (@eSPAINews_) July 19, 2025

Departamenti i Zjarrfikësve të Los Angelesit (LAFD) ka bërë të ditur se të paktën 20 persona janë lënduar. Nga ta, katër deri në pesë persona ndodhen në gjendje kritike dhe po trajtohen në spital nën kujdes intensiv. Tetë deri në dhjetë persona janë në gjendje të rëndë por stabile, ndërsa rreth 10 deri në 15 të tjerë kanë marrë lëndime të lehta dhe janë në gjendje të qëndrueshme.

“Departamenti i Zjarrfikësve të Los Angeles-it (LAFD) po koordinon transportimin e pacientëve drejt spitaleve më të afërta,” thuhet në një deklaratë zyrtare të lëshuar nga autoritetet.

Ekipet e emergjencës kanë reaguar me shpejtësi, ndërkohë që policia ka rrethuar zonën dhe ka nisur hetimet për të përcaktuar shkaqet e incidentit dhe nëse bëhet fjalë për një akt të qëllimshëm apo një aksident tragjik.

Ngjarja ka tronditur banorët e zonës, ndërsa dëshmitarët kanë treguar për skena kaotike dhe përpjekje për t’i dhënë ndihmën e parë të lënduarve para mbërritjes së ekipeve të shpëtimit. Më shumë detaje pritet të publikohen në orët në vijim. /Telegrafi/

The post Disa të lënduar rëndë pasi një automjet u përplas me turmën e njerëzve në Los Angeles appeared first on Telegrafi.

Edhe dhjetë pengje do të lirohen së shpejti nga Gaza, ka thënë presidenti amerikan, Donald Trump, pa dhënë detaje shtesë.

Trump e bëri këtë deklaratë gjatë një darke me ligjvënës në Shtëpinë e Bardhë, duke lavdëruar përpjekjet e të dërguarit të tij të posaçëm, Steve Witkoff.

Negociatorët izraelitë dhe ata të Hamasit po marrin pjesë në raundin më të fundit të bisedimeve për armëpushim që po zhvillohen në Doha që nga 6 korriku, ku po diskutohet një propozim për një armëpushim 60-ditor, i mbështetur nga SHBA.

“E kemi kthyer shumicën e pengjeve. Së shpejti do të kemi edhe dhjetë të tjerë dhe shpresojmë që gjithçka të përfundojë shpejt,” tha Trump.

Trump prej javësh ka parashikuar se një armëpushim dhe marrëveshje për lirimin e pengjeve është e pashmangshme, por deri më tani një marrëveshje konkrete ka rezultuar e paarritshme.

Zëdhënësi i krahut të armatosur të Hamasit, grupit militant palestinez që kontrollon Gazën, deklaroi të premten se grupi mbështet arritjen e një armëpushimi të përkohshëm në luftën në Gaza, por mund të rikthehet në kërkesën për një marrëveshje gjithëpërfshirëse nëse aktualisht nuk arrihet një marrëveshje.

Propozimi për armëpushim parasheh lirimin e dhjetë pengjeve që mbahen në Gaza, së bashku me kthimin e trupave të 18 të tjerëve, gjatë një periudhe prej 60 ditësh. Në këmbim, Izraeli do të lirojë disa të burgosur palestinezë.

Në fushatën izraelite në Gaza kanë humbur jetën mbi 58,600 palestinezë, sipas të dhënave të autoriteteve shëndetësore në Gaza.

Nga ana tjetër, sipas të dhënave izraelite, rreth 1,650 izraelitë dhe shtetas të huaj janë vrarë në konflikt, përfshirë 1,200 të vrarë në sulmin e Hamasit ndaj Izraelit jugor më 7 tetor 2023. /Telegrafi/

The post Trump thotë se së shpejti do të lirohen pengje të tjera nga Gaza appeared first on Telegrafi.

Të paktën 19 persona janë lënduar në një incident me fishekzjarre që ndodhi mbrëmjen e djeshme në një panair në Düsseldorf të Gjermanisë.

Sipas njoftimit të bërë herët në mëngjes nga shërbimi zjarrfikës i Düsseldorfit, në mesin e të lënduarve ndodhej të paktën një fëmijë, ndërsa katër persona kanë pësuar lëndime të rënda.

Në vendin e ngjarjes janë angazhuar pothuajse 80 zjarrfikës dhe ekipe shpëtimi.

Sipas informacioneve fillestare, një prej fishekzjarreve ka shpërthyer në një lartësi më të ulët se sa duhet, për arsye ende të panjohura, gjatë orëve të vona të mbrëmjes së kaluar.

Nothing to see here just a *liiiiiittle* accident when a rocket fell and ignited a large part of the entire fireworks depot at the annual Düsseldorf fireworks display all at once pic.twitter.com/DvCkVXpuik

— I Ran Away (@I_Ran_Away) July 18, 2025

Policia po heton shkaqet e ngjarjes, por dyshohet se bëhet fjalë për një aksident.

Organizatorët e panairit më të madh në lumin Rhein, të njohur si Rheinkirmes i Düsseldorfit, vendosën të përfundojnë festimet më herët se sa ishte planifikuar.

Në një deklaratë për media, ata shprehën keqardhje të thellë për incidentin. Zëdhënësi i tyre tha se do të shqyrtohet nëse tradita e fishekzjarreve do të vazhdojë apo jo vitin tjetër.

Panairi, i cili i kushtohet shenjtorit mbrojtës të qytetit, Shën Apolinarit, ka nisur më 11 korrik dhe ishte planifikuar të zgjasë deri nesër. /Telegrafi/

The post Momenti i shpërthimit të fishekzjarreve në mesin e njerëzve, të paktën 19 të lënduar në Dusseldorf appeared first on Telegrafi.

Dhoma e Përfaqësuesve e Shteteve të Bashkuara ka miratuar një vendim për zgjatjen e ndihmës ushtarake për Ukrainën, një hap i rëndësishëm që tregon vazhdimin e mbështetjes amerikane ndaj këtij vendi në përballjen e tij me agresionin rus.

Lajmin e ka bërë të ditur kongresmeni republikan Don Bacon, i cili ka qenë ndër përkrahësit kryesorë të ndihmës për Kievin.

Vendimi u miratua me një shumicë të qartë: 353 ligjvënës votuan pro, ndërsa vetëm 76 votuan kundër.

The U.S. House of Representatives has voted to extend military aid to Ukraine, Republican Congressman Don Bacon reported.

A total of 353 lawmakers voted in favor of the measure, with 76 opposed. pic.twitter.com/X9zSJXhmDz

— NEXTA (@nexta_tv) July 19, 2025

Kjo tregon se, pavarësisht dallimeve politike të brendshme në Kongres, ekziston një konsensus i gjerë për të vazhduar mbështetjen për Ukrainën, sidomos në aspektin ushtarak dhe të sigurisë.

Paketa e ndihmës përfshin furnizime me armë, municion, sisteme mbrojtëse, ndihmë logjistike dhe trajnime për forcat ukrainase, në përpjekje për të ruajtur qëndrueshmërinë dhe aftësinë mbrojtëse të vendit përballë ofensivës së vazhdueshme ruse.

Ky vendim pritet të japë një shtysë të re për ushtrinë ukrainase në terren dhe është parë si një sinjal i fuqishëm se SHBA nuk do të tërhiqet nga angazhimi i saj për mbrojtjen e demokracisë dhe sovranitetit në Evropën Lindore.

Zyrtarë nga Ukraina kanë mirëpritur këtë vendim, duke falënderuar SHBA-në për përkushtimin e vazhdueshëm dhe duke theksuar se kjo ndihmë është jetike në betejën për mbrojtjen e territorit dhe popullit ukrainas. /Telegrafi/

The post Kongresi amerikan voton me shumicë dërrmuese pro ndihmës për Ukrainën appeared first on Telegrafi.

Gjatë një feste në Dyseldorf janë plagosur 19 persona, prej të cilëve katër ndodhen në gjendje kritike.

Në mesin e të plagosurve raportohet se është edhe një fëmijë.

Deri më tani nuk ka informacione nëse në grupin e të lënduarve ka shqiptarë, shkraun welt.de.

Disa nga raketat e fishekzjarreve morën drejtim të gabuar, duke fluturuar anash ose shpërthyer në tokë, në mes të njerëzve.

Dëshmitarë okularë konfirmojnë se disa fishekzjarre devijuan nga rruga e tyre dhe shpërthimet u dëgjuan njëkohësisht në ajër dhe në tokë.

Shkaqet e këtij incidenti janë duke u hetuar dhe policia e konsideron ngjarjen një “fatkeqësi tragjike”, ndërsa hetimet do të zbulojnë arsyet e sakta të ngjarjes.

Festa e Rinisë në Dyseldorf tërheq çdo vit qindra mijëra vizitorë dhe zakonisht zgjat deri të dielën. /Telegrafi/

The post Dramë në Gjermani – fishekzjarrët shpërthejnë mes vizitorëve, 19 të plagosur appeared first on Telegrafi.

Biografi i presidentit të Shteteve të Bashkuara të Amerikës (SHBA), Donald Trump, Michael Wolff, ka deklaruar se ai dhe pedofili i ndjerë, Jeffrey Epstein kanë qenë “miq shumë të ngushtë” nga viti 1989 deri më 2004.

Në një intervistë për Sky News, Wolff tha se nuk është e pazakontë që ata të kenë qenë kaq të afërt.

Wolff, i cili pretendon se ishte personi i fundit që mori një mesazh nga Epstein, tregoi se miqësia e tyre përfundoi në vitin 2004 për shkak të një konflikti rreth një prone në Palm Beach.

“Me shumë gjasë, ata e shihnin veten si beqarë të vjetër. Trump ndonjëherë ishte i martuar, ndonjëherë jo, dhe edhe kur ishte, nuk dukej se martesa kishte shumë rëndësi për të,” tha Wolff.

Ai komentoi edhe mbi fundin e miqësisë mes Trumpit dhe Epsteinit.

“Epstein mendonte se do ta blinte një shtëpi për 36 milionë dollarë dhe e mori Trumpin për t’i dhënë këshilla, përfshirë edhe për zhvendosjen e pishinës. Miku i tij, Trump, e anashkaloi dhe bëri një ofertë prej 40 milionë dollarësh,” tha ai.

I pyetur se si po përballet Trump me skandalin e Epsteinit, Michael Wolff tha se ai e bën këtë përmes “mohimit dhe mjegullimit”.

“Njerëzit që më së shumti kërkojnë transparencë janë vetë njerëzit e tij,” tha Wolff, duke shtuar se “historia e Epsteinit është kthyer në teorinë kryesore të konspiracionit të lëvizjes MAGA. Ata hynë në një mandat të ri presidencial duke besuar se do të zbulohej e vërteta, pa e marrë parasysh që një pjesë e asaj të vërtete është edhe miqësia e Trump-t me Epsteinin.”

Jeffrey Epstein ishte financier amerikan dhe i dënuar për krime seksuale, i njohur për lidhjet e tij me figura të fuqishme nga politika, biznesi dhe bota e argëtimit. Ai u akuzua për abuzim seksual me të mitura dhe drejtimin e një rrjeti trafikimi njerëzor, por vdiq në rrethana të dyshimta në një qeli burgu në vitin 2019, duke nxitur shumë teori konspirative.

Epstein kishte lidhje me figura si Donald Trump, Bill Clinton, Bill Gates dhe princin britanik Andrew. /Telegrafi/

The post Biografi i Trumpit zbulon arsyen pse presidenti amerikan u hidhërua me pedofilin e ndjerë appeared first on Telegrafi.

Presidenti i SHBA-së, Donald Trump, kishte premtuar se do t’i jepte fund “luftërave të përjetshme” të Amerikës jashtë vendit. Me gjithë premtimet elektorale, Trump gjatë pesë muajve të parë të mandatit të dytë presidencial kreu pothuajse po aq sulme ajrore sa paraardhësi i tij, Joe Biden, gjatë gjithë mandatit katërvjeçar.

Sulmet e Trumpit kundër militantëve Houthi në Jemen dhe xhihadistëve në Somali ishin më të ashpra se ato të Bidenit, dhe ai urdhëroi gjithashtu goditje në Irak, Siri dhe së fundmi në Iran.

Edhe pse fushatën e udhëhoqi me premtimin për t’i dhënë fund përfshirjes së SHBA-së në konfliktet ushtarake, ai e intensifikoi ndjeshëm fushatën ajrore, sipas të dhënave nga organizata ACLED (Të Dhëna për Vendndodhjen dhe Ngjarjet e Konflikteve të Armatosura), e cila harton konfliktet.

Që nga inaugurimi, 79-vjeçari ka mbikëqyrur 529 sulme ajrore, krahasuar me 555 gjatë tërë katër viteve të administratës së mëparshme të Bidenit, transmeton Telegrafi.

Siria, Iraku, Jemeni dhe Somalia kanë qenë tashmë objektiva të administratës së mëparshme, por Trump hapi një front të ri me sulmet ndaj programit bërthamor iranian.

“Ushtria amerikane po vepron më shpejt, godet më fort dhe me më pak kufizime”, tha profesoresha Clionadh Raleigh, drejtoreshë e ACLED-it, duke theksuar intensitetin e fushatave.

Sulmet ajrore

Trump këmbëngul se qasja e tij intensive garanton “paqe përmes forcës”, një shprehje që shpesh lidhet me ish-presidentin amerikan, Ronald Reaganin.

“Do ta matim suksesin jo vetëm sipas betejave që fitojmë, por edhe sipas luftërave që përfundojmë, dhe më e rëndësishmja, sipas luftërave në të cilat kurrë nuk hyjmë. Kjo quhet paqe përmes forcës”, tha Trump gjatë ballos inauguruese, shkruan idenpendent.

Ai nuk kreu sulme në Libi apo Afganistan, dhe sulmet ajrore shpesh shihen si një alternativë ndaj dërgimit të trupave amerikane, gjë që e bëri ish-presidenti amerikan, Barack Obama.

Raporti i ACLED-it u publikua në mes të tensioneve brenda bazës së mbështetësve të Trumpit, të njohur si MAGA, lidhur me atë nëse lideri amerikan duhet të angazhohet fare në ndërhyrje ushtarake.

Përfaqësues të spikatur të MAGA-s, si Tucker Carlson, muajin e kaluar kritikuan sulmet ndaj Iranit, duke thënë se ato shkelin premtimet izoluese të Trumpit për “Amerikën në radhë të parë”.

Marjorie Taylor Greene, një besnike me ndikim e lëvizjes MAGA, ka thënë se ekziston një “ndarje e madhe” brenda bazës dhe se është “e ngopur” me ndërhyrjet e huaja.

“Jam zgjedhur mbi të njëjtat premtime si presidenti Trump. Premtuam: jo më luftëra të huaja, jo më ndërrim regjimesh”, pohoi ajo.

Megjithatë, sondazhet tregojnë se Trumpi vazhdon të ketë mbështetje të fortë: 84 për qind e përkrahësve të MAGA e mbështesin fushatën e sulmeve, prej të cilëve 70 për qind e shprehin këtë mbështetje në mënyrë të fuqishme.

Për krahasim, 72 për qind e republikanëve tradicionalë gjithashtu i mbështesin sulmet, ndërsa 49 për qind e tyre fuqimisht.

Sipas profesoreshës Raleigh, statistikat e reja tregojnë se Amerika nuk po tërhiqet “prirja ndërhyrëse e Trumpit ngre pyetjen “a e thyen kjo premtimin për t’i dhënë fund luftërave, apo janë sulmet ajrore në fakt metoda e tij për t’i shmangur ato? Vetëm për pesë muaj, Trump ka mbikëqyrur pothuajse të njëjtin numër sulmesh si administrata e mëparshme për katër vjet. Ushtria vepron më shpejt, godet më fort dhe me më pak kufizime. Siria, Iraku, Afganistani, Jemeni, Somalia dhe tani edhe Irani – janë të gjitha objektiva të njohura, por kjo nuk është një histori gjeografie, por frekuence”.

Sulmet në Jemen, Iran, Irak, Siri dhe Somali

Numri më i madh i sulmeve është regjistruar në Jemen – plot 470 që nga janari – të drejtuara kundër aleatëve iranianë, Huthëve, të cilët po rrezikojnë trafikun detar në Detin e Kuq.

Me gjithë bombardimet intensive, Huthët arritën javën e kaluar të fundosin dy anije, duke shkaktuar një dëm të vlerësuar për ushtrinë amerikane mbi një miliard dollarë.

E gjithë bota ka ndjekur me shqetësim zhvillimin e një krize të re në Lindjen e Mesme. Edhe pse Irani dhe SHBA kanë filluar bisedime për programin bërthamor iranian, deri tani nuk ka përparim.

Në muajin qershor, pas shpërthimit të një konflikti të ri mes Izraelit dhe Iranit, Trump kreu një seri sulmesh ndaj objekteve bërthamore në Iran, përfshirë kompleksin e njohur Fordow, i cili ndodhet thellë nën një mal.

Sulmi u realizua me ndihmën e bombarduesve B-2 dhe bombave depërtuese GBU-57 bunker-buster, por vlerësimet fillestare për dëmet janë kontradiktore – Trump pretendon se ka shkatërruar programin, ndërsa Pentagoni ka deklaruar se pasojat kanë qenë të kufizuara.

Shtëpia e Bardhë këmbëngul se Trump po zbaton një politikë të “paqes përmes forcës” dhe se po mbron interesat amerikane pa u përfshirë në luftëra të reja tokësore.

Por, profesoresha Raleigh paralajmëron se “për civilët, kjo do të thotë një valë e re rreziku. Për aleatët, kjo shkakton shqetësim për shkak të paparashikueshmërisë. Dhe për ligjvënësit, është një sinjal i rritjes së pushtetit të ekzekutivit.”

Ajo shton se “pyetja është: A po e përshkallëzon Trump shpejt për të parandaluar luftërat – apo kjo është kthim tek një politikë me rrezik të lartë dhe përgjegjësi të ulët? E vetmja gjë që është e sigurt: Amerika nuk po tërhiqet. Ajo sulmon e para dhe flet më pas”. /Telegrafi/

The post Trump premtoi fundin e luftërave, por bombardimet u rritën më shumë se në katër vitet e Bidenit appeared first on Telegrafi.

Zëdhënësja e Ministrisë së Punëve të Jashtme të Rusisë, Maria Zaharova, ka komentuar situatën në Moldavi dhe i është bashkuar narrativës së politikanëve pro-rusë në këtë vend, duke pretenduar se NATO po planifikon “okupimin” e Moldavisë.

Në një intervistë për agjencinë ruse TASS, Zaharova tha se NATO po e përgatit Moldavinë për rolin e një shteti në vijën e parë të frontit.

“Gjatë vitit 2024 janë mbajtur 30 ushtrime të përbashkëta ku kanë marrë pjesë trupa moldave dhe të NATO-s. Kishinau po forcon bashkëpunimin me shtetet anëtare të NATO-s dhe ushtrimet e përbashkëta ushtarake kanë për qëllim ta dëshmojnë këtë,” deklaroi Zaharova.

Ajo përsëriti se kjo përbën një shembull të militarizimit të Moldavisë, nga i cili do të përfitonte NATO, raportojnë mediat.

“Pse ndodh e gjithë kjo? Moldavia po përgatitet të bëhet një tjetër Ukrainë”, tha Zaharova.

Ndërkohë, për bashkëpunimin ndërmjet NATO-s dhe Moldavisë janë shprehur më parë edhe zyrtarë nga rajoni separatist moldav i Transnistrisë. Një nga anëtarët e parlamentit, Andrej Safonov, deklaroi se NATO synon okupimin e Moldavisë me ndihmën e Rumanisë.

“Futja e trupave rumune dhe të NATO-s në Moldavi do të përfundojë të gjitha negociatat për zgjidhjen e konfliktit moldavo-transnistrian, pasi kjo do të nënkuptojë de facto luftë mes NATO-s dhe Rusisë, trupat e së cilës janë të stacionuara në tokën transnistriane. Prandaj, le të mbetet ish-RSS-ja Moldave një territor paqeje. Një alternativë ushtarake do t’u sjellë vetëm dhimbje të gjithëve,” theksoi Safonov.

Transnistria është një rajon separatist në lindje të Moldavisë, përgjatë lumit Dniester, që kufizohet me Ukrainën.

Shpalli pavarësi në vitin 1990, por nuk njihet ndërkombëtarisht. Që nga lufta e vitit 1992, funksionon de facto si shtet i pavarur me mbështetje nga Rusia, e cila ka trupa ushtarake atje. Zona është një pikë tensioni mes Moldavisë, Rusisë dhe Perëndimit. /Telegrafi/

The post Rusët në paranojë në lidhje me stërvitjet e NATO-s në Moldavi, Kremlini përmendin “Ukrainën e re”: appeared first on Telegrafi.

Drejtori menaxhues i kompanisë Astronomer, Andy Byron, dhe drejtoresha e resurseve humane, Kristin Cabot, janë kapur duke flirtuar në koncertin e Coldplay në Boston, një veprim që ka shkaktuar një valë reagimesh dhe diskutimesh të shumta në rrjetet sociale.

Ky incident, i cili duket se ka shkelur normat profesionale dhe etikën e punës, ka marrë përmasa skandaloze dhe po përhapet shpejt nëpër platformat online.

Përdoruesit e rrjeteve sociale nuk kanë nguruar të bëjnë shaka dhe tallje mbi këtë ngjarje, duke krijuar meme dhe përmbajtje humoristike që i kanë mbushur platformat si Facebook, Instagram, Twitter, dhe TikTok.

Ndër memet më të njohura është një version i modifikuar i pikturës ikonike “Kërcitja” të Edvard Munchit, ku Andy dhe Kristin shfaqen në rolet kryesore, duke u bërë objekt i një ironie të gjerë.

Për më tepër, ata janë krahasuar me shumë personazhe të njohur nga serialet televizive, ku përdoruesit kanë nxjerrë në pah dinamika të ndryshme qesharake mes tyre.

Skandali ka ngritur gjithashtu pyetje rreth kulturës së kompanisë Astronomer dhe mënyrës se si menaxhohen marrëdhëniet personale në ambientin e punës, duke nxitur debate mbi etikën profesionale dhe përgjegjësinë e drejtuesve të lartë.

Ndërsa kompania ende nuk ka dhënë një reagim zyrtar për këtë ngjarje, pritshmëria është që kjo çështje të marrë më shumë vëmendje në ditët në vazhdim. /Telegrafi/

RyanairColdplay
splitting up couples https://t.co/UgwuK3X5Au

— Ryanair (@Ryanair) July 18, 2025

Astronomer CEO Andy Byron’s wife removes his last name from her Facebook profile, following viral video of his alleged affair with colleague Kristin Cabot at a Coldplay concert. pic.twitter.com/5xzvEU7Kht

— Pop Base (@PopBase) July 17, 2025

Literally spit out a drink LMAO pic.twitter.com/ekVATrC0mm

— Autism Capital (@AutismCapital) July 18, 2025

pic.twitter.com/CqNiYuMs3U

— shirts that go hard (@shirtsthtgohard) July 17, 2025

Shoutout to Coldplay for bringing the whole internet together for one day

— greg (@greg16676935420) July 18, 2025

This dude is worth 1.2 billion dollars.

Not anymore. pic.twitter.com/v5uSitDQ2y

— Catturd (@catturd2) July 17, 2025

pic.twitter.com/SdUWMqUj3H

— shirts that go hard (@shirtsthtgohard) July 17, 2025

You’re never as safe as you think you are pic.twitter.com/sgo9r5W3sY

— Sopranos World (@SopranosWorld) July 17, 2025

When the Astronomer CEO logs on to LinkedIn pic.twitter.com/dz47kRldNa

— greg (@greg16676935420) July 18, 2025

My X timeline today: pic.twitter.com/tqPrKJF0af

— Prison Mitch (@MidnightMitch) July 17, 2025

The post E gjithë bota po flet për skandalin në koncertin e Coldplay – rrjetet sociale janë mbushur plot me meme për çiftin appeared first on Telegrafi.

Kia në Indi prezantoi një veturë të re elektrike. Bëhet fjalë për një SUV me shtatë vende.

Carens Clavis është zhvilluar në Korenë e Jugut, por prodhohet në Indi dhe është dizajnuar për t’iu përshtatur nevojave lokale dhe globale.

Dizajni ndjek gjuhën aktuale të dizajnit të Kia dhe ngjan me modelin më të vogël EV3. Megjithatë, Carens Clavis është më i madh dhe ka gjatësi 455 cm, që e vendos atë në kategorinë e SUV-ve kompaktë.

Në kabinën e shoferit dominojnë dy ekrane me një gjerësi totale prej 26.6 inç. Gjithashtu, Carens ka çati panoramike, ulëse elektrike, sistem zanor Bose dhe mundësi përdorimi të baterisë së makinës si burim energjie për pajisje të tjera.

Fuqia është 135 ose 171 kuaj/fuqi. Clavis EV është i disponueshëm me dy madhësi baterish: 42 kWh dhe 51.4 kWh.

Shtrirja maksimale me baterinë më të madhe arrin deri në 490 kilometra. Shpejtësia e karikimit është 100 kW, por Kia thotë se bateria ngarkohet nga 10 në 80 për qind brenda 39 minutave.

Shitjet fillojnë më 22 korrik. Deri tani nuk dihet nëse Carens Clavis do të shitet në Evropë.

Tani arrijmë te pjesa më interesante. Versioni bazë në Indi kushton rreth 17 mijë euro, që është afërsisht çmimi i versionit bazë të Dacia Sandero Stepway. /Telegrafi/

The post Kia ka prezantuar një SUV me shtatë vende appeared first on Telegrafi.

Presidenti i SHBA-ve, Donald Trump, ka kërcënuar të padisë Wall Street Journal (WSJ), Rupert Murdoch dhe News Corp për një artikull që pretendon se ai i ka dërguar një letër me përmbajtje seksuale Jeffrey Epsteinin në vitin 2003.

Trump e ka quajtur këtë histori si “të rreme, të keq-intencionuar dhe shpifëse”, shkruan cnn.

Ai ka pohuar se ka paralajmëruar drejtoreshën e WSJ, Emma Tucker, dhe Murdoch për natyrën e rreme të letrës, por ata kanë vendosur ta publikojnë gjithsesi.

Në një mesazh në platformën Truth Social, Trump ka thënë se ka urdhëruar prokuroren e përgjithshme, Pam Bondi, të kërkojë nga gjykata publikimin e të gjitha transkripteve të jurisë së madhe lidhur me hetimin ndaj Epstein, shkruan cnn.

Ai e ka quajtur këtë çështje një “mashtrim” të krijuar nga demokratët dhe ka kërkuar që të mbyllet menjëherë.

Letra e përmendur, sipas WSJ, ishte pjesë e një albumi me letra të mbledhura nga Ghislaine Maxwell për ditëlindjen e 50-të të Epstein në vitin 2003. Ajo përmbante një vizatim të një gruaje të zhveshur dhe një mesazh që përfundonte me fjalët “Gëzuar ditëlindjen — dhe çdo ditë qoftë një sekret i mrekullueshëm.”

Trump ka mohuar të ketë shkruar letrën ose të ketë bërë vizatimin, duke thënë se ato nuk janë fjalët e tij dhe se ai nuk bën vizatime.

Ky incident ka rihapur diskutimet mbi lidhjet e Trump me Epstein, i cili u arrestua në vitin 2019 dhe vdiq në burg më vonë atë vit. Trump ka distancuar veten nga Epstein dhe ka kërkuar transparencë në lidhje me dokumentet që lidhen me hetimin ndaj tij. /Telegrafi/

The post Trump do ta padit miliarderin Murdoch për raportimin e WSJ appeared first on Telegrafi.

Bashkimi Evropian ka miratuar paketën e 18-të të sanksioneve kundër Rusisë, në një përpjekje të re për të intensifikuar presionin ekonomik ndaj Kremlinit për shkak të agresionit të vazhdueshëm në Ukrainë.

Lajmi u konfirmua nga shefja e diplomacisë së BE-së, Kaja Kallas.

Për herë të parë që nga fillimi i masave ndëshkuese, BE ka vendosur një ulje të çmimit tavan për naftën ruse, duke e zbritur në 47.6 dollarë për fuçi, një përpjekje kjo për të reduktuar më tej të ardhurat ruse nga eksportet energjetike.

We are standing firm.

The EU just approved one of its strongest sanctions package against Russia to date.

We’re cutting the Kremlin’s war budget further, going after 105 more shadow fleet ships, their enablers, and limiting Russian banks’ access to funding. (1/3)

— Kaja Kallas (@kajakallas) July 18, 2025

Paketa e re përfshin gjithashtu edhe sanksione ndaj 22 bankave ruse, të cilat luajnë rol kyç në financimin e luftës; kufizime ndaj disa bankave kineze, të cilat janë identifikuar si mbështetëse të operacioneve financiare të Rusisë; masa ndëshkuese ndaj rafinerisë së Rosneft-it në Indi, një pikë kyçe për përpunimin e naftës ruse dhe veprime kundër gazsjellësve Nord Stream dhe Nord Stream 2, të cilët mbeten simbole të varësisë energjetike të dikurshme të Evropës ndaj Rusisë

Sipas zyrtarëve të BE-së, paketa e re fokusohet gjithashtu në “mbylljen e skemave të errëta” dhe në ndalimin e bashkëpunëtorëve ndërkombëtarë që ndihmojnë Rusinë të anashkalojë sanksionet.

“Pa këto rrugë të dyta, ekonomia ruse do të fillojë të mbytet më shpejt,” thuhet në deklaratën zyrtare nga Brukseli.

Ndryshe, paketa e re me sanksione ndaj shtetit rus pritet të hyjë në fuqi brenda javës. /Telegrafi/

Nord Stream pipelines will be banned.
A lower oil price cap.

We are putting more pressure on Russia’s military industry, Chinese banks that enables sanctions evasion, and blocking tech exports used in drones. (2/3)

— Kaja Kallas (@kajakallas) July 18, 2025

For the first time, we’re designating a flag registry and the biggest Rosneft refinery in India.

Our sanctions also hit those indoctrinating Ukrainian children.

We will keep raising the costs, so stopping the aggression becomes the only path forward for Moscow. (3/3)

— Kaja Kallas (@kajakallas) July 18, 2025

The post BE-ja miratoi një nga paketat më të forta të sanksioneve kundër Rusisë appeared first on Telegrafi.

Një vizatim nudo dhe një shënim me emrin e Donald Trump janë zbuluar në një koleksion letrash për ditëlindjen e Jeffrey Epstein në vitin 2003. Presidenti amerikan mohon çdo lidhje dhe paralajmëron padi ndaj mediave.

Një letër që mban emrin e presidentit Trump dhe përfshin një vizatim të një gruaje të zhveshur është zbuluar në një koleksion letrash të dhuruara për ditëlindjen e 50-të të Jeffrey Epstein, sipas një raporti të publikuar të enjten nga Wall Street Journal.

Në vizatim, nënshkrimi “Donald” shfaqet në një pozicion të papërshtatshëm në trupin e figurës femërore, dhe përmban një tekst të daktilografuar që përfundon me fjalinë “Gëzuar ditëlindjen – dhe u bëftë çdo ditë një sekret tjetër i mrekullueshëm”.

Presidenti amerikan ka mohuar kategorikisht çdo lidhje me këtë letër, duke deklaruar në një intervistë për Wall Street Journal “unë kurrë nuk kam bërë vizatime në jetën time. Nuk vizatoj gra. Nuk është gjuha ime. Nuk janë fjalët e mia.”

Ai e ka cilësuar letrën si të falsifikuar dhe ka kërcënuar me padi ndaj gazetës dhe pronarit të saj, Rupert Murdoch, raporton cnn.

Më vonë gjatë së enjtes, Trump publikoi një mesazh në rrjetin Truth Social, ku njoftoi se kishte urdhëruar prokuroren, Pam Bondi të publikojë çdo dëshmi përkatëse nga juria e madhe, me kushtin e miratimit gjyqësor. Bondi reagoi menjëherë në platformën X, duke thënë se ishte e gatshme ta bënte këtë të premten, megjithëse procedurat ligjore mund të kërkojnë më shumë kohë.

Trump gjithashtu akuzoi Wall Street Journal se kishte shpërndarë një “lajm të rremë” dhe konfirmoi se do të padiste gazetën, grupin NewsCorp dhe vetë Rupert Murdoch. “Presidenti Trump do të padisë The Wall Street Journal, NewsCorp, dhe Murdoch së shpejti,” thuhej në postimin zyrtar.

Raporti ka ngjallur reagime të forta në rrjetet sociale. Zëvendëspresidenti amerikan, JD Vance e quajti historinë “marrëzi e plotë”, ndërsa figura të tjera të njohura të kampit konservator dolën në mbrojtje të Trump. Aktivistja Laura Loomer shkroi se “letra është krejtësisht e falsifikuar” dhe se Trump “nuk shkruan në veturë shkrimi, por me marker të zi.” Ndërsa Charlie Kirk theksoi se gjuha e përdorur në letër “nuk përputhet fare me mënyrën si flet Trump.”

Letra ishte pjesë e një albumi të përgatitur nga Ghislaine Maxwell, bashkëpunëtorja e ngushtë e Epsteinit, e dënuar për trafik seksual të të miturve. Ky album, që përmbante letra nga Trump dhe personalitete të tjera, është përfshirë më vonë në hetimet e Departamentit të Drejtësisë.

Kujtojmë se Trump ka qenë i fotografuar me Epstein në disa raste në vitet 1990 dhe 2000, dhe emri i tij është shfaqur në regjistrat e udhëtimeve të aeroplanit privat të pedofilit të ndjerë. Megjithatë, Trump ka pohuar se marrëdhënia me Epstein kishte përfunduar shumë kohë përpara se ky i fundit të dënohej për herë të parë në vitin 2008.

Ndërkohë, Departamenti i Drejtësisë javën e kaluar deklaroi se Epstein kishte kryer vetëvrasje dhe se nuk ekziston një “listë klientësh”, duke mbyllur hetimin dhe duke refuzuar të publikojë dokumente të tjera. Kjo ka shkaktuar zemërim mes shumë mbështetësve të Trumpit, të cilët prisnin transparencë të plotë nga administrata aktuale.

Në përgjigje, Trump ka sulmuar hapur bazën e vet politike, duke e quajtur fokusin ndaj çështjes Epstein si një “mashtrim të ri” dhe duke i etiketuar si “republikanë budallenj dhe të pamatur” ata që kërkojnë hetim të mëtejshëm. /Telegrafi/

The post Wall Street Journal publikoi një letër ditëlindjeje që Trump i dërgoi pedofilit Epstein appeared first on Telegrafi.

Të dhënat e reja tregojnë se Italia është konsumatore më e madhe e kondicionerëve në Bashkimin Evropian, e ndjekur nga Greqia, Franca dhe Spanja.

Ndërsa Evropa përballet me një tjetër valë të nxehtit, kondicionerët mbeten një shoqërues i domosdoshëm në vendet më të prekura, me gjithnjë e më shumë njerëz që e konsiderojnë atë një nevojë dhe jo luks.

Italia, më shumë se çdo vend tjetër evropian, nuk mund të bëjë pa të, raporton euronews.

Vetëm ky shtet shfrytëzon mbi një të tretën e gjithë energjisë elektrike të përdorur për kondicionim të ajrit të të 27 shteteve anëtare të Bashkimit Evropian, sipas Eurostat, duke arritur në afërsisht 23 mijë teraxhul nga një total prej pak më shumë se 60 mijë teraxhulësh.

Kjo ndodh pavarësisht çmimeve të larta të energjisë elektrike në Evropë, transmeton Telegrafi.

Ndërkohë, Kosova renditet në pozitën e 12-të në listën e vendeve me konsum më të lartë të energjisë për ftohjen e hapësirave. Sipas të dhënave më të fundit, vendi ynë shpenzon rreth 1208.42 teraxhul energji për këtë qëllim, ndërsa Shqipëria zë vendin e shtatë me 1931.35 teraxhul.

Pse italianët janë të dhënë pas kondicionerëve?

Në vitet e fundit, vendi është goditur nga valë të ashpra të nxehtësisë, me temperatura që arrijnë deri në 48 gradë Celsius në rajone si Sicilia ose Sardinia.

Për më tepër, Italia ka popullsinë më të vjetër në Evropë, duke e bërë banorët shumë të ndjeshëm ndaj nxehtësisë ekstreme.

Greqia tregon një histori të ngjashme. Pavarësisht madhësisë së saj më të vogël, ajo renditet e dyta për shfrytëzimin e kondicionerëve në BE. Konsumon pak më shumë se 8000 teraxhul për këtë qëllim, e ndjekur nga Franca, Spanja dhe Gjermania.

Megjithatë, kondicionimi i ajrit përbën vetëm një pjesë të vogël të konsumit të energjisë elektrike në shtëpi në BE, duke zënë vetëm 0.6 për qind.

Pjesa më e madhe (62.5 për qind) i dedikohet ngrohjes së dhomave, e ndjekur nga ngrohja e ujit me 15 për qind dhe ndriçimi me 14.5 për qind.

Cilat vende evropiane regjistruan temperaturat më të larta në vitin 2025?

Këtë verë, Evropa dhe vendet fqinje kanë përjetuar tashmë temperatura të larta.

Ballkani Perëndimor po përballet me thatësirë të rënda, ndërsa zjarret e mëdha shkaktuan evakuimin e mijëra turistëve në Greqi dhe lanë të vdekur të paktën dy persona në Turqi.

Përballë shqetësimeve në rritje për ndryshimet klimatike, në fillim të muajit korrik, Ankara miratoi një ligj historik për klimën që synon emetime neto-zero deri në vitin 2053.

As Evropa Perëndimore nuk shpëtoi.

Portugalia ka raportuar temperaturën më të lartë në kontinent deri tani: 46.6 gradë Celsius u matën në Mora, 100 km larg Lisbonës.

Spanja fqinje u godit nga zjarret, të cilat lanë të vdekur dy persona dhe shkatërruan provincën verilindore të Tarragonas, ku rreth 18 mijë banorë u vendosën në izolim për arsye sigurie.

Spanja raportoi temperaturën e dytë më të lartë në Evropë në verën e vitit 2025. Temperatura prej 46 gradë Celsius u regjistrua në El Granado, pranë kufirit jugor me Portugalinë.

Greqia kontinentale renditet e treta me 43.2 gradë Celsius në Skala, një qytet në rajonin jugor të Peloponezit.

Valë e fundit e nxehtësisë besohet të ketë shkaktuar afro 300 vdekje shtesë.

A po bëhen evropianët më të kujdesshëm ndaj energjisë?

Lajmi i mirë është se evropianët po përdorin më pak energji në shtëpi.

Pas një kulmi rekord prej 11 milion teraxhulësh në vitin 2021, konsumi i energjisë ka rënë në 9.6 milionë, sipas të dhënave më të fundit të Eurostatit, ku familjet përbëjnë 26.2 për qind të konsumit final të energjisë.

Shumica e kësaj energjie mbulohet nga gazi natyror (29.5 për qind) dhe elektriciteti (25.9 për qind). /Telegrafi/

The post Kondicionerët në Evropë – Italia është shfrytëzuesi më i madh, por ku qëndron Kosova? appeared first on Telegrafi.

Ronald De’Souza është shpallur i pafajshëm pothuajse gjysmë shekulli më pas, pasi e dënoi padrejtësisht një polic i korruptuar. Ai është anëtari i fundit i grupit të njohur “Stockwell Six” që u lirua.

Në shkurt të vitit 1972, De’Souza dhe pesë të rinj tjetër, të gjithë me prejardhje afrikano-britanike, u akuzuan në mënyrë të pabazuar se kishin tentuar të plaçkitnin oficerin Derek Ridgewell në metron e Londrës.

De’Souza u dënua, por sot, njëkohësisht me Errol Campbell – i cili gjithashtu ishte shpallur i fajshëm – gjykata u anuloi aktgjykimet e tyre, raporton skynews.

Grupi u përbënte nga Ronald De’Souza, Texo Johnson, Courtney Harriot, Paul Green, Cleveland Davidson dhe Everett Mullins. Johnson, Harriot, Green dhe Davidson ishin deklaruar të pafajshëm nga gjykata në vitin 2021, ndërsa Mullins ishte liruar menjëherë gjatë procesit për shkak të paaftësisë së tij për të kuptuar deklaratat që Ridgewell i kishte detyruar të nënshkruanin.

Për Campbell, dënimi me 18 muaj burg për një vjedhje në magazinën Bricklayers Arms në vitin 1977, u anulua nga Gjykata e Apelit. Gjykatësi Lord Justice Holroyde, së bashku me kolegët e tij, shprehu keqardhje që nuk mund të kompensonin vuajtjet që Campbell përjetoi, por vendosi të pranojnë apelin e tij në emër të tij dhe të heqin dënimin.

Djali i Errol Campbellit deklaroi se babai i tij vuajti nga turpi, hasi në vështirësi për tu punësuar dhe më vonë u bë alkoolist. Ai tha se babai i tij kishte qenë ‘një njeri i mirë’, por që Ridgewell nuk u mbajt përgjegjës dhe nuk u dënua gjatë jetës së tij.

Sipas avokatit Matt Foot – që përfaqësonte familjet – ishte diçka e njohur në Londrën e Jugut se Ridgewell ishte ‘racist dhe i korruptuar’, aq sa për të ishte kompozuar edhe një këngë në stilin “calypso”.

Foot kërkoi përgjegjësi nga Policia e Trafikut në Britani të Madhe (BTP) për mbajtjen në detyrë të Ridgewell, pavarësisht akuzave që pesë të rinj i kishin bërë atij në mes të viteve 1970, dhe ngriti pyetje për dorëzimin e përgjegjësisë për të gjithë raste të ngjashme.

Ai gjithashtu propozon ndryshime ligjore që do të përcaktojnë që të gjitha rastet e zhvilluara nga një polic që përfundon në burg të rishqyrtohen në mënyrë automatike për të zbulimin e mundësive për padrejtësi të tilla. Komisioni për Rishikimin e Çështjeve Penale (CCRC) njoftoi se vendimet e sotme çuan në anulimin e plot 13 dënimesh që lidhen me Ridgewellin.

Campbell u përpoq ta sfidonte vendimin qysh në vitin 1978. familja e tij e rihapi çështjen në shtator 2024, dhe pas një hetimi të CCRC, apelimi u pranua në shkurt 2025.

Në gusht 2023, CCRC ridërgoi për shqyrtim vendimet për bashkë-akuzuarit e Campbell – Salih Mehmet dhe Basil Peterkin – dhe ato dënime u anuluan në janar 2024 .

Ridgewell bashkë me dy kolegë, Douglas Ellis dhe Alan Keeling, pranuan vjedhjen e sendeve nga magazina Bricklayers Arms midis janarit 1977 dhe prillit 1978, vlerësuar mbi 421 mijë euro – shumë e madhe për atë kohë. Ridgewell vdiq në burg në vitin 1982 në moshën 37 vjeç, pa përfunduar dënimin e tij. /Telegrafi/

The post Britaniku lirohet pas gati 50 vjetëve nga burgu – ishte dënuar bazuar në dëshmi të rrejshme të një polici appeared first on Telegrafi.

Shtëpia e Bardhë njoftoi se Rusia do të përballet me tarifa doganore “shumë të larta” nëse nuk pranon që brenda 50 ditëve të ndalë luftën në Ukrainë.

“Pra, brenda 50 ditëve, siç është qartë thënë, nëse brenda kësaj periudhe nuk arrihet një marrëveshje për ndalimin e zjarrit ose një marrëveshje paqeje, nëse Rusia refuzon të pranojë ligjërisht ndalimin e zjarrit, atëherë do të përballet me tarifa doganore shumë të larta dhe do të përballet me sanksione dytësore. Pra, vendet që blejnë naftë nga Rusia gjithashtu do të sanksionohen, dhe kjo padyshim do t’i shkaktojë dëm të madh ekonomisë ruse”, tha për gazetarët zëdhënësja, Karoline Leavitt.

Presidenti amerikan, Donald Trump dëshiron të përfundojë luftën me një zgjidhje diplomatike, tha Leavitt.

Leavitt: If Russia refuses a legitimate ceasefire or peace deal in 50 days, it will face steep tariffs and secondary sanctions.

Countries buying Russian oil will also be sanctioned. 1/ pic.twitter.com/EYBhOffzOG

— Tymofiy Mylovanov (@Mylovanov) July 17, 2025

“Ai ka insistuar për këtë… presidenti dëshiron të ndalojë vrasjet dhe dëshiron të shpëtojë jetë”, shtoi ajo.

Vlen të përmendet se pjesa e tregtisë së jashtme amerikane me Rusinë është më pak se një për qind, dhe shkëmbimi i plotë tregtar midis dy fuqive është reduktuar në minimum pas agresionit rus në vitin 2022, që do të thotë se tarifat eventuale do të ishin joefektive.

Gjithashtu, tarifat dytësore ndaj vendeve që tregtojnë me Rusinë me shumë gjasa nuk do të kenë efektin e dëshiruar, duke pasur parasysh se Kina ka njoftuar se do ta ndihmojë Rusinë edhe më fuqishëm në rast shpërthimi të një lufte tregtare. /Telegrafi/

The post SHBA sërish kërcënon Rusinë nëse nuk pranon armëpushim në Ukrainë appeared first on Telegrafi.

President amerikan, Donald Trump është diagnostikuar me pamjaftueshmëri kronike venoze, një problem me qarkullimin e gjakut, pasi kishte vënë re “ënjtje të lehtë në pjesën e poshtme të këmbëve,” bëri të ditur të enjten zëdhënësja e Shtëpisë së Bardhë, Karoline Leavitt.

Kjo e fundit dha këtë informacion të papritur gjatë një deklarate për të adresuar spekulimet lidhur me disa mavijosje të dukshme në duart e 79-vjeçarit, të cilat ajo tha se ishin vlerësuar si “irritim i lehtë i indeve të buta nga shtrëngimi i shpeshtë i duarve dhe përdorimi i aspirinës” si masë parandaluese për shëndetin e zemrës.

“Në përpjekje për transparencë, presidenti dëshironte që t’ju ndaja një shënim nga mjeku i tij me të gjithë ju sot,” tha ajo.

“Gjatë javëve të fundit, Presidenti Trump vuri re një ënjtje të lehtë në pjesën e poshtme të këmbëve. Në përputhje me kujdesin rutinë mjekësor dhe me shumë kujdes, ky shqetësim u vlerësua plotësisht nga njësia mjekësore e Shtëpisë së Bardhë,” pohoi zëdhënësja.

“Presidenti iu nënshtrua një ekzaminimi të plotë, duke përfshirë studime diagnostike të sistemit vaskular; ekografi doppler venoze të gjymtyrëve të poshtme nga të dyja anët zbuluan pamjaftueshmëri kronike venoze… një gjendje e zakonshme, veçanërisht te personat mbi moshën 70 vjeç.”

Ajo shtoi se “me rëndësi, nuk u gjetën shenja të trombozës së venave të thella apo sëmundjes arteriale… U krye gjithashtu edhe një ekokardiogram, i cili konfirmoi strukturë dhe funksion të rregullt të zemrës; nuk u identifikuan shenja të insuficiencës kardiake, dëmtimit të veshkave apo ndonjë sëmundjeje sistematike”.

Nuk ishte menjëherë e qartë se si do të trajtohej Trump “aktualisht në disa fotografi të fundit të presidentit vihen re mavijosje të lehta në pjesën e pasme të dorës”.

“Kjo përputhet me irritimin e lehtë të indeve të buta nga shtrëngimi i shpeshtë i duarve dhe përdorimi i aspirinës, e cila merret si pjesë e një regjim standard për parandalimin e sëmundjeve kardiovaskulare. Kjo është një efekt anësor i njohur dhe i padëmshëm i terapisë me aspirinë, dhe presidenti vazhdon të jetë në shëndet të shkëlqyer, gjë që besoj se të gjithë e shihni përditë këtu”, përfundoi Leavitt. /Telegrafi/

The post Shtëpia e Bardhë konfirmon: Trump ka probleme me qarkullimin e gjakut në këmbë appeared first on Telegrafi.