Normal view

There are new articles available, click to refresh the page.
Today — 20 July 2025Main stream

Rama: Vijon sekuestrimi i qumështit, bulmetrave dhe mishit pa faturë

19 July 2025 at 23:31

Përmes një videoje të publikuar në rrjetet sociale, kryeministri Edi Rama tregon produktet e bllokuara në 6 ditë nga institucionet pasi tregtoheshin pa faturë.

Sipas kryeministrit, në gjashtë ditët e para të aksionit për kontrollin e tregut nga ushqimet që shiten pa faturë janë sekuestruar në total 32 ton produkte bulmeti, qumësht dhe mish.

janë kapur në total 32 ton produkte bulmeti, qumësht dhe mish.

“Vijon pa pushim sekuestrimi i qumështit, bulmetrave dhe mishit pa faturë! Deri në fund!”, shkruan kryeministri Rama në Facebook. /Telegrafi/

The post Rama: Vijon sekuestrimi i qumështit, bulmetrave dhe mishit pa faturë appeared first on Telegrafi.

Vodhën cigare dhe mbi 4 mijë euro, arrestohen një burrë dhe një grua në veri të Mitrovicës

19 July 2025 at 23:19

Policia e Kosovës ka arrestuar dy persona të dyshuar për një vjedhje të rëndë që ndodhi në një kioskë në rrugën “Kral Petri” në veri të Mitrovicës.

Sipas raportit, persona të panjohur hynë me forcë në objekt dhe vodhën 141 paketa cigare dhe një shumë parash me vlerë rreth 4,700 euro.

Pas një hetimi të shpejtë, njësitë policore identifikuan dhe arrestuan dy të dyshuarit: E.H., 44 vjeç, mashkull, dhe S.M., 39 vjeç, femër.

“Të njëjtit janë arrestuar në qytetin e Mitrovicës së Veriut, ku gjatë kontrollit në lokacionin e tyre janë gjetur dhe sekuestruar 141 pako (boksa) me cigare, të cilat dyshohen se janë të vjedhura”, thuhet në njoftim.

Të dy janë dërguar në mbajtje për 48 orë me vendim të Prokurorit, ndërsa ndaj tyre është iniciuar procedurë penale për veprën “vjedhje e rëndë”.

Policia e Kosovës thekson se do të vazhdojë të sigurojë rendin dhe ligjin, duke u angazhuar që çdo shkelës të marrë përgjegjësinë ligjore dhe të mbrojë sigurinë e qytetarëve. /Telegrafi/

 

The post Vodhën cigare dhe mbi 4 mijë euro, arrestohen një burrë dhe një grua në veri të Mitrovicës appeared first on Telegrafi.

Shqelma, grushte e kapje për flokësh – përleshen disa vajza në një pompë derivatesh në rrugën për në Matiçan

19 July 2025 at 23:14

Një rrahje mes disa vajzave ka ndodhur të shtunën mbrëma pranë një pompe derivatesh.

E gjithë ngjarja ka ndodhur rrugës për në Matiçan të Prishtinës, ku siç shihet në pamje, të përfshirat janë shkulur për flokësh dhe kanë shpërndarë grushte mes vete.

Pamjet janë siguruar nga Gazeta Express, teksa nuk dihet nëse ka të arrestuar.

Telegrafi ka provuar të marrë informacione nga Policia e Kosovës, por të njëjtit nuk janë përgjigur deri më tani. /Telegrafi/

The post Shqelma, grushte e kapje për flokësh – përleshen disa vajza në një pompë derivatesh në rrugën për në Matiçan appeared first on Telegrafi.

Yesterday — 19 July 2025Main stream

Albin Kurti prezanton Artan Abrashin kandidat për kryetar të Prizrenit

19 July 2025 at 21:28

Kryetari i Lëvizjes Vetëvendosje (VV), Albin Kurti, sonte në Prizren ka prezantuar publikisht kandidatin e partisë së tij për kryetar komune.

Në një ngjarje të mbajtur në sheshin Kej, përballë Xhamisë së Sinan Pashës në qendër të Prizrenit, u bë e ditur se kandidati i VV-së për kryetar të Komunës së Prizrenit në zgjedhjet lokale që do të mbahen më 12 tetor 2025 është Artan Abrashi.

Gjatë fjalimit të tij, Kurti tha se Abrashi është një figurë me vizion, i ndershëm dhe punëtor, duke theksuar se Vetëvendosje po hyn në këto zgjedhje me një ekip të fortë dhe një program të qartë për ndryshim dhe përparim në qytet.

Zyrtarët e partisë bënë të ditur se gjatë fushatës zgjedhore do të ketë takime të tjera me qytetarët në të gjitha lagjet e Prizrenit. /RTK/

The post Albin Kurti prezanton Artan Abrashin kandidat për kryetar të Prizrenit appeared first on Telegrafi.

Ilir Poroshtica zyrtarizohet kandidat i GUXO-s për kryetar të Gjilanit

19 July 2025 at 21:04

Partia GUXO ka zyrtarizuar kandidaturën e arkitektit të njohur Ilir Poroshtica për Kryetar të Komunës së Gjilanit.

Lajmin e ka bërë të ditur kryetarja e partisë, Donika Gërvalla, përmes një postimi publik.

“Arkitekti i njohur, qytetari shembullor dhe njeriu i mirë dhe punëtor i këtij vendi, Ilir Poroshtica, do të jetë kandidat për Kryetar të Gjilanit nga Partia GUXO,” ka shkruar Gërvalla, duke e cilësuar kandidaturën si një hap serioz drejt zhvillimit të komunës.

Sipas saj, Poroshtica po hyn në këtë garë me “vendosmërinë dhe sigurinë, por edhe me modestinë e një profesionisti kulminant”, duke theksuar se “fituesit e vërtetë do të jenë qytetarët e Gjilanit”.

Ilir Poroshtica është i njohur në Gjilan si arkitekt dhe sipërmarrës i suksesshëm, me projekte të shumta në sektorin privat.

“Si një menaxher i shkëlqyer, këtë përvojë dhe sukses ai dëshiron ta sjellë edhe në sektorin publik”, tha Gërvalla, duke shtuar se për këtë i duhet besimi i qytetarëve të mrekullueshëm të Gjilanit/

Ajo theksoi gjithashtu se një nga synimet kryesore të ekipit të Poroshticës do të jetë “tërheqja e personaliteteve me përvojë në administratë dhe profesionistëve të fushave të ndryshme”.

“Gjilanit i duhet një ekip i tillë dhe një frymë e tillë. Dhe kjo frymë po vjen me Ilirin”, ka shkruar Gërvalla. /Telegrafi/

The post Ilir Poroshtica zyrtarizohet kandidat i GUXO-s për kryetar të Gjilanit appeared first on Telegrafi.

Humb jetën 32-vjeçari në Shëngjin, ra në kontakt me rrymën dhe pastaj u rrëzua nga skelet

19 July 2025 at 19:42

Një 32-vjeçar ka humbur jetën pasditen e sotme teksa po montonte disa skela në shëtitoren e plazhit të Shëngjinit pranë bustit “Willson”.

Sipas policisë, sot rreth orës 16:45 dyshohet se 32-vjeçari me iniciale Z.L ka rënë nga lartësia si pasojë e kontaktit me rrymën dhe ka humbur jetën.

Ndërkaq, grupi hetimor ndodhet në vendngjarje dhe po punon për sqarimin e plotë të rrethanave të ngjarjes.

“Rreth orës 16:45, në shëtitoren e plazhit të Shëngjinit, pranë bustit “Ëillson”, dyshohet se, si pasojë e kontaktit me rrymën elektrike, ka rënë nga lartësia e një skele dhe ka humbur jetën shtetasi Z. L., 32 vjeç, banues në fshatin Mërqi, Lezhë. Grupi hetimor ndodhet në vendngjarje dhe po punon për sqarimin e plotë të rrethanave të ngjarjes”, thuhet në njoftimin e policisë./rtsh/

The post Humb jetën 32-vjeçari në Shëngjin, ra në kontakt me rrymën dhe pastaj u rrëzua nga skelet appeared first on Telegrafi.

Forcat shqiptare të KFOR-it në stërvitje të përbashkët me NATO-n në Pejë

19 July 2025 at 19:34

Ministria e Mbrojtjes së Shqipërisë ka njoftuar se efektivët e Batalionit Komando, pjesë e Misionit KFOR 07 në Komandën Rajonale Perëndimore po stërviten në Pejë.

“Efektivët e Batalionit Komando, pjesë e Misionit KFOR 07 në Komandën Rajonale Perëndimore (RC-ë), vazhdojnë të tregojnë profesionalizëm dhe përkushtim jo vetëm në përmbushjen e detyrave operacionale, por edhe në stërvitjet e përbashkëta me aleatët tanë të NATO-s”, thuhet në postimin e Ministrisë së Mbrojtjes në Facebook.

Stërvitja HELI MEDEVAC, ishte e fokusuar në evakuimin mjekësor ajror. /Telegrafi/

The post Forcat shqiptare të KFOR-it në stërvitje të përbashkët me NATO-n në Pejë appeared first on Telegrafi.

Zjarret në Shqipëri – 4 vatra ende aktive, dëme të mëdha në pyje dhe ullishte

19 July 2025 at 19:06

Situata me zjarret mbetet ende problematike në vendin tonë. 20 vatra zjarri janë raportuar gjatë 24 orëve të fundit. 4 prej tyre vijojnë të jenë ende aktive.

Në zonën e quajtur “Liqeni i Luleve”, pjesë e Parkut Kombëtar të Lurës janë dy vatra zjarri, njëra po zhvillohet në drejtim të Lurës, ndërsa tjetra nga krahu i Malit të Dejës.

Në zonën e “Malit të Peladhisë”, pjesë e Bashkisë Bulqizë është aktive një tjetër vatër zjarri e zhvendosur në lartësinë mbi fshatin Krajkë, e cila është në terren të vështirë.

Në fshatin Drenovë, bashkia Mallakastër, vijon aktive vatra e zjarrit të rënë në një sipërfaqe me shkurre, ferra dhe pyll pishe, midis kufirit ndarës të fshatit Drenovë, Belishovë, dhe fshatit Gorishovë.

Në fshatin Borsh, bashkia Himarë, mbrëmjen e së premtes vatra e zjarrit është riaktivizuar. Gjatë natës efektivët kanë qëndruar në vendngjarje për të monitoruar situatën, por mëngjesin e së shtunës vatra e zjarrit është riaktivizuar përsëri, në një sipërfaqe me shkurre pranë banesave, e cila vështirëson ndërhyrjen, pasi është terren i vështirë.

52 hektarë me shkurre dhe bimësi, si dhe rreth 90 rrënjë ullinj janë djegur si pasojë e zjarreve që kanë përfshirë vendin tonë në 24 orët e fundit.

Për shuarjen e zjarreve u angazhuan 32 automjete zjarrfikëse dhe 275 forca operacionale.

Agjencia Kombëtare e Mbrojtjes Civile iu bëjnë thirrje të gjithë qytetarëve që të shmangin çdo veprim që mund të shkaktojë zjarr dhe të njoftojnë menjëherë shërbimet emergjente në rast se konstatojnë një vatër zjarri./tch/

The post Zjarret në Shqipëri – 4 vatra ende aktive, dëme të mëdha në pyje dhe ullishte appeared first on Telegrafi.

U takuan pa zhurmë, përfundon takimi Kurti–Limaj

19 July 2025 at 16:49

Kryeministri në detyrë Albin Kurti dhe kreu i Nismës Socialdemokrate, Fatmir Limaj duket se kanë përfunduar takimin e shumëpërfolur këto ditë.

Ende nuk dihen detaje nëse ka pasur dakordim për ndonjë marrëveshje për të dalë nga kriza politike.

Megjithatë, Kurti është parë duke u larguar nga ambientet e një restoranti në lagjen Pejton të kryeqytetit, shumë afër selisë së NISMA-s.

Pamjet nga largimi i Kurtit janë publikuar nga mediumi “Nacionale”.

Kujtojmë se NISMA vijon të këmbëngulë për postin e kryeparlamentarit, siç deklaroi edhe deputetja Xhevahire Izmaku, e cila theksoi se Limaj në krye të Kuvendit është “mundësia më e mirë për vendin”.

Ndërkaq LVV nuk ka bërë të ditur nëse do të mund ta ndryshoj emrin e Albulena Haxhiut.

Afati për formimin e institucioneve përfundon më 26 korrik. Presidentja Vjosa Osmani ka paralajmëruar se, në mungesë të marrëveshjes lënda do të dërgohet në Gjykatën Kushtetuese. /Telegrafi/

The post U takuan pa zhurmë, përfundon takimi Kurti–Limaj appeared first on Telegrafi.

BE e shqetësuar për vonesat në Kosovë, Plani i Rritjes me afat të kufizuar

19 July 2025 at 16:37

Zyrtarët e Komisionit Evropian shprehin shqetësim për faktin se në Kosovë ende nuk janë formuar institucionet, gjë që po vonon ratifikimin e marrëveshjeve të nevojshme për zbatimin e Planit të Rritjes.

Kosova ka të drejtë të përfitojë nga fondet e parafinancimit menjëherë pasi të ratifikohen të gjitha marrëveshjet, por për këtë duhet së pari të konstituohet Kuvendi dhe të formohet qeveria e re.

“Plani i Rritjes është instrument me afat të kufizuar, i miratuar për periudhën 2024–2027, dhe është në interesin e Kosovës që ratifikimi të bëhet sa më shpejt, në mënyrë që vendi të përfitojë plotësisht nga mundësitë që ky Plan ofron për qytetarët e tij,” – thuhet në mesazhin e Komisionit Evropian.

Po ashtu, theksohet se vetëm pas përmbushjes së të gjitha kushteve, mund të bëhet lirimi i fondeve.

Plani i Rritjes konsiderohet si paketa më ambicioze e Bashkimit Evropian për Ballkanin Perëndimor. Bëhet fjalë për një fond prej 6 miliardë eurosh, që do të shpërndahet në formë grantesh dhe kredish me kushte të favorshme.

Në raport me numrin e banorëve, Kosova pritet të jetë përfituesja më e madhe, me mbi 880 milionë euro që mund të përfitojë nga kjo paketë./RTK/

The post BE e shqetësuar për vonesat në Kosovë, Plani i Rritjes me afat të kufizuar appeared first on Telegrafi.

Ramabaja: Krahu i SHIK-ut po përpiqet që takimi Kurti–Limaj të dështoj, por urtësia politike do të fitojë

19 July 2025 at 16:16

Analisti politik Sadri Ramabaja, ka reaguar përmes një statusi në Facebook lidhur me zhvillimet e fundit politike në vend, duke ngritur shqetësimin për përpjekjet e disa qarqeve për të penguar takimin e paralajmëruar ndërmjet kryeministrit në detyrë, Albin Kurti dhe liderit të Nismës Socialdemokrate, Fatmir Limaj.

Sipas Ramabajës, është linja e SHIK-ut ajo që po tenton ta sabotojë këtë takim, duke vepruar përmes ndikimit të saj brenda Kuvendit të Kosovës dhe partive politike, veçanërisht në PDK dhe LDK.

“Linja e SHIK-t, krahu rigjid i tij në Kuvendin e Kosovës dhe brenda partive (me theks PDK-së dhe LDK-së), edhe në minutat e fundit, po angazhohet që ta bëjë takimin Kurti–Limaj të dështuar”, shkruan Ramabaja.

Më tej, Ramabaja vlerëson se kjo linjë po përpiqet t’ia faturojë përgjegjësinë për një dështim të mundshëm Kurtit.

“Madje duke trumpetuar e paragjykuar për këtë si fajtor km Albin Kurti”, shkruan ai.

Pavarësisht këtyre përpjekjeve, analisti shpreh bindjen se liderët Kurti dhe Limaj do të arrijnë një marrëveshje dhe do ta kapërcejnë këtë sfidë politike me maturi dhe vizion.

“Urtësia politike e dyshes Kurti–Limaj do të ngadhënjejnë edhe në këtë përballje dhe ata do të arrijnë marrëveshjen që sot”, shprehet Ramabaja.

Ramabaja e sheh këtë bashkëpunim të mundshëm si bazë për formimin e qeverisë së re dhe një hap të rëndësishëm në mbrojtje të interesit shtetëror.

“Qeveria Kurti 3 po vije si produkt edhe i patriotizmit kushtetues të këtyre dy liderëve tanë. Mirënjohje!”, ka shkruar ai. /Telegrafi/

The post Ramabaja: Krahu i SHIK-ut po përpiqet që takimi Kurti–Limaj të dështoj, por urtësia politike do të fitojë appeared first on Telegrafi.

Një thikë 13 euro dhe një gabim që i kushtoi me burg – rrëfimi i 18-vjeçarit të dënuar për tentim vrasje

18 July 2025 at 23:43

Në episodin e sontëm të emisionit “Prapa Grilave” në TV Dukagjini, gazetari Lirion Lloazani solli rrëfimin e 18 vjeçarit i cili është dënuar për tentim vrasje.

Në moshën kur shumica e të rinjve mendojnë për shkollën, sportin apo ëndrrat e së ardhmes, një 16-vjeçar nga Kosova bleu një thikë për 13 euro dhe e përdori për të therur një bashkëmoshatar.

Sot, në moshën 18-vjeçare, ai ndodhet në Institucionin Korrektues të Lipjanit në vuajtje të dënimit prej dy vitesh për tentim vrasje.

Ngjarja kishte ndodhur në maj të vitit 2023, si pasojë e një konflikti të vogël mes vëllait të tij dhe disa të rinjve të tjerë.

Ai thotë se shoqëria e ka shtyrë të reagojë, pa menduar për pasojat.

Ishte Ramazan, dhe sapo ishte kthyer nga puna me gjyshin. E mori thikën, shkoi në vendin ku pritej dhe në momentin kur bashkëmoshatari e shtyu, humbi kontrollin dhe e goditi tre herë me thikë – në bark, mushkëri dhe gjoks.

“Vetëm një moment adrenalina më mori. Nuk kam mendu as për vdekje, as për burg. Kur e pashë gjakun, më erdhi vetëdija. I ndihmova, e thirra ambulancën”, ka rrëfyer ai.

Ai thotë se nuk e ka pasur zakon të mbajë thikë me vete, por e kishte blerë menjëherë para ngjarjes në një lokal në qendër të qytetit, pa asnjë pyetje nga shitësi. Ky fakt ngre alarmin për lehtësinë me të cilën të miturit mund të blejnë armë të ftohta.

“Lokali është i hapur, nuk të pyet kush as pse po e don. Jam kanë 16 vjet, pagova 13 euro edhe e mora. Edhe sot mundesh me shku e me ble pa problem”, ka rrëfyer ai.

Ky i ri, i cili kishte nisur përdorimin e marihuanës në moshën 14-vjeçare, thotë se ndikimi i saj, bashkë me shoqërinë e gabuar, e shtyu drejt një rrjedhe të rrezikshme. Megjithëse familja dhe madje edhe psikologët e shkollës kishin tentuar ta ndalonin, ai thotë se ndikimi më i madh vinte nga jashtë shtëpisë.

Pasi u arrestua, fillimisht iu shqiptua një dënim prej tre vitesh, por më pas Apeli ia uli në dy.

Në burg, thotë se ka marrë mësime të rëndësishme dhe është transformuar.

“Këtu kam marrë zanate, rregulla për jetë, më ka ndihmu me u ndal prej substancave. E kam kuptu gabimin. Tash i mendoj senet 2-3 herë”, ka thënë ai.

Tutje i dënuari e pranon fajin dhe i kërkon falje të miturit që e ka lënduar dhe familjes së tij.

Rrëfimi i tij është një pasqyrë e drejtpërdrejtë e një realiteti të ashpër me të cilin po përballen të rinjtë – ku mjafton një moment zemërimi dhe një objekt i mprehtë për të shkatërruar jetën e dikujt, apo të vetvetes.

“I kërkoj falje familjes së tij dhe familjes time. Kam qenë barrë për ta një vit e pesë muaj. Tash dua vetëm me punu, me i qëndru afër familjes dhe me i qëndru larg drogës e armëve”, ka thënë ai.

Ky është rrëfimi i një 18-vjeçari që thotë se është i rehabilituar dhe që planifikon një të ardhme ndryshe. Por mbi të gjitha, ky është një kujtim i dhimbshëm për atë që ndodhi kur një fjalë, një shoqëri e gabuar dhe një thikë u bënë bashkë – dhe për pak sa nuk shkaktuan një vrasje të vërtetë./Dukagjini/

The post Një thikë 13 euro dhe një gabim që i kushtoi me burg – rrëfimi i 18-vjeçarit të dënuar për tentim vrasje appeared first on Telegrafi.

Deputeti gjerman kërkon që Kosova të bëhet pjesë e NATO-s dhe BE-së sa më shpejt

18 July 2025 at 23:21

Deputeti i SPD-së, Adis Ahmetoviq ka bërë thirrje që Gjermania të rrisë ndjeshëm mbështetjen për Kosovën. Ai theksoi se stabiliteti në Ballkanin Perëndimor varet nga integrimi i plotë i rajonit në strukturat euroatlantike.

Ahmetoviq deklaroi se integrimi i gjashtë vendeve të Ballkanit Perëndimor në Bashkimin Evropian është mënyra e vetme për të garantuar paqe dhe siguri afatgjatë në rajon.

“Ne duhet ta monitorojmë situatën në Ballkanin Perëndimor çdo ditë dhe në mënyrë të vazhdueshme. Politika për këtë rajon nuk duhet të kufizohet vetëm në promovimin ekonomik, por duhet të mbetet pjesë integrale e agjendës sonë të politikës së jashtme. Po ndjek nga afër zhvillimet në Shqipëri, Serbi dhe Kosovë. Ne jemi të interesuar për stabilitet politik”, deklaroi Ahmetoviq.

Ai shtoi “Për Kosovën kjo nënkupton në mënyrë të veçantë që duam që ky vend të bëhet anëtar i Këshillit të Evropës sa më shpejt që të jetë e mundur; nga këndvështrimi i SPD-së, sa më shpejt, aq më mirë”

Megjithëse nuk dha një datë konkrete se kur Gjermania do ta trajtojë çështjen e anëtarësimit të Kosovës në Këshillin e Evropës, Ahmetoviq dhe kolegu i tij Frank Schwabe janë të përkushtuar që kjo çështje të mbetet prioritet për SPD-në në Bundestag.

I pyetur për përgjegjësinë politike për këtë dështim, Ahmetoviq theksoi se qeveria gjermane është dashur të angazhohej më shumë për të bindur shtetet anëtare të Këshillit të Evropës, duke nënvizuar se Gjermania ka ndikim të madh.

Zyrtari i SPD-së shtoi se, përveç anëtarësimit në BE, anëtarësimi në NATO mbetet po ashtu prioritet për Kosovën dhe vendet e tjera të rajonit.

“Anëtarësimi në NATO është të paktën po aq i rëndësishëm sa ai në BE. Të dyja, si BE-ja ashtu edhe NATO-ja, janë thelbësore për një jetë në paqe, liri dhe siguri. Nuk mund ta vlerësoj saktësisht kur do të ndodhë kjo, por si deputet i SPD-së, do të vazhdoj të luftoj për këtë çështje,” tha ai për Deutsche Welle.

Ai theksoi se Kosova, Serbia, Bosnja e Hercegovina, Mali i Zi, Shqipëria dhe Maqedonia e Veriut duhet të përmbushin detyrimet e tyre për të përparuar në këtë proces.

Ahmetoviq komentoi edhe situatën politike në Kosovë, ku Kuvendi ka dështuar të konstituohet pas gati 50 përpjekjesh.

Ai e cilësoi Lëvizjen Vetëvendosje si parti motër të SPD-së dhe theksoi nevojën për një qeveri stabile dhe një parlament funksional, pa komentuar drejtpërdrejt bllokadën në vazhdim.

“Kam kontakte të ngushta me qeverinë e Kosovës. Duam veprim qeveritar të qëndrueshëm dhe një parlament funksional. Kjo është thelbësore për të gjitha hapat pasues. Vetëm nëse kjo vazhdon të funksionojë, Kosova do të mund të avancojë në Këshillin e Evropës, në procesin e anëtarësimit në BE dhe ndoshta së shpejti edhe në NATO. Këto procese janë të ndërlidhura ngushtë,” përfundoi ai./DW/

The post Deputeti gjerman kërkon që Kosova të bëhet pjesë e NATO-s dhe BE-së sa më shpejt appeared first on Telegrafi.

Before yesterdayMain stream

Lladrovci denoncon profilet e rreme: Nuk ka bir nane që më largon nga PDK

18 July 2025 at 22:46

Kryetari i Drenasit, Ramiz Lladrovci ka reaguar ashpër ndaj siç i quan ai profileve të rreme, që po synojnë të mjegullojnë kandidaturën e tij dhe të dëmtojnë Partinë Demokratike të Kosovës (PDK) në prag të zgjedhjeve lokale.

“Profilet e rreme kanë filluar punën, po rizgjohen. Në zgjedhjet e kaluara, keqbërësit i kishin së paku 18 profile të rreme, ndërsa për këto zgjedhje kanë arritur të bëhen po ashtu 18 profile/portale”, ka shkruar Lladrovci në Facebook.

Ai thotë se këto veprime janë të njëjtat metoda të vjetra për të krijuar mjegull rreth emrit të tij dhe PDK-së.

Sipas tij, edhe tentativat për të krijuar iniciativa qytetare me emra të ngjashëm janë pjesë e së njëjtës skemë.

“Iniciativat qytetare janë të lira dhe nuk marrin leje nga unë. Megjithëse jemi kampion, bedelat e paskan shpikur emrin duke prodhuar shkurtesën PDK”, shton ai.

Në fund, Lladrovci thekson se është i palëkundur në qëndrimin e tij brenda PDK-së.

“PDK, dje, sot, nesër, pikë. Nuk ka bir nane që më largon nga PDK!”, ka shkruar Lladrovci. /Telegrafi/

The post Lladrovci denoncon profilet e rreme: Nuk ka bir nane që më largon nga PDK appeared first on Telegrafi.

Rrëfime tronditëse, Zot më jep forcë ta çeli zemrën me familjen e ngushtë

18 July 2025 at 22:39

Me gjithë sfidat e mëdha e jetën e vështirë pas ndarjes me burrin e parë, kur ishte ende pa i mbushur 18 vjet, e mbijetuara e dhunës seksuale tregon që e vazhdoi jetën.

“U martova me të, pyetje nuk më ka bë kurrë, nuk kam mujtë kurrë me i thënë, sot e atë ditë as nuk muj, i kam fëmijët, po nuk mundem kurrë, mërzitem ka shumë herë që mërzitem… Fëmijët i kam, por jeta po vazhdojke, por kur t’i rikujtoj, edhe kujtimet çdoherë i kam në zemër, i kam në kokë”, tregon ajo derisa shton se nuk e ka marr asnjëherë guximin që t’ia tregoj të vërteten bashkëshortit të saj, që po ashtu ka përjetuar dhunë e maltretime nga forcat serbe.

As fëmijëve, shton se nuk iu ka treguar sepse nuk e kanë moshën e duhur.

“Ka me ardh ndoshta koha, them o Zot më forcon edhe ma jep një shpresë e durim njëherë në jetë me çel zemrën me familjen e ngushtë”, rrëfen ajo për dëshirën që e ka tani.

Megjithëkëtë, rrëfen se kishte arritur që kunatës së saj t’i tregoj gjithë historinë e dhimbshme për shkak se ajo e kishte dalluar meqenëse edhe vet kunata ishte e mbijetuar e dhunës seksuale nga forcat serbe në luftën në Kosovë.

“Po, i thashë nëse e ka shkru Zoti me jetu dojmë me jetu, nëse e ka shkru me vdekë, thashë së bashku, por i thashë zemrën tënde e timen t’i lëmë me një vend. Edhe hapi i parë ka qenë që e kam shpalosë zemrën me të, kunatën”, tregon ajo.

Kështu, ajo u njoh edhe me organizatën “******************”, që tash i ndihmon të gjithë të mbijetuarit e dhunës seksuale.

“Shumë, më lehtë, zemra ime e din, për disa gjëra, për stresin, ngarkesën e mërzinë se kur kam ra në gjumë me flejtë çdo herë jam çu me atë tremën që kam pasë çka kam afër, gjithmonë tu m’u rikujtu jeta ime krejt, por ma të lehtë e kam pasë kur e kam shpalos zemrën që kam folë e i kam shprehë këto fjalë”, përfundon ajo rrëfimin teksa ka edhe një lutje pasi falënderon “Debat Plusin” për mundësinë.

“Faleminderit shumë, dhe i lus krejt femrat e gratë që e kanë gjendjen si unë, i lus ta çelin zemrën!”, ka thënë ajo.

The post Rrëfime tronditëse, Zot më jep forcë ta çeli zemrën me familjen e ngushtë appeared first on Telegrafi.

Sveçla konfirmon ndalimin e Popoviqit: Nuk tolerojmë fyerje ndaj UÇK-së, do të përballet me ligjin

18 July 2025 at 22:33

Ministri në detyrë i Punëve të Brendshme, Xhelal Sveçla ka reaguar pas deklaratave të zyrtarit serb Igor Popoviq, i cili gjatë një fjalimi në Rahovec e cilësoi Ushtrinë Çlirimtare të Kosovës si organizatë terroriste.

Sveçla konfirmoi edhe zyrtarisht se Popoviq është ndaluar në pikën kufitare në Bërnjak dhe ndaj tij priten masa konform ligjeve në fuqi.

Sipas tij, Popoviq që është ndihmësdrejtor në të ashtuquajturën “Zyrë për Kosovë” në Serbi – me deklarimet e tij ka nxitur urrejtje dhe përçarje ndëretnike në Republikën e Kosovës.

“Deklarimet e tij gjatë fjalimit kanë nxitur urrejtje e përçarje ndëretnike në vendin tonë. Ai e ka cilësuar Ushtrinë Çlirimtare të Kosovës (UÇK) si organizatë terroriste, duke i krahasuar veprimet e saj me ngjarje të rënda në historinë botërore”, ka shkruar Sveçla në Facebook.

Ai konfirmoi se Popoviq pas ndalimit në pikën kufitare në Bërnjak është dërguar në stacionin policor në veri të Mitrovicës.

“Nuk do të tolerojmë fyerje dhe përdhosje të historisë sonë, e aq më pak të Luftës sonë Çlirimtare të udhëhequr nga UÇK-ja. Kjo pjesë e historisë gëzon respektin e të gjithë botës përparimtare”, theksoi ministri në detyrë.

Sveçla shtoi se deklarimet si të Popoviqit janë “model millosheviqian” që mbahen ende gjallë nga presidenti serb Aleksandar Vuçiq.

“Deklarimet e modelit millosheviqian, që administrata politike e Serbisë të drejtuar nga Vuçiq i mban ende gjallë dhe i shpërndan kudo, janë të dënueshme sepse janë përçarëse, të pavërteta sepse janë të trilluara, dhe të dëmshme sepse janë në kundërshtim me çdo normë ndërkombëtare të fqinjësisë dhe shoqërive përparimtare”, përfundoi Sveçla. /Telegrafi/

The post Sveçla konfirmon ndalimin e Popoviqit: Nuk tolerojmë fyerje ndaj UÇK-së, do të përballet me ligjin appeared first on Telegrafi.

Gjakova hap dyert për kulturën shqiptare – nis festivali “Ditët e Shqiptarit”

18 July 2025 at 22:20

Në Gjakovë ka nisur zyrtarisht festivali “Ditët e Shqiptarit”, një ngjarje kulturore që këtë verë do ta shndërrojë qytetin në epiqendër të kulturës shqiptare.

Me moton “Kultura shqiptare festohet n’Gjakovë”, festivali sjell performanca artistike, muzikë dhe aktivitete të ndryshme që nderojnë trashëgiminë kulturore të shqiptarëve.

Kryetari i Komunës së Gjakovës, Ardian Gjini, përmes një postimi në Facebook, ka ftuar qytetarët që të bëhen pjesë e këtij festivali që zhvillohet në disa data gjatë korrikut dhe gushtit.

“Artistë të njohur dhe zëra të fuqishëm do të jenë këtu, për t’i dhënë qytetit sharm dhe hijeshi”, ka shkruar Gjini, duke përgëzuar gjithashtu performancën e parë të mbrëmjes nga Endrit Xërxa & Band.

Aktivitetet e festivalit do të vazhdojnë edhe më: 19, 25 dhe 26 korrik 01, 02, 08, 09 dhe 10 gusht.

Festivali organizohet nga Fondacioni për Gjakovën në bashkëpunim me Komunën e Gjakovës./Telegrafi/

The post Gjakova hap dyert për kulturën shqiptare – nis festivali “Ditët e Shqiptarit” appeared first on Telegrafi.

Tragjedi në Elbasan, dy vëllezër mbyten në lumin Shkumbin

18 July 2025 at 20:16

Një ngjarje e rëndë ka ndodhur pasditen e sotme në Labinot-Fushë, ku dy të mitur janë mbytur në lumin Shkumbin.

Sipas informacioneve të para të marra nga korrespondentja e Top Channel Bruna Kërçyku, fëmijët kanë qenë duke ruajtur bagëtitë dhe së bashku me një familjare të tyre kishin hyrë në ujë për t’u larë, por rrjedha e fortë dhe mungesa e sigurisë bënë që ata të mos arrinin të dilnin më në breg.

Paraprakisht raportohet se viktimat janë vëllezër 8 dhe 10 vjeç.

Banorë të zonës dhe forcat e emergjencës që mbërritën aty u përpoqën t’i ndihmonin, por fatkeqësisht, trupat e pajetë të të miturve u gjetën pak më vonë në një kanal të lumit më poshtë.

Autoritetet kanë nisur hetimet për të zbardhur rrethanat e plota të kësaj tragjedie./tch/

The post Tragjedi në Elbasan, dy vëllezër mbyten në lumin Shkumbin appeared first on Telegrafi.

E dërguara britanike për Ballkanin: S’duhet qasje e re në dialogun Kosovë-Serbi, por zbatim i marrëveshjeve

18 July 2025 at 20:11

E dërguara speciale e Mbretërisë së Bashkuar për Ballkanin Perëndimor, Karen Pierce ka folur për çështjen e dialogut mes Kosovës dhe Serbisë.

Pierce për BBC në gjuhën serbe, ka thënë se në marrëveshjen e Ohrit ka ide shumë të mira, dhe se çështja është vetëm tek zbatimi i saj.

Negociatat mes Prishtinës dhe Beogradit janë të bllokuara prej muajsh, dhe që nga nënshkrimi i Marrëveshjes së Ohrit në pranverën e vitit 2024 nuk ka pasur kontakte të rëndësishme midis liderëve të Serbisë dhe Kosovës.

“Është shumë e rëndësishme që marrëveshjet të zbatohen – si në Marrëveshjen e Brukselit, ashtu edhe në atë të Ohrit ka ide shumë të mira, është vetëm çështje zbatimi. Këto nuk janë marrëveshje teorike, por merren me çështje shumë praktike si liria e lëvizjes, qasja, pjesëmarrja, dhe ne do të donim të inkurajonim politikanët nga të dyja palët që të ndihmojnë në këtë mënyrë qytetarët dhe komunitetet”, ka thënë Pierce.

Ajo shton se nuk nevojitet një qasje e re apo një përgjigje magjike që do të zgjidhte çështjen e Bosnjë-Hercegovinës apo të Kosovës dhe Serbisë.

Karen Pierce u emërua si e dërguara e posaçme e Mbretërisë së Bashkuar për Ballkanin Perëndimor në shkurt të vitit 2025, duke marrë përsipër pozicionin e mbajtur më parë nga Stuart Peach. /Telegrafi/

 

The post E dërguara britanike për Ballkanin: S’duhet qasje e re në dialogun Kosovë-Serbi, por zbatim i marrëveshjeve appeared first on Telegrafi.

Thaçi “zbulon shokët” e togerit të policisë të arrestuar nën dyshimin për spiunazh

18 July 2025 at 18:55

Emrush Thaçi, ish-drejtor i Shërbimit Korrektues të Kosovës (SHKK), ka “zbuluar shokët” e togerit të Policisë që u arrestua dje nën dyshimin për spiunazh.

Thaçi gjithashtu ka ngritur një shqetësim, se disa drejtorë të AKI-së, policisë dhe të burgjeve, pas përfundimit të mandatit, enden rrugëve të vendit.

“Sot njerëzit, jo të gjithë me vetëdije bëjnë spiunazh… në favor të Serbisë, Rusisë apo diçka tjetër, por dikush joshet edhe në aspektin financiar, nga të mirat materiale, për shkak se hidhet poshtë dhe shumë lehtë nesër targetohen këta njerëz, mund të targetohen shumë lehtë… dhe vjen deri te një shumë marramendëse që dikush lëkundet dhe çka ndodh – e ke hedhur në rrugë dhe ta merr dikush i gatshëm”, ka thënë ai.

“Prandaj, të gjithë këta njerëz kanë bagazh, për shkak se kanë pasur pozita ku në fijokët e tyre të punës, në zyrat e tyre të punës, kanë pasur shkresa konfidenciale që thonë ‘top secret’”.

“Çështja e verifikimit ka qenë në AKI, ku një nga njerëzit që është verifikuar kam qenë edhe unë nga AKI-ja, dhe çka ndodh? Për një moment dikujt i bie në mend që duhet me e largu, se s’mund ta kalojnë verifikimin njerëz të caktuar. Kjo është publike. S’kanë mundur ta kalojnë verifikimin njerëz të cilët kanë background të dyshimtë si njerëz që kanë punuar në ish-pushtetin jugosllav, serb”, ka thënë ai.

 

The post Thaçi “zbulon shokët” e togerit të policisë të arrestuar nën dyshimin për spiunazh appeared first on Telegrafi.

❌
❌