GAZA, 19 korrik /ATSH/ – Patriarku Latin i Jerusalemit, kardinali Pierbattista Pizzaballa, së bashku me Patriarkun Ortodoks Grek të Jerusalemit, Theofilos III, vizitoi dje Kishën e Familjes së Shenjtë, e cila u godit nga zjarri i tankeve izraelite në qytetin e Gazës, sipas skytg24.

Kardinali, i cili dërgoi edhe 500 tonë ndihma në Rripin e Gazës për civilët, tha se papa Leone XIV e telefonoi personalisht gjatë vizitës për të shprehur shqetësimin e tij.

Pasi vizituan kishën, udhëheqësit fetarë shkuan në spitalin baptist ”Al-Ahli” për të ngushëlluar pacientët.

Ndërkohë, ushtarët izraelitë vranë të paktën 25 persona pranë një qendre shpërndarjeje për ndihmë humanitare në Rripin e Gazës, sipas burimeve mjekësore palestineze.

”Rreth 70 persona u plagosën nga të shtënat me armë zjarri dhe granatimet e ushtrisë izraelite në zonën Khan Younis në jug të rajonit bregdetar të izoluar”, sipas mjekëve në spitalin lokal.

Ata u transferuan në spital nga zona al-Tina në Khan Younis.

Burimi mjekësor tha se numri i të vdekurve pritet të rritet për shkak të seriozitetit të një numri të madh rastesh./  a.jor.

The post FOKUS – Kardinali Pizzaballa shkon në Gaza me 500 tonë ndihma appeared first on Agjencia Telegrafike Shqiptare.

ROMË, 19 korrik /ATSH-ANSA/ – Pas 33 vitesh, e vërteta rreth masakrës në rrugën ”Mariano d’Amelio”, në Palermo më 19 korrik 1992, mbetet ende larg.

Hetimet dhe linjat e ndryshme të provave deri më tani nuk kanë arritur të hedhin dritë mbi një zonë të errët, që gjyqtarët e kanë përshkruar si “fshehja më e madhe në historinë italiane” që rrethon masakrën që vrau zëvendësprokurorin e Palermos, Paolo Borsellino, dhe shoqëruesit e tij, Agostino Catalano, Emanuela Loi, Vincenzo Li Muli, Walter Eddie
Cosina dhe Claudio Traina.

”Krahu ushtarak ishte ai i Mafias, por kishte një mendje që manipulonte provat dhe lëvizte gurët e saj përmes pjesëmarrjes morale dhe materiale të individëve të tjerë dhe
grupeve të pushtetit të interesuara për eliminimin e Paolo Borsellinos”, thuhet në vendimin e 12 korrikut 2022 mbi pengimin e drejtësisë, i cili ndaloi ndjekjen penale të dy hetuesve të policisë – Mario Bo dhe Fabrizio Mattei – me akuzat për ndihmë dhe nxitje, dhe liroi një të tretë, Michele Ribaudo.

Katër oficerë të tjerë – Giuseppe Di Gangi, Vincenzo Maniscaldi, Angelo Ledesco dhe Maurizio Lerilli – janë në gjyq.

Bo, Mattei dhe Ribaudo ishin pjesë e ekipit që hetonte masakrat e Falcone dhe Borsellino.

Ekipi drejtohej nga Arnaldo La Barbera, kreu i Skuadrës së Palermos dhe një anëtar i shërbimeve sekrete, dhe koordinohej nga prokurori Giovanni Tinebra.

Është pikërisht ky grup që kishte krijuar informatorin e rremë Vincenzo Scarantino, një kriminel të vogël nga periferitë, dhe dyshohet se e kishte nxitur atë të bënte akuza plotësisht të sajuara.

Shtatë persona u dënuan me burgim të përjetshëm dhe më pas u liruan nga akuzat kur Gaspare Spatuzza, i penduar vërtet, rindërtoi një skenar të ndryshëm./  a.jor.

The post FOKUS – Pas 33 vitesh misteri rrethon ende masakrën kundër Borsellinos appeared first on Agjencia Telegrafike Shqiptare.

GAZA, 19 korrik /ATSH-DPA/ – Ushtarët izraelitë vranë të paktën 25 persona pranë një qendre shpërndarjeje për ndihmë humanitare në Rripin e Gazës, sipas burimeve mjekësore palestineze.

”Rreth 70 persona u plagosën nga të shtënat me armë zjarri dhe granatimet e ushtrisë izraelite në zonën Khan Younis në jug të rajonit bregdetar të izoluar”, sipas mjekëve në spitalin lokal.

Ata u transferuan në spital nga zona al-Tina në Khan Younis.

Burimi mjekësor tha se numri i të vdekurve pritet të rritet për shkak të seriozitetit të një numri të madh rastesh.

Ushtria izraelite tha se po hetonte incidentin.

Fondacioni Humanitar i Gazës (GHF) është aktualisht përgjegjës për shpërndarjen e ushqimit në Rripin e Gazës.

I mbështetur nga Izraeli dhe SHBA-të, fondacioni filloi punën e tij në fund të majit pas një bllokade disamujore izraelite të shpërndarjes së ndihmave.

Por OKB-ja ka kritikuar faktin se fondacioni operon shumë pak qendra shpërndarjeje dhe se njerëzit atje dhe në rrugën e tyre drejt tyre janë të ekspozuar ndaj rrezikut ekstrem.

”Qindra njerëz janë vrarë pranë qendrave të shpërndarjes dhe rreth konvojeve të ndihmave që nga fundi i majit”, sipas OKB-së./  a.jor.

The post GAZA – 25 të vrarë pranë një pike të mbledhjes së ndihmave appeared first on Agjencia Telegrafike Shqiptare.

SARDENJË (Itali), 19 korrik /ATSH-ANSA/ – Në fshatin Alghero, në Guardia Grande, një rajon i Sardenjës, vetëm pak metra larg një plazhi dhe një pylli me pisha, po lind një projekt përrallor, i ashtuquajtur ”Hotelet e bletëve” apo thënë ndryshe strehimore për bletët e vetmuara dhe mbijetesën e tyre, e cila është thelbësore për pjalmimin.

Këto “shtëpi” të reja po marrin formë brenda kopshtit të bletëve, një parajsë e vogël bletësh e krijuar duke rimarrë 5 hektarë tokë nga një ish-gurore.

Këtu, pronari Davide Maffei ka mbjellë mijëra luledielli, livando, boronica, luleshtrydhe dhe rozmarinë duke krijuar një “mushkëri bletarie”, siç e quan ai, e para e strukturuar dhe e përhershme në Itali.

Një mbretëri biodiversiteti, një oaz i projektuar për insektet pjalmuese dhe që ushqehen me nektar.

Por, kjo nuk është e gjitha.

Kopshti i bletëve është gjithashtu një park edukativ që mirëpret familjet dhe grupet shkollore për të përjetuar jetën e bletëve dhe florës dhe për të shpjeguar rëndësinë e këtij insekti, të kërcënuar nga ndryshimet klimatike dhe praktikat bujqësore njerëzore.

Për ta bërë këtë oaz edhe më unik dhe të dobishëm, kopshti i bletëve është mbështetur në bashkëpunimin e vlefshëm të rrjetit ”Bug’s Hotel Ita”, i specializuar në krijimin e strehimoreve për insektet pjalmuese, dhe Laboratorit Social të Trentos, një qendër e shkëlqyer në dizajnin e qëndrueshëm.

Ky bashkëpunim synon krijimin e një mundësie të re për bletët e vetmuara.

Ndryshe nga bletët e mjaltit që jetojnë në koshere, bletët e vetmuara nuk prodhojnë mjaltë, por luajnë një rol vendimtar në ekosistem, duke kontribuar në pjalmimin e specieve të shumta bimore.

Megjithatë, këto bletë kërcënohen nga humbja e habitatit dhe përdorimi i pesticideve.

“Jemi krenarë që fillojmë këtë nismë, e cila kombinon mbrojtjen e mjedisit, edukimin dhe inovacionin”, shpjegon Davide Maffei.

“Përafërsisht 75% e bimëve të planetit mbështeten në pjalmimin entomofil, domethënë, nga një gamë e gjerë insektesh”, përfundon ai./ a.jor.

The post SOFT NEWS – ”Hotel” për bletët e vetmuara, të lëna jetime nga kosheret appeared first on Agjencia Telegrafike Shqiptare.

LONDËR (Mbretëria e Bashkuar) – Tubim kombëtar në mbështetje të palestinezëve.

MONAKO (Principata e Monakos) – Festimi i 20-vjetorit të mbretërimit të princit Albert II.

LONDËR (Mbretëria e Bashkuar) – Festivali i muzikës klasike ”BBC Proms”.

MANAGUA (Nikaragua) – Presidenti Ortega feston 46-vjetorin e Revolucionit Popullor Sandinist.

LAS VEGAS (Shtetet e Bashkuara) – Boks – Lufta për titullin e peshave Welter të WBC –  Manny Pacquiao – Mario Barrios.

LONDËR (Mbretëria e Bashkuar) – Boks – Ndeshje për titullin e peshave të rënda mes Oleksandr Usyk dhe Daniel Dubois.

BUENOS AIRES (Argjentinë) – Futboll – Ndeshje miqësore – River Plate-Barcelona./ a.jor.

The post AXHENDA NDËRKOMBËTARE 19/7/2025 appeared first on Agjencia Telegrafike Shqiptare.

NJU JORK, 18 korrik /ATSH/ – “The Late Show” me Stephen Colbert do të përfundojë në maj 2026, njoftoi dje rrjeti televiziv CBS, në një deklaratë surprizë, sipas BBC.

”Lëvizja është thjesht një vendim financiar në një sfond sfidues në emisionin e orëve të vona të natës dhe nuk lidhet në asnjë mënyrë me performancën, përmbajtjen apo çështje të tjera të shfaqjes”, tha CBS.

Njoftimi vjen vetëm dy javë pasi kompania mëmë e CBS, ”Paramount” zgjidhi një padi me presidentin Donald Trump që rridhte nga një intervistë në CBS me rivalen e tij në zgjedhjet e vitit 2024, Kamala Harris.

Lëvizja i jep fund programit më shumë se prej tre dekadash duke e lënë CBS-në pa një ”talk show”, për herë të parë që nga viti 1993.

Prezantuesi Stephen Colbert e dha lajmin në një regjistrim më herët dje në mbrëmje, duke shkaktuar një kor fishkëllimash nga audienca e studios live.

“Dua të them se njerëzit në CBS kanë qenë partnerë të shkëlqyer”, tha Colbert, duke shtuar se “sigurisht, jam mirënjohës ndaj jush, audiencës, që na jeni bashkuar çdo natë këtu, atje apo në të gjithë botën”.

Colbert ishte informuar për vendimin të mërkurën në mbrëmje.

“Nuk është vetëm fundi i shfaqjes sonë, por është fundi i The Late Show në CBS. Nuk po zëvendësohem. E gjithë kjo thjesht po zhduket. Është një punë fantastike. Do të doja që dikush tjetër ta merrte atë”, tha ai.

”The Late Show” u krijua nga CBS, partneri amerikan i lajmeve i BBC-së, në vitin 1993 si konkurrent i NBC.

Kjo erdhi pas një mosmarrëveshjeje midis prezantuesve David Letterman dhe Jay Leno se kush duhet të pasonte Johnny Carson në ”Tonight Show” të NBC-së, një emision jashtëzakonisht popullor.

Colbert mori drejtimin e programit të CBS nga Letterman në vitin 2015 dhe është bërë një nga kritikët më të vendosur të Trump.

Para se të merrte përsipër punën në ”The Late Show”, Colbert kishte qenë prezantuesi i “The Colbert Report” në ”Comedy Central” – një program që kritikonte politikën dhe kulturën konservatore amerikane.

Njoftimi për mbylljen e programit erdhi mes bisedimeve midis ”Paramount” dhe ”Skydance Media” për të bashkuar dy kompanitë, një veprim që do të kërkonte miratimin nga qeveria federale e SHBA-së.

Senatori demokrat Adam Schiff postoi në X të enjten se kishte përfunduar regjistrimin e një interviste me Colbert pak para se të njoftohej anulimi.

Ai vuri në dyshim nëse njoftimi ishte i lidhur me marrëveshjen prej 16 milionë dollarësh që rrjeti pranoi t’i paguante Trump, duke shkruar se “nëse ‘Paramount’ dhe CBS e mbyllën ‘Late Show’ për arsye politike, publiku meritonte ta dinte”.

Zgjidhja erdhi pasi Trump paditi CBS, tetorin e kaluar, duke pretenduar se rrjeti kishte modifikuar në mënyrë mashtruese një intervistë që u transmetua në programin e lajmeve ”60 Minutes” me rivalen e tij në zgjedhjet presidenciale Kamala Harris, për të “anuar peshoren në favor të Partisë Demokratike”.

Colbert ka qenë një kritik i madh i Trump dhe ka pritur shumë politikanë demokratë gjatë mandatit të tij si prezantues.

Muajin e kaluar, ai zhvilloi një diskutim me Zohran Mamdani, një socialist demokrat që kryeson garën për t’u bërë kryetari i ardhshëm i bashkisë së Nju Jorkut.

Vendimi për të anuluar programin vjen ndërsa rrjetet përpiqen të tërheqin shikues të rinj, mes konkurrencës nga transmetuesit dhe podkastet online, së bashku me kostot në rritje të televizionit të drejtpërdrejtë.

“Ne e konsiderojmë Stephen Colbert të pazëvendësueshëm dhe do ta tërheqim ekskluzivitetin ‘The Late Show”, tha CBS në deklaratën e saj.

“Jemi krenarë që Stephen e quajti CBS shtëpi. Ai dhe transmetimi do të mbahen mend në panteonin e të mëdhenjve që zbukuruan televizionin”, tha CBS-ja./  a.jor.

The post SHBA – Merr fund “The Late Show” i Stephen Colbert appeared first on Agjencia Telegrafike Shqiptare.

TOKIO (Japoni) – Sekretari i Thesarit i SHBA-së, Scott Bessent takohet me kryeministrin japonez, Shigeru Ishiba.

PEKIN (Kinë) – Konferenca për shtyp e ministrit të Tregtisë, Wang Wentao mbi ekonominë.

MYNIH (Gjermani) – 100-vjetori i botimit të ”Mein Kampf”.

BRUKSEL (Belgjikë) – Takim i ministrave përgjegjës për Çështjet Evropiane.

BERLIN (Gjermani) – Konferencë për shtyp nga kancelari Friedrich Merz mbi politikën e brendshme dhe të jashtme.

GRAINAU (Gjermani) – Ministri i Brendshëm gjerman pret disa homologë të BE-së për një takim mbi luftën kundër imigracionit.

BERLIN (Gjermani) – Kancelari gjerman Merz takohet me presidentin rumun Nicuşor Dan.

KOMBET E BASHKUARA (Shtetet e Bashkuara) – Mbledhje e Këshillit të Sigurimit të OKB-së për Kolumbinë./  a.jor.

The post AXHENDA NDËRKOMBËTARE 18/7/2025 appeared first on Agjencia Telegrafike Shqiptare.

DAMASK, 17 korrik /ATSH-DPA/ – Një monitorues lufte me bazë në Mbretërinë e Bashkuar tha sot se numri i të vdekurve nga dhuna sektare në provincën jugore siriane të Sweidës gjatë ditëve të fundit është rritur në 360.

Observatori Sirian për të Drejtat e Njeriut mbështetet në një rrjet burimesh në terren dhe përgjithësisht shihet si i besueshëm, megjithëse shifrat e tij nuk mund të verifikohen në mënyrë të pavarur.

Përplasjet midis minoriteteve sunite beduine dhe druze në Sirinë jugore janë përshkallëzuar ndjeshëm ditët e fundit, të përqendruara në qytetin me shumicë druze të Sweidës.

Të mërkurën, autoritetet siriane dhe Sheikh Yusuf al-Jarbou, udhëheqësi shpirtëror i komunitetit druze, njoftuan një marrëveshje të re armëpushimi – megjithëse mbeti shumë e pasigurt nëse paqja do të mbizotëronte pasi një udhëheqës lokal i pakicës druze e hodhi poshtë marrëveshjen.

Sipas raporteve të medias, qeveria në Damask njoftoi se do të ndalonte të gjitha operacionet ushtarake sipas një marrëveshjeje të re armëpushimi.

Një komitet i përbashkët i zyrtarëve qeveritarë dhe udhëheqësve fetarë druze pritet të monitorojë zbatimin e marrëveshjes.

Dje, sekretari i Shtetit i SHBA-së, Marco Rubio, tha se Uashingtoni ishte angazhuar me të gjitha palët dhe se ishin rënë dakord për “hapat specifikë që do ta çojnë këtë situatë shqetësuese dhe të tmerrshme në fund sonte”.

Ndërkohë, Izraeli, një aleat i ngushtë i SHBA-së, kreu sulme ajrore ndaj objektivave të shumta në Damask të mërkurën, përfshirë brenda kompleksit të Ministrisë së Mbrojtjes të Sirisë.

Observatori Sirian për të Drejtat e Njeriut tha se 15 personel nga Ministria e Mbrojtjes dhe e Brendshme e Sirisë u vranë në sulmet ajrore izraelite.

Pas shpërthimit të dhunës në provincën Sweida të Sirisë, qeveria siriane vendosi trupa dhe forca të tjera sigurie.

Izraeli më pas tha se ndërhyri për të mbrojtur pakicën druze.

Në një fjalim të transmetuar në televizionin kombëtar, presidenti sirian Ahmed al-Sharaa akuzoi sot Izraelin për shfrytëzimin e trazirave duke synuar infrastrukturën civile dhe duke kërkuar të prishë përpjekjet për paqe dhe rindërtim.

Ai gjithashtu riafirmoi vendin e komunitetit druze në shoqërinë siriane, duke nënvizuar angazhimin e shtetit për të mbrojtur të drejtat dhe liritë e tyre, dhe paralajmëroi kundër përpjekjeve për ta futur Sirinë në agjendat e huaja./ a.jor.

The post SIRI – 360 viktima nga dhuna sektare appeared first on Agjencia Telegrafike Shqiptare.

LONDËR (Mbretëria e Bashkuar) – Vizita e parë e kancelarit gjerman, Friedrich Merz që nga marrja e detyrës.

DURBAN (Afrika e Jugut) – Takim i ministrave të Financave të G20-s.

ANAHEIM (Shtetet e Bashkuara) – 70-vjetori i hapjes së Disneyland.

TAJPEI (Tajvan) – Tajpei zhvillon manovra ushtarake paralajmëruese ajrore në të gjithë qytetin.

SHEFIELD (Mbretëria e Bashkuar) – Tre simpatizantë neonazistë fajtorë për planifikimin e sulmeve ndaj xhamive dhe sinagogave, të cilët pritet të vuajnë dënimet e tyre.

CASABLANCA (Marok) – Seancë e re dëgjimore në gjyqin kundër të ashtuquajturit “Escobari i Saharasë”.

DAKAR (Senegal) – Ceremonia për transferimin e bazave ushtarake franceze në Senegal.

BUENOS AIRES (Argjentinë) – Mjekët e spitalit të fëmijëve ”Garrahan” marshojnë për të protestuar kundër shkurtimeve të buxhetit në sektorin e kujdesit shëndetësor.

PORTRUSH (Mbretëria e Bashkuar) – Golf – Turneu evropian ”The Open”.

BUENOS AIRES (Argjentinë) – 30-vjetori i vdekjes së Fangios, pilotit të famshëm argjentinas të garave.

KUALA LUMPUR (Malajzi) – Futboll – Shorti për kualifikueset aziatike për Kupën e Botës 2026./ a.jor.

The post AXHENDA NDËRKOMBËTARE 17/7/2025 appeared first on Agjencia Telegrafike Shqiptare.

BRUKSEL, 16 korrik /ATSH-DPA/ – Komisioni Evropian pritet të paraqesë sot planet e tij për buxhetin e ardhshëm afatgjatë të Bashkimit Evropian për vitet 2028-34, që ka të ngjarë të arrijë në mbi një trilion euro (1,17 trilionë dollarë).

Buxheti i bllokut, i quajtur ndryshe ”korniza financiare shumëvjeçare”, do të përcaktojë prioritetet e politikave të BE-së për vitet e ardhshme dhe sa para ndahen për fusha të ndryshme.

Perspektiva aktuale financiare afatgjatë vlen 1,07 trilion euro në kontribute nga 27 shtetet anëtare të BE-së dhe u plotësua me 750 milionë euro në kredi në vitin 2021 për të financuar pasojat ekonomike nga pandemia Covid-19.

Korniza afatgjatë pasohet nga buxhete vjetore me shpenzime të detajuara.

Propozimi i komisionit ka të ngjarë të debatohet intensivisht nga shtetet anëtare dhe Parlamenti Evropian, pasi blloku ka nevoja financiare në rritje, duke përfshirë konkurrencën, sigurinë dhe mbrojtjen, si dhe pagesat e interesit, ndërsa shumë kryeqytete përballen me borxh të lartë të brendshëm.

Përveç se sa para do të kontribuojnë shtetet anëtare dhe nga mund të vijnë burimet shtesë, mënyra se si do të menaxhohen fondet do të jetë gjithashtu një çështje e diskutueshme.

Aktualisht, programe të ndryshme për subvencione për bujqësinë, peshkimin dhe zhvillimin rural përbëjnë rreth gjysmën e buxhetit të BE-së.

Komisioni më parë kishte treguar se dëshiron të largohet nga ky sistem dhe të strukturojë burimet bazuar në planet kombëtare për shtetet anëtare.

Parlamenti Evropian dhe autoritetet rajonale e kanë kritikuar tashmë planin mes frikës se rigrupimi i fondeve mund të çojë në mungesë transparence dhe të minojë llogaridhënien parlamentare./  a.jor.

The post BRUKSEL – Komisioni Evropian paraqet buxhetin trilionësh për vitet 2028-34 appeared first on Agjencia Telegrafike Shqiptare.

TIRANË, 16 korrik /ATSH/ – Për dekada të tëra, Mesdheu ka qenë duke ju propozuar të njëjtat destinacione të arta, por tashmë të vjetruara si Kapri, San Trope’, Mikonos apo Ibiza,  vendet ku jahtet janë më të mëdha se flota lokale e peshkimit dhe fatura për një drekë buzë detit mund të financojë edhe një vresht modest ballkanik.

Por, njohësit e udhëtimeve, ata që pëshpëritin emra në darka dhe fshehurazi, dëshirojnë që ju të mos i ndiqni këshillat e tyre, pasi ata kanë rrethuar një emër të ri dhe ai emër është Shqipëria, shkruan Jordi Lippe-McGraw për prestigjiozen ”Forbes”.

”Po, Shqipëria”, shkruan ai.

E vendosur midis Greqisë dhe Malit të Zi, me një vijë bregdetare të përshkuar nga deti Jon, Shqipëria ka qenë për vite me radhë ”kushërira” e harruar e Klubit të Adriatikut. E lënë në hije nga Kroacia, e keqkuptuar nga Evropa Perëndimore dhe e mbyllur prej kohësh nga një regjim i zymtë komunist, ajo mbeti një vend i bardhë në hartën e Mesdheut.

Pra, ja çfarë ndodh me Shqipërinë – është pjesa e Mesdheut që vështirë se i ka kushtuar vëmendje dikush, dhe pikërisht kjo është arsyeja pse është interesante tani. Në bregdetin jugor, keni Rivierën Shqiptare. Ai shtrihet përgjatë Jonit, me shkëmbinj dhe plazhe me guralecë që, sinqerisht, nuk do të dukeshin të çuditshme në Greqi apo Itali. Por, atmosfera është krejtësisht e ndryshme. Nuk ka ende resorte masive apo klube plazhi me shkëlqim  dhe çmimet janë shumë më të ulëta.

Në plazhin e Palasës, për shembull, tani keni ”Green Coast Hotel”, një hotel i ri me pesë yje që është pjesë e koleksionit ”MGallery”. Pamja është e thjeshtë – tone të buta, dysheme guri, një spa e vogël dhe seanca joge pranë detit. Madje ka edhe parashutizëm mbi shkëmbinj, gjë që është ajo që të tregon se sa shpejt ky bregdet po shndërrohet nga sekreti i udhëtarëve me çanta shpine në një destinacion të shndritshëm. Një ditë pini një kafe të ftohtë të bërë në shtëpi në një tavolinë plastike në plazh; ditën tjetër, pini një koktej në një bar hoteli duke parë diellin të perëndojë pas shkëmbinjve.

Por, vetëm pak kilometra në jug, gjërat duken shumë të njëjta me ato që kanë qenë prej vitesh.

Dhërmiu është një ndalesë popullore, e njohur për plazhin e tij me guralecë dhe baret që mbushen në verë me muzikë dhe kokteje. Ka edhe hotele të vogla këtu — vende familjare ku merrni një dhomë pa spa ose pishinë, por me një plazh disa hapa larg dhe ndoshta një lokal poshtë që shërben peshk të pjekur në skarë dhe birrë të ftohtë. Është lloji i vendit ku do të shihni familje shqiptare, disa udhëtarë evropianë me çanta shpine dhe, gjithnjë e më shumë, valën e parë të udhëtarëve kureshtarë nga më larg.

Jala është një tjetër plazh që tërheq turmën e të rinjve, veçanërisht kur zhvillohen festivalet e muzikës verore. Por, nëse kërkoni diçka më të qetë, vazhdoni. Gjipeja është e fshehur midis shkëmbinjve, një gji që mund të arrihet vetëm në këmbë ose me varkë. Nuk ka hotel, as rrugë, as shezlongë me qira të rreshtuara në rërë. Ndoshta ndonjë shilarëse të varur mes pemëve, ndoshta një bar i vogël plazhi që punon me gjenerator, ndoshta asgjë fare.

Ajo që e bën Shqipërinë të ndihet ndryshe — të paktën për momentin — është ajo që mungon. Asnjë hotel gjigant. Asnjë shezlong që kushton 80 euro. Asnjë turmë që të shtyn pranë rrënojave. Është ende pak e papërpunuar: rrugët nuk janë të mira, autobusët vonohen, ndonjëherë duhet të tërhiqesh kur planet nuk funksionojnë.

Por, është gjithashtu bujare – pjata të mëdha me mish ose peshk të pjekur në skarë, verë vendase dhe njerëz që këmbëngulin që të provosh rakinë e tyre të bërë në shtëpi, pavarësisht nëse mendon se mund ta përballosh apo jo. Mund të ecësh në një plazh që duket si diçka e nxjerrë nga një revistë udhëtimesh dhe të gjesh veten pothuajse vetëm, përveç disa vendasve që notojnë.

Megjithatë, ndryshimi po vjen me shpejtësi.

Aeroporti Ndërkombëtar i Vlorës do të hapet së shpejti, gjë që do të sjellë më shumë udhëtarë ndërkombëtarë. Klubet e plazhit tashmë po shfaqen në Riviera dhe markat më të mëdha të hoteleve po fillojnë të shikojnë vijën bregdetare. Pra, nëse jeni kuriozë për një pjesë të Mesdheut që ende ndihet si një zbulim – me përzierjen e saj të qyteteve osmane, maleve të egra dhe vijës bregdetare që nuk është gëlltitur nga zhvillimi – Shqipëria ia vlen të shkosh tani.

Sa gjatë do të qëndrojë kështu kjo është ende nuk dihet./  a.jor.

The post ”Forbes”: Pse duhet ta planifikoni Shqipërinë për pushimet tuaja? appeared first on Agjencia Telegrafike Shqiptare.

LUBLIN (Poloni) – Takim i ministrave të Jashtëm të Polonisë, Lituanisë dhe Ukrainës.

BRUKSELI (Belgjikë) – Buxheti i BE-së – Komisioni Evropian propozon një kornizë të re financiare përtej vitit 2027.

CHAMONIX (Francë) – 60-vjetori i hapjes së tunelit të Malit të Bardhë.

STRASBURG (Francë) – Kongresi Ndërkombëtar i Shoqërisë Botërore për Kirurgjinë Robotike.

LUDWIGSFELDE (Gjermani) – Konferencë për shtyp nga ministri i Financave, Lars Klingbeil dhe homologu i tij francez, Eric Lombard.

WILMINGTON (Shtetet e Bashkuara) – Aksionerët ngrenë padi kundër Metës në lidhje me çështjen ”Cambridge Analytica”.

OKB – Takim i udhëheqësve grekë dhe turq qipriotë nën kujdesin e OKB-së.

SION – Futboll – Kampionati Evropian i Femrave./  a.jor.

The post AXHENDA NDËRKOMBËTARE 16/7/2025 appeared first on Agjencia Telegrafike Shqiptare.

MOSKË, 15 korrik /ATSH-AFP/ – Kremlini tha sot se mbetet i gatshëm të negociojë me Ukrainën, por shtoi se i duhet kohë për t’iu përgjigjur deklaratave serioze të bëra nga presidenti i SHBA-së, Donald Trump, i cili i dha Rusisë 50 ditë për t’i dhënë fund konfliktit dhe i premtoi Kievit armë.

Të hënën, Donald Trump i dha Rusisë një ultimatum 50-ditor për të përfunduar ofensivën e saj në Ukrainë, të nisur në vitin 2022 ose të përballet me sanksione të ashpra.

Ai gjithashtu deklaroi se pajisjet ushtarake, të paguara nga anëtarët evropianë të NATO-s, do të dërgoheshin në Ukrainë.

“Deklaratat e presidentit Trump janë shumë serioze. Ne, sigurisht, kemi nevojë për kohë për të analizuar atë që u tha në Uashington dhe nëse ose kur presidenti Putin e konsideron të nevojshme, ai do të komentojë”, u tha gazetarëve zëdhënësi i Kremlinit, Dmitry Peskov.

“Duket se ky vendim i marrë në Uashington, në vendet e NATO-s dhe direkt në Bruksel do të perceptohet nga Kievi jo si një sinjal në favor të paqes, por si një sinjal për të vazhduar luftën”, kritikoi ai.

Dmitry Peskov pohoi se Rusia po pret “propozime nga pala ukrainase” në lidhje me një raund të tretë negociatash, pas dy seancave të pasuksesshme në Stamboll.

“Ne mbetemi të gatshëm”, tha ai gjatë informimit të tij të përditshëm.

Që nga kthimi në Shtëpinë e Bardhë në janar, Donald Trump është përpjekur të shtyjë Moskën dhe Kievin të përfundojnë një marrëveshje paqeje.

Gjatë fushatës së tij zgjedhore, ai siguroi se mund ta përfundonte konfliktin shumë shpejt, pa shpjeguar kurrë se si do ta bënte këtë.

Pasi sinjalizoi vazhdimisht afrimin me Vladimir Putinin, ai ka ndryshuar tonin e tij në javët e fundit, duke shprehur zhgënjimin e tij.

Ai tha se ishte “i zhgënjyer” nga presidenti rus, i cili hodhi poshtë propozimet për armëpushim në Ukrainë.

“Mendova se do të kishim një marrëveshje dy muaj më parë, por nuk duket se po ndodh”, tha ai dje në Shtëpinë e Bardhë, së bashku me sekretarin e përgjithshëm të NATO-s, Mark Rutte.

Nëse nuk arrihet një marrëveshje brenda 50 ditëve, Shtetet e Bashkuara do të vendosin “tarifa dytësore”, domethënë, kundër aleatëve të Moskës, kërcënoi presidenti amerikan./  a.jor.

The post RUSI – Kremlini: Të gatshëm të negociojmë me Kievin pas deklaratave serioze të Trump appeared first on Agjencia Telegrafike Shqiptare.

UASHINGTON, 15 korrik /ATSH-ANSA/ – Presidenti amerikan Donald Trump përsëriti, në një intervistë me BBC-në zhgënjimin e tij me homologun e tij rus Vladimir Putin për luftën e vazhdueshme në Ukrainë, por shtoi se nuk ishte ende gati të distancohej.

“Jam i zhgënjyer, por nuk kam mbaruar ende punë me të”, tha Trump.

“Jam i zhgënjyer”, përsëriti ai.

I shtyrë për të shpjeguar se si synon t’i japë fund asaj që e quan “gjakderdhja” e luftës ruso-ukrainase, përgjigjja ishte se “ne po punojmë për këtë”.

Trump më pas u kthye te historia e bisedës së tij të fundit telefonike me presidentin rus.

“Patëm një bisedë të shkëlqyer. Thashë, mirë, mendoj se jemi gati t’i afrohemi përfundimit të luftës. Dhe pastaj ai shembi një ndërtesë në Kiev”, tha presidenti amerikan.

I pyetur për NATO-n, të cilën më parë e kishte quajtur “të vjetruar”, Trump shpjegoi se kishte ndryshuar mendje, duke pretenduar se presioni i tij ishte për shkak të faktit se Aleanca Atlantike po bëhej e kundërta e së vjetrës, një organizatë në të cilën të gjithë i paguajnë faturat e veta”.

Trump shprehu gjithashtu kënaqësi për respektin që pretendoi se kishte marrë nga udhëheqës të tjerë në samitin e fundit të NATO-s, përfshirë ata të “Gjermanisë, Francës dhe Spanjës”.

Ndërsa theksoi se në fund të fundit, aleatët “thjesht po përpiqeshin të ishin të sjellshëm”, pasi pranoi se duhet “shumë talent” për t’u rizgjedhur president i SHBA-së.

Së fundmi, ai shprehu një vlerësim shumë pozitiv për marrëdhënien e qeverisë laburiste të Keir Starmer me Mbretërinë e Bashkuar, të cilën e mbajti, ndër të tjera, si një model për një marrëveshje tregtare dhe tarifash.

Ai shprehu optimizëm për rolin e ardhshëm të Londrës në botë dhe konsolidimin e Brexit, pas një trajtimi fillimisht “të vështirë” të situatës.

“Më pëlqen shumë kryeministri juaj, edhe pse është liberal”, shpjegoi Trump për BBC-në.

Ai do të takohet privatisht me Starmer më vonë këtë muaj në Skoci dhe më pas do të bëjë një vizitë të dytë shtetërore të paprecedentë në Mbretërinë e Bashkuar në shtator me ftesë zyrtare të mbretit Charles III.

Ai përsëriti “respektin e tij të madh” për mbretin, duke thënë se nuk ishte ofenduar nga vërejtjet e tij të fundit në Otava në lidhje me sovranitetin kanadez.

“Ai nuk kishte zgjidhje tjetër, por foli shumë mirë dhe ishte i respektueshëm”, theksoi ai./ a.jor.

The post SHBA – Trump për BBC: Nuk jam ende gati të distancohem nga Putini appeared first on Agjencia Telegrafike Shqiptare.

ROMË, 14 korrik /ATSH-ANSA/ – Francesco Bidognetti, bosi i organizatës mafioze ”Casalesi” u dënua me një vit e gjysmë burg për kërcënimin ndaj shkrimtarit të njohur antimafia, Roberto Saviano.

Kërcënimet e Bidognettit e kishin detyruar Savianon të vihej nën mbrojtje policore.

Bosi i ”Casalesi” u ridënua, së bashku me një avokat, për kërcënime të reja kundër shkrimtarit si dhe kërcënime të reja kundër gazetares antimafia Rosaria Capacchione.

Libri i Savianos ”Gomorra” shndërrua në film në vitin 2008 që fitoi çmimin e dytë në Festivalin e Filmit në Kanë në vitin 2009 dhe më vonë krijoi një serial televiziv me sukses ndërkombëtar.

Bidognetti dhe bosët e tjerë të ”Casalesi” po vuajnë tashmë dënime me burgim të përjetshëm për vrasje dhe krime të tjera të mafias. Familja e merr emrin nga baza e saj në Casal di Principe në veri të Napolit.

Saviano, 45 vjeç, i përlotur, përqafoi avokatin e tij pas dënimit dhe u tha gazetarëve se “ata më vodhën jetën”.

Një britmë çliruese mes duartrokitjeve për një odise 16-vjeçare.

Kështu e përshkroi Roberto Saviano të gjithë kohën që kaloi pas shpalljes së kërcënimeve të drejtuara kundër tij dhe gazetares Rosaria Capacchione, direkt nga brenda një salle gjyqi në vitin 2008, nga bosi i ”Casalesi”-t, Francesco Bidognetti, dhe avokatit të tij mbrojtës, Michele Santonastaso.

Dhe lotët nga shkrimtari napolitan shprehin emocionin e justifikimit, ndoshta për të gjithë shtypin, për hapin e ri përpara të bërë nga drejtësia.

Gjykata e Apelit e Romës ka vendosur, duke mbështetur dënimet me një vit e gjysmë burg për udhëheqësin e klanit (i mbajtur tashmë në kushte të ashpra burgu që nga viti 1993) dhe një vit e dy muaj për avokatin e tij.

“Më vodhën jetën”, komentoi Saviano, i cili, pasi u lexua vendimi, përqafoi me lot në sy avokatin e tij, Antonio Nobile, ndërsa duartrokitjet shpërthyen nga salla e gjyqit pas tyre.

“Gjashtëmbëdhjetë vjet gjyq nuk janë fitore për askënd”, shtoi ai.

“Ata shënjestruan ata që raportuan mbi pushtetin kriminal. Dhe ata nuk sulmuan politikën, por gazetarinë, duke lënë të kuptohet se do t’i mbanin gazetarët – dhe emri im dhe ai i Rosaria Capacchione u përmendën – përgjegjës për dënimet e tyre. Kjo nuk ka ndodhur kurrë në një sallë gjyqi askund në botë”, shpjegon Saviano, i cili ka qenë nën mbrojtjen e policisë që nga viti 2006 për shkak të kërcënimeve nga klani ”Casalesi”./  a.jor.

The post ITALI – Saviano në lot pas dënimit me burg të një bosi të mafias: Ata më vodhën jetën! appeared first on Agjencia Telegrafike Shqiptare.

BRUKSEL (Belgjikë) – Takim i ministrave të Jashtëm të BE-së.

TIANJIN (Kinë) – Takim i ministrave të Jashtëm të Organizatës së Bashkëpunimit të Shangait.

SINGAPOR (Singapore) – ”Las Vegas Sands” do të fillojë ndërtimin e një resorti ultraluksoz prej 8,0 miliardë dollarësh.

PARIS (Francë) – Çmimet ”Praemium Imperiale”, të konsideruara si Nobel i Arteve.

LOS ANXHELES (Shtetet e Bashkuara) – Shpallen nominimet për çmimet Emmy.

RAIFORD (Shtetet e Bashkuara) – Ekzekutimi i Michael Bell, i dënuar për një vrasje të vitit 1993 në Jacksonville./  a.jor.

The post AXHENDA NDËRKOMBËTARE 15/7/2025 appeared first on Agjencia Telegrafike Shqiptare.

PARIS (Francë) – Paradë ushtarake në Champs-Élysées për Ditën e Bastijës.

PARIS (Francë) – Fishekzjarre në Kullën Eiffel dhe koreografi me dron për Ditën e Bastijës.

BOTA – 60 vjet më parë, sonda amerikane ”Mariner 4” fotografoi me sukses Marsin.

TIANJIN (Kinë) – Vizitë nga ministri i Jashtëm rus, Sergei Lavrov.

BRUKSEL (Belgjikë) – Tarifat e BE-së për produktet amerikane pritet të hyjnë në fuqi në hakmarrje për tarifat e çelikut dhe aluminit të SHBA-së.

BRUKSEL (Belgjikë) – Takim i ministrave të Bujqësisë të BE-së.

BRUKSEL (Belgjikë) – Takimi i ministrave të Tregtisë të BE-së.

HAGË (Holandë) – Gjykata e Kosovës jep vendimin në gjyqin e apelit të ish-rebelit “Komandant Ujku”.

OKB – Vota e Këshillit të Sigurimit të OKB-së për Rinovimin e Misionit të OKB-së në Haiti.

OKB – Sekretari i Përgjithshëm i OKB-së do të paraqesë Raportin Vjetor mbi Objektivat e Zhvillimit të Qëndrueshëm./  a.jor.

The post AXHENDA NDËRKOMBËTARE 14/7/2025 appeared first on Agjencia Telegrafike Shqiptare.

NJU XHERSEI, 13 korrik /ATSH/ – Skuadra angleze e ”Chelsea”-it fitoi sot Kupën e Botës për Klubet pasi mundi në finale francezët e ”Paris Saint Germain” (PSG) me rezultatin 3-0, sipas pamjeve televizive.

Nën drejtimin e iranianit Alireza Faghani, në ndeshjen e luajtur në stadiumin ”MetLife” të Nju Xherseit, i pari që hapi serinë e golave ishte Palmer (22’), pas një kundërsulmi të shpejtë duke mposhtur Donarumën me një gjuajtje në krahun e djathtë të portës.

Në minutën e 30-të ishte sërish Palmer, i cili bën gjithçka dhe shënon një gol të ngjashëm me të parin.

Më pas, në minutë e 43-të Palmer pason pas një kundërsulmi te Zhoao Pedro, i cili nuk gaboi para Donarumës.

Në minutën e 86-të Joao Neves i PSG, largua me karton të kuq për lojë të rrezikshme.

Për herë të parë në historinë e Kupës së Botës për Klube, edhe presidenti amerikan, Donald Trump ishte i pranishëm në stadium, i shoqëruar nga Zonja e Parë Melania Trump dhe në krah të presidentit të FIFA-s, Gianni Infantino.

Kupa e Botës 2026 do të zhvillohet në SHBA, Meksikë dhe Kanada./  a.jor.

The post SHBA – ”Chelsea” fiton Kupën e Botës për Klubet, Trump i pranishëm në stadium appeared first on Agjencia Telegrafike Shqiptare.

BERLIN (Gjermani) – Kancelari Friedrich Merz merr pjesë në intervistën tradicionale verore në transmetuesin publik gjerman ARD.

PARIS (Francë) – Presidenti francez Emmanuel Macron mban një fjalim para autoriteteve më të larta ushtarake.

PARIS (Francë) – Reperët ”50 Cent” dhe ”Mary J Blige” performojnë së bashku.

VJENË (Austri) – 10-vjetori i Marrëveshjes Bërthamore të Vjenës.

CASTEL GANDOLFO (Itali) – Papa Leone XIV kremton Meshën në rezidencën verore Castel Gandolfo dhe në Kishën Angelus në Piazza della Liberta.

KIGALI (Ruanda) – Konferenca IAS mbi HIV-in.

JOHANNESBURG (Afrika e Jugut) – Presidenti Cyril Ramaphosa i drejtohet kombit mbi çështjet e sigurisë.

SHBA – Futboll – Kupa Botërore e Klubeve FIFA – Finale PSG-Chelsea.

SION – Futboll – Kampionati Evropian i Femrave./  a.jor.

The post AXHENDA NDËRKOMBËTARE 13/7/2025 appeared first on Agjencia Telegrafike Shqiptare.

EAST RUTHERFORD (SHBA), 12 korrik /ATSH-AFP/ – Fituesit e Champions League, ”Paris Saint-Germain” (PSG) mund ta përfundojnë sezonin e tyre historik me trofeun e Kupës së Botës për Klube, një fitore e pesëfishtë, nëse ia dalin mbanë statusit të tyre si favoritë kundër ”Chelseat”, nesër në orën 21:00, në finalen në stadiumin ”MetLife” pranë Nju Jorkut.

Lojtarët e thanë dhe e bënë: arritja në finale u jep atyre një shans për të bërë edhe më shumë histori në një sezon tashmë të jashtëzakonshëm.

Ky titull i pestë, pas Ligës së Kampionëve, kampionatit francez, Kupës së Francës dhe ”Trophée des Champions”, do ta gdhendte më tej kujtimin e ekipit të trajnuar nga Luis Enrique.

Edhe pse kjo garë nuk i bashkon të gjitha ekipet më të mira dhe stadiumet nuk kanë qenë gjithmonë plot, fitimi i Kupës së Botës për Klube për herë të parë nuk do të ishte thjesht një gjë e parëndësishme.

“Jemi të vetëdijshëm për rëndësinë e kësaj ndeshjeje, është një mundësi e artë për të qenë në finale, ndodh vetëm çdo katër vjet”, kujtoi kapiteni Marquinhos.

“Do të ishte madhështore të fitonim Kupën e Botës për Klube”, buzëqesh Désiré Doué.

“Do të ishte trofeu ynë i pestë; është gjithashtu një mundësi për ne për të bërë histori. Kështu që do të bëjmë gjithçka që mundemi për të fituar këtë finale”, premtoi sulmuesi 20-vjeçar francez.

– Një ”Chelsea” i ri –

Nga një fitore shkatërruese 4-0 ndaj ”Atléticos” në ndeshjen e parë te poshtërimi me të njëjtin rezultat nga ”Real Madridi” në gjysmëfinale, dhe një përballje elastike me 9 lojtarë dhe 11 lojtarë kundër ”Bayern Munich” në çerekfinale (2-0), PSG bëri përshtypje, pas finales së tyre të shkëlqyer të Ligës së Kampionëve kundër ”Interit” (5-0) më 31 maj.

Në krahasim, ”Chelsea” nuk duket si një provë finale e pakapërcyeshme.

Askush nuk priste që londinezët të arrinin në finale, pasi kishin përfituar nga një barazim i hapur me dështimet e ”Manchester Cityt” dhe ”Interit”.

Megjithatë, pas një raundi të parë që përfundoi me dy fitore dhe një humbje, djemtë e Enzo Marescas ishin mjaftueshëm të fortë për t’u përballur me ”Benfica” (4-1), ”Palmeiras” (2-1) dhe ”Fluminense” (2-0).

Trajneri italian shpjegoi të premten se një ”Chelsea” i ri kishte dalë në muajt e fundit, kur tha se “ekipi ynë meriton besimin e të gjithë tifozëve, sepse këtë sezon përfunduam në katër vendet e para të Premier League, fituam Ligën e Konferencës dhe jemi në finalen e Kupës së Botës. Një vit më parë, askush nuk fliste për ‘Chelsean’ në aspektin e futbollit; ata flisnin vetëm për madhësinë e skuadrës dhe paratë e shpenzuara. Tani, askush nuk flet më për të gjitha këto; ata flasin vetëm për lojën, mënyrën se si fitojmë; kjo është arritja ime më e madhe”.

– Optimizëm –

“A do të jetë kjo ndeshje thjesht një formalitet? Absolutisht jo”, tha Luis Enrique, duke lavdëruar “skuadrën e shkëlqyer” të ”Chelseat” dhe Enzo Marescën, i cili “punon shumë mirë”.

“Çdo ndeshje ka historinë e vet; nuk duhet të biem në kurth vetëm sepse kemi fituar ndeshje dhe kemi shënuar shumë”, paralajmëroi gjithashtu Marquinhos.

Por nëse PSG luan në nivelin e saj, me presionin e tyre me intensitet të lartë dhe modelet marramendëse të pasimeve, ata do të jenë favoritët e qartë.

Një status që nuk përbën asnjë shqetësim për parizianët.

“Ne kemi qenë favoritë në shumicën e ndeshjeve në këtë garë dhe gjithashtu gjatë sezonit, por gjëja më e rëndësishme është ajo që bëjmë në fushë; kjo është ajo që na vendos në një pozicion të mirë ose jo”, thotë 20-vjeçari.

Dhe mos flisni për një ndeshje me hile nëse ata janë të vetëkënaqur apo të pakujdesshëm.

“Nuk jemi aspak të sigurt në vetvete; punojmë çdo ditë për të sfiduar veten”, thekson ai.

Brenda klubit, optimizmi është i lartë.

Një burim i brendshëm i dhomës së zhveshjes përshkruan një grup shumë të përkushtuar dhe të disiplinuar në stërvitje, pa qëllim të relaksohen për ndeshjen finale, pas gjithë progresit që kanë bërë.

“Dhe pastaj janë pushimet”, parashikon Fabian Ruiz./ a.jor.

The post KOMENT – PSG një hap larg pushtimit të globit appeared first on Agjencia Telegrafike Shqiptare.