Pavarësisht thashethemeve në rrjete sociale, kukulla e famshme “e pushtuar” Annabelle nuk ishte në dhomën e hotelit ku humbi jetën hetuesi paranormal Dan Rivera.

Lajmi u konfirmua nga mjeku ligjor i Adams County, Francis Dutrow, i cili tha për PEOPLE se kur mbërriti në vendngjarje më 13 korrik, nuk kishte asnjë kukull të tillë në dhomë. Ai shtoi gjithashtu se Annabelle nuk ka qenë fare në atë dhomë.

Rivera, 54 vjeç, ishte një nga hetuesit kryesorë të New England Society for Psychic Research dhe ndodhej në Gettysburg si pjesë e turit “Devils on the Run”. Ai kishte deklaruar se nuk ndjehej mirë dhe ishte kthyer në dhomën e tij, ku më vonë u gjet i pajetë nga stafi i hotelit.

Policia e Pensilvanisë njoftoi se nuk kishte asgjë të dyshimtë në vendngjarje, ndërsa shkaku i saktë i vdekjes do të përcaktohet pas autopsisë, që pritet të zgjasë rreth 8-10 javë.

Annabelle është bërë e njohur përmes filmave horror dhe historive të shumta, që sipas shoqatës, datojnë që nga viti 1968.

The post E vërteta pas vdekjes së Dan Rivera-s: “Annabelle” nuk ishte në dhomën e tij të hotelit appeared first on iconstyle.al.

Studimet tregojnë se gratë që preken nga skenat emocionale kanë nivele më të larta empatie dhe inteligjence emocionale.

Truri yt ndjen thellë, edhe kur bëhet fjalë për histori të trilluara dhe kjo s’është dobësi, është ndërlidhje njerëzore.

Pra nëse ke qarë ndonjëherë për një personazh vizatimor apo je ndier e goditur nga një romancë në film nuk je vetëm.

Në fakt, kjo të bën emocionalisht më të mençur se ç’mendon.

The post A ke qarë ndonjëherë për një skenë filmi? Ja pse kjo s’është aspak e çuditshme appeared first on iconstyle.al.

Vetëm pak ditë pasi rrjetet sociale shpërthyen me aludime për një romancë mes Edit dhe Anisës, dy ish-banorë të “Big Brother VIP Kosova 3”, gjërat duket se kanë marrë një tjetër kthesë.

Mesazhe të koduara, vendndodhje të përbashkëta dhe përqafime në publik kishin ndezur dyshimet se mes tyre kishte lindur diçka më shumë sesa miqësi. Por tani, gjithçka duket e shuar.

Fansat kanë vënë re se të dy nuk e ndjekin më njëri-tjetrin në Instagram, dhe kjo lë të kuptohet se lidhja e përfolur mund të ketë marrë fund para se të konfirmohej zyrtarisht. Arsyet e prishjes së raportit mbeten të paqarta, por krizat, siç duket, kanë nisur që herët.

The post Çfarë ndodhi mes Edit dhe Anisës? Detaji që ngriti dyshime tek ndjekësit appeared first on iconstyle.al.

Në një tjetër masë ekstreme të kontrollit shoqëror, Koreja e Veriut ndalon veshjen e xhinseve blu, duke i konsideruar ato si simbol të ndikimit perëndimor dhe kulturës kapitaliste. Sipas raportimeve ndërkombëtare, regjimi i Phenianit e sheh këtë stil si kërcënim ndaj “pastërtisë ideologjike” dhe vendos kufizime të rrepta ndaj pamjes së jashtme të qytetarëve.

Përveç xhinseve, janë të ndaluara edhe skinny jeans, flokët e lyer, piercing-ët dhe disa modele flokësh të cilat regjimi i etiketon si shprehje të dekadencës perëndimore. Masa të tilla janë pjesë e përpjekjeve të regjimit për të shmangur çdo ndikim të jashtëm dhe për të mbajtur nën kontroll stilin e jetës së popullatës.

The post E dinit? Në Korenë e Veriut, veshja e xhinseve blu konsiderohet krim kundër shtetit appeared first on iconstyle.al.

Disa javë pas rrëzimit fatal të avionit të Air India, hetimet tregojnë se kapiteni Sumeet Sabharwal dyshohet se ndërpreu furnizimin me karburant vetëm sekonda pas ngritjes, duke shkaktuar ndalimin e motorëve dhe përplasjen ku humbën jetën 260 persona.

Regjistrimet e “black box”-it zbulojnë një dialog alarmant në kabinë, ndërsa hetuesit dyshojnë se veprimi i papritur ishte i Sabharwalit, i cili para fluturimit i kishte thënë rojës: “Kujdesu për babanë tim. Do të kthehem shpejt.”

Pavarësisht reputacionit të tij të mirë dhe eksperiencës së madhe, ende nuk dihet nëse ndalja e karburantit ishte gabim, akt i qëllimshëm apo defekt teknik. Hetimet vazhdojnë për të zbuluar shkakun e saktë të kësaj tragjedie.

The post Fjalët e fundit tronditëse të pilotit të Air India para rrëzimit fatal me 260 të vdekur appeared first on iconstyle.al.

Të paktën 90 persona kanë humbur jetën në Gaza që nga agimi i së premtes, pas një vale të re sulmesh ajrore izraelite, konfirmojnë burime mjekësore për Al Jazeera. Mes viktimave janë edhe 36 civilë që po prisnin ndihma humanitare.

Bombardimet goditën zona të ndryshme si Khan Younis dhe Rafah, duke shkaktuar panik dhe shkatërrim të madh. Spitalet janë në kolaps, ndërsa mjekët paralajmërojnë se numri i viktimave mund të rritet për shkak të mungesës së pajisjeve dhe ndihmës mjekësore.

Organizatat ndërkombëtare dhe OKB kanë ngritur alarmin për shkelje të mundshme të ligjit ndërkombëtar, teksa civilët mbeten të pambrojtur në një situatë humanitare gjithnjë e më të rëndë.

The post Të paktën 90 të vrarë në Gaza nga sulmet ajrore izraelite, mes tyre civilë që prisnin ndihma appeared first on iconstyle.al.

Të dukesh mirë çdo ditë kërkon shumë më tepër sesa thjesht një grim i saktë apo një veshje e kuruar. Është një punë me orar të plotë. Është presion. Është “më duhet të jem në formë” edhe kur zemra po tërhiqet zvarrë. Është rregullim flokësh edhe kur s’e ndjen. Është buzëqeshja që vendos përtej lodhjes, thjesht që të mos të shohin “të rënë”

Kjo përpjekje nuk është gjithmonë për të tjerët, shpesh është një mënyrë për të ndjerë kontroll në një realitet ku gjithçka mund të të rrëshqasë nga duart. Por lodh. Dhe shpesh, e lodhura ndjen edhe faj që s’po e mban veten “ashtu siç duhet”.

Ndaj, për sot: po, je e bukur. Edhe kur s’je në formë. Edhe kur flokët s’të rrinë mirë. Edhe kur thjesht… je lodhur nga përpjekja për të qenë “on” çdo sekondë.

The post Pse askush nuk flet për lodhjen që të jep përpjekja për t’u dukur mirë 24/7? appeared first on iconstyle.al.

Një incident i rëndë ka ndodhur në orët e para të mëngjesit të sotëm në East Hollywood, ku një automjet është futur mes një turme njerëzish, duke lënë më shumë se 20 persona të plagosur. Ngjarja ka ndodhur rreth orës 2 të mëngjesit me orën lokale, sipas njoftimit zyrtar të Departamentit të Zjarrfikësve të Los Anxhelosit (LAFD).

Sipas vlerësimeve fillestare të ekipeve të emergjencës, katër deri në pesë persona ndodhen në gjendje kritike, tetë deri në dhjetë janë plagosur rëndë, ndërsa rreth 10 deri në 15 të tjerë kanë marrë lëndime më të lehta.

Autoritetet shëndetësore dhe zjarrfikësit po punojnë në terren për të kryer triazhimin dhe transportin sa më të shpejtë të të lënduarve drejt spitaleve të zonës. Nuk janë dhënë ende detaje mbi shkaqet e përplasjes apo mbi identitetin e drejtuesit të mjetit.

Hetimet janë në vazhdim.

The post Makina futet në turmë në East Hollywood, mbi 20 të plagosur, disa në rrezik për jetën appeared first on iconstyle.al.

Një video që po qarkullon me shpejtësi në rrjetet sociale ka vënë në qendër të vëmendjes dy figura të larta të kompanisë teknologjike Astronomer. CEO i kompanisë, Andy Byron, dhe drejtoresha e burimeve njerëzore, Kristin Cabot, janë filmuar në një moment intim gjatë një koncerti të Coldplay, teksa këndonte kënga ikonike “Yellow”.

Pamjet, të filmuara nga pas, i tregojnë të dy duke lëkundur trupat në ritmin e muzikës, në një atmosferë të ndriçuar nga dritat e telefonave të publikut. Në një moment, Andy vendos dorën mbi Kristin, ndërsa pak më vonë shihet duke e puthur.

Ky episod, që duket se ka kaluar nga thjesht një moment romantik në një skandal etik, ka pasur pasoja të menjëhershme për të dy zyrtarët. Sipas raportimeve të Axios, Byron është larguar përkohësisht nga drejtimi i kompanisë, ndërsa Cabot është pezulluar nga detyra e saj si shefe e HR-së.

Pavarësisht se asnjëri nuk ka dhënë ende një deklaratë publike, kompania Astronomer ka konfirmuar nisjen e një hetimi të brendshëm për të analizuar situatën dhe rrethanat që e shoqërojnë. Videoja që po qarkullon ka të ngjarë të shërbejë si provë kyçe në këtë hetim.

Ky skandal ka rindezur diskutimet mbi marrëdhëniet në vendin e punës dhe etikën profesionale, sidomos kur përfshihen figura drejtuese.

The post Puthje pa fund në publik/ Dalin pamje të reja të CEO-s së “Astronomer” me kolegen e tij appeared first on iconstyle.al.

Ajo që pritej të ishte një natë plot energji dhe muzikë me Yll Limanin në klubin “Lollipop” në Palasë, përfundoi në panik dhe tension. Gjatë performancës së këngëtarit të njohur dhe grupit Three Dots, një incident i rëndë ndodhi në zonën VIP të lokalit. Sipas raportimeve, një debat verbal mes dy grupeve degjeneroi shpejt në një përplasje fizike, duke alarmuar të pranishmit. Publiku, i befasuar nga situata, u përpoq të largohej menjëherë, duke krijuar rrëmujë dhe duke lënë pas sendet personale.

Në reagimin e tij pas koncertit, Ylli Limani u shpreh i zhgënjyer në rrjetet sociale:

“Çka nisi si një mbramje perfekte, u la në gjysmë për shkak të një konflikti që ndodhi. Më vjen shumë keq edhe ishalla jeni krejt mirë”.

Fatmirësisht, nuk raportohet për të lënduar rëndë, por organizatorët pritet të marrin masa për ngjarje të tilla në të ardhmen.

The post Të shtëna në koncertin e tij në Palasë, reagon Yll Limani appeared first on iconstyle.al.

Pas publikimit të fotos së parë të këmbëve të vogla të foshnjës, ndjekësit e Dafinës Zeqiri dhe partnerit të saj janë kuriozë për emrin e veçantë që çifti i ka vendosur djalit të tyre: Daskan.

Bashkëshorti i Dafinës, Kreshnik Gjergji ka ndarë në një koment kuptimin simbolik dhe historik të këtij emri:

“Daskan – Emër me rrënjë ilire, që mbart forcën e burrërisë, nderit dhe udhëheqjes. Një emër që tingëllon lashtësi, si zëri i një prijësi fisnor. Daskan është emër – është krenari, është gjak ilir.”

Ky koment është përqafuar gjerësisht nga ndjekësit si një shpjegim me peshë për një emër që sjell krenari dhe trashëgimi kulturore.

The post Kuptimi i fuqishëm pas emrit të djalit të Dafinës Zeqiri appeared first on iconstyle.al.

Të gjithë mund ta kemi përjetuar: dikush na pëlqen, është i sjellshëm, i përkushtuar dhe i interesuar, por në vend që të ndjejmë të njëjtën gjë, ndonjëherë na lind një dëshirë për t’u tërhequr. Pse ndodh kjo?

Psikologët e quajnë këtë fenomen “paradoksi i tërheqjes”, ku shfaqja e interesit të madh nga dikush mund të shkaktojë tek ne një ndjesi presioni, mungesë misteri ose thjesht një humbje interesi.

1. Mungesa e sfidës: Shumë njerëz, në mënyrë të pavetëdijshme, ndihen më të tërhequr nga ajo që është pak më e paarritshme. Kur dikush na vë në piedestal dhe është gjithmonë i disponueshëm, marrëdhënia mund të humbasë ndjesinë e eksitimit.

2. Frika nga angazhimi: Kur tjetri shfaq shumë interes, ndonjëherë e shohim si sinjal për një marrëdhënie serioze që po afron. Kjo mund të aktivizojë frikëra të pashprehura për humbjen e lirisë apo zhgënjimin emocional.

3. Mungesa e pëlqimit të ndërsjelltë: Në disa raste, thjesht nuk kemi ndjenja romantike për personin përballë nesh, dhe interesimi i tij e bën këtë më të vështirë për ta përballuar apo refuzuar.

4. Vlerësimi i ulët për veten: Nëse nuk e vlerësojmë veten sa duhet, mund të mendojmë se dikush që na do me të vërtetë “duhet të ketë diçka që nuk shkon”.

Ky është një reflektim i ndërlikuar që lidhet ngushtë me mënyrën si ndjejmë për veten, për marrëdhëniet dhe për pritshmëritë që kemi në dashuri. Ekspertët sugjerojnë që të mos gjykojmë menjëherë ndjenjat tona, por të pyesim veten: “A po largohem sepse nuk më pëlqen realisht, apo sepse nuk jam mësuar të ndihem i/e dashur në këtë mënyrë?”

The post Pse e refuzojmë dikë kur ai na tregon shumë interes? appeared first on iconstyle.al.

Ndërkohë që rrjetet sociale dhe mediat rozë vijojnë të merren intensivisht me romancën e përfolur mes Xhensila Myrtezajt dhe Ledri Vulës, duket se edhe Bes Kallaku ka vendosur të mos qëndrojë në vendnumëro. Tashmë që procedurat e divorcit janë mbyllur dhe ai i është përkushtuar sërish projekteve artistike dhe sipërmarrjeve të tij, burime pranë aktorit flasin për një zhvillim të ri në jetën e tij personale.

Prej disa ditësh, në portale po qarkullojnë zëra se Besi ka nisur një lidhje të re dashurie. Edhe pse nuk ka pasur asnjë konfirmim zyrtar, njerëz të afërt me aktorin e përshkruajnë si më të qetë dhe të fokusuar tek vetja dhe e ardhmja. Vajza që i ka rrëmbyer zemrën, sipas të njëjtave burime, nuk është një personazh publik, gjë që përbën një ndryshim të qartë nga lidhja e mëparshme me Xhensilën.

Në rrjetet e tij sociale, Besi vijon të mbajë një profil profesional, duke ndarë me ndjekësit vetëm momente nga karriera apo jeta si baba. Nuk ka asnjë shenjë apo postim që të sugjerojë një lidhje të re, çka tregon se këtë herë ai ka zgjedhur ta ruajë privatësinë me fanatizëm.

Ende nuk dihet nëse bëhet fjalë për një histori serioze apo thjesht një fillim njohjeje, por një gjë duket e sigurt – Besi ka vendosur që kësaj radhe, zemrën ta mbrojë nga sytë e publikut.

The post Besi në një kapitull të ri të jetës, aktori i njohur përflitet për një lidhje të re appeared first on iconstyle.al.

Fejesa e shkurtër, por shumë e përfolur, e Gwyneth Paltrow me Brad Pitt në mesin e viteve ’90 ishte një nga romancat më joshëse të Hollivudit. Por, pas adhurimit publik dhe paraqitjeve publike, lidhja e tyre ishte e mbushur me mosmarrëveshje serioze që në fund çuan në fundin e saj.

Sipas biografisë së re të Amy Odell, “Gwyneth: The Biography”, e cila do të publikohet më 29 korrik, arsyeja kryesore për ndarjen e tyre ishte papajtueshmëria e personazheve dhe stilit të jetesës.

Paltrow, e rritur në një mjedis elitar intelektual dhe shoqëror në Nju Jork, mendonte se Pitt, i cili vinte nga një familje konservatore dhe fetare në Misuri, nuk kishte nivelin e sofistikimit që ajo dëshironte te një partner. “Ajo mendonte se ishte më e zgjuar, më e arsimuar dhe më e sofistikuar se ai”, vëren autorja.

Vetë Paltrow ka thënë më parë se kur dilnin për të ngrënë jashtë, ajo duhej t’i shpjegonte Pitt-it se çfarë lloj havjari po hanin. Miqtë dhe bashkëpunëtorët kujtojnë se ajo qante shpesh gjatë lidhjes së tyre, duke u ndjerë e kërcënuar nga suksesi i Pitt-it. Edhe pse ai e quante “engjëllin” e tij dhe “dashurinë e jetës së tij” në Golden Globes të vitit 1996, ajo tashmë kishte filluar të kishte dyshime për të ardhmen e tyre.

Në një intervistë të kohëve të fundit në podkastin Call Her Daddy , Paltrow madje pranoi se nuk ishte gati për martesë në atë kohë, megjithëse ndarja i kushtoi shtrenjtë. Koha ka vërtetuar se ata ndoqën rrugë të ndryshme. Ai u bë një ikonë globale. Ajo, një sipërmarrëse me markën Goop, mishëroi stilin e sofistikuar të jetesës që gjithmonë e shprehte atë.

The post Gwyneth Paltrow për Brad Pitt: Ai nuk ishte mjaftueshëm i sofistikuar për mua appeared first on iconstyle.al.

1. Akrepi (23 Tetor – 21 Nëntor)
Akrepi është mjeshtër i ndjenjave të thella dhe të fshehura. Kur lëndohet, nuk e harron lehtë. Ai nuk hakmerret menjëherë, por pret momentin ideal. Hakmarrja e tij zakonisht është e menduar mirë dhe emocionale, por edhe shumë efektive. Për Akrepin, drejtësia emocionale është më e rëndësishme se gjithçka tjetër.

2. Luani (23 Korrik – 22 Gusht)
Luanët janë krenarë dhe nuk e përballojnë dot poshtërimin. Nëse një ish i ka thyer zemrën apo i ka ulur vlerën, Luanët do të bëjnë gjithçka për të treguar se janë më mirë pa ta – dhe këtë do ta bëjnë publikisht. Nuk është çudi që hakmarrja e tyre të vijë në formën e një suksesi madhështor apo një postimi “rastësor” në rrjete sociale që godet drejt në shenjë.

3. Bricjapi (22 Dhjetor – 19 Janar)
I ftohtë në dukje, por shumë i ndjeshëm nga brenda, Bricjapi nuk i harron zhgënjimet lehtë. Ai nuk do të bëjë skena dramatike, por do të punojë në heshtje për t’u ngritur më lart – dhe pastaj do të sigurohet që ish-i ta shohë. Hakmarrja e tij është elegante, e ftohtë dhe shumë e goditur.

The post Tre shenjat e zodiakut që me siguri do t’i hakmerren ish-it të tyre appeared first on iconstyle.al.

Aktorja dhe fituesja e Big Brother VIP Albania, Egla Ceno, ka ndarë një moment shumë të ndjeshëm me ndjekësit e saj, duke treguar se nëna e saj ka përjetuar një ishemi të papritur, por falë ndërhyrjes së menjëhershme të mjekëve dhe stafit të urgjencës, ajo tashmë është në duar të sigurta dhe po merr kujdesin e nevojshëm.

Në një postim emocional, Egla shpreh mirënjohjen e saj të thellë për mjekët dhe stafin e urgjencës së Beratit, si edhe për stafin e QSUT-së dhe Spitalit të Neurologjisë. Ajo falënderon në mënyrë të veçantë mjekët dhe personelin që kujdesen për nënën e saj me përkushtim, profesionalizëm dhe butësi.

“Jeni njerëzit më të rëndësishëm për jetën e mamit tim që nga mëngjesi i sotëm. Jeni simfoni jete,” shkruan aktorja, duke listuar edhe disa nga emrat që kanë qenë pjesë e trajtimit: Bledi Hysenbelli, Enkeleda, Silvi, Geri, Besime, shoferi i ambulancës, doktoresha Kristela e Neurologjisë, si dhe doktor Genci Çakçiri.

Egla e mbyll mesazhin e saj me fjalët prekëse: “Faleminderit për shpresën. Në duart tuaja, mami mori një shans të dytë. Mirënjohja ime është e thellë.”

The post Prekëse! Egla Ceno rrëfen momentet e vështira: Mami pësoi ishemi appeared first on iconstyle.al.

Ish-shefi i kuzhinës së pallatit, Darren McGrady, i familjes mbretërore britanike, i cili punoi për Princeshën Diana nga viti 1993 deri në vdekjen e saj në vitin 1997, shpesh ndan pamje nga kuzhina e Pallatit dhe në një video në kanalin e tij në YouTube, ai zbuloi se si të përgatitet mëngjesi i preferuar i princeshës.

Tërshëra e gatuar gjatë natës u bë modë rreth një dekadë më parë, dhe sot mund ta gjeni të gatshme në dyqane nëse nuk keni kohë ta bëni vetë. Por rezulton se Diana i shijonte ato dekada përpara se të fillonin kërkimet në mediat sociale për receta me tërshërë të gatuar gjatë natës.

“Ajo kishte vizituar një klinikë shëndetësore zvicerane dhe atje provoi këto tërshëra që gatuhen brenda natës”, tha McGrady, duke shpjeguar se “në fakt quheshin musli bircher dhe ishin shpikur nga një nutricionist zviceran”.

“Ajo vodhi recetën, u kthye dhe tha: ‘Darren, e dua këtë për mëngjes çdo ditë’“, shtoi ai.

McGrady, duke vënë në dukje se tërshëra është “e pasur me fibra”, tregoi se si përgatitet mëngjesi i preferuar i Dianës. Në vend që të linte tërshërën në qumësht ose çaj bimor gjatë natës, siç është zakon, ish-kuzhinieri zbuloi se përdori lëng portokalli.

Në mëngjes, shtoni kos të kulluar, një burim i shkëlqyer proteinash, së bashku me pak mjaltë dhe lëng limoni. Edhe pse mund të shtoni çfarë të dëshironi, Diana preferoi të përziente mollë Honeycrisp, arra dhe boronica.

McGrady pranoi se kur e përgatiti këtë mëngjes për Dianën, ai “e dyfishoi recetën” në mënyrë që të mund të shijonte vetë tërshërën e shijshme të gatuar gjatë natës.

The post Mëngjesi viral i sotëm ishte i preferuari i Princeshës Diana 30 vjet më parë appeared first on iconstyle.al.

Në atë që duhet të kishte qenë një festë e qetë e ditëlindjes së tij të 81-të, zbulime të reja kanë hedhur një hije mbi Thomas Markle, duke rindezur stuhinë që ai krijoi vetëm disa ditë para dasmës mbretërore të vajzës së tij Meghan Markle.

Sipas kujtimeve të Princit Harry, “Spare”, babai i nuses ishte në zemër të kaosit që çoi në dasmën e çiftit në vitin 2018 , duke orkestruar një skandal mediatik që i habiti Familjen Mbretërore dhe e la Meghan të shkatërruar.

Ndërsa nëna e Meghan, Doria Ragland, qëndroi me respekt larg vëmendjes, Thomas thuhet se bëri të kundërtën duke kërkuar vëmendje dhe madje duke organizuar foto nga paparacët , ndërkohë që ua mohoi këtë vajzës së tij dhe dhëndrit të ardhshëm.

Thomas Markle dhe “paparacët”

“Ai u betua se nuk kishte sajuar kurrë asnjë foto”, shkroi Harry, duke kujtuar se si Meghan fillimisht e besoi. Por kur e vërteta doli në dritë mëngjesin tjetër, Thomas u dërgoi atyre një mesazh ku shkruhej: “Jam shumë i turpëruar”.

Ajo që pasoi ishte një rrëmujë dramash: poshtërim publik, një atak i papritur në zemër që e pengoi Thomasin të shoqëronte të bijën drejt altarit dhe pasoja të pamëshirshme emocionale për Meghan.

The post Princi Harry akuzon vjehrrin e tij si përgjegjës për kaosin në dasmën e tij me Meghan appeared first on iconstyle.al.

Pedagogia Albana Kullolli Kastrati është ndarë nga jeta pas betejës me një sëmundje të rëndë. Lajmin e trishtë e ka bërë me dije bashkëshorti i saj, Agron Kastrati, teksa publikuar dhe vendin dhe orën e caktuar për mbajtjen e ceremonisë mortore.

Albana Kullolli ka përfunduar studimet në vitin 2004 në Universitetin “Luigj Gurakuqi” të Shkodrës, në Fakultetin Ekonomik, dega Financë–Kontabilitet. Në të njëjtën kohë, Albana filloi të ndiqte rrugën akademike po në të njëjtin fakultet si pedagoge.

Albana u diplomua në fushën e Kontabilitetit pranë Universitetit të Tiranës, ndërsa në vitin 2017 mbrojti gradën “Doktor i Shkencave”. Prej tetorit 2017, ajo kontribuoi si eksperte pranë Observatorit për të Drejtat e Fëmijëve në Shkodër, duke dhënë një kontribut të çmuar në projekte të ndryshme sociale.

The post Humbje e madhe në arsim, ndahet nga jeta pedagogia Albana Kullolli appeared first on iconstyle.al.

Liverpooli i ka bërë një tjetër homazh sulmuesit portugez Diogo Jota, i cili ndërroi jetë tragjikisht, gjë që tregon se sa e ka tronditur klubin ndarja nga jeta e 28-vjeçarit. Liverpooli i ka kushtuar një hapësirë të veçantë Jotës në faqen e tyre të internetit gjatë prezantimit të skuadrës, e cila do të jetë në pronësi të tij përgjithmonë, që do të thotë se ai do të jetë gjithmonë i listuar si anëtar i ekipit në këtë faqe. Numri 20 do jetë i tij përgjithmonë, me Liverpool që e hoqi nga qarkullimi.

“Diogo Jota do të përjetësohet përgjithmonë si numri 20 i Liverpoolit. Sulmuesi i dashur ndërroi jetë tragjikisht në moshën 28-vjeçare në një aksident me makinë, pesë vjet pasi kishte filluar një karrierë plot me momente të paharrueshme në klubin tonë.

Me një shpërthim të madh emocionesh për Jotën, i cili vdiq në aksident së bashku me vëllanë e tij Andre Silva, klubi ka konfirmuar se numri i tij i fanellës do të tërhiqet përgjithmonë nga të gjitha ekipet e klubit”, shkroi Liverpool në përshkrimin e lojtarit, duke e përfunduar tekstin prekës me fjalët e mëposhtme.

“Vdekjet e papritura dhe tragjike të Diogos dhe vëllait të tij Andre në Spanjë më 3 korrik 2025, kanë tronditur të gjithë ata që janë të lidhur me Liverpoolin dhe kanë shkaktuar një valë homazhi në Merseyside dhe në të gjithë botën. Siç theksohej shpesh në brohoritjet e tifozëve, emri i tij ishte Diogo dhe ai na udhëhoqi drejt fitores. Do të jetë përgjithmonë numri ynë 20”, thotë Liverpool.

The post Gjesti prekës i Liverpoolit, Diogo Jotës i jepet një vend i përhershëm në ekipin e kuq appeared first on iconstyle.al.