Analisti Mentor Kikia, i ftuar në një studio televizive, ka diskutuar lidhur me paktin PS-PD, ku 46 deputetë i cakton kryetari për të cilin u shpreh se kjo është një sanksionim i të drejtës së kryetarit për të mbajtur kontrollin mbi partinë.

Ai tha se këtu nuk ka asgjë demokratike, kjo nuk është hapje listash sepse nuk janë të gjithë të barabartë para votës, teksa theksoi se me anë të kësaj mënyre kryetari në listë do të vendosë të besuarit e tij.

“Ky është diskutuar që kur u miratuan listat gjysmë ashtu e gjysmë kështu dhe sot u caktua numri.

Për mua kjo është një sanksionim i të drejtës së kryetarit për të mbajtur kontrollin mbi partinë, pasi Rama e ka shoqëruar dhe me diçka tjetër këtë që në listën e mbyllur do fusë ata që votohen për herë të parë dhe do lërë jashtë ata që kanë nga 2-3 mandate që të luftojnë me njeri-tjetrin.

Pra në listën me 46 persona do jenë të besuarit e kryetrarit përmes të cilëve ai mban partinë në kontroll, ushtron detyrën si kryetar dhe nuk ka asgjë demokratike.

Nëse lista hapet të hapej për të gjithë njësoj sepse kjo për mua nuk bënë asgjë tjetër përveçse krijon dy grupime kandidatësh, të preferuarit e kryetarit dhe ata që do jenë në luftë për të marrë mandatin që detyrohen për të punuar më shumë. Besoj se demokracinë e brendshme në parti kjo nismë e humb.”

The post Pakti i opozitës me mazhorancën, analisti Kikia: Në listë do jenë të besuarit e kryetarit, s’ka asgjë demokratike appeared first on Sot News | Lajme.

Sekretari i Përgjithshëm i OKB-së Antonio Guterres tha nga Forumi Ekonomik Botëror në Davos se Irani duhet të bëjë një hap të parë drejt përmirësimit të marrëdhënieve me vendet në rajon dhe Shtetet e Bashkuara duke bërë të qartë se nuk synojnë të prodhojnë armë bërthamore. Guterres shtoi se iranianët duhet të kuptojnë se është e rëndësishme që një herë e mirë ta bëjnë të qartë se do të heqin dorë nga të kenë armë bërthamore.

“Çështja më e rëndësishme është Irani dhe marrëdhëniet midis Iranit, Izraelit dhe Shteteve të Bashkuara. Këtu shpresa ime është që iranianët të kuptojnë se është e rëndësishme që një herë e mirë ta bëjnë të qartë se do të heqin dorë nga të kenë armë bërthamore, në të njëjtën kohë që të angazhohen në mënyrë konstruktive me vendet e tjera të rajonit”, tha Guterres.

The post OKB i kërkon Iranit të heqë dorë nga programi bërthamor, Guterres: Të kuptojnë se është e rëndësishme appeared first on Sot News | Lajme.

Edison Oruqi, është gjetur i mbytur në ujrat e lumit të Shales, në Koman. Kanë qënë familjaret të cilet kanë kryer kontrolle gjatë paradites se sotme dhe kanë berë të mundur gjetjen e trupit të pajetë.

Ata kerkojnë ndihmen e policise dhe polumbareve per nxjerrjen e kufomes nga uji sepse e kanë të pamundur per shkak të rrjedhes se ujit. Babai i 3 femijeve u zhduk në menyre misterioze, paraditen e se shtunës.

Ai ishte duke punuar në një bujtine atje. Dyshohet se personi qe e kishte marrë në punë  viktimen, pas punet,  e kishte lënë Edisonin në një gadishull të vogel me rere dhe jo në destinacion  sepse aty nuk arrinte varka.

The post Shkoi për punë, por u zhduk, trupi i babait të 3 fëmijëve gjendet i pajetë në lumin e Shalës appeared first on Sot News | Lajme.

Rigels Seliman

Krimi shtetëror i 21 janarit ende nuk ka përgjegjës. Dje u mbushen 14 vite nga dita kur në Bulevardin Dëshmorët e Kombit para Godinës së Kryeministrisë në Tiranë u vranë 4 qytetarë. Por situata mund të marrë kthesën e madhe pasi ngjarja tashmë po hetohet nga një drejtësi e re nën patronazhin e amerikanëve. Një nga provat më të forta që SPAK ka në duar në hetimet për 21 janarin, është audio e lëshimit të urdhrit për të qëlluar me plumba të vërtetë ndaj protestuesve, në një kanal sekret, që përdorej nga një rreth i ngushtë personash.

Audio regjistrimi që flitet se është 34 minuta është bërë nga një person që ka pasur akses në komunikimin e një kanali të konsideruar të sigurt që përdorej nga drejtues të lartë të Gardës, i cili ka regjistruar komandat dhe urdhrat e dhëna në momentet kur u vranë 4 protestuesit e paarmatosur para kryeministrisë të drejtuar nga Sali Berisha në atë kohë.  Në materialin audio dëgjohet Ndrea Prendi, komandanti i atëhershëm i gardës, që jep urdhër të hapet zjarr luftarak mbi protestuesit, pra jo më plumba manovër. Regjistrimi i këtij komunikimi të brendshëm është bërë me një diktofon dhe pas 13 vitesh nga protesta e 21 janarit, kaseta origjinale u dorëzua në SPAK në tetor të vitit 2024.

Tashmë kjo provë është duke u ekspertuar në laboratorët e SPAK, për të përcaktuar autenticitetin e saj, dhe më pas do të bëhet krahasimi i zërave që janë në audio për të gjetur edhe shkencërisht, se kujt i përkasin. Nëse ky ekspertim nuk mund të kryhet nga SPAK, do të kërkohet edhe ndihma e laboratorëve të tjerë të fuqishëm jashtë vendit.  Kjo kasetë, e konsideruar një provë e re dhe e fortë për procesin tregon se vrasjet janë krim shtetëror dhe janë kryer me urdhër.  Për këtë provë dhe se çfarë ndodhi në 21 janar të vitit 2011, kush e dha urdhrin për të qëlluar mbi protestuesit dhe pse 14 vite pas masakrës askush nuk ka mbajtur përgjegjësi për vrasjet, kanë folur ish-kreu i SHISH Fatos Klosi, avokati Idajet Beqiri, analisti Frrok Çupi, ish-prokurori Hajdari dhe familjarët e viktimave.

Flet Fatos Klosi

Ish-shefi i Shërbimit Informativ Kombëtar të Shqipërisë (SHIK), Fatos Klosi, e ka konsideruar një akt të rëndë fshirjen e provave të “21 Janarit”. Ai u shpreh se gjithçka është e qartë pasi televizionet e kanë filmuar atë moment. Sakaq, Klosi shpreson që e vërteta do të dalë në dritë, pasi ngjarjen e njohin më shumë se 10 persona dhe hetimet po vijojnë.

“Unë nuk jam jurist të them si lidhen problemet me njëra-tjetrën. Por dëgjova akuzat dhe një gjë është e mirë për këtë ngjarje që të gjitha televizionet e kanë regjistruar këtë ngjarje. Duket qartë që është dhënë me urdhër, momenti kur njerëzit rrëzohen. Logjikisht, mua nuk më duhen prova, e di që prokurorisë i duhen dhe gjykatës, por kjo është detyra e tyre.

Prandaj edhe është prokurori speciale. Ata që qëlluan janë njerëz të rëndësishëm të gardës, është diçka që dihet. Provat mund të jenë eliminuar, por ka dhe nga ato që duhet të merren, në pyetje. Kjo ishte një protestë e lajmëruar, me leje. Është e qartë që serveri i kryeministrisë i ka filmuar, prandaj prishja e tyre ishte shumë e rëndë. Sigurisht, që kam shpresa. Ngjarjen e njohin më shumë se 10 vetë. Kështu që kam shpresën që do dalë”, tha ai

Detajet nga Idajet Beqiri

Po ashtu Idajet Beqiri, avokati i familjes së viktimave të 21 Janarit që me luftën dhe veprimet e tij bëri të mundur rihapjen e dosjes së 21 janarit nga SPAK ka dhënë detaje për provën që mund të çojë Berishën drejt prangave. “Në audio-përgjimin që kemi çuar në SPAK dalin qartë se çfarë urdhrash janë dhënë, kush i ka dhënë, nga kush u morën këto urdhrat për t’i vrarë, e të tjera e të tjera. Pra aty fundoset Sali Berisha. Provat për këtë çështje janë nga më të pastrat dhe nëse ka krim të mirë zbuluar dhe të gjithë autorët nga maja i piramidës, e deri poshtë janë të pastra. Nuk kemi pasur në historinë e së drejtës penale nuk kemi rast të dytë ku çdo gjë është në kamera e regjistruar. Janë marrë dhe deklarimet përkatëse.

Autorët pranojnë vetë krimin. Vetë Sali Berisha kryeministri dhe për interesin e të cilit u bë krimi. Urdhërdhënësi i krimit. Për të mbajtur pushtetin dhe për të justifikuar korrupsionin dhe zv/kryeministrin që u zu me presh me 700 mijë euro. U vra që më mos dilni në protesta, mos kërkoni më zgjedhje të lira. E ka pranuar vetë me zë dhe figurë. Vrava 4 por do vrisja dhe 400 nëse do futeshin në gardhin e kryeministrisë. Në SPAK ai ka dërguar edhe kërkesën për të thirrur dëshmitarë Berishën, Bashën, ish presidentin Bamir Topi, ish-kryeprokuroren Ina Rama dhe liderin e opozitës në atë kohë Edi Ramën. “Ia kemi thënë SPAK me emër dhe ça provash duhen marrë. Jemi të indinjuar që SPAK vonon thirrjen e Sali Berishës si autor i masakrës shtetërore, thirrjen e Lulzim Bashës. Kanë bërë vrasje me dashje. Ku është dëshmia e Bamir Topit, pse nuk merret dëshmia e Ina Ramës. Pse nuk merret dëshmia e kryetarit të opozitës atë kohë? Ça pritet që nuk thirren këta? Vonesat janë të pajustifikuara.

Ky shtet duhet të marrë ndëshkim. Jeta e qytetarëve është e shenjtë. Siç po e lë me pandëshkueshmërinë do të thotë që të lësh vendin, se këtu jetën e ka në dorë mafia, këta që na vjedhin”, u shpreh avokati. Gjithashtu është referuar në SPAK edhe kush godit kryegardistin Ndrea Prendin. “Kemi dorëzuar provën kush goditi Ndrea Prendin. Kemi kërkuar kush duhet të thirret në SPAK. kemi dorëzuar si provë çfarë arsye kishte Berisha që shkoi te familja e Hekuran Dedës, me valixhe 600 mijë euro për të thënë që nuk kemi gjë me Sali Berishën. Kemi dëshmitarë okularë. Marrë në kompleks me deklarimet e Berishës, kush i zhduku kamerat, kush kish fuqi dhe në raport pse nuk u zbatua urdhrat e arrestit. Duam dhe proces verbalin e analizës pas ngjarjes”, tha ai.

Rrëfimi i Frrok Çupit

Për ngjarjen e 21 janarit ka folur edhe analisti Frrok Çupi, i cili u shpreh dje në një analizë se Berisha dha urdhër për vrasjet. “Edhe këtë vit, pas 14, në bulevardin e Madh ku u derdh gjak, u shfaqen disa nga të njëjtat fytyra që kemi parë që në ditën e parë. Po rrallohen ata që e dinë dhe e ndiejnë se si ranë 4 martirë në Bulevard. I vrau shteti. Edhe atje, larg Tiranës, mbi varre përditë e më shumë mungojnë zogjtë. Kryetari i shtetit ( kryeministër) që urdhëroi vrasjen, që atë ditë i ka imponuar vetes demencë. Kurrë nuk ka mundur të zbatojë as kodin e katundit ku lindi. Në malet e Veriut, kur vret hasmi, vrasësi e ngre kufomën  që la pa jetë, e kthen me kokë nga lind-dielli, dhe niset me lajmin drejt shtëpisë së të vrarit prej tij.

Sali Berisha, kryeministër, nuk bëri asnjë prej këtyre riteve mbi kokat e atyre katër, a 26, a 3000 e ca që u vranë o prej dorës o prej urdhrit të tij. Nëse do të kishte vrarë Edi Ramën, sot kryeministër, me armën snajper që mbante në sy, prapë nuk do të shkonte te varri i tij, veçse do të kërkonte varrin e Kristaqit dhe të Netës për të hedhur ca shpifje. Sali Berisha, edhe gjakatar por edhe i paburrë. Këtë vit pak e më pak njerëz u shfaqen të përlotur mbi gjakun e të katërve në Bulevard: Ziver Veizi, Aleks Nika, Hekuran Deda dhe Faik Myrtaj. Vitin që vjen, edhe më pak do të ketë. Po shkon brezi që i njohu dhe u dhembi në shpirt. Po ndërrohet edhe brezi që pësoi e njohu krimet monstruoze të Sali Berishës. Po shkon edhe vetë Sali Berisha. Ai do t’i gllabërojë e t’i çojë ‘n’atë jetë’ edhe kujtimet e krimeve. Atëherë, ku do të trokasë Drejtësia për të kërkuar hak?! -Tak, tak, tak!, kush banon këtu?

Duam Sali Berishën. Nga përbrenda banesës, në Rrugën e Shpresës, dikush rënkon apo tund ca çelësa të frikshëm të rëndë nëpër duar: -Jo, nuk banon këtu ai njeri. Ku e keni dëgjuar ju?. Ndoshta do të kujtohen të shfaqen kineastët e ‘Trillerave’ për të kërkuar gropat e kujtesës së një populli që kur i kishte të gjallë martirët e vet dhe kryeministrin që shkaktoi martirë; atëherë u struk nëpër mëshira të kota. Edhe kineastët mund ta lënë punën në mes sepse devotët e kinemasë nuk mund ta besojnë ‘trillin’. Si ka mundësi? Menjëherë pas Luftës së Dytë, vetë besnikët nazistë të Hitlerit që vranë miliona njerëz, u dërguan në gjyqe dhe u dënuan me vdekje. Popujt, prindër të martirëve, nuk lejuan që Gjyqi i Nurembergut të kishte ‘kohë pa fund’ për të dënuar krimin.

Jo, Gjyqi kishte afat të limituar: ‘Deri në Iks orë zbardh krimin dhe dëno autorin!’. SPAK në Shqipëri po e sjell krimin shtetëror ndaj katër martirëve, nëpër gojë, si karamele të ëmbël. Deri para një viti Drejtësia nuk kishte pranuar ta zinte me dorë, sikur nderi i martirëve të kombit të ishin me leprozë. Drejtësia kishte mendje se martirët do të vdesin përsëri, përsëri- ndoshta edhe tre herë, por kryetari i qeverisë që i vrau nuk do të gjykohej kurrë. Po shkon koha, edhe brezi po ndërron. Sali Berisha po bën me dorë dhe po i thotë SPAK-ut: ‘O Skap i Partisë, unë po të lë shëndenë, nuk ke ku më gjen më!’. Edhe vetë SPAK-u po shkon drejt plakjes dhe drejt vdekjes. Një SPAK që numëron ditët pa kryer detyrën e vet themelore, ai ka vdekur me kohë. Dje presidenti i ri, Donald Trump, urdhëroi të zbardhet vrasja e John Kenedit dhe e Martin Luterkingut, që nga vitet ’60 të shekullit të kaluar.

Këta këtu po shtërzojnë e po thonë se ‘viti 2011 është një vit i largët!’. Jeta nuk është rotacion!, siç po kërkojnë këta. Dmth pasi të ikë, Saliu nuk kthehet më për t’u gjykuar. As ata të katër nuk vijnë më që të akuzojnë vrasësit… Po ikin të gjithë këta, mëkatarë e ndihmës të mëkatarëve. Po ikin! Kush do ta paguajë vrasjen e katër njerëzve nobel të kësaj Shqipërie? E kush do të trokasë në zyrën e SPAK-ut plak? Edhe Mark Nika, xhaxhai i vetështrydhur për të drejtën, edhe ky nuk do të jetë më. Çfarë po bën ky shtet? A është i fortë shteti? A është apo vetëm ka qenë kriminal shteti? Nëse nuk jepet përgjigja sot, por sot!, atëherë shteti do të jetë në shekuj i deformuar. Dhe katër martirët në heshtje varri. Veç një qyqe që dëgjohet në lisin mbi varrin e tyre”, përfundon analizën Frrok Çupi.

Reagon Spartak Ngjela

Edhe avokati Spartak Ngjela shprehet se drejtësia ka çaluar në zbardhjen e kësaj ngjarjeje, por thekson se pamjet e serverëve të kryeministrisë nuk janë fshehur përfundimisht. “Rama e kishte konceptuar saktë, e kishte organizuar mendimin sikur të ishte në gjyq. E kishte kthyer në gjyq social atë retorikën. Dhe kishte të drejtë, nuk e di pse ka çaluar drejtësia, por unë kam parë incizimet. Se këta kujtojnë se i kanë shuar, por serveri nuk shuhet. Fshihet për njeriun e zakonshëm, jo teknikën e lartë”, tha Ngjela.

Ai pretendon se pamjet e kamerave të Kryeministrisë që kanë filmuar vrasjet e 21 janarit, janë të ruajtura në Kaliforni. “Këta kujtojnë se janë shuar regjistrimet. Nuk shuhen kurrë ato. Po ti kesh brenda sistemit amerikan nuk shuhen kurrë. Të gjitha depozitohen në Kaliforni, edhe sikur ti shuash ti këtej. Është njësoj si valët e radios, që diku incizohen. Janë këto të Saliut, por kishte humbur ekuilibrin, se ishte e egër ajo si revoltë.

Por fajin e kishte vetë, nuk diti të bënte politikë të një sensi human, e dyta ishin konfliktet e tyre që kaluan deri atje dhe u vranë njerëz”, thekson ai. Madje, Ngjela pretendon se në këto pamje shfaqet edhe Sali Berisha me automatik në dorë dhe jep urdhër ‘vritni’. Por, më pas thekson se armën ia kanë marrë, ndërsa sipas tij me këtë ngjarje ish-kryeministri rrezikon edhe të arrestohet.

Çfarë thotë ish-prokurori Hajdari për 21 janarin?

Nga ana tjetër, ish-prokurori Shkëlqim Hajdari teksa foli dje në lidhje me hetimet për 21 Janarin u shpreh se do duhet që personat që kanë dijeni për këtë çështje të dëshmojnë në mënyrë që të jepen provat për zbardhjen e plotë të kësaj dosjeje. “Ndjej trishtim, kanë kaluar vite dhe çështja nuk është mbyllur akoma. Unë dhe Dumani jemi njerëz që dashurohemi me drejtësinë.

Nëse kishte një gjë që më bashkonte me Dumanin ato vite që punuam, ishte drejtësia njerëzore. Ne ndenjëm te e drejta, te e vërteta. Ne menduam që rekursin që bëmë ne do ta zgjidhte Gjykata e Lartë, por për çudi të të gjithë profesionistëve, e rrëzoi që në dhomën e këshillimit. Jam i bindur që ajo çështje ka gjëra që duhen zbardhur, por më shumë ka nevojë për njerëz që dinë, grup njerëzish që dinë se si janë zhvilluar, të bashkëpunojnë me prokurorinë për të thënë të vërtetën e disa gjërave që nuk janë zbardhur dot deri tani.

Trysnia ka qenë e fortë për të gjithë për çështjen e 21 janarit, ka pasur dhe veprime të nënkuptuara të kërcënimit, por mua mund të më ndalojë vetëm krijuesi, por që të funksionojë presioni kjo s’ka ndodhur dhe jam i bindur që në shumicën e prokurorëve nuk ndodh kurrë”, u shpreh Hajdari.

Akuzat nga familjarët e viktimave?

Xhaxhai i Aleks Nikës, ngriti zërin edhe dje për drejtësi për nipin e tij që u vra para kryeministrisë më 21 janar 2011. Mark Nika u shpreh se politika vijon të përpiqet të bëjë presion me qëllim që kjo çështje të mbyllet “Është viti i 14 që vendosim lule aty ku janë vrarë Aleksi me shokë. Kemi detyrim moral. Çështja vijon të jetë e pazbardhur. Drejtësia e implikuar me politikën dhe sot e kësaj dite po mundohet ta fshijë si ngjarje dhe të vrarët të konsiderohen ‘mish për top’ Kemi fituar drejtësinë në Strasburg”, u shpreh ai. Besimin ai  ka tek SPAK. “Strasburgu ka vendosur që hetimi të bëhet nga SPAK.

Hetimet po shkojnë në rrugën e mbarë. Po thirren persona që janë në dijeni dhe po bëhet ekspertimi i provave materiale. Audio kaseta e siguruara nga ne. Aty është regjistruar zëri i komandantin të Gardës ku u bë thirrje të përdoren armët mbi demonstruesit. Ky material nuk është i plotë pa ekspertim. Metodika e hetimit, kanë parashikuar thirrjen e persona jo kryesor në hetim dhe do vijë radha e personave që kanë dijeni.

Pa Gjykatën e Strasburgu çështja do ishte arkivuar, por ne kemi besim te SPAK. prokurorët që merren me çështjen tonë, BKH janë profesionialistë të saktë jo me ndikim politik. Çështja po ecën mirë. Kur do konkludohen është çështja që i përket atyre. SPAK e ka marrë seriozisht. Pa SPAK nuk do e hetonte çështjen as Prokuroria e Tiranës”, tha ai. Ajo që kërkojnë është vetëm drejtësia dhe nuk do të reshtin për ta kërkuar derisa të vihet në vend dhe ata që urdhëruan të vihen para ligjit.

“Në denoncim kemi thënë si organizatë kriminale. Ish kryeministri ministri kanë dhënë urdhër, janë përgjegjësi për vrasjet. I kanë pranuar vetë si Saliu dhe Basha thanë ne i vramë dhe i vrasim sërish. Të vijnë dhe të japin përgjigje. Duam të dimë kush i vrau dhe pse i vrau. Kërkojmë drejtësi.  Është  dëm i madh familjar që na është bërë. Me Aleksin e kanë mbyllur derën e shtëpisë’ thekson Mark Nika.  Për xhaxhain e Aleks Nikës drejtësia do të vihet në vend dhe beson se kjo çështje është në rrugë të mbarë.  “Besoj shumë se kjo çështje do përfundojë pozitivisht dhe fajtorët do shkojnë para gjyqit”, tha ai.

The post Ja prova e fortë në duart e SPAK që çon në burg Sali Berishën, çfarë ndodhi në 21 janar të vitit 2011, kush e… appeared first on Sot News | Lajme.

Elmas Bogdani

Dyzetë e gjashtë deputetët e parë të çdo partie do të jenë nga listat e mbyllura, aty ku renditjen e ka përcaktuar partia dhe votuesi nuk mund të ndikojë.  Vetëm për ato parti, që do të fitojnë mandate përtej listës së mbyllur, do të kenë mundësi të fusin në Kuvend, deputetë nga lista e hapur, aty ku renditjen e përcaktojnë zgjedhësit.  Dokumenti i KQZ ka llogaritur sipas qarqeve, se si ndahen mandatet në lista të fiksuara dhe në lista të hapura.

Sipas kësaj skeme, partitë e vogla nuk do të kenë thuajse asnjë deputetet që vjen nga lista e hapur, por vetëm nga ato të mbyllura.  Për 11 majin, secila partia/koalicion do të garojë me 46 deputetë në listë të mbyllur dhe 140 të tjerë në listë të hapur.  Sipas qarqeve, në Berat, për çdo subjekt fitues, 2 deputetët e parë do të zgjidhen nga lista e fiksuar, dhe 5 nga lista e hapur. Në Dibër, 2 fituesit e parë do të jenë të listës së mbyllur, dhe 3 nga e hapura. Në Durrës, 5 deputetët e parë dalin nga lista e fiksuar, 9 nga lista e hapur.

Në Elbasan do të jenë 5 nga 15 mandate të mbrojtura në listë të mbyllur. Në Fier, 5 nga 16 emrat, do të jenë të mbyllur. Gjirokastra ka vetëm 1 emër në listë të mbyllur nga 4 mandate gjithsej. Korça ka në listë të fiksuar, 3 nga 10 mandate për çdo subjekt zgjedhor. Kukësi do të ketë 1 mandat të fiksuar, Shkodra 4 të tillë. Në Tiranë, 12 fituesit e parë do të merren nga lista e mbyllur Vlora do të ketë 4 deputetë në listë të sigurt nga 12 mandate gjithsej.

Sipas Kodit, për çdo parti garuese, mandat do të fitojnë të parët ata që janë në listën e mbyllur, dhe brenda listës së mbyllur do të respektohet renditja e paracaktuar nga kryetari i partisë.  Nëse partia/koalicioni fitojnë mandate në atë qark, më shumë se sa ka emra lista e mbyllur, atëherë do të fitojnë mandat sipas radhës, më të votuarit nga lista e hapur. Renditja në listë të hapur bëhet pa asnjë prag, kush ka marrë një votë më shumë, por 1 në 3 emra, do të jetë femër, edhe nëse zonjat nuk janë votuar sa duhet.

Kush janë emrat që e kanë vendin e sigurt në PS?

Por çfarë do të ndodhë në Partinë Socialiste me strategjinë që do të ndjekë kryeministri Edi Rama. Kush janë emrat që kanë mundësi shumë të mëdha për të qenë deputetë dhe kush rrezikon? Ajo që dihet tashmë është se drejtuesit politikë do jenë në listat e sigurta. Përveç 4 kryebashkiakëve, thuhet se 11 drejtuesit e fushatës në qarqe do të bëjnë përjashtim nga deputetët me më shumë se dy mandate, për të cilët siç kryeministri Edi Rama ka deklaruar më herët, do të jenë në listën e hapur duke luftuar për një ulëse në parlament.

Nga 8 shtatori i 2024 kur Rama prezantoi se cilët do të ishin ekipi që do të mbante peshën elektorale për zgjedhje, lista ka pësuar rrugës disa ndryshime. Ndryshe nga zgjedhjet e kaluara, peshën për qarkun më të rëndësishëm të vendit, Tiranën, Rama nuk ia la vetëm Erion Veliajt. Punën organizative të strukturave në bashkinë Tiranë ia caktoi Ogerta Manastirliut, ndërsa për 4 bashki të qarkut, Kavajën, Vorën, Rrogozhinën e Kamzën, zgjodhi Elisa Spiropalin. Ndonëse kjo ndarje për kryeqytetin u duk e mjaftueshme, rrugës Rama vendosi ta blindojë me përforcime.

Fillimisht largoi Blendi Gonxhen nga drejtimi politik i Dibrës dhe i ngarkoi atij specifikisht njësinë 6 në kryeqytet, zonën e Kombinatit. Po ashtu thuhet se në Tiranë do të jetë edhe Erion Braçe. Vitin 2025 e nisi më një tjetër ndryshim. Rama largoi Pandeli Majkon nga drejtimi i Kukësit dhe e dërgoi për mbështetje në Kavajë, zonë jo fort komode për socialistët që në 2023-shin humbën dhe bashkia drejtohet tashmë nga një demokrat. Pas largimit të Majkos, Kukësin do ta drejtojë Eduart Shalsi, ndërsa Dibrën Blendi Klosi.

Ministri i Brendshëm Ervin Hoxha, ndër të paktët ministra ende të paangazhuar do të mbulojë në kryeqytet njësinë nr1. Belinda Balluku është në Fier, ndërsa Bledi Çuçi  drejton qarkun e Vlorës dhe Anila Denaj do të mbulojë Sarandën. Arbian Mazniku ka Elbasanin. Po ashtu Ulsi Manja ka Lezhën. Mirela Kumbaro mbulon Gjirokastrën dhe Taulant Balla Diasporën.

Kush rrezikon në PS?

Sipas skemës që do të ndjekë Edi Rama, janë shumë deputetë që janë me mbi dy mandate dhe ata do të përfundojnë te lista e hapur, ku sërish mundësitë për të fituar vend janë shumë të vogla. Më poshtë po rendisim deputetët me mbi dy mandate, që nisin nga Ogerta Manasterliu, Ermonela Felaj, Xhemal Qefalia, Nasip Naço , Milva Ekonomi , Klodiana Spahiu, Ilir Ndraxhi, Evis Kushi, Luan Duzha, Petro Koçi, Antoneta Dhima, Bujar çela, Ismet Beqiraj, Tatiana Piro, Lindita Nikolla, Paulin Sterkaj, Damian Gjiknuri, Klotilda Bushka, Blerina Gjylameti, Mimi Kodheli dhe Olta Xhaçka.

The post 46 deputetët e parë të çdo partie do të jenë nga listat e mbyllura, ja emrat në PS që do të “digjen” nga formula… appeared first on Sot News | Lajme.

Sherri mes Adriatik Lapajt dhe Arlind Qorit ka zbuluar tensionet e thella dhe mosmarrëveshjet mes drejtuesve të partive të reja, duke ngritur pikëpyetje mbi vërtetësinë e kauzave që ata mbrojnë. Përplasja ndodhi në një protestë të organizuar para Ministrisë së Brendshme këtë të hënë, pra dy ditë më parë, ku Lapaj dhe përfaqësuesit e partisë së tij, “Shqipëria Bëhet”, u përballën ashpër me Lëvizjen Bashkë të Arlind Qorit.

Gjatë tubimit, Lapaj tentoi të fliste në podiumin e protestës, por aktivistët e Lëvizjes Bashkë e përzunë me thirrje “turp”, duke e akuzuar se po “vidhte” protestën dhe po zaptonte hapësirën e tyre. Nga ana tjetër, Lapaj reagoi ashpër në rrjetet sociale, duke akuzuar Arlind Qorin për sjellje autokratike dhe përpjekje për të uzurpuar kauzat qytetare për përfitime personale. “Protestat nuk kanë pronar, por kauza. 

Kauza duhet të jetë e përbashkët: rrëzimi i kastës së vjetër kriminale,” shkroi ai, duke sulmuar hapur qasjen përçarëse të Qorit dhe Lëvizjes Bashkë. Përfaqësuesit e Qorit, ndërkohë, e quajtën Lapajn “të shitur” dhe të lidhur me interesa të fshehta, ndërsa Lapaj i etiketoi ata si “komunistë” që po përpiqen të mbajnë monopol mbi protestat.

Mesazhi

Por ky konflikt nxjerr në pah një problem të thellë, mungesën e bashkëpunimit mes partive të reja, që pretendojnë se luftojnë kundër politikës së vjetër, por që përfundojnë duke ndjekur të njëjtën logjikë konfliktuale dhe përçarëse. Reagimet e figurave të tjera, si Endri Shabani i Nismës Thurje, e thelluan më tej debatin. Shabani kritikoi ashpër ngjarjen, duke e quajtur një akt të politikës së vjetër dhe një dështim për të bashkuar forcat në emër të kauzave qytetare.

Sjellja e Arlind Qorit dhe përfaqësuesve të Lëvizjes Bashkë është vënë në qendër të kritikave, duke u parë si një shfrytëzim i protestave për përfitime personale dhe politike. Kauzat, që duhet të jenë një pikë takimi për zgjidhjen e problemeve të përbashkëta, po kthehen në arenë për protagonizëm personal dhe luftë për podium.

Pra ky incident jo vetëm që nxjerr në pah përçarjet brenda partive të reja, por ngre dyshime serioze mbi aftësinë e tyre për të sjellë një alternativë të besueshme ndaj politikës së vjetër që pretendojnë se luftojnë. Kështu që për sa kohë që këto konflikte vazhdojnë, qytetarët rrezikojnë të shohin një ripërsëritje të së shkuarës, me figura që përdorin kauzat për të ndërtuar karrierën e tyre politike.

Çfarë ndodhi?

Ndërkohë kujtojmë se Adriatik Lapaj e përfaqësues të partisë Lëvizja Bashkë të Arlind Qorit janë përplasur këtë të hënë ashpër në një protestë të organizuar para Ministrisë së Brendshme. Ishte Arlind Qori që kishte paralajmëruar protestë, por asaj i është bashkuar edhe Lapaj, kreu i partisë “Shqipëria Bëhet”. Situata degradoi deri aty sa Lapajn e dëbuan nga podiumi me thirrjet “turp”, ndërsa në protestë ishte i pranishëm edhe vetë Qori.

Sherri sipas Lëvizjes Bashkë, ndodhi sepse Lapaj nuk ishte regjistruar për të mbajtur një fjalim dhe po u ‘vidhte protestën’ e zaptonte podiumin. Në video dëgjohet edhe një aktivist i Lëvizjes Bashkë, Redi Muçi, i cili thekson se protesta është thirrur nga Lëvizja Bashkë dhe ka edhe një listë që duhet të respektohet. Nuk kanë munguar akuzat e përfaqësuesve të Arlind Qorit të cilët e kanë quajtur Adriatik Lapajn si të shitur, ndërsa ky i fundit i ka cilësuar si komunistë.

Pas përplasjes, Lapaj bëri edhe një reagim në “Facebook”. “O Arlind, protestat nuk kanë pronar por kauzë dhe kauza duhet të jetë e përbashkuar: Rrëzimi i kastës të vjetër kriminale”, shkroi Lapaj në “Facebook”.  Mesa duket bashkimi i partive të vogla në një front të vetëm opozitar duket i pamundur, pavarësisht thirrjeve që bëhet nëpër ekrane mes drejtuesve të tyre.

Reagon Shabani

Nga ana tjetër, Endri Shabani, kreu i Nismës Thurje ka reaguar pas sherrit ndërmjet Adriatik Lapajt dhe Arlind Qorit në protestën para Ministrisë së Brendshme. Në një reagim në rrjetet sociale, Shabani thekson se kjo është një ngjarjen e shëmtuar dhe sjellje e politikës së vjetër. Shabani thekson se të digjet Shqipëria për një karrige është politikë e vjetër.

Sipas Shabanit, nuk duhet e nuk mund të ketë pronarë kauzash. “Ka ndodhur një ngjarje shumë e shëmtuar ku Adriatik Lapaj u dhunua nga drejtuesit e Lëvizjes “Bashkë”, duke filluar nga Arlind Qori dhe drejtuesit e tjerë, të cilët përveçse e larguan me dhunë nga protesta, i bënin thirrje policisë që ta merrte zvarrë. Kjo është e papranueshme! E para sepse ky mentaliteti ku djegim Shqipërinë për karrierën e një njeriu, është mentalitet i politikës së vjetër.

E dyta: ideja që ka pronarë kauzash, pronarë çështjesh dhe këtë çështje e kam zënë unë dhe asnjë tjetër nuk duhet të flasë dhe luftojë, do të thotë që këta nuk duan ta zgjidhin problemin. Nuk është kjo mënyra se si ne mund të ecim përpara. Të ecim përpara, duhet që të rinjtë e para të bëhen të gjithë bashkë dhe të vendosin zgjidhjen e problemeve përpara karrierës apo ambicieve personale”, shprehet Shabani.

The post Zbardhen detaje nga sherri mes Lapajt dhe Qorit, pse u përplasën drejtuesit e partive të reja dhe si kreu i… appeared first on Sot News | Lajme.

Dje është përkujtuar 14 vjetori i 4 viktimave nga protesta e 21 janarit 2011, e thirrur në atë kohë nga Partia Socialiste në opozitë, pas video-skandalit ku shfaqej Ilir Meta, zv/kryeministër në atë kohë, me një bllok të zi në dorë. Po çfarë po ndodh me hetimet për vrasjet e 21 janarit? Tashmë hetimet janë në dorën e SPAK pas vendimit nga Gjykata e Lartë që i caktoi Prokurorisë Speciale kompetencën për të kryer hetimet mbi atë që konsiderohet prej vitesh si krim shtetëror.

Në emisionin “Studio Live” në Report TV, ish-prokurori Ervin Karanxha, pjesë e grupit hetimor që ka kryer veprime menjëherë pas vrasjes së 4 protestuesve Ziver Veizi, Hekuran Deda, Aleks Nika dhe Faik Myrtaj, theksoi je se në atë kohë prokurorët e Tiranës kanë kryer me përpikëri të gjitha detyrat e saj. Karanxha ngriti disa çështje juridiko-ligjore që janë bërë shkak edhe për zvarritjen e hetimeve dhe që kjo ngjarje e rëndë e cilësuar si krim shtetëror publikisht, nuk ka ende përfundim procedurial dhe as autorë të dënuar në themel.

Ish-prokurori mendon se gabimi është kryer nga Prokuroria e Përgjithshme që në atë kohë, e cila kishte kompetencat për zyrtarët e lartë, siç i ka SPAK-u sot dhe Gjykata e Lartë në vendimin e saj e ka të shpallur tekstualisht se hetimet duhet të ishin bërë që në atë kohë nga zyra e Prokurorit të Përgjithshëm. “Kjo nuk u bë, sepse Prokuroria e Tiranës nuk kishte kompetencë, ndaj topi ka mbetur te Prokuroria. Nuk u bënë veprime. Prokuroria e Përgjithshme duhet të kishte thirrur zyrtarët e lartë, përfshi edhe kryeministrin, e kishte për kompetencë”, shprehet Karanxha.

Gjithashtu ngre si problematikë të asaj kohe fshirjen e gjurmëve apo provave në Kryeministri, që nga gardhi i dëmtuar nga plumbat që u hoq bashkë me predhat, ashtu edhe te fshirja e pamjeve filmike nga serverat e Kryeministrisë dhe që nuk rekuperohen më. “Ne kemi shkuar të nesërmen me idenë se nuk do prishej vendi, nuk do vidheshin, kur shkuam atje ishin hequr. Kemi ndjekur procedurat. Por kur shkuam ishin hequr, aty ka pasur dëmtime me plumba në bindjen time, kishte vrima tejshpuese në gardh që mund të përcaktonin më tej nga ishte qëlluar dhe kush kishte qëlluar”, rrëfen ai.

Gjithashtu Karanxha ka folur për fshirjen e pamjeve filmike nga serverat. AI tha se mendonte se fshirja është bërë e qëllimshme, pasi nuk kishte asnjë arsye që të ndërhyhej në orën 2 të mëngjesit. “Pse u ndërhy në orën 2 të mëngjesit? Me qëllim është bërë. Mesa mbaj mend kishte një riformatim të pajisjes, pasi nuk mund të rikthehej asnjë pamje”, tha Karanxha. Problemi antiligjor i fundit ka qenë moszbatimi i urdhër-ndalimeve nga Policia e Shtetit në atë kohë dhe ekzekutimi i 6 fletë-arresteve vetëm një apo dy javë me vonesë. “Kam qenë pjesë e grupit hetimor në lidhje me ngjarjen, vrasjet dhe plagosjet më 21 Janar.

Fillimisht ishim në Spitalin Ushtarak dhe më tej në Bulevard. Kam kqyrur pjesën ku rrinin anëtarët e grupit të zjarrit dhe zonën e gëzhojave, ishim 3 prokurorë, në Kryeministri dhe bodrum. Unë kam qenë te pjesa e gëzhojave. Në orën 02:00 të asaj nate jemi thirrur te zyra e Prokurorit të Përgjithshëm për një mbledhje dhe janë lënë detyra. Meqë ish-ministri i ndjerë Sokol Olldashi doli me deklaratë për makinën me eksploziv, shkuam menjëherë për verifikim dhe nuk konstatuam asgjë. Më tej kaluam te armët e zjarrit me ekspertime dhe veprime hetimore. Kemi ecur me vijueshmërinë e hetimeve, kemi shkuar më pas në vendin e ngjarjes. Kemi shkuar te një pemë pranë Gjykatës Kushtetuese kemi gjetur një predhë në të, kalibri 9 mm”, rrëfen Karanxha.

Ai kujton edhe mbledhjet në atë kohë te Prokuroria e Përgjithshme dhe detyrat, si dhe problematikën për të mos ekzekutuar 6 urdhër-arrestet nga Policia e Shtetit. “Kemi diskutuar në Prokurorinë e Përgjithshme, janë lëshuar 6 urdhra ndalimi nga Prokuroria e Tiranës që kishte dhe kompetencën për personat dhe ato u penguan në ekzekutim. Urdhrat e ndalimit dolën nga Prokuroria e Tiranës dhe nuk u ekzekutuan nga Policia në moment. Pas shumë debatesh urdhrat u zbatuan pas pak kohe, një apo dy javë. Nga 6 urdhra urdhra vetëm një ishte efektiv për Ndrea Prendin, sepse për të tjerët nuk kanë qenë në hetim”, shpjegon ish-magjistrati.

Ai shpjegon edhe pasivitetin e Prokurorisë së Përgjithshme në këtë çështje, e cila duhet t’i kishte kryer që në atë kohë veprimet me zyrtarët e lartë, sepse ajo kishte kompetencën juridike dhe ligjore. “Kemi një vendim të Gjykatës së Lartë, që thotë qartësisht se kompetenca për këtë rast është e SPAK. Më parë ka qenë ajo e Prokurorit të Përgjithshëm (pra siç është SPAK sot), si rregull duhej të hetohej nga Prokurori i Përgjithshëm dhe ka sjellë pasoja të rënda.

Ne duhet të merrnim tabulatet e zyrtarëve dhe ne s’i kemi bërë, se sipas ligjit të kohës s’kemi pasur kompetencë. Prokuroria e Përgjithshme duhet të vepronte, sepse ne ishim të rrethit gjyqësor, pa kompetencë. Pse nuk e kryen ata në Prokurorinë e Përgjithshme, unë nuk e di. Nuk u bë, iku”, thekson ish-prokurori.

The post Ish-prokurori që hetoi “21 Janarin”: Provat në Kryeministri u prishën, gjetëm 120 gëzhoja, Prokuroria e Përgjithshme… appeared first on Sot News | Lajme.

Pasi kreu i KQZ Ilirjan Celibashi njoftoi dakordësinë me PD e PS për të ndryshuar Kodin Zgjedhor në 3 pika që lidhen me votën e diasporës, demokratët kanë bërë disa propozime shtesë. PD kërkon një ndryshim të vlefshëm vetëm për zgjedhjet e 11 majit, përmes një dispozite tranzitore, që lidhet me mundësinë e emigrantëve, për të votuar edhe me ID ose Pasaporta të huaja.

Por jo vetëm kaq. Zgjatja e afatit të përdorimit të ID të skaduara, PD kërkon të caktohet në Kod dhe jo me akt normativ të qeverisë, sikurse një ditë më parë kërkoi kreu i KQZ Ilirjan Celibashi. “Dispozitë tranzitore “1.

Vetëm për zgjedhjet për Kuvendin të vitit 2025, dokumente të vlefshme identifikimi, me qëllim mundësimin për të votuar, zgjedhësve brenda dhe jashtë vendit, do të konsiderohen: a) Pasaportë ose letënjoftim/ kartë identiteti biometrik, brenda afatit të vlefshmërisë, të lëshuar nga Republika e Shqipërisë, b) Pasaportë ose letërnjoftim/ kartë identiteti biometrik, pavarësisht afatit të vlefshmërisë, të lëshuar nga Republika e Shqipërisë, c) Pasaportë ose letërnjoftim/ kartë identiteti biometrik, brenda afatit të vlefshmërisë të lëshuar nga vendet e Bashkimit Europian, Shtetet e Bashkuara të Amerikës si dhe çdo vend tjetër”-thuhet në propozimin e depozituar zyrtarisht në Kuvend këtë të martë dhe i firmosur nga 11 deputetë të PD, mes të cilëve edhe vetë Sali Berisha.

PD evidenton në relacionin shoqërues se janë rreth 600 mijë qytetarë me një ID të skaduar. “Raporti paraprak NAM (Needs Assessment Mission) i OSBE-ODIHR, për zgjedhjet e përgjithshme të 11 Majit 2025, (raport që mban datat 3 dhe 6 Dhjetor 2024), evidenton rreth 600.000 mijë zgjedhës me letërnjoftime të skaduara, e dhënë kjo e konfirmuar publikisht edhe nga Komisioneri Shtetëror i Zgjedhjeve.

Ky shqetësim përfshin shtetasit shqiptarë me banim brenda dhe jashtë vendit, të cilët mund ta kenë më të vështirë sesa shtetasit brenda vendit për të rinovuar dokumentet e identifikimit, dhe rrjedhimisht e gjithë kjo kategori zgjedhësish rrezikon seriozisht të mos jenë në gjendje të votojnë në 11 maj 2025, nëse nuk amendohet Kodi Zgjedhor”, thuhet në relacion.

Sa i takon propozimit për të votuar me pasaporta të huaj, PD sqaron se ka të bëjë me ata zgjedhës që janë larguar nga Shqipëria para fillimit të pajisjes me dokumente biometrike, duke nisur nga janari i 2009, apo që kanë lindur jashtë territorit të Republikës por që kanë fituar të drejtën e votës.

The post Ndryshimet në Kodin Elektoral, PD depoziton amendament tranzitor: Diaspora të votojë me dokumentet e shtetit ku… appeared first on Sot News | Lajme.

Kryeministri Edi Rama nënshkroi dje në Davos me Presidentin e Ukrainës, Volodymir Zelensky një marrëveshje. Kryeministri Rama ndodhet në Davos, ku po merr pjesë në punimet e Forumit Ekonomik Botëror. Rama zhvilloi sot në Davos një takim edhe me Christine Grahn, kreun e Marrëdhënieve me Qeveritë dhe Politikën Publike të TikTok-ut për Europën.

Kryeministri Edi Rama po zhvillon një seri takimesh dhe aktivitetesh në kuadër të pjesëmarrjes në Forumin Ekonomik Botëror 2025, i cili mbahet në Davos – Klosters, në Zvicër. Së bashku me liderë nga vende të tjera të botës, kryeministri Edi Rama është pjesëmarrës në disa tryeza të rrumbullakëta, si dhe panelist në sesione të ndryshme ndërsa takohet përgjatë tre ditëve të Forumit me homologë, liderë të biznesit, drejtues të organizatave të ndryshme ndërkombëtare dhe personalitete të tjera pjesëmarrëse në Forum.

Me misionin “Ne bashkojmë qeverinë, bizneset dhe shoqërinë civile për të përmirësuar gjendjen e botës”, këtë vit Forumi bën bashkë rreth 3000 liderë, nga mbi 130 vende, mes të cilëve, 350 liderë qeveritarë, duke përfshirë 60 kryetarë shtetesh dhe qeverish për të adresuar sfidat kryesore globale dhe rajonale.

The post Rama në Davos, nënshkruan me Zelenskin marrëveshje të rëndësishme në fushën e sigurisë appeared first on Sot News | Lajme.

Drejtësia për “21 janarin” nuk duhet vonuar më. Ky ka qenë mesazhi i Kryeministrit Rama në këtë 14-vjetor të vrasjeve shtetërore të 21 janarit 2011, në bulevardin para kryeministrisë. Përmes një postimi në “Facebook”, Rama shkroi dje se ata që kanë në dorë të bëjnë drejtësinë dhe po e vonojnë atë, duhet të kenë parasysh se fëmijët e protestuesve të vrarë po bëhen prindër duke pritur.

“Drejtësia vonon po nuk harron”, thotë populli dhe sot kush po e vonon drejtësinë për 21 janarin, nuk duhet të harrojë se fëmijët e dëshmorëve po bëhen prindër duke pritur drejtësinë…”, shkruan Rama. Shpresa për drejtësi për 4 viktimat e 21 janarit 2011 ishte venitur, por ky 14-vjetor vjen ndryshe: me dosjen në duart e SPAK.

Familjarët e viktimave të 21 janarit tashmë sytë i kanë te SPAK që ka nisur hetimet për një prej ngjarjeve më të rënda në vendin tonë, ku 4 protestues të pafajshëm u vranë me plumbat e shtetit gjatë qeverisjes së Sali Berishës.

The post 14 vite nga vrasjet shtetërore të “21 janarit”, Rama: Drejtësia nuk duhet vonuar më, fëmijët e dëshmorëve po bëhen… appeared first on Sot News | Lajme.

Eksperti i sigurisë Faik Basha, deklaron se 21 Janari duhet të hetohet dhe të zbardhet dhe si organizator të gjithçkaje bën kreun e opozitës së asokohe dhe Kryeministrin aktual, Edi Rama.

Ndërsa kanë kaluar 14 vite nga ekzekutimi në bulevardin “Dëshmorët e Kombit” në Tiranë, i ftuar në një studio televizive, Basha tha se në asnjë moment nuk është vërtetuar që punonjësit e Gardës kanë qëlluar drejtpërdrejtë mbi trupa, por se kanë qëlluar në ajër dhe plumbat janë kthyer rikoshet dhe kanë rënë mbi qytetarët.

“Në Shqipëri kemi Kryeministrin aktual i cili atë kohë ka qenë lideri i opozitës, po të shikoni atë dhunë që është përdorur në atë protestë, kalon çdo imagjinatë.

Vetëm në vitin 1997 ka pasur ngjarje të asaj natyre, kush i organizoi dhe çoi këta njerëz në thyerje të ligjit.

Të gjithë duhet të hetohen, edhe pse një pjesë e atyre që kanë shkrepur amën janë dënuar, një pjesë janë hetuar, një pjesë që kanë qenë përgjegjës për strukturat e sigurisë janë në strukturat e Partisë Socialiste.

Besoj se Rama informatorët kryesorë i ka në strukturat e tij. Vetë ka qenë urdhëruesi kryesor i kësaj masakre.

Kur ka ndodhur që protestuesit të thirren në protestë dhe të lihen vetëm, ndërsa vetë ndiqte nga kulla.

Drejtuesi i Gardës që ka përgjegjësinë për të menaxhuar dhe kontrolluar situatën.

Ndërsa Rama është ai që menaxhon dhe ka drejtuar gjithë situatën.

Nëse SPAK nuk heton se kush e organizoi, kush e nxiti, kush urdhëroi të goditen dhunshëm forcat e policisë dhe kurrsesi nuk ishte imagjinuar se do kishte këto lloj skenash.

A është hetuar Kryeministri i sotëm dhe lideri i opozitës i kësaj kohe, a është hetuar Erion Veliaj i cili ka qenë nxitës i qytetarëve për të kryer akte dhune.

Janë disa pika që meritojnë përgjigje qytetarët e Republikës së Shqipërisë dhe ata që kanë humbur familjet e tyre.

Duhej ndarë nëse duhej qëlluar me armë ndaj protestuesve. Por ata janë munduar të ndjekin rrjedhën ligjore për mbrojtjen e institucioneve.”

The post Protesta 21 janarit, eksperti: SPAK të hetojë kush organizoi e nxiti protestuesit, ja kush ishte urdhëruesi i masakrës appeared first on Sot News | Lajme.

Opozita në Mal të Zi, e udhëhequr nga Partia Demokratike e Socialistëve (DPS), e bllokoi seancën e 21 janarit në Kuvend, ku në rend dite ishte diskutimi dhe miratimi i buxhetit të vitit 2025. Pasi kryetari i Kuvendit, Andrija Mandiç, hapi seancën, deputetët e opozitës u ngritën nga vendet e tyre dhe dolën para tij.

“Shikoni se në çfarë kushtesh punojmë, ndërkohë që duhet të diskutojmë një çështje të rëndësishme. Autoriteti i Kuvendit po vihet në pikëpyetje”, tha Mandiq. Ai paralajmëroi se deputetët që u ngritën nga vendet e tyre, do të marrin masa ndëshkuese me shkrim.

Mandiç nuk specifikoi se kur do të vazhdojë seanca. Opozita i ka penguar seancat parlamentare që nga 20 dhjetori, duke kërkuar që të anulohet vendimi për pensionimin e gjyqtares së Gjykatës Kushtetuese, Dragana Gjuranoviç, i marrë po atë muaj. Sipas opozitës, ky vendim ka qenë i paligjshëm.

BE-ja ofron ndihmë

Bllokimi i punimeve në Kuvendin e Malit të Zi u diskutua edhe gjatë vizitës zyrtare të komisionares evropiane për Zgjerim, Marta Kos, në Mal të Zi, e cila ofroi ndihmën e Komisionit Evropian për normalizimin e punës së Kuvendit.

Delegacioni i BE-së propozoi përfshirjen e Komisionit të Venecias – një organ këshillues i Këshillit të Evropës – në zgjidhjen e krizës kushtetuese dhe parlamentare. Edhe pse DPS-ja nuk e refuzoi publikisht këtë propozim, kryeministri malazez, Millojko Spajiq, e akuzoi atë për aktivitete antievropiane. Deputeti i opozitës nga Social-demokratët, Nikolla Zirojeviç, tha se nuk ka vend për kompromis kur shkelet Kushtetua.

“Nuk e di se si duhet ta komunikojmë, ta shkruajmë, ta vizatojmë, ta këndojmë, si me shumicën parlamentare, ashtu edhe me Delegacionin e BE-së: nuk negociojmë për respektimin e Kushtetutës së Malit të Zi në Kuvendin e Malit të Zi”, tha Zirojeviç.

Kërkesat e opozitës

Përveçse anulimin e pensionimit të gjyqtares Gjuranoviç, opozita kërkon edhe nënshkrimin e marrëveshjes me pushtetin për të mos e ndryshuar Kushtetutën në fushën e çështjeve të identitetit dhe as Ligjin për shtetësinë malazeze.

Ndryshime të tilla kërkojnë partitë e ish-Frontit Demokratik prorus, i udhëhequr nga Andrija Mandiq. Konkretisht, ato kërkojnë që serbishtja të bëhet gjuhë zyrtare, duke u barazuar kështu me gjuhën malazeze, dhe liberalizim të shtetësisë, përkatësisht t’u mundësohet edhe shtetasve të vendeve fqinje të bëhen shtetas malazezë.

Përveç opozitës, këto kërkesa i kanë kundërshtuar edhe partitë shqiptare në Qeverinë e Malit të Zi. Spajiç tha se për to do të vendoset me konsensusin e të gjitha palëve. Opozita, në anën tjetër, tha se nuk do të lejojë mbajtjen e seancës së Kuvendit deri në plotësimin e kërkesave./REL

The post Tensione në Mal të Zi, diskutimet për buxhetin e 2025-ës shkaktojnë rrëmujë në Kuvend appeared first on Sot News | Lajme.

Presidenti Donald Trump ka nënshkruar një urdhër ekzekutiv që kërkon t’u ndalojë nënshtetësinë amerikane fëmijëve të emigrantëve pa dokumente të lindur në Shtetet e Bashkuara, duke kërkuar t’i japë fund një të drejte që Kushtetuta e SHBA e ka garantuar për më shumë se 150 vjet.

Urdhri ekzekutiv, i cili do të zbatohej për çdo foshnjë të lindur pas 19 shkurtit, pritet të kundërshtohet shpejt në gjykatë duke qenë se do të përbënte një shmangie të jashtëzakonshme nga interpretimi historik i Amendamentit të 14-të të Kushtetutës, i cili thotë se “të gjithë personat e lindur” në Shtetet e Bashkuara “janë shtetas të Shteteve të Bashkuara dhe të shtetit ku ata banojnë”.

Çfarë bën urdhri ekzekutiv i Trump?

Urdhri ekzekutiv i nënshkruar të hënën përpiqet të bëjë që fëmijët e lindur në SHBA, por pa të paktën një prind që është rezident i përhershëm i ligjshëm ose shtetas amerikan, të mos ketë më automatikisht nënshtetësia amerikane.

Ai gjithashtu i ndalon agjencitë federale të lëshojnë ose njohin dokumentacionin që vërteton shtetësinë amerikane për këta fëmijë.

Veçanërisht, urdhri ekzekutiv synon fëmijët e lindur nga emigrantë të paautorizuar dhe njerëz ligjërisht në SHBA me viza të përkohshme.

Si mundet ndryshe administrata Trump të kontrollojë shtetësinë e të drejtës së lindjes?

Edhe nëse administrata nuk është në gjendje të zhbëjë plotësisht shtetësinë e të drejtës së lindjes për fëmijët e disa emigrantëve, zyrtarët thuhet se kanë eksploruar mënyra të tjera për të trajtuar këtë temë. Për shembull, ata mund të përpiqen të kufizojnë vizat afatshkurtra për udhëtaret shtatzëna, kështu që ato udhëtarë nuk mund të lindin në SHBA.

Çfarë janë urdhrat ekzekutivë?

Urdhrat ekzekutivë janë deklarata zyrtare me shkrim që përvijojnë axhendën e presidentit në drejtimin e qeverisë federale.

Këto mund të përfshijnë direktiva për agjencitë federale ose kërkesa për raporte specifike.

Shumë urdhra mund të jenë të pakundërshtueshme.

Presidentët e rinj, siç bën shpesh kreu i degës ekzekutive, mund të lëshojnë urdhra për të anuluar urdhrat e paraardhësve të tyre.

Neni II i Kushtetutës së SHBA i jep presidentit fuqinë për të nxjerrë urdhra ekzekutivë, sipas Shoqatës së Avokatëve Amerikanë (ABA).

The post Ndalohet nënshtetësia amerikane për fëmijët e emigrantëve pa dokumente, Trump nënshkruan vendimin appeared first on Sot News | Lajme.

Numri i të vdekurve nga zjarri që përfshiu një hotel në një resort të njohur dimëror në Turqi, ka shkuar në të paktën 66.

Kështu ka njoftuar ministri i Brendshëm turk, Ali Yerlikaya.

Ai tha se të paktën 51 persona të tjerë janë plagosur nga zjarri në hotelin Grand Kartal në vendpushimin e Kartalkaya në malet Bolu në veriperëndim të vendit.

“Jemi thellësisht të pikëlluar. Fatkeqësisht kemi humbur 66 jetë nga zjarri që shpërtheu në këtë hotel”, tha Yerlikaya.

Zjarri shpërtheu rreth orës 3:30 të mëngjesit në restorantin e hotelit 12-katësh, thanë zyrtarët.

Shkaku i zjarrit po hetohet.

The post Zjarri në resortin dimëror në Turqi, shkon në 66 numri i viktimave appeared first on Sot News | Lajme.

Policia ka vënë në pranga një 44-vjeçar, i cili qarkullonte me armë zjarri në rrugë.

Nga verifikimet e kryera, rezultoi se kishte autorizim për ta mbajtur armën e zjarrit, por vetëm në banesë.

Njoftimi i policisë:

Me armë zjarri pistoletë, në rrugë, në cenim të autorizimit që kishte për ta mbajtur armën, në banesë, kapet nga Forca e Posaçme “Shqiponja”, 44-vjeçari.

Sekuestrohet arma, së bashku me municionin e saj.

Gjatë patrullimeve me objektiv garantimin e rendit dhe sigurisë publike, shërbimet e Forcës së Posaçme “Shqiponja” konstatuan shtetasin 44 vjeç, i cili lëvizte në rrugë, i armatosur me pistoletë.

Menjëherë, është bërë ndalimi i këtij shtetasi, i cili nga verifikimet e kryera, rezultoi se kishte autorizim për ta mbajtur armën e zjarrit, por vetëm në banesë.

Në përfundim të veprimeve procedurale, specialistët për Hetimin e Krimeve të Komisariatit të Policisë Nr. 5 arrestuan në flagrancë 44-vjeçarin, si dhe materialet procedurale ia referuan Prokurorisë së Tiranës, për veprime të mëtejshme.

The post Qarkullonte me armë zjarri në rrugët e Kamzës, policia prangos 44-vjeçarin appeared first on Sot News | Lajme.

Një grabitje e armatosur ka ndodhur sot në rrugën “Enver Maloku”, në lagjen “Bregu i Diellit” në Prishtinë. Cak ka qenë një institucion mikrofinanciar, ku grabitësit nën kërcënimin e armës, kanë marrë një shumë parash.

Zëdhënësja e Policisë së Kosovës, Flora Ahmeti, ka thënë për Indeksonline se pas marrjes së informacionit policia ka dalë në vendngjarje dhe po kryen veprimet e nevojshme policore, me qëllim zbardhjen e rrethanave të rastit si dhe identifikimin dhe arrestimin e personave të dyshuar.

“Sot rreth orës 12:30 është raportuar për një grabitje të ndodhur në një institucion mikrofinanciar në rrugën “Enver Maloku” në Prishtinë. Pas marrjes së informacionit policia ka dalë në vendngjarje dhe bazuar në informacionet e para, dyshohet se dy persona të dyshuar-maskuar nën kërcënim të armës kanë grabitur një shumë parash. Policia po kryen veprimet e nevojshme policore me qëllim zbardhjen e rrethanave të rastit si dhe identifikimin dhe arrestimin e personave të dyshuar, ka thënë Ahmeti.

The post Nën kërcënimin e armës, grabitet një bankë nga disa persona të maskuar appeared first on Sot News | Lajme.

Presidenti i Shteteve të Bashkuara të Amerikës, Donald Trump, nënshkroi një urdhër ekzekutiv të hënën, i cili pezullon përkohësisht të gjitha programet e ndihmës ndërkombëtare të SHBA-së për 90 ditë, derisa të shqyrtohen nëse ato janë në përputhje me objektivat e tij politike.

Ende nuk është e qartë se si do të ndikojë ky vendim te programet aktuale të SHBA-së për ndihma, pasi financimi për shumë programe tashmë është miratuar nga Kongresi amerikan dhe duhet të shpenzohet, nëse nuk është shpenzuar ende.

Radio Evropa e Lirë ka pyetur Ambasadën e SHBA-së dhe Agjencinë e Shteteve të Bashkuara për Zhvillim Ndërkombëtar (USAID), nëse ky vendim do të ndikojë në ndonjë mënyrë në ndihmat e parapara për Kosovën, por deri më tani, nuk ka marrë përgjigje.

Në uebfaqen e USAID-it thuhet se, që nga viti 1999, mbi një miliard dollarë janë shpenzuar për zhvillimin e Kosovës.

Në tetor të vitit të kaluar, USAID-i shënoi 25-vjetorin e themelimit në Kosovë, ku ka zhvilluar programe për luftën kundër korrupsionit, sundimin e ligjit dhe qeverisjen e mirë, luftën kundër dezinformimit dhe avokimin e mediave të pavarura, forcimin e shoqërisë civile dhe demokracisë, zhvillimin ekonomik dhe tërheqjen e investimeve të huaja.

Në gusht të vitit 2024, presidentja e Kosovës, Vjosa Osmani, e nënshkroi një grant me USAID-in, i cili ofronte ndihmë shtesë për institucionet e Kosovës në vlerë prej 34.5 milionë dollarësh.

Granti ishte pjesë e marrëveshjes së arritur më parë në vlerë prej rreth 146 milionë dollarësh, që synonte ofrimin e shërbimeve më të mira për qytetarët, rritjen e përgjegjësisë së institucioneve dhe menaxhimin më efikas.

Aktualisht, USAID-i në Kosovë është duke financuar një mori aktivitetesh. Ndër to janë:

Ndihmat e tilla kanë vazhduar edhe gjatë periudhës kur SHBA-ja dhe BE-ja kanë kritikuar Qeverinë e Kosovës për vendime që kryesisht kanë të bëjnë me jetesën e serbëve në katër komunat me shumicë serbe në veriun e Kosovës, si heqja nga përdorimi e dinarit serb, shpronësimi në veri të Kosovës për ndërtimin e bazave policore, mbyllja e institucioneve paralele që funksionojnë sipas sistemit serb, etj.

Ndihmësadministratorja në Byronë për Evropë dhe Euroazi në USAID, Erin Elizabeth McKee – pjesë e administratës së ish-presidentit amerikan, Joe Bien – kishte thënë gjatë vizitës së saj në Kosovë vitin e kaluar se fokusi i USAID-it në të ardhmen do të jetë mbështetja e realizimit të reformave në kuadër të Planit të Rritjes për Ballkanin Perëndimor.

“Kjo është një mundësi reale për të gjashtë vendet e Ballkanit Perëndimor që të ecin përpara në anëtarësimin në BE dhe të jenë në gjendje jo vetëm t’i kalojnë reformat, por t’i zbatojnë ato në një mënyrë kuptimplote”, kishte thënë ajo për Radion Evropa e Lirë.

Por, urdhri, ndër shumë të tjerë që Trumpi nënshkroi në ditën e tij të parë pas kthimit në detyrë, tha se “industria dhe burokracia e ndihmës ndërkombëtare nuk janë në përputhje me interesat amerikane dhe në shumë raste janë të kundërta me vlerat amerikane”.

Tutje, aty thuhet se këto ndihma “shërbejnë për të destabilizuar paqen botërore duke promovuar ide në shtetet e huaja që janë drejtpërdrejt të kundërta me marrëdhëniet harmonike dhe stabile brenda dhe midis shteteve”.

Si pasojë, Trump shpalli se “nuk do të shpërndahen më ndihma ndërkombëtare nga Shtetet e Bashkuara në një mënyrë që nuk është plotësisht në përputhje me politikën e jashtme të presidentit të Shteteve të Bashkuara”.

Javën e kaluar, sekretari i ri amerikan i Shtetit, Marco Rubio, iu tha anëtarëve të Komitetit të Marrëdhënieve të Jashtme të Senatit se “çdo dollar që shpenzojmë, çdo program që financojmë dhe çdo politikë që ndjekim, duhet të justifikohet me përgjigjen ndaj tri pyetjeve të thjeshta”.

“A e bën Amerikën më të sigurt? A e bën Amerikën më të fuqishme? A e bën Amerikën më të pasur?”, tha ai.

Urdhri i nënshkruar nga Trumpi e lë në dorë të Rubios ose përfaqësuesit të tij për të përcaktuar se nëse një ndihmë është në përputhje me politikat apo jo, në konsultim me Zyrën e Menaxhimit dhe Buxhetit.

Departamenti i Shtetit dhe Agjencia Amerikane për Ndihmën Ndërkombëtare janë agjencitë kryesore që mbikëqyrin ndihmën ndërkombëtare.

Trump ka kritikuar prej kohësh ndihmën ndërkombëtare, pavarësisht faktit se ndihma e tillë zakonisht përbën rreth 1 për qind të buxhetit federal, përveç rrethanave të jashtëzakonshme siç janë miliardat e armatimeve të dhëna Ukrainës.

Trump ka qenë kritik ndaj shumës së dërguar në Ukrainë për të ndihmuar në forcimin e mbrojtjes së saj kundër pushtimit të Rusisë.

Llogaritja e fundit zyrtare e ndihmës ndërkombëtare në administratën e Bidenit tregon se 68 miliardë dollarë janë angazhuar për programe jashtë shtetit që shtrihen nga ndihmat për katastrofa deri te shëndeti dhe iniciativa pro demokracisë në 204 shtete dhe rajone.

Disa nga marrësit më të mëdhenj të ndihmës amerikane, Izraeli me 3.3 miliardë dollarë në vit, Egjipti me 1.5 miliard dollarë në vit dhe Jordania me 1.7 miliard në vit besohet se do të shohin ulje dramatike në financim, pasi këto shuma janë të përfshira në pako afatgjata që datojnë nga dekada më parë dhe në disa raste janë të rregulluara nga obligime traktatesh.

Financimi për agjencitë e OKB-së, përfshirë agjencitë për ruajtjen e paqes, të drejtat e njeriut dhe refugjatët, kanë qenë tradicionalisht shënjestra për administratat republikane. Administrata e parë e Trumpit e nisi reduktimin e shpenzimeve për ndihmën ndërkombëtare, duke pezulluar pagesat për disa agjenci të OKB-së, përfshirë Fondin e Popullsisë të OKB-së dhe financimin për Autoritetin Palestinez./REL

The post Pezullohen për 90 ditë ndihmat ndërkombëtare të SHBA-së, vendimi i Trump dhe ndikimi i tij appeared first on Sot News | Lajme.

Gjykata e Posaçme ka shtyrë për në datën 30 janar seancën gjyqësore për padinë e bërë nga ish-Drejtori i Policisë Shkodër Edmond Sula ndaj deputetit të PD-së Gazmend Bardhi. Mësohet se Bardhi nuk ishte i pranishëm në seancë por u përfaqësua nga avokatët e tij ndërsa ish-drejtori Sula ishte në seancë.

Në nisje të seancës avokati i Edmond Sulës u shpreh se klienti i tij nuk kërkon dëmshpërblim, por vetëm dënimin e Bardhit, pasi i ka dëmtuar imazhin për shkak të fyerjes së bërë botërisht.

“Deklaroj se tërhiqen nga kerkesa për dëmshpërblim për dëmin e shkaktuar, por kërkojnë vetëm dënimin e të akuzuarit Gazmend Bardhi për veprat penale të fyerjes dhe shpifjes së bërë botërisht”, thotë avokati.

Ish-drejtori e paditi në GJKKO kreun e Grupit Parlamentar të Partisë Demokratike Gazmend Bardhi, pasi ky i fundit në datë 12 shtator, në foltoren e Kuvendit, hodhi akuza ndaj Sulës duke cituar disa komunikime që kanë dalë nga aplikacioni “Sky Ecc”.

The post GJKKO shtyn seancën për padinë e Edmond Sulës ndaj Gazmend Bardhit, tërhiqet nga kërkesa për dëmshpërblim appeared first on Sot News | Lajme.

Sot, nga ora 12:30 do të mbahet ceremonia e ekspozimit të automjetit historik të presidentit të ndjerë të Kosovës, Ibrahim Rugova.

Ekspozimi i automjetit mbahet në sheshin ”Ibrahim Rugova” në Prishtinë, dhe përbën një moment të rëndësishëm për nderimin e trashëgimisë dhe kontributit të tij në historinë dhe shtetësinë e Kosovës, transmeton klankosova.tv.

Automjeti, i cili ishte pjesë e jetës dhe veprimtarisë së tij, simbolizon një periudhë kyçe në përpjekjet për liri dhe pavarësi.

The post Automjeti historik i presidentit Rugova ekspozohet për qytetarët në sheshin që mban emrin e tij në Prishtinë appeared first on Sot News | Lajme.

Sot shënohen 14 vjet nga ngjarja e rëndë e 21 janarit, kur 4 protestues të opozitës së asaj kohe mbetën të vrarë në bulevardin e Tiranës.

SPAK ka rinisur hetimet për vrasjen e Ziver Veizit, Faik Myrtajt, Hekuran Dedës dhe Aleks Nikës.

Avokati Spartak Ngjela, i ftuar në një interviste televizive, tha se bën përgjegjës shtetin për vrasjen e tyre dhe thotë se ka prova që e lidhin ish-kryeministrin Sali Berisha me ngjarjen tragjike.

Ngjela thotë se ka pamje që tregojnë se Berisha ishte i armatosur ditën e ngjarjes dhe i është hequr arma nga dora nga autoritetet.

“21 janari është një gjendje e rëndë për Shqipërinë, funksion historik. janë vrarë nga shteti ata persona, sepse kishin dal në protestë. Gjithë çështja është që sipas të dhënave të mia, çështja penale e akuzën shkon deri të ish-kryeministri Berisha dhe aty ka ngelur.

Është urdhri i tij direkt e cila është e provuar, i kanë hequr armë nga dora, se donte të dilte edhe ai me armë.

Janë të gjitha të provuara, ata i prishën serverat, por ishin injorantët se nuk e dinin se ato depozitohen në Kaliforni, ata na i kanë thënë, kështu që ata e kanë dorë.

Janë apo s’janë këto të Kalifornisë, prova, këtë nuk mund ta them dot, njëherë për njëherë, se nuk është aq çështje e thjeshte, por deri tani ua kanë dhënë disa aspekte, por ajo ka qene gjendje e rendë dhe vetëm me çrregullim mendor i një kryeministri si Saliu, mund ta bënte atë gjë.

Ajo ishte një revoltë normale, unë kam qenë atje, i vranë mbasi ikën se kur ishin këtu, nuk ua mbante.”

Avokati Ngjela shtoi se, pavarësisht pengesave, SPAK ka marrë provat dhe po vazhdon hetimet.

Ai theksoi se kjo çështje ka qenë e mbyllur më parë, por tani është rihapur dhe duhet të merret drejtësi për ata që humbën jetën.

“Audion ua thashë, përgjimet kanë ardhur, Saliu del me automatik në dorë, ka dashur të shtijë, ja kanë hequr nga dorë. Do ti shikoni të tëra, ato i ka SPAK, se kam unë.

 çështja është në SPAK, atë e drejtojnë forcat e larat ndërkombëtare, ata e paguajnë kështu që do shikojmë.

Pra, çështja është se duhet te presin se ata e kanë rihapur si çështje, ju e dini, se ishte mbyllur si çështje. Tani të shikojmë se kur janë provat, do të çojmë deri ne fund, por duhet të presim se hetimet janë sekret.

Por që ka filluar si çështje, ka filluar, dhe shumë mirë që ka filluar se janë vrarë 4 persona dhe familjarët nuk kanë gjetur akoma drejtësi.”

Ai përmendi faktin se SPAK e ka marrë çështjen shumë seriozisht dhe është në rrugën e duhur për të sjellë drejtësi për viktimat e 21 janarit.

The post 14 vite nga 21 janari, avokati Spartak Ngjela ‘plas’ deklaratën e fortë: Kam prova që Sali Berisha ka lidhje me vrasjet appeared first on Sot News | Lajme.