Prokurori publik në detyrë inspektoi vendin e ngjarjes në Batincë ku vra një pjesëtar i Ushtrisë së Maqedonisë së Veriut.

Zyra e prokurorit njoftoi se janë lëshuar urdhra dhe udhëzime për mbledhjen e provave.

“Autori është identifikuar, por është në arrati dhe është në kërkim”, theksojnë nga Prokuroria.

Më herët sot, u njoftua se sot, rreth orës 10:55 të mëngjesit, një burrë 49-vjeçar u soll në Spitalin e Qytetit me dy plagë në gjoks, pa shenja jete, pas një shkëmbimi zjarri në Batincë të Shkupit.

Nga URMV konfirmuan se personi me iniciale A. M., i cili u vra në Batincë të Shkupit ishte pjesëtar i ushtrisë./Telegrafi/

The post Prokuroria për vrasjen në Batincë: Autori është identifikuar, por është në arrati appeared first on Telegrafi.

Katër të dënuarit me burgim të përjetshëm, Ljupço Palevski Palço, Velibor Manev, Bore Videvski, Vlatko Keshishev, mbeten në paraburgim deri në vendimin përfundimtar, ndërsa babai, Aleksandar Gjorçevski, është liruar.

Lexo po ashtu Burgim të përjetshëm për Ljupço Palevski-Palço dhe tre persona tjerë për vrasjen e Vanjës dhe Panços

Më parë, prokurorja Zhaklina Josifovska kërkoi që arresti shtëpiak i babait të zgjatej pavarësisht lirimit nga akuzat, por kolegia e saj Ana Stojanoviq e korrigjoi dhe kërkoi që ai të lihet i lirë, sepse nuk kanë kompetencë ligjore për të kërkuar zgjatjen e paraburgimit.

Prokuroria i akuzoi ata për planifikim të përbashkët të rrëmbimit të Pançe Zhezhovskit nga Velesi me qëllim rrëmbimin e të miturës Vanja Gjorçevska në makinën e tij dhe kërkimin e parave si shpërblim nga një anëtar i familjes së saj.

Vanja e mitur dhe Panço, nga Velesi, u raportuan të zhdukur më 27 dhe 24 nëntor, ndërsa më 3 dhjetor 2023 u gjetën të vdekur pranë qyteteve të Shkupit dhe Velesit./Telegrafi/

The post Vrasja e Vanjës dhe Panços, katër të dënuarit me burgim të përjetshëm mbeten në paraburgim deri në plotfuqishmërinë e aktgjykimit appeared first on Telegrafi.

Prokuroria Themelore Publike Shkup ka ndërmarrë veprime urgjente për të verifikuar pretendimet e bëra nga një i akuzuar gjatë seancës së djeshme të gjykimit për vrasjet e Vanja Gjorçevskës dhe Pançe Zhezovskit. Me urdhër të prokurorit publik, një person është privuar nga liria dhe kundër tij është ngritur hetim për “ndihmë ndaj kryerësit të veprës penale pas kryerjes së vepërs penale” në përputhje me nenin 365, paragrafi 3 të Kodit Penal.

Për të siguruar të dyshuarin deri në përfundimin e procedurës, thuhet në kumtesë, prokurori publik kompetent i ka paraqitur Gjykatës Themelore Penale në Shkup propozim për përcaktimin e masave paraprake – që t’i sekuestrohet përkohësisht dokumenti i udhëtimit dhe të përcaktohet ndalimi për lëshimin e tij, si dhe të përcaktohet që të paraqitet herë pas here te një person zyrtar në gjykatë.

Z.D., i punësuar në Bankën Popullore, dje u ndalua me dyshimin se ka marrë dhe shkatërruar çantën e shpinës në të cilën, sipas pretendimeve të të akuzuarit Velibor Manev, ishte fshehur arma e zjarrit me të cilën janë vrarë Vanja Gjorçevska dhe Pançe Zhezhovski.

The post Vrasja e Vanjës, PTHP: Hetim kundër një personi për ndihmë në kryerjen e veprës së rëndë penale appeared first on Telegrafi.

Prokuroria Themelore Publike në Shkup ka filluar procedurë kundër një personi për shkak të dyshimit të bazuar se ka kryer vepër penale “vjedhje e rëndë” sipas nenit 236, paragrafi 1, pika 1 e Kodit Penal.

I dyshuari 23-vjeçar, më 02.01.2024, ka hyrë me forcë në një shtëpi në rrugën Vostaniçka në Shkup, duke përdorur një tavolinë plastike për t’u ngjitur në ballkonin e katit të parë të shtëpisë dhe duke hapur me forcë dritaren. Pastaj ka kontrolluar dhomat dhe ka marrë bizhuteri, gjashtë orë dore, dy kompjuterë laptop, sende të tjera me vlerë dhe para të gatshme në vlerë prej 1.000 eurosh. Vlera totale e sendeve të vjedhura vlerësohet në 296.000 denarë”.

“Pastaj ai e ka lëshuar shtëpinë përmes një dere anësore dhe nuk ka qenë i disponueshëm për policinë për më shumë se një vit. Duke marrë parasysh se pikërisht kjo rrethanë tregon rrezikun që i dyshuari të arratiset përsëri për të shmangur ndjekjen penale, si dhe faktin se kundër tij janë ngritur akuza për vepra të tjera penale, prokurori publik i ka paraqitur propozim gjyqtarit të procedurës paraprake për të përcaktuar masën e paraburgimit”, thonë nga Prokuroria.

The post Vodhi ar, orë dhe para nga një shtëpi në Shkup, Prokuroria kërkon paraburgim për të dyshuarin appeared first on Telegrafi.

Avokati Goran Boshevski, avokat mbrojtës i të akuzuarit Velibor Manev, në fjalën e tij përfundimtare për vrasjen e Vanja Gjorçevskës dhe Pançe Zhezhovskit kërkoi sot lirimin nga akuzat për klientin e tij në lidhje me krimin e vrasjes dhe dënimin për krimin e rrëmbimit.

Sipas avokatit, nuk kishte marrëveshje për vrasjet dhe për këtë arsye nuk kishte qëllim për të kryer krime të tilla.

“Nuk ka marrëveshje paraprake me të akuzuarit e tjerë për të kryer krimin e vrasjes, nuk ka qëllim për të kryer krime të tilla, dhe veprimet e inkriminuara që ai ka ndërmarrë në veprat penale të rrëmbimit nuk kanë elementë që përfaqësojnë një kontribut të veçantë në kryerjen e veprave penale të vrasjes. Në veprimet e tij nuk ka elementë të thelbit ligjor të veprës penale të vrasjes dhe nuk ka shkakësi midis veprimeve të ndërmarra, prandaj propozoj që gjykata të japë një vendim lirimi në lidhje me këto vepra penale”, theksoi ai.

Lidhur me kualifikimin ligjor, avokati theksoi se për të vërtetuar bashkëpunimin, duhet të ketë, siç tha ai, një marrëveshje me personat e tjerë për të kryer krimin.

Ai theksoi se, në rast të një marrëveshjeje, të gjithë janë përgjegjës për të njëjtat veprime, por nëse ajo mungon, të gjithë duhet të jenë përgjegjës për veprimet e veta./Telegrafi/

The post Boshevski: Manev nuk mori pjesë në vrasjen e Vanjës dhe Pançes, ai është fajtor vetëm për rrëmbim appeared first on Telegrafi.

Prokuroria Themelore Publike sot, në fjalët e saj përfundimtare në gjykimin për vrasjen e Vanja Gjorçevskës dhe Pançe Zhezhovskit, kërkoi dënim maksimal me burgim të përjetshëm për katër të akuzuarit Ljupço Palevski, Vlatko Keshishev, Bore Videvski dhe Velibor Manev, ndërsa për babanë e Vanjës, të akuzuarin Aleksandar Gjorçevski, gjykata kërkoi që të shqiptohet dënimi përkatës me burg.

Siç theksoi prokurorja Ana Stojkoviç Dimitrovska, deklaratat e të akuzuarve të dhëna para Prokurorisë nuk përputhen me deklaratat e dhëna para gjykatës, as, siç tha ajo, nuk përputhen me provat e paraqitura.

Sipas saj, nuk është e nevojshme të përcaktohet motivi i vrasjes, por, siç tha ajo, është qëndrimi subjektiv i kriminelit ndaj krimit.

“Motivi nuk ka nevojë të përcaktohet. Është qëndrimi subjektiv i kriminelit ndaj krimit. Mungesa e një motivi nuk është arsye që dikush të mos dënohet. Dënimi sipas Kodit Penal është nga 10 vjet deri në burgim të përjetshëm. Nuk ka rrethana lehtësuese për të akuzuarit. Të gjithë janë në moshë madhore, të gjithë janë prindër dhe donin të ishin faktor politik. Ata po traumatizojnë gjithashtu familjen dhe publikun me mohimet e tyre të provave dhe manipulimet.

Prokuroria Publike kërkon burgim të përjetshëm për të katër. Marrja e jetës së një fëmije nuk tolerohet”, theksoi prokurorja.

The post Prokuroria kërkon dënim me burg të përjetshëm për të akuzuarit për vrasjen e Vanjës dhe Pançes appeared first on Telegrafi.

Prokuroria Themelore Publike Shkup vepron sipas njoftimit të paraqitur nga SPB Shkup dhe ka lëshuar disa urdhra sipas të cilave tashmë po ndërmerren veprime, informojnë nga Prokuroria në lidhje me atë nëse prokurori publik deri më tani ka siguruar prova nga Komuna e Çairit në lidhje me pretendimet e kryetares së Qytetit të Shkupit, Danella Arsovska.

“Nëse kryetarja e Qytetit të Shkupit, si person zyrtar ka dijeni për një vepër penale, ajo ka për detyrimi atë ta paraqesë, të bashkëpunojnë me prokurorinë publike dhe të tregojë se te cilat parcela ose ndërtesa konkrete janë zbuluar dyshime për paligjshmëri. Kjo është e nevojshme në mënyrë që prokuroria të mund të veprojë dhe të parandalojë kompromentimin e mundshëm të provave materiale”, kumtojnë nga Prokuroria.

Lidhur me kërcënimet, theksojnë nga Prokuroria, Ministria e Punëve të Brendshme është organi përgjegjës drejtëpërdrejtë për mbrojtjen e jetës së qytetarëve, si dhe zbulimin dhe parandalimin e atyre që e rrezikojnë.

“PTHP Shkup është në dispozicion përmes prokurorit publik kujdestar, menjëherë pa vonesë, nëse kryetarja e Qytetit të Shkupit dëshiron, ta marrë në pyetje për të gjitha dyshimet, njohuritë dhe kërcënimet dhe t’i kontrollojë të gjitha rrethanat”, theksojnë nga Prokuroria.

Kryetarja e Qytetit të Shkupit, Danella Arsovska e akuzon kryetarin e komunës së Çairit, Visar Ganiua për krim dhe legalizim të ndërtimeve pa leje, ndërsa mbrëmë në një intervistë televizive tha se merr edhe kërcënime me jetë.

The post PTHP: Arsovska si person zyrtar duhet t’i tregojë parcelat për të cilat dyshon se ka paligjshmëri në Komunën e Çairit appeared first on Telegrafi.

Hetimi për tragjedinë e Koçanit ka përfunduar dhe shqyrtimi i provave nga mbrojtja do të fillojë nesër, njoftoi Prokurori Publik i Shtetit Ljupço Kocevski.

Ai thotë se për momentin nuk mund të specifikojë se cili do të jetë numri përfundimtar i të pandehurve dhe njoftoi mundësinë që hetimi për disa të ndërpritet.

Ai theksoi se Prokuroria po vazhdon hetimin për rolin e policëve që ishin në diskotekë “Pulse” natën fatale dhe nuk përjashton mundësinë që ata të bëhen të dyshuar nëse sigurohen prova.

Kocevski thotë se policia hyri në diskotekë “Pulse” 15 minuta para zjarrit.

The post Kocevski: Hetimi për tragjedinë e Koçanit ka përfunduar, nesër fillon shqyrtimi i provave nga mbrojtja appeared first on Telegrafi.

Prokuroria Themelore Publike e Koçanit ka zgjeruar hetimin për zjarrin në diskotekën e Koçanit “Pulse”. Zgjerimi i hetimit tani përfshinë edhe edhe personin që e ka dhënë me qira diskotekën.

“Nga veprimet e ndërmarra gjatë procedurës së mëparshme, janë siguruar prova që tregojnë për dyshim të arsyeshëm se i dyshuari, si pronar i pasurisë së paluajtshme – ndërtesë në të cilën diskoteka kishte vepruar me vite, ia ka dhënë me qira njërit prej të dyshuarve të mëparshëm”.

“Pa paraqitur kërkesë dhe pa marrë miratim për shndërrimin e ndërtesës nga organ kompetent, së bashku dhe në marrëveshje me pronarin e dyshuar joformal të personit juridik, ai në data të ndryshme dhe në disa raste në periudhën nga viti 2012 deri në mars 2025 ka ndërmarrë aktivitete ndërtimi me të cilat ka kryer dhe ka marrë pjesë në shndërrimin e paligjshëm të ndërtesës nga qëllimi G3 – shërbime dhe infrastrukturë trafiku në qëllimin B3 – njësi të mëdha hoteliere dhe ka mundësuar funksionimin e paligjshëm të aktivitetit hotelier diskotekë/kabare në ndërtesë”, thonë nga Prokuroria.

Prokuroria Publike i ka paraqitur propozim gjyqtarit në procedurën paraprake për përcaktimin e masave të kujdesit./Telegrafi/

The post Zgjerohet hetimi për tragjedinë në Koçan, përfshihet edhe personi që e ka dhënë me qira diskotekën appeared first on Telegrafi.

Prokuroria për ndjekjen e krimit të organizuar ka siguruar dëshmi relevante që sipas tyre çojnë në zbardhjen e disa vrasjeve nga viti 2020 deri në vitin 2024. Grupi “Bellanoca-Baron” ka pasur për detyrë që eliminon personat e caktuar është krijuar nga tre persona në vitin 2020. Koka e grupit kriminal ka pasur për detyrë t’i identifikon, lokalizon dhe përcakton mënyrën e eliminimit.

Në gusht të vitit 2020 është vrarë Ibraim Ajdini. Motivi për të ka qenë se i njëjti ka bashkëpunuar me institucionet për rastin “Monstra”. Për vrasjen e tij janë dhënë 10.000 euro dhe i njëjti është ekzekutuar në shtëpinë e tij me plumb në kokë.

Vrasja e Xhelal Ibraimit në janar të vitit 2023. Për vrasjen e tij janë dhënë 20.000 euro, ndërsa është likuiduar në shtëpinë e tij me disa plumba. Urdhrin e ka dhënë i dyshuari i parë. Motivi, zënka verbale me kreun e grupit.

Vrasja e Jeton Krivanjevës dhe Enes Iseinovit. Për ekzekutivimin e tyre janë ofruar 250 mijë euro. Vrasja u bë në lokalin Shisha Bar, autorët u arratisën dhe më pas vetura e tyre u gjet e djegur në dalje të Shkupit.

Vrasja e Ohran Bajramit i njohur si Oki në korrik të vitit 2023 në Greqi. Lokalizimi i tij është bërë përmes ndjekjes që janë realizuar duke kaluar kufirin në mënyrë legale dhe jo legale. Ndaj tij janë shkrepur 19 plumba duke i shkaktuar tri plagë të rënda.

Në vitin 2021 është formuar grup tjetër për të marr hakun ndaj vrasjeve nga grupi tjetër. Ky grup sipas prokurorisë ka bërë të paktën 3 vrasje.

Vrasja e Kamer Idrizit (Bundes) në maj të vitit 2021. Vrasja ka pas për motiv hakmarrjen ndaj vrasjes së një të afërmi të njërit nga anëtarët e grupit. Është likuiuduar me 57 plumba.

Vrasja e Abdul Bastri Ibraimovski në korrik të vitit 2024. Një konflikt paraprak ka bërë ka cuar në vrasjen e tij. Ai u vra në vendin e ngjarjes, ndërsa viktima tjetër ndërroi jetë më vonë si pasojë e plagëve të mara.

Vrasja e Ibraim Ismaili Abic. U vra në Hasanbeg me 65 plumba të shkrepura ndaj tij.

Të akuzuarit ndiqen penalisht edhe për vepra tjera të rënda penale si ndezjen e veturave të gardianëve të burgut, haraç ndaj kompanive të caktuara dhe ndezjen e objekteve. Më 20 dhjetor 2024 te shtëpia e të akuzuarit të parë janë gjetur granata, eksploziv, pushkë automatike dhe municion. Ndaj 7 prej tyre rëndojnë akuza për bashkëveprim kriminal, vrasje dhe pjesëmarrje në vrasje, nxitje, ekzekutim dhe vepra të rënda kundër sigurisë së përgjithshme. Në akuzë të ndarë nga grupi paraprak, prokuroria njoftoi sot edhe për hetimin që po rëndon ndaj Rade Trajkovskit i njohur si Shtekli i cili të paktën katër herë ishte cak i atentateve. Ai dyshohet se ka udhëhequr një grup kriminal prej 17 anëtarëve për tregti me drogë.

“Droga fshihej në bunkerë nën tokë, të ndërtuar në tokë shtetërore. Edhe bageristët nga komuna që duhej ta gërmonin terrenin ishin kërcënuar. Shtatë anëtarë të grupit e kanë pranuar fajësinë dhe janë marrë vesh me Prokurorinë. Udhëheqësi i këtij grupi, Rade Shtekli, u arrestua në janar, pikërisht në momentin kur përgatitej për arratisje”, thonë nga Prokuroria për Ndjekjen e Krimit të Organizuar dhe Korrupsionit.

Prokurorët njoftuan se gjatë bastisjes në shtëpinë e Shtekli-t janë gjetur vetëm mbetje, ndërsa nga pamjet e kamerave të sigurisë është konstatuar se si e kishte larguar drogën, një pjesë e së cilës më pas është gjetur në një tjetër banesë, ndërsa pjesa tjetër në një pajisje speciale brenda bunkerit.

The post Prokuroria zbardh emrat e viktimave që gjatë 4 viteve janë likuiduar nga grupi “Bellanoca-Baron” appeared first on Telegrafi.

Lëvizja “Kush është i radhës” përmes një aksioni gueril para Prokurorisë Themelore Publike në Shkup, ua kujtoi institucioneve aksidentin tragjik në diskotekën “Puls” në Koçan.

Siç thonë nga atje, me këtë aksion ata dërgojnë mesazh për nevojën për drejtësi pa dallim dhe llogaridhënie për korrupsionin sistemik.

Ata njoftuan se nesër do të protestojnë në Koçan dhe u dërguan apel të gjithë qytetarëve që të mbështesin prindërit e të vrarëve në zjarrin, i cili mori 61 jetë.

“Sot jemi këtu për t’ju kujtuar se kanë kaluar dy muaj, dy muaj që nga tragjedia më e madhe që ka ndodhur në historinë tonë, tragjedia më e madhe që ka ndodhur para syve tanë. Sot i kujtojmë Prokurorisë Publike, i kujtojmë sistemit, i kujtojmë publikut se pas shifrave qëndrojnë jetë njerëzore, dhe pas çdo jete është një karrige bosh në tavolinë, një histori e pavërtetuar, një përqafim i papërgjigjur dhe dhimbje që nuk ka fund. Në këto dy muaj, njerëzimi është zhdukur. Politikanët janë lëshuar në grindje, deputetët kanë marrë pushime kurse mediat e sistemit kanë bërë gjithçka për të demonizuar ata që kërkojnë drejtësi. Familjet e të vdekurve dhe të lënduarve janë lënë vetëm”, tha një protestues.

The post Lëvizja “Kush është i radhës” protestuan para PTHP-së në Shkup, kërkojnë drejtësi dhe llogaridhënie për rastin e Koaçnit appeared first on Telegrafi.

Prokuroria Themelore Publike në Shkup zhvilloi procedurë hetimore dhe ngriti aktakuzë kundër 37-vjeçari nga Shkupi për veprën penale sulm seksual dhe përdhunim sipas nenit 186, paragrafi 3, në lidhje me paragrafin 1 të Kodit Penal.

“Në mbrëmjen e 21 shkurtit, ai me dashje dhe me forcë, kundër vullnetit të shprehur qartë të viktimës, e detyroi atë të kryente marrëdhënie seksuale. Ai e kreu krimin në një makinë, në një parking në Sopisht, ku fillimisht filloi ta prekte gruan pa pëlqimin e saj, dhe më pas u bë i dhunshëm ndaj saj sepse ajo e refuzoi”.

“Ai e goditi me grushte dhe grushte, dhe madje e shqelmoi në fytyrë, duke i shkaktuar lëndime fizike – mavijosje, kontuzione dhe hundë të thyer. Edhe pse ajo i tha se nuk donte të kishte të bënte fare me të, ai e zhveshi me forcë dhe e detyroi të kryente marrëdhënie seksuale. Gjatë gjithë kohës, pala e dëmtuar e mbrojti veten pa sukses dhe u përpoq të largohej”, thonë nga Prokuroria.

Prokurori Publik, së bashku me aktakuzën e ngritur, i dorëzoi Gjykatës propozim për vazhdimin e masës së paraburgimit të përcaktuar më parë për të akuzuarin.

The post Prokuroria e Shkupit me aktakuzë ndaj një 37-vjeçari, dyshohet për përdhunim appeared first on Telegrafi.

Gjykata në Koçan po përballet me mungesë të gjyqtarëve penalë që duhet të veprojnë në rastet, prandaj Këshilli Gjyqësor delegoi gjyqtaren Emine Kallaç nga gjykata e Velesit në Gjykatën Themelore të Koçanit, ku ka një ngarkesë të shtuar pune pas tragjedisë në diskotekën “Pulse”.

Kryetari i Këshillit Gjyqësor, Aleksandar Kambovski, thotë se ky vendim nuk do ta zgjidhë mungesën e gjyqtarëve në Koçan, ndërsa vendimi për të deleguar një gjyqtar vetëm sa do ta lehtësojë atë.

“Ne besojmë se me këtë gjyqtar të vetëm, të paktën në këtë periudhë, ndërsa bëjmë një analizë të plotë të të gjithë gjyqtarëve në vend, ai do të jetë në gjendje t’i ndihmojë disi kolegët e tij që punojnë atje. Dua të shpreh fjalët e mia të lavdërimit jo vetëm për gjyqtarët, por edhe për të gjitha shërbimet dhe bashkëpunëtorët profesionalë, këshilltarët që punuan në atë gjykatë, nëpunësit e gjykatës, ata vërtet treguan një nivel të lartë të vetëdijes për situatën në Koçan”, tha Kambovski.

Gjyqtari Kallaç duhet të përmirësojë punën e gjykatës në dy muajt e ardhshëm në departamentin penal të gjykatës./Telegrafi/

The post Gjykata në Koçan nuk ka mjaftueshëm gjyqtarë, është deleguar një gjyqtare nga Velesi appeared first on Telegrafi.

Rasti “Onkologjia” mbetet i pazgjidhur për momentin. Më shumë se një vit pas fillimit të hetimit për abuzimin me ilaçet në Klinikën e onkologjisë, ende pritet vendim i prokurorisë për rastin. Nga Prokuroria thonë se afatet për përgatitjen e vendimit po mbarojnë, por nuk zbulon detaje rreth asaj që po ndërmerret dhe kur mund të pritet.

Dy ish-drejtorët e klinikës, Vasev dhe Nuhi, janë të dyshuar në hetim, dhe përveç tyre, nën hetim janë edhe tre onkologë. Prokuroria duhet të përcaktojë nëse, kush dhe çfarë abuzimesh janë kryer me terapitë e destinuara për pacientët e sëmurë më rëndë.

Mungesa e infermierëve jo vetëm që nuk është zgjidhur, por po bëhet edhe më akute, ndërsa numri i pacientëve të diagnostikuar ditët e fundit rritet çdo vit. Vetëm nga fillimi i këtij viti, ka pasur gati 2,000 pacientë të rinj, dhe departamentet po punojnë me një numër minimal infermierësh. Disa dalin në pension, të tjerë shkojnë jashtë vendit dhe disa nga ata që janë atje punojnë me kontratë ose vullnetarë.

“Numrat tanë luhaten, ndonjëherë 250 deri në 300 pacientë shërbehen nga 4 deri në 5 infermierë. Unë kam qenë kryeinfermiere për gati një vit dhe për një vit nuk kemi marrë përgjigje për premtimet se do të marrim staf mjekësor. Kam tre infermierë që janë vullnetarë, por nuk kemi marrë asnjë përgjigje dhe 10 infermierë kanë shkuar jashtë shtetit. Ata po dalin në pension dhe nuk kemi punonjës të rinj për t’i zëvendësuar, na mungon stafi”, tha Andrijana Filipovska, kryeinfermiere në Klinikën Universitare të Onkologjisë.

Problemet e onkologjisë janë grumbulluar prej vitesh, por ende nuk ka zgjidhje sistemike nga Ministria e Shëndetësisë, dikaster ku ka pasur pesë ministra vitet e fundit. Qytetarët presin llogaridhënie, por edhe zgjidhje të problemeve dhe kushteve të njërit prej institucioneve më të ndjeshme të kujdesit shëndetësor në vend, ku trajtohen qindra pacientë.

The post Rasti “Onkologjia” mbetet në labirintet e Prokurorisë appeared first on Telegrafi.

Çdo veprim në lidhje me dënimin duhet të vlerësohet, veçanërisht fakti që Vasil Jovanov kontribuoi në përfundimin efikas të procedurës dhe pranoi fajin e tij, ishte bashkëpunues dhe bashkëpunoi me gjykatën dhe shprehu keqardhjen më të thellë të mundshme, tha avokati mbrojtës i Vasilit, avokati Sashko Dukovski, në lidhje me aksidentin e trafikut të janarit në bulevardin “Aradhat Partizane” në Shkup në të cilin humbi jetën Frosina Kulakova.

Dukovski, në një deklaratë për mediat para Gjykatës Themelore Penale në Shkup, kërkoi që institucioneve t’u lejohet të marrin vendime bazuar në ligj, dhe jo në parimin “sy për sy”, “dhëmb për dhëmb”.

“Dua që të mbani mend një fakt shumë të rëndësishëm, se bëhet fjalë për një njeri 20-vjeçar. Ai e pranoi kategorikisht fajin e tij. Ky nuk është as aksidenti i parë dhe as i fundit rrugor në Republikën e Maqedonisë dhe kjo tregon se një person kaq i ri është një person me integritet dhe se familja e tij është gjithashtu me integritet dhe kishte virtytin të rrëfejë dhe të mbajë të gjitha pasojat që do të vijnë pas rrëfimit të tij”, tha Dukovski.

The post Dukovski: Le ta vlerësojmë faktin që Vasili e pranoi fajin dhe shprehu keqardhjen më të thellë të mundshme appeared first on Telegrafi.

Prokuroria Publike e Manastirit ka ngritur padi kundër 10 personave për shpërdorime në TEC Manastir, duke shkaktuar dëm prej rreth 180 milionë denarë.

Shtatë persona dyshohen se kanë kryer shpërdorim detyre dhe tre persona nga Byroja e Prokurimit Publik dyshohen për punë të pandërgjegjshme në shërbim. Bëhet fjalë për shpërdorim të një thirrjeje të prokurimit publik për përzgjedhjen e një kompanie për minerale në TEC Manastir, në të cilën një kompani u eliminua nga konkurrenca edhe pse plotësonte kushtet, duke zëvendësuar një tjetër që u zgjodh në mënyrë të paligjshme.

“Edhe pse kompania paraqiti prova se i plotëson kërkesat për aftësi teknike dhe profesionale nga dokumentacioni i tenderit, ata prapëseprapë i vlerësuan këto prova si të papranueshme dhe e refuzuan ofertën. Tre anëtarë të Komisionit të Prokurimit Publik për kryerjen e procedurës së hapur të prokurimit publik pranuan këtë opinion të ekspertit, edhe pse në kundërshtim me dispozitat e Ligjit për Prokurimin Publik dhe ankandin elektronik, ata ftuan vetëm dy operatorë të tjerë ekonomikë që kishin ofruar çmime fillestare më të larta se kompania e eliminuar”, thonë nga Prokuroria Themelore Publike .

Akuzohet edhe drejtori i TEC Manastirit, i cili pranoi propozimin për zgjedhjen e ofertës më të favorshme edhe pse ishte në kundërshtim me dispozitat e Ligjit për Prokurimin Publik, dhe në nëntor 2022 lidhi një kontratë për gërmimin e një zbulimi investimesh në minierën e Gneotinos me kompaninë RUD-Cop në shumën prej 708,000,000 denarë me TVSH. Më vonë, drejtori nënshkroi edhe një aneks të kësaj marrëveshjeje.

“Në shtator 2023, drejtori gjithashtu lidhi një shtojcë të kontratës e cila rriti vlerën e prokurimit publik me 20% shtesë ose 120 milionë denarë, duke vepruar kështu edhe në kundërshtim me Ligjin për Prokurimin Publik, sepse ai nuk kishte kryer më parë një analizë shtesë të leverdisë dhe nuk kishte siguruar fondet e nevojshme, të cilat sipas dispozitave ligjore duhet të ishin siguruar plotësisht para lidhjes së kontratës”, thonë nga Prokuroria Themelore Publike.

Prokuroria e Manastirit gjithashtu ngriu fondet prej rreth 180 milionë denarë të fituara në mënyrë të paligjshme nga kompania RUD-KOP, dhe ato do të ngrihen derisa të arrihet një aktvendim.

The post Akuzë ndaj 10 personave për shpërdorim detyre dhe neglizhencë në TEC Manastir appeared first on Telegrafi.

Pas një procedure të zhvilluar hetimore, Prokuroria Themelore Publike në Shkup ka parashtruar aktakuzë ndaj dy vëllezërve, të cilët si bashkëveprues akuzohen se kanë kryer dy vepra penale, “vrasje” dhe “vrasje në tentativë”. Prokuroria gjithashtu ka kërkuar që ndaj dy vëllezërve të vazhdohet masa e paraburgimit.

Sipas njoftimit të Prokurorisë, janë siguruar prova që konfirmojnë se më datë 01.11.2024 në Haraçinë, dy vëllezërit, të moshës 23 dhe 31 vjeç, me paramendim privuan nga jeta një person dhe tentuan të vrasin edhe një tjetër.

“Me dy të dëmtuarit, babë e bir, të akuzuarit ishin dakorduar të takoheshin për të biseduar rreth një borxhi që pretendohet të jetë 7.000 euro. Ata arritën me veturë në vendin e caktuar, por pas një bisede të shkurtër, njëri nga të akuzuarit nxori një armë zjarri – pistoletë dhe filloi të qëllonte drejt viktimave. Si pasojë e plagëve nga arma e zjarrit, babai ndërroi jetë, ndërsa djali mbeti me lëndime të rënda trupore”, thuhet në njoftimin e Prokurorisë.

The post Dyshohen për vrasje dhe tentim-vrasje në Haraçinë, Prokuroria me aktakuzë ndaj dy vëllezërve appeared first on Telegrafi.

Asmir Jahoski do të qëndrojë në paraburgim pasi Këshilli Penal sektori për ndjekjen e krimit të organizuar dhe korrupsionit në kuadër të Gjykatës Penale në Shkup e ka refuzuar si të pabazë kërkesën për të zëvendësuar masën e paraburgimit me garancion.

Siç njoftojnë nga Gjykata Themelore Penale në Shkup, “gjykata duke vlerësuar të gjitha rrethanat që lidhen me hetimin, dhe përskaj dhënies së mendimit pozitiv të prokurorit publik, konsideron se në këtë moment ende ekzistojnë rrethanat për ekzistimin e masës së caktuar të paraburgimit nga pika 2 e nenit 165 paragrafi 1 i Ligjin për procedurë penale, gjegjësisht rrethanat të cilat thonë se mund ta pengojë hetimin duke ndikuar tek dëshmitarët si dhe se mund të fsheh, falsifikojë dhe shkatërrojë gjurmët e veprës penale, nga shkaqe që procedura hetuese ende është në rrjedhë dhe se ende ndërmerren aktivitete të tjera hetuese për grumbullimin e dëshmive”, thuhet mes tjerash në njoftim.

Nga GJTHP njoftojnë se Jahoskit paraburgimi i është vazhduar më 8 prill 2025, pikërisht për shkaqet që parashihen në Ligjin për procedurë penale.

Kundër këtij vendimi Jahoski ka të drejtë ankese deri në 3 ditë.

The post Jahoski mbetet në paraburgim, Gjykata Penale e refuzoi ofertën për lirim me kusht appeared first on Telegrafi.

Prokuroria Themelore Publike në Tetovë njofton se ka dorëzuar ankesë kundër aktgjykimit të Gjykatës Themelore në Tetovë në lidhje të datës 07.04.2025, me të cilin i pandehuri M.P. është dënuar me dy vjet burgim për “vepra të rënda kundër sigurisë së njerëzve në komunikacion”.

Nga Prokuroria thonë se ankesa është bërë për shkak të masës së sanksionit penal, i cili sipas prokurorit është tepër i butë në raport me peshën e krimit të kryer dhe shkallën e përgjegjësisë penale të të pandehurit.

“Ndër rrethanat për të cilat prokuroria kërkon dënim më të rëndë janë edhe pasojat veçanërisht të rënda të aksidentit të komunikacionit, në të cilin lëndime të rënda trupore ka pësuar këmbësorja Teodora Ristovska nga të cilat më pas ka ndërruar jetë”.

“Prokuroria Publike Tetovë e ka marrë parasysh mendimin e Këshillit Gjyqësor të paraqitur në lidhje me këtë lëndë para se të përfundojë ligjërisht. Mirëpo, duke qenë se Prokuroria Publike në procedurën paraprake për këtë ngjarje në asnjë moment nuk është pajtuar me dënimin me dy vjet burgim, prokurori publik kompetent mendon se ka ende hapësirë ​​për korrigjim të sanksionit”.

“Gjithashtu, interesi i përgjithshëm publik, i shkaktuar nga shpeshtësia e krimeve të tilla si dukuri, tregon nevojën e forcimit të politikës penale si mekanizëm parandalues, prandaj prokurori publik vendosi të shfrytëzojë mundësinë ligjore dhe të kërkojë nga Gjykata e Apelit e Gostivarit ndryshimin e dënimit në dënim më të lartë. Gjithashtu, familja e viktimës, e cila nuk ka të drejtë ankese në këtë fazë të procedurës, i ka kërkuar prokurorisë që të apelojë vendimin”, thonë nga Prokuroria./Telegrafi/

The post Prokuroria dorëzon ankesë për vendimin e Gjykatës së Tetovës për rastin e vdekjes së Teodora Ristovskës appeared first on Telegrafi.

Sot bëhen një muaj nga tragjedia në diskotekën “Pulse” në Koçan, ku humbën jetën 61 persona dhe rreth 200 u lënduan. Kjo është fatkeqësia më e madhe që nga pavarësia e vendit.

Nga hetimet e deritanishme ka rezultuar se gjatë viteve të fundit ka pasur gabime dhe lëshime sistematike, për këtë arsye hetimi deri më tani ka përfshirë gjithsej mbi 60 persona fizikë dhe tre persona juridikë, përfshirë pronarin e diskotekës, kryetarët aktualë dhe ish-kryetarët e Komunës së Koçanit, ish-ministrat e ekonomisë, ish-drejtorët e Inspektoratit Shtetëror të Tregut, si dhe zyrtarë policorë.

Hetimi është ende në vazhdim, ndërsa deri më tani janë bërë një numër i madh kontrollesh, janë marrë në pyetje dëshmitarët dhe janë mbledhur mbi një mijë prova materiale.

Dje me urdhër të prokurorit ka filluar ndalimi i shtatë policëve të tjerë dhe sot pritet të sillen para gjyqtarit për procedurë paraprake.

Prokurori publik i shtetit Ljupço Kocevski nuk e përjashton mundësinë që më shumë persona të mbahen në paraburgim deri në përfundimin e hetimeve./Telegrafi/

The post Një muaj nga tragjedia në Koçan, hetohen 60 persona fizikë dhe tre juridikë appeared first on Telegrafi.