Influencuesi kontrovers, Andrew Tate dhe vëllai i tij Tristan, janë paraqitur në një gjykatë federale në Miami, ku kanë nisur procedurat për ekstradimin e tyre drejt Mbretërisë së Bashkuar për shkak të akuzave të reja, përfshirë përdhunim dhe trafikim seksual.

Dy vëllezërit janë arrestuar në Florida nga autoritetet amerikane pas njoftimit të Shërbimit të Prokurorisë së Kurorës në Angli dhe Uells (CPS) për 38 akuza të reja ndaj tyre.

Ata kanë mohuar vazhdimisht çdo shkelje dhe kanë deklaruar se janë të pafajshëm.

Tristan dhe Andrew

Gjatë paraqitjes në gjykatë, Andrew dhe Tristan ishin të veshur me uniforma burgu, të prangosur dhe të lidhur me zinxhirë në duar dhe këmbë.

Ata folën vetëm për të konfirmuar se i kuptonin të drejtat e tyre ligjore.

Avokati i tyre, Joe McBride, tha pas seancës se vëllezërit do të kundërshtojnë ekstradimin dhe pretendoi se akuzat ndaj tyre janë të pabazuara.

Ai i cilësoi procedurat si një përpjekje të padrejtë ndaj klientëve të tij.

Avokati i Andrew dhe Tristan

Sipas autoriteteve britanike, akuzat e fundit lidhen me ngjarje që dyshohet se kanë ndodhur mes viteve 2010 dhe 2017.

Numri i viktimave të pretenduara në këtë çështje ka arritur në shtatë, derisa gjithsej vëllezërit përballen me 59 akuza.

Tate brothers appear in U.S. court for extradition proceedings www.youtube.com

Seanca e ardhshme gjyqësore është caktuar për 27 korrik, teksa vendimi përfundimtar për ekstradimin do të merret nga autoritetet përkatëse amerikane. /Telegrafi/

Selin Bollati dhe DJ Gimbo kanë qenë të ftuar së fundmi në "Prime Verë", ku kanë folur për jetën e tyre, karrierën e planet.

Gjatë emisionit DJ nga Kosova mori edhe një mesazh nga babai i Selin, i cili jeton larg trojeve shqiptare.

Ai tha fjalë të mëdha për Gimbon, duke shtuar se ka sjellë gëzim në familjen e tyre.

Foto: YouTube

"Ashtu siç të ka bekuar familja me emrin Gëzim, ashtu je. Në çdo hap që hedh gëzon njerëz. Ke gëzuar familjen tënde, ke gëzuar edhe familjen time", u shpreh ai.

Tutje theksoi: "Ju puth fort të dyve, shihemi atje, te vendi".

Foto: YouTube

Dyshja nga ana tjetër kanë nisur bashkëjetesën në Tiranë, ku edhe shpesh lëvizin në Kosovë.

Gimbo po vazhdon të jetë i angazhuar me mbrëmje e koncerte përreth. /Telegrafi/

Teatri Kombëtar i Kosovës ka njoftuar ndarjen nga jeta të Beqir Beqirit, organizatorit dhe punëtorit shumëvjeçar të këtij institucioni kulturor.

Me punën e tij të palodhshme dhe profesionalizmin e vazhdueshëm, ai dha një kontribut të çmuar në funksionimin dhe organizimin e Teatrit Kombëtar të Kosovës, duke lënë pas kujtime të paharrueshme për të gjithë ata që patën rastin të punonin me të.

Përmes një njoftimi zyrtar, TKK shprehu dhimbjen për humbjen e një prej bashkëpunëtorëve të tij, për punën dhe përkushtimin që Beqiri dha ndër vite.

Më poshtë reagimi i plotë i Teatrit Kombëtar të Kosovës:

"Me pikëllim të thellë morëm lajmin për ndarjen nga jeta të Beqir Beqirit, organizatorit dhe punëtorit të kahmotshëm e të çmuar të Teatrit Kombëtar të Kosovës.

Përkushtimi, profesionalizmi dhe puna e tij shumëvjeçare do të mbeten pjesë e kujtesës së institucionit tonë.

Beqir Beqiri do të kujtohet si një njeri i mirë, koleg i respektuar, organizator i përkushtuar dhe punëtor i palodhur, i cili me kontributin e tij të vyer la gjurmë të pashlyeshme në Teatrin Kombëtar të Kosovës.

Në këto çaste të vështira, Teatri Kombëtar i Kosovës shpreh ngushëllimet më të sinqerta për familjen Beqiri, të afërmit, miqtë dhe mbarë komunitetin artistik.

Ceremonia e varrimit do të mbahet sot, pas faljes së namazit të drekës, në Varrezat e Dragodanit.

I përjetshëm qoftë kujtimi për të". /Telegrafi/

Shakira në finalen e Kampionatit Botëror të Futbollit u shfaq me një krijim të shtëpisë së modës Roberto Cavalli, i cili u konceptua posaçërisht për të nga drejtori kreativ, Fausto Puglisi.

Për realizimin e kostumit, të zbukuruar me 200 mijë kristale Swarovski dhe me një motiv të frymëzuar nga perëndimi i diellit, u deshën më shumë se dy javë punë.

Kostumi u projektua në mënyrë që të reflektonte dritat e stadiumit dhe, në të njëjtën kohë, t’i siguronte këngëtares liri të plotë lëvizjeje gjatë koreografisë së saj karakteristike.

Shakira

I gjithë krijimi, i cili përfshinte edhe një fund në të njëjtat nuanca, bazohej në motivin "Golden Ray", një prej elementeve karakteristike të dizajnit të shtëpisë së modës Roberto Cavalli.

Në skenë, Shakiras iu bashkuan 34 balerinë, të veshur me kostume të harmonizuara stilistikisht me veshjen e saj.

Artistja u paraqit me flokët karakteristikë të lëshuar dhe me një grim të thjeshtë, duke i qëndruar besnike stilit të saj.

Ajo interpretoi një performancë energjike, të shoqëruar me një koreografi dinamike, duke e bërë paraqitjen e saj një nga momentet më të spikatura të finales së Kampionatit Botëror. /Telegrafi/

- YouTube www.youtube.com

Në stadiumin MetLife në New Jersey, gjatë finales së Kupës së Botës, performoi edhe Justin Bieber, por paraqitja e tij shkaktoi shumë reagime nga shikuesit në rrjetet sociale.

Për këtë rast, Bieber interpretoi një version të veçantë të këngës “Everything Hallelujah” nga albumi i tij i fundit “Swag”.

Ai ishte pjesë e emrave të mëdhenj të muzikës që performuan gjatë finales, duke synuar ta bënin këtë ngjarje edhe më spektakolare.

Megjithatë, shumë përdorues të rrjeteve sociale e kritikuan performancën e këngëtarit kanadez, duke e cilësuar si të papërshtatshme për atmosferën e një finaleje të Botërorit.

Disa nga komentet e publikut ishin: “A luajti vërtet kitarë apo vetëm po bënte sikur?”, “Kjo ishte një ninullë”, “Kjo ishte performanca më e keqe”, “Kjo nuk na duhej” si dhe “Pse Justin Bieber këndoi një këngë si për funeral gjatë finales?”.

Përveç Bieberit, në ceremoninë e finales performoi edhe Shakira, e cila me një paraqitje më energjike arriti ta ngrinte atmosferën në stadium dhe para ekranit.

Megjithatë, pas performancës së Bieberit pati edhe reagime pozitive nga disa fansa, të cilët e vlerësuan anën emocionale të interpretimit.

Por pjesa më e madhe e kritikave u përqendrua te zgjedhja e këngës, e cila sipas tyre nuk i përshtatej madhështisë së finales së Kupës së Botës. /Telegrafi/

Robbie Williams ka reaguar pas videos që u shpërnda në rrjetet sociale gjatë një interviste televizive në finalen e Kupës së Botës.

Gjatë një lidhjeje me televizionin Magenta TV, shikuesit vunë re një grimcë të bardhë që ra në mikrofon, duke bërë që shumë prej tyre të dyshonin se bëhej fjalë për ndonjë substancë.

Pas reagimeve të shumta, Robbie sqaroi situatën përmes një videoje në Instagram, duke thënë se ajo që kishte rënë në mikrofon ishte një karamele me mentol që i kishte dalë nga goja.

Foto: X

Këngëtari britanik e trajtoi situatën me humor, duke kërkuar falje në mënyrë ironike për 'momentin joprofesional' dhe duke treguar se kishte ende disa karamele të tjera me vete.

Williams ishte një nga artistët që performuan në ceremoninë e finales së Kupës së Botës 2026, ku u ngjit në skenë së bashku me Nicole Scherzinger dhe Laura Pausini.

Ai tërhoqi vëmendje edhe me paraqitjen e tij, duke u shfaqur me një kostum sportiv me shkëlqim dhe një stil të veçantë.

Pas performancës, Robbie iu bashkua spektatorëve në stadium, ku ndoqi finalen së bashku me bashkëshorten e tij, Ayda Field. /Telegrafi/

Skenës muzikore shqiptare i është shtuar edhe një bashkëpunim i ri.

Elinel, Melinda Ademi, Muharrem Ahmeti dhe Muma kanë publikuar projektin e tyre më të ri muzikor të titulluar “Lej”.

Kënga bashkon katër artistë të njohur të zhanreve të ndryshme, duke sjellë një kombinim të ri të ritmit dhe interpretimeve që pritet të tërheqë vëmendjen e publikut.

Foto: YouTube

Projekti është realizuar nga Cricket Music, që mban edhe meritën për produksionin dhe beat-in e këngës.

Teksti është shkruar nga Elinel dhe Muma, derisa videoklipi është realizuar nga Endrit Mars.

Foto: YouTube

“Lej” është publikuar në platformat muzikore dhe në YouTube, ku tashmë ka nisur të marrë reagimet e para nga fansat e artistëve.

Me këtë projekt, katërshja synon të sjellë një tjetër hit në tregun muzikor shqiptar, duke bashkuar energjinë, stilin dhe eksperiencën e secilit prej tyre në një këngë të vetme. /Telegrafi/

Foto: YouTube

Foto: YouTube

- YouTube www.youtube.com

LaToya Malcolm, ish-finaliste e Miss Universe Jamaica, aktore dhe kërcimtare, ka ndërruar jetë në moshën 36-vjeçare.

Lajmi u konfirmua nga organizata Miss Universe Jamaica përmes një postimi në Instagram, ku shprehën ngushëllime për familjen dhe të afërmit e saj.

Malcolm kishte marrë pjesë në konkursin Miss Universe Jamaica 2024, ndërsa po atë vit fitoi edhe titullin Miss Jamaica Bikini International 2024.

Organizata e përshkroi atë si një grua të talentuar dhe krenare që përfaqësoi denjësisht skenën e bukurisë në Xhamajkë.

Përveç angazhimit në konkurset e bukurisë, LaToya ishte aktore dhe artiste me më shumë se një dekadë përvojë në industrinë e argëtimit.

Gjithashtu punoi si instruktore kërcimi dhe u përkushtua në projekte që mbështesnin të rinjtë.

Malcolm ishte e përfshirë edhe në projektin “Transition”, i cili synonte t’u ofronte të rinjve trajnime dhe mbështetje për t’u përballur me ndryshimet në jetë.

Lajmi për vdekjen e saj ka shkaktuar reagime të shumta në rrjetet sociale.

Edhe Miss Universe Jamaica, Gabrielle Henry, shprehu dhimbjen e saj, duke thënë se ndikimi dhe zëri i LaToyas nuk do të harrohen kurrë. /Telegrafi/

Vendimi i këngëtarit Labinot Tahiri për të ndarë 150 euro nga çdo dasmë dhe mbrëmje muzikore ku performon për Roelin, djalin e të ndjerit Shpat Kasapi, ka nxitur reagime të shumta në opinion.

Pas njoftimit të Labit, ka reaguar aktori Rezart Veleshnja, i cili ishte mik i afërt i Shpatit.

Përmes një postimi në InstaStory, ai ka bërë të ditur se mban kontakte të vazhdueshme me familjen e artistit të ndjerë.

Foto: Instagram

Sipas Veleshnjës, nëna e Shpatit, Gjylymsere Kasapi, dhe vëllai i tij, Albin Kasapi, nuk kanë kërkuar asnjëherë ndihmë publike, duke theksuar se dinjiteti i familjes nuk i lejon të ndërmarrin hapa të tillë.

Ai shton se çdo ndihmë për Roelin është e mirëpritur, por nuk e konsideron të nevojshme që kontributet personale të shoqërohen me thirrje publike në emër të familjes.

Megjithatë, aktori nënvizoi se djali i artistit meriton mbështetje dhe u bëri apel miqve, kolegëve dhe figurave publike që të kontribuojnë për të ardhmen e tij.

Veleshnja theksoi se Roeli duhet të ketë përkrahjen e të gjithëve, duke kujtuar se po rritet si djali i një artisti të dashur për publikun, i cili, sipas tij, nuk kërkoi kurrë ndihmë gjatë jetës.

Reagimi i tij vjen pasi iniciativa e Tahirit u prit me komente të shumta në rrjetet sociale, duke ndarë opinionin mes atyre që e vlerësojnë gjestin human dhe atyre që besojnë se ndihma për familjen duhet të ofrohet në mënyrë diskrete. /Telegrafi/

Për disa vite me radhë, një festival muzikor në Prishtinë ka arritur të tërheqë vëmendjen e mediave ndërkombëtare dhe ta vendosë Kosovën në hartën e ngjarjeve më interesante kulturore në Evropë.

Sunny Hill Festival nuk është më vetëm një koncert disa-ditor, por një histori që po tregohet edhe nga gazetarë, fotografë dhe ekipe televizive nga e gjithë bota.

Media prestigjioze si BBC, The Guardian, The New York Times, Rolling Stone, Vogue, Reuters, Associated Press dhe shumë platforma të tjera ndërkombëtare i kanë kushtuar hapësirë festivalit, duke raportuar jo vetëm për artistët që performojnë, por edhe për transformimin e Kosovës në një destinacion të rëndësishëm kulturor dhe muzikor.

Artikull në BBC

Nga mediat e njohura ndërkombëtare te revistat e modës dhe kulturës, interesimi për Sunny Hill ka ardhur jo vetëm për shkak të emrave të mëdhenj që ngjiten në skenë, por edhe për shkak të historisë që qëndron pas tij, një festival i krijuar në një nga shtetet më të reja të Evropës, me ambicien për ta kthyer Kosovën në një pikë takimi për muzikën, kreativitetin dhe bashkëpunimin ndërkombëtar.

Ajo që i ka befasuar shumë gazetarë të huaj nuk është vetëm atmosfera e festivalit, por energjia e publikut, mikpritja e njerëzve dhe mënyra se si një ngjarje e tillë është kthyer në një simbol të një gjenerate të re kosovare.

Artikull në The Guardian

Për shumë prej tyre, Sunny Hill është një dritare për ta njohur Kosovën përtej lajmeve politike dhe stereotipeve, duke zbuluar një vend me skenë të gjallë artistike, kreativitet dhe potencial të madh.

Interesimi ndërkombëtar tregon se suksesi i festivalit nuk matet vetëm me numrin e biletave të shitura apo me emrat e mëdhenj që performojnë.

Artikull në The Vogue

Ai matet edhe me ndikimin që krijon, sa njerëz nga jashtë flasin për Kosovën, sa vizitorë zgjedhin ta vizitojnë vendin dhe sa histori të reja lindin rreth tij.

Në një kohë kur festivalet muzikore konkurrojnë për vëmendje në një treg global, Kosova po dëshmon se nuk nevojiten gjithmonë përmasa të mëdha për të krijuar ndikim të madh.

Mediat e huaja vijnë në Prishtinë për të mbuluar festivalin "Sunny Hill"

Dhe pikërisht kjo është arsyeja pse ekipet ndërkombëtare vazhdojnë të vijnë në Prishtinë, jo vetëm për të raportuar për një festival, por për të treguar historinë e një vendi që po ndërton një identitet të ri përmes kulturës, muzikës dhe kreativitetit. /Telegrafi/

Ines Garcia është influencuesja spanjolle e modës dhe bukurisë, e cila ka marrë vëmendje të madhe publike si e dashura e yllit të futbollit, Lamine Yamal.

Ajo ka qenë pranë futbollistit gjatë rrugëtimit të tij me kombëtaren e Spanjës dhe e ka mbështetur edhe gjatë Kupës së Botës, ku Spanja u shpall kampione.

Garcia ka treguar për herë të parë për njohjen e saj me Yamalin përmes një videoje në TikTok, e cila më pas është fshirë.

Ajo hodhi poshtë një histori që ishte bërë virale në rrjete sociale, sipas së cilës ata ishin takuar në një dyqan pasi kartela e saj nuk kishte funksionuar gjatë pagesës dhe Yamal kishte paguar për të.

“Do të doja t’ju tregoja një histori shumë të çmendur, sikur e takova në aeroport apo rastësisht në rrugë, por jo. Jemi njohur në rrjete sociale”, kishte thënë Garcia duke treguar versionin e saj të vërtetë.

Edhe pse lidhja e tyre u bë publike vetëm kohët e fundit, Garcia ka bërë të ditur se ajo dhe Yamal njihen prej rreth tre vitesh.

Dyshimet për një lidhje mes tyre nisën pas disa paraqitjeve së bashku, përfshirë një udhëtim në Greqi.

Gjatë Kupës së Botës, Garcia udhëtoi drejt Shteteve të Bashkuara për ta mbështetur Yamalin, pavarësisht se ka pranuar se ka frikë nga fluturimet.

Ajo publikoi fotografi nga stadiumet dhe ndau mesazhe përkrahjeje për futbollistin, duke e quajtur në një postim “dashuria ime”.

Ines ka një numër të madh ndjekësish në rrjetet sociale, me rreth 1.4 milion ndjekës në Instagram dhe 1.7 milion në TikTok.

Ajo publikon përmbajtje që lidhet me modën, grimin, kujdesin për lëkurën, udhëtimet dhe stilin e jetesës.

Në një intervistë për revistën “Woman Madame Figaro”, Garcia ka treguar se pjesa më e bukur e punës si influencuese janë mundësitë, bashkëpunimet me marka dhe pjesëmarrjet në evente të ndryshme.

Ndërsa sfida më e madhe, sipas saj, është ekspozimi publik dhe kritikat nga njerëzit që komentojnë jetën e saj pa e njohur atë. /Telegrafi/

Një gabim i komentatorit gjatë finales së Kupës së Botës ka shkaktuar të qeshura te shikuesit, pasi ai ngatërroi këngëtarin e njohur Pharrell Williams me reperin ASAP Rocky.

Në momentin kur kamerat televizive u fokusuan te Pharrell në tribunë, komentatori anglez tha se ishte ASAP Rocky.

Megjithatë, ai e kuptoi menjëherë gabimin dhe u korrigjua duke kërkuar falje për ngatërresën.

Pharrell Williams

“Besoj se ky është ASAP Rocky në publik, ose AKA Rocky, më falni”, u shpreh komentatori gjatë transmetimit.

Finalja e Kupës së Botës në stadiumin MetLife u ndoq nga shumë figura të njohura të artit, sportit dhe politikës.

Në mesin e të pranishmëve ishin aktorët Matt Damon, Jon Hamm, Richard Gere, Javier Bardem, këngëtarja Christina Aguilera dhe legjenda e muzikës Mick Jagger.

Përveç yjeve të Hollivudit dhe muzikës, në tribunat VIP ishin edhe presidenti i ShBA-së Donald Trump së bashku me bashkëshorten Melania Trump si dhe mbretëresha spanjolle Letizia.

Finalja jo vetëm që solli emocione në fushë, por edhe momente të shumta jashtë saj, që u bënë pjesë e diskutimeve në rrjetet sociale. /Telegrafi/

Bashkëshortja e këngëtarit të ndjerë, Shpat Kasapi, ka reaguar në rrjetet sociale pas ndihmës së ofruar nga këngëtari Labinot Tahiri për të dhe djalin e saj, Roelin.

Në mesazhin e publikuar, ajo shprehu mirënjohjen për Labin, duke theksuar respektin dhe dashurinë që ai kishte treguar ndaj Shpatit gjatë kohës sa ai ishte gjallë.

“Labinot Tahiri, të faleminderit shumë. Mirënjohëse pa fund që e ke dashur dhe respektuar Shpatin sa ishte gjallë dhe tani na mbështet mua dhe Roelin”, ka shkruar ajo.

Foto: Instagram

Ajo dukej e prekur nga gjesti i tij, teksa më pas u shpreh: “Nuk kam fjalë sinqerisht”.

Kasapi u nda nga jeta në moshën 40-vjeçare në nëntor të vitit të kaluar, duke lënë pas bashkëshorten dhe djalin e tij, Roelin.

Gjesti human i Labit për djalin e Shpat Kasapit - do të ndajë 150 euro nga çdo dasmë dhe mbrëmje muzikore për Roelin

Këngëtari nga Tetova ishte një nga emrat e njohur të skenës muzikore shqiptare, me një karrierë të gjatë dhe shumë këngë të dashura për publikun.

Nga ana tjetër, Labi premtoi se nga çdo aheng e mbrëmje do t'i ndajë nga 150 euro për Roelin. /Telegrafi/

Ish-banorja e Big Brother VIP Kosova 4, Elijona Binakaj, ka qenë së fundmi e ftuar në ‘Top Arena’, ku ka ndarë detaje nga jeta personale dhe marrëdhënia me Klodian Mihajn.

Ajo pranoi zyrtarisht lidhjen me Klodin, derisa nuk nguroi të ngacmonte Brikenën për marrëdhënien e saj me Mateon.

Elijona u shpreh krenare dhe falënderuese për raportin që ka krijuar dhe për lumturinë që po përjeton.

Foto: YouTube

Pjesë nga biseda në studio:

Brikena: Shoh që në dorë ke një unazë. A është ajo një ‘promise ring’?

Eljona: Kjo në dorë është një promise ring, po e jotja ku është, Briki?

Brikena: Unë kam parë edhe një puthje mes teje dhe Klodit. A është e vërtetë që jeni në një lidhje?

Eljona: Ku e ke parë atë puthje, moj Briki?

Brikena: Në rrjet.

Eljona: Po unë dhe Klodi jemi në lidhje, por unë dua që gjërat e mia t’i kem private. Jam shumë krenare për lidhjen, por gjërat më të bukura nuk bën t’i flasësh gjithmonë. Diçka që më pëlqen shumë te Klodi është që më mbështet shumë. Jam falënderuese, se është e rrallë të gjesh meshkuj të tillë. Një gjë që nuk më pëlqen është që bën drama. Unë mendoj që Klodi është më xheloz se unë, por të dy jemi xhelozë të bukur dhe të ëmbël. /Telegrafi/

- YouTube www.youtube.com

Keyne, vëllai trevjeçar i futbollistit spanjoll Lamine Yamal, ka qenë sërish në qendër të vëmendjes pas fitores së Spanjës në finalen e Kupës së Botës.

I vogli u shfaq në tribunat e stadiumit duke ndjekur ndeshjen me fanellën e kombëtares spanjolle.

Pas përfundimit të ndeshjes, ai zbriti në fushë dhe vrapoi drejt vëllait të tij, duke e përqafuar me emocion.

Foto: Reuters

Momentet e tij të gëzueshme menjëherë u bënë virale në rrjetet sociale.

Keyne tërhoqi vëmendjen teksa pozoi pranë Lamine dhe trofeut të Kupës së Botës, duke bërë edhe disa gjeste lozonjare para kamerave.

Foto: Reuters

Vogëlushi vazhdoi të shijonte festën në fushë, duke vrapuar i lumtur dhe duke luajtur edhe me futbollistin tjetër të Spanjës, Nico Williams.

Sjellja e tij plot energji dhe pafajësi bëri për vete tifozët, ndërsa një moment i veçantë ishte edhe reagimi i një polici amerikan, i cili e përshëndeti Keynen me buzëqeshje.

Foto: Reuters

Yamal ka folur më herët për rëndësinë e familjes në jetën e tij, duke treguar se lumturia e nënës dhe e vëllait të tij të vogël është një nga gjërat që e prek më shumë.

Për Yamalin, përtej futbollit dhe trofeve, gëzimi i njerëzve të dashur mbetet ëndrra më e madhe dhe motivimi kryesor në karrierën e tij. /Telegrafi/

Foto: Reuters

Këngëtari i njohur shqiptar, Labinot Tahiri, ka bërë një deklaratë emocionuese përmes një postimi në Instagram, ku ka shprehur dashurinë dhe respektin për mikun dhe kolegun e tij të ndjerë, Shpat Kasapi.

Tahiri ka bërë të ditur se ka vendosur të ndajë një pjesë të të ardhurave të tij nga mbrëmjet muzikore dhe dasmat për djalin e Shpatit, Roelin, duke theksuar se ky është një premtim që e ka mbajtur në zemër prej kohësh.

Në postimin e tij, Labi shprehet se ndihma nuk duhet të mbetet vetëm në fjalë, por të shndërrohet në vepra konkrete për familjen e artistit që vazhdon të jetojë në kujtimet e publikut.

Postimi i plotë i Labit (pa ndërhyrje):

"Për djalin e artistit që jeton përgjithmonë në zemrat tona, edhe pse sot nuk është më mes nesh, Shpat Kasapit.

Shpatin e kam pasur shok e koleg, si shumë artistë të tjerë.

Djalit të tij i kam ndihmuar edhe privatisht, por sot kam vendosur diçka që do ta bëj me zemër.

Nga ky sezon e tutje, dhe për sa kohë Zoti ma jep mundësinë të punoj, nga çdo mbrëmje vjetore -muzikore dhe dasmë do t’i ndaj nga 150 euro për Roelin, për shëndetin e tij dhe për ditët e jetës së tij.

Numri i mbremjeve te mia është i madh me shumë se 50 ne kete sezone , e si ne Kosove dhe në evrope e Amerike dhe numrin e dasmave dhe te mbremjeve e dimë ne si ekip, organizatoret e po ashtu edhe ATK-ja e Kosovës, sepse çdo gjë e deklaroj me rregull.

Të hollat do t’i dërgohen zonjës Selvie, nënës së Roelit, e cila kujdeset për të me gjithë shpirt, bashkë me Zotin dhe njerëzit zemërmirë.

Zonja Selvie dhe nëna e Shpatit, mos u mërzitni për anën materiale. Sa të jemi ne, nuk do të jeni vetëm.

Këtë fjalë ia pata dhënë mikes sime, motrës sonë Big Mama, dhe shokut të Shpatit, Xenit, se një ditë do ta merrja këtë vendim. Sot po e mbaj atë premtim.

Kolegë e kolege, e di që të gjithë e kemi dashur Shpatin.

Ende ia këndojmë këngët, e kujtojmë me mall dhe flasim për të nëpër intervista, koncerte e mbrëmje.

Por, përveç fjalëve, ta tregojmë dashurinë edhe me vepra.

Ta ndihmojmë familjen e tij sa herë të kemi mundësi. Besoj se kjo është dhurata më e bukur që mund t’ia bëjmë kujtimit të Shpatit.

E di që familjen e Shpatit për djalin Roelin do ta ndihmojnë edhe shumë artistë siq e kanë ndihmuar Ermal Fejzullahu, Big Mama, Burak Vehapi, Pandora, Labi Gashi i cili e ka perkah tere jeten Shpatin dhe shumë te tjere, se bashku me mergimtarë të cilët me kanë shenuar edhe privatisht.

Ju falënderoj të gjithëve.Me dashuri për Roelin dhe familjen e po ashtu edhe për secilin nga ju,

Labi, Kosovë e Shqipërisë". /Telegrafi/

Futbollisti spanjoll, Dani Olmo, ka ndarë momente të veçanta pas shpalljes kampion bote, duke festuar në fushën e stadiumit MetLife në East Rutherford së bashku me partneren e tij, Laura Abla Schmitt.

Çifti u shfaqën të lumtur me trofeun e Kupës së Botës, duke dhuruar një moment romantik që u komentua gjerësisht në rrjetet sociale.

Laura publikoi një fotografi ku mban në duar trofeun, ndërsa Olmo e puth në shenjë dashurie dhe krenarie pas arritjes së madhe sportive.

Ajo e shoqëroi postimin me fjalët: “Ti, përgjithmonë”, të shoqëruara me një zemër, ndërsa futbollisti iu përgjigj në komente me të njëjtën frazë: “Përgjithmonë”.

Fotografia mori mijëra reagime nga fansat, të cilët e cilësuan çiftin si një nga dyshet më simpatike të botës së futbollit.

Dani Olmo dhe Laura Abla Schmitt janë në një lidhje që nga viti 2023.

Laura është një modele dhe influencuese gjermane, e njohur për përmbajtjet e saj në rrjetet sociale rreth modës, stilit të jetesës dhe udhëtimeve.

Në një intervistë të dhënë në vitin 2024, ka treguar se nuk dëshiron të identifikohet vetëm si “partnerja e një futbollisti”.

Laura ka theksuar se përmbajtja e saj nuk lidhet kryesisht me futbollin, por me jetën e saj personale, interesat dhe aktivitetet që e përfaqësojnë. /Telegrafi/

Modelja shqiptare, Ajsel Abazi, ka ndarë një reagim të gjatë dhe emocional në rrjetet sociale, ku ka folur për marrëdhënien me ish-partnerin e saj, futbollistin Eros Grezda, me të cilin ka një djalë.

Çifti u bë prind për herë të parë në vitin 2023.

Në postimet e publikuara në InstaStory, Abazi thekson se nuk e ka pasur zakon t'i ndajë çështjet personale publikisht, por këtë herë ka vendosur të flasë, pasi bëhet fjalë për mirëqenien e djalit të tyre.

Foto: Instagram

"Ka momente kur heshtja nuk është më forcë, sidomos kur bëhet fjalë për një fëmijë që nuk ka zë për të treguar atë që ndien", shkruan ajo.

Modelja sqaron se reagimi i saj nuk është hakmarrje apo përpjekje për të denigruar ish-partnerin, por një reflektim mbi përgjegjësinë e prindërimit.

Foto: Instagram

Ajo shprehet se nuk e shqetëson fakti që Grezda ka vazhduar jetën e tij dhe ka një partnere të re, duke theksuar se secili ka të drejtë të kërkojë lumturinë. Sipas saj, problemi lind kur krijimi i një jete të re bëhet arsye që fëmija të mos mbetet më prioritet.

"Nuk më shqetëson fakti që babai i Kianit ka zgjedhur të vazhdojë jetën e tij apo që ka një partnere të re. Ajo që më dhemb është kur krijimi i një jete të re bëhet arsye që fëmija të mos jetë më prioritet", shkruan Abazi.

Foto: Instagram

Në vijim, ajo zbulon se kanë tentuar të ruajnë një marrëdhënie bashkë-prindërimi, por sipas saj kjo nuk ka funksionuar, pasi nuk janë respektuar kufijtë mes rolit të prindit dhe marrëdhënies së tyre si ish-partnerë.

Për këtë arsye, vendosi të kufizojë komunikimin, duke theksuar se dera ka qenë gjithmonë e hapur që babai të kalojë kohë me djalin.

Foto: Instagram

Abazi deklaron gjithashtu se ekziston një ndryshim i madh mes të qenit prind biologjik dhe prind i pranishëm.

"Një fëmijë nuk mat dashurinë me dhurata apo premtime, por me kohën, praninë dhe përkushtimin", tha mes tjerash.

Foto: Instagram

Në një nga pjesët më të forta të reagimit, modelja pretendon se Grezda mungoi në ditëlindjen e tretë të djalit të tyre, ndonëse, sipas saj, pak ditë më parë kishte qenë në Tiranë me partneren e tij.

Ajo shton se ai e takon djalin vetëm një herë në muaj, edhe pse nuk i është vendosur asnjë pengesë.

Foto: Instagram

"Një fëmijë pret me zemër, jo me kalendar", shkruan ajo.

Abazi ndër tjera thotë se e ka lënduar edhe fakti që, sipas saj, djali i tyre trevjeçar është prezantuar me partneren e re të Grezdës në një kohë kur ende po përpiqet të kuptojë mungesën e të atit. /Telegrafi/

Foto: Instagram

Foto: Instagram

Eros Grezda dhe Ajsel Abazi

Kai Trump, mbesa 19-vjeçare e presidentit amerikan Donald Trump, po ndërton një karrierë në disa fusha, përfshirë golfin, modën dhe rrjetet sociale.

Vajza e Donald Trump Jr. dhe Vanessa Trump së shpejti do të nisë studimet në Universitetin e Miamit, ku do të jetë pjesë e ekipit të golfit të universitetit.

Në një intervistë për emisionin 'Fox & Friends', Kai foli për mënyrën se si arrin të menaxhojë angazhimet e shumta dhe tha se deri tani ia ka dalë ta bëjë këtë me sukses.

Ajo beson se energjinë dhe dëshirën për të arritur objektivat i ka trashëguar nga gjyshi i saj, Donald Trump.

“Me siguri nga gjyshi”, u përgjigj ajo kur u pyet se nga e merr ambicien për sukses.

Kai njihet si një lojtare e talentuar golfi dhe ka marrë vlerësime për disiplinën dhe përkushtimin e saj në këtë sport.

Synon të ndihmojë ekipin e golfit të Universitetit të Miamit të arrijë rezultate më të mira në sezonet e ardhshme.

Kai ka folur edhe për marrëdhënien me gjyshin e saj, duke e përshkruar atë si 'shumë të lezetshëm' dhe më të relaksuar nga sa njerëzit mund ta imagjinojnë. /Telegrafi/

Drama e re horror e Netflix-it, "The East Palace", fitoi zemrat e publikut pothuajse menjëherë pas premierës.

Shumë e përshkruajnë këtë serial si një nga publikimet më të paharrueshme kinematografike të vitit.

Ngjarja ndjek Gu-cheon, luajtur nga Nam Joo-hyuk, një burrë që sheh fantazma dhe detyrohet nga mbreti të hetojë pse trashëgimtarët mbretërorë vdesin në rrethana të pazakonta.

Ndërsa qëndron në pallat derisa të përfundojë hetimi, ai bashkëpunon me zonjën e oborrit Saeng-gang, luajtur nga Roh Yoon-seo, dhe së bashku përpiqen të zbulojnë burimin e së keqes.

Seriali kombinon folklorin korean, intrigat e oborrit mbretëror dhe tmerrin mbinatyror.

I referohet po ashtu krijesave nga legjendat koreane, duke përfshirë gwi-ma dhe ak-gwi.

Historia është e lidhur me të kaluarën e errët të pallatit, kështu që çdo takim i ri me mbinatyrshmen zbulon gjurmë korrupsioni dhe sekretesh të fshehura.

- YouTube www.youtube.com

Identiteti vizual dhe prodhimi u vlerësuan veçanërisht. Seriali u xhirua në Qarkun Yeoncheon, dhe skenografia luksoze, kostumet dhe efektet speciale theksojnë më tej përzierjen e dramës historike dhe horrorit. /Telegrafi/