Supermodelja e njohur, Gigi Hadid, ishte ndër mijëra personat që uruan Dua Lipën pas martesës së saj me aktorin britanik Callum Turner.
Menjëherë pasi Gigi komentoi në postimin e këngëtares me fotografitë nga ceremonia, fansat nisën t’i kujtonin lidhjen e dikurshme të Dua Lipës me vëllanë e saj, Anwar Hadid.
“Sa e mrekullueshme! Urime", shkroi Gigi në komentin e saj.
Foto: Instagram
Mirëpo, reagimi i saj tërhoqi vëmendjen e ndjekësve, të cilët iu përgjigjën me komente të ndryshme.
“Gigi, ajo ishte gati të bëhej kunata jote”, shkroi një prej tyre, duke iu referuar romancës së mëparshme mes Dua Lipës dhe Anwar Hadid.
Anwar Hadid dhe Dua Lipa
Një pjesë e fansave përmendën edhe lidhjen e kaluar të vetë Gigi Hadid me këngëtarin Zayn Malik.
Sipas raportimeve të mediave britanike, Dua dhe Callum kurorëzuan dashurinë e tyre me martesë të dielën në Londër.
Bashkëshorti i saj, John Marsh, raportohet se ishte i pranishëm kur në vendngjarje mbërritën autoritetet.
Pas lajmit të hidhur, Jamie Lee Curtis i kushtoi motrës një dedikim prekës në rrjetet sociale, duke e përshkruar si shoqen e saj të parë dhe personin të cilit i besonte më shumë gjatë gjithë jetës.
Aktorja kujtoi se motra e saj ishte një grua e talentuar dhe e dashur, me pasione të shumta, përfshirë familjen, natyrën, muzikën, udhëtimet dhe koleksionimin e breshkave.
Ajo theksoi gjithashtu krenarinë që motra ndiente për origjinën e saj daneze dhe hebreo-hungareze si dhe dashurinë për Shtetet e Bashkuara të Amerikës.
Në postimin prekës, Curtis tha se do ta kujtojë motrën për mirësinë, bujarinë, karakterin e fortë, kureshtjen për jetën dhe stilin e saj unik, duke nënvizuar se humbja e saj ka lënë një boshllëk të madh në familje. /Telegrafi/
Aktori i njohur nga Gjilani, Fatmir Spahiu, ka tërhequr vëmendjen e ndjekësve të tij në rrjetet sociale me një postim që tregon ndryshimin e jashtëzakonshëm që ka përjetuar ndër vite.
I dashur për publikun për rolet e tij humoristike dhe veçanërisht për personazhin e 'Bufit', Spahiu ka ndarë një krahasim interesant mes dy pasaportave të tij, duke zbuluar rezultatet e transformimit fizik që ka arritur.
Me dozën e tij karakteristike të humorit, aktori shkroi: “Për katër vite minus 90 kg dhe 2 cm”, duke iu referuar jo vetëm humbjes së konsiderueshme në peshë, por edhe ndryshimit të vogël në gjatësinë e shënuar në dokumentet zyrtare.
Foto: Instagram
Sipas të dhënave të publikuara, në pasaportën e vitit 2016 gjatësia e tij figuron 186 centimetra, ndërsa në dokumentin më të fundit ajo është regjistruar 184 centimetra.
Megjithatë, ajo që ka bërë më shumë përshtypje është rënia drastike prej 90 kilogramësh, një arritje që reflekton përkushtim, disiplinë dhe një angazhim të vazhdueshëm ndaj një jetese më të shëndetshme.
Ndjekësit nuk kanë kursyer fjalët e mira për Spahiun, duke e përgëzuar për ndryshimin e dukshëm fizik. /Telegrafi/
Sean Combs, i njohur si Diddy, mund të përballet me akuza të reja penale për sulm seksual në Kaliforni, ndërsa aktualisht ndodhet në burg federal në New Jersey dhe po përpiqet të apelojë dënimin e tij të mëparshëm.
Zyra e Prokurorit të Qarkut të Los Angelesit ka konfirmuar se po shqyrton rezultatet e dy hetimeve të veçanta të zhvilluara nga policia lidhur me pretendimet e një viktime të dyshuar.
Bëhet fjalë për publicistin Jonathan Hay, i cili në vitin 2025 ngriti edhe një padi civile kundër Combs.
P.Diddy
Hay pretendon se është sulmuar seksualisht nga reperi në vitet 2020 dhe 2021.
Sipas padisë së tij, ai po punonte në një projekt muzikor kushtuar reperit të ndjerë The Notorious B.I.G. kur u njoh më nga afër me Combs.
Në dokumentet gjyqësore, Hay përshkruan disa incidente që ai pretendon se kanë ndodhur gjatë takimeve me Combs.
Ai thotë se këto ngjarje i kanë shkaktuar trauma të rënda psikologjike dhe madje mendime vetëvrasëse.
Jonathan Hay
Nga ana tjetër, avokatët e Combs kanë mohuar kategorikisht të gjitha akuzat, duke i cilësuar ato si të rreme dhe shpifëse.
Ata kanë deklaruar se klienti i tyre do të mbrohet në gjykatë dhe se akuzat nuk mbështeten në prova të mjaftueshme.
Vetë Hay e ka përshëndetur hapjen e hetimit, duke thënë se fakti që pretendimet e tij po shqyrtohen nga autoritetet përbën një hap të rëndësishëm drejt drejtësisë.
Ky zhvillim vjen pasi Combs u shpall më herët fajtor në një proces federal për dy akuza që lidhen me organizimin e prostitucionit.
Megjithatë, ai u shpall i pafajshëm për akuzat më të rënda të trafikimit seksual dhe organizimit kriminal.
Aktualisht, po vuan një dënim me burg dhe pritet të lirohet në vitin 2028. /Telegrafi/
Reperi Rigels Rajku ka dëshmuar në GJKKO në procesin ndaj Laert Haxhiut.
Bëhet fjalë për një tritol të vendosur në lokalin e Noizyt në Durrës në vitin 2022, sipas SPAK me urdhër të Haxhiut, pasi reperi i kishte rrahur mikun e tij Cllevio.
Gjatë dëshmisë, Noizy rrëfeu momentin kur mësoi për shpërthimin, dëmet e shkaktuara në pronën e tij dhe shpjegoi zanafillën e konfliktit me Cllevion, për të cilin tha se prej vitesh e kishte ofenduar dhe kërcënuar në rrjetet sociale.
Noizy duke dhënë dëshminëFoto: Shqiptarja
Ai tregoi se përplasja fizike mes tyre kishte ndodhur vetëm një ditë para vendosjes së tritolit, ndërsa deklaroi se më pas i ishte djegur edhe një automjet.
Noizy tha se nuk ka pasur asnjëherë njohje apo marrëdhënie me Laert Haxhiun dhe se emrin e tij e kishte dëgjuar vetëm pasi ngjarja u bë publike.
Dëshmia e Noizyt:
"Kam dijeni për vendosjen e lëndës plasëse në Durrës. Kam qenë në të njëjtin pallat ku u vendos eksplozivi, kam pasur dritaren hapur. Kam qenë në gjumë, dëgjova shpërthimin dhe më doli gjumi, kuptova që diçka ndodhi.
Zbrita poshtë dhe kuptova që ishte vendosur një eksploziv.
Më doli gjumi, zbrita poshtë, ishte babai im poshtë, motra po ashtu mund të ketë ardhur, mamin e mbaj mend. Tritoli u vendos në katin e parë të pallatit ku qëndroja. Prindërit jetojnë në të njëjtin pallat, por në një kat më sipër. Kur zbrita, ngjarja kishte ndodhur rreth orës 03:00-04:00, unë u zgjova në orën 09:00. Ishin shkatërruar xhamat e lokalit dhe të dyqanit poshtë.
Kam një firmë rrobash dhe një lokal, të dy pronat janë të miat. Pashë komshinjtë, polici pa fund dhe kishte plasur një tritol.
Hyrja ishte komplet e shkatërruar, edhe në kat të parë edhe në kat të dytë. Ishte shkaktuar një gropë e madhe në tokë nga sasia e tritolit. Ishte thyer mermeri komplet.
Një hamendësim e kisha se kush e kishte bërë. Më ndodhi një problem një natë përpara te një tjetër lokal që kam në Durrës, me një person që është i fiksuar, sjelljet e një fansi të fiksuar… Po nuk i dhe vëmendje bëhet agresiv dhe sjell problemin deri te shtëpia. Kur shan dhe kërcënon në rrjetet sociale, ai të vjen edhe deri te shtëpia.Kleviol Ahmeti është personi.
Sharjet që nga 2019 nuk janë ndalur asnjëherë. Njohje me Kleviolin nuk kam pasur asnjëherë, as bashkëpunime.
Është i fiksuar me mua, kërkon me çdo kusht vëmendjen time. Do të bëhet shok me mua, ndërkohë që unë s’dua të bëhem shok me të. Nuk ta shpjegoj dot nivelin e fiksimit të atij me mua. Nuk e di a e njihni, por del në TikTok dhe shan të gjithë botën.
Ai e ka kuptuar që merr vëmendje kur përmendet “Noizy” dhe nuk e ka ndalur asnjëherë këtë gjë. Është i çmendur pas meje.Më erdhi në lokal një ditë përpara shpërthimit për t’u sqaruar demek, vjen me 20 veta.
Fjala e parë që thotë është: “Ku është ai legeni?”. Futet brenda, dalim jashtë dhe pastaj ndodh një konflikt fizik te shkallët e lokalit. Të nesërmen ndodhi tritoli.
E kam takuar më përpara, ka ardhur me një shokun e vet për t’u sqaruar kur unë isha me familjarët e mi. Kur dolëm nga lokali filloi prapë avazin duke më sharë. I thotë vetes artist, ka bërë disa këngë.
Ai bën shumë gjëra, por nuk bën asgjë.Ishte live në TikTok gjatë gjithë kohës, tregonte armë në video, e dija që po vinte. Nuk njihja askënd nga ata që shoqërohej Klevioli. Erdhën me makina, me 5 të tilla.
U largua me makinë pastaj, ishte pasagjer.
Prezenca e tij në pronën time duke më ofenduar mua, sharjet, u bënë shkak për nxitjen e konfliktit. Erdhi brenda dhe më tha: “Do të q*roj, o pederast”.
Kur erdhi në pronën time, unë e godita i pari, konflikti ndodhi disa sekonda.
Pas kësaj ngjarjeje, ai më dogji edhe një automjet. Ai e ka gjyqin akoma hapur dhe nuk e di si ka dalë nga burgu. Iku në Dubai, pagoi disa çuna nga Vlora dhe ma dogjën makinën.
Nga ana ime nuk ka situatë konfliktuale, nga ana e tij po.Për Laert Haxhiun nuk kam dëgjuar ndonjëherë.
E dëgjova emrin e tij më mbrapa, para 3 vitesh. E dëgjova kur u bë publik rasti im". /Shqiptarja
Këngëtari i njohur nga Peja, Gjesti, është bërë pjesë e zërave publikë që kanë reaguar për zhvillimet e fundit në Zvërnec, duke shprehur shqetësim për mënyrën se si po trajtohet një zonë që konsiderohet e ndjeshme për natyrën dhe trashëgiminë.
Përmes një postimi në InstaStory, ai shkruan se nuk mund të qëndrojë indiferent “kur natyra, historia dhe identiteti vihen përballë interesave ekonomike”.
Sipas Gjestit, zhvillimi mund të jetë i domosdoshëm, por thekson se ai duhet të bëhet me transparencë, me konsultim dhe mbi të gjitha me respekt për trashëgiminë që nuk zëvendësohet.
Foto: Instagram
Në reagimin e tij, këngëtari bën thirrje që çdo vendim që lidhet me Zvërnecin të merret “me përgjegjësi, me dëgjimin e qytetarëve dhe me respekt për natyrën”.
Fituesi i Big Brother VIP Albania 4 ka lënë të kuptohet se zëri i komunitetit dhe ruajtja e vlerave të zonës duhet të jenë prioritet.
Postimi i Gjestit vjen në një kohë kur çështja e Zvërnecit ka nxitur diskutime të shumta në rrjete sociale dhe në opinionin publik, ndërsa reagimi i tij u shpërnda dhe u komentua nga ndjekësit si një mesazh në mbrojtje të natyrës dhe identitetit të kësaj zone. /Telegrafi/
Këngëtarja me famë botërore, Dua Lipa dhe aktori Callum Turner, u martuan në një ceremoni private në ndërtesën historike Old Marylebone Town Hall, ku morën pjesë vetëm familjarët dhe miqtë më të afërt.
Në videon e publikuar nga shërbimi i regjistrimeve të Westminsterit, çifti shihet duke dalë nga ceremonia dorë për dore, ndërsa të ftuarit i presin me konfeti dhe duartrokitje.
Dua dhe Callum ndalen për t’u dërguar puthje të pranishmëve përpara se të largohen me një taksi londineze.
Callum Turner dhe Dua Lipa
Për këtë ditë të veçantë, Dua u shfaq elegante me një kostum të bardhë të personalizuar nga shtëpia e modës Schiaparelli, të kombinuar me doreza të bardha, një varëse nga Bulgari dhe një kapelë të bardhë të gjerë.
Ajo mbante gjithashtu një buqetë me lule dhe këpucë të bardha me taka.
Megjithëse tani janë ligjërisht të martuar, festa sapo ka filluar.
Çifti pritet të organizojë një dasmë luksoze treditore në Palermo, e cila do të zgjasë nga e enjtja deri të shtunën dhe po cilësohet si një nga ngjarjet më të rëndësishme të vitit në botën e showbiz-it.
Callum Turner dhe Dua Lipa
Ceremonia kryesore do të zhvillohet në Villa Valguarnera, ndërsa festa përmbyllëse do të mbahet në pallatin historik Palazzo Gangi.
Në këtë event pritet të marrin pjesë rreth 300 të ftuar, përfshirë emra të njohur nga muzika dhe moda.
Mes të ftuarve të përfolur janë Elton John, Charli XCX, Mark Ronson, si dhe Donatella Versace.
Madje, sipas raportimeve, Donatella Versace po përgatit një fustan të veçantë për Duan, i cili mund të jetë pjesë e ceremonisë së madhe në Sicili.
Dua Lipa dhe Callum Turner
Dasma e çiftit po tërheq vëmendje të madhe ndërkombëtare, ndërsa fansat presin me padurim pamje të tjera nga festa luksoze që do të zhvillohet në Sicili. /Telegrafi/
Xheneta Fetahu pak javë më parë hodhi akuza në drejtim të Loredana Bratit për raportin e saj me Gjestin.
Ajo i është kundërpërgjigjur gjatë një interviste në Top Albania Radio, duke zbuluar të vërtetën mes tyre.
E njëjta theksoi se nuk ka qenë në vilë me Gjestin, por që ishte bashkë me shoqëri.
Foto: Instagram
Lori sqaroi situatën duke thënë se artisti ishte një ditë më parë, meqë vila frekuentohet nga shumë të famshëm.
"Ai ishte me stafin e vet, kur ka qenë te ajo vila. Unë kam qenë me shoqet e mia. Ka qenë dhe Brikena me Mateon, ka qenë dhe Xheneta. është një vilë që bashkëpunojnë njerëzit", u shpreh ajo.
"Ne kishim marrë një vilë, kur vajta unë atë natë, më thanë pronarët që mbrëmë ka qenë Gjesti. Ne s'kemi qenë me njëri-tjetrin. Gjestin e kam takuar te varrimi i vëllait. Nuk kam thënë asnjëherë që më ka ngacmuar. Ndoshta është marrë ndryshe. Muhabeti ka qenë në nëntor. Unë nuk kam dashur të përdorë njerëz për famën time. Ai ka qenë me Gimbon, unë kam qenë me shoqet e mia", tutje tha.
Loredana sqaroi se nuk ka pasur asnjëherë asgjë me Gjestin dhe se këto janë vetëm aludime. /Telegrafi/
Këngëtarja Cassie Ventura ka deklaruar në dokumente gjyqësore se jeton jashtë Shteteve të Bashkuara dhe nuk ka ndërmend të kthehet.
Deklarata është paraqitur më 1 maj në kuadër të një padie të vazhdueshme kundër Clayton Howard.
Në dokument, Ventura shkruan qartë se banon jashtë ShBA-së dhe nuk planifikon të rikthehet.
Cassie dhe P.Diddy
Nuk dihet ende se në cilin shtet është vendosur ajo dhe as kur është larguar nga Amerika.
Lajmi vjen rreth një vit pasi Ventura dëshmoi në procesin penal kundër ish-partnerit të saj, Sean Combs, i njohur si Diddy.
Gjatë gjyqit, Ventura tregoi për vite të tëra abuzimi që pretendon se ka përjetuar gjatë lidhjes së tyre, e cila zgjati nga viti 2007 deri në 2018.
Ajo gjithashtu zbuloi se kishte marrë 20 milionë dollarë si marrëveshje financiare nga Combs dhe kompanitë e tij, pasi e paditi në vitin 2023 për përdhunim, dhunë fizike dhe detyrim për të kryer me meshkuj.
P.Diddy dhe Cassie
Në fund të procesit, Combs u shpall fajtor për dy akuza që lidhen me transportimin e personave për qëllime prostitucioni, por u shpall i pafajshëm për akuzat e trafikimit seksual dhe organizimit kriminal.
Ndërkohë, Howard ka ngritur një padi kundër Combs dhe Venturas, duke pretenduar se ajo i ka transmetuar një sëmundje, se mbeti shtatzënë prej tij dhe kreu abort pa e njoftuar.
Ai gjithashtu e akuzon se e manipuloi për të konsumuar drogë dhe për të kryer marrëdhënie, duke i shkaktuar dëmtime fizike, psikologjike dhe humbje financiare. /Telegrafi/
Aktori Robert Pattinson ka reaguar ndaj kritikëve që pretendojnë se nuk ka fizikun e duhur për të luajtur rolin e Batman-it.
Në një intervistë për revistën GQ, ai tha se komentet se nuk ishte stërvitur mjaftueshëm për rolin janë të pavërteta.
“Punova çdo ditë. Madje stërvitesha dy herë në ditë, shpesh në orën tre të mëngjesit”, deklaroi Pattinson, duke shtuar se pavarësisht përkushtimit të tij, shumë njerëz vazhduan të besonin se ai nuk ishte në formën e duhur fizike.
Robert Pattinson
Aktori pranoi se vetë kishte kontribuar në krijimin e këtij perceptimi.
Gjashtë vite më parë, para publikimit të filmit "The Batman", ai kishte deklaruar në një intervistë se nuk ishte i apasionuar pas ushtrimeve fizike dhe se po përpiqej të dukej “i lezetshëm” me ato komente.
Në atë kohë, Pattinson kishte thënë se kultura e stërvitjeve intensive për rolet e superheronjve ishte bërë e tepruar, duke përmendur se aktorë legjendarë si James Dean nuk kishin muskuj të theksuar si standard për suksesin në ekran.
Tani, ndërsa po përgatitet për xhirimet e "The Batman" pjesa e dytë, Pattinson thotë se është në formë të mirë fizike, edhe pse ka kaluar një periudhë të lodhshme duke punuar në filmin e ri të regjisorit Christopher Nolan, "The Odyssey".
Robert Pattinson
Filmi i ri i Batman-it do të drejtohet sërish nga Matt Reeves, ndërsa fansat spekulojnë se antagonisti kryesor mund të jetë Harvey Dent, i njohur si Two-Face.
Në film pritet të rikthehen edhe aktorët Jeffrey Wright, Andy Serkis, Colin Farrell dhe Barry Keoghan. /Telegrafi/
Jennifer Lopez mohoi publikisht zërat për një lidhje me aktorin Brett Goldstein gjatë një interviste promovuese, duke krijuar një moment të sikletshëm në studio.
Dyshja po promovon komedinë romantike të ardhshme "Office Romance", ku Lopez interpreton rolin e një drejtueseje të suksesshme kompanie që ka rregulla të rrepta kundër lidhjeve në vendin e punës, por që përfundon duke u dashuruar me një avokat të ri, të luajtur nga Brett Goldstein.
Spekulimet për një romancë të mundshme mes tyre nisën pas premierës së filmit në Los Angeles, ku ata u panë duke qeshur, duke biseduar ngrohtësisht dhe duke shkëmbyer shikime në tapetin e kuq.
@tmz Jennifer Lopez's flirtation with Brett Goldstein is just movie magic and nothing more ... at least that's what she told Savannah Guthrie. 🎥: NBC ♬ original sound - TMZ
Kjo mjaftoi që mediat dhe rrjetet sociale të nisnin aludimet se marrëdhënia e tyre mund të kishte kaluar përtej ekranit.
Interesimin e shtoi edhe fakti se Goldstein kishte folur më parë me admirim për Jennifer në rrjetet sociale.
Gjatë paraqitjes në emisionin Today, moderatorja Savannah Guthrie i pyeti drejtpërdrejt nëse kimia që shfaqin në film ishte shndërruar në një lidhje romantike në jetën reale.
Lopez reagoi duke thënë se pothuajse çdo herë që punon ose shihet pranë një kolegu, lindin menjëherë thashetheme për një lidhje.
“Sa herë që më shohin me dikë ose punoj me dikë, njerëzit përpiqen të më lidhin me atë person”, tha ajo.
Goldstein u përpoq ta lehtësonte situatën me humor, duke bërë shaka se njerëzit fillojnë spekulimet mjafton që dikush të qëndrojë pranë Lopezit.
Megjithatë, moderatorja vazhdoi të kërkonte një përgjigje më të qartë, duke thënë se nuk e konsideronte atë një mohim të drejtpërdrejtë.
Kjo duket se e irritoi Lopezin, e cila theksoi se gjatë viteve është përfolur për lidhje me shumë persona të njohur, përfshirë edhe aktorin Kevin Costner, pa pasur asnjë bazë reale.
Ajo nënvizoi se fakti që qarkullojnë thashetheme nuk do të thotë se ato janë të vërteta.
Për t’i dhënë fund diskutimit, Guthrie e pyeti edhe një herë në mënyrë të drejtpërdrejtë nëse ata ishin çift.
Lopez u përgjigj shkurt: “Nuk jemi në lidhje". Goldstein e mbështeti menjëherë deklaratën e saj duke shtuar: “Kjo është e vërteta". /Telegrafi/
Loredana Brati është rikthyer me një intervistë në Top Albania Radio, për të folur për jetën, karrierën duke mos lënë anash as Big Brother VIP Albania.
Ajo ka folur sërish për marrëdhënien me Joz Markun, raportin e tyre dhe për të gjitha momentet që kanë kaluar bashkë.
Ish-konkurrentja tregon se deri kur fliste me të dhe se kur e kuptoi që kjo lidhje nuk duhet të vazhdonte.
Foto: YouTube
E njëjta bëri me dije që raporti i tyre ka vazhduar edhe pas Big Brother, por me ulje e ngritje dhe me gabime nga të dyja palët.
Teksa flet për të dhe situatat e kaluara, Loredana thekson se nuk ka kthim më mbrapa.
Ajo thotë se gjithçka mes tyre është mbyllur dhe mbetet në kohën që shkoi.
Sido që të jetë, Lori po vazhdon të jetë e angazhuar me projekte në fushën e modelingut. /Telegrafi/
Këngëtarja amerikane, Sabrina Carpenter, ka marrë një urdhër të përkohshëm mbrojtjeje ndaj 31-vjeçarit William Applegate, i cili sipas dokumenteve gjyqësore e ka përndjekur dhe ka tentuar të hyjë në shtëpinë e saj në Hollywood Hills, Kaliforni.
Sipas kërkesës së paraqitur në gjykatë, Applegate e ka ndjekur që nga 20 prilli dhe më 23 maj ka shkuar deri te dera e shtëpisë së saj, duke tentuar ta hapë me forcë.
Edhe pasi u arrestua nga policia, ai u kthye sërish në të njëjtën adresë dy ditë më vonë.Carpenter deklaroi se sjellja e tij i ka shkaktuar stres të rëndë emocional dhe frikë për sigurinë e saj.
Ajo theksoi se pretendimet e tij se e njihte dhe se ajo e priste tregojnë një fiksim të rrezikshëm dhe irracional ndaj saj.
Gjykata e qarkut të Los Angelesit urdhëroi që Applegate të mos i afrohet më shumë se 90 metra shtëpisë së saj.
Një detektiv i Los Angeles Police Department vlerësoi se sjellja e tij përputhet me modele të njohura të përndjekjes që mund të paraqesin rrezik serioz për viktimën.
Seanca e ardhshme gjyqësore është caktuar për 17 qershor.
Ndërkohë, Sabrina po pushon pas një viti shumë të ngarkuar me turne dhe paraqitje në festivale të mëdha muzikore. /Telegrafi/
Blake Lively dhe Justin Baldoni janë rikthyer sërish në gjykatë në New York, vetëm një muaj pasi arritën një marrëveshje në mosmarrëveshjen e tyre ligjore që ka zgjatur prej vitesh.
Aktorja amerikane tani kërkon që Baldoni të mbulojë shpenzimet e saj ligjore dhe gjyqësore, të krijuara gjatë procesit të lidhur me padinë për shpifje prej 400 milionë dollarësh që ai kishte ngritur ndaj saj.
Përveç kësaj, Lively po kërkon edhe dëmshpërblime shtesë, megjithëse shuma e saktë nuk është bërë publike.
Blake Lively
Konflikti nisi në fund të vitit 2024, kur Lively akuzoi Baldonin, i cili ishte edhe regjisor i filmit “It Ends With Us”, për sjellje të papërshtatshme gjatë xhirimeve dhe për përpjekje për të dëmtuar reputacionin e saj përmes një fushate në rrjetet sociale.
Nga ana tjetër, Baldoni dhe kompania e tij e produksionit ngritën kundërpadi ndaj Lively dhe bashkëshortit të saj, Ryan Reynolds, por gjykata i hodhi poshtë këto pretendime.
Edhe pse disa prej kërkesave të Lively janë refuzuar pjesërisht, gjykata ka lejuar që një pjesë e akuzave të saj të vazhdojnë të shqyrtohen.
Ndërkohë, filmi “It Ends With Us”, i bazuar në romanin e Colleen Hoover, pati sukses të madh në kinema, duke gjeneruar mbi 350 milionë dollarë të ardhura në mbarë botën. /Telegrafi/
Aktori Owain Rhys Davies, i njohur për rolet e tij në serialet “Twin Peaks: The Return” dhe “The OA”, ka ndërruar jetë në moshën 44-vjeçare.
Lajmin e ka konfirmuar vëllai i tij përmes një postimi në Instagram, ku shprehu dhimbjen e madhe të familjes dhe tha se Owain ka vdekur papritur.
Ai theksoi se ende ka disa paqartësi rreth rrethanave të vdekjes, por besohet se ka ndërruar jetë në mënyrë të papritur, natyrale dhe pa dhimbje.
Owain Rhys Davies
Familja e përshkroi atë si një njeri shumë të dashur, bujar dhe me ndikim të madh në jetën e shumë njerëzve.
Owain Rhys Davies ka lindur më 20 shkurt 1982 në Cardiff të Uellsit dhe është bërë i njohur për rolin e agjentit Wilson në “Twin Peaks: The Return”, si dhe në serialin “The OA”.
Ai ka marrë pjesë edhe në disa projekte të tjera të njohura si “Alice Through the Looking Glass”, “The Indian Doctor”, “My Dead Ex” dhe “A Serial Killer’s Guide to Life”.
Përveç televizionit dhe filmit, ka pasur sukses edhe në teatër, përfshirë “Mamma Mia!”, “The Wizard of Oz” dhe shfaqje në Royal National Theatre.
Owain Rhys Davies
Familja ka kërkuar privatësi në këtë periudhë të vështirë dhe ka njoftuar se më shumë detaje për ceremoninë e varrimit do të jepen më vonë. /Telegrafi/
Morgan Freeman feston 89-vjetorin e lindjes, duke vazhduar të mbetet një nga aktorët më të dashur dhe më të respektuar në historinë e Hollywood-it.
Me një karrierë që ka nisur në vitet 1970, ai ka ndërtuar një trashëgimi të jashtëzakonshme artistike dhe vazhdon të jetë aktiv në industrinë e filmit edhe pas më shumë se pesë dekadash në skenë.
I njohur për praninë e tij karizmatike dhe zërin e veçantë, Freeman është bërë një nga figurat më të dallueshme të kinemasë botërore.
Pikërisht zëri i tij i thellë dhe qetësues e ka bërë shpesh zgjedhjen e parë për narracionet e dokumentarëve të njohur, ndërsa shumë fansa e lidhin atë me rolin e Zotit në filmat Bruce Almighty dhe Evan Almighty.
Gjatë karrierës së tij, Freeman ka interpretuar në disa prej filmave më të suksesshëm të të gjitha kohërave.
Ndër më të njohurit janë "The Shawshank Redemption", që konsiderohet një kryevepër e kinemasë, "Se7en", "Driving Miss Daisy", "Invictus", "Million Dollar Baby" dhe "The Sum of All Fears".
Për rolin në "Million Dollar Baby" ai fitoi çmimin 'Oscar' për 'Aktorin më të Mirë' në Rol Dytësor, ndërsa ka marrë gjithsej pesë nominime për çmimet më prestigjioze të industrisë së filmit.
Pavarësisht moshës, Morgan vazhdon të jetë aktiv në projekte të reja filmike.
Ai mbetet një nga emrat më të respektuar në Hollywood, duke dëshmuar se talenti, përkushtimi dhe pasioni për artin nuk njohin moshë.
Morgan
Në ditëlindjen e tij të 89-të, Freeman vazhdon të gëzojë statusin e një legjende të gjallë të kinemasë, me miliona admirues në mbarë botën dhe një karrierë që ka frymëzuar breza të tërë aktorësh dhe dashamirësish të filmit. /Telegrafi/
Dua Lipa dhe Callum Turner kanë kurorëzuar zyrtarisht lidhjen e tyre me martesë më 31 maj në Londër, në një ceremoni private të mbajtur në Old Marylebone Town Hall.
Së fundmi këngëtarja ka ndarë në Instagram pamje të reja nga ceremonia intime, duke e shoqëruar postimin me datën “31.05.2026”, ditën kur çifti u bë zyrtarisht burrë e grua.
Megjithatë, kurorëzimi në Londër ishte vetëm pjesa zyrtare e martesës.
Foto: Instagram
Çifti po përgatitet tani për një festë madhështore tre-ditore në Sicili të Italisë, e cila do të zhvillohet nga 5 deri më 7 qershor në Villa Valguarnera, pranë Palermos.
Eventi pritet të jetë një festë ultra-luksoze me pjesëmarrjen e shumë emrave të njohur nga bota e artit dhe shoubizit.
Foto: Instagram
Madje, sipas burimeve, është diskutuar edhe mundësia që Elton John të performojë në dasmën e tyre.
Për këtë rast, organizatorët thuhet se kanë rezervuar një hotel të tërë për mysafirët, duke siguruar privatësi dhe komoditet për të gjithë të ftuarit.
Megjithëse kurorëzimi në Londër u zhvillua në një atmosferë intime, festa e madhe në Itali pritet të marrë vëmendjen e mediave dhe të shndërrohet në një nga ngjarjet më të komentuara të vitit. /Telegrafi/
Dua Lipa dhe Callum Turner kanë kurorëzuar zyrtarisht lidhjen e tyre me martesë në mënyrë shumë private në Londër, në Old Marylebone Town Hall, të dielën.
Ceremonia ishte e vogël dhe intime, e mbajtur vetëm me një rreth të ngushtë familjarësh dhe miqsh të afërt.
Megjithatë, kjo ishte vetëm pjesa 'zyrtare' e martesës.
Callum Turner dhe Dua Lipa
Sipas burimeve të cituara nga Page Six, çifti nuk e ka përfunduar ende festën dhe po përgatit një event shumë më të madh dhe luksoz që do të zgjasë tre ditë, nga 5 deri më 7 qershor, në Sicili të Italisë.
Festa pritet të zhvillohet në Villa Valguarnera në Bagheria, pranë Palermos, një vend shumë ekskluziv dhe i njohur për evente të nivelit të lartë.
Callum Turner dhe Dua Lipa
Kjo fundjavë e dasmës raportohet se do të jetë një event i madh 'ultra-luksoz', me një listë të gjerë të ftuarish, përfshirë edhe emra të njohur nga bota e showbiz-it.
Për më tepër, është diskutuar edhe mundësia që Elton John të performojë gjatë ceremonisë, gjë që do ta bënte ngjarjen edhe më spektakolare.
Vendi ku thuhet se do të mbahet ceremonia
Organizatorët thuhet se kanë rezervuar një hotel të tërë për mysafirët, në mënyrë që të gjithë të qëndrojnë së bashku dhe të shijojnë festën në privatësi të plotë gjatë gjithë fundjavës.
Kjo tregon se ceremonia në Itali nuk do të jetë vetëm një darkë, por një festë disa-ditore.Sa i përket pamjes së nuses, Dua Lipa në ceremoninë e Londrës kishte veshur një fustan të Schiaparelli-t, ndërsa Callum Turner kishte zgjedhur një kostum elegant blu të Ferragamo-s.
Vendi ku thuhet se do të mbahet ceremonia
Për dasmën në Itali, po qarkullojnë zëra se ajo mund të veshë një fustan të personalizuar nga stilisti Simon Porte Jacquemus ose nga Versace, por ende nuk është konfirmuar.
Çifti e ka mbajtur lidhjen e tyre kryesisht private që nga fillimi i romancës në fillim të vitit 2024.
Callum Turner dhe Dua Lipa
Ata u shfaqën publikisht për herë të parë në një event të Apple TV+ në janar, gjersa fejesa u konfirmua në qershor 2025, pas muajsh spekulimesh nga fansat që vunë re unazën në një postim të Dua Lipës në Instagram në fund të vitit 2024. /Telegrafi/
Fabjola Elezaj, ish-konkurrentja e Ferma VIP 3, ka qenë e ftuar së fundmi në "Kurthin e Pitër Pan".
Ajo brenda fermës njohu partnerin e saj me të cilin është aktualisht, artistin Adion Puka, i cili vjen nga Gjakova.
Një pyetje që iu drejtua në emision kishte të bënte me jetën e saj personale.
Foto: TikTok
"Ti do ta lije Tiranën për Prishtinën", ishte pyetja që iu parashtrua Olës.
"Unë jo Tiranën jo Prishtinën, për dashurinë lë gjithçka sepse shtëpia është aty ku është zemra, ku është dashuria", u shpreh ajo.
Tutje tha: "Kështu që kudo që të jetë zemra ime, do jem edhe unë edhe shtëpia ime".
Lidhja e tyre në fillim nuk u aprovua nga familja, me hyrjen e të vëllait në fermë, por që tani duket se po e shijojnë kohën të gjithë së bashku. /Telegrafi/
Ish-banorja e Big Brother VIP Kosova, Xheneta Fetahu, ka zbuluar për ndjekësit e saj në rrjetet sociale blerjen e një veture të re luksoze.
Bukuroshja publikoi pamje pranë automjetit të saj të ri, një Range Rover me ngjyrë të zezë.
E veshur me shumë elegancë, Xheneta u shfaq tejet e lumtur gjatë prezantimit të veturës së re.
Foto: Instagram
Postimi i saj ka marrë menjëherë vëmendjen e ndjekësve, të cilët nuk kanë kursyer urimet dhe komentet pozitive për blerjen e re të saj.
Range Rover konsiderohet një nga markat më prestigjioze në kategorinë e SUV-ve luksoze, ndërsa vlera e modelit si në foto varion nga 70 deri në 100 mijë.
Foto: Instagram
Fetahu po vazhdon të jetë një nga figurat më të ndjekura dhe të komentuara në rrjetet sociale, ku shpesh ndan momente nga jeta e saj personale dhe profesionale.
Me këtë blerje të re, ajo duket se ka realizuar një tjetër dëshirë të saj, duke e ndarë gëzimin edhe me publikun që e ndjek prej vitesh. /Telegrafi/
Login
Foto: Instagram
Anwar Hadid dhe Dua Lipa
Foto: Instagram
P.Diddy
Jonathan Hay
Noizy duke dhënë dëshminëFoto: Shqiptarja
Foto: Instagram
Callum Turner dhe Dua Lipa
Callum Turner dhe Dua Lipa
Dua Lipa dhe Callum Turner
Foto: Instagram
Cassie dhe P.Diddy
P.Diddy dhe Cassie
Robert Pattinson 
Robert Pattinson
Foto: YouTube
Blake Lively
Justin Baldoni
Owain Rhys Davies
Owain Rhys Davies
Morgan
Foto: Instagram
Foto: Instagram
Callum Turner dhe Dua Lipa
Callum Turner dhe Dua Lipa
Vendi ku thuhet se do të mbahet ceremonia
Vendi ku thuhet se do të mbahet ceremonia
Callum Turner dhe Dua Lipa
Foto: TikTok
Foto: Instagram
Foto: Instagram
Foto: Instagram
