Të paktën 69 emigrantë kanë vdekur dhe shumë të tjerë rezultojnë të zhdukur pasi një varkë u përmbys në brigjet e Mauritanisë. Shtatëmbëdhjetë persona janë shpëtuar dhe kërkimet po vazhdojnë për pasagjerë të tjerë që ndodheshin në varkën që po shkonte drejt Ishujve Kanarie të Spanjës. Sipas të mbijetuarve, anija u nis nga Gambia gjashtë ditë para aksidentit të së martës, duke transportuar rreth 160 persona në bord, kryesisht shtetas të Gambias dhe Senegalit. Udhëtimi i rrezikshëm mbi Oqeanin Atlantik është bërë një rrugë gjithnjë e më e zakonshme për emigrantët afrikanë që përpiqen të arrijnë në Evropë. Gati 47,000 njerëz arritën në Ishujt Kanarie vitin e kaluar dhe organizata joqeveritare spanjolle Caminando Fronteras vlerëson se më shumë se 9,000 emigrantë vdiqën duke u përpjekur. #ndiqa2cnn #A2CNN #lajmeshqip #a2cnn #fyppp
Një zjarr i përmasave të mëdha ka rënë pak minuta më parë në lagjen Çlirim në Berat. Flakët kanë përfshirë një sipërfaqe të konsiderueshme me shkurre, ndërsa rrezikohen edhe banesat përreth. Në vendngjarje ndodhen katër mjete zjarrfikëse dhe forcat e policisë, të cilat po punojnë për të vënë nën kontroll zjarrin. #ndiqa2cnn #A2CNN #lajmeshqip #a2cnn #fyppp
Një F-16 i Forcave Ajrore Polake u rrëzua gjatë provave për një show ajror në Radom, duke i marrë jetën pilotit. Avioni u përplas në pistë, pa shkaktuar viktima të tjera, ndërsa ngjarja solli anulimin e Airshow-it të fundjavës. #A2cnn #pilot #avion #polonio
Trajneri i Paris Saint-Germain, Luis Enrique, ka komentuar shortin e fazës së ligës në Ligën e Kampionëve, duke thënë se një përballje me ish-skuadrën e tij, Barcelona, do të ishte "një ndeshje e bukur, por e dhimbshme". Katalanasi, i cili ka qenë pjesë e Barcelonës si futbollist nga 1996 deri në 2004, dhe më pas si trajner, ka pranuar se emocionet personale do ta bënin të vështirë një përballje të tillë. “Do të më shkaktonte dhimbje përballja me Barcelonën,” u shpreh Enrique të premten (29 gusht), pas hedhjes së shortit. Në grupin e saj në formatin e ri të kompeticionit, PSG do të përballet me disa nga skuadrat më të forta të Evropës, përfshirë Bayern Munich, Tottenham Hotspur, Newcastle United, Atalantadhe Bayer Leverkusen. Secili klub do të zhvillojë tetë ndeshje në këtë fazë – katër në shtëpi dhe katër në transfertë. “Ne mund ta kalojmë këtë fazë, sigurisht, por do të jetë shumë e vështirë,” tha Enrique, duke e pranuar sfidën që e pret ekipin e tij. Ndërkohë, ai komentoi edhe për ndeshjen e radhës në Ligue 1, kundër Toulouse FC, që do të luhet të shtunën më 30 gusht, duke e cilësuar si një ndeshje “të ndërlikuar dhe të ngushtë”. #ndiqa2cnn #A2CNN #lajmeshqip #a2cnn #fyppp
SPAK ka dorëzuar këtë të premte në gjykatë dosjen e ish-Presidentit Ilir Meta dhe ish-bashkëshortes së tij, Monika Kryemadhi. NJOFTIMI I SPAK: Prokuroria e Posaçme kundër Korrupsionit dhe Krimit të Organizuar pas përfundimit të hetimeve, më 29.08.2025 ka dërguar për gjykim në Gjykatën e Posaçme të Shkallës së Parë, procedimin penal nr. 55/2019, në ngarkim të të pandehurve: Ilir Meta - i akuzuar për kryerjen e veprave penale “Korrupsioni pasiv i funksionarëve të lartë shtetërore ose i të zgjedhurve vendorë” në 3 raste, dy prej të cilave të kryera në bashkëpunim, “Pastrimi i produkteve të veprës penale ose veprimtarisë kriminale” e kryer në bashkëpunim,“Refuzimi për deklarim, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë, ose i çdo personi tjetër që ka detyrimin ligjor për deklarim”, parashikuar nga nenet 260 dhe 25, 287/2 dhe 257/a/2 të Kodit Penal. Monika Kryemadhi - e akuzuar për kryerjen e veprave penale “Korrupsioni pasiv i funksionarëve të lartë shtetërore ose i të zgjedhurve vendorë” në dy raste të kryera në bashkëpunim,“Pastrimi i produkteve të veprës penale ose veprimtarisë kriminale” e kryer në bashkëpunim , “Refuzimi për deklarim, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë, ose i çdo personi tjetër që ka detyrimin ligjor për deklarim”, parashikuar nga nenet 260 dhe 25, 287/2 dhe 257/a/2 të Kodit Penal. Pirro Xhixho - i akuzuar për kryerjen e veprës penale “Korrupsioni pasiv i funksionarëve të lartë shtetërore ose i të zgjedhurve vendorë” e kryer në bashkëpunim, parashikuar nga nenet 260 dhe 25 të Kodit Penal. Ema Çoku - e akuzuar për kryerjen e veprës penale “Pastrimi i produkteve të veprës penale ose veprimtarisë kriminale” e kryer në bashkëpunim, parashikuar nga neni 287/2 i Kodit Penal. Fatime Kryemadhi - e akuzuar për kryerjen e veprës penale “Pastrim i produkteve të veprës penale ose veprimtarisë kriminale” e kryer në bashkëpunim, parashikuar nga neni 287/2 i Kodit Penal. #a2cnn #lajmeshqip #shqiperi
Pas ndeshjes Dinamo-Jagellonia nuk mungoi dhe tensioni mes tifozëve polak dhe atyre shqiptarë. Mes provokimeve të vazhdueshme të polakëve, me të mbërritur në kryeqytet, tifozët shqiptar kanë sulmuar autobusin e tyre, shkruan A2 CNN. Gjithçka nisi nga një video e shpërndarë shpejt në rrjetet sociale ku polakët u panë teksa bënin gjeste të pahijshme në bustin e heroit kombëtar, Gjergj Kastriot Skënderbeu, në qendër të Tiranës. Kjo ka nxitur dhe më shumë tifozët shqiptar që menjëherë pas përfundimit të takimit janë përleshur me njërin prej tyre. Një tifoz është shtruar në spital por pa rrezik për jetën ndërsa policia ka arrestuar 3 persona. #ndiqa2cnn #A2CNN #lajmeshqip #a2cnn #fyppp #foryoupage
Policia e Tiranës ka zbatur urdhrin e gjykatës për të vendosur nën sekuestro pasurinë e një 45-vjeçari, i cili rezulton i dënuar për vepra të rënda penale. Sipas Bluve të kryeqytetit në kuadër të operacionit “Fortesa” janë sekuestruar pasuri me vlerë 26 milionë e 500 mijë euro, përkatësisht disa vila në bregdet dhe në Tiranë, llogari të shumta bankare dhe automjete. “Specialistët e Seksionit për Hetimin e Pastrimit të Parave, në bashkëpunim me specialistët e Agjencisë së Administrimit të Pasurive të Sekuestruara dhe të Konfiskuara, në kuadër të një procedimi penal të drejtuar nga Prokuroria e Tiranës, ekzekutuan vendimin e Gjykatës së Tiranës, për sekuestrimin e pasurive në pronësi të shtetasit K. K., alias O. M., 45 vjeç, i dënuar më parë për veprat penale “Vrasja me paramendim” dhe “Trafikimi i lëndëve narkotike”, kryer në kuadër të grupit të strukturuar kriminal. Pasuritë e sekuestruara janë konkretisht: 19 prona, 2 automjete dhe 20 llogari bankare, të regjistruara në emër të 45-vjeçarit ose të familjarëve të tij, me vlerë tregu rreth 26 milionë e 500 mijë euro”, informon policia. Sakaq, bëhet me dije se vijon ende puna për gjurmimin dhe sekuestrimin e pasurive të tjera që dyshohet se kanë burim nga veprimtaritë kriminale të këtij shtetasi.
Dy të mitur shkatërrojnë ambientet e shkollës, shikoni pamjet e vandalizmit. Shërbimet e Komisariatit të Policisë Pogradec referuan materialet në Prokurori, ku filloi procedimi penal për 2 shtetas të mitur, pasi dyshohet se kanë dëmtuar disa banka dhe sende, në shkollën 9-vjeçare në fshatin Buzaishtë. #ndiqa2cnn #a2cnn #A2CNN #lajmeshqip #fyppp #foryoupage
Senati i Meksikës shpërtheu në dhunë të mërkurën e 27 gushtit, me grushte, shtyrje dhe britma pasi një udhëheqës i partisë opozitare kapi presidentin e dhomës së senatit, ndërsa seanca po përfundonte. Alejandro "Alito" Moreno, kreu i Partisë Revolucionare Institucionale (PRI) në opozitë, iu afrua presidentit të senatit Gerardo Fernandez Norona, i partisë në pushtet Morena, ndërsa ligjvënësit po këndonin himnin kombëtar për të shënuar fundin e seancës dëgjimore të ditës. Fernandez Norona tha më vonë në një konferencë për shtyp se sherri shpërtheu pas një “debati të vështirë” rreth pranisë së forcave të armatosura nga vende të tjera në Meksikë. Në një video nga Kongresi Meksikan, Moreno shihet duke iu afruar Fernandez Noronës dhe duke e kapur për krahu. Më në fund, të dy fillojnë të shtyjnë njëri-tjetrin, ndërsa Moreno rrëzon një fotograf. #a2cnn #lajmeshqip #meksike #parlament #like #share #follow #comment
Ndahet nga jeta në moshën 66-vjeçare aktori dhe regjisori i njohur, Naun Shundi. Artisti nuk e mundi dot betejën me sëmundjen e rëndë nga e cila vuante prej pak kohësh, e cila e shkëputi nga puna në teatër, edhe nga bujtina e tij. Ai u dërgua për trajtim të specializuar në një spital në Francë, por kostot e larta financiare detyruan familjarët të kërkonin ndihmë. Prej disa ditësh ishte nisur për kurim jashtë Shqipërisë. Të shumtë ishin kolegët dhe shqiptarët që iu përgjigjen thirrjes së familjes për të ndihmuar në kurimin e tij, por gjendja çdo ditë përkeqësohej. Vetëm pak ditë më parë, Ministri i Kulturës Blendi Gonxhe alokoi një tjetër mbështetje financiare për të vijuar kurimin në Tiranë, në QSUT ku edhe humbi betejën me sëmundjen e rëndë. Aktori dhe regjisori është shuar sot. Mbrëmjen e shkuar gjendja e aktori u përkeqësua. Bashkëshortja e aktorit dhe regjisorit Naum Shundi, ka reaguar mbrëmjen e shkuar lidhur me gjendjen shëndetësore të tij, i cili po trajtohej në QSUT. Në një postim prekës, ajo shpreh mirënjohje për të gjithë miqtë, kolegët dhe artdashësit që janë solidarizuar me familjen në ditët e vështira, kanë dhënë ndihmën e tyre. Megjithatë, ajo përcjell lajmin e hidhur se gjendja e aktorit ka marrë një kthesë aspak optimale, duke i bërë thirrje miqve dhe dashamirësve që të mos kontribuojnë më financiarisht. “Në ditë të keqe, u shfaqën njerëz të mrekullueshëm, që na ndihmuan në këtë situatë të vështirë për shëndetin e aktorit regjisorit dramaturgut Naun Shundit. Çdo emër që ka kontrubuar në llogaritë tona të hapura, që kjo ëndërr e keqe, të mbetej vetëm një ëndërr, ka jo vetëm mirënjohjen, por mbi të gjitha, na ka falur lehtësi dhe kurajo për betejen me jetën. Tashmë, fatkeqësisht, shëndeti i Shundit ka marrë një kthesë aspak optimale. Mirënjohje dhe shëndet në familjet tuaja”, shkruan ajo. Pas prishjes së teatrit, Naun Shundi u kthye në artistin që shtëpinë e tij e ktheu në një bujtinë teatri. Përtej zhurmës së madhe edhe në këtë akt të fundit me qetësi na dha një mesazh të qartë. Teatri dhe skena brenda tij ishin të pavdekshme, njëlloj si kontributi që lë ai sot në historinë e artit tonë. #a2cnn #lajmeshqip
Presidenti i Argjentinës, Javier Milei, u detyrua të largohej me shpejtësi nga një aktivitet publik në Buenos Aires të mërkurën, pasi protestuesit hodhën gurë dhe objekte të tjera drejt automjetit të tij, raporton Reuters, përcjell A2 CNN. Milei ndodhej në pjesën e pasme të një kamionçine të hapur, së bashku me ekipin e sigurisë dhe motrën e tij, Karina Milei, e cila është gjithashtu shefe e stafit të presidentit, ndërsa po bënte fushatë për zgjedhjet lokale dhe ato afatmesme që po afrohen. Protestuesit filluan të hidhnin objekte drejt karvanit, ndërsa të paktën një gur goditi kofanon e kamionçinës. Disa sende u panë duke kaluar mbi kokën e presidentit, ndërsa turma thërriste slogane kundër qeverisë si “Ik, Milei”. Sipas zëdhënësit të tij, Manuel Adorni, anëtarë të opozitës “sulmuan” karvanin presidencial, por nuk pati të lënduar. Ngjarja ndodhi në Lomas de Zamora, një bastion tradicional i lëvizjes opozitare, ku Milei po përballet me kritika të ashpra për masat e kursimit dhe skandalet e korrupsionit që kanë përfshirë disa nga bashkëpunëtorët e tij më të afërt. Në qendër të skandalit ndodhet Diego Spagnuolo, ish-drejtues i Agjencisë për Personat me Aftësi të Kufizuara, i cili akuzohet për një skemë ryshfeti. Mediat lokale kanë publikuar regjistrime audio ku një zë, që mendohet të jetë i Spagnuolo-s, flet për pagesa të paligjshme dhe përmend emrin e Karina Mileit. Autoritetet argjentinase kanë kryer bastisje në disa prona më 22 gusht, ndërsa qeveria ka shkarkuar Spagnuolon “si masë parandaluese”. Zgjedhjet lokale në provincën e Buenos Aires më 7 shtator dhe ato afatmesme më 26 tetor janë vendimtare për Milein, i cili synon të forcojë pushtetin dhe të vazhdojë politikat e tij ekonomike për të tërhequr investime të huaja dhe për të rritur tregtinë. #a2cnn #lajmeshqip #shqiperi
Menaxhimi mbetjeve në Shqipëri do të bëhet i ndarë në 10 zona të ndryshme përmes landfilldeve, impianteve për ndarje dhe kompostim mbetjesh dhe stacione transferimi, duke hequr dorë nga inceneratorët. Lajmin e ka ndarë ministrja e Turizmit dhe Mjedisit Mirela Kumbaro teksa prezantoi strategjinë e trajtimit të integruar të mbetjeve, ku theksoi se do të ketë sanksione të ashpra ndaj ndotësve. “Zgjerim i landiflleve ekzistuese, ndërtim i landfilleve të rinj, mbyllje e venddepozitimeve të pakontrolluara në të gjitha zonat. Ashpërsim i sanksioneve, do të jenë shumë të ashpra. Është e rëndësishme që bizneset të kenë detyrim ligjor për të djegur e gjurmuar çdo mbetje që gjenerohet prej tyre”. Sfidë për ministren, është shtimi i flukseve turistike, pasi sipas saj bashkitë e vogla nuk kanë kapacitete për menaxhimin e mbetjeve. “Ajo që shton sfidën është shtimi i flukseve turistike. Nuk është e njëjta gjë si të menaxhosh mbetjet e 2.5 mln banorëve dhe mbetjet e 15 mln banorëve dhe kjo mbetet vështirësi për bashkitë sidomos për bashkitë e vogla. Nëse përmendim bashkitë e vogla Bashkia e Përmetit dhe Gjirokastrës nuk është e mundur për këllqet e këtyre bashkive që ta përballojë vetëm me të ardhurat e tyre”. Kumbaro solli në vëmendje se duke e krahasuar me vitin 2013 kur PS erdhi në pushtet ku ishte vetëm një landfilld dhe sot janë 7, por që nuk mjaftojnë. “Në 2013 mblidheshin në territor 51% e mbetjeve të gjeneruar nga familjet e bizneset. 2020 jemi në 87% dhe në 2024 arritëm në 98% të mbledhjes së mbetjeve. Në 2013 kishim vetëm një landfilld, sot kemi 7 të tilla por këto nuk mjaftojnë, duke marrë parasysh relievin çka e bën të vështirë ushtrimin për bashkitë si bashkia e Tropojës që e ka territorin shumë të vështirë dhe mbetjet që shohim në sipërfaqe të liqenit të Komanit, nuk janë mbetje të hedhura në liqen por të fshatrave të ndryshëm malorë që nuk arrijnë të mblidhen e të shkojnë në një pikë fundore”. #a2cnn #Lajmeshqip #shqiperi #like #share
Login
