Një qytetar ka dërguar një video në redaksinë e JOQ Albania ku shfaqen forcat e policisë teksa vendosin gjoba ndaj disa automjeteve të parkuara në një rrugë pranë një xhamie në Ksamil. Sipas denoncuesit, në atë segment rrugor nuk ndodhet asnjë tabelë që ndalon parkimin, çka e bën të pakuptimtë veprimin e policisë. Ai shprehet i revoltuar duke theksuar se të gjitha mjetet e parkuara aty janë ndëshkuar me gjobë, pavarësisht mungesës së një sinjalistike përkatëse. “Mirëmbrëma, ja çfarë ndodh në Ksamil. Shteti vendos gjoba edhe pse këtu, te kjo rrugë para Xhamisë, nuk ka asnjë tabelë që ndalon parkimin. Thjesht duan të largojnë turistët. Të gjitha makinat që shihni në video janë gjobitur,” – shkruan qytetari. Ky episod ka ndodhur në një periudhë ku Ksamili ndodhet në kulmin e sezonit turistik dhe pritet që autoritetet të tregojnë më shumë kujdes për mënyrën si ndërhyjnë në raport me vizitorët dhe sinjalistikën rrugore.

35K views

Një qytetar nga Fieri ka dërguar një video denoncuese në redaksinë e JOQ Albania, ku tregon një rast shqetësues neglizhence higjienike në picerinë “Lali”. “Përshëndetje JOQ! Bleva një brusketë te 'Lali' në Fier dhe jam shumë i kënaqur me pastërtinë që kanë,” shprehet ai me ironi. Në pamjet që ai ka dërguar, duket qartë një krimb i vogël i bardhë që lëviz në brusketën që sapo kishte blerë, të cilën po e konsumonte. Pasi e vuri re, i riu u neverit dhe nuk e konsumoi më ushqimin. Ngjarja ngre shqetësime për mungesën e higjienës dhe kontrollit ushqimor në këtë subjekt, ndërsa autoritetet përkatëse duhet të ndërhyjnë menjëherë për të garantuar sigurinë e konsumatorëve.

179.3K views

Një qytetare i është drejtuar redaksisë së JOQ Albania për të denoncuar sjelljen aspak etike dhe papërgjegjshmërinë e një klienteje të re, e cila pasi porositi një buqetë me lule, jo vetëm që nuk e pranoi atë, por edhe e bllokoi në rrjete sociale pa dhënë asnjë shpjegim apo ndjesë. Qytetarja, pronare e një dyqani lulesh, tregon se vajza e re kishte bërë porosinë ditën e premte, për t’u dorëzuar të dielën në orën 18:00 pranë “Ringut” në Tiranë. Ajo shprehet se, duke qenë se bëhej fjalë për një vajzë të re, i kishte bërë edhe një zbritje për porosinë, por sjellja që pasoi ishte krejt e papranueshme. “E telefonova 16 herë, i shkruajta 7 herë në Instagram, më la ‘seen’ dhe më pas më bllokoi. Më në fund më përgjigjet me një mesazh ironik: ‘E di unë, o zemra’. Nuk pati as kërkim faljeje,” – shkruan ajo e revoltuar. Ajo shton se korrieri që do të dorëzonte porosinë është lënë të presë për 40 minuta, ndërsa vajza nuk u shfaq kurrë në vendin e takimit. “Po të më thoshte që nuk e donte më, nuk do e bëja. Por kjo mënyrë është një tallje me mundin e tjetrit,” – përfundon qytetarja. Në redaksi kanë mbërritur gjithashtu edhe bisedat mes tyre, të cilat tregojnë qartë nivelin e papërgjegjshmërisë dhe mungesës së respektit ndaj punës së të tjerëve.

16.6K views

Një ngjarje jo e pazakontë ka ndodhur në një BigMarket në rrugën e Dibrës në Tiranë, ku një qytetare ka mbetur e mashtruar pasi kishte shkuar për të blerë disa pako patatina. Ajo tregon se shkoi për të blerë disa gjëra në Market, dhe pa që këto patatina ishin me ofertë. “Super Ofertë 2+1 për vetëm 99 lekë.” E surprizuar nga kjo ofertë e 'parrezistueshme', qytetarja vendosi ta blerë. Pasi ka kaluar në kasë, ajo ka mbetur e habitur se si patatinat që në ofertë kushtonin 99 lekë, në kasë ishin 165 lekë. Ajo thotë se kjo është një vjedhje dhe produkti në fjalë nuk ka asnjë ofertë por është vetëm një mashtrim që në fund rëndon në kurriz të blerësve. “Talljet që bën Bigmarket me ne! Produkti me logo me ofertë, që nuk ka ofertë,” shkruan denoncuesja. Për ata që se dinë, BigMarket është në pronësi të pronësi të deputetit socialist Vullnet Sinaj, i cili siç duket ka vendosur të bëjë oferta për të vjedhur klientët që shkojnë në mirëbesim.

49.6K views

Një qytetare ka denoncuar një tjetër rast ngacmimi në ambiente publike, kësaj here në një lokal në Kamëz. Sipas saj, një burrë që ishte ulur përballë e ka ngulitur shikimin drejt saj për rreth 40 minuta pa ndërprerje, duke bërë gjeste të turpshme e shqetësuese. Ajo shprehet se burri prekte organet gjenitale dhe i luante syrin në mënyrë provokuese. E revoltuar, ajo i është drejtuar redaksisë me këtë mesazh shoqëruar me video: “Ja manjaku tjetër. I frikshëm, ka 40 minuta që nuk më heq sytë për asnjë sekondë. Më bën me sy dhe fërkon organet gjenitale. Ka ndodhur në Kamëz. Qenka psikopat. Zot na ruaj!” Videoja që ka dërguar e konfirmon shqetësimin: burri shihet duke që i ka ngulitur sytë drejt saj, ndërsa bën gjeste dhe mimika me duar. Ky rast vjen pak pas një tjetër ngacmimi të publikuar nga JOQ Albania në plazhin e Velipojës, ku një burrë u denoncua për gjeste të neveritshme ndaj një vajze të re. Po ashtu, një tjetër vajzë nga Durrësi raportoi ditën e sotme një ngacmim pranë stacionit të trenit, ku një burrë i moshuar kishte kryer gjeste të pahijshme ndërsa ajo priste familjarin e saj. Fenomeni po përhapet me ritme shqetësuese, sidomos në hapësira publike si lokale, stacione dhe plazhe, ku vajzat shpesh përballen me ngacmime nga burra të panjohur. Këto raste kërkojnë ndërhyrje urgjente nga autoritetet dhe një reagim të fortë të shoqërisë kundër kësaj sjelljeje të neveritshme.

314.8K views

Një situatë e rrezikshme është raportuar nga një qytetar në tunelin e Elbasanit, rrugës drejt Tiranës. Sipas denoncuesit, një manovër e papërgjegjshme parakalimi nga një tjetër automjet ka rrezikuar jetën e tij dhe bashkëshortes shtatzënë. Ai i bën thirrje policisë të marrë masa për të shmangur tragjeditë në këtë aks. Mesazhi i qytetarit: “O vëlla dua të denoncoj një idiot që desh me vrau mua dhe gruan shtatzënë: sapo të futemi tuneli i Elbasanit rrugës duke ardhur në Tiranë një tip parakalon në krah të kundër. E pashë në moment të fundit dhe bëra një manovër të kaloja në anën tjetër, por andej për fat të keq kishte makina që po parakalonin. Qe fat që kaloi, pasi e kundërta do të ishte fatale për mua dhe gruan shtatzënë. I bëj thirrje policisë të marrin masa para se të marr masa vetë.”

241.1K views

Një qytetare nga Korça ka denoncuar për JOQ Albania një rast vjedhjeje që ka ndodhur ditën e sotme në argjendarinë e saj, ku një grua sipas saj i ka marrë marrë dy unaza floriri. Pamjet filmike të siguruara nga kamerat e sigurisë tregojnë gruan e cila ndodhet brenda dyqanit, duke vëzhguar bizhuteritë dhe duke i provuar ato në duar. Në të njëjtën kohë në ambient ndodhen edhe disa klientë të tjerë, çka e bën më të lehtë veprimin e saj. Sipas denoncimit, pas momentit kur ka marrë unazat, gruaja e fsheh njërën dorë pas shpinës, duke i mbajtur ato të fshehura. Më pas ajo del qetësisht nga dyqani duke bërë sikur po flet në telefon, për të mos rënë në sy. Pronarja e argjendarisë ka bërë denoncimin në polici dhe shprehet se autorja është identifikuar dhe aktualisht është shpallur në kërkim. Ajo i bën thirrje publikut që, nëse e njohin personin nga pamjet, të ndihmojnë në lokalizimin e saj.

9210 views

Dhjetëra qytetarë kanë kontaktuar redaksinë e JOQ Albania për të denoncuar një situatë tejet shqetësuese që po zhvillohet në Borsh, ku zjarri masiv që vijon prej më shumë se 48 orësh, ka marrë përmasa alarmante. Pamjet e dërguara tregojnë qartë flakë të fuqishme dhe re të dendura tymi që po përhapen drejt zonave të banuara. Sipas qytetarëve, pavarësisht përmasave të mëdha të zjarrit, deri më tani nuk është parë asnjë helikopter apo mjet ajror për të ndërhyrë në fikjen e flakëve. Ata shprehen se shteti nuk po merr asnjë masë, ndërkohë që situata po përkeqësohet nga çasti në çast. Pushuesit dhe turistët e shumtë që ndodhen në këtë zonë janë të alarmuar, ndërsa zjarri po i afrohet rrugës nacionale dhe disa banesave. Frika për përhapjen e mëtejshme të flakëve është e madhe dhe banorët kërkojnë ndërhyrje urgjente për të shmangur një tragjedi të mundshme. JOQ Albania i bën thirrje autoriteteve të reagojnë menjëherë, për të vënë nën kontroll situatën dhe për të mbrojtur jetën e qytetarëve, pronat dhe natyrën e zonës turistike të Borshit.

66.5K views

Në redaksinë e JOQ Albania ka mbërritur një video ku shihet një debat mes një qytetareje dhe një burri që ka parkuar një automjet tip Camper përballë dritares së saj. Ngjarja ka ndodhur në një lagje të Tiranës, në rrugën Mine Peza, ku zonja, nga dritarja e apartamentit në kat të parë, i kërkon zotërisë të largojë mjetin, duke i thënë: “Më pengon pamjen!”. Nga ana tjetër, zotëria i camperit refuzon ta lëvizë mjetin, duke i thënë se nuk e heq dhe se ajo mund të ulë grilat. Videoja ka ndezur diskutime: kush ka të drejtë në këtë rast, banorja që kërkon ajër e dritë në shtëpinë e saj, apo drejtuesi i camperit?

147.4K views

Një situatë e rrezikshme është regjistruar sot në plazhin e Potamit, Himarë, ku një fëmijë është parë duke lundruar i vetëm në mes të detit me një paddle board, pa asnjë të rritur pranë. Denoncimi është bërë nga një qytetar anonim, i cili ka dërguar pamje që tregojnë fëmijën në distancë të konsiderueshme nga bregu, ndërsa rreziku që të tërhiqet më tej nga rrymat detare është real. Pushuesit që ndodheshin aty janë shprehur të shqetësuar dhe kanë kërkuar ndërhyrje të menjëhershme, si dhe më shumë kujdes nga prindërit në raste të tilla, sidomos kur bëhet fjalë për fëmijë të vegjël dhe mjete lundrimi si paddle board. Mesazhi i qytetarit: "Përshëndetje JOQ, fëmija noton i vetëm në mes të detit, në Potam, Himarë. Anonim"

18.7K views

Pamje të pazakonta janë regjistruar këtë pasdite në Vlorë, ku një avion është parë teksa i afrohej detit në një lartësi shumë të ulët, duke shkaktuar habi te qytetarët. Sipas informacioneve paraprake, mendohet se bëhet fjalë për një avion zjarrfikës, i cili po merr ujë për të ndihmuar në shuarjen e një zjarri që dyshohet të ketë rënë në zonat përreth qytetit. Banorët kanë nisur të shpërndajnë video dhe foto në rrjete sociale, ndërsa ende nuk ka një konfirmim zyrtar nga autoritetet mbi vendndodhjen dhe përmasat e flakëve. Ndërkohë, prania e avionëve zjarrfikës është një tregues serioz se situata mund të jetë e rrezikshme dhe kërkon ndërhyrje të menjëhershme.

246.7K views

Një situatë kaotike është regjistruar sot pasdite në ambientet e Spitalit Rajonal të Fierit, ku një përplasje fizike mes kushërinjve ka shkaktuar tension dhe ka detyruar ndërhyrjen e menjëhershme të forcave të rendit. Ngjarja ndodhi në prani të pacientëve dhe stafit mjekësor, duke krijuar panik. Sipas dëshmitarëve në vendngjarje, konflikti nisi fillimisht me tone të larta dhe më pas degradoi në përleshje fizike. Policia mbërriti për të neutralizuar situatën. Ende nuk dihen shkaqet e sakta të sherrit, por mendohet të jetë një debat familjar që ka shpërthyer në mënyrë të papritur. Në vijim mesazhi i mbërritur nga qytetarët: "Përshëndetje JOQ, live nga spitali i Fierit, kushërinjtë sherr"

208.4K views

Nuk paskan fund zjarret në Shqipëri.

86K views

Një tjetër rast i arrogancës në rrugët e Shqipërisë është regjistruar në aksin Milot-Lezhë, ku drejtuesi i një makine Mercedes-Benz S Class me targë AB 841 RL ka shkelur çdo rregull të qarkullimit rrugor duke u futur mes për mes makinave të tjera në trafik, pa iu dridhur qerpiku. Pamjet tregojnë qartë momentin kur ai kalon në mënyrë të rrezikshme përballë makinave në lëvizje, duke rrezikuar një aksident të mundshëm në një aks mjaft të frekuentuar. Ky lloj sjelljeje nuk është vetëm shkelje ligjore, por edhe mungesë totale përgjegjësie ndaj jetës së të tjerëve në rrugë. Fatmirësisht, nga ky veprim nuk ka pasur pasoja, por rasti është një tjetër alarm për policinë rrugore që të marrë masa ndaj drejtuesve që e trajtojnë rrugën si pronë private. #udhëtonimekujdes⚠️🙏 #dikushjupretnështëpi⚠️

7899 views

Ndërsa pjesa tjetër e botës shkon drejt energjive të gjelbra dhe teknologjive të pastra, lagjja 22 Tetori në Berat, falë bashkisë po kthehet në një landfill eksperimental të mbështetur nga heshtja institucionale dhe mungesa absolute e ndërgjegjes mjedisore. Sipas qytetarëve, ajo që dikur ishte një lagje e qetë me katër blloqe banimi dhe kosha të shpërndarë me logjikë, tani është shndërruar në një pikë turistike për dashamirësit e aromave të forta, ku mund të soditen mbeturinat në të gjithë madhështinë e tyre. Tetë kosha mbeturinash janë mbledhur në një vend të vetëm, duke krijuar një instalacion ekologjik që frymëzon alergji dhe dëshpërim. Pas publikimit të rastit më 22 Korrik ka ardhur sërish një reagim nga një tjetër banor i cili ka ngritur zërin për t'i bërë “diss” zyrtarëve të Bashkisë dhe Institutit të Shëndetit Publik, duke i ftuar të qëndrojnë pesë minuta pranë kosharisë së famshme pa humbur ndjenjat. Sipas tij, mbeturinat mblidhen në orën 12 të natës, një orar perfekt për spektakël erëzash të forta dhe mizash të paftuara. “Iu përshëndesim nga lagjia 22 tetori ne Berat me kete landfill qe eshte hapur. Eshte ora 11 e drekës dhe te gjithë koshat janë mbushur plot. Plehrat hiqen ne 12 te natës. I lutemi bashkisë nuk i kemi borgj te beje qoke me jetët tona dhe te ktheje lagjen ne landfill dhe i bej diss te gjithë punonjësve te bashkisë qe merren me pastrimin e mbeturinave te gjthe punonjësve te instituitit te shëndetit publik te vijnë këtu nëse qëndrojnë 5 minuta pa i rene te fiket heqim dore nga kjo ankese qe kemi bere komplet si lagje. Ju nuk paskeni nderment te reagoni o kriminela”, dëgjohet duke thene banori i lagjes 22 Tetori Berat.

16.8K views

Prej dy ditësh një vajzë e re është parë në afërsi të shkollës Sami Frashëri në Tiranë, duke bërë veprime të pakontrolluara. Sjelljet e saj kanë kërhequr vëmendjen e banorëve, të cilët bëjnë apel për ndihmë. Vajza ndodhet në Rrugën e Barikadave, dhe sipas qytetarëve ka dy ditë që qëndron në zonë edhe për të fjetur gjumë. “Pershendetje Joq, ju lutem ndihmoni kete vajzen nuk është agresive por vuan nga semundjet e shendetit mendor. Është tek rruga e Barikadave tek Shkolla Sami Frasheri ka 2 dite qe qendron ketu ha pi fle. Nese i jep per te ngrene ose uje, te falenderon nuk esht agresive, po ju lutem ndihmojeni. Shpesh ajo qan nen ze dhe e ze gjumi ne pllaka,” shkruan denoncuesi. Duket se vajza nuk është në gjendje të mirë shëndetësore dhe emocionale, prandaj thirrja në këtë rast shkon për institucionet rehabilituese, që t’i gjenden pranë kësaj të reje në këto ditë me temperatura ekstreme.

259.6K views

Më herët gjatë ditës, JOQ ALBANIA publikoi denoncimin e një qytetari për një incident të pakëndshëm që i ndodhi teksa shkonte për vizitë mjekësore në spital. Ai tregoi se një zonjë që lëvizte me makinë dhe logon e Televizionit “Klan” i preu rrugën pa asnjë lloj sinjali, por edhe pse në faj nisi ta ofendonte dhe kërcënonte. Këtë incident qytetari e ka shoqëruar edhe me pamje nga momenti që zonja e kërcënon. Fill pas këtij publikimi, Televizioni “Klan” ka reaguar publikisht për media duke mohuar se zonja në pamje është punonjëse e tyre. Gjithashtu sipas tyre, logoja e vendosur në automjetin që drejtonte zonja është përdorur në mënyrë të paautorizuar, duke cenuar imazhin dhe reputacionin e TV Klan. Por sipas burimeve për JOQ ALBANIA, bashkëshorti i zonjës në fjalë është punonjës i këtij televizioni. Ky i fundit ka kërkuar fshirjen e videos duke pretenduar se bashkëshortja nuk ka sharë, edhe pse në video shfaqet mjaft agresive. Deklaratë zyrtare e TV Klan TV Klan mbështet publikimet mediatike që synojnë adresimin e problematikave dhe mbrojtjen e interesave legjitime të qytetarëve. Theksojmë se çdo informacion duhet të verifikohet në mënyrë të plotë dhe të saktë përpara publikimit, në përputhje me standardet ligjore dhe etike, nga çdo palë që merr përsipër informimin publik. Në lidhje me videon e publikuar sot në faqen JOQ Albania, sqarojmë publikun se personi i shfaqur në pamje nuk është punonjës i TV Klan. Gjithashtu, logoja e vendosur në automjetin që drejtonte ky individ është përdorur në mënyrë të paautorizuar, duke cenuar imazhin dhe reputacionin e TV Klan. TV Klan dënon çdo shkelje ligjore dhe etike dhe riafirmon angazhimin e vet për respektimin e ligjit dhe promovimin e përgjegjësisë sociale. Në këtë kuadër, institucioni ynë do të ndërmarrë të gjitha veprimet që parashikon ligji për raste të tilla.

3606 views

Një zjarr i fuqishëm ka shpërthyer në zonat kodrinore pranë fshatit Kopaçez, në bashkinë Delvinë, duke krijuar një situatë emergjente. Shtellunga të dendura tymi janë ngritur mbi zonën e përfshirë nga flakët, duke rritur ndjeshëm frikën te banorët lokalë por edhe qytetarët që përdorin aksin Sarandë-Delvinë. Zjarri ka avancuar drejt zonave të banuara, duke vënë në rrezik disa shtëpi, ndërsa temperaturat e larta dhe era po e vështirësojnë kontrollin e flakëve. Situata deri tani paraqitet e vështirë për shkak të terrenit dhe mungesës së ndërhyrjes nga ajri për shuarjen e flakëve.

95.6K views

Një qytetar ka denoncuar pranë redaksisë së JOQ Albania një situatë shqetësuese në Ksamil, ku qentë endacakë po paraqesin rrezik serioz për pushuesit. Në videon e dërguar në redaksi shfaqen disa qen që ndjekin dhe përpiqen të sulmojnë pushuesit që kalojnë në rrugë. Sipas qytetarit, pavarësisht denoncimeve dhe pranisë së rrezikut të qartë për sigurinë publike, autoritetet lokale nuk kanë ndërmarrë asnjë veprim për të zgjidhur situatën. “Video është bërë nga makina ime. Kjo është një situatë alarmante dhe askush nuk po merr masa. Qentë janë agresivë dhe sulmojnë turistët. Është çudi si nuk ka ndodhur ndonjë incident i rëndë deri tani,” – shkruan denoncuesi. Banorët dhe vizitorët i bëjnë thirrje autoriteteve që të ndërhyjnë sa më parë për të garantuar sigurinë e qytetarëve në një nga destinacionet më të njohura turistike të Shqipërisë.

2418 views

Pak minuta më parë, përpara kryeministrisë një i ri është parë duke bërë veprime të çuditshme. Dy efektivë policie dhe një punonjës i gardës janë munduar ta qetësojnë, ndërsa ai ka kërkuar vazhdimisht ujë. Në një moment njëri nga efektivët i jep një bidon ujë dhe ai fillin të lajë kokën. Nuk dihet nëse djali vuan nga ndonjë problem shëndetësor!

5144 views