Trafik, temperatura të larta, zjarre, kaos dhe “kamikazë” që rrezikojnë jetën e shoferëve të tjerë, kështu përshkruhet më së miri e diela e 10 gushtit në vendin tonë. Që prej orëve të para të mëngjesit, JOQ ALBANIA ka marrë me dhjetëra raportime për trafik kilometrik në akset nacionale të vendit. Por në pikat kufitare situata paraqitet edhe më problematike pasi sportelet po punojnë me ritme të ngadalta edhe pse temperaturat janë ekstreme dhe qytetarët kanë mbi 5 orë në radhë. Një shqiptar që po udhëton nga Greqia drejt Shqipërisë nëpërmjet pikës së kalimit kufitar ka raportuar për JOQ ALBANIA se radha në këtë doganë është mbi 5 kilometra dhe makinat mezi lëvizin. Ai i bën thirrje autoriteteve shtetërore shqiptare, por edhe greke, që të punojnë me kapacitet të plotë, pasi është e turpshme që në këto temperatura të qëndrojnë me orë të tëra në radhë, ndërkohë që shumë prej tyre janë me fëmijë.

38.8K views

Ky është momenti kur tre hajdutë kapërcejnë gardhin rrethues të një toke në Mamurras dhe i vërsulen një kontenieri me materiale pune. Ngjarja ka ndodhur rreth 6 muaj më parë, në autostradën pranë Laçit, ku hajdutët kanë mundur ta hapin kontejnerin dhe të vjedhin prej aty 4 korse bari, kabullo elektrikë dhe materiale të tjetra ndërtimi, të cilat sipas pronarit të tyre kushtojnë rreth 20 mijë euro. “Unë jetoj në Amerikë dhe kam ardhur me pushime. Kur shkova te toka pashë që kamerat ishin dëmtuar. Pastaj konstatova se ishte hapur kontejneri dhe kishin vjedhur të gjithë mallin,” shkruan denoncuesi. Ai shton se para një muaji ka bërë një kallëzim në polici, por autorët ende nuk janë zbuluar. Pronari i mjeteve shprehet i vendosur që t’i zbulojë kush janë hajdutët, prandaj kërkon ndihmën e qytetarëve për identifikimin e tyre. “Kush i njeh këta persona të na japë info me të drejtë shpërblimi. +355 69 20 85 745 ky është numri im,” shkruan më tej ai. Denoncimi i plotë: Pershendetje JOQ doja te beja nje denoncim per 3 persona ku kane hyre ne prone dhe kane vjedhur disa objekte me vlere...Do ju ishim te lutur se kush i njeh keta persona te na jepnin info me te drejte shperblimi. Po ju bashkangjisim edhe videot e vjedhjes faleminderit! Eshte bere denoncimi ne polici dhe deri tani asnjë gje seshte zgjidhur. Jane vjedhur 4 korrese bari, kablla elektrik, materiale ndertimi etj gati 20 mij euro mall. Ne Mamurras, Laç autostrad. Ngjarja ka gati 6 muaj, por ngaq jetoje ne Amerik dhe kam ardhur me pushime, dhe kur shkova ke toka pash qe ishin demtuar kamerat, ishin hapur kontenieret dhe ishin vjedhur shume gjera. Tani qe kam ardhur e kam bere denoncimin ka nje muaj e pak.

7770 views

Pavarësisht ndalimit me ligj të shitjes së cigareve elektronike dhe vape-ve për të miturit nën moshën 18 vjeç, shumë dyqane, kioska dhe tabachino vazhdojnë t’u shesin këto produkte fëmijëve dhe adoleshentëve. Një qytetar i shqetësuar nga ky fenomen ka ngritur zërin përmes një denoncimi publik, duke treguar se vëllezërit e tij të mitur, 11 dhe 14-vjeç, arrijnë të blejnë pa asnjë pengesë cigare elektronike në zona të ndryshme të Fushë-Krujës. Ai thekson se në shumë raste, edhe pse në paketim shkruhet qartë që produkti është i ndaluar për personat nën 18 vjeç, shitësit ua shesin kujt munden, pa menduar fare për ligjin apo pasojat. Edhe pse shumë prej këtyre vape-ve reklamohen si "pa nikotinë", ekspertët e shëndetit publik theksojnë se përdorimi i tyre nga fëmijët dhe adoleshentët mbetet shqetësues. Aromat e ndryshme dhe paketimet tërheqëse e bëjnë këtë produkt veçanërisht joshës për moshat e reja, duke krijuar varësi psikologjike dhe normalizuar aktin e "pirjes". Për më tepër, nuk ka garanci për përbërjen e këtyre produkteve, pasi shumë prej tyre importohen pa kontroll të rreptë cilësor, duke rritur rrezikun për shëndetin e përdoruesve. Autoritetet përgjegjëse duhet të marrin masa për të ndalur këtë praktikë të rrezikshme që po përhapet me shpejtësi dhe po cenon shëndetin e të rinjve. Denoncimi i qytetarit: Mirmbrëma! Kam një ankes vellezerit e mi njëri 11 vjeç dhe tjetri 14 u bë disa her që i kap me pufa ose cigare elektronike por më e bukura si ka mundësi që tabachino ja shesin kltyre të miturve. Doja të bëja një ankes nëse ësht e mundur që të bëni diçka sepse të gjitha cigaret e tyre shkruanin +18 dhe fëmijët kan filluar të japin shenha shqetësuese

9721 views

Në vitin 2025, Spitali Rajonal i Durrësit ndodhet në një gjendje alarmante, ku pacientët dhe stafi mjekësor përballen çdo ditë me kushte të papranueshme. Muret e godinës janë të plasaritura, me suva të rënë dhe lagështi të dukshme, ndërsa në shumë pavione mungon uji i rrjedhshëm një domosdoshmëri bazë për çdo institucion shëndetësor. Një qytetar ka dërguar video në redaksi për të dëshmuar gjendjen e degraduar të spitalit të Durrësit. Në vend që të jetë një vend shërimi, spitali po kthehet në një hapësirë të rrezikshme për pacientët. Megjithë premtimet e përsëritura për “modernizim të shëndetësisë”, qeveria dhe Ministria e Shëndetësisë, e drejtuar nga ministrja Albana Koçiu, duket se e kanë lënë sistemin në mëshirë të fatit. Investimet mungojnë, ndërsa kushtet e spitaleve rajonale, përfshirë edhe atë të Durrësit qyteti i dytë më i madh në vend janë degraduar në mënyrë të ndjeshme. Asgjë nuk justifikon që në vitin 2025, pacientët të kurohen në dhoma ku nuk ka as ujë për të larë duart. Ministria e Shëndetësisë, bashkia Durrës dhe qeveria reklamojnë vetëm propagandë, por realiteti flet qartë. Banorët e qytetit shprehen të zhgënjyer nga mungesa e përkujdesjes për shëndetin publik, ndërkohë që fondet publike përdoren për fasada apo projekte luksi në sektorë të tjerë. Të gjitha këto, në një shtet që pretendon të jetë modern, janë një pasqyrë e qartë e dështimit të institucioneve për të mbrojtur të drejtën më bazë të qytetarit, kujdesin shëndetësor.

32.8K views

Një ngjarje e rrallë ka ndodhur në botën e faunës shqiptare: flamingot kanë folezuar për herë të parë në Shqipëri, pikërisht në Lagunën e Nartës. Lajmin e ka bërë të ditur Xhemal Xherri, menaxher i projektit për mbrojtjen e shpendëve të egër, gjatë një lidhjeje me ‘Sot Live në Shqipëri’ në Report Tv. Ai tha se në këtë zonë janë identifikuar mbi 280 fole aktive të flamingove. “Prej disa vitesh kemi monitoruar me kujdes këtë specie, por këtë vit kemi pasur fatin e madh t’i shohim duke folezuar në Nartë. Procesi është drejt përfundimit dhe pritet që brenda dy javësh zogjtë të çelin. Ky është një numër i madh foleve, ndoshta më i madhi në Ballkan, pasi edhe në Greqi ka, por shumë më pak,” – u shpreh Xherri. Megjithatë, ky sukses ekologjik rrezikon të mos zgjasë. Xherri paralajmëroi se ndërtimi i Aeroportit të Vlorës pranë zonës mund të shkaktojë largimin e flamingove për shkak të ndotjes akustike dhe shqetësimeve gjatë folezimit. “Një ndërhyrje pranë foleve mund t’i detyrojë të largohen dhe të mos kthehen më. Aeroporti do ta bëjë të pamundur procesin dhe mund të sjellë zhdukjen e tyre nga kjo zonë, pasi nuk do të përballojnë dot zhurmat,” – shtoi ai. Lugina e Nartës është një nga habitatet më të rëndësishme të shpendëve të rrallë në Shqipëri, dhe kjo folezim historik është një tregues i rëndësisë së saj për biodiversitetin e vendit.

47.3K views

Një banor i zonës së Laknasit i është drejtuar redaksisë së JOQ Albania për të denoncuar një rast të prishjes së qetësisë publike në orët e vona të natës. Sipas tij, një prej fqinjëve ka vendosur muzikë me volum të lartë, pavarësisht se ora kishte kaluar prej kohësh mesnatën. Në videon e dërguar nga qytetari, dëgjohet qartë muzika e fortë që shpërndahet në të gjithë lagjen, ndërsa ora shënonte rreth 01:15. Denoncuesi shprehet se kjo situatë është shqetësuese, sidomos për familjet me fëmijë të vegjël, të cilët nuk mund të flenë nga zhurma. “Përshëndetje JOQ! Këtu ndodhemi në Laknas. Kemi fëmijë të vegjël. Besoj se ka një orar të kufizuar për muzikën e lartë deri në orët e vona. Ka tre netë që vijon kjo situatë,” – thotë ai. Banori kërkon ndërhyrjen e autoriteteve për të respektuar oraret dhe për të mos lejuar raste të tilla që prishin qetësinë e komunitetit. Sipas tij, kjo nuk është hera e parë që ndodh dhe ka nevojë për masa konkrete. Prishja e qetësisë gjatë natës po kthehet në një problem që prek gjithnjë e më shumë qytetarët.

85.1K views

Një vajzë nga Tirana ka denoncuar në redaksinë e JOQ Albania një ngjarje të pakëndshme që i ka ndodhur mbrëmjen e sotme, rreth orës 23:30, në zonën e Stacionit të Trenit. Ajo rrëfen se një djalë iu afrua dhe e komplimentoi, por ajo e injoroi për t’i bërë të qartë se nuk ishte e interesuar. Sipas saj, më pas djali i kërkoi një çakmak, por ajo mohoi me kokë duke vijuar injorimin ndaj tij. Më tej, ajo thotë se ai vazhdoi ta ndiqte, duke i kërkuar emrin dhe duke bërë gjeste të pahijshme. Në një moment, vajza i ka thënë se do të thërriste policinë nëse nuk largohej, por situata u përkeqësua dhe ai nisi ta shante. Vajza ka dërguar edhe një video ku shihet djali duke bërë një gjest të turpshëm. Në video, ai pretendon se e kishte pyetur thjesht për emrin, ndërsa ajo i ishte përgjigjur se do të njoftonte policinë. Mesazhi i plotë i vajzës për JOQ Albania: “Përshëndetje JOQ! Në orën 23:30 tek Stacioni i Trenit mu afrua një djalë dhe më komplimentoi. I dhashë një injorim total që ta kuptonte që nuk isha e interesuar. Më pas më kërkoi çakmak, i tunda kokën në shenjë mohimi, vazhdoi të më ndiqte dhe insistoi për emrin tim. Në atë moment i thashë nëse vazhdon të më ndjekësh do të marr policinë. U agravua dhe filloi të më shante dhe të bënte gjeste të shëmtuara, siç shihen dhe në video! Djema, nuk ka asgjë të keqe të tregosh interes tek një vajzë, të rinj jemi, ama kur ajo nuk tregon interes dhe tmerrohet nga ju, ky nuk është më flirtim, por ngacmim! Faleminderit JOQ!”

82.4K views

Parkimi i gabuar është kthyer në një problem të padurueshëm për banorët e lagjes Goricë në qytetin e Beratit, të cilët tregojnë se ky fenomen është kthyer tashmë në një shqetësim që kërkon ndërhyrje institucionale. Një qytetar tregon me pamje se si shoferët parkojnë automjetet në anë të rrugës, duke u bërë pengesë për qarkullimin e makinave të tjera. “Përshëndetje nga Berati JOQ. Shiko çfarë bëhet në lagjen Gorcië. Kjo situatë është gjithmonë kështu. Nuk ikim dot në shtëpi as në qytet. Nga ura e Goricës deri te hotel Ajka që i themi në, diku 700-800 metra, duhen 30 minuta,” thotë denoncuesi. Në pamje mund të shihet se si makinat janë parkuar në krah të rrugës, duke u bërë pengesë për qarkullimin e automjeteve të tjera, aq më tepër në rast emergjencash. Në këtë video duket dhe një ambulancë që ka mbetur e bllokuar. “Imagjino të kemi rast emergjence. Ambulanca apo zjarrfikësja s’ka shanse të kalojë. Ne me vetura dhe shpeshherë debatojmë jo bëj ti mbrapa jo bëj unë deri sa kërcet grushti. Ju lutemi publikojeni këtë ndoshta e shikon policia e Beratit. Policia nëpër fshatra me rrugë me baltë nuk i toleron me 10 në orë. Ligji është njëlloj thotë policia. Vendosni një radar apo kamer si në Evropë, s’ka policia buxhet për një kamer apo radar,” shkruan më tej denoncuesi. Sipas tij, kjo është një zonë muzeale ku nuk lejohet parkimi fare, por shoferët që parkojnë dhe nuk ndëshkohen nga policia rrugore, bëhen shkaktarë për pengim të qarkullimit të lirshëm, dhe shpesh edhe të debateve mes përdoruesve të tjerë të rrugës. “Nuk lejohet fare parkimi aty se është zonë muzeale. Po futen në sherr shoferët me njëri-tjetrin. Siç e pe qëparë, zjarrfikësja kishte një orë që s’po mund të kalonte,” thuhet në mesazhin e mbërritur në redaksinë tonë. Pritet një reagim nga Policia e Beratit që kjo situatë të marrë zgjidhje, dhe shoferët që parkojnë gabim të ndëshkohen në bazë të parashikimeve ligjore.

27.8K views

Një aksident i rëndë është regjistruar në fshatin Wola Filipowska, në jug të Polonisë, ku një tren është përplasur me një furgon në një kalim hekurudhor. Ngjarja është filmuar nga kamerat e sigurisë dhe u bë publike në datën 6 gusht nga Policia e rajonit të Małopolskës. Pamjet tregojnë momentin dramatik kur furgoni ngec mes barrierave të sigurisë, ndërsa treni afrohet me shpejtësi të madhe. Në pamundësi për të frenuar, makinisti i ka rënë fort borisë që shoferi i furgonit të hapte rrugën, por përplasja ishte e pashmangshme. Për fat të mirë, drejtuesi i mjetit arriti të dalë në kohë dhe i shpëtoi përplasjes pa lëndime. Policia ka bërë thirrje për kujdes të shtuar dhe respektim të sinjalistikës në të gjitha kalimet hekurudhore.

5546 views

Një turiste nga Majroka ka mbetur e habitur gjatë një vizite pushimi në plazhin e Ksamilit në jug të Shqipërisë. Ajo bëri një video dhe e publikoi në rrjetet sociale, duke treguar të gjithë eksperiencën e përjetuar gjatë pushimeve të saj. Vajza thotë se ka udhëtuar në shumë vende të botës, por asnjëherë nuk i është kërkuar pagesë për të qëndruar në rërë ose për t’u futur në det. Gjatë shëtitjes së saj ajo takoi disa spanjollë, të cilëve u tregoi se në vendin e saj çdo gjë ishte falas dhe jo si në Ksamil. “Mbase duhet të mendojmë dhe ne ta kthejmë me pagesë. Mund të bëjmë biznes, sepse kështu i bie që jemi më budallenjtë,” thotë ajo në video. A mendoni se kjo turiste do të kthehet përsëri në Shqipëri për një palë pushime të tjera pas asaj që ka përjetuar?

282.5K views

Mirëmëngjes!

1305 views

Disa ditë më parë, JOQ Albania publikoi pamjet shqetësuese të një gruaje shqiptare, e cila shfaqej duke u endur e vetme rrugëve të Romës, në një gjendje të pasigurt dhe pa asnjë njeri pranë. Videoja preku zemrat e shumë shqiptarëve brenda dhe jashtë vendit, të cilët u solidarizuan dhe shpërndanë apelin për ndihmë. Mbrëmjen e sotme, një qytetar shqiptar që jeton në Itali ka kontaktuar redaksinë e JOQ Albania dhe ka treguar se e ka parë sërish zonjën në një nga rrugët e kryeqytetit italian. Pasi e ka njohur nga pamjet e publikuara më herët, ai ka njoftuar menjëherë një të afërm të saj. Sipas informacioneve që kemi marrë, i afërmi është nisur drejt vendit ku ndodhet gruaja dhe pritet që ta marrë së shpejti, duke i dhënë fund gjendjes së pasigurt në të cilën ajo ndodhet prej ditësh. Pamjet e dërguara në redaksinë tonë tregojnë zonjën, e identifikuar si Marieta Alimuçi, 57 vjeçe, të ulur buzë një biznesi në Romë, në pritje të mbërritjes së të afërmit. Ky rast tregon edhe një herë sesa e rëndësishme është ndihma mes shqiptarëve, kudo që ndodhen. Falë ndërgjegjësimit dhe solidaritetit, u bë e mundur që zonja të mos mbetej më e vetme në rrugët e një vendi të huaj.

55.8K views

Një video shqetësuese ka mbërritur në redaksinë e JOQ Albania, ku shfaqet një automjet tip BMW duke lëvizur kundravajtje në një rrugë të qytetit të Vlorës, duke rrezikuar drejtpërdrejt një përplasje me automjetin që vjen përballë. Në pamje duket qartë momenti kur BMW-ja hyn në krah të kundërt dhe për pak sa nuk përplaset kokë më kokë me makinën nga ku po xhirohej videoja. Distanca mes dy mjeteve bëhet shumë e vogël dhe gjithçka duket si në kufijtë e një aksidenti të pashmangshëm. Pavarësisht situatës së rrezikshme, çastesh shoferi i BMW-së vazhdon përpara pas disa çastesh i bllokuar, pa u shqetësuar aspak, sikur të mos kishte ndodhur asgjë. Qytetarja që ndodhej pasagjere në makinën që u përball me rrezikun, shprehet e trembur: “Na rrezikoi jetën. Zotëria desh na vrau!” Pamjet janë një tjetër dëshmi e papërgjegjshmërisë dhe sjelljes arrogante në rrugët tona, ku disa drejtues mjetesh i vënë të tjerët në rrezik të madh, pa kurrfarë pikë ndërgjegjeje.

75.4K views

Një qytetar ka ngritur shqetësimin e tij pranë redaksisë sonë në lidhje me gjendjen e rrëmujshme të kabullove të internetit në rrugën e Barrikadave, përballë gjimnazit “Sami Frashëri”, në Tiranë. Ai denoncon mënyrën e çorganizuar dhe të rrezikshme me të cilën janë vendosur kabullot, që duken si një “rrjetë merimange” që sa vjen e shtohet, duke dhënë një imazh jo vetëm kaotik por edhe të rrezikshëm për qytetarët që kalojnë aty çdo ditë. “Mirëmëngjesi JOQ, jemi tek rruga e Barrikadave, përballë gjimnazit ‘Sami Frashëri’. Shiko çfarë ndodh me teknologjitë tona! Sa kabuj kemi, sa lidhje janë bërë, katastrofë! Ju lutem, a ka ndonjë zgjidhje për këto kabuj, për këtë rrëmujë që është këtu?”, shkruan qytetari në mesazhin e tij. Pamje të tilla nuk janë të rralla në kryeqytet, por mbeten një turp për institucionet që mbyllin sytë përballë rrezikut dhe mungesës totale të standardeve urbane. A ka një plan për zgjidhjen e këtij problemi, apo do të vazhdojmë të jetojmë nën rrjete kabujsh si në ndonjë lagje të braktisur?

9241 views

Ministri i Investimeve Publike të Serbisë, Darko Glišić, ka pësuar një goditje të rëndë në tru gjatë një interviste live në televizionin TV Pink, mëngjesin e së martës. Teksa ishte i ftuar në një emision të drejtpërdrejtë, ministri nisi të shfaqte shenja shqetësuese dhe nuk arriti të përfundonte bisedën. Transmetimi u ndërpre menjëherë, ndërsa ai u transportua me urgjencë drejt Qendrës Klinike në Beograd. Sipas konfirmimeve nga autoritetet serbe dhe mediave vendase, gjendja shëndetësore e Glišić është kritike. Ai është diagnostikuar me hemorragji cerebrale, është futur menjëherë në ndërhyrje kirurgjikale dhe ndodhet në respirator nën kujdes intensiv. Ministri i Shëndetësisë, Zlatibor Lončar, tha se ekipi mjekësor po bën të pamundurën për stabilizimin e tij, ndërsa theksoi se orët në vijim janë vendimtare. Ngjarja ka sjellë reagime të menjëhershme edhe në nivel shtetëror. Presidenti Aleksandar Vuçić, i cili ndodhet aktualisht në spital pranë Glišić, reagoi me një mesazh të fortë për mikun dhe bashkëpunëtorin e tij të ngushtë: "Darko, mos u dorëzo! Nuk ka dorëzim." Darko Glišić konsiderohet si një nga njerëzit më të besuar të Vuçiçit, me një rol të rëndësishëm si kryetar i Bordit Ekzekutiv të Partisë Progresive Serbe (SNS). Ai ka një karrierë të gjatë në politikën serbe, përfshirë postin e kryetarit të komunës së Ub-it, si dhe si deputet në parlamentin serb.

22.4K views

Një qytetare nga Shkodra ka denoncuar mbrëmjen e sotme në redaksinë e JOQ Albania një rast vjedhjeje që i ka ndodhur në biznesin e saj. Sipas saj, ngjarja është regjistruar rreth orës 21:00, në lagjen Rus, pranë postës. Në pamjet e kamerave të sigurisë shihet qartë një i ri që hyn brenda dyqanit, afrohet tek banaku, merr telefonin celular dhe largohet qetësisht sikur të mos kishte ndodhur asgjë. Denoncuesja thotë se telefoni i vjedhur ishte telefon pune, duke i shkaktuar dëme dhe pengesa të mëdha në aktivitetin e saj. Sipas informacioneve që ajo ka marrë nga uniformat blu, i njëjti person ka kryer të paktën 6 vjedhje të tjera të ngjashme vetëm gjatë ditës së sotme në qytet. “Përshëndetje JOQ, rreth orës 21:00 hyri dikush në dyqanin tim dhe mori këtë telefon. Ka ndodhur në Shkodër, ngjitur me postën në Rus. Kush e njeh, të më lajmërojë. Është telefon pune. Policia na tha që ka bërë brenda ditës së sotme 6 vjedhje celularesh, se e paskan denoncuar edhe të tjerë.” Kërkohet ndihma e qytetarëve për identifikimin e autorit. Nëse dikush e njeh personin që shfaqet në video, ju jeni të lutur të kontaktoni menjëherë redaksinë tonë ose informoni Policinë e Shkodrës.

46.2K views

Një qytetar ka dërguar në redaksinë e JOQ Albania një video të regjistruar në Vlorë, ku tregohet momenti i një ndërhyrjeje të ashpër nga ana e efektivëve të policisë. Në pamjet filmike, shihet një grup prej disa policësh që përpiqen të ndalojnë me forcë një person. Personi fillimisht reziston, por ndodhet i shtrirë përmbys në tokë, ndërsa efektivët e mbajnë të bllokuar. Ndërhyrja fizike e policëve është e dukshme, dhe në një moment njëri prej tyre kryen një lëvizje të shpejtë drejt pjesës së sipërme të trupit të të ndaluarit, e cila duket si goditje. Sipas dëshmisë së qytetarit, ngjarja ka ndodhur pasi automjeti i këtij personi ishte marrë me karrotrec, ndonëse ai pretendon se makina ishte e parkuar rregullisht. Qytetari thotë se pas kthimit të tij dhe kundërshtimit të veprimit të policisë, situata u përshkallëzua në përplasje fizike, duke përfunduar me këtë ndalim të dhunshëm. Sipas tij, policët e kanë goditur me grushte drejtuesin e makinës. Deri më tani nuk ka një reagim zyrtar nga Policia e Shtetit për të sqaruar rrethanat e incidentit dhe arsyet e ndërhyrjes. JOQ Albania do të presë një sqarim zyrtar për këtë ngjarje.

4255 views

Një denoncim shqetësues ka mbërritur në redaksinë e JOQ Albania nga një qytetare në lagjen 17 të qytetit të Durrësit, e cila ngre zërin kundër zaptimit të hapësirave publike nga një subjekt privat. Sipas saj, hapësira e parashikuar në projektin e pallatit si lulishte dhe pronë e përbashkët për banorët, është kthyer në parking privat për një market që po hapet në katin përdhe të pallatit, i quajtur “ProNatyra”. Fillimisht, në zonë ishte vendosur një tra, i cili u hoq nga bashkia pas një kërkese të banorëve. Por, sipas qytetares, situata është përkeqësuar më tej: “Zotëria që ka marketin tani parkon makinën për së gjati çdo ditë, në mënyrë që të mos lejojë hyrjen apo daljen e makinave të banorëve. Edhe dy makinat që shihen aty janë të marketit, askush tjetër nuk ka mundësi të hyjë,” – shprehet ajo në një video që ka dërguar në redaksinë tonë, ku tregon qartë bllokimin e hapësirës. Denoncuesja shton se çdo ditë përplasen me pronarin e biznesit për këtë çështje dhe kërkon ndërhyrje institucionale që situata të zgjidhet njëherë e mirë, pasi hapësira është pjesë e pronës së përbashkët që ata e kanë paguar në momentin e blerjes së banesave. "Kompleksi Jedas ndodhet në lagjen 17. Po përballemi çdo ditë me tensione për diçka që na takon me të drejtë," – shprehet ajo. Në një kohë kur abuzimet me hapësirat publike janë kthyer në problem të përditshëm, raste të tilla kërkojnë zgjidhje të shpejtë dhe të drejtë për të garantuar qetësinë dhe të drejtat e banorëve.

52.6K views

Një ngjarje shqetësuese është raportuar të ketë ndodhur pasditen e sotme rreth orës 18:00 në zonën e Mëzezit në Tiranë, në rrugën dytësore që të çon drejt QTU-së. Një qytetar që po lëvizte me makinë në drejtim të QTU-së tregon se është përballur me një drejtues tjetër mjeti që vinte kundravajtje, me targë AB 519 NP, duke krijuar një situatë të rrezikshme në rrugë. “Po ecja rrugës dytësore pranë Spitalit Hygeia, kur më vjen një person përballë në kundravajtje. Filloi të ulëriste si i çmendur ‘jam i çmendur, hape rrugën!’ Kur i thashë që ku po shkon kundravajtje, ai më tha ‘a polic je ti?’ dhe hapi krahun pak më lart, duke ardhur drejt meje me një pistoletë në dorë.” Momenti i rrezikshëm është filmuar dhe shfaqet në videon e dërguar në redaksinë e JOQ Albania. Në pamje, shihet se rreth vendngjarjes kishte edhe qytetarë të tjerë që u alarmuan nga sjellja agresive e këtij personi. Video është filmuar në momentin që personi në fjalë futet në makinë për të lënë armën dhe kthehet sërish duke i ulëritur drejtuesit të mjetit. Pasi përballja verbale përfundoi, ai është futur sërish në makinë, ndërsa dëgjohet duke ulëritur nëpër dhëmbë, në një gjendje që duket e paqëndrueshme. “Si ka mundësi që ende ka njerëz të tillë në rrugë? Me armë, në kundravajtje dhe me këtë lloj sjelljeje agresive, është e frikshme të qarkullosh.” Ngjarja hedh dritë mbi mungesën e kontrollit dhe sigurisë në rrugët e vendit, ku çdo qytetar mund të përballet me rrezik për jetën nga individë që lëvizin me armë dhe pa asnjë sens përgjegjësie. Institucionet duhet të marrin masa urgjente për identifikimin dhe ndëshkimin e autorit të kësaj sjelljeje të papranueshme.

124.1K views

Një ngjarje shqetësuese raportohet se ka ndodhur sot në plazhin e Pllakave në Ksamil. Një 15-vjeçar ka denoncuar në redaksinë e JOQ Albania se dy turistë të moshuar, me shtetësi belge, janë përpjekur ta ngacmojnë. Sipas adoleshentit, ai është larguar menjëherë nga vendi i ngjarjes dhe ka nisur t’i godasë me gurë për t’i penguar të afrohen sërish. Rasti ngre shqetësime serioze për sigurinë e të miturve në plazhe dhe nevojën e mbikëqyrjes më të rreptë të hapësirave publike, sidomos gjatë sezonit turistik. Mesazhi i dërguar nga qytetari: "Përshëndetje JOQ, sot në Ksamil, në plazhin e Pllakave, këta dy pleq u përpoqën të më ngacmonin. U largova dhe fillova t’i godisja me gurë që të mos afroheshin më. Janë belgë. Unë jam djalë 15 vjeç."

64.2K views