Një qytetar i shqetësuar ka dërguar një video në redaksinë e JOQ Albania, ku shfaqet një grua duke bërtitur dhe sharë në orët e vona të natës. Ngjarja ka ndodhur në rezidencën e Kodrës së Diellit në Tiranë dhe ka shqetësuar të gjithë banorët e lagjes. Gruaja dëgjohet duke përdorur fjalor banal dhe herë pas here ulëret, ndërsa duket se është në një bisedë telefonike me dikë tjetër. Banorët shprehen se i kanë kërkuar disa herë të ndalojë, sidomos pasi në lagje ka edhe fëmijë të vegjël që nuk mund të flenë nga zhurma, por thonë se zonja në fjalë nuk i ka marrë parasysh thirrjet e tyre. “Ka nja 3 orë që bërtet në lagje kjo gruaja. Gjithë banorët kanë dalë dhe i kanë folur, kemi fëmijë të vegjël. Nuk pushon,” – thotë qytetari që ka dërguar videon.

88.4K views

Një ngjarje e rëndë me dy të plagosur ndodhi mbrëmjen e sotme në lagjen “Uji i Ftohtë” të Vlorës, pranë rrethrrotullimit të “Skelës”, ku dy 32-vjeçarë janë goditur me thikë pas një konflikti që dyshohet se ka nisur për motive të dobëta. Të plagosurit janë identifikuar si Kristi Konstadini dhe Indrit Halili, të dy banues në qytetin bregdetar. Sipas informacioneve paraprake, ngjarja ka nisur si një debat mes dy personave, që më pas ka degjeneruar në përplasje fizike dhe përdorim të mjeteve të mprehta. Në redaksinë e JOQ Albania kanë mbërritur pamje të momentit pas sherrit, ku shihen forcat e policisë duke i arrestuar dy 32-vjeçarët e përfshirje në ngjarje. Siç shihet dhe në video, njëri prej tyre arrestohet në mënyrë të dhunshme, ndërkohë që burime për JOQ Albania bëjnë me dije se ky i fundit dyshohet se është konsumator i lëndëve narkotike. Sipas burimeve policore, pas marrjes së trajtimit të nevojshëm mjekësor, ata janë shoqëruar në ambientet e Komisariatit të Vlorës për veprime të mëtejshme hetimore. Në vendin e ngjarjes është sekuestruar edhe mjeti prerës i përdorur gjatë konfliktit.

13.3K views

Një aksident i rëndë ka ndodhur pak minuta më parë në hyrje të qytetit të Gramshit, ku janë përfshirë dy automjete. Pamjet e mbërritura në redaksinë e JOQ Albania tregojnë një nga mjetet të dëmtuar rëndë në pjesën e përparme, ndërsa dëshmitarë nga vendngjarja raportojnë për persona të plagosur, të cilët janë transportuar me urgjencë drejt spitalit. Sipas informacioneve paraprake, dyshohet se mes të plagosurve ndodhet edhe një i mitur, por gjendja e tyre shëndetësore mbetet ende e paqartë. Policia nuk ka dhënë ende një njoftim zyrtar në lidhje me ngjarjen, ndërsa priten detaje të mëtejshme nga autoritetet për shkaqet dhe dinamiken e aksidentit.

82K views

Një qytetar nga zona e Porto Romanos në Durrës i është drejtuar redaksisë së JOQ Albania për të denoncuar ndotjen alarmante që, sipas tij, po vjen nga Porti i ri i Durrësit. Ai shprehet se qymyri që shkarkohet në port po ndot në mënyrë të pakontrolluar të gjithë zonën përreth, duke e bërë jetesën thuajse të pamundur. Pamjet që ka dërguar janë shqetësuese: duart dhe këmbët bëhen të zeza vetëm duke prekur cimenton pranë banesës, e cila është mbuluar nga pluhuri i qymyrit që përhapet në ajër dhe depërton deri në shtëpi. Por më e rëndë është drama njerëzore që po përjeton familja e tij. Ai tregon se motra e vogël, vetëm 5-vjeç, është dërguar tre herë në urgjencë për shkak të bllokimit të mushkërive, të shkaktuara nga ndotja e ajrit. Në mesazhin e tij dërguar redaksisë, qytetari shkruan: “Jam një emigrant dhe banues në Porto Romano, Durrës. Po mbytemi nga tymi dhe pluhuri i portit ku shkarkohet qymyr. Motra e vogël 5 vjeçare është çuar tre herë në urgjencë për bllokim të mushkërive. Nuk dimë çfarë të bëjmë, nuk dimë ku të denoncojmë sepse ata janë ‘të fortë me miq në shtet’. Vendosëm të ju drejtohemi juve, ndoshta gjeni një zgjidhje… ose do të detyrohemi të largohemi përgjithmonë nga ky vend.” Ky është një alarm i rëndë për institucionet dhe autoritetet përkatëse. JOQ Albania i bën thirrje menjëherë Ministrisë së Mjedisit, Policisë së Shtetit dhe të gjitha strukturave përgjegjëse të ndërhyjnë për të ndalur këtë katastrofë mjedisore dhe për të mbrojtur shëndetin e qytetarëve!

45.1K views

Një qytetare ka dërguar në redaksinë e JOQ Albania një video të xhiruar pak minuta më parë në Sarandë, ku shfaqet një skenë e dyshimtë ndërveprimi midis një efektivi policie dhe një drejtuesi mjeti. Në pamje shihet një automjet i ndaluar nga një patrullë policie në një rrugë të qytetit. Dy efektivë i afrohen shoferit dhe zhvillojnë një bisedë të shkurtër. Ajo që ka tërhequr vëmendjen e qytetares që e ka dërguar videon është një moment kur shoferi duket sikur i jep diçka njërit prej policëve. Menjëherë pas kësaj, efektivët largohen nga vendngjarja. Megjithatë, pamjet nuk janë mjaftueshëm të qarta për të konfirmuar me siguri se çfarë ka ndodhur. Qytetarja që ka dërguar videon shpreh dyshime se mund të ketë pasur një dhënie ryshfeti, por thekson se nuk mund ta pohojë me siguri, duke lënë hapësirë për interpretime të ndryshme. Çfarë mendoni për këtë ndërveprim? A është thjesht një kontroll rutinë policor, apo ka diçka që mund të ngrejë dyshime? Ju ftojmë të ndani mendimin tuaj!

32.8K views

Një shqetësim që po përhapet çdo ditë e më shumë mes qytetarëve është zakoni gjithnjë e më i përhapur i hedhjes së fishekzjarreve në orën 00:00, kryesisht për ditëlindje. Ajo që për disa është “festë e bukur”, për shumë të tjerë është burim stresi, frike dhe shqetësimi. Një nënë e re nga Tirana ka ndarë për JOQ Albania një dëshmi shqetësuese: “Çdo natë, në orën 00:00, më duhet të mbyll dritaret sepse do kemi ‘spektakël fishekzjarresh’. Çdo natë bebja ime trembet dhe shpërthen në të qara. A ka ndonjë ligj që i ndalon këto spektakle qiellore në mes të natës? Pse duhet të vuajnë të tjerët për të festuar dikush një ditëlindje?!” Ky nuk është një rast i izoluar. Komentet dhe reagimet e shumta në rrjet tregojnë se një pjesë e madhe e qytetarëve janë të lodhur nga kjo praktikë e pajustifikuar, që shpesh shoqërohet me zhurmë të madhe dhe ndjesi pasigurie. Në mungesë të kontrollit apo ndërhyrjes së institucioneve përkatëse, kjo “modë” e viteve të fundit po kthehet në normë, duke cenuar qetësinë dhe mirëqenien e fëmijëve, të moshuarve dhe gjithë banorëve të zonave urbane. Ndoshta është koha të ngrihemi të gjithë njëzëri dhe t’i kërkojmë bashkive respektimin e rendit dhe qetësisë publike. Ka mënyra shumë më të bukura dhe më të civilizuara për të festuar një ditëlindje, pa cënuar jetën e të tjerëve.

24K views

Një qytetar i cili ushtron aktivitetin si shitës në zonën e Stacionit të Trenit në Tiranë ka dërguar në redaksinë e JOQ Albania një video ku shihen disa të mitur duke grabitur kiosken e tij pas mesnatës, rreth orës 2. Në pamjet e siguruara, dallohet qartë momenti kur njëri prej të miturve futet brenda në kioskë, ndërsa dy të tjerë qëndrojnë jashtë duke ruajtur zonën. Pas pak minutash, edhe një tjetër futet brenda, ndërsa dy të miturit e qëndrojnë jashtë. Sipas tij, nga kioska janë marrë produkte të ndryshme, por edhe para që ndodheshin në arkë. Pronari i kioskës thotë se dëmi i shkaktuar nga vjedhja kap vlerën e 150 deri në 200 mijë lekëve të rinj. “Hyjnë, vjedhin gjithçka dhe largohen të qetë. Dëmi total që më kanë shkaktuar është 1.5 deri në 2 milion lekë të vjetra. Policinë e kam njoftuar, por dua që kjo video të shërbejë si alarm edhe për të tjerët”, – shprehet ai për JOQ Albania. Kjo ngjarje është një tjetër shembull shqetësues i rritjes së rasteve të vjedhjeve të kryera nga të mitur në zonat urbane, çka tregon për mungesën e kujdesit prindëror, mbikëqyrjes institucionale dhe një sistemi efektiv ndëshkimi. Rritja e tillë e devijimeve në moshë kaq të vogël duhet të shqetësojë jo vetëm familjet, por edhe shoqërinë dhe institucionet përgjegjëse. Është momenti për reflektim dhe veprim konkret, përpara se këto raste të shndërrohen në normë dhe jo në përjashtim.

287.4K views

Një qytetar ka dërguar një video në redaksinë e JOQ Albania, ku shfaqen disa turistë të huaj teksa pastrojnë rrugën që kalon në afërsi të fshatit Ishëm, në aksin që të çon drejt Kepit të Rodonit. Sipas qytetarit që ka filmuar videon, ata nuk janë të punësuar nga ndonjë institucion apo organizatë, por po pastrojnë thjesht vullnetarisht, ndërsa vizitojnë vendin tonë. "Ja çfarë bëjnë të huajt, vijnë në Shqipëri dhe na pastrojnë dhe vendin. Thjesht për qejfin e vet. Bravo për kulturën", – shprehet qytetari me mirënjohje. Gjestet e tilla pasqyrojnë një kontrast domethënës mes kujdesit që tregojnë disa vizitorë të huaj ndaj mjedisit dhe mungesës së vëmendjes që shpesh vërehet në ruajtjen e pastërtisë në vendin tonë. Kjo video duhet të shërbejë si reflektim për të gjithë, sidomos për institucionet që shpesh neglizhojnë edhe zonat turistike më të njohura.

135.9K views

Muajt korrik dhe gusht janë zemra e sezonit të dasmave në Shqipëri, një periudhë kur çdo cep i vendit gjallërohet nga këngët, vallet dhe zakonet e trashëguara brez pas brezi. Në mesin e këtyre festimeve, një qytetar ka dërguar në redaksinë e JOQ Albania një video nga një dasmë në Kukës, ku tradita jeton dhe shpaloset me krenari. Pamjet janë filmuar gjatë natës së dajave, një nga netët më të rëndësishme dhe simbolike të dasmës në zonat e veriut, ku familja e nuses pret me nderim dajat. Në këtë rast, është performuar një valle burrash e quajtur “Vallja e shkrepses”, e cila sipas qytetarit e ka origjinën nga zona e Lumës së Kuqe në Kukës. Ajo që e bën edhe më të veçantë këtë moment është prania e tre brezave të ndryshëm: të rinj, burra në moshë të mesme dhe gjyshër që vallëzojnë së bashku nën ritmet e muzikës tradicionale me lodër dhe curle, duke dëshmuar se dashuria për traditën nuk shuhet me kohën. Në qendër të valles shquhet një djalë i ri 20-vjeçar, i cili me krenari dhe përkushtim ruan një trashëgimi që ia kanë lënë të parët. Kjo dëshmon se tradita nuk është një relike e së shkuarës, por një forcë e gjallë që vazhdon të frymëzojë brezat e rinj. Në një kohë kur shumë zakone po zbehen nga ndikimi i modernitetit, kjo video është një kujtesë e bukur dhe e fuqishme se tradita mund të jetojë fuqishëm kur brezat i bashkon dashuria për rrënjët e tyre.

28.7K views

Një tjetër rast skandaloz është regjistruar në rrugët e Tiranës, këtë herë tek rrotullimi i Casa Italia, ku një makinë tip Toyota është futur me sens të kundërt, përballë trafikut të dendur dhe pa asnjë ndjesi përgjegjësie. Pamjet filmike të siguruara nga një qytetar tregojnë momentin kur mjeti vjen përballë duke sfiduar çdo rregull dhe çdo logjikë rrugore. Qytetari që po udhëtonte normalisht, detyrohet të hipë me makinë në trotuar, për të shmangur përplasjen e sigurt. Ngjarja ka ndodhur mbrëmjen e 31 korrikut, rreth orës 19:58, kur rruga është plot me makina, por mesa duket për disa drejtues, rruga është “pronë private” dhe rregullat nuk vlejnë. Mesazhi i qytetarit: "Përshëndetje JOQ. Të lutem publikoje dhe ishalla Policia Rrugore reagon dhe merr masa ndaj kësaj shoferje të pabindur dhe pse jo, t’i pezullohet patenta, pasi më ka rrezikuar jetën me paramendim si dhe mjetin. Kam manovruar mjetin tim duke hipur në trotuar për ta shmangur. Raste të tilla duhet të ndëshkohen dhe të publikohen për t’u bërë mësim për të gjithë shoferët e tjerë që ju duket rruga si oborri i shtëpisë ose si pronë private".

30.9K views

Një lodër argëtuese në zonën Al-Hada të Taifit, në Arabinë Saudite, ka pësuar defekt dhe është rrëzuar gjatë funksionimit, duke shkaktuar 23 të plagosur, mes tyre disa vajza të reja. Sipas autoriteteve lokale, tre prej të plagosurve janë në gjendje kritike, ndërsa të tjerët kanë marrë dëmtime të ndryshme. Ngjarja ka shkaktuar panik në vendin e ngjarjes, ku familjet ishin mbledhur për të kaluar mbrëmjen në parkun e njohur të lodrave në këtë zonë turistike malore. Autoritetet kanë nisur hetimet për të zbardhur shkaqet e aksidentit dhe për të verifikuar masat e sigurisë në objekt.

931.6K views

Një qytetar ka denoncuar një rast të pazakontë dhe shqetësues që i ka ndodhur në një piceri në zonën e “21 Dhjetorit” në Tiranë. Sipas mesazhit të dërguar pranë redaksisë së JOQ Albania, ai kishte porositur një krep, por brenda tij ka gjetur një copë dhëmbi, një ngjarje e papranueshme për çdo standard higjiene dhe sigurie ushqimore. Ngjarja ka shkaktuar neveri dhe shqetësim te qytetari, i cili kërkon të mbetet anonim, por e ka ndarë për të treguar nivelin alarmant të pakujdesisë në përgatitjen e ushqimit, që rrezikon shëndetin e klientëve. Ky rast shton edhe njëherë pyetjet serioze mbi kontrollet e sigurisë ushqimore dhe përgjegjësinë e lokaleve që shërbejnë ushqime për konsum publik, sidomos në zona të frekuentuara të qytetit si “21 Dhjetori”. Mesazhi i qytetarit: "Përshëndetje JOQ. Mora një krep te një piceri te “21 Dhjetori” dhe më qëlloi një copë dhëmbi brenda. Anonim ju lutem".

105.5K views

Një qytetar ka denoncuar pranë redaksisë së JOQ Albania një rast ekstremisht të rrezikshëm në rrugën Elbasan–Pajovë, ku një shofer ka lëvizur gjatë gjithë kohës brenda korsisë me viza të pandërprera, duke rrezikuar seriozisht jetën e vet dhe të të tjerëve. Denoncuesi, që ka hyrë në të njëjtën korsi vetëm për të filmuar situatën, e quan shoferin një "kamikaz" në timon, dhe thotë se gjithë rruga ka qenë kështu – një shkelje e vazhdueshme dhe e pafrenuar e rregullave të qarkullimit rrugor. Sipas qytetarit, veprimet e tilla jo vetëm që sfidojnë çdo normë sigurie, por tregojnë edhe mungesën e kontrollit dhe ndërhyrjes nga autoritetet përkatëse. Mesazhi i plotë i qytetarit: "Përshëndetje, si jeni? Shife çfarë bëhet, o vëlla. Kamikaz fare! Kam hyrë dhe vetë aty te vizat e pandërprera vetëm për t’i bërë videon. Gjithë rruga kështu ka qenë. Në rrugën e Elbasanit për në Pajovë, që e kemi parë vetë. E di që kam hyrë dhe vetë aty te vizat e pandërprera, por hymë vetëm për t’ia bërë videon".

144.6K views

Dy familje nga Gjermania që po kalojnë pushimet në Sarandë kanë denoncuar përmes një mesazhi dërguar në JOQ një situatë të rëndë mjedisore përballë hotelit ku janë akomoduar. Sipas tyre, çdo ditë në një ndërtesë pranë Hotel Butrinti digjet diçka që lëshon tym të zi dhe të dendur, duke ndotur ajrin dhe krijuar një atmosferë të papërshtatshme për pushime. Ata dyshojnë se po digjen mbeturina dhe plastikë, gjë që jo vetëm ndikon në përvojën e turistëve, por dëmton rëndë edhe imazhin e qytetit. Në të njëjtën zonë, përballë kësaj ndërtese, ndodhet një plazh që konsiderohet publik, por ku u kërkohet pagesë pushuesve, një gjë që familjet e konsiderojnë diçka mashtruese dhe të pajustifikueshme. Turistët shprehen të zhgënjyer nga mosreagimi i autoriteteve, ndërkohë që theksojnë se e duan Shqipërinë, por vërejnë një mungesë serioze të kujdesit në Sarandë për mjedisin dhe mirëqenien e vizitorëve. Përkthimi në shqip: "Përshëndetje skuadra JOQ, Jemi dy familje nga Gjermania dhe po kalojmë pushimet në vendin tuaj të bukur. Dëshironim të raportonim një problem. Çdo ditë përjetojmë një mjedis të ndotur përpara hotelit. Po pushojmë në Sarandë dhe po qëndrojmë në Hotel BUTRINTI. Çdo ditë digjet diçka në godinën përballë hotelit. Tym i zi ngrihet gjatë gjithë ditës. Tymi helmon ajrin dhe kundërmon. Dyshojmë se po digjen mbeturina dhe plastikë. Kjo nuk është normale. Përpara godinës që lëshon tym ndodhet një plazh publik. Turistët duhet të paguajnë aty. Kjo është një mashtrim. Rastësisht pamë faqen tuaj në Instagram dhe donim ta raportonim. E duam Shqipërinë, por këtu në Sarandë vëmë re se autoritetet përgjegjëse nuk po tregojnë kujdes. Faleminderit shumë. Familja Schultz & familja Mecke"

74.6K views

Një banor i Ersekës ka denoncuar sot në redaksinë tonë, Erion Isain, kryetarin e Bashkisë Kolonjë, pasi e akuzon për prishjen e paligjshme të një stalle bagëtish të ndërtuar në një tokë që ka certifikatë pronësie dhe është në proces legalizimi. Sipas fermerit, Isai ka vepruar pa asnjë vendim gjykate dhe në kundërshtim me ligjin, duke i shkatërruar një biznes që ai e ka ndërtuar me sakrifica prej më shumë se 10 vite, mes borxhesh dhe kredish. Ai thotë se falë këtij vendimi të paprecedentë nga Isai, sot ka mbetur në mes të katër rrugëve bashkë me 200 krerë lopë dhe kuaj që mbante në stallë. Me dimrin që po afrohet dhe 3 kredi të pashlyera, fermeri kërkon ndërhyrjen e institucioneve shtetërore për t’i dhënë zgjidhje kësaj problematike Denoncimi i fermerit: Pershendetje! Jam një banor nga Erseka. Kjo eshte video e stalles se lopeve qe kryetari i bashkise Erion Isai e prishi sot. Doja ta denoncoja si rast flagrant dhe ne kundershtim me ligjin pasi toka eshte me certifikate pronesie dhe me proces legalizimi. Eshte prishur per tekat e kryetarit te bashkisë. Eshte ne proces legalizimi. Me ka len 200 krere lop kuaj ne rruge kam 3 kredi e borxhe te pa shlyera. Kam 10 vjet qe mezi po e ngre si biznes me borxhe me kredira e me hodhi ne rrug te madhe pa pik meshire. Ku ti shpie mallin une dhe mbi te gjitha tallet e krenohet qe ma prishi thjesht me nje karte te leshuar nga ai vete. Dimri po vjen, kredi sme japin me, ku te vete e te mbytem . Me hodhi ne rruge dhe asnjeri spo mer masa per ate e per mua qe me shkatërroj sakrificën e 10 viteve. Te jam shum mirnjohes per postimin se ndoshta e shikon kush e ve doren ne zemer per mua se me shkatërroj, me mbeti malli rrugeve e vetëm Zoti vente dore. Gjith ky mall me mbeti rrugve

69.7K views

Shitësi i një kioske në zonën e Zogut të Zi, në Tiranë ka denoncuar një incident shqetësues ku një fëmijë është kapur nga kamerat e sigurisë duke vjedhur disa patatina. Ajo që e bën edhe më “interesante” vjedhjen është se fëmija ka vendosur bluzën e tij në kokë, në formën e një maske, duke u përpjekur të fshihet si një "ninxha". Shitësi i dyqanit nuk kërkon asgjë në këmbim, por kërkon që rasti të bëhet publik vetëm për të informuar familjen e fëmijës se me çfarë merret ai. Mesazhi i shitësit: “O joq si jeni? Shihni cfare ndodhi te nje tabakino tek Zogu i Zi. Ishte nje kalama fytyra si duket por besoj familja edhe mund ta njofi nga akletet dhe rrobat. S’duam gje mbrapsht por tpakten ta dine se cfare ben femija i tyre. Anonim tlutem po nqs ju intereson per ta postuar

302K views

Një qytetar ka dërguar një video në redaksinë e JOQ Albania ku shfaqen forcat e policisë teksa vendosin gjoba ndaj disa automjeteve të parkuara në një rrugë pranë një xhamie në Ksamil. Sipas denoncuesit, në atë segment rrugor nuk ndodhet asnjë tabelë që ndalon parkimin, çka e bën të pakuptimtë veprimin e policisë. Ai shprehet i revoltuar duke theksuar se të gjitha mjetet e parkuara aty janë ndëshkuar me gjobë, pavarësisht mungesës së një sinjalistike përkatëse. “Mirëmbrëma, ja çfarë ndodh në Ksamil. Shteti vendos gjoba edhe pse këtu, te kjo rrugë para Xhamisë, nuk ka asnjë tabelë që ndalon parkimin. Thjesht duan të largojnë turistët. Të gjitha makinat që shihni në video janë gjobitur,” – shkruan qytetari. Ky episod ka ndodhur në një periudhë ku Ksamili ndodhet në kulmin e sezonit turistik dhe pritet që autoritetet të tregojnë më shumë kujdes për mënyrën si ndërhyjnë në raport me vizitorët dhe sinjalistikën rrugore.

35K views

Një qytetar nga Fieri ka dërguar një video denoncuese në redaksinë e JOQ Albania, ku tregon një rast shqetësues neglizhence higjienike në picerinë “Lali”. “Përshëndetje JOQ! Bleva një brusketë te 'Lali' në Fier dhe jam shumë i kënaqur me pastërtinë që kanë,” shprehet ai me ironi. Në pamjet që ai ka dërguar, duket qartë një krimb i vogël i bardhë që lëviz në brusketën që sapo kishte blerë, të cilën po e konsumonte. Pasi e vuri re, i riu u neverit dhe nuk e konsumoi më ushqimin. Ngjarja ngre shqetësime për mungesën e higjienës dhe kontrollit ushqimor në këtë subjekt, ndërsa autoritetet përkatëse duhet të ndërhyjnë menjëherë për të garantuar sigurinë e konsumatorëve.

179.3K views

Një qytetare i është drejtuar redaksisë së JOQ Albania për të denoncuar sjelljen aspak etike dhe papërgjegjshmërinë e një klienteje të re, e cila pasi porositi një buqetë me lule, jo vetëm që nuk e pranoi atë, por edhe e bllokoi në rrjete sociale pa dhënë asnjë shpjegim apo ndjesë. Qytetarja, pronare e një dyqani lulesh, tregon se vajza e re kishte bërë porosinë ditën e premte, për t’u dorëzuar të dielën në orën 18:00 pranë “Ringut” në Tiranë. Ajo shprehet se, duke qenë se bëhej fjalë për një vajzë të re, i kishte bërë edhe një zbritje për porosinë, por sjellja që pasoi ishte krejt e papranueshme. “E telefonova 16 herë, i shkruajta 7 herë në Instagram, më la ‘seen’ dhe më pas më bllokoi. Më në fund më përgjigjet me një mesazh ironik: ‘E di unë, o zemra’. Nuk pati as kërkim faljeje,” – shkruan ajo e revoltuar. Ajo shton se korrieri që do të dorëzonte porosinë është lënë të presë për 40 minuta, ndërsa vajza nuk u shfaq kurrë në vendin e takimit. “Po të më thoshte që nuk e donte më, nuk do e bëja. Por kjo mënyrë është një tallje me mundin e tjetrit,” – përfundon qytetarja. Në redaksi kanë mbërritur gjithashtu edhe bisedat mes tyre, të cilat tregojnë qartë nivelin e papërgjegjshmërisë dhe mungesës së respektit ndaj punës së të tjerëve.

16.6K views

Një ngjarje jo e pazakontë ka ndodhur në një BigMarket në rrugën e Dibrës në Tiranë, ku një qytetare ka mbetur e mashtruar pasi kishte shkuar për të blerë disa pako patatina. Ajo tregon se shkoi për të blerë disa gjëra në Market, dhe pa që këto patatina ishin me ofertë. “Super Ofertë 2+1 për vetëm 99 lekë.” E surprizuar nga kjo ofertë e 'parrezistueshme', qytetarja vendosi ta blerë. Pasi ka kaluar në kasë, ajo ka mbetur e habitur se si patatinat që në ofertë kushtonin 99 lekë, në kasë ishin 165 lekë. Ajo thotë se kjo është një vjedhje dhe produkti në fjalë nuk ka asnjë ofertë por është vetëm një mashtrim që në fund rëndon në kurriz të blerësve. “Talljet që bën Bigmarket me ne! Produkti me logo me ofertë, që nuk ka ofertë,” shkruan denoncuesja. Për ata që se dinë, BigMarket është në pronësi të pronësi të deputetit socialist Vullnet Sinaj, i cili siç duket ka vendosur të bëjë oferta për të vjedhur klientët që shkojnë në mirëbesim.

49.6K views