Një qytetar i është drejtuar redaksisë së JOQ Albania për të denoncuar gjendjen skandaloze të rrugëve në zonën e Kamzës. Ai thotë se sapo ishte kthyer nga Italia dhe duke shkuar drejt shtëpisë, në rrugën që lidh Bashkinë e Kamzës me drejtimin e Niklës, ka pësuar një dëm të madh pasi i janë çarë të katër gomat e makinës për shkak të gjendjes katastrofike të rrugës. Qytetari shprehet i indinjuar, duke thënë se institucionet nuk bëjnë asgjë përveçse mendojnë për interesat e tyre, ndërsa qytetarët përballen çdo ditë me rrugë të shkatërruara që u dëmtojnë automjetet. Ai ka dërguar edhe një video nga vendngjarja, ku duket qartë gjendja skandaloze e rrugës, ndërsa thekson se makinën e ka lënë atje dhe është detyruar të kthehet në banesë me taksi.

17K views

Një denoncim shqetësues ka mbërritur në redaksinë e JOQ Albania, duke vënë në qendër të vëmendjes një problem serioz të ndotjes akustike në qytetin e Fierit. Banorët e një lagjeje të tërë, në zemër të qytetit, po vuajnë prej zhurmës së padurueshme që vjen nga një lokal, e cila vijon deri në orët e vona të natës. Qytetari ka dërguar edhe një video, në të cilën tregon se zhurma shkon në nivele të papranueshme, duke regjistruar vlera që kalojnë 100 decibel, një shifër alarmante për shëndetin e banorëve. Ja denoncimi i plotë që ka mbërritur në redaksinë e JOQ Albania: "Përshëndetje JOQ. Doja të ndaja me ju një shqetësim për banorët e një lagjeje të tërë pasi nuk gjejmë zgjidhje as te policia dhe as te bashkia. Jemi në qendër të qytetit të Fierit dhe është ora 23:30. Ndërkohë, në një prej lokaleve pas Turizmit, lokali Portokallet, ofrohet muzikë live me një zhurmë të tmerrshme. Vetëm në Shqipëri mund të ndodhin të tilla çudira në zonë të banuar. Ju lutem e ndaj me ju këtë shqetësim pasi vetëm tek ju mund të denoncojmë dhe të dëgjohet zëri. Lokali në fjalë quhet lokal Portokallet. E kemi lajmëruar policinë, na thonë se e ka organizuar bashkia. Kjo nuk është normale. Në mes të lagjes. Një tmerr për banorët. Qoftë edhe në mes të ditës. Kjo është prishje e qetësisë publike. E tmerrshme." Siç shihet në videon e dërguar, situata është vërtet alarmante. Me anë të një aplikacioni për matjen e zhurmës (Sound Meter), qytetari ka regjistruar nivele decibelësh (dB) që shkojnë deri në 107.8 dB. Kjo vlerë është shumë më e lartë se normat e lejuara për zonat e banuara, sidomos në orët e vona të mbrëmjes. Zhurma mbi 70 dB tashmë konsiderohet e dëmshme për dëgjimin dhe qetësinë, ndërsa vlerat mbi 100 dB janë potencialisht të rrezikshme dhe mund të shkaktojnë dëmtim të përhershëm të dëgjimit. Përgjigja e policisë, se aktiviteti është organizuar nga bashkia, referuar dëshmisë së qytetarit, e bën edhe më të rëndë shkeljen, duke lënë banorët të pambrojtur përballë një abuzimi të tillë. Ndotja akustike në zona të banuara është një shkelje e hapur e ligjit dhe e të drejtës themelore të qytetarëve për të jetuar në një ambient të qetë dhe të shëndetshëm.

10.5K views

Një qytetar ka denoncuar në redaksinë e JOQ Albania një ngjarje të rrezikshme në Rrugën e Arbrit, ku një shofer, i dyshuar në gjendje të dehur, ka vënë në rrezik serioz jetën e tij dhe të drejtuesve të tjerë. Në pamje shihet një automjet që lëviz në mënyrë të çrregullt, duke kaluar në korsinë e kundërt disa herë. Fillimisht, mjeti në fjalë për pak sa nuk përplas makinën ku ndodheshin qytetarët që filmuan videon, duke u futur rrezikshëm në drejtimin e tyre. Më pas, në fund të videos, shihet teksa ai hyn sërish në kundravajtje dhe për pak shkakton një aksident ballor me një tjetër mjet që i vinte përballë. Qytetari që dërgoi denoncimin shkruan: “Drejtuesi i mjetit ishte në gjendje të dehur, desh na mori në qafë. Për pak sa nuk shkaktoi një aksident. Ngjarja ndodhi para një ore, në Rrugën e Arbrit, ishte duke na vra.” Fatmirësisht tragjedia u shmang dy herë brenda pak sekondave, por rreziku ka qenë i madh si për denoncuesin, ashtu edhe për drejtuesit e tjerë në rrugë.

70.7K views

Një aksident është regjistruar pak minuta më parë në unazën e qytetit të Durrësit. Sipas një dëshmitari okular, ngjarja u shkaktua nga drejtuesi i një motori, i cili dyshohet se ishte në gjendje të dehur ose nën efektin e lëndëve narkotike, pasi po lëvizte në mënyrë të çrregullt, majtas e djathtas, dhe gjithashtu qarkullonte pa drita. Në tentativë për të shmangur përplasjen me motorin, një automjet tip Benz ka humbur kontrollin dhe është përplasur me 5 makina të parkuara në anë të rrugës, duke përfunduar në anën tjetër të rrugës. Dëshmitari që ka dërguar edhe pamje nga vendngjarja, rrëfen për JOQ: “Aksident i sapondodhur në unazën e Durrësit. Për t’iu shmangur motorrit që i preu rrugën, Benzi aksidentoi 5 makina të tjera. Motorristi, në gjendje të dehur apo i droguar, po lëvizte sa majtas djathtas dhe pa drita. Për të mos aksidentuar motoristin, shoferi i Benzit humbi kontrollin dhe u përplas me makinat e parkuara. Motorristi u largua nga vendngjarja pa u ndalur fare.” Fatmirësisht nga aksidenti nuk ka asnjë të lënduar. Ende nuk ka një njoftim zyrtar nga policia lidhur me shkaqet dhe rrethanat e aksidentit.

63.6K views

Banorët e një pallati që ndodhet në rrugën ‘Murat Tërbaçi’ në zonën e Lungomares në Vlorë, janë prej të paktën tre javësh pa ashensor. Një qytetare i është drejtuar redaksisë sonë për të denoncuar këtë problem që po ua vështirëson jetën të gjithë banorëve, sidomos të moshuarve dhe personave me aftësi të kufizuara. Ajo tregon se ashensori për pallatin me 9 kate është shumë i vogël, duke krijuar vonesa për banorët. Pavarësisht gjithëçkaje, ashensori është jashtë funksionit prej tre javësh. “Prej më shumë se tre javësh ashensori i vetëm i pallatit nuk funksionon. Pallati është 9 kate dhe ka vetëm këtë ashensor, i cili përveçse është shumë i vogël, është jashtë funksionit pa ndonjë njoftim zyrtar për shkakun ose afatin e riparimit,” thotë denoncuesja. Ajo shprehet se këtë problematikë e ka referuar dhe në institucione, por pa marrë asnjë zgjidhje. “Administrimi i pallatit është marrë përsipër nga vetë ndërtuesi i kompleksit, Z. Flamur Kadena. Unë kam një fëmijë 1-vjeç dhe është shumë e vështirë të hip 9 kate me këmbë e ti zbres me karrocë e gjërat e nevojshme për fëmijën. Plus që kam dhe kunatën që kur vjen këtu është invalidë, e ngelet e bllokuar në ashensor,” shton më tej zonja. Banorët kërkojnë që të merren masat e nevojshme në mënyrë që problemi i ashensorit të zgjidhjet sa më parë. Ata kërkojnë që të kryen të gjitha kontrollet për të garantuar që ashensori plotëson të gjitha kushtet e sigurisë.

30.8K views

Vjedhjet në Shqipëri po bëhen gjithnjë e më të shpeshta, duke u shndërruar në një problem serioz për shoqërinë. Shumë qytetarë ndihen të pambrojtur përballë këtyre rasteve, ndërsa autorët shpeshherë mbeten të lirë edhe pas denoncimeve. Një qytetar nga Tirana i është drejtuar redaksisë së JOQ Albania për të denoncuar një rast të tillë, ku thotë se i është vjedhur tenda elektrike me vlerë rreth 5 mijë euro. Ai ka dërguar edhe pamje filmike ku shihet momenti i vjedhjes. Qytetari shkruan: "Përshëndetje JOQ, ju lutem më ndihmoni se më kanë vjedhur tendën elektrike me vlerë 5 mijë euro. I bëj thirrje personit që e ka marrë ta kthejë për 24 orë, se kam dhe foto e video të tij, përndryshe do ta denoncoj në polici. Ka ndodhur dje në orën 3 të mëngjesit më ka marrë komplet tendën. Është hera e dytë që më vjedh i njëjti person, pasi disa ditë më parë më kishte marrë edhe ullukun e tendës. E ndoqa me makinë në 3 të mëngjesit, i bërtita por nuk ndaloi dhe nuk arrita ta kap. Taksirat, po më ndihmuat se mos m'i prishin. Vjedhja ka ndodhur në rrugën Bernardin Palja, te shkolla e Kolegjit Turgut Ozal, Tiranë.” Qytetari kërkon ndihmën e publikut për ta identifikuar dhe për t’i kthyer tendën e vjedhur, ndërsa paralajmëron se nëse kjo nuk ndodh, do të drejtohet në polici.

28.3K views

Banorët e Lezhës janë duke u përballur prej disa ditësh me një zonjë agresive e cila bën veprime të pakontrolluara në rrugët e qytetit. Nëpërmjet një video të dërguar në redaksinë tonë, një qytetare kërkon ndihmë nga institucionet, që zonja në fjalë të rehabilitohet në një qendër për përkujdesje ndaj personave në nevojë. Ajo dëgjohet duke bërtitur me të madhe: “Largoni menjëherë makinën afër portës time”. Qytetarët raportojnë se zonja mban në dorë një shkop, me të cilin i drejtohet fëmijëve në rrugë. Sipas tyre ajo përdor dhe fjalor banal. “Ju lutem joq postojeni. Kjo grua ka dit ne qytetin e Lezhes qe mban shkop ne dore dhe kercenon femijet me rrug dhe flet fjal banale. Ju lutem i bejm thirrje bashkis Lezhe qe te marre masa se ka nevoj per trajtim,” shkruan denoncuesi. Nuk dihet nëse zonja në fjalë vuan nga ndonjë sëmundje e shëndetit mendor.

12.7K views

Qytetarët e Laçit po përballen prej mujash me një fenomen të çuditshëm që po u shkakton shumë probleme, sidomos në lëvizjen me automjete. Bëhet fjalë për vjedhjen e kapakëve të pusetave, të cilat merren nga persona të panjohur duke lënë nëpër rrugë gropa të thella që shpesh bëhen rrezik për aksidentet. Një aksident ka ndodhur së fundmi në Laç, ku një qytetar që po udhëtonte me makinë ka rënë brenda në pusetë. Për pasojë ai ka prishur gomën e cila thotë se i kushton 80 euro. “Ne mes te Lacit kan vjedh puseten nga 3 muj dhe askush nuk ven dore bashkia lacit nuk ka marr masat e ka lan ne mshir te fatitit ku qytetar te ndryshem kan kalu ne at rrug dhe tgjith kan ra brenda dhe damet e makines kan qan te shumta ne shum raste jo vetem mu por shum e shum tjer si une,” shkruan denoncuesi. Qytetarët i bëjnë thirrje institucioneve lokale që të reagojnë dhe të vendosin kapakë të rinj për pusetat, në mënyrë që aksidentet të shmangen.

78.3K views

Makina u gjet 10 minuta pas publikimit nga ana jonë, faleminderit për besimin.❤️ “Shum flm nga ju e gjetem makinen vlla sapo na telefonuan jeni m tmiret. Po direkt pasi e postuat ju makina u gjet na telefonuan nga Saranda,” shkruan ai.

58.9K views

Një aksident i frikshëm ka ndodhur në Texas, ku një çift influencerash kanë shpëtuar paq nga përplasja e një makine me xhamin e një lokali ku ata ishin duke drekuar. Nina Santiago dhe i dashuri i saj Patrick Blackwood, po filmonin një video duke shijuar ushqimin dhe më pas do ta publikonin në rrjetet sociale. Por kamera e tyre filmoi një moment që ata asnjëherë nuk do ta kishin menduar. Një automjet tip SUV i cili po udhëtonte me shpejtësi 35-40 mhp goditi xhamin e lokalit dhe më pas tavolinën e tyre. Të dy u ngritën menjëherë nga tavolina e tyre duke u larguar për t’i shpëtuar aksidentit. Në pamje duket se si Patrick i panikosur ngrihet menjëherë për të ndihmuar Ninën. Të dy kanë marrë çarje nga ciflat e xhamave. Pavarësisht gjithëçkaje, ata e postuan videon në YouTube duke e cilësuar këtë ngjarje si një përvojë që u ndryshoi jetën. “Kjo eksperiencë na bëri të kuptojmë sa e çmuar është jeta,” shkruan ata.

138.4K views

Ky qen i racës ‘Pit Bull’ ka tre ditë që po terrorizon banorët e Yzberishtit. Qeni nuk dihet i kujt është, por prej sipas banorëve prej tre ditësh sillet rrotull nëpër lagje i lirë. Një banore që ka denoncuar rastin në redaksinë tonë, thotë se ka njoftuar bashkinë dhe policinë nëpërmjet numrave të tyre zyrtarë, madje u ka dërguar dhe video, por asnjë masë nuk është marrë. “Publikojeni mbase është më serioz shteti kur flasim nëpërmjet jush dhe jo zyrave të tij,” shkruan ndër të tjera qytetarja. Banorët kërkojnë që të merren masa për izolimin e kafshës, pasi sipas tyre kërcënohet jeta e fëmijëve dhe personave të rritur në lagje. Ata shtojnë se qeni ka sulmuar disa herë banorët, por fatmirësisht nuk ka kafshuar asnjë person deri më tani. Në pamje duket se si qeni i rrezikshëm lëviz komplet i lirë, pa një litar ose mbrojtëse dhëmbësh, duke u kthyer në një rrezik për të pranishmit. Shpresojmë që pas këtij publikimi institucionet të marrin masa për rehabilitimin e kafshës, dhe jo helmimin e tij. Më poshtë denoncimi i plotë i qytetares: “Prsh, nje qen pitbull gati i terbuar ka mbi 3 dite ne mes lagjes ne Yzberisht. Kemi folur dhe derguar video numrit te bashkise dhe policise e asnje mase nuk eshte marre. Mbase eshte me serioz shteti kur flasim nepermjet jush dhe jo zyrave te tij. Qeni kercenon jeten e femijeve e banoreve adult..disa here ka sulmuar pa arritur ende te kafshoje. Ktu eshte nje shesh plot me femije dhe te rritur sic duket edhe ne video. Çdo dite eshte e njejta situate e frikshme.”

20.8K views

Një video e publikuar nga një vloger italian është bërë virale në rrjetet sociale, duke ngjallur mijëra reagime dhe komente. Në pamjet e shpërndara, vlogeri Lugi Sica tregon një moment të filmuar nga kamera e sigurisë në dhomën e gjumit, ku duket sikur kukulla “Labubu” ndizet vetë dhe më pas rrëzohet, ndërsa ai dhe familja e tij janë duke fjetur. Videoja është shpërndarë me shpejtësi dhe ka marrë mijëra shikime dhe komente. Shumë përdorues kanë shprehur habinë dhe kureshtjen e tyre, ndërsa të tjerë mendojnë se mund të jetë një montazh apo efekt i qëllimshëm për të tërhequr vëmendjen. Në përshkrimin e videos, vlogeri italian shkruan: “Kamera e sigurisë zbulon një Labubu të pushtuar nga djalli”. Pavarësisht debateve, një gjë është e sigurt: kukulla “Labubu”, e cila është kthyer në trend global së fundmi, ka bërë sërish bujë, kësaj here duke u kthyer në “protagoniste” të një videoje që po bën xhiron e rrjetit.

5736 views

Një qytetare i është drejtuar redaksisë sonë me një denoncim në lidhje me shërbimin në Urgjencën e Durrësit. Sipas saj, një mjeke ka refuzuar t’i japë trajtimin e nevojshëm për anemi, duke mos pranuar t’i aplikojë hekurin venoz edhe pse e kishte me urgjencë. Qytetarja pretendon se në vendngjarje ndodheshin edhe disa persona të tjerë që mund të konfirmojnë episodin, ndërsa kamerat e sigurisë në spital, sipas saj, mund të vërtetojnë ngjarjen. Ajo thotë se është detyruar të udhëtojë drejt Tiranës për të marrë trajtimin mjekësor. Në një video të siguruar nga qytetarja shihet mjekja që largohet, ndërsa dëgjohet vetë denoncuesja duke i drejtuar fjalë mjekes: “Thuaje dhe një herë, si the? Nuk më prek me dorë?! ” Megjithatë, mjekja nuk dëgjohet të japë ndonjë përgjigje në lidhje me pretendimet e qytetares në video, duke e kaluar në heshtje këtë episod. “Dua të bëj një denoncim urgjent për këtë doktoreshën në Urgjencën e Durrësit që të sëmurët me anemi nuk i prek me dorë se nuk japin ryshfet. Policia nuk e hapi telefonin në këtë moment. Janë dëshmitarë shumë persona që po prisnin në radhë, pra të sëmurë. Janë dhe kamerat e sigurisë në urgjencë. Ishin 17 dëshmitarë. Kam bërë video dhe denoncim ku ajo ikën nga aty. Nuk pranoi të më japë hekur venoz që e kisha me urgjencë. Po detyrohem të shkojë në Tiranë të marrë shërbimin. Bëra analizat dhe mjekim nuk më japin në urgjencën e Durrësit, kjo doktoresha”, shkruan qytetarja. Redaksia jonë thekson se këto janë pretendime të qytetares, ndërsa ftojmë institucionet përkatëse të sqarojnë rrethanat e ngjarjes.

278.8K views

Një video e publikuar nga qyteti i Adanës në Turqi që tregon mënyrën se si policët bashkiakë ndërhyjnë ndaj bizneseve që zënë trotuaret dhe hapësirat publike, është bërë virale në internet. Forcat e bashkisë në këtë qytet sekuestruan tabelat, stendat, karriget dhe çdo material tjetër të vendosur padrejtësisht në rrugë e trotuare, duke vendosur gjithashtu gjoba për ata që nuk respektuan urdhrat e mëparshëm. Ndërkohë, edhe në Shqipëri është nisur një aksion për lirimin e hapësirave publike, por sipas dhjetëra raportimeve që kanë mbërritur në redaksinë e JOQ Albania, rezultatet nuk janë aspak të kënaqshme. Qytetarët shprehen se bizneset po trajtohen si “ca të njerkës e ca të nënës”, ku disa u prishen shtesat që kanë zënë hapësirat publike, ndërsa të tjerët, ata që kanë lidhje me pushtetin lokal apo qeverinë, lihen të paprekur. Ky standard i dyfishtë ka shkaktuar indinjatë tek qytetarët, të cilët kërkojnë që aksioni të zbatohet njësoj për të gjithë, pa dallime dhe pa favorizime.

27.6K views

Një situatë shqetësuese ka nisur në Vleshë, njësia administrative Sllovë, Dibër, ku një person pretendon se është pronar i Ujit të Ftohtë, një burim uji kurativ që historikisht është frekuentuar nga banorët dhe vizitorët. Sipas denoncimit të qytetarit për JOQ, ky individ po ndalon me forcë njerëzit të kenë qasje në këtë burim të rëndësishëm publik. Banorët tregojnë se pronari i pretenduar i ujit i largon vizitorët duke përdorur kërcënime dhe dhunë verbale, duke thënë: "Ikni, më mirë, ose më dajak." Kjo situatë ka krijuar shqetësim në komunitet, pasi qasja në këtë burim është e rëndësishme për shëndetin dhe jetën e banorëve. Qytetari i ka bërë thirrje institucioneve, veçanërisht Policisë, që të ndërhyjnë sa më shpejt për të zgjidhur këtë konflikt dhe për të garantuar qasje të lirë dhe të sigurt në Ujin e Ftohtë, duke shmangur përplasje dhe keqkuptime të mëtejshme në zonë. "Përshëndetje! Ujit të ftohtë në Vleshë, të njësisë administrative Sllovë, Dibër, i del pronari. Shiko çfarë bëhet! Aty është uji i ftohtë kurativ, që historikisht është frekuentuar nga njerëzit. Ai person pretendon të jetë pronari i ujit dhe po i largon njerëzit me forcë. Thotë: "Ikni, me të mirë, ose më dajak." Me pak fjalë, bëhet pengesë për njerëzit dhe i kërcënon. Ndoshta institucionet (policia) duhet të ndërhyjnë", shkruan qytetari për JOQ.

64.7K views

Një qytetar ka dërguar pamje shqetësuese nga aksi rrugor Lezhë–Milot, ku një shofer i një automjeti tip Mercedes Benz, me targa AB 067 RI, është kapur duke kryer një manovër të rrezikshme. Sipas qytetarit, drejtuesi i mjetit u fut në parakalim të gabuar nga ana e majtë e rrugës, duke dal nga rruga vetëm për të shmangur trafikun, duke u kthyer kështu në një kërcënim serioz për përdoruesit e tjerë të rrugës. Pamjet e siguruara tregojnë qartë momentin kur automjeti kryen manovrën, duke rrezikuar automjetet e tjera në rrugë.

97.3K views

Banorët e Shëngjergjit kanë denoncuar publikisht një situatë alarmante që lidhet me shfrytëzimin e burimit të ujit “Krullia”, i cili ndodhet në zonën e tyre dhe ka një rëndësi jetike për komunitetin lokal. Në një deklaratë të drejtuar mediave, ata akuzojnë organet kompetente, përfshirë Komisariatin nr. 4 dhe institucionet lokale, se kanë injoruar ankesat dhe shqetësimet e banorëve, ndërkohë që i kanë dhënë mbështetje të hapur kompanisë “Burimi Krullia SHPK” me administrator Blerim Ndou nga Puka, e cila po zhvillon punimet në burim pa konsultim me publikun dhe pa transparencë mbi ndikimet afatgjata në mjedis dhe furnizim me ujë. Sipas banorëve, jo vetëm që nuk janë dëgjuar, por janë përballur edhe me presion dhe kërcënime të vazhdueshme për të mos kundërshtuar punimet, pavarësisht se ky projekt ndikon drejtpërdrejt në të drejtën e tyre për akses në ujë të pastër dhe në një mjedis të sigurt. Ata kërkojnë hetim të menjëhershëm të të gjitha procedurave të ndjekura nga kompania dhe institucionet publike, duke theksuar se situata po përkeqësohet dhe komuniteti po margjinalizohet. Një tjetër shqetësim i ngritur nga banorët është edhe pranisë së rreth 10 dyqaneve aktive në Tiranë që, sipas tyre, përdorin logon “Shëngjergji” dhe “Krullia” për të tregtuar ujë të mbushur në mënyrë të dyshimtë, në kushte jo higjienike, nga kanale të panjohura. Ata kërkojnë ndërhyrje urgjente për ndalimin e kësaj praktike, duke theksuar se e gjithë popullsia e Tiranës po rrezikohet nga një produkt që nuk kontrollohet dhe nuk është i certifikuar. Deconcimin e banorëve e gjeni në Web.

243.8K views

Një qytetare, pronare e një biznesi në Tiranë ka denoncuar një akt i pahijshëm nga një kalimtare, e cila në vend që të kalonte në trotuar, ka zgjedhur të shkelmojë një nga vazot dekorative të vendosura para dyqanit. Pamjet janë kapur nga kamerat e sigurisë, ndërsa pronarja e dyqanit shprehet e shqetësuar për këtë sjellje, e cila përveçse e dëmshme, është edhe tregues i mungesës së respektit ndaj hapësirës publike dhe pronës private. Denoncimi i qytetares: “Pershendetje mund ta publikoni kete video qe dikush qe e ka familjare kete femer, grua apo si mund ta quaj kete njeri qe lulja i vret syrin, njeri qe se pelqen te bukuren ta shikoj se cfare ben kur ecen rruges, sa e sjellshme dhe me edukate e kane kete pjestaren e familjes. Pjesa perpara dyqanit nuk eshte rruge kalimtaresh, ngjitur eshte trotuari dhe ky njeriu ne video preferon me mire te shkelmoje vazot me lule sesa te kaloj ne trotuar. Ju lutem postojeni qe ta ndergjegjesojne sado pak familjaret e saj se ndoshta ka nevoje ti falin me shume dashuri qe te arrij te hapi syte e mos ta vrasi gjeja e bukur. Faleminderit Pardje me daten 14.08 2025. Un jam me pushime por me thane qe te kishin rezuar nje vazo. Hapa kamerat pashe kete "zonjen" qe i shkelmonte. Tek rruga "Xhavit Shyqyri Demneri" ne Tirane

197.1K views

Në krahinën e Dibrës, një ndër zakonet më të veçanta lidhet me rolin e dajave në ditën e dasmës. Kur ata shkojnë për të marrë nusen, sipas traditës nuk shkojnë kurrë bosh, por marrin me vete edhe një dash dhuratë. Ky veprim është simbol i begatisë, i mbarësisë dhe i respektit që dajat tregojnë për familjen e vajzës. Dashi, si dhuratë, ka një kuptim të thellë: ai përcjell urimin që në shtëpinë e re të çiftit të mos mungojnë mirëqenia dhe harmonia. Kjo traditë e trashëguar brez pas brezi vazhdon të ruhet edhe sot, duke mbetur një nga elementet që e bën të dallueshme kulturën e dibranëve.

17.5K views

Një incident i frikshëm ka ndodhur sot në lagjen nr.1 të Sarandës, një nga zonat më të frekuentuara gjatë sezonit turistik. Dyshohet se një shkëndijë elektrike ka shkaktuar flakë dhe tym, teksa turistë dhe fëmijë ndodheshin pranë. Për fat të mirë nuk raportohet për të lënduar, por frika ka përfshirë banorët dhe vizitorët. Incidenti tregon mungesën e mirëmbajtjes së infrastrukturës elektrike në një nga pjesët më të populluara të qytetit. Banorët kërkojnë reagim të shpejtë nga autoritetet për të parandaluar fatkeqësi të mëtejshme, ndërsa turistët mbeten të shqetësuar nga rreziku që paraqesin shkëndijat elektrike në hapësira publike. Mesazhi qytetarit: "Përshëndetje JOQ, gjendja momentale, Sarandë vëlla. Kjo zonë është full me njerëz dhe turista nga gjith bota në sezon. Fëmijë gjithashtu. Kemi familje. Ndodhet brenda trotuarit, lagjia nr.1 turizmi. Vendi më i populluar në Sarandë për sezon".

4196 views