Mirëmëngjes!

6739 views

Çudirat në rrugët tona nuk kanë të sosur. Çdo ditë shfaqen raste që tregojnë papërgjegjshmëri alarmante nga drejtuesit e automjeteve, duke vënë në rrezik jetën e tyre dhe të qytetarëve të tjerë. Ngjarja e fundit ka ndodhur në Tiranë, në zonën e ish-sheshit Shqiponja. Në orët e para të mëngjesit të sotëm, një shofer autobusi është filmuar teksa lëvizte në krahun e kundërt të rrugës, duke vijuar qetësisht sikur të ishte gjëja më normale. Sipas dëshmitarëve, autobusi për pak sa nuk shkaktoi një aksident të rrezikshëm duke u përplasur “kokë më kokë” me një automjet që vinte në krahun e saktë të drejtimit. Nuk dihet nëse shoferi i autobusit ishte i përgjumur nga udhëtimi që mund të ketë bërë për orë të gjata përgjatë natës, apo ka ndonjë arsye tjetër, megjithatë fakti është se veprimi i tij rezulton të jetë një shkelje flagrante e rregullave të qarkullimit që nuk duhet të ndodhë. “Si jeni? Ju duket normale kjo? Sot nga ora 5 e mëngjesit, për pak sa nuk u përplas kokë më kokë. Ka ndodhur te ish-sheshi Shqiponja në Tiranë,” shkruan qytetari që dërgoi pamjet. Në video shihet qartë autobusi me targa “AB 228 SS” që lëviz në sens të kundër qarkullimi. Nuk dihet nëse në momentin e ngjarjes autobusi kishte pasagjerë brenda. Ky rast duhet të ngrejë shqetësimin për mënyrën se si qarkullojnë mjetet e transportit publik dhe kontrollin që bëhet mbi to. Shoferë të tillë nuk rrezikojnë vetëm veten, por dhjetëra jetë të tjera në rrugë.

155.1K views

Një aksident rrugor ka ndodhur pak minuta më parë në Rrugën e Arbrit, pranë fshatit Brrar. Sipas dëshmive të qytetarëve që ndodheshin në vendngjarje, një furgon ka humbur kontrollin, duke dalë nga rruga dhe përfunduar disa metra më poshtë. Si pasojë e aksidentit, drejtuesi i mjetit ka pësuar lëndime. “Përshëndetje JOQ! Sapo ka ndodhur një aksident në Rrugën e Arbrit, në fshatin Brrar. Shoferi ishte i dehur, po lëvizte me shpejtësi të lartë dhe humbi kontrollin,” shkruan një qytetar. Në pamjet e siguruara nga redaksia jonë shihet qartë se si automjeti ka dalë nga rruga dhe ka përfunduar disa metra më poshtë saj. Ende nuk ka një njoftim zyrtar mbi gjendjen shëndetësore të shoferit.

66.1K views

Banorët e fshatit Vilëz, që bën pjesë në njësinë administrative Zall-Bastar të Bashkisë Tiranë, kanë kontaktuar redaksinë tonë për të denoncuar gjendjen e rënduar të rrugës që lidh fshatin me zonat e tjera. Edhe pse ndodhet vetëm pak kilometra larg nga qendra e Tiranës, rruga është në kushte tejet të amortizuara, gjë që sipas banorëve, e bën situatën gjithnjë e më të vështirë, sidomos tani që afrohet dimri. “Përshëndetje JOQ! Shikoni në çfarë gjendje është rruga e fshatit Vilëz, pa nisur akoma dimri është kthyer në katastrofë,” shkruan një prej banorëve. Ai shton se premtimet për asfaltimin e rrugës janë përsëritur prej vitesh, por deri më sot nuk është ndërmarrë asnjë hap konkret. “Ka të paktën pesë vjet që na thonë se do ta asfaltojnë, por ende nuk është bërë asgjë,” thekson ai. Banorët apelojnë që institucionet përgjegjëse të ndërhyjnë sa më parë, pasi rruga e amortizuar u vështirëson lëvizjen e përditshme dhe po ndikon negativisht në jetën e komunitetit, duke çuar gradualisht në boshatisjen e zonës.

45.3K views

Ditën e djeshme JOQ Albania publikoi shqetësimin e instruktorit të rekrutëve që vijnë të rij në ushtri. Ai tregonte se djemtë po largohen çdo ditë e më shumë nga radhët e ushtrisë, për shkak të një rregulli që është kthyer në bezdisës, ku ushtarët urdhërohen që të rruhen çdo ditë përpara se të nisin stërvitjen. “Vijnë rekrutë të rinj në kursin fillestar, janë shumë të përgatitur, pastaj bëjnë kërkesë të heqin dorë kur e kuptojnë se është me detyrim heqja e mjekrës,” shkruante insturktori, duke vijuar më tej me kërkesën që ky rregull të rishikohet. Menjëherë pas këtij denoncimi, me dhjetëra ushtarë por edhe djem të rinj që duan t’i bashkohen ushtrisë, i janë drejtuar redaksisë sonë duke shprehur të njëjtin shqetësim. Njëri prej tyre i cili ka vëllain ushtar, me anë të një bisede telefonike, tregoi se ka shumë dëshirë t’i bashkohet ushtrisë dhe të japi kontributin e tij për Shqipërinë, por pjesa e mjekrës e step. “Unë jam një qytetar që kam shumë dëshirë të bëhem pjesë e Ushtrisë, por për shkak të mjekrës nuk dua që të jep atje. Nëse bëhet e lejueshme mjekra... unë njof shumë vetë që nuk futen vetëm për këtë gjë,” thotë ai. Të tjerë ushtarë kanë treguar me anë të mesazheve atë që kanë përjetuar. Njëri shkruan: “Unë kam bërë kam bërë shërbimin te Bataljoni i Mbështetjes së Shtabit të Përgjithshëm që quhej më parë Bataljoni i Sigurimit. Aty abuzohet jashtëzakonisht me ushtarët të cilët i përdorin për çdo lloj pune, nuk ju paguajnë ditët shtesë, nuk ka pushime, ushtarët ndihen të shfrytëzuar dhe për këtë arsye refuzojnë të rinovojnë kontratat.” Një tjetër djalë i ri shkruan se po merr kurim për shkak të heqjes së përditshme të mjekrës. “Unë personalisht po përdor ilaçe të lëshuara nga dermatologu për të trajtuar infeksionet dhe irritimin që shkaktoj rruajtja e vazhdueshme. Mbajtja e mjekrës nuk ndikon në stërvitje dhe nuk pengon asnjë detyrë ushtarake. Ndihem i demoralizuar nga kjo rregullore dhe jam duke menduar që në fund të kontratës, të largohem nga Ushtria vetëm për këtë arsye.” Këto por edhe denoncime të tjera, kërkojnë një reagim nga Ministria e Mbrojtjes që rregullorja e mjekrës të rishikohet, në mënyrë që ushtria të mos mbetet vetëm si emër, por të ketë dhe anëtarë që japin kontribut në të.

185.4K views

Dibra ka zbuluar një mënyrë të re për të testuar durimin e qytetarëve, rrethrrotullimi kryesor i qytetit është zaptuar nga firma Selami Shpk. Një betonierë në veprim, që po derdh beton për një pallat, ka bllokuar qarkullimin normal të qytetit prej një jave. Policia e zonës, e cila zakonisht duhet të ndihmojë në ngërçin e qarkullimit, duket se ka vendosur në këtë rast të shikoj nga larg. Ndoshta është një formë e sofistikuar e artit të qetësisë urbane ose thjesht një mënyrë për të mos u përfshirë kur pushteti është në krah. Duket se në Dibër, kush ka një firmë ndërtimi, një betonierë dhe pushtetin në krah, ka jo vetëm pallatin, por edhe rrugën. Në këtë rrethrrotullim të Dibrës, kjo ngjarje tregon qartë se fuqia e pushtetit privat mbi hapësirat publike, është më i fortë se çdo rregull. Mesazhi i qytetarit: “Përshëndetje JOQ, dua të denoncoj këtë situatë në Dibër. Prej një jave rruga është e bllokuar, sidomos tek rrethrrotullimi, ndërsa policia nuk merr asnjë masë. Vetëm ju na jepni zgjidhje, pasi shteti mungon.”

70.2K views

Një denoncim ka mbërritur pranë redaksisë sonë nga banorët e zonës së pallateve të Malazezit, te Kthesa e Kamzës. Dikur një lagje e qetë dhe e sigurt për familjet, sot është shndërruar në një zonë kaosi, për shkak të zhvendosjes së terminalit të furgonëve të veriut mes pallateve të banuara. Sipas qytetarëve, problemi është përkeqësuar ndjeshëm këtë vit, pasi me rikonstruksionin e terminalit kryesor, të gjithë furgonët janë spostuar përkohësisht brenda lagjes. Pasojat, sipas tyre, janë të rënda: zhurmë e pandërprerë, ndotje, mungesë sigurie për fëmijët që luajnë poshtë pallateve dhe stres i vazhdueshëm për banorët. “Është e papranueshme që një lagje banimi të kthehet në stacion transporti. Ne jetojmë çdo ditë me frikën se mos ndodh ndonjë aksident, për shkak të qarkullimit të pandalur të mjeteve të mëdha,” – shkruan një prej banorëve në emër të gjithë komunitetit. Banorët i bëjnë thirrje institucioneve përkatëse, veçanërisht Bashkisë së Tiranës dhe autoriteteve të transportit, që të ndërhyjnë sa më shpejt për t’i dhënë zgjidhje këtij problemi. “Kërkojmë vetëm një gjë të thjeshtë: të jetojmë në qetësi dhe siguri,” përfundon apeli i tyre.

71.9K views

Sepse ti, lexues i vjedhur, pa shpresë dhe pa ujë, nuk i kupton këto gjëra sepse ke halle më bazike. Të kërkojmë ndjesë.

30.4K views

Një nënë shqiptare ka rrëfyer për JOQ Albania një përvojë të pazakontë dhe thellësisht shqetësuese që lidhet me vajzën e saj 8-vjeçare dhe kukullën e famshme Labubu, një lodër që ka ngjallur alarme të shumta në rrjete sociale për ndikimet negative që mund të ketë tek fëmijët. Nëna tregon se vajza e kishte parë këtë kukull virale tek shoqet dhe në TikTok, dhe i kishte kërkuar me ngulm që t’ia blinte. Pa e menduar gjatë, ajo ia plotësoi dëshirën. Por brenda tre ditësh, përvoja me këtë lodër është kthyer në një përjetim traumatik. Në një video të dërguar në redaksi, dëgjohet vajza teksa qan me dënesë dhe tregon mes lotësh se kishte fikur dritën në dhomë për të parë se çfarë do të ndodhte me Labubun, bazuar në ato që kishte dëgjuar nga të tjerët. “Kur e pashë, po lëvizte vetë. Për Zotin, jo jastëku, por vetë Labubu lëvizte sa andej këndej,” thotë vajza, ndërsa zëri i saj i dridhur dhe lotët tregojnë qartë ankthin e fortë që ka përjetuar. Nëna rrëfen më tej se vajza kishte dalë nga dhoma e tmerruar dhe ishte përplasur tek motra e madhe, me buzët dhe thonjtë e nxirë nga frika, duke u dridhur dhe duke qarë pa pushim. Ajo thotë se që prej atij momenti, vajza nuk fle më e qetë dhe ka frikë të qëndrojë vetëm. “Unë s’mund të jem as e para e as e fundit që ka përjetuar diçka të tillë, por po e ndaj që sadopak të ndikoj tek prindërit e tjerë. Ju lutem, mos i blini këto budallallëqe fëmijëve tanë,” shkruan ajo. Kukulla Labubu, e cila është bërë virale veçanërisht në TikTok dhe Instagram, ka nxitur shqetësime të shumta kohët e fundit. JOQ Albania ka raportuar edhe më parë raste të pazakonta të lidhura me këtë lodër, ndërsa shumë përdorues në rrjet kanë ngritur alarmin për ndikimin emocional negativ që mund të ketë tek fëmijët, duke e cilësuar si “kukull demonike”, “të  frikshme”, apo “e papërshtatshme për fëmijët e vegjël”. Ky rast vjen si një thirrje e fortë për kujdes nga prindërit: jo çdo trend apo lodër që duket popullore në internet është e sigurt për fëmijët tanë. Prindër, informohuni më parë, sepse pas një kukulle mund të fshihet një makth i vërtetë për një shpirt të brishtë 8-vjeçar.

935.6K views

Mirëmëngjes!

679 views

Një situatë e pazakontë dhe alarmante është denoncuar mbrëmjen e së martës në Durrës, ku një mjet është futur mes turmës së njerëzve që po ndiqnin një koncert në qendër të qytetit. Ngjarja e filmuar nga një qytetar ka shkaktuar panik mes të pranishmëve, por fatmirësisht nuk ka patur të lënduar. Videoja, e cila është dërguar në redaksinë e JOQ Albania, tregon qartë momentin kur një makinë me targa AB 885 DZ, depërton në zonën e destinuar për ndjekësit e koncertit, duke i hapur rrugë me forcë mes turmës së mbledhur. Pamjet tregojnë njerëzit që lëvizin me nxitim për të shmangur makinën, ndërsa kjo e fundit vazhdon të ecë përpara. Sipas dëshmisë së qytetares që bëri denoncimin, shoferi nuk ka ndaluar edhe kur policët i kanë bërë shenjë me tabelë për t’u ndalur. Ende nuk dihet se cili ishte qëllimi i shoferit dhe çfarë e shtyu të vepronte në këtë mënyrë. Mjeti duket se ka lëvizur ngadalë, duke evituar përplasjen me njerëzit, por sjellja e tij ka qenë e rrezikshme dhe ka vënë në rrezik sigurinë e qytetarëve që ndodheshin në qendër të Durrësit, në bulevardin 'Epidamn'. Autoritetet ende nuk kanë dhënë një deklaratë zyrtare për ngjarjen, por kjo situatë nxjerr në pah nevojën për masa më të rrepta të sigurisë në evente të tilla masive, ku fluksi i njerëzve është i lartë. Pavarësisht faktit se nuk ka të lënduar, incidenti shërben si një kujtesë e rëndësishme për rreziqet që mund të shkaktohen nga veprime të tilla të pakujdesshme.

46.2K views

Rrëfimi i plotë i tij në JOQ: “Përshëndetje JOQ, doja të shkruaja diçka në lidhje me fatkeqësitë që po ndodhin në Shqipëri për vetëvrasjet. Jam një djalë 17 vjeç, i cili kam qenë mbi 10 herë gati në atë gjendje. E di shumë mirë se çfarë mendimesh mund të kenë pasur të ndjerët. Doja të thoja vetëm diçka: prindërit t’i kushtojnë shumë vëmendje fëmijëve, të mos i anashkalojnë, sepse fëmija i tyre mund të duket i lumtur, por kjo është gjëja më e gabuar. Mund të jetë e kundërta. E kam kaluar vetë. Prindërit e mi më pyesnin përherë, çdo moment, por që të mos i shkaktoja mërzitje, nuk i tregoja kurrë. Aktroja sikur çdo gjë ishte mirë, por po digjesha përbrenda, dhe ata të shkrejtët më besonin. Mund të isha postuar dhe unë te faqja juaj, por mendoja pak më shumë... Nejse, edhe një herë: prindër, mos i lini fëmijët tuaj t’i kalojnë problemet vetëm. Afrohini sa më afër vetes tuaj.” I pyetur më tej nga redaksia jonë se çfarë mendimesh i vijnë kur përjetonte kriza të tilla, ai përgjigjet: “Sikur do lirohesh nga diçka që të mban peng. Rast tjetër që kam pasur: e ardhmja, të gjithë moshatarët e mi do ecnin në jetë, unë jo. Sikur bota do ishte ndryshe pa mua, më e lumtur. Sikur jam i tepërt në këtë botë. Do të ishte mirë nëse e postoje, mbase mund të parandalohet një tragjedi.” Ky mesazh është një thirrje e dhimbshme, por e vërtetë, për çdo prind dhe institucion: fëmijët kanë nevojë për mbështetje, për vëmendje dhe për dashuri të pakushtëzuar. Vetëm kështu mund të parandalohet përsëritja e historive kaq tragjike.

39.7K views

Një turiste nga Finlanda i është drejtuar redaksisë së JOQ Albania për të denoncuar një incident të pakëndshëm që i ka ndodhur në vendin tonë. Ajo ka ndarë një video ku shfaqet një debat me disa të rinj, pasi, sipas saj, ajo kishte refuzuar të bisedonte me njërin prej tyre. Në pamje shihen tre të rinj: dy djem në një motor, të cilët nuk përfshihen në debat, dhe një tjetër me bluzë të zezë, i identifikuar nga shokët si “Nini”. Ky i fundit i drejtohet në anglisht turistes me ton agresiv, duke ju afruar në një mënyrë kërcënuese dhe duke i thënë: “A e di që je në Shqipëri këtu? Nuk mund të më thuash mua ‘largohu, largohu, largohu’”, duke e detyruar atë të përdorë duart për ta shtyrë. Njëri prej djemve në motor përpiqet ta qetësojë dhe i kërkon të largohet, ndërsa turistes i duhet të përballet me gjeste dhe fjalë kërcënuese. Vetëm në fund i riu duket se kupton gabimin, duke u munduar ta mbyllë situatën me fjalët “natën e mirë, natën e mirë”. Sipas mesazhit të saj, turistja është ndjerë e kërcënuar dhe është detyruar të mbrohet “mendërisht dhe fizikisht”. Ky rast hedh dritë mbi sjellje të papërshtatshme ndaj vizitorëve, që dëmtojnë imazhin e vendit. Është e domosdoshme që autoritetet të marrin masa ndaj rasteve të tilla, në mënyrë që turistët të ndihen të sigurt dhe të mirëpritur në Shqipëri.

17.6K views

Një ngjarje e rëndë është regjistruar mbrëmjen e sotme në qytetin e Lushnjës, ku një pallat është përfshirë nga flakët, duke shkaktuar panik tek banorët. Raportohet se dhjetëra persona janë bllokuar brenda ndërtesës për shkak të tymit dhe zjarrit, ndërsa katër prej tyre janë dërguar me urgjencë në spital për ndihmë mjekësore. Në vendngjarje kanë shkuar menjëherë dy mjete zjarrfikëse dhe dy ambulanca, të cilat po punojnë për evakuimin e banorëve dhe neutralizimin e flakëve. Ende nuk dihen shkaqet që çuan në shpërthimin e zjarrit, ndërsa policia dhe zjarrfikësja vijojnë operacionin në terren.

75.9K views

Bruna, nëna e 22-vjeçares Rozalinda që vuan nga sëmundja e rrallë ‘Neurofibromatozë’, i është drejtuar redaksisë sonë me një mesazh falënderimi plot emocion për të gjithë shqiptarët që u bënë krah në ditën më të vështirë për familjen e saj. Dy ditë më parë ne publikuam thirrjen e saj të dhimbshme, ku tregonte se vajzës i duheshin 70 mijë euro për kurimin e 18 tumoreve në trup, dy prej të cilave në kokë. Sot, falë zemërbardhësisë së njerëzve nga çdo cep i Shqipërisë dhe diaspora, kjo shumë është mbledhur dhe Rozalinda ka në dorë një shans të ri për të luftuar me sëmundjen. “Përshëndetje, jam mami i Rozalindës. Faleminderit shumë për çfarë po bëni për vajzën time,” shkruan Bruna mes lotësh. Rozalinda pas pak ditësh feston datëlindjen e 23-të, të cilën do ta presë me më shumë shpresë. Tashmë e vetmja dhuratë që mund t’i bëni është një lutje nga zemra, që trajtimi i saj të ketë sukses dhe që ajo të ketë mundësinë të festojë edhe shumë datëlindje të tjera pranë familjes.❤️

48.7K views

Në orët e para të mëngjesit të kësaj të Marte, një shpërthim i fuqishëm me lëndë plasëse është regjistruar në qendër të fshatit Fushë Kuqes, në zonën e Kurbinit. Mësohet se shpërthimi i ka ndodhur një personazhi të njohur publik, shpesh i përfolur në mediat rozë. Sipas informacioneve që redaksia jonë ka siguruar, ngjarja ka ndodhur rreth orës 04:00 të mëngjesit, ndërsa policia ende nuk ka bërë një reagim zyrtar për këtë rast. Banorët e zonës janë trembur shumë nga kjo ngjarje dhe zhurma e fortë e lëndës plasëse. Një qytetar shkruan: “Përshëndetje JOQ, jam një qytetar i Fush Kuqes, sot në orët e para të mëngjesit ka shpërthyer exploziv këtu në qendër të Fush Kuqes dhe po e mbajnë fshehur këtë lajm. Ju lutem kemi frikë me ndejt në shtëpi ca spo ndodh këtu. Nga ora 04:00 e mëngjesit ndodhi, po lajmi ska dalë askund, po mbahet i fshehur.” Policia pritet të japë më shumë detaje për këtë ngjarje, dhe nëse ka pasur apo jo të lënduar. Banorët nga ana tjetër ndihen të rrezikuar, dhe kërkojnë që të merren masa për ndëshkimin e autorëve, që qetësia publike dhe siguria e tyre të mos cënohet më.

88K views

Kanë kaluar 7 ditë nga zhdukja e 44-vjeçarit Florjan Gjermeni nga Lushnja dhe ende nuk ka asnjë gjurmë për vendndodhjen e tij. Florjani është larguar nga banesa më 19 gusht, rreth orës 18:00, dhe prej asaj dite nuk është kthyer më. Një familjare e tij i është drejtuar sot redaksisë së JOQ Albania me këtë apel: “Për fat të keq, të gjitha kërkimet e bëra deri më tani nuk kanë sjellë asnjë rezultat apo sinjalizim. Edhe forcat e rendit kanë qenë këto ditë në terren bashkë me ne, me dron dhe me qenin gjurmues, por sërish asgjë. Ju lutem, na ndihmoni ta rikthejmë publikimin, pasi familja është shumë e shqetësuar.” Familjarët apelojnë se çdo informacion, sado i vogël, mund të jetë vendimtar për gjetjen e tij. Kushdo që ka informacion ose e ka parë, i lutur të kontaktojë në këto numra: - 068 31 777 80 - 069 82 419 48 Gjithashtu, mund të kontaktoni edhe forcat e rendit.

26.1K views

Sipas instruktorit të ushtrisë, i cili merret me stërvitjen e të rinjve që duan të bashkohen me forcat ushtarake, rregulli që i detyron ata të rruajnë mjekrën çdo ditë përpara nisjes së aktiviteteve është kthyer në një bezdi të madhe dhe po i largon rekrutët nga ky profesion.

80.7K views

Më 23 korrik të këtij viti, në “Gjirin e Filikurit” në Himarë ndodhi një ngjarje tragjike, ku një turiste hungareze humbi jetën pasi u rrëzua nga shkëmbi gjatë zbritjes me litar. Sipas informacioneve që JOQ Albania siguroi atere, turistja me inicialet M. B. 23-vjeçe qëndroi mbi dy orë në breg të detit, pa marrë asnjë ndihmë mjekësore por vetëm me kujdesin e pushuesve të tjerë. Më pas, policia organizoi transportimin e saj me varkë, por e reja nuk arriti t’u mbijetonte plagëve të rënda. Ngjarja shkaktoi lëndime edhe për disa miq të v iktimës, të cilët u goditën nga gurët që u shkëputën nga shpati i malit në momentin e rrëzimit të saj. Edhe pse rasti tronditi opinionin publik dhe ngriti pikëpyetje serioze mbi sigurinë e pushuesve në këtë zonë të qetë bregdetare, deri më sot duket se nuk janë marrë masa konkrete nga Bashkia Himarë apo Ministria e Turizmit për të garantuar një rrugë të sigurt për vizitorët. Pamjet më të fundit tregojnë se turistë të tjerë vazhdojnë të zbresin nga maja e shkëmbit duke u kacavjerrë dhe duke rrezikuar jetën e tyre. Një qytetar shkruan: “Ky është shkëmbi i Filikurit, që Bashkia Himarë pretendon se e ka mbyllur.” Është e domosdoshme që institucionet përkatëse të marrin masa sa më parë, në mënyrë që të parandalohet përsëritja e një tragjedie të ngjashme me atë të turistes hungareze.

24.8K views

Një problem shqetësues i përnatshëm po ua prish qetësinë banorëve të lagjes 9 në Durrës, pranë Muzeut të Dëshmorëve. Një qytetare i është drejtuar redaksisë së JOQ Albania për të denoncuar sjelljen e një grupi adoleshentësh, të cilët çdo mbrëmje mblidhen tek stolat e lagjes dhe qëndrojnë aty deri në orët e para të mëngjesit duke bërtitur, qeshur me zë të lartë e duke bërë zhurmë. Sipas saj, situata ka shkuar deri në orën 2-3 të mëngjesit, duke ua bërë të pamundur gjumin banorëve, të cilët kërkojnë vetëm pak qetësi. “Është kthyer në stres të përnatshëm”, shprehet ajo. Denoncuesja tregon se Policia e Durrësit është lajmëruar disa herë, por deri më tani nuk është marrë asnjë masë konkrete. Madje, sipas banorëve, përgjigjet e efektivëve kanë qenë ironike. “Na kanë thënë: ‘Po mirë bëjnë që qeshin, çfarë t’iu bëjmë, t’ua ndalojmë të qeshurën?’”, shprehet qytetarja. Edhe përpjekjet e banorëve për të zgjidhur situatën me mirëkuptim nuk kanë dhënë rezultat. “Kur u kemi kërkuar të largohen, na kanë kërkuar falje për momentin, por më pas gjithçka ka vazhduar njësoj”, tregon ajo. Banorët kërkojnë ndërhyrje të menjëhershme nga autoritetet, duke theksuar se kërkesa e tyre është e thjeshtë: të mos lejohet prishja e qetësisë publike në një zonë të banuar gjatë orëve të natës.

2081 views