Sipas raportimeve të fundit nga gazetari i njohur i transferimeve, Fabrizio Romano, mesfushori holandez Xavi Simons është i gatshëm të largohet nga RB Leipzig këtë verë.

Dy klube të Ligës Premier, Chelsea dhe Arsenal, janë ndër ekipet që po ndjekin me vëmendje situatën e tij.

22-vjeçari ka zhvilluar 76 ndeshje me Leipzigun, duke realizuar 21 gola. Që prej muajit maj, Simons ka shprehur dëshirën për t’u transferuar në Angli, sidomos pas dështimit të Leipzigut për të siguruar pjesëmarrjen në kompeticionet evropiane.

Për momentin, nuk ka ende oferta zyrtare ose negociata konkrete, por sipas Romanos, klubet e mëdha të Ligës Premier janë të informuara për situatën. Chelsea dhe Arsenal konsiderohen si opsionet kryesore për të ardhmen e Simons.

Edhe Barcelona ka pasur kontakte paraprake me përfaqësuesit e lojtarit, por bisedimet nuk kanë avancuar dhe preferenca e Simons duket të jetë kalimi në Angli.

Vlera e transferimit pritet të jetë midis 45 dhe 70 milionë euro, në varësi të negociatave dhe interesit që do të tregojnë klubet në javët në vijim. /Telegrafi/

Chelsea and Arsenal among clubs attentive to Xavi Simons situation this summer.

He’s prepared to leave Leipzig as revealed since May and Premier League top clubs are informed. No bids or talks yet.

Nothing concrete with Barça so far.

https://t.co/hrmuCOVra9 pic.twitter.com/LgdYzoAfw8

— Fabrizio Romano (@FabrizioRomano) July 18, 2025

The post Përjashtohet rikthimi i Xavi Simons te Barcelona, lojtari preferon Anglinë appeared first on Telegrafi.

Arsenali mund të ketë njoftuar zyrtarisht transferimin e katërt të kësaj vere, por “Topçinjtë” duket se kanë zbuluar aksidentalisht edhe përforcimin e pestë.

Klubi nga Londra Veriore ka qenë shumë aktiv në merkato, duke afruar Martin Zubimendin, Christian Norgaardin dhe Kepa Arrizabalagan, ndërsa së fundmi ka siguruar edhe transferimin e Noni Madueke nga Chelsea për një shumë prej 48 milionë funtesh, me një kontratë pesëvjeçare.

Arsenali po vijon gjithashtu përpjekjet për të transferuar sulmuesin e Sporting CP, Viktor Gyokeres, megjithatë ende nuk është arritur marrëveshje për bonuset dhe klauzolat shtesë.

Ndërkohë, duket se një transferim tjetër është konfirmuar pa dashje pas një gabimi në rrjetet sociale dhe platformat mediatike.

Në platformën e imazheve Getty, tifozët vunë re disa fotografi të mbrojtësit të Valencias dhe Kombëtares së Spanjës U21, Cristhian Mosquera, të ngarkuara së bashku me fotografitë zyrtare të prezantimit të Maduekes.

Në imazhe, Mosquera shfaqej i buzëqeshur, i veshur me uniformën stërvitore të Arsenalit, ndërsa fliste me një anëtar të ekipit mediatik të klubit. Fotot u fshinë shpejt, por mjaftuan për të ngritur dyshime të forta për afrimin e tij.

Ky “gabim” pothuajse e konfirmon se njoftimi zyrtar për Mosqueran është çështje kohe.

Sipas raportimeve të mëparshme të Fabrizio Romano, mbrojtësi 21-vjeçar pritej të kryente vizitat mjekësore të mërkurën dhe do t’i bashkohet Arsenalit për një tarifë prej 15 milionë eurosh plus bonuse, si pjesë e një kontrate afatgjatë. /Telegrafi/

The post Arsenali aksidentalisht zbuloi transferimin e ri që askush nuk e dinte pasi prezantoi Madueken appeared first on Telegrafi.

Arsenali ka zyrtarizuar sot transferimin e anësorit anglez Noni Madueke, i cili ka nënshkruar një kontratë pesëvjeçare me klubin londinez.

Lajmi është konfirmuar edhe nga vetë trajneri Mikel Arteta, i cili shprehu entuziazmin për këtë afrim të ri.

“Jemi të gjithë shumë të lumtur që e mirëpresim Noni Madueke në ekip”, deklaroi Arteta për faqen zyrtare të klubit. “Noni është një lojtar i ri emocionues dhe i fuqishëm. Performancat dhe shifrat e tij në sezonet e fundit kanë qenë të një cilësie të lartë dhe ai është një nga lojtarët më të talentuar në sulmin anësor në Ligën Premier”.

Madueke, vetëm 23 vjeç, i bashkohet Arsenalit pas dy vitesh e gjysmë te Chelsea, ku zhvilloi disa paraqitje të rëndësishme, por vendosi të ndryshojë ambient për të pasur më shumë hapësirë në një projekt të ri sportiv.

Transferimi i tij është mbyllur për një shumë prej 48.5 milionë funtesh, plus 3.5 milionë funte në formë bonusesh të mundshme.

“Me gjithë përvojën që ka grumbulluar tashmë në futbollin e klubeve dhe në atë ndërkombëtar, Noni do të jetë një shtesë e rëndësishme për skuadrën tonë. Ai njeh shumë mirë Ligën Premier dhe ka disa shokë skuadre këtu, ndaj do të ndihet menjëherë si në shtëpi”, shtoi Arteta.

Lexo po ashtu Madueke zbulon arsyen përse iu bashkua Arsenalit

Ardhja e Maduekes pritet të rrisë konkurrencën në repartin ofensiv të Arsenalit, i cili po ndërton një skuadër të fortë për sezonin e ri në Ligën Premier dhe Ligën e Kampionëve.

Klubi londinez i ka uruar mirëseardhje Maduekes, duke e cilësuar si një lojtar që do të përmirësojë ndjeshëm cilësinë e skuadrës. /Telegrafi/

The post Çfarë pret Arteta nga Madueke appeared first on Telegrafi.

Arsenali ka konfirmuar transferimin e Noni Madueke, i cili është bërë përforcimi më i ri i “Topçinjve”. Sulmuesi anësor anglez ka nënshkruar një kontratë afatgjatë me klubin londinez.

23-vjeçari i lindur në Londrën veriore kaloi dy vite e gjysmë te Chelsea, ku regjistroi 92 paraqitje dhe shënoi 20 gola në të gjitha garat.

Chelsea pranoi ofertën e Arsenalit për një shumë fillestare prej 48.5 milionë funtesh, ndërsa marrëveshja përfshin edhe 3.5 milionë funte të tjera në formë bonusesh të mundshme, të lidhura me performancën.

Lexo po ashtu Madueke konfirmon largimin nga Chelsea me një letër emocionuese

Në njoftimin zyrtar, Arsenali deklaroi: “Jemi të kënaqur të njoftojmë se lojtari ndërkombëtar i Anglisë, Noni Madueke, është bashkuar me ne në një kontratë afatgjatë”.

Madueke e nisi karrierën si i ri te Crystal Palace dhe Tottenham Hotspur, përpara se të transferohej në Holandë, duke iu bashkuar PSV Eindhoven në vitin 2018. Në moshën 17-vjeçare, ai debutoi me ekipin e parë të PSV-së, ku spikati për stilin e tij të drejtpërdrejtë dhe aftësitë sulmuese.

Përpara transferimit te Chelsea në janar të vitit 2023, Madueke bëri 80 paraqitje me skuadrën e parë të PSV-së. Me fanellën e kombëtares angleze, ai ka luajtur shtatë ndeshje deri tani, duke debutuar në shtatorin e kaluar ndaj Finlandës, ku u dallua edhe me një asist.

Me këtë transferim, Arsenali synon të forcojë më tej repartin ofensiv për sezonin e ri. /Telegrafi/

Talent in abundance.

Noni Madueke is a Gunner

Narrated by artist and Arsenal in the Community alumni, Stazzy pic.twitter.com/TfnkwG86Sz

— Arsenal (@Arsenal) July 18, 2025

The post Madueke prezantohet zyrtarisht te Arsenali appeared first on Telegrafi.

Sporting Lisbona dhe Arsenali po finalizojnë marrëveshjen për transferimin e Viktor Gyokeres, por negociatat ende nuk janë mbyllur për shkak të disa klauzolave të kërkuara nga klubi portugez.

Që nga hapja e merkatos, Gyokeres ka qenë objektivi kryesor i Arsenalit për repartin ofensiv. Klubi londinez besohet se është pranë mbylljes së marrëveshjes, pavarësisht interesimit të klubeve të tjera europiane.

Sipas gazetës Record, Sporting kërkon që në marrëveshje të përfshihen katër klauzola, secila me vlerë 2.5 milionë euro, duke e çuar totalin e bonuseve potenciale në 10 milionë euro.

Klauzolat parashikojnë pagesa shtesë për: 20 ndeshjet e para të Gyokeres në Angli, përfundimin e një sezoni të dytë me 20 ndeshje, kualifikimin e Arsenalit në Ligën e Kampionëve dhe një tjetër bllok prej 20 ndeshjesh në sezonin e dytë.

Arsenali është i gatshëm të paguajë 7.5 milionë euro në klauzola të arritshme, por aktualisht po negociohet klauzola e fundit prej 2.5 milionë eurosh, e cila mund të kërkohet të lidhet me një objektiv më të vështirë.

Në total, transferimi i Gyokeres pritet të kushtojë rreth 63.5 milionë euro plus 10 milionë euro bonuse. Nëse marrëveshja mbyllet, Coventry City do të përfitojë 4.35 milionë euro falë klauzolës së shitjes prej 10%.

27-vjeçari suedez pritet të bashkohet me Arsenalin në ditët në vijim, ndërsa të dy klubet po punojnë për të mbyllur detajet e fundit të marrëveshjes. /Telegrafi/

The post Sporting dëshiron të përfshijë katër klauzola në marrëveshjen e Gyokeres, por Arsenali refuzon njërën appeared first on Telegrafi.

Real Madridi vazhdon të kryesojë listën e ekipet që përfitojnë më shumë nga sponsorët e fanellave brenda një viti, ndërsa në vendin e dytë tashmë renditet Manchester City pas marrëveshjes së rinovuar me Puma-n.

Me marrëveshjen e re shumëmilionëshe sponsorizimi që Manchester City sapo ka nënshkruar me kompaninë Puma, sipas së cilës marka sportive gjermane do të paguajë hiq më pak se 1 miliard funte (1.153 miliardë euro) gjatë 10 viteve të ardhshme, skuadra e Cityt e ka rrëzuar Manchester United nga vendi i dytë në renditjen e klubeve që fitojnë më shumë nga sponsorizimi i fanellave.

Ekipi, i drejtuar nga Pep Guardiola nga stoli dhe Ferran Soriano nga zyrat, tashmë fiton 210.5 milionë çdo vit duke shfaqur logon e Pumas (115 milionë euro), logon e linjës ajrore Etihad (74 milionë euro) dhe logon e platformës së kriptomonedhës OKX në mëngë (21.5 milionë euro).

Megjithatë, sipas gazetës Marca, Real Madridi vazhdon të mbetet ‘mbret’ i përfitimeve nga fanella, pasi fiton 120 milionë euro në vit nga Adidasi dhe nga 70 milionë euro nga kompanitë Fly Emirates dhe HP që i ka si sponsor.

Unitedi renditet në vendin e tretë me 200 milionë euro përfitime, ku 105 milionë vijnë nga Adidas, 70 nga Snapdragon dhe 21.5 nga DXC Technology, ndërsa Barcelona renditet e katërta me 183 milionë euro përfitime dhe Paris Saint-Germain i pesti me 170 milionë euro.

Në pozitën e gjashtë vjen Arsenali me 141.5 milionë euro, Bayern Munichu i shtati me 123 milionë euro, Liverpooli i teti me 102.5 milionë euro, Borussia Dortmund e nënta me 99 milionë euro dhe Tottenham Hotspur që mbyll dhjetëshen me 80 milionë euro.

Renditja e sponsorizimeve të fanellave sportive në futboll:

Real Madrid: 260 milionë euro (Adidas, Fly Emirates dhe HP)

Manchester City: 210.5 milionë euro (Puma, Etihad dhe OKX)

Manchester United: 200 milionë euro (Adidas, Snapdragon dhe DXC Technology)

Barcelona: 183 milionë euro (Nike, Spotify dhe Ambilight)

Paris Saint-Germain: 170 milionë euro (Nike, Qatar Airways dhe Snipes)

Arsenal: 141.5 milionë euro (Adidas, Fly Emirates dhe Visit Rwanda)

Bayern Munich: 123 milionë euro (Adidas, Deutsche Telekom dhe Allianz)

Liverpool: 102.5 milionë euro (Nike, Standard Chartered dhe Expedia)

Borussia Dortmund: 99 milionë euro (Puma, 1&1, Evonik dhe GLS)

Tottenham Hotspur: 80 milionë euro (Nike dhe AIA)

/Telegrafi/

The post Man City tejkalon Unitedin dhe Barçën në renditjen e sponsorizimeve në fanella – Real Madrid kryeson listën e përfituesve appeared first on Telegrafi.

Planet e Arsenalit për të ardhmen e Leandro Trossard kanë marrë një kthesë të re, pasi tani në garë është futur edhe Bayern Munich, që po e konsideron sulmuesin belg si alternativë për repartin ofensiv. 

Deri pak ditë më parë, 30-vjeçari dukej pranë largimit drejt Fenerbahces, me raportime që flisnin për një marrëveshje personale të arritur për një kontratë trevjeçare. 

 Por negociatat me klubin turk janë bllokuar, dhe në të njëjtën kohë Arsenali ka rihapur bisedimet për një rinovim kontrate. 

Sipas të përditshmes gjermane BILD, Bayern Munich po ndjek nga afër situatën e Trossard si alternativë e mundshme për Luis Diaz, për të cilin një ofertë prej 52 milionë euro është refuzuar nga Liverpooli. 

Ky zhvillim mund ta detyrojë Arsenalin të veprojë shpejt, pasi Trossard ka edhe një vit kontratë të mbetur, që ai e kishte nënshkruarnë janar 2023 kur erdhi nga Brighton. 

 Ndërkohë, përfaqësuesit e lojtarit kanë kërkuar përmirësim të kushteve që nga vera e kaluar. 

Aktualisht, Trossard fiton rreth 90 mijë euro në javë, shumë më pak se disa prej lojtarëve kryesorë të skuadrës së Mikel Artetës. Statistikat e tij janë solide: 51 kontribute në gola në 124 paraqitje me fanellën e Arsenalit. 

Një tjetër sinjal që mund të çojë drejt një transferimi është ndërrimi i agjentit nga ana e belgut, një veprim që shpesh sinjalizon ndryshime të mëdha. 

Arsenali ka qenë i hapur për ta lënë të largohet për një shumë rreth 20 milionë euro, por Fenerbahce, klubi që mban rekordin e vet të blerjes për 19.5 milionë euro, ende nuk ka bërë një ofertë zyrtare. 

Në këtë fazë, mbetet të shihet nëse Bayerni do të konkretizojë interesin e tij, apo nëse Trossard do të zgjedhë të vazhdojë aventurën në Ligën Premier./Telegrafi/

The post Bayern Munich e do yllin e Arsenalit në rast se dështojnë me transferimin e Luis Diaz appeared first on Telegrafi.

Sulmuesi i Real Madridit, Rodrygo, vazhdon të jetë në qendër të spekulimeve për një largim të mundshëm nga “Los Blancos”.

Megjithatë, raportimet e fundit sugjerojnë se vetë futbollisti nuk është i prirur të largohet nga klubi.

Gjatë një shëtitjeje në rrugët e New Yorkut, ku po qëndron me Realin për Kupën e Botës për Klube, Rodrygo u ndalua nga disa tifozë për foto dhe autografe.

Në një moment, një prej tyre e pyeti drejtpërdrejt: “A do të shkosh te Arsenali?”.

Reagimi i Rodrygos ishte i menjëhershëm: shprehja e tij e fytyrës ndryshoi dukshëm dhe ai vendosi të mos përgjigjej fare. Thjesht u kthye dhe u largua në heshtje.

Ky reagim ka ngjallur diskutime në rrjetet sociale, me shumë që e interpretojnë si një sinjal të qartë se braziliani nuk është i interesuar për një kalim te Arsenali – ose thjesht është i lodhur nga spekulimet e vazhdueshme. /Telegrafi/

The post Pyetet nga një tifoz ‘do të shkosh te Arsenali?’, reagimi i Rodrygos i thotë të gjitha appeared first on Telegrafi.

Arsenali ka arritur një marrëveshje surprizë me Chelsean për transferimin e anësorit Noni Madueke, në një operacion që do t’i kushtojë “Topçinjve” plot 60 milionë euro.

Ky veprim ka ngjallur reagime të përziera, sidomos duke marrë parasysh kërkimin e vazhdueshëm të Arsenalit për një sulmues klasik.

Edhe pse Madueke ofron shkathtësi, moshë të re dhe potencial, një pjesë e tifozëve të Arsenalit kanë shprehur skepticizëm për këtë investim, duke pasur parasysh formën e paqëndrueshme të lojtarit dhe disa çështje disiplinore të së kaluarës.

Madueke është lënë jashtë skuadrës së Chelseat në disa raste, përfshirë një përjashtim pas një paraqitjeje të dobët në stërvitje, dhe më pas u injorua nga trajneri Enzo Maresca për gjysmëfinalen e Kupës së Botës për Klube.

Burime të brendshme në klubin londinez raportojnë zhgënjim për progresin më të ngadaltë se sa ishte parashikuar. Që nga transferimi i tij nga PSV për 30 milionë euro, ai ka realizuar vetëm 20 gola dhe 9 asiste në 92 paraqitje.

Një faktor kyç në këtë marrëveshje ka qenë presioni financiar i Chelseat. Klubi u gjobit së fundmi me 30 milionë euro nga UEFA për shkelje të rregullave financiare, dhe kjo shumë mund të arrijë deri në 78.5 milionë.

Shitja e Madueke shihet si një hap për të balancuar bilancet dhe shmangur sanksione të mëtejshme – përfshirë ndalim transferimesh në garat evropiane.

Pavarësisht kritikave, Madueke është entuziast për transferimin dhe ka rënë dakord me kushtet personale të një kontrate pesëvjeçare me Arsenalin.

Ky lëvizje i shtohet një liste të gjatë transferimesh midis dy rivalëve londinezë, ndërsa të dy klubet po përgatiten për sezonin e ri me ambicie të mëdha. /Telegrafi/

The post Te Chelsea ishin të zhgënjyer me atë që bëri Madueke pasi që arriti marrëveshje me Arsenalin appeared first on Telegrafi.

Barcelona është e vetëdijshme se largimet janë të nevojshme nëse duan të kthehen në rregullin 1:1 të La Ligas dhe kështu të jenë në gjendje të regjistrojnë nënshkrime të reja.

Ansu Fati është larguar tashmë, dhe ndërsa Pablo Torre gjithashtu së shpejti do të bashkohet me Mallorcën, më shumë lojtarë duhet të largohen përpara se katalanasit të arrijnë objektivin e tyre.

Lojtarë si Marc-Andre Ter Stegen, Andreas Christensen dhe Ronald Araujo konsiderohen si kandidatët kryesorë për t’u larguar, por ka edhe të tjerë që mund të lejohen të largohen nëse vlerësimi i tyre përmbushet. Dhe një lojtar që bie në këtë kategori është Marc Casado.

Casado pati një gjysmë të parë të shkëlqyer të sezonit të kaluar, duke u vendosur si titullar i rregullt përpara Frenkie de Jong. Por, ai e humbi vendin e tij në muajt e fundit, dhe me Marc Bernal që është rikthyer nga lëndimi përpara sezonit të ri që fillon në gusht, ai pritet të jetë më poshtë në renditjen e lojtarëve.

Për shkak të kësaj, Barcelona nuk e ka mbyllur derën për mundësinë e shitjes së Casado këtë verë, me çdo ofertë që pritet të merret në konsideratë në rreth 50 milionë euro.

Sipas mediumit CaughtOffside, oferta mund të vijnë nga Liga Premier, me Manchester United, Arsenal dhe Chelsea që janë të interesuar të nënshkruajnë me 21-vjeçarin.

Arsenali dhe Chelsea kanë bërë tashmë hetime fillestare për të përcaktuar disponueshmërinë e Casados, ndërsa United ende nuk ka bërë ndonjë kontakt – megjithëse ai shihet si një alternativë ndaj Manuel Ugarte, i cili pati një sezon të parë të vështirë në Old Trafford.

Në një farë mënyre, do të ishte e mençur që Barcelona ta shiste Casadon ndërsa aksionet e tij janë të larta – veçanërisht nëse ai nuk është planifikuar të luajë rregullisht me ekipin e parë sezonin e ardhshëm.

Megjithatë, do të ishte një goditje e madhe për të që të largohej, duke pasur parasysh sa mirë luajti gjatë sezonit 2024/25. /Telegrafi/

The post Gjigantët e Ligës Premier e duan xhevahirin e Barcelonës, katalunasit të gatshëm ta shesin për 50 milionë euro appeared first on Telegrafi.

Sulmuesi brazilian Rodrygo raportohet se ka vendosur se cili klub i Ligës Premier do të ishte destinacioni i tij i preferuar, nëse largohet nga Real Madridi gjatë verës.

Që prej emërimit të Xabi Alonsos në krye të stolit madrilen në vend të Carlo Ancelottit, klubi ka përjetuar ndryshime të rëndësishme në përbërje dhe strategji. Vetëm disa ditë pas prezantimit, Alonso ka finalizuar transferimin e tre lojtarëve të rinj: Trent Alexander-Arnold nga Liverpool, Dean Huijsen nga Bournemouth dhe talenti Franco Mastantuono nga River Plate.

Por përveç përforcimeve, Alonso po përgatit edhe largime. Një nga emrat që mund të largohet është pikërisht Rodrygo, i cili sipas raportimeve po shfaq gjithnjë e më shumë shenja frustrimi për rolin e tij nën drejtimin e trajnerit të ri.

Gjatë pjesëmarrjes së Real Madridit në Kupën e Botës për Klube, Rodrygo ka luajtur vetëm në një ndeshje, çka ka shtuar spekulimet për një largim të mundshëm. Mediat britanike dhe spanjolle kanë raportuar interesim nga klube të mëdha të Ligës Premier si Liverpool, Chelsea dhe Arsenal.

Megjithatë, sipas të përditshmes spanjolle Diario AS, 24-vjeçari e ka bërë të qartë se në rast transferimi, ai preferon t’i bashkohet Arsenalit. “Topçinjtë” thuhet se janë të gatshëm të ofrojnë deri në 90 milionë euro për kartonin e Rodrygos, duke e parë atë si zëvendësuesin ideal të Gabriel Martinellit.

Pavarësisht kësaj, situata mbetet e paqartë, pasi Arsenal pritet të njoftojë gjithashtu transferimin e Noni Madueke nga Chelsea, çka mund të ndikojë në qëndrimin e klubit londinez ndaj Rodrygos.

Lexo po ashtu PSG ka dridhur themelet e Bernabeut, Alonso ka vendosur t'i largojë tre yje nga Real Madridi

Nga ana tjetër, trajneri Alonso ka refuzuar të japë komente konkrete për të ardhmen e brazilianit, duke lënë të hapur çdo mundësi. Pas humbjes 4-0 ndaj PSG-së, Alonso u shpreh:

“Nuk kemi marrë ende vendime për të ardhmen. Nuk kemi bërë shumë rotacione në këtë Kupë Bote për Klube, por konteksti do të jetë ndryshe në të ardhmen.”

Rodrygo, i cili iu bashkua Real Madridit në vitin 2019 nga Santos, ka qenë një figurë e rëndësishme në sukseset e klubit, por e ardhmja e tij tani varet nga planet e Alonsos dhe lëvizjet në merkato. /Telegrafi/

The post Rodrygo tashmë u ka thënë Liverpoolit, Arsenalit dhe Chelseat se për cilin klub dëshiron të luajë sezonin e ardhshëm appeared first on Telegrafi.

Trajneri i Chelseat, Enzo Maresca, ka konfirmuar transferimin e Noni Madueke te Arsenali.

“Nëse një lojtar dëshiron të largohet, në fund të fundit është e vështirë për klubin dhe trajnerin ta mbajnë atë. Po, Noni vendosi të largohet”, ka deklaruar trajneri italian.

Trajneri italian theksoi se askush nuk e ka detyruar Madueken të largohet.

“Nuk i është thënë Nonit që duhet të largohet. Ishte vendimi i tij personal. Nëse ai është i lumtur, ne jemi të lumtur”, shtoi Maresca.

Ky transferim vjen pas disa spekulimeve rreth të ardhmes së lojtarit 23-vjeçar, i cili duket se ka zgjedhur të bashkohet me rivalët e Arsenalit.

Lexo po ashtu Tri çështjet që e bindën Chelsean ta shiste Madueken te Arsenali

Madueke, i cili ka luajtur 45 ndeshje për Chelsea këtë sezon dhe ka shënuar 11 gola, pritet të sjellë freski në krahun e djathtë të sulmit të Arsenalit.

Mbetet të shihet se çfarë do të sjellë kjo lëvizje për të dyja klubet në sezonin e ardhshëm. /Telegrafi/

The post Trajneri i Chelseat zbulon prapaskenat e kalimit të Maduekes te Arsenali: Askush nuk i ka thënë të largohet appeared first on Telegrafi.

Viktor Gyokeres dëshiron të largohet nga Sporting Lisbona. Sulmuesi suedez, kërkon të rikthehet në Premier League, ku ka arritur marrëveshje personale me skuadrën e Arsenal. Sipas asaj që raportojnë mediat britanike, Gyokeres po detyron klubin e tij që ta shesë dhe të mbyllë një akord. Për këtë, suedezi ka njoftuar stafin teknik të Sporting Lisbonës, […]

The post Gyokeres thellon përplasjet me Sporting-un, pret transferimin tek Arsenal appeared first on BoldNews.al.

Tifozët e Arsenalit kanë shprehur pakënaqësinë e tyre ndaj vendimit të klubit për të afruar Noni Madueken nga Chelsea, duke çuar deri në akte vandalizmi ndaj muralëve që përshkruajnë trajnerin Mikel Arteta dhe figura të tjera kyçe të skuadrës në Londër.

Sulmuesi anësor anglez pritet të finalizojë këtë javë transferimin te Arsenali për një shumë prej rreth 60 milionë eurosh.

Ai është larguar tashmë nga kampi i Chelseat në Kupën e Botës për Klube për t’u bashkuar me klubin e ri në Londrën Veriore, mirëpo jo të gjithë tifozët janë entuziastë për mbërritjen e tij.

Sipas raportimeve të The Daily Express, një pjesë e tifozëve kanë shkuar përtej komenteve në rrjete sociale dhe peticioneve duke dëmtuar muralet e Artetës.

Një nga muralet është vandalizuar me fjalë ofenduese, ndërsa në një tjetër është shkruar mesazhi “ARTETA OUT”, në shenjë proteste ndaj këtij transferimi të diskutueshëm.

Lexo po ashtu Tri çështjet që e bindën Chelsean ta shiste Madueken te Arsenali

Zemërimi i tifozëve lidhet me prioritetet e merkatos: shumë e konsiderojnë Madueke-n si të panevojshëm për momentin, pasi Arsenali ka tashmë emra si Gabriel Martinelli dhe Leandro Trossard për krahun e majtë.

Për më tepër, mungesa e përparimit në marrëveshjen për sulmuesin Viktor Gyökeres nga Sporting Lisbon, për shkak të kërkesave financiare, ka shtuar frustrimin – veçanërisht kur klubi është i gatshëm të shpenzojë 50 milionë për një lojtar që nuk mbulon një nevojë urgjente.

Që nga emërimi i Artetës në dhjetor të vitit 2019, Arsenali ka transferuar disa lojtarë nga Chelsea, përfshirë Kepa Arrizabalaga, Jorginho, Kai Havertz, dhe më parë edhe Willian.

Kjo praktikë e përsëritur po ngjall skepticizëm te tifozët, të cilët e shohin Madueke-n si “një tjetër yll të padëshiruar” të Chelseat që po rikthehet në rotacionin e tyre. /Telegrafi/

The post Protesta kundër Artetas për transferimin e Maduekes, vandalizohet murali i Arsenalit nga fansat appeared first on Telegrafi.

Arsenal nuk ndalet në merkato, pasi është afër finalizimit të një marrëveshjeje për të sjellë në “Emirates” anësorin e Chelsea, Noni Madueke. Marrëveshja do të arrihet për një shumë prej 50 milionë eurosh. Për sa i përket lojtarit, tashmë 23 vjeç, ai do të nënshkruajë një kontratë 5-vjeçare. Një marrëveshje e mirë për Chelsea që […]

The post 50 milionë euro, Arsenali pranë marrëveshjes me sulmuesin e Chelsea-t appeared first on BoldNews.al.

Në një zhvillim të fundit, gazetari i njohur Fabrizio Romano ka konfirmuar transferimin e Noni Madueke nga Chelsea te Arsenali.

Sipas raportimit të gazetarit italian, Topçinjtë ka rënë dakord për një marrëveshje me Blutë për një shumë që kalon 58 milionë euro, duke përfshirë edhe bonuse shtesë.

Madueke, 23-vjeçari anglez, i cili tashmë ka pranuar një kontratë pesëvjeçare me Arsenalin disa ditë më parë, është gati të bashkohet me ekipin e Mikel Artetës.

EXCLUSIVE: Noni Madueke to Arsenal, here we go! Fee agreed in excess of £50m with add-ons included, green light from Chelsea.

Madueke already agreed five year deal at Arsenal days ago and he’s now set to complete the move.

The winger leaves #CFC to join #AFC. pic.twitter.com/Cjeqnlswle

— Fabrizio Romano (@FabrizioRomano) July 10, 2025

Transferimi vjen pas një periudhe interesimi nga Arsenali, ku lojtari londinez ka marrë dritën jeshile për të lënë Chelsean.

Ky lëvizje shënon një transferim të rëndësishëm brenda kryeqytetit anglez, me shpresën se Madueke do të sjellë kreativitet dhe golave në sulmin e “Topçinjve”. /Telegrafi/

The post E kryer, Noni Madueke po kalon te Arsenali appeared first on Telegrafi.

Chelsea raportohet se po tregon interes për një yll të Arsenalit, vetëm pak ditë pasi Noni Madueke ka arritur marrëveshje personale me ‘Topçinjtë’.

Pak ditë pasi Arsenal nënshkroi me portierin e Chelseat, Kepa Arrizabalaga, ‘Blutë e Londrës’ raportohet kanë shfaqur interes për fenomenin e akademisë së Arsenalit, Ethan Nwaneri.

Fabrizio Romano njofton se skuadra e Enzo Marescas po pret me durim nëse i riu nuk rinovon kontratën e tij në ‘Emirates’.

Ai shton se kjo është një marrëveshje e ndarë nga ajo me Madueken, me sulmuesin e krahut që thuhet se ka ‘arritur marrëveshje personale’ me Arsenalin.

Nwaneri, së bashku me shokun e skuadrës Myles Lewis-Skelly, janë dy lojtarë të ri mjaft të talentuar që kanë dalë nga akademia e Arsenalit.

Dhe ndërsa i fundit ka firmosur një kontratë afatgjatë me klubin, i pari ende nuk ka bërë të njëjtën gjë.

Nëse Madueke i bashkohet ‘Topçinjve’, kjo mund të kufizojë kohën e lojës së Nwanerit, plus që mesfushori i Anglisë për grupmoshat deri në 21 vjeç nuk do të ketë mungesë interesimi nga klube të tjera.

Kontrata e Nwanerit me Arsenalin skadon në vitin 2026, dhe raportohet se ai dëshiron të qëndrojë në klub, por ekzistojnë shqetësime sepse nga janari 2026 ai mund të flasë me klube të huaja për një transferim të mundshëm.

Për këtë arsye, skuadra e Mikel Artetës dëshiron ta rinovojë kontratën e 18-vjeçarit para asaj date.

🚨🔵 Chelsea have been showing interest in Ethan Nwaneri situation, only in case new deal won’t be sealed with Arsenal.

Nwaneri & Arsenal, in talks over new deal while player wants game time guaranteed.

Separate deal from Madueke who agreed personal terms with Arsenal. 🤝🏻 pic.twitter.com/yDjopPHTNK

— Fabrizio Romano (@FabrizioRomano) July 5, 2025

The post Chelsea po planifikon një lëvizje shokuese për transferimin e yllit të Arsenalit appeared first on Albeu.com.

Noni Madueke ka arritur marrëveshje për kushtet personale me Arsenalin, ka konfirmuar gazetari Fabrizio Romano.

Megjithatë, pavarësisht dakordimi mes lojtarit dhe “Topçinjve”, Arsenali ende nuk i është afruar zyrtarisht Chelseat për të negociuar transferimin e anësorit anglez.

Sipas Romanos, Arsenali mund të jetë duke pritur për përfundimin e angazhimeve të Chelseat në Kupën e Botës për Klube, ku klubi londinez është kualifikuar në gjysmëfinale dhe do të përballet me Fluminense.

Raportohet se drejtuesit e Arsenalit janë të vendosur ta transferojnë Madueken, për shkak të fleksibilitetit të tij – ai mund të luajë në të dy krahët e sulmit, një avantazh i madh për sistemin e Mikel Artetës.

Marrëdhëniet mes dy klubeve konsiderohen të mira, çka mund të lehtësojë bisedimet. Vlera e mundshme e transferimit pritet të jetë në rangun e 40 deri në 45 milionë eurosh. /Telegrafi/

The post Noni Madueke arrin marrëveshje me Arsenalin appeared first on Telegrafi.

Thomas Partey, ish-mesfushori i Arsenal, është akuzuar për përdhunim dhe sulm seksual ndaj tre grave nga Policia angleze. Krimet dyshohet se kanë ndodhur mes viteve 2021 dhe 2022, me akuzat që vijnë pas një hetimi të nisur në shkurt 2022 pas denoncimit të parë të marrë nga policia. Futbollisti do të paraqitet para gjykatës së magjistratëve të Westminster të martën më 5 gusht.

Në njoftimin e policisë angleze thuhet: “Shërbimi i Prokurorisë së Kurorës (Crown Prosecution Service) ka autorizuar Shërbimin e Policisë Metropolitane që të akuzojë një burrë pasi detektivët paraqitën një dosje me prova”.

Detektivi mbikëqyrës Andy Furphy, në krye të ekipit hetues, ka deklaruar: “Prioriteti ynë mbetet të ofrojmë mbështetje për gratë që kanë dalë përpara. I kërkojmë kujtdo që është përfshirë në këtë çështje, ose ka informacione, të kontaktojë ekipin tonë”.

Në një deklaratë zyrtare, avokatja e Partey, Jenny Wiltshire, ka deklaruar: “Thomas Partey mohon të gjitha akuzat ndaj tij. Ai ka bashkëpunuar plotësisht me policinë dhe CPS gjatë hetimeve trevjeçare. Tani ai mirëpret mundësinë për të rehabilituar më në fund emrin e tij. Duke qenë se aktualisht janë në zhvillim procedura gjyqësore, klienti im nuk është në gjendje të japë deklarata të mëtejshme”.

Njoftimi i Shërbimit të Prokurorisë së Kurorës

Shërbimi i Prokurorisë së Kurorës ka autorizuar sot Policinë Metropolitane që të akuzojë Thomas Partey për përdhunim të shumtë. Partey, 32 vjeç, do të duhet të përgjigjet për pesë akuza për përdhunim dhe një akuzë për dhunë seksuale. Akuzat lidhen me tre gra të ndryshme që kanë denoncuar episode të ndodhura mes viteve 2021 dhe 2022. Partey do të paraqitet para Gjykatës së Magjistratëve të Westminster-it të martën më 5 gusht 2025.

Thomas Partey akuzohet për përdhunim dhe sulm seksual nga tre gra të ndryshme

Mesfushori ganez, i cili nuk arriti marrëveshjen për rinovim me Arsenal-in dhe tani është lojtar i lirë, është akuzuar për përdhunim dhe sulm seksual nga tre gra të ndryshme. Këto janë pikat e akuzës që i janë vënë futbollistit:

*dy akuza për përdhunim kanë të bëjnë me një grua;
*tre akuza për përdhunim kanë të bëjnë me një grua të dytë;
*një akuzë për sulm seksual ka të bëjë me një grua të tretë.

The post Thomas Partey akuzohet për për*hunimin e 3 grave nga Policia angleze: “Mohoj akuzat” appeared first on Lapsi.al.

Ish-mesfushori i Arsenalit, Thomas Partey, është zyrtarisht i akuzuar nga Policia britanike për pesë raste të përdhunimit dhe një rast të sulmit seksual. Ngjarjet dyshohet të kenë ndodhur në periudhën midis viteve 2021 dhe 2022 dhe përfshijnë tre gra të ndryshme. Sipas autoriteteve, dy akuza për përdhunim kanë lidhje me një grua, tre akuza të […]

The post Ish-futbollisti i Arsenalit akuzohet për pesë raste përdhunimi appeared first on BoldNews.al.