Pete Davidson dhe Elsie Hewitt po presin fëmijën e tyre të parë, një lajm që ka surprizuar fansat pasi shtatzënia nuk ishte e planifikuar.

Megjithatë, çifti duket më i lumtur dhe më i lidhur se kurrë, duke përjetuar këtë moment me shumë dashuri dhe përkushtim.

Lidhja mes Pete dhe Elsie filloi në mars 2025, dhe që atëherë romanca e tyre është thelluar shumë, shkruan DailyMail.

Ata tashmë jetojnë së bashku dhe janë në përgatitje për ardhjen e foshnjës, që pritet të vijë në dimër.

Elsie ndau lajmin në Instagram me disa fotografi ku tregonte barkun e rrumbullakosur dhe një shije humori, duke i bërë fansat të qeshin me statusin e saj.

Për Pete, kjo shtatzëni përfaqëson realizimin e një ëndrre të madhe: dëshirën për t’u bërë baba.

Në intervista të mëparshme, ai kishte shprehur se e ka shumë për zemër këtë rol dhe tani ndihet gati për këtë kapitull të ri.

Për më tepër, ai ndodhet në një moment të mirë emocional pas sfidave të së kaluarës, duke lënë pas vështirësitë dhe duke e pranuar jetën me më shumë qetësi.

Historia e dashurisë së tyre ka kaluar nga thashethemet në një lidhje të fortë dhe të sinqertë, e bazuar në mbështetje dhe ndjeshmëri.

Tani, Pete dhe Elsie janë gati për sfidën më të bukur që po i pret: prindërimin dhe ndërtimin e familjes së tyre. /Telegrafi/

The post Pete Davidson dhe Elsie Hewitt në pritje të fëmijës së parë: Shtatzënia e paplanifikuar që i afroi më shumë se kurrë appeared first on Telegrafi.

Dy ditë pas ardhjes në jetë të djalit të tyre, Dafina Zeqiri dhe partneri i saj Kreshnik Gjergji kanë ndarë me publikun një detaj domethënës dhe emocional: kuptimin e emrit të të birit, Daskan – një emër i veçantë që menjëherë ka ngjallur kuriozitet dhe komente në rrjetet sociale.

Përmes një postimi, Kreshniku ka shpjeguar domethënien e këtij emri të rrallë: “Daskan – emër me rrënjë ilire, që mbart forcën e burrërisë, nderit dhe udhëheqjes. Një emër që tingëllon lashtësi, si zëri i një prijësi fisnor. Daskan është emër – është krenari, është gjak ilir”.

Kjo zgjedhje nuk është bërë rastësisht. Për çiftin, emri Daskan përfaqëson më shumë se një identitet, është një lidhje e gjallë me historinë, kulturën dhe krenarinë shqiptare.

Një emër që, sipas tyre, bart në vetvete trashëgiminë e të parëve dhe aspiratat për një brez të ri që e njeh dhe e mbron origjinën e vet.

Ky detaj i ndarë nga Kreshniku është pritur me shumë pozitivitet nga fansat e çiftit, duke e bërë Daskan një nga emrat më të komentuar të momentit në rrjet. /Telegrafi/

The post Kreshniku dhe Dafina zbulojnë kuptimin e emrit të djalit: Daskan është gjak ilir appeared first on Telegrafi.

Santiana Maloku ka ndezur rrjetet sociale me postimet e saj të fundit nga pushimet buzë detit në jug të Shqipërisë.

Influencuesja shqiptare ka ndarë disa fotografi ku shfaqet më joshëse se kurrë, veshur me bikini të kuqe dhe një fustan rrjete transparent që vë në pah linjat e saj elegante dhe të kuruara.

Me një kapele kashte që i jep një prekje verore dhe flokët e gjatë të lëshuara, Santiana duket tejet natyrale dhe me vetëbesim, ndërsa sfondi i detit të kaltër dhe peizazhi mesdhetar vetëm sa e plotësojnë më shumë bukurinë e saj.

Ajo ka marrë dhjetëra mijëra pëlqime dhe komente pozitive nga ndjekësit e saj në Instagram, të cilët e kanë vlerësuar për stilin dhe sharmin që rrezaton.

Santiana është kthyer në një nga figurat më të ndjekura dhe më me ndikim në rrjetet sociale shqiptare, dhe me këtë paraqitje ajo e konfirmon edhe një herë statusin e saj si një ikonë e modës dhe bukurisë.

Fotografitë janë realizuar në një nga resortet më luksoze të bregdetit shqiptar, që është bërë një nga destinacionet më të preferuara këtë verë për personazhet publikë dhe pushuesit vendas e të huaj. /Telegrafi/

The post Santiana Maloku mahnit me paraqitjen e saj verore në bregdetin shqiptar appeared first on Telegrafi.

Wendy Williams, ish-prezantuesja e njohur e talk-show-t amerikan, festoi 61-vjetorin e lindjes në një nga restorantet më të famshme të Nju Jorkut, Delmonico’s. Sipas një burimi për Page Six, Wendy dukej “më mirë se kurrë”.

Darkën e ditëlindjes ajo e kaloi në restorantin historik mbi 200-vjeçar, të vendosur në pjesën jugore të Manhattanit, ku iu bashkuan dy nga avokatët e saj dhe producentët e dikurshëm të emisionit – çifti Suzanne Bass dhe Brendan Higgins.

Burimi gjithashtu tha se Wendy ecte pa ndihmën e paisjes së saj motorike për lëvizje dhe dukej në humor të mirë e në gjendje të qëndrueshme. Një ditë pas festës, ajo u fotografua e buzëqeshur në rrugët e Nju Jorkut.

Që nga viti 2022, Wendy ndodhet nën kujdestari të urdhëruar nga gjykata, dhe aktualisht jeton në një rezidencë luksoze për kujdes të asistuar, Coterie, në lagjen Hudson Yards – të cilën ajo vetë e ka quajtur shpesh si një “burg luksoz”.

Gjatë darkës, burimi thotë se ajo ka shprehur bindjen se avokatët e saj do ta ndihmojnë ta përfundojë këtë regjim kujdestarie.

Wendy Williams, e njohur për dekada si një nga figurat më të spikatura të televizionit amerikan, u tërhoq nga jeta publike për shkak të problemeve shëndetësore dhe vështirësive financiare që çuan në vendosjen e kujdestarisë.

Vitin e kaluar, ekipi i saj bëri të ditur se ajo ishte diagnostikuar me afazi progresive primare dhe dementi frontotemporal, por vetë Wendy e mohon këtë diagnozë dhe shprehet se është në gjendje të funksionojë sërish në mënyrë të pavarur. /Telegrafi/

The post Wendy Williams shihet në një dalje të rrallë në New York, duke festuar ditëlindjen e saj në një restorant appeared first on Telegrafi.

Një kompani teknologjike në SHBA ka vendosur ta vendosë në leje të përkohshme CEO-n e saj, pas një videoje që u bë virale, ku ai shihet në një përqafim në një koncert të Coldplay – përqafim që thuhet se ndodhi me një punonjëse tjetër të kompanisë.

Në videon që fillimisht u shfaq në ekranin gjigant të stadiumit Gillette në Foxborough, Massachusetts, dy persona duken teksa mbajnë njëri-tjetrin në krahë. Në momentin kur fytyrat e tyre shfaqen përballë turmës së mijëra njerëzve, ata reagojnë me siklet dhe përpiqen të fshihen nga kamera, shkruan BBC.

Raportimet që të dy janë drejtues në kompaninë Astronomer, si dhe komentet e frontmen-it të grupit Coldplay, Chris Martin, ndezën spekulimet për një aferë. Kjo solli një vëmendje të madhe në internet, duke e bërë videon virale. Të premten mbrëma, kompania konfirmoi në platformën X (ish-Twitter) se CEO Andy Byron ishte vendosur në leje.

Pamjet ku çifti duket duke kërcyer në ritmin e muzikës e më pas përpiqet të fshihet nga kamera, shpërthyen në rrjet menjëherë pas koncertit të së mërkurës.

Chris Martin, pasi vuri re reagimin e turpshëm të çiftit, iu drejtua publikut: “Ose po kanë një aferë, ose janë shumë të turpshëm”.

Meme of the day: Coldplay concert camera catches cheating CEO on big screen

During a Coldplay concert in Boston, the livestream camera accidentally caught a tender moment between Andy Byron, CEO of U.S. tech company Astronomer, and the company’s head of HR, Kristin Cabot.

All… pic.twitter.com/TlcodY9CCv

— NEXTA (@nexta_tv) July 17, 2025

Videoja origjinale e postuar në TikTok mori miliona shikime dhe më pas u shpërnda në të gjitha platformat, duke u kthyer në meme dhe objekt shakaje në emisione televizive.

Dy ditë pas shpërthimit të komenteve në internet për përqafimin misterioz, Astronomer publikoi një deklaratë duke njoftuar fillimin e një hetimi, pa përmendur drejtpërdrejt videon.

“Astronomer i qëndron vlerave dhe kulturës që na ka udhëhequr që nga themelimi,” thuhej në deklaratë. “Liderët tanë pritet të jenë shembull në sjellje dhe përgjegjësi. Bordi Drejtues ka nisur një hetim zyrtar mbi këtë çështje dhe së shpejti do të japim më shumë detaje.”

Pete DeJoy, bashkëthemelues dhe Shef i Produktit në kompani, është emëruar CEO i përkohshëm.

Sipas shumë burimeve, burri në video dyshohet të jetë vetë CEO Andy Byron, i cili i është bashkuar kompanisë në korrik 2023. Ai nuk ka konfirmuar publikisht nëse është apo jo ai në video.

Gruaja që shihet në video identifikohet në rrjet si Kristin Cabot, Shefja e Burimeve Njerëzore në Astronomer, që nga nëntori 2024. Edhe ajo nuk e ka konfirmuar identitetin e saj.

BBC nuk ka mundur të vërtetojë zyrtarisht identitetin e personave në video.

Në deklaratën e saj, kompania theksoi se z. Byron nuk ka dhënë asnjë deklaratë publike, duke i quajtur të pavërteta raportimet që thonin të kundërtën. Po ashtu, u theksua se në video nuk shihet asnjë tjetër punonjës i kompanisë.

Deklarata të rreme të atribuara CEO-së nisën të qarkullonin në rrjet ditën e enjte dhe u shpërndanë me shpejtësi. /Telegrafi/

The post Suspendohet shefi që u kap duke tradhtuar në koncertin e Coldplay appeared first on Telegrafi.

Kabineti i ish-kancelarit gjerman Olaf Scholz ka shpenzuar pothuajse 590 mijë euro nga fondet publike për grimerë dhe stilistë që u shërbyen zyrtarëve të qeverisë gjermane midis vitit 2022 dhe marsit 2025, shkruan gazeta Bild, duke iu referuar të dhënave zyrtare.

Shpenzimet më të mëdha i janë atribuar ish-ministres së Jashtme Annalena Baerbock, e cila vetëm në tre muajt e parë të vitit 2025 ka shpenzuar 21 mijë euro për grimin, që i bie rreth 248 euro në ditë. Grimerja e saj e përhershme, Claude Frommen, raportohet se ka marrë 7,500 euro në muaj dhe e ka shoqëruar Baerbock gjatë udhëtimeve zyrtare – gjë që ka ngjallur kritika të ashpra, sidomos për shkak të deklaratave të qeverisë rreth krizës ekonomike në Gjermani.

Pas saj renditet vetë ish-kancelari Olaf Scholz, me një total prej 13 mijë euro të shpenzuara për këto shërbime, ndërsa ish-zëvendëskancelari Robert Habeck ka shpenzuar dukshëm më pak – vetëm 598 euro gjatë tre muajve të parë të vitit 2025.

Gazeta Bild thekson se këto shifra nuk përfshijnë shpenzime të tjera si veshje, parukierë apo fotografë.

Këto shpenzime kanë ngjallur kritika të ashpra nga partitë opozitare. Partia CDU ka kërkuar vendosjen e kufizimeve, ndërsa Shoqata e Tatimpaguesve i ka cilësuar këto shpenzime si “të tepruara”, veçanërisht në një kohë kur ekonomia gjermane po kalon periudhë kursimi dhe ngadalësimi.

Kujtojmë se qeveria e Scholz mori pushtetin në dhjetor të vitit 2021, por ra në nëntor 2024 për shkak të përçarjeve brenda koalicionit qeverisës. Pas zgjedhjeve të parakohshme në shkurt 2025, u formua një qeveri e re e udhëhequr nga Friedrich Merz.

Ky raport publikohet në një moment kur ekonomia gjermane është në rënie. PBB-ja e vendit u tkurr me 0.2% në vitin 2024, pas një rënieje prej 0.3% në vitin 2023. Rënia është shkaktuar nga çmimet e larta të energjisë, normat e larta të interesit dhe mungesa e fuqisë punëtore të kualifikuar. /Telegrafi/

The post Ministrja e Jashtme e Gjermanisë, Annalena Baerbock shpenzon 21 mijë euro vetëm për grim në tre muaj appeared first on Telegrafi.

Rita Ora dhe bashkëshorti i saj Taika Waititi duken më të lumtur se kurrë.

Dyshja ishin miq për gjashtë vite para se të kurorëzonin dashurinë në martesë në vitin 2022. Tashmë, tre vite më vonë, Rita ka zbuluar pse lidhja e tyre vazhdon të jetë kaq e fortë.

“Mendoj se çelësi është respekti dhe mbështetja e ndërsjellë – pavarësisht projekteve apo karrierave të ndara që kemi. Të dish të ruash hapësirën e njëri-tjetrit dhe të jesh aty si mbështetje – kjo është shumë e rëndësishme”, – tha këngëtarja e hitit “Praising You”, 34 vjeç, në një intervistë për People, gjatë një performance të saj në eventin The Hill në Brooklyn Bridge Park, në Nju Jork, organizuar në kuadër të Wimbledon, më 11 korrik.

Rita shtoi se në martesën e saj me regjisorin 49-vjeçar, Taika Waititi, miqësia ka luajtur rol thelbësor: “Të jesh i martuar me shokun më të mirë është diçka fantastike”, – tha ajo.

Pak kohë më parë, gjatë një interviste në emisionin Live with Kelly & Mark, Rita zbuloi me humor se ishte ajo që u ul në gjunjë dhe i kërkoi Taikës të martohej me të.

“E surprizova partnerin tim. Ishte momenti im i fuqisë si grua. Dhe po, unë ia kërkova dorën!” – tregoi ajo për Entertainment Weekly. “Besoni ose jo, kjo ndodh!”

Reagimi i Taikës ishte po aq i sinqertë: “Ma ktheu me një të qeshur dhe më tha: ‘Çfarë po bën? Ngrihu menjëherë! Sigurisht që po!’”

Gjatë intervistës me People, Rita foli edhe për këngën e saj më të re “Heat”, e cila është paralajmërimi i parë për albumin e saj të katërt në studio.

“E gjithë tema e këtij albumi është drejtpërdrejtësia – të jem e qartë me mesazhin tim, të heq çdo shtresë të panevojshme nga produksioni, dhe të rikthehem tek thelbi im,” – shpjegoi ajo.

Duke folur për atmosferën e nxehtë dhe ritmin ngjitës të Heat, këngëtarja tregoi se bashkëpunimi me artistin Troye Sivan ishte frymëzues: “E admiroj shumë seksualitetin e tij dhe mënyrën si e feston atë,” – tha ajo. “Më frymëzoi të bëj të njëjtën gjë për veten time si grua – të rikthehem tek sensualiteti, feminiteti, dhe trupi im. Kjo këngë mishëron saktësisht këtë ndjesi”. /Telegrafi/

The post Rita Ora zbulon sekretin e martesës së saj të suksesshme tri vjeçare me regjisorin Taika Waititi appeared first on Telegrafi.

Këngëtarja e njohur shqiptare, Linda Halimi, ka ndezur rrjetet sociale me publikimin e dy fotografive të reja në llogarinë e saj zyrtare në Instagram.

E njohur për vokalin e fuqishëm dhe stilin e saj të veçantë, Linda këtë herë ka tërhequr vëmendjen me paraqitjen e saj tërheqëse në bikini.

Në imazhet e publikuara, intrepretuesja e hitit “Ëndërroja” shihet në një plazh me rërë të bardhë dhe det të kaltër, duke ekspozuar linjat e saj trupore në një bikini ngjyrë smeraldi me detaje dekorative, që i theksojnë edhe më shumë fizikun e saj të tonifikuar.

 

View this post on Instagram

 

A post shared by @linditaworld

Me flokët e lagur dhe qëndrimin plot vetëbesim, Linda rrezaton elegancë dhe forcë – një përzierje që e ka karakterizuar gjithmonë si artiste dhe figurë publike.

Postimi ka marrë komente të shumta pozitive nga ndjekësit, të cilët e kanë komplimentuar për formën fizike, bukurinë natyrale dhe stilin unik.

Ajo ka dëshmuar se edhe pas përfundimit të rrugëtimit të saj në Big Brother VIP Kosova 2, mbetet një ndër personazhet më të përfolura dhe të dashura për publikun.

Pas aventurës së saj në këtë reality show të suksesshëm, Linda është rikthyer në Shtetet e Bashkuara të Amerikës, ku vazhdon të jetojë dhe punojë në qytetin e Atlantës.

Ajo ka paralajmëruar më herët se është duke punuar në projekte të reja muzikore, të cilat pritet të publikohen së shpejti. /Telegrafi/

The post Linda Halimi mahnit me paraqitjen në bikini – publikon fotografi nga plazhi në Instagram duke treguar linjat appeared first on Telegrafi.

Rita Ora është vënë në qendër të vëmendjes pas një deklarate të papritur në lidhje me një “gabim mode”, i cili në fakt është pjesë e koleksionit të saj me Primark.

Këngëtarja 34-vjeçare ka bashkëpunuar me këtë markë të njohur veshjesh që nga viti 2023, duke sjellë disa koleksione për publikun. Por gjatë një interviste për Off Trend HQ, ajo u pyet se cili ishte për të një “red flag” në modë – dhe përgjigjja e saj ngjalli reagime të menjëhershme, shkruan DailyMail.

“Nuk më pëlqen kur duken astaret në veshje. Nëse ke një fund të gjatë, nuk dua të shoh që astari ndalet në mes të këmbës”, tha ajo. Intervistuesja u pajtua me të, duke shtuar: “O të jetë tërësisht i tejdukshëm, ose të mbulojë gjithçka”.

@offtrendhq we don’t want to see ur linings, pattern up! #ritaora #styling #layering #fashionopinion #streetinterview ♬ original sound – Offtrend

Rita shtoi më tej: “Është dembelizëm… rregullojeni!”

Por ndjekësit e vëmendshëm në rrjete sociale e kuptuan menjëherë kontradiktën: në koleksionin më të fundit të verës që Rita ka sjellë me Primark, ndodhet pikërisht një fund i tillë me astar të dukshëm, të cilin ajo sapo e kishte kritikuar. Fundi prej dantelle, me çmim 14 paund, përmban atë dizajn që ajo e quajti të papranueshëm.

Komentet nuk vonuan: “Pra, si ai fundi që ajo e ka me emrin e saj në Primark?”, “A është në dijeni të koleksionit të saj?”, “E dija që do kishte diçka të tillë aty”, “E kapët mat si duhet”, “Është kaq qesharake kjo situatë”, “Rita Ora duket se s’ka pasur asnjë dorë në koleksionin e saj”.

Nuk është hera e parë që Rita kritikohet për bashkëpunimin e saj me markën Primark, e cila njihet si pjesë e industrisë së modës së shpejtë (fast fashion).

Që në vitin 2023, fansat kanë shprehur shqetësime për faktin se ajo ka promovuar një markë e cila lidhet me ndikime negative në mjedis, ndërkohë që paralelisht ka lançuar një brend të vetin të qëndrueshëm, të quajtur Human Beings.

Disa ndjekës e akuzuan se “nuk i intereson”, duke dyshuar gjithashtu se një yll me famë botërore si ajo, që është milionere, e përdor realisht Primark për blerje personale.

Një komentues shkroi: “Moda e shpejtë po e shkatërron planetin – a nuk të intereson fare?”.

Megjithatë, Rita vazhdon të punojë me markën edhe pas dy vitesh. Së fundmi ajo ka reklamuar koleksionin e saj të ri të verës për Primark, ku është shfaqur me bikini të guximshme në pozat buzë detit, duke tërhequr shumë vëmendje.

Në një nga fotot, ajo shihet me bikini saten në ngjyrë burgundy, teksa pozuar përpara një perëndimi dielli magjepsës. Koleksioni, sipas saj, është frymëzuar nga “ditët e gjata nën qiellin e artë dhe netët e paharrueshme të verës”, dhe përfshin fustane pa shpinë, funde të lehta maksi dhe copa të punuara me grep – perfekte për sezonin veror. /Telegrafi/

The post Rita Ora kritikohet për një vërejtje të bërë gjatë një interivtse, që duket se prek koleksionin e saj me “Primark” appeared first on Telegrafi.

Horoskopi, e shtunë, 19 Korrik 2025 Dashi Do jeni të frymëzuar dhe plot ide sot që në orët e para të mëngjesit, por mbrëmja mund të prishet pak për shkak të disa problemeve të vogla në planin sentimental. Nëse keni një lidhje partneri do ua çmojë delikatesën, aftësinë dëgjuese dhe lirinë e shprehjes. Ju duhet […]

The post Horoskopi, e shtunë, 19 Korrik 2025/ Lexoni parashikimin e yjeve për shenjën tuaj appeared first on BoldNews.al.

Serena Williams ka ndarë me ndjekësit e saj në Instagram një set të ri fotosh provokuese në bikini, të realizuara gjatë një pushimi luksoz me jaht – dhe reagimet nuk kanë munguar.

Ikona e tenisit 43-vjeçare, e cila së fundmi ka shfaqur trupin e saj të tonifikuar përmes selfieve para pasqyrës, ka rritur temperaturat këtë të enjte me paraqitjen e saj pas pensionimit.

Në një nga fotot, kampionja e Wimbledon pozon si modele profesioniste me njërën dorë të ngritur, duke theksuar barkun dhe linjat trupore të skalitura, shkruan DailyMail.

Në një tjetër imazh, ajo shihet e ulur buzë jahtit, e veshur me bikini dhe një sarong transparent, me sfondin magjepsës të oqeanit pas saj.

“Unë dhe vajzat e mia… jemi në rrugë sonte. Por po fillojmë këtu,” – ka shkruar Serena në përshkrimin e fotos, ku shfaqen edhe mikeshat e saj glamuroze që e shoqëronin në këtë aventurë.

Megjithëse shumë ndjekës e komplimentuan për paraqitjen, të tjerë nuk ngurruan të shpreheshin kundër, duke komentuar për ndryshimet në pamjen e saj fizike.

“Është shumë e dobët… pse?” – pyeti një komentues, duke ndezur një debat të zjarrtë në seksionin e komenteve.

Disa e mbrojtën pamjen e re të Serenës, ndërsa të tjerë pohuan se mezi e njohën.

“Serena nuk është më e kolme,” – komentoi dikush. Një tjetër shtoi: “Ata nuk e dinë që ajo ka qenë edhe më e dobët nga viti 1998 deri në 2007”.

Megjithatë, shumë të tjerë e dolën në mbrojtje të plotë: “Nuk e di çfarë thonë njerëzit, ajo është ende me forma dhe e shëndetshme. Lëreni të jetojë jetën e saj” – shkroi një ndjekës.

Një tjetër shtoi: “Ajo nuk është e dobët, trupi i saj duket njësoj si në vitet 2013-2014”.

Një mbrojtës i flaktë komentoi: “Vetëm duan të flasin keq për Serenën. Herë thonë që është shumë e kolme, herë shumë muskulore, tani shumë e dobët, pastaj i pengon që burri i saj është i bardhë, apo që po zbardh lëkurën. Kur kuptojnë që është ende e errët, e kuptojnë që ishte thjesht ndriçimi dhe grimi. S’kanë më asgjë për të thënë. E vërteta është një: Serena po jeton jetën e saj”.

Një tjetër komentues shtoi: “Ajo s’ka asnjë problem me urrejtësit. Nëse nuk do dukej kaq mirë, nuk do kishte asnjë urrejtës. Serena, nëna dhe motra e saj duken fantastike!”.

Në mes të gjithë këtij diskutimi, pamja e re e Serenës është një kujtesë se trashëgimia e saj në tenis vazhdon të jetë temë diskutimi – brenda dhe jashtë fushës.

Ajo fitoi titullin e saj të fundit Grand Slam në vitin 2017 në Australian Open, ndërsa më pas humbi dy herë në finalet e US Open dhe Wimbledon.

Gjatë karrierës së saj të shkëlqyer, Serena ka fituar 23 tituj Grand Slam në kategori individuale – më shumë se çdo tjetër në epokën moderne – dhe ka mbajtur pozitën e parë në botë për 319 javë.

Ndeshja e saj e fundit ishte në US Open 2022, ku zhvilloi një betejë tre-orëshe emocionuese ndaj Ajla Tomljanović, por nuk arriti të fitonte.

Jashtë fushës, Serena i balancon angazhimet e saj në biznes dhe bamirësi me jetën familjare pranë bashkëshortit të saj, Alexis Ohanian, dhe dy vajzave të tyre.

Çifti u martua më 16 nëntor 2017 në një ceremoni madhështore në New Orleans. Vajza e tyre e parë, Alexis Olympia Ohanian Jr. – e njohur si Olympia – lindi në shtator 2017. Familja u zgjerua edhe më tej në gusht 2023, kur Serena solli në jetë vajzën e tyre të dytë, Adira River Ohanian.

Ndërkohë, motra e madhe e Serenës, Venus Williams, po vazhdon të thyejë kufijtë e moshës. Shtatë herë kampionia e Grand Slam, në moshën 45-vjeçare, ka marrë një ftesë të veçantë për të konkurruar në turneun DC Open, pavarësisht se që nga marsi i vitit 2024 nuk ka zhvilluar një ndeshje zyrtare në nivel të turneve. Ajo vazhdon të dëshmojë se mosha është vetëm një numër. /Telegrafi/

The post “Është shumë e dobët… pse?”, Serena Williams ndez debat në rrjete sociale me fotografitë e reja në bikini appeared first on Telegrafi.

Lauren Sanchez, e njohur për dashurinë e saj ndaj bizhuterive luksoze, ka shkaktuar reagime të shumta në rrjetet sociale pas publikimit të një videoje ku shihet me një unazë të re martese me diamant gjigant. Fansat janë bindur se unaza është aq delikate në dizajn, saqë ekziston rreziku që guri i çmuar të bjerë nga momenti në moment.

Kujtojmë se ish-gazetarja 55-vjeçare tregoi për herë të parë unazën e saj të fejesës në vitin 2023, pasi u propozua nga themeluesi i Amazon, Jeff Bezos, në superjahtin e tij luksoz prej 500 milionë dollarësh, “Koru”. Pas një darke romantike nën qiellin e hapur, Bezos kishte fshehur unazën madhështore poshtë jastëkut të saj dhe i kishte bërë propozimin.

Unaza e parë, me një diamant të rrallë rozë me peshë rreth 30 karatësh, vlerësohet të kushtojë mes 3 dhe 5 milionë dollarë. Më vonë, në një intervistë për Vogue, Sánchez zbuloi se bëhej fjalë për një gur tepër të veçantë.

Megjithatë, për ceremoninë e martesës, ajo vendosi të mos e mbante këtë unazë të fejesës dhe e zëvendësoi me një tjetër, duke e vendosur të parën në dorën tjetër. Gjatë dasmës luksoze në Venecia, ajo prezantoi unazën e re, për të cilën ekspertët e bizhuterive mendojnë se kushton rreth 4 deri në 5 milionë dollarë – një “imtesi” për një miliarder si Bezos.

Megjithëse pranga e re vezulloi para syve të të ftuarve VIP, komentet në rrjetet sociale nuk vonuan. Shumë përdorues kritikuan dizajnin, duke thënë se është shumë i brishtë për një diamant kaq masiv.

Deena Bassam, pronare e kompanisë Deena Diamond Designs, në një video virale në TikTok u shpreh: “Një unazë kaq e hollë me një diamant të përmasave të tilla… është një aksident që pret të ndodhë”. Në përshkrimin e videos, ajo shtoi: “Jam e frikësuar”.

@deenafinejewelry I’m scared. But rest assured, I will always steer you in the right direction. Part of being a designer is making sure your ring fits all facets of your life! Your ring should not only fit your aesthetic preferences but also suite your lifestyle! #laurensanchez #jewelrydesign #30ctdiamond #engagementring #largediamond #foryoupage ♬ original sound – SAINTED

Dizajnerja nga Dallasi sqaroi se një unazë nuk duhet të përputhet vetëm me estetikën, por edhe me stilin e jetës së mbajtëses. Ajo theksoi për Daily Mail se gjithmonë u kujton klientëve të saj: “Nuk ekziston një bizhuteri prej metali të çmuar që të jetë e pashkatërrueshme, pavarësisht sa mirë është punuar”.

Përdoruesit në rrjet u pajtuan menjëherë me të, duke shprehur habinë për përmasat e diamantit dhe për faktin që unaza dukej e brishtë. Shumë besojnë se diamantët më të vegjël që zbukurojnë rrethin e unazës mund ta dobësojnë më tej strukturën, duke e bërë më të rrezikshme për përdorim. Por duhet pasur parasysh se Sánchez nuk kryen punë të zakonshme si mbledhja e valixheve apo larja e enëve – aktivitete gjatë të cilave një gur i tillë mund të dëmtohej lehtësisht.

Disa komentues shkruan: “Janë të pasur në mënyrë të çmendur dhe me siguri unaza është e siguruar. Nëse i bie, do blejnë një tjetër”, “Me pasurinë që kanë, nuk ka rëndësi nëse thyhet pas një muaji”.

@tiamogemco Lauren Sanchez Engagement Ring is a STUNNING 30-45 carat oval natural diamond! But is it a sturdy, functional ring setting? C0ntact me to build your dream custom ring for less with diamonds or moissanite! #laurensanchez #ovalengagementring #ovaldiamond #customengagementring #ringinspo #celebrityrings #privatejeweler #engagementring ♬ original sound – YOUR CONCIERGE JEWELLER

Ndërkohë, gemologia Olivia Landau gjithashtu konfirmoi për Daily Mail se vendosja e një diamanti kaq të madh në një unazë kaq të hollë nuk rekomandohet. “Nëse rrethi është shumë i hollë, ekziston rreziku që diamantët më të vegjël të bien,” – sqaroi ajo nga Nju Jorku.

Megjithatë, jo të gjithë janë të mendimit se katastrofa është e pashmangshme. Monil Kothari, themelues i Haus of Brilliance, deklaroi: “Platina është materiali më i fortë në botën e bizhuterive – e qëndrueshme, rezistente dhe e ndërtuar për të zgjatur”.

Ai vlerësoi se dizajni është në fakt shumë i menduar. “Duket se shpërndan peshën e diamantit në mënyrë të barabartë në gisht, çka e zvogëlon presionin mbi rrethin. Nuk është një ndërtim i keq,” – tha ai.

“Diamanti është mahnitës, unaza është e mrekullueshme, dhe interneti është thjesht shumë negativ”.

Në përfundim, Kothari shtoi: “Sinqerisht, më duket qesharake ideja që themeluesi i Amazon-it pret të thyhet unaza për të marrë dëmshpërblim nga siguracioni. Bezos nuk bën pazar në Alibaba! Profesionistët e vërtetë e ndërtojnë një prangë të tillë për të zgjatur përjetësisht”. /Telegrafi/

The post Unaza prej një milion dollarësh e Lauren Sanchez nën kritika: A është tepër e brishtë për një diamant kaq të shtrenjtë? appeared first on Telegrafi.

Pavarësisht zhurmës mediatike rreth një skandali të mundshëm tradhtie, Conor McGregor dhe e fejuara e tij, Dee Devlin, janë parë më të afërt se kurrë gjatë pushimeve luksoze në një jaht në Porto Cervo, Sardenjë.

Luftëtari irlandez i MMA-së, 37-vjeçar, u përfshi në një polemikë ditët e fundit, pasi u fotografua duke puthur një grua brune të panjohur në një plazh në Fort Lauderdale, SHBA – ndërkohë që Dee nuk ishte askund pranë, shkruan DailyMail.

Situata u përkeqësua më tej kur reperja Azealia Banks publikoi akuza të rënda ndaj McGregor, duke e akuzuar për ngacmim seksual. Ajo ndau në platformën X (ish-Twitter) disa foto nudo, që sipas saj i kishte marrë nga Conor pa ndonjë kërkesë paraprake.

Por çifti duket se i ka injoruar të gjitha këto zëra. Në një dalje të fundit, ata u panë shumë të dashuruar në jaht, ku Conor i dha Dee një puthje në ballë dhe qëndruan të përqafuar për një kohë të gjatë. Ata gjithashtu u panë duke biseduar dhe relaksuar së bashku në diellin e Sardenjës.

Në një tjetër moment, McGregor postoi në Instagram një video të partneres së tij duke marrë rreze dielli me bikini, teksa bënte komente të nxehta dhe fokusonte trupin e saj.

Luftëtari i njohur, që ishte pa bluzë dhe me pantallona të shkurtra të zeza, ekspozoi fizikun e tij muskulor dhe plot tatuazhe. Nga ana tjetër, Dee mahniti me një palë bikini dy-pjesëshe me ngjyrë korale, duke treguar një paraqitje të bashkuar me Conor.

Pushimet në Sardenjë po i shfrytëzojnë për të festuar ditëlindjen e 37-të të McGregor-it, më 14 korrik. Dee postoi një urim plot dashuri për partnerin e saj në Instagram, ndërsa të dy kanë ndarë foto të përbashkëta gjatë ditëve të fundit.

Këto paraqitje të bashkuara vijnë pas reagimeve të shumta, kur McGregor u fotografua duke puthur një grua tjetër në sy të pushuesve në Fort Lauderdale.

Ai shihej duke pirë një pije të ftohtë pranë një gruaje me bikini me motive leopard, e cila po ndante shezllonin me të. Ata bisedonin në hije, ndërsa Conor kishte krahun rreth saj.

Ndërkohë që Dee, nëna e katër fëmijëve të tij – Croia (5), Conor Jr (8), Rian (3) dhe Mack (19 muajsh) – nuk u pa në skenë, ajo zgjodhi të mos komentojë publikisht për skandalin. Përkundrazi, të hënën ndau në Instagram një postim nga një faqe fansash: “Gëzuar ditëlindjen për njeriun që gjithmonë e bën Dee-n të qeshë”.

Vetëm pak orë më vonë, Azealia Banks publikoi imazhet nudo të supozuara të McGregor-it, duke e akuzuar për ngacmim seksual dhe duke pretenduar se ai e kishte kërcënuar që të mos i tregonte.

Në një nga postimet, ajo shkroi: “Si guxon të dërgosh foto të organit të shtrembër dhe pastaj të më kërcënosh që të mos e tregoj?”

Ajo vazhdoi: “A e di kush jam unë? Kjo është e ndaluar! Si mendon të më ngacmosh seksualisht me atë dhe pastaj të më kërcënosh? Zemër… a nuk po përpiqesh të bëhesh president i Irlandës? Përdor krem dielli!”.

Përveç fotografive të supozuara, Azealia ndau edhe mesazhe që i atribuohen llogarisë së McGregor-it, përfshirë një që lexon: “Mos u bëj spiun sepse të gjithë spiunët kapen.” Në një tjetër mesazh, ku supozohet se ai tregon organin e tij të lidhur me një peshe ngritjeje, thuhej: “Po ngre pesha”.

Ndërkohë, agjentët e Conor-it dhe Azealia-s nuk kanë komentuar ende publikisht për akuzat.

Ky është një tjetër turpërim për marrëdhënien e Conor-it me Dee-n, e cila e ka mbështetur vazhdimisht, madje edhe gjatë gjyqit për sulm seksual vitin e kaluar.

Në vitin 2024, një gjykatë civile në Dublin e shpalli McGregor-in përgjegjës për përdhunimin e Nikita Hand, 35-vjeçare, në një hotel më 9 dhjetor 2018, duke i dhënë asaj 250 mijë euro dëmshpërblim.

Megjithatë, Dee reagoi ashpër kundër Nikita-s në Instagram dhe e bëri të qartë se do ta mbështeste Conor-in: “Conor dhe unë i kemi zgjidhur këto çështje në mënyrë private shumë vite më parë dhe kemi dalë më të fortë. Kemi katër fëmijë të mrekullueshëm, fytyrat e buzëqeshura të të cilëve dëshmojnë kush jemi!”.

Çifti është bashkë prej 15 vitesh dhe u fejuan në gusht të vitit 2020, pasi Conor i propozoi gjatë ditëlindjes së tij. Ata janë njohur në vitin 2008 kur ishin adoleshentë dhe Dee e ka mbështetur atë që nga fillimi i karrierës, kur ai ishte pa punë dhe ëndërronte të bëhej luftëtar profesionist. /Telegrafi/

The post Conor McGregor injoron skandalin e tradhtisë – shihet i afërt me të fejuarën Dee Devlin gjatë pushimeve në jaht appeared first on Telegrafi.

Pas suksesit me “Thor: Ragnarok”, regjisori i njohur, Taika Waititi, do të sjellë në ekran një tjetër figurë ikonike nga komikët britanikë: superpolicin e rreptë Judge Dredd.

Projekti i ri, i cili është ende në fazat e hershme të zhvillimit, do të bazohet më shumë në materialin origjinal të komikut legjendar “2000 AD”, dhe jo në filmat e mëparshëm.

Skenari do të shkruhet nga Drew Pearce, i njohur për “The Fall Guy” dhe “Mission: Impossible – Rogue Nation”.

Pearce dhe Waititi, të cilët janë miq të vjetër dhe fansa të hershëm të komikëve, kanë dashur prej kohësh të punojnë së bashku në një projekt të tillë.

Judge Dredd, i krijuar në fund të viteve të 70-ta nga John Wagner dhe Carlos Ezquerra, është një gjyqtar i së ardhmes në qytetin distopik Mega-City One, ku vepron njëkohësisht si polic, jurist dhe ekzekutues.

Ai është kthyer në një simbol të kulturës pop, me një trashëgimi që përfshin histori të panumërta, lojëra, libra dhe produkte të tjera mediatike.

Filmi i ri synon të sjellë një version më argëtues, me humor të zi dhe një botë të ndërtuar me kujdes, me synimin për të hapur një univers të ri filmik për Dredd.

Në një intervistë të fundit, Waititi foli hapur për përvojën e tij me Marvel, duke rrëfyer se nuk kishte qenë i apasionuar pas komikëve të “Thor” dhe se fillimisht e kishte pranuar punën për arsye praktike.

“Nuk ishte pjesë e ëndrrës sime si regjisor, por sapo më kishte lindur fëmija i dytë dhe kisha nevojë për punë”, u shpreh ai me humor. /Telegrafi/

The post Bashkëshorti i Rita Orës, Taika Waititi, rikthehet në botën e komikëve me filmin e ri për Judge Dredd appeared first on Telegrafi.

Amber Candy, ish-banorja e Big Brother VIP Albania, ka reaguar me një mesazh të drejtpërdrejtë në rrjetet sociale pas një komenti transfobik që i ishte bërë nga një grua.

Në një Instastory, ajo tha se i ishte thënë: “Femër lind, nuk bëhesh”, një fjali që, sipas saj, i kishte prishur mëngjesin.

“E para, unë feminilitetin nuk ia kam vjedhur asnjë femre në rruzullin tokësor”, tha Amber. “E dyta, e thënë nga një femër është e shëmtuar”.

Dhe e treta, nëse kjo femër mendon kështu, mund të sjellë burrin e saj, ta takoj. Dhe nëse burri i saj nuk do të kthehet më në shtëpi, unë do të bëhem prapë burrë”, shtoi ajo me ironi.

Gjatë kohës në BBVA, Amber ka rrëfyer publikisht sfidat e tranzicionit të saj gjinor, përfshirë prishjen e marrëdhënieve me familjen dhe humbjen e babait, i cili ndërroi jetë pas një diagnoze me kancer.

Ajo ka treguar se vendimi për të ndjekur identitetin e saj i kushtoi jo vetëm raportet familjare, por edhe biznesin që kishte në Shqipëri.

Amber ka deklaruar se babai i saj nuk arriti ta pranonte plotësisht përpara se të ndahej nga jeta, një humbje që ajo e përshkroi si “dhimbjen më të madhe të jetës”. /Telegrafi/

The post Amber i përgjigjet komentit transfobik “femër lind, nuk bëhesh”: Feminitetin nuk ia kam vjedhur askujt appeared first on Telegrafi.

Tyla tërhoqi gjithë vëmendjen teksa mbërriti në klubin e natës Phonox në Brixton, me një veshje që nuk kaloi pa u vënë re – reçipeta dantelle jeshile neoni dhe pantallona të shkurta xhins.

Këngëtarja 23-vjeçare shfaqi stilin e saj të guximshëm dhe u shfaq plot vetëbesim përpara performancës së saj në një mbrëmje intime me fansat.

Në të njëjtin event, Stormzy u shfaq në mënyrë më të përmbajtur, me tuta gri dhe syze të errëta, duke shmangur vëmendjen, por jo zhurmën në medie, shkruan DailyMail.

Reperi 31-vjeçar po përflitet gjerësisht pas publikimit të këngës “Sorry Rach!”, ku flet për një lidhje të re dhe dëshirën për të krijuar familje.

Teksti ka bërë që fansat të spekulojnë për një histori të re dashurie dhe përfundimisht përmbylljen e kapitullit me ish-të dashurat e tij Maya Jama dhe Victoria Monet.

Ndërkohë që Maya ka konfirmuar se ajo dhe Stormzy nuk do të rikthehen më bashkë, vëmendja tashmë është përqendruar tek identiteti i vajzës misterioze që ka frymëzuar reperin – një lidhje që ai vetë e quan “gati për martesë”.

Dikur i adhuruar për stilin e tij të ashpër dhe mesazhet e fuqishme, Stormzy po përballet me kritika për ndryshimin e kursit artistik, me albumin e fundit që nuk ka arritur pritshmëritë.

Por, edhe mes kritikave dhe thashethemeve, ai vazhdon të mbetet një nga emrat më të lakuar në skenën britanike. /Telegrafi/

The post Tyla shkëlqen në Brixton me një paraqitje të guximshme dhe stil unik në skenë appeared first on Telegrafi.

Pas videos virale ku drejtori ekzekutiv i kompanisë Astronomer, Andy Byron, u pa në një moment intim me drejtoreshën e burimeve njerëzore të firmës, Kristin Cabot, bashkëshortja e tij Megan ka bërë një veprim domethënës në rrjetet sociale.

Ajo ka hequr mbiemrin e burrit të saj nga profili i saj në Facebook, në atë që shumë e kanë parë si një shenjë të qartë reagimi ndaj situatës.

Momenti që shkaktoi zemërim të madh në internet ndodhi gjatë një koncerti të Coldplay në Boston, ku Byron u kap nga “kamera e puthjes” me Cabot.

Pas transmetimit në ekran gjigand, Cabot u duk e turpëruar dhe u përpoq të mbulonte fytyrën, ndërsa Byron u përpoq të shmangte vëmendjen duke u kthyer.

Reagimi nuk vonoi nga publiku online. Një përdorues i rrjetit X (ish-Twitter) vuri re ndryshimin në profilin e Megan Byron, e cila ka dy fëmijë me CEO-n.

“Gruaja e Andy Byron tani e ka larguar mbiemrin e tij nga Facebook dhe i ka lënë komentet hapura! Çfarë akti elegant! Bravo Megan”, shkruante postimi që mori mbështetje të gjerë.

Komentet dhe mbështetja për Megan u shumuan, me shumë përdorues që i bënë thirrje të kërkojë divorc dhe të “marrë çfarë i takon”, ndërsa videoja vazhdon të bëjë xhiron e rrjetit. /Telegrafi/

Meme of the day: Coldplay concert camera catches cheating CEO on big screen

During a Coldplay concert in Boston, the livestream camera accidentally caught a tender moment between Andy Byron, CEO of U.S. tech company Astronomer, and the company’s head of HR, Kristin Cabot.

All… pic.twitter.com/TlcodY9CCv

— NEXTA (@nexta_tv) July 17, 2025

The post Gruaja e CEO-së së Astronomer heq mbiemrin e burrit pas videos virale në koncertin e Coldplay appeared first on Telegrafi.

Modelja dhe moderatorja e njohur, Loredana Brati, ka folur së fundmi për jetën pas Big Brother VIP dhe reflektimet që ka bërë rreth pjesëmarrjes në reality show-n më të ndjekur në vend.

Në një intervistë ekskluzive për emisionin “Pushime on Top”, ajo u pyet nga moderatorja Lei Kraja nëse është në një romancë. Me humor dhe diplomaci, Loredana u përgjigj: “Vazhdoj të jem një shpirt.”

Duke u ndalur te përvoja në Big Brother VIP, ajo tregoi se ka pasur momente pendese, veçanërisht në lidhje me afrimin e saj me Jozin.

“Ndoshta kur u afrova me Jozin që në fillim. Nuk do e ktheja kohën pas sepse gjithçka ndodh për një arsye, por kishte momente që ngecja në situata që nuk ishin situata të miat. Dhe thosha, ‘Lori çfarë po bën, nuk është gjë jotja!’”, rrëfeu ajo me sinqeritet.

Në vijim të bisedës, Loredana foli edhe për ditëlindjen e saj të organizuar dy muaj më parë, ku ishin të ftuar shumë miq dhe kolegë.

Por festa nuk shkoi pa zhgënjime për të. “Në ditëlindjen time pata shumë të ftuar. I ftova sepse doja t’u ktheja mbështetjen që më kanë dhënë. Por shumë njerëz e panë si mënyrë për të shtuar views dhe para. U ndjeva pak e tradhtuar nga disa njerëz. U zhgënjeva”, u shpreh ajo.

Me një qasje të qartë dhe të matur, Loredana tregoi se vazhdon të ruajë autenticitetin e saj pavarësisht sfidave dhe se përpiqet ta shohë çdo situatë si një mundësi për të mësuar e për të ecur përpara. /Telegrafi/

The post “Pendohem për afrimin me Jozin në Big Brother” – Loredana tregon përfundimisht se a është beqare appeared first on Telegrafi.

Horoskopi, e premte, 18 Korrik 2025 Dashi Gjatë kësaj dite do qartësoni mendimet dhe do vendosni disa pika mbi “i”. Do jeni edhe më optimistë për të ardhmen. Ju të dashuruarit do kaloni një ditë goxha të favorshme dhe do buzëqeshni në çdo moment. Për asnjë çast nuk do ndiheni keq sepse edhe partneri do […]

The post Horoskopi, e premte, 18 Korrik 2025/ Lexoni parashikimin e yjeve për shenjën tuaj appeared first on BoldNews.al.

Pas akuzave të rënda për dhunë fizike dhe psikologjike, aktorja e njohur Denise Richards ka marrë një urdhër ndalimi nga gjykata ndaj bashkëshortit të saj, Aaron Phypers, me të cilin ndodhet aktualisht në proces divorci.

Ylli i filmit “Wild Things” ka paraqitur në gjykatë një sërë incidentesh shqetësuese, duke përfshirë edhe kërcënime të Phypers se do të dëmtonte veten dhe atë nëse ajo do të njoftonte policinë.

Në dëshminë e saj tronditëse, të siguruar nga Page Six, Richards përshkruan në detaje dhunën që thotë se ka përjetuar gjatë marrëdhënies me të: “Gjatë lidhjes sonë, Aaron më ka zënë shpesh për fyti me forcë, më ka shtrënguar kokën me të dyja duart, më ka kapur fort për krahësh, më ka qëlluar me shuplaka në fytyrë dhe kokë, dhe në disa raste më ka përplasur kokën pas mbajtësit të peshqirëve në banjë”, thuhet në dokumentet gjyqësore.

Richards (54), e njohur gjithashtu për pjesëmarrjen e saj në reality show-n “Real Housewives of Beverly Hills”, thotë se Phypers (52) i kishte shkaktuar një nxirje në sy që në vitin 2022. Sipas saj, incidenti kishte ndodhur në vendin e punës së Phypers në Malibu, kur ai u bë paranojak, duke besuar se bimët që kishte blerë përmbanin pajisje përgjimi. Në atë moment, ai e kishte quajtur “kurvë e mallkuar” dhe e kishte goditur me shuplakë në sy.

Në një tjetër rast të përmendur në dosjen gjyqësore, Phypers dyshohet se ishte zemëruar dhunshëm kur Denise i kishte sugjeruar që të mos e shoqëronte në një udhëtim pune. “Më kapi për flokësh dhe më rrëzoi në tokë duke bërtitur: ‘Nuk do ta anulosh fluturimin tim, do vij me ty – nuk të besoj’.” Richards ka bashkangjitur edhe fotografi me shenja në fytyrë, për të cilat pretendon se janë pasojë e sulmeve të tij.

Gjykata i ka urdhëruar Phypers-it të qëndrojë të paktën 91 metra larg Denise Richards-it, shtëpisë së saj, veturës dhe pronës. Ai, nga ana tjetër, i ka mohuar kategorikisht të gjitha akuzat. Në një deklaratë për Us Weekly, ai është shprehur se pretendimet “nuk janë të vërteta” dhe “janë të trilluara”, duke shtuar me vetëbesim: “Unë kam provat e duhura”.

Këto akuza tronditëse kanë dalë në publik më pak se dy javë pasi Phypers, pas gjashtë vitesh martesë, paraqiti kërkesën për divorc. Si datë ndarjeje ka caktuar 4 korrikun dhe si arsye ka deklaruar “mosmarrëveshje të pakapërcyeshme”. Ai po kërkon gjithashtu mbështetje financiare (alimentacion) nga gjykata.

Një burim i afërt me çiftin ka thënë për DailyMail se ndarja e tyre ishte vetëm çështje kohe, pasi marrëdhënia ishte bërë “toksike” dhe përplot me konflikte të vazhdueshme. “Problemet kanë nisur prej kohësh, por pika kulmore ishte një përplasje e ashpër gjatë fundjavës, pas së cilës ai kërkoi divorcin”, tha burimi.

Çifti u martua në shtator të vitit 2018 dhe vetëm disa ditë pasi Phypers paraqiti kërkesën për divorc, ai është parë në publik pa unazën e martesës. /Telegrafi/

The post Detajet tronditëse të divorcit: Aktorja Denise Richards pretendon se burri i saj e ka rrahur rëndë appeared first on Telegrafi.