Mbretëria e Bashkuar është mikpritësja e samitit të rradhës së procesit të Berlinit. Kështjella historike Hillsborough në Irlandën e Veriut do të bëjë bashkë ministrat e jashtem të Ballkanit Perëndimor dhe atyre të Bashkimit Europian, të mërkurën e 8 tetorit. Takim ky që i paraprin samitit të lidërve, i cili do të mbahet në Londër me 22 tetor

Sekretari i Jashtëm, David Lammy do të udhëheqë bisedimet që synojnë promovimin e paqes dhe bashkëpunimin në Ballkanin Perëndimor.

Në një deklaratë të qeverisë angleze thuhet se fokusi do të jetë tek bashkëpunimi dhe stabiliteti në Ballkanin Perëndimor, duke ndalur edhe tek cështjet e pazgjidhura të rajonit.

“Duke shfrytëzuar përvojën e Irlandës së Veriut, shpresojmë të mbështesim partnerët në Ballkanin Perëndimor për të kapërcyer sfidat e së kaluarës përmes pajtimit domethënës dhe për të ndërtuar një të ardhme të sigurt dhe të begatë. Si pjesë e Planit për Ndryshim, kjo qeveri është e përkushtuar të forcojë partneritetet me Evropën, duke siguruar themele të forta të stabilitetit ekonomik, kufijve të sigurt dhe sigurisë kombëtar.” 

Pjese bisedimeve do të jetë edhe forcimi i sigurisë kolektive të Europës, lufta kundër krimit të organizuar dhe bandave të trafikimit të njerëzve.

Nga zgjedhjet e vitit të kaluar, Britania e Madhe ka shtuar angazhimin dhe bashkëpunimin me vendet e Ballkanit Perëndimor, duke zgjeruar Task Forcën e Përbashkët të Migracionit me Shqipërinë dhe Kosovën për të përfshirë dhe Maqedoninë e Veriut.  Ndërsa pak javë më parë njoftoi regjimin e parë në botë të sanksioneve që synon migracionin e parregullt dhe kriminelët e trafikimit – përfshirë ata nga Ballkani Perëndimor.

Takimi i ministrave të Jashtëm është pjesë e kryesimit nga Mbretëria e Bashkuar të Procesit të Berlinit në vitin 2025: forumi kryesor ndërkombëtar, i iniciuar nga Gjermania, dhe që bën bashkë gjashtë vendet e Ballkanit Perëndimor së bashku me vendet partnere europiane për të nxitur bashkëpunimin rajonal dhe ekonomik në Ballkanin Perëndimor./

TIRANË, 7 gusht /ATSH/ “Ballkani” ka hedhur një hap të rëndësishëm drejt fazës ‘play-off’ të Conference League, duke mposhtur të enjten “Shamrock Rovers” me rezultatin minimal 1-0, në ndeshjen e parë të zhvilluar në stadiumin ‘Fadil Vokrri’ në Prishtinë.

Skuadra e drejtuar nga Orges Shehi dominoi takimin nga minuta e parë, duke krijuar disa raste të rrezikshme.

Arbër Potoku provoi të zhbllokonte rezultatin në minutën e 15-të, por portieri mik ndërhyri në kohë. Tre minuta më pas, ishte radha e Sunday Adetunjit të rrezikonte, por sërish portieri irlandez reagoi me sukses.

Presioni i Ballkanit nuk u ndal as në pjesën e dytë. Në minutën e 54-t, Adetunji gjeti rrjetën me një lëvizje inteligjente në zonë, duke shënuar golin që në fund rezultoi vendimtar.

Pas golit, ekipi nga Kosova kërkoi edhe një të dytë. Almir Kryeziu dhe sërish Adetunji patën raste për të thelluar epërsinë, por portieri i Shamrock Rovers mbajti gjallë shpresat e skuadrës së tij për ndeshjen e kthimit.

Me këtë rezultat, Ballkani siguron një avantazh të rëndësishëm para sfidës së kthimit javën e ardhshme në Irlandë, ku do të kërkojë të mbyllë me sukses një tjetër kapitull evropian.

/gj.m/r.e/

The post Conference League – “Ballkani” i Orges Shehit fiton 1-0 kundër “Shamrock Rovers” appeared first on Agjencia Telegrafike Shqiptare.

Ballkani ka mundur në shtëpi me shifrat 1-0 Shamrok Rovers të Irlandës, ndeshje e vlefshme për turin e tretë të Ligës së Konferencës. Skuadra kosovare dominoi sfidën ndaj irlandezëve me lojë dhe me raste. Por për të shijuar golin u desh të pritej pjesa e dytë, kur Adetunxhi hyri në zonë dhe tundi rrjetën në […]

The post Liga e Konferencës/ Ballkani triumfon në sfidën e parë, mposht irlandezët e Shamrock Rovers appeared first on BoldNews.al.

Ballkani e ka mbyllur me rezultat të barabartë 0-0 pjesën e parë ndaj Shamrock Rovers në stadiumin ‘Fadil Vokrri’. 

Suharekasit po përballen ndaj ekipit irlandez në kuadër të rrethit të tretë të Ligës së Konferencës. 

Rastin e parë për gol Ballkani në këtë sfidë e pati në minutën e 15-të përmes Arbër Potokut, por goditjen e tij e ndali portieri mysafir. 

Një tjetër rast për gol e pati edhe Sunday Adetunji në minutën e 18-të, por sërish ishte portieri mysafir që nuk pranoi të mposhtej. 

Të besuarit e Orges Shehit patën gjithashtu një tjetër mundësi të mirë shënimi në minutën e 34-të me Ardit Deliun, por goditja e tij shkoi pranë shtyllës së irlandezëve. 

Vlen të theksohet se mysafirët e Shamrock Rovers nuk ia dolën që për asnjë moment të rrezikonin portën e Ballkanit gjatë 45 minutave të para./Telegrafi/

The post Mbyllet pjesa e parë: Ballkani dominon ndaj Shamrock, por mungon goli appeared first on Telegrafi.

Ballkani do të jetë nikoqir i ekipit irlandez Shamrock Rovers me fillim nga ora 20:30 në stadiumin ‘Fadil Vokrri’. 

Kjo ndeshje zhvillohet në kuadër të rrethit të tretë të kualifikimeve për Ligën e Konferencës dhe suharekasit do të synojnë të marrin fitoren e cila i afron një hap drejt kualifikimit. 

Një rezultat pozitiv në ‘Fadil Vokrri’ do të ishte tejet i rëndësishëm para sfidës së kthimit që do të zhvillohet një javë më vonë. 

Për këtë takim trajneri Orges Shehi ka vendosur të futet në fushë me lojtarët më të mirë që ka në dispozicion: 

Formacionet zyrtare: 

Ballkani: Golubovic, Smajli, Batarelo, Halili, Potoku, Deliu, Giovanni, Albert, Hamidi, Adetunji, Kryeziu. 

Shamrock Rovers: McGinty, Grace, Lopes, Cleary, Watts, Mandroiu, Healy, Nugent, Honohan, Gaffney, Grant. /Telegrafi/

The post Ballkani synon fitoren ndaj Shamrock Rovers në ‘Fadil Vokrri’ – formacionet zyrtare appeared first on Telegrafi.

Bernard Berisha, pas 8 vitesh i ka dhënë fund aventurës së tij në radhët e Ahmat Grozni. në kampionatin rus. Mesfushori kosovar, i cili shkëlqeu te Skënderbeu para se të niste aventurën në Rusi, tashmë raportohet se është pranë kthimit në Kosovë. Sipas “Tëvë1”  33-vjeçari është tashmë pranë kthimit në kampionatin kosovar, nga i cili […]

The post Bernard Berisha largohet pas 8 vitesh nga kampionati rus, pranë firmës me klubin shqiptar appeared first on BoldNews.al.

Rënia e natalitetit, emigracioni dhe zbrazja e fshatrave po e kthejnë arsimin në një histori të mbylljes së heshtur.

Në 10 vitet e fundit, mbi 350 shkolla publike janë mbyllur në Shqipëri, Kosovë dhe Maqedoninë e Veriut, duke reflektuar një krizë të thellë demografike dhe arsimore në rajon.

Sipas të dhënave zyrtare, 295 shkolla publike janë mbyllur në Shqipëri nga viti 2012 deri më 2022. Në Kosovë janë mbyllur 40 shkolla në periudhën 2013–2023, ndërsa në Maqedoninë e Veriut, numri lëviz nga 30 deri në 44 shkolla të mbyllura. Këto nuk janë thjesht të dhëna statistikore, por është një kambanë alarmi për të ardhmen e shoqërive tona.

Rënia e natalitetit, emigracionit drejt vendeve perëndimore dhe rrjedhimisht edhe zbrazja e fshatrave, janë faktorët kryesorë që kanë çuar në mbylljen e qindra institucioneve arsimore.

Në Shqipëri, situata ka sjellë një disbalancë të pazakontë në raportin mësues–nxënës. Në disa raste raporti është 7 mësues për 3 nxënës. Situata më e vështirë është në zonat rurale nga ku familjet largohen drejt qyteteve për një jetë më të mirë.

Në Kosovë, ka shkolla që funksionojnë me vetëm 5–10 nxënës, madje në disa raste edhe më pak. Numri i nxënësve në arsimin e mesëm në vitin 2024/2025 ishte 63.551. Krahasuar me vitin paraprak 2023/2024 (që ishin 65.757 nxënës), respektivisht për brenda një viti numri i nxënësve në arsimin e mesëm ka rënë për më shumë se 2.000.

Në Maqedoninë e Veriut, ministrja e Arsimit, Vesna Janevska, ka propozuar shndërrimin e objekteve shkollore të mbyllura në qendra për të moshuarit, një vendim që thekson edhe më shumë zhvendosjen demografike. Më pak të rinj, më shumë të moshuar./TRT Albanian

The post Brenda një dekade, në Kosovë janë mbyllur 40 shkolla appeared first on Telegrafi.

Ka përfunduar pjesa e parë mes Floriana dhe Ballkanit në kuadër të fazës kualifikuese për në fazën e ligës në Ligën e Konferencës.

Ndeshja e parë kishte përfunduar 4-2 në të mirë të klubit kosovar, andaj i gjithë presioni është tek nikoqirët sonte.

Ballkani ia nisi shumë mirë këtij takimi, duke krijuar disa raste për gol, por u mungoi konkretizimi.

Në anën tjetër, Floriana ishte më kërkuese, ndërsa ia doli të shënonte golin e epërsisë në fund të pjesës së parë.

Në minutën e 38-të, Dunstan Vella kaloi Florianan në epërsi, duke çuar rezultatin në 1-0.

Por, Ballkani nuk u dorëzua dhe u kundërpërgjigj me anë të Adetunjit, që shënoi për 1-1 në minutën e 45+1-të.

Mbetet të shihet se çfarë do të ndodhë në 45 minutat e dytë, por Ballkanit i duhet më shumë fokus për ta ruajtur epërsinë e dy golave, pasi rezultati i përgjithshëm është 5-3. /Telegrafi/

The post Mbyllen 45 minutat e parë me dy gola mes Florianas dhe Ballkanit appeared first on Telegrafi.

Ballkani do ta zhvilloje përballjen e dytë kundër Floriana në kuadër të parakualifikimeve për në fazën e ligës në Ligën e Konferencës.

Ndeshja e parë kishte përfunduar 4-2 në të mirë të klubit kosovar, ndërsa sonte pritet të konfirmohet kalimi i tyre në rrethin e tretë të garës.

Ndeshja që fillon në ora 21:00, do të zhvillohet në stadiumin “Centenary Stadium”.

Formacionet zyrtare:

Floriana:Cioletti, Spiteri, Mendonça, Lopez, Gamarra, M’Mombwa, Vella, Grech, Veselji, Varela, Jan.

Ballkani: Golubovic, Smajli, Batarelo, Jashanica, Potoku, Ard, Deliu, Albert, Giovanni, Tolaj, Kryeziu, Adetunji. /Telegrafi/

The post Ballkani kërkon sërish dominim përballë Floriana – formacionet zyrtare appeared first on Telegrafi.

Nga: Ana Schnabl / The Guardian
Përkthimi: Telegrafi.com

Mora pjesë në një konferencë të shkrimtarëve amerikanë në Teksas, pak para se bota të futej në izolim për shkak të Kovidit-19. Midis paneleve dhe ndërlidhjes me të tjerët, kalova kohën duke shëtitur në panairin e librave, duke shfletuar titujt dhe duke bombarduar botuesit me pyetje.

“Sa vepra të përkthyera keni në katalogët tuaj? Si i zbuloni autorët që janë jashtë ShBA-së? Dhe, si e vlerësoni cilësinë e shkrimit në gjuhët të cilat ju nuk i flisni”?

Nuk isha thjesht kureshtare – isha në një mision. Doja të dija çfarë lloj veprash tërhiqnin botuesit amerikanë dhe nëse puna ime mund të zgjonte interesimin e tyre. Nuk u përpoqa të fsheh ambicien time.

Lexo po ashtu nga Ana Schnabl:

– Dikur të këqijtë e Holivudit ishin rusë ose kinezë, tani jemi ne – njerëzit nga Ballkani
– Melania Trump nuk shfaq asnjë interes për atdheun e saj, Slloveninë – dhe për këtë jam mirënjohëse

Një përgjigje më ka mbetur në mendje, ngulitur si një ferrë. Erdhi nga një përfaqësues i një prej shtëpive më të mëdha botuese në ShBA. Pasi shpjegova prej nga isha, duke përdorur fjalën kyçe si “republika veriore e ish-Jugosllavisë” dhe “jo një zonë lufte për momentin”, ai ofroi këtë këshillë:

“Mendo për histori dhe për tema specifike për kulturën tënde dhe për historinë e vendit”.

“Pra”, shtova me hezitim, “jo një histori, bie fjala, për një grua që la karrierën në financë, që ndahet nga burri dhe merret me qeramikë”?

“Epo, nëse ajo histori gjithashtu eksploron çështjet kulturore ose historike, atëherë po”.

Ndjeva një thumb të bezdisë, por e falënderova me edukatë dhe u largova. Papritmas, një kafe dhe një cigare ndiheshin si të domosdoshme.

Në vitet që pasuan, fillova ta kuptoj se pse fjalët e tij më acaruan kaq shumë. Ato zbuluan një model – një model që vazhdon të më frustrojë.

Për autorët nga Ballkani, nga kombet e tjera evropiane dhe nga vendet e botës historia dhe kultura e të cilëve janë mister për lexuesit e Amerikës së Veriut, rruga drejt përkthimit në anglisht – dhe botimit nga botues amerikanë apo britanikë – shpesh varet nga përmbushja e një kushti të pashkruar: vepra jonë duhet të paraqesë kontekstin politik ose kulturor të rajonit tonë, ose të paktën të mbështetet në ngjarje kyçe historike. Që të ketë sukses, duhet të ketë vlerë shpjeguese ose ilustruese – në mënyrë ideale, me një dozë didaktike.

“Lexuesit amerikanë kanë nevojë të mësojnë për vendin”, ka thënë botuesi.

Në pamje të parë, kjo pritshmëri duket e padëmshme – madje e arsyeshme. Në fund të fundit, autorët, kudo, përfshirë ata nga Ballkani, reflektojnë mbi rrethanat e tyre të menjëhershme politike dhe kulturore. Letërsia ka qenë gjithmonë një mjet për të pasqyruar, analizuar dhe kritikuar shoqërinë.

Por, nënkuptimi më i thellë i kësaj pritshmërie është më shqetësues. Ajo mbështetet në një besim të heshtur se Ballkani është një vend më pak i vlefshëm – një rajon që përgjithmonë zien me potencialin për tragjedi. Siç e tha botuesi, me sinqeritet: “Të trajtosh diçka problematike nga pikëpamja kulturore ose historike – ose më mirë, traumatike – do të ishte më me interes”.

Me “traumatike” a po imagjinonte ai mizoritë e Luftës së Dytë Botërore apo luftërat jugosllave? Mos po përfytyronte një rajon të zhytur në varfëri, pabarazi dhe tradita patriarkale? Ndoshta ai supozonte se shoqëritë ballkanike janë në mënyrë të veçantë të prira ndaj dhunës apo trishtimit. Ndoshta shpresonte për histori nga zhgënjimi post-socialist, duke ushqyer nocionin se ende po përpunojmë “traumën” e socializmit jugosllav.

Nuk mund ta them me siguri. Ajo që di është kjo: ai nuk do të kishte interes për një version ballkanik të Vitit tim të pushimit dhe relaksimit [My Year of Rest and Relaxation]. Një roman për një protagoniste nga Ballkani – që thjesht është e rraskapitur nga kapitalizmi, e përqendruar te vetja, e zemëruar ose moralisht e paqartë – nuk do të përmbushte kriteret e duhura.

Mjerisht, për të, me shumë gjasë do ta kishte anashkaluar romanin hibrid të shkrimtares sllovene Nataša Kramberger, e cila mori përsipër një fermë në Shtajer të Sllovenisë pas kthimit nga Berlini. Dhe, dyshoj se do t’i interesonin tregimet e shkurtra të kroates Luiza Bouharaoua, të cilat përshkruajnë ankthin dhe gëzimet e brezit të mijëvjeçarit – ndonëse në nuancat e Adriatikut. As poezia e poetes maqedonase Kalia Dimitrova, e cila pëlqen t’i referohet Kaprit dhe Berlinit, por rrallë Shkupit.

Që një vepër nga një autor ballkanik të ketë sukses, protagonisti i saj duhet të jetë viktimë – një viktimë e qartë dhe e padiskutueshme. Botuesit preferojnë histori që nxjerrin dhembshuri, zemërim moral, zemërthyerje ose, në mënyrë ideale, të tria bashkë.

Me pak fjalë, pritet që ne shkrimtarët ballkanikë t’u qasemi temave universale – dhimbjes, tjetërsimit, dashurisë, humbjes – përmes prizmit të ngushtë rajonal. Dhe, ajo lente duhet të përfshijë një kthesë të paparashikueshme ekzotike.

Për të qenë të qartë, Ballkani është një rajon specifik me kompleksitete unike kulturore, politike dhe historike. Shkrimtarët nga ky vend kanë shumëçka për të thënë për këto gjëra, dhe shumë prej tyre e bëjnë këtë në mënyrë të shkëlqyer. Por, nëse përkthimet në anglisht synojnë të zgjerojnë njohuritë për “atë vendin e Ballkanit”, botuesit duhet të jenë të gatshëm të angazhohen për historitë të cilat sfidojnë perceptimet ekzistuese.

Pyetja nuk është nëse shkrimtarët ballkanikë duhet të pasqyrojnë kontekstin e tyre. Shpesh e bëjmë, natyrshëm. Pyetja është nëse botuesit do të dëgjojnë larminë e zërave që dalin nga rajoni – apo do të vazhdojnë të privilegjojnë rrëfimet të cilat me përpikëri i përforcojnë supozimet e tyre.

Në fund të fundit, Ballkani ka shumëçka më shumë sesa traumë, tragjedi apo tregime të përshtatshme për të nxjerrë mësime. Ka edhe thjesht histori të shkruara në mënyrë të jashtëzakonshme për gratë që dikur punonin në financa, që lanë burrat dhe hapën një punishte qeramike. Disa botues nga Amerika e Veriut dhe Britania tashmë i kanë mbështetur plotësisht historitë e tilla, siç tregon çmimi International Booker për Georgi Gospodinovin, dhe në këtë mënyrë kanë përmbushur misionin për të sjellë zërat nga qoshet e ndryshme të botës te një audiencë globale – jo si ambasadorë të gjeografisë së tyre, por si tregimtarë në të drejtën e tyre. Por, shumë të tjerë ende nuk e kanë bërë këtë. /Telegrafi/

 

 

The post Jam shkrimtare nga Ballkani – pse njerëzit supozojnë se di vetëm për luftë dhe tragjedi? appeared first on Telegrafi.

Pandemia u shtoi varësinë ekonomike vajzave dhe grave pasi shumë prej tyre humbën vendet e punës. Për rastet me dhunë në familje, ajo u shtoi edhe vështirësitë apo rrezikun e integritetit fizik dhe mendor.

Por pas kapërcimit të këtyre sfidave që solli pandemia, fryma e re politike në Shtetet e Bashkuara të Amerikës përhapi një valë konservatorizmi, e cila po ua vështirëson punën aktorëve të shoqërisë civile në Ballkan sa i takon kauzave feministe dhe queer.

Pandemia, sfida të shtuara për gratë dhe vajzat

Ines Leskaj nga Rrjeti i Fuqizimit të Gruas thekson se mbyllja e shkollave dhe çerdheve rriti barrën e kujdestarisë. Gratë u detyruan të mbajnë punë të keqpaguara, apo papaguara dhe humbën mundësi zhvillimi profesional.

“Këtu duhet theksuar roli i madh i organizatave që e vijuan punën pavarësisht vështirësive të pandemisë” kujton Leskaj për Citizens teksa nënvizon se gjatë kësaj periudhe shërbimet mbrojtëse u bënë më pak të aksesueshme.

Sipas Leksajt tematika kryesore që dominoi agjendën publike përgjatë pandemisë, ishte dhuna me bazë gjinore, sepse përgjatë izolimit, rastet sipas saj u dy-tre fishuan. Të njëjtën prirje, e parashtron edhe aktivistja feministe nga Kosova, Liridona Sijarina.

“Këto vite kemi parë rritje të raportimeve nga vajzat e gratë për dhunë me bazë gjinore si rrahja, dhuna seksuale, shantazhet, frikësimet dhe shtrëngimet e ndryshme të bëra nga të njohur të tyre, kryesisht burra,” shpjegon Sijarina.

Ajo shton se formë tjetër e dhunës është ajo virtuale, e cila ka shënuar rritje të hovshme pas pandemisë dhe po bëhet burim i rrezikshëm dhune për gratë, sidomos vajzat e reja. Ngjashëm fenomeni është zhvilluar edhe në Shqipëri, ku mungon një sistem i plotë ligjor mbrojtjeje.

“Është për t’u theksuar, që (shpërndarja e paautorizuar e materialeve intime) po përdoret edhe si metodë sulmi, sepse është vendi ku ka më shumë ndjekës dhe njerëz që mund të arrihen,” analizon Leskaj.

Ndryshe nga përpara pandemisë, ku më të ekspozuar ndaj sulmeve dhe gjuhës së urrejtjes ishin gratë në politikë, sipas Leskajt, tanimë me to po përballen edhe gra gazetare, aktiviste dhe profesioniste.

Angel Dimitrievski nga Maqedonia e Veriut kujton si gjatë pandemisë nisën të hapeshin grupe anti-gjinore. Fillimisht ishte si një grup individësh të shpërndarë, të cilët protestonin kundër vaksinimeve dhe teknologjisë 5G.

“Sot, jemi dëshmitarë të një lëvizjeje më të organizuar, e përfaqësuar përmes organizatave të regjistruara të shoqërisë civile si Koalicioni për Mbrojtjen e Fëmijëve, një rrjet prej mbi 30 organizatash, biznesesh dhe madje edhe partish politike,” analizon Angel për Citizens.

Sipas tij kjo lëvizje gëzon përkrahje nga kisha dhe qeveria që promovojnë riprodhimin si vlerë kombëtare.

Konservatorizmi në rritje

Në mars 2025, administrata Trump njoftoi mbylljen e 83% të programeve të mbështetura nga Agjencia e Shteteve të Bashkuara për Zhvillim Ndërkombëtar (USAID) në rreth 100 vende të botës. Vendimi prekte dhe rajonin e Ballkanit, teksa përfshiheshinte edhe programet për median, demokracinë, shëndetësinë, luftën kundër korrupsionit etj.

Ines Leskaj thotë se konservatorizmi tashmë nuk është më retorikë publike, por realitet, jo vetëm kundrejt programeve, por edhe kundrejt aktivistëve të shoqërisë civile. Por, për të, ky është gjithashtu një moment për mobilizim të aktorëve progresistë.

“Ky është momenti që të përforcojnë angazhimin e tyre për drejtësinë sociale dhe të drejtat në përgjithësi,” shton ajo.

Sipas Liridona Sijarinës, agjendat konservatore përhapen përmes individëve dhe mediave të pavarura.

Ajo shpjegon duke u nisur nga rastet e hasura në Kosovë se kjo frymë është përhapur mes grupeve që në dukje nuk japin idenë e përkatësive politike, çka e bën më të koklavitur momentin politik.

Sijarina tregon se në zgjedhjet e fundit në Kosovë një parti doli hapur kundër kauzave feministe dhe queer. Ajo shton se edhe mediat, apo individët që marrin hapësira mediatike dhe virtuale, apo grupime të paidenfitikueshme shpërndajnë ligjërime konservatore.

“Aktualisht është bërë më problem për t’u piketuar grupet konservatore dhe për t’i rezistuar këtyre agjendave, meqë po vijnë në masë të madhe prej formacioneve që dalin përtej partive” përmbyll ajo.

Angel Dimitrievski shton se shumë të rinj, veçanërisht djem, ndjekin figura të njohura për qëndrime ekstreme dhe seksiste si Andrew Tate dhe versionet kopje të tij në podcaste lokale. Sipas Dimitrievskit ata kanë ndikim të zgjeruar pasi mobilizojnë audienca të mëdha online.

“Lëvizja queer përballet gjithashtu me tensione, veçanërisht rreth çështjeve si mbështetja për Palestinën. Ndërsa shumica e lëvizjes sonë mbështet hapur kauzën palestineze, siç u demonstrua gjatë Paradës së Krenarisë së Shkupit këtë vit, kjo qasje mbetet përçarëse dhe shpesh etiketohet si radikale nga të tjerët,” tregon ai.

Angel tregon për një shkollë verore për LGBT+ që gjatë fazës së thirrjeve nga organizata joftimiprurëse Ekvalis u zhvendos për shkak të kërcënimeve. Eventi qe hapur për të rinjtë e komunitetit, të cilët do të përdornin arsimin joformal për të krijuar hapësira më të sigurta dhe më gjithëpërfshirëse.

“Situata u bë aq e rrezikshme sa u detyruam ta zhvendosnim fshehurazi të gjithë shkollën verore dhe për herë të parë në historinë e organizatës sonë, të zbatonim siguri të përhershme,” vijon ai.

Angel thekson se vendet tona nuk tregojnë vullnet të mbrojnë komunitetet e margjinalizuara, edhe kur ato përballen me rreziqe ekstreme. Për këtë ai nënvizon si të nevojshme krijimin e aleancave ndër-sektoriale dhe ndër-rajonale nga lëvizjet sindakale, lëvizjet mjedisore, feministe dhe queer..

“Nuk besoj se lëvizjet tona mund të lulëzojnë në izolim, sepse betejat janë thellësisht të ndërlidhura,” përmbyll Angel.

The post Pandemia, politikat konservatore dhe rezistenca feministe në Ballkan appeared first on Citizens.al.

Vendet e ballkanit po perballen me zjarre dhe temperatura te larta. Ne Kosove komuna e ferizajt eshte me e prekura, zjarret kane djegur dhjetera hektare pyje. Ne Maqedonine e Veriut temperature ne fundjave pritet te kapin 43 grade Celsius. Autoritetet kane martre masa dhe kane aktivizuar alarmin e kuq. Edhe Greqia dhe Mali I Zi jane perballe rrezikut nga zjarret.

Temperaturat e larta kane shtuar rreziqet per zjarre ne te gjithe Ballkanin.

Kosova po perballet me vatra të shumta zjarri.  Forcat zjarrefikese bejne te ditur se vetëm gjatë këtij muaji në Ferizaj, nje nga komunat me te prekura nga zjarret, janë regjistruar 200 te tilla, prej të cilave 90 për qind kanë qenë në zona fushore dhe malore. Sipas eksperteve te emergjencave civile, këto zjarre po shkaktohen në të shumtën e rasteve, nga pakujdesia e qytetarëve duke bere thirrje per veprime te pergjegjshme.

Maqedonia e Veriut eshte nën ndikimin e valës së të nxehtit me temperaturat qe gjatë ditës deri të shtunën do të jenë mbi mesataren e korrikut dhe do të variojne nga 34 deri në 38 gradë, ndersa Shkupi pritet te kap 43 gradë Celsius kete fundjave.

Drejtoria për Punë Hidrometeorologjike ka aktivizuar tashmë alarmin e kuq për motin ndërsa Qeveria ka miratuar vendimin që detyron punëdhënësit nga data 23 deri më 26 korrik të lirojnë nga puna gratë shtatzëna dhe personat mbi 60 vjeç. Edhe Agjencia e Ushqimit dhe Veterinarisë bene thirrje qe te zgjidhen me kujdes ushqimet per te parandaluar helmimet.

Ne Maqedonine e Veriut sipas Qendres se Menaxhimit të në vend u regjistruan gjithsej 25 zjarre në ambiente të hapura, nga të cilat 5 janë ende aktive, 4 janë nën kontroll dhe 16 janë shuar.

Edhe Greqia po perjeton nje vale te nxehti me temp qe shenojne deri ne 43 grade Celsius ndërsa sipas sherbimeve meterologjike erërat e forta që do të fryjnë rrisin rrezikun e zjarreve. Edhe natën, temperaturat do të luhaten në nivele të larta, duke arritur deri në 29 gradë Celsius, kryesisht në qendrat urbane.

Sipas hartës së parashikimit të rrezikutnga zjarri , rreziku është i lartë (niveli 3) në pjesën më të madhe te vendit, ndersa ne nivelin kater jane qytete te medha dhe ishujt si Selaniku, Janina, Haklidiki apo Rodos.

Ndersa ne Mal te Zi, zona e Herceg Novit po merr veten nga zjarri i madh qe perfshiu vendin nje jave me pare./abcnews.al

Ballkani ka triumfuar në shtëpi përballë Florianas në “aktin” e parë të fazës së dytë kualifikuese të Conference League. Sfida e zhvilluar në stadiumin “Fadil Vokrri” në Prishtinë, përfundoi 4-2. Floriana kaloi së pari në avantazh, që në minutën e 8-të me Grech. Ndërkohë që Tolaj riktheu baraspeshën 5 minuta më vonë. Por në minutën […]

The post Triumf me përmbysje, Ballkani i Orges Shehit mposht skuadrën malteze dhe i afrohet kualifikimit appeared first on BoldNews.al.

Trajneri i Ballkanit, Orges Shehi, ka dhënë një intervistë të shkurtër pas triumfit që arritën ndaj Florianas. 

Ballkani mori fitore me rezultat 4-2 në shtëpi ndaj Florianas, në kuadër të rrethit të dytë kualifikues në Ligën e Konferencës. 

Shehi e vlerësoi si shumë të rëndësishme fitoren, por kërkoi vëmendje nga lojtarët për ndeshjen e kthimit. 

“Rëndësi ka fitorja. Edhe pse nisëm keq, treguam karakter. Nuk e humbëm durimin dhe arritëm te fitorja”. 

“Pësuam dy gola shumë të lehtë. Kjo ndodh në futboll dhe nuk dua të fajësojë lojtarët. Kemi mundur të luajmë edhe më mirë”. 

“Ballkani ka kaluar tranzicion të madh. Duhet të jemi me këmbë në tokë dhe të fokusohemi vetëm në ndeshjen e radhës”. 

“Morëm një rezultat pozitiv, por ndeshja e dytë do të jetë edhe më e vështirë”, ka thënë ai./Telegrafi/

The post Orges Shehi pas fitores: Treguam karakter, ndeshja e dytë do të jetë më e vështirë appeared first on Telegrafi.

Një pjesë e parë e çmendur u regjistruar në duelin mes Ballkanit dhe skuadrës malteze të Florianës, që prodhoi plot 5 gola, duke u mbyllur me rezultatin 3-2 në favor të skuadrës kosovare. Si të mos mjaftonte festivali i golave, teksa po luheshin 4 minutat shtesë të pjesës së parë, në stadiumin “Fadil Vokrri” të […]

The post Ballkani-Floriana/ Pjesë e parë me 5 gola, në stadiumin “Fadil Vokrri” ikin dhe dritat (Video) appeared first on BoldNews.al.

Në prag të përfundimit të pjesës së parë mes Ballkanit dhe Florianas ka ndodhur një skenë e pazakontë.

Klubi nga Suhareka është duke fituar 3-2 përballë skuadrës nga Malta, ndërsa kishin mbetur pak sekonda për përfundimin e 45 minutave të parë.

Nga aty, u ndërpre energjia elektrike në stadiumin “Fadil Vokrri”, duke krijuar një situatë të paprecedentë.

We’ve seen it all!

Blackout in Prishtina, causing the lights and electricity generators of Stadiumi Fadil Vokrri to go defunct.#UECL | #Ballkani | pic.twitter.com/b7KaNjBjBp

— Kosovo Football (@FootballKosovo) July 22, 2025

Gjeneratorët si, duke krijuar një skenë të paprecedentë.

Gjeneratorët siç duket nuk janë vënë fare në funksion, duke bërë që e gjithë fusha të mbetej në terr.

Tifozët ndezën dritat e telefonave të tyre, duke vërshëllyer situatën e krijuar, ndërsa gjyqtari i ra bilbilit për përfundimin e pjesës së parë.

Tashmë janë vënë në funksion organizatorët në “Fadil Vokrri” që ta rikthejnë energjinë elektrike, në mënyrë që ndeshja të zhvillohet normalisht. /Telegrafi/

The post Situatë e paprecedentë: Ndalet rryma në stadiumin “Fadil Vokrri”, në ndeshjen Ballkani – Floriana appeared first on Telegrafi.

FC Ballkani rikthehet mbrëmjen e sotme në skenën evropiane, ku nga ora 20:30 në stadiumin “Fadil Vokrri” në Prishtinë do të përballet me skuadrën malteze Floriana, në kuadër të raundit të dytë kualifikues të Ligës së Konferencës.

Pas një raundi pushimi, kampioni i trefishtë i Kosovës është gati të nisë aventurën me ambicie dhe përqendrim maksimal.

Orges tashmë e ka zyrtarizuar 11-shen startuese, ku Ivica Batarelo zë vendin e Gentrit Halilit në qendër të mbrojtjes.

Ballkani do të luajë me formacionin e zakonshëm 4-2-3-1, duke ruajtur ekuilibrin ndërmjet stabilitetit defensiv dhe shpejtësisë në fazën ofensive.

Në portë do të jetë Artan Iljazi. Mbrojtja përbëhet nga Geralb Smajli në të djathtë, Arbër Potoku në të majtë, ndërsa në qendër janë Bajram Jashanica dhe Ivica Batarelo.

Në mesfushë, mungesën e Marsel Ismajlgecit e mbulojnë Albert Diene dhe Ardit Deliu, të cilët do të kenë rol mbrojtës e ndërtues. Më përpara veprojnë Bleart Tolaj në të djathtë, Almir Kryeziu në të majtë dhe Giovanni në qendër si mesfushor ofensiv.

Në majë të sulmit është Sunday Adetunji, lojtari kyç për golat.

---

Ballkani: Iljazi, Jashanica, Smajli, Batarelo, Potoku, Diene, Deliu, Ribeiro, Kryeziu, Tolaj, Adetunji.

Floriana: Cioletti, Garzia, Lopez, Mendonca, Gamarra, Velia, Grech, Mombwa, Varela, Jan, Vesejli. 

---

/Telegrafi/ 

The post Formacionet zyrtare, Ballkani – Floriana: Orges Shehi e nis ndeshjen me 11-she sulmuese appeared first on Telegrafi.

Brenda pak orësh, Ballkani ka bërë transferimin e dytë në merkato brenda ditës së sotme. Elvis Letaj është afrimi më i ri dhe alternativa e Orges Shehit për repartin anësor të mbrojtjes. Lajmin e ka bërë të ditur vetë klubi nga Suhareka nëpërmjet një postimi në faqen zyrtare. Elvis Letaj ka mbyllur aventurën me Hajduk […]

The post Nga Hajduk Spliti te Ballkani, klubi nga Suhareka prezanton blerjen e radhës appeared first on BoldNews.al.

Ballkani përmes një njoftimi në rrjetet sociale kanë bërë me dije për transferimin e Elvis Letajt. 

Letaj aktivizohet në rolin e qendërmbrojtësit dhe ai me aftësitë e tij pritet të jetë një forcë shtesë për theranadasit. 

Vlen të theksohet që Letaj është po ashtu reprezentues i grupmoshave U21 të Kosovës. 

Njoftimi i plotë nga Ballkani: 

FC Ballkani ka kënaqësinë të njoftojë transferimin e mbrojtësit të talentuar Elvis Letaj. Reprezentuesi i Kosovës U21, i njohur për shpejtësinë, vendosmërinë dhe disiplinën taktike, i bashkohet skuadrës sonë për të forcuar repartin defensiv në sezonin e ri. 

Letaj vjen nga kampionati kroat dhe konsiderohet një prej mbrojtësve më premtues të gjeneratës së tij. 

Me këtë transferim, FC Ballkani tregon edhe njëherë ambicien për të konkurruar denjësisht në arenën vendore dhe ndërkombëtare./Telegrafi/

The post Zyrtare: Elvis Letaj i bashkohet Ballkanit appeared first on Telegrafi.

Adnan Goluboviç është zyrtarisht lojtar i Ballkanit. Suharekasit e kanë prezantuar sllovenin me një video para ndeshjes në Europë, që do të luajnë përballë Florianës. Goluboviç mbërrin në Kosovë pas një karriere të pasur ku për herë të fundit ishte pjesë e Dinamo Bukureshtit në Rumani nga ku u largua pak javë më parë. 29-vjeçari […]

The post Zyrtare/ Ballkani firmos me portierin e Dinamos së Bukureshtit appeared first on BoldNews.al.