Prokuroria Themelore në Ferizaj, Departamenti për të Mitur, ka paraqitur propozim për shqiptimin e dënimit me burgim për të mitur ndaj të miturit të dyshuar për vrasjen e zyrtarit policor M.L., ngjarje kjo e ndodhur më 1 prill 2025 në Kaçanik.

Sipas njoftimit të Prokurorisë, rreth orës 23:00 të asaj nate, në rrugën “Idriz Seferi”, i mituri në bashkëkryerje me të pandehur të tjerë, me qëllim të përgatitur paraprakisht, ka privuar nga jeta zyrtarin policor.

Viktima, pasi kishte përfunduar orarin e punës, ishte ndjekur deri te hyrja e banesës së tij nga i mituri dhe të pandehurit.

Sapo ishte futur brenda ndërtesës dhe po ngjitej shkallëve, i mituri kishte hyrë pas tij dhe kishte shtënë katër herë me armë zjarri të kalibrit 9.19 mm.

Brenda një periudhe prej rreth 47 sekondash nga akti i të shtënave, i mituri është larguar me vrap në drejtim të lokalit “Dukagjini”, ku është bashkuar me të pandehurin R.M., i cili e kishte pritur jashtë. Gjatë arratisjes, dëgjohet R.M. duke thënë “Bravo, ik”, thuhet në dosjen e Prokurorisë.

Si pasojë e plagëve të marra nga të shtënat, viktima M.L. ka ndërruar jetë, çka është konfirmuar edhe në raportin e autopsisë.

Prokuroria konsideron se i mituri ka kryer veprën penale të “Vrasjes së rëndë” në bashkëkryerje, sipas nenit 173, paragrafi 1, nënparagrafi 1.9 lidhur me nenin 31 të Kodit Penal të Republikës së Kosovës.

I mituri ndodhet nën masën e paraburgimit që nga 21 prilli 2025.

The post Prokuroria kërkon dënimin me burgim për të miturin e dyshuar për vrasjen e policit në Kaçanik appeared first on Telegrafi.

Plot katër skuadra kosovare të hendbollisteve do të paraqiten në Kupën Evropiane (EHF European Cup).

Të gjitha ekipet fillojnë prej raundit të dytë, ku gjithsej paraqiten 50 skuadra evropiane.

Kampionia e Kosovës në hendboll në konkurrencë të femrave, Istogu, do të përballet me skuadër greke, AEP Panorama, ku llogaritet favorite.

Në Kupën Evropiane paraqiten edhe nënkampionia, Samadrexha, e cila do të përballet me skuadrën e njohur greke, PAOK.

Finalistja e Kupës, Ferizaj, do të përballet me Jumi Salernon e Italisë në raundin e dytë të Kupës Evropiane për hendbolliste (EHF European Cup), teksa Shqiponja e Gjakovës do të ketë kundërshtar të vështirë, pasi do të përballet me skuadrën zvicerane Winterthur.

Në këtë raund do të luhen nga dy ndeshje, një në shtëpi e një në udhëtim, ku 25 skuadrat më të mira të raundit të dytë kualifikohen në raundin e tretë.

Ndeshjet e raundit të dytë janë paraparë të zhvillohen më 27/28 shtator dhe 4/5 tetor. /Telegrafi/

The post Katër ekipet kosovare mësojnë kundërshtaret në EHF European Cup appeared first on Telegrafi.

Një aksident trafiku në fshatin Burrnik të Ferizajt ka çuar në një zbulim të papritur nga Policia e Kosovës.

Gjatë trajtimit të të lënduarve në Qendrën Emergjente të qytetit, autoritetet policore kanë identifikuar një armë zjarri në njërën prej veturave të përfshira në aksident.

Sipas njoftimit të Policisë Rajonale të Ferizajt, rreth orës 11:20 patrullat policore janë njoftuar për një person të lënduar në një aksident trafiku që po trajtohej në emergjencë. I lënduari është identifikuar si Sh.K., 38 vjeç.

Aksidenti kishte ndodhur në aksin rrugor Gaçkë–Burrnik, ku ishin përfshirë dy automjete, njëra me targa vendore dhe tjetra pa targa. Njësia e Trafikut Rajonal ka dalë në vendin e ngjarjes për të bërë ekzaminimin e automjeteve.

Gjatë kontrollit të veturës pa targa, në pjesën e pasme të saj është gjetur një armë zjarri – pistoletë, e cila më pas është konfiskuar nga njësitë hetimore dhe forenzike të policisë.

I dyshuari është dërguar për trajtim të mëtejshëm në Qendrën Klinike Universitare të Kosovës (QKUK) në Prishtinë.

Lidhur me rastin është njoftuar edhe prokurori i shtetit, i cili ka udhëzuar inicimin e rastit për veprën penale “Mbajtje në pronësi, kontroll ose posedim i paautorizuar i armëve”.

Policia ka bërë të ditur se hetimet lidhur me aksidentin dhe gjetjen e armës janë ende në vijim dhe se publiku do të njoftohet me raport shtesë për zhvillimet e reja në këtë rast./Telegrafi/

The post Zbulohet armë zjarri pas aksidentit në fshatin Burrnik – një person dërgohet në QKUK appeared first on Telegrafi.

Prokuroria Themelore në Ferizaj ka kërkuar nga Gjykata Themelore e këtij qyteti, caktimin e masës së paraburgimit në afat prej 30 ditësh ndaj të miturit për shkak të dyshimit të veprës penale “Dhunimi.

Në njoftim thuhet se sipas Prokurorisë, ekziston dyshimi i bazuar se me datë 10.07.2025 rreth orës 13:00 në fshatin Gllavicë, komuna Shtime saktësisht në një pyll, i mituri me përdorimin e forcës, e ka keqpërdorur seksualisht të dëmtuarin, të miturin të gjinisë mashkullore, me këtë kishte për të kryer veprën penale “Dhunimi”.

I mituri që nga data 11 korrik 2025, me vendim të Prokurorit të Shtetit gjendet nën masën e ndalimit për veprën penale të lartëcekur.

The post I mituri dyshohet për dhunimin e bashkëmoshatarit në një fshat të Shtimes appeared first on Telegrafi.

Tejkaloi shpejtësinë e lejuar, Policia e Kosovës e dënon me 300 euro dhe tre muaj ndalim të drejtimit shoferin në Ferizaj

Policia e Kosovës ka dënuar një shofer i cili po lëvizte me shpejtësi prej 115 km/h në zonën ku shpejtësia e lejuar ishte 50km/h.

Kundërvajtësi teksa po lëvizte në Prelez të Ferizajt u ndalua nga policia që i shqiptoi atij gjobë prej 300 eurosh, tre pikë negative dhe tre muaj ndalim vozitje.

“Njësia e Trafikut Rrugor, gjatë realizimit të kontrollit me radar në rrugën magjistrale Ferizaj-Prishtinë në fshatin fshatin Prelez të Ferizajt, rreth orës 03:05, ka evidentuar një automjet të markës Audi me targa vendore që po lëvizte me shpejtësi prej 115 km/h në zonën ku kufizimi i lejuar është 50 km/h. Ndaj shoferit F.B.,41 vjeç është shqiptuar një gjobë për kundërvajtje trafiku për tejkalim të shpejtësisë së lejuar: 300 €, 3 pikë negative dhe masë mbrojtëse (ndalim i drejtimit të mjetit për 3 muaj).Policia Rajonale e Ferizajt do të vazhdojë me kontrolle dhe aktivitete të intensifikuara në funksion të parandalimit të aksidenteve dhe rritjes së sigurisë në komunikacion. Apelojmë tek të gjithë shoferët që të respektojnë rregullat dhe shenjat e komunikacionit rrugor”, thuhet tutje në njoftimin e policisë.

The post Tejkaloi shpejtësinë e lejuar, Policia e dënon me 300 euro dhe tre muaj ndalim të drejtimit shoferin në Ferizaj appeared first on Telegrafi.

Policia e Kosovës për rajonin e Ferizajt ka bërë të ditur se Njësia e Trafikut Rrugor, gjatë realizimit të kontrollit me radar në rrugën magjistrale Ferizaj-Prishtinë në fshatin fshatin Prelez të Ferizajt, rreth orës 03:05, ka evidentuar një automjet të markës Audi me targa vendore që po lëvizte me shpejtësi prej 115 km/h në zonën ku kufizimi i lejuar është 50 km/h.

Në njoftim thuhet se ndaj shoferit F.B.,41 vjeç është shqiptuar një gjobë për kundërvajtje trafiku për tejkalim të shpejtësisë së lejuar me 300 euro, tri pikë negative dhe masë mbrojtëse (ndalim i drejtimit të mjetit për 3 muaj).

“Policia Rajonale e Ferizajt do të vazhdojë me kontrolle dhe aktivitete të intensifikuara në funksion të parandalimit të aksidenteve dhe rritjes së sigurisë në komunikacion. Apelojmë tek të gjithë shoferët që të respektojnë rregullat dhe shenjat e komunikacionit rrugor”, thuhet në njoftim.

Policia fton qytetarët për bashkëpunim dhe të njoftojnë për çdo shkelje apo rrezik në komunikacion, mund të njoftoni përmes: 192, 0290/326-250, 0290/322-406 dhe përmes aplikacionit “Lajmëro Policinë”. /Telegrafi/

The post Në ora tre të mëngjesit voziti 115 km/h aty ku ishte 50, Policia e dënon 41-vjeçarin në Ferizaj appeared first on Telegrafi.

Një zyrtare policore është sulmuar ditën e premte në Ferizaj.

I dyshuari që ka sulmuar policen ka ikur nga vendi i ngjarjes.

“Rr. Adem Jashari, Hani i Elezit 04.07.2025 – 16:40. Viktima femër kosovare zyrtare policore, deri sa ishte në kryerje të detyrës, është sulmuar fizikisht nga i dyshuari mashkull kosovar. I dyshuari ka arrit të arratiset. Nuk raportohet për të lënduar”, thuhet në raportin e policisë.

Rasti është duke u hetuar./Telegrafi/

The post Sulmohet një police në Ferizaj, i dyshuari arratiset nga vendi i ngjarjes appeared first on Telegrafi.

Policia e Kosovës për rajonin e Ferizajt ka njoftuar për një rast të lajmërimit apo kallëzimit të rremë.

Në njoftim bëhet e ditur se më 02.07.2025, rreth orës 20:45, në stacionin policor në Ferizaj është paraqitur ankuesi R. E., 55 vjeçar, shtetas i Maqedonisë së Veriut me banim në Gjermani, duke raportuar se i ishte vjedhur vetura e tij në Ferizaj,  Audi Q8 me targa gjermane, në vlerë prej 130,000 euro.

“Pas veprimeve hetimore dhe shqyrtimit të kamerave të sigurisë, u konstatua se ankuesi nuk kishte qenë fare me veturën e deklaruar, duke ngritur dyshime të arsyeshme për kallëzim të rremë. Dyshohet se qëllimi i këtij veprimi ka qenë keqpërdorimi apo mashtrimi  i sigurimit, të lëshuar nga autoritetet gjermane”, thuhet në njoftim.

Në bashkëpunim me Prokurorinë Themelore në Ferizaj, hetuesit policorë kanë kërkuar mbështetje nga autoritetet gjermane dhe ato të Maqedonisë së Veriut për lokalizimin e veturës dhe zbardhjen e plotë të rastit.

I dyshuari është ftuar për intervistim, por ende nuk është paraqitur. /Telegrafi/

The post Shtetasi i Maqedonisë raportoi rrejshëm në Policinë e Kosovës se i është vjedhur vetura në vlerë 130 mijë euro, dyshohet se tentoi të përfitojë nga sigurimi appeared first on Telegrafi.

Në Ferizaj është përuar nënkalimi i ri pranë Stacionit Policor, i cili tashmë është në funksion për qarkullimin e automjeteve.

Ky projekt, i realizuar nga Komuna e Ferizajt, synon të lehtësojë qarkullimin urban, të përmirësojë rrjedhën e trafikut dhe të parandalojë krijimin e kolonave të automjeteve në këtë zonë të frekuentuar.

Ceremonia e përurimit është mbajtur në kuadër të shënimit të 249-vjetorit të Pavarësisë së Shteteve të Bashkuara të Amerikës, duke simbolizuar edhe lidhjet miqësore mes dy vendeve.

The post Përurohet nënkalimi i ri pranë Stacionit të Policisë në Ferizaj appeared first on Telegrafi.

Gjatë javës janë raportuar disa raste të zjarreve, përfshirë vende në komunën e Ferizajt, Shtimes dhe Hani Elezit.

Sipas një njoftimi të Policisë së Kosovës bëhet e ditur se policia është duke bashkëpunuar ngushtë me institucionet lokale dhe agjencitë përgjegjëse për të parandaluar dhe lokalizuar çdo rrezik potencial nga zjarret.

Siç thuhet në njoftim aktualisht nuk ka asnjë vatër aktive të zjarrit në rajonin e Ferizajt.

“Megjithatë, policia apelon tek qytetarët që të tregojnë kujdes të shtuar, veçanërisht gjatë ditëve me temperatura të larta dhe erëra të thata, duke shmangur në çdo rrethanë djegien e mbeturinave, hapësirave fushore apo pyjore. Pasojat e zjarreve mund të jenë të rënda, të pakthyeshme dhe me rrezik për jetën, mjedisin dhe pronën. Policia do të veprojë pa kompromis ndaj çdo personi që, me dashje apo nga pakujdesia, shkakton zjarr”, thuhet në njoftim.

Ndërkaq, nga policia bëjnë të ditur se të gjithë personat që kryejnë zjarrvënie të qëllimshme ose për shkak të neglizhencës, do të përballen me masa ligjore dhe procedura penale sipas legjislacionit në fuqi.

“Ftojmë qytetarët që të bashkëpunojnë me policinë dhe në rast se kanë informacione për persona që shkaktojnë zjarrvënie, të njoftojnë menjëherë policinë në stacionin më të afërt, ose përmes aplikacionit digjital ‘Lajmëro Policinë’ “, thuhet ndër të tjera në njoftim. /Telegrafi/

The post U raportuan disa raste të zjarreve në rajonin e Ferizajit – policia apelon që të shmangin djegien e mbeturinave, hapësirave fushore apo pyjore appeared first on Telegrafi.

Policia Rajonale e Ferizajt ka bërë publike statistikat mujore të veprave penale për muajin qershor 2025, të cilat tregojnë një rritje të rasteve të lëndimeve trupore, por ulje të ndjeshme të vjedhjeve, krahasuar me të njëjtën periudhë të vitit 2024.

Sipas të dhënave të policisë, gjatë muajit të kaluar nuk është regjistruar asnjë rast vrasjeje apo grabitjeje, mirëpo janë shënuar më shumë raste të dhunës fizike.

Sipas njoftimit, gjatë muajit qershor në Ferizaj u arrestuan 83 persona, 2 më shumë se në të njëjtën periudhë në vitin 2024 që paraqet një rritje prej 2.5%.

Ndërkaq të arrestuar sipas urdhëresës së gjykatës janë 110 raste nga 168 vitin e kaluar, me një rënie prej 34.5%.

Policia e Ferizajt njofton se ka ndërmarrë një sërë masash parandaluese dhe operative për ruajtjen e rendit dhe sigurisë publike, duke intensifikuar patrullimet dhe kontrollet në zona të ndryshme të qytetit dhe fshatrave përreth.

Policia fton qytetarët të jenë më të angazhuar në parandalimin dhe raportimin e veprave penale, duke theksuar se çdo informacion është i rëndësishëm për garantimin e sigurisë. /Telegrafi/

The post Rritje e lëndimeve trupore gjatë qershorit në Ferizaj, policia raporton për ulje të vjedhjeve appeared first on Telegrafi.

Policia e Kosovës për rajonin e Ferizajt ka bërë të ditur se të martën rreth orës 18:00, stacioni policor në Kaçanik është njoftuar nga dy zyrtarë policorë se, gjatë realizimit të planit operativ “Mbrojtja e Pyjeve 2025”, në bashkëpunim me një roje pylli në fshatin Vatë, Parku Nacional “Sharri”, rreth orës 17:30 janë kanosur nga një person i dyshuar, i cili po transportonte dru me një automjet të tipit “xhip”.

Në njoftim thuhet se dy patrulla policore i janë përgjigjur menjëherë rastit, ku i dyshuari, R. D.,38 vjeç, është shoqëruar në stacionin policor në Kaçanik.

“Në lidhje me rastin janë njoftuar njësitet e Hetimeve Rajonale nga Ferizaj, të cilat janë paraqitur në vendin e ngjarjes dhe kanë intervistuar të dyshuarin për kërcënimet e bëra ndaj zyrtarëve policorë”, thuhet në njoftim.

Pas ndërmarrjes së veprimeve hetimore dhe në konsultim me prokurorin e shtetit, ndaj të dyshuarit është iniciuar rasti “Kanosje ndaj personit zyrtar” dhe me vendim të prokurorit është ndaluar për 48 orë. /Telegrafi/

The post Roja e pyllit dhe dy zyrtarë policorë kanosen nga një person që transportonte dru, i dyshuari arrestohet në fshatin Vatë appeared first on Telegrafi.

Subjektet politike kanë nisur tashmë përgatitjet për zgjedhjet lokale të vitit 2025, duke zyrtarizuar disa prej kandidatëve për kryetarë komunash.

Gara pritet të jetë veçanërisht interesante në komunë e Ferizajt dhe Gjilanit, ku kryetarët aktualë synojnë të sigurojnë një mandat të ri. Ndërkohë, kandidatët e rinj janë të vendosur të sfidojnë pushtetin aktual dhe të arrijnë fitoren në zgjedhjet që do të mbahen në vjeshtë, transmeton Telegrafi.

Në Gjilan, kryetari aktual Alban Hyseni, nga radhët e Lëvizjes Vetëvendosje (LVV), do të garojë për një mandat të dytë. Lidhja Demokratike e Kosovës (LDK) me Arbër Ismailin si kandidat, ndërsa Partia Demokratike e Kosovës (PDK) do të përfaqësohet nga Riad Rashiti. Aleanca për Ardhmërinë e Kosovës (AAK) ka vendosur që në këtë garë të hyjë me kandidatin Nazim Gagica.

Kush ka udhëhequr deri tani me komunën e Gjilanit?

Komuna e Gjilanit ka qenë nën drejtimin e Lidhjes Demokratike të Kosovës që nga viti 2014 deri në vitin 2021 me Lutfi Hazirin kryetar. Ndërsa, në vitin 2021, udhëheqjen e komunës e mori LVV, me Alban Hysenin, i cili aktualisht është në fund të mandatit të tij të parë, dhe po ashtu synon mandatin e dytë.

Gara për Ferizaj;

Ndërkohë, në Ferizaj, kryetari aktual Agim Aliu do të kërkojë një tjetër mandat, duke garuar sërish si kandidat i PDK-së. LDK do ta konfirmojë Visar Azemin si kandidatin e saj për zgjedhjet që do të mbahen më 12 tetor, ndërsa AAK do të përfaqësohet nga kandidatja Xhemile Murati.

Kush ka udhëhequr deri tani me komunën e Ferizajt?

Në 10 vitet e fundit, Ferizajn e kanë drejtuar dy kryetarë: Muharrem Svarqa (LDK) deri më 2017, dhe Agim Aliu (PDK) prej 2017 e deri më sot (2025), aktualisht në fund të mandatit të dytë dhe në garë për të tretin.

Përgatitjet për zgjedhjet nga KQZ;

Ndryshe, Komisioni Qendror i Zgjedhjeve ka hapur procesin e aplikimit për certifikimin e subjekteve politike për Zgjedhjet Lokale 2025.

Subjektet politike mund të aplikojnë deri më 13 gusht.

“Duke filluar nga dita e sotme, 26 qershor dhe deri më 13 gusht 2025, subjektet politike mund të aplikojnë në Komisionin Qendror të Zgjedhjeve për t’u certifikuar për pjesëmarrje në Zgjedhjet Lokale, të cilat do të mbahen më 12 tetor 2025. Gjithashtu, gjatë kësaj periudhe subjektet politike (partitë politike, koalicionet, nismat qytetare dhe kandidatët e pavarur) duhet të dorëzojnë edhe listën me emrat e kandidatëve për Kryetarë të Komunave dhe për Kuvende Komunale”, ka deklaruar për Telegrafin, Valmir Elezi, zëdhënës i KQZ-së.

Zgjedhjet Lokale të vitit 2025 do të mbahen më 12 tetor dhe do të përcaktojnë përbërjen e re të Kuvendeve Komunale si dhe Kryetarët e rinj të Komunave në të gjithë vendin. /Telegrafi/

The post Zyrtarizimi i kandidatëve për Ferizaj dhe Gjilan – nga kush do të sfidohen kryetarët aktualë Agim Aliu dhe Alban Hyseni appeared first on Telegrafi.

Prokuroria Themelore në Ferizaj ka ngritur aktakuzë kundër një personi me inicialet A.R., për ushtrim të kundërligjshëm të profesionit të mjekut, falsifikim të dokumenteve dhe heqja apo dëmtimi i vulave zyrtare ose i shenjave, ka njoftuar Departamenti i Përgjithshëm i kësaj prokurorie.

Sipas aktakuzës, i pandehuri dyshohet se gjatë periudhës nga 04 korrik 2016 deri më 10 dhjetor 2024, në ordinancat “Almed” dhe më pas “Almedica”, ka ushtruar në mënyrë të paligjshme veprimtari mjekësore dhe farmaceutike, pa pasur diplomë të vlefshme apo licencë nga Ministria e Shëndetësisë.

“I pandehuri në vazhdimësi, pa pasur kualifikimet profesionale dhe autorizime ligjore, ka kryer trajtime mjekësore dhe shërbime farmaceutike në kundërshtim me rregullat dhe standardet e mjekësisë,” thuhet në njoftimin e Prokurorisë.

A.R. akuzohet se ka përpiluar diplomë të falsifikuar, duke u paraqitur si i diplomuar nga Fakulteti i Mjekësisë i Universitetit të Tiranës, ndonëse “nuk ka qenë asnjëherë i regjistruar si student dhe nuk ka përfunduar ndonjë program studimi”.

Me këtë dokument të falsifikuar, ai themeloi fillimisht ordinancën “Almed” dhe më vonë e ri-regjistroi atë në emër të djalit të tij me emrin “Almedica”, për të vazhduar aktivitetin e tij të paligjshëm.

Ai është prezantuar si “Internist – Endokrinolog”, duke përshkruar terapi mjekësore dhe duke përdorur faksimile që krijonin përshtypjen e një ordinancë të ligjshme.

Ndër të tjera, sipas Prokurorisë, gjatë kontrollit të fundit më 30 maj 2025, Inspektorati Shëndetësor vendosi shenjat zyrtare për ndërprerje të punës, por “i pandehuri heq shenjën zyrtare me qëllim të vazhdimit të veprimtarisë së kundërligjshme mjekësore”.

Për këto veprime, Prokuroria e akuzon A.R. për: “Ushtrim i kundërligjshëm i veprimtarisë mjekësore ose farmaceutike” (neni 256), “Falsifikimi i dokumenteve” (neni 390), dhe “Heqja apo dëmtimi i vulave zyrtare ose i shenjave” (neni 406) të Kodit Penal të Republikës së Kosovës.

Prokurori i çështjes ka propozuar që pas shqyrtimit gjyqësor dhe vlerësimit të provave, “i pandehuri të shpallet fajtor për veprat penale për të cilat akuzohet dhe të dënohet sipas ligjit”. /Telegrafi/

The post Mashtroi pacientët se ishte mjek për 8 vjet radhazi – aktakuzë ndaj të dyshuarit nga Ferizaj appeared first on Telegrafi.

Dardani, 38-vjeçar nga Ferizaj, ka rrëfyer për “KallxoPernime”, për brutalitetin policor, që pretendon se i ndodhi në Stacionin e Policisë në Ferizaj.

38-vjeçari, i cili dëshminë e tij e dha në kushte anonimiteti, pretendon se u godit tri herë me shuplakë nga një hetues policor në ambientet e Stacionit Policor në Ferizaj.

Ai nuk ishte i arrestuar apo i shoqëruar në Polici. Në stacion kishte shkuar vetë për t’u ankuar për sjelljet e një polici tjetër.

“Më 23.06.2024, rreth orës 04:02 të mëngjesit, më thirri gruaja dhe më tha ‘hajde se kom bo ndeshje’. U zgjova nga gjumi, isha me djalin, dhe shkova direkt në vendin e ngjarjes, në fshatin Llojza, drejtim të Shtimes. Kur shkova aty, çdo gjë ishte në rregull, edhe policët ishin aty. Hetuesi më tha: ‘Merre veturën dhe shko në spital, pastaj vjen në stacion. Duke shkuar për në spital, te rrethi afër FSK-së, më ndaloi një polic. Më pyeti me kë jam rreth. I thashë, e kam gruan në spital, nuk jam rreh me kërkon. Ai nisi me bërtit dhe u soll keq me mua.” – rrëfen 38-vjeçari.

Sjelljen e policit në fjalë Dardani kishte vendosur ta raportonte në Stacionin Policor të Ferizajt. Por, sipas dëshmisë së tij, nga aty doli si qytetar i fyer, i kërcënuar dhe i goditur me shuplakë nga një tjetër zyrtar policor brenda stacionit.

“Më futën në një dhomë dhe vendosa me xhiru, se nuk ndihesha mirë prej mënyrës se si u sollën. Erdhën katër policë. I tregova pse kisha ardhë. Hetuesi tjetër filloi me më ofendu – o majmun, kujna po do me i çelë rast? Më tha: zbrazi xhepat – i zbraza. Kur e panë telefonin që po incizon, njëri më goditi me shuplakë.” – shprehet ai.

Qytetari nga Ferizaj thotë se hetuesi i njëjtë e goditi tri herë në fytyrë.

“Jam goditë tri herë me shuplakë. Një herë për incizim, herën e dytë për mosdhënien e kodit të telefonit. Në fund, nga frika, ua dhashë kodin dhe m’i fshinë krejt incizimet. Më detyruan me nënshkru një letër që tërhiqem nga ankesa ndaj policit” – vazhdon dëshmia e Dardanit.

Ai në dëshminë e tij ka fotografi të cilat i ka shkrepur pasi ka dalë nga stacioni e po ashtu ka një raport mjekësor të cilin e ka marrë pasi është trajtuar tek mjeku.

Në stacion kur ndodhi ngjarja kishte edhe policë të tjerë por askush nuk u mor me kërkesën për llogari ndaj zyrtarit, i cili pretendohet se ushtroi dhunë.

Sipas ligjit, nëse një polic është dëshmitar i një rasti të dhunës ndaj një qytetari, ai duhet ta raportojë atë dhe të ndërmarrë masa për ta parandaluar.

Në këtë situatë, kolegët që e panë dhunën do të duhej të hapnin rast në IPK mirëpo kjo nuk ndodhi. Dardani u obligua që personalisht ta denoncojë rastin në IPK.

“Më 24.06.2025 jam takuar me një hetues të IPK-së dhe kam dhënë deklaratë. I thashë: ‘Policia s’ka pas të drejtë me më godit, me më kërcënu, e me më ndal pa arsye. Kur e thirra më vonë hetuesin e IPK-së, më tha: ‘Po teprojshe ti me këto telefonata’. Unë i thashë jam palë e dëmtuar, nuk ka mbet më kurgjo për me sqaru – vetëm drejtësi kërkoj. Që nga ai moment, nuk po muj me fjetë. Nuk ka drejtësi kur polici zyrtar të godet e të kërcënon, në vend që të të ndihmojë. Ku po jetojmë kështu”- tregoi 38-vjeçari.

38-vjeçari nga Ferizaj denoncon edhe publikisht ngjarjen që ndodhi në Stacionin e Policisë në Ferizaj. Ai pretendon që u godit tri herë me shuplakë ndërsa zyrtari që pretendohet se kreu aktin vazhdon ende të punojë.

Policia e Ferizajt nuk ka pranuar të dalë para kamerës dhe ta sqarojë situatën. Të vetmen përgjigje ata e kanë dhënë me shkrim dhe aty e kanë konfirmuar se çështja është duke u hetuar nga IPK-ja.

“Stacioni Policor në Ferizaj është njoftuar lidhur me pretendimet e paraqitura nga ankuesi. Lidhur me këtë çështje, është informuar edhe Inspektorati Policor i Kosovës (IPK) dhe më datë 24.06.2025 rreth orës 13:30, ankuesi është intervistuar nga hetuesit e IPK-së në stacionin policor në Ferizaj. Aktualisht, rasti është duke u hetuar nga IPK-ja dhe mbetet në kompetencë të plotë të këtij institucioni për trajtim të mëtejmë.” – thuhet ne përgjigjen e Policisë së Ferizajt.

Policia nuk pranoi të sqarojë situatën duke pretenduar që tash çështja ka kaluar në kompetencë të Inspektoratit Policor të Kosovës. Por, detaje nuk dhanë as nga IPK-ja.

“Referuar kërkesës tuaj mediale, Inspektorati Policor i Kosovës (IPK) ju konfirmon se ka pranuar ankesën nga qytetari në fjalë dhe aktualisht çështja është në fazën e hetimit paraprak dhe veprimet tona do të ndërmerren konform autorizimeve ligjore në koordinim me Prokurorin e Shtetit.” – theksoi IPK-ja në përgjigjen e saj për KALLXO.com.

The post “Tri herë më ka goditë me shuplakë” – Rrëfimi i qytetarit për dhunën në stacionin policor appeared first on Telegrafi.

Një 23-vjeçar nga Kosova ka humbur jetën këtë të shtunë në Lezhë, teksa ndodhej me pushime me familjen.

Sipas policisë, rreth orës 09:00 të datës 28.06.2025, Drejtoria Vendore e Policisë Lezhë është njoftuar nga Urgjenca e Spitalit Rajonal se ka mbërritur pa shenja jete shtetasi G. S., 23 vjeç, banues në Ferizaj.

Sipas deklarimeve të familjarëve, i riu kishte probleme shëndetësore që në fëmijëri. Nga të dhënat paraprake, dyshohet se vdekja ka ardhur nga shkaqe natyrale./Top Channel

The post Pushimet në Lezhë kthehen në tragjedi për 23-vjeçarin nga Ferizaj appeared first on Telegrafi.

Policia e Kosovës ka arrestuar sot rreth orës 09:55 personin në kërkim me inicialet A.M, i moshës 18 vjeç në fshatin Godanc të Shtimes.

Sipas një njoftimi të Policisë bëhet e ditur se i dyshuari ishte i dënuar me 4 muaj burgim efektiv për veprën penale “vjedhje”.

“Arrestohet një person i kërkuar në Shtime. Më datë 27.06.2025, rreth orës 09:55 në fshatin Godanc i Epërm në Shtime, njësitet policore bazuar në urdhëresën e lëshuar nga Gjykata Themelore në Ferizaj,  kanë arrestuar personin e kërkuar A. M, 18 vjeç. Ai ishte i dënuar me 4 muaj burgim efektiv për veprën penale ‘Vjedhje’ “, thuhet në njoftim.

Tutje sipas postimit pas përfundimit të procedurave të nevojshme policore, i dënuari është dërguar për vuajtjen e dënimit. /Telegrafi/

The post Arrestohet i kërkuari 18 vjeçar në Shtime, i dënuar me 4 muaj burgim për vjedhje appeared first on Telegrafi.

Tre personave iu ka caktuar masë paraburgimi prej një muaji nga Gjykata e Ferizajt nën dyshimin se kanë kryer veprën penale lëndimi i rëndë trupor në bashkëkryerje.

Sipas njoftimit bëhet e ditur se ekziston dyshimi i bazuar, se të pandehurit E.S. dhe Sh.R., më datë 20.06.2025, rreth orës 22:00, në rrugën “S.S.”, në Shtime, afër shtëpisë së kulturës, me dashje i`u shkaktojnë lëndime trupor të dëmtuarve J dhe A.M., për shkak të një mosmarrëveshje të mëhershme mes vete, duke i`u shkaktuar lëndime të rënda trupore,

Për më shumë lexoni njoftimin e plotë të Gjykatës Themelore në Ferizaj:

Gjykata Themelore në Ferizaj – Departamenti i Përgjithshëm – Divizioni Penal, ka aprovuar kërkesën e Prokurorisë Themelore të Ferizajt, për caktimin e masës së paraburgimit kundër të pandehurit E.S. Sh.R., dhe A.M., për shkak të dyshimit të bazuar se kanë kryer veprën penale lëndimi i rëndë trupor në bashkëkryerje nga neni 186 paragrafi 3 nën paragrafi 3.2 lidhur me paragrafin 2 nën paragrafi 2.1 lidhur me nenin 31 të Kodit Penal të Republikës së Kosovës (KPRK).

Pas mbajtjes së seancës dëgjimore dhe analizimit të shkresave të lëndës, gjyqtarja e procedurës paraprake në Departamentin e Përgjithshëm – Divizioni Penal, Alba Makolli, ka vlerësuar se ekziston dyshimi i bazuar, se të pandehurit E.S. dhe Sh.R., më datë 20.06.2025, rreth orës 22:00, në rrugën “S.S.”, në Shtime, afër shtëpisë së kulturës, me dashje i`u shkaktojnë lëndime trupor të dëmtuarve J dhe A.M., për shkak të një mosmarrëveshje të mëhershme mes vete, duke i`u shkaktuar lëndime të rënda trupore, në atë mënyrë që me të zbritur nga vetura në vendin e lartcekur, aty takohen me të pandehurit, me thika dhe aty fillon përleshja mes tyre, ku i pandehuri E. e godet me pjesën e dorëzës së thikës në kokë dhe me një shkop druri në pjesën e kokës të dëmtuarin A.M., kurse i pandehuri H. e godet me teh të thikës në pjesën e gjoksit, e pastaj me grushta në kokë dhe fytyrë të dëmtuarin J.M., e po ashtu të pandehurit Sh. Dhe E., e godasin me thikë në pjesë të trupit të dëmtuarin të mitur, me ç`rast të dëmtuarve i`u kanë shkaktuar lëndime trupore, për të cilat posedojnë raporte mjekësore.

Ndërsa, për të pandehurin A.M., ekziston dyshimi i bazuar se më date 20.06.2025, rreth orës 22:00 në rrugën “S.S.”, në Shtime, afër shtëpisë së kulturës, me dashje i`u shkaktojnë lëndime trupor të dëmtuarve H.B., Sh.R. dhe E.S., në atë mënyrë që fillimisht i pandehur A. e godet me një guri në pjesën e kokës të dëmtuarin H., ndërsa i pandehuri J. e godet me një shufër hekuri në pjesën e kokës të dëmtuarin H., me ç`rast të dëmtuarve i`u kanë shkaktuar lëndime trupore, për të cilat posedojnë raporte mjekësore.

Gjyqtarja e procedurës paraprake, kërkesën e prokurorit të shtetit për caktimin e masës së paraburgimit kundër të pandehurve e ka aprovuar si të bazuar konform dispozitave të KPPRK-së, dhe të njëjtëve i`u është caktuar masa e paraburgimit në kohëzgjatje prej një muaj.

Me këtë rast palët njoftohen se ankesa kundër këtij aktvendimi nuk e shtynë ekzekutimin e tij. /Telegrafi/

The post Një muaj paraburgim ndaj tre personave – dyshohet se theren me thikë dy persona të tjerë në Ferizaj appeared first on Telegrafi.

Ditën e djeshme, një fëmijë rreth katërvjeçar ka humbur jetën tragjikisht në Ferizaj. Sipas zyrtarit policor për rajonin e Ferizajt, Kanun Veseli, fëmija është goditur nga një veturë në fshatin Dardani në oborrin e shtëpisë, derisa ngasësi i makinës ka lidhje familjare me viktimën.

“Me datën 22.06.2025 rreth orës 18:45, nga stacioni policor në Viti jemi njoftuar se në ambulancën e fshatit Pozheran është dërguar një fëmijë rreth moshës 4-vjeç, i cili është konstatuar pa shenja jete nga mjeku kujdestar. Dyshohet se fëmija është goditur nga një veturë në fshatin Dardani, në oborrin e shtëpisë, ndërsa ngasësi – ka lidhje familjare me viktimën”, thuhet në përgjigjen e Veselit.

I dyshuari është shoqëruar në stacionin policor në Ferizaj, ndërsa në vendin e ngjarjes kanë dalë njësitet përkatëse policore për të ekzaminuar vendin.

Për të gjitha veprimet policore është njoftuar prokurori i shtetit, i cili ka urdhëruar inicimin e rastit “Shkaktim i rrezikut të përgjithshëm” dhe ngasësi i veturës është ndaluar në mbajtje për 48 orë.

The post E rëndë në Kosovë/ Makina përplas për vdekje 4-vjeçarin appeared first on Albeu.com.

Një aksident trafiku me fatalitet ka ndodhur sot rreth orës 12:15 në fshatin Mirosalë të Ferizajt.

Lajmin për Telegrafin e ka konfirmuar zëdhënësi i policisë për rajonin e Ferizajt, Kanun Veseli.

Veseli tha se në lagjen “Cakaj” një veturë e tipit Golf me targa vendore ka goditur një shtyllë elektrike.

“Në vendin e ngjarjes është gjetur një person brenda veturës, për të cilin fillimisht nuk dihej nëse kishte shenja jete. Menjëherë janë njoftuar emergjenca, njësia e zjarrfikësve dhe Njësia e Komunikacionit Rrugor”, ka thënë Veseli.

Ai ka shtuar se gjithashtu, pas raportimeve për dëmtimin e shtyllës dhe rrëzimin e telave në tokë, është njoftuar edhe KEDS.

“Rreth orës 12:37, mjeku kujdestar nga emergjenca e Ferizajt ka konstatuar vdekjen e viktimës. Viktima është S. B, rreth 65 vjeç. Për të gjitha veprimet policore është njoftuar prokurori i shtetit. Për informata shtesë, do të njoftoheni me kohë”, ka deklaruar Veseli. /Telegrafi/

The post Goditi me veturë shtyllën elektrike, vdes 65 vjeçari nga Ferizaj appeared first on Telegrafi.