Në një kohë kur shpesh emigrimi shihet si zgjidhje, të rinj si Klajdi dhe Anxhela kanë vendosur të qëndrojnë.

Klajdi Koka nga Peza e Tiranës, me dëshirën për t’iu kthyer rrënjëve të familjes, ka vendosur të kthejë shtëpinë e vjetër në bujtinë që ruan kujtesën dhe hap dyert për të tjerët.

Në Hamallaj të Durrësit, Anxhela Meta është frymëzuar nga të afërmit e saj bletarë për të ndërtuar idenë e një sipërmarrjeje sociale që prodhon mjaltë dhe jep mundësi për të rinjtë e zonës.

Të dy janë pjesë e programit ‘Toka Jonë” – Ripërdorimi i tokave të konfiskuara për promovimin e bujqësisë sociale, një iniciativë për ripërdorimin e tokave të konfiskuara në funksion të bujqësisë sociale, që mbështetet nga Bashkimi Evropian.

Ajo po zbatohet nga një tërësi organizatash të udhëhequra nga “Coordinamento delle Organizzazioni per il Servizio Volontario” (COSV), në partneritet me Rrjetin Shqiptar për Zhvillimin Rural (ANRD) dhe Consorzio Nazionale della Cooperazione di solidarietà sociale Gino Matterelli (CGM).

“Mendova të bëj restaurime dhe ta kthej në shtëpi të dytë për pushime familjare. Aty lindi ideja për ta ngritur bujtinë apo agroturizëm”, tregon Klajdi për Citizens.al.

“Kam parë gjyshin ,nënën, prindërit që kanë punuar tokën. Nga njëra anë më vjen keq se përfitimet e tyre nuk kanë qenë të mëdhaja. Por fshati ka diçka të bukur sepse të lejon të jetosh në komunitet”, thotë Anxhela.

Ajo dëshiron që në të ardhmen të investohet në këtë ide, duke krijuar një sipërmarrje sociale për prodhimin e mjaltit, propolisit dhe dyllit të bletës.

“Dua të përfshij edhe të rinj të tjerë nga zona”, rrëfen Anxhela, ndërsa shprehet se nuk dëshiron të largohet nga Shqipëria, edhe pse vështirësitë janë të shumta.

Anxhela dhe Klajdi janë në mesin e 15 të rinjve që janë mentoruar nga ANRD për të përmirësuar aftësitë e tyre në krijimin dhe menaxhimin e sipërmarrjeve sociale në bujqësi.

Alba Tema, oficere projekti pranë ANRD-së tregoi se qëllimi kryesor i projektit ishte mbështetja e të rinjve dhe përfshirja e tyre në sipërmarrjet sociale në sektorin e bujqësisë.

“Është qasje e re e sipërmarrjes sociale bujqësore ashtu edhe për tokat e konfiskuara. Rritja e kapaciteteve lidhur me këtë tematikë, hartimi i ideve të biznesit për të rinj dhe përmirësimi i aftësive të tyre lidhur me hartimin e projekteve, menaxhimin dhe aksesin në fonde ishin disa nga arritjet”, u shpreh Alba.

Saimir Bakalli, drejtues i Fondacionit “Josleyn”, i pranishëm në aktivitet, u shpreh se qëllimi është që përmes këtyre ideve, të rinjtë të përfshijnë edhe të tjerë qytetarë në pamundësi ekonomike.

“Nuk do bëhesh milioner apo biznes i madh, por nëse ke fokus social është mundësia më e mirë për t’u integruar. Keni ndërmarrë hapin, keni guximin, e keni idenë, tani ju duhet ta çoni më tej idenë tuaj”, iu drejtua ai të rinjve.

Për Evelina Azizajn, drejtuese e ANRD-së, në ndryshim nga biznesi i zakonshëm, sipërmarrja sociale nuk përqëndrohet vetëm te të ardhurat monetare, por adreson edhe probleme sociale në komunitet.

“Sipërmarrjen sociale e përdor si një mënyrë për t’u integruar qoftë në tregun e punës, qoftë për një mirëqenie më të mirë në komunitetet rurale për shembull ku ka papunësi, mungesë perspektive, është sipërmarrje që integron të gjitha dimensionet”, deklaroi Evelina Azizaj.

Sipas drejtueses së ANRD-së, fakti që ky program vë në fokus të rinjtë jep mesazhe të rëndësishme.

“Fakti që sipërmarrjet i kanë të lidhura me tokën e gjyshit, me tokën e prindërve, me komunitetin ku janë rritur, kjo tregon që rrënjët e të rinjve janë aty dhe ata po e shikojnë të ardhmen për ta ndërtuar aty”, tha Azizaj për Citizens.al

Ripërdorimi i tokave të konfiskuara duke promovuar bujqësinë sociale

Një pemëtore me agrume zuri vend në Shijak, në një nga tokat e konfiskuara nga krimi, duke u kthyer në një nismë komunitare me fokus ripërdorimin social të trojeve.

“ADAD Malore”, organizata që po zbaton këtë nismë, duke e quajtur “Fermë Sociale, e Shëndetshme dhe e Qëndrueshme” e sheh edhe një lloj fuqizimi social dhe ekonomik për zonën.

Hafuz Domi nga “ADAD Malore” thotë se sfidat kanë qenë të mëdha dhe hezitimi nga komuniteti ka qenë i pranishëm.

“Fillimisht kam qenë i rezervuar, por hap pas hapi ne arritëm që t’ia dalim me sukses”, u shpreh Domi.

Tanimë, ferma është e përshtatur me teknologji të re, me sistem ujitës me pika e shoqëruar me mulçërim me plastmas bio-degjenerues, që sipas Domit aplikohet për herë të parë në agrume dhe shërben edhe si model për fermerët e zonës.

Sipas një raporti të ANRD-së, të dhënat e AAPSK-së tregojnë se në Shqipëri deri më tani vlera e aseteve të konfiskuara ka arritur në 140 milionë lekë.

Sipas Evelina Azizajt, projekti për ripërdorimin e trojeve të konfiskuara zhvillohet për herë të parë në Shqipëri, ndaj dhe ka nevojë të diskutohet dhe të ndahen rezultatet me të tjerët.

“…mund të replikohet në të ardhmen si instrument për zhvillimin e qëndrueshëm, gjithëpërfshirës dhe mbi të gjitha që tregon sundimin e ligjit, që tokat e përfituara përmes krimit të mund t’i kthehen komunitetit”, u shpreh Azizaj.

Deri më tani është punuar me komunitete në Yzberisht, Durrës dhe Shijak, duke promovuar këtë lloj bujqësie që synon të adresojë problematikat sociale, ekonomike dhe mjedisore.

Edukimi për tokën

“Zëri i Tokës” ishte pjesa teatrale e sjellë nga të rinjtë e Yzberishtit në Tiranë që solli përmes zërave mesazhe të rëndësishme për menaxhimin e trojeve.

Të vendosur në rolin e qytetarit, shtetit, pronarit, tokës ata sollën mes fjalëve të thjeshta një panoramë të përgjithshme se si është menaxhuar deri më sot toka në Shqipëri.

“Projekti ka punuar me grupet komunitare siç janë të rinjtë e shkollave, të cilët janë edukuar mbi sipërmarrjen bujqësore dhe mbi përdorimin e drejtë të tokës”, u shpreh Azizaj.

Çështja e pronës në Shqipëri mbetet delikate. Pas vitit 1991 u ndërmor një reformë radikale duke e shpërndarë tokën në mënyrë të barabartë me të gjitha familjet në zonat rurale, duke mos marrë parasysh pronësinë para komunizmit.

“Kjo qasje krijoi probleme me sigurinë e të drejtave pronësore dhe u krijuan konflikte midis përfituesve të rinj dhe ish-pronarëve që nuk u kompensuan për humbjen”, thuhet në dokumentin e politikave të hartuara nga ANRD.

Sot, edhe pse shumë vite pas reformës shqetësimet mbeten aktuale, duke çuar edhe në konflikte të rënda mes pronarëve dhe ish-pronarëve. Këto konflikte u reflektuan edhe në zbatimin e projektit në Shijak dhe Yzberisht.

AAPSK zgjati vënien në dispozicion të trojeve në 6 muaj, më shumë se sa ishte parashikuar.

“Në përfundim AAPSK kaloi në përdorim tre toka bujqësore të konfiskuara duke përfshirë një parcelë prej 2930 m² në Shijak dhe dy nga 1000 m² secila në Yzberisht”, thuhet në dokumentin e ANRD-së.

Sipas zbatuesve të projektit “Toka Jonë” përdorim i tokave të konfiskuara për promovimin e bujqësisë sociale krijon mundësi konkrete për punësimin dhe fuqizimin e të rinjve, grave dhe grupeve vulnerabël, mirëpo ka nevojë për një seri nismash për të përmirësuar qeverisjen e mirë.

Mes të tjerash organizatat sugjerojnë forcimin e kapaciteteve të AAPSK-së, kryerjen e një analize paraprake të detajuar për asetet e konfiskuara, krijimin e një regjistri publik digjital për të aksesuar asetet e konfiskuara me të dhëna të përditësuara për vendndodhjen, statusin ligjor, sipërfaqen e tyre dhe përdoruesit aktualë.

Lexoni gjithashtu:

• “Toka Jonë”, një nismë për rijetëzimin e pronave të konfiskuara nga krimi

The post Bujqësia sociale me tokat e konfiskuara, një mundësi e re për të rinjtë appeared first on Citizens.al.

Marketet e vogla mbeten pa furnizime qumështi; Tatimet: Të përdorin autofaturimin për blerjet nga fermerët. Prej ditës së hënë, pas nisjes së aksionit të tatimorëve, në shumë markete të vogla në Tiranë është ndërprerë furnizimi me qumësht të freskët të prodhuar nga fermerët. Sipas një vëzhgimi të bërë nga Monitor, situata është e ngjashme në […]

The post Marketet e vogla mbeten pa furnizime qumështi appeared first on BoldNews.al.

Pas përfundimit të aksionit për kontrollin e tregtimit me faturë të produkteve blegtorale, qeveria po përgatitet të rikthejë një skemë kompensimi për fermerët, nëpërmjet rimbursimit të TVSH-së në nivelin 10%.

Sipas burimeve për Monitor, është gati një projektligj i ri, i cili parashikon që kompensimi për fermerët të aplikohet duke nisur nga viti 2026, si pjesë e një reforme më të gjerë për formalizimin e zinxhirit agroushqimor dhe uljen e kostove për prodhuesit vendas.

Deri tani, në rang vendi rezultojnë të regjistruar 100 mijë fermerë të pajisur me NIPT që kanë të drejtë të shesin te përpunuesi, grumbulluesi apo supermaketet produktet e veta, pa faturë TVSH-je, por nëpërmjet autofaturës që plotësohet prej blerësit.

Skema e TVSH-së së rimbursueshme që përfitohej prej përpunuesve, u hoq plotësisht në vitin 2022. Pas heqjes së saj, ku fermeri përfitonte tregtimin e produkteve me çmim të leverdisshëm, u rrit kostoja e prodhimit, sepse TVSH-ja e paguar nuk kreditohet më dhe bëhet pjesë e kostos së lëndës së parë.

Deri në vitin 2017, rimbursimi i TVSH-së për përpunuesit ishte 20%, ç`ka do të thotë se psh,. për çdo blerje të qumështit me faturë tatimore nga fermeri, përpunuesi mund të kreditonte këtë vlerë në TVSH-në e zbritshme.

Kjo skemë e bënte ekonomikisht të leverdishme blerjen edhe me çmim të lartë për fermerin dhe siguronte marzh të qëndrueshëm fitimi për industrinë.

Nga viti 2019 deri në 2022, skema ndryshoi. TVSH-ja në blerje (nga fermerët) u ul në 6%. Ndërsa TVSH-ja në shitje e produkteve të bulmetit mbeti 20%.

Kjo krijoi një pabarazi fiskale, pasi industria paguante më shumë në dalje sesa kreditonte në hyrje.

Prej vitit 2022, skema e TVSH-së së kreditueshme u heq plotësisht, duke vendosur 0% TVSH të zbritshme për blerjet e qumështit nga fermerët.

Shoqata e Industrisë së Përpunuesve të Qumështit, propozoi që skema të harmonizohej me praktikat e rajonit, ku TVSH-ja e blerjes dhe e shitjes të unifikohej në 6% ose 9%, për të shmangur pabarazitë tatimore.

Skema e vjetër të zëvendësohej me një mekanizëm neutral fiskal, jo penalizues për përpunuesin. Ky propozim nuk u pranua nga Ministria e Financave në buxhetin e vitit 2022.

Në vend të rimbursimit të TVSH-së, qeveria aplikoi subvencione direkte deri në 10,000 lekë për krerë bagëtie/lopë për fermerët.

Por përpunuesit në atë kohë theksuan se skema e subvencioneve, nuk do të ketë efekt të të drejtpërdrejtë në uljen e kostos së lëndës së parë për industrinë. Nuk garanton formalizimin, sepse nuk është e lidhur me volumin real të qumështit të shitur.

Ndryshe nga rajoni, ku subvencionet jepen për litër qumësht të prodhuar e dorëzuar, në Shqipëri mungon kjo logjikë e orientuar drejt prodhimit të formalizuar.

Situata me heqjen e TVSH-së së kreditueshme, kostot e larta të ushqimit të kafshëve nga fragmetizimi i tokave dhe mungesës së vaditjeve krijuan një zinxhir pasojash në sektor, duke ulur ndjeshëm volumin e përpunimit dhe duke vënë në rrezik vazhdimësinë e kapaciteteve prodhuese, ndërkohë që tregu po përballet me konkurrencë gjithnjë e më të fortë të mallrave të gatshme që vijnë nga importi.

Po ashtu për shkak të çmimit më të lirë të shitjes së qumështit jashtë, importet vijojnë të jenë në nivele të larta, pasi qumështi i prodhuar nga fermat e huaja po përdoret, kryesisht në sezonin e verës si lëndë e parë për përpunuesit vendas.

Në periudhën janar-prill 2024, u importuan 6 mln litra qumësht sipas të dhënave të Doganave. Kjo ishte sasia më e larta e qumështit e importuar prej 2016-s.

Për janar-prill 2025 u importuan 5,1 mln litra qumësht. Krahasuar me të njëjtën periudhë të vitit të kaluar importet janë ulur 15,4%.

Çfarë synon aksioni?

Nisja prej 14 korrikut të aksionit të tatimorëve për kontrollin e zinxhirit të tregtimit të mallrave blegtorale nga fermeri drejt grumbulluesit dhe konsumatorit final, shkaktoi paqartësi te fermerët në radhë të parë dhe grumbulluesit ku nisën t’i kërkonin njëri-tjetrit fatura fiskale, teksa mes tyre transaksionet dokumentohet me autofaturim të blerësit.

Po ashtu, inspektorët tatimorë nisën të kërkonin origjinën e mallit edhe te tregtarët ambulantë.

Nisur nga situata Administrata Tatimore sqaroi për Monitor se fokusi i aksionit është forcimi i kontrollit në terren mbi lëshimin e autofaturës për tregtimin e produkteve blegtorale, ku rezulton informalitet i lartë në tregtimin e tyre, sidomos prej grumbulluesve dhe përpunuesve të mëdhenj.

Nëpërmjet këtij aksioni tatimet synojnë të rrisin të ardhurat, dhe të forcojnë sistemin për gjurmueshmërinë e mallit.

Pavarësisht nisjes së aksionit skema e faturimit për tregtimin e mallrave blegtorale nga fermeri drejt grumbulluesit nëpërmjet faturës fiskale të llojit autofaturim, me qëllim më pas hedhjen në treg të tyre për konsumatorin final nuk ndryshoi.

Do të vijojë të mbetet e njëjtë. Pra fermeri i pajisur me NIPT shet produktet e tij te grumbulluesi, përpunuesi apo supermarketet, ndërsa këta të fundit kanë detyrimin e lëshimit në SelfCare të autofaturës.

E njëjta skemë do të vijojë të funksionojë për shitjen e fermerëve të regjistruar si tatimpagues për kategorinë “person fizik” apo “shpk”. Në këtë rast fatura e fiskalizuar për shitjen e mallit lëshohet prej tij. Në këtë rast nuk funksionon autofatura.

Po ashtu, përmes një njoftimi Tatimet bënë me dije se tregtarët ambulantë nuk kanë asnjë detyrim, për të lëshuar faturë dhe për të mbajtur dokumentacion tatimor për mallrat.

Ndërsa Ministria e Bujqësisë dhe Zhvillimit Rural, në reagimin e saj bëri me dije se kontrollet për sigurinë ushqimore dhe pajisjen me faturë tatimore nuk janë aksion kundër fermerëve, por një hap për ta formalizuar, forcuar dhe mbështetur sektorin bujqësor./ Monitor

The post Qeveria gati të rikthejë skemën e kompensimit të TVSH-së për fermerët, në nivelin 10% appeared first on Albeu.com.

Nebiu* vjen çdo mëngjes nga Gjiri i Lalzit në Tiranë. Në bagazhin e makinës së tij nuk ka as fruta deti, as peshk dhe as produkte të importit me ambalazhe shumëngjyrëshe. Ka vetëm bidonë të mbushur me qumështin e pesë lopëve, që rrit me mund. Një rutinë që nuk i kishte ndryshuar prej vitesh: ndalej te dyqani […]

The post Fatura që po shteron qumështin/ Fermerët e vegjël përjashtohen nga tregu mes konfuzionit ligjor appeared first on BoldNews.al.

Mungesa e rezervave ujore në fushën e Maliqit ka detyruar fermerët të investojnë për çeljen e puseve për të siguruar një sistem minimal vaditje.

Kamber Halimi nga fshati Pendavinj dhe Mehdi Kulla nga fshati Zemblak, fermerë të fushës së Maliqit tregojnë për vështirësitë që po hasin për vaditjen e kulturave bujqësore.

Në kushtet e thatësirës kanë qenë të detyruar të investojnë për të hapur puse për të siguruar ujë për vaditje duke rritur kështu në maksimum koston e prodhimit.

“Po vadit. Nuk ka ujë, ujë s’ka, janë prerë. I kemi mbjellë, do i përballojmë. Vaditje nga e keqja, hap një pus këtu, hap aty. Kostoja rritet, një pus vete 1 milion lek. Komplet e tëra, të gjithë me puse. Dëm për fermerët është. Do bëhen prodhimet e t’i i shet badjava”,tha fermeri Kamber Halimi.

“Nuk vjen uji, kemi siguruar vet, kemi shpuar sonda. Mundohemi, çfarë të bëjmë? S’ka ujë, diga është aty matanë, në fshatin Cangonj. Mblidhet aty e bëjnë me radhë. Janë dy krah. Me e sigurtë kjo është, me atë siguri nuk ke, tani duhet uji, ai nuk e lëshon kanalin. Rrojmë se nuk vdesim dot”, tha fermeri tjetër Mehdi Kulla.

I kontaktuar, drejtori i bordit të kullimit pranë bashkisë Maliq, Astrit Zholanji tha se këtë vit, ndryshe nga një vit më parë, për shkak të mungesës së reshjeve në stinën e dimrit ka 40% më pak rezerva ujore ndërsa diga e Zemblakut nuk plotëson nevojat e fermerëve të fushës së Maliqit, Devollit e Korçës.

Vetëm fusha e Maliqit ka 1200 hektarë të mbjella me kultura të ndryshme bujqësore e më shumë se 30% e fermerëve sistemin e vaditjes e kanë zgjidhur në mënyrë individuale.

LEXONI GJITHASHTU:

• Kush është 23-vjeçari që u gjet i pajetë në Shkopet, dyshohet se u mbyt me litar
• Zjarr në malin e Dukatit, vështirësohet ndërhyrja nga ajri për shkak të erës

The post Fusha e Maliqit pa ujë për vaditje, fermerët detyrohen të hapin puse privatisht appeared first on Euronews Albania.

Blegtorët në zonën e Cakranit të Fierit po përballen me vështirësi të mëdha për të mbajtur gjallë aktivitetin e tyre. Kostot e larta të punimit të tokës, çmimi i naftës, mungesa e subvencioneve dhe konkurrenca e pandershme po i vënë në vështirësi. Ramazan Subashi nga fshati Varibop është një prej fermerëve që ka ndërtuar me […]

The post Kosto e lartë, çmimi i ulët/ Fermerët tregojnë vështirësitë për të mbajtur “gjallë” bujqësinë appeared first on BoldNews.al.

Ngrohja globale po sjell transformime të dukshme në sektorin e peshkimit dhe akuakulturës, duke i vendosur fermerët dhe peshkatarët shqiptarë përballë sfidave të reja. Ekspertët paralajmërojnë se, ndërsa disa specie po zhduken, të tjera po përshtaten me mjedisin e ndryshuar, duke ndikuar drejtpërdrejt në ekosistemet ujore dhe ekonominë e sektorit. Sipas Bankës Botërore (2022), sektorët […]

The post Peshkimi dhe akuakultura nën kërcënimin e klimës appeared first on BoldNews.al.

TIRANË, 2 korrik /ATSH/ Kryeministri Edi Rama tha se buxheti për bujqësinë, nuk është përgjigja për sfidat që janë përpara në këtë sektor dhe për zhvillimin që kërkohet të bëhet.

Gjatë bashkëbisedimit me fermerë e sipërmarrës në fushën e bujqësisë, në një agroturizëm në Cërrik, Kryeministri iu përgjigj kërkesës së një sipërmarrësi që u shpreh se industria e bimëve dhe erëzave në Shqipëri po kalon momente shumë të vështira për shkak të disa probleme globale siç janë zhvlerësimi i euros dhe dollarit, si edhe mungesa e financimeve në agropërpunim.

Rama tha se u bënë shumë vite që përpiqet të krijohet një realitet kapitalist, ndërsa kryefjala është buxheti.

“Mblidh taksa dhe jep buxhet, dhe të gjithë turren te buxheti. Duan më shumë buxhet, ndërkohë që nga ana tjetër duan më pak taksa. Buxheti nuk është në asnjë mënyrë përgjigja për sfidat që ne kemi dhe për zhvillimin që duam të bëjmë. 250 milionë euro është linja e kredisë së Bankës së Shqipërisë dhe kjo është një linjë kredie jo konvencionale, që nuk ka interesat e një kredie që jep sot banka. Është një kredi shumë më e butë, plus me një garanci sovrane nga Qeveria”, tha Rama.

Kryeministri Rama tha se bashkia duhet të jetë e para forcë e interesuar që të ulet me fermerët dhe të realizojë projekte, si edhe të ndërtojë një shoqëri të përbashkët ku të përfshihen fonde. Sipas Ramës, për këtë shoqëri të përbashkët të merret një kredi përkatëse, e garantuar nga shteti, pasi nuk është vetëm një çështje subvencionesh.

“Me subvencione nuk shkojmë larg, thjesht mbijetojmë. Ndërkohë, që në rast krijojmë një shoqëri ku bashkia bëhet pjesë dhe ku qeveria bëhet pjesë, përmes Garancisë Sovrane me kredinë. Financimi është shumë i madh se 10 vjet financim nga subvencionet”, pohoi Rama.

“Ju duhet të bëheni promotorë të kësaj sepse i keni kapacitetet. Të bëni një projekt, të uleni me bashkinë dhe të thoni çfarë do bëjmë tani. Bashkërisht kjo kompani mund të aplikojë dhe për fonde të tjera, kjo mund të shkojë te AZHBR-ja, kudo për të aplikuar. Bashkitë nëpër Evropë janë pjesëmarrëse aktive të zhvillimeve në biznesin e fshatit”, u shpreh Rama.

Kreu i qeverisë tha se buxheti i shtetit për bujqësinë është vetëm një element, ndërsa iu drejtua fermerëve dhe sipërmarrësve të pranishëm në takim, që të tërheqin edhe bashkitë në procesin e tyre të zhvillimit dhe sipërmarrjes.

“Unë pres që shoqata juaj të vijë dhe të thotë ne kemi bërë një projekt, ia kemi çuar bashkisë së Malësisë të Madhe dhe nuk po marrim mbështetje, bashkisë Shkodër, Laçit dhe nuk po marrim përgjigje. Dhe këtu pastaj të gjejmë ne mënyrën si të ndërhymë dhe të mbështesim”, cilësoi Kryeministri.

/e.i/j.p/

The post Rama: Bashkitë pjesëmarrëse aktive në biznesin e fshatit, të krijohet mekanizmi appeared first on Agjencia Telegrafike Shqiptare.

Kryeministri Edi Rama zhvilloi sot një takim me fermerët të cilët ndihen të braktisur pasi qeveria nuk jep asnjë lloj subvencioni duke lënë në “mëshirë të fatit” bujqësinë. Për të justifikuar mungesën e ndihmës financiare, Rama gjatë takimit me fermerët në Cërrik pati kritika për kryebashkiakët socialistë, për të cilët tha se nuk e shohin […]

The post Qeveria asnjë subvencion për fermerët, Rama gjen “fajtorin” tek kryebashkiakët e tij: Bëni kthesë! appeared first on BoldNews.al.

Fermerët po zhvendosen gjithnjë e më shumë nga blegtoria drejt bletarisë për shkak të kostove më të ulëta dhe fitimeve më të larta. Teksa numri i krerëve në blegtori gati është përgjysmuar gjatë dekadës numri i koshereve është rritur me 105 % ndërmjet 2014 dhe 2024 sipas të dhënave zyrtare të INSTAT. Numri total i […]

The post Fermerët po braktisin kafshët për bletët, arsyet pse po rritet numri i koshereve appeared first on BoldNews.al.

TIRANË, 29 qershor /ATSH/ Në Korçë janë instaluar tre stacione moderne meteorologjike, të cilat synojnë të ndihmojnë fermerët duke sjellë një frymë të re në mënyrën e punës së tokës.

Ministrja e Bujqësisë dhe Zhvillimit Rural, Anila Denaj, bëri të ditur se këto stacione ndihmojnë fermerët të parashikojnë më mirë ndryshimet klimatike, të menaxhojnë dëmtuesit dhe sëmundjet dhe të përdorin burimet në mënyrë më efikase.

“Janë instaluar tre stacione meteorologjike moderne, të pajisura me sensorë dhe kurthe digjitale, për të mbështetur fermerët në kultivimin e mollëve dhe qershive, një hap konkret drejt fuqizimit të bujqësisë së zgjuar”, theksoi ministrja Denaj.

Nisma ndihmon drejtpërdrejt në ndërtimin e qëndrueshmërisë afatgjatë ekonomike për sektorin bujqësor në Korçë, duke e bërë bujqësinë një aktivitet më të qëndrueshëm dhe fitimprurës, pavarësisht sfidave të shkaktuara nga ndryshimet klimatike.

Sipas ministres Denaj, kjo iniciativë e Ministrisë së Bujqësisë dhe Zhvillimit Rural, në bashkëpunim me GIZ, është pjesë e vizionit “Bujqësia2030”, që synon një bujqësi të qëndrueshme, të pajisur me dije dhe teknologji, dhe i jep fermerit fuqinë për të përballuar sfidat e së ardhmes.

Ministrja Denaj tha se ky investim është realizuar nga GIZ Albania dhe WB Adapt, në bashkëpunim me QTTB Korçë, AREB Korçë dhe ADAD Malore.

Nga vendosja e tre stacioneve meteorologjike moderne për fermerët në Korçë

1 nga 6

/e.i/

The post Tre stacione meteorologjike moderne për fermerët në Korçë appeared first on Agjencia Telegrafike Shqiptare.

Ky është vetëm njëri nga kanalet që devijojnë ujin e lumit Vjosa për vaditje. Këtu jemi tek zona e quajtur Ura e Drashovicës në lugininën e lumit të Vlorës. Siç edhe shihet nga pamjet, në këto ditë të nxehta të qershorit nevojat për vaditje janë të mëdha dhe ky ekskavator ka ndërhyrë në shtratin e lumit.

Ai po sistemon një tjetër kanal vaditës që devijon ujin e Shushicës, edhe ajo, degë e mbrojtur e lumit Vjosa. Por, nevojat e banorëve që jetojnë buzë luginës së lumit, bien në kundështim me statusin e mbrojtjes që ajo ka.

Vaditja është një çështje e rëndësishme që vështirë ta ndalosh, por do të përdoret me më me ekonomi. Zona ofron një sërë basenesh ujëmbledhësh, që duhen rehabilituar…p.sh Shushica përdoret për vaditje dhe në verë s’ka ujë, por duhet gjetur një balancë. Pavarësisht se unë e konsideroj të rëndësishëm vaditjen’ u shpreh Aleko Miho.

Plot 11 bashki nëpër të cilat kalon Vjosa ia marrin ujin për të mbështetur aktivitetet bujqësore dhe blegtorale të komuniteteve që jetojnë përreth brigjeve dhe fushave të tij.

Sipas një studimi të realizuar nga “Ecoalbania” bëhet fjalë për 60 puse, 49 pompa dhe 21 stacione pompimi që marin rreth 1014 litra për sekondë.

Referuar Ligjit për Zonat e Mbrojtura, marrja e ujit nuk lejohet as për vaditje, as për konsumimin. Kjo konsiderohet kërcënim pasi cenon tërësisë ekologjike dhe biodiversitetin.

Dokumentat strategjikë, siç është plani i menaxhimit, sugjerojnë se e gjithë infrastruktura, veçanërisht hidrocentralet, digat dhe kanalet vaditëse duhet të zhvendoset jashtë parkut sa më shpejt të jetë e mundur, të paktën brenda 15 viteve. Por duket se është e vështirë të gjendet një zgjidhje.

Edhe vetë ekspertët që kanë qenë mjaft të zëshëm në betejën për ta shpallur Vjosën Park kombëtar, e konsiderojnë këtë një ndërhyrje delikate që duhet të sigurojë një balancë mes ruajtjes së natyrës dhe jetës së zonave përreth.

‘Bujqësia ujin e Vjosës do të përdore, nuk mund të përdorë vetëm ujin e shiut por mënyra e vaditjes duhet të ndryshojë, ndoshta edhe varietet që duan më pak ujë. Dhe kjo jo vetëm sepse Vjosa është park kombëtar por sepse kriza për ujin thellohet nga vitit në vit dhe nëse ne nuk marrim masa që sot, ti mund të marrësh më shumë ujë dhe mund të mos të dalë sepse metoda është e gabuar me përmbytje’ u shpreh Olsi Nika, hidrolog/ Ecoalbania.

‘Një nga problematikat që pritet hasemi në vijim mund të jetë nevoja për ujë për vaditje apo shërbime ujore të tjera, por heqja e trupit ujor për të aksesuar qoftë nevojat për bujqësi apo sektorë të tjerë do të jetë një pengesë e madhe për zhvillimin ekonomik të zonës, por nga ana tjetër parku kombëtar nuk do ta lejojë këtë’ u shpreh Kristi Bashmilli, studiues mjedisor./ Inside Story, Top Channel

The post Dhjetëra kanale vaditëse dhe stacione pompimi në Vjosë, ekspertët në alarm: Rrezikohet parku appeared first on Albeu.com.

Rreth 40 kilometra larg Tiranës dhe fare pranë Elbasanit, në fshatin Petresh, qershitë po kalben në pemë.

Dikur, ky fshat përgjatë rrugës së vjetër Elbasan–Tiranë ishte stacion i rëndësishëm për udhëtarët dhe burim i të ardhurave për banorët. Sot, pemët janë të mbushura me fruta, por nuk ka kush t’i vjelë.

Mungesa e fuqisë punëtore ka lënë gjithçka pas dore. Në Tiranë, qershia shitet deri në 4 mijë lekë për kilogram, ndërsa në Elbasan çmimi është vetëm 250 lekë. Megjithatë, këto çmime nuk e bëjnë vjeljen të leverdishme për banorët.

“Nuk ka kush të mbledhë, jemi pleq. Nuk hipim dot lart, unë kam hernie diskale. Nuk ka kush t’i vjelë, tregu është larg dhe shpenzimet janë të mëdha. Makina nuk kemi. Sa kushton një puntor? Ka shkuar deri në 40 mijë lekë në ditë. Vjet mora puntor dhe dola me humbje, sepse më shumë se dy arka në ditë nuk mbushi”, tha fermeri Bajram Kasa .

Mungesa e të rinjve ka lënë fshatin të zbrazët. Ata që kanë mbetur nuk e përballojnë dot më as vjeljen, as tregtimin. Dikur kjo zonë prodhonte qindra kuital qershi.

“Qershitë janë pa vjel sepse kush do t’i vjelë? Fëmijët janë larg, me hallet e tyre. Nuk ka asnjë këtu që mund t’i mbledhë. Disa kanë punët e tyre dhe nuk kanë mundësi. Më vjen shumë keq që qershitë kalben, aq sa nuk më zë as gjumi i natës”, u shpreh Kadrie Kasa, fermere.

“Është fatkeqësi jo vetëm për fshatin, por për gjithë vendin. Është gjynah që vendi të rrijë pa punëtorë, nuk qan asnjë fëmijë në fshat. Dikur ishte vend plot jetë, tani i sheh shtëpitë, aty janë vetëm dy vetë”, shtoi fermeri Kasa.

Vetëm disa kilometra larg kryeqytetit, fshati Petresh po shpopullohet, pasi të rinjtë nuk janë të interesuar për të mbajtur gjallë sektorë si bujqësia dhe blegtoria.

The post Mungesa e krahut të punës, fermerët: Qershitë në Petresh po kalben në pemë appeared first on Euronews Albania.

Jim Krantz e ka kaluar karrierën duke krijuar imazhe mbresëlënëse të mitit të Perëndimit amerikan. Tashmë ai ka botuar librin Frontier. Disa fotografi nga ky libër mund t’i shihni në këtë shkrim.

Nga: The Guardian
Përkthimi: Telegrafi.com

Libri Frontier i Jim Krantzit përmban portrete kinematografike të kaubojve, peizazhe dhe vepra eksperimentale, duke krijuar një përfaqësim vizual të Perëndimit mitik Amerikan. Edhe pse janë fotografi statike, këto imazhe klasike në bardh e zi përcjellin lëvizjen dhe aksionin që ndodh përpara aparatit të Krantzit.

Jim Krantz: “Gjyshi im nga ana e babës, David Krantz, erdhi në Amerikë nëpërmjet Ishullit Elis në vitin 1914. Ai rrallë fliste për ‘vendin e vjetër’ – një vend të cilin e kishte lënë prapa bashkë me hijet dhe vështirësitë e tij. Përkundrazi, ai iu përkushtua me zemër kremtimit të jetës që ndërtoi këtu. Atij i pëlqente të qenit amerikan, dhe ajo krenari u bë pjesë e ADN-së sime. Filloi duke shitur fruta dhe gazeta në Omahë dhe, bashkë me babanë tim, hapi një dyqan mobiliesh në Omahën e Jugut, menjëherë pranë stallave të bagëtive”.

“Kur punoja me babën në dyqan, shpesh ikja dhe shkoja te stallat. Më lanë përshtypje të madhe kaubojët teksa mbanin tufat e lopëve e kuajve, me litarët që rrotulloheshin lehtësisht. Ishte një pamje e gjallë, një imazh i fortë i fuqisë dhe pavarësisë – diçka që më ka ndjekur gjatë gjithë jetës”.

Disa prej imazheve të Krantzit janë të mbushura me ngjyra. Portrete dhe peizazhe abstrakte që përpunohen me dritë dhe materiale eksperimentale.

Shtresat e shtuara theksojnë ndjesinë e lëvizjes dhe atmosferës, duke sugjeruar tingullin, nxehtësinë dhe intensitetin e skenës.

Kritiku i artit David Pagel shkruan: “Frontier-i i Krantzit është një simfoni drite dhe hije, një meditim mbi hapësirën mes asaj që shihet dhe asaj që ndihet. Ai nuk ndjek një shteg të njohur, por e krijon një të ri, duke e ftuar shikuesin të endet pa hartë, të humb veten në një terren ku momentet pëshpëritin në vend që të bërtasin, dhe heshtja mes imazheve flet më shumë se fjalët”.

Botimi i Frontier-it vjen në një kohë kur aspekte të jetës së përditshme – si kondicionerët, punët në zyrë, mungesa e kontaktit me natyrën dhe varësia nga makina – e largojnë gjithnjë e më shumë njeriun nga ky stil jete. Me rënien e numrit të fermave dhe rançeve në ShBA, libri i Krantzit është një homazh prekës për mitin në zhdukje të Perëndimit Amerikan.

Fotografitë e Krantzit shpesh duken të njohura. Puna e tij komerciale për marka të mëdha amerikane, si Wrangler dhe Marlboro, e ka bërë vizualitetin e tij të pandarë nga imazhi i ëndrrës amerikane për Perëndimin.

David Pagel: “Kjo vepër i shmanget përkufizimit, njësoj si horizonti që tërhiqet sa më shumë që i afrohesh. Është një bisedë mes kaosit dhe qartësisë, ku copëza të së njohurës treten në të papriturën. Çdo kornizë ndihet si mbetje e një kujtese të shpejtë, e atij lloji që mbetet diku përtej kapjes, por që, gjithsesi, riformëson mënyrën se si e sheh botën”.

Jim Krantz: “Imazhet në këtë libër janë rezultat i një jete të tërë me përvoja, bashkëpunime dhe mësime nga familja dhe mentorët. Ato pasqyrojnë lidhjen time me Perëndimin Amerikan – një vend ku mbijetesa bëhet art dhe liria është mënyrë jetese”.

David Pagel: “Vizioni i Krantzit shpaloset në shtresa – jo si përgjigje, por si pyetje. Ai sfidon ritmin e shikimit tonë të nxituar, duke e ngadalësuar kohën në çaste të thyera, ku ëndrrat përplasen me realitetin. Është njëkohësisht personal dhe përfshirës, si një ditar i shkruar në një gjuhë që vetëm zemra e kupton, aty ku vijat mes të kaluarës, së tashmes dhe të ardhmes treten tani në një kaleidoskopik”.

David Pagel: “Frontier nuk është thjesht një libër, por një kufi në vetvete – një hapësirë ndarëse që endet mes të prekshmes dhe të kalueshmes, mes reales dhe imagjinares. Ai kap lirinë e të mos diturit se çfarë vjen më pas, bukurinë e përkohshme të pasigurisë, dhe fuqinë e rastësive për t’u shndërruar në zbulime. Këtu, fotografia bëhet si alkimi: e zakonshmja kthehet në diçka përtej, duke na lënë të pyesim nëse po shohim botën apo pasqyrimin e diçkaje më të thellë”.

Imazhet eksperimentale janë të shoqëruara me fotografi më tradicionale. Krantz i krijoi këto duke koreografuar lëvizje në shkallë të gjerë të kaubojëve dhe tufave të kuajve në vendndodhje të largëta.

Jim Krantz: “Qoftë në peizazhet e gjera apo në figurat e vetmuara të kaubojëve, unë shoh një metaforë për vetë jetën: përballje me kaosin, gjetje kuptimi dhe përqafim i sfidës së panjohurës”.

Jim Krantz: “Titulli i këtij libri, Frontier, përfaqëson kufirin mes të njohurës dhe të panjohurës – një hapësirë ku gjithmonë jam ndier më i frymëzuar”.

Jim Krantz: “Ky projekt është thellësisht personal – një manifestim i qëndresës, kreativitetit dhe forcës së heshtur të atyre që punojnë kundër të gjitha rastësive. Kaubojëve me të cilët kam punuar, dhe që më kanë frymëzuar për këto imazhe, u jam thellësisht mirënjohës. Aftësia, autenticiteti dhe shpirti i tyre i pathyeshëm u kanë dhënë jetë këtyre fotografive dhe më frymëzojnë çdo ditë”. /Telegrafi/

The post Pamje nga kufiri i egër appeared first on Telegrafi.

Një histori dëshpëruese e një fermeri nga një fshat i vogël i Lushnjes dhe një sistemi që nuk funksionon, tregon fatin e mijëra fermerëve shqiptarë. Në Shqipëri, mijëra fermerë përballen çdo vit me rreziqe të mëdha për shkak të motit ekstrem dhe mungesës së sigurimeve bujqësore. Florjan Topi, i cili kultivon pjeshkë në Lushnje, ka humbur […]

The post Bujqësia në mëshirën e qiellit appeared first on BoldNews.al.

Sot është dita e fundit e aplikimeve nga fermerët për subvencionet e naftës. Bujqit dhe blegtorët e Korçës ankohen për vlerën e ulët të ndihmës që jep shteti. Ata thonë se bujqësia dhe blegtoria kanë kosto të larta dhe subvencionet nuk mjaftojnë as për t’i mbuluar ato. Kriteret e shumta dhe burokracitë shtetërore ua kanë […]

The post Fermerët e Korçës ankohen për subvencionet: Nuk mjaftojnë! appeared first on BoldNews.al.

Fermerët shqiptarë kanë në dispozicion vetëm edhe katër ditë për të aplikuar në Skemën Kombëtare të Mbështetjes në Bujqësi 2025, një mundësi e rëndësishme për të përfituar mbështetje financiare në sektorë kyç të bujqësisë dhe blegtorisë.

Ministrja e Bujqësisë dhe Zhvillimit Rural, Anila Denaj, i ka bërë thirrje fermerëve që të mos humbasin këtë mundësi dhe të aplikojnë deri më 30 maj 2025 përmes portalit e-Albania.

“Apliko ‘online’ përmes portalit ‘eAlbania’ dhe përfito mbështetje për: blegtorinë, bletarinë, farat dhe fidanët, bimët mjekësore aromatike, fermat organike, certifikimin ‘Global GAP’, si edhe naftën për punimet e mekanizuara në bujqësi. Apliko tani!”, – u shpreh ministrja Denaj.

Çfarë përfitimesh ofron Skema?

Për blegtorinë:

• Lopë/mëshqerra (të paktën 10 krerë): 10,000 lekë/krerë
• Viça: 5,000 lekë/krerë
• Dele/dhi (të paktën 100 krerë): 1,200 lekë/krerë

Për bletarinë:

• Bletarët me të paktën 50 zgjoje: 1,000 lekë/zgjua

Për kultivuesit e bimëve:

• Perime, rrush tavoline, luleshtrydhe (të paktën 1 ha): deri në 200,000 lekë/ha
• Me kontroll biologjik të dëmtuesve: pagesë shtesë
• Bimë mjekësore/aromatike (të paktën 1 ha): 30,000 lekë/ha

Për fermat organike:

• Viti i parë (në kalim për certifikim): 100,000 lekë
• Viti i dytë dhe i tretë: 150,000 lekë/vit
• Ferma e certifikuar: 200,000 lekë

Për certifikimin ‘Global GAP’:

• Deri në 50% mbulim të kostove të certifikimit
• Nga 175,000 lekë për certifikim individual në të paktën 1 ha,
  deri në 700,000 lekë për certifikim në grup

Për naftën bujqësore:

Mbështetje sipas sipërfaqes së mbjellë dhe llojit të kulturës

Thirrja për aplikim në këtë skemë u çel më 14 prill dhe përfundon në 30 maj 2025. Fermerët që plotësojnë kriteret inkurajohen të aplikojnë sa më parë për të përfituar nga mbështetja shtetërore.

The post Aplikimet në Skemën Kombëtare të Bujqësisë 2025 drejt fundit, vetëm katër ditë në dispozicion, ja çfarë përfshin skema appeared first on Sot News | Lajme.

Fermerët në fshatrat Thanë, Çinat, Koçaj, Fiershegan dhe Barbullinjë, të njësisë administrative Fier-Shegan në bashkinë Lushnje, të vendosura në pjesën jugperëndimore të rezervuarit të Thanës, prej më shumë se 30 vitesh janë specializuar në kultivimin e pjeshkëve dhe nektarinave.

Kjo zonë, falë kushteve të favorshme tokësore dhe klimaterike, ka mbi 200 hektarë të mbjella me këta drufrutorë në prodhim.

Por vetëm 15 minuta breshër i rënë një muaj më parë, kanë mjaftuar për të shkaktuar dëme të mëdha dhe për të çuar drejt falimentimit një pjesë të madhe të fermerëve.

Aktualisht, ka nisur fushata e vjeljes dhe nxjerrjes në treg e prodhimit të pjeshkës dhe nektarinës, por sasia e grumbulluar është vetëm 50-60% e asaj të një viti më parë.

Tradicionalisht, destinacioni kryesor i këtij prodhimi ka qenë eksporti në vendet e rajonit dhe më gjerë në Europë, ku një kilogram nektarinë tregtohej me çmimin 200 lekë të reja.

Këtë vit, për shkak të dëmtimeve të shkaktuara nga breshëri, cilësia e prodhimit ka rënë ndjeshëm. I gjithë prodhimi është orientuar drejt tregut të brendshëm, ku çmimi mesatar varion nga 50 deri në 60 lekë për kilogram. Megjithatë, për shkak të cilësisë së ulët, ka gjasa që çmimi të pësojë edhe më shumë rënie.

Fermerët theksojnë se prodhimi nuk është i siguruar dhe se kompanitë e sigurimeve nuk ofrojnë mbulim për fatkeqësi natyrore, siç është rasti i breshrit.

Ata shprehen se janë të pambrojtur përballë këtyre rreziqeve dhe nuk kanë asnjë mundësi sigurie për investimin e tyre.

Ndërkohë, mungon çdo lloj skeme mbështetëse nga ana e qeverisë shqiptare për këtë kulturë bujqësore.

Mbrojtja e prodhimit me rrjeta kundër breshërit është një zgjidhje teknike, por kostoja e saj është shumë e lartë dhe asnjë nga fermerët nuk ka mundësi financiare për ta përballuar.

The post Pas breshërit shkatërrues, fermerët e zonës së Lushnjes drejt falimentimit appeared first on Albeu.com.

TIRANË- Kryetari i Partisë Demokratike, Sali Berisha, në takimin përmbyllës elektoral tha se do të ulë taksat dhe do të pesëfishojë subvencionojë për fermerët. Ai theksoi se produktet ‘Made in Albania” do të shndërrohen në krenari kombëtare.

“Ky program, që në fakt edhe njëherë, moton më kryesore ka kombi në rininë e tij, fton çdo shqiptar kudo që ndodhet, në të katër anët e botës, të konsiderojë kthimin në Shqipëri.5 vite pa taksa.
Kredi të buta.
Suksesi i tyre është prova jonë.
Të dashur miq, beteja për të ndërtuar Shqipërinë Madhështore është betejë për ëndrrën e rinisë shqiptare.
Shqipëria Madhështore do jetë vetëm Shqipëria që kap trenin e teknologjisë së lartë.
U garantoj se Shqipëria do jetë Shqipëria e hightech-ut, e internetit 3, dataqendrave dhe inteligjencës artificiale.
Kjo do jetë Shqipëria në moshën tuaj.
Por unë i premtoj çdo biznesmeni dhe i them se 11 Maji nuk është një votë për një qeveri, por është një votë para se gjithash për biznesin tuaj.
Sepse në qoftë se ti në këto vite ke mbijetuar, pas 11 Majit, hapësirat e lirisë për ty do jenë krejtësisht tjera.
Ne jemi parti e lirisë së individit, ne besojmë tek iniciativa e lirë.
Ndaj do vendosim regjimin e taksave më të ulëta në Europë.
Ronald Reagan shkruante se paratë në kontot e qytetarëve dhe binesmenëve janë më të dobishme se llogaritë e qeverisë.
Unë u them se kjo profeci e tij është biblike, është kuranike.
Ndaj dhe çdo biznes i vogël do e blejë energjinë nga 18 në 6 lekë.
Do përgjysmohet tarifa e ujit.
Sipërfaqja publike do pjesëtohet me 5.
Bashkitë nuk do mund të tatojnë kurrë më shumë se 1 përqind të xhiros.
Tavanet e tatim fitimit dhe TVSH-së do shkojnë 180 mijë euro.
Bizneset e tjera do e kenë tatim fitimin 10 përqind.
TVSH-në 15 përqind.
Kjo do të thotë më shumë vende pune, më shumë rroga, më shumë mirëqenie.
Po pse ai, po pse gjeniu që shkroi doktrinën e kapitalizmit, thoshte se pasuria përhapet, përhapet dhe përhapet. Pasuria përhapet kur ti respekton lirinë e individit, krijon hapësirë për individin dhe bizneset e tij.
Nuk do ketë vend tjetër që të ketë taksat e ulëta si Shqipëria.
Biznesmenë, investitorë nga SHBA, Gjermania, Franca, Greqia, do vërshojnë drejt Shqipërisë.
Shqipëria do jetë vendi më tërheqës.
Katër zona të lira ekonomike do krijojmë.
Made in Albania, krenari kombëtare.
Miq, fermerët shqiptarë, të përçmuar dhe të diskriminuar, njerëz fisnikë, që me lumenj djerse nxjerrin jetën e tyre, patën këto 12 vite kohën më të vështirë pas kolektivizimit.
Ballkani i Hapur ishte një akt armiqësor ndaj fermerëve shqiptarë. Argati i Vuçiçit hapi dyert për mallrat që vinin nga Rusia, nga të gjitha hapësirat e tjera, dhe fermerët u përballën me një pabarazi ekstreme.
Vetëm në Kosovë dhe Maqedoni, fermerët subvencionohen pesë herë më shumë se në Shqipëri.
Të dashur fermerë dhe fermere, më 11 Maj votoni se votoni në radhë të parë për djersën tuaj, mundin tuaj, fermën tuaj, mirëqenien tuaj.
Sepse programi ynë në 100 ditët e para do pesëfishojë subvencionet për çdo fidan të mbjellë, për çdo kokë bagëti, për çdo njësi prodhimi.
Dhe në fshat nuk do ketë më diskriminim. Nuk do ketë pension nën 200 euro.
Prandaj mblidhuni të gjithë, votoni ndryshimin, votoni për suksesin tuaj.”, tha ai.

Albës, Nurit, Big Bastës dhe Andreas në televotim iu bashkuan edhe Ron, Elinara dhe Ylli pas humbjes së sfidës fizike dhe inteligjente.

Roni i cili përfaqësonte në sfidë edhe Elinarën dhe Yllin, humbi përballë frederikut i cili përfaqësonte grupin tjetër të cilët ishin Erandi dhe Andueli.

Pas garës së fortë Ron u dorëzua përballë Frederikut, duke shkuar jo vetëm vetë, por duke marrë dhe dy fermerët e tjerë në televotim.

Kështu që numri i fermerëve që publiku do të duhet të votojë shkon në shtatë.

“Alba, Nur, Big Basta, Andrea, Ron, Elinara dhe Ylli unë hap zyrtarisht televotimin”, lexoi Luana vendimin e AGAIT.

The post “Ferma Vip”/ Kush janë fermerët që shkojnë në televotim appeared first on Albeu.com.