TIRANË, 15 korrik /ATSH/ Forcimi i partneritetit dypalësh mes Shqipërisë dhe Gjermanisë, si dhe agjenda evropiane ishin pjesë e bashkëbisedimit të sotëm në Ministrinë për Evropën dhe Punët e Jashtme mes ministrit Igli Hasani dhe 2 anëtarëve të Bundestagut gjerman, Tilman Kuban dhe David Preisendanz, pjesë e Bashkimit Kristian Demokrat (CDU).

Përgjatë takimit, ministri Hasani vlerësoi Gjermaninë si një partner kyç strategjik në procesin e reformave dhe integrimin evropian të Shqipërisë.

Ndër të tjera, ministri Hasani u shpreh se gjatë takimit të sotëm me anëtarë të Bundestag, mirëpriti dialogun e hapur dhe riafirmoi rëndësinë e diplomacisë parlamentare në ndërtimin e besimit dhe avancimin e objektivave tona të përbashkëta evropiane.

“Presim me padurim të çojmë këtë bashkëpunim edhe më përpara”, u shpreh Hasani.

1 nga 4

/gj.m/j.p/

The post Hasani me anëtarë të Bundestagut: Rrisim bashkëpunimin, avancojmë me objektivat e përbashkët evropianë appeared first on Agjencia Telegrafike Shqiptare.

TIRANË, 13 korrik/ATSH/ Ministri për Evropën dhe Punët e Jashtme të Shqipërisë, Igli Hasani, mori pjesë në Forumin e Dubrovnikut 2025.

Në një postim në rrjetet sociale, Hasani tha sot se “mesazhi i qartë nga Evropa Juglindore në përfundim të Forumit të Dubrovnikut është që përkushtimi ynë ndaj paqes mbetet i palëkundur”.

“Lufta e Ukrainës na kujton se paqja duhet mbrojtur dhe jo të merret si e mirëqenë. Rikonfirmojmë qëndrimin tonë ndaj solidaritetit, qëndrueshmërisë dhe ndaj një Evrope të bashkuar”, tha Hasani.

Hasani shprehu mirënjohje ndaj ministrit për Çështjet e Jashtme dhe Evropiane të Kroacisë, Gordan Grlić-Radman, për mikpritjen me qëllim dhe vizion.

Ditën e djeshme në prani të përfaqësuesve të lartë nga rajoni, Evropa dhe më gjerë, përfshirë SHBA-në, Gjirin, Brazilin dhe Afrikën, ministri Hasani theksoi në fjalën e tij në Forumin e Dubrovnikut se “Ballkani Perëndimor nuk mund të trajtohet më si periferia e kontinentit, ai është pjesë thelbësore e së ardhmes strategjike të Evropës”.

“Shqipëria ka hapur katër grup-kapituj negociues, përfshirë kapitujt themelorë dhe tregun e brendshëm dhe se rruga drejt BE-së është strategjike, e pakthyeshme dhe e mbështetur në reforma të qëndrueshme”, tha Hasani.

1 nga 4

/k.s//a.f/

The post Hasani në Forumin e Dubrovnikut: Përkushtimi ynë ndaj paqes mbetet i palëkundur appeared first on Agjencia Telegrafike Shqiptare.

TIRANË, 12 korrik /ATSH/ Ministri për Evropën dhe Punët e Jashtme të Shqipërisë, Igli Hasani, i cili po merr pjesë në Forumin e Dubrovnikut 2025, përcolli një mesazh të qartë dhe të vendosur: Ballkani Perëndimor nuk mund të trajtohet më si periferia e kontinentit, ai është pjesë thelbësore e së ardhmes strategjike të Evropës.

Në prani të përfaqësuesve të lartë nga rajoni, Evropa dhe më gjerë, përfshirë SHBA-në, Gjirin, Brazilin dhe Afrikën, ministri Hasani theksoi se në kohë pasigurie dhe rivalitetesh gjeopolitike, besimi, transparenca dhe transformimi nuk janë zgjedhje, janë domosdoshmëri.

“Shqipëria nuk është një konsumatore e sigurisë, është kontribuese. Nuk presim, po ecim përpara”, theksoi Hasani.

Ministri Hasani nënvizoi se Shqipëria ka hapur katër grup-kapituj negociues, përfshirë kapitujt themelorë dhe tregun e brendshëm dhe se rruga drejt BE-së është strategjike, e pakthyeshme dhe e mbështetur në reforma të qëndrueshme.

Ai paralajmëroi se vonesat në procesin e zgjerimit krijojnë boshllëqe që shfrytëzohen nga aktorë autoritarë, duke mirëpritur Planin e Rritjes për Ballkanin Perëndimor si një mundësi konkrete për të përshpejtuar integrimin.

“Evropa nuk do të jetë e plotë pa Ballkanin Perëndimor. Dhe Ballkani Perëndimor nuk do të jetë i plotë pa një vend të denjë në familjen europiane”, tha ministri Hasani.

Ministri për Evropën dhe Punët e Jashtme të Shqipërisë, Igli Hasani në Forumin e Dubrovnikut 20...

1 nga 4

/e.i//r.e/

The post Forumi i Dubrovnikut, Hasani: Ballkani Perëndimor nuk është dhomë pritjeje, por pjesë e thelbit strategjik të Evropës appeared first on Agjencia Telegrafike Shqiptare.

Gjatë një vizite njëditore në Bosnjë dhe Hercegovinë, Ministri për Evropën dhe Punët e Jashtme të Shqipërisë, Igli Hasani, mori pjesë në ceremoninë përkujtimore të 30-vjetorit të gjenocidit të Srebrenicës — një nga ngjarjet më të rënda të historisë së afërt evropiane, ku mbi 8,000 burra dhe djem boshnjakë u vranë nga forcat serbe në korrik 1995, në një zonë të shpallur të sigurt nga Kombet e Bashkuara.

Në maj 2024, Asambleja e Përgjithshme e Kombeve të Bashkuara miratoi një rezolutë që shpall 11 Korrikun si Ditën Ndërkombëtare të Përkujtimit të Viktimave të Gjenocidit në Srebrenicë. Në këtë kuadër, ceremonia e sotme mblodhi krerë shtetesh, ministra të jashtëm dhe përfaqësues të lartë nga e gjithë bota.

Në kuadër të vizitës, Ministri Hasani zhvilloi takime me homologun e tij, z. Elmedin Konaković, Ministër i Punëve të Jashtme të Bosnjë dhe Hercegovinës, si dhe me z. Amer Kapetanović, Sekretar i Përgjithshëm i Këshillit të Bashkëpunimit Rajonal. Bisedimet u përqendruan në zhvillimet më të fundit në rajon dhe në avancimin e agjendës evropiane të Ballkanit Perëndimor.

TIRANË, 11 korrik/ATSH/ Ministri për Evropën dhe Punët e Jashtme të Shqipërisë, Igli Hasani, mori pjesë sot në ceremoninë përkujtimore të 30-vjetorit të gjenocidit të Srebrenicës.

Në ceremoni morën pjesë krerë shtetesh, ministra të jashtëm dhe përfaqësues të lartë nga e gjithë bota.

Në Srebrenicë mbi 8,000 burra dhe djem boshnjakë u vranë nga forcat serbe në korrik 1995, në një zonë të shpallur të sigurt nga Kombet e Bashkuara.

Në maj 2024, Asambleja e Përgjithshme e Kombeve të Bashkuara miratoi një rezolutë që shpall 11 Korrikun si Ditën Ndërkombëtare të Përkujtimit të Viktimave të Gjenocidit në Srebrenicë.

Në kuadër të vizitës një ditore në Bosnjë dhe Hercegovinë, ministri Hasani zhvilloi takime me homologun e tij,  Elmedin Konaković, Ministër i Punëve të Jashtme të Bosnjë dhe Hercegovinës, si dhe me Amer Kapetanović, Sekretar i Përgjithshëm i Këshillit të Bashkëpunimit Rajonal.

Bisedimet u përqendruan në zhvillimet më të fundit në rajon dhe në avancimin e agjendës evropiane të Ballkanit Perëndimor.

1 nga 12

/k.s//a.f/

The post Hasani në Srebrenicë për përkujtimin e 30-vjetorit të gjenocidit appeared first on Agjencia Telegrafike Shqiptare.

TIRANË, 10 korrik /ATSH/ Ministri për Evropën dhe Punët e Jashtme, Igli Hasani ndodhet në një vizitë zyrtare në Letoni.

Gjatë vizitës së tij, Hasani ka vizituar edhe kontingjentin e Forcave të Armatosura të Shqipërisë në Kampin “Adazi”, në Letoni.

“Krenar për secilin prej 22 burrave dhe grave që shërbejnë me profesionalizëm dhe përkushtim – të vlerësuar nga partnerët tanë letonezë dhe përfaqësues të angazhimit të palëkundur të Shqipërisë ndaj NATO-s dhe mbrojtjes kolektive”, shkruan Hasani.

Një ditë më parë Hasani u mirëprit nga ministrja e Jashtme, Baiba Braze, ku u diskutua për mundësitë konkrete për bashkëpunim më të ngushtë në fusha si arsimi, siguria kibernetike, turizmi dhe shkëmbimet kulturore.

Këtë vit shënohen 97 vite nga vendosja e marrëdhënieve diplomatike mes Shqipërisë dhe Letonisë, dhe 33 vite nga rivendosja e tyre. Shqipëria mbetet e përkushtuar për të thelluar partneritetin me Letoninë dhe për të kontribuar në paqen dhe sigurinë në Evropë dhe më gjerë.

Hasani, vizitë në kontingjentin e FA në Kampin Adazi

1 nga 26

/m.q//a.f//r.e/

The post Hasani me kontingjentin e FA në Kampin “Adazi”: Shembull i angazhimit të Shqipërisë ndaj NATO-s appeared first on Agjencia Telegrafike Shqiptare.

TIRANË, 9 korrik /ATSH/ Ministri për Evropën dhe Punët e Jashtme Igli Hasani ndodhet sot për vizitë zyrtare në Riga, Letoni.

Ministri Hasani u mirëprit nga homologia e tij Baiba Braze.

“Vizitë zyrtare në Riga, Letoni – falënderues për mikpritjen e ngrohtë të Ministres së Jashtme, znj. Baiba Braže, dhe për përkushtimin e saj në forcimin e marrëdhënieve mes vendeve tona”, shkroi Hasani në rrjetet sociale.

Hasani nënvizoi se gjatë takimit diskutuan “për mundësitë konkrete të bashkëpunimit në fusha me interes të ndërsjellë – nga tregtia dhe inovacioni, te tranzicioni energjetik, siguria kibernetike dhe shkëmbimet ndërmjet qytetarëve tanë”.

“Shqipëria dhe Letonia ndajnë të njëjtat vlera, qëndrojnë krah për krah në NATO dhe mbështetja e Letonisë për rrugën tonë drejt Bashkimit Evropian është e çmuar”, u shpreh Hasani.

1 nga 13

/m.q/j.p/

The post Hasani në Letoni: Bashkëpunim në fusha me interes të ndërsjellë appeared first on Agjencia Telegrafike Shqiptare.

Greqia mbetet një partner I rëndësishëm I Shqipërisë dhe mbështet anëtarësimin e vendit tonë në Bashkimin Europian. Konstatimi vjen nga  ministri i Jashtëm i Shqipërisë Igli Hasani  në ceremoninë  e përurimit  të ndërtesës së Konsullatës Greke në Korçë.

Hasani foli gjithashtu për vijimin e dialogut me shtetin fqinj për shumë çështje.

“Vizita ime në Athinë konfirmoi vullnetin për të hapur një kapitull të ri mes dy vendeve.  Greqia mbetet një partner i rëndësishëm për Shqipërinë jo vetëm si fqinj, por për të ndërtuar të ardhmen.   Kjo frymë do materializohet në vullnet politik për bashkëpunime.  Në këtë kuadër mbështetja e Greqisë për anëtarësim në BE ka qenë thelbësore, ne presim mbështetje dhe qasje pozitive  për avancimin që kemi bërë me reformat.  Seferi mishëron atë që duam të ndërtojmë: një marrëdhënie të bazuar në dialog, mirëkuptim dhe kujtesë.  Rinovimi i kësaj konsullate është një pikë referimi për dialog dhe një urë për qytetarët.   Sot kemi mundësinë të ndërtojmë një partneritet të ri mbështetur në vizionin e së ardhmes.  Le të jemi brezi që e bën këtë realitet një vizion të vërtetë”, tha ai.

Për forcim marrëdhëniesh mes dy vendeve foli dhe ministri I jashtëm grek  Gerapetritis.

“Është  provë për të forcuar lidhjet e minoritareve me shtetin amë. Nga ana jone kujdeseni të forcojmë marrëdhëniet me fqinjët. Si vende fqinje ne u japim prioritet stabilitetit, jo vetëm në marrëdhëniet dy palëshe, por edhe shumëpalëshe të rajonit. Politikat e ndryshimit ter kufijve tani I përkasin të kaluarës.  Dhe të gjitha këto janë histori të vjetra që nuk I interesojnë askujt, si shkruante Seferis. Ne nuk kemi për të bërë asnjë hap prapa në të drejtat për minoritetit grek. Prezenca juaj me Ministrinë e Jashtme ka forcuar marrëdhëniet. Minoriteti grek na bashkon dhe është një urë mirëkuptimi mes dy vendeve.”, tha ai.

Kjo ndërtesë e konsullatës  ka shërbyer si e tille  rreth 90 vjet më parë kur  konsull i përgjithshëm i Greqisë në vitet 1936 ka qene poeti nobelist grek Jorgo Seferis. E njëjta ndërtesë u ble nga shteti fqinj dhe u restaurua për të kryer të njëjtin funksion.  Konsullata greke në Korçë u mbyll gjate viteve të Luftës së dytë Botërore dhe është rihapur në shkurt të vitit 2000.

TIRANË, 7 korrik /ATSH/ Në Korçë u zhvillua sot ceremonia e përurimit të ndërtesës së restauruar të Konsullatës së Përgjithshme të Greqisë.

Të pranishëm në këtë përurim ishin ministri për Evropën dhe Punët e Jashtme, Igli Hasani, ministri i Punëve të Jashtme të Greqisë, Giorgos Gerapetritis si dhe të ftuar të tjerë të fushës.

Ministri Hasani në përshëndetjen e mbajtur me këtë rast, e cilësoi këtë moment një hap domethënës në forcimin e pranisë konsullore të Greqisë në Shqipëri dhe forcimin e bashkëpunimit mes dy vendeve.

Duke iu uruar të ftuarve mirëseardhjen në Korçë, Hasani tha se, Korça është qyteti që mishëron qytetarinë, historinë, kulturën e popullit shqiptar.

“Është kënaqësi e veçantë sot që në këtë qytet me rrënjë të thella europiane përurojmë së bashku rinovimin e Konsullatës së Përgjithshme të Greqisë. Ky përurim shënon një hap domethënës në forcimin e pranisë konsullore të Greqisë në Shqipëri dhe përcjell gatishmërinë tonë të përbashkët, për të avancuar drejt një marrëdhënie më të ngushtë e konstruktive bazuar në respekt të ndërsjellë, dialog të hapur, vlera europiane dhe vëllazëri shekullore”, tha ai.

Hasani vuri në dukje se, ngjarja vjen në një moment të rëndësishëm për partneritetin strategjik mes dy vendeve, si fqinjë e aleatë në NATO, kur rajoni ka nevojë më shumë se kurrë për stabilitet, bashkëpunim dhe orientim europian.

“Vizita ime në Athinë, – vijoi ministri, – pak javë më parë ishte një hap i rëndësishëm në këtë drejtim dhe konfirmoi vullnetin për të hapur një kapitull të ri bashkëpunimi të sinqertë dhe të qëndrueshëm.”

Hasani theksoi se, “Greqia ka qenë dhe vijon të mbetet një partner i rëndësishëm për Shqipërinë jo vetëm për shkak të historisë dhe lidhjeve që na bashkojnë, por për mundësinë reale që kemi për të ndërtuar së bashku një të ardhme të sigurtë dhe të begatë për të gjithë qytetarët tanë. Kjo frymë e re do të materializohet me dialog të rregullt politik dhe projekte konkrete dhe respekt për komunitetet tona, si për komunitetin grek në Shqipëri, dhe për komunitetin shqiptar në Greqi, që janë ura të gjalla të marrëdhënieve tona. Mbështetja e Greqinë për integrimin europian të Shqipërisë ka qenë dhe është thelbësore. Ne presim një vlerësim të drejtë dhe objektiv të progresit që kemi bërë për reformat dhe standardet europiane”.

Ai nënvizoi se mbështetja e Greqisë është e kudogjendur dhe është edhe sot në Korçë me prezencën e ministrit të Jashtëm të Greqisë.

“Rinovimi i kësaj konsullate nuk është vetëm një zyrë e re diplomatike, por një pikë referimi për dialog, shkëmbime ekonomiko-kulturore mes qytetarëve të dy vendeve”, u shpreh Hasani.

Ai i uroi suksese konsullit të përgjithshëm, teksa shprehu bindjen se përkushtimi i tij do ta kthejë Konsullatën në një urë të gjallë miqësie dhe bashkëpunimi.

“Sot kemi mundësinë të ndërtojmë një partneritet të ri të mbështetur mbi potencialin e përbashkët të së ardhmes. Nga Korça le të përcjellim mesazhin e mirë se miqësia e mirë, respekti dhe vizioni europian, janë themelet për një të ardhme më të drejtë më të begatë dhe më të qëndrueshme për popujt tanë”, tha në mbyllje të fjalës së tij, ministri i Jashtëm, Igli Hasani.

Gerapetritis: Shqipëria dhe Greqia, prioritet stabilitetit të marrëdhënieve në rajon

Ministri i Jashtëm i Greqisë, Giorgios Gerapetritis tha se kjo ndërtesë, ku ushtroi detyrën e tij nga viti 1936-1937 konsulli Jorgos Seferis, diplomat dhe fitues i çmimit Nobel për Letërsi, ishte pronë e një familjeje greke dhe u ble në 1998 nga shteti grek.

“Në restaurimin e godinës kontribuan me donacione qytetarë grekë nga Korça dhe nga Greqia, por edhe kompani të ndryshme nga të dyja vendet. Përfundimi i punimeve u bë i mundur nga financimi i shtetit grek. Korça ka qenë një qytet në pararojë të dijes dhe arsimit si në gjuhën greke, dhe në atë shqipe”, tha ai.

Sipas ministrit të Punëve të Jashtme të Greqisë, imazhi i ambasadave dhe konsullatave janë imazhi i Greqisë nëpër botë, ndërsa godina e re e Konsullatës Greke në Korçë është konfirmim i angazhimit të Ministrisë së Jashtme të Greqisë që po bëhet për të përmirësuar infrastrukturën e selive diplomatike dhe për të modernizuar shërbimet konsullore.

“Është një përpjekje për të forcuar lidhjet tona mes diasporës greke dhe shtetit amë. Në botën e sotme sfidat me të cilat përballet bota si liria dhe siguria janë të shumta. Nga ana jonë kujdesemi që të forcojmë marrëdhëniet e fqinjësisë së mirë, ndërsa si vende fqinje Shqipëria dhe Greqia i japin prioritet stabilitetit të marrëdhënieve në rajonin tonë jo vetëm nëpërmjet marrëdhënieve bilaterale, por edhe partneritetit rajonal”, tha ministri Gerapetritis.

“Politikat e ndryshimit të kufirit i takojnë tashmë të kaluarës. Prezenca e ministrit Hasani përçon një mesazh të rëndësishëm, për rëndësinë që i jep Greqia mbrojtjes së të drejtave të minoritetit grek, në të cilat nuk do të bëjmë asnjë hap mbrapa”, pohoi ai.

/e.i//r.e//a.f/

The post Rikonstruktohet Konsullata e Greqisë në Korçë, pikë referimi ekonomiko-kulturore mes dy vendeve appeared first on Agjencia Telegrafike Shqiptare.

Tiranë, 4 korrik/ATSH/ Ministri për Evropën dhe Punët e Jashtme, Igli Hasani ka zhvilluar sot në mjediset e MEPJ një bashkëbisedim pune me Konsujt e Nderit të akredituar në vendin tonë.

Në fokus të këtij takimi ishte rëndësia e angazhimit konsullor në diplomacinë ekonomike, si dhe forcimi i mekanizmave mes MEPJ dhe Konsujve të Nderit për të shkëmbyer ide dhe për të ndërtuar partneritete praktike që sjellin ndikim afatgjatë në forcimin e urave mes Shqipërisë dhe vendeve që përfaqësojnë.

Ministri Hasani i ka cilësuar Konsujt e Nderit si partnerë të besueshëm në krijimin e lidhjeve më të forta mes Shqipërisë dhe vendeve që përfaqësojnë.

“Puna e MEPJ në diplomacinë ekonomike nuk do të ishte e plotë pa angazhimin tuaj. Në këtë drejtim, jemi të vendosur të ndërtojmë qasje më proaktive dhe të angazhohemi ngushtësisht për të punuar në fusha me ndikim të prekshëm ekonomik dhe kulturor. Në këtë drejtim, do të konsolidojmë mekanizmat për një bashkëpunim afatgjatë, të strukturuar dhe të qëndrueshëm me Konsujt e Nderit në vendin tonë”, u shpreh Hasani.

Bashkëbisedimi i sotëm u fokusua tek rëndësia e thellimit të bashkëpunimit për të gjeneruar ide që nxisin investimet dhe ekonominë; roli gjithëpërfshirës në forcimin e imazhit turistik të Shqipërisë; si dhe mbështetja për eksportimin e produkteve shqiptare jashtë vendit. /j.p/

The post Hasani: Konsolidojmë mekanizmat për bashkëpunim të qëndrueshëm me Konsujt e Nderit në Shqipëri appeared first on Agjencia Telegrafike Shqiptare.

Besa e Kavajës duket se është futur fuqishëm në këtë merkato. Pasi arritën akordin me futbollistin brazilian Uilliam Kordeiro Melo, skuadra e drejtuar nga Emiljano Çela, ditën e sotme siguroi edhe shërbimet e mesfushorit shkodran, Edon Hasani. 33-vjeçari, i cili ka fituar 5 trofe në futbollin shqiptar, ka firmosur me Besën. Një përforcim ky i […]

The post Ka fituar titullin me Tiranën dhe Kukësin, mesfushori shkodran firmos me Besën appeared first on BoldNews.al.

Qeveria shqiptare është përfshirë në një tjetër operacion për evakuimin e shqiptarëve nga Irani. Ministri për Evropën dhe Punët e Jashtme, Igli Hasani jep detaje mbi evakuimin nga Irani të një familjeje shqiptare. “Kemi ruajtur vëmendje maksimale edhe për shtetasit shqiptarë që ndodhen në vende me të cilat nuk kemi marrëdhënie diplomatike, siç është Irani. Pesë ditë më parë kemi bërë të mundur…

Source

TIRANË, 1 korrik /ATSH/ Pas evakuimit të disa shqiptarëve nga Izraeli 10 ditë më parë qeveria shqiptare është përfshirë në një operacion evakuimi të shtetasve tanë nga Irani.

Ministri për Evropën dhe Punët e Jashtme Igli Hasani tha se pesë ditë më parë është bërë tërheqja e një familje shqiptare nga Irani përmes vendeve fqinje që janë vende mike dhe partnere.

“Kemi ruajtur vëmendjen maksimale edhe për shtetasit shqiptarë që gjenden në vende me të cilat ne nuk kemi marrëdhënie diplomatike siç është Irani. Pesë ditë më parë kemi bërë të mundur tërheqjen e një familjeje nga Irani përmes vendeve fqinje që janë vende mike dhe partnere. Kemi bërë të mundur që një familje me dy prindër dhe tre fëmijë të mbërrijnë e të hynë në territorin e Republikës të Shqipërisë duke angazhuar fort gjithë networkun tonë diplomatik”, deklaroi shefi i diplomacisë shqiptare.

Hasani tregoi gjithashtu edhe përpjekjet diplomatike që shpëtuan nga dënimi me vdekje në Kinë shqiptarin Klaudio Kananin.

“Është detyra e shtetit shqiptar që të garantojë jetën e çdo shtetasi të vendit tonë. Unë jam njohur ekzaktësisht sot një vit më parë me situatën. Ka qenë deputetja e zonës Mirela Kumbaro e cila më ka njoftuar për situatën e krijuar, më pas ishit ju që na vutë në dijeni dhe kemi filluar menjëherë punën duke përdorur të gjitha mundësitë tona, kanalet diplomatike. I kam shkruar një letër ministrit të jashtëm. Kemi patur një korrespondencë të frytshme e cila pati një rezultat shumë pozitiv, por gjithashtu është shumë e rëndësishme që kudo ku shkojmë kudo ku jemi të respektojmë ligjet”, u shpreh ministri Hasani.

Ministri Hasani thotë se Kina nuk ka kërkuar asnjë favor për t’i hequr dënimin me vdekje të riut nga Tepelena. Tregon hapat që do të ndiqen për t’i mundësuar Kladio Kananit transferimin dhe vuajtjen e dënimit në Shqipëri.

“Vazhduam punën me kolegun Manja dhe arritëm në një nivel tjetër, që të kemi një marrëveshje me Republikën Popullore të Kinës, për mundësinë e shkëmbimit të atyre të burgosurve që vuajnë kohë burgimi në vendet respektive në mënyrë që si me shumë vende të tjera që ne kemi marrëdhënie, që kjo koha e burgimit të vuhet në vendin e origjinës”, tha Hasani për Top Channel. /j.p/

The post Hasani: Shqipëria evakuon nga Irani pesë shqiptarë appeared first on Agjencia Telegrafike Shqiptare.

Autoriteti Kombëtar i Ushqimit (AKU) është tronditur nga themelet pas largimit të dy drejtuesve më të rëndësishëm, ndërkohë priten shkarkime të tjera në ditët në vijim. Burime për Ora News bëjnë me dije se Drejtori i Menaxhimit të Riskut Martin Jorgaqi dhe Drejtori i Komunikimit të Riskut dhe Monitorimit Leonard Muskaj kanë dhënë dorëheqjen. Dorëheqja […]

The post Furtunë shkarkimesh në AKU, nuk njoftuan ministren Denaj për takimin në ambasadën kineze, appeared first on BoldNews.al.

Gjykata Kushtetuese ka konstatuar të enjten që seanca konstituive e legjislaturës së nëntë të Kuvendit të Kosovës duhet të përfundojë më së voni për 30 ditë.

Ish-kryetari i Gjykatës Kushtetuese të Kosovës, Enver Hasani, ka deklaruar se aktgjykimi i fundit i Gjykatës lidhur me moskonsistutimin e Kuvendit nuk është i qartë për politikën, për laikët dhe për adresuesit e tij. Sipas tij, problemi kryesor nuk qëndron vetëm në arsyetim, por në dispozitivin e vendimit – pra, në pjesën që përcakton konkretisht çfarë duhet të ndodhë.

“Ajo çka ka qenë e qartë, ka qenë e qartë. Por në këtë rast, aktgjykimi nuk është i qartë as konceptualisht. Nëse marrim shembullin e vendimit për rastin Pacolli, aty ishte e qartë se kujt i referohej – Jakup Krasniqit si ushtrues detyre. Pra, për hir të qartësisë dhe koherencës, është dashur të thuhet saktësisht çfarë kërkon Kushtetuta në këtë rast, duke u bazuar në nenin 90,” tha Hasani.

Ai theksoi se vendimet e Gjykatës Kushtetuese nuk ekzekutohen në të njëjtën mënyrë si ato të gjykatave të rregullta, ku shteti ka mjete të drejtpërdrejta ekzekutive si dënimi penal apo ndalimi me burg.

“Në Evropë ekzistojnë dy sisteme: një pakicë shtetesh si Shqipëria, Rusia dhe Austria, ku vendimet e kushtetueses janë të zbatueshme me instrumente ligjorë dhe penalë, madje ekziston edhe një institucion garantues – si Presidenti në Austri apo Qeveria. Sllovenia po ashtu funksionon njësoj. Por Kosova i përket shumicës së vendeve ku vendimet e Gjykatës Kushtetuese janë të vetëzbatueshme dhe kanë fuqi më shumë morale se sa ekzekutive,” shpjegoi Hasani.

Sipas tij, vendimi i fundit i Kushtetueses është problematik për shkak se caktimi i një afati për përmbylljen e seancës konstituive nuk është shoqëruar me përcaktimin e pasojave në rast të mosrespektimit.

“Aktgjykimi nuk është i qartë për politikën, për laikët dhe për adresuesit. Ajo çka ka qenë e qartë, ka qenë e qartë. Aktgjykimi – edhe konceptualisht si akt gjykimi – nëse verdikti është i qartë, siç ka qenë rasti Pacolli, ku i referohej qartë Jakup Krasniqit si ushtrues detyre, atëherë sqarohen gjërat. Ne po e bëjmë këtë sqarim për hir të qartësisë dhe koherencës, për të treguar se çfarë është Kushtetuta. Në këtë rast, duhet parë neni 90.

Përveç mungesës së qartësisë në arsyetim – me të cilin mund të mos pajtohem dhe për të cilin mund të shkruaj edhe në të ardhmen – problemi më i madh është dispozitivi i aktgjykimit. Ai është i papërshtatshëm për ekzekutim. Aktgjykimet e Gjykatës Kushtetuese nuk janë të njëjta me ato të gjykatave të rregullta, ku aparati shtetëror i zbaton me mjete të detyrueshme, deri në burg. Në rastin e Gjykatës Kushtetuese, nuk i përgjigjesh literalitetit të vendimit Ne Evropë ekzistojnë dy sisteme për sa i përket ekzekutimit të aktgjykimeve të kushtetueses. Një grup i vogël shtetesh – si Shqipëria, Rusia, Austria – i kanë vendimet edhe me efekt penal dhe me një garanci institucionale. Për shembull, në Austri është Presidenti dhe Qeveria; në Slloveni njëjtë.

Por Kosova i përket shumicës së shteteve ku aktgjykimet e Gjykatës Kushtetuese janë të vetëzbatueshme. Ato nuk kanë mekanizma të drejtpërdrejtë ekzekutivë apo legjislativë, por mbështeten në sanksionin moral.

Arsyetimet e qarta dhe të mira janë thelbësore për palët. Sot ky është standardi. Nuk mund të ketë ndjekje penale ndaj askujt për një vendim të tillë.

Pika tjetër problematike është përcaktimi i afateve. Është absurditet të caktohet një afat pa përcaktuar pasojat. Gjykata ka vendosur afatin, por nuk ka specifikuar pasojat juridike që do të pasonin nëse ai nuk respektohet.

Ka munguar një dispozitiv i qartë, i cili duhej të përmbante:

Seanca konstituive nuk është përfunduar.
Seanca konstituive duhet të përmbyllet brenda afatit 50-ditor.. Partia që ka shumicën parlamentare ka detyrim për të siguruar 61 vota, në një proces politik që respekton Kushtetutën.
Pas 30 ditësh, nëse kjo nuk ndodh, e drejta duhet t’i kalojë një subjekti tjetër”, deklaroi Hasani.

Hasani ka deklaruar se Gjykata Kushtetuese e ka pasur detyrë të i tregojë edhe pasojat të cilat i pret pas këtij vendimi të marrur.

The post Hasani: Gjykata Kushtetuese dështoi të tregojë çfarë ndodh nëse afati nuk respektohet appeared first on Telegrafi.

TIRANË, 30 qershor /ATSH/ Ditën e sotme në Vatikan është inauguruar selia e re e ambasadës së Shqipërisë.

I pranishëm në këtë aktivitet ishte ministri për Evropën dhe Punët e Jashtme, Igli Hasani; sekretari për Marrëdhëniet me Shtetet dhe Organizatat Ndërkombëtare në Selinë e Shenjtë, Imzot Paul Richard Gallagher; Kancelari i Madh dhe ministri i Punëve të Jashtme të Urdhrit Sovran të Maltës, Shkëlqesia e Tij, Riccardo Paternò di Montecupo; përfaqësues të trupit diplomatik të akredituar pranë Selisë së Shenjtë, si dhe autoritete të tjera.

Në fjalën e tij përshëndetëse, ministri Hasani e cilësoi këtë hap si dëshmi të forcimit të marrëdhënieve mes Shqipërisë dhe Selisë së Shenjtë, e cila është bërë gjithnjë e më e fortë dhe më e orientuar drejt së ardhmes bazuar në dialogun ndërfetar dhe paqen globale.

“Dinjiteti njerëzor, respekti për diversitetin, liria fetare dhe drejtësia sociale janë disa prej vlerave të përbashkëta që lidhin Shqipërinë dhe Selinë e Shenjtë. Andaj, kjo shtëpi e re e diplomacisë do të jetë në shërbim të përpjekjeve dhe nismave të përbashkëta për të ndërtuar ura për një botë më të paqtë dhe më solidare”, u shpreh Hasani.

1 nga 5

/gj.m//a.f//r.e/

The post Inaugurohet selia e re e ambasadës shqiptare në Vatikan appeared first on Agjencia Telegrafike Shqiptare.

TIRANË, 27 qershor/ATSH/ Ministri për Evropën dhe Punët e Jashtme Igli Hasani zhvilloi sot një takim me përfaqësues të shoqërisë civile, me të cilët diskutoi mbi çështje që lidhen me çeljen e negociatave me Bashkimin Evropian.

“Transparencë, llogaridhënie e hartim gjithëpërfshirës i politikave dhe të orientuar për të thelluar bashkëpunimin mes institucioneve tona dhe përfaqësuesve të shoqërisë civile e grupeve të interesit”, u shpreh Hasani, duke informuar mbi këtë takim.

Ministri bëri të ditur se diskutimet u fokusuan te Kapitulli 31, pjesë e grup-kapitullit 6 të Marrëdhënieve të Jashtme, që mbulon Politikën e Përbashkët të Jashtme dhe të Sigurisë (CFSP) dhe Politikën e Përbashkët të Sigurisë dhe Mbrojtjes (CSDP).

“Shqipëria e ruan qartësinë dhe linjëzimin e saj gjeopolitik në suazën e Politikës së Përbashkët të Jashtme e të Sigurisë të BE-së, duke u rreshtuar pa hezitim në vlerat dhe parimet e Unionit”, siguroi ministri.

1 nga 11

/m.m//r.e//a.f/

The post Integrimi në BE, Hasani: Thellojmë bashkëpunimin me shoqërinë civile appeared first on Agjencia Telegrafike Shqiptare.

Ministri për Evropën dhe Punët e Jashtme, Igli Hasani ka mirëpritur sot në mjediset e MEPJ përfaqësues të shoqërisë civile dhe grupeve të interesit. Takimi u zhvillua në kuadër të angazhimit të MEPJ për të thelluar bashkëpunimin me shoqërinë civile grupeve të interesit duke siguruar transparencë, llogaridhënie dhe hartim gjithëpërfshirës të politikave. ”Transparencë…

Source

Ish-kryetari i Gjykatës Kushtetuese të Kosovës, aktualisht profesor i së Drejtës dhe Marrëdhënieve Ndërkombëtare në Universitetin e Prishtinës, Enver Hasani, tha në një intervistë për Radion Evropa e Lirë se aktgjykimi i Gjykatës Kushtetuese, në mënyrë të qartë, ka konfirmuar se procedura për konstituimin e Kuvendit është e përcaktuar nga Kushtetuta, Rregullorja e Kuvendit dhe praktikat parlamentare.

“…që nënkupton se ajo që është bërë nga z. [kryesuesi i seancës konstituive, Avni] Dehari është tërësisht jokushtetuese. Do të thotë se nuk mund të ketë devijim nga marrëveshja e arritur më 8 prill [v.j. takimi i partive politike për përgatitjen e seancës konstituive]”, tha Hasani.

Në takimin e 8 prillit, nuk është marrë asnjë vendim për votim të fshehtë.

Profesor Hasani thotë se Kushtetuesja vendosi për tërësinë e procedurës për konstituimin e Kuvendit, përfshirë këtu edhe në çfarë forme bëhet votimi.

“Ajo ka vendosur për gjithë procedurën dhe ka treguar që procedura duhet të jetë e njëjtë, siç thotë Rregullorja, Kushtetuta dhe siç është vendosur pas çdo zgjedhje parlamentare në Kosovë deri tash. Këtë e ka thënë Gjykata. Dhe asnjëherë deri sot nuk ka pasur ndryshim të rendit të ditës nga kryesuesi dhe asnjë nuk ka pasur votim të fshehtë”, theksoi ai.

I pyetur për interpretimet e bëra nga partitë sa i përket votimit të fshehtë, Hasani tha se partitë nëse duan të shkaktojnë pengesa, kanë çdo herë mundësi ta bëjnë këtë.

“Por, Gjykata e ka bërë të qartë që Kushtetuta, Rregullorja dhe praktikat parlamentare janë ato që përcaktojnë se si konstituohet Kuvendi. Asnjëherë nuk ka pasur votim të fshehtë për konstituimin e Kuvendit. Gjykata këtë e ka thënë”, – theksoi ai.

Sipas tij, aktgjykimi e bën të qartë që partia fituese në zgjedhjet parlamentare, në këtë rast, Lëvizja Vetëvendosje duhet të arrijë konsensus, pra të sigurojë 61 votat e nevojshme për zgjedhjen e kryetarit të Kuvendit.

“Kjo është përgjegjësi dhe detyrë e saj. Nuk mund të barazohet me rastin e nënkryetarëve. Për këtë çështje ka dispozita më specifike edhe në Rregullore, sepse nënkryetarët përfaqësojnë forcat politike dhe grupet etnike dhe ata nuk mund të barazohen [me kryetarin]”, tha ai.

Në aktgjykim, Kushtetuesja tha se partia e parë duhet që të bashkëpunojë në mirëbesim me partitë e tjera për të arritur një konsensus për zgjedhjen e kryetarit. Ajo tha po ashtu se partitë e tjera duhet ta bëjnë të njëjtë gjë edhe për nënkryetarët. Në aktgjykim, sipas Hasanit, u përsërit qëndrimi se deputetët duhet të jenë të pranishëm dhe të votojnë për konstituim.

Sa i përket afatit prej 30 ditësh për konstituimin e Kuvendit, Hasani tha se është “pak i çuditshëm”, meqë sipas, përveç rastit të Sllovenisë, askund tjetër nuk përcaktohet një afat për konstituimin e Kuvendit.

“Përcaktimi në këtë mënyrë në të ardhmen mund të jetë problematik, për shkak se në rast të moskonstituimit brenda 30-ditësh në zgjedhje të tjera nuk mund të shkohet, meqë do të ishte absurde në praktikën parlamentare në vendet demokratike sepse për herë të parë do të shkohej në zgjedhje pa pasur një organ përfaqësues të konstituuar. Ky është problemi kryesor”, tha Hasani.

Profesor Hasani tha se Gjykata në pjesën dërmuese të aktgjykimi i 26 qershorit ka përsëritur gjetjet e vendimit të vitit 2014, kur atëbotë kishte pasur një ngërç politik pikërisht për zgjedhjen e kryeparlamentarit dhe kujt i takonte që ta propozonte atë.

Hasani po ashtu nuk pajtohet me vlerësimin e Kushtetueses se seanca konstituive është akt kushtetues. Sipas tij, është veprim i Kuvendit.

Për shkak të këtij interpretimi për seancën konstituive dhe vendosjen e afatit për konstituim, Hasani tha se “kam frikë se ka komplikuar më shumë punën dhe ka krijuar hapësirë të pafundme për obstruksion të formimit të Kuvendit të Kosovës”.

Teksa Gjykata Kushtetuese ka kërkuar kompromis për konstituimin e Kuvendit, profesor Hasani tha se “gjykuar sipas sjelljeve deri sot, nuk pres që ky aktgjykim mund të shërbejë si bazë për arritjen e një kompromisi” mes partive. /Marrë nga Radio Evropa e Lirë

The post Ish-kreu i Kushtetueses së Kosovës: Votimi i fshehtë në Kuvend është jokushtetues appeared first on Lapsi.al.

Ish-kryetari i Gjykatës Kushtetuese, Enver Hasani, ka deklaruar se aktgjykimi i fundit i Kushtetueses lidhur me krizën e konstituimit të Kuvendit e bën të qartë se procedurat duhet të vazhdojnë sipas praktikës së deritanishme, pa përfshirë votim të fshehtë në zgjedhjen e Kryetarit dhe nënkryetarëve të Kuvendit.

Sipas Hasanit, Gjykata Kushtetuese ka vënë theksin në tri baza të rëndësishme për konstituimin e Kuvendit: Kushtetutën, praktikat e mëparshme dhe Rregulloren e Kuvendit.

Ai theksoi se deri më sot nuk ka pasur asnjë precedent të votimit të fshehtë në këtë proces dhe, për këtë arsye, edhe vendimi i fundit e orienton qartë Kuvendin që të ndjekë rrugën e njëjtë.

“Gjykata Kushtetuese e ka bërë të qartë se konstituimi i Kuvendit bëhet sipas Kushtetutës, praktikave të deritashme dhe Rregullores së Kuvendit. Deri tash nuk ka pasur votim të fshehtë, dhe rrjedhimisht Kushtetuesja ka bërë të qartë se duhet të shkohet përpara me procedura siç kanë qenë – jo me votim të fshehtë,” u shpreh Hasani në RTVDukagjini.

Vendimi i Gjykatës thekson se forma e votimit për zgjedhjen e Kryetarit dhe nënkryetarëve të Kuvendit nuk është e përcaktuar në Kushtetutë apo në Rregulloren e Kuvendit, por se praktika parlamentare e ndjekur deri më tani ka qenë me votim të hapur – dhe kjo duhet të vazhdojë derisa nuk ka ndonjë ndryshim të qartë ligjor.

Kjo qasje pritet të ndikojë në zgjidhjen e bllokadës institucionale dhe t’i japë Kuvendit një drejtim të qartë për përmbylljen e procesit të konstituimit brenda afatit kushtetues prej 30 ditësh.

The post Hasani: Gjykata Kushtetuese e ka bërë të qartë, konstituimi i Kuvendit bëhet pa votim të fshehtë appeared first on Telegrafi.