Elseid Hysaj është ende në dyshim te Lazio. Nuk dihet nëse mbrojtësi shqiptar do të vazhdojë të jetë pjesë e kryeqytetasve në Itali apo do të ndryshojë ambient gjatë kësaj merkato verore.
Por në prag të kësaj dritare transferimesh, Hysaj ka bërë një hap pas. Mbrojtësi i Kombëtares shqiptare ka lyer flokët përsëri, duke u rikthyer në “Hysajn Bjond”.
Kujtojmë se 31-vjeçari ishte pjesë e listës së Shqipërisë këtë muaj në ndeshjet e kualifikueseve të Botërorit. Ai bëri një supersfidë kundër Serbisë, ndërsa me Letoninë nuk pati minuta në këmbë.
Elseid Hysaj, një lojtarët më të mirët në fushë ndaj Serbisë, ndeshje që u mbyll në barazim pa gola. Pas sfidës mbrojtësi kuqezi foli për Supersport: “Kemi bërë një ndeshje shumë të bukur. Kemi luajtur shumë mirë. Mungesa e 3 pikëve na penalizon. Duhet t’i marrim gjërat më të mira dhe të ecim përpara”.
Mbrojtësi më pas vazhdoi, duke treguar edhe detyrat që i kishte dhënë Sylvinho: “Kam filluar shumë herët futbollin dhe duket sikur po plakem. E kishim ndjesinë që do ta fitonim ndeshjen sot. Kemi bërë shumë ndeshje si kjo sot. Trajneri më tha që të rija më mbrapa. Kjo ishte këshilla e tij. Broja ka shpejtësi të madhe dhe fizikisht është i fortë. Kemi pasur raste për të fituar ndeshje, ky është problemi”.
Hysaj evidentoi në fund edhe intimidimin që pati kundërshtari: “Ata kishin më frikë se ne për të luajtur futboll. Ata prisnin ndonjë korne, lojë nuk zhvilluan shumë. Këto janë ndeshje që duhet t’i luajë ai që i ndjen. Duhet të futemi në fushë dhe të japim maksimumin”, u shpreh Hysaj.
Gjimshiti: “Mund të fitonim 2 apo 3-0”
Kapiteni Berat Gjimshiti, ka theksuar se ndeshja e sotme ndaj Serbisë kishte sjellë gëzim e mërzi: “Keqardhja më e madhe? Barazimi është. Nëse sheh ndeshjen që kemi zhvilluar, jam i lumtur por edhe i mërzitur se besoj me atë penallti, nëse bëhej gol ndeshja mund të mbaronte 2 apo 3-0 për ne”.
Nuk ishte fare e lehtë, sidomos me këtë tension e presion që jemi futur në ndeshje ndaj Serbisë. Kishte shumë dhe besoj se jam shumë i lumtur për të gjithë djemtë në fushë e pankinë, se vetëm kështu shkohet para, nëse luhet me këtë guxim e zemër, duke lënë gjithçka në fushë.
Shehun u befasova që kur e pashë herën e parë në stërvitje me Andorrën dhe i pyesja lojtarët ku ka luajtur se nuk e dija. Dhe thashë ka shumë për të ecur para nëse vazhdon e punon, por duhen respektuar të gjithë se dhanë gjithçka në fushë, Hysaj, Ajeti, Broja, Mitaj, të gjithë. Ekipi është kryesori, nëse do të ecësh para, ai është i pari, nëse ekipi bën mirë, mund të arrish më pas individualisht gjithçka.
Uzuni: Sot ishte çështje fati me Manaj, të marrim 3 pikët me Letoninë
Sulmuesi i Kombëtares, Myrto Uzuni ka folur pas barazimit pa gola të Shqipërisë. Ai u ndal edhe te penalltia e humbur e Manajt: “Rei Manaj ka bërë paraqitje të mirë në sulm si Broja apo dhe Hoxha, penallti ishte çështje fati, kemi gjuajhtur dje penallti me Manajn, dhe i kemi shënuar të gjitha. Ishte çështje fati. Është e vërtete, Letonia është kundërshtar i fortë duhet të japim maksimumin siç u futëm sot në fushë kundër Serbisë, të japim maksimumim për të marrë 3 pikët në ndeshjen e radhës”, tha Uzuni për “Super Sport”.
Elseid Hysaj ishte një nga më të mirët në fushë në barazimin pa gola ndaj Serbisë, ku ai pas ndeshjes ka ndarë përshtypjet e tij dhe ndjesitë.
Në barazimin pa gola ndaj Serbisë, Hysaj tregoi qetësi dhe siguri në mbrojtje, duke e udhëhequr Shqipërinë me eksperiencën e tij, duke fituar edhe penallti në këtë sfidë, por që u humb nga Rey Manaj.
Pas sfidës, ai foli për ecurinë e ndeshjes dhe çfarë mendon për ecurinë e Kombëtares në këto eliminatore.
“Kemi bërë një ndeshje shumë të bukur. Kemi luajtur shumë mirë. Mungesa e 3 pikëve na penalizon. Duhet t’i marrim gjërat më të mira dhe të ecim përpara. Kam filluar shumë herët futbollin dhe duket sikur po plakem. E kishim ndjesinë që do ta fitonim ndeshjen sot. Kemi bërë shumë ndeshje si kjo sot”.
“Trajneri më tha që të rrija më mbrapa. Kjo ishte këshilla e tij. Broja ka shpejtësi të madhe dhe fizikisht është i fortë. Kemi pasur raste për të fituar ndeshje, ky është problemi”.
“Ata kishin më frikë se ne për të luajtur futboll. Ata prisnin ndonjë goditje këndi, lojë nuk zhvilluan shumë. Këto janë ndeshje që duhet t’i luajë ai që i ndjen. Duhet të futemi në fushë dhe të japim maksimumin”, ka thënë Hysaj. /Telegrafi/
TIRANË, 7 qershor /ATSH/ Kombëtarja shqiptare e futbollit luan sot kundër Serbisë në Tiranë, sfidë kjo që vlen për Grupin K kualifikues të Kupës së Botës 2026.
Përballja më e famshme mes dy skuadrave dhe ajo që ka mbetur në histori daton më 14 tetor 2014 në Beograd, me sfidën që u mbyll pas vetëm 42 minutave pasi tifozët vendas u futën në fushë dhe dhunuan lojtarët e Shqipërisë. 11 vite më pas dy skuadrat do të përballen sërish
Mbrëmjen e 14 tetorit 2014 në Beograd titullar për ekipin tonë ishte edhe Elseid Hysaj, mbrojtësi i djathtë që Giovanni de Biasi e hodhi në fushë nga minuta e parë. Thuajse 11 vite pas, Hysaj është i vetmi që është grumbulluar edhe në këtë ndeshje nga i gjithë ekipi. Nga 23 emrat që de Biasi kishte grumbulluar asokohe, vetëm shkodrani vijon të jetë ende pjesë e Kombëtares.
Ndërkohë në krahun tjetër do të jenë tre futbollistë serb që kanë qenë në atë mbrëmje. Portieri Predrag Rajkovic, mesfushori Nemanja Gudelj dhe sulmuesi Aleksandar Mitrovic vijojnë të jenë sërish aktiv për ekipin që sot drejtohet nga Dragan Stojkovic.
Mundohem t’i fshij çastet e mëzitura, por ato mbesin diku brenda meje, në një ishull të trurit të heshtura, që marrin frymë nga fryma ime.
I lë aty, pa zë, pa dritë, por ato marrin krahë madhështie papritur, marrin vrull si një lumë vjeshtak.
Kur mendoj se kam harruar, një kujtim fjollë bore më përshkon trupin, ma kafshon shpirtin. Një çast… që solli pezm, inat e dhimbje… e gris në mendje. E gris copë e copë, nën një pikë shiu… …Rivjen me hapa të një fluture, pa e ditur… …E pa e kuptuar, bëhet det brenda syve.
Kthehem tek ajo copëz e harruar e paprekur, e mbështjellë si një fëmijë në gjumë. E marr me dorë të butë, i heq rrobat e bëra pis, dhe kuptoj: Sa i bukur paska qenë ai çast! Pse e lashë të plurosur në qoshen më të ftohtë të mendjes?
Ikje, Kthime të trazuar, mjegull, emocione hyjnë sërish në mua, jo si dikur, me hapa hajdutesh, por si një kujtesë që u shkri në stinën e harrimit.
Dhe unë… qëndrova. Këtu. Me fatin e heshtur në duar, përtej mirazhit të pritjes./ KultPlus.com
Kombëtarja shqiptare do të dalë në fushën e lojës të shtunën në mbrëmje në “Arenën Kombëtare”. Djemtë kuqezi do të presin në shtëpi në orën 20:45 Serbinë për sfidën e tretë kualifikuese të Kupës së Botës.
Në prag të këtij dueli të rëndësishëm, Federata Shqiptare e Futbollit ka bërë një postim në rrjetet sociale. “4 ditë”, shkruhet në fotografinë e FSHF-së duke numëruar ditët para ndeshjes, ku shikohet Elseid Hysaj.
Mbrojtësi i Lazios është zgjedhur në këtë fotografi për numrin 4 që mban në fanellë, po aq ditë sa na ndajnë nga sfida me Serbinë. Hysaj pritet të nisë si titullar të shtunën në mbrëmje.
Tashmë nuk ka dyshime, Lazio ka mbyllur bashkëpunimin me Marco Baronin. Trajneri që do të drejtojë skuadrën kryeqytetase të Italisë është Maurizio Sarri.
Lajmin e ka bërë të ditur vetë Lazio përmes një postimi në faqen zyrtare. Një vit e pak pasi u largua nga drejtimi i bardhekaltërve, Maurizio Sarri është rikthyer të drejtojë sërish kryeqytetasit.
Tekniku 66-vjeçar ka firmosur një kontratë 2-vjeçare me opsion për një vit tjetër. Më parë, Maurizio Sarri e ka drejtuar Lazion nga vera e vitit 2021 deri në mars të vitit të kaluar.
Kombëtarja shqiptare ka nisur zyrtarisht grumbullimin në kuadër të përgatitjeve për dy ndeshjet e radhës në kualifikueset e Botërorit 2026 ndaj Serbisë dhe Letonisë.
Kuqezinjtë do të zhvillojnë pasditen e sotme seancën e parë stërvitore, ndërkohë që Elseid Hysaj dhe Qazim Laçi dolën në konferencë për mediat dhe folën për ndeshjet me Serbinë dhe Letoninë.
Elseid Hysaj u shpreh se kjo ndeshje është shumë e rëndësishme, pasi Serbia është kundërshtari direkt për vendin e dytë. Mbrojtësi kuqezi theksoi faktin që kjo ndeshje duhet të shihet vetëm si një sfidë futbolli dhe ekipi duhet të jetë i përqendruar për të dhënë maksimumin në fushë.
Ndeshja me Serbinë? – Kjo është ndeshje e rëndësishme sepse janë ndër kundërshtarët më direkt me ekipin tonë. Marrëdhëniet në vendet tona nuk duhet të hyjmë ne futbollistët, ka kush merret me këtë punë. Ne duhet të luajmë ndeshjen tonë, të jemi të përqëndruar, të qetë, e dimë që është kundërshtari jonë direkt, dhe mos mendojmë për probleme anasjellas siç mund të kenë.
Ndeshja me Serbinë? – Kjo është një ndeshje shumë e rëndësishme, sepse ata janë kundërshtarët më të drejtpërdrejtë të ekipit tonë. Marrëdhëniet mes dy vendeve tona nuk janë çështje për ne futbollistët, ka të tjerë që merren me këtë. Ne duhet të përqendrohemi në lojën tonë, të jemi të qetë, të përqendruar. E dimë që është kundërshtari jonë direkt. Nuk duhet të merremi me probleme të tjera që mund të ekzistojnë jashtë fushës.
Mendoni se keni një rol kyç për atë që duhet t’u transmetoni lojtarëve për këtë ndeshje? – Të gjithë futbollistët janë të përqendruar dhe e dinë shumë mirë sa e rëndësishme është kjo ndeshje, si për ne, por edhe jashtë futbollit. Ka shumë tifozë që e presin me padurim. Sigurisht që kam folur me disa lojtarë, si për lidhjet tona të mëparshme, ashtu edhe për ndeshjet që kemi luajtur së bashku. Të gjithë e njohin historinë e Shqipërisë. U kam thënë vetëm të jemi të qetë dhe të japim më të mirën në fushë.
Ndeshje me presion? – Po, mund të ketë presion, por mendoj që është presion pozitiv, që të shtyn të zbresësh në fushë me forcë dhe guxim. Është një ndeshje e veçantë, por mbi të gjitha është një ndeshje futbolli. Të gjithë duhet ta kuptojnë këtë. Duhet të futemi në fushë të qetë dhe të japim maksimumin për të fituar dhe për të marrë tri pikë.
Ndeshja me Serbinë në vitin 2014? – Të gjithë e panë atë ndeshje. Nuk ishte një imazh i mirë për futbollin dhe nuk duhet të përsëritet ajo që ndodhi atëherë. Kjo është një ndeshje shumë e rëndësishme. Luajmë për shtetin, për tifozët, për kombin. Nëse fitojmë, do të jetë një krenari e madhe për të gjithë ne. Duhet të jemi të qetë dhe të kuptojmë se jemi futbollistë. Jemi këtu për të kënaqur tifozët dhe për të dhënë gjithçka për fitoren.
Gjendja fizike? – Unë jam mirë. Jam rikthyer nga një dëmtim dhe tani ndjehem shumë mirë. Edhe të tjerët janë në gjendje të mirë. Është fundi i kampionatit, ndoshta ka pak lodhje, por nuk mendoj se do të ndikojë. Në stërvitje djemtë janë shumë të përqendruar. Kjo është një ndeshje e veçantë që duhet ta luajmë me zemër dhe shpirt, siç kemi bërë gjithmonë. Edhe pse mund të ketë një tifozeri të zjarrtë, ne duhet të jemi të qetë në fushë.
Trajneri Silvinjo? – Trajneri bën punën e tij. Gjithmonë na këshillon të jemi të qetë dhe të mos e marrim me presion këtë ndeshje. Jemi të gjithë profesionistë dhe të vetëdijshëm për rëndësinë e ndeshjes. E dimë që Serbia ka lojtarë të mirë dhe një skuadër të fortë. Shumë prej nesh kemi luajtur kundër tyre në Serie A dhe në kampionate të tjera. Edhe ata e dinë që jemi një ekip që lufton dhe që mund ta fitojë këtë ndeshje.
Sa të rëndësishme janë këto tri pikë për objektivin “Botëror”? – Të gjitha ndeshjet në grup janë të rëndësishme, por kjo është direkte për objektivin tonë. E dimë që Anglia është një skuadër shumë e fortë, por kundër Serbisë mund të luajmë shumë mirë letrat tona. Kemi mundësinë ta fitojmë ndeshjen.
Qazim Laçi tha se ndeshja me Serbinë është e fortë dhe se ekipi do të përgatitet për të marrë maksimumin nga kjo sfidë. Mesfushori luftarak shtoi se lojtarët janë profesionistë dhe do të japin zemrën në fushë.
Serbia shihet në letër si një kundërshtar më i fortë se Shqipëria, a është ky një avantazh për ne? – Kemi një ndeshje shumë të fortë, luajmë brenda në shtëpi, nuk është njëra apo tjetra skuadër e favorizuar, jemi të barabartë dhe do të duket brenda në fushë. Ne do të përgatitemi nga ana jonë për fitoren, ajo ka rëndësi për momentin. Do të mundohemi ta marrim ndeshjen si profesionistë dhe mos emocionohemi aq shumë si njerëzit jashtë. Është gjë e mirë kjo, se dhe ne në fushë mund të japim më shumë.
Thirrje për tifozët? – Besoj tifozët do të jenë gjithmonë pas nesh, siç kanë qenë gjithmonë. Patjetër është ndeshje shumë e veçantë, vetëm duhet me pas kujdes. Tifozët në gjithë këto vite që jam këtu nuk kanë bërë asnjëherë gjëra të këqija. Besoj do të jenë korrektë. I presim në stadium, na ndihmojnë dhe mbështesin sa më shumë.
Gjendja fizike e skuadrës? – Nga ana fizike të gjithë lojtarët do të përgatitemi mirë, por mentalisht besoj do të jetë më e rëndësishme. Fizikisht shumë lojtarë nuk do të jetë e lehtë të jenë në nivelin e duhur, por nga ana e mentalitetit duhet të jesh aty dhe këtë do ta tregojmë. Kur je mentalisht i fortë, ndihmon edhe trupin të jesh fizikisht mirë.
Ndeshje përballë rivalit direkt ndaj vendit të dytë, çfarë duhet të bëjë Shqipëria për të fituar ndeshjen? – Kemi një shans të madh sepse e luajmë në shtëpinë tonë. Kjo do të jetë forca jonë, besoj. Nga minuta e parë duhet të futemi me mendimin për të fituar ndeshjen, emocionet t’i lëmë jashtë. Duhet të punojmë në stërvitje, disa gjëra që kemi biseduar me trajnerin shpresoj të dalin edhe në fushë.
Më mirë në Shqipëri apo Serbi ndeshja e parë? – Nuk ka rëndësi, jemi profesionistë, do të merremi në aspektin e futbollit. Është gjë e mirë që kemi ndeshje në shtëpinë tonë, do të kemi mbështetjen e tifozëve, do të mundohemi të japim maksimumin për 3 pikëshin që do të jetë i rëndësishëm dhe për kualifikimin në Botëror.
Sa zemër do të kërkojë sfida me Serbinë? – Nuk besoj që ekipit kombëtar i mungon zemra. E kemi treguar gjithmonë. Lojtarët kanë edhe mentalitetin dhe zemrën për ta fituar këtë ndeshje.
Sa ekziston rreziku të nënvlerësojmë ndeshjen me Letoninë, që është pas përballjes me Serbinë? – Për mendimin tim nuk kemi pasur asnjëherë ndeshje të lehtë. Duhet me pas gjithmonë në mendje që kemi dy ndeshje. Nuk është vetëm ndeshja me Serbinë, edhe me Letoninë. Një fitore me Serbinë duhet të lidhet me fitoren në Letoni dhe do të jetë aq më mirë për të gjithë.
E keni pyetur Hysajn se çfarë mbart një ndeshje përballë Serbisë. Çfarë ju ka sugjeruar? – Thjesht ka ndihmuar nga aspekti psikologjik si ta mendojmë këtë ndeshje dhe ta fitojmë. Gjëra të tjera janë për njerëz të tjerë.
Kombëtarja shqiptare do të përballet me Serbinë të shtunën e 7 qershorit, në kuadër të kualifikueseve të Botërorit 2026. Ndeshja që do të zhvillohet në “Arena Kombëtare”, do të startojë në orën 21:00.
Ndërkohë që lojtarët janë grumbulluar dhe kanë nisur përgatitjet, por kanë kohë edhe për pak argëtim.
Në një video të publikuar nga mbrojtësi kuqezi, Elseid Hysaj, shihet se ai vetë, Juljan Shehu, Alen Sherri dhe Armando Broja po shijojnë një lojë me letra.
Megjithatë, ky i fundit duket i pakënaqur nga loja. “U prish loja, u prish komplet”, dëgjohet të thotë sulmuesi i Chelsea-t, duke treguar qartë pakënaqësitë e tij.
Elseid Hysaj, mbrojtësi i kombëtares, mesfushori, Qazim Laçi dolën sot para mediave për ndeshjen me Serbinë.
“Kjo është një ndeshje më e rëndësishme sepse sic dihet janë ndër kundërshtarët më direkt në ekipin tonë, por besoj që marrëdhëniet ndaj vendeve tona dhe të atyre nuk duhet të jemi ne futbollistat në këtë marrëdhënie sepse ka kush merret me këtë punë.
Ne duhet të mendojmë që thjesht të luajmë ndeshjen tonë, të jemi të koncentruar, të qetë, ta dimë që është një kundërshtar direkt dhe mos mendojmë për problemet. Gjithë futbollistët janë të koncentruar e dinë mirë se kjo ndeshje është shumë e rëndësishme, si për ne edhe për futbollin edhe jashtë tij, ka shumë tifozë që me zi po e presin këtë ndeshje, kam folur me disa lojëtarë për lidhjet që kemi patur dhe ndeshjet që kemi luajtur bashkë, e dinë historinë e Shqipërisë iu kam thën të jemi sa më të qetë dhe të japim më të mirën në fushë.” tha Hysaj.
“Kemi një ndeshje shumë të fortë, luajmë në shtëpi, nuk është një skuadër që është e favorizuar të dy ekipet jemi barabartë dhe do duket edhe brenda në fushë. Në do pregatitemi nga ana jonë për të marrë fitoren, edhe ajo ka rëndësi për momentin. Do mundohemi ta marrim ndeshjen si profesionistë dhe të mos emocionohemi aq shumë, si njerëzit nga jashtë.” u shpreh Muçi./abcnews.al
Futbollistët e Kombëtares kanë nisur grumbullimin para ndeshjes me Serbinë, e cila është planifikuar të luhet në “Arenën Kombëtare” të Tiranës më 7 qershor në orën 20:45.
Në konferencën për shtyp të kësaj të hëne dolën futbollistët Elseid Hysaj dhe Qazim Laçi.
Mbrojtësi i Lazios theksoi se Serbia është rivali ynë dhe për këtë arsye na duhen tri pikët si në çdo ndeshje tjetër.
Hysaj ka qenë në fushë edhe gjatë ndeshjes Serbi-Shqipëri më 14 tetor 2014, e cila u ndërpre për shkak të incidenteve pas futjes në fushë të dronit me flamurin autokton, dhe është i vetmi futbollist nga ai takim që vazhdon të jetë i grumbulluar ende me ekipin.
“Si duhet ta përjetojmë këtë ndeshje me Serbinë, duke marrë parasysh edhe historinë?
Kjo është një ndeshje shumë e rëndësishme për ne, pasi Serbia është rivali direkt. Marrëdhëniet mes vendeve nuk na takojnë ne futbollistëve, ka kush merret me to. Ne duhet të mendojmë vetëm për atë që ndodh në fushë dhe atë që na takon ne.
Presioni tek lojtarët?
Ky presion na duhet për të zbresur në fushë me forcë dhe kurajo. Duhet të jemi të vetëdijshëm që në këto ndeshje futbolli duhet të hyjmë me besim.
Ngjyrat e futbollit dhe ana politike?
Ndeshja e 2014 në Serbi nuk është imazh për futbollin. Kam qenë në fushë atë mbrëmje. Të shtunën duhet të jemi të qetë, tri pikët do të bëjnë krenar vendin dhe na duhet t’i fitojmë.
Roli juaj dhe përvoja në aspektin psikologjik?
Gjithë djemtë dinë që sfida vlen në fushë dhe jashtë saj. Shumë tifozë mezi e presin takimin. Kam folur me disa lojtarë dhe i kam kërkuar që të japin më të mirën në fushë. U riktheva nga një dëmtim dhe ndihem shumë mirë. Të gjithë lojtarët janë në formë, i kam parë në stërvitje dhe në fushë do të luajmë me zemër dhe shpirt. Do të kemi një tifozeri të zjarrtë, por na duhet qetësi në fushë.
A ka dhënë trajneri udhëzime të veçanta për këtë përballje?
Ai na ka kërkuar qetësi, që të mos marrim këtë ndeshje me presion. Serbia ka lojtarë të fortë që luajnë në Serie A dhe Evropë. Ata e dinë që ne mund të fitojmë.
Si i shihni shanset për tri pikët kundër Serbisë?
Çdo ndeshje është shumë e rëndësishme, por kjo është ndeshje direkte dhe na duhet të bëjmë më shumë se ata në fund të kualifikueseve. Anglia është shumë e fortë, ndaj ne duhet ta fitojmë këtë përballje me Serbinë,” tha Hysaj.
“Kjo është ndeshje e rëndësishme sepse janë ndër kundërshtarët më direkt me ekipin tonë. Marrëdhëniet në vendet tona nuk duhet të hyjmë ne futbollistët, ka kush merret me këtë punë. Ne duhet të luajmë ndeshjen tonë, të jemi të përqëndruar, të qetë, e dimë që kundërshtar direkt, dhe mos mendojmë për probleme anasjellas siç mund të kenë”: Mbrojtësi kuqezi Elseid Hysaj ishte sot në konferencën e paralajmëruar për shtyp përpara dy ndeshjeve eliminatore të qershorit. Përballja ndaj Serbisë, përtej përmasës sportive, mbart një peshë të madhe emocionale dhe simbolike për të gjithë shqiptarët.
Nga kjo nuk përjashtohen as futbollistët, edhe pse vetë Hysaj kërkon të ruhet qetësia dhe përqendrimi: “Kjo është një ndeshje shumë e rëndësishme. Serbia është kundërshtar direkt për ne në këtë grup. Marrëdhëniet mes dy vendeve nuk janë çështje për ne futbollistët. Ne jemi këtu për të luajtur dhe për të fituar, jo për t’u marrë me politika”, tha Hysaj në konferencën për shtyp.
Presioni i madh, por pozitiv
Hysaj e pranon hapur se presioni për këtë përballje është i madh, por ai beson se kjo mund të shërbejë si një motiv shtesë: “Është presion i madh, por presion që do të na ndihmojë të zbresim në fushë me forcë dhe guxim. Është ndeshje e veçantë, por futbolli kërkon qetësi. Duhet të hyjmë në fushë të fokusuar dhe të bëjmë më të mirën për të marrë 3 pikët.”
Mesazh për tifozët: Emocione me zemër, jo me tension
Ndërsa e di shumë mirë ndjeshmërinë që ekziston rreth kësaj sfide, mbrojtësi vlonjat apelon për maturi dhe sportivitet si nga lojtarët, ashtu edhe nga tifozët: “Tifozët po e presin me emocion këtë ndeshje. Na duhet mbështetja e tyre, por edhe qetësia. S’duhet të përsërisim imazhet e viteve të kaluara. Luajmë për shtetin, për kombin, për tifozët. Një fitore do të ishte krenari për të gjithë”.
Analiza: Një sfidë që tejkalon vetëm aspektin sportiv
Ndeshja ndaj Serbisë është shumë më tepër se tri pikë. Është përfaqësimi i një gjenerate të pjekur, që duhet të përballojë presionin emocional dhe teknik në një nivel të lartë. Hysaj, si një prej lojtarëve me më shumë përvojë në ekip, duket i vetëdijshëm për këtë dimension: “E dimë që Serbia ka lojtarë të fortë, shumë prej tyre luajnë në Seria A apo në liga të rëndësishme. I njoh mirë, kam luajtur kundër tyre. Por edhe ata e dinë që nuk do ta kenë të lehtë me ne. Dimë të luftojmë”.
Forma fizike dhe mesazhi nga Sylvinho
I rikthyer pas një dëmtimi, Hysaj deklaroi se është në gjendje të mirë dhe i gatshëm për të ndihmuar Kombëtaren. Ai theksoi se pavarësisht lodhjes nga fundi i sezonit, grupi është i motivuar dhe trajneri Silvinjo ka punuar për ta mbajtur ekipin të qetë dhe të përqendruar: “Trajneri na ka kërkuar të mos e marrim me panik këtë ndeshje. E dimë rëndësinë, por duhet qetësi dhe ekuilibër emocional. Kemi mundësi reale për ta fituar”.
Përballja direkte që mund të ndryshojë gjithçka
Në fund, Hysaj i rikujtoi të gjithëve se kjo është një ndeshje direkte për kualifikim dhe një hap drejt ëndrrës së Botërorit: “Të gjitha ndeshjet e grupit janë të rëndësishme, por kjo me Serbinë është direkte. Ndaj Anglisë është mirë edhe barazimi, por ndaj Serbisë duhet të luajmë letrat tona më të mira.”
Elseid Hysaj ishte një nga protagonistët absolut të fitores së Lazios kundër Empolit, në një duel të rëndësishëm për garën në Ligën e Kampionëve vitin e ardhshëm. Mbrojtësi shqiptar asistoi në minutën e parë të sfidës, me Dian që shënoi, i cili rezultoi dhe goli i vetëm i takimit. Në minutën e 76’, Hysaj u […]
Kandidatja e PD në Durrës, Jola Hysaj, teksa bëri një rezyme të 20 ditëve fushatë në emisionin “Debat” në A2 CNN, tha se periudha para zgjedhjeve të 11 majit është shënjuar nga tensioni dhe shantazhi ndaj votuesve. Sipas Hysajt, më të intimiduarit janë biznesi i vogël, qytetarët që kanë banesa në proces legalizimi dhe ata […]
Pas më shumë se pesë vitesh përballjeje ligjore, drejtësia italiane i ka dhënë fund njërit prej kapitujve më të tensionuar në historinë moderne të Napolit. Gjykata e Kasacionit ka vendosur përfundimisht në favor të klubit napolitan lidhur me çështjen disiplinore që lindi në nëntor të vitit 2019.
Në qendër të vendimit është Elseid Hysaj, mbrojtësi shqiptar që sot mbron ngjyrat e Lazios. Ai është dënuar me 40 mijë euro gjobë dhe do të duhet të mbulojë gjithashtu kostot e procesit gjyqësor.
Gjithçka nisi më 5 nëntor 2019, pas një barazimi me Salzburgun në Champions League. Si reagim ndaj formës jo të mirë të skuadrës, drejtuesit e Napolit vendosën një grumbullim të detyruar, por disa lojtarë, përfshirë Hysajn, refuzuan urdhrin, duke shkaktuar një përplasje të fortë me klubin. Trajner në atë kohë ishte Carlo Ancelotti.
Ndërsa pjesa më e madhe e lojtarëve gjetën një kompromis me presidentin De Laurentiis pas ndërhyrjes së Kolegjit Arbitral në vitin 2021, Hysaj zgjodhi të vazhdonte betejën ligjore deri në instancën më të lartë të drejtësisë.
Tani, me vendimin e Gjykatës së Kasacionit, saga ka marrë fund. Napoli fiton të drejtën për të ndëshkuar lojtarët që shkelin disiplinën e brendshme, ndërsa Hysaj përballet me pasojat financiare të vendimit të tij për të mos hequr dorë.
Kasacioni i ka vendosur fjalën fund asaj që njihet si çëshjtja që ndau në dysh dhomat e zhveshjes së Napolit ku disa futbollistë u rebeluan dhe më 5 nëntor të 2019-ën nuk pranuan që të grumbulloheshin pas thirrjes së bërë nga klubi pas barazimit në Champions League (1-1 me Salcburgun).
Hysaj, i cili ishte njëri nga “rebelët”, nuk pranoi që të gjente gjuhën e përbashkët me klubin dhe për këtë motiv çështja e tij u dërgua në gjyq.
Pas plot pesë vitesh e gjysmë më vonë drejtësia italiane mori një vendim sipas të cilit Hysaj ishte fajtor.
Tani shqiptarit i duhet që të dëmshpërblejë ish-skuadrën e tij me 40.000 mijë euro si dhe të paguajë të gjitha shpenzimet e gjyqeve.
Ish mbrojtësi i Napolit, Elseid Hysaj është gjobitur me 40 mijë euro. U deshën pesë vjet e gjysmë dhe tre shkallë gjykimi për të deklaruar përfundimisht se lojtarët nuk mund ta braktisnin tërheqjen e urdhëruar nga klubi pas shortit në Ligën e Kampionëve kundër Salzburgut në 2019.
Gjykata e ka vlerësuar vendimin e klubit si legjitim. Napoli kishte marrë masa disiplinore pas refuzimit të lojtarëve për të shkuar në Castel Volturno pas ndeshjes. Bashkë me Hysajn vendimin rebelues e kishin marrë edhe Insigne e Mertens. Aktualisht Hysaj aktivizohet te Lazio, prej disa sezonesh.
Pas pesë vitesh e gjysmë dhe tre shkallësh gjyqësore, Gjykata e Lartë italiane (Cassazione) ka vendosur përfundimisht për braktisjen e grumbullimit më 5 nëntor 2019 në ekipin e Napolit, duke dënuar mbrojtësin Elseid Hysaj (aktualisht pjesë e Lacios) me një gjobë prej 40 mijë eurosh, si dhe detyrimin për të paguar shpenzimet gjyqësore. Lajmi është […]
Mbrojtësi i kombëtares, Elseid Hysaj është grumbulluar nga Lazio. Teksa po kalon një sezon të vështirë në kryeqytet, mes dëmtimeve dhe lënieve jashtë skuadrës, këtë herë tekniku i lacialëve, Baroni, e ka ftuar për takimin e të hënës në shtëpi ndaj Torinos. Në takimin e fundit, të hunbur 5-0 ndaj Bolognas, futbollisti ishte në pankinë. […]
Në një atmosferë të ngrohtë dhe plot frymëzim, KultPlus Caffe Gallery mirëpriti mbrëmjen e djeshme promovimin e librit “Gravurë me ngjyrat e kohës” të autores Ajne Iberhysaj. Kjo ngjarje erdhi pikërisht në Ditën Botërore të Poezisë, duke i dhënë një dimension edhe më të veçantë kësaj ngjarjeje letrare dhe artistike, shkran KultPlus.
Përveç promovimit të librit, kjo mbrëmje poetike u shoqërua edhe me një ekspozitë kolektive nga artistët Musë Prelvukaj, Skënder Idrizi, Bija Jasiqi, Merita Myderrizi – Maloku dhe Agron Mulliqi. Pikturat e tyre, të mbushura me ngjyra dhe ndjesi të thella, krijuan një simbiozë të bukur mes fjalës së shkruar dhe artit vizual.
Në panelin e mbledhur posaçërisht për këtë ngjarje, e para e mori fjalën moderatorja Alketa Gashi-Fazliu, e cila solli një moment të veçantë për të pranishmit duke lexuar një poezi nga libri “Gravurë me ngjyrat e kohës”. Me ndjeshmërinë dhe interpretimin e saj të thellë, Gashi-Fazliu krijoi një atmosferë të ngrohtë dhe emocionuese, duke e bërë hapjen e diskutimit edhe më domethënëse.
Pas këtij momenti artistik, ajo ia dha fjalën profesorit dhe shkrimtarit Agim Vinca, i cili, përveçse një zë i rëndësishëm në letërsinë shqipe, është edhe redaktori i këtij libri. Vinca ndau me të pranishmit mendimet e tij mbi vlerën artistike dhe mesazhet që përcjell ky botim, duke sjellë një analizë të thellë mbi stilin dhe tematikat e trajtuara nga autorja.
“Kam kënaqësinë që sot këtu në mjediset e KultPlus-it t’i them dy fjalë për librin më të ri të poeteshës Ajne Ibërhysaj, që kohë më parë nga shtypi në botim të shtëpisë botuese “Onufri”. Librin në fjalë e kam lexuar në dorëshkrim në cilësinë e redaktorit. Kam diskutuar me autoren pothuasje për secilën poezi, si dhe për strukturimin e librit në përgjithësi. Kur libri mori, pak a shumë, formën që ka sot, shkrova edhe një tekst të shkurtër, përmbledhës, për vlerat dhe veçoritë e tij, në të cilin, ndër të tjera, them: Shpirti lirik i një poeteshe” , theksoi Vinca në fjalimin e tij.
Tutje, Vinca shprehet se poezia e Ajne Iberhysaj është një vështrim ndjenjash, mbresash, kujtimesh, të cilat sipas tij, poetja i shpreh natyrshëm, ashtu si i vijnë.
“Po qe se bëjmë një krahasim me fenomenet e natyrës, do të thoshim se rrëfimi poetik rrjedh lirshëm, ashtu siç ndërrohen stinët e motit, siç bien gjethet në vjeshtë dhe siç rrjedhin ujërat e lumenjve. Edhe pikat e shiut që lëshojnë retë dhe lotët që rrjedhin nga sytë janë pjesë ekësaj “gravure””, tha Vinca duke shtuar mes tjerash se poezia e Ajne Ibërhysajt nuk është poezi e mjeshtërisë a zanatit, por e ndjesisë dhe përjetimit të çastit.
Fjalën më pas e mori shkrimtari Ramë Oraca i cili dha një vështrim rreth këtij libri. Oraca, tha se autorja ka gdhendur çdo varg si filigran në mozaikun e shtigjeve të krijimtarisë së saj letrare.
“Ajne Ibërhysaj gjurmon shtigjeve që ajo i ka përzgjedhur për vete, kjo vazhdon që t’i dhurojë lexuesit dhe opinionin letrar frymëzimet, idetë dhe preokupimet e saja jetësore. Nisur nga ky konstatim edhe shkrimin tim e titullova “Arti i gdhendjes me ashkla shpirti”. Në linjën e saj artistike te kjo autore frymon vargu lirik që nga Troja, Itaka, Rruga e Qumështit, Kashta e Kumtrit e deri te Elbasani, Shkumbini pikëtakime të vargëzuara, herë në formate të lira krijuese, herë përmes ndjeshmërisë së lartë emocionale, të cilat e lartësojnë autoren e këtij libri në nivel të dukshëm letra”, tha Oraca.
Më tej, Oraca u shpreh se ky libër nga brendia e gjithë përmbajtjes jep, figuracionin poetik, i cili nuk është vetëm mjet i poetizimit të jetës në art, por në radhë të parë na jep gjuhën e veçantë poetike.
“Strukturimi i përmbajtjes poetike të kësaj autoreje do vëmendje të posaçme, sepse vargu i saj, përveç idesë dhe qëllimit, ajo e thjeshtëzon misionin e saj përmes krijimtarisë letrare në të kuptuarin e vet specifik për lexuesin e saj. Këtë lloj gjetje letrare e gjejmë te kjo autore në secilën poezi si një porosi paqeje nën strehën e shpirtit”, tha më tutje ai.
Pas këtyre dy vështrimeve fjalën e mori vetë autorja e librit, Ajne Iberhysaj, e cila theksoi rëndësië e pjesëmarrjes së saj si finaliste në Konkursin e Poezisë ‘KultStrofa’, disa vite më parë, organizim ky që ishte një nismë për redaktimin e librit të saj.
“Ishte pikërisht ‘Kultstrofa’ nisma e bashkëpunimit për redaktimin e këtij libri. Dua të falënderoj shkrimtarin Agim Vinca dhe Ramë Oraca për vështrimin rreth librit, Ardianë Pajazitin për ngrohëtsinë, që të jemi sot pikërisht në ditën botërore të poezisë, Alketa Gashi – Fazliu për moderimin. Dua të falëndorj sot veçanërisht piktorët, që për mua është viti i gjashtë që bashkëpunoj me ta dhe është një gërshetim i poezisë me artin e tyre. Dua të falënderoj Musa Prelvukaj, që gjithmonë që ka qenë i gatshëm të më ndihmojë, Skender Idrizin gjithashtu që gjithmonë është pranë kolonisë së piktorëve në Deqan, Agron Mulliqin për mjeshtërinë e tij artistike, Merita Malokun dhe Bija Jasiqin. Mbi të gjitha dua të falënderoj të gjithë që ishit të pranishëm këtu dhe që ma ngrohët shpirtin”, u shpreh mes emocionesh Iberhysaj.
Fjalën në këtë diskutim e mori edhe drejtoresha e KultPus, Ardianë Pajaziti, e cila mes tjerash, tregoi edhe për zanafillën e bashkëpunimit të autores Ajne Iberhysaj dhe profesorit, Agim Vinca.
“Takimi i rastësishëm i Ajne Iberhysaj dhe profesorit Agim Vinca ishte pikërisht në ‘Kultstrofa’, ku profesori atë vit ishte kryetar jurie.Profesori Vinca e di që unë nuk kam njohuri për prurjet që i kemi në ‘Kultstrofa’, sepse ne e hapim thirrjen e më pas është juria ajo që vendos, e krejt rastësisht profesori Vinca më ka treguar para katër muajve që kanë lidhur marëveshje dhe ka redaktuar librin e Ajne Iberhysaj, e ky është ede misioni i një medie , ky është misioni i të gjithë atyre që merren me art dhe kulturë, që të krijojnë ura. Urat janë shumë të rëndësishme që ne të mbështesim njëri-tjetrin, dhe kjo urë na ka mledhur të gjithëve sot bashkë dhe unë po uroj që pas një viti të takohemi për një bashkëpunim të radhës” , tha mes tjerash Pajaziti.
Një fjalë rasti e mori edhe piktori Musë Prelvukaj, i cili foli më shumë reth piktorëve, veprat e të cilëve u shfaqën në ekspozitën e hapur kraas promovimit të librit.
“Ndjehem mirë që gjendem në këtë ambient siç është KultPlus, një ambient që ia ka haur derën shumë krijuesve. U ndjeva aq lehtë e mirë sot sepse ndjeva fjalët e shkruara nga poetja Iberhysaj, por natyrisht për pikturat nuk do të flas sepse jemi kolegë së bashku, e dijmë punën e secilit, por do të them nga një fjalë me radhë. Skendër Idrizi, piktor nga Mitrovia, një piktor që krijon në mënyrë bashkëkohore, në një mënyrë të veçantë artistike e që frmëzim e ka minierën e Trepçës, Agron Mulliqi, që ka meritë shumë të madhe për hapje e kësaj ekspozite, Mulliqi krijon në frymën e artit bashkëkohor, Merita Mynderrizi – Maloku, është një peisazishte e shkëlqyer, që krijon risi në çdo peisazh, pastaj kemi Bija Jasiqi, një piktore pasionante që krijon pa ndërprerë” tha Prelvukaj.
Ndërkaq, promovimi i librit ‘Gravurë me ngjyrat e kohës’ erdhi si një ngjarje që u bë një hapësirë e hapur për të gjithë adhuruesit e librit dhe pikturës, duke krijuar një mbrëmje të mbushur me emocion, reflektim dhe frymëzim artistik. Të pranishmit patën mundësinë të ndiejnë fuqinë e fjalës dhe të ngjyrës, në një ndërthurje të harmonishme që i dha kësaj nate një hijeshi të veçantë./KultPlus.com
Login
