Gadishulli Reykjanes i Islandës përjetoi shpërthimin e 12-të vullkanik në pak më shumë se katër vjet, ndërsa lava shpërtheu nga një çarje pas një serie tërmetesh orë më parë.

Zyra Meteorologjike Islandeze konfirmoi shpërthimin pak para orës 04:00 GMT, duke thënë se një çarje me madhësi 700 deri në 1 000 metra ishte hapur në gadishullin me popullsi të pakët në jugperëndim të Reykjavík.

Pamjet e drejtpërdrejta nga transmetuesi publik RÚV treguan lavë të kuqe të ndezur që dilte nga çarja në tokë.

Ekspertët e përshkruan vendndodhjen e shpërthimit si të favorshme, pa kërcënim të menjëhershëm për njerëzit ose infrastrukturën në qytetin e afërt të peshkimit Grindavík.

”Megjithatë, autoritetet evakuuan një vend kampingu dhe banjën gjeotermale popullore Blue Lagoon si një masë paraprake”, raportoi RÚV.

Nuk kishte ndërprerje të pritura në trafikun ajror ndërkombëtar nga Aeroporti Keflavík, qendra kryesore e aviacionit të Islandës.

Shpërthimi është i nënti që nga fundi i vitit 2023 dhe i 12-ti që nga fillimi i vitit 2021.

Një shpërthim i mëparshëm ndodhi në prill dhe zgjati vetëm disa ditë.

Ekspertët nuk e kishin pritur ngjarjen tjetër deri më vonë gjatë vitit./atsh/ KultPlus.com

Anija 45 metra e gjatë ‘Sea Lady II’, u përfshi nga flakët ndërsa ishte ankoruar në portin e Saint-Tropez më 10 korrik.

Një superjaht luksoz, u përfshi nga flakët në Rivierën Franceze të enjten. Anija 45 metra e gjatë ‘Sea Lady II’, u përfshi nga flakët ndërsa ishte ankoruar në portin e Saint-Tropez më 10 korrik.

Zjarrfikësit vendas u thirrën në vendngjarje, por ata patën vështirësi të hipnin në anije, sipas agjencisë lokale të medias Agence France-Presse.

“Jahtet përreth u zhvendosën shpejt dhe ne kemi vendosur barriera kundër ndotjes”, tha një zëdhënës i shërbimit zjarrfikës për AFP-në.

The Sun, shkruan se zjarri u raportua pak pas orës 8 të mbrëmjes sipas orës lokale. Bëhet me dije se dy persona, të moshës 24 dhe 35-vjeç, u shpëtuan nga anija dhe të dy vuanin nga efektet e thithjes së tymit.

Sipas një liste online të çarterit, ‘Sea Lady II’ kushton afërsisht 93,500 dollarë për t’u marrë me qira për një javë gjatë sezonit të ngarkuar.

Varka mund të akomodojë 10 persona në pesë kabina dhe vjen me tetë anëtarë të ekuipazhit që punojnë.

Disa lehtësira përfshijnë një kuvertë dielli, platformë noti, mbrojtëse dielli dhe një bar të jashtëm. E ndërtuar fillimisht në vitin 1986, varka u riparua për herë të fundit në vitin 2024.

Zjarri vjen gjatë sezonit të ngjeshur të festave të Rivierës Franceze, kur anije me vlerë qindra miliona dollarë mbushin bregdetin e Mesdheut.

Turistët dhe personazhet e famshëm dynden në rajon për të shijuar plazhet dhe peizazhet mahnitëse.

The post Ishte i ankoruar në Saint-Tropez, superjahti luksoz shpërthen në flakë (VIDEO) appeared first on Albeu.com.

Nigel Farage, ka ndërmarrë një sulm të ashpër ndaj kryeministrit të Shqipërisë, Edi Rama, duke kërkuar që ai “t’i marrë mbrapsht të gjithë kriminelët e tij”, pasi udhëheqësi socialist kritikoi Britaninë pas Brexit-it.

Nigel iu përgjigj komenteve të Ramës në GB News, duke theksuar se “një në 50 shqiptarë në Britani ndodhet në burg” dhe duke kërkuar kthimin e menjëhershëm të tyre në Shqipëri.

“Kryeministri shqiptar na ofendon për Brexit-in dhe thotë se Britania është ‘në një vend të errët, duke kërkuar vende ku të hedhë emigrantët’,” tha Nigel.

Ai shtoi se Rama pretendon se, “shumë prej gjërave që themi pas Brexit-it janë bërë ‘krejtësisht të papranueshme, krejtësisht qesharake, krejtësisht të turpshme’”.

Nigel e akuzoi Ramën për hipokrizi, duke iu referuar vetë negociatave të Shqipërisë për të pranuar emigrantë nga vende të tjera.

“Si mund të na kritikojë ai, kur kaloi muaj të tërë duke negociuar me kryeministren italiane, Giorgia Meloni”, tha Nigel, duke iu referuar diskutimeve për marrjen nga Shqipëria të emigrantëve që kalojnë Mesdheun nga Italia.

“Ai pranoi të merrte një numër të madh të atyre emigrantëve që kalojnë Mesdheun”, vazhdoi Nigel, edhe pse pranoi se “në fund nuk mori aq shumë, por ato negociata i pati”.

Lideri i Reformës e mbylli sulmin me një sfidë të drejtpërdrejtë për kryeministrin shqiptar: “Po të them, zoti Rama, a e dije që një në 50 shqiptarë në Britani është në burg? Trego pak vullnet të mirë dhe merr të gjithë mbrapsht nesër, sepse kjo është hipokrizi”.

Komentet e Ramës erdhën afërsisht një muaj pasi kryeministri Keir Starmer vizitoi kryeqytetin shqiptar, Tiranën, për të diskutuar krijimin e “qendrave të kthimit” për azilkërkuesit e dështuar, si pjesë e përpjekjeve për të frenuar kalimet me gomone në kanalin anglez.

Gjatë asaj vizite, Rama e refuzoi mundësinë që Shqipëria të pranojë një nga këto qendra të propozuara nga Britania, duke mbajtur qëndrimin e tij të pandryshuar për këtë çështje.

Kryeministri shqiptar këmbënguli se kritikat e tij nuk kishin në shënjestër specifikisht Starmerin, të cilin e përshkroi si “një person shumë i ndershëm dhe i këndshëm”.

Rama zbuloi se kishte refuzuar më parë propozime të ngjashme edhe gjatë qeverisjes së Rishi Sunak dhe Boris Johnson.

“Fakti që sot nuk është thjesht i imagjinueshëm, por po ndodh, nuk është për shkak se Keir Starmer apo Rishi Sunak kanë bërë diçka të tmerrshme; është për shkak të faktit që vendi është në një gjendje shumë të errët”, shpjegoi Rama./ GB News

The post Politikani britanik Nigel Farage shpërthen keq ndaj Ramës: Hipokrit, merri mbrapsht kriminelët e tu… appeared first on Albeu.com.

Petro Koçi, vendosi të tërhiqej nga gara për deputet, pas urdhrit të Edi Ramës se do të futeshin në listë të hapur, por duket se përplasjen e ka edhe me Belinda Ballukun, e cila e mbushi listën e Fierit me vartës të saj dhe me njerëz që i përdor për interesa personale.

Së fundmi, gjatë një interviste në A2 CNN, Petro Koçi ka sulmuar Zegjine Çaushin, e cila është promovuar gjatë fushatës elektorale nga mediat pranë Qeverisë për videot e saj me tekste qesharake, ku ajo vintenë lojë kundërshtarin e Belinda Ballukut në Fier, Gazment Bardhin.

Sipas Petro Koçit, sjellja e Zegjinesë në rrjetet sociale është e ekzagjeruar, pasi sipas tij, dhe se nuk është ky imazhi i PS-jsë, pasi sipas tij janë një parti serioze.

Me termin “serioze”, nuk dihet nëse Petro Koçi i referohej Elisa Spiropalit të “Skënderbeut”, Edona Bilalit të “Zeusit”, Bora Muzhaqit, Safet Gjicit, Shukri Xhelilit apo Tërmet Peçit.

“Ajo ka bërë një gjë që është e ekzagjeruar dhe është një shpërdorim personaliteti në një përmasë që mendoj se nuk duhet të përsëritet më. Nuk është ky imazhi i PS-së. PS-ja është një parti serioze”, u shpreh Koçi.

Sipas tij, ndonëse rrjetet sociale kanë fituar shumë terren në komunikimin politik, mënyra se si përfaqësuesit publikë sillen në to nuk duhet të kompromentojë seriozitetin dhe imazhin e ekipit.

“Nuk mendoj se kjo duhet të jetë linja e fushatës së PS-së. Sot vendos shumë rrjeti social, padyshim, por duhen bërë gjërat më ndryshe”, tha ai.

The post Petro Koçi shpërthen keq ndaj Zegjinesë së Belës: Ne jemi parti serioze, nuk është ky imazhi i Partisë Socialiste appeared first on Albeu.com.

Në orët e para të mëngjesit të sotëm, një ngjarje e rëndë është regjistruar në lagjen “Xhile Lici” të qytetit të Gramshit, ku një bombol gazi ka shpërthyer brenda një banese, duke shkaktuar një zjarr të madh që ka përfshirë gjithë ndërtesën.

Sipas informacioneve, fatmirësisht nuk ka persona të lënduar.

Megjithatë, dëmet materiale janë të mëdha, pasi banesa është djegur plotësisht, shpërthimi ka qenë i fuqishëm sa ka tmerruar edhe banorët përreth

Në vendngjarje kanë mbërritur menjëherë forcat zjarrfikëse dhe efektivë të policisë, të cilët kanë bërë të mundur izolimin e flakëve dhe sigurimin e zonës.

Banesa është në pronësi të shtetasit Ahmet Kokonozi.

Autoritetet po hetojnë për të përcaktuar shkaqet e sakta të shpërthimit

The post Shpërthen bombola e gazit në Gramsh, digjet plotësisht banesa appeared first on Albeu.com.

Kreu i Partisë së Lirisë, Ilir Meta, ka reaguar ashpër ndaj ish-bashkëpunëtorit të tij Endrit Braimllari, i cili tashmë është pjesë e PS-së.

Meta e akuzon Brahimllarin se është “konvertuar” nga SPAK në radhët e rilindasve, ndërsa mohon deklaratat e këtij të fundit që pretendon se nuk ka lidhje me dosjen e lobimeve të LSI-së.

“Vetëm një rilindas mund të harrojë firmat që ka hedhur vetë dhe arsyet për të cilat i ka hedhur. Një gënjeshtar ordiner, që përpiqet të fshihet pas harresës, por e vërteta nuk fshihet as me lojëra fjalësh, as me konvertim teserash partie”, shkruan Meta në reagimin e tij.

Sipas tij, firmat për kontratat e lobimeve të LSI-së në SHBA gjatë periudhës 2018-2019 mbajnë emrin e Endrit Braimllarit, në kohën kur Meta ishte President i Republikës dhe jo kryetar partie.

“Për firmat e tij unë qëndroj në izolim ekstrem, ndërsa Endriti ‘gradohet’ nënkryetar i Këshillit Bashkiak të Tiranës”, vijon Meta, duke ngritur edhe pikëpyetje nëse “është Altin Dumani që gënjen në shkresën zyrtare të firmosur prej tij”.

Debati mes Metës dhe Braimllarit, vjen në sfondin e hetimeve të SPAK mbi financimet e dyshimta të LSI-së në SHBA dhe në një moment kur ish-nënkryetari i Partisë së Lirisë, tashmë është rreshtuar krah socialistëve në pushtet.

The post Meta shpërthen ndaj Braimllarit: E konvertoi SPAK në rilindas, ka firmën në lobimet e LSI-së kur isha President appeared first on Albeu.com.

Një transmetim i drejtpërdrejtë ka kapur momentin kur një raketë SpaceX Starship shpërtheu në një top zjarri gjigant ndërsa po përgatitej për një fluturim testues.

Incidenti ndodhi të mërkurën në mbrëmje rreth orës 23:00 në Qendrën e Testimit Massey në Teksas, raporton BBC.

Në një komunikatë, kompania tha se nuk u shkaktuan lëndime. Ata thanë se nuk kishte rreziqe për komunitetet përreth dhe iu kërkuan njerëzve të mos i afroheshin zonës.

Një prototip i raketës Starship të SpaceX shpërtheu të mërkurën në mbrëmje në Teksas gjatë testimeve në tokë. Anija 36, ​​e cila pritej të përdorej për fluturimin e dhjetë të testimit të Starship, po i nënshtrohej një kontrolli rutinë të motorit kur shpërtheu papritur në vendin e testimit Starbase. Siç njoftuan autoritetet lokale, deri më […]

The post Raketa Starship e Space X shpërthen gjatë provës në Teksas (VIDEO) appeared first on BoldNews.al.

Një nga vullkanet më aktivë në botë, Kilauea, ka rifilluar me intensitet të lartë aktivitetin e tij shpërthyes në Ishullin e Madh të Havait, duke nxjerrë lavë nga dalja e tij veriore. Sipas raportimeve të Associated Press, kjo ngjarje është pjesë e një cikli shpërthimesh që ka nisur pothuajse gjashtë muaj më parë. Shatërvanët e […]

The post Shpërthen një nga vullkanet më aktivë në botë në mbi 100 metra në lartësi appeared first on BoldNews.al.

Një aeroplan i “Air India” me 242 pasagjerë në bord, është rrëzuar pranë aeroportit në Ahmedabad të Indisë. Pamjet nga vendi i ngjarjes, tregojnë tym të zi të dendur që ngrihet në qiell.

Sipas raportimeve, avioni po shkonte drejt Mbretërisë së Bashkuar, saktësisht në Gatwick të Londrës.

Sipas “Air India”, po studiohen detajet dhe do të jepen përditësime të mëtejshme sa më shpejt të jetë e mundur.

Aeroplani u rrëzua menjëherë pas ngritjes nga Ahmedabadi me 242 persona në bord, përbërë nga 2 pilotë dhe 10 anëtarë të ekuipazhit të kabinës, sipas Drejtorisë së Përgjithshme të Aviacionit Civil.

Me shumë mundesi nuk ka asnjë të mbijetuar në rrëzimin e aeroplanit të pasagjerëve “Air India”, i cili po fluturonte nga qyteti indian i Ahmedabadit për në Londër të enjten, me më shumë se 242 persona, raporton AP.

“Duket se nuk ka të mbijetuar në rrëzimin e avionit”, tha për AP Komisioneri i Policisë GS Malik.

Ai shtoi se; meqenëse avioni u rrëzua në një zonë banimi me zyra, “disa vendas vdiqën gjithashtu”.

“Numri i saktë i viktimave po përcaktohet”, tha ai.

Aeroplani u rrëzua më pak se një minutë pasi u ngrit nga aeroporti i Ahmedabadit në orën 13:39 sipas kohës lokale.

Pamjet tregojnë se si avioni pati probleme me ngritjen dhe më pas papritmas filloi të binte.

Për shkak të sasisë së madhe të karburantit, shuarja e zjarrit ishte e vështirë.

The post Tragjedia ajrore/ Momenti kur avioni me 242 persona shpërthen në flakë: Raportohet se nuk ka të mbijetuar (VIDEO) appeared first on Albeu.com.

Një avion i Air India me 242 pasagjerë në bord u rrëzua në aeroportin e qytetit perëndimor të Ahmedabadit, Indi.

Mediat vendase kanë publikuar pamjet kur avioni rrëzohet dhe shpëerthen në flakë.

Avioni ishte nisur për në Aeroportin Gatwick të Londrës dhe, në rrethana ende të paqarta, u rrëzua gjatë ngritjes.

Sipas IndiaToday, në bord të avionit ndodheshin 242 persona, nga të cilët 230 ishin pasagjerë dhe 12 ishin anëtarë të ekuipazhit.

Imazhet e para nga incidenti tregojnë kaosin që mbizotëron në vendngjarje me mbeturina që digjen dhe tym të zi të dendur që ngrihet në qiell pranë aeroportit.

Imazhet treguan gjithashtu njerëz që transportoheshin me barela dhe merreshin me ambulanca.

Sipas raportimeve fillestare, bëhet fjalë për një avion Boeing 787 Dreamliner që ka një kapacitet prej afërsisht 300 pasagjerësh.

Fluturimi ishte i pajisur plotësisht me karburant për udhëtimin transatlantik, gjë që e bëri si shpërthimin ashtu edhe zjarrin që pasoi më intensiv.

Aktualisht nuk ka konfirmim zyrtar për viktima, ndërsa një operacion shpëtimi është duke u zhvilluar.

The post Ishte nisur për në Londër, momenti kur avioni me 242 persona në bord rrëzohet appeared first on Lapsi.al.

Një bombol gazi ka rrezikuar të shpërthejë në një pallat trekatësh mëngjesin e kësaj të mërkure, rreth orës 08:00 në lagjen “Kastriot” të Fierit Mësohet se bombola e gazit ka marrë flakë, duke shkaktuar panik në familjen e banesës ku ka ndodhur ngjarja, si dhe te fqinjët përreth. Gruaja e shtëpisë, e cila ndodhej në […]

The post Rrezikon të shpërthejë një bombol gazi në Fier, plagoset një grua appeared first on BoldNews.al.

Këtë të enjte, një automjet ka shpërthyer në flakë në zonën e Komunës së Parisit në kryeqytet.

Ende nuk dihen arsyet, por në pamje shihet shtëllunga e tymit që del automjeti.

The post Shpërthen në flakë automjeti te Komuna e Parisit, pamje nga vendngjarja (VIDEO) appeared first on Albeu.com.

Një zjarr masiv ka shpërthyer në depon më të madhe të karburantit të Sudanit, përkatësisht në kryeqytetin e përkohshëm administrativ Port Sudan, pas një sulmi të dyshuar terrorist.

Ministria e Energjisë dhe Naftës njoftoi se zjarri filloi në një rezervuar të ruajtjes së vajgurit dhe u përhap në kontejnerë të tjerë të karburantit në objektin strategjik në Sudanin lindor.

Ministria sudaneze tha se përpjekjet e zjarrfikësve janë duke punuar për të vënë flakët nën kontroll, duke theksuar se deri më tani nuk janë raportuar viktima.

Ministria gjithashtu dënoi sulmin, duke theksuar se ishte pjesë e një serie sulmesh që shënjestronin infrastrukturën civile dhe shërbimet publike të Sudanit.

“Akte të tilla rrezikojnë drejtpërdrejtë jetën e qytetarëve sudanezë dhe shtojnë të dhënat kriminale të atyre që synojnë të destabilizojnë vendin”, tha ministria.

Pak minuta më parë, një zjarr i fuqishëm është regjistruar në një apartament në zonën e njohur si “Komuna e Parisit”, në Tiranë.

Nga pamjet shfaqen shtëllungat e tymit që dalin nga apartamenti i katit të tetë.

Nga raportimet e deritanishme dyshohet se zjarri ka nisur si pasojë e shpërthimit të një bombule gazi.

The post VIDEO/ Pamje të frikshme nga Komuna e Parisit, apartamenti shpërthen në flakë appeared first on Albeu.com.

Një aksident i rëndë është regjistruar pasditen e së dielës në bypass-in e Lushnjës, në aksin nga Plugu në Savër. Një automjet tip “Range Rover” është përplasur me barrierat e hekurta anësore të autostradës dhe më pas ka shpërthyer në flakë.

Në automjet kanë qenë 5 persona, por 2 prej tyre kanë marrë plagë më të rënda. Të gjithë të plagosurit janë transportuar drejt spitalit të Lushnjës për të marrë ndihmë mjekësore. Fatmirësisht të lënduarit nuk ndodhen në rrezik për jetën.

Dyshohet se shkak i aksidentit është bërë shpejtësia e lartë dhe lagështia në rrugë. Siç shihet edhe nga pamjet mjeti ka marrë dëme, por nuk është djegur tërësisht. Forca të policisë kanë shkuar në vendin e ngjarjes ndërsa një grup hetuesish po punon për zbardhjen e rrethanave të aksidentit. ©LAPSI.al

The post PAMJET/ “Range” me 5 persona përplaset me barrierat në Lushnjë dhe shpërthen në flakë appeared first on Lapsi.al.

Një automjet i parkuar është përfshirë nga flakët pasditen e kësaj të shtune në qytetin e Korçës. Mësohet se mjeti ka qenë i parkuar në një hapësirë mes pallateve, teksa banorët e zonës pretendojnë se kanë dëgjuar një shpërthim, që ka shkaktuar panik tek ata, para se mjeti të përfshihej nga zjarri. Ndërhyrja e një […]

The post Shpërthen një makinë e parkuar në Korçë appeared first on BoldNews.al.

Vullkani Sunddhnúksgígar në Islandë ka shpërthyer, duke detyruar autoritetet të shpallin “alarmin e kuq” dhe të evakuojnë turistët nga zona. Sipas Benedikt Ófeigsson, drejtor i matjeve të deformimeve, shenjat e para të shpërthimit u regjistruan pas aktivitetit sizmik nëntokësor. Aktualisht, autoritetet po punojnë për të evakuuar qytetin Grindavík, ndërsa magma ende nuk ka arritur në […]

The post Nisin evakuimet, shpërthen vullkani në Islandë appeared first on BoldNews.al.

“Vladimir Putin do të vdesë shpejt dhe ky është një fakt”. Kështu pati deklaruar të mërkurën presidenti ukrainas Volodimir Zelenski. Komenti i tij u lexua si një referencë ndaj moshës, apo problemeve shëndetësore të liderit të Kremlinit, por nëse merren në konsideratë sulmet e shërbimeve sekrete ukrainase në thellësi të territorit rus, mund të tingëllonte […]

The post “Do të vdesë shpejt”/ Limuzina e Putin shpërthen në flakë pas deklaratës së Zelenskit (VIDEO) appeared first on BoldNews.al.

GJIROKASTËR– Një bombol gazi ka shpërthyer në një banesë në Gjirokastër duke shkrumbuar të gjithë apartamentin dhe orenditë shtepiake.

Ngjarja ka ndodhur në lagjen “Kodra e Shtufit” para pak dhe ne vendngjarje kane shkuar forcat policore dhe ato te zjarrfikësve te cilat kane reaguar duke izoluar flaket dhe eliminuar ato.

Menjëherë ndërsa zjarri po  përhapej, zjarrfikësit kane evakuuar çiftin e të moshuarve duke u shpëtuar jetën. Po punohet nga grupi hetimor për sqarimin e rrethanave./abcnews.al