Autore: Ilda Hoxha | Citizens.al | Tiranë

Në vitin 2023, u premtua se Spitali Rajonal “Rrahim Xhika” në Dibër do të rikonstruktohej brenda dy vitesh. Sot, dy vite më vonë, asnjë punim nuk ka nisur. Tenderi është anuluar, ndërsa godina e spitalit vijon të jetë në gjendje të mjerueshme – me mure të çara, myk dhe mungesë mjekësh specialistë.

Për të përballuar situatën, janë angazhuar mjekë të dalë në pension. Ndërkohë, pacientët detyrohen të përdorin shërbimet private për analiza dhe ekzaminime, për shkak të mungesës së kapaciteteve.

Sipas ekspertit të shëndetësisë Erion Dasho, kjo është një dëshmi e qartë e angazhimit sipërfaqësor të qeverisë në sektorin e shëndetësisë pasi aktualisht teknologjia dhe shërbimet janë përkeqësuar, duke thelluar hendekun mes spitaleve rajonale dhe Qendrës Spitalore Universitare “Nënë Tereza” në Tiranë (QSUT).

Ishte maji i vitit 2023, kur ministret Ogerta Manastirliu – asokohe ministre e Shëndetësisë – dhe Belinda Balluku prezantuan para stafit mjekësor të spitalit të Peshkopisë pamjet se si do të dukeshin pavijonet pas rikonstruksionit të plotë nga projekti me vlerë 3.2 milionë euro.

“Do të ketë parametra evropian të infrastrukturës, duke bërë të mundur që ne të kemi një spital, i cili do të integrojë në një strukturë unike shërbimin e pediatrisë, gjinekologjisë, imazherisë, tek laboratori, shërbimi patologjisë, kirurgjisë, blloku operator dhe reanimacionin,” deklaronte Manastirliu.

Rreth 8 muaj më vonë, në janar 2024, ministrja e re e Shëndetësisë, Albana Koçiu deklaroi se brenda pak javëve do të niste puna për rikonstruksionin e spitalit, mirëpo ka kaluar më shumë se një vit dhe puna nuk ka nisur, përkundrazi.

Anulimi i tenderit të spitalit 

Në vitin 2023 u zhvillua një procedurë tenderuese për rikonstruksionin e spitalit “Rrahim Xhika” ku fitues u shpall “Rafin Company” në ortakëri me “Udha shpk”, me një ofertë prej 2.9 milionë eurosh dhe me afat punimesh 24 muaj.

Në mars të vitit 2024, tenderi u anulua, por megjithatë në dhjetor Agjencia e Prokurimit Publik njoftoi gjithsesi lidhjen e kontratës me dy operatorët.

Pyetur për këtë situatë, Spitali Rajonal Dibër tha se “procedura është pezulluar me vendim të Gjykatës së Lartë pas kërkesës nga Komisioni i Prokurimit Publik”. Sipas përgjigjes nga spitali ndaj një prej kompanive ka pasur një çështje gjyqësore ndërkohë që nuk ka një datë se kur pritet të nisin punimet.

Pacientët: Kushtet në spital të mjeruara

Ata që po i vuajnë pasojat e kësaj situatë janë banorët e Dibrës. Ata tregojnë për kushte të papranueshme në spital: mure të krisura, lagështi, mungesë higjiene dhe mungesë ajrosjeje në dhomat e shtrimit. Shumë prej tyre duhet të shpenzojnë para në privat për analizat më bazike.

“Asnjë punim nuk është bërë deri më sot. Muret e spitalit janë të krisura dhe shumë të mykura. Gjendja me higjenën, pastërinë është skandaloze. Tualetet e spitalit janë katastrofë, sidomos të urgjenca e spitalit, shumë keq”, ngre shqetësimin Izeti, banor i Peshkopisë. 

Të njëjtin shqetësim ka edhe Drita, e cila shprehet se gjendja e spitalit është e mjerueshme. 

“Kushtet nuk janë aspak të mira. Spitali ka shumë lagështirë, dhoma e shtrimit nuk janë të ajrosura”, thotë 54-vjeçarja. 

Përpos kushteve, pacientët ankohen edhe për mungesën e marrjes së shërbimeve në këtë spital. 

“40 mijë lekë (400 euro) kam bërë analizat në privat, se aty në spital në Peshkopi nuk m’i bënë. Si Tirana si Peshkopia kudo që të shkosh në spitale për ‘ibret’ janë”, shton Drita. 

Për ekspertin e shëndetësisë, Erion Dasho, spitalet rajonale në Shqipëri kanë një problematikë të madhe të përbashkët, pasi janë ndërtuar para viteve ’90. 

“Janë ndërtuar sipas një koncepti sovjetik të asaj kohe. Ky koncept nuk përputhet më me konceptin bashkëkohor në ofrimin e kujdesit shëndetësor, i cili bazohet në spitale vertikale dhe komunikim eficent midis departamenteve të shërbimeve të ndryshme.”

“Problemi i dytë madhor i spitaleve rajonale është se këto spitale nuk kanë atë status real që duhet të kishin. Një sërë shërbimesh janë të centralizuara në QSUT”, thekson Dasho. 

Më tej ai shton se kontributi i qeverisë ka qenë kryesisht sipërfaqësor në sistemin shëndetësor, ndërsa teknologjia dhe kushtet reale janë përkeqësuar, duke thelluar hendekun mes spitaleve rajonale dhe QSUT-së.

“I vetmi kontribut i qeverisë është se ka lyer muret dhe ka shtruar pllakat.” thekson Dasho.

Sipas tij, në pamje të parë, kushtet duken të përmirësuara. Por teknologjia nuk është përmirësuar, madje ka ngelur prapa.

“Nëse do të shohim sa medikamente të reja futen, sa teknologji të reja janë futur, sa teknika te reja ndërhyrje operatore janë futur, unë do të thosha që kushtet vetëm kanë ardhur në përkeqësim dhe disniveli midis spitaleve rajonale dhe QSUT vetëm është rritur”, argumenton Dasho.

Mungesa e mjekëve në spitalin rajonal Dibër

Sikur të mos mjaftonin kushte e vështira në këtë spital, pacientët duhet të përballen edhe me mungesën e mjekëve specialistë, Ky problem pranohet edhe nga vetë spitali në përgjigjen zyrtare.

Sipas informacioneve, spitali rajonal “Rrahim Xhika” ka munngesë të mjekëve specialistë: 1 dermatolog; 1 kirurg, 1 Pediatër, 1 shef të klinikës së pediatrisë infektive, 1 mjek për njësinë e trajtimit me metadon etj.

Sipas pacientëve, për shkak të mungesës së mjekëve, në këtë spital ofrojnë shërbim mjekë të dalë në pension.  

“Janë disa mjekë që kanë dalë në pension, por janë në detyrë në spital se nuk ka mjekë të tjerë për t’i zëvendësuar. Nuk ka mjekë të rinj të spital, janë mbi 70 e kusur vjeç”, tregon Dilaveri, banor i Peshkopisë. 

Referuar të dhënave zyrtare nga Spitali Rajonal Dibër, mjekët e dalë në pension janë në kë shërbimin e përgjithshëm (2 mjekë); në klinikën e neurologjisë (1 mjek) dhe në shërbimin e reanimacionit (1 anestezist-reanimator).

Sipas Erion Dashos spitalet rajonale janë prekur rëndë nga largimi i mjekëve, duke mbetur pa specialitete të rëndësishme ose duke u mbështetur te mjekët pensionistë, të cilët përfshihen edhe në statistikat zyrtare.

“Pjesa më e madhe e spitaleve rajonalë ose kanë të pambuluar specialitetet shumë të rëndësishme ose detyrohen që të zgjasin kontratat e mjekëve pensionistë dhe sot kur themi që ka një numër të caktuar mjekësh për 1 mijë banorë, këtu llogariten edhe mjekët pensionistë”, shprehet Dasho.

The post Premtimet që mbetën në letër: Spitali i Dibrës ende i parikonstruktuar appeared first on Citizens.al.

Vatra e zjarrit në Parkun Kombëtar të Lurës vazhdon aktiv i zhvilluar në dy vatra, një vatër po zhvillohet në drejtim të Lurës rreth liqenit të Zi dhe ku janë përqendruar forcat operacionale, por nuk po arrihet të vendoset nën kontroll për shkak të terrenit të vështirë të terrenit dhe intensitetit të madh që ka zjarri.

Ndërsa vatra tjetër po zhvillohet në pjesën e sipërme të vatrës nga krahu Malit të Dejës, por që po mbahet nën monitorim për shkak të sipërfaqes së madhe që ka përhapur vatra e zjarrit.

Një vatër aktive që dje po zhvendosej nga krahu fshatit Gurë Lurë sot është e shuar dhe nuk ka probleme.

E gjithë madhësia e vatrës është e mbushur me tym për shkak se digjen brenda vatrës trungje pishe e ahu të grumbulluara ndër vite.

Në operacion marrin pjesë:

6 forca të MZSH

5 forca të ADMZ

5 forca pyjore

7 forca të njësisë

30 efektiv të F.Armatosura.

Ndërsa vatra e zjarrit rënë në Livadhi i Peladhisë të Nj.Zerqan, vazhdon aktiv i zhvendosur në Nj. A Shupenzë:

Është vetëm një vatër zjarri aktive e zhvendosur ne lartësitë mbi fshatin Krajkë, (Nj.A. Zerqan), pasi në lartësitë mbi fshatin Vlashë është shuar dje komplet.

Aktualisht zjarri është aktiv në një vend me dushqe dhe shkurre jo të shpeshtë, por ku është terren i thyer, ka vështirësi për forcat operacionale. Vatra po mbahet në kontroll për të mos patur zgjerim të mëtejshëm.

Marrin pjesë në operacion:

Forca zjarrfikëse 10

Mjete zjarrfikëse 1

Forca pyjore 5

Forca vullbetare 3

Forca të bashkisë 6

-Të lënduar nuk ka.

Është përshkuar gjithsej nga zjarri një sip. reth 33 ha me dushqe, shkurre e barishte.

The post Dy vatra zjarri ende aktive në Dibër, Lura mbetet problem për shuarjen e flakëve appeared first on Albeu.com.

TIRANË, 17 korrik /ATSH/ Me shtigje të shënuara, male madhështore dhe një komunitet që ruan me përkushtim traditat, Rabdishti është shndërruar në një qendër të vogël për turizmin e qëndrueshëm në zonën e Dibrës.

Ministria e Turizmit dhe Mjedisit në bashkëpunim me GIZ Shqipëri ka vendosur ta përzgjedhë si një nga 6 përfaqësuesit e Shqipërisë në nismën globale “Fshatrat më të Mirë Turistikë në Botë” nga UNWTO.

Një fshat ku çdo gur mbart një histori dhe çdo mik pritet si i shtëpisë. Në Rabdisht, jeta rrjedh e qetë, por hapat e rinj të turizmit po krijojnë një rrugë të re  një rrugë që nuk harron rrënjët.

Fshati Rabdishtit në Dibër, së fundi është kthyer në një destinacion të preferuar për vizitorët vendas dhe të huaj, jo vetëm për bukuritë natyrore, por edhe për agroturizmet e reja që po shtojnë ofertën turistike të zonës.

Rabdishti është një nga fshatrat ku institucionet e linjës në bashkëpunim me donatorët, kanë punuar për ndërtimin e një modeli turizmi rural të bazuar te komuniteti.

Fshati Rabdisht është një nga 100 fshatrat turistikë në Shqipëri. I ndodhur në një peizazh malor, i ndërtuar më shtëpi tradicionale me gurë, çatitë prej rrase guri, si dhe rrugët me kalldrëm i japin pamje të veçantë dhe unike duke u njohur “fshati i gurtë”.

Rabdishti shtrihet në majën e Luginës së Shërimit e cila ka marrë emrin e saj nga vetitë kuruese të burimeve termale të Peshkopisë dhe nga pjesa malore e kullotës së bjeshkës së Rabdishtit dhe malit me të njëjtin emër të vargmalit Deshat-Korab.

Vizitorët e shumtë që frekuentojnë këtë fshat pëlqejnë jetën tipike të fshatit, bujtinat tradicionale në Rabdisht, ku mikpritja dhe gatimet tradicionale shijohen si askund në rajonin e Dibrës. /j.p/

The post Rabdishti, në garë për “Fshatrat më të mirë turistikë në botë” appeared first on Agjencia Telegrafike Shqiptare.

Në kuadër të ristrukturimit të pushtetit vendor, këtë të mërkurë në Bashkinë e Dibrës, sekretari i Përgjithshëm i Partisë Socialiste, Blendi Klosi, u ndal ku zhvilloi një takim me drejtuesit e kësaj bashkie dhe drejtorët e bashkisë.

Klosi zhvilloi një vizitë edhe në zyrën e shërbimeve e-albania, që është ngritur për qytetarët brenda bashkisë.

Klosi tha se kjo do të jetë një lehtësi shumë e madhe, sidomos për pensionistët dhe ata që nuk din të përdorin teknologjinë.

Sa u përket dorëheqjeve masive në pushtetin vendor, përfshirë bashkinë e Dibrës, Klosi tha se është në kuadër të rritjes së performancës së administratës për shërbimet ndaj qytetarëve.

Dorëheqje të drejtorëve, ka patur këtë të mërkurë edhe në Bashkitë Bulqizë, Mat e Klos.

The post Shkarkohen drejtorët e Bashkive në qarkun e Dibrës/ Flet Blendi Klosi: Rritje e performancës së administratës appeared first on Albeu.com.

Lëkundje tërmeti janë ndjerë para pak minutash në vendin tonë. Sipas Institutit Gjeoshkencor, tërmeti ishte me magnitudë 3.0 të shkallës Rihter, ndërsa epiqendra në Dibër dhe thellësia e tij ishte 5 km nën sipërfaqe.

Pak më herët, lëkundje tërmeti u regjistrua edhe në qytetin bregdetar të Vlorës. Sipas Institutit Gjeoshkencor, tërmeti u regjistrua në orën 11:57, me një magnitudë prej 3.2 të shkallës Rihter.

Epiqendra e tërmetit ndodhej 4 km në perëndim të qytetit të Vlorës, ndërsa thellësia e tij ishte 5 km nën sipërfaqe.

The post Shqipëria nuk gjen qetësi/ Brenda pak minutash një tjetër tërmet, ja ku ishte epiqendra appeared first on Albeu.com.

TIRANË, 13 korrik/ATSH/ Drejtoria Vendore e Policisë Dibër ka reaguar sot në lidhje me një video të publikuar në rrjetet sociale, ku shfaqet një shtetas i mitur duke hedhur mbeturina në lumin Drini i Zi.

Sipas njoftimit zyrtar, menjëherë pas publikimit të pamjeve, shërbimet e Komisariatit të Policisë Dibër kryen verifikimet përkatëse dhe në përfundim të veprimeve të para hetimore, referuan materialet në Prokurori. Si rezultat, nisi procedimi penal në gjendje të lirë për veprën penale “Ndotja e ujërave”, në ngarkim të shtetasit M. M., 64 vjeç, banues në fshatin Muhurr.

Policia bën me dije se M. M., gjatë punës në lokalin e tij, kishte lejuar një të mitur të hidhte mbeturina në ujërat e lumit Drini i Zi, duke shkaktuar ndotje të mjedisit.

Për këtë shkelje, Drejtoria e Mbrojtjes së Mjedisit ka vendosur ndaj shtetasit M. M. edhe një masë administrative në vlerën 13 milionë lekë.

Drejtoria Vendore e Policisë Dibër falënderon qytetarët dhe mediat për bashkëpunimin dhe i fton të vijojnë të denoncojnë çdo rast abuzimi apo shkeljeje të ligjit, duke garantuar reagim të menjëhershëm, të drejtë dhe të paanshëm.

/a.f/

The post Hodhi mbeturina në Drinin e Zi, procedim penal dhe gjobë për 64-vjeçarin appeared first on Agjencia Telegrafike Shqiptare.

Detaje të reja kanë dalë lidhur me rrëmbimin dhe vrasjen e Renis Dobrës, i cili u gjet i pajetë mëngjesin e djeshëm, 9 korrik, në liqenin e Shkopetit.

Dy makina Range Rover dyshohet se kanë ardhur nga Rrësheni për t’i bërë pritë dhe për të rrëmbyer 23-vjeçarin Renis Dobra.

Ndërsa një makinë tjetër, e ardhur nga Miloti, pa u futur në rrugën Milot-Burrel, ka kontrolluar rrugën 12 km nëse ka lëvizje. Mësohet se për këtë ngjarje, pritet të shoqërohen 10 persona, sipas News 24.

Ngjarja dhe hetimet

Babai i Renisit, pasi nuk ka mundur të lidhet me të birin për disa orë, ka shkuar në komisariat duke treguar se kishte humbur kontaktet me të. U tha se efektivët nisën menjëherë kërkimet, siç thuhet gjithnjë, por pa rezultat.

Dje u bë me dije se trupi i 23-vjeçarit Renis Dobra u gjet pranë liqenit të Shkopetit, në fshatin Madhesh të Matit. Automjeti me të cilin i riu kishte dalë nga shtëpia, dyshohet të ketë rënë në ujë, por ende nuk është gjetur.

Një grup i posaçëm hetimor në drejtimin e Prokurorisë po heton për një vrasje të mundshme, pasi në trupin e të ndjerit ka gjurmë të mbytjes me litar, pasi ka shenja të dukshme në qafë. Kështu dyshon polica, por do të jetë mjekësia ligjore, që do të hedhë dritë mbi mënyrën se si iu ka marrë jeta të riut. Mirëpo pas arritjes në konkluzionin se Renisi mund të jetë vrarë, policia ka bërë me dije se ka arritur të zbardhë një pjesë të mirë të dinamikës.

The post Dinamika e një vrasjeje të sofistikuar: Dy Range Rovera për të rrëmbyer Renis Dobrën appeared first on Lapsi.al.

Tensionet në fshatin Kurdari të njësisë administrative Suç në Klos u rikthyen mëngjesin e së shtunës. Dhjetëra banorë nga disa fshatra të zonës u mblodhën në lokalin e vetëm të fshatit dhe më pas u drejtuan drejt lumit të Lusës, ku bllokuan makineritë e shoqërisë “Global Interprise Group”. Shoqëria po përpiqet prej disa ditësh të […]

The post Policia ndjek penalisht 4 banorë të fshatit Kurdari, pas përplasjeve për HEC-in appeared first on Reporter.al.

Katër banorë të fshatit Kurdari në Klos janë shoqëruar këtë të premte nga Policia e Matit, pas një përplasjeje me punëtorët e kompanisë që po punon për hapjen e gjurmës së HEC-it Doma. Ky investim është planifikuar në lumin e Lusës.Ngjarja ndodhi në mesditë, kur punonjësit e kompanisë “Global Interprise Group” kishin nisur gërmimin e […]

The post Protesta kundër HEC, policia shoqëron katër banorë të Kurdarisë në Klos appeared first on Reporter.al.

TIRANË, 2 korrik /ATSH/ Zyra e OBSH-së në Shqipëri, në bashkëpunim me Drejtorinë Qendrore të OSHKSH-së, organizoi dy takime teknike ndër-institucionale në kuadër të projektit për eliminimin e pajisjeve mjekësore që përmbajnë mërkur, në përputhje me Konventën e Minamatës dhe legjislacionin shqiptar në fuqi.

Sipas njoftimit të zyrës së OBSH-së në vendin tonë, takimet u zhvilluan në Spitalin Rajonal të Dibrës, si dhe në ambientet e Drejtorisë Rajonale të OSHKSH-së në Vlorë. Spitali rajonal i Dibrës dhe spitali rajonal i Vlorës janë përzgjedhur si spitale pilot për këtë fazë fillestare, e cila synon të mundësojë identifikimin, eliminimin dhe zëvendësimin e pajisjeve që përmbajnë mërkur me pajisje moderne, të certifikuara dhe të sigurta për pacientët dhe stafin.

Të dy takimet u organizuan me pjesëmarrjen e ekspertëve të OBSH-së, përfaqësuesve të OSHKSH-së në nivel qendror dhe lokal, profesionistëve të spitaleve rajonale dhe njësive vendore të kujdesit shëndetësor.

Në të dy aktivitetet mori pjesë edhe drejtoresha e OSHKSH Jeta Deda cila prezantoi objektivat e ndërhyrjes dhe udhëhoqi diskutimet teknike.

“Ekspertët e OBSH-së prezantuan formularin standard të inventarizimit dhe udhëzuan pjesëmarrësit mbi mënyrat e sigurta të largimit dhe menaxhimit të pajisjeve ekzistuese, përdorimin e pajisjeve mbrojtëse personale dhe respektimin e protokolleve teknike gjatë gjithë procesit”, thuhet në njoftim.

Drejtues të OSHKSH-së në Dibër dhe Vlorë ritheksuan angazhimin për zbatimin e suksesshëm të projektit, ndërsa Drejtoria Qendrore e OSHKSH-së do të vijojë mbikëqyrjen dhe koordinimin e procesit në të dy spitalet pilot.

Këto takime përfaqësojnë një hap të rëndësishëm drejt forcimit të sigurisë në sistemin shëndetësor shqiptar dhe mbrojtjes së mjedisit, në përputhje me angazhimet ndërkombëtare të Shqipërisë dhe standardet që OBSH promovon.

Nga takimet e zyrës së OBSH-së në Shqipëri, me Drejtorinë Qendrore të OSHKSH-së

1 nga 5

/e.i/

The post Eliminimi i pajisjeve me mërkur, spitali rajonal i Dibrës dhe i Vlorës përzgjidhen si spitale pilot appeared first on Agjencia Telegrafike Shqiptare.

Pas sëmundjes së Murtajës në Dibër është shfaqur edhe sëmundja e Brucelozës. Janë dy familje të cilat janë izoluar në Njësitë Administrative Kastriot dhe Muhurr në Bashkinë Dibër.

Prefekti i Qarkut Dibër, Nexhbedin Shehu tha se situata nuk është alarmante pasi të dyja familjet janë izoluar dhe kanë asgjësuar kafshët shtëpiake të infektuara me virusin Brucella. Sipas prefektit Shehu për të gjithë anëtarët e këtyre familjeve, por edhe për persona të tjerë që sipas deklarimeve kanë patur kontakte me ta kohët e fundit janë bërë të gjitha analizat e nevojshme dhe ka nisur kurimi i tyre.

Shehu tha se rastet duken të izoluara, por ju bën apel banorëve të mos neglizhojnë shenjat e sëmundjes.

Bruceloza është sëmundje ngjitëse e shkaktuar nga konsumimi i qumështit të pasterilizuar ose mishit të papjekur nga kafshët e infektuara, ose nëpërmjet kontaktit të ngushtë me sekrecionet e tyre. Kjo sëmundje shfaqet në forma të ndryshme që nga djersitja, ethe, të dridhura, djersitje me erë të keqe, lodhje, gjendje e keqe shëndetësore në përgjithësi, humbje oreksi, dhimbje në muskuj dhe kyçe, dhimbje koke, diarre ose kapsllëk dhe të vjella.

The post Pas murtajës së bagëtive, në Dibër shfaqet sëmundja e Brucelozës, izolohen dy familje appeared first on Lapsi.al.

Në dibër është shfaqur sëmundja e Brucelozës, duke bërë që dy familje të izolohen në Njësitë Administrative Kastriot dhe Muhurr në Bashkinë Dibër. Sëmundja e Brucelozës është shfaqur pas sëmundjes së Murtajës. Ndërkohë Prefekti i Qarkut Dibër, Nexhbedin Shehu tha se situata nuk është alarmante pasi të dyja familjet janë izoluar dhe kanë asgjësuar kafshët shtëpiake të infektuara me virusin Brucella.

Sipas prefektit Shehu për të gjithë anëtarët e këtyre familjeve, por edhe për persona të tjerë që sipas deklarimeve kanë patur kontakte me ta kohët e fundit janë bërë të gjitha analizat e nevojshme dhe ka nisur kurimi i tyre. Gjithashtu Shehu tha se rastet duken të izoluara, por ju bën apel banorëve të mos neglizhojnë shenjat e sëmundjes.

Bruceloza është sëmundje ngjitëse e shkaktuar nga konsumimi i qumështit të pasterilizuar ose mishit të papjekur nga kafshët e infektuara, ose nëpërmjet kontaktit të ngushtë me sekrecionet e tyre. Kjo sëmundje shfaqet në forma të ndryshme që nga djersitja, ethe, të dridhura, djersitje me erë të keqe, lodhje, gjendje e keqe shëndetësore në përgjithësi, humbje oreksi, dhimbje në muskuj dhe kyçe, dhimbje koke, diarre ose kapsllëk dhe të vjella.

The post Pas murtajës së bagëtive shfaqet edhe sëmundja e Brucelozës/ Izolohen dy familje në Dibër appeared first on Albeu.com.

Agjencia e Mbikëqyrjes Policore (Rajoni Kukës – Dibër) ka arrestuar në flagrancë punonjësin e policisë inspektor F. K., me detyrë Oficer i Patrullës së Përgjithshme në Komisariatin e Policisë Tropojë, i dyshuar për përfshirje në vepra penale të lidhura me kontrabandën dhe mosbindjen ndaj forcave të rendit.

Sipas njoftimit zyrtar, arrestimi u krye pas një ngjarjeje të ndodhur më 24 maj 2025, rreth orës 18:00, kur i dyshuari, duke drejtuar një automjet tip “Volkswagen” me rimorkio të ngarkuar me një depozitë të mbushur me karburant (naftë), kaloi territorin doganor të Qafë Morinës, duke mos iu bindur urdhrave të shërbimeve të Pikës së Kontrollit Kufitar dhe atyre Doganore për verifikimin e mallit dhe ndjekjen e procedurave përkatëse.

Pas ndalimit dhe veprimeve hetimore të kryera nga autoritetet, rezultoi se sasia e karburantit të ngarkuar ishte 840 litra. Punonjësi i policisë dyshohet për kryerjen e veprave penale: “Kontrabandë me mallra për të cilat paguhet akcizë”, si dhe “Mosbindja ndaj urdhrit të punonjësit të policisë së rendit publik”.

Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Kukës, për vijimin e veprimeve ligjore. /ATSH/

The post Arrestohet punonjësi i Policisë për kontrabandë karburanti në Dibër appeared first on Telegrafi.

Policia Kufitare e Dibrës ka vënë në pranga një 40-vjeçar të shpallur në kërkim ndërkombëtar nga autoritet gjermane, për vjedhje dhe mashtrim në mënyrë të përsëritur.

Njoftimi i policisë:

Shërbimet e Policisë Kufitare në PKK Bllatë, si rezultat i masave të shtuara dhe i shkëmbimit të informacionit me Interpol Tiranën, kanë kapur në hyrje dhe kanë arrestuar me qëllim ekstradimin, shtetasin:

B.S., 40 vjeç, banues në Bosnje-Hercegovinë.

Ky shtetas ishte shpallur në kërkim ndërkombëtar pasi Gjykata e Heilbronn /Gjermani, i ka caktuar masën e sigurisë “Arrest me burg”, për veprat penale “Vjedhje me anë të mashtrimit”, “Mashtrim” dhe “Mashtrim në mënyrë të përsëritur, fitimprurëse”, të parashikuara nga Kodi Penal gjerman. Interpol Tirana po bashkëpunon me Interpol Wiesbaden, për ekstradimin e 40-vjeçarit, në Gjermani.

The post I shpallur në kërkim ndërkombëtar për mashtrim, arrestohet 40-vjeçari në Dibër appeared first on Lapsi.al.

TIRANË, 24 qershor/ATSH/ Kolegji Zgjedhor Gjyqësor vendosi rrëzimin e kërkesëpadisë së koalicionit “Partia Demokratike – Aleanca për Shqipërinë Madhështore për pavlefshmërinë e zgjedhjeve në qarqet Dibër, Shkodër dhe Berat, duke konfirmuar kështu vendimet e Komisionit të Ankimeve dhe Sanksioneve pranë Komisionit Qendror të Zgjedhjeve (KQZ) dhe Komisionit Shtetëror të Zgjedhjeve.

Ndërkaq, për qarkun Vlorë, Kolegji ka vendosur shtyrjen e seancës gjyqësore dhe zhvillimin e saj më 26 qershor, duke kërkuar nga Komisioni Qendror i Zgjedhjeve paraqitjen e gjithë dokumentacionit dhe provave lidhur me padinë e Koalicionit “Partia Demokratike – Aleanca për Shqipërinë Madhështore”.

Ky vendim është i formës së prerë dhe ndaj tij nuk lejohet ankim. /j.p/

The post Ankimimet për rezultatin e 11 majit, Kolegji Zgjedhor rrëzon opozitën për qarqet Dibër, Shkodër dhe Berat, shtyn seancën për Vlorën appeared first on Agjencia Telegrafike Shqiptare.

Në qarkun e Dibrës nuk do të ketë përsëritje të zgjedhjeve. Kolegji Zgjedhor ka rrëzuar kërkesën e PD për pavlefshmëri të procesit zgjedhor.

Në zgjedhjet e 11 majit, PS mori në Dibër 4 deputetë, ndërsa PD 3 deputetë.

The post “Nuk ka përsëritje zgjedhjesh”/ Kjo është përgjigja përfundimtare e Kolegjit Zgjedhor, për kërkesën e PD për qarkun… appeared first on Sot News | Lajme.

Një person është gjetur pa shenja jete pasditen e kësaj të enjte në qytetin e Peshkopisë. Autoritetet policore raportojnë se viktima është shtetasi E.N., rreth 70 vjeç, teksa ngjarja ka ndodhur rreth orës 15:20, në vendin e quajtur “Gropa e ujërave termale”. Sipas autoriteteve, paraprakisht dyshohet se i moshuar ka ndërruar jetë si pasojë e […]

The post Gjendet i vdekur një burrë tek “Gropa e ujërave termale” në Dibër appeared first on BoldNews.al.

Një 70-vjeçar është gjetur i pajetë në vendin e quajtur “Gropa e ujërave termale”, në qytetin e Peshkopisë të enjten.

Policia tha se është gjetur pa shenja jete, shtetasi E.N., rreth 70 vjeç, i cili paraprakisht dyshohet se ka pësuar arrest kardiak.

Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.

LEXONI GJITHASHTU:

• Humb jetën turisti gjerman gjatë vizitës në Kalanë e Butrintit
• U godit nga rrufeja, humb jetën 65-vjeçari në Ersekë

The post Gjendet pa jetë 70-vjeçari në Dibër, dyshimet e para appeared first on Euronews Albania.

TIRANË, 14 qershor/ATSH/ Kryeministri Edi Rama prezantoi sot skuadrën fituese të Dibrës në zgjedhjet e 11 majit, për Shqipërinë 2030 në Bashkimin Europian.

Përmes një videoje prezantuese, Rama solli në vëmendje edhe eksperiencën parlamentare të çdo deputeti të PS-së që i përket listës së qarkut Dibër, duke renditur mandatet respektive për secilin prej tyre.

Në zgjedhjet parlamentare të 11 majit, Partia Socialiste mori 3 deputetë në qarkun e  Dibrës, 2 prej të cilëve në listë të mbyllur dhe 1 nga lista e hapur.

Për deputetë e rinj të cilët ulen për herë të parë në sallën e Kuvendit, Partia Socialiste rikthen në një format të veçantë Akademinë Politike, të ndërtuar posaçërisht për gjeneratën më të re të Kuvendit të Shqipërisë.

Qarku Dibër

Lista e mbyllur

Blendi Klosi, mandati 7

Alma Selami, mandati 1

Lista e hapur

Agron Malaj, mandati 1

/m.m/j.p/

The post Rama prezanton skuadrën fituese të Dibrës për Shqipërinë 2030 në BE appeared first on Agjencia Telegrafike Shqiptare.

Fshati i Radomirës, 37 km nga Dibra është kthyer vitet e fundit në një destinacion të preferuar për të pasionuarit pas ngjitjeve në mal.

Kryeministri Edi Rama ndau sot në rrjetet sociale pamje nga liqeni i zi në Radomirë, si një ftesë për t’u vizituar nga turistë vendas e të huaj.

Liqeni i zi, një mrekulli natyrore e fshehur në fshatin Radomirë të Dibrës, është një destinacion përrallor.

Liqeni në dimër ngrin në sipërfaqe dhe ka një hapësirë prej 0.8 ha. Është i pasur me një botë të gjallë. Ka vlera shkencore gjeologjike, hidrologjike, biologjike, estetike, didaktike, ekologjike dhe kulturore.

Ky liqen është i rrethuar nga një masiv pyjor me pishë të zezë. Për vlerat e veçanta natyrore gëzon statusin Monument Natyre.

Radomira, pjesë e parkut natyror Korab-Koritnik, shënon hyrjen në rrugën turistike që ngjitet drejt malit të Korabit.

Pranë këtij fshati sidomos gjatë stinës së verës vijnë shumë turistë vendas e të huaj. E vendosur rrëzë malit të Korabit, majës më të lartë në Shqipëri dhe e rrethuar nga pisha është Radomira magjike.

Ajri i pastër, burimet e ujit, kullotat dhe pyjet në anët e Korabit përbëjnë burime të çmuara që mund të kontribuojnë në zhvillimin e zonës, duke e kthyer Radomirën në një destinacion turistik gjatë gjithë vitit.

Dibra ka resurse të jashtëzakonshme natyrore, pasi është një nga trevat më të bukura të vendit, kufizohet me Maqedoninë dhe shtrihet në një territor të gjerë, nga lartësia e malit të Korabit dhe deri në kufijtë e Matit me malin e Dejës, ku shtrihet në veri Lura, një nga perlat e Shqipërisë./atsh/KultPlus.com