Gazeta Si – Anëtarja e pandehur e Komisionit të Prokurimeve Publike, Lindita Skeja, kishte garanci nga titullari i institucionit, gjithashtu nën akuzë, Jonaid Myzyri, se për firmat që do të vendoste në rastet e shqyrtimit të ankesave ndaj procedurave në tenderë, nuk do t’i hynte gjemb në këmbë.
Të paktën këtë siguri i shpreh nënës së saj në një bisedë telefonike të përgjuar nga SPAK për të gjetur prova të shkeljes së barazisë në tenderë.
“Ai na mbajti kështu, që krijuam besim që ne jemi miqtë e atij, edhe rrimë të qetë, Na ofroi mori informacionesh. Unë vajta dhe i shërbeva si qeni. I shërbeva me sy mbyllur”, thotë Lindita Skeja.
SPAK thotë se një pjesë e mirë e komunikimeve përgjuar zyrtares Lindita Skeja lidhen me akuzën për të cilën dyshohet Jonaid Myzyri, kreu i KPP-së, i marrë i pandehur për tenderin për mirëmbajtjen e aksit rrugor 58.7 km Shpal-Ura e Repsit me vlerë 2.29 milionë euro.
Zyrtarja e KPP-së, Lindita Skeja, nga sa flet me nënën në telefon, lë të kuptohet se ka vepruar me urdhër të titullarit të institucionit, dhe se drejtuesit e institucionit merrnin para në këmbim.
“E dua edhe pikë, e dua kështu, firmos ne, të gjithë si delet. Shkonim ku të na thërrisnin, rresht. Firmën ne, e lekët ata. Më çoi mua në KPP, përballem unë me lloj-lloj pisllëku” shprehet zyrtarja.
Gjatë bisedës së përgjuar për të zbuluar korrupsionin në zyrat e shtetit, SPAK ra në gjurmët e një grabitje në shtëpinë e Lindita Skejës në një fshat të Librazhdit, të 200 mijë eurove nga disa persona të maskuar, dhe marrjen peng të vëllait të saj që i pikasi, për disa momente, derisa të mos kishin rrezik se do të njoftonte policinë.
Për vjedhjen ajo flet me të ëmën dhe në këtë bisedë që gjendet në fashikullin e Myzyrit, duke u shprehur e bindur se ajo që ka ndodhur nuk lidhet me punën e saj
“Unë punë si gjithë dynjaja bëj, ika unë, vajtën të tjerët. A ka vajtur njeri t’i vjedhë tek shtëpia ata?”, thotë Lindita Skeja gjatë bisedës me nënën.
Kjo shumë e madhe në shtëpinë e saj, për të cilën hetuesit e SPAK janë duke kërkuar informacione nga policia e Librazhdit dhe Elbasanit nëse vjedhja e pretenduar në vitin 2020, është denoncuar apo jo, lë dyshime se paratë e korrupsionit mund të jenë shpërndarë mes anëtarëve të KPP-së.
Rasti i vjedhjes dhe rrëmbimit, përbën një episod të veçuar në hetimin e dyshimeve për korrupsion me prokurimet publike.
Një grup i organizuar kriminal që merrej me shpërndarjen e kokainës në Londër dhe në të gjithë Mbretërinë e Bashkuar është dënuar me mbi 65 vite burg pas një hetimi të gjatë dhe të detajuar nga Policia Metropolitane e Londrës në bashkëpunim me Agjencinë Kombëtare të Krimit.
Në qendër të këtij grupi ishte Redon Bushi, 32 vjeç, nga Cherry Crescent, Brentford, i cili për vite me radhë udhëhoqi rrjetin e trafikut të drogës, duke bashkëpunuar me importues dhe korrierë të shumtë.
Sipas policisë Metropolitane të Londrës, ai pranoi fajësinë në Gjykatën e Lartë në Kingston-upon-Thames më 10 korrik 2024 për: dy akuza për komplot për furnizim me lëndë narkotike të klasit A, komplot për transferim të pasurisë kriminale, posedim të pasurisë kriminale.
Më 9 korrik 2025, ai u dënua me gjithsej 24 vite e 10 muaj burg.
Redon Bushi
Trafiku i zbuluar përmes EncroChat dhe Signal
Përdorimi i aplikacioneve të koduara si EncroChat dhe Signal zbuloi se Bushi kishte komplotuar për të shpërndarë të paktën 832 kg kokainë me vlerë deri në 81.6 milionë paund.
Pas identifikimit të tij në EncroChat me pseudonimin “Sealvermouth”, hetuesit e Met-it dhe NCA-së nisën një operacion të targetuar për të çmontuar rrjetin.
Hetimi dhe arrestimet
Policia përdori teknika të avancuara hetimore, duke shqyrtuar pajisje elektronike, biseda të koduara, orë të tëra pamje nga kamerat e sigurisë, dhe përdori metoda të fshehta për të ndjekur aktivitetin kriminal.
Në qershor 2020, një nga korrierët e Bushit, Ahmad Jabarkhill, u ndalua dhe iu gjetën gati 700.000 paund cash.
Më tej, hetuesit identifikuan tre korrierë të tjerë: Arline Sida, Luke Ferguson, Kelvin Hoxha.
Në gusht 2023, Sida dhe Hoxha u arrestuan në Brentford, duke pasur në posedim 6 kilogramë kokainë. Më pas, Ferguson u arrestua në një “shtëpi të sigurt” në Brentford, ku iu gjetën 72 kg kokainë, me vlerë të përllogaritur në 6.24 milionë paund.
Pas arrestimeve të pjesëtarëve të rrjetit, u nis një kërkim intensiv për Bushin, i cili qëndroi në disa hotele për t’iu shmangur policisë, duke përdorur telefona të rinj dhe mbi 3.000 paund në para.
Ai u arrestua disa ditë më vonë në Reading.
Ahmad Jabarkhill, 32 vjeç, u dënua më 22 korrik 2020 me 2 vite e 3 muaj burg për posedim pasurie kriminale.
Arline Sida, 23 vjeç, nga Amersham, u dënua më 9 korrik 2025 me 12 vite e 9 muaj burg.
Kelvin Hoxha, 23 vjeç, nga Brentford, u dënua më 9 korrik 2025 me 11 vite e 8 muaj burg.
Luke Ferguson, 32 vjeç, nga Shepherd’s Bush, u dënua më 9 korrik 2025 me 14 vite e 5 muaj burg.
Arlind Sida
Kelvin Hoxha
Hetuesi David Leitner deklaroi: “Ky rast dëshmon vendosmërinë tonë për të luftuar krimin e organizuar, duke shfrytëzuar mundësitë unike që ofroi zbulimi i EncroChat.
Bushi besonte se këto platforma e mbronin nga ligji, por në fakt ato na ofruan provat kyçe për ta dënuar atë dhe bashkëpunëtorët e tij. Policia Metropolitane mbetet e përkushtuar për të luftuar shpërndarësit e drogës që ndikojnë negativisht në komunitetet tona.”
TIRANË- Kryetari i PD-së, Sali Berisha është shprehur Prokuroria e Posaçme nuk i heton kartelet e drogës dhe organizatat kriminale. Përkundrazi sipas Berishës, SPAK ka gjetur mënyrën që edhe t’i mbrojë.
Ai tha më tej se SPAK nuk vepron kurrë ndaj bandave kriminale, përveç rasteve kur një tjetër shtet sjell dosje.
“Kjo është si puna e cigareve të Ergys Agasit. Çopjes, bashkëpunëtorit të Suel Çelës, i kanë gjetur 3 milionë euro nga Dubai në bankat europiane. E ka zënë nga investimet në jug. Altin Troplini është thjesht bashkëpunëtori i këtyre organizatave, që detyrohet të ndërhyjë vetëm kur vijnë dosje nga jashtë. A e konstatoni ju, të nderuar gazetarë dhe qytetarë se, kjo Prokurori nuk vepron kurrë kundër kartele të drogës dhe organizatave kriminale, në qoftë se një shtet nuk sjell dosje. A doni t’ua jap të gjitha me fakte? Për Altin Troplinin, krimi i organizuar nuk ekziston. Organizatat kriminale nuk ekzistojnë, kartelet e drogës nuk ekzistojnë.
Sjellin vendet partnere rregjistrime për x, y dhe merren me të. Po paratë e Arkend Ballës? 2 mln euro. Një rrogëtari në një universitet, që të gjitha nga firma e ortakut në Vlorë, të anëtarit të kartelit në Vlorë, Nexhmi Danaj, vëllait i ish-kryetarit të qarkut, ku ishte menaxher ky. Këta jo vetëm që nuk hetojnë, po kanë gjetur një mënyrë se si të mbrojnë kartelet e drogës dhe organizatat kriminale. Bosin, koordinatorin e tyre e marrin gjoja, shkojnë e i sekuestrojnë makina që thuhet se ishin të Elvis Doçit, të Troplinëve. Hajt ta themi se nuk kanë qenë, se nuk mund të flas tani për pronësinë e tyre. Ky paska qenë krimi i tij. Skapi është një organizatë kriminale në duart e partisë së krimit, zotëri. Kaq është e vërteta.”, tha Berisha.
TIRANË, 1 korrik /ATSH/ Prokuroria e Posaçme kundër Korrupsionit dhe Krimit të Organizuar përfundoi hetimet dhe ka dërguar për gjykim, procedimin penal, në ngarkim të të pandehurve Gëzim Bakalli (alias Shkembim Cërmanji), i akuzuar për konsumimin e elementëve të veprave penale; “Trafikim i lëndëve narkotike”, kryer në formën e veçantë të bashkëpunimit, atë të grupit të strukturuar kriminal, më shumë se një herë, në 15 episode.
Ai gjithashtu akuzohet për veprën “Grup i strukturuar kriminal”, kryer në formën e drejtimit, “Falsifikim i dokumenteve”, (sa i përket lejes së drejtimit të automjetit/patentës kosovare), “Falsifikim i letërnjoftimeve, i pasaportave ose i vizave”, (sa i përket pasaportës kosovare), “Falsifikim i akteve të gjendjes civile”, (sa i përket kartës së identitetit kosovar).
Ndërsa Erjon Loci, akuzohet për konsumimin e elementëve të veprave penale: “Prodhim dhe shitje e narkotikëve”, kryer në formën e veçantë të bashkëpunimit, atë të grupit të strukturuar kriminal, më shumë se një herë, në 6 episode, “Grup i strukturuar kriminal”, kryer në formën e pjesëmarrjes.
SPAK bën të ditur se, hetimet rreth këtij procedimi penal janë realizuar në bashkëpunim të ngushtë me autoritetet e drejtësisë zvicerane, Byronë Kombëtare të Hetimit si dhe strukturat e hetimit të Departamentit të Policisë Kriminale në Policinë e Shtetit.
Nga aktet e administruara për interesa të këtij procedimi penal ka rezultuar e provuar se, Prokuroria e Kantonit të Solothurnit ka vijuar me kryerjen e hetimeve ndaj disa personave, mes të cilëve edhe shtetas shqiptarë, të cilët, gjatë viteve 2018-2024, si pjesë e një grupi të strukturuar kriminal kanë importuar sasi të konsiderueshme lënde narkotike të llojit kokainë, heroinë, marijuanë dhe ecstasy, që sigurohej kryesisht nga Amerika Latine dhe Gjermania.
Më tej, këto sasi tregtoheshin në rajonin e Kantonit të Solothurn-it, si edhe në vende të tjera.
Nga hetimet paralele të kryera nga prokuroritë e dy vendeve, duke zbatuar metoda speciale të hetimit është bërë i mundur identifikimi dhe procedimi në Zvicër dhe në Shqipëri i 12 personave (shtetas shqiptarë, zviceranë, turq dhe italianë), të cilët ishin të përfshirë në aktivitetin e paligjshëm kriminal. Autoritetet e drejtësisë zvicerane kanë proceduar 10 shtetas shqiptarë dhe të huaj.
Me qëllim mbledhjen e provave që kanë të bëjnë me dokumentimin e aktivitetit të paligjshëm kriminal në territorin zviceran, lidhur me trafikimin, tregtimin dhe importimin e organizuar të lëndëve narkotike, janë kryer një sërë veprimesh hetimore. Nga këto veprime hetimore ka rezultuar e provuar se bashkëpunëtorët e personave të proceduar ose/dhe të dënuar nga autoritetet zvicerane të drejtësisë, të cilët kanë trafikuar lëndë narkotike në mënyrë të paligjshme në territorin e Konfederatës së Zvicrës në formën e grupit të strukturuar kriminal, si dhe e kanë tregtuar atë në territorin zviceran janë dhe të pandehurit Gëzim Bakalli, si dhe Erjon Loci.
Nga aktet e administruara në kuadër të ndihmës së ndërsjellët juridike në fushën penale, ka rezultuar e provuar se të pandehurit dhe bashkëpunëtorët e tyre kanë koordinuar me njëri-tjetrin në këto aktivitete kriminale edhe përmes komunikimeve me anë të platformave të enkriptuara “Sky ECC”, “Threma” dhe “Signal”.
I pandehuri Gëzim Bakalli ka patur rolin e drejtuesit dhe financuesit në këtë veprimtari të paligjshme kriminale, të cilën e ka konsumuar në bashkëpunim, në formë të grupit të strukturuar kriminal në 15 episode, ndërsa i pandehuri tjetër Erjon Loci, është njëri nga personat që ka ndihmuar të pandehurin Gëzim Bakalli, në transportimin dhe shitjen e lëndëve narkotike në territorin zviceran në gjashtë episode.
Si rezultat i kontrolleve të ushtruara në Zvicër dhe Shqipëri, janë sekuestruar sendet e mëposhtme: 22,25 kg heroinë (me përqindje pastërtie që varionte nga 62% – 30,7%); 345,4 kg kokainë (me përqindje pastërtie që varion nga 86,9% – 44,2%); 1 000 kg kokainë, (mbetur në tentativë); 2 kg marihuanë; 10000 tableta ecstasy; 2 (dy) armë zjarri (SIG 210, SIG 220), si dhe municion luftarak; një orë femrash “Rolex”; një orë e markës “HUBLOT”; dy pajisje regjistruese; dy kapuçë maskimi dhe dokumente shkresore (kontrata shitblerje, pasuri të paluajtshme dhe të luajtshme); karta bankare; gjashtë telefona celularë.
Me qëllim identifikimin e bashkëpunëtorëve të tjerë të të pandehurve, Gëzim Bakalli dhe Erjon Loci është proceduar me ndarjen e akteve të procedimit penal nr. 108 të vitit 2024 në procedimin nr. 108/1 i vitit 2025, për të cilin po vijojnë hetimet.
Juristja Brizida Gjikondi, e ftuar në “Real Story” tha se Sali Berisha po trajton dosjen “Partizani” politikisht. Ajo theksoi se ky proces në ngarkim të Berishës do të zvarritet shumë gjatë, madje shtoi se nuk përjashtohen as protestat para SPAK.
“Berisha këtë çështje po e trajton vetëm politikisht. Ai nuk po merret me thelbin e dosjes dhe me përgjegjësitë e tij.
Kjo u kuptua që në seancën përgatitore, në të cilën ai nuk kërkoi gjykim të shkurtuar, sepse pot ë kërkosh gjykim të shkurtuar automatikisht ti propanon një pjesë të fajësisë, për aq kohë sa nuk e kërkoi, kjo tregon se Berisha do ta trajtojë politikisht këtë çështje.
Do shikojmë një telenovelë të gjatë me zvarritje, me akuza, protesta para SPAK dhe këtë që ka bërë këtë sa ka. Nuk ka më skrupuj, s’ka çfarë të humbasë, atij i ka plasur cipa, edhe me zgjedhjet doli blof me rihapjen e kutive, edhe me provat, sepse e dosja e SPAK është në sytë e të gjithëve”, tha ajo.
Lëvizja Vetëvendosje ka reaguar lidhur me aktgjykimin e sotëm të Gjykatës Kushtetuese.
LVV ka theksuar se vendimi i Kushtetueses konfirmon qëndrimet e kësaj partie që nga fillimi i procesit të konstituimit të Kuvendit.
Sipas partisë, aktgjykimi thekson tre pika kyçe:
Obligimi për të përfunduar konstituimin e Kuvendit i takon të gjithë deputetëve, jo vetëm subjektit të parë.
LVV thotë se Gjykata thekson në paragrafët 190 dhe 191 se të gjithë deputetët duhet të jenë të pranishëm dhe të votojnë brenda 30 ditëve nga hyrja në fuqi e këtij aktgjykimi për të mundësuar funksionimin sa më të shpejtë të Kuvendit.
Zgjedhja e kryetarit dhe e nënkryetarëve është e barabartë dhe të dyja janë të domosdoshme për konstituimin e Kuvendit.
Vetëvendosje thekson se çdo subjekt politik ka të drejtë kushtetuese të propozojë kandidatët e vet për pozitat përkatëse dhe se këto propozime duhet të jenë të negociueshme nga të gjitha partitë.
“Gjykata e ka hedhur poshtë qëndrimin kontradiktor të opozitës që kërkonte kompromis vetëm për kryetarin, duke vënë në pah nevojën për konsensus të plotë në zgjedhjen e kryetarit dhe nënkryetarëve”, thuhet në reagim.
Votimi i fshehtë në seancën konstituive nuk është shkelje e Kushtetutës.
Lëvizja Vetëvendosje nxit partitë opozitare të pranojnë votimin e fshehtë, duke theksuar se refuzimi i tyre duhet të jetë larg arsyeve kushtetuese dhe jo nga frika e humbjes së votave.
Në reagim përmenden edhe paragrafët kyç të aktgjykimit, të cilët nënvizojnë rëndësinë e bashkëpunimit dhe kompromisit për të përmbushur detyrimet kushtetuese dhe për të avancuar procesin e konstituimit të Kuvendit në Republikën e Kosovës./Telegrafi/
Sot është afati i fundit i riplotësimit të dosjeve personale të 11 kandidatëve nga 13 të tillë, që kanë aplikuar për kreun e Byrosë Kombëtare të Hetimit.
Mësohet se dy prej kandidatëve zv/drejtori aktual i BKH-së Joni Keta dhe ish-drejtori i Përgjithshëm i Policisë së Shtetit, Gledis Nano, kishin përpiluar drejtë dhe saktë dosjen personale që kishin dërguar në Komisionin e Verifikimit të përbërë nga Altin Dukani, Arben Kraja dhe Behar Dibra.
Ndërsa për 11 kandidatët e tjerë komisioni konstatoi se kishin mangësi në dokumentacion e për pasojë vendosën të shtyjnë me dy ditë procesin e verifikimit dhe vlerësimit të dosjeve personale.
Gazetari i “Ora News”, Elton Qyno ka mësuar nga burime të brendshme se beteja për të marrë postin 5 vjecar të drejtuesit të BKH-së, duket se po zhvillohet mes dy emrave që aktualisht janë oficerë të Byrosë Kombëtare të Hetimit
Joni Keta të vetmin konkurrent potent në këtë garë ka oficerin, Elton Kërlukun. Kërluku, preferohet nga Altin Dumani, i cili ka shprehur vullnetin dhe pëlqimin e tij për ta mbështetur dhe emëruar në krye të BKH-së.
Ndërsa nga ana tjetër zv/drejtori aktual i BKH-së Joni Keta, mbështetet nga Arben Kraja. Tashmë nuk dihet se nga cili drejtim do ikin interesat e prokurorit Behar Dibra, i cili ka të drejtë vote në komisionin e emërimit të kreut të Byrosë Kombëtare të Hetimit.
Arben Kraja, ka shkuar mjaft mirë me Altin Dumanin, por mbështetja e tij karshi figurës së oficerit të BKH-së Joni Keta, solli dhe shkarkimin e menjëhershëm të tij nga posti i Drejtorit të Zyrës së Marrëdhënieve me Jashtë në SPAK.
Kjo lëvizje e menjëhershme e Dumanit karshi Arben Krajës, është parë brenda korridoreve të SPAK si shenjë hakmarrje ndaj ish-shefit të tij, duke e ulur në detyre dhe lënë si prokuror I thjeshtë në sektorin e krimit ekonomik.
Ndërsa në vend të Krajës, Dumani emëroi prokuroren Dorina Bejko, e cila tashmë është profilizuar si një nga kandidatet e ardhshme për garën e kreut të SPAK.
Gazeta britanike “The Telegraph”, i ka kushtuar një artikull shqiptarit Lorenc Lala, për të cilin shkruan se 47-vjeçari u arrestuar nga policia këtë javë pasi forcat e rendit në Shqipëri e gjurmuan atë në Mbreterinë e Bashkuar.
Media britanike shton më tej se Lala dyshohet se ka paguar 50.000 euro për vrasjen e Ali Balshaliut te grupi i Laert Haxhiut në vitin 2021 në shenjë hakmarrje.
Lorenc Lala, i njohur ndryshe si Kristian Lala, do të dalë përpara gjykatës së ekstradimeve më 24 qershor, ku do të vendoset fati i tij në lidhje me çështjen e ngritur nga autoritetet.
Arrestimi i Lorenc Lalën në Britani
Sipas deklaratës së bashkëpunëtorit të SPAK, Artan (Marjus) Tafani, vrasjen e Leonard Bashaliut e kanë kryer bashkë me Lulzim Arapin, Bledar Berberin, Enrico Xhahysën dhe Laert Haxhiun.
Financimet për këtë akt kriminal, në shumën prej 50 mijë eurosh, janë vënë në dispozicion nga Lala, i cili i ka dhënë paratë Laert Haxhiut. Ky i fundit ka organizuar ekzekutuesit që të realizojnë vrasjen.
Tafani ka pranuar përfshirjen e tij në këtë krim dhe ka deklaruar se gjithçka u orkestrua nga Laert Haxhiu dhe u financua nga familja e Ylber Xhahysës, si akt hakmarrjeje pas vrasjes së Ylberit nga Leonard Bashaliu në vitin 2021.
Sipas “The Telegraph”, Lala është larguar nga Shqipëria për në Britani me besimin se kjo i siguronte një vendndodhje më të sigurt jashtë mundësive të urdhrit të arrestit evropian. Që kur Britania doli nga BE-ja, ajo nuk është më pjesë e sistemit të mandat-arresteve,
Lala u arrestua nga njësia e ekstradimit të Policisë Metropolitane dhe u paraqit para magjistratëve të Westminsterit me akuzat për komplot për vrasje në Shqipëri. Ai aktualisht po mbahet në paraburgim përpara një seance të mëtejshme dëgjimore në korrik, ndërsa Shqipëria kërkon ta ekstradojë atë.
Në një deklaratë, Policia e Shtetit Shqiptar tha se ai ishte akuzuar në mungesë për dyshimin e tij për “përfshirje në një vrasje për gjakmarrje, krijimin e kushteve për të vrarë dhe për anëtarësim në një grup të krimit të organizuar”.
Vrasja e Albi Bashaliut ndodhi në vitin 2021. Lorenc Lala ishte organizatori i asaj vrasjeje, duke financuar të tjerë për ta kryer atë.
Pas vrasjes, Lala – i cili njihej edhe me pseudonimin Kristian Lala – iku nga Shqipëria. Ai u fsheh në Mbretërinë e Bashkuar.
Vendndodhja e tij në Mbretërinë e Bashkuar u përcaktua përfundimisht nëpërmjet informacionit të ndarë nga policia shqiptare me autoritetet e Mbretërisë së Bashkuar.
Përpara se të largohej nga BE-ja, Mbretëria e Bashkuar e kishte në fuqi Urdhërin Europian të Arrestit vetëm me Shtetet Anëtare të BE-së, i cili nuk e përfshinte Shqipërinë.
Gazeta “The Telegraph” zbuloi në vitin 2023 se si kalimet rekord të paligjshme të Kanalit nga më shumë se 12,000 shqiptarë në vitin 2022 çuan në një rritje të krimit, me 80 emigrantë shqiptarë që u dënuan me 130 vjet burg vetëm në katër muajt e parë të atij viti.
Një sërë marrëveshjesh midis Mbretërisë së Bashkuar dhe Shqipërisë për të goditur krimin dhe për të përshpejtuar deportimet ka bërë që numri i shqiptarëve që kalojnë kanalin të bjerë në vetëm 630 vitin e kaluar.
Bashkimi Evropian, është shprehur se çdo vendim për çfarëdo ndërtimi përgjatë lumit Ibër i cili e ndan Mitrovicën në jugun e banuar me shqiptarë dhe veriun e banuar me serbë, duhet të merret me kujdes dhe në mënyrë gjithëpërfshirëse, me përfshirjen e plotë të të gjitha komuniteteve të prekura.
Pasi, autoritetet kosovare synojnë t’i ndërtojë dy ura në të dy krahët e urës kryesore mbi lumin Ibër.
Analisti Valon Arifi, në një intervistë në emisionin “Balkan Update” në ABC News, tha se nacionalizmi i Albin Kurtit, vetëm sa e ka dëmtuar Kosovën. Ai theksoi se në këto vite qeverisje, Vetvënedojsa nuk ka bërë asnjë ndërtim të rëndësishëm infrastrukturor në vend.
“Kanë promovuar idenë e ndërtimit të dy urave, vetëm pak kohë para zgjedhjeve lokale. Kemi pasur edhe reagime të BE. Kurti gjatë gjithë këtyre viteve ka dështuar me ndërtimin e infrastrukturës në vend. Institucionet ndërkombëtare tashmë kanë kuptuar edhe lojën e Kurtit. Më shumë kjo është një lojë e Kurtit për të fituar një votë. Pasi dihet që mbi urën e Ibrit as nuk mund të ndërtosh pa lejen e atyre që ruajnë sigurinë”, tha ai.
Gjithashtu analisti Arifi tha se në zgjedhjet lokale rëndësi të madhe kanë kandidatët.
“Në këto zgjedhje lokale mendoj që kandidatët janë më të dobët se ato që ishin para katër vitesh. Edhe në Gjilan për shkak të vetëqeverisjes, nuk është se kanë dalë mirë në sondazhet që bëhet atje. Normalisht që ka ndikuar edhe fakti i të qenurit në qeverisje. Mendoj që VV do të dalë edhe më keq për shkak edhe të dështimit në këto vite sepse nuk ka pasur ndonjë sukses në ndërtimin e jetës qytetarë. Pasi duket që e ka humbur shkëlqimin që e ka pasur”, tha ndër të tjera ai
Sipas tij. Në zgjedhjet lokale, rezultati që do të marrë Kurti do të jetë më keq se rezultati i zgjedhjeve parlamentare.
Gazeta Si – I penduari i drejtësisë, i akuzuar për dhjetëra ngjarje kriminale, Erion Alibej, ka rrëfyer të tjera detaje për vrasjen e Bujar Çelës, vëllait të Talo Çelës, i shpallur në kërkim ndërkombëtar.
Në GJKKO, Alibej tha se vendimi për ta vrarë, është marrë pas vrasjes së Klevis Kapllanit, shokut të Nuredin Dumanit, për të cilin shërbente si shofer.
Erion Alibej tregoi se për këtë ngjarje kanë marrë pjesë edhe “çunat e Fushë Krujës”, Enver Diva e Besmir Xhixha.
Tentativa e parë për ta vrarë ka dështuar, pasi një fqinj i shtëpisë së Talo Çelës i pa autorët të maskuar. Më pas vendosën që ta godasin te lokali ku pinte kafenë e mëngjesit.
“Tek kafja në fillim kanë qëlluar çunat e Fushë Krujës (Diva dhe Xhixha), më pas ka qëlluar dhe Nuredini”, tha Alibej.
Pas kësaj, Alibej pretendon se Nuredin Dumani e ka njoftuar me sms se “mbaroi Bujari”. Ai tha ndër të tjera se e ka telefonuar një oficer i policisë, për t’i komunikuar vrasjen e vëllait të Talo Çelës.
“Mua më telefonoi një oficer, Agim Lleshi, me të cilin kisha kontakt. Më tha, që po shkonin në vendngjarje, se ishte vrarë vëllai i Talos”, tha Alibej.
Pas kësaj, ai ka bërë pagesën që shkonte diku 60-70 mijë euro tek një karburant në Vorë. Të nesërmen e pagesës, Alibejn e arrestuan.
“Të nesërmen, e pashë nga kamerat që po vinte një autokolonë policie. E dija që ishin për arrestim. Nuk kam bërë rezistencë. Kam plotësuar ato formularët. Më arrestuan e që nga ajo ditë jam këtu”, tha ai.
Erion Alibej dhe Nuredin Dumani janë të penduar të drejtësisë. Edhe Dumani ka treguar për këtë ngjarje se Bujar Çela ishte ngjitur një vend më lart në “listën e zezë” të tij dhe Alibejt pas vrasjes së Klevis Kapllanit.
“Sa shkova te lokali e pashë Bujarin. Bujarin vendosëm që ta vrisnim pasi u vra shoku im Klevis Kapllani në 15 shtator rreth orës 8:00 ose 9:00 të darkës”, tha ai.
Por gjatë rrëfimeve të tij, nuk kanë munguar edhe replikat me të akuzuar të tjerë të kësaj dosjes. Xhuliano Hoxha, të cilin Alibej pretendon se e kishte informator, e ka ironizuar duke e quajtur Tommaso Buscetta, i cili u bë i penduar i drejtësisë italiane, duke zbuluar anëtarë të lartë të mafies siçiliane dhe i liruar së fundmi falë programit si bashkëpunëtor në rrëfimin e krimeve para dhe pas viteve ’90.
Erion Alibej: Bujar Çela është vëllai i Talo Çelës. Njeriu më i afërt i Talos. Ka qenë taksist. Pas vrasjes së Emiliano Ramazanit, diskutova me Nuredinin, që armën e krimit ta vendosnim tek shtëpia e Bujar Celës. E dija ku e kishte shtëpinë. Unë kisha informator Xhuliano Hoxhën.
Xhuliano Hoxha reagon nga kafazi: Ku e di ti ku isha unë, o Tommaso Buscetta?
Erion Alibej: Bujar Çela kishte një pikë shumice afër shtëpisë. Përmes Xhuliano Hoxhës deshëm të gjejmë diçka që Bujari e kishte prekur me dorë, një qese, apo diçka. Doja që në të të fusnim armën e krimit dhe ta groposnim tek shtëpia. Më pas do sinjalizoja policinë përmes Leonard Palushit. Nuk e arritëm dot këtë dhe diskutuam, që duke qenë njeri i afërt i Talos, por edhe pse përmes taksisë bënte punë e lëvizje për Talo Çelën, vendosëm ta ekzekutonim. Si fillim u angazhua nipi, që i referohem Skerdi Tasos dhe kushos, që i referohem Henrik Hoxhajt. U angazhua kusho me nipçen për ta ekzekutuar.
Xhuljano Hoxha: Tregoja pak prokurores dhe gjykatës qe kur njihesh me mua? Sa kohë ka? Që në fëmijëri njihem me atë. Që kur kishte qejf të bënte xhiro me kuaj dhe që kur hante fara te shkallët e pallatit. Tregoja o palaço. Do të lutem shumë, zbardhini bisedat e Enchro Chatit. Nuk keni nevojë as për Nuredinin, as për Erjonin. Për vrasjen e Bujar Çelës është një person tjetër. Policia dhe prokuroria nuk mori masa për të parandaluar ngjarjen, sepse ishte palë me Erjon Alibejn.
DVR e shtëpisë time e ke të regjistruar. Merrni pamjet , shiheni kam qenë në shtëpi. Nuk kam lidhje fare. Ta dëgjojnë dhe gazetarët këtu, unë kam qenë shok me atë, por tre vjet rresht këtu ka deklaruar që mua nuk më ka njohur. Nuk kam lidhje fare me Bujar Çelën. Zbardhni Enchro Chat.
Nëse unë kam lidhje me këtë gjë më jepni 300 vjet burg. Nuk kam lidhje me pisllëqet e këtij. Ky ka qenë vetë shok me ato që sot i ka kundërshtarë. Unë kam qenë dy muaj në burg kur ka ndodhur ajo ngjarje, ju mund ta vërtetoni kudo ketë. Nuk kam lidhje, ai po kërkon të më njollosë mua.
Gazeta Si – Stamboll, Guayaquil, Dubai, Bogotá, Tirana, Cali… Këto janë disa nga destinacionet që shfaqen në lëvizjet e bosit të fuqishëm të drogës, hqiptarit Dritan Gjika, i përshkruar nga presidenti kolumbian, Gustavo Petro si një nga udhëheqësit e trafikut të drogës, por i arrestuar në Emiratet e Bashkuara Arabe për llogari të Ekuadorit.
Presidenti i Kolumbisë, Gustavo Petro, e përmendi emrin e Gjikës më 28 maj 2025, duke e quajtur atë pjesë të një ‘bordi drejtues të narkotrafikut’, ku bëjnë pjesë shtetas kroatë, serbë, francezë, holandezë, kolumbianë, amerikanë dhe shqiptarë.
Nga dokumente dhe burime konfidenciale të siguruara nga gazeta “El Tiempo”, del se Gjika ka lëvizur mes Stambolli, Guayaquil-it (Ekuador), Dubait, Bogota, Tiranës dhe Calit, duke përdorur pasaporta false, biznese fasadë dhe identitete të ndryshme.
Ai ka hyrë dhe dalë dhjetëra herë në Kolumbi, ku ka lidhje me rrjete të trafikut të kokainës në Cali dhe Valle del Cauca, dhe nga atje droga transportohej drejt kufirit me Ekuadorin, vend që Gjika e përdorte si bazë të sigurt.
Në Guayaquil, ai krijoi katër kompani, Agricontrade S.A., Cresmark S.A., Cannmaná S.A. dhe Negoglobal S.A., me objekt veprimtarie kultivimin e kanabisit dhe eksportin e mineraleve, që sipas hetimeve, shërbenin si mbulesë për kontrabandën e kokainës drejt Europës.
Gjika dhe bashkëshortja e tij, Ashley Ruiz, shtetase ekuadoriane, blenë një vilë luksoze jashtë Guayaquil-it, ku autoritetet sekuestruan disa automjete të blinduara, përfshirë: BMë X6 (vlerë: 120.000 USD), Porsche Cayenne i blinduar (vlerë: 149.990 USD, në emër të Agricontrade), Chevrolet Corvette, Jahti ‘Recreo’ (Sea Ray Sundancer 310), blerë në 2020 për 50.000 USD.
Ky standard jetese u financua përmes trafikut të drogës, ndërsa llogaritë bankare dhe asetet ishin të maskuara nën emrat e kompanive dhe familjarëve.
Sipas burimeve federale, Gjika kishte një bashkëpunëtor kolumbian të njohur si ‘JR’, që më herët ishte arrestuar nga DEA në SHBA.
Ai dyshohet si furnizuesi kryesor i kokainës që kalonte nga Kolumbia në portet europiane të Algeciras (Spanjë), Francë, Holandë dhe deri në Shqipëri.
“Pas arrestimit të parë, ‘JR’ ndryshoi identitetin dhe u rikthye në trafik. Hetimet e reja kanë nxjerrë lidhjet e tij të drejtpërdrejta me Dritan Gjikën”, – tha një oficer i anti-drogës për “El Tiempo”.
Emri i Gjikës është përmendur edhe në kuadër të hetimeve për vrasjen e prokurorit paraguajan Marcelo Pecci në Kolumbi.
Presidenti Petro ka përmendur trafikantin uruguajan Sebastián Marset si të përfshirë në atentat dhe ka sugjeruar se dosja “Peçi” është manipuluar, ndërsa autoritetet kolumbiane dhe ato paraguajane kanë hapur një linjë të përbashkët hetimore.
Arrestimi i Dritan Gjikës ka ringjallur shqetësimet për rrjetin e trafikantëve të strehuar në Dubai dhe Abu Dabi, ku shumë prej tyre përdorin pasaporta false, firma fasadë dhe investime të rreme për të fshehur paratë e drogës.
Lidhur me Gjikën, nuk përjashtohet mundësia që qeveria Petro të kërkojë që ai të hetohet në lidhje me partnerët e tij kolumbianë në Emiratet e Bashkuara Arabe.
Lidhja Demokratike e Kosovës ka prezantuar sot një plan 15-pikësh për krijimin e një “Qeverie Uniteti”, që do të përfshinte të gjitha partitë politike në vend. “Qeveria e Unitetit” do të jetë kalimtare dhe synon të përgatisë Kosovën për zgjedhje të reja brenda 10 muajve.
Kryetari i LDK-së, Lumir Abdixhiku, tha në një konferencë për shtyp, se vendi po kalon një krizë politike, institucionale dhe legjitimiteti. Sipas tij ky plan është një rrugëdalje nga bllokada politike aktuale dhe një thirrje për bashkëpunim gjithëpërfshirës, me qëllim rikthimin e legjitimitetit demokratik në Kosovë.
“Duhet si klasë politike të konstatojmë tri të vërteta bazike, ato na ndihmojmë të kuptojmë vet agjendën që do ta prezantojmë sot. E para duhet të pranojmë që jemi në krizë politike. Pra, jemi në krizë politike, në krizë institucionale edhe në krizë legjitimiteti. Në krizë politike sepse s’ka as përpjekjen më të vogël nga askush të ndërtojë një shumicë parlamentare që do të sjelltë institucione legjitime të Kosovës. Dhe në krizë legjitimiteti sepse nuk kemi kuvend funksional e për më tepër nuk kemi as qeveri legjitime”, tha Abdixhiku.
Pjesë e 15 pikave është edhe rivendosja e lidhjeve me aleatët perëndimorë SHBA dhe BE në mënyrë që të hiqen sanksionet ndaj Kosovës, si dhe krijimi i i një platforme të unifikuar për dialogu me Serbinë.
Për monitorimin e zbatimit të axhendës së “Qeverisë së Unitetit” do të krijohet një organ i caktuar që do të bëjë transparencës dhe raportimet mbi punën e kësaj qeverie të përkohshme.
Axhenda me 15 pika për “Qeverinë e Unitetit”
1. Funksionaliteti Institucional dhe Depolitizimi: Plotësoni vendet e lira kryesore, veçanërisht në Gjykatën Kushtetuese, dhe emëroni udhëheqës profesionistë, jo-partiakë në institucionet publike.
2. Rritja e Pagave dhe Ligji i Rrogave: Rritja e pagave për punonjësit e sektorit publik dhe zbatimi i Ligjit për Pagat dhe vendimeve gjyqësore përkatëse.
3. Reagimi ndaj Krizës Energjetike: Mbështetja e familjeve me të ardhura të ulëta, heqja e TVSH-së për energjinë elektrike dhe ndihma për aksesin e sektorit privat në tregun e energjisë.
4. Plani Kombëtar i Gazifikimit: Fillimi i projektit të gazifikimit dhe zhvillimi i një termocentrali me gaz në bashkëpunim me SHBA-në.
5. Marrëdhëniet BE dhe SHBA: Rivendosja e lidhjeve me aleatët perëndimorë, heqja e sanksioneve dhe përgatitja e një platforme të unifikuar dialogu me Serbinë.
6. Ratifikimi i Marrëveshjeve Ndërkombëtare: Miratimi i marrëveshjeve ndërkombëtare në pritje për të çuar përpara projektet e zhvillimit.
7. Verifikimi i Sistemit të Drejtësisë: Fillimi i përgatitjeve ligjore dhe verifikimit pilot për reformën gjyqësore.
8. Projekte të Mëdha Kombëtare: Zhbllokimi i projekteve të infrastrukturës si Unaza e Jashtme e Prishtinës, spitali i ri, qendra sportive dhe menaxhimi i mbeturinave.
9. Diskutim mbi Reformën Kushtetuese: Dialog i hapur mbi ndryshimet e mundshme kushtetuese për stabilitet politik.
10. Strategjia e Reformës në Arsim: Hartimi i një strategjie kombëtare për reformë të thellë dhe strukturore në arsim.
11. Përgatitja për Lojërat Mesdhetare: Sigurimi i gatishmërisë për pritjen e Lojërave të ardhshme.
12. Reforma e Sigurisë dhe Mbrojtjes: Avancimi i ndryshimeve strategjike në sigurinë dhe mbrojtjen kombëtare.
13. Rishikimi i Buxhetit Bashkiak: Rishikimi i formulës për shpërndarje të drejtë të buxhetit bashkiak.
14. Gatishmëria për Zgjedhje: Përgatitja për zgjedhje brenda 10 muajve të periudhës kalimtare.
15. Mekanizmi i Transparencës: Krijimi i një organi për të monitoruar dhe raportuar mbi zbatimin e axhendës.
Gazeta Si – Bashkëpunëtori i drejtësisë për krimet e grupit të Laert Haxhiut, Artan Tafani ka vijuar këtë të mërkurë me dëshminë e radhës në GJKKO, ku ka zbuluar disa prej ngjarjeve kriminale të rënda të paktën gjatë 5 viteve të fundit.
Këtë herë, në dëshminë e tij përmendet edhe Qamil Haxhiu, babai i Laert Haxhiut. Sipas Tafanit, Qamil Haxhiu pas vrasjes së Albi Bashaliut në dhjetor 2021, kishte dërguar pagesën 30 mijë euro në Tiranë, të cilën e kishte marrë nga një person me emrin “Limi”. Të njëjtën gjë e kishte bërë edhe pas një muaji.
Tafani e nisi dëshminë aty ku e la seancën e kaluar, për vrasjen e Albi Bashaliut, dinamika pas atentatit, fshehja e armës pas çmontimit dhe pagesa 30 mijë euro që e solli në Tiranë babai i Laert Haxhiut:
“Pasi mbaruam punë nuk na ndezi makina ‘Audi’ që kishim. Mora ‘Benz’-in gri me targa greke. Pasi kaluan Kavajën, kam çmontuar armën, në atë kohë kalonin dhe makina të tjera që s’duhet të na shikonin që hidhnim pjesë të armës. Kur erdhëm në Tiranë kemi lënë ‘Benz’-in në ‘Astir’ dhe për të humbur gjurmë, kemi ecur në këmbë. Kemi marrë 30 mijë euro, na ka sjellë i ati i Laertit, Qamil Haxhiu dhe ato 30 mijë i kemi ndarë në 3 pjesë; unë, Lulzim Arapi dhe Laerti. Këto lekët i ka dhënë një person që e thërrisnin Limi, me të cilin para ngjarjeve fliste Laerti me të. Pas një muaji erdhën edhe lekët e tjera, dy herë nga 10 mijë, na i solli Qamili, babai i Laertit. I ati i Laertit, Qamili një herë në dy tre muaj vinte tek ne dhe qëndronte disa ditë”.
Tafani tregoi edhe motivet pse u urdhërua vrasja e bashaliut. aI shpjegoi se Laerti po e bënte si nder ndaj Lorenc Lalës, që thirrej edhe “Lili” dhe ky i fundit e kërkonte për dy vëllezërit Xhahysa në Rrogozhinë, që pretendonin se Bashaliu u kishte vrarë babanë. Para krimit ai takoi Enriko Xhahysën në Rrogozhinë, i cili i tregoi edhe shtëpinë e shënjestrës.
“Kishim armë me silenciator, ma dha Bledar Berberi. Kishim dy armë, njëra TT, njëra me fishekë të vegjël fare, por njëra u përdor se tjetra nuk punoi. Një e kisha unë një e kishte Lulëzimi. Me sa mbaj mend e kam shkrehur katër herë, dy herë në gjoks, dy herë në shpatull. U qëllua me 6 fishekë, me sa mbaj mend. Arma ishte personale e Bledar Berberit”, – tregon Tafani.
Seancën e kaluar ai rrëfeu për disa krime të rënda dhe vrasje të kryera me udhër të Haxhiut, me motive hakmarrjeje dhe rivaliteti, për shkak të sulmeve që kundërshtarët i kishin bërë ndër vite, duke i vrarë edhe të afërm të tij.
Gazeta Si – Gjatë dëshmisë së tij në GJKKO, Erjon Alibej ka treguar se për çdo krim që ka kryer Nuredin Dumani për llogarinë e tij, armët i blinte te një person në Fresk, i cili ishte Hoxhë dhe baza e mbajtjes së armëve ishte magazina e Aleksandër Bahos në Papër të Elbasanit.
“Para se Nuredini të vazhdonte këtë ngjarje, kisha lidhur një kontakt me një Hoxhë që merrej me armë. Hoxha kishte kontakt me Aleksandër Bahon. Për Dorjan Shkozën rashë dakort me Nuredinin dhe pas dy javësh ndodhi krimi. Për Dorjan Shkozën kërkoja në sistemin “TIMS” që ma tha polici Leonard Allkja që ishte në komisariat. Për vrasjen e Dorian Shkozës, Aleksandër Baho ka marrë armë nga “Hoxha”, që merrej me trafik armësh. I thashë Arsenit Preçit shko merr armët dhe çoi anej nga Peqini”.
Ndërkohë që një nga viktimat e Nuredin Dumanit, nuk ka qenë i planifikuar për t’u vrarë në dakordësi me Erion Alibejn.
Ai tregoi para prokurorëve dhe gjykatësve si ishte organizuar dhe realizuar vrasja e Dorian Shkozës në Durrës.
Tronditës është fakti se Anxhelo Avdia, viktima tjetër e atij atentati, të ndodhur në mars 2020, nuk ka qenë objektiv për t’u qëlluar.
“Nuredini më thotë që ‘o vllai iku njëri’, kur shoh televizorin po jepnin lajme që ka humbur jetën Dorjan Shkoza dhe Anxhelo Avdia. I them po Avdian pse e vrave dhe më thotë: ‘Është i atyre edhe ky’. Në takimin me Dumanin nuk është bërë asnjë listë ekzekutimesh. Unë i tregova gjithë ça dija. Interesi im ishte tek Talo Çela. Në diskutuam vrasjen e Dorian Shkozës, me idenë se Talo Çela do të bëhej i gjallë. I kam thënë Nuredinit, do të fal gjakun, vetëm më trego të vërtetën. Për 2 orë e 48 min e kam regjistruar”.
Gazeta Si – I penduari i drejtësisë Erion Alibej ka rrëfyer në GJKKO detaje të reja lidhur me aktivitetin kriminal dhe përplasjen me grupin e Çopjave për masakrën e Bradasheshit të ndodhur në 2018-ën ku iu vra vëllai dhe xhaxhai i tij.
Gjatë dëshmisë bie në sy fakti se Alibej kishte patur akses të plotë në sistemin TIMS dhe se një prej të pandehurve të dosjes “Plumbi i Artë” kishte takuar në Elbasan Ardi Veliun dhe Tonin Vocaj.
Sipas tij, në momentin e dorëzimit në polici ka dhënë informacion mbi autorët e dyshuar, por nuk ka patur asnjë reagim nga grupi hetimor duke bërë që të humbiste besimin tek drejtësia.
“Unë kisha sistemin TIMS që konteolloja gjithë ç’ka doja. Të gjithë këta emrat nisa t’i identifiko j. I kisha me foto dhe gjithë hyrje daljet e tyre. Të gjithë, nga Çopjat, Qosja, Dumanin. Po grumbulloja shumë informacion. Jo se po harroja Suel Çelën. Ai kujtonte se më kishte lënë në gjumë, por unë nuk kam fjetur asnjëherë të vetme. Madje, mendoj se unë e kam lënë Suel Çelën në gjumë”, tregon Alibej.
“Unë po humbja besimin tek institucionet e drejtësisë në Elbasan. Mësoj se Abedin Mama ka bërë një takim në Elbasan me Ardi Veliun dhe Tonin Vocajn. Kjo mu përputh edhe me ndërrimin e drejtorëve, – vijon Alibej. – E mora si informacion. Ndërkohë kërkoja për ekzekutorët e familjarëve të mi. E kam bërë vetë hetuesin, prokurorin, gjyqtarin. I kam vënë në dispozicion drejtësisë të gjitha infot e mia. Pasi jam vetëdorëzuar, i pari që kam informuart ka qenë polici Leonard Palushi”.
Në dëshminë e tij para GJKKO në kuadër të procesit “Plumbi i Artë”, Erjon Alibej ka rrëfyer se pas vrasjes së kushëririt të tij, kishte marrë personalisht rolin e ‘hetuesit’.
Ai tha se ishte maskuar si shpërndarës picash për të mos u zbuluar. “Pasi më vranë djalin e dajës, në shtëpi më kanë ardhur dy makina duke brohoritur, madje dhe në sy të patrullës së policisë. Unë kam bërë verifikime vetë. Dilja në qytet i maskuar si shpërndarës picash me motor, edhe pse kisha një pjesë të kamerave të qytetit, sepse gjithë qytetin, kamerat i kishte Suel Çela. Tek shtëpia e Emiljano Ramazanit identifikova dy automjete dhe më pas i verifikova me kamerat e sigurisë. Dua të them se kisha çdo informacion që më korrespondonte dhe ia vura në dispozicion policisë dhe prokurorit. Pas ngjarjes së Andi Zylyfit, unë vetëdorëzohem në polici bashkë me avokatin tim. Më pas dola në arrest shtëpie”, ka rrëfyer ai.
Alibej deklaroi se Talo Çela ishte objektivi i tij kryesor.
“Unë kërkoja vetëm Talo Çelën me çdo kusht – të gjallë, të vdekur. Doja çdo informacion për të. Djali i dajës më tha: ‘Pashë Fatos Gosën pas meje me një BMW, rrugës për në Peqin’. Talo ishte kryesori për mua, sepse ai dinte çdo gjë për mua, rrugët i njihte mirë, etj. Unë doja që ai të kapej nga policia, sepse e di që do fliste”.
Në dëshminë e tij, Alibej përmend emra si Talo Çela, Mikael Qose dhe Altin Ndoci, të cilët dyshohet se kanë qenë të përfshirë në planifikimin e atentatit.
Ai gjithashtu ka treguar se si, përmes kontakteve të tij, ka arritur të zbulojë detaje mbi takimet dhe bisedat që kanë çuar në vrasjen e vëllait.
Erion Alibej është një nga bashkëpunëtorët kryesorë të drejtësisë në Shqipëri, i përfshirë në dosjen e njohur si “Plumbi i Artë”, që ka zbuluar rrjete të gjera të krimit të organizuar në vend.
Ai ka dhënë dëshmi të zgjeruara në Gjykatën e Posaçme Kundër Korrupsionit dhe Krimit të Organizuar (GJKKO), duke ndihmuar në zbardhjen e disa vrasjeve dhe aktiviteteve kriminale të ndodhura në Elbasan dhe më gjerë.
Sipas Prokurorisë së Posaçme (SPAK), Alibej akuzohet për përfshirje në disa vrasje mafioze, përfshirë eliminimin e Dorian Shkozës, Anxhelo Avdisë, vëllezërve Besmir dhe Viktor Haxhia, si dhe të Emiliano Ramazanit dhe Rigers Runajt.
Ai ka pranuar se ka porositur vrasjen e Talo Çelës për 100 mijë euro dhe ka ofruar 200 mijë euro për ta sjellë atë të gjallë.
Alibej ka rrëfyer për herë të parë në gjyq më 29 maj 2025, duke zbuluar detaje të rëndësishme për konfliktet me grupet kriminale në Elbasan dhe për vrasjen e avokatit Ravik Gurra në mars 2019.
Ai ka ndihmuar në identifikimin e personave të përfshirë në këto ngjarje dhe ka ndarë informacione për mënyrën se si funksiononin këto grupe.
Hetimet e SPAK, kanë zbuluar se masakra e Bradasheshit, u porosit nga vëllezërit Franc e Hajdar Çopja dhe u pasua me urdhërimin e vrasjeve të disa personave të afërm të Endrit Alibejt, vëllait të Erion Alibejt.
Gazeta Si – Në Gjykatën e Posaçme (GJKKO), Artan Tafanit, një nga të akuzuarit për vrasjen e biznesmenit Çajup Selimi në Tepelenë, ka rrëfyer në dëshminë e tij se për këtë krim ka marrë 25 mijë euro, ndërsa detajon edhe mënyrën si u zhdukën provat dhe lëvizjet pas vrasjes.
“Armën e hodha në Vjosë, ashtu siç na kishte udhëzuar Laerti. Edhe për celularët dhe rrobat na tha çfarë të bënim. Rrobat i dogjëm në një fuçi, më pas u nisëm drejt Memaliajt, duke kaluar përmes malit. Zbritëm në këmbë deri te një urë, ku hipëm në një furgon të rastit dhe u nisëm për në Tiranë. Gjatë rrugës, Laerti i tha Ligorit të shkonte në Korçë. Ne u ndamë te ‘Klubi i Shoferit’. Unë shkova me Laertin në një hotel në Astir”, rrëfeu Tafani.
Ai theksoi se Laerti ishte shumë agresiv në komunikim dhe nuk toleronte asnjë gabim. “Ishte me Lulzim Arapin. Më bërtiti pse mora xhaxhain në celular, jo në ËhatsApp. Më shau dhe më ofendoi. Një gabim të bëje, e lëshonte gojën”, tha Tafani.
Sipas dëshmisë së tij, shpërblimi për vrasjen iu dha një javë më pas. “Unë mora 25 mijë euro. Ligori nuk i mori, nuk ia dha Laerti”, tha Tafani.
Tafani tha se e ka qëlluar nga mbrapa në hyrje të pallatit, duke shkrepur tri herë armën. Ai u ndal te momentet më pas, duke treguar se më pas iku me vrap drejt burgut të Bënçës, ku u fsheh në ferra jashtë qytetit, ndërsa kishte me vete një pistoletë me silenciator.
“Pasi shkova tek pallati, po rrija ngjitur me hyrjen dhe dëgjova një makinë, një Benz që kishte ai. Isha ballë për ballë me të, kisha maskë Covid dhe një kapelë, ai më shikonte dhe pati si dyshim. U fut në hyrje të pallatit, u ngjit kat par kat 2. Unë isha nga mbrapa tij, ishte qeros dhe unë dija rrobat që kishte veshur atë ditë, të kuqe. Atë e qëllova nga mbrapa, tre herë e shkrepë e qëllova: një herë në shpatull dhe dy herë të tjera, por nuk di ku e kapa saktësisht”.
“Ligorin e takova pas 1-2 orësh tek shtëpia e xhaxhait të Erisianit. Sipas planit që kishim bërë me Laertin, do na priste xhaxhai i Erisianit. Ligori fiku celularin, unë u fsheha në një shkëmb, kisha frikë, makinave të policisë po u vinin rrotull, unë e kisha për herë të pare”.
Artan Tafani u shpreh se ishte i frikësuar dhe në panik gjatë ngjarjes dhe se plani i tyre për të dalë nga zona përfundoi me probleme dhe grindje mes bashkëpunëtorëve.
“Tek shtëpia erdhi dhe Ligori, pastaj ia çliroi armën nga duart, si duket kishte rënë edhe ai në ferra. Laerti u acarua me Ligorin dhe më tha: ‘Mua si të la ai? Vetëm ty do t’ja tregoj unë atij.’”
Sipas tij, arsyeja pse ishte vrarë Çajup Selimi ishte sepse kishte ngacmuar nënën e Erisiano Abedinit. “Mora vesh nga Laerti se ishte vrarë, pasi Erisiano kishte pasur probleme dhe konflikte me të”, u shpreh ai.
Po ashtu ai ka rrëfyer edhe për vrasjen e Fridman Xhaferrit, i cili u gjet i pajetë në rezervuarin e Gjançit. Para ngjarjes, ai thotë se bashkë me Laert Haxhiun dhe Lulzim Arapin janë takuar në Pogradec me Bledar Berberin dhe Mariglen Topuzin.
“Laerti kërkonte gjatë rrugës një vend ku do të hidhte trupin. Edhe Bledari kishte chat dhe email. Pamë një rezervuar. Gjatë rrugës bënin edhe shaka; Marigleni i thoshte Laertit: “O lala, ma le ta bëj unë, të mësoj dorën””, tha ai në gjykatë.
Gjatë kësaj kohe, Artan Tafani pretendon se ishte “si i mpirë”, pasi sa kishte bërë vrasjen në Tepelenë.
Tafani, ka dëshmuar ditën e sotme në Gjykatën e Posaçme edhe detaje lidhur me vrasjen e Albi Bashaliut nga grupi i Laert Haxhiut.
Albi Bashaliu
Tafani deklaroi se vrasja e Bashaliut do bëhej për nder për Lorenc Lalën, me qëllim për të marrë hak për djemtë e tij.
Ai tregoi më tej se Albi Bashaliu lëvizte me një makinë që shiste zogj dhe pula, teksa shtoi se pas vrasjes së tij, makina audi me të cilin ata do të largoheshin nuk u ndez, ç’ka bëri që autorët të përdornin automjetin e viktimës.
Sipas Tafanit, të gjithë anëtarët e grupit binin dakord me propozimet për vrasje që hidhte Laert Haxhiu, pasi sipas tij, ai ishte kapo i grupit dhe të gjithë i bindeshin.
Elton Mermali dhe vendi ku u vra
Tafani, rrëfeu këtë të mërkurë para togave të zeza në GJKKO edhe zanafillën dhe dinamikën e vrasjes së Elton Mermalit, me urdhër të Laert Haxhiut.
Tafani thekson se vrasja e Elton Mermali, i njohur ndryshe dhe si “Kinezi”, u bë porosi dhe udhëzime të Laert Haxhiut, pasi ky i fundit kishte bindjen se Elton Mermali ishte i përfshirë në vrasjen e xhaxhait të tij.
“Laerti na tha qe do më sillni Elton Mermalin ka qenë i bandës Aldo Bares, donte ta vriste. Gjatë kohës që ishte në Greqi, thontë për Mermalin se ai sa kishte dalë nga burgu ishte përdorues”.
Ai tregon se e gjeti Eltonin para shtëpisë së tij në Lushnje. Me një skemë të thjeshtë, e ftoi që ta shoqëronte për të marrë një “mall të premtuar”.
Nëpër ferra Tafani e qëlloi me një plumb në trup, ndërsa Lulzim Arapi që e shoqëronte, e ekzekutoi me dy të tjerë, me armë me silenciator që i kishte sjellë vetë më parë.
“Si përfundim parkoj makinën dhe e gjej përpara shtëpise së tij. Hajde i them unë këtij më ndiq nga mbrapa. Mar makinën unë dhe kthehem, me ndjek ky mua. Më hipën në makinë dhe ikëm te shtëpia ime. Lulzimi ishte te shtëpia ime me priste. I them unë ketij marim Lulzimin dhe nje shokun tim dhe ikim marim mallin që te kam premtuar. Lulezimi u nis përpara mbrapa, i thash e kemi fshehur te ferrat.
Sa mbërritëm aty, i gjuajta unë atij nje tek plumb sa vajtëm dhe ika me vrap. Armën ma dha Lulzim Arapi ishte me silenciator. I gjuan me dy plumba të tjerë dhe Lulzim Arapi. Isha 5-10 metra afër kur i gjuajti Lulzimi. Hipëm në makinë dhe ikëm, unë isha në timon. Mere armën i them une dhe ccmontoje, sa dolën në rruge kryesore Peqin-Elbasan”, – tha ai.
Pas vrasjes, teksa ishin në arrati drejt Peqinit, ndodhi dhe një incident grotesk: Lulzimi, ndërsa po çmontonte armën për të fshehur provat, u plagos vetë në këmbë nga pakujdesia.
Silenciatorin dhe fishekët e mbetur i hodhën te ura e Rrogozhinës për të zhdukur gjurmët. Tafani thotë se e ka mjekuar vetë në shtëpi.
Artan Tafani dhe avokati, Adriatik Guri
Artan Tafani ka rrëfyer në Gjykatën Kundër Korrupsionit dhe Krimit të Organizuar edhe tentativën për të vrarë avokatin Adriatik Guri, i cili njihet edhe me mbiemrin Doga.
Sipas bashkëpunëtorit të drejtësisë, Laert Haxhiu donte ta eliminonte avokatin sepse ndihmonte kundërshtarin e tij.
Tafani pretendon se atë kohë, Haxhiu dhe bashkëpunëtori i tij, Lulzim Arapi kishin qasje në kamerat e policisë.
Pavarësisht se pretendon se e ka rujtur avokatin, Tafani dëshmoi në gjykatë se nuk mund ta bënte krimin pasi Gurin e ka kushëri. Për këtë arsye,
“Mora një shtëpi me qira në Lushnje. Qëllimi ishte të vrisnim avokatin Adriatik Guri. Unë e ruaja avokatin, ndërkohë që unë e kam kushëri. Laerti donte ta vriste, sepse sipas tij, avokati ndihmonte hasmin e tij. Ata kishin kamerat e policisë, kishin kodin, dhe më ruanin edhe mua. Lulzim Arapi erdhi në shtëpinë ku isha dhe solli një pistoletë tip CZ me dy silenciatorë. Vazhdonim ta ruanim avokatin. Unë rrija aty te lokali ku vinte edhe ai, por i thashë që nuk mund ta bëja, sepse ishte kushëri me mua. E lamë që do ta bënte Lulzimi. Një natë na iku ai. Unë u përfshiva nga frika, jo për lek. Laerti tha: ‘Do të bëhet’”, dëshmoi Tafani.
Tafani u arrestua në shtator të vitit 2023, pasi grabiti me armë një pikë këmbimi valutor në zonën e Astirit.
“Zbërthimi” i tij para prokurorëve ka zbuluar një sërë ngjarjesh kriminale dhe anëtarë të grupit të Haxhiut.
Gazeta Si – Për herë të parë në Gjykatën e Posaçme kundër Korrupsionit dhe Krimit të Organizuar, ka dëshmuar në cilësinë e bashkëpunëtorit të drejtësisë Artan Tafani, një nga figurat kyçe që pritet të zbardhë veprimtarinë e grupit të strukturuar kriminal të drejtuar nga Laert Haxhiu.
Në dëshminë e tij para togave të zeza, Tafani rrëfeu 17 episode kriminale dhe një jetë të shënuar nga droga, dhuna, burgjet dhe vrasjet.
“Kam qenë emigrant në Greqi që 15 vjeç, nga fundi i viteve ’90. Në 1997 më vranë babain në fshatin Karbunarë të Lushnjës. U largova me nënën dhe motrën për të mbijetuar. Atje punova në ndërtim, me bojëra, u përpoqa të mbaja veten. Më pas, rashë në përdorim droge. U martova, pata një fëmijë, por gjithçka mori tatëpjetën.”
Pas kthimit në Shqipëri në 2006, Tafani tha se tentoi të rindërtonte jetën me punë të ndershme dhe tregti me xhaxhain, por pas disa vitesh u rikthye në drogë dhe u përfshi në një vjedhje në një pikë ‘Western Union’-i – vendin nga merrte ndihmat që i dërgonte e ëma nga jashtë. “E vodha i vetëm, paratë i shpenzova. Më pas më arrestuan dhe në 2015 u dënova me 6 vite burg”.
Ishte pikërisht gjatë qëndrimit në burgun e Lushnjës ku Tafani nisi lidhjet me botën e krimit. Ai përmendi njohjet me emra të njohur të botës së nëndheshme: Lulzim Arapin (i njohur ndryshe si Lulzim Spahija), Laert Haxhiun, dhe të tjerë.
“Kam qenë në paraburgim me Dorian Shurdhin dhe Anterio Kaloshin. Pas një plagosjeje ku u përfshi nipi i Aldo Bares, Xhulio Shkurti, u përfol se arma u gjet te stani i babait të Laert Haxhiut, Qamil Haxhiut.”
Pas daljes me leje nga burgu, Tafani thotë se Lulzim Spahija i çoi fjalë për ta takuar. Kishte nevojë për punë – ishte baba i tre fëmijëve dhe në krizë ekonomike. Pranoi ofertën dhe u takua për herë të parë me Laert Haxhiun te “Palma Nova”.
“S’e dija me kë do takohem. Më thanë për ‘mall’, pranova. Pastaj filloi gjithçka. Ata çunat më kishin folur për mua. Kam përdorur emrin Marius, ndërsa emrin Artan e mora pas 2006, kur më duhej për të hyrë sërish në Greqi, sepse më kishin bërë ekspuls”.
Ai tha se në momentin që kishte qenë në situatë të keqe për para dhe kishte kërkuar lekë borxh tek Saimir Taullau dhe më pas nga ky i fundit kishte nisur lidhja me të njohur të Laert Haxhiut të cilin e kishte takuar në Elbasan ku e kishte marrë me një makinë tip “Benz” pa e ditur se kush ishte.
Tafani tregoi në GJKKO se në momentin kur e kishte marrë vesh se me kë ishte në tavolinë, ishte trembur dhe ishte futur në dyshime mbi praninë e tij aty.
Fillimisht ai tha se një ditë pasi kishin qëndruar në Dajt, Lulzim Arapi i kishte dhënë 500 euro “për ta respektuar” dhe më pas Klajdi Taullau i kishte dhënë edhe 500 të tjera para se të niste aktivitetin kriminal.
“Laerti ishte në timon, Lulzim në vend të parë, Romaçka në sediljen e pasme. Vetëm Lulzimin e Klajdin njihja. Laertin e kisha parë në televizor, kishte kapele në kokë. Ikëm për në Dajt. Mendova se Laerti është ndonjë i njohur i Lulzimit që merret me mall. Në Dajt ulemi në një restorant, më thotë Laerti dalim pak jashtë. ‘Më njeh më thotë?’! I them mos të kam parë burg, jo më thotë. Ngre kapelën ngjante me vëllain. Ore si smë njeh mua. E kapa pastaj filmin. Jam filani ore më tha. Qëndruam në Dajt atë natë, 5 veta. Kemi folur aty, Klajdi u kthye për Lushnjë. Lulzimi e shoqëron deri te makina. Unë u tremba mendova pse më morën këta tani, kur pash Laertin, u tremba aq shumë, veç dridhesha, u preva, isha i zverdhur, për ça ndodhesha këtu! Nuk ma përcaktoi qartë, pak a shumë me mall më tha do merresha, për vrasje as s’e kisha kaluar nëpër mend”, – tregon Artan Tafani.
Sakaq Artan Tafani, njohur ndryshe edhe si Marius Tafani për të cilin u ra në gjurmë pasi grabiti 40 mijë euro në një ‘Exhange”, vazhdon nën programin e mbrojtjes së drejtësisë duke qenë se ka rrëfyer një seri krimesh të kryera midis viteve 2019 – 2021 nga grupi kriminal i Laert Haxhisë.
Ndërkohë Laert Haxhiu, u dënua me burg përjetë për vrasjen e dyfishtë të Zamir Latifit dhe Jurgen Hoxhës ngjarje që ndodhi në Lushnjë në vitin 2017.
Në total, SPAK ka marrë të pandehur tetë persona për këtë dosje, ndërsa dëshmia e Tafanit pritet të jetë boshti që do çmontojë grupin e organizuar me shtrirje në disa qytete të vendit.
Kandidatja e LVV-së për kryetare të Kuvendit të Kosovës, deputetja Albulena Haxhiu, ka kërkuar nga partitë që në mandatin e fundit ishin në opozitë, të ushtrojnë të drejtën e tyre për votim.
“Ka deputetë që vijnë në Kuvend, por nuk e dinë pse vijnë. Secili deputet i LVV-së në secilën seancë konstituive, kanë qenë të pranishëm për të kontribuuar në konstituimin e Kuvendit.
Sot ishte seanca e 16 prej momentit kur është propozuar votimi për të kaluar në votim të fshehtë, dhe në asnjërën nga to nuk ka pasur as përpjekje minimale të deputetëve të opozitës që të marrin pjesë në votim”, ka deklaruar ajo.
“Nuk po themi të votojnë pro domosdo, por të votojnë kundër ose abstenim”, ka shtuar Haxhiu. Ajo tha se kjo situatë është shqetësuese.
“Janë 24 seanca me të sotmen. Kjo situatë natyrisht se është brengosëse, por sa i takon LVV-së, secilin obligim që e kemi pasur me Kushtetutë, me rregulloren e punës së Kuvendit, e kemi adresuar. Është përgjegjësi e të gjithë deputetëve të marrin pjesë në votim dhe të gjejnë mënyrat për të konstiuuar Kuvendin”, ka deklaruar deptuetja Haxhiu.
“Edhe në letrën e Osmanit thuhet se u takon të gjithëve të gjejnë mënyrë për të konstituuar kuvendin, e jo për ta bllokuar atë”. Është jashtëzakonisht e rëndësishme që opozita të braktis qëndrimet bllokuese, që të jemi në shërbim të qytetarëve dhe të jemi në përputhje me Kushtetutën.
Ne po presim edhe vendimin e Gjykatës Kushtetuese për komisionin e fshehtë, çështje e cila është dërguar nga AAK-ja”, deklaroi Haxhiu.
Gazeta Si – Nëse Dritan Gjika është një nga figurat më të dukshme të mafies shqiptare në Ekuador, për një pjesë tjetër të tyre, dihet pak ose aspak.
Kjo për shkak se janë ekzekutuar nga grupe rivale apo janë hakmarrë dhe mes njëri-tjetrit për prishje të pazareve në trafikun e drogës.
Në fakt, arrestimi i Gjikës më 26 maj 2025, në Emiratet e Bashkuara Arabe konsiderohet si një goditje e madhe për krimin e organizuar.
48-vjeçari kishte dy njoftime të kuqe të Interpolit, dhe rrjeti i tij – i atribuar klanit ballkanik “Kompania Bello” – përfshinte një ekip të lartë drejtues, profesionistë të logjistikës dhe bashkëpunëtorë të përfshirë në pastrim parash dhe dërgesa kokaine.
Remzi Azemi
Hetimet
Një nga bashkëpunëtorët kryesorë të tij, ishte kosovari Remzi Azemi. Ai u dyshua si i përfshirë për vrasjet e një shqiptari në 2017-ën dhe një shqiptari nga Mali i Zi me gjithë bashkëshorten e tij në vitin 2018.
Azemi u kap në Maqedoninë e Veriut në vitin 2023 me një njoftim të kuq të lëshuar kundër tij për vrasjen e dyfishtë të vitit 2018 në lagjen “Casas Viejas” të Guajakilit, ku mbeti i vrarë 64-vjeçari Fadil Kacanic (Kaçaniku) dhe bashkëshortja e tij ekuadoriane. Prandaj, ai duhej të ekstradohej në Ekuador për të zbatuar një masë paraburgimi ndaj tij.
Nuk dihej publikisht nëse ai kishte mbërritur në Ekuador, por në prill të vitit 2024, avokati i tij njoftoi vdekjen e 42-vjeçarit kosovar nga një atak në zemër për shkak të dështimit të frymëmarrjes, ndërsa dyshohej se ai ndodhej në shtëpinë e tij në qendër të Guajakilit.
Katër vite para ngjarjes, në vitin 2014, Azemi u identifikua si kreu i trafikut të drogës për mafien shqiptare. Hetimet çuan në arrestimin e tij dhe më pas ai u la i lirë.
Vrasja e shqiptarit nga Mali i Zi dhe gruas së tij, të cilët u qëlluan për vdekje, nuk ishin rastet e vetme të anëtarëve të mafias shqiptare dhe ballkanike të vrarë në qytetin-port Guajakili.
Në fakt, që nga viti 2017 janë raportuar të paktën gjashtë incidente të dhunshme, në të cilat, sipas hetimeve, janë të lidhur me anëtarë të këtij rrjeti droge, të cilët kanë mbërritur në Ekuador.
Pasaporta e shqiptarit Ilir Hidri, i ekzekutuar në vitin 2017
Mafiozët shqiptarë të vrarë në Guajakili dhe lidhja e tyre
Një nga shqiptarët e parë të vrarë në Guajakili ishte Ilir Hidri në vitin 2017. Vrasësit e qëlluan me armë zjarri teksa ecte përgjatë “rrugës 36” midis C dhe Ch.
Nga hetimet u konstatua se Hidri ishte pjesë e mafies shqiptare, i përfshirë në trafikun e drogës. Policia konstatoi se një tjetër anëtar i të njëjtit rrjet, Remzi Azemi, ishte autori i sekuestrimit të pasurisë së viktimës.
Ky rast çoi në identifikimin e një gruaje si bashkëautore, e cila tashmë është e arratisur dhe arrestimin e shqiptarëve të tjerë: Adriatik Tresa dhe Shefit Zeneti, për armëmbajtje pa leje.
Dy muaj më vonë, në korrik 2017, Azemi ishte objektiv e një sulmi ku mbeti i plagosur, teksa po ngiste një makinë të blinduar luksoze në qendër të Guajakilit.
Adriatik Tresa u identifikua si një nga organizatorët e mundshëm të sulmit, për hakmarrje për vrasjen e partnerit të tij Hidri.
Në mars 2018, shqiptaro-malazezi Fadil Kacanic dhe partnerja e tij ekuadoriane, Elsa Gallegos Chacón, u vranë.
Ata u morën nga shtëpia e tyre në Ceibos në një operacion të rremë policor dhe u dërguan në një rrugë të vogël në bregdet, ku u lidhën sytë dhe u ekzekutuan.
Policia ekuadoriane gjen trupat e pajetë të hqiptaro-malazezit Fadil Kacanic gruas së tij
Sipas policisë, kriminelët udhëtonin me tre automjete. Kacanic kishte lidhje familjare me Remzi Azemi, që sipas mediave ekuadoriane, të cilat i referohen hetimeve, ishte daja i kosovarit.
Fadil Kacanic ishte dënuar me 12 vjet burg në vitin 2010 për trafik droge. Në vitin 2015 iu reduktua dënimi dhe më pas u pranua në një program rehabilitimi social dhe u lirua.
Në vitin 2020, në një tjetër operacion të rremë policor, shqiptari Adriatik Tresa u vra në dhomën e ndenjes së shtëpisë së tij në një zonë rezidenciale në Samborondón.
Vrasësit përdorën pushkë dhe krimi, sipas policisë, ishte si hakmarrje për trafikun e drogës. Gjashtë persona u arrestuan, mes tyre edhe familjarë të shqiptarit.
Po atë vit, në Samborondón u vra edhe 56-vjeçari serb Sasa Spasic. Ai ishte në një qendër tregtare kur u qëllua. Policia gjeti para dhe dokumente për lidhje eksporti në shtëpinë e tij.
Ergys Dashi, i ekzekutuar në një restorant në Gujakili në 22 janar 2022
Ergys Dashinga Durrësi, 34 vjeç mbeti i vrarë në Ekuador mbrëmjen e 22 janarit, i cili u ekzekutua brenda një restoranti në Guajakil, ku ekzekutori hyri brenda restorantit me një buqetë me lule. Ai pretendoi se kishte për të dorëzuar porosinë.
Dyshohet se vrasja e tij ka lidhje me trafikun e kokainës, ku besohet që Dashi të ketë pasur rolin e kujdestarit për ngarkesat e drogës nga Ekuadori në Europë.
Një vit më pas, në 2023-in, 53-vjeçari shqiptar Arjanit Rizaj u ekzekutua pasditen e 9 nëntorit, teksa qëndronte pranë një spitali në Guajakili. Ai po qëndronte brenda një makine në parkingun e spitalit, kur dy persona me motor i janë afruar dhe kanë qëlluar me pistoletë.
Arjanit Rizaj, i ekzekutuar në Guajakili në vitin 2023
Autorët sipas dëshmitarëve okularë të cituar në disa media në Ekuador, janë larguar me shpejtësi, po me motor. Ndërsa policia thekson se ai u ekzektua me një armë të kalibrit 9 milimetër.
Disa metra larg makinës ndodhej bashkëshortja e 53-vjeçarit, që sipas raportimit të mediave të huaja kishte shkuar të vizitonte babanë e saj në ambientet e spitalit.
Gruaja e 53-vjeçarit shqiptar nuk ka dhënë asnjë indicie për motivet e ngjarjes, megjithëse mediat në Ekuador theksojnë se ngjarja ka ndodhur në të njëjtën ditë me arrestimin e Dritan Rexhepit në Turqi para ekstradimit në Shqipëri.
Kështu, krimet ekspozuan lidhjet e viktimave me mafien shqiptare. Gjatë hetimeve, Prokuroria nxori informacione nga telefonat e tyre, duke zbuluar biseda që kishin të bënin me grumbullimin e parave, transportin e drogës etj.
Rrethet shoqërore dhe zbarkimi në Ekuador
Prania e anëtarëve të mafies shqiptare në Ekuador u zbulua nga vrasjet e ndodhura që nga viti 2017. Megjithatë, policia kishte vënë në shënjestër trafikantët e drogës shumë kohë më parë.
Një oficer policie në Ekuador, i cili nuk donte të identifikohej, tha se shqiptarët kishin bërë udhëtime të herë pas hershme në vend që nga viti 2004.
Ardhja e tyre ishte për të konfirmuar blerjen dhe sekuestrimin e drogës. Më pas ata udhëtuan për në Kolumbi. Deri në vitin 2009, ata filluan të vendosen në Ekuador. Një shembull është Dritan Gjika.
Sipas ekspertit, shqiptarët e shihnin lehtësinë e emigrimit në Ekuador, falë, klimës dhe mungesës së mbikëqyrjes nga bankat dhe subjektet e tjera si një mënyrë për të filluar biznes.
Dritan Gjika, i arrestuar në Abu Dhabi në 26 maj 2025, për llogari të drejtësisë ekuadoriane
Kështu, ata kanë mundur të ndërtojnë fasadën e biznesit të tyre. Gjika themeloi një duzinë kompanish që lidhen me ndërtimin, eksportet, bujqësinë dhe industri të tjera.
Oficeri tregoi se, nën maskën e biznesmenëve, shqiptarët filluan të shoqëroheshin me biznesmenë, ushtarakë, politikanë, oficerë policie, prokurorë, gjyqtarë dhe njerëz të tjerë me ndikim në Ekuador. Në sferën romantike, ata kërkuan kandidate të bukura si Miss-et vendase, si partnere apo bashkëshorte të tyre.
Ata u bënë edhe dashamirës të disa institucioneve. Sponsorizuan turne volejbolli dhe futbolli dhe ngjarje lokale, duke u bërë pjesë e komunitetit si “sipërmarrës bananesh”.
Tani që kishin njëfarë fuqie blerëse, sipas zyrtarit, shqiptarët investuan në fermat e karkalecave dhe biznese të tjera. Për të fshehur identitetin e tyre të vërtetë, ata filluan të përdornin zëdhënës.
Për Dritan Gjikën, i cili mund të ekstradohet në Ekuador, ka njerëz më të fuqishëm, paralajmëroi oficeri. Gjika besohet të jetë vetëm një pjesë e mafies shqiptare në rajon.
Dritan Rexhepi, i ekstraduar nga Turqia në Shqipëri në janar të vitit 2025
Eksperti
Eksperti i sigurisë, Kléber Carrión pohoi se mafia shqiptare është në një nivel tjetër. Ai tha se kanë më shumë parà dhe kanë qenë në tregun ilegal për një kohë të gjatë.
Carrión shpjegoi se fuqia e parasë i ka lejuar shqiptarët të kalojnë nga shtresa e mesme e ulët në nivelet e larta.
Kjo u ka mundësuar atyre të kenë kontakte edhe në qarqet politike. Gjika ishte i lidhur me Ruben Cherres -i vrarë në Santa Elena në 2023-në një hetim kundër Danilo C., kunati i ish-presidentit Gulliermo Lasso.
Për specialistin, mafia shqiptare nuk kopjon praktikat kriminale të grupeve kriminale në Amerikën Latine, por përvetëson mizorinë e mafies aziatike dhe asaj evropiane.
Foto e provave materiale të gjetura nga policia në shtëpinë e një prej shqiptarëve të vrarë në Guajakili
Lidhjet e dyshuara me policinë në Ekuador
Telefonat e shqiptarit Ilir Hidri – i vrarë në 2017 – dhe shqiptaro-malazezit Fadil Kacanic – i vrarë me gruan e tij në vitin 2018 – ekspozuan lidhjet e tyre me mafien shqiptare.
Por ka pasur edhe komunikime të dyshuara me pjesëtarë të Policisë Kombëtare të Ekuadorit, nga të cilët kanë kërkuar informacion për një agjent të caktuar.
Mafia shqiptare – në ato vite – kërkonte kontakte në Njësinë e Porteve dhe Aeroporteve (UIPA), në Njësinë Kundër Narkotikëve.
Imazhet që ata kishin në pajisjet e tyre përfshinin fotografi të kartëmonedhave, armë zjarri, thasë me drogë, imazhe brenda porteve dhe foto të pasaportave që u përkisnin të huajve nga Europa Lindore.
Një studim i fundit i publikuar në revistën shkencore Earth’s Future ka zbuluar se ndërtesat gjigante të New York-ut, me një peshë totale prej rreth 760 milionë tonësh, po ushtrojnë presion të vazhdueshëm mbi tokën ku qëndron qyteti – duke e zhytur atë ngadalë, deri në 2 milimetra në vit.
Sipas studiuesit kryesor Tom Parsons nga Shërbimi Gjeologjik i SHBA-së (USGS), disa zona me tokë më të butë si Lower Manhattan, Brooklyn dhe Queens po bien edhe më shpejt.
Në pamje të parë kjo mund të duket e papërfillshme – vetëm 2 cm për dekadë – por në një qytet që përballet tashmë me rritjen e nivelit të detit dhe përmbytje të shpeshta, çdo milimetër ka rëndësi.
Ekspertët thonë se procesi është i ngadaltë dhe i parashikueshëm, duke u dhënë inxhinierëve kohë për të ndërmarrë masa mbrojtëse. Por nëse ky ritëm përshpejtohet për shkak të ndryshimeve klimatike, rreziku për qytetin mund të bëhet real në dekadat që vijnë.
Login
