Gjatë vitit 2025, Shqipëria pritet të shpenzojë 37.2 miliardë lekë ose afërsisht 372 milionë euro për sektorin e mbrojtjes, një shifër kjo e barabartë me 1.42% të Prodhimit të Brendshëm Bruto, i cili vlerësohet se do të jetë 26.2 miliardë euro. Shqipëria është për rrjedhojë një nga të paktat anëtare të NATO-s e cila nuk […]
The post Çfarë do të thotë 5% e PBB-së për mbrojtjen? appeared first on Reporter.al.
Kompetencat e pushtetit vendor për shërbimet dhe investimet publike janë mjaft të rëndësishme për cilësinë e jetës së qytetarëve. Por si kanë shpenzuar bashkitë për investime të cilat përmirësojnë jetën e tyre dhe kush ka përfituar më shumë? Referuar raportit të financave vendore 2024, sa i takon shpenzimeve për investime për banor, në vendin e […]
The post Sa investuan bashkitë për banor? Buxheti nis me 10 euro për frymë appeared first on BoldNews.al.
Me taksat e paguara në kohë, shqiptarët e kanë mbushur më shumë buxhetin e shtetit në 5 muajt e parë të vitit. 305.9 miliardë lekë janë arkëtuar deri në muajin maj. Një rritje me një nivel 6.5% sipas të dhënave të Ministrisë së Financave më shumë se e njëjta periudhë e një viti. Nga të […]
The post Sufiçiti arrin në 412 mln euro/ Shqiptarët mbushin buxhetin e shtetit, por investimet në vendnumëro appeared first on BoldNews.al.
TIRANË, 13 qershor /ATSH/ Puka mbetet një ofertë turistike e veçantë, mjaft e përshtatshme për shëtitje, ski, alpinizëm, gjueti sportive (të peshkut) dhe për shumë veprimtari të tjera çlodhëse dhe argëtuese.
Qyteti i Pukës vitet e fundit është shndërruar në një prej atraksioneve më të veçanta turistike të veriut, duke u renditur në mesin e destinacioneve me turizëm gjithëvjetor.
Kryeministri Edi Rama, ndau sot pamje të Pukës së transformuar, përmes një videoje të postuar në rrjetet sociale, pjesë e rubrikës “Shqipëria e bukur”.
Në këtë video shfaqen imazhet e liqenit në qendër të qytetit, krahas shëtitores me vende pushimi dhe bredha të lartë, ndërsa grupe të ndryshme artistike popullore performojnë vallet tradicionale shqiptare.
Investimet publike në Pukë e kanë shndërruar këtë qytet në një qendër urbane moderne, me standarde dhe vlera të një atraksioni të veçantë turistik për resurset dhe pozicionin gjeografik ku gjendet.
Përveç shëtitores edhe liqeni është kthyer në një destinacion turistik dhe ofron për të gjithë vizitorët një peizazh të harmonishëm alpin.
Puka është një qytet alpin në veri të Shqipërisë, 145 km nga Tirana. Ajo mbetet e preferuara e adhuruesve të malit, ajrit të pastër, qetësisë dhe frymëzimit nga natyra, për të përballuar më tej ditët e lodhshme të punës dhe zhurmat e qyteteve të mëdha. Puka njihet për masivin e madh pyjor të pishave, me një sipërfaqe prej 400 hektarësh.
Puka shërben edhe si bazë për ushtrimin e alpinizimit, në malin e Munellës, Bjeshkët e Tërbunit dhe mali i Krrabit.
/e.i/j.p/
The post “Shqipëria e bukur”, Rama ndan pamje nga Puka appeared first on Agjencia Telegrafike Shqiptare.
Investimet shqiptare jashtë vendit pësuan një frenim në tremujorin e parë të këtij viti.
Sipas të dhënave nga Banka e Shqipërisë, vlera e investimeve të kompanive shqiptare jashtë vendit zbriti në 67 milionë euro, 7% më pak krahasuar me të njëjtën periudhë të një viti më parë.
Pavarësisht rënies krahasuar me shifrën e vitit të kaluar, që kishte shënuar njëkohësisht një rekord historik për investimet shqiptare jashtë vendit për këtë periudhë të vitit, tremujori i parë i këtij viti shënon gjithsesi vlerën e dytë më të lartë të regjistruar ndonjëherë.
Në pjesën më të madhe, investimet shqiptare janë kanalizuar në kontribute direkte në kapitalin e shoqërive të kontrolluara jashtë vendit. Këto injektime kapitali përbënin afërsisht 75% të fluksit të ri të investimeve shqiptare jashtë vendit.
Pjesa tjetër konsiston kryesisht në fitime të riinvestuara të kompanive të zotëruara jashtë vendit.
Në vitet e fundit, investimet e huaja direkte në Shqipëri këtë vit po shënojnë vlera rekord, por, nga ana tjetër, një tendencë të ngjashme në rritje po shfaqin edhe investimet shqiptare jashtë vendit.
Sidoqoftë, bilanci neto i investimeve të huaja direkte për 3-mujorin I 2025 ishte negativ, për një vlerë të përgjithshme prej 295 milionë eurosh, në rritje me 4% krahasuar me të njëjtën periudhë të vitit të kaluar.
Bilanci negativ në llogarinë e investimeve të huaja nënkupton se investimet e huaja direkte hyrëse në Shqipëri ngelen shumë më të larta krahasuar me investimet shqiptare jashtë vendit.
Megjithatë, në vitet e fundit, disa prej grupeve më të mëdha të biznesit në Shqipëri po kryejnë investime të konsiderueshme në tregje të huaja. Nëse deri para pak vitesh investimet shkonin kryesisht në tregjet fqinje, tashmë ka grupe shqiptare që po investojnë shuma të konsiderueshme edhe në tregjet e Europës Perëndimore dhe SHBA.
Grupi Balfin prej vitesh po investon në sektorin e ndërtimit dhe pasurive të paluajtshme në Austri. Sipas të dhënave të vetë grupit, deri në maj të këtij viti portofoli i investimeve në Austri llogaritej në rreth 100 milionë euro, ndërsa synon të rrisë më tej portofolin e investimeve në tregun austriak deri në 200 milionë euro, kryesisht në sektorin e pasurive të paluajtshme. Prej vitit 2022 grupi Balfin ka nisur aktivitet edhe në Zvicër, ndërsa është e pranishme tashmë edhe në tregun amerikan, me fokus kryesor gjithmonë zhvillimin ose blerjen e pasurive të paluajtshme në SHBA dhe Kanada, në modelin që ka ndjekur edhe në Shqipëri, Kosovë dhe Maqedoninë e Veriut.
Edhe grupi Kastrati ka shtrirë investimet në tregun amerikan, me blerjen e DUA Hotel Miami.
Të dhënat statistikore për investimet e sipërmarrjeve shqiptare jashtë vendit nuk detajohen për shpërndarjen e tyre gjeografike apo sektoriale. Për këtë arsye, ende nuk ekziston një “hartë” e mirëfilltë e investimeve shqiptare jashtë, apo në cilat prej vendeve apo sektorëve po përqendrohet rritja në vitet e fundit.
Megjithatë, është fakt se disa prej grupeve më të rëndësishme shqiptare të biznesit prej vitesh janë të vendosura edhe në tregjet fqinje, kryesisht në Kosovë, Maqedoninë e Veriut. / MONITOR
The post Investimet shqiptare jashtë vendit pësuan frenim në tremujorin e parë të vitit appeared first on Lapsi.al.
Pavarësisht faktit se tre muajt e parë të 2025 vendi ishte i përfshirë në fushatë për zgjedhjet e përgjithshme dhe pushteti lokal u vu në lëvizje për të qenë më pranë qytetarëve, sërish realizimi i investimeve publike nga bashkitë vijoi të jetë shumë i dobët. Të dhënat zyrtare nga Ministria e Financave tregojnë se në […]
The post Investimet “lule mos me prek”! Bashkitë realizojnë vetëm 5% të programit vjetor në 3 muaj appeared first on BoldNews.al.
Banka e Shqipërisë thotë se vendi ynë duhet të zhvillohet përmes teknologjisë dhe politikave industriale. Për të mbështetur këtë tranzicion, do të jetë BERZH, ajo që do të financojë 900 mln euro për 5 vitet në vazhdim.
Reformat e 20 viteve të fundit kanë krijuar një ekonomi konkurruese në Shqipëri, por ato nuk janë të mjaftueshme për zhvillimin e mëtejshëm ekonomik. Në realitetin e ri global, për Guvernatorin Gent Sejko, vendi duhet të shkojë drejt ringritjes së politikave indistriale dhe tregut të teknologjisë.
“Këto “shërbime të inovacionit global”, si teknologjia e informacionit, dizajni, logjistika dhe analiza e të dhënave, janë në zemër të rritjes së produktivitetit dhe vlerës së shtuar, por për t’i zhvilluar, nevojiten themele të forta: investime në arsim, fuqi punëtore e kualifikuar, infrastrukturë digjitale moderne dhe kapacitete të larta institucionale.
Disa ekonomi të Evropës Qendrore dhe Lindore tashmë janë bërë eksportuese lider në fushën e shërbimeve kompjuterike. Edhe Shqipëria ka potencialin ta ndjekë këtë rrugë”, tha Sejko.
Ndërkohë, BERZH do të financojë 900 mln euro deri në vitin 2030, për të mbështetur zhvillimin e vendit.
“Kjo synon të mbështesë progresin e Shqipërisë drejt anëtarësimit në Bashkimin Evropian. Prioritetet e strategjisë sonë për vendin janë tërësisht të harmonizuara me strategjinë globale të BERZH që përmenda më lart, ndërkohë që janë përshtatur me prioritetet dhe nevojat të Shqipërisë. Prioriteti i parë është përshpejtimi i kalimit drejt ekonomisë së gjelbër, do të vazhdojmë të mbështesim Shqipërinë në përpjekjet e saj për të diversifikuar burimet e energjisë së rinovueshme”, bëri me dije drejtoresha e Berzhit në Shqipëri, Ekaterina Solovova.
Në prezantimin e raportit të tranzicionit për vendin tonë, u detajuan edhe programet e financimit që do të përmirësojnë zgjerimin e rrjeteve të transportit dhe shpërndarjes së energjisë.
LEXONI GJITHASHTU:
The post Shqipëria drejt zhvillimit të teknologjisë e industrisë, BERZH do financojë 900 mln€ appeared first on Euronews Albania.
Investimet e huaja direkte (FDI) në Evropë ranë në nivelin më të ulët në nëntë vitet e fundit gjatë vitit 2024, me Francën, Gjermaninë dhe Britania e Madhe që përjetuan rënie dyshifrore.
Ndërkohë që bota shënoi një rritje modeste të investimeve të huaja direkte gjatë vitit 2024, Evropa u shfaq si një destinacion më pak i preferuar për kapitalin.
Numri i projekteve në rajon ra në nivelin më të ulët në nëntë vjet, sipas Anketës së Attraktivitetit Evropian 2025 nga EY, e cila përfshiu përgjigjet e 500 drejtuesve të bizneseve ndërkombëtare midis janarit dhe marsit 2025, raporton euronews.
Më shumë se një e treta prej tyre, 37 për qind, deklaruan se kishin shtyrë, anuluar ose kufizuar planet e investimeve në Evropë gjatë vitit 2024, për shkak të rritjes së dobët ekonomike, çmimeve të larta të energjisë dhe tensioneve gjeopolitike, transmeton Telegrafi.
“Bizneset në mbarë botën njoftuan 5,383 projekte të reja (greenfield) dhe projekte zgjerimi në 45 vende evropiane, krahasuar me 5694 në vitin 2023 – një rënie vjetore prej 5 për qind”, thuhet në raport.
Për krahasim, projektet FDI në Evropë ranë me 4 për qind nga viti 2022 në 2023, dhe u rritën me 1 për qind nga 2021 në 2022. Aktualisht, numri i projekteve të investimeve të huaja direkte është 19 për qind më i ulët krahasuar me kulmin e arritur në vitin 2017.
Megjithëse Evropa në tërësi nuk ishte destinacioni kryesor për projekte të reja gjatë vitit 2024, Luksemburgu u veçua si vendi më i mirë ndër anëtarët e OECD-së, me vlerën më të lartë të investimeve të huaja direkte. Këto arritën në 133 miliardë dollarë (117 miliardë euro) në vitin 2024, sipas të dhënave të OECD-së. Shtetet e Bashkuara u renditën të dytat me 66 miliardë dollarë (58 miliardë euro), të ndjekura nga Kanadaja me 42 miliardë dollarë (37 miliardë euro).
Ku kanë rënë më së shumti në Evropë?
Anketa e EY zbuloi se Franca, Mbretëria e Bashkuar dhe Gjermania mbeten tre destinacionet kryesore për investimet e huaja direkte (FDI) në Evropë, duke përfaqësuar së bashku rreth gjysmën e të gjitha projekteve FDI në rajon. Megjithatë, të tre këto vende përjetuan rënie dyshifrore gjatë vitit të kaluar.
Numri i projekteve të reja në Francë ra me 14 për qind, kryesisht për shkak të pasigurisë politike dhe kostove të larta të punës në vitin 2024. Kjo ndodhi pavarësisht faktit që Franca vazhdon të jetë destinacioni kryesor për investimet FDI, sipas raportit. Ajo po shfaqet gjithashtu si një qendër kryesore për investimet në inteligjencën artificiale dhe mbetet një vend strategjik për kompanitë ndërkombëtare të energjisë dhe agropërpunimit.
Edhe pse Londra mbetet qyteti më tërheqës në Evropë për investime, Mbretëria e Bashkuar shënoi një rënie prej 13 për qind të FDI-së vitin e kaluar. Kjo lidhet pjesërisht me produktivitetin e ulët, financat publike sfiduese dhe çmimet relativisht të larta të energjisë, sipas EY.
Në Mbretërinë e Bashkuar, raporti shton se klima e investimeve po zhvendoset drejt projekteve më të pakta, por me cilësi më të lartë, të udhëhequra nga një rritje e fortë e skemave të investimeve në kërkim dhe zhvillim (R&D), me një rritje prej 32 për qind.
Ndërkohë, FDI në Gjermani ra me 17 për qind në vitin 2024, duke vazhduar rënien e qëndrueshme që nga pandemia. Investimet në Gjermani gjatë vitit 2024 u përqendruan kryesisht në zgjerimin e projekteve ekzistuese, dhe jo në të ashtuquajturat projekte të reja (greenfield).
Rritje e investimeve në Evropën Qendrore, Lindore dhe Jugore
Sipas raportit, investimet u rritën në të gjithë Evropën Qendrore, Lindore dhe Jugore.
Spanja u veçua me një rritje prej 15 për qind të projekteve në vitin 2024 krahasuar me vitin e mëparshëm, e nxitur nga një performancë e fortë ekonomike, kosto relativisht të ulëta të energjisë dhe punës, një furnizim i bollshëm me tokë dhe mbështetja e fondeve të BE-së.
Kjo e bëri vendin destinacionin e katërt më të madh për FDI në Evropë.
Sa i përket projekteve të reja, performues të tjerë të fuqishëm ishin Danimarka (+86 për qind), Austria (+31 për qind), Zvicra (+25 për qind), Polonia (+13 për qind), Finlanda (+13 për qind) dhe Italia (+5 për qind), sipas EY.
Rritja e ndjeshme në Danimarkë erdhi nga trefishimi i numrit të projekteve në shërbime biznesi, shitje dhe marketing.
Polonia gjithashtu forcoi pozicionin e saj si një qendër industriale dhe logjistike, duke përfituar nga vendndodhja qendrore, konkurrueshmëria në kosto dhe baza e gjerë e punonjësve të kualifikuar.
Cilat sektorë u prekën më shumë?
Ndër projektet e FDI në Evropë, investimet në prodhim ranë me 9 për qind, duke shënuar nivelin më të ulët të projekteve të reja prodhimi që nga viti 2020.
Projektet e reja të tipit “greenfield”, që ndërtohen nga e para, ranë me 20 për qind. Objektet e reja zakonisht krijojnë dyfish më shumë vende pune sesa zgjerimet e ndërtesave ekzistuese.
Edhe investimet në ambiente zyrash ranë, pasi kalimi drejt punës në distancë uli kërkesën për hapësira të reja zyrash. Sektori i softuerit dhe shërbimeve IT — historikisht sektori më i madh për FDI — pësoi një rënie prej 17 për qind, pjesërisht për shkak të kufizimeve në buxhetet për shërbimet e jashtme (outsourcing).
Në total, krijimi i vendeve të punës të lidhura me FDI ra me 16 për qind në vitin 2024, sipas EY.
Ndërsa shumica e kategorive të FDI pësuan rënie në 2024, investimet në kërkim dhe zhvillim (R&D) u rritën, ndonëse nga një nivel relativisht i ulët. Kjo tregon se investitorët ende e shohin Evropën si një vend tërheqës për kërkime të avancuara në të gjitha sektorët.
Çfarë pritshmërish kanë drejtuesit e biznesit për vitet e ardhshme?
Një rikuperim i menjëhershëm i investimeve të huaja direkte (FDI) në Evropë është i paqartë.
Sipas OECD-së, perspektiva globale për vitin 2025 mbetet e pasigurt, pasi pritet një rritje modeste e Prodhimit të Brendshëm Bruto (GDP) në dy vitet e ardhshme, e kufizuar nga barrierat në rritje tregtare dhe ndryshimet në politika.
Pasiguritë po ndikojnë edhe në perspektivat afatgjata të Evropës. Kërcënimi i vazhdueshëm i tarifave të larta të importit në SHBA shton shqetësimet për konkurrueshmërinë e Evropës, duke ushqyer hezitimin e investitorëve.
Megjithatë, shumica e drejtuesve ndërkombëtarë të biznesit që u anketuan besojnë se Evropa mund të tërheqë investime në sektorë kyç. Këta përfshijnë energjitë e rinovueshme, gjysmëpërçuesit, farmacinë, inteligjencën artificiale dhe automjetet elektrike (EV).
“Ndërsa investimet në përgjithësi kanë rënë, ka një mundësi të rëndësishme për Evropën që të forcojë investimet në sektorë në zhvillim si energjitë e rinovueshme, inteligjenca artificiale dhe automjetet elektrike, të cilët shfaqin potencial të madh,” tha Julie Linn Teigland, nënkryetare globale e EY, përgjegjëse për aleancat dhe ekosistemet në rajonin EMEIA. “Është thelbësore që të përshtatemi dhe të inovojmë shpejt për të siguruar një të ardhme të begatë për Evropën,” shtoi ajo.
Vetëm 59 për qind e bizneseve kanë ndërmend të investojnë në Evropë brenda 12 muajve të ardhshëm, nga 72 për qind që ishin vitin e kaluar. Pak më shumë, 61 për qind, mendojnë se atraktiviteti i Evropës do të rritet gjatë tre viteve të ardhshme.
Shpenzimet në mbrojtje
Me gjithë klimën e zymtë të investimeve në Evropë, perspektivat e rajonit mbështeten nga tregues ekonomikë pozitivë. Normat e interesit po bien, dhe rritja e pagave po tejkalon inflacionin.
Besimi në ekonominë evropiane mbështetet edhe nga planet e Gjermanisë për të shpenzuar 1 trilion euro në infrastrukturë dhe mbrojtje në vitet e ardhshme, të cilat pritet të jenë një shtytës i FDI-së.
Ndërsa SHBA-ja po bëhet një partner ushtarak më pak i besueshëm, Evropa duhet të bëhet më e pavarur, duke rritur shpenzimet në mbrojtje dhe duke forcuar prodhimin vendas.
Të dhënat e FDI-së për 2024 treguan se investimet evropiane në mbrojtje po marrin hov. Aktorët kryesorë përfshijnë gjigantin francez të aeronautikës dhe mbrojtjes Thales, i cili hapi një linjë të re montimi në Belgjikë, dhe grupin gjerman të mbrojtjes Rheinmetall, që po përgatit një fabrikë të re për prodhimin e artilerisë në Lituani. /Telegrafi/
The post Investimet në Evropë në pikën më të ulët në nëntë vite – a ka shenja rimëkëmbjeje? appeared first on Telegrafi.
TIRANË, 6 maj/ATSH/ Kryeministri Edi Rama, njëkohësisht edhe kryetari i Partisë Socialiste tha sot se janë 300 milionë euro në vit kompensime të tjera që jepen për pensionistët dhe që ndahen sipas tij në 80 milionë euro për kompensime mujore të tjera, 161 milionë për bonuse dhe 57 milionë për rimbursimin e barnave.
Nga takimi “Një pasqyrë e Rilindjes së qarkut të Elbasanit”, Rama tha nga Librazhdi ku edhe prezantoi arritjet kyçe për sektorët më të rëndësishëm dhe sfidat e Shqipërisë 2030 në BE se brenda mandatit të katërt qeverisës nuk do të ketë asnjë pension nën 200 euro në Shqipëri.
“Pensionin mesatar me vite të plota pune, e kemi 300 euro, por problem kryesor është numri i madh i pensionistëve me pension shumë të ulët dhe objektivi ynë është që brenda mandatit të katërt të mos ketë më asnjë pension nën 200 euro”, tha Rama.
Kryeministri u ndal gjatë fjalës së tij edhe te tregu i punës në vend duke ndarë edhe shifrat zyrtare të papunësisë. Sipas Ramës, papunësia ka qenë 17.5%, sot për herë të parë papunësia në Shqipëri është nën 10% dhe është një numër një shifror 8.8%.
“Dhe shumë njerëz thonë del e ulët se kanë ikur njerëzit. Përqindja e papunësisë matet me tregun e punës, jo me pensionistët dhe fëmijët. Sa forca pune janë në dispozicion, sa prej tyre janë në punë”, shtoi Rama.
“Kjo vlen për të gjithë që duke përqeshur thonë ku i keni 300 mijë vende pune. Kur ne morëm detyrën ishin 1 milion e 23 mijë të punësuar, këta janë 1 milion e 23 mijë emra dhe mbiemra, të punësuar në regjistrat e shtetit që paguajnë detyrime shëndetësore dhe shoqërore. Sot, këta janë 1 milion e 327 mijë, sipas aritmetikës që kam mësuar unë në Liceun Artistik janë më shumë se 300 mijë”, pohoi Rama, ndërsa shtoi se “aritmetika është në hall të madh se ne menduam se e pamë hatanë më të madhe kur thoshte Luli 7×7 baras 42, po tani doli 7×7 baras 6 milionë. Llogaria këtu është 300 e 4 mijë vende pune plus”, theksoi Rama.
“Të punësuarit me pagë nën 40 mijë lekë kanë qenë 60%, kjo shifër ka rënë në 14.4%. Pagat sot janë jo të mjaftueshme, por janë shumë më të larta seç ishin. Pagën minimale sot e kemi 400 euro, në janar të 2026 do të bëhet 500 euro dhe brenda mandatit të katërt do të jetë 650 euro minimalja”, vijoi ai.
Rritja e pagave, sipas tij, në tërësi llogaritet 848 euro që është paga mesatare e bashkuar sektori publik me sektorin privat.
“Paga mesatare në sektorin publik është 1000 euro, ndërkohë që ka qenë 370 euro”, tha Rama. /j.p/
The post Rama: 300 milionë euro në vit, kompensime për pensionistët appeared first on Agjencia Telegrafike Shqiptare.
TIRANË, 6 maj/ATSH/ Kryeministri Edi Rama tha sot se Shkodra flet vetë për atë se çfarë është bërë në këtë qytet, nga investimet në hyrje të Shkodrës te rrugët brenda në qytet, ndërsa renditi edhe investimet e tjera në infrastrukturë që janë bërë në veri të Shqipërisë.
Në përgjigjet e drejtpërdrejta me qytetarët, në rubrikën “Sy m’sy” në platformat sociale, Rama iu përgjigj komentit të një qytetareje që i kërkon të dijë se çfarë është bërë për Shkodrën.
“Unë them që Shkodra flet vetë, se çfarë kam bërë unë me Benet Becin dhe qeverinë. Boll të fillosh nga hyrja e Shkodrës dhe nuk ka nevojë fare as të pyesësh njeri, as të marrësh përkthyes, as të kërkosh guidë, thjesht lërja syve të shohin dhe të të thonë. Që nga hyrja e Shkodrës, e vazhdo nëpër Shkodër, ishte një qytet i zhytur në plehra dhe në zymti, do ta shohësh se çfarë është bërë apo e bëri koha”, tha Rama.
Një tjetër komentues shkruan në platformat sociale se sipas tij veriut i është vënë trau, Lezha është e mbytur nga trafiku, teksa kërkohen vota për të diskriminuar veriun.
Kryeministri i renditi qytetarit disa nga investimet në infrastrukturë të përqendruara në veri të vendit si rruga Shëngjin-Velipojë, një aks që është premtuar dhe pritur prej shumë vitesh, Thumanë-Kashar, Milot-Balldren që sipas Ramës fillon së shpejti me shpalljen e fituesit, pasi është një kontratë në proces.
“Po rruga që shkon deri në Vermosh është në veri apo në jug, po rruga e Thethit, po rruga e Arbrit, megjithëse Dibra është bërë Tiranë tani, po rruga e Lurës, po rruga e Komanit, po rruga e Dukagjinit dhe të gjitha këto janë akse strategjike për turizmin për të cilat është folur dhe s’është bërë kurrë asgjë të gjitha këto janë ose të bëra ose kantiere”, pohoi Rama, ndërsa shtoi se trafiku në Lezhë gjatë sezonit veror është një fenomen që ndodh edhe në vende të tjera ku ka turizëm të zhvilluar dhe masiv. Por, nënvizoi Kryeministri në Lezhë është i nevojshëm të bëhet bajpasi i Shëngjinit dhe projekti është gati dhe do të bëhet.
“Do të kemi një çlirim, por me gjithë këtë dyndje turizmi kështu ndodh edhe në vende të tjera me turizëm të zhvilluar dhe masiv”, tha ai.
Një tjetër komentues i thotë Kryeministrit që ka frikë zgjedhjet, ndaj bën cirk çdo ditë.
“I kam frikë se i kam fituar nëntë zgjedhje dhe kam humbur vetëm një me një marzh shumë të ngushtë. Ajo më ka trembur shumë”, vijoi Rama.
Qytetari i radhës në komentet e tij shkruan në platformat sociale se Rama kërkon t’i mbushë mendjen çyrykëve që pa të nuk ka Evropë dhe se as ai vetë nuk i beson ato që thotë.
“Unë besoj çdo gjë që të them ty, sepse po të mos besoja nuk do rrija një minutë këtu. Se nuk është se nuk bëj dhe punë të tjera dhe i besoj aq fort dhe për këtë arsye përballoj edhe këto lloj ngarkesash jo të vogla që të ulem të flas si njeri me njerëz që lëshohen këtu, por jeni pjesë e kësaj familjeje e këtij komuniteti shqiptar. Dhe juve duhet t’ju jap kohën të komunikoj, të përpiqem t’ju hap sytë për gjërat që i shihni me sytë e bufit të kënetës pastaj ju vendosni vetë. Pastaj, që unë i besoj me mish e me shpirt se ndryshe nuk do e gjeja dot fuqinë për t’u marrë me gjithë këto lloj llafesh dhe llumi”, pohoi Rama. /j.p/
The post Rama: Dibra është bërë Tiranë, investimet në veri flasin vetë appeared first on Agjencia Telegrafike Shqiptare.
TIRANË, 3 maj /ATSH/ Kryeministri Edi Rama, njëkohësisht edhe Kryetari i Partisë Socialiste tha sot nga Gjirokastra gjatë takimit elektoral se familja evropiane kërkon të bëjë pjesë të sajën Shqipërinë sepse është bërë shtet.
Në takimin elektoral ku Rama prezantoi arritjet kyçe për sektorët më të rëndësishëm dhe sfidat e Shqipërisë 2030 në BE, ai nënvizoi faktin se “kjo e dhënë duhet të mjaftonte për të gjithë klientët e berberhaneve që minimalisht t’i jepnin popullit të shumicës një mundësi që ta konsideronin si të arsyeshëm, kur thonë që vendi po shkon në drejtimin e duhur, apo njerëzit mbështesin PS dhe të mos ta etiketonin si të sëmurë”.
Rama u ndal te Prodhimi i Brendshëm Bruto, ndërsa tha se sa herë flitet nëpër kanalet e kënetës që këtu s’ka prodhim, s’ka fabrika që këtu s’ka asgjë, shifrat flasin vetë.
“Prodhimi i Brendshëm Bruto është ajo çka një vend krijon si vlerë në tërësinë e vet dhe ajo matet me intrumentet që në fund nxjerrin shifrën sa e ke kapacitetin financiar. Më pak se 10 miliardë ne momentin që morëm detyrën, kemi kaluar 25 miliardë, e kemi rritur si kurrë me parë me dy herë e gjysmë. Projeksioni për Shqipërinë 2030 është 35 miliardë që nuk është si këto gjërat që i lëshojnë si balonë dhe tullumbace të tjerët se herë që kanë fushatë”, tha Rama.
Kryeministri u ndal edhe te rritja e Prodhimit të Brendshëm Bruto, ndërsa cilësoi se nuk e solli koha të gjithë këtë transformim ekonomik të Shqipërisë, por kjo pasqyrë sipas tij është treguesi më i mirë se kush i shfrytëzon mundësitë e kohës, apo i neutralizon ato.
“PBB në rajon ku Serbia konsiderohet një nga rajonet me zhvillimin më të shpejtë të dekadës së fundit, është gati 40% larg nesh. Ne jemi 109.6% rritje, mesatarja e rajonit është 64.9% dhe të gjitha këto janë të ardhura që janë krijuar në Shqipëri. Është vlerë që është krijuar në Shqipëri që duke u rishpërndarë ka krijuar një situatë ekonomike më të qëndrueshme për shumicën dërrmuese”, vijoi ai.
“Dhe ja ku jemi te pjesa që ka të bëjë me të ardhurat për frymë. 3 300 euro ishte kur morëm detyrën, e mbyllëm me 10 300 euro dhe deri në 2030 do arrijmë në 15 mijë euro në Shqipërinë 2030 të ardhurat mesatare për frymë”, nënvizoi Rama.
Rama tha se “gjithë kjo rritje nuk është flluskë, si rritja e piramidave që në fund të merr dhe të hedh në humnerë, por është një rritje që mbështetet në themele shumë të forta të situatës financiare. Këtu hyn borxhi. Nëse rritesh me një borxh të lartë, vjen momenti që borxhi bëhet problemi më i madh dhe situata mund të dalë nga kontrolli dhe nuk ke më kapacitete që të paguash rroga dhe pensione. Borxhi kur ne morën detyrën ishte 70.4% sepse ne i gjetëm mbi 700 milionë euro borxh ndaj kompanive. Shqiptarët në 2013 shpëtuan vendin me votën e tyre nga një humnerë e dytë si piramidat, por jo për shkak të Sudes apo Xhaferrit që kishin bekimin e të parit të shtetit, por për shkak të një qeverisje të papërgjegjshme”.
Kryeministri shtoi se “të gjitha kompanitë që kishin kontratë me shtetin kishin ndaluar punën, në ndërtimin e rrugëve. Rrugët e famshme që ishin tendra, por jo vepra, tenderoheshin rrugë pa lekë, ose vihej një vlerë qesharake, lidhej kontrata dhe i thuhej kompanisë që investo se do t’i japim”.
“25% kreditë e këqija është momenti kur ndizet llampa e kuqe e stabilitetit të bankave, e njëjta gjë me kompanitë e shërbimeve. Nuk kishte më ilaçe në spitale, nuk kishte shkumësa në shkolla se kompanitë furnitore nuk paguheshin. 700 e ca milionë euro borxh duhet të laheshin që të futej ekonomia në punë. Kreditë e këqija i kemi ulur në 4.2% , borxhin e kemi ulur në 54% dhe tendenca ulëse do të shkojë te 50%”, pohoi Kryeministri.
Sipas Ramës, rreziku i rënies në varfëri ishte 23.7% kur qeveria socialiste mori detyrën, ndërsa në 2023 ishte 19.2%. Kryeministri tha se kjo e dhënë matet nga Eurostat dhe mesatarja e vendeve të BE-së në 2023 është në ato shifra dhe 19.2% për Shqipërinë qëndron në një pozicion shumë korrekt.
“Pabarazia në të ardhura ka qenë 7.5%, në 2023 ka qenë 4.9%. Kemi të gjitha arsyet të besojmë që në vitet në vijim do të kemi një rritje të mëtejshme të ekonomisë sonë. Për herë të parë Shqipëria ka papunësi nën 10%. shumëkush komenton SE kjo del më e vogël se kanë ikur njerëzit, por kjo është përqindja e dalë nga forcat e punës”, tha ai.
Rama u ndal edhe te komentet për 300 mijë vendet e punës të premtuara gjatë qeverisjes socialiste, ndërsa tha se në vitin 2024 ishin 1 023 000 dhe projeksioni është që të shkojë në 1 327 000 të punësuar në Shqipërinë 2030.
Kreu i ekzekutivit nënvizoi faktin se përqindja e të punësuarve me pagën nën 40 mijë lekë, ka qenë 59.9% kur PS mori detyrën, ndërsa në fund të vitit 2024 ishte 14.4% që lidhet shumë me kontratat e pjesshme. Sipas Ramës, rritja e pagave do të vazhdojë, ndërsa u ndal te paga minimale që sipas Kryeministrit ka qenë 157 euro, është aktualisht 400 euro dhe në janar të vitit të ardhshëm do shkojë në 500 euro, ndërsa në Shqipërinë 2030 do jetë minimumi 650 euro.
“Paga mesatare e atyre që punojnë në shtet e privat shohim si ka funksionuar shtytja e madhe që bëmë ne me rritjen e pagave në sektorin publik dhe që ka tërhequr me vete dhe sektorin privat. Paga ka qenë 322 euro, është sot 848 euro pagë mesatare dhe projeksioni në Shqipërinë 2030 është një mijë euro, ndërsa në sektorin publik do shkojë 1200 euro”, pohoi Rama.
Kryeministri pohoi se “taksimi i ndershëm është një tjetër tregues, i prekshëm edhe në jetën e tregtarëve të Gjirokastrës. Nëse dikur të gjithë ngarkoheshin me një taksë 10%, si një sanitare dhe paga e kryeministrit, sot nuk është më ky sistem skandaloz”.
“Oligarkët paguanin 10% taksë, me ne paguajnë 15%. Biznesi i vogël paguan zero. E bëmë sistemin që kush fiton më shumë paguan më shumë, kush fiton më pak paguan më pak. 57% e të punësuarve paguajnë zero tatim mbi pagën, 93% e të punësuarve paguajnë më pak se 10% dhe kursimi 145 milionë në vit është shuma e parave që ne i kemi lënë arkën e qytetarëve në 10 vjet”, tha Rama.
“Shikoni biznesin e vogël, zero tatim mbi vlerën e shtuar. Rezultati është që bizneset e vogla deri 100 mijë euro, ky pragu në kohën e kënetës ishte 35 mijë euro, deri 100 mijë euro nuk paguajnë as TVSH, as tatim fitimi. Gjithçka që fitojnë e çojnë në shtëpi. 66 milionë euro në vit që ne vendosëm që nuk do i marrë qeveria po njerëzit”, deklaroi Kreu i PS, Edi Rama.
The post Rama: 66 milionë euro në vit për qytetarët nga heqja e taksave për biznesin e vogël appeared first on Agjencia Telegrafike Shqiptare.
TIRANË, 2 maj /ATSH/ Kryeministri Edi Rama, njëherësh Kryetari i Partisë Socialiste, deklaroi sot nga takimi elektoral në Burrel se duhet bërë çmos që njerëzit të derdhen në votime në 11 maj, sepse sipas tij nuk mund të luhet domino me fatin e Shqipërisë ditën e zgjedhjeve.
“Duhet të bëhemi sa më shumë. Të bëni çmos deri në 11 maj që të bashkojmë sa më shumë njerëz për diçka më të madhe se kaq, është mundësia e artë. Fati na e ka sjellë në dorë ne që jetojmë në këtë moment që BE ka hapur tani derën për Shqipërinë dhe na ka dhënë dy vjet kohë që të mbyllim negociatat. Ajo derë nuk rri hapur, është një shtëpi të pasurish që nuk rri hapur sa herë troket dikush, por kur të 27 aty brenda bien dakord dhe kanë interesin e vet që ta hapin”, tha Rama.
“Dy vjet ne duhet të mbyllim 250 mijë faqe. Kur shkojmë në Bruksel ulemi me ta, diskutojmë, mund të ndodhë kjo që të kthehemi në Tiranë dhe t’i lutemi kënetës që hajde se do ta kalojmë këtë. Çfarë t’u themi atyre në Bruksel që kemi një buf kënete që papritur dhe pa kujtuar u shfaq mes njerëzve dhe nuk arrin dot të merremi vesh”, vijoi ai.
Kryeministri u ndal gjatë fjalës së tij edhe te partitë e reja, që sipas Ramës nuk janë gjë tjetër veçse formacione, që të re kanë vetëm moshën e kryetarëve.
“Janë nga e njëjta farë që polli ndjesë pastë LSI-në. Këto fara që pa dalë akoma, thonë nëse ne do e kemi në dorë ne do shkojmë në zgjedhje të parakohshme. Çfarë fati kemi ne, në dorë që t’i mbyllim të gjitha proceset deri 2027, nga një anë kemi një kënetë dhe mblidhet atje një njeri i lodhur, i rraskapitur që harron kryefjalën dhe del me një kallëzues, me gjithë liderët atje të partive popullore dhe nuk lë gjë pa thënë për vendin e vet, sikur vjen nga ndonjë diktaturë afrikane. Si mund t’i ngelet këtyre forcave sado të vogla, ndërkohë që duhet ta ketë populli në dorë që të mbyllim negociatat dhe shqiptarët të marrin pasaportat evropiane”, pohoi Rama.
Sipas tij, me marrjen e pasaportës evropiane për shqiptarët, përmbushet profecia e Gjergj Kastriotit kur vuri barrikadën dhe përcaktoi fatin e Shqipërisë, më pas rilindësit e lanë të shkruar amanetin dhe më pas kur populli doli në rrugën me shprehjen “E duam Shqipërinë si gjithë Evropa”.
“Na ka ardhur neve ne dorë që të bëjmë këtë kapërcim epokal nga milet i dorës së dytë, të bëhemi qytetarë të barabartë me të gjithë ata që jetojnë në Evropë”, cilësoi Rama, teksa u bëri thirrje mbështetësve të pranishëm në këtë takim që të bëjnë çmos që në 11 maj të derdhen të gjithë në votime.
“Insistoj të them që gratë dhe vajzat duhet të bëjnë çmos me të gjitha të tjerat, sepse kam besim se gratë e kapin këtë punë. Nuk mund të luajmë domino me fatin e Shqipërisë në 11 maj. Duhet të bëhemi sa më shumë”, vijoi Rama.
Në mbyllje të fjalës së tij, kreu i ekzekutivit u shpreh se erdhi dita kur dikur dibranët nuk e besonin, kur ai thoshte se Dibra do të jetë jastëku i gjelbër i Tiranës dhe Dibra do hapet si horizont turistik.
“Dibranët më shihnin me atë formën e vet dhe më hidhnin batuta. Sot, kjo është shumë e qartë. Kush jeton në këtë zonë, pesë vjet kohë ka që t’i bëjë hyzmet pronave që janë këtu. Momentin që hyjmë në BE të gjitha do dyfishohen e trefishohen. Do shkojë kafja kush e disa euro. Pesë vjet janë përpara për të gjithë emigrantët dhe ata që janë këtu që të bëjnë planet dhe pastaj do shikoni se si gjenerata tjetër do jetojë në një vend si të ishte Zvicra e Shqipërisë”, tha Rama. /j.p/
The post Rama: Në 11 maj nuk mund të luhet domino me fatin e Shqipërisë appeared first on Agjencia Telegrafike Shqiptare.
TIRANË, 1 maj/ATSH/ Kryeministri, njëherazi edhe kryetari i Partisë Socialiste Edi Rama tha sot se mandati i katërt për PS-në duhet pasi ka ende shumë punë për të bërë, teksa forcat e tjera politike thonë se do shkrijnë SPAK-un dhe platformën e-Albania në 12 maj.
Rama e bëri këtë deklaratë gjatë prezantimit të arritjeve kyçe për sektorët më të rëndësishëm dhe sfidat e Shqipërisë 2030 në BE në Dimal, ku të pranishëm ishin edhe kryebashkiakët e Dimalit dhe Beratit, Juliana Memaj dhe Ervin Demo.
Kryeministri iu referua deklaratave të Berishës, kur u shpreh se bufi i kënetës thotë se do të shkrijë SPAK-un dhe platformën e-Albania në 12 maj.
“Pra, drejtësia do kthehet aty ku ishte në kënetën e bufit, që kur vriteshin njerëz poshtë dritares së kryeministrit, prokurori nuk merrte dot në pyetje tre drejtorë policie dhe Kryeministri dilte dhe e bënte Prokuroren e Përgjithshme lavire. Ka ndodhur para pak vitesh kjo gjë, jo në shekullin e 15-të. Dhe do kthehen të gjitha sportelet aty ku ishin, që njerëzit të çapërlohen nëpër radha dhe emigrantët të mos marrin asnjë shërbim, siç e marrin sot pa lëvizur nga vendi deri në Australi po të presin që të vijnë këtu për të marrë shërbim”, u shpreh Rama.
Kryeministri tha se premtimet për para janë si lekët e bufit, “6 milionë dollarë nga këneta për të pastruar tatuazhin në ballë të non gratës dalin, po ato paratë e tjera për popullin, nuk dalin”. /j.p/
The post Rama: Bufi do rikthejë drejtësinë në kënetë dhe radhët në sportele appeared first on Agjencia Telegrafike Shqiptare.
TIRANE, 29 prill /ATSH/ Ministrja e Shëndetësisë dhe Mbrojtjes Sociale, Albana Koçiu ka përcjellë sot në rrjetet sociale një video me disa nga momentet e fjalimit ditën e djeshme në ambientet e Qendrës Spitalore Universitare “Nënë Tereza”, ku u nënshkrua marrëveshja me qendrën spitalore universitare të ekselencës evropiane “San Raffaele” dhe universitetit “Vita – Salute San Raffaele”, takim në të cilin ishte i pranishëm edhe kryeministri Edi Rama.
“Shqipëria që gjetëm, tek Shqipëria që po ndërtojmë. Fitorja e 11 majit na jep më shumë forcë për të ecur më shpejt në rrugën që kemi nisur. Sfida ka, rruga është e gjatë por ne kemi vizionin, energjinë dhe këmbënguljen se së bashku do të ndërtojmë Shqipërinë 2030”, shprehet ministrja e Shëndetësisë krahas pamjeve nga transformimi i infrastrukturës shëndetësore dhe modernizimi i shërbimeve për qytetarët.
Koçiu tha se kur qeveria socialiste mori detyrën, buxheti i shëndetësisë ishte vetëm 250 milionë euro, ndërsa sot me rritjen edhe të pjesës së Mbrojtjes Sociale është një buxhet historik prej 1 miliard eurosh.
“Kemi investuar dhe ndërtuar në këto vite plot 53 shërbime dhe spitale, prej të cilave 10 tërësisht të ndërtuara nga e para. Investimet janë shtrirë edhe në shërbimin parësor duke ndërtuar plot 400 qendra shëndetësore në mbarë vendin dhe duke transformuar mënyrën si ofrohet shërbimi shëndetësor në kujdesin parësor”, pohoi Koçiu.
Ministrja Koçiu shtoi se “kur morëm detyrën ulëm çmimin e barnave me 30%, ndërsa shtuam 200 medikamente të reja të rimbursueshme dhe barnave që shërbejnë për shumë të sëmurë kronikë”.
“Sot janë 210 mijë pensionistë të cilët marrin 100% barna të rimbursueshme. Një transformim rrënjësor edhe në shërbimin e urgjencës me 320 autoambulanca duke reduktuar edhe kohën e mbërritjes së ambulancës jo më shumë se 15 minuta”, pohoi Koçiu, teksa theksoi se paga e mjekut në 2013 ishte 490 euro, teksa sot paga mesatare e tyre ka arritur në 1670 euro.
“Paga mesatare e infermierit është 850 euro. Për këdo mjek që zgjedh të punojë larg vendbanimit ka një bonus prej 2500 euro mbi pagën. Ajo që ne synojmë është që QSUNT të shndërrohet në një nga qendrat më të avancuara në shërbimin shëndetësor në Ballkanin Perëndimor”, tha Koçiu.
/r.e/a.f/
The post Koçiu: Nga 250 milionë euro, sot 1 miliard euro buxheti i shëndetësisë dhe mbrojtjes sociale appeared first on Agjencia Telegrafike Shqiptare.
Taksat, rregullime ligjore për një ekonomi konkurruese dhe sektorët prioritarë për një model ekonomik të qëndrueshëm.
Alternativat që sjellin programet ekonomike të partive politike, në një diskutim të hapur në konferencën e organizuar nga Dhoma Amerikane e Tregtisë në bashkëpunim me Revistën Monitor
Shqiptarët do t’i drejtohen më 11 maj kutive të votimit, për të zgjedhur përfaqësuesit që do ta qeverisin vendin në katër vitet e ardhshme.
Së bashku me partinë apo figurat politike në qendër të saj, një nga aspektet më të rëndësishme është alternativa ekonomike që ofrohet për të zhvilluar vendin në një mandat.
Pikëpyetja është nëse do të kemi një votues emocional apo racional dhe çfarë do të sjellë kjo zgjedhje?
Boshti rreth së cilës vërtiten programet ekonomike lidhet me taksat, familjen dhe sektorët prioritarë ku partitë kanë qasje të ndryshme.
Dhoma Amerikane e Tregtisë dhe Revista Monitor, zhvilluan së fundmi konferencën ekonomike me partitë politike, duke u ndalur në çështjet më të rëndësishme ekonomike dhe sektorët prioritarë ku duhet të orientohet zhvillimi ekonomik.
Në këtë konferencë morën pjesë forcat kryesore politike nga Partia Demokratike, Partia Mundësia, Koalicioni Djathtas për Zhvillim, Koalicioni Euroatlantik dhe Lëvizja Bashkë. Partia Socialiste e anuloi pjesëmarrjen në momentin e fundit, pavarësisht konfirmimeve paraprake të dhëna më herët për ekipin e saj prezantues.
“Ky është një diskutim ekonomik që ne e nxisim si një komunitet biznesi që kontribuon në 20% të PBB-së dhe ka nevojë të zhvillojë një dialog me forcat politike se çfarë e bën të rëndësishme praninë e tyre”, – u shpreh në fjalën e tij, Presidenti i Dhomës Amerikane, z. Grant Van Cleve, duke shpjeguar se Dhoma Amerikane nuk ka preferencë politike, por i qëndron objektivit të saj për të zhvilluar një klimë optimale për biznesin lokal dhe investitorët e huaj.
Ai vlerësoi se Shqipëria dhe ambicia e saj për të qenë pjesë e BE-së do të ndodhë, pavarësisht se cila parti është në pushtet dhe se marrëdhëniet duhet të jenë të mira edhe me vende të tjera jashtë Europës, ku një ndër to janë edhe SHBA.
Z. Van Cleve, tha se ai po punon në rritje të besimit dhe rëndësisë së SHBA në zhvillimin e Shqipërisë, teksa ka një seri konsorciumesh dhe “joint-venture” që mund të sjellin miliarda për Shqipërinë.
Sipas tij, këto së bashku me faktorë si gjeopolitika apo zbulimit që bota po i bën Shqipërisë nëpërmjet turizmit, e kanë ndryshuar perceptimin për rëndësinë se ku qëndron vendi, duke arritur në nivele të reja.
Dhoma Amerikane e orientoi diskutimin ekonomik me të gjithë përfaqësuesit politikë, mbështetur në Prioritetet e saj Strategjike, të cilat janë hartuar nëpërmjet një procesi të thelluar konsultimi me ekspertët e komiteteve të Dhomës Amerikane të Tregtisë dhe të mbështetura në praktikat më të mira ndërkombëtare.
“Ky raport ofron zgjidhje konkrete dhe me vizion afatgjatë, të strukturuara në shtatë shtylla themelore të reformës: nga përmirësimi i klimës së investimeve dhe forcimi i luftës kundër korrupsionit, te modernizimi i politikave fiskale, zhvillimi i kapitalit njerëzor dhe ndërtimi i një industrie turistike të qëndrueshme dhe me vlerë të shtuar.
Vëmendje e veçantë i është kushtuar përforcimit të mekanizmave të konsultimit publik, si dhe përmirësimit të sistemit shëndetësor – komponentë kyç për një shoqëri të qëndrueshme dhe gjithëpërfshirëse”, – tha Drejtori Ekzekutiv, Neritan Mullaj, gjatë prezantimit të prioriteteve.
Nga rritja e pagave tek investimet në infrastrukturë dhe sektorët prioritarë, programi i PS
Partia Socialiste, ka një program ekonomik të afishuar në faqen e saj në internet, ku parashikon masat 2024-2030.
E ftuar për prezantimin e programit të saj para biznesit, kjo parti anuloi takimin në momentin e fundit, duke e justifikuar këtë me ngarkesën që sjell fushata elektorale.
Por cilat janë premtimet që bien në sy në program? Lidhur me arsimin premtohet pagë mesatare 1250 euro për mësuesit, premtohen 1000 laboratorë inteligjentë, si dhe orientimi i 35% të nxënësve tek arsimi profesional.
Premtohet paga mesatare 1,000 euro dhe paga në administratë, 1,200 euro. “Rrisim pagën minimale në 500 euro deri në 2026, duke garantuar 18 muaj pa asnjë taksë shtesë”, – thuhet në program.
Në shëndetësi premtohet vijimi i “check up” falas. Në aspektin e strehimit premtohet mbështetja me kredi lehtësuese e 50 mijë çifteve të reja.
Për pensionistët, PS shkruan se; “ambicia jonë është që në Shqipërinë 2030, pensioni mesatar të jetë 400 euro për ata që kanë paguar sigurime të plota, pensioni minimal për të gjithë të jetë 200 euro”.
Premtohet gjithashtu, rritje me 20% të numrit të familjeve në skemën e ndihmës ekonomike, me fokus gratë kryefamiljare dhe komunitetet rome dhe egjiptiane.
Lidhur me investimet, programi përfshin pika si 700 kilometra rrugë të reja për ta bërë vendin më të ndërlidhur, përfundimin e Korridorit Adriatiko-Jonian dhe Korridorin VIII, duke e lidhur Shqipërinë me vendet e rajonit për të shndërruar vendin në një nyje strategjike tregtare dhe turistike.
Në program përfshihet edhe rindërtimi i linjave ekzistuese hekurudhore dhe Durrës-Prishtinë, si dhe porti i ri tregtar i Porto Romanos.
Lidhur me agroturizmin premtohet rritja e njësive agroturistike, kurse sa i takon energjisë, parashikohet që 30% e prodhimit të vijë nga ajo diellore.
Nga taksa e sheshtë te nxitja e “Made in Albania”, çfarë përfshin programi i PD-së
Tre përfaqësues të Partisë Demokratike – Jorida Tabaku, Dorjan Teliti dhe Florion Mima – shpjeguan përpara biznesit programin e tyre ekonomik.
“Ne propozojmë një kod fiskal, i cili vendos rregullat bazë ku operojnë bizneset, duke ofruar qëndrueshmëri dhe parashikueshmëri për biznesin. Një tjetër propozim është taksa e sheshtë. Pra do të vendosim një marrëveshje me biznesin që ditën e parë.
Do të fillojmë me tatimfitimin, do vijojmë me të ardhurat personale por edhe elemente që lidhen me transaksionet si dhe ristrukturimin e TVSH-së. Po kështu, do të heqim përjashtimet nga taksat që janë kthyer në rregull sot.
Taksa e sheshtë zgjeron bazën e tatimpaguesve, por krijon edhe një marrëdhënie të shtetit me biznesin.
Lehtësitë për nxitjen e “Made in Albania” është shtylla e tretë e programit tonë. Shtylla e katërt lidhet me konkurrueshmërinë, ndërsa e pesta, me konsultimet publike që ato të mos jenë thjesht për procedurë”, – sqaroi znj. Tabaku.
Ajo tha se kuadri i investimeve strategjike është abuziv dhe u ka shërbyer bizneseve të caktuara, duke theksuar edhe nevojën për përmirësim të prokurimeve publike.
Përfaqësuesi tjetër, z. Teliti, tha se Partia Demokratike është e filozofisë së taksës së ulët të sheshtë mbi të ardhurat duke anuluar atë progresive që është në fuqi sot.
“Një taksim i tillë ka ndikim negativ te shtresa e mesme duke ulur rolin e saj dominues. Ne do të ulim tatimfitimin për biznesin nga 15% në 10% duke bërë që sipërmarrja t’i riinvestojë këto para.
Ne mendojmë se çdo biznes me xhiro vjetore deri në 18 milionë lekë të jetë i përjashtuar nga TVSH dhe tatimi mbi të ardhurat.
Po ashtu të përjashtohen edhe profesionistët e lirë. Sa i takon sektorit të ndërtimit, ne kemi parashikuar që taksa e transferimit të pronës të jetë 2% e vlerës dhe jo 15% si sot.
Kemi menduar të vendosim kartën e konsumatorit që parashikon rimbursim të mallrave të shportës dhe qëllimi final është të kemi një ulje të masës së TVSH-së”, tha z. Teliti.
Përfaqësuesit e PD-së nënvizuan se në thelb, programi i tyre synon mbështetjen e sektorëve të rëndësishëm, duke ndihmuar ndërmarrjet të mbyllin ciklin e prodhimit. Turizmi dhe teknologjia shihen gjithashtu me përparësi, duke mos lënë mënjanë bujqësinë.
Jorida Tabaku – PD
Ne propozojmë një kod fiskal, i cili vendos rregullat bazë ku operojnë bizneset, duke ofruar qëndrueshmëri dhe parashikueshmëri për biznesin. Një tjetër propozim është taksa e sheshtë. Pra do të vendosim një marrëveshje me biznesin që ditën e parë. Do të fillojmë me tatimfitimin, do vijojmë me të ardhurat personale por edhe elemente që lidhen me transaksionet si dhe ristrukturimin e TVSH-së
Dorjan Teliti – PD
Ne do të ulim tatimfitimin për biznesin nga 15% në 10%, duke bërë që sipërmarrja t’i riinvestojë këto para. Ne mendojmë se çdo biznes me xhiro vjetore deri në 18 milionë lekë, të jetë i përjashtuar nga TVSH dhe tatimi mbi të ardhurat. Po ashtu të përjashtohen edhe profesionistët e lirë.\
Në qendër familja, programi ekonomik i Koalicionit Euroatlantik
Përfaqësuesi i Koalicionit Euroatlantik, Mateo Spaho, nënvizoi gjatë konferencës rëndësinë që i kushton familjes forca që përfaqëson duke e vënë në qendër të programit ekonomik.
“Së pari, besoj se nevojitet një ndërhyrje në pagesat e çifteve të reja për blerjen e shtëpisë së parë. Plani ynë është që të financohen 20 mijë çifte.
Ne planifikojmë që për fëmijën e parë dhe të dytë të kemi mbështetje, ndërsa për fëmijën e tretë shkon në një shumë përfitimesh prej 20 mijë eurosh. Ne nuk premtojmë dot ulje taksash, apo luftë korrupsioni.
Fillimisht, ne nuk duam të kemi probleme me SPAK, siç kanë dy partitë e mëdha.
Ne propozojmë atë që e kemi quajtur si ‘Vettingu i Politikanëve’, ndërkohë që parashikojmë të kalojmë të gjithë Partneritetet Publike-Private në sitë verifikimi.
Ato janë kontrata që ne nuk i ndërpresim dot, ama të verifikojmë se sa i kanë përmbushur detyrimet, mund ta kontrollojmë. Mendojmë që pagesa e taksave të kryhet në bazë të ardhurash familjare.
Sot kemi DIVA-n, por është personal dhe penalizon. Gjithashtu, ne besojmë në një sistem tatimor të sheshtë dhe një bazë tatimore 9% dhe po kaq, edhe tatimfitimi. Është e domosdoshme të mbështetet bujqësia, por ne mendojmë se kjo duhet të bëhet në kahun e mundësimit të infrastrukturës bujqësore.
Një tjetër problem që ne vërejmë i cili duhet të korrigjohet është tregu i mbyllur. Kjo është arsyeja pse nuk kemi Investime të Huaja Direkte. Në lidhje me sektorët prioritarë, ne mendojmë se nuk është çështje dëshire, por se çfarë aftësish kemi.
Ne e kemi të vështirë të ndërtojmë sistem industrial. Kur flasim për një realitet të mundshëm, mund të flasim për aktivitete logjistike, një bujqësi të zhvilluar, si dhe një industri të lehtë”.
Mateo Spaho – Koalicionit Euroatlantik
Së pari, besoj se nevojitet një ndërhyrje në pagesat e çifteve të reja për blerjen e shtëpisë së parë. Plani ynë është që të financohen 20 mijë çifte. Ne planifikojmë që për fëmijën e parë dhe të dytë të kemi mbështetje, ndërsa për fëmijën e tretë shkon në një shumë përfitimesh prej 20 mijë eurosh.
Një administratë e vogël, por më eficiente, alternativa e “Mundësia”
Sipërmarrësi Agron Shehaj, kryetar i partisë “Mundësia”, solli përvojën personale si sipërmarrës dhe vizionin e tij si politikan në mundësitë që i duhen ofruar biznesit. “Vizioni ynë është një shtet i padukshëm.
Çfarë shoh unë si sipërmarrës është që këtu në Shqipëri, pushteti ekonomik dhe politik është i përqendruar te një person dhe ai vendos se kush do të fitojë apo do të dështojë sot. Pra nuk e vendos tregu.
Qeveria ndërhyn nëpërmjet korrupsionit dhe parave të pista. Propozimi ynë është që të kemi një administratë që kushton më pak.
Dy janë shtyllat ku mund të orientohesh në fakt te të ardhurat, duke pasur parasysh taksa më të ulëta dhe një administratë që kushton më pak në kahun e shpenzimeve”, tha z. Shehaj.
Agron Shehaj – Partia “Mundësia”
Vizioni ynë është një shtet i padukshëm. Çfarë shoh unë si sipërmarrës është që këtu në Shqipëri, pushteti ekonomik dhe politik është i përqendruar te një person dhe ai vendos se kush do të fitojë apo do të dështojë sot. Pra nuk e vendos tregu. Qeveria ndërhyn nëpërmjet korrupsionit dhe parave të pista. Propozimi ynë është që të kemi një administratë që kushton më pak
Zgjidhje kundër “centralizimit” të ekonomisë dhe taksë e sheshtë 10%, plani i “Nisma Shqipëria Bëhet”
Nisma “Shqipëria Bëhet” i sheh sot problemet e ekonomisë shqiptare në të dy kahet, si në aspektin makro, edhe në atë mikro dhe plani i saj ekonomik, në thelb, ka zgjidhjen e disa prej këtyre ngërçeve.
Përfaqësuesi i kësaj partie, Pano Soko, tha se në aspektin makro, problemi kryesor që vihet re sot është centralizimi ekonomik që vjen si reflektim i centralizimit politik.
“E gjitha është refleksion i politikës qendrore që si në ekonomi dhe në fusha të tjera ka krijuar ato piramidat që kanë një kulm ku rri dikush në krye. Pra, në krye të naftës është dikush, në krye të sigurimeve dikush, si monopol-kartel.
Në thelb centralizimi vret garën dhe kjo sjell humbje të rendimentit, pra ne nuk kemi konkurrencë, nuk kemi rendiment në ekonomi. Ajo prodhon gjithnjë e më pak”, thotë z. Soko.
Në aspektin mikro, ai nënvizon si problem mungesën e fuqisë punëtore, paqëndrueshmërinë e sistemit fiskal dhe korrupsionin.
“Të gjitha këto do të duhen rregulluar për të çliruar ekonominë nga sistemi i monopolizimit dhe kjo më pas do të reflektojë edhe tek ecuria e ekonomisë”, – shprehet z. Soko.
Një tjetër çështje e ndjeshme që ai nënvizon se shihet me prioritet nga “Shqipëria Bëhet”, është ajo e pronave, për të cilën është parashikuar një aksion i veçantë.
“Sa i takon sistemit fiskal, ne priremi të besojmë që Shqipëria është ende nën kapacitetin maksimal, kështu që për këtë arsye, besojmë se një sistem fiskal i thjeshtë, i sheshtë deri diku do të arrinte që të nxiste aktorët e ekonomisë së pari të formalizoheshin dhe mirëperformonin.
Do të duhet një pakt i madh mes politikës që të biem dakord për një sistem fiskal që nuk do ta lëvizim për një periudhë le të themi 15-20 vjet.
Një ngarkesë e lehtë e përballueshme 10% është një kufi logjik. Natyrisht duhet menduar për shtresat në nevojë dhe një rishikim i modulimit i TVSH-së për mallrat e shportës.
Kjo është një ndër përparësitë që ne kemi, sepse na duhet që gradualisht të kalojmë nga një ekonomi që takson konsumin te një ekonomi që takson kapitalin. Por kapitali duhet të krijohet një herë dhe barra fiskale e ndihmon atë”, sqaron z. Soko.
Sa u takon sektorëve prioritarë, ai pranon se nga pikëpamja strategjike, Shqipëria do të duhet të orientohet te sektorët e produkteve materiale, bujqësi dhe industri e lehtë dhe e mesme pasi nuk kemi kapacitete për industri të rëndë.
Pano Soko – Nisma Shqipëria bëhet
Sa i takon sistemit fiskal, ne priremi të besojmë që Shqipëria është ende nën kapacitetin maksimal, kështu që për këtë arsye, besojmë se një sistem fiskal i thjeshtë, i sheshtë deri diku do të arrinte që të nxiste aktorët e ekonomisë së pari të formalizoheshin dhe mirëperformonin. Do të duhet një pakt i madh mes politikës që të biem dakord për një sistem fiskal që nuk do ta lëvizim për një periudhë le të themi 15-20 vjet. Një ngarkesë e lehtë e përballueshme 10% është një kufi logjik
Tatim progresiv më të thelluar, shfuqizim PPP, jo favorizim turizmit, plani i Lëvizja Bashkë
Lëvizja Bashkë, e përfaqësuar në konferencë nga Jani Marka, ka një alternativë tjetër mbi zhvillimin ekonomik. Sipas tyre, kjo vjen si efekt i burimit nga ka lindur kjo lëvizje, që lidhet me dimensionin social.
“Në programin tonë ka katër shtylla, ku së pari është shteti zhvillimor. Ne kemi pasur një qëndrim të fortë kundër oligarkisë, por nuk jemi kundër biznesit. Ne e vëmë theksin tek eksportet, kapitali human dhe emigracioni.
Jemi kundër oligopoleve, Partneriteteve Publike-Private dhe investimeve strategjike.
Një tjetër pikë e jona është problemi ku ka arritur korrupsioni. Për këto pika, ne kemi propozime konkrete se çfarë duhet bërë. Sa i takon produktivitetit është fatkeqësi që jemi të fundit në Europë. Në raport me një punëtor të Bashkimit Europian, produktiviteti i një punëtori shqiptar është sa 26%”, tha z. Marka.
Partia e tij synon të mbështesë me lehtësi industrinë e lehtë që sjell produkt të shtuar në ekonomi dhe gjithashtu, sipas modelit norvegjezm vënien në dispozicion të një fondi sovran.
“Ne jemi për një reformë të thellë në arsim, jo vetëm duke rritur buxhetin në raport me PBB-në, por edhe në aspektin cilësor.
Në lidhje me konkurrencën e lirë, ne do të heqim ato masa që kanë favorizuar aleatët e qeverisë dhe që kanë dëmtuar barazinë në treg. Do të shfuqizojmë ligje si PPP, apo investimet strategjike. Kapitali duhet të orientohet në sektorë të tjerë dhe turizmi s’mund të jetë më strategjiku.
Do të ngremë një agjenci kundër korrupsionit. Duhet një agjenci e pavarur që ta luftojë. Sa i takon taksimit, ne mendojmë SE shteti nuk duhet as i vogël, as i madh, por i duhur. Struktura e taksave është problem.
Lufta kundër informalitetit, kriza e pensioneve, nxitja e pagesave jo cash, si dhe vlerësimi me themel i përjashtimeve tatimore janë disa pika të tjera tonat.
Ne propozojmë që të hiqet statusi special i hoteleve me 4-5 yje, kurse TVSH të jetë e reduktuar vetëm për pensionistët dhe ata me ndihmë ekonomike.
Në lidhje me tatimin e të ardhurave të punës, ne kemi më shumë fasha taksimi se sot, madje deri në 35% për paga mbi 4 mijë euro e sipër.
Dividenti nga 6% të shkojë në 15%. Në lidhje me tatimin e korporatave, ne jemi për atë progresiv, me një favorizim 3% për ato që janë në teknologji”, sqaroi Marka.
Jani Marka- Lëvizja Bashkë
Ne jemi për një reformë të thellë në arsim, jo vetëm duke rritur buxhetin në raport me PBB-në, por edhe në aspektin cilësor. Në lidhje me konkurrencën e lirë, ne do të heqim ato masa që kanë favorizuar aleatët e qeverisë dhe që kanë dëmtuar barazinë në treg. Do të shfuqizojmë ligje si PPP, apo investimet strategjike. Kapitali duhet të orientohet në sektorë të tjerë dhe turizmi s’mund të jetë më strategjiku
Taksim i sheshtë i pandryshuar për një dekadë, mbështetje bujqësisë, plani i Koalicionit “Djathtas për Zhvillim”
Përfaqësuesi i Koalicionit Djathtas për Zhvillim, Artan Murrizi, shpjegoi para biznesit qasjen ekonomike që ka ky koalicion.
“Prej vitesh ka një problematikë të theksuar që lidhet me emigracionin dhe largimi masiv i të rinjve do të dojë vite të korrigjohet. Vitet e fundit nuk kanë ikur njerëz në situatë të vështirëm por më të arsimuarit dhe kjo tregon shumë për situatën ku ndodhet vendi.
Kemi vënë re një pabarazi tregu ku monopolet e krijuara kanë bërë që shumë biznese të largohen. Një tjetër problem që mendoj se duhet të korrigjohet është ligji zgjedhor dhe ndarja administrative. Lidhur me ekonominë, ne jemi për një taksim të sheshtë dhe të pandryshuar për një dekadë.
Mendojmë gjithashtu që duhet të ketë një kod fiskal. Në lidhje me bujqësinë, mendojmë se parcelat duhet të përqendrohen dhe për ta nxitur këtë të vendoset si kusht kreditimi.
Ne jemi për fokusin në prodhim dhe përpunim duke krijuar një cikël të mbyllur dhe rritje të eksporteve. Në sektorin industrial, ne mendojmë se mund të bëhet më shumë për përpunimin e mineraleve dhe naftës.
Artan Murrizi – Koalicioni Djathtas për Zhvillim
Ne jemi për një taksim të sheshtë dhe të pandryshuar për një dekadë. Mendojmë gjithashtu që duhet të ketë një kod fiskal. Në lidhje me bujqësinë, mendojmë se parcelat duhet të përqendrohen dhe për ta nxitur këtë të vendoset si kusht kreditimi. Ne jemi për fokusin në prodhim dhe përpunim duke krijuar një cikël të mbyllur dhe rritje të eksporteve.
The post Zgjedhjet e 11 majit/ Nga taksat te pagat dhe investimet, çfarë premtojnë partitë për ekonominë appeared first on Albeu.com.
TIRANË, 11 prill/ATSH/ Kryeministri, njëherazi kryetar i Partisë Socialiste, Edi Rama tha gjatë takimit sot me gratë socialiste se buxheti i shëndetësisë dhe mbrojtjes sociale është 1 miliard euro, ndërsa është trefishuar buxheti i ndihmës ekonomike, katërfishuar buxheti për shërbimet e kujdesit shoqëror, ndërsa janë financuar 84 shërbime të reja sociale nëpërmjet Fondit Social për rreth 44 mijë përfitues.
“Kemi krijuar programin e veçantë për mbështetjen me subvencione të kontributeve shëndetësore dhe shoqërore për gati 10 mijë nëna të papuna me tri dhe më shumë fëmijë, për të cilat kemi financuar deri tani 25 milionë euro. Prandaj, kemi krijuar dhe fuqizuar në vazhdimësi programin e Bonusit të Bebes duke mbështetur gati çerek milion fëmijë të vegjël, bebe me një vlerë që ka arritur 170 milionë euro”, tha Rama.
Kryeministri nënvizoi se në mandatin e katërt do të zgjerohet rrjeti i shërbimeve sociale me 40 shërbime të reja sipas hartës së nevojave territoriale, ndërsa do të krijohen 20 ndërmarrje sociale ku do të punësohen gratë dhe vajzat në nevojë.
Kreu i qeverisë ndau gjatë fjalës së tij, ndau edhe një tjetër lajm të mirë siç e cilësoi ai, faktin që do të rritet deri dyfish mbështetja financiare për nënat e fëmijëve autikë apo me aftësi speciale.
Kryeministri pohoi se janë ndërtuar 53 spitale, nga këto 10 tërësisht të reja, që nuk kanë ekzistuar, 43 të tjerët janë shembur komplet dhe janë bërë nga e para. “Dhe kur ke përballë ose nga mbrapa specie që kua-kua-kuojnë për shëndetësinë, lind një pyetje: Na tregoni kur është ndërtuar në Shqipëri spitali i fundit përpara se ne të merrnim detyrën? Duhet të hedhim vështrimin shumë vite më parë, në vitet ’70, të zbresim në vitet ’60 të kalojmë në vitet ’50, të kalojmë Luftën, se nuk është aspak humor. Në spitalin e Korçës, kantieri ynë vë dorë pas 100 vjetësh”, pohoi Rama.
Kryeministri nënvizoi faktin se programet e vaksinimit, depistimit, shërbimet e kujdesit para dhe pas lindjes, fertilizimi invitro si edhe programet e mbështetjes për të gjitha nënat dhe vajzat që përballen me kancerin e gjirit dhe qafës së mitrës janë programe të cilat u kanë ndryshuar jetën shumë njerëzve, shumë grave dhe vajzave.
“E mira jonë është që këta nuk i kemi përballë, por i kemi shumë mbrapa. Përpara kemi sfidat tona dhe horizontin Shqipëria 2030 në BE, ndërkohë që ata nuk normalizuan dot një maternitet të vetëm, ku mos të të vinte zor dhe për të vjellë nga stresi, kur duhej të kapërceje pragun dhe ku lavdi Zotit kishte dhe ka mjekë, mami, heronj dhe heroina, se unë nuk e di ku e gjejnë kurajën, ndërkohë që sot ne kemi gjashtë maternitete tërësisht evropiane, dhe së shpejti do të hapim dyert e një vepre të re në maternitetin “Mbretëresha Geraldinë”, që është një strukturë që tregon në të gjitha anët vlerësimin, ndjeshmërinë dhe respektin tonë për gratë e vajzat”, cilësoi Rama.
/r.e//a.g/
The post Rama: Dyfishojmë mbështetjen për nënat e fëmijëve me aftësi speciale, në spitalin e Korçës kantieri ynë vë dorë pas 100 vjetësh appeared first on Agjencia Telegrafike Shqiptare.
TIRANË, 10 prill/ATSH/ Kryeministri Edi Rama tha sot gjatë një diskutimi për sezonin veror me turoperatorë, hotelierë dhe profesionistë të turizmit në Durrës se formalizimi i sektorit të turizmit, se po mendohet një paqe fiskale mes qeverisë dhe sipërmarrësve në fushën e turizmit, sa i takon deklarimeve për netqëndrimet në pikun e sezonit veror, por edhe jashtë tij.
Sipas Kryeministrit, ka qenë kërkesa e kahershme e sipërmarrësve ulja e TVSH-së në 8%, ndërkohë që është 6%, me pretendimin sipas tij, që ky sektor do të formatizohej. “E bëmë 6%, është më e ulëta në Evropë, në rajon dhe patjetër që solli më shumë të ardhura për ju, por sikur nuk solli dhe aq shumë të ardhura për shtetin.
Duhet pasur parasysh që ne nuk është se kemi qenë të pavetëdijshëm për këtë, por siç kemi bërë edhe për ARNB, që masivisht janë vënë në funksion. Si rriten me 56% netqëndrimet në Shqipëri, dhe ku flenë këta njerëz? Ne e dimë që Tirana është e mbushur me ARBN, janë të ardhura që nuk deklarohen asgjëkund, Durrësi po ashtu, Vlora është e mbushur me ARBN, por për momentin ne e kemi lënë me vetëdije që njerëzit të akumulojnë të ardhura në këtë fazë dhe në ndërkohë hoteleria të rritet dhe të forcohet, se nuk jemi ne në kushtet që e përballojmë dot me hoteleri gjithë kërkesën”, tha Rama.
“Por, sistemi i ri i e-Visitors, sistemi digjital do të futet në funksion se i erdhi koha, nuk e vendosnim dot përpara se do mbysnim edhe pesë veta që punonin në mënyrë të padrejtë, por tani i erdhi koha dhe do të duhet ta bëjmë dhe do ta bëjmë. Si edhe ajo marrëveshja që ne kemi propozuar është një marrëveshje e hapur, që të paguajë një kontribut fiks bazuar mbi përqindjet e pikut dhe mbi përqindjet e dimrit. Kush e merr, shpëton nga çdo lloj inspektimi dhe stresi, jo erdhi inspektori, jo vajti te dhoma, jo ishte turistja duke krehur flokët, jo i ra derës, jo ajo mendoi se erdhën ta rrëmbejnë etj.”, pohoi Kryeministri.
Nga ana tjetër, kreu i qeverisë u ndal edhe te pagesa e tatimfitimit për biznesin e madh me xhiro mbi 140 mijë euro në vit, për të cilin, u shpreh ai, ka një propozim për një paqe fiskale që biznesi të paguajë në bazë të një përllogaritjeje paraprake të xhiros së vitit të kaluar me rritjen ekonomike të këtij viti.
Në fjalën e tij, Rama foli edhe për lehtësimin e barrës fiskale për bizneset, duke iu referuar paqes fiskale. Sipas Ramës, kompanitë do të kenë mundësinë të hyjnë në një marrëveshje me autoritetet fiskale për të paguar një tatim të përcaktuar prej 15% mbi fitimin, pa mundësi rritje në vitet e ardhshme. Sipas Ramës për çdo fitim shtesë që biznesi do të deklarojë mbi atë normë, do të tatohet vetëm 5%.
“Do të vazhdojmë fuqimisht investimet në Durrës, sepse Durrësi ka marrë mjaftueshëm investime në këto vite të kombinuara nga buxheti, bashkia dhe Fondi Shqiptar i Zhvillimit. Kur flisni për bajpasin e Golemit mos harroni që Korridori Blu që do të ndërtohet dhe do ta anashkalojë këtë zonë se do të lidhë direkt Thumanë-Kashar-Rrogozhinën, do bëjë që këtu të vijë vetëm fluksi që është për në Durrës. Kush shkon për Fier, Vlorë e tutje do dalë nga Rrogozhina, dhe kjo do ta lehtësojë shumë ngarkesën mbi zonën. Ndërkohë që ju do ta keni më të thjeshtë kur doni të shkoni më poshtë, të përdorni aksin këtu nga Rrogozhina e poshtë. Çka kemi bërë dhe çka mund të bëjmë së bashku për turizmin është diçka historike dhe e kemi të gjithën vetë në dorë dhe ta bëjmë me shumë sukses dhe me përfitim reciprok”, cilësoi Kryeministri Rama.
/r.e//a.f/
The post Rama: Paqe fiskale me biznesin, pagesë sipas një përllogaritjeje paraprake appeared first on Agjencia Telegrafike Shqiptare.
TIRANË, 2 prill /ATSH/ Kryeministri Edi Rama i është përgjigjur sot komentit të një qytetari në rubrikën “Sy m’Sy”, që u shpreh se Durrësi akoma furnizohet me një orë ujë në ditë, ndërsa sipas qytetarit ky qytet është vendosur në listën e zonave që furnizohen pjesërisht me 24 orë ujë në ditë.
Nga ana e tij, Kryeministri Rama i ka shpjeguar qytetarit arsyet se pse Durrësi figuron si zonë e furnizuar me 24 ujë pjesërisht.
“Kur ti më dhe votën, kishte a s’kishte tre orë ujë në ditë gjithandej. Që kur ti më dhe votën kemi investuar për ujin e pijshëm në Durrës rreth 60 milionë euro më shumë se të gjitha vitet e tjera të mbledhura së bashku, me përfitues banorët e të gjitha njësive administrative të asaj bashkie, ku të mos harrojmë s’ka pasur kurrë ujë 24 orë”, tha Kryeministri.
“Atëherë, ne kemi rindërtuar apo ndërtuar krejt nga e para linjat e ujit të pijshëm në shumë segmente. Këtu kam shumë, por po të përmend nga Lagjja 1, në lagjet 13 plazh, 14 Shkozet, 15 Spitallë, nga Ishmi, sektori Rinia dhe deri në Manëz. Nga Hamallaj, Rashbull, Romanat, Shijak dhe Xhavzotaj dhe si rezultat, sot që flasim, disa zona të qytetit si Spitalla, Porto Romano, një pjesë e Durrësit të ri, ose ish-Këneta, siç e quan bufi, apo zona e Nishtullës, furnizohet 24 orë ujë në ditë dhe ndërkohë në pjesët e tjera, furnizimi varion 18 deri 20 orë maksimumi, deri në minimumi katër orë. Ndërsa në zonën rurale, 28 fshatra kanë furnizime me ujë 24 orë”, pohoi Rama, teksa shtoi se 9 fshatra kanë furnizim me ujë 4-8 orë dhe 11 fshatra kanë furnizim me ujë 2 deri në 4 orë.
Sipas Kryeministrit, në zonën e plazhit furnizimi me ujë ka arritur 7-8 orë në ditë, ndërsa pritet që brenda këtij viti, projekti i financuar nga Agjencia Franceze për Zhvillim të hyjë në fazën e realizimit dhe brenda mandatit të katërt të përmbyllet programi i furnizimit me ujë 24 orë në Durrës.
“E pra, shumë e thjeshtë. Shkop magjik nuk ka, por ama ta përsëris, çfarë është bërë dhe çfarë është investuar për ujin e pijshëm në këto tre mandate, nuk është bërë dhe nuk është investuar në dekada e dekada të tëra të marra së bashku”, nënvizoi Rama.
“Dhe mos harro, në rang vendi, kur ne morëm detyrën, kishim vetëm 4 zona urbane me 24 orë ujë. Sot kemi 43 dhe 98 të tjera zona rurale, ndërkohë që 11 zona urbane janë në kantier dhe deri në fund të mandatit të 4 përfundon gjithë programi kombëtar i furnizimit me ujë 24 orë edhe për 16 zona urbane dhe 37 rurale, duke e përmbyllur transformimin historik në sektorin e ujit të pijshëm”, përfundoi Kryeministri. /j.p/r.e/
The post Rama: Brenda mandatit të katërt përmbyllim projektin kombëtar të furnizimit 24 orë me ujë appeared first on Agjencia Telegrafike Shqiptare.
TIRANË, 23 mars /ATSH/ Ministrja e Arsimit dhe Sportit, Ogerta Manastirliu u shpreh sot gjatë podkastit EduLab, ku të ftuar ishin talente shqiptare në mundje, taekwondo, boks dhe peshëngritje, se fokusi i qeverisë është jo vetëm në përmirësimin e infrastrukturës sportive në shkolla dhe krijimin e terreneve të reja sportive, por edhe në shpërblimin e sportistëve që e ngrenë lart flamurin shqiptar, duke i bërë të gjithë të ndihen krenarë.
Me kampionët Enkileda, Esmeralda, Kevin dhe Ernesti, ministja foli për sfidat dhe rrugëtimin e tyre në sportin shqiptar, por edhe atë ndërkombëtar.
“Jemi duke bërë një investim në Universitetin e Sporteve për pistën, stadiumin për të bërë një infrastrukturë moderne jo vetëm për studentët e këtij universiteti, por edhe për sportistët tanë edhe ata elitarë. Në sport është bërë një ndryshim epokal jo vetëm në infrastrukturë. Janë më shumë se 200 terrene sportive të reja, rreth 450 shkolla ku përfshihen palestrat dhe terrenet sportive. Janë më shumë se 800 ekipet sportive në rang kombëtar, por duam që të nxisim edhe më shumë sportin te të rinjtë, duke i mbështetur dhe shpërblyer sportistët që ngrenë lart flamurin dhe na bëjnë krenarë”, tha Manastirliu.
Ministrja Manastirliu pohoi se gjatë vitit të kaluar janë shpërblyer mbi 24 sportistë, trajnerët e tyre, ndërsa Shqipëria mori dy medaljet e para olimpike në Lojërat Olimpike.
/r.e/
The post Manastirliu: 800 ekipe sportive në shkolla, do të zgjerohemi edhe në disiplina të tjera appeared first on Agjencia Telegrafike Shqiptare.
Njësitë e qeverisjes qendrore dhe asaj vendore, po vuajnë nga paaftësia kronike për të realizuar programin e investimeve publike sipas planit.
Të dhënat zyrtare nga Ministria e Financave, tregojnë se njësitë e pushtetit vendor dogjën vitin e kaluar më shumë se gjysmën e programit të investimeve publike.
Të dhënat finale mbi buxhetin 2024, tregojnë se pushteti vendor realizoi vetëm 43 për qind të programit të investimeve.
Nga 46,3 miliardë lekë të planifikuara u investuan vetëm 19,9 miliardë lekë, ose më pak se gjysma e programit.
Paaftësia e bashkive për të alokuar investimet, vjen në një kohë kur ata janë para nevojave të mëdha për të investuar sidomos në infrastrukturën e rrugëve lokale vendore.
Të dhëna më të detajuara tregojnë se fondin më të madh të investimeve e kishte Bashkia e Tiranës me rreth 18 miliardë lekë më 2024, por ka arritur të investojnë vetëm 6,1 miliardë lekë ose 34 për qind të programit.
Bashkia e Durrësit, e cila është mikpritësja kryesore e turistëve në vend dhe me nevoja të mëdha në infrastrukturën vendore, ka realizuar vetëm 50 për qind të programit të investimeve për vitin 2024. Nga rreth 4 miliardë lekë të programuara, ka realizuar vetëm 2 miliardë prej tyre.
Në bashkitë me qendër prefekture, shihet se Vlora kishte realizimin më të dobët me vetëm 17% të programit.
Më 2024 u investuan vetëm 251 milionë lekë, nga 1,4 miliardë lekë që ishte programi vjetor. Bashkia e Vlorës, ka të zhvilluar turizmin detar me vijën bregdetare më të bukur në vend, teksa nevojat për investime sidomos në menaxhimin e mbetjeve dhe furnizimin me ujë ende janë të mëdha.
Bashkia e Kamzës, ndonëse nuk është bashki me qendër qarku kishte një program të madh investimesh në krahasim më të tjerat. Kjo bashki në raportin me fondin në dispozicion prej 2,6 miliardë lekësh, kishte realizimin më të mirë prej 75%. Bashkia e Lezhës, gjithashtu pati një realizim 80 për qind të planit, duke investuar në 2024 rreth 743 milionë lekë nga 922 milionë të programuara.
Bashkia e Shkodrës, kryeqendra e Veriut me nevoja të mëdha infrastrukturore kishte realizimin të dobët të planit të investimeve me vetëm 33% . Nga 689 milionë lekë që ishte programi u realizuan vetëm 225 milionë lekë. Bashkia më varfër e vendit ajo e Kukësit, kishte realizim të lartë të planit me rreth 89 %, por kishte në dispozicion fondin më të ulët të investimeve me vetëm 149 milionë lekë, nga të cilat u realizuan 131 milionë lekë.
Me reformën territoriale bashkitë ofrojnë një seri shërbimesh që nga arsimi, zjarrfikëset, rrugët lokale dhe një seri shërbimesh të tjera sociale.
Por në realitet bashkitë vuajnë mungesën e burimeve njerëzore të afta, e për rrjedhojë nuk kanë mundur të hartojnë projekte bindëse për të çelur fondet.
Në një kohë që popullsia e vendit po plaket me shpejtësi dhe mijëra pleq jetojnë vetëm dhe në pamundësi ekonomike dhe fizike, teksa shumica e bashkive nuk ofrojnë kujdes për të moshuarit.
Shumica e bashkive edhe ato që përfaqësojnë qendrat e qarqeve nuk kanë shtëpi për të moshuarit.
Raportet e monitorimit kanë treguar se zonat rurale të vendit vuajnë mungesën e plotë të shërbimeve të trajtimit të mbetjeve dhe shërbimeve të tjera lokale./ Monitor
The post Bashkitë të paafta me investimet, realizuan vetëm 43% të planit më 2024 appeared first on Albeu.com.
Login