Pretendimi: Kjo video tregon arkivolët e ushtarëve izraelitë të vrarë nga Irani

Verdikti: Gjeneruar me AI

—————————————————–

Një video që po qarkullon në rrjete sociale, përfshi ato shqipfolëse, duket se tregon dhjetëra arkivolë të mbuluar me flamurin izraelit dhe mban mbishkrimin “Fuqia e Iranit,” duke lënë të kuptohet se arkivolët përmbajnë viktimat izraelite të sulmeve iraniane.

Megjithatë, video e mësipërme përmban tregues të zakonshëm të pamjeve të gjeneruara me anë të programeve të inteligjencës artificiale (AI).

Që me vështrimin e parë, dallohet se flamujt që mbulojnë arkivolët e supozuar variojnë në pamje dhe nuk i përmbahen një standarti.

Për më tepër, në disa prej tyre duket se ka mbishkrime të cilat, kur i zmadhojmë, vërejmë se nuk kanë ndonjë kuptim dhe nuk i përngjasojnë ndonjë fjale të shkruar me alfabetin latin, hebre, apo tjetër. 

“Emrat” mbi arkivolet e pretenduar në fakt janë simbole të pakuptimta

Simbolet e pakuptimta në vend të fjalëve të shkruara me shkronja janë dëshmi e përpjekjes dhe dështimit së programit të inteligjencës artificiale për të gjeneruar tekst koherent brenda një imazhi.

Sipas Times of Israel, sulmet me raketa balistike të Iranit ndaj Izraelit gjatë 12 ditëve të luftës morën jetën e 28 personave – të gjithë civilë, përveç njërit. 

Dukshëm, në video ka më shumë se 28 arkivole.

The post E gjeneruar video e ushtarëve izraelitë të vrarë nga Irani appeared first on Faktoje.al.

TEHERAN, 16 korrik /ATSH-DPA/- Udhëheqësi suprem iranian, Ayatollah Ali Khamenei nuk e ka përjashtuar diplomacinë në sfondin e tensioneve ushtarake dhe mosmarrëveshjes bërthamore.

“Ne kemi të gjitha mjetet e nevojshme, siç janë logjika dhe forca ushtarake”, tha sot 86-vjeçari në një fjalim.

“Prandaj, Irani do të veprojë me vetëbesim dhe forcë, qoftë në fushën e diplomacisë apo të ushtrisë”, shtoi ai.

Sipas një raporti nga faqja amerikane e lajmeve “Axios”, SHBA-ja, Gjermania, Franca dhe Britania e Madhe i kanë dhënë udhëheqjes iraniane një afat deri në fund të gushtit për të arritur një marrëveshje të re bërthamore. Pas kësaj, do të rivendosen sanksione të ashpra të OKB-së.

Qeveria iraniane sinjalizoi së fundmi gatishmërinë e saj për të biseduar, me kusht që të përmbusheshin disa parakushte – duke përfshirë një garanci se Irani nuk do të sulmohet gjatë negociatave dhe njohjen e programit të tij  bërthamor civil.

Para luftës 12-ditore me Izraelin në qershor, Uashingtoni dhe Teherani kanë negociuar për rreth dy muaj mbi programin bërthamor të diskutueshëm të Iranit.

Bisedimet u bllokuan dhe SHBA-ja kërkoi ndalimin e pasurimit të uraniumit nga Irani – një vijë e kuqe për Teheranin.

Perëndimi akuzon Iranin se kërkon të prodhojë armë bërthamore, gjë që qeveria iraniane e ka mohuar.

Teherani shpreson që negociatat do të ndihmojnë, ndër të tjera, në heqjen e sanksioneve të rrepta ekonomike.

Vëzhguesit gjithashtu shohin mundësinë që lufta midis Izraelit dhe Iranit të shpërthejë sërish. //a.i/

The post IRAN – Udhëheqësi suprem nuk përjashton diplomacinë në mosmarrëveshjen bërthamore appeared first on Agjencia Telegrafike Shqiptare.

Udhëheqësi suprem i Iranit, Ajatollah Ali Khamenei, paralajmëroi se vendi i tij është i gatshëm t’i përgjigjet çdo sulmi të ri ushtarak, duke theksuar se Irani mund t’u shkaktojë armiqve një goditje edhe më të rëndë se gjatë përplasjes 12-ditore me Izraelin muajin e kaluar.

Në një fjalim të transmetuar nga televizioni shtetëror, Khamenei e quajti Izraelin “një tumor kanceroz” dhe akuzoi SHBA-në për bashkëpunim në “krimet izraelite”.

“Lufta kundër SHBA-së dhe qenit të saj në zinxhir, Izraelit, është e lavdërueshme”, deklaroi ai.

Komentet vijnë mes kërcënimeve të reja nga SHBA dhe BE për vendosjen e sanksioneve shtesë ndaj Iranit, nëse nuk arrihet një marrëveshje për programin bërthamor deri në fund të gushtit.

The post Khamenei kërcënon: Gati për luftë më të madhe se me Izraelin appeared first on iconstyle.al.

Autoritetet federale në SHBA publikuan imazhe të reja të tre oficerëve të inteligjencës iraniane që dyshohet se janë përfshirë në rrëmbimin e agjentit special të pensionuar të FBI-së, Robert Levinson.

Imazhet e Reza Amiri Moghadam, Taghi Daneshvar dhe Gholamhossein Mohammadnia janë pjesë e një hetimi të gjerë mbi zhdukjen e Levinson në vitin 2007, tha zyra e FBI-së në Uashington, shkruan CBS News.

Moghadam është ambasadori aktual iranian në Pakistan dhe më parë drejtoi njësinë e operacioneve të Ministrisë iraniane të Inteligjencës dhe Sigurisë në Teheran, një agjenci anëtarët e së cilës FBI-ja i ka akuzuar për ndihmë në orkestrimin e rrëmbimit të Levinson.

Daneshvar përshkruhet nga FBI si një oficer i rangut të lartë në ministrinë iraniane të inteligjencës i përfshirë në aktivitete kundërspiunazhi. Rreth kohës kur Levinson u zhduk, ai dyshohet se mbikëqyri punën e  Mohammad Baseri , një tjetër oficer iranian i inteligjencës të cilin qeveria e Shteteve të Bashkuara e ka akuzuar për rrëmbimin.

Mohammadnia është një zëvendës i lartë në ministrinë e inteligjencës i cili shërbeu si ambasador iranian në Shqipëri në vitin 2016, përpara se të dëbohej nga Shqipëria dy vjet më vonë për “dëmtim të sigurisë së saj kombëtare”, sipas FBI-së. Agjencia amerikane tha se Mohammadnia udhëhoqi një iniciativë për të fajësuar zhdukjen e Levinson “një grup terrorist në rajonin e Baluchistanit të Pakistanit për të larguar fajin nga qeveria iraniane”.

Që nga zhdukja e Levinson, SHBA-të kanë mbajtur qëndrimin se agjenti në pension u rrëmbye gjatë një misioni të paautorizuar të CIA-s në Iran dhe më pas u ndalua padrejtësisht nga qeveria iraniane. Besohej se Levinson ishte gjallë për vite me radhë, derisa zyrtarët amerikanë në vitin 2020 thanë se inteligjenca tregoi se ai mund të ketë qenë i vdekur “për një farë kohe”.

Moghadam, Daneshvar dhe Mohammadnia u sanksionuan nga Departamenti i Thesarit i SHBA-së në mars për dyshimin se luajtën një rol në “rrëmbimin, vdekjen e mundshme të Levinson dhe përpjekjet e Iranit për të mbuluar ose errësuar përgjegjësinë e tyre”, tha agjencia federale në një njoftim në atë kohë./abcnews.al

Një shpërthim i fuqishëm në një ndërtesë banimi në qytetin e Qomit, në Iran, ka lënë të plagosur shtatë persona dhe ka shkaktuar dëme të konsiderueshme në të paktën katër njësi banimi. Ngjarja ndodhi gjatë natës, duke tronditur lagjen dhe mobilizuar shërbimet e emergjencës.

Sipas autoriteteve lokale, hetimet e para sugjerojnë se shkak i shpërthimit ka qenë një rrjedhje e mundshme e gazit natyror. Drejtori i departamentit të zjarrfikësve të qytetit tha se ekzaminimet teknike janë ende në vijim për të përcaktuar shkakun e saktë të incidentit.

Ndërkohë, në një klimë tensioni të vazhdueshëm pas përplasjes së fundit ushtarake midis Iranit dhe Izraelit, burime zyrtare iraniane mohojnë çdo lidhje të këtij shpërthimi me ndonjë sulm të huaj. Sipas tyre, banorët e ndërtesës ishin civilë të zakonshëm dhe nuk ka të dhëna që e lidhin këtë ngjarje me ndonjë veprim armiqësor.

The post Shpërthim në një ndërtesë banimi në Qom, plagosen 7 persona, dyshohet rrjedhje gazi appeared first on iconstyle.al.

Presidenti i Iranit, Masoud Pezeshkian,  u plagos gjatë një sulmi ajror izraelit që goditi një mbledhje të Këshillit Suprem të Sigurisë Kombëtare në Teheran ne 16 qershor, sipas asaj që konfirmoi agjensia gjysmë zyrtare e Lajmeve Fars e cila citon burime pranë Gardës Revolucionare.

Sipas asaj që shkruan Media Iraniane sulmi që plagosi presidentin ndodhi gjatë luftës 12 ditore me Izraelin, ku 6 raketa goditën ndërtesën në pjesën perëndimore të Teheranit ku po zhvillohej mbledhja me pjesëmarrjen e krerëve të tri pushteteve: presidentit Pezeshkian, kryetarit të parlamentit Mohammad Bagher Ghalibaf dhe kreut të drejtësisë, Gholamhossein Mohseni Ejei.

Presidenti 70-vjeçar pësoi një plagë në këmbë dhe u detyrua të largohej përmes një daljeje emergjente të planifikuar më parë. Sipas Fars, edhe disa zyrtarë të tjerë pësuan lëndime të lehta. “Pas shpërthimeve, u ndërpre energjia elektrike në katin ku po mbahej  mbledhja,” thuhet në raportin e agjencisë. Sulmi ka ngjashmeri me atë që vrau udhëheqësin e Hezbollahut, Hassan Nasrallah, në Bejrut vitin e kaluar. Të gjitha daljet e ndërtesës thuhet se janë goditur për të bllokuar arratisjen dhe për të ndalur qarkullimin e ajrit.

Kryetari I Korpusit te Gardes Revolucionare te Iranit , Mohsen Rezaei, deklaroi në televizionin shtetëror se “Izraeli goditi gjashtë zona ne ndertesen ku po mbajeh mbledhja e Keshillit, por sipas tij askush nuk pesoi lendime serioze.

Megjithëse presidenti nuk kishte përmendur më herët se ishte plagosur, në një intervistë të fundit me gazetarin amerikan Tucker Carlson, ai e pranoi se ishte objektiv i një atentati nga Izraeli. “Po, ata tentuan të më vrisnin. Vepruan në përputhje me këtë, por dështuan”, tha ai.

Deklaratat e tij shkaktuan zemërim në parlamentin iranian. 24 deputetë e akuzuan presidentin në një letër të përbashkët për “minim të sigurisë kombëtare” për shkak të hapjes ndaj dialogut me SHBA-në dhe bashkëpunimit me Agjencinë Ndërkombëtare për Energjinë Atomike, e cila tashmë është dëbuar nga vendi.

Pas sulmit, autoritetet iraniane kanë arrestuar mbi 700 persona nën dyshimet për bashkëpunim me Izraelin dhe po shqyrtojnë një ligj të ri emergjent që parashikon dënime më të rënda për spiunazh, përfshirë edhe dënimin me vdekje./abcnews.al

Gjatë një vizite në Uashington, kryeministri izraelit, Benjamin Netanyahu thuhet se i ka thënë presidentit amerikan, Donald Trump se Tel Avivi mund të ndërmarrë sulme të reja kundër Iranit.

Ndërsa ishte ulur përballë kryeministrit izraelit të hënën në Shtëpinë e Bardhë, lideri amerikan tha se shpresonte që nuk do të ketë më bombardime amerikane ndaj Iranit.

“Nuk mund ta imagjinoj që do të dëshiroja ta bëja një gjë të tillë”, tha Trump.

Më pas, në një bisedë private, Netanyahu i tha Trumpit se Izraeli do të ndërmerrte sulme të mëtejshme ushtarake nëse Irani vazhdon të përparojë drejt armës bërthamore. Trump u përgjigj se ishte në favor të një zgjidhjeje diplomatike me Teheranin, por se në përgjithësi nuk ishte kundër planit izraelit.

Bisedat e tyre, të cilat Wall Street Journal i përshkruan duke cituar zyrtarë të lartë amerikanë dhe izraelitë, nxjerrin në pah llogaritjet e ndryshme me të cilat përballen të tre vendet pas sulmeve të muajit të kaluar nga Izraeli dhe SHBA ndaj objekteve bërthamore iraniane.

“Trump po mbështetet te kërcënimi i sulmeve të mëtejshme për të ushtruar presion mbi Teheranin që të arrijë një marrëveshje që do ta pengonte atë të ndërtonte armë bërthamore. Izraeli është skeptik se një zgjidhje diplomatike do ta ndalonte Iranin të përpiqej fshehurazi për armë bërthamore. Teherani, nga ana tjetër, po kërkon garanci se nuk do të përballet me bombardime të tjera në këmbim të vazhdimit të bisedimeve me Uashingtonin,” shkruan WSJ.

Një zyrtar i lartë izraelit ka thënë se Izraeli nuk do të kërkonte domosdoshmërisht një miratim të drejtpërdrejtë nga SHBA-ja për të vazhduar sulmet ndaj Iranit.

Megjithatë, në varësi të shkallës së përpjekjeve iraniane për të rifilluar programin bërthamor, Netanyahu mund të përballet me kundërshtimin e Trumpit, i cili dëshiron të ruajë rrugën diplomatike me Teheranin. /Telegrafi/

The post Netanyahu i tha Trumpit se Izraeli mund ta sulmojë sërish Iranin appeared first on Telegrafi.

UASHINGTON, 11 korrik /ATSH/ – Izraeli beson se rezervat e uraniumit të pasuruar, të groposura thellë në një objekt bërthamor iranian që u godit nga ushtria amerikane, janë potencialisht të rikuperueshme, tha një zyrtar i lartë izraelit, sipas AP.

Ndërkohë, agjencia që ndërtoi bombat amerikane “bunker buster” të përdorura për të goditur dy objekte të tjera bërthamore tha se ende po pret të dhëna për të përcaktuar nëse ato municione arritën objektivat  e tyre.

Të dyja këto zhvillime shtojnë këndvështrime të reja mbi dëmet nga sulmet e muajit të kaluar, kur Shtetet e Bashkuara te Amerikes u përfshinë në luftën e Izraelit për të eliminuar kërcënimin që Irani të zhvillojë një armë bërthamore. Irani thotë se programi i tij është paqësor.

Presidenti Donald Trump këmbëngul se sulmet amerikane “shkatërruan plotësisht” tre objektet bërthamore iraniane që u goditën. Vlerësime ndërkombëtare dhe një vlerësim fillestar I shërbimeve amerikane të zbulimit kanë qenë më të kujdesshme, me Agjencinë e Inteligjencës së Mbrojtjes së SHBA-së që në një raport paraprak tha se sulmet shkaktuan dëme të konsiderueshme në objektet Fordo, Natanz dhe Isfahan, por nuk i shkatërruan plotësisht ato.

Drejtori i CIA-s, John Ratcliffe, u ka thënë më pas ligjvënësve amerikanë skeptikë se sulmet ushtarake amerikane shkatërruan objektin e vetëm të konvertimit të metaleve në Iran, një pengesë për programin bërthamor që do të kërkojë vite për t’u kapërcyer, dhe se komuniteti i inteligjencës ka vlerësuar që shumica dërrmuese e uraniumit të pasuruar të Iranit ka të ngjarë të mbetet ende e groposur nën rrënojat e Isfahanit dhe Fordos.

Zyrtari foli me gazetarët në kushte anonimiteti për të ndarë vlerësime izraelite që nuk ishin bërë publike më parë.

Izraeli beson se uraniumi i pasuruar i Iranit ishte shpërndarë në tre objektet dhe nuk ishte lëvizur, tha zyrtari izraelit. Ekspertë të çarmatimit bërthamor dhe të mosshpërndarjes kanë paralajmëruar se iranianët mund të kishin lëvizur rezervat diku më të sigurt teksa Izraeli i godiste objektet bërthamore muajin e kaluar dhe shtohej pritshmëria që edhe ushtria amerikane të ndërhynte.

Uraniumi i pasuruar në Isfahan potencialisht mund të rikuperohet nga iranianët, por për ta arritur do të duhej një përpjekje shumë e vështirë, tha zyrtari izraelit. /Ad.Ab./

The post IZRAEL – Irani mund të rikuperojë uraniumin e pasuruar nga objekti bërthamor i goditur nga SHBA appeared first on Agjencia Telegrafike Shqiptare.

OSLO, 11 korrik /ATSH-DPA/ – Fituesja iraniane e Çmimit Nobel për Paqen, Narges Mohammadi, i ka thënë komitetit norvegjez të  Nobelit për kërcënimet shqetësuese  me jetë ndaj saj.

Aktivistja për të drejtat e njeriut I tha kryetarit të komitetit, Jørgen Watne Frydnes, gjatë një “telefonate urgjente” se kishte marrë kërcënime të drejtpërdrejta dhe të tërthorta për “eliminim fizik” nga agjentë të regjimit iranian, njoftoi sot komiteti.

Mohammadi u nderua me Çmimin Nobel për Paqen në vitin 2023. Ajo e mori këtë çmim për luftën e saj kundër shtypjes së grave dhe dënimit me vdekje në Iran, si dhe për përkushtimin ndaj të drejtave të njeriut dhe lirisë.

Komiteti Nobel tha se ishte “thellësisht i shqetësuar” për kërcënimet  ndaj Mohammadit, por edhe për të gjithë iranianët që shprehin mendime kritike ndaj regjimit iranian.

Në deklaratë, Frydnes u bëri thirrje autoriteteve iraniane që “të mbrojnë jo vetëm jetën e tyre, por edhe lirinë e tyre të  shprehjes”.

Së fundmi, Mohammadi, së bashku me aktivisten iraniane të të drejtave të njeriut Shirin Ebadi, e cila është gjithashtu fituese e Çmimit Nobel për Paqen, ka bërë thirrje për t’i dhënë fund luftës midis Izraelit dhe Iranit. /Ad.Ab./

 

The post NORVEGJI – Fituesja e Çmimit Nobel: Irani po më kërcënon me “eliminim fizik” appeared first on Agjencia Telegrafike Shqiptare.

Tensionet mes Izraelit dhe Iranit duket se nuk janë shuar, pavarësisht marrëveshjes së armëpushimit të arritur pas ndërhyrjes së SHBA-së. Ministri izraelit i Mbrojtjes, Israel Katz, ka lëshuar një paralajmërim të fortë në adresë të Teheranit.

“Krahu i gjatë i Izraelit do t’ju arrijë në Teheran, Tabriz, Isfahan dhe kudo që të përpiqeni të kërcënoni ose dëmtoni Izraelin. S’ka vend ku mund të fshiheni. Nëse kthehemi prapa, do të kthehemi me forcë më të madhe,” tha ai në një deklaratë zyrtare.

Kjo deklaratë vjen vetëm pak ditë pas një konflikti 12-ditor midis dy vendeve, ku u përfshinë edhe Shtetet e Bashkuara, të cilat ndërmorën sulme ndaj objekteve bërthamore iraniane.

The post Izraeli paralajmëron Iranin: “Nëse na kërcënoni, do t’ju godasim përsëri, më fort!” appeared first on iconstyle.al.

Pretendimi: Një prej avionëve amerikanë B-2 që bombardoi Iranin nuk u kthye pas, por u rrëzua nga Irani

Verdikti: E paprovuar

————————————————————

Në rrjete sociale, përfshi ato shqipfolëse, po qarkullon lajmi se një nga avionët amerikanë B-2, të cilët bombarduan Iranin në fund të qershorit 2025, nuk është kthyer sërish në bazë, por është rrëzuar dhe kapur nga Irani.

Si zakonisht, postimet në rrjete sociale nuk sjellin ndonjë provë për të mbështetur këtë pretendim. Nëse iranianët do të kishin shtënë në dorë avionin B-2 të rrëzuar kjo ngjarje nuk do të kalonte në heshtje nga propaganda e Teheranit.

Më 22 qershor 2025, ShBA sulmoi tre objekte bërthamore në Iran, si kundërpërgjigje ndaj raketave të lëshuara drejt Izraelit. Fabrika e Pasurimit të Uraniumit Fordow, Objekti Bërthamor Natanz dhe Qendra e Teknologjisë Bërthamore Isfahan u shënjestruan me katërmbëdhjetë bomba “bunker buster” me peshë 14,000 kg, të transportuara nga bombarduesit e fshehtë Northrop B-2 Spirit, dhe me raketa Tomahawk të lëshuara nga një nëndetëse.

Një grafik i publikuar nga Pentagoni tregonte itinerarin e fluturimit duke kaluar mbi Liban, Siri dhe Irak. “B-2-shat tanë hynë, dolën dhe u kthyen pa e ditur bota fare,” u tha gazetarëve të Sekretari amerikan i Mbrojtjes, Pete Hegseth.

Kronologjia e “Operacionit Midnight Hammer”, një sulm i ShBA ndaj objekteve bërthamore të Iranit, i publikuar nga Departamenti i Mbrojtjes, më 22 qershor 2025.

Operacioni zgjati afërsisht 18 orë, por nuk ka asnjë raport të besueshëm për rrëzimin e ndonjë avioni amerikan. Asnjë burim i besueshëm i mbrojtjes apo inteligjencës nuk ka konfirmuar ndonjë incident të tillë që përfshin një bombardues B-2.

Ndërkaq, raportime të shumta tregojnë bombarduesit që ishin të përfshirë në sulmin ndaj Iranit, duke u kthyer në ShBA. Llogaria zyrtare e Shtëpisë së Bardhë në platformën X ndau gjithashtu një video të bombarduesve B-2 që zbarkuan në Bazën Ajrore Whiteman në Missouri pasi goditën Iranin.

Të gjithë bombarduesit B-2 Spirit të përdorur në sulmin ndaj objekteve bërthamore të Iranit u kthyen në Shtetet e Bashkuara “pa incidente”, sipas deklaratave të presidentit Trump dhe qeverisë amerikane.

The post I pabazë rrëzimi i një prej avionëve B-2 që bombarduan Iranin appeared first on Faktoje.al.

Pretendimi: Ky imazh tregon një agjent izraelit të lidhur me një raketë iraniane drejt Izraelit

Verdikti: E pavërtetë, Gjeneruar me AI

———————————————————-

Në rrjete sociale, përfshi ato shqipfolëse, po qarkullon një imazh që duket se tregon një njeri të lidhur pas një rakete. Imazhi i turbullt shoqërohet me pretendimin se tregon agjentë izraelitë të kapur në Iran dhe të lidhur me raketën iraniane për t’u dërguar mbrapsht në Izrael.

Me anë të motorrit të kërkimit pamor Google Lens, Faktoje gjeti një version më të qartë dhe të plotë të imazhit të sfumuar.

Në versionin e plotë, vërehen disa tregues të zakonshëm të imazheve të gjeneruara me programe të inteligjencës artificiale (AI).

Flamuri iranian në raketë është i pasaktë, fytyra e burrit është e turbullt, litari rreth tij nuk duket i qëndrueshëm dhe parmakët dhe shkallët e rampës pranë raketës janë gjithashtu të shtrembër.

Më 15 qershor, policia iraniane njoftoi se kishte arrestuar dy agjentë “të dyshuar” të Mossad, të cilët dyshohet se qëndronin pas “akteve të sabotimit” në Iran. Megjithatë, në njoftim, apo në ndonjë tjetër burim zyrtar, nuk përmendet ‘kthimi’ i këtyre agjentëve në Izrael me anë të raketave.
Faktoje ka verifikuar edhe më parë një imazh të gjeneruar me AI që pretendohej se tregonte një spiun izraelit të lidhur fizikisht me një raketë dhe lëshuar drejt Izraelit

The post Irani nuk po i kthen agjentët e Izraelit të lidhur pas raketave appeared first on Faktoje.al.

UASHINGTON, 7 korrik /ATSH/ – Irani mund t’i zgjidhë mosmarrëveshjet e tij me Shtetet e Bashkuara të Amerikës përmes dialogut, por besimi do të ishte një problem – pas sulmeve të SHBA-së dhe Izraelit ndaj vendeve berthamore, tha presidenti iranian Masoud Pezeshkian, sipas “Reuters”.

“Unë jam i bindur se ne mund t’i zgjidhim shumë lehtë mosmarrëveshjet dhe konfliktet tona me Shtetet e Bashkuara të Amerikës përmes dialogut dhe bisedimeve”, tha Pezeshkian në një intervistë me gazetarin, Tucker Carlson.

Udhëheqësi iranian i kërkoi presidentit të SHBA-së Donald Trump të mos ndërhynte në luftë – i nxitur nga udhëheqësi izraelit Benjamin Netanyahu, i cili ndodhet sot ne Uashington për bisedime.

“Presidenti Trump, është mjaft i aftë për të udhëhequr rajonin drejt paqes dhe drejt një të ardhmeje më të ndritur dhe për ta vendosur Izraelin në vendin e tij”, tha ai.

Ai fajësoi Izraelin, armikun kryesor të Iranit, për dështimin e bisedimeve që ishin në proces, kur Izraeli filloi sulmet e tij ndaj Iranit më 13 qershor, duke filluar një luftë ajrore 12-ditore me Izraelin, në të cilën u vranë komandantë të lartë iranianë dhe shkencëtarë bërthamorë.

Pezeshkian tha gjithashtu se Izraeli ishte përpjekur ta vriste atë.

“Ata u përpoqën. Ata vepruan në përputhje me rrethanat, por dështuan”, tha ai.

Izraeli nuk iu përgjigj menjëherë akuzës. Një zyrtar i lartë ushtarak izraelit tha muajin e kaluar se Izraeli kishte vrarë më shumë se 30 zyrtarë të lartë të sigurisë dhe 11 shkencëtarë të lartë bërthamorë – në sulmin e tij ndaj vendeve bërthamore të Iranit.

Trump tha se priste të diskutonte me kryeministrin Netanyahu çështjen e Iranit dhe ambiciet e tij bërthamore, duke vlerësuar sulmet e SHBA-së ndaj vendodhjeve bërthamore iraniane si një sukses të jashtëzakonshëm.

Javen e kaluar, ai u tha gazetarëve se besonte që programi bërthamor i Teheranit ishte parandaluar përgjithnjë, megjithëse Irani mund të rifillonte përpjekjet diku tjetër. /Ad.Ab./ /a.i/

The post TEHERAN – Pezeshkian: Irani i hapur për dialog me SHBA-të appeared first on Agjencia Telegrafike Shqiptare.

Presidenti i ri i Iranit, Masoud Pezeshkian, ka deklaruar në një intervistë për gazetarin amerikan Tucker Carlson se është bërë objektiv i një tentative për atentat nga Izraeli. “Po, ata u përpoqën. Ata vepruan në përputhje me rrethanat, por dështuan,” tha Pezeshkian, duke treguar se gjatë një takimi ku ndodhej, Izraeli kishte tentuar të bombardonte […]

The post Presidenti iranian: Izraeli tentoi të më vriste gjatë një takimi, por dështoi appeared first on BoldNews.al.

Një aksion kërkimi i ushtrisë turke në Irakun verior është kthyer në tragjedi, pasi 12 ushtarë kanë humbur jetën nga helmimi me gaz metani. Ngjarja ndodhi në zonën e njohur si “Operacioni Claw-Lock”, ku prej tre vitesh po kërkohej trupi i një ushtari të vrarë nga luftëtarët kurdë të PKK-së. Fillimisht, Ministria turke e Mbrojtjes […]

The post Tragjedi në Irak, 12 ushtarë turq humbin jetën nga helmimi me gaz metani appeared first on BoldNews.al.

Qindra mijëra afganë janë larguar nga Irani javët e fundit, pasi Teherani u dha afat deri më 6 korrik më shumë se katër milionë imigrantëve afganë pa dokumente për ta lënë vendin, thanë Kombet e Bashkuara dhe organizata të tjera ndërkombëtare, duke ngritur alarmin për mungesën e theksuar të fondeve për t’i ndihmuar të kthyerit.

Më shumë se 256.000 afganë janë kthyer në vendin e tyre nga Irani vetëm gjatë qershorit, sipas Organizatës Ndërkombëtare për Migracionin (IOM).

Agjencia tha se rritja e madhe e numrit të të riatdhesuarve po e bën të vështirë për IOM-in dhe partnerët për të ofruar ndihmë.

Këto organizata arrijnë t’i ndihmojnë vetëm te 10 për qind të atyre që kanë nevojë.

Irani thotë se i strehon më shumë se 6 milionë afganë, shumë prej të cilëve jetojnë atje pa status të ligjshëm. Shumë imigrantë afganë pretendojnë se përballen me diskriminim të rregullt në Iran.

Disa media iraniane kanë raportuar se edhe afganët me viza të vlefshme janë dëbuar me forcë gjatë valës së fundit të dëbimeve.

Lufta 12-ditëshe e Iranit me Izraelin në mes të qershorit thuhet se ka kontribuar në largimet, me mediat shtetërore iraniane dhe përdorues të rrjeteve sociale që pretendojnë se një numër i pacaktuar shtetasish afganë janë arrestuar nën dyshime për spiunazh për Izraelin.

Richard Bennett, raportuesi i posaçëm i OKB-së për të drejtat e njeriut në Afganistan, tha në platformën X më 5 korrik se “qindra” afganë dhe pjesëtarë të pakicave të tjera etnike dhe fetare janë ndaluar dhe “akuzuar për spiunazh”.

Bennett gjithashtu shprehu shqetësim për atë që e përshkroi si “etiketimin e afganëve [dhe] komuniteteve pakicë si tradhtarë” nga mediat iraniane.

Disa imigrantë që jetojnë në Iran i thanë Radios Evropa e Lirë se afganët e arrestuar për akuza spiunazhi janë keqtrajtuar në paraburgim dhe më pas janë dëbuar në Afganistan, pavarësisht se kishin leje qëndrimi dhe dokumentacion të vlefshëm.

Një i ri afgan që jeton në Teheran i tha REL-it se babai i tij u arrestua dhe u keqtrajtua nga policia iraniane për një akuzë të rrejshme për spiunazh.

“Babai im u arrestua dhe u torturua për akuza spiunazhi”, tha ai në kushte anonimiteti.

I riu shtoi se viza e tij ka skaduar së fundmi dhe ai nuk del më jashtë nga frika se do të arrestohet dhe dëbohet.

Një tjetër refugjat afgan ndau rrëfim të ngjashëm, duke thënë se “situata e refugjatëve afganë është përkeqësuar më tej gjatë një apo dy javëve të fundit”.

“Edhe ata që kanë status të ligjshëm dhe punë jetojnë në frikë. Shumë prej miqve tanë janë dëbuar. Situata është shumë shqetësuese”, i tha ai REL-it më 6 korrik.

IOM-i dhe organizata të tjera ndërkombëtare, si Federata Ndërkombëtare e Kryqit të Kuq dhe Gjysmëhënës së Kuqe (IFRC), që ofrojnë ndihmë për të kthyerit, thanë se shumë afganë mbërrijnë “vetëm me rrobat që kanë veshur” dhe “në nevojë urgjente për ushqim, kujdes mjekësor dhe mbështetje”.

IFRC-ja tha më 5 korrik se grupe të mëdha afganësh, përfshirë shumë fëmijë, po mbërrijnë nëpërmjet pikës kufitare Islam Qala, pasi kanë përjetuar “lodhje, uri dhe pasiguri gjatë rrugës së kthimit”, me temperatura mbi 43 gradë celsius.

Sipas IFRC-së, më shumë se 800.000 afganë janë kthyer nga Irani që nga janari.

Ndërkohë, qindra mijëra të tjerë janë kthyer nga Pakistani, një tjetër vend pritës për refugjatët afganë.

Pakistani planifikon t’i dëbojë 3 milionë afganë këtë vit.

Agjencia për refugjatë e OKB-së, UNHCR, tha muajin e kaluar se të paktën 1.2 milion afganë janë detyruar të kthehen nga Irani dhe Pakistani deri tani këtë vit, duke shkaktuar një krizë që mund të destabilizojë më tej situatën e brishtë në Afganistan./REL

The post OKB paralajmëron krizë të re emigrimi/ Mijëra afganë detyrohen të largohen nga Irani appeared first on Sot News | Lajme.

Lideri suprem i Iranit, ajatollah Ali Khamenei, është shfaqur për herë të parë në publik që nga fillimi i luftës 12-ditëshe me Izraelin, gjatë së cilës disa prej liderëve më të lartë politikë, ushtarakë dhe shkencorë të Iranit u vranë nga ushtria izraelite.

Televizioni shtetëror iranian e shfaqi Khamenein të shtunën duke e përshëndetur turmën e njerëzve teksa po hynte në një xhami pranë rezidencës së tij në Teheran.

Khamenei mori pjesë në shënimin e festës së Ashurës, një ditë e rëndësishme në Islam për përkujtimin. Megjithatë, TV shtetërore raportoi se ai nuk mbajti ndonjë fjalim në atë ngjarje.

Pjesëmarrës të tjerë në këtë ngjarje folën për “qëndresën” ndaj sulmeve dhe theksuan se Irani “nuk do të dorëzohet kurrë”, duke përsëritur deklarata të mëhershme të Khameneit, sipas televizioni shtetëror.

Khamenei, 86 vjeç, dikur gjithmonë fytyrë e pranishme e republikës islamike, u tërhoq pothuajse plotësisht nga publiku gjatë luftës që Izraeli nisi më 13 qershor, pasi thuhej se ai ndodhej në listën e shënjestrave të Izraelit.

Daljet e tij të vetme – dy deklarata me video, e dyta më sa duhet e xhiruar në një bunker – nuk arritën ta qetësonin kombin.

Presidenti amerikan, Donald Trump, ka thënë se të paktën dy herë kishte parandaluar sulme izraelite kundër Khameneit.

Trump, në një mesazh gjatë sulmeve të ashpra izraelite, kishte theksuar se SHBA-ja ishte në dijeni të vendndodhjes së Khameneit, por nuk kishte synim ta vriste atë.

Ushtria amerikane gjithashtu kreu sulme ajrore kundër objekteve bërthamore iraniane, duke pretenduar se kishte shkatërruar plotësisht ato, pavarësisht mbetet e vështirë verifikimi i hollësishëm i dëmeve.

Mungesa e udhëheqësit suprem në publik u bë temë thashethemesh në rrjetet sociale në Iran dhe herë pas here edhe subjekt talljesh.

Pavarësisht humbjeve që ka pësuar Irani – veçanërisht në programin bërthamor dhe udhëheqjen ushtarake – Khamenei deklaroi në një mesazh të regjistruar më 26 qershor se Irani kishte fituar konfliktin kundër Izraelit dhe Shteteve të Bashkuara.

Deklarata e tij është përsëritur edhe nga zyrtarë të tjerë shtetërorë dhe mediat.

Ndërkohë, Tucker Carlson, ish-prezantues i Fox News dhe figurë e njohur mediatike e djathtë në SHBA, më 5 korrik deklaroi se kishte zhvilluar një intervistë me presidentin iranian, Masud Pezeshkian, e cila do të publikohej “brenda një ose dy ditësh”.

Në një video-mesazh në X, Carlson tha se intervista ishte zhvilluar në distancë dhe përmes një përkthyesi.

Ai shtoi se i kishte ofruar një intervistë edhe kryeministrit izraelit, Benjamin Netanyahu, por ende nuk kishte marrë përgjigje. Netanyahu pritet të takohet në Uashington me Trump më 7 korrik./REL

The post Lideri suprem i Iranit shfaqet për herë të parë në publik që nga fillimi i luftës 12-ditëshe appeared first on Sot News | Lajme.

Lideri suprem i Iranit, ajatollah Ali Khamenei, është shfaqur për herë të parë në publik që nga fillimi i luftës 12-ditëshe me Izraelin, gjatë së cilës disa prej liderëve më të lartë politikë, ushtarakë dhe shkencorë të Iranit u vranë nga ushtria izraelite. Televizioni shtetëror iranian e shfaqi Khamenein të shtunën duke e përshëndetur turmën […]

The post Lideri suprem i Iranit shfaqet për herë të parë në publik që nga fillimi i luftës 12-ditëshe appeared first on BoldNews.al.

Sipas tij, Shqipëria nuk ka asnjë rol në këtë zinxhir ndërkombëtar dhe është thjesht konsumatore që ndjen pasojat.

Pedagogu i Universitetit të Tiranës, Igli Tola, ka komentuar ndikimin e konfliktit Izrael-Iran në tregjet globale të naftës, gjatë emisionit televiziv.

Tola theksoi se çmimet e naftës ndikohen nga fuqitë e mëdha dhe kontratat ndërkombëtare, ndërsa aktualisht tregu paraqitet i stabilizuar, pavarësisht tensioneve gjeopolitike.

Igli Tola:

“Dihet që nafta është një burim që ndikohet nga fuqitë. Pushteti që kanë shtetet e gjirit në raport me SHBA në këtë resurs janë të njohura. Sa u takon Shqipërisë, është qe ne thjesht do të vuajmë pasojat dhe nuk kemi asnjë lloj impakti. Siç ndodhi edhe rasti Izrael-Iran, të gjithë prisnim që konflikti të ndalonte. Një ndryshim nëse bursë nuk ka një ndikim të drejtpërdrejtë, ndikon në kontratat e ardhshme. Treguesit për naftën tregojnë që aktualisht është i stabilizuar”.

The post Konflikti Izrael-Iran/ Dritëhijet e “arit të zi”, flet pedagogu: Shqipëria nuk ndikon në tregun e naftës, por vuan… appeared first on Sot News | Lajme.

Eksperti i tregjeve, Ergis Sefa, parashikon rritje të mundshme të çmimit të naftës për shkak të zhvillimeve gjeopolitike dhe interesave të fuqive të mëdha.

Në emisionin “Sheshi i Dollarit” në ABC News, Sefa u shpreh se nafta shpesh përdoret si një “armë e ftohtë” nga shtete si Kina, SHBA dhe Rusia, ndërsa ndikimet më të mëdha i ndien Europa.

Sipas tij, në këtë luftë ekonomike, tregjet mbeten të ndjeshme dhe çmimi aktual nuk pritet të qëndrojë i pandryshuar për një kohë të gjatë.

“Unë nuk jam aq optimist saqë të mendoj se çmimi i naftës nuk do të rritet ose do të qëndrojë kaq sa është. Mendoj se do të rritet disi, kjo për shkak të disa faktorëve. Duhet të kemi parasysh dy faktorë të mëdhenj, nafta shpesh përdoret si një armë e ftohtë gjeopolitike për vendet e mëdha sidomos SHBA. Më së shumti e përdor Kina, e cila është konsumator i madh, pastaj favorizon Rusinë pasi ka fitime të mëdha nga nafta. SHBA kërkon që ta mbajnë të pandryshuar, sepse janë shumë të ndjeshëm për rritjen e çmimit. Në këtë luftë gjeopolitike nafta përdoret shumë si një armë, ose kërcënim. Europa është në dorë të SHBA. Kjo luftë dëmtoi më shumë Europën”, tha eksperti./abcnews.al