Përfaqësuesit e koalicionit VLEN, sot kanë vizituar Medresenë “Isa Beu” në Shkup, pas kalimit të ligjit në qeveri për akreditimin e Medresesë. Kryetari i Bashkësisë Fetare Islame, Shaqir Fetahu, shprehu falënderim për kalimin e ligjit në Qeveri dhe tha se kjo do të ndikojë në rritjen e numrit të nxënësve në medrese.

“Shprehim falënderime për punën që kanë bërë. këtë ditë dhe kalimin e këtij ligji e definojmë si ngjarje historike, pasi përpjekjet tona mbi katër dekada tashmë janë realizuar dhe tani medreseja dhe nxënësit e saj barazohen me nxënësit e shkollave të mesme në RMV”.

“Kam bindjen se ka pasur ambient për të shprehur gëzim për këtë ligj, kjo do të ndikojë në rritjen e numrit të nxënësve në gjithë territorin. Pasi të gjithë ata që duan të ndjekin procesin edukativo-arsimor në medrese, janë të bindur se do të kenë mundësi të vazhdojnë në të gjitha fakultetet e vendit dhe jashtë vendit”, tha mes tjerash Fetahu.

Ndërsa zv.kryeministri Izet Mexhiti, tha se është eliminuar një nga diskriminimet e të kaluarës, sa i përket nxënësve të medresesë.

“Eliminohet një diskriminim i të kaluarës, edhe përfaqësues të BFI edhe përfaqësues të politikës nuk në të kaluarën ne politikanët nuk kemi ditur të japim përgjigje pse nxënësit e medresesë “Isa Beu” nuk kanë mundur të shkollohen si të tjerët. Sot konstatojmë që eliminohet ky diskriminim dhe do të ketë barazi. Tani udhëheqësia e medresesë duhet të merret me cilësinë e mësimit dhe kushteve, ndërsa pjesa tjetër është realizuar”, tha Mexhiti.

I pyetur se kur do ta dorëzojnë në Kuvend, Mexhiti tha se pret që deri në shtator edhe zyrtarisht Medreseja “Isa Beu” të jetë e barabartë me të gjithë shkollat e mesme tjera./Telegrafi/

The post Liderët e VLEN-it vizitojnë Medresenë “Isa Beu”, Fetahu: Nxënësit e medresesë janë barazuar me nxënësit tjerë appeared first on Telegrafi.

Zv.kryeministri Izet Mexhiti, sot në konferencë për media ka folur për propozim-ligjin e ri për lojërat e fatit, me të cilin tha se klubet e kazinove dhe bastoreve do të largohen së paku 500 metra nga objektet shkollore.

Mexhiti tha se me ligjin e ri për 70 përqind do të ulet prezenca e qendrave të bixhozit dhe bastoreve, njofton Telegrafi Maqedoni.

“Dje qeveria jonë miratoi ligjin për lojërat e fatit. Është hap i rëndësishëm për luftën kundër mafias së bixhozit. Ne trashëguam shoqëri në të cilin bixhozi lulëzonte, sot të paktën operojnë 1500 qendra bixhozi, bastore dhe aparate bixhozi në të gjithë shtetin. Me ligjin e ri në start do të ulet prezenca e kësaj katastrofe për 70 përqind. Nga mbi 7000 aparate WLT do të eliminohen 4000”.

“Po ndalojmë reklamimin e bixhozit. Largojmë klubet e bixhozit dhe bastoret për të paktën 500 metra nga objektet shkollore, çerdhet. Rrisim taksat për të vështirësiur hapjen e pikave të kumarit. Në qeverisjen paraprake kompanitë me një licencë kanë hapur pa numër pika të basteve”, tha Mexhiti.

Ai gjithashtu theksoi se Qeveria do ta vazhdojë luftën kundër kazinove dhe bastoreve./Telegrafi/

The post Mexhiti: Me ligjin e ri kazinotë largohen së paku 500 metra nga objektet shkollore appeared first on Telegrafi.

Koalicioni VLEN ka hapur sonte shtabin zgjedhor të zgjedhjeve lokale të tetorit, informon Telegrafi Maqedoni.

Para të pranishmëve në sheshin Skenderbeu në Shkup, fjalë rasti patën liderët e partive përbërëse të VLEN-it.

Bekim Qoku nga Vetëvendosje tha se kjo qeverisje ka punuar me vepra dhe jo fjalë, siç dikur bënte qeverisja e kaluar.

“Në fushatë kisha një thënjë “Erdhi dita, Ali opozita, erdhi data, BDI non-grata”, ne si mund te krahasohemi me ata që nuk investonin por shihnin interesin, me ata që  blenin qëndra tregtare teksa ne ndajme mjete për univeristetet shqiptare, ne ndërtojme korridorin tetë, teksa ata nuk lëshuan asnjë kilometër rrugë. VLEN janë me Albin Kurtin, janë me Shqipërinë, për NATO dhe BE” tha Qoku.

Zëvendëskryeministri, Arben Fetai tha se ish-bashkëpartiakëve të VLEN-it, ju ranë maskat, pasi tanimë po shihet se ASH po afrohet në bashkëpunim më BDI-në.

“U bashkuam kundër BDI-së, kunder llotarisë, kundër Soravisë. Shokëtë tanë ju ranë maskat, a torturuan për pesë muaj më tema për lista në ndara, duke dashur të kontrabandoj votuesin shqiptar për interesa tjera. Qeverisja e mirë është angazhim i përditshëm në interes të qytetarëve, ne duam institucione qe punojnë për popullin”, tha Fetai.

Kryetari i Komunës së Tetovës, Bilall Kasami tha se kryetarët e komunave që janë pjesë e VLEN-it kanë punuar për shumë projekte komunale në të mirë të qytetarëve.

“Sot jemi në sheshin Skenderbeu, ne Cairin e kryetarit të cilin po e sulmojnë vazhdimisht, mirëpo kjo komunë ka pasur zhvillimin ndoshta më të madh nga komunat e tjera të Shkupit. U bë Cairi, u bë ëdhe Tetova. Për një mandat përgjysmuam borxhin e Komunës së Tetovës, si një synim që tashmë e kemi realizuar. Sot Tetova flet për rini, flet për verën kulturore, flet për projekte të reja ne të mirë të shoqërisë”, tha Kasami.

Zëvendëskryeministri i parë, Izet Mexhiti tha se VLEN ka realizuar punë që BDI në 20 vitet e kaluara i kishtë lënë në harresë.

“Frontit tash me Taravarin bëhen 10 parti, po edhe me atë do t’i fitojmë. Anëtarësia e ASH-së e braktis Taravarin dhe bashkohen me Arben Fetain. Ne po përmirësojmë atë që ata nuk e bënë për 20 vite. Thanë që rrezikohet gjuha shqipe, mirëpo u shkarkuar gjykatësja që tentoi ta prekë atë ligj. Balancuesin e shfuqizoi gjykata e tyre, mirëpo ne do e rregullojmë me ligjin për përfaqësim të drejtë këtë punë. Për nje vit zgjedhim dhe problemin me medresantët, pra po sjellim ligj të veçantë për medresenë Isa Beu. Për një vit 226 faqe onlinë të kazinove të BDI-së dhe Grubit janë mbyll”, tha Mexhiti.

Kryetari i Alternativës, Zeqirja Ibrahimi në fjalimin e tij tha se hapja e shtabit zgjedhor është kapitull për një fitore të re.

“Sonte nuk po hapim shtab por po hapim kapitullin e fitores së këtij viti. Populli do të vendos a janë me VLEN-in për zhvillimin e komunave shqiptare, apo janë për kthimin e BDI-së? Nesër në Shkup do të mbahet parada e krenarisë, BDI-LSDM tentuan ta ndrrojnë kodin civil në vitin 2022, mirëpo ju doli dardhë me bisht. Nëse jo për diçka tjetër, së paku vetëm pse VLEN mbron familjen tradicionale, duhet ta përkrahni”, tha Ibrahimi.

Shefi i Shtabit Zgjedhor, Adnan Azizi tha se shqiptarët janë punësuar në qeverisjen e VLEN-it, ndaj me këtë ritëm do të vazhdojnë dhe tutje.

“Hapja e këtij shtabi qendror do të vijojë dhe më hapjen e shtabeve të tjera. Punësimet e shqiptarëve po ndodhin në këtë qeverisje, 600 punesime dhe avansime, ndaj duhet të angazhohemi maksimum në keto zgjedhje, të dëshmojmë se VLEN-I është projekt afatgjatë I shqiptarëve. Për një shoqëri më të pastër, më të ndershme dhe më dinjitoze”, tha Azizi. /Telegrafi/

The post VLEN hapi shtabin qendror zgjedhor: Për një vit qeverisje realizuam punët që BDI nuk i realizoi për 20 vite në pushtet appeared first on Telegrafi.

Instituti për Hulumtime dhe Zhvillim në Prishtinë (PIRDEV) ka mbajtur të enjten konferencë lidhur me bashkëpunimin ndërkufitar, me temën “Modeli i ri i integrimit për Ballkanin Perëndimor”, shkruan KosovaPress.

Në panelin e parë u diskutua për demokracinë në epokën hibride, kërcënimet hibride, integritetin e zgjedhjeve dhe ndikimet nga jashtë. Në këtë diskutim, ndër të tjera, u tha se Kosova është vendi më i cenueshëm nga lufta hibride.

Pjesë e kësaj konference ishte edhe zëvendëskryeministri i Maqedonisë së Veriut, Izet Mexhiti, i cili tha se ky vend ballafaqohet me luftë hibride dhe lajme të rreme, mirëpo që në vazhdimësi po punohet për të ndërtuar mbrojtje nga kjo luftë.

Duke folur për integritetin e zgjedhjeve, ai tha se sistemi më i drejtë zgjedhor është kur mandati merret drejtpërdrejt nga qytetari dhe jo kur delegohet. Madje ai lavdëroi Kosovën, siç tha, për sistemin zgjedhor dhe listat e hapura, pasi sipas tij, në Maqedoninë e Veriut është sistemi proporcional, përmes të cilit deputetë zgjidhen më shumë ata që janë lojalë ndaj liderit politik.

“Maqedonia e Veriut ballafaqohet me lajme të rreme dhe luftë hibride, ku mundohemi të kapim hapin edhe pse jemi të kufizuar me buxhet. Mirëpo po punohet në këtë drejtim për të ndërtuar mbrojtje nga kjo luftë, e cila është aktuale dhe problem për cilëndo qeveri, e sidomos të rajonit. Në parim, mendoj se më i drejtë është kur mandati merret drejtpërdrejt nga qytetari sesa kur delegohet, por edhe ato kanë nuancat dhe modelet e veta. Por unë mendoj se model më i mirë janë listat e hapura në Kosovë, të cilat mundësojnë që deputetë të bëhen ata që janë më të votuar dhe kanë përkrahje. Ndërsa në Maqedoninë e Veriut është sistemi proporcional ku kryesisht respektohet kriteri i lojalitetit ndaj liderit”, tha ai.

Kosova, sipas kryetarit të Komunës së Gjakovës, njëherësh nënkryetari i Aleancës për Ardhmërinë e Kosovës, Ardian Gjini, është më e cenueshmja nga lufta hibride në rajon.

Ai gjatë diskutimit tha se lufta hibride në mënyrën më të sofistikuar është përdorur që një kohë të gjatë në Kosovë. Sipas tij, qëllimi kryesor është që të krijohet hamendje te qytetarët.

Sa i përket demokracisë dhe integritetit zgjedhor, Gjini nënvizoi nevojën që në Kosovë të largohet votimi preferencial, pasi sipas tij, përfaqësimi në Kuvend nuk është kualitativ.

“Kosova është më e cenueshme se cilido prej vendeve të rajonit nga lufta hibride. Lufta hibride, në mënyrën e vet më të sofistikuar, është duke u përdorur për një kohë të gjatë. Kemi qenë cak i asaj lufte për një kohë të gjatë. Është për të sjellë situata të hutimit dhe mos me ditë se çka po dëshirojmë… Kualiteti në Parlamentin e Kosovës është gjithmonë e më i brishtë. Nuk janë gabim listat e hapura. Sistemi me lista funksionon edhe në vende të tjera dhe nuk është problematik, pasi lista e hapur mundëson që cilido kandidat që ka mbështetje më të madhe të renditet lart. Mirëpo problemi është te vota preferenciale, e cila është e kotë. Kjo ka ndodhur për shkak të frikës së disa përfaqësuesve se mund të ketë ndryshime të mëdha në listë,” theksoi Gjini.

Në anën tjetër, drejtori i Plug and Play Tech Center për Ballkanin Perëndimor, Uranik Begu, ngriti shqetësimin e tij se zhvillimi i teknologjisë do të bëhet më i sofistikuar dhe do t’u japë mundësi më shumë atyre që kanë synim destabilizimin dhe ndërhyrjen në vende të ndryshme, kryesisht përmes lajmeve të rreme.

“Ky është një fenomen dhe proces që ka me ardhë duke u përshkallëzu edhe më keq. Mundësia dhe zhvillimi i teknologjisë ka me mundësu që ata që kanë synim për destabilizim apo për të krijuar atë që quhet ‘fake neës’ apo lajme të rreme, do të kenë teknologji të sofistikuar,” shtoi ai.

Krahas kësaj, në këtë konferencë u diskutua edhe për bashkëpunimin ndërkufitar dhe mikro-rajonet./KP/

The post Kosova, vendi më i cenueshëm nga lufta hibride appeared first on Telegrafi.

Zëvendëskryeminsitri i parë Izet Mexhiti në një konferencë për media bëri të ditur se tashmë janë mbyllur 226 kazino online që kanë vepruar në territorin e Maqedonisë së Veriut.

Mexhiti bëri të ditur se me këtë hap është ulur numri i kazinove online për 40%, ndërkaq bëri të ditur se së shpejti do të mbyllen edhe kazinot tjera online.

“Kazino nuk është ekonomi është krim. Në ditët e para të qeverisë u hoqën disa koncesione për kazino online. Ndërsa sot infromojmë për mbylljen e 226 faqeve që kanë dhënë shërbime online kazino në mënyrë joligjore, që kanë qenë rrezik potencial për gjeneratat e reja. Jemi në përfundim të ligjit të ri për lojërat e fatit, i cili minimum do të jetë 50 deri 70 përqind më rigoroz, e i cili do të sjell mbyllje të 70 përqind të kazinove nëpër lagjet dhe qytetet tona, të cilat janë instaluar nga qeverisja e kaluar”, tha mes tjerash Mexhiti.

Ai gjithashtu apeloi deri te të gjithë qytetarët që të paraqesin kazinot online qe me këtë edhe qeveria të marrë masat e duhura./Telegrafi/

The post Mexhiti: Kemi mbyllur 226 faqe që kanë ofruar shërbime për kazino online appeared first on Telegrafi.

Zv. kryeministri, Izet Mexhiti njofton se Qeveria ka ndërmarrë një hap të ri kundër bixhozit online, duke bllokuar 173 faqe të reja interneti që ofronin lojëra fati në mënyrë të paligjshme. Këtyre u shtohen edhe 53 faqe të bllokuara më parë, duke e çuar numrin total të faqeve të ndaluara në 226.

“Po i mbyllim dyert për bixhozin online. Po hapim rrugën për një rini të shëndetshme dhe të sigurt,” deklaroi Mexhiti, duke theksuar se kjo masë është realizim i drejtpërdrejtë i njërit prej premtimeve kryesore të koalicionit VLEN para zgjedhjeve.

Ai shtoi se ndryshe nga qeveritë e mëparshme, kjo qeveri nuk do të jetë aleate e industrisë së bixhozit, por do të mbrojë interesat e familjeve dhe të rinjve.

“Ky është vetëm fillimi. Do të vazhdojmë me një luftë sistematike kundër kazinove dhe shprehive të dëmshme që po e brejnë shoqërinë dhe familjet tona,” tha më tej Mexhiti.

Qeveria ka premtuar politika të qëndrueshme dhe të përgjegjshme në drejtim të parandalimit të bixhozit, duke vënë theksin te mirëqenia e brezit të ri dhe e shoqërisë në tërësi.

The post Mexhiti: Po i mbyllim dyert për bixhozin, po hapim rrugën për rininë appeared first on Telegrafi.

Koalicioni VLEN promovoi shtabin zgjedhor për zgjedhjet lokale. Zëvendëskryeministri i parë, Izet Mexhiti në fjalën e tij theksoi se VLEN-i nuk u përça, por u bashkua. Mexhiti në promovimin e shtabit zgjedhor potencoi se sot nuk është fillimi, por siç shtoi, vazhdimi i fitores së një viti më parë.

“Sot nuk është fillimi, ky është vazhdimi i fitores të një viti më parë. Është vazhdimi i çlirimit nga politika e së kaluarës, sepse shqiptarët nuk janë lodhur nga politika, janë lodhur nga mospolitika”.

“Janë lodhur nga intriga dhe keqpërdorimi, shqiptarët nuk kanë kërkuar shumë, kanë kërkuar dinjitet, barazi dhe të drejtën për të mos u trajtuar si qytetarë të dorës së dytë në vendin e tyre. Dhe VLEN është këtu për të rikthyer politikën si duhet të jetë, si përgjegjësi publike dhe jo si pronë private. VLEN është këtu që t’ua kthejë shqiptarëve dinjitetin që politika e së kaluarës ua humbi”, tha Mexhiti.

The post VLEN promovon shtabin zgjedhor, Mexhiti: Vazhdojmë fitoren e një viti më parë appeared first on Telegrafi.

Zv. kryeministri Izet Mexhiti sot në Londër ishte i pranishëm gjatë nënshkrimit të Marrëveshjes për bashkëpunim politik dhe ekonomik ndërmjet Qeverisë së Maqedonisë dhe Mbretërisë së Bashkuar, me të cilën vendit i vihen në dispozicion 6 miliardë euro (5 miliardë funte) për financimin e projekteve kapitale.

Mexhiti për thotë se marrëveshja përfshin zhvillimin e sektorëve kyç si transporti, shëndetësia, arsimi, teknologjia e informacionit dhe mjedisi jetësor.

Ai e vlerësoi këtë si marrëveshjen më të madhe ekonomike në historinë e vendit.

“Është ditë historike, këtu në dhomën ku ka funksionuar edhe Churchill, të nënshkruhet marrëveshja më e madhe historike për RMV-në. Marrëveshja që korrniza është diku 5 miliardë euro, të cilat do të investohen në zgjidhjen e probleme jetike, strategjike të shtetit, duke filluar nga infrastruktura hekurudhore, Korridorin 10, Korridorin 8.

Po ashtu parashihet ndërtimi i spitalit në Kërçovë, rekonstruimi i klinikave në Tetovë. Ndërtimin e fakultetit të mjekësisë, e njëjta edhe në Shtip.

Është një kombinim i projekteve nga shëndetësia dhe arsimi. Këtu është propozuar dhe është para miratimit, me ndihmën e këtij projekti njëherë e përgjithmonë Maqedonia të pastrohet nga mbetjet e rrezikshme, siç janë në kuadër të fabrikës së OHIS, Jugohrom, Vakcincë-Llojan, të cilat janë të dëmshme për natyrën, por edhe për shëndetin e qytetarëve”, tha mes tjerash Mexhiti.

The post Mexhiti: Marrëveshja ekonomike me Britaninë është më e madhja në historinë e RMV-së appeared first on Telegrafi.

Pas largimit përfundimisht të ASH-së së Arben Taravarit nga koalicioni VLEN dhe afrimin me BDI-në e Ali Ahmetit në rrjetet sociale ka reaguar zëvendëskryeministri i parë Izet Mexhiti, pjesë e koalicionit VLEN.

Mexhiti ndodhitë e fundit politike i quan serial për ‘rrënimin e qeverisë’, duke shtuar se protagonistët kanë dështuar.

Tutje Mexhiti thekson se ndryshimi vazhdon pa heronj të rrejshëm, dhe se ndryshimi do të vazhdojë si amanet i 107.000 votuesve shqiptarë.

“Dje ranë maskat: protagonistët e serialit latin publikisht e pranuan atë që e kam thënë shumë herë deri më sot: se gjatë gjithë kohës kishin marrëveshje të fshehtë bashkëpunimi. Protagonistët e serialit të quajtur ‘Rrënimi i qeverisë, dështuan. Nuk ndihmuan as fjalimet bombastike, as viktimizimi, as servilosja, as patriotizmi me bateri. Ndryshimi vazhdon pa heronj të rrejshëm për një përdorim. Ndryshimi vazhdon si amanet i 107.000 votuesve shqiptarë që sot kanë çdo të drejtë të ndjehen të tradhëtuar. Lufta kundër korrupsionit nuk ka alternativë. Përgjegjësi për pasurimin e paligjshëm do të ketë”, shkruan Mexhiti

Ai shton se në vend të fjalimeve bombastike për gjoja se luftë kundër korrupsionit, opozita duhet ta dëshmojë gatishmërinë e vet për hetim me vepra konkrete. Si fillim, sipas Mexhitit, le ta dorëzojë superfunksionarin e listës së zezë tek organet e hetuesisë./Telegrafi/

The post Mexhiti: Protagonistët e serialit të quajtur ‘rrënimi i qeverisë, dështuan’ appeared first on Telegrafi.

Zv.kryeministri i Maqedonisë së Veriut Izet Mexhiti ka reaguar pas takimit të së hënës mes kryeministrit Hristijan Mickoski dhe kreut të Aleancës për Shqiptarët Arben Taravari. Sipas tij, Taravari ka shkelur besën dhe fjalën e dhënë.

“Izet Mexhiti është drejtues i Lëvizjes Demokratike, një parti e re në skenën politike në Maqedoninë e Veriut, pjese e koalicionit VLEN, i cili tashme është shkrirë në një parti, dhe nga e cila ka dalë tashmë Taravari”. Qëndrimin e tij Mexhiti e shprehu edhe përmes një postimi në rrjetet sociale.

“Kur shkelet fjala e dhënë, është thyer buka. E buka që thyhet nuk ngjitet. As me takime të njëpasnjëshme, as me afate një mujore. Sepse besa nuk është thjesht një zotim; ajo është një garanci nderi, që në histori ka qenë më e fuqishme se çdo dokument ligjor”, është shprehur Mexhiti.

Një ditë më parë, takimi mes Mickoskit dhe Taravarit rezultoi pa epilog, por mediat ne Shkup raportojnë se fryma ishte konstruktive.
Mickoski mësohet te ketë dhënë afat deri në fund të majit që Taravari t’i japë përgjigje pyetjes së madhe:  a do te bashkëpunojë me BDI për zgjedhjet lokale, apo  do të zgjedhë të vazhdojë të jetë pjesë e koalicionit qeveritar.

Në tryezën e bisedimeve nuk janë hedhur plane ose opsione të tjera shtesë, përveç këtyre të dyjave. Prononcime për mediat pas takimit nuk pati nga asnjë pale.

Me herët, Kryeministri Hristian Mickoski deklaroi se Taravari ka dy opsione, në qeveri për reforma dhe ndryshime ose me ata që për dy dekada kriminalizuan shtetin, referuar këtu BDI se Ali Ahmetit. Taravari po ashtu tha se nuk ka marrëveshje me BDI-në, dhe se kur të ketë, nuk do të synojë të jetë më pjesë e qeverisë.

/abcnews.al/

Bashkëpunimi me partnerët ndërkombëtarë është thelbësor për arritjen e qëllimeve tona në mbrojtjen e mjedisit dhe zhvillimin e qëndrueshëm, thekson zv. kryeministri Izet Mexhiti gjatë takimit me ambasadorin e Republikës së Austrisë në Maqedoninë e Veriut, Sh.T.Z. Martin Pamer.

“Në qendër të diskutimit ishte forcimi i bashkëpunimit dypalësh në fushën e mbrojtjes së mjedisit, me theks të veçantë te ruajtja e natyrës dhe menaxhimi i qëndrueshëm i Parqeve Kombëtare dhe zonave të mbrojtura.

Austria, me 17 parqe kombëtare dhe një model të suksesshëm të integrimit të turizmit me mbrojtjen e natyrës, përfaqëson një shembull frymëzues për rajonin tonë. Përvoja austriake do të shërbejë si udhërrëfyes për zhvillimin e Parkut Kombëtar të Sharrit, si dhe për projekte të tjera në fushën e mbrojtjes së mjedisit”, shkruan Mexhiti në Facebook./Telegrafi/

The post Mexhiti-Pamer: Austria me 17 parqe kombëtare përfaqëson një shembull frymëzues për rajonin tonë appeared first on Telegrafi.

Nga Ministria e Mjedisit Jetësor dhe Planifikimit Hapësinor theksojnë se po punojnë intensivisht në miratimin e zgjidhjeve kryesore ligjore që do të mundësojnë mbrojtje afatgjatë dhe sistematike të mjedisit në vendin tonë.

“Aktualisht, në procedurë të avancuar qeveritare, sa vijon janë: Ndryshime dhe plotësime në Ligjin për Mjedisin (2 procedura); Ndryshime dhe plotësime në tre ligje të reja në fushën e menaxhimit të mbeturinave, si bazë për një sistem modern dhe funksional për përzgjedhjen, trajtimin dhe riciklimin”.

“Ligji për Kontrollin e Emetimeve Industriale është në fazën e tij përfundimtare, i cili për herë të parë do të parashikojë detyrimin për të instaluar sensorë për matjen e cilësisë së ajrit në kohë reale në të gjitha objektet më të mëdha industriale me leje të integruar A. Ky hap është thelbësor për transparencën, llogaridhënien dhe mbikëqyrjen e ndotjes”.

“Përveç këtyre, Ministria siç thuhet në kumtesë punon edhe për Ligjin për veprimin klimatik i cili për herë të parë i ofron vendit një kornizë strategjike për adresimin e ndryshimeve klimatike; Një Ligj i ri për natyrën, që synon një mbrojtje më të madhe të biodiversitetit dhe vlerave natyrore; Ndryshimet në Ligjin për Ujërat, për menaxhim më efikas dhe të qëndrueshëm të burimeve ujore; Dhe si risi, për herë të parë, po krijohet një Ligj për Planifikimin Hapësinor, i cili do të mundësojë zhvillim hapësinor të rregullt, të gjelbër dhe elastik”, thonë nga ministria.

The post MMJPH: Ndërtojmë qasje sistematike ndaj mbrojtjes së mjedisit appeared first on Telegrafi.

Në vendosjen e gurthemelit për ndërtimin e autostradës Tetovë-Gostivar, zëvendëskryeministri i parë, Izet Mexhiti tha se, kjo nuk është vetëm një rrugë, por një arterie evropiane që lidh Adriatikun me Detin e Zi që siç tha, që sjell Evropën në Ballkan dhe Ballkanin në Evropë.

Mexhiti tha se po ndërtojnë të ardhmen dhe për dallim nga e kaluara, rreth tyre po dëgjohen zhurmat e buldozerëve e ekskavatorëve dhe jo të fotoaparateve.

“Sot, në vend të fotoaparateve, rreth nesh po gjëmojnë zhurmat e buldozerëve, ekskavatorëve dhe kamionëve. Ne nuk xhirojmë spote reklamash, por ndërtojmë të ardhmen. Po ndërtojmë rrugë për popullin tonë. Korridori 8 është më shumë se një rrugë, është një arterie evropiane që lidh Adriatikun me Detin e Zi, lidh zemrën e Ballkanit. Vendimi ynë strategjik është i qartë, Maqedonia përfundon seksionin e saj, e sjell Evropën në Ballkan dhe Ballkanin në Evropë”, tha Mexhiti.

Në këtë ngjarje ishin pjesëmarrës edhe kryeministri i vendit Hristijan Mickoski, politikanët nga koalicioni VLEN si dhe Arben Taravari nga Aleanca për Shqiptarët.

The post Vendoset gurthemeli për ndërtimin e autostradës Tetovë-Gostivar, Mexhiti: Korridori 8, arterie evropiane që sjell Evropën në Ballkan dhe Ballkanin në Evropë appeared first on Telegrafi.

Ka mbaruar mbledhja e koalicionit VLEN, në të cilën është vendosur që prej sot të funksionojnë si një parti e vetme politike. Kasami tha se pas këtij takimi të gjitha aktivitetet publike të partive pjesëmarrese do të jenë në moratorium.

Pas mbledhje, Bilall Kasami i Besës njoftoi se është formuar kryesia e përbashkët. Ndërkaq i pyetur për kryetarin, tha se do të zgjidhet në ditët në vijim.

“VLEN vendosi që kryesia të jetë organi i parë i përbashkët i VLEN-it. Prej sot do të ketë moratorium të aktiviteteve publike të partive politike pjesëmarrëse të VLEN-it dhe gjithçka do të jetë nën logon e koalicionit. Në takimet e ardhshme do të ngrihen organet tjera, drejtuesit e VLEN-it dhe shefat e shtabeve zgjedhore. Grupi parlamentar vazhdon me deputetët që do të mbështesin këtë grup parlamentar”, tha Kasami pas mbledhjes.

“Unë e përmenda, se në mbledhjet e radhës, në ditët në vijim do të flasim edhe për organet e tjera duke përfshirë këtu edhe lidershipin e partisë. Ajo që është me rëndësi që nga sot nisim homogjenizimin dhe ngritjen e strukturave të përbashkëta atë që e kemi paralajmëruar – themelimin e një subjekti të vetëm politik”, tha Kasami.

Ndryshe, pjesë e këtij koalicioni fillimisht ishin katër parti, Aleanca për Shqiptarët, Lëvizje Besa, Lëvizja Demorkatike dhe Alternativa, ndërsa ditë më parë Arben Taravari i ASH-së tha se në zgjedhjet lokale do të garojë me lista të veçanta për këshilltarë komunal dhe se nuk do të jetë pjesë e koalicionit VLEN./Telegrafi/

The post Zyrtarizohet shkrirja e VLEN-it në parti politike, kryetari do të zgjidhet në takimet e ardhshme appeared first on Telegrafi.

BDI i është përgjigjur Izet Mexhiti, icili sonte deklaroi se ish-partia e tij i ka ofruar që të kthehet tek ta, me qëllim që siç tha, ta prish koalicionin VLEN.

Nga BDI thonë se Izet Mexhiti nuk u largua nga partia e tyre për parime, por për interesa.

“BDI nuk është strehë për servilët, agjentët e nëntokës dhe bukëshkalët. BDI ka lindur nga gjaku i UÇK-së dhe është ndërtuar mbi vlerat e sakrificës, përkushtimit dhe përfaqësimit të denjë të interesave të shqiptarëve në Maqedoninë e Veriut. Këto vlera nuk mund të përlyhen nga ish-funksionarë të cilët, për më shumë se 20 vite, përfituan nga emri dhe autoriteti i Ali Ahmetit, vetëm për ta përdorur këtë trashëgimi për ngritjen e klaneve familjare dhe lidhjeve të errëta nën tokë”.

Lexo po ashtu Mexhiti: BDI më kontaktoi të parin mua me qëllim për ta ndarë koalicionin VLEN

“Izet Mexhiti nuk u largua nga BDI për parime, por për interesa. Ai nuk e kaloi vetingun për korrupsionin dhe devijimet ideologjike që kërkonin pastrim të brendshëm – sepse ai ishte i kapur nga to. Dhe sot, në vend që të kërkojë falje për dëmin që i shkaktoi strukturës dhe besimit të anëtarësisë, krenohet që është bërë shërbëtor i projektit më antishqiptar në historinë e vendit tonë – një qeveri që fyen gjuhën, mohon barazinë dhe përjashton shqiptarët nga vendimmarrja”.

“Deklarata e tij se i është ofruar rikthimi në BDI sepse “Ali Ahmeti do të tërhiqet dhe ai do ta marrë partinë” është jo vetëm gënjeshtër e ulët, por edhe dëshmi e arrogancës së një njeriu që mendon se partia është plaçkë për pazare. BDI nuk është dhe nuk do të bëhet kurrë strehë për klane, nepotizëm, korrupsion dhe shërbëtorë të projekteve antishqiptare. Vlerat e Izet Mexhitit nuk janë dhe nuk mund të jenë kurrë vlerat tona. BDI ecën përpara me popullin, me rininë, me idealin dhe me vizionin për një shtet të barabartë dhe dinjitoze për të gjithë”, thonë nga BDI./Telegrafi/

The post BDI i përgjigjet Mexhitit: Ai nuk u largua nga partia për parime, por për interesa appeared first on Telegrafi.

Ka filluar bojkoti i punës në Inspektoratin për Përdorimin e Gjuhëve pasi 17 të punësuar tanimë katër muaj nuk kanë marrë rroga, njofton “Alsat”. Të punësuarit gjithashtu kanë mbetur pa sigurim pensional, e që është më tragjike edhe pa sigurim shëndetësor. Për këtë, gjatë kësaj periudhe të punësuarit janë detyruar që të gjitha shërbimet në spitale t’i paguajnë në mënyrë private. Zëvendëskryeministri i parë Izet Mexhiti, më 7 prill të këtij muaji u dha shpresë të punësuarve se është gjetur zgjidhje për çështjen e rrogave.

“Ndërsa për rrogat mendoj që sot marrin rrogën e parë dhe në mënyrë etapore do t’i marrin edhe dy të tjerat”, deklaroi Izet Mexhiti, zëvendëskryeministër i parë.

Por nga premtimi për sot, kaluan 17 ditë. Ndërsa, nuk dihet edhe sa ditë e muaj tjerë do të kalojnë që punëtorët të marrin rrogë. Fati i Inspektoratit momentalisht është në udhëkryq.

Neglizhenca e shtetit ndaj këtij institucioni kyç për mbrojtjen e respektimit të gjuhës shqipe nëpër institucione ka arritur majat. Funksionarët e politikanët e kujtojnë vetëm në data solemne sa për mburrje e lavd përpara qytetarëve, duke rrahur gjoks se kanë ngritur një institucion me rëndësi për komunitetin shqiptar.

Kaosi me Inspektoratin e Gjuhëve është krijuar pas ndryshimeve të Ligjit për Mbikëqyrje Inspektuese të miratuara në dhjetor të vitit të kaluara, me të cilat të gjitha inspektorateve ua heq statusin juridik dhe i vendos nën kompetenca të Ministrive. Këtë, e pësoi dhe Inspektorati për Përdorimin e Gjuhëve edhe pse statusi i tij juridik garantohet me nene të posaçme në Ligjin për Përdorimin e Gjuhëve dhe Ligji për Inspektoratin për Përdorimin e Gjuhëve. Inspektorati momentalisht ka mbetur në situatë absurde – edhe ka, edhe nuk ka status juridik.

Zëvendëskryeministri Mexhiti për këtë paralajmëroi në mes të muajit prill do të propozohet zgjidhje e re ligjore për të rregulluar statusin e Inspektoratit që të mos jetë në kuadër të Ministrisë, por të jetë në kuadër të Agjencisë për Zbatimin e Gjuhëve. Por edhe për këtë, nuk ka kurrfarë aktiviteti. /Alsat/

The post Fillon bojkoti i të punësuarve në Inspektoratin e Gjuhëve në RMV, katër muaj pa rroga appeared first on Telegrafi.

Në prani të ministrave, zëvendësministrave, BNJVL-së, kryetarëve të komunave, drejtorëve të inspektorateve dhe përfaqësuesve të institucioneve, sot nën udhëheqjen e zëvendëskryeministrit të parë dhe ministrit të Mjedisit Jetësor dhe Planifikimit Hapësinor, Izet Mexhiti, u mbajt takim koordinues për progresin dhe të arriturat në zbatimin e Planit aksionar për përmirësimin e cilësisë së ajrit.

Në takim, të pranishmit informuan me aktivitetet e ndërmarra nga institucionet që drejtojnë në drejtim të përmirësimit të cilësisë së ajrit, duke theksuar se ndotja e ajrit ka qenë një problem prej disa dekadash jo vetëm në vendin tonë, por edhe në vendet përreth nesh dhe në botë, dhe se Qeveria ka marrë një qasje serioze në ndërmarrjen e aktiviteteve specifike që janë të koordinuara ndërmjet institucioneve në nivel lokal dhe qendror.

Siç informojnë nga Ministria e Mjedisit Jetësor dhe Planifikimit Hapësinor, konkluzioni i takimit ishte se të gjitha subjektet në shtet – institucionet shtetërore, vetëqeverisja lokale, sektori i biznesit, shoqatat e shoqërisë civile dhe çdo individ kanë obligime dhe përgjegjësi dhe vetëm me veprim të koordinuar mund të arrihen rezultatet e dëshiruara.

“Për këtë arsye, Ministria e Mjedisit Jetësor dhe Planifikimit Hapësinor formoi një grup pune që përpiloi “Planin e Veprimit për sezonin e ngrohjes 2024-2025” ku projektoi masat e ndërhyrjes afatshkurtra, që janë veprime reale, të realizueshme shpejt dhe të zbatueshme me institucionet përgjegjëse të caktuara për zbatim dhe detyrimin për të raportuar për veprimet e ndërmarra”.

“Aktivitetet kryesore të ndërmarra u fokusuan në forcimin e kontrolleve të personave juridikë në lidhje me respektimin e kushteve të lejeve të integruara A dhe B, raporte për vlerësimin e ndikimit në mjedis, si dhe u shqiptuan ndëshkime për ata që nuk respektonin ligjin”.

“Institucionet i kushtuan vëmendje të veçantë trajtimit të mbetjeve si dhe kontrolleve për zjarret e hapura. Veçanërisht të suksesshme ishin kontrollet në stacionet e kontrollit teknik të automjeteve për të përcaktuar nëse maten emetimet e gazrave të shkarkimit dhe kontrollet e jashtëzakonshme të korrektësisë teknike të automjeteve, veçanërisht atyre me naftë dhe automjeteve të paregjistruara”, thuhet në njoftim.

Gjithashtu informojnë se Qeveria ka nisur gjithashtu Programin e Planifikimit të Ajrit të Pastër 2025-2030, i cili fokusohet në masat dhe zgjidhjet afatgjata, dhe mbulon të gjitha aspektet e rëndësishme për përmirësimin e cilësisë së ajrit të ambientit dhe ka një qasje sistematike që garanton rezultate në terma afatshkurtër, afatmesëm dhe afatgjatë.

The post Mexhiti: Institucionet e qeverisë në vazhdimësi marrin masa kundër ndotjes së ajrit appeared first on Telegrafi.

Zëvendës kryeministri i parë Izet Mexhiti, tha se Fronti Evropian më nuk ekziston dhe se sipas tij rregullat i ka thyer kreu i BDI-së Ali Ahmeti duke bashkëpunuar me Arben Taravarin nga koalicioni VLEN.

Për gazetën LAJM, Mexhiti nuk potencoi nëse Ziadin Sela do t’i bashkohet VLEN-in, mirëpo shtoi se do të ketë lëvizje të mëdha.

“Ka deklarata se “Fronti Evropian” nuk ekziston më. Këtë e ka deklaruar z.Taravari, pra prej jashtë i dinë punët më mirë se sa brenda frontit. Pra, këtu rregullën e ka thyer z.Ahmeti duke bashkëpunuar me pjesë të VLEN-it apo me Taravarin dhe nëse është kështu loja nuk ka mbaruar dhe pres që të ketë lëvizje më të mëdha”, tha Mexhiti.

Ai përmendi se VLEN-i pritet të përkrahet dhe nga deputetë të tjerë, pasi siç tha ai janë subjekt politik artikulues i shqiptarëve në Maqedoninë e Veriut.

The post Mexhiti: Pres lëvizje të mëdha politike, Fronti Evropian nuk ekziston më appeared first on Telegrafi.

Zv. kryeministri i parë i Maqedonisë së Veriut, Izet Mexhiti, sot ka komentuar situatën aktuale brenda koalicionit VLEN, duke theksuar se Taravari duhet të jetë i sinqertë me anëtarësinë dhe të pranojë publikisht që po bashkëpunon me BDI-në.

“Taravari u largua nga BDI kur kjo parti nuk ishte në listat e zeza, ndërkohë që tani gjysma e funksionarëve të BDI-së janë nën hetime. Është e qartë se ai po afrohet sërish me të njëjtën parti që tashmë është e zhveshur nga çdo vlerë morale dhe institucionale. Taravari duhet ta thotë të vërtetën për këtë bashkëpunim dhe të mos fshehë qëllimet e tij për të kaluar me BDI-në”, tha Mexhiti për “Sitel”.

Ai shtoi se mendimi i tij është se Taravari nuk ka vend në këtë qeveri, dhe këtë ai do ia komunikon edhe kryeministrit Hristijan Mickoski.

Mexhiti theksoi se më e moralshme për Taravarin do të ishte ta braktisë qeverinë dhe të reflektojë për hapat që ka ndërmarrë.

I pyetur nëse koalicioni “VLEN” është para shpërbërjes, ai u përgjigj qartë se ka disa procese, por koalicioni është stabil.

“VLEN nuk po shpërbëhet. Ne jemi bashkuar rreth një ideje, për të sjellë pluralizëm dhe demokraci në kampusin shqiptar, luftë kundër korrupsionit dhe ende qëndrojmë në këtë, përveç zotit Taravari i cili për arsye individuale dhe partiake, doli në sipërfaqe që ka bashkëpunuar për një periudhë të gjatë prej disa muajsh me Bashkimin Demokratik për Integrim”, theksoi Mexhiti./Telegrafi/

The post Mexhiti: Do të flas me Mickoskin, Taravari nuk e ka vendin në këtë qeveri appeared first on Telegrafi.

Zv. kryeministri i parë, Izet Mexhiti për rastin gjyqësor “Alfa”, ku për 16 vjet Agim Islami po vuan dënim me burg, tha se është i bindur se në këtë rast ka shkelje ligjore dhe se po bëhen përpjekje që drejtësia të del në pah.

Lexo po ashtu Mexhiti: ASH duhet t’i sqarojë vetes se a do jetë me VLEN-in ose do shkojë me BDI-në

“Nuk duam si të tjerët ta keqpërdorim, kjo e para. E dyta, pra në parim si VLEN e kemi vlerësuar se është një rast ku ka shkelje ligjore, ku një njeri qëndron pa faj aty (në burg) dhe po bëjmë përpjekje për të dalë drejtësia në pah”, tha ai.

I pyetur nëse ka gjasa që OBRM-PDUKM-ja të ndryshojë partnerët qeverisës, zv. kryeministri i parë, Izet Mexhiti në “Click Plus” tha se gjithçka është e mundur.

Mexhiti për kritikat e opozitës thotë se janë përpjekje për shtrembërim të realitetit.

“Qeveria është dinamike, është qeveri e ndryshimit. Nuk them që është situatë e përkryer. Rastësisht apo jo, në Gjykatën Kushtetuese përnjëherë u hapën shumë çështje që kanë të bëjnë me shqiptarët. Një Gjykatë e heshtur, e fjetur me dekada, me ardhjen e VLEN-it, me ardhjen e ndryshimit dolën nga sirtarët, shkoj gjuha shqipe, u degradua gjuha shqipe, 8 muaj nuk u prek gjuha shqipe. Ne sot e themi, ky status i gjuhës shqipe në Kushtetutë është nënçmues për shqiptarët dhe ne pretendojmë dhe luftojmë ta përmirësojmë këtë status. Por përderisa e bëjmë këtë do ta ruajmë edhe këtë ligj që ka qenë një lloj avancimi i gjuhës shqipe”, tha Izet Mexhiti

The post Mexhiti: Jam i bindur që në rastin “Alfa” ka shkelje ligjore appeared first on Telegrafi.