Autore: Ola Mitre | Citizens.al | Tiranë

Në dhjetor 2010, Shkodra u përfshi nga përmbytje masive. Shtëpi, rrugë, ura – gjithçka nën ujë. Historia u përsërit disa herë në vitet që pasuan. Ngjashëm ndodhi dhe në fundvitin 2024 në Vlorë. Mot ekstrem, pasoja shkatërruese.

Ndryshimet klimatike nuk janë më paralajmërim i së ardhmes për Shqipërinë, por realitet i prekshëm. Përmbytjet, thatësirat ekstreme, stuhitë apo luhatjet e mëdha të temperaturave, janë kthyer në dukuri të shpeshta.

Megjithatë Shqipëria vazhdon të përballet me to pa një sistem qendror funksional paralajmërimi meteorologjik dhe hidrologjik. Një boshllëk kritik ky që po rrezikon menaxhimin e ujërave, bujqësinë dhe vetë sigurinë publike.

“Në errësirë” përballë motit ekstrem

Sipas Bankës Botërore, Shqipëria është ndër vendet më të rrezikuara në Evropë nga fatkeqësitë natyrore. 95% e bashkive janë prekur nga përmbytje, zjarre, tërmete apo rrëshqitje dheu në dy dekadat e fundit. Megjithatë, sistemi kombëtar i vëzhgimit meteorologjik dhe hidrologjik është në rënie.

Instituti i Gjeoshkencave (IGJEO), institucioni që monitoron dhe vlerëson rreziqet natyrore me qëllim uljen e riskut, pranon për Citizens.al se numri i vendmatjeve meteorologjike ka rënë nga 116 në vitin 2014 në 95 në vitin 2025.

Pajisjet moderne shpesh janë të mirëfinancuara – nga Banka Botërore, GIZ, apo Universiteti Politeknik i Tiranës – por të mirëmbajtura keq. Stacionet manuale mbeten dominuese, por ofrojnë të dhëna një herë në ditë – një ritëm që lë vend për tragjedi.

Ekspertët si Kristi Bashmili dhe Prof. Dr. Petrit Zorba ngrenë shqetësimin për mungesën e të dhënave të besueshme në kohë reale dhe për moskoordinimin e institucioneve. Shqipëria, thonë ata, ka nevojë urgjente për sistem qendror të dhënash dhe një rrjet të modernizuar paralajmërimi.

Bashmili, thotë se shkalla e lartë e cenimit nga faktorët e mjedisit “vjen veçanërisht nga mungesa e kapaciteteve për të përballuar ndryshimet klimatike dhe pasojat në sektorë të ndryshëm”.

Për përballimin pa dëme të situatave emergjente, Bashmili thekson se nevojiten parashikime në kohë, të dhëna të besueshme shumëvjeçare, sistematike si dhe paralajmërimi i hershëm dhe efektiv.

“Nuk kemi sistem të integruar paralajmërimi për përmbytjet apo rrëshqitjet e dherave,” thotë Prof. Dr. Zorba, nga IGJEO, sipas të cilit të dhënat që disponohen janë fragmentare, shpesh të vjetërsuara dhe që nuk përcillen në kohë reale pranë institutit.

Profesori analizon se ajo që i mungon sistemit aktual është standardi në përdorimin dhe mirëmbajtjen e pajisjeve, pasi mund të qëllojë që pajisjet të jenë edhe moderne, por të mungojnë këto elementë.

Ai merr si shembull 24 stacione të ngritura nga Korporata Elektroenergjitike Shqiptare, të cilat ai thotë se pavarësisht se janë të rregullta, kanë mangësi në mirëmbajtje dhe standard përdorimi.

“Standard nuk do të thotë të kesh celularin e fundit, që kushton 1.5 milionë lekë, duhet që dhe të dish ta përdorësh siç duhet, aq më tepër pajisjet meteorologjike,” vijon Prof. Zorba.

“Nëse një stacion ti e vë mbi një pllakë betoni, betoni të nxjerr temperatura të larta, nëse e vë në një zonë ku bari shkon 25cm, nuk do të të dallojë elementët dhe do të të raportojë për borë në korrik, pra këto elementë teknikë duhen konsideruar, pasi pajisja e mirë, po nuk pati mirëmbajtjen dhe metodologjinë e duhur të përdorimit nuk do të nxjerrë të dhënat e duhura,” thekson Zorba.

Situata paraqitet e ngjashme edhe për stacionet e monitorimit në sektorin bujqësor dhe aeroportual. Në tërësi sistemi konsiderohet i dobët në raport me infrastrukturën, dendësisë së rrjetit, digjitalizimin e të dhënave dhe kapaciteteve njerëzore.

“Rrjeti i stacioneve meteorologjike përfaqësohet nga shumë stacione manuale, të cilat nuk ofrojnë informacione në kohë reale dhe kanë nevojë për staf të shtuar,” shpjegon Bashmili.

Sipas Kontrollit të Lartë të Shtetit, “Plani Kombëtar për Përshtatjen ndaj Ndryshimeve Klimatike” mbetet pa një metodologji zyrtare monitorimi dhe vlerësimi. Ministria e Turizmit dhe Mjedisit nuk e ka miratuar një metodologji të tillë.

“Me qëllim realizimin e objektivave të këtij veprimi prioritar duhet të hartohet dhe aprovohet një program monitorimi i integruar si dhe të vlerësohet rregullisht një paketë treguesish,” thotë KLSH në një auditim të kryer planit.

Pasojat dhe nevoja për ndërhyrje

Në vitin 2023, dëmet nga fatkeqësitë natyrore në bujqësi, industrinë ushqimore dhe sektorë të tjerë të ekonomisë kapërcyen për herë të parë shifrën prej 100 milionë eurosh. Një pjesë e kësaj shifre mund të ishte shmangur nëse vendi do të kishte një sistem efikas paralajmërimi.

Eksperti i mjedisit Kristi Bashmili tregon se ndryshimi i vazhdueshëm i klimës me valë të shtuara të nxehti dhe të ftohti ka ndikuar negativisht në rendimentin bujqësor, cilësinë e jetës dhe përparimit të detit drejt tokës, faktor që po ndikon ndjeshëm në turizëm dhe ekosistemet lagunore dhe bregdetare.

“Kemi të bëjmë me emergjenca të nxitura nga kushtet e motit, të cilat duhet të parashikohen në kohë dhe hapësirë, në mënyrë që më pas të merren masa për parandalimin e dëmeve të mundshme,” thotë Bashmili, sipas të cilit sistemi shqiptar i paralajmërimit kërkon fuqizim të rrjetit dhe shërbimeve hidrometeorologjike.

Por, përballë nevojës për investime fondet mbeten të kufizuara.

Raporti i fundit i Bankës Botërore tregon qartë: kostoja e investimit në përshtatje me ndryshimet klimatike është e lartë, por mosveprimi kushton edhe më shumë. Shqipëria ka nevojë për mbi 6 miliardë dollarë për të përballuar ndryshimet klimatike, por mungesa e koordinimit e bën edhe këtë objektiv të largët.

“Përshtatja me ndryshimet redukton në masë të madhe humbjet njerëzore dhe ekonomike nga fatkeqësitë dhe ngjarjet klimatike”, thekson BB në Raportin e Klimës dhe Zhvillimit të Vendit, të publikuar në tetor të vitit të kaluar.

IGJEO thotë se vendit i duhen jo vetëm më shumë stacione matëse – së paku një për çdo 100km² – por edhe një shumëllojshmëri pajisjesh të tjera automatike, të cilat do të mund të gjeneronin të dhëna periodike me një frekuencë dhe saktësi më të lartë.

Sipas Prof. Dr. Petrit Zorba, krahas kësaj nevoje për pajisje dhe stacione, duhet dhe një sistem qendror për mbledhjen, analizimin dhe shpërndarjen e të dhënave në mënyrë të standardizuar.

“Nuk po them ndonjë shpikje të madhe, por atë që kanë bërë vendet e tjera, në gjithë botën të dhënat grumbullohen në një qendër dhe ajo më pas i përpunon me përgjegjësi sa i takon standardeve dhe i nxjerr si produkt,” përfundon Zorba.

Nëse Shqipëria nuk ndërton një sistem të integruar, çdo stuhi, thatësirë apo situatë e pazakontë natyrore rrezikon të kthehet në një krizë kombëtare.

The post Shqipëria përballë krizave klimatike pa sistem të besueshëm monitorimi appeared first on Citizens.al.

Ngrohja globale po sjell transformime të dukshme në sektorin e peshkimit dhe akuakulturës, duke i vendosur fermerët dhe peshkatarët shqiptarë përballë sfidave të reja. Ekspertët paralajmërojnë se, ndërsa disa specie po zhduken, të tjera po përshtaten me mjedisin e ndryshuar, duke ndikuar drejtpërdrejt në ekosistemet ujore dhe ekonominë e sektorit. Sipas Bankës Botërore (2022), sektorët […]

The post Peshkimi dhe akuakultura nën kërcënimin e klimës appeared first on BoldNews.al.

Astrofizikantja, Mimoza Hafizi e ftuar në një intervistë televizive u shpreh se planeti ynë po ngrohet dhe se klima po ndryshon në një drejtim të padëshiruar.

Mimoza Hafizi:

Këto janë shfaqjet më alamante të një situate që dihet prej kohësh. Që planeti ynë po ngrohet, klima po ndryshon në një drejtim të padëshiruar edhe dramatik.

Sidomos këto shfaqje të cilat prekin miliona e miliarda njerëz në të njëjtën kohë, janë këmbana të cilat mendoj se Toka po na i dërgon për të na bërë më të ndërgjegjshëm për mënyrën se si po sillemi me të.

Është detyra e secilit prej nesh të ndihmojë në këtë ndërgjegjësim të publikut në formësimin të themi të një koshience kolektive që ne duhet të reagojmë, të ndryshojmë në mënyrë që e ardhmja të jetë e mirë për pasardhësit tanë.

Shkenca ka treguar që Toka po ngrohet, kjo është një fakt i cili nuk mund të anashkalohet. Gjithçka tregon se temperatura e Tokës, temperatura mesatare e Tokës po rritet në mënyrë të vazhdueshme.

Planetit Tokë dhe as njerëzimit nuk i ka ndodhur ndonjëherë të jetë në situata të tilla. Kjo është një sfidë e panjohur për njerëzit.

The post “Planeti ynë po ngrohet”/ Efektet e ngrohjes globale, flet astrofizikantja: Klima po ndryshon në një drejtim dramatik appeared first on Sot News | Lajme.

Pas një dite të kaluar nën diellin e nxehtë, gjithçka që dëshiron është të futesh në shtëpi, të ndezësh kondicionerin dhe të shijosh ajrin freskues.

Por a e dinit që qëndrimi i gjatë në një dhomë të kondicionuar mund t’i shkaktojë dëme lëkurës suaj? Kondicionerët punojnë duke larguar lagështinë nga ajri për të ftohur ambientin, por në këtë proces, ata largojnë edhe hidratimin e nevojshëm nga lëkura, duke e lënë atë të thatë, të dehidratuar dhe të prirur ndaj plakjes së parakohshme.

Si ndikon klima në lëkurë: Pse shkakton tharje dhe ndjeshmëri

Nëse keni vënë re që lëkura juaj ndihet e tendosur, e shkëputur ose e zbehtë pasi keni qëndruar gjatë në një dhomë me klimë, kjo nuk është imagjinatë.

Ja një shpjegim më i detajuar për mënyrën se si kondicioneri ndikon në lëkurën tuaj dhe çfarë mund të bëni për ta mbrojtur atë.

Klima mund të thajë lëkurën dhe t’u shkaktojë kruajtje

Kondicionerët nuk largojnë vetëm nxehtësinë nga ajri, por edhe lagështinë. Mungesa e lagështisë ndikon drejtpërdrejt në lëkurë, duke shkaktuar tharje të tepruar.

Shtresa më e jashtme e lëkurës, epidermisi, është e para që dëmtohet, dhe kur nuk është mjaftueshëm e hidratuar, ndikon edhe në shtresat më të thella. Me kalimin e kohës, kjo shkakton kruarje, skuqje dhe irritim.

Efekti i kondicionerit në lëkurë mund të bëjë që këto simptoma të jenë edhe më të dukshme, ndaj është e rëndësishme të mbani hidratimin dhe të përdorni produkte që riparojnë lagështinë dhe mbrojnë lëkurën.

Si ta përmirësoni situatën:

Përdorni një hidratues që mban lagështinë;

Pini shumë ujë për të hidratuar lëkurën nga brenda;

Mendoni të përdorni një lagështues ajri (humidifier) për të rikthyer lagështinë në ambient, veçanërisht në dhomat e kondicionuara.

Klima dehidraton lëkurën dhe e zbehë atë

Kondicioneri ul temperaturën e ambientit në rreth 18-26°C, dhe trupi juaj redukton djersitjen – përveç në zona si sqetullat, pëllëmbët dhe shputat.

Kjo bën që toksinat të mbeten të bllokuara në lëkurë, në vend që të nxirren natyrshëm përmes djersitjes. Gjithashtu, ekspozimi ndaj kondicionerit mund të ulë prodhimin e vajit natyral të lëkurës, duke e bërë atë të duket e zbehtë dhe e jo e shëndetshme.

Klima shkakton plakje të parakohshme dhe rrudha

Hidratimi është thelbësor për elasticitetin dhe shëndetin e lëkurës. Kur kondicioneri largon lagështinë nga ambienti, lëkura humbet hidratimin natyral, duke u tkurrur, duke u zbehur dhe duke krijuar rrudha të holla. Me kalimin e kohës, ekspozimi i zgjatur ndaj ajrit të thatë mund të shkaktojë rrudha të parakohshme dhe zbehje të lëkurës. /Telegrafi/

The post Ja pse gjithnjë e më shumë njerëz po përjetojnë skuqje të lëkurës të lidhura me klimën që zgjasin gjithë verën – gabimet që bëjnë të gjithë appeared first on Telegrafi.

Kondicionerët janë bërë një pjesë e domosdoshme e çdo shtëpie. Megjithatë, edhe pse shumica prej nesh e përdorin kondicionerin çdo ditë, shumë prej nesh nuk e dinë kuptimin e të gjitha simboleve dhe funksioneve të disponueshme në telekomandë.

Kondicionerët nuk janë vetëm për ftohje – ato janë sisteme shumëfunksionale që, me përdorimin e duhur, mund të rrisin ndjeshëm rehatinë dhe të ulin kostot e ngrohjes dhe ftohjes.

Mësoni të lexoni simbolet në telekomandë, përfitoni nga mënyrat e përparuara të funksionimit dhe mirëmbajeni rregullisht pajisjen në mënyrë që t’ju shërbejë për vite me radhë pa probleme.

Funksionet dhe simbolet bazë në telekomandë

Shumica e kondicionerëve përdorin simbole universale për mënyrat bazë të funksionimit. Ja çfarë do të thotë secili simbol:

Flokë dëbore (Modaliteti i Ftohjes)

Përdoret në verë. Kondicioneri ul temperaturën në dhomë duke nxjerrë ajrin e ftohtë. Temperatura e rekomanduar për ftohje është 24–26°C. Temperaturat më të ulëta rrisin konsumin e energjisë elektrike dhe e sforcojnë trupin.

Dielli (Modaliteti i Ngrohjes)

Përdoret gjatë muajve të ftohtë. Kondicioneri nxjerr ajër të ngrohtë. Është efektiv deri në një temperaturë të caktuar të jashtme (zakonisht -5°C deri në -15°C, varësisht nga modeli). Temperatura ideale për ngrohje është 20-22°C.

Pikëza (Modaliteti i Tharjes)

Largon lagështinë e tepërt nga ajri, veçanërisht i dobishëm në zonat me lagështi të lartë (bodrume, kuzhina, banjo). Nuk e ftoh dhomën si modaliteti “Ftohje”, por mund të ftohet këndshëm falë lagështisë më të ulët.

Ventilator (Modaliteti i Ventilatorit)

Kondicioneri vetëm qarkullon ajrin, pa ftohje ose ngrohje. Ideal për freskimin e hapësirës kur nuk kërkohet rregullimi i temperaturës.

Modaliteti Automatik

Kondicioneri vetë zgjedh midis ngrohjes dhe ftohjes, në varësi të temperaturës aktuale dhe të dëshiruar. I përshtatshëm për periudhat kalimtare (pranverë/vjeshtë).

Cilësimet dhe veçoritë e përparuara që mund të mos i keni përdorur

Kohëmatësi

Ju lejon të planifikoni ndezjen ose fikjen e pajisjes në një kohë specifike. Shumë e dobishme nëse dëshironi të përballeni me një dhomë të freskët në mëngjes ose nëse dëshironi që kondicioneri të fiket pasi të flini.

Modaliteti i gjumit

Optimizon temperaturën dhe zvogëlon zhurmën. Zakonisht rrit gradualisht temperaturën gjatë natës në modalitetin e ftohjes (ose e ul atë në modalitetin e ngrohjes) për të kursyer energji dhe për të përmirësuar rehatinë e gjumit.

Modaliteti Eko

Zvogëlon konsumin e energjisë duke ruajtur temperaturën e caktuar. Pajisja punon në modalitetin “ekonomik”, shpesh me një fuqi më të ulët të kompresorit.

The post Çfarë kuptimi kanë simbolet në kondicionerin tuaj që askush nuk i di, mënyra më e mirë për të mbajtur gjithçka të freskët duke kursyer para appeared first on Telegrafi.

KANANASKIS, 16 qershor /ATSH-ANSA/ – Të ulet Kina në G7? Nuk është ide e keqe, nuk më shqetëson nëse dikush dëshiron të sugjerojë hyrjen e Kinës, tha sot presidenti i Shteteve të Bashkuara, Donald Trump në kuadë të një takimi dypalësh me kryeministrin e Kanadasë, Mark Carney.

“Por, ju duhen njerëz me të cilët mund të flisni. Ata nuk flasin. Putini flet me mua. Putini flet me mua dhe me askënd tjetër sepse ai u fye kur u përjashtua nga G8, siç do të kisha bërë unë dhe siç do të kishte bërë kushdo tjetër”, shtoi ai.

“Ai u përjashtua nga Obama dhe Trudeau. Ai nuk është i lumtur për këtë”, theksoi Trump.
Atyre që e pyetën nëse Putini duhet të rikthehet në tryezën e “Të Mëdhenjve”, presidenti amerikan u përgjigj se “nuk po them që ai duhet të jetë pjesë e kësaj në këtë pikë, sepse shumë ujë ka kaluar nën urë, por ishte një gabim i madh”.

“Obama nuk e donte Rusinë. Nuk do të kishim pasur luftë nëse do ta kishim pasur armikun në tryezë, edhe nëse në atë kohë unë as nuk e konsideroja armik. Nëse Putini do të kishte qenë anëtar i G8-ës, nuk do të kishim luftë tani”, deklaroi Trump./ /os/

The post KANADA – Trump: Kina në G7? Nuk është ide e keqe! appeared first on Agjencia Telegrafike Shqiptare.

The post BE në udhëkryq: Korporatat e mëdha për të ardhmen e klimës? appeared first on Agjencia Telegrafike Shqiptare.

Në betejën globale kundër ndryshimeve klimatike, një ndihmës i papritur po del në skenë që janë pinguinët dhe jashtëqitjet e tyre. Një studim i ri nga shkencëtarët e Universitetit të Helsinkit ka zbuluar se guanoja, përzierja e jashtëqitjeve të zogjve detarë, mund të ndikojë ndjeshëm në klimën e Antarktidës duke stimuluar formimin e reve që […]

The post Klima e Antarktidës varet nga jashtëqitjet e pinguinëve, thonë shkencëtarët appeared first on BoldNews.al.

Në betejën globale kundër ndryshimeve klimatike, një ndihmës i papritur po del në skenë që janë pinguinët dhe jashtëqitjet e tyre.

Një studim i ri nga shkencëtarët e Universitetit të Helsinkit ka zbuluar se guanoja, përzierja e jashtëqitjeve të zogjve detarë, mund të ndikojë ndjeshëm në klimën e Antarktidës duke stimuluar formimin e reve që ndihmojnë në uljen e temperaturave.

Guanoja e pinguinëve, e pasur me amoniak dhe dimetilaminë, lëshon gazra që ndikojnë drejtpërdrejt në atmosferë.

Këto substanca nxisin formimin e grimcave aerosoli dhe reve, të cilat pasqyrojnë rrezatimin diellor dhe kontribuojnë në ftohjen e klimës në këtë rajon të ndjeshëm.

Studimi, i drejtuar nga kërkuesi Mattheë Boyer, përfshiu matje të kryera pranë Bazës Marambio në Gadishullin Antarktik, gjatë verës së vitit 2023.

Në këtë zonë, afër një kolonie me rreth 60,000 pinguinë Adelie, u vu re një rritje drastike e amoniakut në atmosferë, deri në 1,000 herë më shumë se nivelet bazë.

“Kolonitë e pinguinëve janë një burim kryesor i amoniakut në bregdetin e Antarktidës, ndërsa kontribuimi nga Oqeani Jugor është i papërfillshëm”, theksoi Boyer.

Ai shtoi se dimetilamina, një tjetër komponent me origjinë nga guanoja, rrit ndjeshëm formimin e grimcave deri në 10,000 herë më shumë.

Edhe pasi pinguinët emigruan nga zona, nivelet e larta të amoniakut u mbajtën për më shumë se një muaj, për shkak të ‘ujitjes’ së tokës me guano, që mbeti aktive si burim kimik për atmosferën.

Përgjatë bregdetit të Antarktidës, studiuesit identifikuan ‘pika të nxehta’ të emetimeve të amoniakut, të krahasueshme me ato të tokave bujqësore në verë.

Kjo tregon se kolonitë bregdetare të pinguinëve mund të jenë një burim i rëndësishëm aerosoli edhe për zonat përtej brigjeve.

Ky zbulim merr rëndësi të veçantë në një kohë kur Antarktida po ngrohet me ritme dy herë më të shpejta se pjesa tjetër e botës.

Humbja e akullit detar po kërcënon habitatet, ushqimin dhe ciklet riprodhuese të shumë specieve të pinguinëve, disa prej të cilave mund të zhduken deri në fund të këtij shekulli.

Megjithatë, ky rol i ri i guanos si ‘agjent klimatik’ jep një perspektivë të re për mënyrat se si jeta e egër dhe ekosistemet lokale ndikojnë në klimën globale.

Pinguinët, nëpërmjet jashtëqitjeve të tyre, mund të ndihmojnë në ngadalësimin e disa prej efekteve më të rënda të ngrohjes globale në rajonin polar.

The post Klima e Antarktidës varet nga jashtëqitjet e pinguinëve, thonë shkencëtarët appeared first on Albeu.com.

Fenomeni i përmbytjeve në vendin tonë, pasojat në bujqësi dhe dëmi i madh ekonomik. Përse po përmbytemi?

Nga SEBI ALLA

“Sa herë vjen lumi, toka ime është pothuaj e para që përmbytet”-thotë Bardhi, një 40-vjeçar nga fshati Darragjat

Lumi Drin, në mesin e majit është i qetë dhe ngjan sikur nuk bën dëm, por mjaftojnë shirat e vjeshtës dhe dimrit, e sidomos nëse ndodh hapja e digës së Hidrocentralit të Vaut të Dejës, që thuajse e gjithë zona e Nënshkodrës të përmbytet, duke sjellë pas pasoja ekonomike dhe jo vetëm. “Çdo tokë e përmbytur nuk është më si më parë. Përmbytjet në disa raste e pasurojnë tokën me lym, por ka edhe fenomene të ledhizimit, gërryerjeve dhe inerteve të ngurta të cilat tokat bujqësore mund t’i degradojnë”-thotë për Faktoje.al eksperti i çështjeve mjedisore, Lavdosh Ferruni. Përveç panikut, dëmtimit të banesave, stallave, bagëtive dhe dhe bimëve bujqësore, fatura që vjen pas është e lartë. Një studim i Bankës Botërore i publikuar në vitin 2022 përllogariti një dëm prej 2.3 miliardë dollarë i shkaktuar në 33 vitet e fundit në Shqipëri. Përveç ndryshimeve klimaterike që ndikojnë në përmbytje, prerja e pyjeve dhe dëmtimet e shtrateve të lumenjve sollën pasoja të mëdha në vendin tonë.

Rreziku në prag

Foto Atdhe Mulla

Vendi ynë renditet me risk të lartë nga rreziku i përmbytjeve. Zonat më problematike janë ultësira përënëdimore, veçanërisht pjesa e Nënshkodrës, kryesisht nga vërshimi i lumenjve Drin dhe Bunë, por edhe Vjosa në jug të vendit.  “Në vitet 2010-2011 kemi pasur shumë dëme. Një pjesë e banorëve mori dëmshpërblim, nga 1-3 milionë lekë të vjetra”-thotë një banor i fshatit Dajç, ndërsa shton se u dhanë edhe ushqim për bagëtitë. Ai gjithashtu shton se edhe në vitet 2017-2018 patën dëme nga përmbytjet, por nuk kanë marrë ende dëmshpërblim, pavarësisht se ekipet e emergjencave civile dhe të pushtetit lokal plotësuan disa formularë mbi dëmen e konstatuara. Në të dyja anët e Lumit Drin, sidomos në afërsi të grykëderdhjes janë ngritur disa argjinatura, duke sjellë një lloj stabiliteti, i cili më shumë ka ardhur nga intesiteti i ulët i rreshjeve. “Ushtria ngriti disa argjinatura në vitet 2010-2011, ndërsa më pas ka pasur ndërhyrje në pastrimin e kanaleve”-thotë për Faktoje.al një tjetër banor i fshatit Darragjat.

Çfarë e “tërbon” Drinin?

Tre kaskada Hidrocentralesh mbi lumin Drin përveç prodhimit të anergjisë elektrike do të shërbenin edhe si tampon për të mos lejuar përmbytjet nga intesiteti i lartë i rreshjeve, por në disa raste keqmenaxhimi i digave solli përmbytje masive. “Prania e 3 digave të mëdha në një seri favorizon ruajtjen e vëllimeve të mëdha të ujit, megjithëse, në rast mosfunksionimi, ose vonesa në rregullimin e derdhjes mund të favorizojnë përmbytjet në drejtim të rrjedhës së poshtme, veçanërisht nëse ka një mbivendosje me valët e përmbytjeve që vijnë nga Mali i Zi (Liqeni i Shkodrës)”-thuhet në raportin e hartuar nga Agjencia Kombëtare e Mbrojtjes Civile, e cila i referohet lumit Drin dhe Bunë.

Ndërtime pranë zonës së rrezikut

Ndonëse shkakun kryesor të përmbytjeve ekspertët e lidhin më dëmtimin masiv të pyjeve dhe devijimin nga shfrytëzimi pa kriter i shtratit të lumenjve, një tjetër fenomen lidhet me ndërtimet.

“Prerjet e pyjeve janë shkaktari kryesor i përmbytjeve, pasi eleminimi i pemëve të larta bën që uji të vërshojë me intesitet të lartë në lumenj dhe tejmbushja e tyre shkakton përmbytje”-thotë eksperti i çështjeve mjedisore Lavdosh Ferruni, ndërsa sugjeron se përmbytja në të vërtete nis nga zonat malore për tu kthyer në mjaft problematike në ultësirën perëndimore, veçanërisht në afërsi të grykëderdhjes së lumenjve. Nga ana tjetër banesa të shumta dhe njësi shërbimi janë ndërtuar pas viteve 90’ në zona fushore dhe shumë pranë brigjeve të lumenjve. “Në dekadat e fundit, presioni antropogjen në fushën e përmbytjeve është rritur ndjeshëm, duke përfshirë zhvillimin e paplanifikuar, urbanizimin e shpejtë dhe ndërtimin e vendbanimeve të reja në zonat me risk të lartë përmbytjeje”-konstaton Agjencia Kombëtare e Mbrojtjes Civile.

Përmbytjet në qytete

Në dy vitet e fundit po shihet një problematikë përmbytjesh edhe në zonat urbane, të cilat më parë nuk përfshiheshin në pjesën e rrezikut. Një prej tyre është edhe Vlora dhe sipas eskspertit të mjedisit Lavdosh Ferruni kjo situatë lidhet me intesitetin e ndërtimeve. “Ndërtimet me intesitete të lartë dhe betonizimi i pjesëve periferike ka bërë që të shtohen rastet e përmbytjeve edhe në zonat urbane, veçanërisht në Vlorë, por edhe qytetate të tjera”-thotë Ferruni. Sipas tij, në situatë të tillë për të ndaluar këtë fenomen nevojiten edhe ndërhyrje ligjore. “Nevojitet detyrim ligjor që një hapësirë e caktuar e territorit pranë zonave urbane të mos preket nga ndërtimet, por të lihet në mënyrë natyrale, sepse nëse preket ndikon drejtëpëdrejtë në prishjen e skosistemit dhe përmbytjet janë pasojë”-shprehet eksperti mjedisor Lavdosh Ferruni.

Foto Atdhe Mulla

Investimet e munguara

Pavarësisht shtimit të fondeve për ngritje argjinaturash dhe hapjes së kanaleve kulluese, për dy vitet e ardhshme parashikomet buxhetore për parandalimin e përmbytjeve janë më të ulëta dhe mund të sjellë rrezik përmbytjesh, e ndikuar edhe nga ndryshimet klimaterike. Në parashikimet e buxhetit fillestar 2025 dhe buxhetet paraprake për 2026 për programin e Ministrisë së Bujqësisë “Menaxhimi i infrastruktures se kullimit dhe ujitjes”, kemi një rritje të buxhetit të planifikuar, duke shkuar nga realizuar 2.15 miliard lekë në 2023, dhe planifikuar2.55 miliard lekë në 2024, duke shkuar përkatësisht 2.88 miliard lekë në 2025 dhe 2026. “Ajo çfarë vërëhet si problematike për buxhetin paraprak të vitit 2027 është një ulje e shpenzimeve kapitale, pra e investimeve, ndërkohë që shpenzimet korrente, ato administrative dhe paga janë planifikuar që të rriten”-thotë për Faktoje.al eksperti i ekonomisë Ilir Brasha, teksa shton se “buxheti 2027 parashikon më pak investime në përmirësimin e ujitjes dhe kullimit por edhe në parandalimin e përmbytjeve”.

12 projekte, më shumë se gjysma në pikëpyetje

Nga monitorimi i statusit të zbatimit të 12 masave për ujitjen, kullimin dhe mbrojtjen nga përmbytjet rezistente ndaj klimes, 4 nuk kanë filluar, 1 është bërë plan

i për zbatim në afat të shkurtër, 5 janë në vazhdim, dhe 2 janë të pasigurtë. “Shumica e projekteve të ndërmarra për parandalimin e përmbytjeve nuk janë filluar akoma, gjë që tregon një realizim të ulët të masave që duhet të ndërmerren për të siguruar digat dhe mbrojtjen nga përmbytjet”-konstaton eksperti Brasha.

Përfundimi

Vendi ynë vijon të jetë i rrezikuar nga përmbytjet ku përveç ndikimit nga faktorë lokalë si prerja e pyjeve, dëmtimi i lumenjve dhe ndërtimet pa kriter shtohen edhe ndryshimet klimaterike që kanë ulur ditët me shi, por rritur rrezikun e përmbytjeve nga intesisiteti i lartë në periudha që nisin rreshjet. Investimet për ngritjen e argjinaturave dhe pastrimin e kanaleve kryesore kulluese nuk janë në nivelin e kërkuar, ndërsa plani kombëtar për mbrojtjen nga fatkeqësitë natyrore, përfshi edhe përmbytjet nuk shoqërohet me buxhetin e nevojshëm.

The post Përmbytjet – na mori lumi tokë dhe para appeared first on Faktoje.al.

Shqipëria nuk është më 28 748 kilometra katrorë. Tokën e ka marrë deti, ndërsa qindra mijëra hektarë terren bujqësor, kullota, livadhe dhe brigje lumenjsh, u zhdukën si pasojë e erozionit (gërryerjes së tokës). Më shumë se natyra, fenomeni njeri ndikoi në rrëshqitjen masive, duke e vendosur Shqipërinë në hartën e kuqe të rrezikut, rreth 11 herë më të lartë […]

The post Nuk jemi 28 748 kilometra katrorë, kush e mori Shqipërinë?! appeared first on BoldNews.al.

Në zemër të Tiranës, aty ku dikur kumbonte zëri i filmave të vjetër nga kinema “Dajti”, një projekt ndërtimi po trazon qetësinë e banorëve të rrugës “Myslym Shyri”. Bëhet fjalë për rikonstruksionin e qendrës TEN – një qendër shumë funksionale për rininë që u krijua në vitin 2010 duke ruajtur strukturën e vjetër të ish-kinema “Dajtit”. […]

The post Tirana, një oaz i nxehtë betoni appeared first on BoldNews.al.

Evropa është kontinenti me ngrohjen më të shpejtë në botë pasi vendet u goditën nga ndikimet e qarta të ndryshimeve klimatike, moti ekstrem dhe temperaturat rekord në vitin 2024, tregon një raport i zgjeruar vjetor.

Rreth 100 shkencëtarë dhe ekspertë kontribuan për raportin evropian të klimës, të udhëhequr nga OKB-ja, që zbuloi se viti i kaluar ishte më i ngrohti në histori për kontinentin.

”Stuhitë ishin shpesh të rënda dhe përmbytjet ishin më të përhapurat që nga viti 2013, duke marrë të paktën 335 jetë dhe duke prekur rreth 413 000 njerëz”, sipas raportit të publikuar nga Organizata Botërore Meteorologjike e OKB-së (WMO) dhe Shërbimi i Ndryshimeve Klimatike ”Copernicus” (C3S).

”Kishte një kontrast të madh lindje-perëndim në kushtet klimatike, me kushte jashtëzakonisht të thata dhe të ngrohta në lindje krahasuar me kushtet e ngrohta por të lagështa në perëndim”, thanë ekspertët.

Ata zbuluan se Evropa është një nga rajonet me rritjen më të madhe të parashikuar të rrezikut nga përmbytjet dhe një ngrohje globale prej 1,5 gradë C mund të rezultojë në 30 000 vdekje vjetore në Evropë për shkak të nxehtësisë ekstreme.

Sekretarja e përgjithshme e WMO, Celeste Saulo, tha se “ky raport thekson se Evropa është kontinenti që ngroh më shpejt dhe po përjeton ndikime serioze nga moti ekstrem dhe ndryshimet klimatike”.

Sipas raportit, 30% e rrjetit të lumenjve evropianë e ka tejkaluar pragun “të lartë” të përmbytjeve gjatë vitit dhe 12% ka kaluar pragun e përmbytjeve “të rënda”.

Gjetjet treguan gjithashtu temperatura rekord të larta vjetore në pothuajse gjysmën e kontinentit dhe temperaturë rekord të lartë të sipërfaqes së detit në rajon, me 0,7 gradë C mbi mesataren.

Rritja mesatare e temperaturës ishte veçanërisht e pjerrët për detin Mesdhe, me 1,2 gradë C mbi mesataren.

Në shtator, zjarret në Portugali dogjën rreth 110 000 hektarë në një javë, që përfaqëson rreth një të katërtën e sipërfaqes totale të djegur vjetore të Evropës, ndërsa rreth 42 000 njerëz u prekën nga zjarret në Evropë, sipas raportit.

Sipërfaqja e tokës evropiane që përjetoi më pak se tre muaj (90 ditë) ditë me ngrica u zbulua gjithashtu të ishte më e madhja e regjistruar.

”Dhe të gjitha rajonet evropiane panë një humbje të akullit, me akullnajat në Skandinavi dhe Svalbard që panë normat e tyre më të larta të humbjes masive në rekord”, thanë ekspertët.

Në përgjithësi, Evropa Qendrore është një nga rajonet në botë ku akullnajat po tkurren më shpejt pasi OKB-ja bën thirrje për ruajtjen e akullnajave në vitin 2025.

Evropa po përballet me pasoja gjithnjë e më të rënda të ndryshimeve klimatike. Viti 2024 rezultoi si më i nxehti i regjistruar ndonjëherë në kontinent, duke sjellë pasoja shkatërruese për njerëzit, mjedisin dhe ekonominë. Sipas raportit të fundit të Copernicus (C3S) dhe Organizatës Botërore Meteorologjike (WMO), stuhitë dhe përmbytjet prekën 413,000 persona, sollën humbjen e […]

The post Evropa në alarm klimatik! 335 vdekje dhe 18 miliardë € dëme nga stuhitë dhe përmbytjet në 2024 appeared first on BoldNews.al.

Vitet e fundit, vërehet një reduktim shumë i madh i sipërfaqeve të liqeneve akullnajore në vendin tonë. Bimësia dhe biota shtazore e liqeneve akullnajore janë të ndikuara direkt nga sasia, shkalla dhe dinamizmi i mbulesës së dëborës. Fenomene të ngjashme po ndodhin edhe në Alpet Evropiane, të cilat po përballen më ritme të shtuara të […]

The post Liqenet akullnajore të vendit tonë: Trashëgimi natyrore në rrezik zhdukje appeared first on BoldNews.al.

Ndryshimet klimatike po rrisin ndjeshëm rastet e astmës, sëmundjet kardiovaskulare dhe infeksionet në Shqipëri. Qindra vdekje shtesë priten çdo vit nëse nuk merren masa urgjente. Megjithëse strategjitë ekzistojnë, financimi për shëndetësinë mbetet i ulët dhe masat e zbatimit të ngadalta. Ndërkohë, grupet më të rrezikuara si të moshuarit dhe fëmijët po përballen me pasoja të rënda në shëndet.

Esmeralda Topi

Prej 21 vitesh, Lumturi Hysenllari vuan nga astma bronkiale por pesë vitet e fundit jetesa në Tiranë e ka përkeqësuar ndjeshëm shëndetin e saj. 

“Në Tiranë të zihet fryma në çdo stinë. Krahas pompës dhe ilaçeve, tani që hyn pranvera unë kam të domosdoshme të bëj gjilpëra që nuk janë me rimbursim. I blej dhe i bëj vetë”, rrëfen ajo.

67-vjeçarja fle me dritare të hapur edhe gjatë dimrit, ndërsa i nxehti përvëlues i verës e detyron të zhvendoset në Pogradec ose Voskopojë. 

“Jam e detyruar të shkoj në një vend të freskët me ajër të pastër. Këtu e kam të pamundur, nuk ia dal dot”, thotë ajo.

Historia e Lumes është vetëm një nga mijëra shembuj që na tregojnë se ndryshimet klimatike po ndikojnë drejtpërdrejt në shëndetin tonë.

Prevalenca e astmës është rritur me 5% çdo vit në Shqipëri dhe ndryshimet klimatike pritet ta përkeqësojnë edhe më shumë situatën. Deri në vitin 2031, parashikohet të ketë 800-1200 raste të reja të astmës vetëm në pellgun e Vjosës, krahasuar me vitin 2019. Qarku i Vlorës konsiderohet më i rrezikuari, me gratë që priten të jenë më të prekura.

Përveç astmës, ndryshimet klimatike pritet të rrisin edhe incidencën e sëmundjeve të tjera, si ato kardiovaskulare, sëmundjet kronike të mushkërive dhe infeksionet e lidhura me temperaturat e larta dhe ndotjen e ajrit. Rritja e valëve të të nxehtit, përkeqësimi i cilësisë së ajrit dhe përhapja e vektorëve infektivë po krijojnë kushte të favorshme për përhapjen e këtyre sëmundjeve, duke ndikuar drejtpërdrejt në shëndetin e popullatës.

Vdekjet 

Organizata Botërore e Shëndetësisë paralajmëron se, nëse nuk merren masa për të reduktuar ngrohjen globale, deri në vitin 2030 rreth 250,000 persona do të vdesin çdo vit si pasojë e ndryshimeve klimatike. 

Shqipëria nuk bën përjashtim. Instituti i Shëndetit Publik vlerëson se valët e të nxehtit mund të jenë përgjegjëse për qindra vdekje shtesë në vendin tonë.

“Gjatë dy valëve të të nxehtit të marra në analizë para pandemisë, u vërejt një rritje e riskut për vdekje nga 9%-36% për disa sëmundje kardiovaskulare, sidomos insuficiencën kardiake dhe goditjen cerebrale”, informon ISHP për Faktoje.al. 

Doktor Alban Ylli shpjegon se si ngrohja globale ndikon drejtpërdrejt tek sëmundjet e zemrës.

“Gjatë valëve të të nxehtit, organizmi i disa personave me probleme kardiovaskulare është i kompensuar në limite. Rritja e temperaturave e bën më të vështirë balancimin e trupit dhe mund të çojë në vdekje të parakohshme”, shpjegon ai.

Instituti i Shëndetit Publik vlerëson se valët e të nxehtit do të jenë përgjegjëse për qindra vdekje shtesë në vendin tonë. 

“Nëse Shqipëria do të kishte disa valë të nxehti çdo vit, siç pritet në të ardhmen e afërt, me gjasë ne mund të kemi deri në 400 vdekje shtesë (nga 22 mijë vdekje që kemi çdo vit në Shqipëri) 400 t’i atribuohen vetëm valës së të nxehtit”, thotë doktor Alban Ylli nga Instituti i Shëndetit Publik. 

Fakti që valët e të nxehtit janë shtuar dhe zgjatur në kohë, duhet të shërbejë si këmbanë alarmi se bota po shkon drejt skenarit ekstrem më shpejt nga sa pritej- thekson doktor Alban Ylli. 

“Dy vitet e fundit valët e të nxehtit nuk janë më nga 8 ditë, por kanë zgjatur me dy javë, temperatura që janë mbi normalen e pritshme me 3-5 gradë” 

Probleme të tjera që pritet të përkeqësohen përfshijnë hipertensionin, obezitetin, kequshqyerjen, alergjitë, deri tek çrregullimet mendore si depresioni. 

“Përditë e më shumë sillen prova për ndikimin negativ që ndryshimet klimatike kanë në kushtet e jetesës, duke rritur rreziqet shëndetësore si sëmundjet respiratore, sëmundjet e zemrës dhe sëmundjet infektive,” shton Alma Lahe, manaxhere projektesh pranë organizatës ‘Together for life’.

Sëmundjet e së shkuarës 

Fëmijët janë një tjetër grup vulnerabël ndaj pasojave të ndryshimeve klimatike në shëndet. Kryesisht me sëmundjet infektive të cilat autoritetet deri dje i kanë cilësuar si të zhdukura.  

“Mund të keni dëgjuar për ethet e Nilit, një sëmundje tropikale që tashmë është shfaqur në Shqipëri. Po ashtu, mushkonja tigër është bërë endemike në vendin tonë dhe ka diskutime për rrezikun e rikthimit të malaries. Pra, sëmundje që dikur përmendeshin vetëm si problematikë e rajoneve tropikale, tani mund të bëhen të zakonshme edhe në Shqipëri”, thotë doktor Alban Ylli.

Ndryshimet klimatike po ndikojnë gjithashtu në përhapjen e sëmundjeve gastrointestinale. Sipas llogaritjeve, për çdo rritje prej 1°C të temperaturës së verës, priten rreth 600 raste të reja të sëmundjeve diarreike për çdo 100,000 fëmijë. Në një skenar të rritjes me 1.5°C, kjo nënkupton rreth 4,800 raste shtesë çdo vit.

“Gastroenteritet, të cilat dikur konsideroheshin si një problem i së shkuarës, po rikthehen me një tendencë në rritje, dhe pritet të bëhen një shqetësim gjithnjë e më i madh”, paralajmëron doktor Alban Ylli.

Përballë këtyre sfidave, ekspertët e shëndetit publik thonë se është thelbësore që sistemi shëndetësor dhe institucionet përgjegjëse të jenë më të përgatitura për të mbrojtur grupet më të rrezikuara. 

“Është thelbësore që sistemet shëndetësore të krijojnë databaza dhe regjistra për të identifikuar grupet më të rrezikuara dhe të hartojnë plane të emergjencës. Në rastet e fatkeqësive natyrore – si valët e të nxehtit, zjarret apo përmbytjet – këto grupe janë më të ekspozuara ndaj rreziqeve që ndikojnë drejtpërdrejt cilësinë e jetës së tyre,” sugjeron doktor Ylli. 

Financimi i ulët në shëndetësi

Ministria e shëndetësisë i tha Faktoje.al se ka miratuar një sërë dokumente strategjike që adresojnë rreziqet mjedisore dhe emergjencat shëndetësore.

Edhe Instituti i shëndetit publik thotë se shqetësimet lidhur me ndryshimet klimatike janë reflektuar në një sërë strategjish, politikash dhe ndërhyrjesh për forcimin e sistemit shëndetësor ku përfshihen; 

1. Fuqizimi i sistemit të urgjencave mjekësore në të gjithë nivelet e sistemit për të përballuar valët e të nxehtit dhe emergjencat nga moti ekstrem,
2. Fuqizimi i sistemeve të survejancës epidemiologjike për sëmundjet infektive,
3. Koordinimi më i mirë me strukturat e tjera në kushtet e emergjencave mjedisore
4. Rritja e ndërgjegjësimit të profesionistëve dhe publikut, si dhe rritja e eficiencës energjitike të infrastruktures shëndetesore

Megjithëse janë bërë hapa përpara në sistemin shëndetësor dhe strategjitë kombëtare parashikojnë përmirësime të mëtejshme, sfidat mbeten të shumta. 

“Një element i rëndësishëm është sistemi i regjistrimi dhe i survejancës së sëmundjeve. Do të ishte mirë të dinim se çfarë ndodh. Aktualisht ne nuk kemi sisteme të mira që monitorojnë emergjencat. Nuk ka sisteme epidemiologjike për ta bërë sistemin më të aftë për të reaguar” thotë Alban Ylli nga ISHP. 

Pra, pavarësisht strategjive dhe planeve të hartuara ndër vite ritmi i zbatimit të politikave shëndetësore për t’u përshtatur me ndryshimet klimatike mbetet i ngadaltë. Dhe mungesa e buxhetit është pengesa kryesore.

“Buxheti për shëndetësinë ka qënë 18% më i ulët nga parashikimet e bëra në strategjinë 2021-2030. Edhe po t’i referohemi buxhetit faktik, çdo vit ka ulje. Jemi vendi i fundit në rajon”, argumenton Alma Lahe nga Together for Life .  

Ndryshe nga sa parashikohet në letra, financimi për shëndetësinë rezulton të jetë ndjeshëm më i ulët në realitet. 

“Është koha, madje është vonë, që institucionet përgjegjëse në Shqipëri, deri tani krejt apatike, të veprojnë urgjentisht duke marrë masa konkrete për të forcuar sistemin e shëndetit publik dhe në mënyrë të veçantë duke hartuar dhe zbatuar politika që ofrojnë mbrojtje për grupet e rrezikuara,” përfundon Lahe.   

Edhe për vitet në vijim, buxheti për shëndetësinë vijon të planifikohet në nivele të ulëta. Të dhënat e përpunuara nga Faktoje.al tregojnë se në buxhetin paraprak të vitit të ardhshëm financimet për shëndetësinë do të ulen me 1.15 miliardë lekë krahasuar me këtë vit.  

Kujdesi Parësor do të ketë 19% më pak fonde gjatë vitit 2026, krahasuar me këtë vit. Edhe shërbimet e Shëndetit Publik do të përballen me reduktim të fondeve (274 milionë lekë më pak). 

“Uljet më të mëdha vijnë në shpenzimet korente. Kjo lë vend për dyshime të uljes së numrit të punonjësve të qendrave shëndetësore ose reduktimit të tyre më tej”, arsyeton Ilir Brasha, ekspert për ekonominë dhe financat. 

Ekspertët bien dakord se investimet në teknologji, infrastrukturë dhe ndërgjegjësimin e publikut janë të domosdoshme për të garantuar një shëndetësi më të fortë e më të qëndrueshme për të ardhmen.

The post Deri në 400 vdekje shtesë çdo vit nga valët e të nxehtit në Shqipëri appeared first on Faktoje.al.

Prej vitit 1994 Shqipëria është angazhuar në luftën kundër ndryshimeve klimatike. Kufizimi i rritjes së temperaturave është një prej objektivave kryesore që këto tre dekada i ngjan një lufte me mullinjtë e erës. Temperaturat e ajrit në Shqipëri janë rritur ndjeshëm, duke shkuar ndesh me angazhimet për klimën. Mëngjesin e 20 janarit, ndërsa përgatitej të […]

The post Shqipëria, nga klimë mesdhetare drejt asaj subtropikale appeared first on BoldNews.al.

Administrata Trump thotë se do të tërheqë SHBA-në nga marrëveshja e Parisit për klimën, një pakt i nënshkruar nga pothuajse çdo vend për të reduktuar emetimet dhe për të mbajtur rritjen e temperaturës mesatare globale nën nivelet para-industriale. Kjo është hera e dytë që SHBA tërhiqet nga marrëveshja e vitit 2015. Këtë e bëri një […]

The post Donald Trump nis menjëherë nga puna, SHBA tërhiqet nga marrëveshja e Parisit për klimën appeared first on BoldNews.al.

UASHINGTON, 20 janar /ATSH-DPA/- Presidenti i ri i SHBA-së, Donald Trump synon të tërhiqet sërish nga Marrëveshja e Parisit për Klimën – ndërsa Shtëpia e Bardhë e ka identifikuar këtë masë si një nga prioritetet e Trump sot në një deklaratë.

“Tërheqja duhet t’i dorëzohet Kombeve të Bashkuara dhe do të hyjë në fuqi pas një viti”, tha Shtëpia e Bardhë.

Kjo do të thotë se Shtetet e Bashkuara të Amerikës do të tërhiqen kryesisht nga lufta e komunitetit ndërkombëtar kundër ngrohjes globale.

Trump e ka përshkruar marrëveshjen si një fatkeqësi dhe një mashtrim për Shtetet e Bashkuara të Amerikës.

“Qëllimi i Trump është t’i japë fund “ekstremizmit klimatik” të paraardhësit të tij Joe Biden”, tha Shtëpia e Bardhë.

Sipas pretendimeve të Trump, ngrohja globale nuk ekziston – duke e etiketuar vazhdimisht ndryshimin e klimës si një “mashtrim”.

Marrëveshja e Parisit për Klimën synon të kufizojë ngrohjen globale nën 2 gradë Celsius në krahasim me kohërat para-industriale, dhe në mënyrë ideale në vetëm 1,5 gradë.

Ky objektiv u ra dakord në samitin e OKB-së për klimën në Paris në 2015 dhe që atëherë është rikonfirmuar në disa konferenca klimatike.

Synimi është të shmangen pasojat më të këqija të krizës klimatike, si valët më të shpeshta dhe të rënda të të nxehtit, thatësirat, zjarret, stuhitë dhe përmbytjet. //a.i/

The post SHBA – Shtëpia e Bardhë: Trump synon të tërhiqet sërish nga Marrëveshja e Parisit për Klimën appeared first on Agjencia Telegrafike Shqiptare.

TIRANË, 8 janar /ATSH/ Zëvendëskryeministrja, njëherazi ministre e Infrastrukturës dhe Energjisë, Belinda Balluku tha sot se lëvizja e makinave me grafik është praktikë e ndjekur nga vende evropiane.

Në konferencën e përbashkët për media, me kryeministrin Edi Rama, pas vendimit të ERE-së, për uljen e çmimit të energjisë elektrike, Balluku foli edhe për strategjinë kombëtare të energjisë dhe klimës dhe uljen e ndotjes në mjedis.

“Është një plan për klimën që e kemi në fuqi që prej viti 2021, jo e kemi vetëm në fuqi, por edhe e kemi aplikuar. Gjatë muajit gusht ne krijuam fasha orare për mjetet e tonazhit të rëndë nga fundjava duke nisur nga e premtja, deri të hënën në mëngjes. E kemi hedhur për konsultim duke shtuar disa elementë të tjerë lidhur me kërkesat e BE për klimën dhe karbonizimin”, tha Balluku.

/a.f/r.e/

The post Strategjia për klimën, Balluku: Lëvizja e makinave me grafik, praktikë e vendeve evropiane appeared first on Agjencia Telegrafike Shqiptare.