Pas një seance që zgjati rreth dy orë, Gjykata e Lartë vendosi të lërë në fuqi masën e arrestit me burg për kryetarin e bashkisë Tiranë Erion Veliaj, i cili, me bashkëshorten Ajola Xoxa dhe gjashtë sipërmarrës, dyshohet të jetë përfshirë në një skemë korrupsioni dhe pastrimi parash.

Trupa e Kolegjit Penal, e udhëhequr nga gjyqtarja Albana Boksi, mori vendimin pasi dëgjoi argumentet e Veliajt dhe të akuzuarve të tjerë.

Gjykata rrëzoi kështu pretendimet e kryebashkiakut se po mbahet padrejtësisht në paraburgim.

Prej datës 10 shkurt në profilet personale të Veliajt në rrjetet sociale, janë botuar me dhjetëra postime, përmes të cilave ka sulmuar prokurorët dhe gjyqatrët, duke pretenduar së është i pafajshëm.

Po ashtu ai angazhoi dy studio ligjore ndërkombëtare të kushtueshme për mbrojtjen e tij si dhe kompani PR me seli në Londër dhe në Nju Jork.

Përveç kësaj, pavarësisht se është në paraburgim, Veliaj u përfshi në të paktën dy emisione të politikës duke përcjellë në redaksitë e mediave “versionin e tij të burgosjes pa gjyq”.

Struktura e Posaçme Anti-Korrupsion (SPAK), dyshon se ai dhe bashkëshortja Xoxa, gjithashtu nën hetim, përfituan të paktën 1.1 milionë euro përmes skemave korruptive.

Hetimet tregojnë se paratë qarkulluan nga kompani dhe organizata jofitimprurëse të kontrolluara apo lidhura me Xoxën.

SPAK kërkoi arrestimin e Veliajt dhe bashkëshortes Xoxa pasi ata rezultuan jobashkëpunues dhe me përpjekje për të prishur provat e çështjes duke intimiduar dëshmitarët dhe agjentët e Byrosë Kombëtare të Hetimeve.

Për faktin se ishte prind i një fëmije të mitur, Xoxa u la fillimisht në arrest shtëpie, më pas në detyrim paraqitje.

Masa e arrestit ndaj Veliajt u vlerësua e drejtë edhe në Apelin e Gjykatës së Posaçme.

Aktualisht në paraburgim qëndron vetëm kryebashkiaku, teksa të tjerët (Xoxa dhe sipërmarrësit Elman Abule, Gentian Sula, Shkëlqim Fusha dhe Fatmir Bektashi) janë në detyrim paraqitje.

Lexoni gjithashtu:

• Akuzat që sollën arrestimin e Erion Veliajt
• Dosja Veliaj: Hetimet, akuzat dhe faktet

The post Gjykata e Lartë lë në burg Erion Veliajn appeared first on Citizens.al.

Hamid Badoui, një maroken 42-vjeçar, i dha fund jetës në burgun Lorusso e Cutugno të Torinos në Itali. Ngjarja ndodhi në sektorin e “të sapoardhurve” vetëm pak orë përpara se ai të dilte para gjykatës.

“Më mirë burgu sesa CPR-ja (Qendra të Përhershme e Riatdhesimit) në Shqipëri, nuk kthehem”, thuhet se i kishte thënë ai avokatit.

Historia e Badouit shpalos një kalvar përpjekjesh të pasuksesshme të një emigranti, të cilit nuk iu dha mundësia për t’u integruar në Itali si një qytetar me të drejta për punë dhe jetë të denjë.

Fillimisht 42-vjeçari qe ndaluar në CPR-në e Barit. Më pas u transferua në kampin e Gjadrit në Shqipëri ku qëndroi rreth pesë javë.

Nuk është e qartë se me çfarë procedure u bë kthimi i tij sërish në Itali, por Badoui qe përballur me akuza për rezistencë ndaj autoriteteve pas një përplasjeje me bashkatdhetarë në një dyqan duhani. Ai u vetëvra me lidhëset e këpucëve.

Më 31 maj, aktivistë dhe qytetarë shqiptarë nderuan kujtimin e tij jashtë kampit të refugjatëve në Lezhë, me pankarta ku shkruhej: “Rrëzojeni Ramën dhe Melonin”, “Liri për emigrantët”, “Digjini të gjitha kufijtë”.

Gjatë fjalës së saj para kampit, aktivistja Kristina Millona e paralelizoi Gjadrin me Guantanamon, “një qendër torturash që prodhon vuajtje dhe vdekje, ku i vetmi shpëtim duket vetëlëndimi.” Fotot e Badouit u ngjitën edhe jashtë portit të Shëngjinit, si simbol për të mos lejuar që kjo histori të përsëritet nga harresa.

Sipas Millonës, raportet e monitoruesve flasin për mbi 40 incidente vetëm në muajin e parë të funksionimit të Gjadrit: vetëlëndime, kushte degraduese, mungesë informacioni dhe pa garanci ligjore.

Aktivistët kërkuan hetim për të gjetur përgjegjësitë që çuan në vetëvrasjen e Badouit, ndalimin e transferimeve drejt Shqipërisë, lirimin e emigrantëve të bllokuar dhe nisjen e një hetimi të pavarur mbi shkeljet e pretenduara.

“Të mbështetësh ende ‘modelin Shqipëri’ do të thotë të jesh bashkëfajtor në një regjim ndalimi dhe përjashtimi që prodhon vuajtje, përjashtim dhe vdekje”, reagoi Amnesty International.

Deputetja e Parlamentit Evropian, Anna Strolenberg, pas një vizite në Gjadër, tha se “emigrantët nuk dinin as çfarë muaji ishte, shumë janë nën efektin e ilaçeve. Nuk është e qartë sa prej tyre po mbahen.”

Më 9 qershor, Gjykata Kushtetuese e Italisë pritet të shprehet mbi ligjshmërinë e deportimeve drejt Shqipërisë – një vendim që mund të ndryshojë fatin e shumë emigrantëve.

The post Gjadër, aktivistët përkujtojnë emigrantin Hamid Badoui appeared first on Citizens.al.

Gjykata e Fierit ka lënë në burg 36-vjeçarin, Zamir Meta, i cili akuzohet se ka abuzuar seksualisht me vajzën e tij të mitur.

The post Abuzoi seksualisht me vajzën e tij të mitur, Gjykata e Fierit lë në burg Zamir Metën appeared first on Lapsi.al.

Gjykata e Posaçme kundër Korrupsionit dhe Krimit të Organizuar ka marrë vendim për Presidentin e Partisë së Lirisë Ilir Meta duke lënë në fuqi masën “arrest në burg”. Meta kërkoi ndryshimin e masës së sigurisë nga “arrest në burg” në një masë më të butë.

Ilir Meta u arrestua më 21 tetor 2024. Ai dhe deputetja Kryemadhi dyshohen se, duke bashkëpunuar mes tyre dhe me funskionarë të tjerë shtetërorë, në disa episode duke nisur nga 15 vite më parë kanë shfrytëzuar postet e tyre shtetërore dhe politike për të favorizuar kompani private, si dhe në veprimtari të tjera me lobime në SHBA dhe shitblerje banesash në këmbim të përfitimit të shumave të konsiderueshme parash, të cilat janë përpjekur t’i fshehin, duke mos i deklaruar në ILDKPI dhe KQZ.

Konkretisht, deputetja Kryemadhi po hetohej nga SPAK për tre akuza, pastrim parash, korrupsion dhe mosdeklarim të ardhurash. Gjykata la në fuqi më 23 tetor masën “detyrim për t’u paraqitur në policinë gjyqësore” ndaj Kryemadhit, për të njëjtat vepra penale, si dhe ndaj të hetuarës Ema Çoku, për pastrim parash.

Ndërkohë ndaj Piro Xhixhos, i hetuar për korrupsion pasiv, iu zëvëndësua masa e sigurisë nga “arrest në shtëpi” në “detyrim për t’u paraqitur në policinë gjyqësore”. Të tre të hetuarit nën masën e sigurimit “detyrim paraqitje” urdhërohen të paraqiten një herë në muaj në zyrat e Policisë Gjyqësore të SPAK.

The post GJKKO rrëzon kërkesën për lirim të Metës, lë në fuqi masën “arrest në burg” appeared first on Lapsi.al.

Gjykata e Posaçme ka caktuar një ekspert mjekësor për të vlerësuar gjendjen shëndetësore të ish-shefit të komisariatit rrugor të Tiranës, Roven Zeka.

Kjo pas kërkesës së bërë nga Zeka për lirimin nga qelia, duke pretenduar se ka dëmtuar legenin pas një rrëzimi gjatë paraburgimit.

Bazuar në raportin e ekspertit, do të vendoset edhe për kërkesën e tij për lirim ndërsa Zeka mbahet në burg në lidhje me hetimin e SPAK mbi një çështje korrupsioni e lidhur me procedurat e një aksidenti rrugor.

Më herët, masa e arrestit në burg ndaj tij dhe oficerit Edison Tabaku u la në fuqi nga Apeli i Gjykatës së Posaçme Kundër Korrupsionit dhe Krimit të Organizuar (GJKKO).

Ndërkohë, shefi i hetimit të aksidenteve, Sokol Novaku, u lirua nga burgu dhe iu vu arrest shtëpiak për arsye familjare.

LEXONI GJITHASHTU:

• GJKKO burg për shefat e “Rrugores” në Tiranë, Zeka dhe Novaku mohojnë akuzat
• Takuan Roven Zekën në paraburgim, SPAK nis hetimet ndaj zyrtarëve policor

The post Kërkoi lirimin nga burgu pasi dëmtoi legenin, çfarë ndodh me ish-shefin e “Rrugores” appeared first on Euronews Albania.

Gjykata e Dibrës ka caktuar masën e sigurisë “arrest me burg” ndaj 32-vjeçarit Hazbi Velsula, i cili akuzohet si autor i vrasjes me thikë të kushëririt të tij Selim Velsula, 65 vjeç, krim i regjistruar të mërkurën në fshatin Xibër-Murriz të Klosit

Mësohet se ai nuk ka dhënë asnjë deklaratë para togave të zeza për motivin e krimit, duke kërkuar prani të avokatit mbrojtës dhe duke refuzuar të bashkëpunojë me hetuesit.

Sipas autoriteteve policore, para se të vritej 65-vjeçari, dy kushërinjtë janë konfliktuar fizikisht me njëri-tjetrin. Pas krimit, Hazbi Velsula kishte shkuar në banesën e të vëllait në zonën e Alliasit në Tiranë, ku edhe u arrestua nga Policia.

“Nga veprimet e kryera, dyshohet se shtetasit Hazbi Velsula dhe Selim Velsula fillimisht janë konfliktuar fizikisht për motive të dobëta dhe më pas shtetasi Hazbi Velsula e ka goditur me armë të ftohtë (thikë) shtetasin Selim Velsula, duke i shkaktuar vdekjen.

Po në vijim të veprimeve, falë një informacioni të marrë nga Drejtoria Vendore e Policisë Tiranë për vendndodhjen e autorit të dyshuar, shërbimet e DVP Tiranë kapën në lagjen Allias dhe vunë në pranga autorin e dyshuar të ngjarjes, shtetasin Hazbi Velsula, 32 vjeç, banues në Allias, i cili pas krimit ishte strehuar në banesën e vëllait. Në cilësinë e provës materiale, u sekuestrua arma e ftohtë (thikë), që dyshohet se është përdorur nga autori.” – njoftoi Policia.

Viktima jetonte prej vitesh në fshatin Xibër-Murrizë të bashkisë Klos së bashku me bashkëshorten e tij dhe kishte një jetë të qetë. Rreth orës 16:00 të 11 Qershorit, ai i kishte kërkuar gruas që ta ndihmonte për të nxjerrë bagëtinë në pronat e tyre mbi fshat.

Pasi kishte nxjerrë bagëtitë, viktima ishte kthyer për të marrë një shishe me ujë dhe ishte afruar sërish në zonën ku mbante bagëtinë. Në ato momente kushëriri i tij, 32-vjeçari Hazbi Velsula, i cili prej vitesh jetonte në zonat rurale të Tiranës, por kohët e fundit ishte rikthyer në pronat familjare në Xibër, i kishte bërë thirrje viktimës të afrohej, duke i thënë “ hajde se kam një muhabet”.

Më pas janë konliktuar fizikisht dhe e ka sulmuar me thikë duke e goditur disa herë dhe i ka shkaktuar plagë të rënda. Selim Velsula ka rënë menjëherë në tokë nga goditjet, ndërsa autori është larguar nga vendi i ngjarjes duke u arratisur.

Viktima, edhe pse i plagosur rëndë, ka tentuar të kthehet drejt banesës, por nuk ia ka dalë. Në rrugën e fshatit është gjetur i shtrirë dhe pa shenja jete nga një banor i zonës, i cili po shkonte të merrte ujë për vaditje. Ky i fundit ka njoftuar menjëherë bashkëshorten e viktimës dhe më pas banorët e tjerë.

Mësohet se autori i dyshuar, Hazbi Velsula, pas krimit ka telefonuar motrën e tij, duke i thënë: “Kam vrarë një person me thikë”. Ka qenë motra e autorit, ajo e cila ka njoftuar më pas Policinë duke i rrëfyer krimin e të vëllait.

Ende nuk dihen motivet konkrete të këtij krimit dhe arsyet e konfliktit mes dy kushlrinjëve.

The post Vrau me thikë kushëririn në Klos/ Gjykata e Dibrës merr vendimin për Hazbi Velsula appeared first on Sot News | Lajme.

Apeli i Gjykatës së Posaçme Kundër Korrupsionit dhe Krimit të Organizuar ka lënë në fuqi masën e sigurisë “arrest me burg” për shefin e Komisariatit të Policisë Rrugore Tiranë, Roven Zeka, ndërsa ka zbutur masën për shefin e hetimit të aksidenteve, Sokol Novaku, duke e kaluar atë në “arrest në shtëpi” për shkak të rrethanave familjare.

Vendimi është marrë nga gjyqtari Engert Pëllumbi ndërsa dy zyrtarët policorë u arrestuan si pjesë e një hetimi të nisur nga SPAK, për veprën penale “korrupsion pasiv i personave që ushtrojnë funksione publike”, e kryer në bashkëpunim.

Akuzat: Marrje ryshfeti për të shmangur ndalimin

Sipas SPAK, më 16 prill 2025, në Tiranë, një grua me inicialet A.V. u përfshi në një aksident rrugor, ku u plagosën pesë persona që udhëtonin në një tjetër automjet.

Shoferja, bashkëshortja e shtetasit E.V., i dyshuar për korrupsion aktiv, dyshohet se i ka dhënë ryshfet dy zyrtarëve të policisë për të shmangur ndalimin.

Hetimet tregojnë se efektivët i kanë kërkuar familjarëve të saj një shumë prej 2 mijë eurosh për të mos arrestuar A.V. Paratë janë siguruar nga bashkëshorti i saj, me ndihmën e personave të tjerë, dhe janë dorëzuar njërit prej efektivëve të policisë rrugore – fakt që, sipas SPAK, është provuar gjatë hetimeve.

Operacioni u krye nga Byroja Kombëtare e Hetimit në bashkëpunim me Agjencinë e Mbikëqyrjes Policore.

LEXONI GJITHASHTU:

• GJKKO burg për shefat e “Rrugores” në Tiranë, Zeka dhe Novaku mohojnë akuzat
• U arrestua nga SPAK, ja kush e zëvendëson shefin e qarkullimit në Tiranë

The post Dyshohet se mori ryshfet, Apeli i GJKKO lë në burg shefin e Rrugores së Tiranës appeared first on Euronews Albania.

Rei Nozlli, 26-vjeçari që goditi me grushte sekretarin e KZAZ 30 në zonën e Kasharit në Tiranë teksa numëroheshin fletët e votimit, është lënë në burg. Kujtojmë se ditën e djeshme, 26-vjeçari dhunoi me grushte e shkelma sekretarin e KZAZ, Remzi Memedi.

Gjatë procesit të numërimit, numëruesi përkatës ka deklaruar të pavlefshme një votë dhe atë moment Rei Nozlli dhe disa persona të tjerë që ndodheshin me të, kanë reaguar duke bërtitur, duke shprehur mosdakortësinë me këtë vendim të numëruesit. Remzi Mehmeti, në cilësinë e sekretarit të KZAZ nr.30 dhe në ushtrim të detyrës funksionale, u kërkoi të qetësohen, pasi do të mblidhte komisionin dhe do të bënin vlerësimin e votës së kontestuar, por grupi i personave nuk ndaloi dhe vijuan me fjalë fyese.

Mehmeti u kërkoi që të qetësohen, mbasi përndryshe do t’i nxirrte jashtë nga ambienti i numërimit të votave, por Rei Nozlli, sipas Prokurorisë,  kaloi shiritin e perimetrit të sigurisë dhe shkoi drejt tij duke e goditur me grushta dhe shkelma. Mbas tij shkuan edhe personat e tjerë, por numëruesit që ishin aty afër ndërhynë, duke u munduar që t’i mbajnë fizikisht.

The post Dhunoi sekretarin e KZAZ-së në Kashar, lihet në burg 26-vjeçari appeared first on Lapsi.al.

Prokuroria e Tiranës ka lënë në arrest me burg 26-vjeçarin Rei Nozlli, i cili dhunoi dy ditë më parë, sekretarin e KZAZ nr. 30 në Kashar. Mësohet se autori po ndiqte procesin e numërimit të votave pa pasur statusin e vëzhguesit të asnjë subjekti politik. Mbi Nozllin rëndon vepra penale ‘kanosje apo dhunimi ndaj pjesëmarrësve në zgjedhje’.

Me kërkesë të Prokurorisë pranë Gjykatës të Shkallës së Parë të Juridiksionit të Përgjithshëm Tiranë, shtetasi R.N. u la në masën e sigurisë ‘Arrest në burg’ për veprën penale ‘Kanosje apo dhunimi ndaj pjesëmarrësve në zgjedhje’ parashikuar nga neni 329/3 i Kodit Penal.

Në datën 15.05.2025, në KZAZ nr.30, Kashar, ka qenë duke u zhvilluar procesi i numërimit të votave për kandidatët për deputetë që kanë garuar në zgjedhjet e përgjithshme të datës 11.05.2025. Rreth orës 14.00’, gjatë procesit të numërimit, numëruesi përkatës ka deklaruar të pavlefshme një votë dhe atë moment shtetasi R.N. dhe disa persona të tjerë që ndodheshin me të, kanë reaguar duke bërtitur, duke shprehur mosdakortësinë me këtë vendim të numëruesit.

Këta persona qëndronin në ambientet e numërimit të votave dhe ndiqnin procesin, pa patur statusin e vëzhguesit të asnjë subjekti politik. Mbas identifikimit të këtij reagimi, kallëzuesi R.M., në cilësinë e sekretarit të KZAZ nr.30 dhe në ushtrim të detyrës funksionale, u kërkoi të qetësohen, pasi do të mblidhte komisionin dhe do të bënin vlerësimin e votës së kontestuar, por grupi i personave nuk ndaloi dhe vijuan me fjalë fyese.

Në këtë situatë, kallëzuesi u kërkoi që të qetësohen, mbasi përndryshe do t’i nxirrte jashtë nga ambienti i numërimit të votave. Menjëherë mbas kësaj, shtetasi R.N. kaloi shiritin e perimetrit të sigurisë dhe shkoi drejt tij duke e goditur me grushta dhe shkelma. Mbas tij shkuan edhe personat e tjerë, por numëruesit që ishin aty afër ndërhynë, duke u munduar që t’i mbajnë fizikisht.

Në përfundim të veprimeve paraprake të kryera, u arrestua shtetasi R.N. i dyshuar si autor i veprës penale ‘Kanosje apo dhunimi ndaj pjesëmarrësve në zgjedhje’ parashikuar nga neni 329/3 i Kodit Penal.

The post Goditi sekretarin e KZAZ për shkak të një vote, lihet në burg Rei Nozlli appeared first on Lapsi.al.

Në Gjykatën e Kukësit u mbajt sot seanca për caktimin e masës së sigurisë ndaj 41-vjeçarit Ylber Jaku. Jaku ishte i akuzuar për vrasjen e 34-vjeçarit Reshit Sallahu në motive hakmarrjeje. Mësohet se seanca u mbajt me dyer të mbyllura teksa gjyqtari i masave pasi ka dëgjuar prokurorin e gatshëm për aktet e dosjes dhe provat paraprake, si dhe avokatin e të dyshuarit, ka caktuar në fund të seancës masën e sigurisë “arrest me burg”.

Ndërkohë, më 8 maj, Gjykata e Kukësit caktoi masën e sigurisë “arrest shtëpie” për Artjola Sallahun pasi ka ushtruar dhunë ndaj prindërve autorit të krimit. Sipas dinamikës rezulton se Sallahu, pas konfliktit për pronësi, sulmoi çiftin e bshkëshortëve, që u mjekuan në spital dhe për motive hakmarrje dyshohet se djali i të dëmtuarve ka sulmuar fatalisht me armë zjarri familjarin e autores së plagosjes së dyfishtë.

Po ashtu mësohet se familja Jaku ka bërë mbi 20 kallëzime ndër vite për konfliktin. Kallëzimet janë bërë nga babai i autorit i cili u kërkonte institucioneve zgjidhjen e konfliktit.

The post Gjykata e Kukësit lë në arrest me burg Ylber Jakun appeared first on Lapsi.al.

Kryesocialisti Edi Rama ka komentuar mbrëmjen e sotme rreth zyrtarëve socialist që ndodhen në burg për korrupsion. I ftuar në emisionin ‘Të paeskpozuarit’ në MCN Tv, Rama tha ato nuk janë studio avokatie e askujt duke shtuar se janë të parët në rajon për integritetin e prokurimeve publike.

“U vranë njerëz në bulevard, prokurorja e Përgjithshme nuk mori dot në pyetje tre njerëz. Ai u bë mbrojtës i një krimi ku ka dorë vetë. Ne mund të mbajmë atë qëndrim që kemi mbajtur. Nuk jemi studio avokatie e askujt. Sot një nga gjërat për të cilat jemi në tryezë me BE-në është se ne jemi të parët në rajon në integritetin e prokurimeve publike. Kemi 80 pikë, të tjerët janë poshtë,” tha Rama.

The post Zyrtarët socialistë në burg për korrupsion, Rama: Nuk jemi studio avokatie e askujt, ne jemi të parët në rajon në integritetin e prokurimeve publike appeared first on Albeu.com.

Gjyqtarja e GJKKO, Flojera Davidhi, ka shpallur masën e arrestit me burg për Roven Zekën dhe Sokol Novakun, të dyshuar për përfshirje në korrupsion.

Roven Zeka, Shefi i Qarkullimit Rrugor në Tiranë, dhe Sokol Novaku, Shefi i Hetimit të Aksidenteve, kanë mohuar çdo lidhje me ngjarjen dhe kanë pretenduar se nuk kanë asnjë lidhje me veprat penale për të cilat akuzohen nga SPAK.

Mësohet se Roven Zeka është shprehur para GJKKO se ai është një oficer karriere në radhët e Policisë së Shtetit, ndërsa oficerit Sokol Novaku nuk i janë pranuar argumentet për një masë më të butë sigurie për shkak të rrethanave familjare.

Dy shefat e rrugores kanë deklaruar se ata kanë zbatuar procedurën standarde duke referuar materialet në prokurori për drejtuesen e aksidentit.

Ata kanë mohuar dijeninë apo përfshirjen e tyre në veprimet dhe mosveprimet e oficerit Edison Tabaku.

Në urdhrin e ndalimit të lëshuar nga prokurorja Elida Kaçkini, evidentohej se të tre punonjësit e policisë janë transferuar në Tiranë nga strukturat e Drejtorisë Vendore të Policisë Elbasan, ku kanë shërbyer më parë.

Ata akuzohen për korrupsion, pasi dyshohet se pas një aksidenti me të plagosur në Tiranë, është ndërhyrë te efektivët me anë të pagimit të shumave monetare për të mos arrestuar një shofere.

Në të njëjtën kohë, një ditë më parë, GJKKO dha masën e arrestit në burg edhe për oficerin e policisë gjyqësore, Edison Tabaku, i akuzuar gjithashtu për përfshirje në këtë çështje penale.

Gjykata ka vendosur që të mbajë masën e sigurimit personal ndaj të akuzuarve, duke vijuar hetimet për zbardhjen e ngjarjes dhe përfundimin e procesit gjyqësor.

LEXONI GJITHASHTU:

• “Mos del keq me shefin”- Përgjimet e SPAK që “fundosën” oficerët e policisë rrugore
• GJKKO lë në burg oficerin e policisë, nesër vendimi për shefin e Rrugores së Tiranës

The post GJKKO burg për shefat e “Rrugores” në Tiranë, Zeka dhe Novaku mohojnë akuzat appeared first on Euronews Albania.

Gjykata e Fierit ka caktuar “arrest në burg” për Ledjan dhe Klaudio Kapllanaj dhe Gerald Kollçakun, të cilët akuzohen se kanë goditur për shkak të detyrës agjentin e BKH-së dhe oficerët policor të forcave operacionale.

Një hetues i Byrosë Kombëtare të Hetimit dhe oficerët e Forcës së Posaçme Operacionale të Policisë së Shtetit, kanë qenë duke kryer veprime hetimore në kuadër të një hetimi të SPAK, në aksin rrugor Fier-Patos, në afërsi të fshatit Portëz e Madhe, Fier. Gjatë kohës që ishin duke kryer veprime hetimore, janë filmuar nga Orjan Isufaj, i cili është edhe drejtor i kompanisë së vëllait të ish-kryebashkiakut të Mallakstrës, Agron Kapllanajt.

Në njoftimin e prokurorisë thuhej se rreth 30 minuta më pas, gjatë kohës që ishin duke qëndruar në mjetin e tyre në një vend tjetër, në anë të rrugës publike pranë vendit të quajtur “Rrethrrotullimi i Parkut”, të qytetit të Fierit, u janë afruar tre automjete nga kanë kanë zbritur disa persona, të cilët kanë ushtruar dhunë fizike ndaj punonjësve të policisë, pavarësisht prezantimit të këtyre të fundit.

Ish-kryebashkiaku i Mallakastrës, Agron Kapllanaj në daljet e tij publike, ka pretenduar se njerëzit e tij nuk kanë ushtruar dhunë ndaj agjentëve të BKH-së dhe efektivëve të forcave operacionale. Gjithashtu është shprehur se kanë qenë punonjësit e policisë dhe hetuesit të cilët nuk kanë treguar se kush janë por kanë nxjerrë armët dhe kanë kërcënuar dhe ofenduar palën tjetër.

The post Gjykata e Fierit lë në burg nipat e Agron Kapllanajt appeared first on Lapsi.al.

Gazetari Elvi Fundo ka bërë me dije se në datën 12 Mars kur po zhvillohej gjyqi ndaj Erion Veliajt, një numër anonim i ka dërguar tre dosje të hetimeve të SPAK për një biznesmen, një politikan të rëndësishëm dhe për një grua.

Gazetari posedon rreth 90 faqe dokumente ndërsa nuk ka folur me emra konkretë. Sipas tij, personat e përmendur janë thirrur në SPAK dhe janë pyetur, ndërsa nuk ka ende një akuzë.

“Materialet më kanë ardhur në datë 12 Mars kur po zhvillohej gjyqi i apelit ndaj Erion Veliajt. Janë tre dosje ku përfshihen një biznesmen, një politikan i rëndësishëm dhe një zonjë. Dokumentet që janë rreth 90 faqe bëjnë fjalë për hetime të SPAK-ut. Personat janë thirrur, janë pyetur por nuk kanë akuzën që të kenë dijeni.

Numri që ma nisi është anonim. Personi është arrestuar më 12 Mars. Ai ka pretenduar se dokumentet i ka marrë nga një person tjetër. Edhe personi tjetër është arrestuar. Ish-drejtues i burgut të Vlorës dhe njëri në IKMT-në e Vlorës. Të dy zyrtarë në administratën shtetërore.”-tha Fundo për Blendi Fevziun.

The post Dosja 90 faqe në SPAK/ Një politikan, një biznesmen dhe një grua! Denoncimi anonim ditën që Veliaj u la në burg appeared first on Albeu.com.

TIRANË, 27 shkurt /ATSH/ Gjykata e Lartë vendosi sot të lërë në burg, Presidentin e Partisë së Lirisë, Ilir Meta

Vendimi u mor nga trupa gjykuese e përbërë nga Ilir Panda, Albana Boksi dhe Medi Bici.

Meta bëri rekurs për ndryshimin e masës së sigurisë “arrest me burg”, duke theksuar se “po i pengohej karriera politike dhe zhvillimi i fushatës elektorale”, teksa për dy muaj mbahen zgjedhjet parlamentare.

Pas paraqitjes së argumenteve nga pala mbrojtëse, Gjykata e Lartë vendosi të lërë në fuqi vendimin e Gjykatës së Apelit.

Meta u vu në pranga me urdhër të SPAK më 21 tetor 2024.

Ai akuzohet për 3 vepra penale, “Korrupsion pasiv”, “pastrim parash” dhe “fshehje pasurie”.

Ndërkohë, Gjykata e Lartë nuk ndryshoi as masën e sigurisë për deputeten e Partisë së Lirisë, ish-bashkëshorten e Metës, Monika Kryemadhi duke e lënë me masën detyrim paraqitje të vënë nga GJKKO.

Kryemadhi është nën hetim nga Prokuroria e Posaçme nën dyshimin për pastrim parash, korrupsion dhe mosdeklarim të pasurive, në lidhje me dosjen e CEZ-DIA dhe lobimin e LSI-së në SHBA.

Meta: Ecim më shpejt drejt Gjykatës së Strasburgut 

Nëpërmjet një audiomesazhi nga paraburgimi, Presidenti i Partisë së Lirisë Ilir Meta tha refuzimi i lehtësimit të masës së sigurisë nga Gjykata e Lartë është një hap pozitiv pasi në këtë mënyrë ecet më shpejt drejt gjykatës së Strasburgut, ku u shpreh se pa asnjë diskutim do të fitojë.

“Make Albania great forever”, ky është zotimi ynë, ky është angazhimi ynë për 11 majin ditën historike kur do të ndahemi nga narkoregjimi, por edhe nga narkodrejtësia e tij. Sot për çështjen Meta hodhëm një hap pozitiv, sepse kaluam një pengesë fiktive në Gjykatën e Lartë në mënyrë që të ecim më shpejt drejt Gjykatës së Strasburgut. Pa asnjë diskutim do të fitojmë ashtu siç kemi fituar edhe Komisionin e Venecias kundër Ramaformës. Mos harroni se 2 marsi po vjen dhe bashkë me të edhe 5-vjetori i atij mitingu të jashtëzakonshëm, mbarëkombëtar në mbrojtje të Kushtetutës, falë të cilit jo vetëm u çmontua Ramaforma si pjellë e ligjeve antikushtetuese, në kundërshtim me Komisionin e Venecias, por njëkohësisht kur hodhëm në Lanë edhe ligjin e betimeve”, u shpreh Meta.

Meta iu bëri thirrje shqiptarëve që jetojnë jashtë vendit që të regjistrohen në zgjedhje.

“Ndaj ju bëj thirrje të gjithë shqiptarëve patriot kudo ku janë, të gjithë drejt 11 majit. Të gjithë bashkëatdhetarët tanë të regjistrohen për të votuar në ditën historike kur narko-regjimi do të hidhet te Lana, njësoj siç u hodh në Maqedoninë e Veriut regjimi kukull i Sorosit”, tha Meta në mesazhin e tij. /j.p/

The post Rekursi i Metës për ndryshimin e masës së sigurisë, Gjykata e Lartë e lë në burg appeared first on Agjencia Telegrafike Shqiptare.

Kryeministri Edi Rama, ka inspektuar në kantierin e Teatrit të Ri Kombëtar, punimet për të cilin priten të përfundojnë brenda këtij viti.

Ai ka komunikuar nga afër me punonjësit për çdo detaj.

Gjithashtu, Rama ka theksuar se Shqipëria 2030 në BE do të ketë një nga teatrot më të bukur të ndërtuar në Europë, pas Luftës së Dytë Botërore.

“Në kantierin e Teatrit të Ri Kombëtar, vepër e njërit prej arkitektëve më të mëdhenj bashkëkohorë, Bjarke Ingels, studio daneze BIG, që tanimë pas përfundimit të punimeve të vështira të nëntokës, ka nisur të marrë formë në rrugën drejt përfundimit të krejt punimeve ndërtimore brenda këtij viti. Shqipëria 2030 në BE do të ketë një nga teatrot më të bukur të ndërtuar në Europë pas Luftës së Dytë Botërore”.

The post Veliaj në burg, Rama inspekton punimet e Teatrit të Ri Kombëtar: Do të jetë një nga më të bukur të ndërtuar në Europë appeared first on Albeu.com.

Gjykata e Shkallës së Parë ka caktuar masën e sigurisë “arrest në burg” për shtetasin Arianit Lekgegaj. Ai u arrestua në një shtëpi bari me dy ambiente në Vlorë.

Gjatë seancës së zhvilluar këtë të henë ka lënë në fuqi kërkesën e prokurorisë.

Ndërkohë, nga policia për këtë ngjarje është shpallur në kërkim edhe një tjetër shtetas./abcnews.al

TIRANË, 3 shkurt /ATSH/ Gjykata e Apelit të Juridiksionit të Përgjithshëm vendosi sot të lërë në burg dy vëllezërit Arjon dhe Klisman Hasaj që akuzohen për vrasjen e Ramazan Matajt.

Nga aktet e ndodhura në dosje rezulton se, më datë 05.01.2025, rreth orës 07:15 në Sallën Operative të Drejtorisë Vendore të Policisë Shkodër, u mor njoftim se, në fshatin Dragoç, njësia administrative Postribë, Shkodër, në një automjet tip “Benz” gjendej një person i vrarë.

Të dyshuar për kryerjen e kësaj vepre penale janë dy vëllezërit, shtetasit me iniciale A. H dhe K. A.

Mbi kërkesën e Prokurorisë, është zhvilluar gjykimi lidhur me vlerësimin e ligjshëm të ndalimit dhe caktimin e masës së sigurimit personal “arrest në burg”, ndaj personit nën hetim me iniciale A. H., i dyshuar për kryerjen e veprave penale “Vrasje me paramendim” dhe “Mbajtja pa leje dhe prodhimi i armëve, armëve shpërthyese dhe i municionit” dhe personit nën hetim me iniciale K. H., i dyshuar për kryerjen e veprave penale “Sigurimi i kushteve dhe i mjeteve materiale për të kryer vrasje”, “Mbajtja pa leje dhe prodhimi i armëve, armëve shpërthyese dhe i municionit” dhe “Veprime që pengojnë zbulimin e së vërtetës”.

Lidhur sa më sipër, Gjykata e Shkallës së Parë të Juridiksionit të Përgjithshëm Shkodër, me vendimin nr. 32 (47), datë 10.01.2025, ka vendosur vlerësimin e ligjshëm të ndalimit të personit nën hetim A. H., i kryer nga ana e policisë gjyqësore ne datë 07.01.2025, ora 13:00, i dyshuar për kryerjen e veprave penale “Vrasje me paramendim” dhe “Mbajtja pa leje dhe prodhimi i armëve, armëve shpërthyese dhe i municionit”.

Caktimin ndaj personit nën hetim A. H., masën e sigurimit personal “arrest në burg”.

Vlerësimin e ligjshëm të ndalimit të personit nën hetim K. H., i kryer nga ana e policisë gjyqësore ne datë 07.01.2025, ora 13:00, i dyshuar për kryerjen e veprave penale “Sigurimi i kushteve dhe i mjeteve materiale për të kryer vrasje”, “Mbajtja pa leje dhe prodhimi i armëve, armëve shpërthyese dhe i municionit” dhe “Veprime që pengojnë zbulimin e së vërtetës”.

Caktimin ndaj personit nën hetim K. H., masën e sigurimit personal “arrest në burg”.

Çështja në apel u shqyrtua mbi bazën e ankimit të paraqitur, nga personi nën hetim me iniciale K. H., i cili kërkoi ndryshimin e vendimit, caktimin e një mase sigurimi më të butë.

Në përfundim të gjykimit, Gjykata e Apelit të Juridiksionit të Përgjithshëm, e përbërë nga trupi gjykues me gjyqtar Fatri Islamajn, vendosi miratimin e vendimit të Gjykatës së Shkallës së Parë të Juridiksionit të Përgjithshëm Shkodër.

/r.e/a.f/

The post Vrasja e Ramazan Matajt në Shkodër, Apeli lë në burg dy vëllezërit Arjon dhe Klisman Hasaj appeared first on Agjencia Telegrafike Shqiptare.

Kanë kaluar thuajse 3 muaj që kur ish-Presidenti i vendit Ilir Meta ndodhet në qeli. Teksa para pak ditësh ai dëshmoi në SPAK lidhur me çështjen e lobimit në SHBA, gjithë kureshtja në opinionin publik qëndron tek ‘jeta e tij në burg’ tashmë. Lidhur me këtë, foli në një intervistë për një emision televizizv, avokati Genc Gjokutaj. Ai tha se Meta është në gjendje shumë të mirë shëndetësore e emocionale, duke theksuar se vijon me ushtrimin e detyrës së tij politike.

“Nuk besoj që ka interes publik se si e konsumon ditën në qeli, sigurisht zoti Meta merret me materiale. Ai është President i Partisë së Lirisë dhe e ushtron detyrën edhe në kushtet e izolimit. Është zgjidhur ky problemi i komunikimit sepse letra dhe lapsi ka shekuj që funksionojnë dhe madje janë më të saktat, se sa rruga elektronike apo këto portalet. Ai është prezent, merret me lexim, me atë regjimin e përditshëm. Është në një gjendje shëndetësore ekselente, nuk ka asnjë lloj problemi.
Madje, avokati tha se Meta është i gatshëm të komunikojë me mediat, nëpërmjet tij.
“Nëse do keni pyetje, të m’i jepni mua dhe t’ja çoj dhe t’u jap përgjigjet. E ka shprehur këtë gatishmëri publikisht, edhe nëpërmjet meje. Është detyrim që e ndjen tek vetja, por është edhe pjesë e natyrës së tij, komunikimi publik.”

Gjokutaj dha një përgjigje edhe për deklaratat e fundit të deputetes Monika Kryemadhi. Sipas saj, ajo dhe ish-Presidenti nuk ruajnë raport të mirë pas divorcit, “pasi e nxisin njerëz pranë tij”.

“Mendoj se është pjesë e një humori të shtuar të zonjës Kryemadhi, s’ka asgjë reale në këtë pjesë. Njerëzit rreth tij kush janë? Unë shkoj e takoj, fëmijët e tij, motra. E para s’e kemi integritetin të ndërhyjmë dhe e dyta Meta nuk pranon këshillime në tema të tilla.”

The post Si po e kalon Ilir Meta ditët në burg? Avokati i opozitës: Letra dhe lapsi funksionojnë më mirë se portalet appeared first on Sot News | Lajme.

Gjykata e Shkodrës ka marrë vendimin për autorin e vrasjes së Ramazan Matajt, Arjon Hasajn dhe vëllanë e tij Klisman Hasaj. Mësohet se Gjykata ka lenë në fuqi vendimin për arrest me burg për dy vëllezërit, që akuzohen se kanë bashkëpunuar për të vrarë 33-vjeçarin Mataj.

Hasaj, në dëshminë e dhënë ka pretenduar se Ramazan Mataj i ka prishur dy martesa motrës së tij, si edhe i ka shpërndarë video të tyre intime tek bashkëshorti i dytë, si edhe në fshat. I arrestuar si bashkëpunëtor i ngjarjes së rëndë është edhe i vëllai Klisman Hasaj, i cili dyshohet se siguroi kushteve për të kryer vrasjen dhe fshehjen e armës së krimit, akuza të cilat 20-vjeçari i ka mohuar.

Ngjarja që tronditi Shkodrën ndodhi mëngjesin e 5 janarit, ku trupi i viktimës u gjet në makinë nga banorë të lagjes. Nga dëshmia e autorëve, 33-vjeçarit i ishtë ngritur kurth me anë të një profili të rremë të një vajze. Mataj u nxorr në prit, ku u qëllua me 9 plumba brenda makinës së tij. Ndërkohë kamert e sigurisë kanë kapur momentin ku autorët ikën nga vendi i ngjarjes me biçikletë, ndërsa armën e kishin groposur afër banesës së tyre. Konflikti i tyre kishte nisur prej vitesh. Dyshohet se motra e autorëve ka qenë në lidhje jashtëmartesore me viktimën. Sipas dëshmisë së autorëve, Ramazan Mataj kishte ndikuar në prishjen e dy martesave të motrës, duke publikuar video intime.

The post Gjykata e Shkodrës lë në burg Arjon Hasajn dhe vëllanë e tij appeared first on Lapsi.al.