Ambasada e Gjermanisë në Prishtinë, i ka kërkuar Serbisë të bëjë më shumë në uljen e tensioneve me Kosovën në vend se vetëm të bëjë thirrje për ndaljen e veprimeve e Prishtinës, duke thënë se thirrjet duhet të vlejnë për të dyja palët njëlloj.

Në një reagim të mërkurën, Ambasada gjermane tha se e mori parasysh letrën e fundit të drejtorit të Zyrës për Kosovën në Qeverinë serbe, Petar Petkoviç, i cili kërkoi nga Perëndimi t’i ndalë “veprimet përshkallëzuese të Prishtinës” lidhur me ndërtimin e planifikuar të dy urave të reja mbi lumin Ibër në Mitrovicë.

Petkoviç e akuzoi kryeministrin e Kosovës në detyrë, Albin Kurti, se po i përdor urat mbi Ibër – lumin që ndan Mitrovicën me shumicë shqiptare në jug dhe me shumicë serbe në veri – për “fushatë zgjedhore”, pasi zgjedhjet lokale në Kosovë mbahen këtë vjeshtë.

“Duke njoftuar se urat do të hapen në tetor, para zgjedhjeve lokale, Kurti me vetëdije po e vë çështjen e sigurisë në shërbim të fushatës zgjedhore… BE-ja duhet ta ndalojë Kurtin në planet e tij para se të jetë tepër vonë”, tha Petkoviç.

Ambasada tha se, derisa i ka bërë thirrje vazhdimisht dhe i bën edhe tani Qeverisë së Kosovës të përmbahet nga veprime që mund ta përshkallëzojnë gjendjen, thirrje të tilla vlejnë edhe për Serbinë.

“Nuk është Qeveria e Kosovës ajo që po dështon të zbatojë masa ligjore ndaj përgjegjësve për sulmin e tmerrshëm në Banjskë”, tha ajo, duke iu referuar sulmit ndaj Policisë së Kosovës nga një grup serbësh të armatosur në shtator 2023 në veri, ku u vra një rreshter policor.

LEXONI GJITHASHTU:

• Kurti: Serbia mund të shfrytëzojë elemente destruktive për të nxitur incidente në…
• VIDEO/ Nipi ish-kancelarit Helmut Kohl: Kosova të njihet nga të gjitha shtetet e BE

The post Gjermania thirrje Serbisë: Thirrjet për shtensionim vlejnë për të gjithë njëlloj appeared first on Euronews Albania.

Shaip Kamberi, i vetmi përfaqësues i shqiptarëve në Kuvendin e Serbisë, njoftoi të martën se ka vendosur ta bojkotojë Kuvendin serb në shenjë proteste ndaj, siç i përshkroi ai, krizës politike dhe institucionale në vend, mungesës së vullnetit politik për t’i respektuar të drejtat e njeriut dhe të pakicave, posaçërisht të shqiptarëve në Luginën e Preshevës.

Në një njoftim në Facebook, Kamberi renditi një sërë arsyesh për të cilat tha se ka vendosur që “në këto rrethana, nuk do të marr pjesë në punimet e ardhshme të Parlamentit të Serbisë”.

“Shoqëria e vërtetë proevropiane mund të ndërtohet vetëm duke garantuar kushte të barabarta dhe trajtim dinjitoz për të gjithë – përfshirë shqiptarët”, shkroi ai.

Kamberi shtoi se një shoqëri proevropiane “nuk mund të ndërtohet mbi mitet e së kaluarës, as mbi trillimet historike dhe as mbi ambicien për hegjemonizëm në Ballkanin Perëndimor”.

Njoftimi i Kamberit vjen dy ditë pas një proteste masive antiqeveritare në Serbi, ku morën pjesë mijëra demonstrues dhe ku pati përleshje me policinë.

The post Shaip Kamberi thotë se do t’i bojkotojë punimet e ardhshme të Kuvendit të Serbisë appeared first on Euronews Albania.

Në konferencën e tij pas përfundimit të samitit të NATO-s në Hagë, Presidenti amerikan Donald Trump përmendi papritur konfliktin mes Kosovës dhe Serbisë, duke aluduar edhe në një përpjekje të Serbisë për përplasje.

Duke iu përgjigjur një pyetjeje lidhur me ambiciet territoriale të Presidentit rus Vladimir Putin përtej Ukrainës, Trump theksoi se javët e fundit ai dhe administrata e tij janë marrë edhe me situatën në Kosovë dhe Serbi, pa dhënë detaje të mëtejshme.

Pyetje: Gjenerali Caine ka thënë se Putin ka ambicie territoriale përtej Ukrainës. E shihni edhe ju në të njëjtën mënyrë?

“Mundet. Dua të them që edhe mundet. Por di diçka: ai do që kjo punë të marrë fund sepse është një katastrofë për të. Putini më telefonoi para disa ditësh dhe më pyeti: ‘A mund të të ndihmoj me Iranin?’ Unë i thashë, ‘Jo! Mund të më ndihmosh me Rusinë.’ Në javët e fundit kemi punuar me Indinë, Pakistanin, Kosovën dhe Serbinë. Po ashtu, të premten do të na vizitojnë përfaqësues të Kongos dhe Ruandës, ku ka pasur një konflikt të ashpër”, tha Trump.

Ai nuk dha detaje të tjera, por në një moment të dytë, kur u pyet për vështirësinë e mbylljes së konflikteve nga ana e tij, Trump përmendi sërish Serbinë, e cila sipas tij do të niste një përplasje, por pa përmendur konkretisht nëse kishte lidhje me Kosovën.

“Shiko, ne sapo i dhamë fund një lufte në 12 ditë e cila po ziente prej 30 vitesh. I dhamë fund konfliktit me Ruandën dhe Kongon, të cilët do të vijnë të firmosin një dokument në Shtëpinë e Bardhë të premten. I dhamë fund edhe Serbisë, e cila do të niste një përplasje,” tha ai.

LEXONI GJITHASHTU:

• “Takim me Iranin javën e ardhshme”, Trump: Marrëveshja bërthamore s’ është prioritet
• “Burri është ushtar”, Trump preket nga gazetarja ukrainase, premton sisteme patriot

The post “Serbia do të përplasej, por i dhamë fund”, Trump: Kemi punuar me ta dhe me Kosovën appeared first on Euronews Albania.

Gjykata Themelore në Prishtinë ka shpallur aktgjykim dënues ndaj Zoran Vukotiqit i akuzuar për krime lufte kundër popullatës civile- përkatësisht për akuzën për vrasjen e 13-vjeçarit B.M., duke e dënuar me 15 vite burgim.

Aktgjykimi ndaj Vukotiq u shpall të martën nga gjykatësi Rrahman Beqiri, raporton “Betimi për Drejtësi“.

Vukotiq akuzohej për katër aktakuza për krime lufte në Kosovë për të cilat ishte bërë bashkimi i çështjes, por për pikat tjera të aktakuzës, gjykatësi Beqiri tha se Gjykata nuk ka gjetur prova se i njëjti është fajtor për krime lufte, andaj e ka liruar nga akuza.

Dënimi me burgim, të akuzuarit do t’i ekzekutohet në afat prej 15 ditësh nga dita e plotfuqishmërisë së aktgjykimit.

Të dëmtuarit për realizimin e kërkesës pasurore- juridike udhëzohen në konstest të rregullt juridiko-civil.

I akuzuari Vukotiq urdhërohet të paguajë shpenzimet e procedurës penale dhe atë: në emër të paushallit gjyqësor shumën prej 200 euro, kurse në emër të taksës për kompensimin e viktimave të krimit shumën prej 100 euro, në afat prej 15 ditësh nga dita e plotfuqishmërisë së aktgjykimit.

I akuzuari nuk ishte i pranishëm në shpallje.

Prokuroria Speciale, kishte ngritur katër aktakuza për krime lufte ndaj popullatës civile gjatë viteve 1998-1999, ndaj të akuzuarit Vukotiq, por me propozim të e mbrojtësit të të akuzuarit Vukotiq, avokati Nebojsha Vllajiq, u bë bashkimi i çështjes, më 22 gusht 2024.

The post Zoran Vukotiq dënohet me 15 vjet burgim për krime lufte në Kosovë appeared first on Telegrafi.

Trajneri i Serbisë Dragan Stojković është pyetur nga gazetarët në Beograd mbi deklaratat e tij se atmosfera në ndeshjen e 7 qershorit në Tiranë ishte “fantastike”. Ai ka sqaruar se ka folur vetëm në aspektin sportiv dhe se do të donte që e njëjta atmosferë të krijohej edhe në ndeshjen e kthimit në Beograd.

“Është mirë që më pyetët këtë, meqenëse nuk kam ndjekur median për 4 ditë dhe nuk e di kush po shkruan çfarë. Unë po përqendrohem në punën time, t’i përgatis këta djem sa më mirë që të mundem.

Thashë fantastike për atë mjedis futbolli, ekskluzivisht për futbollin dhe po flas me fjalorin e futbollit. Ajo që ndodhi në fushë është, me gjithë respektin e duhur, një rivalitet i madh, skuadrat janë të njëjta, dy stola, tonët dhe të tyret.

Sigurisht që gjithmonë do t’i dënoj gjërat jo-futbollistike pasi askush nuk i pëlqen ndërprerjet e ndeshjes, por ne nuk mund t’i ndikojmë ato gjëra. Ka institucione që merren me këto gjëra, ne nuk mund t’i ndëshkojmë, dikush tjetër do t’i ndëshkojë.

Ju nuk ishit atje, ju e patët në televizor. Disa nga kolegët tuaj, të gjithë do të donin të kishin këtë lloj atmosfere. Ndodhi për herë të parë që isha në këtë rol për herë të 51-të, që nuk e dëgjova himnin kombëtar. Imagjinoni çfarë shpërthimi fishkëllimash dhe zhurme që ishte.

Ne kënduam himnin tonë me krenari dhe kjo ishte një motiv shtesë për ne, që të mos i nënshtroheshim atij presioni dhe djemtë u sollën shkëlqyeshëm në fushë. Kjo është një fitore e madhe. A e mendonte vërtet dikush se do na prisnin me duartrokitje?

Sjellja e tyre është e tyre. Unë nuk jam politikan, nuk përdor fjalimin e një politikani, jam jashtëzakonisht i kujdesshëm se çfarë them, komentova atmosferën në stadium dhe sjelljen… dikujt i intereson kjo.

Që të mos më duhet t’ia vërtetoj askujt serbishten time, nuk mbështes askënd. Dua vetëm Serbinë. Dua t’i bëj heronj, për sa kohë që marr frymë. Sa për gjëra të tjera, gjithçka ishte fenomenale për sa i përket organizimit.

Besoj se do t’ua kthejmë në këtë mënyrë. Le ta konfirmojnë kolegët se si ishte në Tiranë. Shikoni ndeshje Boca-River dhe do ta kuptoni për çfarë po flas. Nuk kishim frikë, e treguam në fushë” – tha trajneri serb. ©LAPSI.al

The post Trajneri serb u kthehet gazetarëve: Në Tiranë fantastike edhe pse nuk dëgjova himnin appeared first on Lapsi.al.

Federata e Futbollit të Serbisë ka lëshuar një komunikatë zyrtare pas barazimit me Shqipërinë në Tiranë (0-0). Në të është përfshirë edhe një deklaratë e përzgjedhësit Dragan Stojkovic – Piksi, i cili ka ndryshuar fjalët e tij pas ndeshjes.

Piksi theksoi se gjatë ndeshjes kishte fokus të plotë vetëm te loja dhe aspekti sportiv. Megjithatë, pranoi se nuk kishte vërejtur të gjitha “parullat fyese që më vonë u publikuan në media”.

“Si trajner i ekipit kombëtar të Serbisë, gjatë ndeshjes kam qenë i përqendruar vetëm në fushë, te lojtarët, taktika dhe rezultati. Atmosferën në stadium e kam përshkruar si sportive, për shkak të tribunave plot dhe mbështetjes së ekipit, që gjithmonë është e mirëpritur për futbollin”.

“Por, është normale që në ato momente nuk kam mundur të regjistroj të gjitha mesazhet skandaloze dhe fyese që vinin nga tribunat dhe që më vonë u komentuan në media. Dua të jem i qartë: dënoj çdo formë të fyerjeve që ofendojnë popullin serb dhe ekipin tonë kombëtar, ose cilindo tjetër. Këto dukuri nuk kanë vend në stadiumet e futbollit”.

Lexo po ashtu "Kërcënime fizike, thirrje për luftë, skena të turpshme" - Federata e Futbollit e Serbisë ka reaguar në lidhje me atmosferën në "Air Albania"

“Është absurde që dikush të më akuzojë se ‘mbështes ekstremizmin’ apo ‘lavdëroj urrejtjen ndaj popullit tonë’. Gjatë gjithë karrierës sime, si lojtar ashtu edhe si trajner, kam treguar patriotizmin tim dhe përkatësinë time ndaj popullit tim”, deklaroi Piksi për faqen zyrtare të Federatës së Futbollit të Serbisë.

Pas përfundimit të ndeshjes, Piksi pati një qasje tjetër, duke vlerësuar atmosferën dhe lojën e zhvilluar nga të dy ekipet.

“Ne erdhëm këtu për të fituar. Formacioni që kemi zgjedhur tregoi qartë se donim të shënonim. Djemtë treguan profesionalizëm të madh dhe nuk u dorëzuan përballë presionit. Ishte një atmosferë fantastike për të luajtur dhe nuk është e lehtë të luash këtu. Shqipëria është një skuadër e mirë, por me lojën që pamë, barazimi është ndoshta rezultati më i drejtë. Dhe kjo pikë na shkon më shumë neve sesa atyre”, kishte deklaruar Stojkovic. /Telegrafi/ 

The post E vlerësoi atmosferën në “Air Albania” sa ishte në Tiranë – si i ndryshoi deklaratat përzgjedhësi i Serbisë, Stojkovic, pasi shkoi në Beograd appeared first on Telegrafi.

Aq mirë është pritur Kombëtarja e Serbisë në Tiranë, sa që kanë marrë edhe përgëzime nga një ultra nacionalist serb si Novak Djokovic.

Tenisti serb i cili gjithmonë poston gjëra kundër Kosovës, ka përgëzuar dy ekipet Kombëtare pas barazimit pa gola 0-0 në Air Albania.

Djokovic ka bërë bashkë disa foto ku shihen futbollistët e Shqipërisë duke treguar sjellje korrekte me ata serb.

Sigurisht këto sjellje shihen nga një popull i qytetëruar siç janë shqiptarët, pasi në Serbi nëntë vite më parë ka munguar respekti nga nikoqiri dhe ka pasur vetëm sjellje shtazore.

“Respekti dhe loja e ndershme janë gjithmonë të mundshme! Bravo të dyja ekipeve për sjelljen e tyre”, ka shkruar Djokovic.

Nacionalisti serb po lavdëron sjelljet nga ndeshja e mbrëmshme, por tjera fjalë ai ka pasur nëntë vite më parë, ku ka përkrahur dhunën dhe agresionin e tifozëve dhe policisë serbe në Beograd ndaj futbollistëve shqiptarë.

Gjithsesi nacionalisti serb ka kohë për të shkruar dhe shikuar futboll, pasi në profesionin e tij më tenis u eliminua nga gjysmëfinalja e French Open nga tenisti italian Sinner. /Telegrafi/ 

The post Nacionalisti serb Djokovic përgëzon lojtarët e Shqipërisë për sjelljen ndaj atyre të Serbisë appeared first on Telegrafi.

Pas ndeshjes pa gola ndaj Serbisë, përzgjedhësi i Kombëtares Shqiptare, Sylvinho, doli përpara për të ndarë përshtypjet e tij.

Ai foli për zgjedhjet e formacionit, përgjegjësinë e tij në rastet e humbura dhe vlerësoi paraqitjen e lojtarëve, duke i bërë thirrje që të marrin më të mirën nga kjo sfidë.

“Jam i lumtur me mënyrën si u prezantuam, me lojën që bëmë, por jo me rezultatin. Bëmë lojë serioze dhe jam krenar me të gjithë lojtarët, por për fat të keq ky është futbolli. Jam i zhgënjyer me rezultatin”.

“Penalltia është gjithmonë diçka e vështirë. Në stërvitje provuam me Manajn, Bajramin, Asllanin e Uzunin. Manaj ishte zgjedhja ime. Nëse ai gabon, kam gabuar dhe unë. Shqipëria e Sylvinhos? Jo, kjo është Shqipëria e Shqiptarëve”.

“Formacioni? Ndryshe nga kualifikueset e Europianit nuk kemi një formacion fiks. Kemi shumë lojtarë në dispozicion dhe i përzgjedhim për veçoritë e tyre. Skuadra ishte ofensive. Zëvendësimet u bënë sepse lojtarët ishin të lodhur”.

Lexo po ashtu Mirlind Daku thotë se Shqipëria e meritoi fitoren: Gjithçka është ende e hapur

“Sa ndeshje ka Broja që nuk luan 90 minuta? Hoxha bëri super lojë, por edhe ai ishte i lodhur. E njëjta gjë edhe për Manajn. Ai ishte zgjedhje pak e vështirë për ne, pasi humbi dy ditë nga stërvitja me ekipin, por ai ka eksperiencë me Kombëtaren”, deklaroi Sylvinho. /Telegrafi/ 

The post “Jam krenar për lojtarët, por i zhgënjyer me rezultatin” – Sylvinho flet pas ndeshjes me Serbinë appeared first on Telegrafi.

Përzgjedhësi i Serbisë, Dragan Stojkovic, ka folur pas ndshjes e cila u mbyll 0-0 në “Air Albania”. 

Jo shumë kohë pasi gjyqtari italian Davide Massa sinjalizoi fundin e ndeshjes, përzgjedhësi serb bëri deklaratën e tij të parë pas ndeshjes kundër rivalit të tij të madh. 

“Një ndeshje shumë e vështirë për disa arsye. Fundi i sezonit dhe ndeshja jonë e parë kualifikuese”.  

“Atmosferë vërtet e mirë futbolli, nuk është e lehtë të luash në këtë stadium, por ne treguam pjekuri dhe arsyen pse erdhëm këtu”.  

“E pashë që Mitrovic gjuajti në portë, kjo është një ndeshje ku fiton nëse shënon golin e parë. Një pikë e rëndësishme dhe një rezultat i mirë për ne. Këto janë kualifikime ku çdo pikë ka rëndësi”, deklaroi ai. /Telegrafi/ 

The post “Atmosferë vërtet e mirë futbolli, ndeshje e vështirë për disa arsye” – përzgjedhësi serb jep përshtypjet pas barazimit appeared first on Telegrafi.

Sulmuesi i Kombëtares shqiptare, Armando Broja, ka reaguar pas barazimit pa gola ndaj Serbisë, në kuadër të kualifikimeve për Kampionatin Botëror 2026.

Në një prononcim për mediat, Broja theksoi se Shqipëria ishte skuadra më e mirë në fushë dhe se rezultati nuk reflektonte atë që ndodhi gjatë 90 minutave.

“Serbia është një ekip i vështirë, por mendoj se ne luajtëm më mirë. Patëm disa raste për të shënuar dhe normalisht je i mërzitur kur nuk arrin të konkretizosh. Nuk besoj se ata bënë diçka më shumë se ne”, deklaroi Broja.

Lexo po ashtu Shqipëria dominoi Serbinë, por fati mungoi – barazim pa gola në “Air Albania”

Ai foli edhe për atmosferën brenda grupit dhe për lojën e zhvilluar nga kuqezinjtë.

“I gjithë ekipi është i mërzitur sepse e ndjejmë se meritonim më shumë. Na mungoi vetëm goli. Kemi një grup super, me çuna super, lojtarë shumë të mirë. Jemi bërë edhe më shumë bashkë si ekip”, shtoi sulmuesi.

Broja u ndal edhe te penalltia e humbur nga Rey Manaj në fundin e pjesës së parë, duke dhënë një mesazh mbështetës për shokun e skuadrës.

“Penalltia e humbur i ndodh kujtdo – Messit, Cristianos, çdo lojtari. Kështu është futbolli”, përfundoi ylli i Chelseat.

Shqipëria pas këtij barazimi renditet e dyta në Grupin K me katër pikë, duke mbajtur ende gjallë shpresat për një kualifikim historik në Botërorin e ardhshëm. /Telegrafi/

The post Broja për penalltinë e humbur nga Manaj: I ndodh kujtdo – Messit, Cristianos, çdo lojtari appeared first on Telegrafi.

Kapiteni i kombëtares kuqezi, Berat Gjimshiti, nuk fshehu krenarinë për ekipin pas ndeshjes së vështirë ndaj Serbisë, që u mbyll me rezultat të bardhë 0-0 në stadiumin “Air Albania”.

Në një përballje të mbushur me ndjesi, kujtime historike dhe një ngarkesë të madhe psikologjike, Gjimshiti vlerësoi karakterin dhe angazhimin e shokëve të skuadrës.

“Zhvilluam një ndeshje të mirë, e marrim këtë pikë dhe ecim para”, u shpreh ai pas përfundimit të sfidës.

Lexo po ashtu Shqipëria dominoi Serbinë, por fati mungoi – barazim pa gola në “Air Albania”

“Mund të rrezikoje pak më shumë në sulm, por në ndeshje si këto, ku presioni dhe emocionet janë të mëdha, nuk dëshiron të gabosh”.

Ai theksoi rëndësinë e ruajtjes së qetësisë dhe balancës në fushë, duke shtuar: “Jam shumë i lumtur për ekipin dhe për mënyrën si luajtëm sot”.

Përballja e së shtunës nuk solli golat që shqiptarët prisnin, por solli një paraqitje solide, me një Shqipëri të disiplinuar, të angazhuar dhe të vendosur për të mos u lëkundur ndaj një kundërshtari historikisht të tensionuar. /Telegrafi/

The post Gjimshiti: Marrim këtë pikë dhe ecim para appeared first on Telegrafi.

Elseid Hysaj ishte një nga më të mirët në fushë në barazimin pa gola ndaj Serbisë, ku ai pas ndeshjes ka ndarë përshtypjet e tij dhe ndjesitë.

Në barazimin pa gola ndaj Serbisë, Hysaj tregoi qetësi dhe siguri në mbrojtje, duke e udhëhequr Shqipërinë me eksperiencën e tij, duke fituar edhe penallti në këtë sfidë, por që u humb nga Rey Manaj.

Pas sfidës, ai foli për ecurinë e ndeshjes dhe çfarë mendon për ecurinë e Kombëtares në këto eliminatore.

“Kemi bërë një ndeshje shumë të bukur. Kemi luajtur shumë mirë. Mungesa e 3 pikëve na penalizon. Duhet t’i marrim gjërat më të mira dhe të ecim përpara. Kam filluar shumë herët futbollin dhe duket sikur po plakem. E kishim ndjesinë që do ta fitonim ndeshjen sot. Kemi bërë shumë ndeshje si kjo sot”.

“Trajneri më tha që të rrija më mbrapa. Kjo ishte këshilla e tij. Broja ka shpejtësi të madhe dhe fizikisht është i fortë. Kemi pasur raste për të fituar ndeshje, ky është problemi”.

“Ata kishin më frikë se ne për të luajtur futboll. Ata prisnin ndonjë goditje këndi, lojë nuk zhvilluan shumë. Këto janë ndeshje që duhet t’i luajë ai që i ndjen. Duhet të futemi në fushë dhe të japim maksimumin”, ka thënë Hysaj. /Telegrafi/ 

The post “Kemi pasur raste për të fituar ndeshje, ata prisnin goditje këndi” – Hysaj flet pas barazimit appeared first on Telegrafi.

Mirlind Daku është deklaruar pas barazimit pa gola të Shqipërisë ndaj Serbisë në “Air Albania”.

Sulmuesi shqiptar ka thënë se e meritonin fitoren, duke u bazuar nga loja që kanë bërë.

“Lëndimin që kam pas më herët nuk e kam ndjerë, nga dëshira e madhe për të luajtur në këtë ndeshje”, deklaroi Daku pas ndeshjes.

Lexo po ashtu Shqipëria dominoi Serbinë, por fati mungoi – barazim pa gola në “Air Albania”

“Të them të drejtën nga shanset që kemi krijuar dhe nga ajo çfarë bëri kundërshtari, duhet ta fitonim këtë ndeshje”.

“Po të ishim më sy hapur do të arrinim të shënonim dhe të fitonim. Dhamë atomin e fundit për këtë ndeshje”.

“Tifozët ishin fantastik, pasi e dinë se e jap atomin e fundit dhe më bënë jashtëzakonisht mirë”.

Lexo po ashtu Dueli Shqipëri–Serbi, ndeshje me emocione - gjithçka minutë pas minute

“Shpresoj që në ndeshjet e ardhshme të gëzojmë këtë popull sepse e meriton”.

“Gjithçka është e hapur, pasi pas tri ditësh kemi ndeshjen me Letoninë dhe do të tentojmë të realizojmë objektivin tonë, pasi për të gjithë është ëndërr që të shkojmë në Botëror”, përfundoi Daku. /Telegrafi/

The post Mirlind Daku thotë se Shqipëria e meritoi fitoren: Gjithçka është ende e hapur appeared first on Telegrafi.

Kanë përfunduar pa gola 45 minutat e parë të përballjes mes Shqipërisë dhe Serbisë, që zhvillohet në kuadër të kualifikimeve për Kampionatin Botëror 2026.

Ndeshja nisi shumë mirë për tanët, që lëviznin topin rrjedhshëm dhe sigurt.

Në minutën e 12-të, Mario Mitaj lëshoi një goditje të fuqishme nga 35 metra, me Serbinë që ishte shumë me fat, pasi ishte qendrore.

Lojtarët e Shqipërisë vazhduan të sulmonin portën kundërshtare, nëpërmjet Arbër Hoxhës, ndërsa sa herë që pranonte topin – dyfishohej nga lojtarët serbë.

Në minutën e 40-të, Hoxha lëshoi një goditje të fuqishme, por që u bllokua.

Rey Manaj (45+1′) pati mundësinë e artë ta kalonte Shqipërinë në epërsi nga penalltia e fituar prej Elseid Hysajt, por dështoi.

Shqipëria vazhdoi me dominim deri në fund të minutat e pjesës së parë, por që mbrojta serbe ishte shumë e ngjeshur.

Në pjesën e dytë me gjasë Sylvinho do të inkuadrojë Mirlind Dakun, për t’i dhënë edhe më shumë shpirt fazës së sulmit. /Telegrafi/

The post Mbyllet pa gola pjesa e parë: Shqipëria dominuese mbi Serbinë – Manaj i pafat appeared first on Telegrafi.

Faqja zyrtare e UEFA-s ka publikuar formacionet për ndeshjen Shqipëri–Serbi.

Siç shihet edhe në foto, trajneri Sylvinho do ta nisë këtë sfidë me Strakoshën në portë.

Në mbrojtje do të jenë Hysaj, Ajeti, Gjimshiti dhe Mitaj.

Në mesfushë pritet të luajnë Shehu, Laçi, Asllani dhe Hoxha, ndërsa në sulm do të jenë Broja dhe Manaj.

Futbollistët Adrian Bajrami, Adrion Pajaziti, Medon Berisha dhe Mario Dajsinani do ta ndjekin sfidën nga tribunat.

Nga ana tjetër, trajneri serb do të startojë me Petrovic në portë.

Mbrojtja do të përbëhet nga Pavlović, Milenković dhe Eraković. Në mesfushë do të jenë Lukiç, Maksimoviç, Zivkoviç, Terziç dhe Samardziç, ndërsa në sulm do të luajnë Vlahoviç dhe Mitroviç.

LEXONI GJITHASHTU:

• Sylvinho nuk i grumbulloi, Berisha, Muja dhe Seferi motivojnë shokët para Serbisë
• VIDEO/ Atmosfere elektrizuese në Tiranë, tifozët mbushin rrugët me këngë patriotike

The post Shqipëri – Serbi/ Broja e nis nga minuta e parë, UEFA publikon formacionet zyrtare appeared first on Euronews Albania.

Përzgjedhësi i Shqipërisë, Sylvinho, ka habitur shumë me zgjedhjet e tij për formacionin që do të përballet me Serbinë sonte nga ora 20:45.

Në një sfidë me peshë të jashtëzakonshme, ai ka vendosur të lërë në stol emra të rëndësishëm të ekipit, si Ardian Ismajli, Mirlind Daku dhe Ylber Ramadani, duke i besuar një formacion që po ngjall shumë diskutime.

Formacioni i publikuar për këtë ndeshje ka këtë pamje: Strakosha – Hysaj, Ajeti, Djimsiti, Mitaj – Shehu, Asllani – Broja, Laci, Hoxha – Manaj.

Në letër, kjo skuadër duket e balancuar, por vendimi për të lënë jashtë lojtarë që kanë shkëlqyer në fushë dhe që kanë qenë pjesë e rëndësishme e suksesit të fundit të Shqipërisë, ka krijuar pakënaqësi të mëdha mes tifozëve dhe analistëve.

Dyshja e sulmit nuk kanë lojë në periudhën e fundit, me Rey Manajn që nuk ka luajtur fare me Sivassportin në dy përballjet e fundit të kampionatit, pas problmeve me klubin.

Lexo po ashtu Shqipëria hyn me të gjitha forcat ndaj Serbisë - formacionet zyrtare

Në anë tjetër, edhe përkundër talentit, Armando Broja nuk është paraqitur me Evertonin në pesë ndeshjet e fundit. Për ta gjetur një gol të Brojës duhet të kthehemi tash e një vit më parë, kur shënoi me Shqipërinë ndaj Lihtenshtejnit.

Lënia në stol e Mirlind Dakut, golashënuesit më të mirë të Shqipërisë, i cili vetëm në katër ndeshjet e fundit k katër gola shihet si një vendim i diskutueshëm.

Dakun e kemi parë gjithmonë me grintë dhe dëshirë për të shënuar, veçanërisht në ndeshje të tilla ku kërkohet shpirt lufte.

Lexo po ashtu Mesazhi dhe besimi i Tahir Batatinës për Mirlind Dakun para ndeshjes Shqipëri – Serbi

Po ashtu, Ardian Ismajli dhe Ylber Ramadani janë lojtarë me eksperiencë ndërkombëtare dhe një forcë e madhe fizike, të cilën do t’i nevojiteshin Shqipërisë kundër një kundërshtari si Serbia. Të dy kanë qenë startues në Serie A në kohën e fundit, por duket se nuk i kanë mbushur syrin Sylvinhos.

Në konferencën për shtyp para ndeshjes, Sylvinho theksoi se “e di që për disa lojtarë të tij kjo ndeshje është më emocionuese”, por duket se Arbër Hoxha dhe Arlind Ajeti, si natyra më të qeta kanë fituar formacionin, krahasuar me treshen e lartpërmendur – Daku, Ismajli dhe Ramadani – të cilët njihen për lojën e tyre të zjarrtë.

Tashmë mbetet për t’u parë nëse formacioni i zgjedhur do të mund t’i përgjigjet presionit të Serbisë, apo do të detyrojë trajnerin që të kthejë shpejt në fushë lojtarët që ka lënë jashtë. /Telegrafi/

The post Shqipëri – Serbi: Sylvinho lë në stol yjet nga Kosova- taktizim për t’i ikur emocioneve të lojtarëve, apo… appeared first on Telegrafi.

Shqipëria është nikoqire e Serbisë për ndeshjen që zhvillohet në kuadër të fazës kualifikuese për në Kampionatin Botëror që mbahet në vitin 2026.

Të dy kombëtaret kanë publikuar formacionet zyrtare për takimin që fillon në ora 20:45 në stadiumin “Air Albania”

Shqipëria është favorite në letër për këtë ndeshje dhe do të shpresojë që t’i marrë pikët e plota.

Për këtë ndeshje, Sylvinho ka vendosur që në sulm të startojë me: Rey Manajn dhe Armando Brojën.

FORMACIONET ZYRTARE:

Shqipëria: Strakosha, Hysaj, Ajeti, Gjimshiti, Mitaj, Shehu, Asllani, Hoxha, Laçi.

Serbia: Petrovic, Erakovic, Milenkovic, Pavlovic, Maksimovic, Lukic, Zivkovic, Terzi, Samardzic, Mitrovic, Vlahovic. /Telegrafi/

The post Shqipëria hyn me të gjitha forcat ndaj Serbisë – formacionet zyrtare appeared first on Telegrafi.

Tifozët kuqezinj kanë nisur festimet në rrugët kryesore të qytetit pak çaste përpara futjes në stadium.

Ndeshja Shqipëri-Serbi do të mbahet në stadiumin ‘Air Albania’ në orën 20:45, ndërkohë që tifozët kuqezinj kanë zbarkuar nëpër pikat kyçe të qytetit me simbolet tona kombëtare.

Lexo po ashtu Mesazhi dhe besimi i Tahir Batatinës për Mirlind Dakun para ndeshjes Shqipëri – Serbi

Në zonën e Piramidës, tifozt kanë shpalosur një banderolë të madhe me tekst ‘Hasmi i vjetër nuk bëhet mik i ri’.

Për ndeshjen, policia ka mobilizuar mbi 2000 forca policore për mbarëvajtjen e eventit futbollistik, nisur edhe nga sfida e fundit mes dy ekipeve në tetor të 2014-ës në Beograd. /abcnews.al

The post ‘Hasmi i vjetër nuk bëhet mik i ri’, tifozët kuqezi shpalosin banderolën e madhe appeared first on Telegrafi.

Portieri Etrit Berisha nuk u grumbullua nga Sylvinho për ndeshjet e Kombëtares së Shqipërisë  kundër Serbisë dhe Letonisë.

Pavarësisht kësaj, gardiani kuqezi nuk ka harruar të motivojë shokët e tij në prag të kësaj ndeshje shumë të rëndësishme.

Lexo po ashtu Dueli Shqipëri–Serbi, ndeshje me emocione - gjithçka minutë pas minute

Përmes një postimi në “InstaStory” ai ka postuar një foto të vetën teksa është me plis në kokë dhe shkruan: “Suksese djema, dalshit faqebardhë”.

Rikujtojmë që sfida kundër Serbisë luhet sot në orën 20:45 ndërsa ajo kundër Letonisë më datë 10 qershor. /Telegrafi/

The post Nuk u ftua nga Sylvinho, portieri motivon Shqipërinë para ndeshje me Serbinë: Dalshi faqebardhë appeared first on Telegrafi.

Ndeshja mes Shqipërisë dhe Serbisë do të luhet të shtunën, në Tiranë, në kuadër të kualifikimeve për Kupën e Botës 2026.

Ky takim pritet të jetë i zjarrtë, jo vetëm për rëndësinë sportive, por edhe për ngarkesën emocionale mes dy kombëtareve.

Shqipëria ka mbledhur deri tani 3 pikë nga dy ndeshje të luajtura, ndërsa për Serbinë kjo do të jetë ndeshja e parë në grup. Kujtojmë që sfidat mes këtyre dy ekipeve kanë pasur gjithmonë tensione dhe emocione të veçanta.

Në prag të ndeshjes, përzgjedhësi i Shqipërisë, Sylvinho, dhe kapiteni Berat Gjimshiti janë munduar ta mbajnë kontrollin mbi emocionet, duke mos dhënë deklarata të nxituara dhe duke u fokusuar vetëm te përgatitja e skuadrës.

E njëjta gjë vlen edhe për kampin serb, ku Dragan Stojković dhe sulmuesi Aleksandar Mitrović kanë ruajtur qetësinë dhe kanë kërkuar të shmangin çdo tension që mund të dalë jashtë fushe.

Atmosfera në Tiranë pritet të jetë elektrizuese, ndërsa të dyja skuadrat synojnë të marrin pikët e plota për të ecur përpara në garën e gjatë drejt Botërorit.

Postet:

Mbylle

• Para 6 ore e 32 min
  AP i jep jehonë ndeshjes Shqipëri–Serbi: Përballje mes tensioneve politike, që nuk është veç për tri pikë
• Para 6 ore e 33 min
  Kapiteni Berat Gjimshiti flet për porosinë që mori gjatë vizitës në Luginë, provokohet me pyetje për guan e tij
• Para 6 ore e 35 min
  “Serbia ka ekip të fortë, por ne luajmë për fitore” – Sylvinho krenar me lojtarët e tij
• Para 6 ore e 36 min
  “Shqipëria ka lojtarë cilësorë dhe trajner të shkëlqyer” – përzgjedhësi i Serbisë lavdëron ekipin shqiptar
• Para 6 ore e 38 min
  “Pres lojë të vështirë, Shqipëria ekip i mirë dhe i organizuar” – Mitrovic flet për ndeshjet para dhjetë vitesh dhe tani
• Para 6 ore e 39 min
  Serbia arrin në Tiranë nën masa të rrepta sigurie – ndryshon hotelin, bllokohen rrugë
• Para 6 ore e 41 min
  Policia ‘blindon’ Tiranën, zbulohen masat në prag të ndeshjes Shqipëri-Serbi
• Para 6 ore e 42 min
  Gjyqtari italian caktohet për ndeshjen Shqipëri – Serbi
• Para 6 ore e 44 min
  Strakosha flet para përballjes me Serbinë: Për ne vlejnë vetëm tre pikët
• Para 6 ore e 45 min
  Arbër Hoxha: Do të pranoja të mundeshim nga Letonia nëse mposhtim Serbinë
• Para 6 ore e 48 min
  Duka me mesazh para ndeshjes Shqipëri-Serbi, flet sërish edhe për Euro 2027
• Para 6 ore e 50 min
  Biletat për ndeshjen Shqipëri – Serbi qarkulluan në ‘tregun e zi’
• Para 6 ore e 52 min
  “Tifozat Kuq e Zi” njoftojnë se nuk do të jenë prezent në stadium për ndeshjen ndaj Serbisë
• Para 6 ore e 53 min
  Hysaj dhe Laçi njëzëri: Përballja me Serbinë vetëm një ndeshje futbolli, të jemi të përqendruar në fushë

14 poste

Listo sipas

• Me te rejat ne fillim
• Me te vjetrat ne fillim

array(3) { ["date"]=> string(19) "06-07-2025 00:27:11" ["time"]=> string(19) "Para 6 ore e 32 min" ["update"]=> bool(true) } Para 6 ore e 32 min

AP i jep jehonë ndeshjes Shqipëri–Serbi: Përballje mes tensioneve politike, që nuk është veç për tri pikë

Agjencia amerikane e lajmeve, “Associated Press”, i ka kushtuar një artikull të gjatë ndeshjes Shqipëri-Serbi, e cila do të luhet nesër, e shtunë, në Tiranë në kuadër të kualifikimeve për Kupën e Botës 2026.

“AP” shkruan se përballja në Tiranë nuk ka të bëjë vetëm me tri pikë, pasi jehona e përballjeve të mëparshme është e pamundur të injorohet, dhe ballafaqim i cili është thellësisht i rrënjosur në identitet kombëtare, të cilat “organizatorët po përpiqen me çdo kusht t’i lënë mënjanë”.

Lexo lajmin e plotë>>>

array(3) { ["date"]=> string(19) "06-07-2025 00:26:07" ["time"]=> string(19) "Para 6 ore e 33 min" ["update"]=> bool(true) } Para 6 ore e 33 min

Kapiteni Berat Gjimshiti flet për porosinë që mori gjatë vizitës në Luginë, provokohet me pyetje për guan e tij

Kapiteni i Shqipërisë, Berat Gjimshiti, ka rrëfyer për porosinë që ka marrë gjatë vizitës në Luginë, ku mesazhi kryesor ishte fitorja ndaj Serbisë në ndeshjen e së shtunës në mbrëmje.

Shqipëria pret Serbinë në “Albanian Arena”, në ndeshjen e vlefshme për kualifikueset për Kupën e Botës.

Lexo lajmin e plotë>>>

array(3) { ["date"]=> string(19) "06-07-2025 00:25:00" ["time"]=> string(19) "Para 6 ore e 35 min" ["update"]=> bool(true) } Para 6 ore e 35 min

“Serbia ka ekip të fortë, por ne luajmë për fitore” – Sylvinho krenar me lojtarët e tij

Përzgjedhësi i Shqipërisë, Sylvinho, ka theksuar se kuqezinjtë do të hyjnë në fushë për të synuar fitoren ndaj Serbisë, në përballjen e së shtunës në Tiranë, e vlefshme për kualifikueset e Kampionatit Botërorit 2026.

Trajneri brazilian ka folur për kualitetin e kundërshtarëve, duke nënvizuar se Serbia ka një ekip të fortë fizikisht dhe disa sulmues të rrezikshëm.

Por gjithashtu ai ka shprehur krenarinë e tij për lojtarët kuqezi dhe besimin te paraqitja e tyre.

Lexo lajmin e plotë>>

array(3) { ["date"]=> string(19) "06-07-2025 00:24:02" ["time"]=> string(19) "Para 6 ore e 36 min" ["update"]=> bool(true) } Para 6 ore e 36 min

“Shqipëria ka lojtarë cilësorë dhe trajner të shkëlqyer” – përzgjedhësi i Serbisë lavdëron ekipin shqiptar

Përzgjedhësi i Serbisë, Dragan Stojkoviq kanë përsëritur shumë herë se Shqipëria është ekip cilësor, por në konferencën për shtyp të mbajtur të premten pasdite tha se në “Air Albania” synojnë fitore.

Shqipëria e Serbia përballen të shtunën prej orës 20:45 në stadiumin e bukur në Tiranë.

Ndeshja i takon kualifikimeve për Botërorin 2026. Serbia të premten ka udhëtuar për në Tiranë, ndërsa para stërvitjes në stadium, Stojkovic e Mitrovickanë mbajtur konferencë për shtyp.

Lexo lajmin e plotë>>>

array(3) { ["date"]=> string(19) "06-07-2025 00:21:18" ["time"]=> string(19) "Para 6 ore e 38 min" ["update"]=> bool(true) } Para 6 ore e 38 min

“Pres lojë të vështirë, Shqipëria ekip i mirë dhe i organizuar” – Mitrovic flet për ndeshjet para dhjetë vitesh dhe tani

Kapiteni i Serbisë, Aleksandar Mitrovic, është një nga dy lojtarët e vetëm në ekipin serb nga dy takimet e kualifikueseve të Europianit “Francë 2016”, por në këtë përballje të tanishme ai do fitore.

Sulmuesi 30-vjeçar u shpreh se pret një duel të vështirë, pasi Shqipëria ka një ekip mjaft të mirë.

“Ju përshëndes të gjithëve. Kanë kaluar gati 10 vite. Kam ndjesi të mira nga ndeshja e dytë, jo të parës. Vetëm unë dhe Gudelj jemi nga ato dy ndeshje. Nga Shqipëria nuk e di, më duket vetëm Hysaj”.

Lexo lajmin e plotë>>>

array(3) { ["date"]=> string(19) "06-07-2025 00:20:19" ["time"]=> string(19) "Para 6 ore e 39 min" ["update"]=> bool(true) } Para 6 ore e 39 min

Serbia arrin në Tiranë nën masa të rrepta sigurie – ndryshon hotelin, bllokohen rrugë

Përfaqësuesja e Serbisë ka mbërritur në Tiranë ku do të luajë të shtunën në mbrëmje ndeshjen kualifikuese të Kupës së Botës kundër Shqipërisë në “Arenën Kombëtare”.

Që nga mbërritja e tyre në Rinas e deri në akomodimin në hotel, ata janë shoqëruar nga Policia e Shtetit për të garantuar të gjitha masat e sigurisë.

Edhe pse fillimisht ishte raportuar se përfaqësuesja e Serbisë do të qëndronte në afërsi të stadiumit ku do të luhet ndeshja, ata kanë ndryshuar hotelin dhe janë vendosur në një hotel tjetër në Tiranë, çka ka bërë që edhe autoritetet të marrin masa me bllokimin e disa akseve rrugore shtesë.

Lexo lajmin e plotë>>>

array(3) { ["date"]=> string(19) "06-07-2025 00:18:56" ["time"]=> string(19) "Para 6 ore e 41 min" ["update"]=> bool(true) } Para 6 ore e 41 min

Policia ‘blindon’ Tiranën, zbulohen masat në prag të ndeshjes Shqipëri-Serbi

Në prag të ndeshjes Shqipëri-Serbi policia ka publikuar planin e masave për mbarëvajtjen e saj.

Policia e Shtetit ka hartuar plan masash të posaçëm për garantimin e rendit dhe sigurisë para, gjatë dhe pas përfundimit të ndeshjes së futbollit “Shqipëri – Serbi”, që do të zhvillohet më datë 7 qershor 2025, në orën 20:45, në stadiumin “Arena Kombëtare”, Tiranë.

Në planin e masave parashikohen 

array(3) { ["date"]=> string(19) "06-07-2025 00:17:28" ["time"]=> string(19) "Para 6 ore e 42 min" ["update"]=> bool(true) } Para 6 ore e 42 min

Gjyqtari italian caktohet për ndeshjen Shqipëri – Serbi

Shqipëria do të përballet me Serbinë më 7 qershor, në kuadër të kualifikueseve për Kupën e Botës 2026.

UEFA ka shpallur tashmë emrat e zyrtarëve të ndeshjes, ku takimi do të drejtohet nga gjyqtari italian Davide Massa.

Asistentët e tij në këtë përballje të rëndësishme do të jenë Filippo Meli dhe Ciro Carbone, ndërsa gjyqtar i katërt do të jetë Fabio Maresca.

Në dhomën e VAR-it, teknologjia që gjithmonë ka rol vendimtar në ndeshje të tilla, do të jenë Aleandro Di Paolo dhe Daniele Doveri.

array(3) { ["date"]=> string(19) "06-07-2025 00:15:30" ["time"]=> string(19) "Para 6 ore e 44 min" ["update"]=> bool(true) } Para 6 ore e 44 min

Strakosha flet para përballjes me Serbinë: Për ne vlejnë vetëm tre pikët

Shqipëria do të përballet me Serbinë më 7 qershor në stadiumin “Arena Kombëtare”, sfidë e vlefshme për kualifikueset e Kampionatit Botëror 2026.

Skuadra ka nisur përgatitjet zyrtare prej ditës së hënë, teksa tashmë trajneri Silvinjo ka në dispozicion të gjithë ekipin.

Portieri i Kombëtares, Thomas Strakosha tha përpara gazetarëve se skuadra ndihet gati për këtë sfidë dhe që do të futen në fushë për të marrë tre pikët.

Lexo lajmin e plotë>>>

array(3) { ["date"]=> string(19) "06-07-2025 00:14:19" ["time"]=> string(19) "Para 6 ore e 45 min" ["update"]=> bool(true) } Para 6 ore e 45 min

Arbër Hoxha: Do të pranoja të mundeshim nga Letonia nëse mposhtim Serbinë

Shqipëria do të përballet me Serbinë më 7 qershor në stadiumin “Arena Kombëtare”, sfidë e vlefshme për kualifikueset e Kampionatit Botëror 2026.

Ekipi kombëtar ka nisur përgatitjet zyrtare prej ditës së hënë, teksa tashmë trajneri Silvinjo ka në dispozicion të gjithë ekipin.

Arbër Hoxha foli për ndeshjen e radhës, duke theksuar se kundërshtari është i një niveli të lartë vështirësie.

Lexo lajmin e plotë>>>

array(3) { ["date"]=> string(19) "06-07-2025 00:11:37" ["time"]=> string(19) "Para 6 ore e 48 min" ["update"]=> bool(true) } Para 6 ore e 48 min

Duka me mesazh para ndeshjes Shqipëri-Serbi, flet sërish edhe për Euro 2027

Presidenti i Federatës Shqiptare të Futbollit, Armand Duka, ka komentuar në emisionin “Andale Sport” rëndësinë e ndeshjes mes Shqipërisë dhe Serbisë më 7 qershor, si dhe bashkëorganizimin e Kampionatit Evropian U-21 në vitin 2027 mes dy vendeve.

Duka e cilësoi përballjen me Serbinë si një sfidë me ndjeshmëri të lartë, por theksoi se fokusi duhet të mbetet te sporti: “Kjo ndeshje e ka sensibilitetin e vet… Uroj që të jetë një shtysë për një rezultat pozitiv. Të gjithë duhet ta shohin si një ndeshje futbolli, jo si konflikt”, u shpreh ai.

Lexo lajmin e plotë>>>

array(3) { ["date"]=> string(19) "06-07-2025 00:09:32" ["time"]=> string(19) "Para 6 ore e 50 min" ["update"]=> bool(true) } Para 6 ore e 50 min

Biletat për ndeshjen Shqipëri – Serbi qarkulluan në ‘tregun e zi’

Pavarësisht përpjekjeve të FSHF-së për një proces të drejtë dhe transparent, në praktikë, biletat për këtë ndeshje po qarkullojnë edhe në tregun e zi.

Në këtë treg informal, biletat shiten me çmime shumë më të larta se ato zyrtare dhe shpesh pa asnjë garanci për autenticitetin e tyre.

Kjo situatë krijon jo vetëm vështirësi për tifozët që duan të blejnë bileta në mënyrë ligjore dhe të sigurt, por edhe rrezikon përhapjen e mashtrimeve dhe problemeve të tjera gjatë hyrjes në stadium. 

array(3) { ["date"]=> string(19) "06-07-2025 00:08:02" ["time"]=> string(19) "Para 6 ore e 52 min" ["update"]=> bool(true) } Para 6 ore e 52 min

“Tifozat Kuq e Zi” njoftojnë se nuk do të jenë prezent në stadium për ndeshjen ndaj Serbisë

Për herë të parë pas 21 vitesh të ekzistencës së tyre, grupimi i njohur i tifozëve shqiptarë “Tifozat Kuq e Zi” nuk do të jetë i pranishëm në stadium për të përkrahur Shqipërinë në ndeshjen e 7 qershorit ndaj Serbisë.

Kësaj radhe, arsyeja qëndron, sipas deklaratës, tek vetë Federata Shqiptare e Futbollit (FSHF), të cilën ata e akuzojnë për përjashtim të qëllimshëm dhe favorizim të interesave private.

Në thelb të reagimit të tyre është kundërshtimi ndaj mënyrës së shpërndarjes së biletave, të cilën e quajnë “farsë” dhe një “short të rremë”.

Lexo lajmin e plotë>>>

array(3) { ["date"]=> string(19) "06-07-2025 00:06:41" ["time"]=> string(19) "Para 6 ore e 53 min" ["update"]=> bool(true) } Para 6 ore e 53 min

Hysaj dhe Laçi njëzëri: Përballja me Serbinë vetëm një ndeshje futbolli, të jemi të përqendruar në fushë

Kombëtarja shqiptare ka nisur zyrtarisht para pesë ditësh grumbullimin në kuadër të përgatitjeve për dy ndeshjet e radhës në kualifikueset e Botërorit 2026 ndaj Serbisë dhe Letonisë.

Kuqezinjtë zhvilluan të hënën pasdite seancën e parë stërvitore, ndërkohë aty folën Elseid Hysaj dhe Qazim Laçi në konferencë për mediat dhe folën për ndeshjet me Serbinë dhe Letoninë.

Lexo lajmin e plotë>>>

The post Dueli Shqipëri–Serbi, ndeshje me emocione – gjithçka minutë pas minute appeared first on Telegrafi.