Të paktën tre persona kanë humbur jetën pas një incidenti të rëndë që ndodhi në një qendër trajnimi të Departamentit të Policisë të Qarkut Los Angeles.

Lajmin e ka konfirmuar Prokurorja e Përgjithshme e SHBA-së, Pam Bondi, e cila shkroi në “X” se: “Sapo fola me departamentin lidhur me një incident që duket të jetë tejet i rëndë dhe që ka marrë jetën e të paktën tre personave në një qendër trajnimi të zbatimit të ligjit në Los Angeles. Agjentët federalë janë në vendngjarje dhe po punojmë për të mësuar më shumë”.

Zëdhënësi i Departamentit të Sherifit të Los Angeles-it konfirmoi se shpërthimi ndodhi në Akademinë e Trajnimit Biscailuz Center në East Los Angeles.

Ai deklaroi se shkaku i shpërthimit është ende nën hetim, dhe se nuk janë ende në gjendje të konfirmojnë nëse ka të vdekur të tjerë apo të plagosur.

Sipas gazetës Los Angeles Times, duke iu referuar burimeve të paidentifikuara, shpërthimi ndodhi gjatë lëvizjes së disa lëndëve plasëse nga njësia e specializuar për bomba.

Hetimet janë në vazhdim dhe zona mbetet e rrethuar nga forcat e rendit dhe ekipet hetimore.

The post Shpërthim në qendrën e trajnimit të Policisë në Los Angeles, raportohet për tre të vdekur appeared first on Albeu.com.

Të paktën tre agjentë kanë humbur jetën si pasojë e një shpërthimi të ndodhur në një qendër stërvitjeje të policisë në Los Angeles. Shpërthimi ka ndodhur pak para orës 7:30 të mëngjesit me orën lokale, në qendrën e ndodhur në Eastern Avenue. Kjo qendër strehon zyrën speciale të sherifit dhe ekipin kundër zjarreve, përfshirë edhe […]

The post Tronditet SHBA/ Shpërthimi në qendrën e stërvitjes i merr jetën tre agjentëve të policisë appeared first on BoldNews.al.

Publikohen pamje të dëmeve nga lokali ku ndodhi shpërthimi me lëndë plasëse në Tiranë. Policia bëri me dije se lënda plasëse është vendosur pranë derës hyrëse të lokalit. Siç shihet edhe nga pamjet nga vendi i ngjarjes, xhamat e biznesit janë thyer. Ngjarja ka ndodhur rreth orës 03:45, në Rrugën e Durrësit, në lokalin në […]

The post Tritoli në Tiranë/ Dalin pamjet nga lokali, xhamat e bërë copash nga shpërthimi appeared first on BoldNews.al.

Në orët e para të mëngjesit të sotëm, një shpërthim me lëndë plasëse është regjistruar në Rrugën e Durrësit në Tiranë.

Sipas informacioneve paraprake nga policia, rreth orës 03:45, dyshohet se një sasi e vogël eksplozivi është vendosur pranë derës hyrëse të një lokali në pronësi të shtetasit A. S.

Fatmirësisht, shpërthimi nuk ka shkaktuar të lënduar, por janë regjistruar dëme materiale në ambientet e lokalit.

Në vendngjarje ndodhet grupi hetimor, i cili po punon për identifikimin dhe kapjen e autorëve, si dhe për zbardhjen e plotë të rrethanave të ngjarjes.

Policia po analizon kamerat e sigurisë dhe po merr dëshmitë përkatëse.

Njoftimi i policisë:

Rreth orës 03:45, në Rrugën e Durrësit, në lokalin në pronësi të shtetasit A. S., dyshohet se ka plasur një sasi e vogël lënde plasëse, e vendosur pranë derës hyrëse të lokalit.

Si pasojë janë shkaktuar vetëm dëme materiale. Nuk ka persona të lënduar.

Grupi hetimor po vijon punën për identifikimin dhe kapjen e autorit/autorëve, si dhe për zbardhjen e plotë të rrethanave të ngjarjes.

The post Shpërthim me lëndë plasëse në një lokal në Tiranë appeared first on Albeu.com.

Administrata Kombëtare Oqeanike dhe Atmosferike ka kapur disa pamje mahnitëse të Diellit, veçanërisht një shpërthim të fuqishëm që është shkëputur prej tij.

Kjo ngjarje ndodhi më 14 korrik dhe u regjistrua gjatë një periudhe 10-orëshe.

Ajo përkoi pikërisht me 25-vjetorin e njërës prej ngjarjeve më të fuqishme diellore të epokës hapësinore, e njohur si Ngjarja Diellore e Ditës së Bastijës ose Dita Kombëtare e Francës.

Kjo ngjarje shkaktoi stuhi të fuqishme gjeomagnetike, keqfunksionime të satelitëve dhe ndërprerje të radio komunikimeve, dhe është tashmë një pikë referimi për shkencëtarët që merren me motin hapësinor./ rtk/ KultPlus.com

Një shpërthim i fuqishëm në një ndërtesë banimi në qytetin e Qomit, në Iran, ka lënë të plagosur shtatë persona dhe ka shkaktuar dëme të konsiderueshme në të paktën katër njësi banimi. Ngjarja ndodhi gjatë natës, duke tronditur lagjen dhe mobilizuar shërbimet e emergjencës.

Sipas autoriteteve lokale, hetimet e para sugjerojnë se shkak i shpërthimit ka qenë një rrjedhje e mundshme e gazit natyror. Drejtori i departamentit të zjarrfikësve të qytetit tha se ekzaminimet teknike janë ende në vijim për të përcaktuar shkakun e saktë të incidentit.

Ndërkohë, në një klimë tensioni të vazhdueshëm pas përplasjes së fundit ushtarake midis Iranit dhe Izraelit, burime zyrtare iraniane mohojnë çdo lidhje të këtij shpërthimi me ndonjë sulm të huaj. Sipas tyre, banorët e ndërtesës ishin civilë të zakonshëm dhe nuk ka të dhëna që e lidhin këtë ngjarje me ndonjë veprim armiqësor.

The post Shpërthim në një ndërtesë banimi në Qom, plagosen 7 persona, dyshohet rrjedhje gazi appeared first on iconstyle.al.

Shpërthimi, i cili ndodhi gjatë furnizimit me karburant këtë të premte, çliroi tym të zi të dendur në qiell, të dukshëm nga i gjithë qyteti.

Një shpërthim i fuqishëm në një pikë karburanti në lagjen Centocelle të Romës plagosi të paktën 25 persona, përfshirë disa oficerë policie dhe një zjarrfikës.

Dëshmitarët thanë se vala e goditjes goditi shtëpitë aty pranë “si një tërmet”. Tetë oficerë pësuan djegie në një seri shpërthimesh që pasuan shpërthimin fillestar. Të gjitha lëndimet raportohet se nuk janë kërcënuese për jetën.

Ekipet e zjarrfikësve punuan në nxehtësi të madhe për të kontrolluar flakët, të cilat u përhapën në automjetet aty pranë dhe në një depo.

The post Shpërthim i fuqishëm në një pikë karburanti, raportohen të plagosur (VIDEO) appeared first on Sot News | Lajme.

ROMË, 4 korrik /ATSH/ – Një shpërthim i fuqishëm  në një pikë karburanti ndodhi sot në Romën juglindore, duke plagosur të paktën 28 persona, përfshirë tetë oficerë policie dhe një zjarrfikës, bënë të ditur autoritetet lokale dhe ekipet e shpëtimit, sipas AP.

Shpërthimi u dëgjua në të gjithë kryeqytetin italian duke shkaktuar një re të madhe tymi në disa zona kryesore të qytetit.

Kryebashkiaku i Romës, Roberto Gualtieri tha se rreth 28 persona pësuan plagë të lehta.

Prokurorët e Romës kanë nisur hetimet për të zbuluar shkakun e shpërthimit.

Banorë të intervistuar nga media lokale thanë se kryeministrja Giorgia Meloni po ndiqte nga afër zhvillimet./Ad.Ab./ /a.i/

The post ROMË – Dhjetëra të plagosur pas shpërthimit në një pikë karburanti appeared first on Agjencia Telegrafike Shqiptare.

Një shpërthim i fuqishëm ka ndodhur paraditen e kësaj të premteje në një pikë karburanti në lindje të Romës, duke lënë të plagosur 21 persona dhe shkaktuar dëme të konsiderueshme materiale.

Sipas mediave italiane, ngjarja u pasua nga një zjarr masiv, ndërsa forcat e zjarrfikësve, policia dhe vullnetarët e mbrojtjes civile mbërritën me urgjencë në vendngjarje për të neutralizuar përhapjen e zjarrit.

Pamjet nga vendi i ngjarjes tregojnë momentet dramatike të shpërthimit: fillimisht shihet një re tymi që del nga stacioni i karburantit, për t’u pasuar pak çaste më vonë nga një shpërthim i fuqishëm, ndërsa shtullunga të mëdha tymi të zi pushtojnë qiellin.

Stacioni i afërt i metrosë “Teano” është mbyllur për shkak të rrezikut, ndërsa banorët e zonës janë evakuuar menjëherë nga shtëpitë e tyre. Dëshmitarët okularë tregojnë se kanë ndjerë një erë të fortë gazi pak para shpërthimit të parë dhe më pas dëgjuan një shpërthim të dytë edhe më të fuqishëm.

Esplode un distributore a Roma

Feriti un vigile del fuoco, operatori del 118 e alcuni passanti. Danni a palazzi vicini. Chiusa la fermata metro C Teano.#Roma #Esplosione #Prenestino #Vigilidelfuoco #Emergenze #Cronaca #Benzina #GPL #Centocelle pic.twitter.com/tPLNUNoGvU

— Money.it (@moneypuntoit) July 4, 2025

LEXONI GJITHASHTU:

• Shpërthim në bazën amerikane në Okinawa, plagosen katër ushtarë japonezë
• Shpërthim i fuqishëm në një depo municioni në bazën ushtarake ruse

The post VIDEO| Shpërthim i fuqishëm në një pikë karburanti në Romë, 21 të plagosur appeared first on Euronews Albania.

Midis të vdekurve ishte edhe Ndihmës Komisioneri Faisal Sultan. Autoritetet thonë se të plagosurit u transportuan në spital, ku disa prej tyre janë në gjendje kritike.

Asnjë grup apo individ nuk e ka marrë menjëherë përgjegjësinë për sulmin, por autoritetet fajësojnë talebanët e Pakistanit.

The post Shpërthim tronditës në Pakistan, vritet zyrtari i lartë qeveritar dhe 4 të tjerë appeared first on Sot News | Lajme.

Një shpërthim i fuqishëm në një fabrikë kimike në shtetin Telangana të Indisë i ka marrë jetën të paktën 39 personave, sipas raportimeve të Reuters dhe Associated Press.

Ngjarja ndodhi më 30 qershor në fabrikën e kompanisë “Sigachi Industries”, rreth 50 km nga qyteti Hyderabad. Më shumë se 140 punëtorë ndodheshin brenda ndërtesës në momentin e shpërthimit, e cila është shembur totalisht.

Ekipet e kërkim-shpëtimit kanë gjetur deri tani 34 trupa, ndërsa dy të tjerë ndërruan jetë në spital për shkak të djegieve të rënda. Dhjetëra të tjerë janë ende të shtruar në spital.

Për shkak të dëmtimeve të mëdha trupore, 25 viktima nuk janë identifikuar ende, ndërsa autoritetet kanë nisur testet e ADN-së përmes një ekipi të posaçëm mjekësor.

Autoritetet e shtetit Telangana kanë ngritur një komision hetimor, ndërsa kompania ka pezulluar operimin e fabrikës për 90 ditë. Shkaku i shpërthimit mbetet ende i panjohur.

The post Tragjedi në Indi: Të paktën 39 të vdekur nga shpërthimi në një fabrikë farmaceutike appeared first on iconstyle.al.

Një shpërthim nga një bombul gazi ka ndodhur ditën e sotme në fshatin Ishull Shëngjin. Si pasojë e shpërthimit, ka mbetur e plagosur një 64 vjeçe, e cila ka pësuar djegie.

E lënduara është transportuar menjëherë drejt Spitalit të Traumës në Tiranë, ku po merr ndihmën të specializuar mjekësore.

‘Në fshatin Ishull Shëngjin, njësia administrative Shëngjin, bashkia Lezhë u regjistrua një shpërthim zjarri nga një bombul gazi, ku ngeli e plagosur dhe me djegie nga shpërthimi i bombulës së gazit Mara Biba, vjeç- 64. Ajo u dërgua menjëherë në spitalin e Traumës në Tiranë për ndihmë mjekësore’, njoftoi policia.

The post Shpërthim zjarri nga një bombul gazi/ 64-vjeçarja dërgohet menjëherë në Spitalin e Traumes në Tiranë appeared first on Sot News | Lajme.

Një bombol gazi ka shpërthyer në një banesë në Ishull Shëngjin. Ngjarja ka ndodhur rreth orës 12:15 dhe për pasojë është dëmtuar pronarja e shtëpisë.

64-vjeçarja me iniciale M. B., është transportuar në Spitalin e Traumës për mjekim të specializuar.

Njoftimi i policisë:

Shëngjin/Informacion paraprak

Rreth orës 12:15, në Ishull Shëngjin, ka shpërthyer një bombol gazi në banesën e shtetases M. B., 64 vjeçe.

Si pasojë është dëmtuar shtetasja M. B., e cila është transportuar në Spitalin e Traumës, Tiranë, për mjekim të specializuar.

Grupi hetimor ndodhet në vendngjarje dhe po punon për sqarimin e rrethanave të rastit.

The post Shpërthen bombola e gazit në një banesë në Shëngjin, 64-vjeçarja e lënduar dërgohet tek Trauma appeared first on Sot News | Lajme.

Një shpërthim me lëndë plasëse ka ndodhur në hyrjen e një dyqani në aksin rrugor “Fushë Krujë-Derven”. Ngjarja ka ndodhur orët e para të mëngjesit dhe raportohet vetëm për dëme materiale.

“Rreth orës 02:15, në aksin rrugor ‘Fushë Krujë-Derven’, në hyrjen e dyqanit në përdorim nga shtetasi D. L., rreth 30 vjeç, ka shpërthyer një sasi e vogël dyshohet lëndë plasesë, duke shkaktuar vetëm dëme materiale. Grupi hetimor së bashku me shërbimet e Policisë po punojnë për sqarimin e rrethanave të rastit dhe identifikimin/kapjen e autorit.”, njofton policia.

The post Shpërthim me lëndë plasëse në hyrjen e një dyqani në Krujë, dëme materiale appeared first on Lapsi.al.

Një shpërthim me tritol është regjistruar mbrëmjen e të martës në qytetin e Vlorës. Mësohet se tritoli i është vendosur godinën së biznesit në pronësi të Vasillaq Bezhani, në rrugën Transballkanike, që funksionon si dyqan për shitje dhe servis motorësh. Ngjarja ka ndodhur rreth rreth orës 23:00, në lagjen “Bashkimi”. Si pasojë e shpërthimit ka […]

The post EMRI-PAMJET/ Shpërthim me tritol në Vlorë, kush ishte “shënjestra” appeared first on BoldNews.al.

Një shpërthim tritoli ndodhi në një dyqan motorësh në qytetin e Vlorës mbrëmjen e së martës në lagjen “Bashkimi”. Mediat raportojnë se lënda plasëse ishte vendosur në godinën e biznesit në pronësi të V. B., në rrugën Transballkanike, që funksionon si dyqan për shitje dhe servis motomjetesh.

Në momentin që ndodhi shpërthimi, biznesi ka qenë i mbyllur. Nga shpërthimi pati vetëm dëme materiale. Zona ku ka ndodhur shpërthimi është ka kamera sigurie dhe policia është duke i administruar me qëllim identifikimin e autorëve.

‘Vlorë/Informacion paraprak. Rreth orës 23:00, në lagjen “Bashkimi”, në dritaren e një servisi motorësh, në pronësi të shtetasit V. B., ka shpërthyer një sasi lënde e dyshuar plasëse, ku si pasojë janë shkaktuar vetëm dëme të vogla materiale.

Në vendngjarje ndodhet grupi hetimor, i cili vijon punën për zbardhjen e rrethanave të ngjarjes dhe identifikimin e autorit/ëve të dyshuar, – thuhet në njoftimin e policisë. /LAPSI.al

The post Tronditet Vlora/ Shpërthim tritoli në një dyqan motorësh appeared first on Lapsi.al.

Starship 36, një nga anijet kozmike gjigante të SpaceX me të cilën Elon Musk aspiron, ndër të tjera, të “pushtojë” Marsin, shpërtheu të mërkurën në mbrëmje gjatë një prove rutinë në qendrën e kompanisë në Starbase, Teksas. Incidenti shkaktoi shkatërrimin e anijes kozmike dhe ndoshta dëmtime në infrastrukturën përreth. Fatmirësisht askush nuk u lëndua.

Të mërkurën në mbrëmje, rreth orës 23:00 (ora lokale), SpaceX ishte në fazën e fundit për provën statike që është një fazë përgatitore për fluturimin e 10-të të Starship, kur ndodhi një shpërthim i fuqishëm në vendin e testimit Massey. Kompania njoftoi se rreth vendit të ngjarjes ishte krijuar një zonë sigurie dhe siguroi se i gjithë personeli ishte i sigurt.

“Nuk ka rreziqe për banorët e zonave përreth”, tha SpaceX, duke u bërë thirrje qytetarëve të qëndrojnë larg ndërsa procedurat e sigurisë janë në vazhdim.

Dy orë pas shpërthimit, zjarri në vend mbeti aktiv. Kamerat e NASASpaceflight transmetuan imazhe të drejtpërdrejta të flakëve dhe mobilizimin e forcave të zjarrfikësve. Rreth 90 minuta pas shpërthimit, SpaceX lëshoi ​​një deklaratë zyrtare në platformën X.

“Të mërkurën, më 18 qershor, afërsisht në orën 23:00, Starship, duke u përgatitur për fluturimin e saj të 10-të provë, përjetoi një anomali serioze ndërsa ishte në shtratin e provës në Starbase. I gjithë personeli është i sigurt. Ekipi ynë po punon për të menaxhuar në mënyrë të sigurt vendin, në koordinim me autoritetet lokale.”

The post Shpërthen anija kozmike gjigante e Elon Musk (Video) appeared first on Sot News | Lajme.

Një shpërthim i fuqishëm në një fabrikë fishekzjarrësh në provincën Hunan të Kinës ka shkaktuar 9 viktima dhe ka lënë 26 persona të plagosur, sipas mediave shtetërore.

Ngjarja ndodhi pak para orës 08:30 të mëngjesit në Shanzhou Fireworks Co, pranë qytetit Changde. Forcat e emergjencës reaguan menjëherë, duke angazhuar 28 cisterna uji dhe dy automjete kullimi për të përballuar situatën. Megjithatë, operacionet u vështirësuan për shkak të rreziqeve dytësore dhe mundësisë së shpërthimeve të tjera.

Autoritetet e Hunanit kanë ngritur një komision hetimor për të përcaktuar shkakun e aksidentit dhe për të mbajtur përgjegjësit ligjërisht.

Ky është incidenti i fundit në një varg aksidentesh industriale që ngrejnë shqetësime serioze mbi sigurinë në vendet e punës në Kinë. Vetëm muajin e kaluar, një shpërthim në një fabrikë kimike në Shandong shkaktoi 5 viktima dhe 19 të plagosur, ndërsa në prill, 22 persona humbën jetën nga një zjarr në një restorant në Liaoyang.

Breaking: Massive Explosion at Shanzhou Fireworks Factory in Hunan, China, Injures Nine and Leaves Two Missing at 8:23 AM on June 16, 2025 pic.twitter.com/q0gaNNnQ8w

— TheIllusionist (@John420_69_420) June 16, 2025

The post Tragjike në Kinë! 9 të vdekur dhe 26 të plagosur nga shpërthimi në një fabrikë fishekzjarrësh appeared first on iconstyle.al.

Një shpërthim i fuqishëm në një fabrikë fishekzjarresh në provincën jugore kineze, Hunan, ka shkaktuar vdekjen e nëntë personave dhe plagosjen e 26 të tjerëve.

Shpërthimi ndodhi në një fabrikë në pronësi të kompanisë Hunan Shanzhou Fireëorks Ltd., e vendosur në një zonë malore rreth 60 km në veri të qytetit Changde.

Ky incident vjen vetëm disa javë pas një shpërthimi në një fabrikë kimike në pjesën verilindore të Kinës, ku humbën jetën të paktën 5 persona, duke nxjerrë në pah rrezikun e magazinimit të kimikateve të rrezikshme dhe të ndezshme në prodhuesin kryesor të botës, pavarësisht përpjekjeve të qeverisë për të luftuar praktikat e pasigurta.

Në vitin 2015, dy shpërthime masive në depo në qytetin port Tianjin shkaktuan më shumë se 170 viktima dhe rreth 700 të plagosur, duke detyruar qeverinë të përmirësonte ligjet për magazinimin e kimikateve.

The post Shpërthim i fuqishëm në fabrikë fishekzjarresh, zbardhet bilanci i viktimave dhe të plagosurve appeared first on Sot News | Lajme.

Katër ushtarë japonezë pësuan lëndime jo kërcënuese për jetën pas një shpërthimi në një depo për municione të pashpërthyera të kohës së luftës në një bazë ushtarake amerikane në Okinawa, konfirmuan të hënën autoritetet lokale.

Incidenti ndodhi ndërsa ushtarët po punonin në një vend të menaxhuar nga prefektura e Okinawa-s për të ruajtur municione të vjetra të zbuluara në të gjithë ishullin – vendi i një prej betejave më të ashpra të Luftës së Dytë Botërore.

Sipas zyrtarëve, ushtarakët pësuan lëndime në gishta gjatë shpërthimit. Nuk u dhanë menjëherë informacione të mëtejshme në lidhje me natyrën e shpërthimit ose gjendjen e objektit.

Forcat e Vetëmbrojtjes të Japonisë thanë se po hetonin shpërthimin, i cili thuhet se ndodhi në ose afër Bazës Ajrore Kadena. 

LEXONI GJITHASHTU:

• Pakistani nis një operacion ushtarak kundër Indisë, sulmon dy baza ajrore
• Shpërthim i fuqishëm në një depo municioni në bazën ushtarake ruse

The post Shpërthim në bazën amerikane në Okinawa, plagosen katër ushtarë japonezë appeared first on Euronews Albania.