Normal view

There are new articles available, click to refresh the page.
Today — 29 August 2025Main stream

Në Prishtinë promovohen dy libra kushtuar figurës së Shën Nënë Terezës

By: Kult Plus
29 August 2025 at 00:09

Në kuadër të manifestimit kulturor dhe fetar “Ditët e Shën Nënë Terezës” 2025, sot në Bibliotekën “Ernest Koliqi” në Prishtinë u mbajt një aktivitet i veçantë letrar, ku u promovuan dy libra të rinj që i kushtohen jetës dhe veprës së humanistes shqiptare me famë botërore, Gonxhe Bojaxhiu – Shën Nënë Terezës.

Libri i parë, me autorë Skender Asani dhe Albert Ramaj, mban titullin “Me bashkëudhëtarët e Nënës Terezë – Nga misioni në shenjtëri” dhe është botuar nga Sh.B. “Drita” në tre gjuhë: shqip, maqedonisht dhe anglisht. Për këtë botim foli Don Lush Gjergji, njohës i thellë i figurës së Nënës Terezë, i cili e cilësoi si një vepër të veçantë për faktin se sjell dëshmi të reja nga bashkëpunëtorë dhe njohës të drejtpërdrejt të Shenjtëreshës – dëshmi të cilat deri më tani nuk ishin të njohura për publikun.

Ndërkaq, vepra e dytë e prezantuar ishte libri i Skender Asanit, me titull “Gonxhja e Shkupit në kurorën e botës”, botim i “Agoraprint”. Për këtë libër foli shkrimtari Emin Azemi, i cili e vlerësoi si një kontribut të çmuar në studimet për figurën e Nënës Terezë, duke e theksuar identitetin e saj si shqiptare dhe shkupjane, por edhe si personalitet me dimension botëror.

Pas prezantimit të librave, u zhvillua një sesion pyetjesh dhe diskutimesh me të pranishmit, ku u përthelluan temat që lidhen me jetën, misionin dhe trashëgiminë e Nënës Terezë.

Ngjarja u pasurua edhe me dy interpretime muzikore: “Nënës Tereze” me muzikë nga Vinçenc Gjini dhe “Caro mio ben” nga Giuseppe Giordani, të cilat u interpretuan nga solistja Doruntina Gjini, me përcjellje në piano nga Shpëtim Mehmeti.

Në përfundim të promovimit, pjesëmarrësit u bashkuan në një koktej miqësor, duke vijuar bisedat rreth figurës së Shën Nënë Terezës dhe mesazhit të saj human.

Manifestimi “Ditët e Shën Nënë Terezës” do të vazhdojë edhe në ditët në vijim në qytete të tjera të Kosovës, Maqedonisë dhe Shqipërisë, duke ofruar aktivitete të ndryshme kushtuar kësaj figure të shenjtë e të pavdekshme në kujtesën e njerëzimit./KultPlus.com

Mungesë apo zgjedhje?! Ja pse njerëzit e zgjuar preferojnë të rrinë vetëm

By: A R
28 August 2025 at 23:00

Shumë njerëz mendojnë se vetmia është pasojë e mungesës së aftësive sociale apo e mungesës së miqve përreth. Por, faktet tregojnë se edhe kur jemi të rrethuar nga njerëz apo mes turmave, mund të ndjehemi të vetmuar.

Vetmia nuk është ndjesi e këndshme. Por, shumë studime tregojnë se njerëzit me koeficient të lartë inteligjence janë më pak të prirur të zenë miq.

Megjithatë pyetja që ngrihet është se a janë të lidhura inteligjenca dhe vetmia. A janë njerëzit e mençur më të vetmuar? Nuk ka një përgjigje të prerë, por ajo që dihet është se individët inteligjentë janë më të prirë ndaj ankthit dhe ankthi shpesh çon në vetmi.

Në shoqërinë e sotme, sidomos gratë, përballen me pritshmëri të larta: të jenë tërheqëse, të afta, të kenë kohë për vetëzhvillim përmes librave dhe njëkohësisht të kujdesen për pamjen e jashtme. Ky presion i vazhdueshëm ka bërë që gjithnjë e më shumë gra të zgjedhin vetminë, qoftë përmes udhëtimeve vetëm, ku nuk u duhet të kënaqin të tjerët apo të varen nga dikush.

Për një kohë të gjatë, gratë beqare janë etiketuar si të vetmuara, një gjë që rrallë i ndodh burrave. Por, në të vërtetë, burrat dhe gratë janë të barabartë në nevojën për hapësirë personale. Për ata që duan të njohin njerëz të rinj, të çlodhen apo të përjetojnë ndjesinë e lirisë, vetmia nuk është frikshme.

Të rinjtë sot e shfrytëzojnë fundjavën për udhëtime të shkurtra, shpesh me persona që i takojnë për herë të parë. Edhe pse këto udhëtime janë të shkurtra, ato ndihmojnë në uljen e stresit.

Nga ana tjetër, njerëzit inteligjentë shpesh vlerësojnë autonominë. Ata preferojnë të marrin vendime vetë, pa ndikime të jashtme, dhe të ndjekin rrugën e tyre. Vetmia, për ta, nuk është izolim është hapësira që i lejon të mendojnë lirshëm, të eksplorojnë ide të reja dhe të ndjekin qëllimet e tyre me përqendrim dhe vetëkontroll.

Kjo nuk do të thotë se ata i shmangen marrëdhënieve shoqërore. Përkundrazi, ata zgjedhin me kujdes dhe e shndërrojnë praninë e tyre në shoqëri një “luks” të rrallë, që të tjerët e presin me padurim.

Çdo individ është i ndryshëm. Ndërsa disa njerëz shumë inteligjentë janë më produktivë kur punojnë vetëm, të tjerë mund të ndihen më të motivuar në prani të të tjerëve. Të jesh vetëm nuk do të thotë të jesh i vetmuar. Njerëzit me inteligjencë të lartë mund të kenë marrëdhënie të forta dhe njëkohësisht të shijojnë përfitimet e vetmisë.

Për ta, kjo vetmi krijon mundësi për fokus të thellë, mendim kritik dhe krijimtari, elementë thelbësorë për çdo projekt apo përpjekje personale.

The post Mungesë apo zgjedhje?! Ja pse njerëzit e zgjuar preferojnë të rrinë vetëm first appeared on JavaNews.al.

Ministri izraelit kërkon që Gaza të aneksohet nëse Hamasi nuk dorëzohet

By: A R
28 August 2025 at 22:53

Ministri izraelit i Financave, Bezalel Smotrich, i bëri thirrje Qeverisë së tij që të nisë aneksimin e pjesëve të Rripit të Gazës nëse Hamasi – grupi palestinez i shpallur organizatë terroriste nga Shtetet e Bashkuara dhe Bashkimi Evropian – refuzon të dorëzohet.

Ministri i ekstremit të djathtë, i cili ka qenë i zëshëm kundër një marrëveshjeje me Hamasin për t’i dhënë fund luftës gati dyvjeçare, e paraqiti planin e tij për “fitore në Gazë deri në fund të vitit” gjatë një konference për media të mbajtur në Jerusalem.

Sipas propozimit të Smotrich, Hamasit do t’i jepej një ultimatum për t’u dorëzuar, për t’u çarmatosur dhe për të liruar pengjet që ende mbahen në Gazë që nga sulmi i grupit radikal palestinez në Izrael më 7 tetor 2023, që nxiti luftën.

Nëse Hamasi refuzon, Smotrich tha se Izraeli duhet të aneksojë nga një pjesë të territorit për çdo javë dhe ta përmbyllë aneksimin për katër javë, duke e sjellë Rripin e Gazës nën kontrollin e plotë izraelit.

Sipas Smorichit, palestinezëve fillimisht do t’iu thuhej që të zhvendoseshin në jug të Gazës, pasi Izraeli të rrethonte pjesën veriore dhe qendrore të territorit për të mposhtur çdo militant të mbetur të Hamasit, dhe më pas shteti do të aneksonte territorin.

“Kjo mund të arrihet për tre deri në katër muaj”, tha ai.

Deklaratat e tij vijnë teksa forcat izraelite po zhvillojnë një ofensivë të madhe me synim marrjen e kontrollit mbi Qytetin e Gazës – qytetin më të madh të këtij territori – pavarësisht shqetësimeve në rritje për fatin e civilëve palestinezë atje.

Shumica dërrmuese e mbi 2 milionë banorëve të Gazës janë zhvendosur të paktën një herë gjatë luftës.

Smotrich i bëri thirrje kryeministrit izraelit, Benjamin Netanyahu, “të miratojë këtë plan në tërësi menjëherë”.

Ai është një nga disa anëtarë të krahut të djathtë të koalicionit qeverisës të Izraelit që kanë shprehur mbështetje për rivendosjen e vendbanimeve në Rripin e Gazës, nga i cili Izraeli kishte tërhequr trupat dhe kolonët në vitin 2005.

Smotrich, mbështetës i lëvizjes së kolonëve dhe vetë banues në një vendbanim në Bregun e pushtuar Perëndimor, autorizoi javën e kaluar një projekt të madh në atë territor, i cili sipas kritikëve kërcënon integritetin territorial të çdo shteti të ardhshëm palestinez.

Ai ka deklaruar se projekti i vendbanimeve në zonën e njohur si E1, në lindje të Jerusalemit, ka për qëllim “varrosjen e idesë për një shtet palestinez”.

The post Ministri izraelit kërkon që Gaza të aneksohet nëse Hamasi nuk dorëzohet first appeared on JavaNews.al.

Avioni F-16 rrëzohet gjatë provave ajrore, vdes piloti! Dalin pamjet nga momenti

By: A R
28 August 2025 at 22:45

Një avion F-16 i Forcave Ajrore Polake është rrëzuar dhe më pas ka shpërthyer në flakë.

Sipas mediave të huaja, ngjarja ndodhi teksa F-16 po kryente prova për shfaqjen ajrore të Radomit që do të mbahet këtë fundjavë.

Siç shihet në videot e publikuara në rrjete sociale, avioni ka rënë brenda një baze ajrore dhe për fat të keq piloti humbi jetën, shkruan A2 CNN.

Nuk ka informacione shtesë mbi shkaqet e aksidentit ajror, teksa po punohet për zbardhjen e plotë të kësaj ngjarjeje.

The post Avioni F-16 rrëzohet gjatë provave ajrore, vdes piloti! Dalin pamjet nga momenti first appeared on JavaNews.al.

Zelensky zbulon se kur do të përcaktohen zyrtarisht garancitë e sigurisë për Ukrainën

By: A R
28 August 2025 at 22:36

Presidenti Volodymyr Zelenskyy ka thënë se garancitë e sigurisë për Ukrainën do të përcaktohen në letër javën e ardhshme.

Sipas mediave të huaja, Presidenti i Ukrainës postoi në rrjetet sociale pas takimit të tij me presidentin e Turqisë, Recep Tayyip Erdogan, duke thënë se tema u diskutua “gjerësisht”.

“Presidenti Erdogan më informoi se po e përfshin ministrin e tij të mbrojtjes në këtë proces për të shqyrtuar se si Turqia mund të kontribuojë në sigurimin e mbrojtjes, veçanërisht në Detin e Zi”, shkroi ai.

Si mund të duken garancitë e sigurisë?

Garancitë e sigurisë janë folur prej kohësh si një mënyrë për të siguruar paqen në Ukrainë kur luftimet të marrin fund.

Në fund të fundit, vetëm trupat nuk ka gjasa të jenë të mjaftueshme për të penguar Vladimir Putinin, tha analisti ushtarak Sean Bell, përcjell A2 CNN.

“E gjitha kjo ka të bëjë me besueshmërinë dhe nuk mendoj se ushtarët në terren janë një përgjigje e besueshme”, shtoi ai.

Stacioni i ushtarëve përgjatë kufirit prej 1.600 miljesh të Ukrainës me Rusinë do të kërkonte rreth 100,000 ushtarë në të njëjtën kohë, të cilët do të duhej të trajnoheshin, të dislokoheshin dhe të bënin rotacion, duke kërkuar gjithsej 300,000 trupa.

E gjithë Ushtria e Mbretërisë së Bashkuar do të përbënte vetëm 10% të kësaj shume, me Francën që ka të ngjarë të jetë në gjendje të kontribuojë me një 10% të tjera, tha Bell.

The post Zelensky zbulon se kur do të përcaktohen zyrtarisht garancitë e sigurisë për Ukrainën first appeared on JavaNews.al.

Historike! Dy skuadra shqiptare do të luajnë në grupet e Conference League

By: A R
28 August 2025 at 22:28

Për herë të parë në histori, dy skuadra shqiptare do të jenë pjesë e fazës së grupeve në një kompeticion europian.

Kampionia e Kosovës, Drita siguroi kualifikimin në Conference League, pasi eliminoi Differdange-n me rezultatin e përgjithshëm 3-1, në “play off”. Ky është suksesi më i madh i klubit gjilanas, që bëhet ekipi i dytë nga Kosova, pas Ballkanit, që arrin këtë fazë. Në grupet e Conference League do të luajë edhe Shkëndija e Tetovës.

Kuqezinjtë tentuan të kalonin në Europa League, por u eliminuan nga Ludogorets në “play off”. Shkëndija fitoi 2-1 në ndeshjen e parë, por në kthim pësoi po me të njëjtin rezultat dhe më pas u dorëzua në shtesë. Bullgarët triumfuan 4-1 edhe për të siguruar kualifikimin.

Megjithatë, Shkëndija garantoi pjesëmarrjen në grupet e Conference League dhe mund të kënaqet me këtë sukses, që vjen për herë të parë në histori.

The post Historike! Dy skuadra shqiptare do të luajnë në grupet e Conference League first appeared on JavaNews.al.

Putin në ekranin e madh, Jude Law transformohet në liderin rus

By: A R
28 August 2025 at 22:20

Filmi i shumëpritur i Olivier Assayas, “Magjistari i Kremlinit”, do të ketë premierën e tij të dielën, më 31 gusht, në Festivalin e 82-të të Filmit në Venecia.

Në kast përfshihen Paul Dano, Alicia Vikander, Zach Galifianakis dhe Tom Sturridge, ndërsa Jude Law, dy herë i nominuar për Oscar, luan Vladimir Putinin.

Fotografia e parë zyrtare e Law si Putin ka shkaktuar sensacion në internet për ngjashmërinë e jashtëzakonshme me udhëheqësin rus.

Filmi, i shkruar nga Assayas dhe Emmanuelle Carrère, bazohet në romanin më të shitur të Giuliano da Empoli dhe rrëfen ngjitjen në pushtet të Putinit në Rusi, që nga fillimi i viteve 1990, në periudhën post-sovjetike.

Assayas ka deklaruar për Variety se filmin e sheh si një retrospektivë historike, që tregon me saktësi rrugëtimin e Putin, i cili nuk është treguar më parë me të njëjtën qartësi si në libër.

Regjisori zbuloi gjithashtu se realizimi i filmit ishte sfidues, pasi xhirimet nuk mund të bëheshin në Rusi për shkak të aksesit të kufizuar në disa zona.

Si përfundim, filmi është xhiruar tërësisht në Letoni.

The post Putin në ekranin e madh, Jude Law transformohet në liderin rus first appeared on JavaNews.al.

Evropa lëviz për sanksione ndaj Iranit, rriten tensionet diplomatike

By: A R
28 August 2025 at 22:11

Një zhvendosje e rëndësishme diplomatike po ndodh në skenën ndërkombëtare, ku Gjermania, Franca dhe Mbretëria e Bashkuar (E3) kanë nisur procesin 30-ditor për rivendosjen e sanksioneve të OKB-së ndaj Iranit. Ky veprim, i njohur si mekanizmi “snapback”, vjen si një përgjigje ndaj shkeljeve të supozuara të marrëveshjes bërthamore të vitit 2015 nga Teherani.

Lëvizja e treshes evropiane ka nxitur një reagim të ashpër nga Irani. Një zëvendësministër i jashtëm iranian paralajmëroi se vendi do të ndërpresë bashkëpunimin me agjencinë bërthamore të OKB-së (IAEA) nëse sanksionet rivendosen. Ministri i Jashtëm iranian, Abbas Araghchi, e quajti veprimin e E3 si “të paligjshëm dhe të pajustifikuar”, duke paralajmëruar se Teherani do të reagojë “në mënyrë të përshtatshme”.

Ndërkohë, Shtetet e Bashkuara kanë shprehur mbështetjen e tyre për sanksionet, por Sekretari i Shtetit Marco Rubio tha se Uashingtoni “mbetet i disponueshëm” për bisedime me Iranin. “Snapback nuk bie ndesh me gatishmërinë tonë të sinqertë për diplomaci, por vetëm sa e forcon atë,” tha Rubio.

Nga ana tjetër, Rusia dhe Kina, dy anëtarë të tjerë të përhershëm të Këshillit të Sigurimit, kanë hartuar një rezolutë rivale që kërkon zgjatjen e marrëveshjes bërthamore të Iranit për gjashtë muaj, duke i bërë thirrje Teheranit të rifillojë negociatat.

The post Evropa lëviz për sanksione ndaj Iranit, rriten tensionet diplomatike first appeared on JavaNews.al.

FOTO / Ky është 61-vjeçari Piro Prroni, që u vra nga kushëriri sonte në Shkodër

By: A R
28 August 2025 at 22:03

Personi në foto është 61-vjeçari Piro Prroni, i cili u qëllua për vdekje me armë zjarri mbrëmjen e sotme në fshatin Abat të Shalës, në Shkodër.

Policia ka identifikuar autorin e dyshuar të krimit, Ndoc Maçaj, i cili pas ngjarjes është larguar dhe tashmë është shpallur në kërkim.

Sipas burimeve paraprake, viktima dhe autori i dyshuar ishin kushërinj mes tyre dhe ngjarja dyshohet se erdhi si pasojë e një konflikti të hershëm.

Forca të shumta policie janë nisur nga Shkodra drejt zonës së thellë malore të Shalës për të bërë të mundur kapjen e autorit dhe zbardhjen e plotë të rrethanave.

The post FOTO / Ky është 61-vjeçari Piro Prroni, që u vra nga kushëriri sonte në Shkodër first appeared on JavaNews.al.

Mero Baze: Fatmir Mediu është simboli i shkëlqyer i opozitës së sotme

By: el da
28 August 2025 at 22:55

Fatmir Mediu është shembulli më i shkëlqyer që mund të identifikohet me opozitën e sotme. Ai është identiteti i sotëm i opozitës dhe shpjegimi për çdo problem apo arritje të saj. Në një farë mënyre ai është monumenti i opozitës, ose asaj që duan ta quajnë “opozita e bashkuar”.

Që një opozitë të quhet e bashkuar, duhet të gjendet një objektiv rreth të cilit duhet të bashkohen. Zakonisht në politikë bashkimin e dikton nevoja për të fituar. Në opozitën e sotme në Shqipëri, bashkimin e dikton nevoja për të mos ndryshuar.

Fatmir Mediu është fytyra simbol e mosndryshimit të opozitës në Shqipëri. Prej vitit 2001 ai është në parlament si republikan i Sali Berishës, pa konkuruar asnjëherë më vete, pa fituar asnjëherë si republikan dhe pa bërë asgjë në politikën shqiptare përveç shërbimeve të pista për familjen e Sali Berishës.

Portreti i tij ka shoqëruar shqiptarët prej vitit 1992, kur shfaqet para kamerave me kokën drejt, vështrimin në horizont, me sytë që nuk i lëviz qerpiku, me gjestet që duan të thonë ato që nuk i thonë fjalët dhe me fjalë që i ngjajnë një diareje të pafundme, të pavullnetshme dhe të padëmshme për kënd, edhe nëse preket prej saj. Një njeri që s’të bën asnjë dëm personalisht, por është shoqërisht I dëmshëm

Është një fytyrë pa tipare, një njeri pa emër, një politikan që s’ka prodhuar kurrë politikë, një makinë folëse pa fjali, një kriminel pa të vrarë, një parazit që bën thirrje vazhdimisht për aksione të reja dhe reforma, një kryetar partie që s’ka shkuar kurrë në luftë me partinë e tij, dhe mbi të gjitha një ilustrues i shkëlqyer i arsyeve përse opozita as ndryshon, as rritet, as krijon fytyrën e saj dhe as fiton dot.

Prej vitit 2008, garancitë e tij për të qëndruar “i bashkuar” me Sali Berishën janë shtuar së tepërmi pasi ai është dëshmitari zyrtar i përfshirjes së djalit të Sali Berishës në Gërdec, pasi është njeriu që e ka pritur për 42 herë në zyrë derisa e licencoi kompaninë dhe autori i tenderit të demontimit për të. Tek ky mekanizëm korruptiv, si dëshmitar i heshtur i një krimi që i mori jetën 26 vetëve, qëndron e gjithë ideja e “bashkimit” të opozitës që kërkon Fatmir Mediu. Ky është më thellë dhe gjithë kuptimi që ka fjalia “opozita e bashkuar rreth Sali Berishës”.

Kjo opozitë është opozita që ka probleme, individë që kanë probleme me ligjin dhe korrupsionin, njerëz që nuk dinë të bëjnë asgjë në jetë veçse t’i mbajnë uturakun Berishës, politikanë të rinj ambiciozë, që shpresojnë se zullumi këputet duke u trashur, dhe në këtë rast “bashkohen” dhe ata me shpresë që kur të këputet filli të jenë aty për të kapur një degë litari, intriganë që shpresojnë që Berisha do vdesë pas ca kohësh dhe ata do mbahen mend si “besnikë” të tij, etj.

Pra, opozita e “bashkuar rreth Berishës”, është opozita që shpreson se bashkimi rreth tij e mbron nga mëkatet dhe pjesa tjetër e opozitës që pret vdekjen e tij.

Kjo amalgamë opozitare, nëse do t’i duhet të zgjedhë njeriun e ri të saj, “Lej Fenin” e vitit 2025, e ka gati. Fatmir Mediu i plotëson të gjitha kriteret. Nuk ka vota, nuk ka ide, nuk ka impakt në opinion publik, nuk ka parti, por mbi të gjitha nuk ka turp.

Dhe ky është një kriter i rëndësishëm për të qenë njeri simbol i “opozitës së bashkuar rreth Berishës”.

Debatet e tjera nuk vlejnë. Kur të vdesë Berisha flasim. m.p.

Ministri izraelit kërkon që Gaza të aneksohet nëse Hamasi nuk dorëzohet

By: el da
28 August 2025 at 22:44

Ministri izraelit i Financave, Bezalel Smotrich, i bëri thirrje Qeverisë së tij që të nisë aneksimin e pjesëve të Rripit të Gazës nëse Hamasi – grupi palestinez i shpallur organizatë terroriste nga Shtetet e Bashkuara dhe Bashkimi Evropian – refuzon të dorëzohet.

Ministri i ekstremit të djathtë, i cili ka qenë i zëshëm kundër një marrëveshjeje me Hamasin për t’i dhënë fund luftës gati dyvjeçare, e paraqiti planin e tij për “fitore në Gazë deri në fund të vitit” gjatë një konference për media të mbajtur në Jerusalem.

Sipas propozimit të Smotrich, Hamasit do t’i jepej një ultimatum për t’u dorëzuar, për t’u çarmatosur dhe për të liruar pengjet që ende mbahen në Gazë që nga sulmi i grupit radikal palestinez në Izrael më 7 tetor 2023, që nxiti luftën.

Nëse Hamasi refuzon, Smotrich tha se Izraeli duhet të aneksojë nga një pjesë të territorit për çdo javë dhe ta përmbyllë aneksimin për katër javë, duke e sjellë Rripin e Gazës nën kontrollin e plotë izraelit.

Sipas Smorichit, palestinezëve fillimisht do t’iu thuhej që të zhvendoseshin në jug të Gazës, pasi Izraeli të rrethonte pjesën veriore dhe qendrore të territorit për të mposhtur çdo militant të mbetur të Hamasit, dhe më pas shteti do të aneksonte territorin.

“Kjo mund të arrihet për tre deri në katër muaj”, tha ai.

Deklaratat e tij vijnë teksa forcat izraelite po zhvillojnë një ofensivë të madhe me synim marrjen e kontrollit mbi Qytetin e Gazës – qytetin më të madh të këtij territori – pavarësisht shqetësimeve në rritje për fatin e civilëve palestinezë atje. m.p.

Universiteti i Tiranës mbetet më i preferuari për maturantët

By: el da
28 August 2025 at 22:25

Universiteti i Tiranës është zgjedhur nga mbi 60% e maturantëve për vitin e ri akademik 2024–2025.

Vetëm një ditë para shpalljes së kandidatëve fitues nga shkollat e larta, rektor i Universitetit të Tiranës, Artan Hoxha, bëri të ditur se ka një rritje të ndjeshme të numrit të studentëve që kanë aplikuar në këtë universitet.

Megjithatë, problem mbeten degët e mësuesisë, veçanërisht ato të Fakultetit të Shkencave të Natyrës, ku këtë vit ka rreth 600 aplikime më pak. Rënie e interesit pritet të ketë edhe në Fakultetin e Gjuhëve të Huaja, si dhe në Fakultetin e Histori-Filologjisë në profilet e mësuesisë.

Nesër nisin regjistrimet e studentëve të rinj sipas degëve ku kanë fituar në raundin e parë. Ky raund është i ndarë në 7 faza 48-orëshe dhe do të zgjasë dy javë, për t’i hapur më pas rrugë raundit të dytë, me synim plotësimin e kuotave të mbetura bosh. m.p.

SHBA, plan për kufizimin e vizave për studentë dhe gazetarë

By: el da
28 August 2025 at 22:14

Qeveria e SHBA-së do të ashpërsojë edhe më tej rregulloren për lejen e qendrimit për të huajt. Tani janë në fokus të Ministrisë për Mbrojtjen e Atdheut studentë, shkencëtarë dhe gazetarë.

Gazetarëve të huaj në SHBAkëtej e tutje do t’u duhet ta zgjasin çdo tetë muaj afatin e lejes së qendrimit. Për procedurën e zgjatjes së afatit duhet të aplikohet në Autoritetin e Emigracionit në SHBA, USCIS, gjë që nënkupton verifikime më të hollësishme. Deri tani pë rgazetarë p.sh. nga Gjermania leja e qendrimit lëshohej për deri në pesë vjet.

Në të ardhmen vizat për studiues do të jepen maksimumi deri në katër vjet, sikurse mësohet nga një publikim (28.08.2025) në fletoren zyrtare të SHBA-së. Deri tani studuiuesve u jepej vizë me kohëzgjatje në varësi të programit përkatës akademik, që në rast të studimeve për doktoraturë viza mund të jepej edhe për pesë vjet. m.p.

Gjermania: Putini dhe Zelensky nuk do të takohen

By: el da
28 August 2025 at 22:07

Kancelari gjerman i është bashkuar dënimit të sulmeve të Rusisë në Kiev nga udhëheqësit evropianë.

Sipas mediave të huaja, Friedrich Merz tha se pas sulmit vdekjeprurës dukej e qartë se nuk do të ketë takim midis Vladimir Putin dhe Volodymyr Zelenskyy, i cili ishte propozuar pas samitit të udhëheqësit rus në Alaskë me Presidentin Donald Trump dy javë më parë.

Ai tha se “e dënonte grevën me termat më të ashpra” dhe se sulmi ndaj selisë së BE-së në qytet tregonte pandershmërinë e regjimit rus.

Kujtojmë se pavarësisht përpjekjeve të Presidentit Donald Trump për t’i ulur në tryezë Putinin e Zelenskyn dhe për t’i dhënë fund luftës në Ukrainë, një gjë e tillë duket ende larg. m.p.

Këshilli i Sigurimit i OKB-së rinovon misionin paqeruajtës në Liban

By: e xh
28 August 2025 at 23:01

Këshilli i Sigurimit i Kombeve të Bashkuara të enjten zgjati unanimisht “për herë të fundit” një mision paqeruajtës afatgjatë në Liban deri në fund të vitit 2026, kur operacioni do të fillojë një “tërheqje të rregullt dhe të sigurt” njëvjeçare.

Sipas mediave të huaja, Forca e Përkohshme e OKB-së në Liban (UNIFIL), e themeluar në vitin 1978, patrullon kufirin jugor të Libanit me Izraelin.

Këshilli prej 15 anëtarësh miratoi unanimisht një rezolutë të hartuar nga Franca, pasi u arrit një kompromis me Shtetet e Bashkuara, një anëtar i këshillit me të drejtë vetoje.

Këshilli i Sigurimit vendosi “të zgjasë për herë të fundit mandatin e UNIFIL-it”, shkruan A2 CNN.

Rezoluta “i kërkon UNIFIL-it të ndërpresë operacionet e tij më 31 dhjetor 2026 dhe të fillojë nga kjo datë dhe brenda një viti tërheqjen e rregullt e të sigurt të personelit të tij, në konsultim të ngushtë me Qeverinë e Libanit, me qëllim që Qeveria e Libanit të jetë ofruesi i vetëm i sigurisë në Libanin jugor”.

Kjo do të jetë hera e fundit që Shtetet e Bashkuara do të mbështesin një zgjatje të UNIFIL-it, tha ambasadorja në detyrë e SHBA-së në OKB, Dorothy Shea. “Mjedisi i sigurisë në Liban është rrënjësisht i ndryshëm nga vetëm një vit më parë, duke krijuar hapësirën që Libani të marrë përsipër përgjegjësi më të mëdha”, i tha ajo këshillit.

SHBA: Plan për kufizimin e vizave për studentë dhe gazetarë

By: e xh
28 August 2025 at 22:36

Qeveria e SHBA-së do të ashpërsojë edhe më tej rregulloren për lejen e qendrimit për të huajt. Tani janë në fokus të Ministrisë për Mbrojtjen e Atdheut studentë, shkencëtarë dhe gazetarë.

Gazetarëve të huaj në SHBAkëtej e tutje do t’u duhet ta zgjasin çdo tetë muaj afatin e lejes së qendrimit. Për procedurën e zgjatjes së afatit duhet të aplikohet në Autoritetin e Emigracionit në SHBA, USCIS, gjë që nënkupton verifikime më të hollësishme. Deri tani pë rgazetarë p.sh. nga Gjermania leja e qendrimit lëshohej për deri në pesë vjet.

Në të ardhmen vizat për studiues do të jepen maksimumi deri në katër vjet, sikurse mësohet nga një publikim (28.08.2025) në fletoren zyrtare të SHBA-së. Deri tani studuiuesve u jepej vizë me kohëzgjatje në varësi të programit përkatës akademik, që në rast të studimeve për doktoraturë viza mund të jepej edhe për pesë vjet.

Kontroll më i mirë për ata që qendrojnë me vizë në SHBA

Rregullorja e re argumentohet me faktin, se qeveritë e mëparshme kanë lejuar, që të huajt “si studentë të përhershëm” siguronin qendrim üaafat në SHBA, deklaron Ministria e Mbrojtjes së Atdheut. “Kjo bart probleme sigurie dhe u kushton dollarë pafund taksapaguesve dhe u krijon disavantazhe shtetasve të SHBA-së.” Rregullorja e re ka për qëllim të ndalojë abuzimet dhe t’u mundësojë autoriteteve që t’i kenë më mirë nën kontroll ata që qendrojnë me vizë në SHBA.

Ministria nuk dha të dhëna, se cilat disavantazhe u krijohen taksapaguesve në SHBA prej studiuesve nga jashtë. Studiuesit normalisht paguajnë tarifat e studimit duke qenë një burim i rëndësishëm të ardhurash për universitetet. Në vitin studimor 2023/24 kanë studiuar në SHBA rreth 1,1 milionë të huaj nga jashtë vendit, më shumë se në çdo vend tjetër të botës.

Kritika nga shkollat e larta

Përfaqësues të sistemit të shkollave të larta i kriitkuan këto ndryshime të propozuara. Nëse rregullorja miratohet, studentë dhe shkencëtarë do të përballen “rregullisht dhe pa qenë ë nevojshme” me procedura aplikimi shtesë, në mënyrë që të mund të përfundojnë projektet e tyre, deklaroi kryetarja e Shoqatës së Presidentëve për Arsimin e Lartë dhe Migracionin, Miriam Feldblum. Kjo do të ngarkonte të gjithë procesin e punës në shkollat e larta. Po ashtu theksoi Feldblum, si rrjedhojë e pengesave më të mëdha burokratike gjjithnjë e më pak akademikë do të preferonin të vendosnin për studime në SHBA.

Qeveria e SHBA-së gjatë muajve të fundit, sipas të dhënave të veta, u ka anuluar rreth 6000 viza studentësh. Shumica e të prekurve janë nga Kina ose studentë, që kanë demonstruar në universitetet e tyre kundër veprimeve të Izraelit në Rripin e Gazës. Trump gjithashtu ka shkurtuar fonde mbështetjeje nga shteti miliarda dollarëshe për universitetet. Kongresi ndërkaq i ka rritur taksat për shkollat e larta private./ DW

VIDEO/ Avioni F-16 rrëzohet gjatë provave ajrore, vdes piloti

By: e xh
28 August 2025 at 22:32

Një avion F-16 i Forcave Ajrore Polake është rrëzuar dhe më pas ka shpërthyer në flakë.

Ngjarja ndodhi teksa F-16 po prova për shfaqjen ajrore të Radomit që do të mbahet këtë fundjavë.

Siç shihet në videot e publikuara në rrjete sociale, avioni ka rënë brenda një baze ajrore. Fatkeqësisht piloti humbi jetën.

Ndërsa nuk ka informacione mbi shkaqet e aksidentit ajror.

 

🇵🇱 BREAKING: F-16 Crashes, Pilot Killed Instantly

A tragic accident occurred in Radom, Poland, when a F-16 fighter jet crashed during preparations for an air show.

The pilot, performing a loop, miscalculated the altitude, causing the jet to slam into the tarmac and erupt in a… pic.twitter.com/DEG0l2fLTK

— SVS NEWS AGENCY (@svsnewsagency) August 28, 2025

Kancelari Merz nga Franca: E qartë, nuk do të ketë një takim Putin-Zelensky

By: e xh
28 August 2025 at 22:02

Kancelari gjerman Friedrich Merz beson se është se nuk do të ketë një takim midis Presidentit ukrainas Volodymyr Zelensky dhe Presidentit rus Vladimir Putin.

“Është e qartë se një takim i tillë nuk do të ndodhë, ndryshe nga ajo që ishte rënë dakord më parë midis presidentit Trump dhe presidentit Putin,” u shpreh Merz, në praninë e presidentit francez Emmanuel Macron.

Dy liderët u takuan për një darkë pune në Fort Bregançon, në jug të Francës, ku dhanë një deklaratë të përbashkët për mediat para se të nisnin bisedimet zyrtare.

Kompania ajrore vendos rregulla të reja për udhëtarët me mbipeshë

28 August 2025 at 23:45

Duke nisur nga 27 janari, kompania ajrore amerikane Southwest Airlines do të zbatojë një rregull të ri: pasagjerët që nuk përshtaten brenda sediljes (në hapësirën midis mbështetëseve të krahëve) do të detyrohen të blejnë paraprakisht dy bileta.

Më parë, pasagjerët me përmasa më të mëdha mund të siguronin një vend shtesë falas ose të kërkonin rimbursim pas fluturimit. Me rregullat e reja, rimbursimet do të jenë ende të mundshme, por jo gjithmonë të garantuara. Për të marrë kthimin e parave, vendet duhet të jenë blerë me të njëjtin çmim dhe kërkesa duhet bërë brenda 90 ditëve, raporton albinfo.ch.

Nëse vendi shtesë nuk blihet gjatë rezervimit, pasagjeri do të duhet ta paguajë në aeroport. Në rast se avioni është i mbushur, ai do të transferohet në një fluturim tjetër.

Kompania e justifikon ndryshimin duke thënë se synon të sigurojë më shumë hapësirë dhe rehati për të gjithë udhëtarët. Megjithatë, ekspertët e udhëtimeve mendojnë se ky vendim mund ta përkeqësojë përvojën e fluturimit dhe ta bëjë më të vështirë udhëtimin për pasagjerët obezë.

Southwest ka qenë nën presion nga investitorët për të rritur fitimet dhe kohët e fundit ka hequr disa prej avantazheve të njohura, si bagazhet falas dhe vendet me hapësirë shtesë.

Sinjali – aty ku e vërteta flet para lajmit!

/GazetaSinjali/

The post Kompania ajrore vendos rregulla të reja për udhëtarët me mbipeshë appeared first on Sinjali.

Nvidia thyen rekorde me të ardhura, kërkesa për Inteligjencë Artificiale në rritje të jashtëzakonshme

28 August 2025 at 23:42

Gjiganti i çipave Nvidia ka raportuar të ardhura rekord prej 46.74 miliardë dollarësh për tremujorin që përfundoi në korrik, duke shënuar një rritje prej 56% në krahasim me të njëjtën periudhë të vitit të kaluar. Fitimi i kompanisë arriti në 26.42 miliardë dollarë, me një rritje vjetore prej 59%.

Këto rezultate tregojnë interesin dhe kërkesën e lartë për teknologjitë e Inteligjencës Artificiale (IA), që kanë revolucionarizuar tregun global të teknologjisë dhe aksioneve.

CEO i Nvidia-së, Jensen Huang, tha se prodhimi i platformës së re Blackwell Ultra, e cila përdor çipat më të avancuar të kompanisë, po rritej me “shpejtësi të plotë” dhe kërkesa për produktet ishte “e jashtëzakonshme”.

“Gara e IA-së ka filluar dhe Blackwell është platforma në qendër të saj”, theksoi Huang, duke treguar besimin e Nvidia-së për të mbajtur pozicionin udhëheqës në këtë fushë.

Sinjali – aty ku e vërteta flet para lajmit!

/GazetaSinjali/

The post Nvidia thyen rekorde me të ardhura, kërkesa për Inteligjencë Artificiale në rritje të jashtëzakonshme appeared first on Sinjali.

❌
❌