Nga Jakin Marena

Partia Demokratike, bashkë me partitë aleate traditcionale opozitare dhe në mungesë të partive të reja që garuan në zgjedhjet e fundit parlamentare të 11 majit, doli në shesh ditën e sotme, për të realizuar protestën e paralajmëruar! Të cilën e quan ‘kryengritje paqësore’!

Siç ishte parashikuar, nuk kishte ndonjë pjesëmarrje e madhe në këtë tubim, pavarësisht shifrave të shumëfishuara që jep lideri demokrat Sali Berisha, njeriu më i dëshpëruar për të nxjerrë njerëz të shesh, e për të treguar se ai komandon një grusht njerëzish në të gjitha herët, që gjithsesi nuk sjellin asnjë lloj shprese për të realizuar ëndrrën në ‘sirtar’!

Themi se Berisha është më i dëshpëruari, pasi, ndonëse edhe vetë e di si dreqi se askush nuk ka ardhur në pushtet përmes protestave në këto 36 vite post-komunizëm në Shqipëri, sërish përdor të njejtën rrugë pa krye për të bërë opozitë, për të marrë në mënyrë utopike një rezultat të ndryshëm nga ajo që ka marrë sa herë që është mbështetur tek protestat në rrugë.

Një ‘film’ ky i parë, sa herë që Berisha ka qënë në opozitë me një fjalë! Por ama një ‘film’ që luhet për interesin madhor të Berishës dhe të familjes së tij! Ish kryeministri ka halle të mëdha, me drejtësinë teksa ka një numër të madh dosjesh në ngarkim për t’u hetuar dhe gjykuar, duke filluar nga shpërthimi i Gërdecit, ku ‘poqi’ të gjallë 26 njerëz të pafajshëm teksa shpërthyen municionet e ushtrisë, akuzat thonë se kanë qënë biznes i të birit Shkelzen, si dhe u plagosën mbi 300 të tjerë, po të pafajshëm. Duke vijuar me vrasjen e 4 demonstruesve të pafajshëm të opozitës, në bulevardin qëndror të Tiranës përballë kryeministrisë me 21 janar 2011, dhe përfunduar me dosjen e aferës “Partizani’ dhe hetimin e pasurisë së tij e të familjes!

Ka dhe halle të tjera Berisha, pasi u shpall ‘non grata’ nga SHBA dhe Britania e Madhe sa ishte deputet i thjeshtë për korrupsion madhor, minim të demokracisë e shantazhim të drejtësisë, duke u detyruar të rikthehet nga pensionimi politik, të dëbonte Bashën nga kreu i PD e të rimerrte dhe zyrtarisht postin e kryetarit të PD dhe opozitës. I kushtoi për më tepër, miliona dollarë dhe euro, teksa është nën hetim për paratë e “Foltores’ por dhe për lobimin në SHBA për heqjen e ‘non gratës’!

U detyrua që në pleqërinë e thellë të marrë udhët për të bërë opozitë në këtë vend, në përpjekjen e tij titanike për të shpëtuar familjen nga përballja me drejtësinë e në fund të herës, përballja me qelitë e ftohta të burgut! Nuk ka lënë presion pa bërë në drejtim të drejtësisë së vjetër dhe të re, me të njejtën gjatësi vale, duke marrë po me të njejtën gjatësi vale, ‘frytet’ e dëshiruara! E themi këtë, sepse me ato zullume që ka bërë gjatë viteve që ka qënë në pushtet por dhe në opozitë, në një vend normal me drejtësi normale, Berisha duhej të ishte me kohë dhe vakt i dënuar sëpaku!

Por prokurorët dhe gjyqtarët e posaçëm, ndonëse me qytetarët dhe mazhorancën socialiste janë ‘tigra’ e ‘tigresha’, përballë Berishës tkurren në atë farë feje, sa për të qënë të kursyer në epitete fjala më e butë që mund të themi është se, ata nuk njihen pasi janë shndërruar në mace të lagura që as për të mjaullitur s’mjaullijnë dot! Dhe nganjëherë drejtësia jonë në tërësi, nga presioni i Berishës për të lehtësuar akuzat ndaj tij e familjes por dhe për të rënduar vendimet gjyqësore kundër Ramës, kundërshtarit politik, si një ‘dorë ndihme’ në favor të liderit të PD për të rrëzuar nga pushteti këtë mazhorancë, shfrytëzohet vende vende dhe ‘harresa’ e ‘zinxhirit’ hapur , e ku nga shpeshtësia e kësaj ‘harrese’, varet dhe kushtetueshmëria e vendimeve në sallën e gjyqit, që po e dërgojnë këtë vend në shtigje antikushtetuese e antiqytetare, të pamenduara as nga ata që kanë hedhur votën dhe po hedhin lekë pafund për të mbajtur me trajtim ‘Ajaksi’ këto njerëz të drejtësisë që na morën erzin para shqiptarëve, para ndërkombëtarëve e përpara Zotit!

Por që, zgjidhja e vetme që mendojnë shumica e shqiptarëve, është fakti që të dërgohet në ‘habitatin’ e vet nga ku janë marrë kushedi se pse, të gjithë këta njerëz të padenjë të drejtësisë, që po e katandisin Shqipërinë, në një vend pa drejtësi por dhe të pajetueshëm, ku askush nuk e ka për gjë të të dërgojë në qeli, thjeshtë e vetëm e vetëm me një perceptim për të të ‘harruar’ në paraburgim! Duhen urgjent ndryshime ligjore, por ama në versionin ‘shqip-shqip’ që të mos ketë mundësi askush të abuzojë me artificat ligjore në këtë vend!

Njëherësh duhen lënë mënjanë dhe ‘artificat’ nga deputetët e vetë shumicës, që ka pritur deri më tani, duke i zvarritur pafund gjërat!
Pavarësisht këtyre lehtësive që ka përfituar nga gjuha e ashpër ndaj drejtësisë së re në këtë vend, duke mbetur mbi të gjitha familjarisht jashtë qelive të burgut si dhe jashtë ‘radarëve’ të të drejtësisë për akuzat e mëdha, për dosjet e të cilave ende nuk është pyetur, sërish Berisha proteston, pasi ka halle të tjera!

Ai kërkon që të ruajë primatin mbi PD dhe mbi opozitën, pasi demokratët duke parë se kreu aktual i PD nuk mbledh më njerëz, kanë vendosur t’i bashkohen në takime të parit demokrat që merr iniciativën për ta kundërshtuar, qoftë dhe për ta rivalizuar Berishën në garën për kreun e opozitës! Si në rastin aktual, Ervin Salianjin, duke treguar qartë dhe saktë se në çfarë derenxheje është katandisur PD, teksa quan Salianjin, më të aftë për të drejtuar PD-në, se sa Sali Berishën dhe lidershipin aktual demokrat që kanë uzurpuar partinë!

Herë deklaron se do të bëjë revoltë për të përmbysur qeverinë e Ramës dhe për të sjellë një qeveri teknike me afat sa më të gjatë me qëllimin final sipas tij, për të përgatitur zgjedhje të reja, të lira dhe demokratike, herë deklaron se do të bëjë protestë, herë kryengritje paqësore (vetëm Berisha arrin ta shqiptojë edhe ta shpjegojë këtë kontradiktë) dhe herë demonstratë përballë kryeministrisë! Të gjitha me emëruesin e përbashkët, rrëzimin e Ramës!

Deklarohet në mëngjes kundër SPAK dhe GJKKO që e thërrasin dhe po zvarriten shumë madje, duke u marrë me dosjet e tij të rënda, ndërkohë që pas mesdite akuzon Ramën, kundërshtarin e tij, se po ushtron presion po ndaj SPAK, për të lënë jashtë hetimit zv.kryeministren, Balluku! Janë të habitshme këto deklaratat e Berishës, herë kundër e herë pro drejtësisë, pa u skuqur fare!

Madje edhe Gjykatën Kushtetuese e sulmon pa hezitim, aq sa e ka katandisur këtë të shkretë gjykatë, në atë farë faje sa të arrijë që, të marrë edhe vendim për të mos marrë vendim, si në rastin e shqyrtimit të ankesës së kryeministrit Rama për pezullimin nga ‘paketa’ SPAK-GJKKO të numrit dy të qeverisë! Berisha ia uli ‘qepenin’ dhe Kushtetueses, ndoshta të vetmes gjykatë që i kishte rezituar deri tani vonë presionit politik, duke dhënë vendime të drejta! Mori fund dhe kjo gjykatë, e cila është dhe ‘stacioni’ i fundmë në Shqipëri për të intepretuar Kushtetutën e vendit!

Berisha proteston këtë të martë, duke paralajmëruar se do ta ‘rëndojë’ një çikë dorën, pavarësisht se në fund të herës tek molotovi mbi kryeministri apo dhe mbi Parlament do të përfundojë! Duke tentuar të tensionojë deri diku situatën, por dhe të ‘provojë’ e ‘testojë’ nëse policia do të përdorë gaz lotsjellës të saktë apo të skaduar. Si dhe të tregojë se është vetë Berisha në krye të opozitës!

Por në protestën e kësaj të marte, më 10 shkurt, na habit fakti për simbolikën që ka përdorur, pra pse pikërisht ka përzgjedhur këtë datë që të demonstrojë në krye të opozitës në sheshin qëndror të kryeqytetit, përballë kryeministrisë duke kërkuar largimin e Ramës dhe qeveri teknike! Kishte 20 shkurtin ditën e rrëzimit të bvutit të diktatorit Enver Hoxha të ‘gatshme’ me simbolikën më të munmdshme të përshtatshme për të bërë këtë protestë. Por zgjodhi 10 shkurtin!

Ata që janë më të rinj në moshë, mund të mësojnë se 10 shkurti i këtij viti shënon 84 vjetorin e themelimit të organizatës ‘Djemtë e Bashkuar Anëtarë të Idealeve Komuniste’, e cila në terminologjinë historike të Shqipërisë ka hyrë me emrin “DEBATIK”! Ishte një organizatë për fëmijët e adoleshentët e krijuar gjatë Luftës së Dytë Botërore, nën kujdesin e Partisë Komuniste të Shqipërisë.

DEBATIK u themelua më 10 shkurt 1942 nga një grup fëmijësh të moshave nga 10-14 vjeç të cilët u grumbulluan tek kodra e Saukut dhe krijuan Organizatën e tyre. Betimi i tyre para flamurit ishte solemn dhe lidhën besën për luftë kundër armikut dhe bashkëpunëtorëve të tij, pushtuesve fashist italian. Organizonin këto gjërat e vogla, në ndohmë të luftës!

U bë dhe një film për themelimin e kësaj organizate fëmijësh e adoleshentësh për të evidentuar rolin e kontributin e tyre në ndihmë të luftës për çlirimin e vendit! Ka qënë për shumë e shumë vite, madje vijon dhe sot, idhulli i kalamajve personazhi i filmit “Debatiku”, Coli i vogël, thirrja për të teksa vritet në një aksion, u kthye në legjendë, një nga filmat shqiptarë më të realizuar në fakt, në Shqipëri! Që asokohe, në literaturën e kohës, thuhej se “Coli’ frymëzoi shumë fëmijë e të rinj për të ecur në rrugën e kalamajve që ndihmuan luftën!

Përzgjedhja nga Berisha e datës 10 shkurt, në përvjetorin e 84 të themelimit të “Debatikut”, për të organizuar protestën e radhës, ‘revolucionin’ e radhës që do të rrëzojë Ramën dhe do të sjellë qeverinë teknike, mbetet vërtetë i pashpjegueshëm! Për më tepër lidhja me ‘Colin’ e vogël, pasi Berisha është në ‘metrat e fundit’, për shkak të moshës!

Kanë nisur të japin shumë shpjegime për këtë përzgjedhje të Berishës! Disa thonë se i ka mbetur në memorje kjo gjë, për shkak se ka mbajtur për 27 vite, deri në shkurt 1991, teseren e PPSH, dhe i është fiksuar në memorie kontributi i fëmijëve gjatë luftës dhe Coli i vogël, idhulli i kalamajve të asaj kohe, roli kryesor në filmin “Debatik’! Disa të tjerë i qëndrojnë mendimit se Berisha është frymëzuar nga fëmija pjesëmarrës në protestën e fundit para kryeministrisë, ky fëmijë ishte nga zona e Bregut të Lumit, i cili u ndalua nga policia dhe u lirua pasi erdhi familja për ta marrë nën kujdes! Ka të tjerë që thonë se Berisha kërkon të mobilizojë demokratët përmes rikthimit në memorien e shqiptarëve të kësaj dite të rëndësishme për Shqipërinë, kur gjatë luftës u mobilizuan dhe fëmijët në funksion të çlirimit të vendit! Ndoshta e mendon verten si “Coli’ i vogël, pasi dhe mosha e bën të vetën!

Duke qënë se Berisha në realitetin e tij paralel është në ‘luftë’ me të gjithë, për të rrëzuar Ramën po me ‘kryengritje paqësore’, pasi me votë e ka povuar për 13 vite me radhë dhe jo vetëm që nuk erdhi në pushtet, por PD bie nga 250-300 mijë vota në çdo palë zgjedhje, mendon se duke bërë ‘kryengritjen’ ditën e “Debatik’ të arrijë të sjellë qeverinë teknike, të marrë gjysmën e kësaj qeverie qyl dhe të shkojë sa të shkojë! Mjafton ta quaje ‘rikthim’ për herë të tretë, qoftë dhe nën hyqmin e PS, nëse Rama vë ‘dorën’ në zemër, por që janë të pamundura gjasat që të ndodhë! Pasi lumi nuk kalon dy herë në të njejtat brigje!

Për realitetin e tij paralel, nuk e ka keq! Por është e pamundur të realizohet, pasi mazhoranca ka në rastin më të keq 83 mandate e në rastin më të mirë 86 mandate në Kuvendin me 140 deputetë! E mbi të gjitha, kjo mazhorancë ka përballë një Berishë ‘non grata’ në SHBA dhe Britani që nuk i shkel asnjë ambasador në derën e selisë së PD, një Berishë nën hetimin e SPAK e mbi të gjitha në një pleqëri të thellë, ku pavarësisht se bën si “Coli’ i vogël i “Debatik’, koha politike për të ka përfunduar. Madje ka përfunduar me kohë e vakt, ndërkohë që PD e ka të garantuar qëndrimin në opozitë, sa kohë që “Coli’ 82 vjeçar të jetë në krye të kësaj partie dhe opozitës!

Nga Jakin Marena

Publiku shqiptar është përballur këto ditë me dy ngjarje të forta, të cilat kanë lidhje me drejtësinë, trajtimin e saj nga ana e shtetit shqiptar, por që kohët e fundit kanë shkaktuar debat publik!

Bëhet fjalë për kërkesën e shoqatës së gjyqtarëve, të cilët kanë kërkuar rritje astronomike të pagës së tyre mujore! Një kërkesë e tillë ka sjellë reagimin e kryeministrit Edi Rama, i cili e ka cilësuar një përpjekje për t’iu imponuar qeverisë, e cila përcakton buxhetin për pagat, përpjekje kjo përmes vendimeve të gjyqësorit, që për të është e papranueshme!

Për më tepër që kreu i qeverisë shqiptare e ka cilësuar këtë kërkesë si absurde, ndërsa është shprehur se gjyqtarët nuk kanë qënë në lartësinë e ligjit për kryerjen e punës së tyre, aq shumë e ndërlidhur dhe me integrimin e Shqipërisë në BE.

Madje Rama ka pyetur këtë shoqatë, nëse “për shqelmimin e vazhdueshëm si askund në Europë të prezumimit të pafajësisë e kthimin e arresteve me burg pa gjyq në një praktikë rutinë, e cila e ka njollosur Shqipërinë botërisht, duke na renditur si dele të zezë në bisht të kontinentit europian dhe kthyer në subjekt publik shqetësimi të Komitetit të Këshillit të Europës për Parandalimin e Torturës, a keni ndonjë gjë për të deklaruar?!”

Kjo ka sjellë një përplasje të fortë, duke përfshirë në debat jo vetëm publikun dhe opozitën, por edhe shoqatën e prokurorëve, të cilët janë vënë në mbështetje të gjyqtarëve që kërkojnë paga astronomike, në kundërshtim me skemën e rrogave në Shqipëri, duke përmbysur tërë piramidën e pagave e duke dalë madje dhe mbi Presidentin e Republikës!

Në perceptimin tonë, gjyqtarët dhe prokurorët janë të mirëpaguar, konform nivelit të pagave në Shqipëri! Madje sistemi i drejtësisë ka dalë dhe mbi sektorë të tillë si shëndetësia, arsimi, policia, këto të fundit për hir të së vërtetës, në vendet e rajonit por dhe në vendet e BE ku po kërkojmë të integrohemi, qëndrojnë në ‘majën’ e piramidës së më të paguarve për shkak të rëndësisë që kanë për jetën e qytetarëve! Sepse janë në shërbim të qytetarëve ‘non stop’ për jetën, ecurinë për të tashmen dhe të ardhmen e tyre!
Ndërkohë që prokurorët e gjykatësit, ndonëse kanë trajtim të jashtëzakonshëm në paga, madje dhe mbi takatin e buxhetit të shtetit në Shqipëri, një sforcim financiar ky për të arritur të bëhet drejtësi në këtë vend, deri më tani ende nuk kemi parë të ketë ndonjë ndryshim madhor në dhënien e drejtësisë!

E themi këtë, pasi mbushja e burgjeve me të paraburgosur të akuzuar për vepra të ndryshme penale, nuk është drejtësi e bërë deri më tani! Janë thjeshtë masa drastike, që më tepër kanë prodhuar lajme e ‘telenovela’ nëpër mediat shqiptare se sa drejtësi, problem ky që ka shqetësuar edhe zyrtarët e lartë të BE-së si dhe Këshillin e Evopës për shkeljen e të drejtave të njeriut të Shqipëri! Ka raporte për këtë, por dhe vendime të Gjykatës së Strasburgut për këto shqetësime!

Duke u rikthyer tek fillimi, pra kërkesa e gjyqtarëve për rritjen e pagave, ajo që mund të themi është se kryeministri Rama ka të drejtë në kundërshtinë e tij. E themi këtë, sepse jo se mungon dëshira për të rritur pagat, çdo qeveri ka dëshirë të rrisë pagat për të gjithë qytetarët e saj, por sepse precedenti i krijuar nga kjo mënyrë rritje pagash është shumë më i rrezikshëm se sa shuma që mund të dalë nga arka e shtetit. Nëse trupa gjyqësore arrin që të vendosë vetë rrogat e veta përmes vendimeve gjyqësore, të cilit nivel gjyqësor qoftë ky vendim, atëherë bie parimi i ndarjes së pushteteve. Drejtësia kalon konturet e pavarësisë, duke u kthyer në një shtet brenda shtetit!

Pra, ndarja e pushteteve pushon së ekzistuari. Sepse arrihet në precedentin tepër të rrezikshëm ku gjykata bëhet njëkohësisht edhe palë dhe arbitër. Kjo asesi nuk mund të quhet dhe as nuk është pavarësi gjyqësori, por është një konflikt i hapur dhe i pastër interesi, që kthehet në sistem apo ‘institucion’. Duke shërbyer më pas si precedent, që do t’i hapte derën kujtdo, që në mënyrë të pavarur mund të godasë pagën në gjykatë dhe të marrë në mënyrë të pavarur një copë vendimi në dorë për ta pasur si bazë për pagën! Ndërsa qeveria, Parlamenti dhe institucionet e tjera që përcaktojnë pagën, ekziston rreziku real që të kthehen në spektatorë apo apendiks të drejtësisë, e cila me vendimet e saj cakton pagat e veta, si një strukturë jashtë orbitës së shtetit!

Praktikisht, në asnjë demokraci sado e thjeshtë qoftë apo funksionale, politika e pagave nuk caktohet nga gjykatat, por caktohet nga parlamenti, sepse parlamenti mban përgjegjësinë për buxhetin. Dhe në fund të herës, kush përpiqet ta anashkalojë këtë rrugë, nuk po mbron drejtësinë, por po minon rendin kushtetues.
Ndërkohë që, në betejën për paga, drejtësia jonë e re rrezikon rëndë që të harrojë një detyrim më të madh, për të cilin është ngritur dhe për të cilin paguhet rëndë madje, atë ndaj Shqipërisë si shtet ligjor. Ka një moment në ecurinë e çdo shteti kur duhet të zgjedhë, nëse institucionet e tij janë shërbëtorë të ligjit apo shoqata të privilegjeve. Ajo që mund të themi është se Shqipëria po i afrohet rrezikshëm këtij momenti të fundëm, që mund të shkatërrojë tërë ngrehinën e besimit të shqiptarëve tek drejtësia e re. Sikurse ndodhi në Rumani e Kroaci!

Nuk po hyjnë më tej në faktin se kush është kupola drejtuese e kësaj shoqate gjyqtarësh, të cilët janë të shquar për goditje vetëm majtas, në spektrin e politikës shqiptare! Pasi kjo shoqatë e gjyqtarëve që janë vënë kundër qeverisë drejtohet nga një grup gjykatësish që në karrierën e tyre të shkurtër, kanë dënuar vetëm drejtues të qeverisë qendrore e lokale aktuale. Në vetëm 5 vitet e fundit, ata kanë dënuar me burg nga Erion Veliaj, te Arben Ahmetaj, Lefter Koka e Vangjush Dako. Ndërsa kanë të pandehur shumë deputetë, ish ministra, zv.kryeministër dhe ministra e kryetarë të bashkie të majte. Ndërsa, i vetmi person të cilit ata i kanë lehtësuar masën, është dhëndri i Berishës, Jamarbër Malltezi. Duke përfshirë dhe vetë Sali Berishën brenda, që e nxorën nga arresti shtëpiak, në atë detyrim paraqitje si dhe i zvarrisin me ‘kilometra’ dosjet, nën hetim! Emrat i keni në google, nëse dikush është i interesuar për t’i ditur!

Ndërkohë që një problem tjetër ka nisur të dalë në sipërfaqe, ku në krye të ‘axhendës’ së kërkesave të pjestarëve të drejtësisë së re qëndron kërkesa për shtimin e truprojeve për mbrojtjen e jetës së prokurorëve të posaçëm ose jo dhe familjarëve të tyre! Është një e drejtë që buron nga ligji, por dhe nga puna e tyre, që në parim mendohet se gjendet nën kërcënim!

Kështu disa prokurorëve të SPAK u janë shtuar masat e sigurisë pa asnjë shpjegim publik për arsyet e rrezikut që u kanoset. Pasi duhet një shpjegim konkret, pasi ajo që na duket si shumë problematike është mënyra se si po trajtohet çështja e sigurisë së prokurorëve, pra. rritja e masave të sigurisë për të gjithë ata që hetojnë krimin e organizuar e korrupsionin e lartë, që në pamje të parë është tepër e justifikueshme. Pasi po përballen me elementë të inkriminuar!

Por ka një lëmsh në mënyrë se si po përcillen në publik, kërkesa për rritjen e mbrojtjes, koha dhe momenti kur po kërkohet kjo rritje truprojash dhe pashpjegueshmëria, pse po kërkohet një shtim i tillë drastik i masave të sigurisë!

Po marrim rastin më të fundit! Një nga prokurorët e posaçëm për të cilët është shtuar mbrojtja është edhe Dritan Prençi, i cili trajton çështjen e hetimit ndaj zv.kryeministres, Balluku, një mënyrë reale për të përcjellë perceptimin në publik sikur prokurorët e SPAK po ‘këputen’ rëndë duke hetuar numrin dy të qeverisë, duke formatuar 16 mijë faqe të dosjes ndaj saj dhe mbi të gjitha duke përballuar, sipas tij, ‘presionin’ e zv.kryeministres! Është një shërbim imazhi i pajustifikueshëm për prokurorët tanë, të cilët për hir të së vërtetës s’kanë pasur ankesa konkrete për kërcënime, ndryshe do t’i kishin bërë publike!

Për më tepër që Shqipëria, edhe për shkak të hapjes së të gjithë kapitujve të negociatave me BE për integrimin në Union, edhe për shkak se SPAK quhet ‘pjellë’ e Uashingtonit e Brukselit dhe vetëm paratë paguan qeveria shqiptare për të, pra për të gjitha këto, Shqipëria është një vend që monitorohet deri në detajet më të imta nga partnerët tanë BE dhe SHBA, s’ka pothuajse asnjë shans real që një ministre në detyrë të ketë kërcënuar drejtpërdrejt një prokuror. Jemi vend aspirant për në BE dhe jo vend me demokraci të rrezikuar që të kërcënojë ministri, një prokuror! Nëse është kërcënuar. ta bëjë publike, t’i fusë dhe një akuzë me fakte kuptohet, për kërcënim për shkak të detyrës, dhe ta rëndojë juridikisht autorin e kërcënimit deri në themel!

E themi këtë sepse, kur shtohen masat e sigurisë pa asnjë lloj sqarimi zyrtar, në popull por dhe në qarqet ndërkombëtare krijohet një situatë e rëndë e një mesazh i nënkuptuar, sikur rreziku për këta prokurorë vjen zyrtarisht nga pushteti e shteti, dhe pse kjo deri më tani s’na rezulton të jetë e vërtetë, por ama rrezikon të dëmtojë në këtë mënyrë imazhin e Shqipërisë, në këtë moment negociatash! Pasi, një vend që po punon fort për integrimin në BE por dhe kërkon krijimin e një klime të favorshme për thithjen e investimeve serioze të partnerëve tanë të mëdhenj, nuk mund të paraqitet në publik dhe arenën ndërkombëtare, me probleme të tilla ku prokurorët kanë nevojë për mbrojtje nga politika e zyrtarët e lartë të shtetit. Pra që janë nën kërcënim nga shteti!

Qofshim të gabuar, por përpjekja që në krye të herës nga ana e prokurorëve të SPAK për të paraqitur veten si të ngërthyer në një luftë për jetë a vdekje me qeverinë, tregon se është pjesë e përpjekjes për të krijuar një imazh të rremë e të rrejshëm, se janë nën kërcënimin me jetë të politikës! Duket sikur një kompani mirëfilli imazhi po punon fort në këtë drejtim, për krjimin e këtyre perceptimeve aspak të vërteta, për të prodhuar lajme e mbajtur me këtë ‘ushqim’ mediat e për më tepër publikun e etur për ‘telenovela’ dhe teori konspiracioni!

E themi këtë pasi dhe në momentin e fundëm të prezantimit të kreut të ri të SPAK, më shumë se sa platforma e tij, dihej se Braho do të pasonte Dumanin, bëri lajm nxjerrja nga çanta e shishes personale të ujit, gotës plastike për t’i vënë në tryezë si dhe mënyrës ceremoniale të këtyre veprimeve.E bëri në mënyrë aq ceremoniale e të përpiktë këtë veprim, duke shfrytëzuar audiencën brenda dhe jashtë vendit, kujtojmë se ishin disa ambasadorë prezentë, sa u duk si një veprim ‘protokollar’ tepër i studiuar për bërë “PR’, dhe për të tërhequr vëmendjen që në krye të herës se këta prokurorë punojnë në kushte ekstreme rreziku, aq sa dhe një gotë plastike uji, larg qoftë do t’i helmonte! Dikujt ndoshta iu duk dhe gallatë, por dëmi ishte tmerrësisht serioz!

Ishte një aktrim i gjallë, me e pakta që mund të themi për këtë veprim dhe për veprime të tjera! Pavarësisht se një pjesë e këtyre prokurorëvë, më të shumtit shkojnë nëpër stadiume lirshëm, marrin pjesë në dreka e darka si gjithë të tjerët me miqtë dhe të afërmit e tyre pa prishur terezinë! Madje dhe hanë groshë me terezi nëpër këto lokale periferie me njerëzit e afërt të tyre, pa i parë askush kuptohet se duhet të tregohen trendi në sytë e publikut, pavarësisht se me groshë janë rritur, traditë kjo nga vendet nga vijnë! Dhe mirë bëjnë, madje t’i shtojnë vaktet e konsumuara!

Ndërsa një pjesë e prokurorëve kërkojnë masa të shtuara sigurie kur kanë në dorë dosje të zyrtarëve socialistë, ata prokurorë që janë vënë nën kërcënimet me libër shpie nga ana e Berishës pasi po hetojnë dosjet e tij dhe familjarëve të tij, nuk kanë kërkuar masa të shtuara! Përfshirë këtu dhe Altin Dumani, i cili si kryetar ka qënë ‘shoqërues’ prokurorësh për shumë dosje! Nuk dimë, nëse nuk e konsiderojnë Berishën, e quajnë të parrezikshëm apo është ndonjë element tjetër që nuk ‘frikësohen’ prej tij! Se Berisha ka dhënë prova në fund të herës se është një çikë si i rrezikshëm! Apo i bijmë këtyre socialistëve që janë të butë! Nuk e kemi kuptuar se përse Dumani, pasi iku nga posti i kryetarit të SPAK kërkoi shtim truprojash!

Për më tepër që Shqipëria nuk ka prodhuar mafiozë, pavarësisht se për t’i dhënë forcë lajmit themi se u kap ky apo ai mafioz, kërcënoi ky apo ai mafioz.

Shqipëria ka banda keqbërësish, hajdutësh, trafikantësh, batakçinjsh, që vetëm mburren por janë minorë krahasuar me mafizët ‘institucionalë’ me papion në Itali e gjetkë! Madje këta ‘çerrat’ tanë, nuk kanë as kod nderi, pasi punojnë për të gjitha palët, ngacmoijnë gratë e njëri tjetrit! Këtë e thonë përgjimet e zbardhura nga agjencitë e huaja sëpaku! S’kemi atë lloj mafie që mund të ekzekutojë gjyqtarë, siç ka ndodhur në Itali me ekzekutimin e gjyqtarëve Giovanni Falcone e Paolo Borsellino. Që për hir të së vërtetës ishin gjyqtarë jo prokurorë! Dhe te ne u vra në sallën e gjyqit fatkeqësishtr një prokuror, thjeshtë e vetëm për mungesë sigurie!

Dhe drejtësia në Shqipëri, prokurorë e gjyqtarë nuk janë si ata të anti-mafias italiane, pavarësisht se me këto kërkesat për shtim truprojash, kërkojnë të bëjnë si ata, t’i imitojnë ata, duke ecur rëndë si ata, për të shkuar deri dhe në stadium deri te dera me truproja, çka nëse do të ishin nën kërcënim real do të kishin qënë kërcënim për tifozët e kombëtares sonë apo ekipeve të superligës! Shqiptarët e kanë treguar se vdesin që të duken një çikë si ‘sherifë’, me shumë truproja, veshje luksoze dhe duke imituar homologët e tyre të famshëm! Që nga shtetarët e deri tek këta çerrat e drejtësisë, gjyqtarë e prokurorë! Një ‘sindomë’ që ka kapur dhe kandidatin për kryeministër në ekzil Pilinçin, i cili si punë të parë në ‘turin’ e tij për t’u bërë kryeministër mori dy makina shoqërime plot me truproja. Për t’u dukur një çikë si shtetar i madh, me shumë rëndësi që i rrezikohet dhe jeta madje! Në një nivel janë shqiptarët, me plus minuset për secilin!

Ne nuk kemi as mafie e mafiozë dhe as drejtësi të niveleve të larta deri më tani, thjeshtë kemi disa karagjozë që duan të duken, dhe përmes truprojave e elementëve të tjerë të rremë! Është e udhës që institucionet përkatëse të vendosin një kornizë me të vërtetë ligjore, për t’i dhënë fund këtyre përpjekjeve që jo vetëm po dëmtojnë drejtësinë, por dhe po na marrin erzin në sytë e aleatëve tanë, SHBA e BE. E mbi të gjitha na dëmtojnë imazhin në rrugën e integrimit në BE!

Nga Jakin Marena

Ftesa e presidentit amerikan Donald Trump për kreun e qeverisë shqiptare Edi Rama, për të qënë pjesë e Bordit të Paqes të themeluar prej tij, jo vetëm që ka destabilizuar kreun demokrat Sali Berishën por ka dekurajuar rëndë PD-në si dhe tërë opozitën shqiptare!

Ndonëse Rama mungoi me ‘lejen’ e vetë Trump në hedhjen e firmës në Davos, për të bërë mikpritësin për vajzën e preferuar të presidentit amerikan, Ivanka Trump, publikimi këtë javë në adresën zyrtare të Trump të postimit për ‘Bordin e Paqes’, përmes të cilit presidenti amerikan shprehet se “mirëpret Shqipërinë si anëtare themeluese të organizatës sonë ndërkombëtare në rritje”, ndërsa grafika shoqëruese përmban simbole shtetërore dhe flamurin shqiptar, me sa duket i ka dhënë fund teorive konspirative me të cilat Berisha, bashkëpunëtorët e panelistët e tij, mbajnë me gajret PD e opozitën se, Edi Rama është në ‘kilometrin e fundit’ të largimit të tij nga pushteti, me ndihmën e SHBA-ve!

Aq më tepër që kreu i PD, duke qënë se e njeh mirë ‘lojën’ diplomatike, e di si dreqi se Rama, maksimumi në fillim të pranverës, do të jetë në Shtëpinë e Bardhë ku në prezencë të presidentit Trump do të firmosë zyrtarisht pjesëmarrjen në ‘Bordin e Paqes’, si përfaqësues i Shqipërisë, madje teksa ka marrë edhe votat e deputetëve të PD e të opozitës në Kuvendin e Shqipërisë, si dhe është pajisur me autorizimin e Presidentit, për të firmosur në emër të vendit tonë!

Duke shtuar këtu dhe vizitën e suksesshme të Ramës në Izrael, pritja e veçantë që iu bë kreut të qeverisë shqiptare nga ana e homologut të tij Netanyahu, aq më tepër me fjalimin historik të tij në parlamentin izraelit, janë të rrallë ata që mbajnë fjalën në Knesset dhe i fundit ishte presidenti amerikan Trump, tregon qartë se kredecialet diplomatike të Edi Ramës me udhëheqësit më të rëndësishëm botërorë, pra me dominuesit e ‘shahut politik’ në botë, janë tepër të larta!

Teksa Berisha dhe të tijtë ishin nën trysninë e këtyre zhvillimeve politike, aspak ngushëlluese për PD dhe opozitën, si dhe faktit që deklaratat e forta të Berishës dhe mbështetësve të tij në protestën e 24 janarit para kryeministrisë se “Rama është në kilometrin e fundit politik’ nuk po merren aspak seriozisht nga askush, madje po përcillen me ironi, Berisha zgjodhi që të lëvizë me urgjencë jashtë vendit!

Si gjithnjë kur është ngushtë e s’ka çfarë të thotë para mbështetësve të tij!
Vizita këtë radhë e Berishës në Strasburg, si anëtar zëvendësues në delegacionin e parlamentit shqiptar pranë Asamblesë Parlamentare të Këshillit të Evropës, na kujton kohën studentore, teksa për mungesë financash në atë kohë të vështirë kur komunizmi po jepte shpirt dhe mungesat ishin gjithandej, shfrytëzohej në mensën studentore vetëm një ‘latë’ për t’u ushqyer dy vetë! Pra shfrytëzohej vetëm bursa e njërit student, nëse kishe fatin të kishe të afërm me bursë shteti!

Kështu dhe Berisha, në vizitën e tij të fundit në Strasburg! Ai ka shkuar privatisht, pasi zyrtarisht PD përfaqësohej edhe këtë herë, si zakonisht, nga deputetja Albana Vokshi. Urdhëri i firmosur nga kryeparlamentari Niko Peleshi, tregonte qartë se pjesë e delegacionit shqiptar janë vetëm kryetarja e delegacionit Olta Xhaçka, anëtaret Ogerta Manastirliu, Iris Luarasi e Albana Vokshi, si dhe sekretari i delegacionit dhe stafi mbështetës teknik. Atyre u paguhen shpenzimet!

Por Berisha udhëtoi me Vokshin privatisht si ‘paketë’, mori pjesë në disa takime po privatisht, herë duke zëvendësuar deputeten e tij dhe herë duke u vërtitur korridoreve, nën filmimin e Vokshit, një histori kjo që po na rikthen shumë mbrapsht në kohë, në përpjekjet e politikanëve shqiptarë në shekullin e kaluar, për t’i zënë pritë ndonjë zyurtari të lartë të huaj, sa për një foto, që ta paraqiste për konsum të brendshëm politik në Shqipëri!

Berisha, për fatin e tij të keq, por dhe për fatin e mirë të shqiptarëve dhe të Shqipërisë, jo vetëm që nuk mbajti asnjë fjalim zyrtar për të derdhur lumin e akuzave ndaj vendit të vet, në atë procesin e nxirjes së Shqipërisë para botës duke e paraqitur si një ‘narkoshtet’, një akuzë e tërthortë dhe ndaj SHBA, BE dhe Britanisë sipas të cilës vendet demokratike po mbështesin të akuzuarin e madh të tij, Edi Ramën si ‘kryeministrin e narkoshtetit’, por nuk arriti të takojë gjatë tre ditësve asnjë zyrtar sado minor në Strasburg me të cilin të bënte një foto! Kanë nisur t’i ikin me vrap Berishës! Madje dhe ta poshtërojnë, kur nuk arrijnë ta shmangin me të mirë!

Për herë të parë në këto ‘inkursionet’ private të Berishës në Strasburg, ai nuk ka arritur të kapë për të mbajur fjalim para tij kundër Ramës, asnjë eurodeputet, qoftë dhe të Partive Popullore Evropiane, ku PD bën pjesë si anëtare vëzhguese. Duke ia ndërprerë dhe kufizuar lumin e akuzave dhe nxirjes së Shqipërisë në sytë e botës vetëm koridoreve, tashmë që vërtetë Shqipëria është në metrat e fundit të anëtarësimit në Bashkimin Europian! E thonë vetë në BE këtë!

Madje Berisha, është lejuar të flasë vetëm dy minuta në Strasburg, ndonëse koha e parashikuar për ndërhyrjet e folësve është zakonisht më shumë 3 minuta. Ndërprerja erdhi pasi Berisha doli nga tema e debatit dhe e zhvendosi fjalën drejt akuzave politike për situatën në Shqipëri. Kreu i PD si gjithnjë, e cilësoi situatën në Shqipëri si “krizë zgjedhore”, duke vënë në dyshim lirinë e zgjedhjeve dhe duke i përshkruar ato si “farsë”. Ai akuzoi ‘shtetin-parti’ e ‘narkoshtetin’ për deformimin e procesit zgjedhor, duke pretenduar se krimi dhe droga kthehen në vota, të cilat më pas shndërrohen në favore politike e ekonomike e përdoren për të bllokuar drejtësinë.

Berisha në vijim përmendi drejtpërdrejt kryeministrin Rama, duke e akuzuar atë se ka penguar veprimet e prokurorisë lidhur me masat ndaj zv.kryeministres, si edhe duke e përfshirë në akuza që lidhen me çështje të tjera institucionale. Por pikërisht në këtë moment ‘ekstaze’ të Berishës, Presidentja e Asamblesë Parlamentare të Këshillit të Europës, i ndërpreu fjalën dhe ia kaloi diskutimin folësit pasardhës, duke vënë në dukje se Berisha kishte dalë nga tema e parashikuar e debatit.

“Faleminderit shumë. Mikrofoni gjithashtu është i fikur, nuk ka më përkthim. Faleminderit shumë. Para se të kalojmë te zoti Laszlo Veche, sepse ai kishte një listë tjetër, por tani mund ta marrë dhe ai është gati. Ju lutem, e keni fjalën”, është shprehur drejtuesja e seancës në Asamblenë e KiE. Teksa i ndërpreu fjalën kreut të, PD Berisha, i cili gjithsesi vijoi të ngrejë zërin e të flasë pa mikrofon, sië është mësuar në Shqipëri, me Vokshin në krah, të cilës i lexohej tronditja në fytyrë! Dhe vetëm kur drejtuesja e seancës pa në cepin e sallës nga forcat e sigurisë, që kërkonin një tundje koke për të ndërhyrë, Berisha ndaloi së mfoluri dhe u tërhoq! Në fakt ishte poshtërim për Berishën, dhe për hir të së vërtetës ne në ato ndërhyrje dhe prerje fjalë pamë tragjedinë e PD, e cila është peng nën kthetrat e këtij të moshuari, i cili ka veëndosur ta marrë me vete në amëshim partinë më të madhe opozitare!

Por Berisha nuk ndalet në realitetin e tij paralel! As ndërprerja e fjalës në Strasburg nuk e ka penguar që ndërhyrjen e tij ta përdorë për konsum të brendshëm politik. Kjo shpjegon dhe faktin se pamjet që Berisha i transmetonte nga holli i takimit në Asamblenë e KiE, filmoheshin nga Albana Vokshi, për të treguar se e kishin lënë të fliste në takimin e brendshëm. Pa menduar se ndërprerja poshtëruese e fjalës së Berishës në KiE do të ‘pushtonte’ mediat shqiptare!

Por ndërprerja e fjalës në Strasburg tregon se Berishës përfundimisht ia kanë hequr ‘vizën’ edhe europarlamentarët e PPE, aleatët e djathtë të PD që dominojnë Asamblenë Parlamentare të KiE, që e kanë mbështetur këtë parti në mënyrë të vazhdueshme! Duke treguar qartë se vetë ai, si kryetar i PD dhe opozitës, nuk është në ‘kilometrat e fundit’ por është në ‘metrat e fundit’ të karrierës së tij politike, si faktor relevant politik në Shqipëri! Faktor në luftën për vendin e dytë në ‘rang-listën’ e partive politike në Shqipëri, të kuptohemi, përballë Shehajt, Lapajt e Qorit, pa përjashtuar Lul Bashën! Pasi vendin e parë, atë të mundësisë së marrjes në dorë të qeverisjes së vendit përmes fitores në zgjedhje e ka qarë me kohë dhe vakt, pa asnjë shpresë për të ardhmen, sa kohë që në krye të PD të jetë ai, i rikthyeri nga pensionimi politik, vetë Sali Berisha!

Për këtë dramë janë bindur dhe vetë demokratët, të cilët nuk besojnë tek Berisha as për këto skenaret e ardhjes së ‘delta-forcës’ amerikane me helikopterë për të rrëmbyer Ramën në Surrel e për ta burgosur në SHBA, as në këto teoritë e ‘ringjalljes’ së çështjes “McGonigal’, ku jo vetëm që janë mbyllur hetimet në Amerikë, por është dhënë me kohë e vakt dënimi për ish zyrtarin e FBI për mosdeklarimin e 223 mijë dollarëve të marrë borxh nga miku dhe kolegu i tij shqiptaro-amerikan nga Tropoja (janë një qime … këto para, edhe sikur t’ia kishin falur miqtë e tij të FBI jo t’ia kishin dhënë borxh, krahasuar me lobimin miliona dollarësh të Berishës në Uashington për një vizë dhe heqjen e ‘non gratës’, para të shkuara dëm këto), dhe ku Edi Rama nuk ekziston në asnjë cep të dosjes si person nën hetim nga drejtësia amerikane! Nën ‘hetim’ është vetëm në mendjen e Berishës, të mbështetësve të tij, përfshirë dhe Gaz Bardhin brenda!

Ndërkohë që Berisha në Shqipëri ka lënë demokratët të dëshpëruar dhe të dekurajuar rëndë, nga pamundësia për të qënë një alternativë për të ardhur në pushtet, as pas mandatit të katërt rresht të qeverisjes nga PS dhe Edi Rama! Nuk po shohin Ramën në ‘kilometrin e fundit’. Përkundrazi po shohin Berishën dhe PD në ‘metrat e fundit’, si një parti e udhëhequr nga lider që vetëm ‘firo’ në vota shënon nga zgjedhjet në zgjedhje! Duke mos arritur dot as në nivelin e drejtimit të Bashës, të cilin Berisha e rrëzoi nga drejtimi i demokratëve, pasi Luli tentoi të bënte si kryetar i PD! ‘Preku’ aty ku Berisha nuk mban fare, në pronësinë e PD, pronën e Berishajve mbi këtë parti!
Berisha dhe opozita kështu do të vazhdojnë! Duke kapur ‘kauzat’ e çastit, duke evidentuar të gjitha lëvizjet nëpër botë, nga Bangladeshi e Nepali, te Beogradi, Venezuela e vendet afrikane, duke gëzuar për këto protesta masive dhe duke krijuar përçasje përmes realitetit të tij paralel me situatën në Shqipëri, ‘kilometrin e fundit’ të Ramës dhe fantazi të tjera të këtij lloji! Thjeshtë e vetëm për të shtyrë kohën, për të kapur prillin e rizgjedhjes në krye të PD, me votat ‘teknikisht të pastra’ të anëtarësisë së ‘filtruar’ nga kupola mbështetëse në listat e anëtarësisë së PD! Për të mundur Salianjin me një fjalë, ky është qëllimi i jetës i Berishës. Siç bëri me Bashën!

Prandaj themi se ftesa e Trump për Ramën si pjesë e Bordit të Paqes, takimet e kryeministrit shqiptar me vajzën e tij të preferuar Ivanka e dhëndrin Jared Kushner, këshilltarin më të afërt të tij për krizat më të rënda në glob, që nga Rusi-Ukrainë e Lindjen e Mesme e deri në Groenlandë e Venezuelë, vizita e suksesshme e Ramës në Izrael dhe ajo e pritshmja në Shtëpinë e Bardhë, e kanë destabilizuar rëndë Berishën dhe opozitën, tashmë në ‘metrat e fundit’! Prandaj themi që në PD ka një dekurajim të fortë, ka një dramë që vijon dhe thellohet nga dita në ditë!

Nga Jakin Marena

Në radhët e Partisë Demokratike e të opozitës shqiptare, por dhe këtyre të ‘informuarve’ të mëdhenj të paneleve tona televizive për të gjitha ngjarjet që ndodhin në tokën shqiptare dhe në çdo cep të globit e që cilët paralajmërojnë gjithçka, ka rënë një heshtje aspak e mirë!

Teksa Berisha, krerët e partive të vogla opozitare, që të gjitha bashkë arrijnë të kenë vetëm 54 deputetë në Parlamentin prej 140 vendesh, si dhe mediat dhe panelistët afër tyre ishin me sytë nga qielli dhe me ‘lugë në brez’ për të parë zbarkimin e madh të helikopterëve me komandot amerikane në majë të Surrelit për të ‘rrëmbyer’ kryeministrin Edi Rama e për ta dërguar për gjykim përtej Atlantikut, nga kryeqendra e botës demokratike, Uashington ka ardhur një lajm aspak i pritur që ka zhgënjyer të gjithë këtë kontigjent ‘ndërrimtarësh’ të ‘zbarkimit aleat në Shqipëri’!

Vetë presidenti amerikan, Donald Trump ka dërguar ftesë personale për kryeministrin shqiptar Edi Rama, për t’u bërë pjesë e Bordit të Paqes, një strukturë e cila do të qeverisë Rripin e Gazës pas përfundimit të luftës. Pra, Rama jo vetëm që nuk është përmbysur ‘si Manduro’, siç ishin bërë gati këtu në Tiranë kjo pakicë pa vota dhe mbështetje, por gradohet ‘ministër’ në kabinetin “Trump’, i përzgjedhur personalisht nga presidenti amerikan!

Këtë lajm e ka shpërndarë vetë kreu i qeverisë shqiptare, i cili ka nënvizuar se Shqipëria do të ketë statusin e anëtarit themelues të kësaj organizate të kryesuar nga vetë presidenti i SHBA, ndërsa shpreh nderimin e madh që po i bëhet atij dhe vendit me këtë propozim të Trump.

“Shumë i nderuar nga ftesa personale e Presidentit Trump, për ta përfaqësuar Shqipërinë në Bordin e Paqes, një organizatë e re ndërkombëtare e ideuar prej tij, ku Shqipëria ftohet si anëtar themelues, duke ngjitur kështu ndërkombëtarisht një tjetër majë krejt të paimagjinueshme vetëm deri pak vite më parë.

Nuk mund të jem dot më krenar për Shqipërinë, për gjithçka kemi bërë në këto vite duke e kthyer në një Shqipëri tjetër, të denjitetshme e të respektuar botërisht si asnjëherë, e padiskutim edhe për nivelin ku e kemi ngritur marrëdhënien e partneritetit tonë strategjik me Shtetet e Bashkuara të Amerikës, duke u ftuar me një respekt e vlerësim krejt të posaçëm nga Presidenti Donald J. Trump, për t’u bërë pjesë e një bordi ndërkombëtar të krijuar e kryesuar prej atij vetë dhe për të punuar së bashku me të”, shkruan Rama në rrjetin social, duke e ndarë këtë lajm shqiptarë, teksa ka evidentuar vlerësimin që i është bërë Shqipërisë

Praktikisht Shqipëria ka një përfaqësues në qeverinë kalimtare ‘Trump’ në Gaza. Me parametrat e një qeverie kalimtare apo siç kemi dëshirë ne shqiptarët t’i quajmë qeverisje të tilla, qeveri ‘teknike’, me vetë presidentin amerikan Trump në krye, Bordi Ekzekutiv themelues do të mbikëqyrë punën e një komiteti teknokratësh të ngarkuar me qeverisjen e përkohshme të Gazës dhe rindërtimin e saj. Ku çdo anëtar i bordit ekzekutiv pritet të ketë përgjegjësinë e një portofoli që do të jetë “thelbësor për stabilizimin e Gazës”, megjithëse ende nuk është e qartë se kush do të mbulojë dhe cilat prioritete do të mbulojë. Por me sa duket vetë përzgjedhja e anëtarëve të bordit ekzekutiv të kryesuar nga Trump, pjesë e të cilit është dhe kryeministri shqiptar Edi Rama, është bërë sipas prioriteteve të caktuara për t’u mbuluar nga secili anëtar, i cili praktikisht është si një ministër i qeverisë kalimtare “Trump’ për Gazën!

Dhe përgjegjësia është akoma më e madhe, pasi Bordi i Paqes është konceptuar jo vetëm si një mjet rindërtimi dhe mirëadministrimi, por edhe si pjesë e një procesi paqeje më të gjerë për Rripin e Gazës që përfshin armëpushim, çarmatimin e milicive dhe një tranzicion drejt një qeverie teknokratike paqësore.

E themi këtë pasi anëtarë të Bordit Ekzekutiv themelues janë figura potenciale nga bota demokratike, duke filluar me ish-kryeministri britanik Sir Tony Blair, i cili ishte përmendur prej kohësh si një kandidat i mundshëm për “Bordin e Paqes” të Trumpit, vetë presidenti amerikan e kishte konfirmuar që në shtator se Blair kishte shprehur interes për t’u bashkuar me këtë organ.

Ndërkohë që spikat si pjesë e bordit ekzekutiv për Gazën të kryesuar nga Trump, sekretari Amerikan i Shtetit, Marco Rubio, një figurë qendrore në qasjen e administratës Trump ndaj politikës së jashtme. Është në bord, i dërguari special i SHBA-së për Lindjen e Mesme, Steve Witkoff, por dhe Jared Kushner, dhëndri i presidentit amerikan, i cili ka luajtur gjithashtu një rol të rëndësishëm në negociatat e politikës së jashtme të administratës Trump.

Nën drejtimin e Trump, bordi do të ketë anëtar dhe miliarderin Marc Rowan, drejtues ekzekutiv i ‘Apollo Global Management’, një firmë e madhe investimesh private me seli në Nju Jork, Ajay Banga, president i Bankës Botërore, Robert Gabriel, këshilltar amerikan për sigurinë kombëtare, Nickolay Mladenov, politikan bullgar dhe ish-i dërguar i OKB-së për Lindjen e Mesme, që do të jetë përfaqësuesi i bordit në terren në Gaza.

Madje Mladenov do të mbikëqyrë një komitet të veçantë teknokratësh palestinezë me 15 anëtarë, Komitetin Kombëtar për Administrimin e Gazës (NCAG), i ngarkuar me menaxhimin e qeverisjes së përditshme të Gazës pas luftës, i cili do të drejtohet nga Ali Shaath, ish-zv.ministër në Autoritetin Palestinez, i cili qeveris pjesë të Bregut Perëndimor të pushtuar që nuk janë nën kontrollin izraelit.

Duke parë në bord të tillë të përbërë nga figura tepër të rëndësishme botërore, mes të cilëve dhe kreu i diplomacisë amerikane Rubio dhe mbi të gjitha të kryesuar nga vetë presidenti amerikan, thirrja e kryeministrit Edi Rama personalisht nga ana e presidentit Donald Trump për të qënë pjesë e kësaj ‘qeverie kalimtare’ për Gazën të kryesuar prej tij, është një vlerësim jo vetëm për vetë Ramën, por mbi të gjitha për Shqipërinë, si një partner serioz në rajonin e Ballkanit e më gjërë dhe si një pikë kontakti dhe qendër e të gjithë rajonit tonë!

Me këtë thirrje në kabinetin “Trump’ për Gazën të Edi Ramës, besojmë se do të marrin fund dhe ‘telenovelat’ shqiptare me ‘zbarkim aleatësh’ në Surrel për të marrë kryeministrin shqiptar dhe dërguar për gjykim në SHBA, apo teoritë e tjera konspirative të këtyre ‘baba Vangave’ shqiptare, që sa herë dalin nëpër panelet televizive bëjnë ndonjë ‘zbulim’ të madh, duke u shprehur të sigurtë për të, dhe duke paralajmëruar për gjithçka, madje duke thënë se është çështje ditësh!

Presidenti amerikan Donald Trump nuk thërret në bordin ekzekutiv të kryesuar prej vetë atij, për të qeverisur Gazën, për momentin ‘basti’ më i madh i tij në rrugën drejt çmimit “Nobel për Paqen”, kryeministrin e një narkoshteti sikurse cilëson Berisha dhe kundërshtarët politikë në Shqipëri, shtuar dhe këta çerrat e vegjël që duan të shiten sikur bëjnë politikë, Edi Ramën! Ka kaluar nëpër shumë ‘filtra’ përzgjedhja e tij, deri në momentin e ftesës personale për të qënë pjesë e bordit për qeverisjen e Gazës. Pra në ‘kabinetin ‘Trump’ për qeverisjen e Gazës! Pikërisht nëpë ato ‘filtra’ që kaluan dhe Berishën, me të vetmin ndryshim që Berishën e shpallën dhe akoma po e lënë ‘non grata’! Ka ‘mëkatë’ të mëdha Berisha, sidomos në raport me amerikanët!

Dhe më i ‘zhgënjyeri’ nga Trump ka mbetur vetë Berisha me sa duket. I cili ndonëse pagoi 6 milionë dollarë për të hequr ‘non gratën’, deri më tani ka rezultuar para e shkuar dëm! Madje nuk mori asnjë vizë punë në shtetin e Nju Jorkut apo ndonjë vizë turistike! Pa përjashtuar 1.7 milionë dollarët e dhëna po nga Berisha për LaCivitën, vetëm për të bërë dy tre deklarata të vobekta dhe dy tre dale të tjera televizive duke shtrënguar duart me Berishën apo duke iu përgjigjur batutave të Ramës gjatë fushatës, batuta me “Latifë’ këto!

Jo vetëm që janë para të shkuara dëm por i janë kthyer dhe në bumerang Berishës këto para të derdhura për lobim në SHBA. Këto miliona dollarë të paguara për lobime në Amerikë kanë nisur të hetohen! Si nga SPAK në Shqipëri ashtu dhe nga FBI në SHBA! Pasi elektricisti tropojan, jo vetëm që nuk paguan dot 6 milionë dollarë, as në ëndërr nuk i ka parë kaq para, por nuk ka as bord e anëtarë bordi! Këtë e thotë dhe fatura e bërë publike, që tregon se 750 mijë dollarët e këstit të radhës të lobimit 6 milionë dollarësh janë paguar nga vetë PD. Me faturë, me firmë dhe vulë! Ndonëse nuk janë deklaruar as në KQZ si shpenzime, por kjo është histori më vete! Besojmë se SPAK do të hetojë dhe këto fatura apo të presë letërporosinë nga SHBA!

Nga Jakin Marena

Kreu i PD Sali Berisha organizoi javën e shkuar një tryezë ku kishte ftuar përfaqësues të partive opozitare, përfaqësues të shoqërisë civile por dhe përfaqësues të disa mediave!

Në këtë tryezë refuzuan të marrin pjesë krerët e partive të reja politike që kanë nga një ose dy deputetë në Kuvend, përkatësisht kreu i partisë “Mundësia” Agron Shehaj, kreu i lëvizjes “Bashkë” Arlind Qori dhe ai i “Shqipëria Bëhet” Adriatik Lapaj! Arsyet e këtij refuzimi ishin të ndryshme, por kishin një pikë të përbashkët, atë që nuk marrin pjesë në një tryezë të organizuar nga Berisha, i cili nuk frymëzon dhe sipas tyre është një nga shkaqet kryesore të rrënimit të aksionit opozitar!

Ndërkohë që në këtë tryezë zinin vend në panelin kryesor figura të tilla si kreu konservator Kujtim Gjuzi, ai i pensionistëve Selami Jenisheri dhe krerë të tjerë të partive të vogla opozitare, të cilat për hir të së vërtetës janë bërë virale më shumë me ‘meme’ sesa me rezultate, pasi nuk kanë vota nën administrim në çdo palë zgjedhje, parlamentare ose vendore qofshin!

Temë kryesore e këtij takimi ishte situata politike në vend, situata ndërkombëtare që cilësohet sipas lidershipit demokrat si shumë e favorshme për opozitën në qëllimin e saj për të kapur ndonjë copë pushteti përmes ndonjë qeverie teknike të cilën e dëshirojnë shumë. Por edhe formatimi i një koalicioni opozitar për protestën e radhës të PD që do të zhvillohet më 24 janar përballë kryeministrisë për të kërkuar largimin e Ramës dhe të PS nga pushteti dhe ‘bashkimin’ e forcave me socialistët për një qeveri teknike, 1 apo 2 vjeçare në rastin më të mirë!

Me një fjalë, Berisha, duke parë se nuk e mund dot Ramën me votë dhe nuk merr pushtet që nga viti 2013, duke humbur në masën 100 përqind të gjitha betejat elektorale përballë PS, kërkon që nëse me votë PD nuk hyn dot kurrë nga ‘dera’ në pushtet, të hyjë të paktën nga ‘dritarja’ përmes një qeverie teknike, që Berisha dhe të tijtë mendojnë se ka ardhur koha për t’u realizuar dhe pse janë pa vota por ama nxitoijnë tëjenë gati të ‘armatosur’ me ‘lugë në brez’ për të ‘qeverisur’ vendin përmes një ‘qeverie teknike’.

Pavarësisht se me 86 vota, s’ka asnjë gjasë që mazhoranca të lëshojë pe dhe të thërrasë PD-në në bashkëqeverisje teknike!
Se si shkuan punimet e kësaj tryeze dihet tashmë dhe janë objekt i mediave që nga ato më seriozet e deri tek ato të humorit, për shkak të aktorëve pjesëmarrës, temës së diskutuar në takim, që nuk kishte asnjë lidhje me realitetin duke ‘notuar’ rëndshëm në botën paraleletë Berishës, i cili ndonëse ka përballë një Edi Ramë që zotëron bashkë me aleatin PSD, plot 86 mandate, të mjaftueshme për të bërë çdo ndryshim me shumicë të cilësuar, pa pasur asnjë nevojë për votat e opozitës, e cila ‘laj thaj’, sëbashku mezi arrin në 54 mandate, këmbëngul për ‘qeveri teknike’!

Pati dhe incidente ‘traumatike’ për koalicionin opozitar, si ajo e adhnimit të Jenisherit, aleatit të qendrueshëm të Berishës, i cili akuzoi organizatorët e tryezës se iu mohua e drejta e fjalës, apo ‘rebelimi’ i panelit kundër Berishës se nuk po krijon kushtet për mendimin e lirë dhe por pengohet hapa e rrugës për të rinjtë në PD, çka solli më pas një përballje ‘homerike’ mes numrit një të këshillimit të Berishës me një nga përfaqësuesit e pavarur që e kërkoi një gjë të tillë, e që për shkak të ‘moskuptimit’ mes tyre, fjala e fundit u tha e para e anasjelltas, dhe tashmë janë bërë burim lajmesh virale në rrjetet sociale! Që paralajmëron se një ‘sagë’ e tillë fyerjesh dhe akuzash do të vazhdojë akoma më shumë!
Preludi i kësaj tryeze, ishte bashkimi i forcave dhe

sheshimi i mosmarrëveshjeve, për të dalë në një protestë mbarëkombëtare sëbashku më 24 janar të këtij viti, kundër qeverisë së socialistëve. Me premtimin për të rrëzuar Edi Ramën! Por duke parë se janë paralajmëruar dhe disa protesta të tjera të opozitarëve që refuzuan këtë tryezën e Berishës por dhe pjesëmarrjen në protestën e PD më 24 janar, atëherë i bie që Berisha ta ‘rrëzojë’ Edi Ramën, nëse nuk e ‘rrëzojnë’ më parë, Lapaj, Qori apo Shehaj! Edhe ata janë betuar për rrëzimin e Ramës nga pushteti! Madje Lapaj beson aq shumë, sa i vetëm në protestë ka vendosur ‘shishen’ para kryeministrisë, dhe pret ditë e natë pa lëvizur prej aty, që Edi Rama të rrëzohet vetë nga pushteti. Edhe të tjerët të bindur janë, por janë renditur pas Lapajt, në ‘radhën’ për të qeverisur!

Tryeza e Berishës me përfaqësuesit e partive opozitare, duke filluar nga Jenisheri dhe përfunduar tek Gjuzi, përfshirë dhe përfaqësues të shoqërisë civile, kishte si temë kryesore bashkimin opozitar, për të larguar Ramën nga pushteti! Në deklaratat e bëra nga Berisha në tryezë, kishte dhe koncesione të tilla për aleatët, si ai i diskutimit të reformës zgjedhore dhe asaj elektorale bashkë me ta, pavarësisht se deri më tani kreu i PD kurrë nuk i kanë pyetur në fund të herës apo dhe për faktin se Berisha ka deklaruar se me Ramën kryeministër nuk merr pjesë në këto dy reforma të rëndësishme!

Pra që në krye të herës, tryeza më shumë se sa për bashkimin opozitar, shërbente për show dhe për interesa të brendshme të Berishës, në përpjekjen e tij për të qënë i qetë në krye të PD dhe për pasojë në krye të opozitës shqiptare! Pra partia numër 2 në vend, pas PS. Përjetësisht me sa duket, sepse po shohim se Berishës nuk i ka dalë keq qëndrimi në krye të opozitës! Nuk i ka dalë keq si financiarisht ashtu dhe në përballjen me drejtësinë në vend, pasi të kishte qënë ndonjë politikan tjetër, me këto akuza që ka në kurriz, me kohë e vakt do t’a kishte marrë ‘erën’ e burgut, dhe do të kishte ndërruar kostumin e shtatë të burgut deri më tani!

Dhe kur themi se tryeza me partitë opozitare ishte thjeshtë dhe vetëm për nevojat e Berishës dhe konsum brenda PD, kemi parasysh situatën e rëndë nëpër të cilën po kalon aktualisht kjo parti, që prej dëbimit të Bashës nga posti i kryetarit e nga PD dhe gjatë tërë drejtimit të Sali Berishës, i rikthyer nga pensionimi politik në krye të pronës së tij, Partisë Demokratike!

Teksa protestat e opozitës së drejtuar nga Berisha janë ku thërret qameti, parë nga pjesëmarrja e vakët dhe mungesa e entuziasmit që mund të karakterizojë një parti politike që ka qëndruar 12 vite në opozitë e që i ka të garantuara 16 vite të plota jashtë pushtetit, e ku as ‘penicilinat’ e ngjarjeve në Venezuelë apo vende të tjera që promovon Berisha si një mundësi për rrëzimin e kundërshtarit politik Edi Rama, po vihet re një lëvizje e re jashtë lidershipit aktual të PD!

Ish deputeti dhe anëtari i kryesisë Ervin Salianji, ka nisur një lëvizje brenda partisë, me qëllimin e vetëm për të ringjallur PD dhe ringritjen e saj në nivelin e një partie opozitare që të pretendojë pushtetin! Të paktën kështu deklaron deri më tani Salianji!

Për hir të së vërtetës në të gjitha takimet e Salianjit me demokratët e ‘padëgjuar’, të cilat janë quajtur “Foltore’ si karshillëk ndaj foltores së Berishës çdo të hënë pasdite para kryeministrisë, kanë mbledhur shumëfish më shumë pjesëmarrës demokratë, sidomos të rinj, krahasuar me ato të kreut të PD.

Të cilët tashmë nuk kalojnë të 50 vetët, dhe që këtë të hënë ishin në zgrip, aq sa dhe vetë kreu i PD qëndroi para kryeministrisë vetëm 10 minuta dhe u largua!
Pavarësisht kësaj mbështetjeje nga anëtarësia e PD që është demonstruar gjatë “Foltoreve’ të Salianjit, kjo nuk e ka ndaluar Berishën dhe lidershipin e PD që ta sulmojnë ish deputetin që bëri burg për partinë, duke e cilësuar si shërbëtor të Ramës dhe mbështetës i axhendës së tij kundër opozitës, duke deklaruar se Salianji është vetëpërjashtuar nga kryesia e PD dhe si anëtar, sepse po takohet me demokratët pa leje dhe jashtë forumeve, në takime që quhen nga kupola e partisë më të madhe opozitare si takime private!
Madje nuk mungohet që zyrtarisht të bëhet thirrje ndaj strukturave e degëve të PD nëpër rrethe ku Salianji planifikon takimin e tij, që të refuzojnë pjesëmarrjen në “Foltoren” private sipas tyre të ish deputetit demokrat!

Me sa duket ky apel ka bërë efektin e kundërt, duke shërbyer si një shtytje shtesë për rritjen akoma më shumë të pjesëmarrjes në takimet e ish deputetit demokrat, si ka thelluar akoma më tej përçarjen brenda PD, e cila dhe pa këtë ‘traumën’ e fundit, është në pikën më të ulët të mbështetjes popullore, që nga themelimi i saj në vitin 1990!

Tashmë janë të gjithë kundër të gjithëve në PD, e cila është në prag të konflikteve të tjera të reja e të vjetra, sidomos pas përfshirjes në hetimin e pasurisë së Berishës dhe të shpenzimeve për Kuvendin e “Rithemelimit”, teksa janë thirrur nga SPAK Belind Këlliçi dhe sekretari i PD për Diasporën Indrit Hoxha, bazuar në një kallëzim penal të Gazment Bardhit, ish sekretari i përgjithsëm i PD në kohën e Bashës, aktualisht kryetar i grupit parlamentar po të PD, por që drejtohet nga Berisha! Përplasja është e garantuar tashmë!

Por teksa shohim këto konflikte dhe ndarje brenda PD, duke evidentuar edhe faktin e Salianji po grumbullon mbështetës shumëfish nga Berisha, tryeza e partive të opozitës të organizuar nga Berisha, me pjesëmarrjen që nga Jenisheri e deri tek Kujtim Gjuzi, me shumicë kryetarësh pa anëtarësi dhe elektorat, tingëllon ironike ideja e bashkimit opozitar për të rrëzuar Ramën! I bie ‘të prishësh shtëpi e të ndërtosh kasolle’, me një fjalë, pasi po dëbon nga PD në opozitë zyrtarë që kanë sakrifikuar për partinë dhe mbi të gjitha ata që mbledhin vota, po afron krerë partish që nuk kanë asnjë lloj mbështetje! E treguar dhe e vertetuar në çdo palë zgjedhje!

Pavarësisht se Berisha e di si dreqi se ‘vetëpërjashtimi’ i Salianjit i heq shumë vota PD-së, ndonëse edhe vetë Salianji deklaron se mbetet i vendosur për të mos ikur nga PD, madje bën apele për pjesëmarrje të fortë në protestën e opozitës më 24 janar, kreu demokrat Berisha po tregon si gjithnjë se nuk dëshiron asnjë mendim ndryshe në partinë që drejton. Madje nuk dëshiron askënd, edhe pse mbledh vota më shumë se ata që ka afër! Dhe pikërisht për këtë arsye, largimet nga PD tenton t’i kompensojnë me përfshirjen e krerëve të partive opozitare, që vetëm emrin kanë! Në emër të bashkimit i bën këto tryeza dhe ftesa për partitë opozitare, ndërkohë që largon një nga një njerëzit që janë rritur në PD, vetëm pse nuk kanë të njejtin mendim për të!

Prandaj Berisha, sa të jetë në krye të PD ia ka garantuar opozitës qëndrimin në opozitë! Madje për këtë qëllim jeton Berisha me sa duket, teksa për mbajtur veten me gajret deklaron se do të rrëzojë Ramën më 24 janar dhe do të bëjë qeverinë teknike, fill pas protestës dy orëshe para kryeministrisë. Në ‘rokadë’ me Lapajn dhe të tjerët, dhe ata në kërkim të postit të kryeministrit, duke pritur që Rama të rrëzoheët vetë! “Qyl’ me një fjalë, pa kokërr vote! Të shohim si do të justifikojnë mosrrëzimin e Ramës, pas protestave të paralajmëruara!

Nga Jakin Marena

Situata në PD është shumë e rëndë, sidomos pas votimit të Endri Shabanit për Avokat të Popullit, një propozim ky neto me 35 firmat e deputetëve të PD dhe të opozitës!

Pavarësisht se tensionet në partinë më të madhe opozitare u ngritën pas daljes së Salianjit në një ‘Foltore’ paralele me atë të Berishës, në takimin me më të votuarit e primareve dhe të zgjedhjeve e fundit parlamentare, ishte hedhja e firmave që solli votimin e e Shabanit si Avokat të Popullit, ajo që i vuri kapakun përplasjes brenda PD dhe krisjes së fortë të radhës brenda saj!

Pavarësisht se të gjithë deputetët firmatarë pro Shabanit kërkuan ndjesë publike, pavarësisht se vetë Berisha tentoi ta zhvendosë në kohë procesin e hedhjes së firmave me qëllimin e vetëm, të faturimit të këtij gabimi të pafalshëm politik kohës në të cilën kishte ndodhur, me justifikimin se u firmos për emrin e tij për shkak të mbështetjes që Shabani i kishte dhënë kandidatit të pavarur Florian Binaj për bashkinë e Tiranës, paçka se zgjedhjet në Tiranë u anuluan që me 3 nëntor ndërsa firmat u hodhën më 2 dhjetor, grupimet brenda PD nuk u qetësuan! Përkundrazi, përplasja u zhvendos më tej, jo vetëm në terren por dhe në kryesinë e PD, me tone akoma më të larta!

Salianji, por dhe një nga mbështetësit e fortë të Berishës, dhjetoristi Bislim Ahmetaj, kërkuan në mbledhjen e kryesisë së PD vendosjen përpara përgjegjësisë të Sekretarit të Përgjithshëm të kësaj partie, Flamur Noka si dhe kreut të grupit parlamentar të PD Gaz Bardhi, si urdhërdhënës për firmosjen pro kandidaturës së Endri Shabanit si Avokat i Popullit dhe keqmenaxhimin e kësaj situate, të cilësuar me shumë kosto për opozitën në tërësi!

Madje në mënyrë të drejtëpërdrejtë është kërkuar Flamur Nokës që të japë dorëheqjen, si përgjegjësi kryesor i shkatërrimit të PD, ndërkohë që për Bardhin ka akuza se e ka përshtjelluar grupin parlamentar në atë farë feje sa nuk merret vesh çfarë ndodh dhe çfarë bëjnë në të vërtetë, ku vihet re me sy të lirë se s’ka asnjë asnjë koordinim për aksionin opozitar në Kuvend!

Nënkryeytari i PD, Gjekmarkaj ofroi dorëheqjen si nënkryetar i PD dhe i Kuvendit, ndërkohë që Noka reagoi fort duke u përfshirë në debat verbal e publik me Salianjin, përmes akuzave se po përçante PD, se ka bashkëpunuar me krimin përmes Suel Çelës, akuzë kjo e rikthyer menjëherë nga Salianji në drejtim të Nokës, si dhe akuza të tjera për shërbim ndaj Ramës të demokratëve më të votuar! Duke ia nxjerrë ‘të palarat’ njëri tjetrit për bashkëpunimin me njerëzit e krimit!

Këtyre akuzave iu bashkua dhe Berisha, teksa akuzoi jo vetëm Salianjin por dhe Kadiun, fituesin e primarëve në Tiranë, se nuk janë përfshirë në fushatën e PD, duke marrë menjëherë reagimin e tyre se po bëhen akuza të pavërteta! E reja në këtë rast ishte përfshirja këtë radhë e Berishës në mënyrë të drejtëpërdrejtë në debatet me strukturat e bazës dhe anëtarët e kryesisë, pasi më parë këtë ‘punë të pistë’ ai ua kishte lënë mbështetësve e ithtarëve të tij, duke filluar që nga Noka e përfunduar tek Vokshi! Për të goditur ‘armiqtë’ dhe ‘tradhëtarët’! Këtë radhë jo!

Aq rëndë është situata në PD, sa jo vetëm që kanë shkëmbyer akuza dhe kundërakuza mes tyre si dhe kanë deklaruar vijimin e foltoreve paralele në bazë, por në këtë valë debatesh janë përfshirë dhe persona me ndikim në PD, që për hir të së vërtetës gjenden shumë afër dhe brenda familjes Berisha! Të cilët nuk kanë kursyer as Flamur Nokën, teksa janë shprehur se numrat dy të PD ka qenë gjithmonë intelektualisht afër Berishës, ku përmendet Arben Imami, Neritan Ceka, Bamir Topi, Ridvan Bode dhe Jozefina Topalli, ndërkohë që numri dy aktual i PD-së, duke iu referuar Flamur Nokës, është shumë larg intelektualisht kryetarit Berisha.

Për më tepër që njerëzit që janë shumë afër familjes së Berishës kanë nënvizuar faktin se kreu i PD s’është më ai i pari, është zbutur shumë duke u përpjekur të justifikojë firmat për Shabanin, teksa kanë hedhur akuza të rënda se opozita po humbet moralin, të vetmen gjë që ka në dorë kur nuk është në pushtet.

Madje nënvizojnë se Berishën ata nuk e mbështetën për të marrë drejtimin e partisë, si pajtues fëmijësh politikë në PD, por si lider i fortë që vendos parimin edhe kur politikisht nuk i shkon për shtat si parti. Duke akuzuar fort zërat ndryshe në PD, teksa i kujtojnë liderit demokrat se nuk mund të tallen fëmijët e llastuar të ekraneve të kundërshtarit politik, me thelbin e të bërit politikë dhe se nuk mundet partia më e madhe e opozitës të mos nxjerrë kandidat të saj, se ‘s’duan dy tre palaço të Ramës që dalin në media si opozita e opozitës’. Sipas njerëzve të afërt të familjes Berisha, ‘t’i qëndrosh presionit të padrejtë të SHBA e të përkulesh para presionit të Shabanit e Shehajt, vetëm një PD pa lidership politik mund ta bëjë.

Berisha duhet të sillet si Berisha, bash për këtë u mbështet. Kthehuni tek parimet e lërini negociatat me Flamura e Oerda. Opozita të vetmin pushtet ka moralin, asgjë tjetër. Po e falët edhe këtë, ulni qepenin e mos gënjeni më njerëzit. Po luajtët me taktikat e Ramës, fiton Rama, se ka nën kontroll gjithçka”. Janë fjalë të rënda këto, pasi deklarohen nga brenda familjes Berisha!

Dhe këtyre akuzave i janë shtuar dhe akuza nga ish deputetë e mbështetës të fortë të Berishës, mes të cilëve Edmond Spaho, i cili shprehet se opozita po sillet si një ‘pulë pa kokë’, aludim i hapur se Berisha nuk e ka situatën nën kontroll dhe vartësit e tij po veprojnë sipas kokës së tyre pa koordinim e mbi të gjitha pa pyetur liderin e PD. Pra mesazhi nga të gjitha anët është i qartë: Berishën po e ‘vozisin’ dhe më shqip, por e përdorin shumë keq njerëzit brenda PD për qëllimet e tyre duke i bërë qejfin, e jo sipas formatit që kërkon të sillet një lider politik si Berisha!

Për hir të së vërtetës Berisha nuk është zbutur aspak! Ai me shpirt i përjashton të gjithë ata që i kanë dalë kundër brenda partisë, jo vetëm nga strukturat drejtuese, por përfundimisht e pa kthim edhe nga PD, për të qënë njëherë e mirë rehat me këtë punë! Dhe kjo mundësi nuk përjashtohet duke parë presionin e madh që ka brenda familjes madje, jo vetëm nga baza e partisë, e cila ka shtuar në ‘listën’ e shkarkimeve, edhe emrat e nënkryetarëve dhe të sekretarit të përgjithshëm të PD!

Por Berisha ka dy arësye që nuk po ‘nxitohet’ në këtë drejtim! Pengesa e parë është fakti se një përjashtim i ri do të ‘fironte’ dhe 260 mijë vota ta tjera në zgjedhjet e ardhshme! E themi këtë sepse goditja ndaj Bashës dhe grupit të tij kohë më parë, ndonëse pjesa më e madhe me në krye Bardhin e Salianjin u rikthyen te Berisha pas marrjes së vulës dhe logos së partisë me vendim gjykate, dha një kosto prej 260 mijë votash minus për PD në zgjedhjet e 11 majit, krahasuar me ato të 4 viteve më parë kur opozita drejtohej nga Basha! Ndarja e rrënoi më shpejt PD-në, për ta katandisur në kufijtë e mbijetesës si forcë politike, pasi pushtetin e ka qarë me kohë dhe me vakt dhe për këtë janë të bindur që nga baza deri tek kupola blu. Me Berishën në krye, kurrë nuk vijnë në pushtet! Për këtë janë të bindur të gjithë, por nuk kanë çfarë të bëjnë!

Por arsyeja më e fortë që e pengon Berishën të veprojë me dorë të hekurt, është se ai tashmë është plakur! Për efekt të moshës, është mbi 81 vjeç, Berisha nuk mund të kontrollojë të gjitha lëvizjet në PD, rrymat dhe orekset brenda kësaj partie, dhe për këtë arsye, me sa duket ai mbështetet gjithnjë e më shumë tek ato që i servirin njerëzit që ka më afër në parti! Kryesisht nënkryetarët dhe sekretari i përgjithshëm. Jo pak herë Berisha është zënë ‘mat’ ose duke folur me frazeologjinë e Nokës ose teksa ka shpenzuar kohë e fuqi duke mbrojtur Nokën në takimet e bazës e në kryesi! Siç bëri dhe në rastin e justifikimit të deputetëve të PD për firmat e hedhura për Shabanin, madje duke rrezikuar shumë teksa ka mashtruar për datën e firmosjes dhe arsyen përse firmosën! Duke këmbëngulur se nuk ka pasur asnjë urdhër nga numri dy i PD për firmat! Por dhe është luhatur mes qëndrimeve të Bardhit e të eksponentëve të tjerë të kësaj partie. Ndoshta është ndikuar dhe në mënyrë të pavatedishme, pasi s’ka asgjë për të dhënë vetë!

Më se njëherë Berisha ka treguar se është i pasigurtë në sjelljen e tij politike, jo vetëm për shkak të gafave që ka bërë në deklarimet publike, jo vetem për shkak të ngatërrimit me ose pa dashje të kohëve e ngjarjeve, vendndodhjes së tyre si pasojë e demencës së moshës së thyer e pleqërisë së thellë që e ka kapur, por dhe pse ai po shfaqet gjithnjë e më shumë në publik si një politikan i thyer e pa asnjë shpresë, si një politikan i shterruar e për më tepër i udhëzuar shumë keq! Aq sa përfshihet vetë nëpër polemika nën nivelin e një lideri, ‘punë të pista’ që dikur ua kishte lënë të tjerëve! Pa përjashtuar këtu qasjen e njejtë ndaj opozitarizmit, njëlloj si në vitin 1990, pavarësisht se tashmë jemi 35 vite pas, në kohën e internetit, dhe askush nuk dëgjon versione të vjetëruara të të bërit opolitikë! Aq më tepër këta të rinjtë që nuk pyesin fare! Dhe s’mashtrohen për më tepër!

Pikërisht kjo ka tërhequr me sa duket dhe vëmendjen e familjarëve të tij, që përmes njerëzve që kanë afër kanë hedhur mesazhet se Berisha është zbutur dhe nuk po vepron me dorë të fortë por sipas tekave apo e thënë më thjeshtë vepron me mendtë e njerëzve brenda PD, që nuk shquhen fort për mendje të ndritura! Madje dhe i kanë anatemuar ata me emra. Apo siç e thotë sërish njeriu afër familjes Berisha, në një mesazh të tij se “ajo parti (PD) ka nevojë më shumë se kurrë t’ju drejtohet universiteteve, po ju hapën dyert, e të ikë nga idiotët e padobishëm dhe kalamajtë e pazareve të vogla. Po nuk e bëri dot këtë Sali Berisha, me ty Ervin, me Mulin e formatin tuaj do të kthehet si partia e Tomës”!

Prandaj familjarët e Berishës mesa duket kërkojnë dorë të hekurt në qëndrimet politike, për të mos i pyetur as “idiotët e padobishëm dhe as kalamajtë e llastuar në PD”, pra as ata që janë nën nivelin zyrtar të inteligjencës apo intelektualizmit! Po kujt ia kërkojnë, themi ne! Berisha është vërtetë i plakur, i lodhur e madje shumë i lodhur dhe e ka të vështirë t’i ‘thithë’ këto mesazhe e ta menaxhojë më siç duhet veten, prandaj po mbetet ende nën ‘vozitjen’ e njerëzve afër tij në PD!

Më e udhës do të ishte që ta mblidhnin në shtëpi, dhe njëri nga fëmijët, meqë PD është pronë e ‘hipotekuar’ e Berishajve dhe pikërisht për këtë arsye lufta nuk po bëhet për 1-shin e partisë por 2-shin e saj, të merrte zyrtarisht drejtimin e kësaj partie! Për t’ua prerë po zyrtarisht edhe atë fiksimin atyre që, sipas po këtyre familjarëve, ‘në mëngjes dalin para pasqyrës dhe e shohin veten pasues të Berishës’! Më mirë vonë se kurrë! Do të shpëtonin të paktën ‘erzin’ e kreut aktual të PD e familjarit të tyre, i cili nuk po rinohet më, por po plaket më shumë  çdo ditë e orë, e për pasojë më të mëdha do të jenë gafat, që do të nxjerrë nga goja dhe që do t’i prezantojë si opozitarizëm! Fundja pa Berishën kryetar ndryshohen më kollaj dhe sekretari i përgjithshëm dhe nënkryetarët e PD! E akoma më lehtë ‘idiotët e kalamajtë e llastuar’ në PD. Sikurse etiketohen!

The post Berisha s’është zbutur, është plakur! Pse u shqetësuan familjarët?! first appeared on JavaNews.al.

Nga Jakin Marena

Në Partinë Demokratike situata nuk është aq e mirë me aq sa paraqitet, por s’ka ndonjë ndryshim të madh me aq sa duket! Dhe kjo konstatohet me sy fare të lirë dhe pa ndonjë mundim të madh!

Partia më e madhe opozitare momentalisht është në habitatin e vet! Po ecën në të njejtën ‘korsi’ në të cilën ka ecur në këto 12 vite të qëndrimit të saj në mënyrë solide në opozitë, duke kaluar të njejtat etapa, pa asnjë ndryshim, sa herë që ka humbur zgjedhjet parlamentare dhe ato vendore përballë socialistëve të udhëhequr nga Edi Rama!

“Stacionet’ nëpër të cilët’ kalon PD janë ‘precize’. Fillon me një fushatë me akuza të forta deri në të pabesueshme që i shkatërrojnë përqëndrimin edhe demokratit më të vendosur për të votuar opozitën, vijon me ditën e zgjedhjeve dhe paralajmërimet se fitorja është është e sigurtë, vota është në kuti dhe nuk bir nëne që e prek pasi i priten duart kujtdo ‘hajduti’, ‘uragani demokrat do të marrë përpara Ramën dhe qeverinë e tij” dhe qëndrime të tjera të këtij lloji!

Pastaj mbizotëron heshtja, pasi dalin dalëngadalë rezultatet, dhe në fund rifillojnë akuzat kundër qeverisë, kryeministrit Edi Rama për tjetërsim vote, farsë elektorale dhe përmendin indikacione nga administrata, drogërat e forta deri në kartele mafioze, njerëzit e krimit dhe kështu me radhë, jo për të kundërshtuar realisht rezultatet në çdo palë zgjedhje të humbura, por për të ‘intoksinuar’ demokratët e vet që kanë 12 vite që po u shkatërrohet ideali nga një grusht njerëzish, që u kanë uzurpuar kupolën e PD dhe nuk ka bir nëne që i shkul prej andej, e duke u garantuar humbjen jo vetëm deri më tani, por sipas gjasve duke ua premtuar paradhënie dhe për të ardhmen!

Kështu ka ndodhur sa kohë që ishte kryetar zyrtar i PD, Lulzim Basha, në prapaskenë ishte drejtues vetë Sali Berisha që luante fijet, bënte emërimet në parti, përzgjidhte kandidatët për deputetë apo kryetarë bashkie, e deri edhe merrte vendimet për aksionet politike, që nga ‘çadra’, bashkëqeverisja me Ramën më 2017, e deri te djegia e mandateve të deputetit, sulmin me molotov ndaj institucioneve dhe bojkoti i zgjedhjeve për pushtetin vendor më 2019! Kështu po ndodh dhe për zgjedhjet e humbura nga PD, me në krye Berishën, të rikthyer ngë pensioni politik pas shpalljes ‘non grata’ nga SHBA, përjashtimit që i bëri nga Basha nga grupi parlamentar i PD dhe përplasja deri në sulm fizik mbi selinë buzë Lanës, teksa mori vulën e logon e PD, si dhe përzuri ‘birin’ e tij politik nga drejtimi dhe vetë partia. Për të cilin ishte betuar se do ta bënte!

Berisha me rrëzimin dhe dëbimin e Bashës nga PD, në fakt përmbysi dhe ‘formulën’ e të gjitha partive politike , ku ‘biri vret babain’, duke e rikthyer sëprapthi tërë skemën, për ta transformuar në ‘babai ringrihet nga varri dhe vret të birin’! Eshtë treguar unikal me një fjalë!

Dhe për të mbetur tek ‘rutina’ e sjelljes së PD pas çdo palë zgjedhje të humbura përballë PS së drejtuar nga Rama, janë humbur të gjitha përballjet zgjedhore në masën 100 përqind në këto 12 vite, fillon pastaj ‘saga’ e kontestimit të rezultatit, bërjes publike të asaj që e quajnë në PD ‘farsa elektorale’, me prelud deklarimin se s’mund të zbatohet statuti që të ketë dorëheqje të kryetarit nga detyra, pasi nuk kishte zgjedhje, por votime dhe farsë elektorale! Këtë të fundit se përmban stratuti i partisë! Në fakt Berisha e ka më kollaj të thotë, ‘topi është i imi, penalltinë e gjuaj unë. Lojën e ndal kur të dua, ekipin e zgjedh unë etj”, pasi PD është një parti në pronësi të familjes Berisha, dhe nuk ka pse mundohet të justifikohet! Kaq sa është i duhet! Thjeshtë për të qënë në krye të një partie, për të pasur monopolin e opozitës dhe për ta përdorur për hallin e tij personal, përballjen me drejtësinë! I ka shërbyer deri më tani, madje i ka shijuar fort! S’i mbetet merak!

Këtë e tregon dhe përballja me ‘Grupin e të Rinjve’ në PD, të kryesuar nga Ervin Salianji dhe pak më i distancuar Ilir Alimehmeti. Salianji me atributin e ‘heroit’ që bëri burg, vetë e ka deklaruar, për PD-në, pasi u dënua me heqje lirie në të dyja shkallët e gkyqësorit për skandalin e “Babales’, ndërsa Alimehmeti me ‘as’-in e madh në xhep, atë të rezultatit tepër të lartë në listën e hapur të kandidatëve për deputetë në qarkun e Tiranës, ku vetëm për një grusht votash mbeti jashtë Kuvendit! Pasi, me gjithë përkrahjen, një çikë me hile dhe nga strukturat e PD e pak dhe nga fushata agresive e Agron Shehajt të “Mundësia’, e humbi mandatin e deputetit në finish!

Jemi bërë dëshmitarë të startimit të dy ‘foltoreve’ paralele në PD, Salianji pas ‘kafes’ së famshme me fituesit e primareve dhe atyre që dhanë rezultate të forta në zgjedhje, organizoi një takim në Durrës, ndërsa vetë Berisha ‘foltoren’ para kryeministrisë e zhvendosi nëpër rrethe! Duke hedhur në qarkullim dhe ‘qarkoren’ se duhet të fillojë analiza e zgjedhjeve të 11 majit, të nxirren përgjegjësitë, madje të analizohen dhe kandidatët për deputetë që nuk morën rezultate të larta! Njëherësh Berisha kërkoi që të gjitha rezervat për PD të paraqiten vetëm në forume, duke u kërkuar ‘rebeluesve’ që të vijnë në zyrë dhe të bisedojnë, pasi do t’i dëgjojë. “Qarkore’ që u shoqërua dhe me sulme nga të gjitha anët për ‘tradhëtarët’ që kishin ngritur krye teksa Berisha dhe PD ishin të zëna’ dhe po përballeshin me qeverinë e Ramës! Dolën nga ‘arkivat’ dhe fotot e Salianjit me shkop në dorë teksa mbronte që nga ngujimi selinë e PD nga turmat e Berishës më 8 janar, si dhe sulme të tjera të këtij lloji!

Po në ato pak replika e dobëta të bëra nga ana e Salianjit dhe Alimehmetit, në themel të tyre kishin përbetimin se e gjithë kjo lëvizje, nëse quhet lëvizje, kishte për qëllim vetëm e vetëm rivitalizimin e PD, rishikimin e qasjes opozitare e deri në riformatimin e partisë! Mëse njëherë, si Salianji ashtu dhe Alimemheti kanë garantuar se nuk ikin nga PD, nuk kanë asnjë qëllim për krijimin e ndonjë partie të re politike dhe mbi të gjitha nuk kanë ndërmend as të kandidojnë për postin e kryetarit të PD! Të paktën deri më tani nuk e kanë artikuluar këtë qëllim! Ata kanë kërkuar vetëm ‘shkundje’ të PD, pasi ndjehen të trishtuar që ka pjesëmarrje të ulët në protestat kundër Ramës apo në ‘foltoren e paradës’ para kryeministrisë, nën dritën e qirinjve natën vonë, me më pak se 200 mbështetës si pjesëmarrës!

Në krye të herës, Salianji dhe Alimehmeti kanë garantuar në deklaratat e qëndrimet e tyre se nuk aspirojnë të garojnë për kryetar të PD në prillin e vitit të ardhshëm. Deklarata këto të bëra, pasi vetë Berisha ka vënë ‘shishen’ në radhë për të qënë ai kandidat për kryetar i PD, dhe kuptohet të gjithë e dinë, se Berisha nuk u rikthye në PD pas gjithë asaj beteje me Bashën e grupin ne tij, gjysmën i ka tashmë nën hyqëm, për t’ia lënë PD-në Salianjit, apo një të ngjashmi me të! Këtë e dinë dhe vetë Salianji e Alimehmeti! Prandaj ata nxitojnë për të garantuar se s’kërkojnë ‘kokën’ e Berishës! Por nuk lënë pa përmendur mungesën e aksionit politik dhe mungesën e efikasitetit të lidershipit të nivelit të dytë, çka ka sjellë përgjumjen e PD! Pra për të ‘shkundur’ PD-në sipas tyre! Pavarësisht se gjithkush mund të pyesë se çfarë ka mbetur për t’u shkundur në PD, pasi Berisha s’ka lënë asnjë ‘kokërr fryti’ që mund të bëjë punë në ‘pemën e tharë’’ për 35 vite të kësaj partie! Ka zero fryte, janë dëbuar të gjithë dhe s’ke kujt i vë gishtin për sjelljen e një fryme të re në PD, për të marrë në dorë riorganizimin e kësaj partie!

Dhe për të qënë më konkretë, ‘Foltorja’ e Salianjit kërkon ‘kokën’ e numrit dy të PD, Flamur Noka, të kreut të grupit të PD, Gazment Bardhi dhe të kryetares së përjetshme të Gruas në PD, deputetes Albana Vokshi, për t’i ‘kryqëzuar’ si përgjegjësit kryesorë të përgjumjes së PD, të cilët duhej të sakrifikohen në emër të ‘shkundjes’ së kësaj partie, për të luftuar arrogancën e mungesën e efikasitetit në parti, për ta nxjerrë PD nga apatia dhe për të ngritur në një stad tjetër aksionin opozitar, përmes zbritjes në bazën e partisë të njerëzve që priten mirë, që nuk janë arrogantë e kanë çfarë thonë e tregojnë! Pra, kërkohet riformatim i PD, pa u prekur Berisha, por për të nxjerrë një copë vend për vete, dhe për të rindarë ‘tortën’ e ofiçeve në PD, përmes një ndarjeje të re! Deri këtu e kuptojmë lëvizjen e nisur nga Salianji, që nuk prek kreun e PD.

Për hir të së vërtetës, Berisha u shfaq i acaruar apo bëri si i acaruar për disa arsye pas daljes së “foltores’ së Salianit! Pavarësisht udhëzimeve qarkoreve të shpërndara në drejtim të strukturave të bazës, apo mesazheve në drejtim të strukturave për të bojkotuar takimet e Salianjit, si takime private me axhendë personale, mbledhjes së kryesisë së PD në të njejtën ditë me takimin e Salianjit në Durrës, shkoi vetë më terren për të ‘testuar’ situatën! Dhe për të qënë në rregull me mbushjen e sallës mbërriti në Rrëshen, ku kreu i bashkisë i përket PD dhe bashkë me të ardhurit nga Lezha e Laçi arriti ta mbushë sallën! Sa për të ‘kënaqur’ syrin dhe për t’i bërë një çikë karshillëk Salianjit e atyre që e ndjekin, ndoshta dhe me lejen e tij!

Berisha u acarua fort, megjithëse nuk e shprehu, në momentin kur njëri pas tjetrit demokratët mirditorë kritikuan me emër e mbiemër, Flamur Nokën, Albana Vokshin, dhe gjithë drejtuesit e PD në qendër, bashkë dhe me deputetët e qarkut të Lezhës se i kanë shkëputur me kohë e vakt lidhjet me elektoratin, janë arrogantë, janë të njejtat fytyra për 30 vite me radhë, kanë qënë ministra e drejtues të PD që sollën largimin nga pushtetiu më 2013. Madje kërkuan largimin e këtyre emrave, pasi sipas tyre PD nuk vjen në pushtet me këta njerëz në krye! Kritikuan dhe vetë Berishën për listën e mbyllur madje, ndërkohë që ‘Foltoren’ e tij e cilësuan ‘paradë mode’ para kryeministrisë. Me ironi të hollë, ata i kujtuan luksin e pjesëmarrësve deputetë, që tregonte ashiqare se janë më se të kamur dhe në opozitë, ndërkohë që demokratët e thjeshtë janë 12 vite jashtë pushtetit dhe me të ardhura modeste! Ia thanë hapur në Mirditë!

Nuk e dimë me tamam, nëse me këtë goditje u pajtua dhe Berisha, i cili nuk është çudi që t’i sakrifikojë Nokën, Bardhin e Vokshin, me argumentin se uljen e tyre në detyrë nuk e kërkojnë vetëm këta të “Foltores’ së Salianjit, por ia kanë kërkuar direkt vetë atyre në Kamzë, por dhe vetë Berishës në Mirditë! Ua gjen vendin Berisha besnikëve, Vokshin e nis andej nga Brukseli apo Brazili për të kryer këtë ‘rutinën’ e tij si zv.president i CDI, të ‘armatosur’ me letrat për të nxirë Shqipërinë, Nokën e mban për të bërë sherr në Kuvend, si ‘dyshin’ pa grada në PD! E ka bërë këtë punë edhe para se të bëhej ministër e më vonë, pa qënë Sekretar i Përgjithshëm i PD! Nuk është në terren të panjohur! Ndërsa për Bardhin, me sa duket ka menduar përmes ‘qarkores’ së shpërndarë për analizën e 11 majit, ku kërkon analizë për rolin e deputetëve nëpër zona dhe të drejtuesve të qarqeve! Bardhi gjithnjë ka dhënë rezultate ‘gropë’, në Elbasan më 2021 ku la pas dhe një viktime dhe sidomos në Fier në 11 majin e këtij viti! Kështu duken ‘bathët’!

Berisha është acaruar se përse i nxorën jashtë loje “Foltoren’ para kryeministrisë, e kishte marrë me shumë qejf këtë punë, në orët e vona të mbrëmjes! Pasi në Durrës Salianji mblodhi trefishin e atyre që mblidhen çdo të hënë për Berishën para kryeministrisë! Kjo s’durohet nga Berisha! Nga ana tjetër, teksa ka thënë më se njëherë që të kërkohet gjithçka në forume, Berisha me sa duket këtë e ka si ftesë të ‘koduar’ për të mbajtur me gajret rindarjen e ‘tortës’ në PD! Por që nuk e donte në këto momente, pas kërkon të duket se është i zënë me Ramën, për çështjen e numrit dy të qeverisë! Apo që ka nisur hetimi me tamam i 21 janarit 2011 me seancën e pyetjeve për të!

Nuk përjashtohet mundësia që Berisha të ‘dorovisë’ Salianjin dhe Alimehmetin me poste brenda PD. Hapin e parë e ndërmori, ndau postet parlamentare nga ato partiake! Pra bëri vend për të gjithë! E ka bërë me Bardhin këtë punë kohë më parë kur e bëri kryetar grupi të PD, dhe nuk e ka për gjë ta këmbejë atë me Luçiano Boçin si kryetar grupi! Pronë të vetën e ka PD-në Berisha, emëron Salianjin sekretar të Përgjithshëm meqë s’është deputet! Bën dhe ndonjë lëvizje tjetër për Albana Vokshin, gjen një kryetare të re të grave, pa diskutim mbështetëse të fortë të tij! Jo se Berisha ka frikë se i merr njeri drejtimin e PD, ajo çështje ka mbaruar me kohë dhe vakt! Berisha do të shkojë tek i Plotfuqishmi si kryetar i PD. Dhe atje, shkon me gjithë vulën e logo! Por ama Berisha kërkon qetësi në këto momente, nuk kërkon përplasje! Ka halle të tjera ai, nuk ka kohë as moshë, as për përplasje as për pushtet! Prandaj nuk besojmë të ketë ndonjë ‘shkundje’ në këtë parti, përsa kohë askush nuk kërkon ‘kokën’ e Berishës! Lufta bëhet për nivelet e dyta!

The post Çfarë t’i shkundësh PD, Berisha e thau, e la ‘pemë pa kokrra’! first appeared on JavaNews.al.

Nga Jakin Marena

Kur funksionojnë institucionet e drejtësisë, të cilat kanë në themel përpos hetimit e gjykimit për një vepër penale të caktuar, edhe respektimin e të drejtave të njeriut dhe jo poshtërimin njerëzor, atëherë drejtësia jep me të vërtetë drejtësi! Ndaj kujtdo qoftë! Këtë leksion drejtësie ka dhënë prokuroria e BE, me vendimin më të fundit për zyrtaren më të lartë që ka drejtuar diplomacinë në Unionin Evropian!
E themi këtë, pasi ish-përfaqësuesja e lartë e BE për politikën e jashtme, Federica Mogherini, e ndaluar më 2 dhjetor, në kuadër të një hetimi për mashtrim që përfshiu Shërbimin Evropian për Veprim të Jashtëm dhe Kolegjit të Europës, u lirua gjatë natës, rreth orës 01:00 pas mesnate.

Mogherini ka qëndruar disa orë në dhomat e paraburgimit, ndalim me sa duket vetëm sa për t’i komunikuar me qetësi akuzën, ku hetimi lidhet me postin aktual të saj, si rektore e Kolegjit të Europës. Pra është pyetur për emrin, mbiemrin, emrin e babait, ditëlindjen dhe gjëra të tjera të këtij lloji, dhe në mesnate është lënë e lirë që të shkojë në shtëpi, për ta bërë gjumin të qetë dhe për t’u përgatitur në liri që të përballojë akuzat që ajo ka në ngarkim për mashtrim, pasi Kolegji i Europës dyshohet se fitoi një garë të pandershme përballë disa universiteteve të tjera prestigjoze europiane për organizimin e Akademisë! Bashkë me të janë liruar dhe dy të ndaluarit e tjerë! Edhe ata, nuk kanë ‘buajtur’ në qelitë e paraburgimit në Belgjikë, por në shtëpitë e tyre!
Por, arrestimi të martën e kësaj jave e Frederica Mogherinit, reflektoi dhe në Shqipëri, duke krijuar ndjenja të përziera në radhët e politikës si dhe të drejtësisë së re shqiptare! Kjo e fundit, më tepër e ka ‘përtypur’ në heshtje këtë ngjarje që mori vëmendjen e evropianëve të martën!

Si gjithnjë, opozita shqiptare e drejtuar nga Sali Berisha ishte në delir për këtë arrestim! Që nga kreu i PD e deri tek ‘ushtari’ më i fundit i kësaj partie, nuk janë shumë në fakt pasi kanë ‘firuar’ goxha në këto 12 vite qëndrimi në opozitë dhe akoma më shumë pritet në të ardhmen kur të bëjnë 16 apo 20 vite jashtë pushtetit, pra të gjithë në opozitë kanë qënë në delir për këtë vendim të prokurorëve dhe gjykatësve belgë, të cilët ‘mbyllën në paraburgim komunisten Mogherini’!

E quajtën si një shpagim këtë arrestim, për tërë ‘mallkimet’ e opozitarëve shqiptarë ndaj Mogherinit, ‘mikes së Edi Ramës’, dhe nuk u përmbajtën për asnjë moment në fluksin e mesazheve përmes të cilave sulmonin ashpër dhe pa doganë ish numrin një të diplomacisë së Bashkimit Evropian, si të korruptuar, madje duke e quajtur dhe ortake të kryeministrit shqiptar! Duke i bërë atë linçimin politik që lidershipi i opozitës është mësuar të bëjë ndaj kundërshtarëve të vet politik, pavarësisht se deri më tani s’ka një vendim gjykate për Mogherinin, e për pasojë deri në këtë vendim ajo quhet e pafajshme, pavarësisht nga akuzat që ka në kurriz!

Nuk lanë gjë pa thënë dhe këto 24 orë për Mogherinin, lideri i opozitës dhe mbështetësit e tij, të cilët dukeshin sikur kishin në ‘tabelë’ për të goditur kryeministrin Edi Rama dhe qeverinë e tij, teksa përmendin edhe mbështetjen që numri dy i BE i ka dhënë në mënyrë të vazhdueshme qeverisë shqiptare dhe kreut të saj! Anipse mbështetja e ish shefes së diplomacisë së BE ka qënë vetëm e vetëm për integrimin e Shqipërisë në BE. Po ku pyet Berisha, atij nuk i intereson anëtarësimi i Shqipërisë në Evropë, por halli i tij personal! Për më tepër që nuk ia fal Ramës suksesin në bashkëpunimin me përfaqësuesit e vendeve aleate, në funksion të integrimit! Ndaj godet çdo njeri, qoftë dhe pse ka bërë foto me kreun e mazhorancës aktuale! Madje nuk ka munguar të bëjë dhe thirrje ndaj BE për t’i vënë kushte Shqipërisë për anëtarësimin!

Me sa duket lirimi i Mogherinit e ka gjetur të ‘papërgatitur’ Berishën dhe mbështetësit e tij të paktë në Shqipëri! Nuk e dimë me tamam se si do të reagojë tashmë që është në liri ish numri dy i BE, e cila për hir të së vërtetës ka dhënë aq shumë mbështetje për Shqipërinë në procesin e integrimit, por jemi shumë të bindur se Berisha do ta përshtasë dhe këtë vendim të gjykatës së Brukselit me kërkesë të prokurorisë belge, me hallin e tij personal!
Berisha është mjeshtër i ‘piruetave’ politike, madje për të ndryshuar qëndrime e deri dhe mohuar fjalët e tij! Nuk do të jetë çudi, që duke filluar që ditën e sotme të akuzojë drejtësinë shqiptare për vendimin e dhënë ndaj tij, për arrestin shtëpiak të tij, që kishte lidhje me thyerjen e urdhërit të gjykatës për ‘detyrim paraqitje’ për aferën e ish kompleksit sportiv ‘Partizani’ në favor të dhëndrit të tij, Jamarbër Malltezi!

Berisha nuk ka turp ta përdorë dhe rastin “Mogherini’, si ‘etalon’ për ta krahasuar me vendimin ndaj tij, e për të sulmuar drejtësinë e re! Pavarësisht se për 24 orë sëpaku ka qënë në delir bashkë me mbështetësit e tij për arrestimin e ish numrit dy të BE, njëherësh ish shefe e diplomacisë së Uinionit, një kontributore e flaktë për procesin e integrimit të Shqipërisë në Bashkimin Evropian! Madje në vijim mund ta përdorë dhe për të sulmuar Irena Gjokën apo të gjithë ata prokurorë e gjyqtarë të posaçëm që nuk i kanë shkuar për ‘osh’ hallit të tij me drejtësinë për “Partizanin’ dhe tashmë për masakrën e 21 janarit 2011 ku Garda vrau 4 demonstrues të pafajshëm të opozitës së atëhershme, në mes të bulevardit, përballë kryeministrisë!

Nga ana tjetër, Berisha kurrë nuk zhgënjen! Pasi këtë të mërkurë i ka bërë thirrje Prokurorisë Publike Europiane, që ‘të hetojë marrëveshjen e fshehtë Rama-Mogherini për ndërtimin e Kolegjit Evropian në Tiranë, Ju bëj thirrje të hetojnë email-et, ‘sms’-të që Rama ka shkëmbyer me Mogherini e në veçanti të hetohen komunikimet e tyre me telefona të koduara SkyEcc, Matrix për të cilat është vërtetuar se Rama i ka përdorur në raste të tjera të korrupsionit ndërkombëtar. Shqiptarët do të vlerësonin hetimin e lobimit që Mogherini ka bërë për Ramën, sukseset e tij imagjinare, mbulimet e megaskandaleve të tij në Bruksel dhe angazhimin e saj kundër opozitës shqiptare”. Berisha i bën thirrje BE, pavarësisht se drejtësinë shqiptare se njeh!

Njëherësh, jemi të sigurtë që vendimi i drejtësisë belge për të liruar Mogherinin, pa mbushur as disa orë në paraburgim, nuk e pengoi dhe më tej Berishën për të sulmuar Ramën se po bën presion mbi drejtësinë, duke e quajtur ‘rastin më të pashembullt’ sipas tij, vetëm e vetëm se qeveria e drejtuar nga Rama ankimoi në Gjykatën Kushtetuese vendimin e SPAK e të GJKKO për pezullimin nga detyra të zv.kryeministres dhe ministres së Infrastrukturës, Industrisë dhe Energjetikës, Belinda Balluku, si një shkelje të kompetencave të ekzekutivit nga drejtësia!

Berisha i ngre në ‘qiell’ prokurorin dhe gjyqtarin që vendosën për këtë pezullim, duke i quajtur si pjesë e drejtësisë së re që zbaton detyrën, ligjin dhe Kushtetutën e këtij vendi! Fundja Berisha kështu i quan të gjithë ata gjyqtarë dhe prokurorë që marrin vendime kundër përfaqësuesve të mazhorancës! Ndërsa ata që hetojnë dhe do të vendosin për akuzat ndaj tij, janë akuza të rënda për korrupsion të përgjakshëm e me viktima ato të Berishës, ish kryeministri demokrat i sulmon, i akuzon dhe i kërcënon rëndë! Berisha është i vetmi politikan që në mëngjes proteston kundër SPAK e pasdite deklarohet pro SPAK! Sipas hallit të tij personal! Pra, me dy fytyra në një ditë!
Njëherësh ndalimi dhe lirimi pas disa orëve i Mogherinit nga ana e drejtësisë belge është dhe një leksion për drejtësinë e re shqiptare! Eshtë një leksion konkret për ‘paketën’ SPAK-GJKKO, se si duhet të hetohet e të gjykohet një zyrtar i lartë, i cili në rastin më të thjeshtë nuk përbën rrezik as për të dalë jashtë vendit dhe as për të prishur provat! Pasi, kur ngrihet një akuzë dhe zyrtari merret i pandehur, presupozohet se prokuroria i ka ‘kopsitur’ provat kundër tij, ndërsa gjykata që përcakton masën e sigurisë i ka parë këto prova dhe është bindur se ai e meriton këtë akuzë!

Drejtësia e re shqiptare, duhet të kuptojë përmes këtij ‘leksioni’ të drejtëpërdrejtë e falas të BE se, suksesi i saj s’matet me numrin e zyrtarëve apo njerëzve të inkriminuar ke plasur brenda në paraburgim, me një akuzë e cila pasi hidhet si ‘telenovelë’ në media për linçim publik, do të përdoret më pas për të kapur ndonjë provë rrugës, siç ka ndodhur jo shumë rrallë deri më tani! Qofshim të gabuar, pasi e mbështesim me sinqeritet drejtësinë dhe duam që të korruptuarve, pavarësisht se cilit krah politik i përkasin, drejtësia jonë e re, për të cilën dhe paguajmë sa ‘i motit të ëmën’, t’ua nxjerrin ‘ujin e zi’. Por ama, mbështetur në ato të shkreta prova e fakte dhe pa na e ngritur akoma më lart faturën financiare, duke i mbyllur në paraburgim pa pasur nevojë!
Prandaj themi se se vendimi i drejtësisë së BE-së për Mogherinin është dhe një leksion për drejtësinë e re shqiptare, pasi jemi në vend të parë në Europë për numrin e të paraburgosurve për frymë të popullsisë! Madje dhe të parët për metër katrorë po të doni! Se ne shqiptarët nuk kemi masë në atë që bëjnë, e kemi treguar se e kapërcejmë gjithnjë kufirin e lejuar, duke zgjedhur si gjithnjë ‘rrugë të reja dhe të pashkelura’! E kemi trashëgim nga komunizmi i Enver Hoxhës!

Kështu drejtësia bëri me ish ministrin e Brendshëm Saimir Tahiri, atë ‘kamionistin’ që e nisën hetimin me akuzën për grup të strukturuar kriminal dhe në mungesë të provave e katandisën në ‘shpërdorim detyre’, akuzë me të cilën mund të dënohen që nga drejtuesi më i lartë e deri tek ai më i thjeshti! Edhe Berisha mund të dënohet për shpërdorim detyre, nëse ankohet gjenerali Piro Ahmetaj për shkarkimin dhe zëvendësimin e tij nga gjeneral Xhemal Gjunkshi si ‘komisar’ i Sigurisë në PD!

Për shpërdorim detyre sipas këtij ‘kuti’mund të dënohen dhe gjyqtarë e prokurorë të posaçëm për sjelljen ndaj të pandehurve. Sidomos nëse e vendos Strasburgu si në rastin e Thoma Gëllçit. ‘Shpërdorimi i detyrës’ është një akuzë thjeshtë ‘hapje krahu’, dhe dënim për statistikë! Por ama Tahirit i shkatërruan jetën, i shkatërruan karrierën, thjeshtë e vetëm se drejtësisë i duhej pak statistikë! Pa prova, por përmes linçimit publik, që ia bënë përmes ‘mercenarëve’, ndonëse të paktë, të medias. Thjeshtë për këtë keqkuptimin e madh, ku suksesi i drejtësisë matet me akuzat që ngre SPAK, dhe jo me vendimet që jep gjykata! Atëherë kur jep tamam drejtësi, themi!
Kështu po veprohet dhe me zyrtarët e tjerë, të cilët gjenden nëpër paraburgime, pa ndonjë akuzë të formatuar tamam, që të justifikonte qëndrimin e tyre në qeli! Mund të hetoheshin dhe jashtë burgut, në gjendje të lirë pasi nuk ikin asnjëri prej tyre. Kursehej dhe në shpenzime, pasi do të vetëtrajtoheshin në shtëpi, s’do të kishin eskorta policie nga pas sa herë lëvizin drejt gjykatave, dhe mbi të gjitha do të lironin dhe ndonjë vend, për të qënë me hapësirën e duhur nëpër qelitë e paraburgimit, për ata që janë tamam për paraburgim!

Prandaj themi se rasti “Monghorini” është leksioni më i drejtëpërdrejtë që drejtësia e BE-së ka dhënë për drejtësinë e re shqiptare, në raport me hetimin e një akuze sado të rëndë, në raport me respektimin e të drejtave të njeriut të të akuzuarve si dhe prezumimin e pafajësisë! Pasi në asnjë rresht të mediave evropiane për Mohgherinin, nuk u publikua lista e materialeve të gjetura apo të kontrolluara në banesën e ish zyrtares së lartë të BE dhe dy zyrtarëve të tjerë! Apo siç bënte ironi dhe ish ministri shqiptar i Drejtësisë, aspak i afërt me qeverinë aktuale, i cili ishte i ‘dëshpëruar’ për faktin se nuk e mori që nuk e mori vesh listën e brekëve dhe pajisjeve të tjera në pronësi të Mogherinit, pas kontrollit që i bë banesës në Belgjikë! Bënte analogji me Shqipërinë ai!

Një leksion që me shpresë të Zotit do të shërbejë dhe për SPAK që të bllokojë në të ardhmen ‘rrjedhjen orientuar’ të informacioneve te mediat, por dhe për gjykatën që të mos jetë thjeshtë ‘në një mendje’ gjithmonë me kërkesat e SPAK, të cilat i kthen në vendime! Që shkaktojnë dhe dëm! Flasim, që të hiqen dhe ato ‘fishat e përgjimit’ nga ana e prokurorëve të posaçëm, që janë bërë një makth për gjyqtarët, deri tek gjyqtarët anëtar të Gjykatës Kushtetuese, duke qënë një ndikues i drejtëpërdrejtë në vendimet e tyre! E kanë pranuar vetë përgjimin të dyja palët, dhe me prokurorët e posaçëm që janë ‘zotuar’ se nuk e përsërisin më këtë ‘gabim’! Kush na garanton se!

Të paktën prokurorëve e gjyqtarëve të posaçëm të mos u shkojë mendja deri atje sa të jenë të bindur se mund të pezullojnë apo shkarkojnë ministra, kryeministra e deri qeverinë e zgjedhur me votën e shqiptarëve, duke kaluar kufirin mes pushteteve, pasi do të ishte dramë! Sepse nëse drejtësia e re përcakton dhe se kush do jetë kryeministër e kush ministër, atëherë dhe zgjedhjet do të ishin të panevojshme. Shpenzim i kotë, me një fjalë në këtë rast! Por dhe tallje e madhe me votën e shqiptarëve. Të shohim sa ka ndikuar mesazhi ‘Mongherini’, shpresa vdes e fundit!

The post Deliri i PD për ‘Mogherinin’ e leksioni i BE për drejtësinë shqiptare first appeared on JavaNews.al.

Nga Jakin Marena

Nëse sheh në mënyrë sipërfaqësore se çfarë lajmesh dalin nga PD dhe serviren për publikun, edhe nga mediat e Berishës dhe afër tij, duket sikur në këtë parti ka shpërthyer ‘tërmeti’ dhe po bëhet nami, sa nuk ka zot që e ndan këtë punë!

Po të kapesh pas deklaratave të lidershipit të kësaj partie si dhe të pretendentëve për të kapur lidershipin në një të ardhme të papërcaktuar me kufij kohorë, gjithkush mund të ketë krijuar perceptimin e gabuar se, ditëve të Sali Berishës në krye të PD po u vjen fundi.

Madje situata duket pa kthim në këtë ‘sektor’, teksa vihet re me sy të lirë se për çudi dhe ata që janë më afër Doktorit, madje dhe përcjellin linjën politike të tij nga media e familjes tek grupet brenda PD apo tek publiku, kanë rënë në një heshtje të thellë. Heshtje, që nuk ka ardhur as për shkak të festave të nëntorit, që PD tërë jetën i ka bashkuar në një ditë, më 28 nëntor, por që me sa duket është një heshtje me leje dhe e kopsitur me shumë mund e djersë!

Për të qënë më konkretë, po bëhet shumë zhurmë për një takim informal dhe jashtë kamerave të të sapodalit nga burgu ku qëndroi për një vit dhe ku bëri një ‘remont’ të plotë hunde dhe mbolli flokët, Ervin Salianjit me disa nga figurat që në primaret e fundit apo më tej në garën elektorale kanë pasur mbështetjen më të fortë nga ana e anëtarësisë së PD dhe elektoratit. Dhe në këtë grup spikaste dhe Ilir Alimehmeti që për pak hyri në Kuvend në qarkun e Tiranës, nga lista e hapur!

Ky takim u artikulua si një ‘rebelim’ brenda PD nga Salianji dhe ‘grupi’ i tij në formatim, si një lëvizje e re brenda kësaj partie për të trazuar ujërat, për të bërë analiza dhe për t’ia bërë jetën më të vështirë Berishës në krye të PD, pas humbjes katastrofike në zgjedhjet e 11 majit të këtij viti por dhe pas ‘bojkotit’ të moderuar të zgjedhjeve të pjesshme në 5 bashki, megjithëse mbështeti publikisht kandidatët e pavarur, PD shënoi një rezultat rrënues!

Reagoi kreu i grupit parlamentar të PD, Gaz Bardhi ndaj këtij takimi, duke e cilësuar një takim pa rëndësi që bëhej në kafe! Një tentativë e Bardhit për të ndezur një shenjë debati në një parti, ku ka mbaruar me kohë e vakt debati brenda saj, për shkak se është pronë, madje me ‘hipotekë’ e Berishës dhe e familjarëve të tij! Menjëherë, duke ndërhyrë madje dhe në një emision televiziv, kundërpërgjigjet Salianji, i cili thotë se në politikë bëhen takime, dhe se demokratët janë shumë të uritur për të bërë analiza brenda partisë ku aderojnë! Madje prek dhe një ‘tabu’ teksa thotë se këta demokratë më të votuar kanë sjellë 200 mijë vota për PD dhe opozitën! Guxim i madh ky!

Reagon dhe Alimehmeti, i cili ka qënë më konkret, më i ‘pavarur’ në konstatimet e tij, teksa reagon dhe ky ndaj Bardhit, duke nënvizuar se nuk u përgjigjet deklaratave në rrjetet sociale. Sipas tij, po të donte t’i thërriste Këshilli Kombëtar do të shkonte, pra mundësia për të folur nuk ka qenë. Alimehmeti këmbëngul se lënia pa diskutuar e demokratëve sjellin situata si këto, që kemi një qeveri të kalbur që nuk hidhet dot në tokë, dhe një opozitë që nuk sjell dot njerëz. “Pse arritëm në mbledhjen e kësaj tryeze? Kjo pyetje u duhet bërë atyre. Ata nuk e kanë bërë dhe i kanë larguar njerëzit, ne thjeshtë vazhdojmë punën, të kuptojmë ku jemi si dhe ku janë problematikat”, shprehet në mënyrë hipotetike Alimehmeti! Duke e lënë ‘përplasjen’ hapur.

Dhe për ta mbyllur ‘qarkun’ e diskutuar në media si ‘rebelim’ brenda PD për t’i marrë drejtimin, ka menduar vetë ai, i papërsëritshmi Berisha! Një një reagim ‘spontan’ ditën e sotme, pikërisht në ditën e Pavarësisë e të çlirimit bashkë për PD, Berisha u shpreh se normalisht takimet në kafe nuk meritojnë të komentohen, por theksoi se PD mbetet partia më e hapur dhe demokratike e vendit. Madje tha se demokratët janë të hapur ndaj analizës brenda vetes, duke nënvizuar se nuk është fare i shqetësuar për këto takime, jashtë ‘vëmendjes’ së tij!

“Njerëzit që kanë marrë më shumë vota janë në Parlament. Për listat e hapura ata janë njerëz të nderuar, janë aktivistë të shquar të PD dhe njerëz me kontribute të pamohueshme në PD dhe është gjëja më normale mendimi ndryshe në parti. Kanë instancat secili, Salianji është anëtar i Kryesisë së PD e ka vendin ku t’i shprehë mendimet.
Të tjerët janë, Alimehmeti është këshilltari i parë i opozitës në Tiranë. Të gjithë kanë vendin ku të shprehin mendimet e tyre, unë pres cdo demokrat në zyrë, por janë të ftuar të shprehin mendimet e tyre gjithë demokratët, nuk ka asnjë lloj risie këtu të jem i sinqertë”, njoftoi mediat Berisha! I cituam fjalët e tij për të qënë korrekt me veten dhe me lexuesit tanë, pasi Berisha tjetër mendon, tjetër thotë dhe tjetër bën! E ka linjë pune këtë qëndrim, i pandryshuar, sëpaku në 35 vite me radhë, në jetën e tij të dytë politike!

E themi këtë sepse në PD nuk ka asnjë analizë për humbjen në zgjedhje, ka vetëm përpjekje për të qënë ‘gardë’ mbrojtje për Berishën, në këtë situatë të vështirë dhe të sikletshme në të cilën ndodhet pas dëshmisë në SPAK për vrasjet e 4 demonstruesve të opozitës së atëhershme më 21 janar 2011 përballë kryeministrisë nga Garda, si person në dijeni, i thirrur nga institucioni më i lartë i akuzës, të kuptohemi jo me vullnetin e këtij institucioni, por për shkak të vendimit të Gjykatës së Strasburgut që rihapi hetimin për 21 janarin, dhe për shkak të vendimit të Gjykatës së Lartë që ia ‘ngeci’ SPAK-ut këtë hetim! ‘Kërcen prifti nga belaja” me një fjalë!

Se nuk ka analizë në PD dhe se nuk ka asnjë reflektim për humbjen dhe shkaktarët e humbjes e tregoi numri dy i kësja partie, Flamur Noka në një takim në Kamzë, ku u përplas me një nga anëtarët e strukturave drejtuese të kësaj dege të madhe që ka qënë ‘hambar’ votash për PD që në krye të herës! Teksa demokratja kërkoi llogari për rrënimin e PD, e shqetësuar për të ardhmen e kësaj partie, Noka i tregoi derën, duke deklaruar kjo parti ka rregulla, ka statut, dhe që sipas ‘kutit’ të sekretarit të përgjithshëm demokrat, askush nuk duhet të dalë kundër lidershipit! Ky ishte mesazhi me sa duket, duke shfaqur një arrogancë të theksuar të lidershipit të kësaj partie me strukturat e bazës, pasi në këtë situatë ku është PD, edhe një zë pro i nevojitet, jo më dikush nga strukturat drejtuese të degës më të madhe në Tiranë! Por Noka e bëri hasha këtë demokrate, një mesazh për më tepër, për të gjithë ata që duan analizë të humbjes dhe përgjegjës!

I përmendëm këto raste për të treguar se në PD të gjithë po përpiqen për të bërë lajm dhe kapur hapësirën mediatike! Nga Salianji, që bën ‘rebelim’ me leje, pasi e di dhe vetë si dreqi se askush nuk ia merr partinë Sali Berishës! Dhe Basha që pati shansin më të madh për t’ia marrë partinë, me vetë Salianjin me shkop në dorë në krah, dhe Bardhin ‘agresiv’ në krahun tjetër, nuk arritën dot t’ia marrin. Përkundrazi, ia dorëzuan vullnetarisht si dhuratë, të lidhur me ‘fjongo’, vulën dhe logon e PD, pas dështimit të sulmit fizik të Berishës dhe mbështetësve të tij me qysqi dhe mjete rrethanore mbi selinë e PD për ta pushtuar më 8 janar! E pushtoi më pas pa asnjë ‘shkrehje’, thjeshtë me ‘kallauzët’ që ishin te Basha, e më pas të gjithë me kokën ulur dhe duke ‘tundur bishtin’ hynë nën ‘mbretërimin’ e Berishës! Tani asnjë ‘rebelim’ s’ka vlerë! Përkundrazi bëhen me leje të gjitha lëvizjet, thjeshtë e vetëm për të zënë hapësirat mediatike dhe për të bërë lajm! Me regji qëndore, të kuptohemi! Në PD nuk flitet pa leje, jo më të veprohet! Harrojeni

Veprohet kështu, për vetë shkakun se Berisha është në hall ntë madh, pasi është thirrur për t’u pyetur për 21 janarin, për vrasjen e 4 demonstruesve nga Garda e Republikës më saktë! Dhe Berisha është pyetur se kush ka dhënë urdhër për të qëlluar! Më parë ishte pyetur ish ministri i Brendshëm Lulzim Basha, i cili sikurse nënvizojnë burimet, jo nga ‘investiguesit’ pasi ata heshtin për çështjet e Berishës dhe u fiket ‘radari’, është zbërthyer paq dhe i ka treguar ‘shokët’. Jo vetëm se kush ka dhënë urdhërin, por dhe se kush ka fshirë kamerat e sigurisë e kush i kopjoi ato si dhe kush i ka kopjet, kush i ka fshirë provat e tjera, kush e rrahu ish kreun e Gardës e qëlloi turmën me pistoletën e tij! Basha nuk e mban presionin, dhe këtë e di dhe vetë Berisha! E provoi me ‘non gratën’ kur nuk e mbajti presionin e ambasadës së SHBA, teksa e përjashtoi nga grupi parlamentar i PD dhe nga vetë PD. Çka solli dhe ndarjen e partisë në shumë pjesë!

Pikërisht për këtë arsye Berisha ka nisur të bëjë ‘pirueta’ për 21 janarin! Herë thotë se s’ka dhënë urdhër, pavarësisht deklaratave publike se ai urdhëronte Gardën, madje dhe 5 snajperët në tarracë për të qëlluar me plumb në kokë Edi Ramën, kreun e atëhershëm të opozitës, e herë thotë se ky krim shtetëror u bë në respekt të ligjit, sikurse Garda ka zbatuar vetëm ligjin pa pasur nevojë për urdhër! Berisha është vërtetë i trembur, pasi nëse për aferën e ‘Partizanit’ dhe mund t’ia hedhë paq përmes të ashtuquajturit vendim kolegjial në favor të dhënrit të tij, për 21 janarin 2011 e ka të vështirë! Pasi janë vrarë 4 demontrues nga shteti, para kryeministrisë, dhe mbi kokë qëndron vendimi i gjykatës së Strasburgut që kërkon hetimin dhe ndëshkimin e urdhërdhënësve dhe jo atyre që kanë tërhequr këmbëzën! Pra kërkon ‘kokën’ e Berishës, si kreu i zinxhirit komandues!

Ndaj Berisha po përpiqet të ‘joshë’ SPAK-un. Teksa deklarohet herë pro SPAK, në rastin e pezullimit nga detyra Gjykata e Posaçme me kërkesë të prokurorit të SPAK të zv.kryeministres Balluku, qofshim të gabuar por na duket sikur po i jep ‘direktiva’ edhe Kushtetueses që të rrëzojë ankimimin e qeverisë për pezullimin, herë akuzon Ramën se po bën presion mbi Kushtetuesen për të zhbërë vendimin e GJKKO-së, dhe herë i sulet drejtësisë së re, për shkak të hetimit që ka ndërmarrë ndaj tij dhe çështjeve që tashmë ka nën gjykim! Ndonëse me ‘zemër të lënduar fort’ e të detyruar nga Strasburgu, prokurorët dhe gjyqtarët janë të detyruar të veprojnë! Themi kështu, sepse prandaj nuk e merrnin për qamet në ‘dorëzim’ hetimin dhe gjykimin e 21 janarit, të cilin e kishin refuzuar gjatë gjithë kohës!

Berisha ka halle! Dhe në funksion të këtyre halleve ka përshtatur dhe opozitarizmin e PD. Herë duke u përplasur në Kuvend, herë duke mbajtur këto ‘foltoret’ para kryeministrisë natën vonë, herë duke dhënë ‘leje’ për ndonjë rebelim brenda PD, me idenë se ka dhe ‘lëvizje’ për t’i marrë partinë, herë përmes këtyre arrogancave dhe gafave të Nokës, si dhe akuzave ndaj qeverisë se po bën presion mbi drejtësinë, e pabesueshme ta shqiptojë kreu i PD këtë, duke tentuar të barazojë hallin e tij me hetimet për zyrtarë të mazhorancës nga SPAK, apo me gjykimin në Kushtetuese të ankesës së qeverisë për pezullimin e numrit dy, për të delegjitimuar me një fjalë tërë ‘piramidën’ e drejtësisë, Berisha kërkon thjeshtë e vetëm që të jetë në qendër të vëmendjes, e me vëmendje të zhvendosur nga 21 janari, i cili është tepër i rëndë për të me pasoja tronditëse!

Hetimi dhe gjykimi në tërësi i 21 janarit, vënia para përgjegjësisë të atyre që dhanë urdhër për këtë masakër nga Garda në mes të bulevardit, sidomos pas vendimit të Strasburgut, është tepër vështirë të shmanget! Qoftë dhe me ‘piruetat’ politike të Berishës përmes ‘rebelimit’ të Salianjit e arrogancës së Nokës brenda PD! As përmes dy standardeve ndaj SPAK nga vetë Berisha! Shqiptarët por edhe partnerët e dinë se 21 janari dhe Gërdeci janë ‘testi’ i vërtetë për drejtësinë shqiptare! Këto dy dosje të rënda të korrupsionit të përgjakshëm, janë ‘lakmuesi’ që tregon dallimin mes drejtësisë së vjetër e drejtësisë e re, kjo e fundit e ngritur për t’i dhënë fund pandëshkueshmërisë në Shqipëri! Të presim, kanë kaluar shumë vite, por gjaku i derdhur në Gërdec dhe para kryeministrisë, nuk harrohet! Jo vetëm nga familjarët, por dhe nga shqiptarët! Aq më tepër kur në ‘kandar’ është vënë vetë drejtësia e re, me prokurorë e gjykatës brenda!

The post Joshi SPAK dhe ‘rebeloi’ Salianjin, Berishën e trembi 21 janari?! first appeared on JavaNews.al.

Nga Jakin Marena

Kryetari i PD Sali Berisha më në fund e kapërceu oqeanin dhe mbërriti në Amerikë! I ‘theu’ të gjitha pritshmëritë, e më në fund arriti në ‘tokën e premtuar’, atë amerikane. Anipse kreu i PD shkelin në cepin e poshtëm të kontitentit, në Brazil, pikërisht në atdheun e futbollit brilant, të ‘sambas’, plazheve të bukura e karnavaleve të famshme, por dhe në atdheun e ‘marksist-leninistit’ të shquar brazilian. Zhoao Amazona, i cili vinte dy herë në vit me kohëqëndrim nga tre muaj, për vizitë në kohën e Enver Hoxhës, pikërisht në ‘kryeqendrën’ e komunizmit të vërtetë, Tiranë, për kongrese dhe për pushime!

Ama Zhoao Amazona na ‘griu’ nga lekët në kohën e Enverit, pasi jo vetëm që merrte një kuotë vjetore për të mbajtur në këmbë partinë e tij ‘m-l‘ e cila drejtohej familjarisht prej tij, vetëm e vetëm për të bërë ndonjë deklaratë për “Shqipërinë, si fanar i komunizmit në të gjithë botën”, për të firmosur ndonjë deklaratë të përbashkët por dhe për të miratuar ndonjë rezolutë që dënonte imperializmin amerikan, social-imperializmin sovjetik, sonizmin izraelit dhe gjithë kapitalizmin botëror në tërë si! Për kaq paguhej ai, për kaq ishte anëtar i internacinales paralele komuniste të Enver Hoxhës me parti ‘m-l’ të rindërtuara! Madje e pinte shumë dhe atë të shkretë raki thonë

Por do të thotë dikush, çfarë na duhen këto sqarime, ndërkohë që Berisha realizoi ëndrrën e tij katër vjeçare të ‘mbyllur në sirtar’, për të cilën ka paguar miliona dollarë lobime, thjeshtë dhe vetëm për të kapërcyer oqeanin me sa duket! Për t’i treguar Edi Ramës se më në fund e kalon këtë ‘oqean’ dhe e shkeli Amerikën! Kaq i duhej Berishës do të thoshte dikush, për të qënë në majën e botës, qoftë dhe për disa ditë apo për disa orë, sepse një mendje serioze e kalon lehtë këtë kapërcim ‘oqeani’ dhe kthehet me këmbë në tokë! Por njeriu dy herë bëhet fëmijë! E themi këtë sepse Berisha, thuajse është shndërruar plotësisht, nuk përmbahet nga deliri, një ‘sëmundje’ që i ka zënë madje dhe bashkëpunëtorët e tij, të cilët e quajnë një fitore të madhe pjesëmarrjen e Berishës në Asamblenë e CDI të zhvilluar në Sao Paolo të Brazilit dhe mbi të gjitha pasi është zgjedhur Presidenca dhe drejtuesit e rinj të CDI, dhe ndër ta edhe lideri i PD.

Po, po! Kryetari i PD, Sali Berisha është zgjedhur një nga 17 zv.presidentët e CDI, një bashkim i partive të qendrës së djathtë në botë. Përzgjedhja e presidencës u bë në Asamblenë e CDI që u zhvillua në Brazil, ku ga Europa janë dhe kryeministri i Kroacisë Andrey Plenkoviç, kryeministri i ardhshëm i Sllovenisë Janezs Jansa dhe kryeministri i Hungarisë, Victor Orban. Sekretar i Përgjithshëm i CDI është zgjedhur Antonio Lopez-Isturiz Vhite, ndërsa President i CDI u rizgjodh Andres Pastrana, ish president i Kolumbisë ky.
Dhe CDI, Centrist Democrat International, është një union partish të qendrës së djathtë me fokus në Amerikën Latine, Afrikë dhe disa vende të Azisë. Shumica e anëtarëve janë parti të vogla, me vokacion demokristian. Dhe për ironi të fatit, në CDI s’bën pjesë Partia Republikane e SHBA-së, vendi ku Berisha dhe familja e tij janë shpallur non grata, as konservatorët britanikë apo ata kanadezë. CDI është e përbërë nga 115 parti të qendrës nga Europa, Amerika e Veriut, Amerika e Jugut dhe Azia. Pra s’është unioni më i madh i të djathtëve konservatorë por i centristëve e kristian-demokratëve. Ndërkohë që, IDU është elita e vërtetë e partive të djathta në botë, ku 29 parti të IDU-së janë aktualisht në pushtet.

Dhe mbi të gjitha PD nuk ka qënë kurrë pjesë e partive apo grupimeve kristian-demokrate në Evropë apo në botë! Asnjëherë anëtare e këtyre formacioneve politike, duke ngjallur habi se si Berisha, kreu i PD shqiptare është zgjedhur një nga 17 zv.presidentrët e CDI, pa qënë anëtare PD e tij! Këtë habi e shpreh dhe ish kreu i demokristianëve shqiptarë, aktualisht kreu i Aleancës Demokristiane, Zef Bushati, një anëtar i kahershëm i këtij unioni kristian-demokrat, CDI!

“Kjo situatë është po aq qesharake sa edhe tragjike! Partia Demokratike e Shqipërisë paraqitet në Asamblenë e CDI – Christian Democratic International, një organizatë ku Partia Demokristiane Shqiptare është anëtare me të drejta të plota, ndërsa Partia Demokratike nuk ka asnjë lidhje institucionalisht, ideologjikisht apo historikisht. PD i përket grupimit të partive të qendrës së djathtë liberale EDU ( European Democratic Union) , jo atyre demokristiane, ndaj nuk ka legjitimitet moral e politik të përfaqësojë komunitetin demokristian shqiptar, të cilin, bashkë me PS-në, e ka luftuar dhe margjinalizuar sistematikisht.
Shkatërrimi i përfaqësimit politik demokristian. Përçarja e qëllimshme në pesë parti të ndryshme demokristiane. Përjashtimi i tyre i vazhdueshëm nga Parlamenti dhe qeverisja. Presione, nënvlerësim, shpërfillje, një praktikë e ngjashme me atë të regjimit komunist, e vijuar me të njëjtën arrogancë edhe sot. Në këtë fushatë të heshtur kundër demokristianëve shqiptarë kanë kontribuar edhe elementë shovinistë serbë, të cilët historikisht nuk e kanë dashur dhe nuk e duan forcimin e komunitetit katolik në Shqipëri, për arsye gjeopolitike dhe kulturore të njohura, për këtë motiv katoliket i kanë lënë jashtë Kabinetit Qeveritar.

Kjo është një padrejtësi e madhe politike dhe një manipulim i hapur i realitetit. Asnjë parti që ka punuar kundër demokristianëve nuk mund të mendojë e të flasë në emër të tyre”, reagon Bushati, kreu i ADSH në rrjetin social! Duke treguar me pak fjalë se, kreu i PD, Berisha i ka ‘vjedhur’ përfaqësimin demokristianëve shqiptarë në CDI, pa qënë aspak PD anëtare e CDI! Por dhe duke hedhur dyshime se në këtë union futen ‘afrofe’, apo larg qoftë kush heq shpenzimet e mbajtjes në këmbë të unionit, parti apo lëvizje politike! Lekë kanë më bollëk, me sa duket!

Me gjithë këto habere dhe rezerva për pjesëmarrjen e Berishës në këtë asamble të unionit të kristian-demokratëve, që quhet shqiptarisht Internacionalja Kristian-Demokrate, kanë qënë dikur dhe demokristianët e majtë italianë anëtarë, Berisha është tepër entuziast deri në delir! Madje detyrën e zv.presidentit e ka marrë më shumë qejf, pasi ka miratuar dhe rezolutën e radhës kundër vendit të tij, të cilin e quan ‘narko-shtet’, antidemokratik dhe që nuk meriton që të jetë pjesë e BE. Madje kërkon përmes kësaj rezolute që të kushtëzohet anëtarësimi i Shqipërisë në BE, me një kusht të vetëm: Shqipëria meriton anëtarësinë në BE, vetëm nëse Berisha është kryeministër! Si dikur këto rezolutat e kongresit të PPSH me firmën dhe të partive ‘markiste-leniniste’ motra, të kryesuara nga braziliani Zhoao Amazona, ku i vetmi sistem ndriçues në botë ishte komunizmi me forcat e vfeta i Enver Hoxhës! Por rezoluta e Berishës është akoma më kontradiktore, pasi teksa e cilëson Shqipërinë ‘narko-shtet’, poshtë saj firmos nga kreu i CDI, ish presidenti i Kolumbisë! Ironi më vete kjo!
Dhe nëse ndonjë zë i del kundër Berishës, pas rikthimit nga Brazili, turma vërtete e rrudhur rreth tij, i turren duke e akuzuar rëndë! Me argumentin se Berisha është zv.president i CDI tashmë, ka shkelur tokën amerikane, ka miratuar rezoluta, dënuar ‘narkoshtetin’ e Edi Ramës, pikërisht dënim nga një union me president një ish president të Kolumbisë, ‘atdheut’ të kokainës e që nuk ka pasur një marrëdhënie fort të mirë me luftën kundër kësaj të keqeje të përbotshme! E keqe që luftohet nga të gjithë, sidomos nga Amerika, por jo ajo Latine ku ka qënë për vizitë Berisha, por SHBA, ku kreu i PD vazhdon të mos shkelë që prej 4 vitesh dhe ta ketë ‘mollë të ndaluar’!

Megjithëse dhe pas kthimit nga SHBA, sërish askush nuk po e ndjek pas Berishën dhe PD, kjo u pa në protestën e dytë para kryeministrisë, të “Foltore 2’, tepër e vobektë në pjesëmarrje dhe në mesazhe, çka tregon se askujt nuk i ngrihet ‘sentimenti’ për kapërcimin e oqeanit dhe mbërritjes në Amerikën Latine të Berishës apo zgjedhjes së tij një nga 17 zv.presidentët e CDI, kjo nuk e ka penguar kreun e PD dhe mbështetësit e tij të sillen sikur nuk pyesin për qeverinë, Ramën, madje nuk pyesin as për Evropën!
Kj pa dhe në ankesën e PD në Komisionin Evropian për ‘sjelljen’ e Marta Kos, komisionere për zgjerim e BE dhe ambasadorit të BE në Tiranë Silvio Gonzato! Kreu i Grupit Parlamentar të PD Gazment Bardhi, në emër të opozitës, i ka paraqitur një Notë-Verbale Delegacionit të BE, duke vënë në dijeni edhe Komisionin Europian e Parlamentin Europian, lidhur me deklaratat e Marta Kos për zgjedhjet e 11 Majit. Bardhi thekson se po përcjell qëndrimin e opozitës në lidhje me deklaratën e bërë nga Komisionerja për Zgjerimin, gjatë konferencës për shtyp të 21 nëntorit 2025 në Tiranë, e mbajtur bashkë me kryeministrin Edi Rama. Pasi e pyetur nga media, Kos deklaroi se: “Zgjedhjet ishin të lira dhe të ndershme. Është gjithmonë mirë kur marrim sugjerime për përmirësime, e kjo është një gjë e mirë për Shqipërinë dhe BE”. Një deklaratë kjo e padurueshme për PD dhe Berishën, sidomos e dhënë pikërisht në ditën kur Berisha u zgjodh zv.president i CDI dhe miratoi rezolutën kundër Shqipërisë, me ‘narkoshtet dhe vjedhje votash më 11 maj’, brenda saj!

“Ne shprehim me respekt shqetësimin tonë se ky vlerësim nuk pasqyron realitetin e vërejtur gjatë procesit zgjedhor. Një deklaratë e tillë duket e papërputhshme me gjetjet e OSBE-ODIHR, nuk merr parasysh qëndrimet e shprehura nga Anëtarët e Parlamentit Evropian që shërbyen si vëzhgues të zgjedhjeve në Shqipëri dhe rrezikon të ndikojë besimin e qytetarëve shqiptarë tek institucionet e Bashkimit Evropian”, shkruan Bardhi. I cili rendit rekomandimet e bëra nga ana e OSBE-ODIHR, që për hir të së vërtetës janë pikërisht ato që ka kërkuar vetë mazhoranca dhe Edi rama për të miratuar, duke filluar nga komisionerët apolitikë e përfunduar tek votimi elektronik!

Megjithatë atë, Berisha nuk mbahet më, pas rikthimit nga Amerika e tij përtej oqeanit, Brazili, e sidomos pas zgjedhjes si zv.presidenti i 17-të i CDI, nuk pyet askënd, i sfidon të gjithë, deri dhe Brukselin zyrtar, duke i dhënë ‘direktiva’ teksa i ka kërkuar që të mos vlerësojë Shqipërinë, duke i kërkuar madje që t’i vendosë kushtëzime Shqipërisë për ta anëtarësuar në BE! Duke tentuar të krijojë idenë se këtë e thotë një zv.president i CDI, anipse kristian-demokrat dhe pa lidhje me PD, anipse në Tiranë para kryeministrisë e prisnin deputetët e disa ithtarë, që ishin në kufijtë e 100 vetëve, me plus-minus! Një PD e nënshtruar nga tekat e një plaku, i cili jo vetëm që nuk ka mbështetje, por sipas gjasave do ta marrë me vete në ‘amëshim’ partinë e parë opozitare dhe që i ka dhënë tonin vendit, duke e qeverisur për 13 vite, gjatë këtyre 35 viteve! Por pa mundur të realizojë vetëm një gjë: demokracinë brenda saj dhe çlirimin nga pengmarrja e Berishës! I cili vazhdon të jetë në delirin e radhës! Është zv.president tashmë ai, po gëzon si fëmijë! Nuk pyet madje jo vetëm për BE, por as për SPAK ku është nën hetim për “Partizanin’ dhe sipas gjasave së shpejti, dhe për masakrën e ’21 janarit’! Një zv.president që kapërceu ‘oqeanin’!

The post Berisha ‘shkeli’ Amerikën, tani s’pyet më për BE e SPAK! first appeared on JavaNews.al.

Nga Jakin Marena

Ish kryeministri Sali Berisha nuk ka zhgënjyer askënd dhe këtë të premte! Kreu aktual i PD ka refuzuar me vullnet të plotë paraqitjen para SPAK për të dhënë dëshminë e tij si person që ka dijeni, për ngjarjen makabre të 21 janarit 2011, kur nga plumbat e Gardës së Republikës u vranë katër demonstrues dhe u plagosën disa të tjerë! Të gjithë me duar në xhepa dhe në ikje!

Berisha, asokohe kryeministër i Shqipërisë. gjendej në godinën e kryeministrisë kur ndodhën këto vrasje, jo vetëm gjendej por ishte tepër aktiv, si zyrtari më i lartë në atë godinë, që kishte ‘primatin’ e dhënies së urdhërave për të qëlluar turmën në ‘mish’, më pas për të fshirë gjurmët e urdhërave për vrasje teksa fshiu kamerat e sigurisë, për të mos lejuar prokurorinë për të arrestuar zinxhirin komandues të Gardës dhe për të hetuar të gjitha veprimet e tjera të këtij lloji për ato momente tragjike të 15 viteve më parë! Pra i fshiu të gjitha provat atë ditë!

Për këtë arsye dhe për shumë arsye të tjera, që kanë të bëjnë edhe me vendimin e Gjykatës së Strasburgut për ’21 janarin’, gjykatë e cila kërkoi me detyrim përcaktim rikthimin e hetimit dhe zbardhjen e urdhërdhënëseve për këtë krim makabër ku u shuan nga plumbat e Gardës 4 jetë njerëzish të pafajshëm teksa turma po shpërndahej, SPAK kishte dërguar dy herë fletëthirrje për Berishën që të paraqitej këtë të premte në orën 10.00 në SPAK për të dëshmuar, sëpaku fillimisht si person në dijeni!

Por Berisha i është përmbajtur një ‘filmi’ të kahershëm dhe të parë shumë herë, duke përsëritur të njejtin veprim që ka bërë gjithnjë sa herë që ‘laku’ i drejtësisë rreth qafës së tij është shtrënguar pasi dosjet në ngarkim të tij janë dosje të rënda penale, që mund t’i kushtojnë vite e vite të tëra burgu! Berisha ka refuzuar të shkojë në SPAK, duke deklaruar një ditë më parë se nuk i ka ardhur thirrja nga ana e Prokurorisë së Posaçme! Megjithëse SPAK ia kishte dërguar dy herë, madje në tre adresa fletëthirrjen, konkretisht te selia e PD buzë Lanës, te kryesia e grupit parlamentar të PD në Kuvend, te banesa e tij, një pallat i tërë, në rrugën “Mustafa Matohiti” në qendër të Tiranës, por askush nuk ka pranuar të tërheqë fletëthirrjen.

Kështu ka vepruar Berisha dhe me fletëthirrjen e dërguar nga SPAK, për të dëshmuar në lidhje me hetimin e aferës së ish kompleksit sportiv “Partizani”, të privatizuar në favor të dhëndrit të tij Jamarbër Malltezi, i cili nga një ‘bythë’ vend prej 132 metrash katrorë, ndërtoi një kompleks të tërë pallatesh, duke përfituar, ajo që dimë zyrtarisht, plot 5.4 milionë euro neto fitim!

Nuk e merrte Berisha për qamet në dorëzim atë kohë fletëthirrjen, megjithëse oficerët e SPAK ‘brodhën’ gjithë Tiranën, për t’ia dhënë në dorë, por Berisha fshihej herë në banjë, herë në katet e shumta të pallatit në zotërim te “Mustafa Matohiti”, dhe e detyruan SPAK asokohe të kërkonte arrest shtëpiak për të dhe për dhëndrin e tij, duke i lënë afër një vit të ‘këndonin’ në majë të Pallatit para 20-30 mbështetësve që u ‘parkuan’ në rrugicën para pallatit të tij çdo dië! Tashmë është me detyrim paraqitje!

Të njejtën formulë përsëriti sërish Berisha, në përpjekje për të delegjitimuar procesin e hetimit të 21 janarit 2011, të kërkuar nga ana e Strasburgut, përmes një vendimi të fortë, ku vetëm emrin e Berishës dhe mbështetësve të tij nuk kishte vënë për të përcaktuar se kush ishin urdhërdhënësit e kësaj tragjedie me 4 demonstrues të vrarë, për t’ia lënë organeve shqiptare të hetimit, aktualisht SPAK, që ta mbyllin me ‘kopsat’ përkatëse këtë dosje të rëndë dhe të përgjakshme dhe për t’ia dërguar Gjykatës së Posaçme për gjykim!

Por SPAK dy herë dështoi t’ia dërgonte Berishës, t’ia linte në dorë fletëthirrjen për të dëshmuar para prokurorëve si person në dijeni për 21 janarin! Berisha e tha publikisht se nuk e ka marrë fletëthirrjen, dhe SPAK me sa duket do t’i duhet ta kapë Berishën dhe t’ia ngjisë në ‘ballë’ atë copë letre në mënyrë publike, pasi dhe mosha ka bërë të vetën dhe nuk duhet lënë Berisha të bëjë si kalama në pleqëri, duke thënë se nuk më kanë gjetur inspektorët e Prokurorisë së Posaçme për t’ia dorëzuar atë fletëthirrje! Eshtë një arsyetim foshnjor i Berishës, i cili është përfshirë nga paniku i shtrëngimit të ‘lakut’ nga drejtësia e re, për përgjegjësinë që me sa duket e pranon dhe vetë që ai e ka, për vrasjen e 4 demonstruesve të pafajshëm të opozitës së atëhershme, përballë kryeministrisë në bulevard, teksa turma shpërndahej!

Paniku me sa duket e ka detyruar Berishën që të mos e ‘prekë’ me dorë fletëthirrjen nga SPAK, duke e shtyrë sa më shumë, herë duke refuzuar tërheqjen nga vetë ai, familjarët, bashkëpunëtorët apo avokatët e tij, herë duke paralajmëruar protesta kombëtare të PD përballë kryeministrisë, e herë duke lëvizur sa në një banesë në tjetrën! Pasi Berisha e di dhe vetë si dreqi se nuk është thjeshtë një thirrje për të dëshmuar si person në dijeni, por prej SPAK është e sigurtë është se do të dalë si i pandehur dhe me komunikimin e akuzës si urdhërdhënës për masakrën e 21 janarit 2011 në bulevardin përballë kryeministrisë!

E ka pranuar dhe vetë teksa është mburrur nëpër intervistat televizive se do të vriste jo 3 por dhe 300 demonstrues të tjerë nëse kalohej gardhi i kryeministrisë, e ka pranuar madje se ka urdhëruar snajperët për të hipur në tarracën e kryeministrisë me urdhërin për të qëlluar në kokë ish kreun e atëhershëm të opozitës Edi Rama! Janë në dosje edhe këto deklarime të Berishës, me gjithë prishjen e provave dhe pengimin e drejtësisë për të hetuar! Dosja ka ardhur gati nga Strasburgu, fashikull për fashikull, pritet vetëm ‘zyrtarizimi’ me firmë nga prokurorët e SPAK!

Por në rastin e thirrjes së Berishës për të dëshmuar më 21 janarin si person që ka dijeni, situata është më e rëndë se sa duket, pasi Berisha pa pikë turpi është përgjigjur para gazetarëve se nuk ka pasur dorëzuar me firmë fletëthirrjen e SPAK. Madje ka vijuar sulmet ndaj institucionit më të lartë të akuzës, aq sa ka provokuar dhe reagimin zyrtar të SPAK, i cili bën të ditur publikisht se e ka dërguar urdhërin për të dëshmuar për Berishën tek banesa e tij, por që urdhër-thirrja e parë, e dërguar në banesë më datë 3.11.2025, është kthyer mbrapsht në Prokurorinë e Posaçme, me shënimin: “Rojet janë autorizuar të mos marrin asnjë zarf.” SPAK ka bërë me dije se edhe Shërbimi i Burimeve Njerëzore e Trajtimit të Deputetëve në Kuvendin e Shqipërisë ka njoftuar se marrja në dorëzim e njoftimit është refuzuar nga stafi politik i grupit parlamentar të PD.

Pra askush nuk e ‘prek’ me dorë udhër-thirrjen e SPAK, as vetë Berisha as vartësit e tij! Madje akuzon Prokurorët e Posaçëm si mashtrues, duke vënë dhe dy vartësit e tij Noka dhe Bardhi, për të deklaruar se s’ka pasur asnjë Urdhër-thirrje në emër të Berishës nga SPAK. A thua Noka e Bardhi i kanë ‘lexuar’ zarfet e ardhura në adresën e PD dhe atë të grupit të PD, pa i parë se çfarë kanë brenda! Është me të vërtetë një situatë e sikletshme por dhe e neveritshme të shohësh një 81 vjeçar që mashtron sy për sy për diçka që e kanë marrë vesh dhe fëmijët e kopshtit. Aq më tepër që Berisha nuk lë gjë pa thënë nëpër daljet publike, duke iu referuar ‘fakteve’ që vetë i hedh përmes qytetarit dixhital dhe vetë i shpërndan, vetë i komenton dhe në fund vetë i beson! Pastaj pretendon se do të jetë e ardhmja e këtij vendi, duke deklaruar se është në kohën e duhur. në moshën e duhur dhe me kredecialet e duhura për të ardhur në pushtet si kryeministër i vendit! Ndaj shqiptarët kurrë se votojnë më!

Por që të kthehemi tek hetimi me themel i vrasjes së 4 demonstruesve, teksa Berisha ka sfiduar sërish drejtësinë duke mos marrë në dorëzim për dy herë me radhë fletëthirrjen për të dëshmuar për 21 janarin, duke refuzuar për pasojë të shkojë para prokurorëve të posaçëm, para SPAK del me urgjencë detyra ligjore që ta marrë me patjetër për të dëshmuar ish kryeministrin e PD.

Mënyrat e ‘lajmërimit’ duhet t’i gjejë SPAK, pasi ne kemi një shtet me organe ligjzbatuese të mirëpaguara e të konsoliduara, jemi dhe në kohën e internetit, është tepër e lehtë për ta shpallur në ‘kërkim’ Berishën, për ta gjetur dhe për t’ia lënë në dorë atë të ‘bekuar’ fletëthirrje, madje dhe në sallën e Parlamentit, apo para gazetarëve para selisë së Kuvendit kur të rikthehet nga ‘dënimi’ 10 ditor për sulmin ndaj ambasadorit të BE! Ose dhe në këto konferencat e përditshme të shtypit, t’ia lënë në dorë para kamerave, publikisht! Nëse guxon SPAK, themi! Nuk mund të bëjë të pafuqishmin SPAK, pasi ka dhënë prova, ku me urdhër të tij është marrë me forcë një ish president e ish kryeministër si Ilir Meta, një kryetar bashkie si Erion Veliaj si dhe dhjetëra të tjerë zyrtarë të lartë!
SPAK, nëse nuk arrin të ‘gjejë’ Berishën e shpallur në ‘kërkim’ për t’i dorëzuar paqësisht dhe me firmë fletëthirrjen për të dëshmuar për 21 janarin e vitit 2011, duhet të veprojë sipas ligjit për ta dhënë urdhërin e sjelljes forcërisht nga policia para prokurorëve për të dëshmuar! Nuk ka bërë ‘vezën e kuqe’ Berisha që nuk njeh organet e hetimit dhe mbi të gjitha SPAK, një institucion i ngritur për të goditur korrupsionin në nivelet më të larta të politikës dhe për të bërë drejtësi njëlloj për të gjithë në këtë vend! Madje paguhet goxha mirë nga paratë tona SPAK.

E themi që ta sjellë forcërisht Berishën, sepse po ta pyesësh atë nëse dëshiron të dëshmojë para SPAK për ’21 janarin’, është e sigurtë se nuk i pëlqen! Sindromi “Nastradini’ që e shëtitën për disa ditë për të gjetur pemën më të bukur ku do ta varnin, ishte e vetmja dëshirë e tij sipas ligjit të atëhershëm që pritej të realizohej, dhe që nuk i pëlqente asnjë pemë Nastradinit për të ekzekutuar vendimin me varje, ku donte të varej Nastradini. Me sa duket kjo ‘sindromë’ ka kapur për herë të dytë dhe Berishën, që nuk pranon të marrë as fletëthirrjen për të dëshmuar si person në dijeni! E di si dreqi dhe vetë Berisha që do të dalë i pandehur nga SPAK, nëse zbatohet dhe 1 përqind e ligjit si për të gjithë shqiptarët e tjerë! SPAK ka për detyrë të zbatojë ligjin, dosja e 21 janarit 2011 është një dosje e përgjakshme, plumbat e shtetit dhe krimi shtetëror ka marrë 4 jetë të pafajshme!

Eshtë vërtetë koha për të dhënë drejtësi, ose për të dorëzuar çelësohet e për të hapur krahun, pasi për drejtësinë e re janë hedhur goxha para e mbështetje! Por dhe nerva! Të presim, SPAK është në ‘provë’ me Berishën! Loja ‘ma le, e ta lashë’ duhet të përfundojë njëherë e mirë se u bënë ‘barcaletë’ me këtë punë! Ndërsa SPAK duhet ta ‘vrasë’ frikën, dhe të bëjë realitet deklaratat e forta se ‘nuk pyet për politikën’! Le ta vazhdojë me Berishën këtë standard zbatimi ligji!

The post Berisha në ‘kërkim’ për 21 Janarin. A guxon SPAK ta marrë forcërisht?! first appeared on JavaNews.al.

Nga Jakin Marena 

Sali Berisha do të përballet për herë të parë me SPAK, jo më për akuza të lehta të cilave mund t‘ju shmanget në një farë mënyrë me procedurë apo përmes kundërakuzave sikurse u është shmangur deri më tani, por për krimin shtetëror të 21 janarit 2011. Me sa duket për këtë krim të përgjakshëm, do të shkojë ‘haka tek i zoti’, dhe do të hetohet gjithë zinxhiri i komandimit të Gardës së Republikës atë ditë! 

Ndërsa duhen dhe dy muaj që të mbushën plot 15 vite nga kjo ngjarje makabre kur nga plumbat e Gardës së Republikës u vranë katër demonstrues të opozitës, konkretisht Hekuran Deda, Ziver Veizi, Faik Myrtaj dhe Aleks Nika, sot dëshmorë, teksa turma po shpërndahej, ish kryeministri i asaj kohe Sali Berisha, këtë të premte do të paraqitet për të dënë dëshminë e tij, i thirrur nga Prokuroria e Posaçme. Dhe nuk ka qënë vetëm një urdhër thirje, por ekzaktësisht dy urdhëra, ku Berisha si gjithnjë nuk i përgjigjet SPAK, pasi me sa duket e ka problem kur e pyesin për emrin e babës, nënës dhe datëlindjen. Për këtë të fundit stonon më shumë, se ka dy ditëlindje, për arsye personale, që nuk po hyjmë për t’i rishpjeguar. pasi shqiptarët e dinë me kohë dhe vakt! 

Prokuroria e Posaçme sipas dokumentit origjinal ia dërgoi fletëthirrjen Sali Berishës në adresën, në banesën në rrugën “Mustafa Matohiti”, në Kuvend si edhe në selinë e PD. Kjo është thirrja e dytë që SPAK ka firmosur në drejtim të ish kryeministrit demokrat pasi thirrja e parë, e firmosur më datë 3 nëntor, ishte kthyer mbrapsht pa u hapur fare. Si gjithnjë! Berisha bën sikur s’banon te pallati në rrugën “Mustafa Matohiti’, megjithëse për gati një vit nga ballkoni i këtij pallati ai mbante fjalime kundër qeverisë, SHBA, BE e kundër SPAK teksa ishte nën arrest shtëpiak. Por megjithatë, mungesa e ‘vëmendjes’ nga Berisha, e ka detyruar SPAK që të nisë një tjetër fletë thirrje, që mban datën 7 nëntor, këtë herë jo më vetëm në banesën e ish Kryeministrit, por edhe në adresat e tij në Kuvendin e Shqipërisë dhe PD. 

“Për nevoja të hetimit, është urdhëruar thirrja e shtetasit Sali Berisha, i biri i Ramë dhe Shiqere, i datëlindjes 15.10.1944, me kombësi dhe shtetësi shqiptare, lindur në Tiranë dhe banues në Rruga “Mustafa Matohiti Ndërtesa nr. 36, Hyrja nr. 1. Njësia Bashkiake nr. 2 Tiranë, me numër personal E40…..1R, për t’u paraqitur në Prokurorinë e Posaçme Kundër Korrupsionit e Krimit të Organizuar, me qëllim pyetjen e tij me cilësinë e personit që tregon rrethana të dobishme për hetimin, në lidhje me procedimin penal nr.138 të vitit 2024, konkretisht për rrethanat e hetimit që kanë të bëjnë me ngjarjen e datës 21 Janar 2011”, thuhet në esencë të thirrjes për Berishën! Dhe ky procedim ka në fokus veprat penale të “Vrasjes në rrethana të tjera cilësuese”, “Shpërdorimit të detyrës” dhe “Kryerjes së veprimeve që pengojnë zbulimin e së vërtetës”, të kryera në bashkëpunim, sipas neneve përkatëse të Kodit Penal. Janë vepra të rënda penale, por që përkojnë ‘mot a mot’, me të gjitha akuzat që për 15 vite me radhë janë bërë ndaj Berishës për 21 janarin! 

Berisha si gjithnjë ka hedhur vickla duke bërë të paditurin për këtë thirrje, pavarësisht se kishte javë që e kishte marrë vesh se do të përfundonte të dyert e SPAK zyrtarisht si një person që di shumë për rrethanat e ngjarjes makabre të 21 janarit 2011, ku u vranë katër demomonstrues të opozitës e u plagosën dhjetra të tjerë dhe ku u konsumuan shumë vepra penale, që nga pengimi i drejtësisë për të mbledhur prova në vendngjarje dhe për të hetuar, fshirja e kamerave të sigurisë, mosdorëzimi i zinxhirit komandues të policisë dhe Gardës për hetim, ndryshimi i shulave dhe fshirja e provave tek armët me të cilat u bënë vrasjet dhe mbi të gjitha zbardhjen e faktit se kush i ka dhënë urdhër Gardës së Republikës për të qëlluar në ‘mish’, pra  mbi turmën që po largohej nga bulevardi përballë kryeministrisë! 

Berisha e dinte se kishte një fletëthirrje për të, për ta pyetur për 2 janarin, pasi informacionet ‘rrjedhin’ në drejtim të selisë së PD si dhe njerëzve të tij kur bëhet fjalë për hetimin ndaj ish kryeministrit demokrat. Për më tepër që javë më parë kishte dëshmuar në SPAK vartësi i tij, apo numri dy në zinxhirin komandues të Gardës më 21 janar 2011, ministri i Brendshëm i asaj kohe, Lulzim Basha. I cili bëri diskretin kur doli nga SPAK, por më herët kishte deklaruar se ai nuk ishte urdhërdhënësi për Gardën për të qëlluar mbi demonstruesit, ndërkohë që ‘gojët e liga’ thonë se Basha është ‘zbërthyer’ jo vetëm para aleatëve tanë të përtej oqeanit, duke mos mbajtur asgjë në ‘bark’ por përmes garancive solide dhe të vijueshme, është ‘zbrazur’ mjaftueshëm edhe në Prokurorinë e Posaçme Shqiptare. Pra, mendohet se Basha ka folur me emra dhe fakte konkrete! 

Që Berisha kishte dijeni për fletëthirrjen për të dëshmuar në SPAK për 21 janarin, u vu re dhe në ‘sagën’ e sulmeve me regji qëndrore ndaj  zyrtarëve më të lartë të qeverisë shqiptare, teksa nën ‘kujdesin’ personal të vetë kreut të PD, dosjet e hetimit u botuan në ato pjesë ku dëshironin, jashtë kontekstit për të bërë atë ‘cirkuitin’ e ‘linçimit publik’, i përdorur në të gjitha rastet e ‘gjyqeve popullore’ me rrjedhje selektive informacionesh nga SPAK, për zyrtarët e lartë socialistë që janë dënuar, apo po hetohen ose janë në paraburgim për vepra të ndryshme penale! 

Dhe në fund të herës Berisha deklaroi se ka kërkuar hetim nga një prokuror ndërkombëtar, duke tentuar të shpangë drejtësinë e re shqiptare, praktikisht SPAK për të hetuar këtë dosje të rëndë krimi, e cila ka 15 vite që qëndron nëpër sirtare e ku vetëm një vendim i gjykatës së Strasburgut bëri që kjo çështje të rihapej, për të hetuar jo gardistët e thjeshtë që qëlluan mbi turmën por ata që kanë dhënë urdhërin për të qëlluar në ‘mish’ e mbi të gjitha prishën provat dhe shkatërruan drejtësinë nga themelet vetëm e vetëm që kjo çështje të mbyllej pa prekur nivelet e larta të komandimit të Gardës më 21 janar 2011! Dhe meqë jemi tek Strasburgu, mos e dhëntë Zoti që Strasburgu t’i plotësojë ‘dëshirën’ dhe të dërgojë ndonjë prokuror ndërkombëtar, siç e kërkon Berisha, për të dhënë një ‘dorë’ ndihme për prokurorët e SPAK që të hetohet më në themel kjo çështje! Atëherë do ta dëgjonim ‘piskamën’ e Berishës, piskamë deri në fund të dheut! 

Dhe ne fund të herës, na vjen habi që dhe avokati i Berishës bëri të habiturin për këtë fletëthirrje, teksa deklaron se është lajm  i rremë pasi nuk ka njoftim nga ana e SPAK për Berishën që të dëshmojë për 21 janarin 2011 e ku avokati këmbëngul se prokurori ka shpifur në këtë rast, duke e vënë sipas tij,  institucionin e hetimit në funksion të axhendës së qeverisë! Por me Berishën dhe avokatët e tij bie në hall, pasi Prokuroria i çojnë thirrjet për të dëshmuar në SPAK, ndërsa këta bëjnë sikur nuk e kanë mendjen, sikur s’janë aty! Ndërkohë që për kundërshtarët e tyre politikë, fletëthirrja kapet në ajër dhe ‘çohet’ më parë nga ana e selisë së PD, shumë javë më parë se të dalë shkresa zyrtare! Shpërndahet në media nën ‘kujdesin personal’ të Berishës! Këto i ‘kap’ shpejt Berisha, që në ‘embrion’, vetëm të vetat nuk i sheh dhe as nuk i ‘shkojnë’ në adresën e tij! 

Dhe teksa këtë të hënë morëm vesh zyrtarisht e me dokumente me firmë dhe me vulë, lajmin e thirrjes së Berishës në SPAK për të dëshmuar për 21 janarin, ku në mendje na vijnë deklaratat e tij që nga viti 2011 e deri kohët e fundit, ku bën me dije se vetë ai kishte urdhëruar të qëlloheshin deri në 300 demonstrues nëse kalonin gardhin e kryeministrisë apo kishte dhënë urdhërin për të vendosur 5 snajperë të mirëstërvitur në tarracën e kryeministrisë për të qëlluar kreun e atëhershëm të opozitës, sot kryeministri Edi Rama, janë më zë dhe figurë këto deklarata, pyetja që na del vetëvetiu ka të bëjë me faktin, se si ka mundësi që SPAK e përshpejtoi procesin e thirrjes së niveleve të larta të zinxhirit komandues të Gardës, në fillim numrin dy, ish ministrin e Brendshëm Basha dhe më pas ‘majën’ e zinxhirit komandues, vetë Berishën! Domethënë si ‘guxoi’ SPAK që nuk i përmend as emrin, të thërrasë Berishën, për një dosje vërtetë të rëndë, siç është vrasja e 4 demonstruesve të opozitës më 21 janar 2011, përballë kryeministrisë nga Garda! 

Dhe për të dhënë një përgjigjie jo shterruese e jozyrtare, të kuptohemi, ndoshta për të qënë dhe ne të ‘modës’ sikurse ‘hamendësuesit zyrtarë’ nëpër panelet televizive apo në mediat afër Berishës, kuptohet  ne po sillemi në mënyrën më të kujdesshme  të mundshme pasi jemi rishtarë në këtë ‘zanat’ që ka përmbytur opinion-bërjen në vend, në kujtesë na vjen vizita në Tiranë, në fundin e tetorit, e Zv.ndihmës Sekretarit të Shtetit në SHBA, Mark Fleming. I cili sapo ‘zbarkoi’ në Shqipëri, ka vizituar  Prokurorinë e Posaçme, ka zhvilluar takim me kreun e SPAK, Altin Dumani si dhe një prokuror të posaçëm, ku në mungesë të njoftimit zyrtar nga palët në takim, mediat vetë kanë përdorur emra siç ua ka dashur shpirti. Ama Dumani ka qënë në këtë takim!  

Në kuadër të mbështetjes dhe rakordimit me SPAK, Fleming ka takuar ministren e Brendshme Albana Koçiu si dhe ministrin e Drejtësisë, Besfort Lamallari, si dhe funksionarë të tjerë të lartë. Nga ana tjetër dhe kreu i Kuvendit, Niko Peleshi, ishte gjithashtu në takim me Fleming. Ndërsa zyrtari amerikan është takuar edhe me përfaqësuesit e opozitës, ku në takim kanë marrë pjesë Gazment Bardhi, Belind Këlliçi dhe Jorida Tabaku. Vlen të theksohet se kryeministri Edi Rama ishte në Forumin e Parisit, dhe nuk pati mundësi takimi, ndërkohë që kreu i PD Sali Berisha ishte në zyrën e tij në selinë buzë Lanës, por si gjithnjë as nuk e thirri njeri për ta takuar zv.sekretarin amerikan të Shtetit! Megjithëse zyrtari i SHBA është pjesë e administratës Trump! 

Pra, pas vendimit të Strasburgut që e riktheu për hetim çështjen e 21 janarit, ka një përshpejtim të hetimit të kësaj dosjeje, dosje që ‘fle’ këtu e 15 vite nëpër sirtarët e drejtësisë së re, pa e marrë askush përsipër, vetëm një javë pas vizitës së papritur të zyrtarit të lartë të DASH. Dhe nëse ne i dorëzohemi si të gjithë të tjerët ‘hamendësimeve’, atëherë i bie që thirrja e Bashës në fillim dhe më pas e vetë Berishës, është pasojë e hapjes së ‘valixhes diplomatike’ të SHBA, të sjellë nga Fleming! ‘Kasandrat’ janë munduar t’i japin drejtime të tjera për ta orientuar goditjen nëpër ‘rrugë qorre’ ndërkohë që e vërteta e kulluar paska qënë e qartë. Masazhi paska qënë për hetimin e 21 janarit, dhe mbi të gjitha ‘majës’ së zinxhirit komandues të Gardës atë ditë, Berishës! 

Dhe meqë jemi tek ‘zbërthimi hamendësues’ i mesazhit të Zv.ndihmës Sekretarit të Shtetit në SHBA, Mark Fleming për drejtësinë shqiptare, por dhe për organet ligjzbatuese, ministrinë e Drejtësisë që të mbështesë drejtësinë e re për hetimin e 21 janarit si dhe ministrinë e Brendshme për të garantuar mbarëvatjen e sigurisë në vend gjatë hetimeve por dhe ndonjë ‘rebelimi’ të mundshëm opozitar në përfundim të hetimeve, si dhe ‘joshja’ e grupimit pro-SHBA në PD, një pjesë që braktisën dhe Bashën+Këlliçin, për të përshpejtuar fundin e Berishës në PD, nëse do të mundin ndonjëherë,  për të mbajtur ‘nën kontroll’ Flamur Nokën me shokë, ajo që bie në sy është se emri “Fleming’ është shumë i njohur për botën e zhvilluar dhe demokratike!  

Për ata që nuk e dinë, ka qënë një Sir Alexander Fleming (6 gusht 1881-11 mars 1955), i cili ishte një mjek e mikrobiolog skocez, dhe që u bë më i njohur për zbulimin e substancës së parë antibiotike me efekt të gjerë në botë, të cilën ai e quajti penicilinë. Dhëntë Zoti që vizita e ‘adashit’ të tij, Fleming-ut zyrtar të lartë të SHBA në Tiranë dhe takimet e tij këtu të kenë dhënë efektin e një ‘antibiotiku’ në trupin ende të infektuar të drejtësisë së re shqiptare, për ta bërë imune nga çdo lloj presioni apo goditje nga politikanët e lartë të korruptuar në Shqipëri! Pasi, e ritheksoj, pa u dhënë drejtësi për ’21 janarin’ dhe “Gërdecin”, nuk mund të quhet se ka drejtësi në këtë vend! 

The post 21 janari, Berisha në SPAK e ‘valixhja diplomatike’ e zyrtarit amerikan first appeared on JavaNews.al.

 Nga Jakin Marena   

Menjëherë pas zgjedhjeve të përgjithshme parlamentare të 11 majit të këtij viti, zgjedhje në të cilat PD dhe opozita ‘korrën’ një humbje rrënuese, ka rënë ndjeshëm ‘aplituda’ e përmendjes shpalljes së Sali Berishës ‘non grata’ familjarisht nga ana e SHBA. 

Tashmë që Berisha e ka pranuar humbjen në zgjedhjet parlamentare, si dhe ka marrë një vendim për një bojkot të ‘fshehur’ në zgjedhjet e pjesshme për pushtetin vendor në 6 bashkitë pa kryetar, duke filluar nga Tirana, dhe vijuar me Vlorën, Beratin, Tepelenën, Matin dhe Cërrikun, përmes mbështetjes së kandidatëve të pavarur, deklaratat për heqjen e ‘non gratës’ dhe akuzat ndaj Ramës për lobimin në SHBA për sanksionimin nga DASH, janë shuar thuajse fare! 

Kreu i PD, me sa duket është ambientuar me humbjen më 11 maj, e nuk i bën më përshtypje as për ‘non gratën’ në SHBA dhe as për humbjen katastrofale që e pret në zgjedhjet e pjesshme në 6 bashkitë e vendit, teksa ka pranuar të hyjë në Kuvend, të marrë pjesë në komisionet parlamentare si dhe në delegacionet e përhershme në Këshillin e Evropës, sikur të mos kishte ndodhur asgjë! 

Pavarësisht se nuk i njohu zgjedhjet e 11 majit, i kontestoi me të madhe për një kohë relativisht të gjatë, tani po ecën në ‘ullukun’ rutinor, vajtje në seli, në parlament, i këput disa akuza të rënda Edi Ramës, akuza që s’ka bir nëne që i beson, disa për një takim në Aruba e të tjera për kapje të shtetit, si dhe deklaron se Shqipëria nuk i plotëson kushtet për anëtarësim në BE, përpos gjeostrategjisë dhe marrëdhënieve me jashtë, Berisha vetëm për një gjë po hesht në mënyrë solide tani së fundmi: Heqjen e ‘non gratas’ nga administrata amerikane, tashmë jo e re e Donald Trump! Themi jo e re, sepse Trump është në mbyllje të vitit të parë të mandatit të dytë, ndërsa nuk është kujtuar askund për Berishën e sanksionuar nga ‘armiku’ Blinken vite më parë, si i padëshirueshëm familjarisht në SHBA. Madje Berisha sikur s’do as t’i dëgjojë më këto historitë e mbështetësve të tij me ‘kredite’ në SHBA, për heqjen sot apo nesër të ‘non gratës’! 

Deri në momentin kur ndërmori vendimin për të heshtur, kanë heshtur dhe mbështetësit e tij në kupolën e PD, Berisha nuk kalonte ditë pa e përmendur Sorosin, Ramën dhe gjithë kundërshtarët e tij, duke i fajësuar se kishin lobuar për ta sanksionuar në SHBA, me qëllimin e vetëm për të dëmtuar opozitën, pasi goditej kreu i opozitës! Anipse Berisha në momentin e shpalljes non grata ishte thjeshtë një deputet, dhe zyrtarisht nuk ishte as në kupolën e PD, pasi kryetar asokohe ishte ‘fatkeqi’ Lulzim Basha. I cili dhe e përjashtoi nga grupi parlamentar dhe më pas nga PD, por që më pas Berisha me mjetet e tij, e dëboi nga drejtimi i demokratëve por dhe nga vetë partia Lulin! 

Berisha ka akuzuar gjithnjë kundërshtarin e tij politik, Rama, se kishte bashkëpunuar me Sorosin duke lobuar për ta shpallur ‘non grata” duke përdorur dhe Bashën që ta linin vendin pa opozitë. Sulmonte ish sekretarin amerikan të Shtetit, Blinken se ishte ‘dora e zgjatur’ e Sorosit në DASH që kishte hedhur firmën për shpalljen non grata, duke kërcënuar se menjëherë sapo të vijë në pushtet Donald Trump gjithçka do të sqarohej, keqkuptimi do të marrë fund dhe bashkë me të do të hiqet sanksionimi për Berishën dhe familjen e tij, si dhe do të ndëshkoheshin Edi Rama dhe bashkëpunëtorët e tij në këtë krim sipas tij, kundër opozitës shqiptare. Asgjë nuk ndodhi! Në të vërtetë Rama mori 83 mandate deputeti në zgjedhjet e 11 majit, shumë më shumë se më 2021 

Por Berisha nuk ka qënë konstant në lidhje me shkakun e shpalljes së tij ‘non grata’ familjarisht nga DASH. Ndonëse në qendër të goditjes ka qënë gjithnjë kundërshtari i tij politik Rama, i cili sipas versionit të Berishës kishte lobuar në SHBA për shpalljen e tij ‘non grata’ për përjetësimin e PS në pushtet, a thua DASH dhe qeveria amerikane mund të manovroheshin lehtësisht nga kreu i qeverisë shqiptare sipas dëshirës së tij, kreu i PD sipas nevojës e situatave për të luajtur kartën e nacionalizmit ‘zbulonte’ si shkakun e vërtetë të sanksionimit të tij në SHBA, qëndrimin e fortë kundër ndarjes së Kosovës, që sipas tij, Vuçiç dhe ‘argatët’ e tij Rama dhe Thaçi kishin rënë dakord për ta realizuar në kurriz të shqiptarëve! Berisha nuk përmend ish bashkëpunëtorët dhe as bashkëpunëtorët e tanishëm të Trump, që kishin bërë këtë ‘skenar me Edi Ramën e Hashim Thaçin’. Janë akuza me të vërtetë që nuk ngjisin në publikun shqiptar, pasi dihet botërisht se Shqipëria e Kosova, por as vendet e mëdha të BE, nuk kanë takat të bëjnë ndryshime kufijsh pa vendosur të mëdhenjtë, mbi të cilët është superfuqia e vetme në planet, aktualisht Amerika. 

Kështu ka ndodhur për herë, në jetë të jetëve, dhe nuk ka mbetur kurrë puna që kufijtë tanë t’i vendosim ne! I kanë vendosur të tjerët duke lënë gati 2/3 e territoreve shqiptare jashtë shtetit amë! Megjithëse Berisha e di se askush nuk e beson në këto justifikime, madje as demokratët që po e braktisin ditë pas dite, as deklaratat ‘shpjeguese’ se përse është shpallur ‘non grata’ nga SHBA dhe më pas dhe nga Britania e Madhe, kreu i PD nuk ka përtuar asnjëherë që t’i hedhë për konsum publik! Deri këto momentet e fundit, ku duket tepër i ‘relaksuar’ në këtë drejtim! 

Berisha ka nisur të mos i përmendë më arsyet se përse u ndëshkua familjarisht nga SHBA me shpalljen ‘non grata’, madje nuk ka asnjë deklaratë se kur do të hiqet ky sanksionim nga qeveria amerikane! Me sa duket është pajtuar me faktin se ai vetë do të vuajë deri në fund të jetës së tij shpalljen ‘non grata’ nga SHBA, pavarësisht se e ka të vështirë të pranojë që dhe fëmijët e tij të mbeten me këtë njollë në kurriz, pasi do t’ju trashëgojë PD-në, si pronë me ‘hipotekë’ që e ka! 

Që me ardhjen e Trump në pushtet në SHBA, ka keqkuptuar rëndë hyrjen e Trump në Shtëpinë e Bardhë teksa e ka konsideruar si një ‘marrsh funebër’ për qeverisjen e Ramës si dhe dhënien e një ‘dore’ ndihme PD-së për të ardhur në pushtet, por sidomos deri disa muaj pas zgjedhjeve, Berisha nuk pushoi se përpjekuri për të hequr ‘non gratën’ ose sëpaku për të siguruar një vizë të thjeshtë e vetëm për të kaluar Atlantikun, e për ta përdorur si ‘bonus’ në zgjedhjet e 11 majit! 

Pagoi dhe 6 milionë dollarë për të lobuar në këtë rast, për një vizë sëpaku! Dhe kjo shumë është vetëm pjesa e dukshme e shumës hedhur për lobim në SHBA e deklaruar por asnjëherë e zbardhur sipas ligjeve të shtetit në institucionet e tij, pasi korridoreve të PD ‘gojët e liga’ thonë se Berisha ka shpenzuar për lobim, duke futur si ‘paketë’ dhe LaCitën, mbi 20 milionë dollarë, një shumë tepër e madhe kjo për një deputet si Berisha, qoftë dhe i ‘financuar’ nga një elektricist tropojan në SHBA, të cilin nuk e njeh askush, jo më të hedhin para në fondacionin e tij pa emër dhe pa anëtarë! Demokratët thonë se të paktën të ishin hedhur për fushatën e 11 majit këto para! 

Pavarësisht përpjekjeve të Berishës me para e lobime të tjera për të zhbërë sadopak ‘non gratën’ nga SHBA, të firmosur nga ish sekretari i DASH, Blinken, për korrupsion madhor, minim të demokracisë dhe shantazhim të drejtësisë, deri më tani kreu i PD nuk e ka kaluar oqeanin! Nuk ka asnjë shpresë as për të ardhmen me sa duket, pavarësisht se Trump ka gati 1 vit në detyrë dhe as që po kujtohet njeri në SHBA për liderin e PD!  Eshtë jashtë ‘radarit’ të tyre me një fjalë! 

Dhe nuk është vetëm arsyeja e parave të hedhura për lobim, janë vërtetë shumë para këto dhe detyrimisht mund të ketë hetime për burimin e këtyre financimeve miliona dollarëshe, ajo që ka sjellë heshtjen e Berishës dhe të mbështetësve të tij për ‘non gratën’ e tij këto kohët e fundit, a thua se është pajtuar me këtë gjë! Eshtë një heshtje e çuditshme 

Me sa duket Berisha duke heshtur kërkon të zhysë akoma më shumë në mister arsyen e vërtetë të sanksionimit të tij nga SHBA! Ku për hir të së vërtetës shkaku s’ka lidhje me shpjegimet që jep vetë Berisha, lobimin e Sorosit në favor të Ramës apo kundërshtimi nga kreu i PD i ndarjes së Kosovës. Për më tepër, me sa duket del dhe përtej asaj që ka deklaruar zyrtarisht DASH mbi arsyet e vendimit për të shpallur Berishën familjarisht ‘non grata’! Dhe Berisha e di të vërtetën, por kërkon që të paraqitet në publik si diçka e mistershme, sidomos për ithtarët e tij! 

Shqiptarët duhet ta dinë që amerikanët mbajnë shënime, kanë informacione mbi gjithçka, përmes organeve të saj inteligjente e ligjzbatuese dhe flasin kur e kanë mbushur dosjen plot! Kur e ke bërë ‘baltë’ me një fjalë dhe nuk mban më! Dhe Berisha e di fort mirë se amerikanët nuk të falin kur rrezikon sigurinë e SHBA përmes bashkëpunimit me vendet nën sanksione të OKB siç ishte furnizimi me naftë dhe armë i regjimit të Milosheviçit, siç ishte hapja e dyerve dhe lëshimi i poligoneve të stërvitjes së ushtrisë shqiptare për ‘bijtë e terrorit’, radikalët islamikë të Al Kaedës deri dhe pritjen e Osama Bin Laden në zyrat e shtetit. Apo shkatërrimin e shtetit nga themelet më 1997, si dhe akuzat ndaj CIA-s nga ana e Berishës si ‘strumbullari i këtij rrëzimi’! Amerikanët nuk e falin as kundërshtimin e marrëveshjes së Rambujesë që solli bombardimin e NATO-s mbi Beograd dhe çlirimin e Kosovës dhe mbështetjen e pavarësisë së saj! 

Berisha e di fort mirë se amerikanët nuk ia falin as bashkëpunimin e tij me vendet jo mike dhe armike të Aleancës së NATO-s, pra dhe të SHBA, ku përfshihen Rusia, Kina e vendet Arabike, deri në atë pikë sa nën dyshimet për rrjedhje informacioni të NATO-s drejt këtyre vendeve, Shqipëria nën qeverisjen e Berishës, u përjashtua edhe nga mbledhjet e ngushta të Aleancës në Bruksel, ku diskutoheshin dhe merreshin vendime të rëndësishme, përjashtim që zgjati deri në vitin 2013 kur shqiptarët e larguan Berishën me votë nga pushteti! Apo dhe bashkëpunimin e nëndheshëm me Iranin, për të cilin Berisha ishte paralajmëruar disa herë nga aleatët tanë të mëdhenj! Pa përjashtuar financimet e mëdha që ka marrë gjatë gjithë jetës së tij politike nga “Bijtë e Allahut” të islamit radikal, për të përdorur Shqipërinë si ‘platformë’ të operacioneve të tyre terroriste në vendet e BE! 

Amerikanët nuk i falin as financimet e PD nga Rusia për të destabilizuar situatën në Shqipëri dhe në rajon! Janë e zeza mbi të bardhë këto elementë që ndikuan fort në sanksionimin e Berishës nga ana e SHBA, përtej versionit zyrtar që jepet nga aleatët tanë por dhe justifikimeve të ndryshme në situata të ndryshme nga Berisha! Prandaj kreu i PD ka vendosur të heshtë për ‘non gratën’, anipse Trump ka një vit që ka ardhur në pushtet, e sikurse Berisha kishte paralajmëruar do të hiqte sanksionimin dhe do ta dërgonte në ‘shtëpi’ Edi Ramën, duke e larguar nga pushteti! Me sa duket do të presë shumë, deri në fund të jetës për këtë vendim! Prandaj ka nisur heshtjen! 

The post Heshtja e Berishës, e vërteta e ‘non gratës’ dhe lobimi miliona dollarësh first appeared on JavaNews.al.

Nga Jakin Marena

Në pritje të dekretimit nga ana e presidentit Bajram Begaj të datës së të zgjedhjeve të parakohëshme për kryetar bashkie në Tiranë, Vlorë, Berat, Mat, Tepelenë dhe Cërrik, Presidenti e shpalli në fakt 9 nëntorin si datën e zgjedhjeve të parakohëshme në këto 6 bashki, PD po lëviz ethshëm për të gjetur kandidatët që do të garojnë në emër të opozitës! 

Ndërsa ende nuk e ka marrë veten nga ‘trauma’ e shkaktuar për shkak të lëvizjes së beftë të kreut të mazhorancës Edi Rama, i cili hapi rrugën për shkarkimin e Erion Veliajt nga posti i kreut të bashkisë së kryeqytetit për shkak se prej 7 muajsh gjendet në paraburgim, PD e zënë gafil po përballet me një refuzim thuajse total të figurave potenciale për të garuar sidomos në Tiranë, përballë kandidates së PS, Ogerta Manastirliu! E cila tashmë e ka filluar fushatën, ka numrin dy të qeverisë Belinda Balluku si drejtuese të fushatës dhe ka nisur takimet elektorale! 

Që në krye të herës PD u përball me refuzimin e prerë të dy prej figurave më potenciale në PD që mund të mblidhnin vota, Jorida Tabaku e Ilir Alimehmeti! Tabaku deklaroi se do t’i përkushtohet jetës parlamentare, duke mbajtur mandatin e vetëm të fituar nga gara elektorale me listën e hapur në kryeqytet, ndërkohë që Alimehmeti refuzoi të jetë kandidat për kryebashkiak me argumentin se është me afat kohor vetëm një vit si projekt, duke deklaruar se ai do të jetë në garë në emër të opozitës vetëm në zgjedhjet e rregullta për pushtetin vendor të vitit 2027! Po deshi Berisha dhe atëherë, kuptohet! 

Praktikisht Alimehmeti në mënyrë idirekte, me refuzimin e tij, ka lënë për të kuptuar se ai nuk është gati që të ‘digjet’ përballë Manastirliut, pasi humbja e thellë në zgjedhjet para kohe në kryeqytet është e garantuar! Ndaj i tha ‘jo’ Berishës, duke e garantuar se është gati të kandidojë vetëm pas dy vitesh! 

Ndërkohë që janë vetëofruar deputetët Edi Paloka dhe Klevis Balliu, por që nuk ka asnjë shans që të kandidojë asnjëri prej tyre, sepse nuk mbledhin vota! Nga ana tjetër, flukset brenda dhe larg PD, por të lidhura me opozitën, jo pa ironi kanë kërkuar që të garojnë ‘peshat e rënda’ të kësaj partie, duke përmendur në këtë rast numrin dy të PD, Flamur Noka si dhe deputeten Albana Vokshi! Kërkesa këto që dihet se do të refuzohen, pasi ata nuk kanë mbështetje në elektorat, dhe për më tepër që janë në Kuvend dhe në kupolën e PD për shkak të devotshmërisë ndaj kryetarit Sali Berisha dhe për asgjë tjetër, pssi kudo që t’i ‘pilotosh’ në garë të hapur, s’fitojnë!! 

Ka dhe kandidatura të tjera të vetëofruara, si zyrtarja e lartë e kësaj partie, Adriana Kalaja, ish drejtuesja e burgut të grave në kohën e qeverisjes së PS Xhoi Jakaj si dhe kreu i konservatorëve e aleat i Berishës në zgjedhjet e 11 majit, Kujtim Gjuzi, por që nuk janë marrë në referencë nga PD dhe opozita. Prandaj, këta emra deri më tani dhe më tutje kanë kanë shërbyer dhe do të shërbejnë thjeshtë e vetëm si objekt humori nëpër studiot televizive dhe rrjetet sociale! Pasi e kanë ulur së tepërmi ‘stekën’ e përfaqësimit të PD në garën elektorale në Tiranë! 

Negociatat e PD me partitë opozitare, të cilat kanë kërkuar konsensus për një kandidaturë jashtë politikës, janë përqëndruar këtë të mërkurë në shqyrtimin e tre kandidaturave, për të përzgjedhur sipas gjasave njërin prej tyre! Pasi e ‘rrotulluan nëpër gojë” për disa ditë emrin e Pano Sokos të dorëhequr nga Nisma Thurje, duke e lënë përfundimisht jashtë garës për të qënë ai përballë Manastirliut, vëmendja tashmë është përqëndruar në 3 emra të tjerë, përkatësisht të Edlira Çepanit, që njihet si aktiviste e shoqërisë civile, Ermal Hasimja që është politolog, si dhe Florian Haçkajt i “Diaspora për Shqipërinë e Lirë”! Çepani është bashkëshortja e ish deputetit dhe zyrtarit të ndjerë të PD, Gerti Bogdani, i cili u nda papritur nga jeta përmbi një vit më parë! 

Vetëvetiu lind pyetje se, përse PD dhe opozita po kërkojnë kandidatura për Tiranën, jashtë rrethit politik, duke iu drejtuar shoqërisë civile si dhe njerëzve që nuk bëjnë pjesë në strukturat e PD?! 

Teksa shohim historikun e garës për kreun e bashkisë së Tiranës që nga viti 1993 e deri në këto momente, ajo që është vënë re është se, PD ka garuar gjithnjë në Tiranë kandidatë me peshë të fortë politike e në parti, pasi Tirana ka specifikë të veçantë sepse përbën më shumë se gjysmën e votuesve në Shqipëri. Por ka dhe rëndësi strategjike për një parti politike apo grupim politik, sepse kush merr Tiranën ka një ‘bonus’ më tepër për të fituar zgjedhjet në rang vendi! Qytetarët e Tiranës besojmë se i mbajnë mend kandidatura të tilla të PD në garën për kryeqytetin, duke filluar që nga Besnik Mustafaj e Spartak Ngjela e deri te Sokol Olldashi, Lulzim Basha e Halim Kosova, të cilët në kohë të ndryshme kandiduan për kryetarë bashkie në Tiranë! 

Tashmë ‘epoka’ e kandidatëve me peshë politike për kryeqytetin në PD ka marrë fund, pasi nuk ka asnjë të tillë kjo parti! Nuk kanë kë të kandidojnë, pavarësisht rëndësisë që paraqet kryeqyteti dhe që për hir të së vërtetës garuesi për Tiranën, në rastin më të mirë garuesi, është kandidati potencial për të drejtuar PD-në në rang vendi nëse merr një rezultat konkurrues, kurse në një rast hipotetik fitues për opozitën shqiptare, garon dhe për të qënë kryeministër! Themi hipotetik, pasi realisht opozita s’ka asnjë shans që as për dekadën ardhshme që të fitojë asnjë palë zgjedhje! 

Duke qënë se PD dhe opozita janë në rënie të lirë, madje nuk kanë asnjë shans që të ngushtojnë as diferencën e zgjedhjeve të kaluara përballë Veliajt me mbi 60 mijë vota më shumë në Tiranë, PD nuk po kërkon një kandidat humbës brenda kupolës së partisë për ta ‘sakrifikuar’ përballë Manastirliut, pasi ata që mund të marrin ndonjë votë e refuzuan garën, po kërkon një kandidat ‘viktimë’ për ta bërë ‘kurban’ jashtë ‘çatisë’ së PD, duke e dërguar ‘paketë’ drejt ‘makinës grirëse’ elektorale të PS! 

Ndoshta mund të zgjedhë mes këtyre tre emrave, njërin më të përshtatshëm. Fundja ‘viktimë’ do të jetë, pasi e ka humbjen e thellë të garantuar në kryeqytet! Berisha do ta ketë më kollaj për ta kaluar dhe këtë radhë humbjen rrënuese, duke u justifikuar me faktin se kishte kërkuar dhe marrë konsensusin e partive të tjera opozitare, aleate ose jo, kishte pranuar kushtet e tyre për një kandidat jashtë PD, ndërkohë që dhe humbjen do ta ‘përpjestojë’ detyrimisht me ta! Do të ndajë me partitë opozitare këtë barrë të rëndë humbjeje, e cila e ka shoqëruar për 12 vite me radhë dhe parashikohet që ta shoqërojë dhe për vite e vite të tjera në dekadën e ardhshme! Paçka se pjesën më të madhe të partive opozitare parlamentare i ka pjesë të listave të PD për deputetë! 

Jo se pyet njeri Berisha për kandidatët apo të punët e tjera në PD! Nëse do të kishte një kandidat potencial brenda partisë, të gatshëm për t’u ‘sakrifikuar’ siç bëri dikur Olldashi apo Mustafaj më parë, madje dhe Këlliçi zgjedhjet e kaluara që lanë mandatin e deputetit apo punën si diplomat për të kandiduar në emër të partisë, Berisha do ta kishte caktuar në garën për Tiranën, pa pyetur njeri! Siç ka bërë gjithmonë! Do ta kishte mbyllur si proces deri më tani, jo të ndërmerrte këto takimet formale përmes grupit tresh negociator Këlliçi-Alimehmeti-Ndoka me partitë opozitare, teksa i bie bretku duke i këshilluar çdo sekondë, siç e ka zakon! I binte shkurt, me një fjalë! 

Por tani i duhet pak ‘qetësi’ deri në humbjen e radhës në vendoret e 2027, dhe për momentin ka zgjedhur që humbjen e thellë të Tiranës t’ia faturojë kandidatit, por dhe ta përpjestojë me partitë e tjera opozitare të cilave ka krijuar përshtypjen e rreme, sikur u ka kërkuar mendim për të gjetur ‘viktimën’ e radhës që ta çojë në ‘thertoren’ elektorale të PS në kryeqytet si ‘kurbanin’ e radhës! Varet kush është gati që të shkojë me vullnetin e vet të lirënë këtë garë humbëse në Tiranë! Ndoshta dhe për 5 bashkitë e tjera që që do të zhvillojnë zgjedhje më 9 nëntor! 

The post PD kërkon me dëshpërim një kandidat, si ‘kurban’ për Tiranën first appeared on JavaNews.al.

Nga Jakin Marena

Partia Demokratike mezi kishte pritur që të largohej Erion Veliaj nga drejtimi i bashkisë së Tiranës, pasi për këtë arsye kishte organizuar dhjetra protesta përballë godinës së bashkisë!

Pikërisht në momentin kur i erdhi në ‘dorë’ një shans i tillë, theksojmë jo për shkak të protestave opozitare, por për shkak të urdhërit të SPAK për ta arrestuar Veliajn nën akuzat për korrupsion e ku prej 7 muajsh qëndron në paraburgim çka solli dhe vendimin politik të PS për ta shkarkuar e për t’i dhënë Tiranës një drejtues për ta qeverisur, demokratët u zunë gafil dhe të papërgatitur!

Teksa kreu i mazhorancës Edi Rama ka prezantuar kandidaten për kryetare bashkie në Tiranë, Ogerta Manastirliun, si dhe ka nisur ngritjen e makinerisë elektorale në kryeqytet duke caktuar sipas të gjitha gjasave madje dhe drejtuesen e fushatës, numrin dy të qeverisë Belinda Balluku, në pritje të shpalljes së datës së zgjedhjeve të parakohëshme në kryeqytet, PD dhe kreu i saj Sali Berisha ende nuk kanë asnjë ide se kush do të jetë kandidati i PD për Tiranën!

“Shpresa” që ishte mbajtur në përzgjedhjen e kandidatit për të qënë përballë Manastirliut, mes dy më të votuarve të PD në zgjedhjet parlamentare më 11 maj në qarkun e Tiranës, përkatësisht Jorida Tabakut dhe Ilir Alimehmetit, është shuar njëherë e mire që në krye të herës, pasi në mënyrë galante të dy këta kandidatë hipotetikë të opozitës, e refuzuan kandidimin për Tiranën!

Deputetja e vetme në Tiranë e PD që hyri nga listat e hapura, Tabaku deklaroi se kishte marrë një mandat të fortë për të përfaqësuar qytetarët e Tiranës në Parlamentin e Shqipërisë, dhe me pak fjalë, nuk e shihte projektin e kandidimit për kryetare bashkie në Tiranë, si të duhurin për të në këto momente. Pra në fund të herës refuzoi, pavarësisht se njerëz afër Berishës e kishin hedhur si emër në treguan mediatik, si ‘test’ për të parë nëse ishte e gatshme të dorëzonte vullnetarisht mandatin e deputetit për të humbur përballë Manastirliut në Tiranë!

Në të njejtën gjatësi vale ishte edhe Alimehmeti, i cili për pak vota mbeti pa hyrë në Kuvend, ndonëse mori maksimumin e mundshëm nga mbështetja e votuesve demokratë në Tiranë, i cili deklaroi se kishte në mendje dhe po punonte për një projekt të madh e katër vjeçar për bashkinë e Tiranës, duke mos qënë aspak i interesuar për një projekt për një gjysmë mandati tani! Pra nuk garon përballë Manastirliut, ishte fjala! Refuzim dhe nga Alimehmeti!

Ndërkohë që figura të tjera në PD, duke filluar nga Paloka, Noka dhe Vokshi, me stil kanë refuzuar garën për bashkinë e Tiranës, përballë Manastirliut, nën argumentin se duhet një figurë që mund të bashkonte të gjitha palët në opozitë, që të kishte konsensusin e të gjithë partive të opozitës! Me përjashtim të Palokës, që nuk e mohoi faktin se nëse e propozojnë do ta marrë këtë përgjegjësi! Ndërkohë që është dhe deputeti Klevis Balliu ai që u zotua se, nëse ia caktonin një detyrë të tillë për të kandiduar në Tiranë ai do ta pranonte, deklaratë kjo me sa duket në kushtet kur ai është thellësisht i sigurtë që nuk e kandidon njeri në kryeqytet! Me gjasë të gjithë presin me zemër të ngrirë se kujt do t’ia vërë gishtin Berisha për të kandiduar në këtë garë të humbur në kryeqytet, në zgjedhjet e parakohëshme që do të zhvillohen, për shkak të shkarkimit të Veliajt!

Praktikisht të gjithë deputetëve dhe figurave më të larta të PD, kur u bëhet pyetja nëse do të kandidojnë përballë Manastirliut për kreun e bashkisë së Tiranës në zgjedhjet e parakohëshme, menjëherë u ikën ‘gjuha mbrapsht’ dhe fshihen pas deklaratave se ‘vendosin strukturat dhe forumet drejtuese të partisë për kandidatin e ri’, ose se ‘duhet konsultë me aleatët e PD për të zgjedhur një figurë përbashkuese’!

Pra të gjithë në PD presin me zemër të ngrirë derisa të zgjidhet një kandidat! I cili sipas të gjitha gjasave do të jetë dikush që do të garantojë një humbje të thellë, pasi jo vetëm që PD është copë copë dhe s’ke ku ta kapësh, por të gjithë janë të interesuar se rezultati në këto zgjedhje para kohe të dalë poshte numrave të Belind Këlliçit që garoi përballë Erion Veliajt para dy vitesh!

Ndërkohë që vërdallë kanë nisur të lakohen emra kandidatësh jashtë lidershipit të PD, duke filluar nga një ish drejtoreshë e burgut të grave në kohën e qeverisjes së PS, e deri tek ndonjë biznesmen rrobaash dhe mjetesh të tjera të përdorura ushtarake! Janë të vetëofruara këto kandidatura e pritet që ndoshta ndonjëri dhe të ‘ngecë’ në rrjetën e PD, ngecje nga halli i refuzimit të të gjithë të tjerëve! Pa përjashtuar dhe ndonjë kandidate serioze që qarkullon në media, bashkëshortja e një ish deputeti të ndjerë të PD, por që është një kandidaturë që po kundërshtohet fort nga grupet brenda demokratëve! Duke pasur pak gjasa të kandidojë!

Praktikisht PD është në hall të madh! Nuk po gjen dot asnjë kandidat për kryetar bashkie në kryeqytet, pavarësisht se kishte dy vite me radhë që kërkonte me ngulm largimin e Veliajt nga posti! I cili u largua jo për shkak të akuzave dhe presionit që i bënte PD por për një akuzë krejt tjetër, dhe jo për shkak se e kërkoi PD, por sepse e shkarkoi PS me një vendim politik për të mos e lënë bashkinë e kryeqytetit pa kryetar! Pasi ka 7 muaj me radhë që kryebashkiaku Veliaj është në paraburgim, ndërkohë që nuk dihet se sa do të vijojë derisa të zyrtarizohet akuza dhe dosja të shkojë në gjykatë. Apo derisa të gjykohet e të jepet vendimi, që mund të shkojë shumë kohë!

Dhe halli i PD është me të vërtetë i madh, pasi po zbardhet në sytë e demokratëve dhe të publikut se në çfarë derenxheje ka rënë kjo parti! Ka marrë fund me një fjalë, ka falimentuar, përderisa s’pranon askush të garojë në Tiranë, për t’u përballur me kandidaten e mazhorancës e për të treguar se ka nisur ringritja e PD-së së paku, jo për të fituar të kuptohemi! Gjithçka fillon por dhe mbaron në Tiranë, jo vetëm ringritja e opozitës, por dhe fundi i saj!

Dhe për shkak të refuzimit të kandidimit për kryetar bashkie në Tiranë i figurave kryesore të PD, situata në këtë parti është jo vetëm tragjike, por dita ditës po merr dhe trajta të forta komike! Krijimi i kësaj ‘hapësire’ në PD për të garuar për kreun e bashkisë së Tiranës, për shkak se asnjë figurë e kësaj partie nuk e merr përsipër garën, ka ngritur dhe ‘sentimentin’ e shumë personave rrotull PD, jo domosdoshmërisht përfaqësues të kësaj partie por të deklaruar aleatë të Berishës, të cilët vetëofrohen si kandidatë ‘potencialë’ në garë! Madje duke shfrytëzuar dhe disa ‘dobësi’ të Berishës, teksa i lënë për të kuptuar se mund t’i heqin sanksionimin nga SHBA, dhe ta lënë të lirë të lëvizë në tërë botën pa asnjë pengesë! Vënë dhe afate mujore madje për rezultate të tilla!

Një ndër ta është dhe kreu i Partisë Konservatore Kujtim Gjuzi, i cili në zgjedhjet e fundit të 11 majit të këtij viti ka qënë ndër ‘lojtarët’ aleatë të PD më të preferuar nga ana e Berishës, pavarësisht rezultatit që mori në ato zgjedhje. Me sa duket Gjuzi është munduar t’ia kthejë në të njejtën ‘monedhë’ Berishës mbështetjen dhe promovimin në fushatën zgjedhore! Madje Gjuzi ka dhënë një garanci maksimale për Berishën, në këmbim të mbështetjes së kandidaturës së tij të vetëofruar në emër të opozitës, për të qënë përballë Manastirliut në garën për bashkinë e Tiranës, ka dhënë garanci heqjen e ‘non gratës’!

“Ta nxjerrë Berisha nesër emrin tim në konferencë shtypi. Nuk duhen as 33 ditë që të zgjidhet puna e non gratës. Non grata ka qenë për t’u hequr. Tani ata thonë në telefon. Ka qenë në zyrën e Flamur Nokës dhe u bë projekti. Unë nuk e di po Flamur Noka ia ka çuar Berishës, po unë luaj me lojtarë rezervë. Unë kam mesazhin këtu që është super por që nuk e nxjerr këtu, por do ta tregoj poshtë, që thotë ai që është kandidat për të ardhur këtu ambasador. Unë e pyes ku jemi me ambasadorin amerikan në Shqipëri, ai thotë akoma. Ama titullin e ka marrë, se ka qenë te ajo festa e madhe e ambasadorëve”, ka deklaruar Gjuzi publikisht, në një emison televiziv.

Teksa është vetëofruar si kandidat për garën në Tiranë përballë Manastirliut, Gjuzi ka prekur pikërisht pikën më të ndjeshme të Berishës, dëshirën e tij për heqjen e “non gratas’ në SHBA! Kur tjetri është në hall, t’i afrosh dhe fijen e barit për t’u kapur e për të shpëtuar, ai e kap menjëherë! Me këtë sentencë i vetëofrohet Berishës dhe Kujtim Gjuzi, si kandidat për kryetar bashkie në emër të opozitës në Tiranë, duke i premtuar se në këmbim i heq ‘non gratën’ në SHBA. Pavarësisht se vetë Berisha, megjithëse ka paguar miliona dollarë lobime në SHBA, jo vetëm që nuk ka hequr non gratën por s’ka siguruar asnjë vizë të thjeshtë për të kapërcyer Atlantikun!

Nuk dimë nëse Berisha do ta kapë ‘karremin’ e Gjuzit për ta emëruar si kandidat të opozitës për kryetar bashkie në Tiranë përballë Manastirliut! Gjasat janë afër zeros për këtë qëllim, sepse Berisha është në hall të madh, por është skile e vjetër e politikës dhe nuk është budalla! Por ajo që shohim jo pa dhimbje ëhstë fakti se PD dhe Berisha janë kaq në hall dhe të katandisur aq keq e në rënie të lirë, sa kanë lënë hapësira që dhe Kujtim Gjuzi të tallet me PD dhe me vetë Berishën! Dhe kjo duket me sy të lirë. Na vjen keq, sepse Berishën për 13 vite e kemi pasur president, kryeministër dhe për 35 vite ka qënë kreu i një prej dy partive më të mëdha në Shqipëri, partisë së parë opozitare, PD, që i kanë dhënë tonin politikës! Na ‘dhemb’ dhe neve një tallje e tillë me të, thjeshtë e vetëm se PD është në rënie të lirë dhe vetë Berisha, në hall!

The post PD s’ka kandidatë për Tiranën, Kujtim Gjuzi tallet me Berishën first appeared on JavaNews.al.

Nga Jakin Marena

Një ditë më parë kreu i mazhorancës Edi Rama ka paraqitur kabinetin e ri qeveritar, drejtuesit e Kuvendit e të grupit parlamentar, si dhe ‘piketat’ nëpër të cilat do të lëvizë qeverisja e ardhshme e PS në mandatin e katërt rresht, të përputhur me axhendën e integrimit të Shqipërisë në BE!

Që në mbledhjen e Asamblesë së PS, të zhvilluar të enjten, Rama ka qënë i qartë në objektivat e tij, për këtë mandat qeverisës për Shqipërinë 2030, teksa ka paralajmëruar që të ketë riorganizim dhe reformim të disa institucioneve, përfshirë dhe Kuvendin e Shqipërisë.

Rama ka deklaruar se Kuvendi duhet të ketë maksimumi 101 deputetë dhe për të duhet të ketë një ligj të posaçëm, duhet të bëhet me urgjencë reforma territoriale dhe ajo zgjedhore, ku tek kjo reformë e dytë kërkohet me patjetër depolitizimi i administratës zgjedhore! Dhe nëse realizohen këto ndryshime, ulja e numrit të deputetëve kërkon votën kushtetuese, atëherë sërish PS krijon një bazë të rëndësishme për mbarëvajtjen e punëve në këtë vend!

Ndërkohë që Rama vuri si prioritet për mandatin e katërt luftën ndaj nepotizmit dhe mbrojtjen e drejtësisë së pavarur. Kreu i mazhoranës paralajmëroi se pavarësia e SPAK dhe GJKKO është kusht i panegociueshëm, dhe se partia e tij, PS është e vetmja garanci që kjo pavarësi të mbrohet.

Njëherësh kreu i mazhorancës paralajmëroi se PS do të vazhdojë të qeverisë edhe përtej këtij mandati, duke kërkuar jo vetëm besimin e sotëm, por edhe vazhdimësinë e të nesërmes politike në vend. Konkretisht, Rama, teksa prezantoi emrat e rinj të kabinetit qeveritar, tha se socialistët do të jenë në drejtimin e vendit për një kohë të gjatë. “PS duhet të udhëheqë edhe për shumë e shumë vjet të tjera. Përrallat që në një demokraci duhen ndërruar partitë çdo 4 vjet, lëruani atyre që tregojnë përralla. Është detyrim që ta shohim PS në krye edhe në vitin 2030, vitin 2040, edhe në vitin 2050. Ne ta shohim, domethënë ju ta shihni”, u shpreh Rama. Duke e cilësuar këtë mandat të katërt qeverisës si mandatin e parë ‘në funksion të anëtarësimit të Shqipërisë në BE’!

Dhe vetë përbërja e kabinetit të ri qeveritar ka evidentuar një qasje të qartë nga Rama, ku përvoja dhe qëndrueshmëria politike janë në qendër të vendimeve për përbërjen e kabinetit. Kjo ka bërë që emërimet e reja të mos nga prezantojnë surpriza të mëdha, por të jenë në krye të herës një reflektim i balancimit të kujdesshëm mes forcimit të dominancës politike dhe sfidave reale që vendi ka përpara, ku në krye të axhendës është anëtarësimi në BE. E në funksion të kësaj qasjeje, kabineti qeveritar u prezantua nga Rama si kulmi i eksperiencës qeverisëse, e përkufizuar nga vetë Kryeministri si ‘qeveria e 12 viteve përvojë’. Pra që përmbledh në vetëvete përvojën e tre mandateve rresht qeverisjeje të PS. Por dhe premtoi ‘opozitarizëm’ ndaj tre mandateve të kaluar!

Një skemë e tillë tregon qartë se për kryeministrin Rama, qeveria s’është thjesht një mekanizëm ekzekutiv, por një mekanizëm real për të konsoliduar e rritur influencën politike afatgjatë të PS. Përzgjedhjet në kabinet janë një sinjal i qartë se PS do të vazhdojë të mbështesë bazën e saj të besueshme, një trupë elektorale që lëviz me plus minus 800 mijë vota pro PS në çdo palë zgjedhje, në funksion të menaxhimit të tranzicioneve të brendshme si dhe sfidave të ardhshme. Duke dalë përtej të majtës në ofertën e tij në funksion të qeverisjes sa më të mirë të këtij vendi, teksa nënvizoi se nuk duhet mbyllur dera për askënd se ‘bëhet pjesë e byrekut’!

Kreu i mazhorancës socialiste, e cila ka në Kuvend 83 mandate deputeti, shtuar dhe 3 mandate të aleatit hipotetik PSD-së, prezantoi kandidaten për kryetare të bashkisë së Tiranës, Ogerta Manastirliu, në zgjedhjet e parakohëshme që do të zhvillohen pas dorëheqjes apo shkarkimit me patjetër të Erion Veliajt, i cili prej muajsh është në paraburgum nën akuzat për korrupsion! Pra Rama e hodhi ‘sfidën’ e përballjes në zemër të Shqipërisë në kryeqytet, pikërisht për pasuesin e Veliajt në krye të bashkisë së Tiranës! Përballje që PD e kishte kërkuar me kohë dhe vakt, duke protestuar madje për ditë të tëra para bashkisë, për dorëheqjen e Veliajt! Të paktën formalisht!

Pra Rama, si kreu i mazhorancës socialiste, në vigjile të fillimit të mandatit të katërt radhazi në qeverisje të vendit, prezantoi qartë dhe saktë objektivat e PS që drejton jo vetëm për këtë katër-vjeçar qeverisjeje, por dhe për një periudhë të gjatë në funksion të anëtarësimit të Shqipërisë në BE, dhe përtej saj. Madje duke vënë si limit kohor qeverisjeje, përtej vitit 2040, deri më 2050. Një sfidë e qartë për politikën në Shqipëri, dhe ata që e sfidojnë PS për ta larguar nga pushteti!

Por si e priti opozita në krahun tjetër strategjinë e re të Ramës, i cili e bëri të qartë se qeverisja e vendit, tashmë në kushtet e integrimit, fillon pikërisht tani, duke paralajmëruar mandate të tjera qeverisëse, që ia ‘fikin’ shpirtin opozitës dhe opozitarëve?!

Menjëherë pas prezantimit të qeverisë së re, kreu i PD Sali Berisha, në një dalje publike pas konstituimit të grupit të tij parlamentar, lidershipi i grupit të PD janë të njejtët emra vegjetues e të pandryshuar për vite e vite me radhë dhe pa asnjë kontribut votash, të cilët vërtiten pa orientim por me sytë tek Berisha korridoreve të selisë buzë Lanës, teksa nisi sulmet emër për emër ndaj vetë Ramës dhe ministrave të tij të rinj, shpalosi strategjinë opozitare! Një strategji që nuk fliste për të ardhmen, për mënyrën se si opozita do të qasej ndaj elektoratit për të ardhur në pushtet!

Berisha sërish vijoi me denoncimin e zgjedhjeve të 11 majit, flet për të shkuarën, kërcënon se do ta rrëzojë Ramën nga pushteti me të gjitha mënyrat, megjithëse i ka provuar të gjitha mënyrat e forcës të cilat pretendon se do të aplikojë dhe këtë mandat të katërt në opozitë kundër Ramës, dhe asgjë nuk ka arritur. Vetëm njërën nuk provon Berisha, krijimin e një frymë të re lidershipi, qasjeje të re ndaj elektoratit për të ardhur në pushtet! Që do të thotë largimin e tij, pas 35 vitesh në krye të PD, që nuk mund të jetë kurrsesi më alternativa e të ardhmes. Shqiptarët nuk besojnë në rrëzimin vetë të kësaj mazhorance, thjeshtë e vetëm se PD përdor fjalor dhe mënyra të dhunshme të të bërit opozitë. Qytetarët kërkojnë alternativa të reja opozitare, që t’i ballafaqojnë dhe të vendosin pastaj për kë të votojnë! Kërkojnë nga opozita një alternativë të re që frymëzon!

Berisha kërkon që me të njejtat metoda dhe strategji që ka ndjekur për 12 vite me radhë, të cilat i kanë garantuar humbjet njëra pas tjetrës PD e opozitës, të mund të marrë një rezultat ndryshe që do ta sjellë në pushtet! Ka qënë dhe është e pamundur, pasi në asnjë cep të historisë së politikës, në Shqipëri dhe në botë, nuk gjendet një shembull që të funksionojë në këtë mënyrë, që me metoda të njejta të marrësh rezultat të ndryshëm!

Nëse mund të bëjmë një krahasim, strategjia e Berishës është si puna e atij filmit që e ke parë 100 herë, kryesisht në kohën e komunizmit ndodhte kjo, dhe sërish mendon se aktori kryesor nuk do të vdesë këtë radhë! Dhe kjo strategjia e PD është një ‘film’ i parë, i cili siç po zhvillohet mot a mot tash e 12 vite radhazi, nuk mund të ketë fund të lumtur dhe ndryshe!

Kjo lloj sjelljeje e opozitës të kryesuar nga Berisha u vu re dhe në momentin kur Rama shpalli kandidaten e PS për kreun e bashkisë së Tiranës, Ogerta Manastirliu, e cila do të garojë në zgjedhjet e parakohëshme që do të zhvillohen së shpejti, pas dekretimit nga Presidenti të datës!

Opozita dhe Berisha u zunë në befasi dhe të papërgatitur përballë këtij fakti, megjithëse kishin muaj që kërkonin shkarkimin e Veliajt dhe shpalljen e zgjedhjeve të parakohëshme në bashkinë e Tiranës! Për hir të së vërtetës Berisha s’ka kandidatë gati për garën, s’ka vota për Tiranën e për pasojë humbja përballë Manastirliut është e sigurtë! Diskutohet vetëm thellësia e humbjes së opozitës, ku Berisha tashmë vërtitet mes dilemës së kandidimit të Alimehmetit apo Tabakut, nëse pranon kjo e fundit të lërë mandatin e deputetit, apo një kandidati tjetër ku ‘t’ia zërë dora’. Pasi kreu i PD e do minimalisht kandidatin e opozitës sa më të dobët, më të dobët se Këlliçin, që të mos fillojë pretendimet dhe të prishë balancat në PD, me numrat që mund të fitojë në Tiranë, për të ngushtuar diferencën e humbjes sa më shumë!

Berisha e di si dreqi se garën e parakohëshme për bashkinë e Tiranës, por dhe në katër bashkitë e tjera e ka të humbur, çka përbëjnë dhe ‘kampionin’ e testit për zgjedhjet për pushtetin vendor më 2027. Prandaj ka nisur të hedhë hijen e dyshimit nëse do të marrë pjesë ose jo në zgjedhjet e parakohëshme në Tiranë, për bashkinë e kryeqytetit! Paralajmëron bojkot me një fjalë, dhe këtë qëndrim Berisha e mbajti edhe këtë të premte, në përgjigjie të interesimit të gazetarëve!

Strategjia e njejtë opozitare e Berishës dhe opozitës u pa dhe në seancën e parë konstituive të Parlamentit të ri! I njejti skenar, të njejtat deklarata, e njëjta skemë e pushtimit të foltores, i bllokimit të punës së Kuvendit, i shkuljes së mikrofonëve, i bojkotit të komisioneve dhe i mospranimit të asgjëje që ndodh në anën tjetër të sallës! E cila për hir të së vërtetës ka marrë ‘zgjerim’ dhe nga ana e rreshtave të opozitës, pasi janë 86 deputetë të majtë, PS dhe PSD, përkundër 50+4 të të gjithë deputetëve të opozitës, dhe janë të detyruar të ulen dhe në karriget e anës së ‘djathtë’ të Kuvendit! Po shtohen çdo legjislaturë të re deputetët e PS, me një fjalë!

Teksa shohim skenarët e vjetër të Berishës e opozitës, me kauza ‘mobile’ çfarë t’i dalë përpara, si dhe strategjinë e forcës që kërkon të imponojë përballë kundërshtarit politik, pa pasur numrat dhe pa patur sukses asnjëherë në këto 12 vite në opozitë, bindemi gjithnjë e më shumë se kjo opozitë do të vijojë gjatë, shumë gjatë, larg pushtetit.

E themi këtë sepse Berisha nuk ka ndërmend të bëjë një largim të butë nga drejtimi i PD, për t’i hapur rrugë një lidershipi të ri që të bëjë diçka ndryshe, të ketë një qasje tjetër ndaj elektoratit për të thithur vota! Berisha e ka drejtimin e PD jo për të ardhur në pushtet por për të përballuar hallet e tij personale me drejtësinë shqiptare por dhe me ‘non gratën’ në SHBA dhe Britaninë e Madhe! E ka parti familjare dhe as ka ndërmend të largohet nga drejtimi, thotë se është një ‘misionar’ në krye të PD. Dhe misioni i tij, e i çdo misionari, përfundon atëherë kur të ndahet nga kjo jetë! Të cilën ia urojmë ta ketë sa më të gjatë! Dhe Berisha ka mision ‘varrosjen’ e PD!

Me sa duken bathët, PS me këto arritje që do t’i shumëfishojë dhe me anëtarësimin në BE por dhe me këtë opozitë ‘kufomë’ që ka përballë, të udhëhequr nga Berisha, do të vijojë shumë gjatë në pushtet! Përtej vitit 2040, sikurse e paralajmëroi dhe vetë Rama, dhe që Berisha e quajti të rrezikshëm një deklarim të tillë! Rama e tregoi qartë ‘manualin’ e tij për të qeverisur shumë gjatë dhe akoma më mirë këtë vend, ndërsa Berisha vijon me ‘manualin’ e tij të opozitarizmit!

Ndërsa Berisha si ‘misionar’ në krye të PD, do të jetë po shumë gjatë në ‘stol’ duke pritur për të ardhur në pushtet e për t’u bërë kryeministër, me mbi 96 vite mbi supe, në krye të PD themi! Në pritje, sipas teorisë së atij njeriut të motit, që kishte dalë në krye të fshatit me faqoren e rakisë e tiganin gati në zjarr për të përdorur si meze ‘ato të dashit’, që t’i binin vetë! Priti në pafundësi ai! Ashtu do të jetë pritja dhe për Berishën dhe opozitën. Berisha pastë jetën sa më të gjatë, për të mirën e shqiptarëve!

The post PS në pushtet përtej 2040-ës, Berisha 96 vjeç duke pritur ‘shansin’! first appeared on JavaNews.al.

Nga Jakin Marena

Në pritje të ‘revolucionit’ të vjeshtës, e ka në mënyrë të përvitshme një pritshmëri të tillë PD, sidomos pas humbjeve të rënda në ballafaqimet elektorale, kreu demokrat Berisha si dhe mbështetësit e tij kanë vendosur ta ‘mbushin’ hapësirën e komunikimit mediatik me ‘shpalljen non grata të Xhorxh Sorosit dhe Birit” si armiq të kombit amerikan dhe opozitës në Shqipëri!

Ka shërbyer një postim i presidentit amerikan Donald Trump në platformën me bazë në SHBA “Truth Social”, sipas të cilit ‘George Soros dhe i biri i tij i majtë radikal duhet të gjykohen sipas ligjit RICO për mbështetjen e protestave të dhunshme në mbarë SHBA-në. Nuk do t’i lejojmë këta të çmendur të shkatërrojnë edhe më shumë Amerikën”, që Berisha dhe mbështetësit e tij të marrin zemër dhe të kërkojnë nga presidenti amerikan shpalljen ‘non grata’ të manjatit amerikan në SHBA. Dhe të njëjtën gjë ta bëjnë dhe me mikun e tij në Tiranë, kryeministrin Edi Rama!

Një kërkesë të tillë ndaj administratës amerikane të Trump kreu i opozitës e bën me argumentin se Soros ka fuqizuar Ramën në kurriz të opozitës dhe Berishës, anipse Berisha kur u shpall ‘non grata’, zyrtarisht s’ishte kryetar i PD dhe opozitës, pasi kishte dhënë dorëheqjen që pas humbjes rrënuese të zgjedhjeve 8 vite para kësaj ‘gjëmë’, më 2013! Por Berisha e të tijtë nuk ‘stepen’, pasi për ta rëndësi ka realiteti paralel i krijuar në kokën e tyre dhe aspak koha, datat, emrat apo situatat nëpër të cilat ka kaluar shpallja ‘non grata’ nga DASH, familjarisht, e liderit të PD!

Berisha jo pa qëllim ‘ngatërron’ kohët kur u shpall ‘non grata’ nga DASH, njerëzit që ia kopsitën dosjen, madje ‘ngatërron’ si pa dashje edhe administratën e presidentin amerikan, për kohën kur u sanksionua familjarisht për korrupsion madhor, minim të demokracisë e shantazhim e zhbërje të drejtësisë në Shqipëri! Dhe duke vendosur në krye të sulmeve njerëzit e projektuar prej tij si ‘armiq’, Berisha e mbështetësit e tij nuk kursehen në akuzat ndaj tyre, deri duke hyrë në detaje familjare, anipse nuk kanë asnjë lidhje me sanksionimin e tij nga DASH! Bëhet fjalë për zyrtarë të lartë amerikanë të administratave të ndryshme në SHBA, se në Shqipëri e ka normë Berisha, nuk lë njeri pa sulmuar, pa etiketuar dhe kërcënuar! Kur bie ndesh me interesat e tij, kuptohet!

Themi që Berisha ngatërron kohën dhe autorët që i kopsitën dosjen e ‘non gratas’ në SHBA, sepse sanksionimi i Berishës nuk filloi nën administratën e presidentit demokrat ‘sorosian’ Biden, por që në periudhën e administratës së republikanit Trump, ‘armikut’ të betuar të Sorosit. Pra ‘mikut’ të Berishës. Amerikanët i marrin me nge punët, mbajnë shënime, pastaj i hedhin në të ‘pastër’, i konfirmojnë nga të gjitha burimet zyrtare të vendit të tyre, s’kanë pak, e në fund futet në ‘xhiron’ dokumentare për firmë! Kur t’i vijë radha, dhe ajo që nisi nga ish Sekretari i Shtetit, republikani Pompeo, u firmos si ‘trashëgimi’ e tij nga pasuesi demokrat Blinken!

Më konkretisht, vendimi i sekretarit Blinken për sanksionimin e Berishës dhe familjes së tij të ngushtë u publikua në 19 maj 2021, por kjo datë është dita protokollare e publikimit të vendimit, pasi vendimi për ‘non gratën’ e Berishës kishte qënë në sirtarët e DASH, i ‘trashëguar’ i plotë e vetëm për firmë nga paraardhësit e Biden dhe Blinken. E themi këtë sepse presidenti Biden e sekretari Blinken u futën në Shtëpinë e Bardhë në janar 2021 sipas Kushtetutës amerikane, pra mbi 4 muaj para se ‘non grata’ e Berishës të publikohej. Dhe një akt i tillë as në Shqipëri, që nuk shihet asnjë dokument imtësisht për të marrë një vendim të rëndësishëm, nuk mund të përgatitej për një afat kohor prej 4 muajsh. Është një proces shumë më i gjatë. Vendimi për ‘non gratan’ ka qënë aty, Blinken vetëm sa i ka futur firmën dhe e ka publikuar. Kaq është puna!

Në fakt ishte kryeministri Edi Rama ai që në ditën e fundit të janarit 2019, pra mbi dy vite para publikimit të ‘non gratës’ nga DASH, i cili në parlament e pyeti befasisht Berishën: “A e kalon dot Oqeanin”? E bëri të mekej në fakt ish kryeministrin demokrat! Nuk besojmë se këtë vendim që në vitin 2019 Ramës ia kishte komunikuar Sorosi, pasi manjati amerikan ishte ‘armik’ me Trump dhe Pompeon, të cilët ishte respektivisht njëri president i SHBA e tjetri sekretar Shteti!

Për hir të së vërtetës, lajmin se Berisha është shpallur ‘non grata’ disa media kanë publikuar që në verën e vitit 2018, duke dhënë lajmin se supermbesës së Berishës, i ishte refuzuar viza, pasi ajo kishte aplikuar për t’u pajisur me vizë sepse kishte fituar të drejtën e studimit në një nga universitetet më të mira amerikane! Kishte aplikuar që nga Austria ku studioi për arsimimin parauniversitar. Ky ishte sinjali i parë zyrtar se Berisha ishte person i padëshiruar në SHBA familjarisht! Dhe kjo kishte ndodhur në mesin e mandatit të presidentit republikan Donald Trump! Thuhej se vizat ishin refuzuar dhe për familjarë të tjerë të Berishës, duke paralajmëruar në këtë mënyrë faktin se dosja kundër tij në SHBA ishte kopsitur me kohë dhe vakt!

Berisha e dinte fort mirë se ishte shpallur ‘non grata’, kishte burimet e tij! Ndaj deklaroi para gazetarëve fill pasi Rama e pyeti nëse e kalon dot Atlantikun, se mendimi i tij personal ishte për djegjen e mandateve të deputetit, pasi opozita nuk mund të ishte një fasadë e Edi Ramës në Parlament! Më vonë, ushtroi presion ndaj Bashës asokohe kreu zyrtar i PD që të digjte mandatet e deputetëve të opozitës, gjë që ndodhi, dhe autor ishte vetëm një, Sali Berisha, për hallin e tij personal, duke tentuar dhe destabilizimin e vendit, përmes protestave të dhunshme dhe sulmeve ndaj institucioneve me molotov. Dhe kjo ndodhi në vitin 2019, dy vite para se të publikohej vendimi i firmosur nga Blinken që e shpallte Berishën ‘non grata’ familjarisht në SHBA!

Pikërisht në këtë kohë, në verën e vitit 2019 dhe në kulmin e protestave të dhunshme të PD dhe opozitës së udhëhequr nga dyshja Berisha-Basha, zv.ndihmës Sekretari i Shtetit për Europën, Matthev Palmer kërcënoi rëndë se, nëse opozita organizon dhunë ndaj institucioneve, SHBA do ta shpallë atë organizatë të dhunshme. Pra Palmer fliste në emër të administratës amerikane të drejtuar nga presidenti republikan Donald Trump me sekretar të DASH, Mike Pompeo. Dy vite përpara se në pushtet të vinte demokrati ‘sorosian’ Joe Biden bashkë me Anthoni Blinken.

Zv.Ndihmës Sekretari i Shtetit për Evropën, Palmer ka sqaruar dhe më vonë se përcaktimi i figurave të huaja publikisht nga Sekretari i Shtetit për përfshirje në korrupsion është një prej mjeteve që përdorin SHBA-të për të luftuar korrupsonin. I pyetur në lidhje me kohën e daljes së njoftimit për ish Presidentin Berisha, Palmer tha se koha s’ka ndonjë rëndësi të veçantë. Madje Palmer këmbënguli se Berisha abuzoi me pozitën e besimit të publikut për të pasuruar veten, për të pasuruar anëtarët e familjes së tij dhe për të pasuruar aleatët politikë dhe mbështetësit dhe për këtë arsye SHBA-të e marrin çështjen e korrupsionit publik shumë seriozisht. “Ne i qëndrojmë në krah popullit shqiptar kundër korrupsionit publik dhe përcaktimi i zotit Berisha, që e bën atë të pakualifikuar për një vizë për në SHBA, i bën anëtarët e afërm të familjes së tij të pakualifikuar për viza drejt Shteteve të Bashkuara, është një dëshmi e këtij angazhimi”, ka nënvizuar Palmer për VOA. Duke treguar qartë se ishte administrata Trump ajo që ia përgatiti me detaje dosjen e ‘non grata’ Berishës dhe familjes së tij!
Në fakt ishte dhe vetë Berisha ai që para një viti, më saktë në fillim të 2024, më në fund e pranoi se ka qënë administrata e Presidentit Donald Trump dhe e sekretarit Mike Pompeo ajo që ia përgatiti dosjen e shpalljes familjarisht ‘non grata’, por duke u munduar që të ‘seleksionojë’ personat e të gjëjë ‘armikun’ e duhur e që tani nuk i prish punë me mendjen e tij, për ta cilësuar si autori kryesor dhe i vetëm! Berisha akuzoi zv.ndihmës Sekretarin e Shtetit, Matthev Palmer si personi që përgatiti dosjen. Madje e përgatiti pa pyetur askënd në DASH, sipas Berishës dhe mbështetësve të tij, një sipërmarrje e madhe kjo për një zyrtar të rangjeve të tilla në Amerikë, të cilët nuk dalin në derë pa një aprovim nga eprorët, jo më të marrë vendime ‘tinëzare’!

Berisha këmbëngul se Palmer e bëri në kokën e vet dosjen “non grata’ kundër tij, sepse gruaja e tij ishte me origjinë serbe. Hajde merre vesh Berishën, i cili mendon se sikurse ka vepruar ai me shtetin në favor familjes dhe të fisit të gruas, edhe shteti amerikan merr vendime për hatër të fisit të gruas se Palmerit. Berisha e të tijtë vijojnë dhe sot e kësaj dite të akuzojnë si autorin e vetëm të kopsitjes së dosjes ‘non grata’ ndaj tij familjarisht, pikërisht zv.ndihmës sekretarin amerikan të shtetit Palmer, duke e lidhur atë për një ‘shërbim që i ka bërë gruas së tij me prejardhje serbe’, për të ‘sakrifikuar’ karrierën në DASH, vetëm për të ‘goditur patriotin e madh Sali Berisha’, i cili të vetmen ‘trimëri’ që ka bërë në jetën e vet ka qënë thyerja e embargos së naftës se vënë nga OKB ndaj Milosheviçit duke e furnizuar me karburant makinën ushtarake vrasëse të ‘kasapit’ të Ballkanit, që masakroi boshnjakët, shqiptarët e Kosovës e kush i doli para, si dhe shërbimin në të gjitha kohët e këqija ndaj Serbisë, sa herë që ia kanë kërkuar. Kur kanë pasur hall, me një fjalë!

Dhe meqë jemi me faktin se Palmer e kishte gruan me oriogjinë serbe, e ka pranuar dhe vetë ai se është me origjinë nga Mali i Zi’, dhe duke arsyetuar me ‘kutin’ e kryetarit të PD, i bie që Berishës ia ka ‘futur’ me ‘non gratën’ pikërisht ‘baxhanaku” i tij! E themi këtë sepse dhe vetë Berisha e ka gruan me origjinë serbe, madje njerëzit e saj në Beograd kanë qënë zyrtarët më të lartë të shërbimit sekret dhe organeve të sigurisë në Serbi në kohën e Milosheviçit dhe më parë! Madje, ndër miqtë më të mirë, edhe fëmijët e Berishës kishin pikërisht Damir Fazlliçin, serbo-boshnjakun kontravers të ‘nëntokës së zezë serbe’, i cili kishte futur në dorë sigurinë kombëtare, merrte pjesë në mbledhjet e Këshillit të Sigurisë Kombëtare, si dhe asetet ekonomike më me përfitime në vend.

Për shkak të këtij raporti të fortë me Fazlliç, edhe Britania e Madhe e shpalli Berishën familjarisht ‘non grata’!

Prandaj Berisha për ‘baxhanakun’ Palmer që i kopsiti dosjen e ‘non gratës’ në SHBA nuk ka kujt i ankohet, ‘i yti’ ta bën gjëmën! Dhe kreu i PD nuk mund të bëjë sikur nuk e njeh Palmerin, me të cilin të dy janë ‘dhëndra’ në familje me origjinë serbe, siç bëri me baxhanakun tjetër që i harroi emrin, atë që humbi jetën në punishten e vdekjes së demontimit të municioneve themi, ku akuzohet se ka qënë i biri sipërmarrës. Me të vetmin ndryshim që Palmeri ishte një shërbëtor i devotshëm e besnik i kombit dhe i shtetit të tij, SHBA, për të cilin punoi me mish e me shpirt dhe nuk bashkëpunoi me ‘fisin e gruas’ për të rrjepur shtetin, përkundër Berishës që i ka punuar qindin kombit shqiptar, duke e vjedhur, vrarë, shkatërruar, shitur e duke ia nxjerrë ‘themelet’ sa herë ka qënë në pushtet për 35 vjet. Ndaj themi se Berisha s’ka kujt t’i qahet, pasi askush nuk ia qan hallin për problemet me ‘familjarët’ e tij! Për këtë arsye, besojmë se këto përrallat me heqje ‘non grate’ nga Trump dhe goditjen e Ramës se ai paska ‘tradhëtuar’ kombin amerikan përmes bashkëpunimit me Sorosin, do të kalojnë shpejt! Berisha i ka për konsum politik këto deklarata, pasi e di se ‘non grata’ në të gjallë të tij nuk hiqet nga asnjë administratë amerikane!

The post Berishës ia bëri gjëmën ‘baxhanaku’ me non gratën, s’ka kujt t’i qahet first appeared on JavaNews.al.

The post Skenari i PD, në vjeshtë ‘guerrile’, në dimër Kuvendin në flakë, në behar…! first appeared on JavaNews.al.

Nga Jakin Marena

Kriza institucionale në Kosovë i kishte tejkaluar të gjitha pritshmëritë, teksa ishte kthyer nga një ngjarje tragjike në politikë, në një teatër komik, për nga mënyra e realizimit dhe funksionimit!

Zgjedhjet e zhvilluara dhe të certifikuara që në muajin shkurt të këtij viti, nuk kanë mundur që për afër 7 muaj me radhë të çojnë produktin e e dalë nga gara elektorale, në Kuvendin e Kosovës, pasi Kuvendi qëndroi pa zgjedhur kryetarin dhe pa u konstituuar deri në mesditën e sotme.

Për pasojë mbeti në ngërç dhe zgjedhja e qeverisë së re e cila do të udhëheqë Kosovën në këtë mandat katër-vjeçar, përballë sfidave të rëndësishme që po kalon Kosova, e cila ka si detyrim rritjen e njohjeve nga bota, integrimin në strukturat eurotlantike, përballimin e krizave rajonale dhe më gjërë, e mbi të gjitha qeverisjen dhe mirëqenien e popullit shqiptar të Kosovës.

Praktikisht në shtetin e Kosovës nuk funksionjnë as Kuvendi, as qeveria e cila është në detyrë, por që ministrat meqë kanë zgjedhur mandatin e deputetit nuk mund të marrin sipas ligjit dhe Kushtetutës asnjë vendim si ministra, e për pasojë nuk funksionojnë as institucionet e tjera kushtetuese në vend, duke e futur shtetin e dytë shqiptar në Ballkan në një kolaps të plotë!

Shqiptarët në Kosovë dhe këtej kufirit, por dhe partnerët tanë ndërkombëtarë, kanë parë të shqetësuar ‘teatrin’ e klasës politike në Prishtinë për gati 7 muaj me radhë, teksa palët për asnjë moment s’kanë gjetur gjuhën e përbashkët për të arritur në ‘formulën’ për zgjedhjen e kryetarit të ri të Kuvendit, dhe më pas konstituimin e tij, që do të pasonte dhe me ngritjen e qeverisë së re!

Asnjëra nga partitë politike nuk e kishte numrin e nevojshëm të deputetëve, pra 61 të tillë, që të zgjidhte kryetarin e Kuvendit dhe të votojë qeverinë e re! Albin Kurti, kreu i Vetëvendosjes është i pari në listën e subjekteve politike, për nga numri i deputetëve të marrë në zgjedhjet e shkurtit të këtij viti, por që fatkeqësisht për të krijuar shumicën e thjeshtë për kryetarin e ri të Kuvendit e qeverinë e re i duhen dhe 13 mandate të tjera!

Të cilët do t’i gjente tek kundërshtarët!

Kreu i partisë së parë të dalë nga zgjedhjet e shkurtit të këtij viti, Albin Kurti, zgjodhi që të luajë rëndë ‘lojën’ e tij politike me qytetarët, shtetin e Kosovës, opozitën e vetë stabilitetin e vendit!

Albin Kurti, i cili pasi nuk realizoi asnjë njohje në 5 vite si kryeministër, pasi e armiqësoi rëndë Kosovën me partnerët tanë ndërkombëtarë SHBA, BE e Britania e Madhe, aq sa konkretisht BE vendosi sanksione për Kosovën, si të vetmin vend të sanksionuar në Evropë, ndërsa kryeministri dhe qeveritarët e tij trajtohen pothuajse si persona ‘non grata’ nga partnerët tanë, luajti rëndshëm me vetë themelet e shtetit të Kosovës, të vendosura me gjak e sakrifica me luftën e UÇK, duke e lënë atë pa Kuvend, qeveri dhe institucione të tjera që burojnë prej tyre, për 7 muaj me radhë!

Konkretisht, Kurti me 48 mandate në Kuvend, pa asnjë ftesë për kompromis por sikur ia kanë për detyrë deputetët e opozitës që ta votojnë, vendos kandidatë sipas qejfit, duke filluar me Ministren në detyrë të Drejtësisë, Albulena Haxhiu, e cila i provokoi rëndë deputetët për gati 45 herë që të zgjidhej kryetare e Kuvendit dhe arriti deri tek 57 votat pro, larg numrit 61 që do të konstituonte zgjedhjen e saj në krye të legjislativit!

Kurti provoi më pas pa sukses që të zgjidhte Haxhiun kryetare Kuvendi, përmes kërkesës për të votuar me votim të fshehtë ngritjen e një komisioni votimi, po në mënyrë të fshehtë për kryetaren e Kuvendit! Një tentativë kjo e kryeministrit në detyrë për të ‘thithur’ ndonjë votë nga partitë e ish opozitës e mbi të gjitha, sikurse shprehen nëpër korridoret e politikës në Prishtinë, LVV i ka të sigurta votat e Listës Serbe në fshehtësi, pavarësisht gjuhës së ashpër që Kurti përdor ndaj tyre. Pavarësisht dhe kërkesave e vendimeve të përsëritura të tij, përmes KQZ për ta lënë jashtë zgjedhjeve vendore. E provoi dhe në zgjedhjet parlamentare, ku në shkallën më të lartë të mbikqyerjes së përgatitjes së zgjedhjeve e rrëzuan! Një ‘film’ i parë ky sa herë ka zgjedhje!

Një skemë e tillë e konstituimit të Kuvendit ra, teksa Gjykata Kushtetuese rrëzoi tentativën e Kurtit përmes kryesuesit të seancës Dehari për votimin e fshehtë, duke kërkuar sipas Kushtetutës votimin e hapur, ku palët të kërkojnë kompromis për zgjedhjen e kryetarit të Kuvendit, ndërkohë që vendosi një afat 30 ditor për konstituimin e Parlamentit të Kosovës.

Pavarësisht konstestimit të këtij votimi, Kurti sërish hodhi sërish për votim Albulena Haxhiun, më pas Donika Gërvallën dhe në fund të herës Hekuran Muratin dhe Dimal Bashën. Të gjithë ‘skifterët’ e Kurtit kundër opozitës, UÇK-së por dhe vetë shtetit të Kosovës, që sipas gjasave po e çojnë drejt zhbërjes, ashtu sikurse e duan dhe e dëshirojnë serbët, që janë gati!

Albin Kurti nuk i kishte dhe nuk i ka votat. Në vend që të negocionte me partitë parlamentare të dala nga zgjedhjet e shkurtit për të zgjedhur kreun e ri të Kuvendit dhe më pas qeverinë e re, sillej sikur këto parti kundërshtare ia kanë me borxh votat për të bërë shumicën konstituuse dhe qeverisëse. Në vend që të shtrijë dorën e bashkëpunimit e të arrijë kompromis, që s’do të thotë vetëm të marrësh por dhe të japësh, Kurti lëshon fishkëllimën: ‘Psss-t, me duhen dhe 13-14 vota për kreun e ri të Kuvendit e qeverinë e re nga ju, m’i jepni, e keni për detyrë dhe detyrim karshi Kosovës’. Por Kosova i ka dhënë votat për të bashkëqeverisur si parti e parë jo për të qeverisur e vetme, e me votat e partive kundërshtare, PDK, LDK, AAK, “Nisma”, lista serbe e ajo jo serbe!

Një rast i tillë ka ndodhur në vitin 2009 në Shqipëri, kur PD e Sali Berishës mori siç di t’i marrë Berisha votat, 70 mandate deputeti, PS bashkë me Dulen 66 mandate, ndërsa LSI e Ilir Metës 4 mandate! I duhej vetëm një mandat Berishës për të konstituuar Kuvendin dhe formuar qeverinë e re ‘Berisha 2’, dhe u detyrua që pas koalicionit me Ilir Metën, t’i jepte për një votë, gati gjysmën e qeverisë, institucioneve e tërë hierarkisë drejtuese të shtetit! Përfshirë postin e zv.kryeministrit të vendit! Pra siç thonë rëndom këtëj e andej kufirit, për një votë ‘uli br***t partia e parë!

Ndërkohë Kurti u soll sikur ia kanë për detyrë votën, ndërkohë që për konstituimin e Kuvendit, me sa duket ka dashur të tallet me Kosovën, opozitën e qytetarët që e kanë votuar me 42 përqind të votave! Në tentativën e 58 për kreun e Kuvendit, këtë të martë, hodhi sërish në votim si kandidat deputetin Dimal Basha, i cili për habinë e të gjithëve mori dhe votat e një pjese të opozitës, duke arritur në 73 vota pro!

Pra, Kurti talli Dimalin me Kosovën dhe opozitën, por dhe opozita për herë të parë u tregua e ‘zgjuar’ këtë radhë dhe ia dha votat Dimalit për kryetar Kuvendi, duke tallur edhe ajo Dimalin me Kosovën e mbi të gjitha me Kurtin! I cili ndoshta nuk e priste që ta votonin këtë kandidaturë proverbiale të tij, për shkak se Basha është bërë ‘hit’ në rrjetet sociale! Por opozita e votoi, kryesisht PDK, AAK si dhe jo serbët, e tashmë kreu i Kuvendit është zgjedhur! Edhe sikur të kishte qënë më i miri tek Vetëvendosja, sërish sipas urdhrave të Kurtit do të vepronte. Ndaj mirë bëri që kryesisht PDK e zgjidhi këtë ngërç, por njëherësh nxori zbuluar se sa i vlerëson Kurti institucionet e shtetit Vetëvendosja, si parti e parë në vend e dalë nga zgjedhjet e shkurtit të këtij viti, duke propozuar dhe votuar për numrin dy të shtetit, Dimal Bashën.

Këtë e konfirmoi dhe kreu i LDK, Lumir Abdixhiku, i cili reagoi duke thënë se “Kosova, siç se kishim menduar asnjëherë. Një fitore e injorancës e një gabim i pafalshëm i mbështetësve të saj. Gjithsesi ky është niveli i tyre.

Kështu e projektojnë Republikën. Me këto vlera kanë zgjedhur të nderojnë dhe votuesit e popullin e Kosovës. LDK aspiron më lart. Kosova duhet të aspirojë lart. Aksidentet politike e triumfet e injorancës historike do të kapërcejnë. Dritë një ditë do të ketë”. Duke lënë të kuptohet se institucionet e Kosovës janë poshtëruar me këtë figurë në krye të Kuvendit, dhe për më tepër duke e vendosur ‘stekën’ shumë poshtë, çka paralajmëron se me këtë ‘kut’ do të sillen dhe partnerët tanë ndërkombëtarë. Me këtë nivel do ta trajtojnë në çdo tryezë Kosovën, pavarësisht ndonjë vlerësimi tek tuk për zgjidhjen e ngërçit. Por gjithsesi, çdo popull, meriton Parlamentin dhe qeverinë që ka. Votuan LVV, Dimal Bashën do të kenë në krye.

Tani fillon sfida e vështirë për Kurtin, formimi dhe gjetja e votave për votimin e qeverisë së re prej tij! Nëse votat për Dimalin, ishin vota për ‘kunj’ nga PD dhe të tjerat, votimi i qeverisë ha diskutim! Albin Kurti duhet të negociojë rëndë, pasi i duhen shumë vota për të kapur numrin e ‘artë’ 61 vota pro! Për të cilat ose duhet të lëshojë pushtet, ose e drejta e krijimit të qeverisë së re i kalon partisë së dytë, PDK, e kështu me radhë nëse dhe ajo nuk arrin të gjejë numrat! E sigurtë është se në një formë apo tjetër, zgjedhjet e parakohëshme janë të paevitueshme në pranverën e ardhshme, sepse Vetëvendosja mezi gjeti votat, për Dimalin, ndërkohë që Presidenti kërkon 2/3 e votave në Kuvend E Dimali ndoshta do të ketë shansin e artë për të qënë dhe President i vendit, gjë që as në ëndrrën më të bukur të tij, por dhe të shqiptarëve të Kosovës nuk e kishin parë!

Me rëndësi është se skema e Kurtit për zhvillimin e zgjedhjeve parlamentare të parakohëshme në një datë me ato vendore, dështoi! Zgjedhja e Dimal Bashës në krye të Kuvendit, shmangu shumë probleme për hir të së vërtetës,pavarësisht slloganeve epike të tij, “me bo koncerte verës, kur të vinë diaspora. Mi livadh mi leshu nanat me lujt”, e gjëra të tjera të këtij lloji, të cilat do të ketë kohë të mjaftueshme t’i shumëfishojë dhe himnizojë më shumë në të ardhmen! Por, a do t’i lëshojë “nanat” tash si kryetar i Kuvendit? Mbetet për t’u parë. Por mund të krijojë edhe ndonjë problem, sepse deklaratat e tij ndaj SHBA, BE e partnerëve të tjerë ndërkombëtarë kanë qënë të ashpra, dhe përtej deklaratave normale, pavarësisht se vetë Dimali është shkolluar në SHBA. Ka deklaruar pikërisht ato për të cilat Kurti rezervohej të deklarohej publikisht. Mbetet për t’u parë nëse do të mundë të përbahet tashmë në qëndrime! Të presim e të shohim më tej!

The post Kurti zgjedh Dimalin e tallet me Kosovën, opozita i mban ‘ritmin’ first appeared on JavaNews.al.

The post ‘Zbutjen’ Trump-Putin, Berisha e sheh si ‘amnisti’ për paratë ruse?! first appeared on JavaNews.al.