Flakët në malin Shashicë iu afruan landfilldit të Sherishtës. Ministri Pirro Vengu flet për situatën e vatrave aktive. #a2cnn #cnn #wildfire
827 views
Skuqet nga flakët maja e malit Shashicë. Pavarësisht se në majën e malit sipër Vlorës pati ndërhyrje nga toka dhe ajri, flakët ende nuk janë vendosur nën kontroll, shkruan A2. Jo vetëm që nuk janë vendosur nën kontroll, por mesa duket vatra e zjarrit është përhapur edhe më tej. Flakët po i afrohen më tepër shtëpive të banuara të Kaninës, duke e bërë të rrezikshme situatën. Ndërkohë, territori i djegur prej tyre është shtuar edhe më tepër. Ndërhyrja nga ajri është ndalur për shkak të errësirës. Flakët në terren po luftohen me forcat zjarrfikëse të Vlorës, të cilët pavarësisht punës së palodhur nuk po ia dalin dot t'i vendosin nën kontroll. Ndërkohë, shtëllungat e tymit kanë mbuluar në total bregdetin e Vlorës, duke u dukur nga kilometra larg. #A2CNN #lajmeshqip #ndiqa2cnn #foryoupage #albania #a2cnn #tiktok
2173 views
Rubrika "Në Farmaci" nga Freskida Miloti, ju jep disa këshilla për mënyrën sesi duhet t'i merrni barnat në mënyrë të sigurtë. Barnat ndryshojnë në mënyrën se si veprojnë në trup, prandaj është shumë e rëndësishme t’i marrim saktësisht sipas udhëzimeve. Ja disa pika që duhet të dimë: Disa barna duhet të merren në një kohë të caktuar të ditës, sepse veprimi i tyre lidhet me ritmet biologjike të trupit ose përthithen më mirë në një orar të caktuar. Shembull: Barnat për tensionin e gjakut zakonisht merren në mëngjes, ndërsa disa për kolesterolin – në darkë. Disa barna duhet të merren pas ushqimit Sepse ushqimi ndihmon në përthithjen e tyre, ose parandalon irritimin e stomakut. p.sh: Shumë antibiotikë ose barna kundër dhimbjeve mund të shkaktojnë shqetësime në stomak nëse merren esëll. Disa barna mund të ndërveprojnë me barnat bimore Barnat bimore nuk janë gjithmonë të padëmshme. Ato mund të ndërhyjnë në mënyrën si përthithet ose vepron një ilaç në trup. P.sh: Shafrani i Indisë, ginsengu apo ekstrakti i rrushit mund të ndërveprojnë me barnat për hollimin e gjakut, tensionin apo diabetin. Kujdes! Marrja e barnave pa udhëzim mjekësor ose pa respektuar mënyrën e përdorimit mund të shkaktojë efekte të padëshiruara, ndonjëherë të rrezikshme për shëndetin, gjithmonë konsultohuni me farmacistin. #a2cnn #diagnoze #freskidamiloti #nefarmaci #barnat
4559 views
Pamje të trishta vijnë nga fshati Kopaçez i bashkisë Delvinë, ku shihen bagëti që digjen të gjalla nga zjarri. A2 CNN raporton se pronari i tyre akuzon shtetin për ndërhyrjen, sipas tij të vonuar, e cila thotë ai ka shtuar më tepër dëme. “Shihni çfarë masakre është bërë në fshatin Kopaçez! Gjynah nga zoti janë djegur delet për së gjalli. Edhe shteti asnjë lloj mase, kanë vajtur atje poshtë dhe kuvendojnë, qeshin, tallen. Fshati Kopaçez është bërë hi nuk ka ngelur më asgjë në fshat asgjë prej gjëje”, dëgjohet të thotë ai në videon ku shihen bagëtitë e djegura. #A2CNN #lajmeshqip #ndiqa2cnn #foryoupage #albania #a2cnn #tiktok
80.1K views
Në kategoritë e personave që mund të jenë të predispozuar që të zhvillojnë infeksione urinare janë edhe pacientët që kanë sëmundje të caktuara bashkëshoqëruese. Diabetikët duhet të kenë shumë kujdes pasi këta pacientë zënë një numër të konsiderueshëm të shfaqjes së infeksioneve. E ftuar në studion e emisionit Diagnozë të moderatores dhe autores Freskida Miloti, mjekja nefrologe Prof.Asoc Marsida Duli, nga Premium Clinic, tregoi se edhe personat me kristale, gurë apo dhe me kiste në veshka, ata me prostatë si dhe pacientët me zgjerim të kanalit urinar. Për më shumë informacione, videon e plotë të emisionit e gjeni në kanalin e A2CNN në YouTube. #A2CNN #Diagnoze #FreskidaMiloti #MarsidaDuli #Infeksionet #Veshkat #Semundjaveshkave
7604 views
Gratë shtatëzëna janë një nga kategoritë që preken më së shumti nga infeksionet urinare. Një gjëndje shëndetësore e cila duhet monitoruar nën kujdesin e mjekut nefrolog, për të bërë të mundur shmangien e përdorimit të antibiotikëve. Por edhe kur infeksioni përparon, mjekët kanë një zgjidhje sërish. E ftuar në studion e emisionit Diagnozë të moderatores dhe autores Freskida Miloti, mjekja nefrologe Prof.Asoc Marsida Duli, nga Premium Clinic, tha se ka një gamë antibiotikësh që nuk kalojnë barrierën placentare dhe nuk sjellin dëmtim të fetusit. Për më shumë informacione, videon e plotë të emisionit e gjeni në kanalin e A2CNN në YouTube. #A2CNN #Diagnoze #FreskidaMiloti #MarsidaDuli #Infeksionet #Veshkat #Semundjaveshkave
4622 views
Një qytetare nga Korça ka denoncuar për JOQ Albania një rast vjedhjeje që ka ndodhur ditën e sotme në argjendarinë e saj, ku një grua sipas saj i ka marrë marrë dy unaza floriri. Pamjet filmike të siguruara nga kamerat e sigurisë tregojnë gruan e cila ndodhet brenda dyqanit, duke vëzhguar bizhuteritë dhe duke i provuar ato në duar. Në të njëjtën kohë në ambient ndodhen edhe disa klientë të tjerë, çka e bën më të lehtë veprimin e saj. Sipas denoncimit, pas momentit kur ka marrë unazat, gruaja e fsheh njërën dorë pas shpinës, duke i mbajtur ato të fshehura. Më pas ajo del qetësisht nga dyqani duke bërë sikur po flet në telefon, për të mos rënë në sy. Pronarja e argjendarisë ka bërë denoncimin në polici dhe shprehet se autorja është identifikuar dhe aktualisht është shpallur në kërkim. Ajo i bën thirrje publikut që, nëse e njohin personin nga pamjet, të ndihmojnë në lokalizimin e saj.
9210 views
Dhjetëra qytetarë kanë kontaktuar redaksinë e JOQ Albania për të denoncuar një situatë tejet shqetësuese që po zhvillohet në Borsh, ku zjarri masiv që vijon prej më shumë se 48 orësh, ka marrë përmasa alarmante. Pamjet e dërguara tregojnë qartë flakë të fuqishme dhe re të dendura tymi që po përhapen drejt zonave të banuara. Sipas qytetarëve, pavarësisht përmasave të mëdha të zjarrit, deri më tani nuk është parë asnjë helikopter apo mjet ajror për të ndërhyrë në fikjen e flakëve. Ata shprehen se shteti nuk po merr asnjë masë, ndërkohë që situata po përkeqësohet nga çasti në çast. Pushuesit dhe turistët e shumtë që ndodhen në këtë zonë janë të alarmuar, ndërsa zjarri po i afrohet rrugës nacionale dhe disa banesave. Frika për përhapjen e mëtejshme të flakëve është e madhe dhe banorët kërkojnë ndërhyrje urgjente për të shmangur një tragjedi të mundshme. JOQ Albania i bën thirrje autoriteteve të reagojnë menjëherë, për të vënë nën kontroll situatën dhe për të mbrojtur jetën e qytetarëve, pronat dhe natyrën e zonës turistike të Borshit.
66.5K views
Në redaksinë e JOQ Albania ka mbërritur një video ku shihet një debat mes një qytetareje dhe një burri që ka parkuar një automjet tip Camper përballë dritares së saj. Ngjarja ka ndodhur në një lagje të Tiranës, në rrugën Mine Peza, ku zonja, nga dritarja e apartamentit në kat të parë, i kërkon zotërisë të largojë mjetin, duke i thënë: “Më pengon pamjen!”. Nga ana tjetër, zotëria i camperit refuzon ta lëvizë mjetin, duke i thënë se nuk e heq dhe se ajo mund të ulë grilat. Videoja ka ndezur diskutime: kush ka të drejtë në këtë rast, banorja që kërkon ajër e dritë në shtëpinë e saj, apo drejtuesi i camperit?
147.4K views
Një situatë e rrezikshme është regjistruar sot në plazhin e Potamit, Himarë, ku një fëmijë është parë duke lundruar i vetëm në mes të detit me një paddle board, pa asnjë të rritur pranë. Denoncimi është bërë nga një qytetar anonim, i cili ka dërguar pamje që tregojnë fëmijën në distancë të konsiderueshme nga bregu, ndërsa rreziku që të tërhiqet më tej nga rrymat detare është real. Pushuesit që ndodheshin aty janë shprehur të shqetësuar dhe kanë kërkuar ndërhyrje të menjëhershme, si dhe më shumë kujdes nga prindërit në raste të tilla, sidomos kur bëhet fjalë për fëmijë të vegjël dhe mjete lundrimi si paddle board. Mesazhi i qytetarit: "Përshëndetje JOQ, fëmija noton i vetëm në mes të detit, në Potam, Himarë. Anonim"
18.7K views
Pamje të pazakonta janë regjistruar këtë pasdite në Vlorë, ku një avion është parë teksa i afrohej detit në një lartësi shumë të ulët, duke shkaktuar habi te qytetarët. Sipas informacioneve paraprake, mendohet se bëhet fjalë për një avion zjarrfikës, i cili po merr ujë për të ndihmuar në shuarjen e një zjarri që dyshohet të ketë rënë në zonat përreth qytetit. Banorët kanë nisur të shpërndajnë video dhe foto në rrjete sociale, ndërsa ende nuk ka një konfirmim zyrtar nga autoritetet mbi vendndodhjen dhe përmasat e flakëve. Ndërkohë, prania e avionëve zjarrfikës është një tregues serioz se situata mund të jetë e rrezikshme dhe kërkon ndërhyrje të menjëhershme.
246.7K views
Një situatë kaotike është regjistruar sot pasdite në ambientet e Spitalit Rajonal të Fierit, ku një përplasje fizike mes kushërinjve ka shkaktuar tension dhe ka detyruar ndërhyrjen e menjëhershme të forcave të rendit. Ngjarja ndodhi në prani të pacientëve dhe stafit mjekësor, duke krijuar panik. Sipas dëshmitarëve në vendngjarje, konflikti nisi fillimisht me tone të larta dhe më pas degradoi në përleshje fizike. Policia mbërriti për të neutralizuar situatën. Ende nuk dihen shkaqet e sakta të sherrit, por mendohet të jetë një debat familjar që ka shpërthyer në mënyrë të papritur. Në vijim mesazhi i mbërritur nga qytetarët: "Përshëndetje JOQ, live nga spitali i Fierit, kushërinjtë sherr"
208.4K views
Rëndësia e Operas së traditës, Red Radoja: Jam i lumtur për rikthimin ... #SyriTv #SyriNet #Odeon #RedRadoja
1977 views
Vatra e zjarrit të Delvinës janë përhapur me shpejtësi drejt malit të Borshit e në orët e vona të pasdites, videot e mbërritura në redaksinë e Syri Tv tregojnë se situata ka precipituar me shpejtësi. 'Flakët janë përhapur gjithandej dhe janë shtuar vatrat e zjarrit shumë dukshëm brenda vetëm një ore. Me sy të lirë duken që janë shumë afër rrugës kryesore’ informon një pushuese që vuri në dispocizion të redaksisë videot. Ndërkohë ministri i Mbrojtjes, Piro Vengu informoi se zjarri në fshatin Markat në Konispol është vendosur nën kontroll, duke shmangur përhapjen e flakëve në zona të banuara dhe me rëndësi bujqësore. ... #SyriTv #SyriNet #Borsh #Zjarr
1310 views
Një zjarr ka përfshirë mesditën e sotme (26 korrik) një masiv pyjor me pisha në Qafën e Buallit. Zjarri i ndihmuar nga thatësira dhe era është përhapur në mënyrë shumë të shpejtë djegur disa hektarë me pisha dhe ka përshkuar disa hektarë me bimësi barishte e shkurre. Menjëherë është ndërhyrë nga forcat zjarrfikëse, por edhe pse ka qenë shumë afër rrugës së Arbrit e kanë pasur të pa mundur shuarjen. Rreth pasdites është ndërhyrë me një helikopter të FA, i cili po punon për vënien nën kontroll të situatës. ... #SyriTv #SyriNet #QafeBuall #Zjarr
2892 views
Një zjarr i madh ka përfshirë Parkun Kombëtar të Prespës, me flakët e shfaqura mbi fshatin Pustec pasditen e sotme (26 korrik). Vatra ka marrë përmasa gjatë minutave të fundit duke u përhapur në pyll. Zjarrfikësit e Bashkisë Pustec, forca të tjera nga shërbimet publike, ADZM dhe policia kufitare ndodhen në terren, situata paraqitet shumë e vështirë për shkak të përhapjes së madhe të vatrës. Janë më tepër se 50 forca në terren që po bëjnë të mundur ndërhyrjen për izolimin fillimisht të flakëve, por situata mbetet kritike. ... #SyriTv #SyriNet #BashkiaPustec #ParkuKombetarPrespes #Zjarr
1974 views
Login
