Një pamje e dhimbshme po qarkullon nga një plazh turistik, ku një e moshuar shihet teksa detyrohet të largohet nga zona e shezlloneve, nën diellin përvëlues dhe në mesin e pushuesve që qëndrojnë të qetë në komoditetin e tyre. Ngjarja ndodhi në një plazh, ku një person që mendohet të jetë punonjës i plazhit i kërkon të moshuarës që të largohet, ndërkohë që ajo, me një bastun dhe një qese plastike në dorë, tenton ta kundërshtojë. Skena ka ngjallur reagime të forta në rrjetet sociale, ku qytetarë të shumtë shprehin indinjatën e tyre për mënyrën si po trajtohen njerëzit në nevojë, edhe në vendpushimet që pretendojnë të jenë “turizëm elitë”. Pamjet janë një kujtesë e hidhur se kur biznesi vendos përfitimin mbi dinjitetin, atëherë humb gjithçka që e bën njerëzor.

190 views

Një zjarr i madh ka përfshirë mesditën e sotme zonën e varrezave në fshatin Macurisht, në bashkinë Devoll. Sipas raportimeve paraprake, flakët janë përhapur me shpejtësi për shkak të barit të thatë dhe erës së fortë që ka përfshirë zonën. Zjarrfikësit mbërritën në një terren shumë të vështirë për ndërhyrje, por pas përpjekjeve të shumta arritën të vendosin zjarrin nën kontroll, duke shmangur përhapjen e tij në banesa apo në zona të tjera të banuara. Fatmirësisht, nuk raportohet për të lënduar, por vetëm sipërfaqe të djegura. Autoritetet kanë nisur hetimet për të përcaktuar shkakun e zjarrit, ndërsa nuk përjashtohet mundësia e një zjarri të qëllimshëm ose pakujdesisë njerëzore.

71.3K views

Zjarri i nisur disa ditë më parë në malin e fshatit Dukat vijon ende me intensitet, ndërsa flakët janë afruar në një distancë prej më pak se 100 metrash nga banesat e fshatit, duke vënë në rrezik të drejtpërdrejtë jetën dhe pronat e banorëve. Pishat dhe bredhat në zonë janë përfshirë nga flakët, ndërsa vatra zjarri është shtrirë drejt Parkut Kombëtar të Llogarasë, duke kërcënuar një nga pasuritë natyrore më të rëndësishme të vendit. Situata mbetet kritike edhe në këtë zonë, ku flakët janë shumë pranë pyjeve me pisha. Dy avionët zjarrfikës të ardhur nga Greqia kanë rinisur ndërhyrjen për të vënë nën kontroll vatrat e shumta, por përmasat e zjarrit dhe era e fortë e kanë bërë të vështirë shuarjen e tij. Banorët e Dukatit shprehen të shqetësuar dhe të lënë pas dore, duke kërkuar ndërhyrje më të shpejtë dhe më efikase për të shmangur një katastrofë të mundshme.

41.5K views

Një denoncim ka mbërritur në redaksinë e JOQ Albania, ku një qytetar i cili nuk jeton në Tiranë, i ka bërë përshtypje pisllëku në terminalin Veri-Jug. Qytetari ka dërguar edhe një video në redaksi ku duket qartë se si kjo zonë ku ikin e vijnë qytetarët të cilët jetojnë nëpër rrethe është mbuluar nga plehrat. Denoncuesi shkruan se veç kësaj zonë, edhe në shumë lagje të tjera të Tiranës ka vënë re një pisllëk. Mungesa e higjienës dhe mosreagimi bashkisë Tiranë dhe punonjësve të pastrim gjelbërimit për një qyteti të pastër janë kërcënim për shëndetin publik dhe për imazhin e qytetit. "Pershdetje Joq! Dua te denoncojë te ndajë nje pamje edi qe per ata qe jetojnë ne Tirane I duket normale. Per ata qe vijn nga jashtë si puna ime duket nje gjendje katastrofale .. nuk arri ta kuptoj si njerëz me Tirane apo ne Shqipëri qe jetojnë. Arrijmë mashtrojnë veten duke ber jetojne nje jet normale... ne tiran esht komplett jet fallco njerëzit shtiren me shume se kush janë ne realitet.. domethënë un sot kalova nje dit neper Tirane dhe do jet hera e fundit qe shkoj nga A -zh komplett llum pisllëqe tym dhe ngado qe hedh syt mbeturina gjithandej te lutem postoje. Faleminderit", thuhet në denoncim.

16.5K views

Disa ditë më parë JOQ Albania publikoi pamjet shqetësuese se si drejtuesi i një automjeti tip ‘Benz’, rrezikonte jetën e qytetarëve, duke bërë drift në rrugën ngjitur me bashkinë në Durrësit. Pas publikimit të rastit, policia reagoi duke e gjobitur shoferin me inicialet A. B., 40 000 lekë, sipas nenit 139 të Kodit Rrugor. Mirëpo duket se durrsakët nuk duan të venë mend, dhe kanë vendosur t’i kundërvihen policisë duke i bërë ‘diss’. Së fundmi ata kanë marrë një makinë luksoze me targa të huaja, dhe kanë nisur të bëjnë përsëri manovra të rrezikshme në afërsi të bashkisë. Madje pamjet i kanë publikuar në rrjetet sociale, siç duket për të fituar pak nga fama e momentit. Duket se gjoba nuk i vret këta të rinj ‘rebelë’ dhe e vetmja gjë që mund t’i ndalojë së rrezikuari jetën e qytetarëve në mes të qytetit është burgu. Mbetemi në pritje të reagimit të institucioneve lidhur me këto raste që sa vijnë e shtohen.

76.8K views

Edhe pse zona të tëra të Tiranës prej javësh vuajnë mungesën e ujit në rubinetat e çezmave, punonjësit e UKT-së janë kthyer sot në heronj për një qytetar, të cilit po i digjej makina. Ngjarja ka ndodhur në rrugën “Artan Lenja”, në zonën e 21 Dhjetorit. Një automjet ishte përfshirë nga flakët në pjesën e përparme, dhe pronari i tij gati ishte dorëzuar, pa asnjë shpresë për të bërë diçka. Por në vendngjarje ndodheshin punonjës të UKT-së, të cilët ndërhynë menjëherë, duke kryer një akt të admirueshëm. Njëri prej tyre shtriu tubat, hapi ujin dhe arriti të fikë flakët që kishin përfshirë makinën. Një qytetar i pranishëm në vendin e ngjarjes shkruan: “Punonjësit e UKT-së shpëtuan një makinë që kishte marrë flakë në rrugën Artan Lenja, një akt heroik.” Raste të tilla duhen mbështetur dhe promovuar si një formë sensibilizimi për të gjithë qytetarët.

12.3M views

Një qytetare e cila ditën e djeshme po udhëtonte nga Shëngjini drejt Velipojës me makinë me familjen, është përballur me një situatë të pazakontë. Ajo ka treguar se gjatë një pjese të këtij aksi rrugor ka parë mbi 7-8 gjarpërinj duke lëvizur të qetë në mes të rrugës dhe trotuar. E frikësuar por edhe e shqetësuar, qytetarja apelon që të merren masa të menjëhershme për pastrimin dhe kontrollin e zonës, në mënyrë që të shmangen ngjarje të rrezikshme për kalimtarët dhe drejtuesit e mjeteve pasi me rritjen e temperaturave, zvarranikët shfaqen edhe më tepër.

1.8M views

#joqalbania

1.3M views

Pak më parë JOQ Albania raportoi rastin e Anës, një shqiptareje që jeton në Romë, e cila u përpoq të mashtronte të gjithë shqiptarët e tjerë, duke sajuar një histori sikur babai i saj Mentor Smuja vuante nga kanceri dhe kishte nevojë për një ndërhyrje kirurgjikale në Turqi, e cila kushtonte 25 mijë euro. Menjëherë pas raportimit të rastit, Ana ka telefonuar në redaksinë tonë duke deklaruar se historia nuk ishte ashtu sikur ajo e tregoi në fillim. Paratë duheshin për ish-bashkëshortin e saj, i cili sikur thotë vetë ajo, ka ndërruar jetë tre ditë më parë. Megjithatë GoFundMe, rezulton të jetë aktiv edhe sot, me shpresën se shqiptarët do mashtrohen dhe do të kontribuojnë. Ana thotë se nuk e kishte menduar që skema e ndërtuar do t’i zbulohej nga JOQ Albania, dhe prandaj e dërgoi rastin për publikim. Pas gjithë bujës që bëri publikimi i mëparshëm, Ana bëri një telefonatë ku kërkoi falje publike. “Më fal gabova, po nuk e mendova që mund të krijohej... Ju betohem nuk ishin për mua. Ju lutem shumë, ju kërkoj ndjesë të gjithëve,” thotë ajo. E keni falur për mashtrimin që iu bëri?

55K views

Fushatat e madhe e qeverisë për çlirimin e hapësirave publike po ecën me ritme të shpejta, por vetëm atje ku nuk preken interesat e mëdhenj. Ndërkohë që kioskat nëpër zonat e Tiranës, janë rrëzuar me zell nga fadromat e IMT-së, sepse kishin zaptuar hapësirat publike, në kompleksin Delijorgji gjithçka është e paprekur, si në ndonjë rezervat oligarkik. Aty IMT nuk ka guxuar të afrohet, sepse, siç duket, ligji për ndërtimet pa leje ka sy selektiv, sheh vetëm nga periferitë. Të varfrit shemben me vendosmëri, ndërsa të pasurit shemben me përulje. Administratorit të kompleksit, Mihal Delijorgji, mesa duket i ka rënë shorti i imunitetit urban. Në atë zonë devijojnë fadromat e IKMT-së, ose ndoshta parimi i barazisë përpara ligjit ka nevojë për një përjashtim të artë. Denoncimi i qytetarit: "Ne kuadër te aksionit te fundit, te lirimit te hapësirave publike, tek ambjentet qe njerezit punojnë per te siguruar bukën e femijeve, pa dalje ne trotuar, gjithcka eshte shembur, tek oligarket e preferuar, asnje gozhdë nen kembe. Keto foto jane sot tek kompleksi Delijorgji, gjighcka normale, kurse tek Fusha e Aviacionit, eshte shembur gjithcka."

32.5K views

Një nënë e vetme ka bërë një thirrje urgjente për ndihmë në JOQ, duke kërkuar strehim për veten dhe tre fëmijët e saj të mitur. Ajo shprehet se ndodhet në një situatë shumë të vështirë dhe kërkon me urgjencë një shtëpi me qira. “Përshëndetje, si jeni? Mundeni të bëni një njoftim ju lutem, pasi është tepër shumë urgjente dhe nga audienca juaj mund të më ndihmojë dikush. Kërkoj një shtëpi me qira në zonën e Paskuqanit, ose afër QSUT, ose në Bathore pranë shkollës Azem Hajdari. E kam shumë, shumë urgjente. Kam 3 fëmijë të mitur dhe nuk mund të ngelem në rrugë. Qiraja maksimumi 250 mijë lekë, pasi nuk kam mundësi për më shumë. Ju lutem më njoftoni nëse mund të më ndihmojë dikush. E kam me të vërtetë shumë urgjente. Më kontaktoni në këtë numër: 0685234501.” Thirrja e saj prekëse është një apel për të gjithë ata që kanë mundësi ta ndihmojnë, qoftë me një strehë të përkohshme, qoftë me një kontakt për një shtëpi të përballueshme. Në kohë të vështira, një gjest solidariteti mund të bëjë diferencën.

19.6K views

Një nënë denoncon se ka mbi një orë që ndodhet në pediatrinë e Vlorës me foshnjën 10 muajshe që vuan nga temperaturë e lartë, por përballet me neglizhencën e stafit mjekësor. Sipas saj, mjeku i turnit, Altin Cane, është larguar nga spitali duke deklaruar se ishte i lodhur pas turnit të natës, ndërsa infermieret i kanë kërkuar të presë deri në orën 07:00 për të kaluar rastin te mjeku pasardhës. Foshnja është vendosur në një ambient pas magazinave, të papërshtatshëm dhe larg kushteve minimale që kërkon një rast urgjent, pavarësisht se në spital ka dhoma të lira. Nëna shpreh indinjatë për mungesën e përgjegjësisë nga stafi mjekësor dhe trajtimin çnjerëzor ndaj një foshnje në gjendje të rënduar shëndetësore, duke ngritur shqetësimin për gjendjen alarmante të shërbimit në këtë spital publik. Denoncimi: Miremngjes! Kam 1 ore qe kam sjell djalin ne pediatrine e vlores me temperatur te larte dhe mjeku roje dr altini ka vajtur ne shpi sepse ankohet qe esht lodhur nga turni i nates Infemriereve u thote te presin deri ne 7 qe te behet nderrimi e pastaj do ja kaloj mjekur te turnit Fmia po digjet dhe asnje spo mban pergjegjesi ktu Na kan ln ne nje dhome qe vetm dhom nuk esht mbrapa magazinave sepse dka dhoma te lira te tjera Ky esht spitali yn qe nuk pyesin as per nje foshnje 10 muaj me teml te larte. Emri i doktorit Altin Cane.

131.2K views

Një qytetar ka raportuar një episod të rrezikshëm nga rruga Korçë–Bilisht, ku një automjet tip BMW X5 me targa AB 757 TB është futur në një parakalim të gabuar në kthesë, duke rrezikuar përplasjen ballore me mjetin e tij. Sipas denoncuesit, ngjarja ndodhi ndërsa ai ishte duke udhëtuar për pushime në drejtim të Greqisë. Për fat të mirë, drejtuesi i makinës arriti ta mbante mjetin në rrugë dhe shmangu një aksident të mundshëm falë kujdesit dhe shpejtësisë së kontrolluar. "Përshëndetje JOQ, ju lutem mund të bëj një denoncim. Në aksin Korçë–Bilisht, makina X5 me targa AB757TB desh na aksidentoi. U fut në parakalim gabim, në kthesë, dhe desh na nxori nga rruga. Erdhi drejt nesh, falë Zotit munda ta mbaja makinën në rrugë ngaqë isha me shpejtësi normale. Filmimi është bërë nga kamera e makinës. Sugjeroj të gjithëve të instalojnë një të tillë në makinë. Isha duke shkuar me pushime në Greqi, nuk i kam kusur shoferit tjetër jetën e familjes që të bëjë lojëra në rrugë. Nuk dua të dëmtoj njeri, por ky mund të vrasë dikë tjetër. Këtu keni pamjet nga pasqyra e kamerës. Rruga Korçë–Bilisht…"shkruan qytetari. Pamjet e ngjarjes janë filmuar nga kamera e makinës së tij, të vendosura në pasqyrë, ndërsa ai apelon për të gjithë drejtuesit e mjeteve që të instalojnë një pajisje të tillë si masë parandaluese dhe si mjet provash në raste të ngjashme. Apelohet që drejtuesit e mjeteve të respektojnë rregullat e qarkullimit dhe të shmangin manovrat e rrezikshme.

18.2K views

Një qytetare ka denoncuar në redaksinë e JOQ Albania një rast vjedhjeje që ka ndodhur mbrëmjen e kësaj të diele në zonën e Plazhit në Durrës. Protagoniste është bërë një zonjë e veshur me ngjyrë rozë, e cila ka përfituar nga momenti kur disa gra ishin të interesuara për të blerë produktet artizanale të denoncueses dhe i ka vjedhur një çantë me rruaza. Pamjet filmike, të siguruara nga qytetarja, e tregojnë zonjën tek afrohet, merr çantën, e shikon për disa sekonda dhe më pas largohet me të në dorë, pa paguar dhe pa njoftuar askënd. Denoncuesja shprehet se çanta është e punuar me dorë dhe ka një vlerë të veçantë materiale e emocionale. Ajo i bën thirrje autores që ta rikthejë nëse e sheh këtë postim. “Kjo zonja e veshur me rozë më ka vjedhur çantën me rruaza. Kjo ka ndodhur sot në mbrëmje në zonën e plazhit Durrës. Është e lutur të rikthejë çantën nëse sheh këtë postim. Lutem nga ana juaj që ta publikoni këtë ngjarje, sepse këto çanta janë të punuara me dorë dhe nuk mund të vidhet kaq lehtë mundi i tjetrit”, shprehet ajo për JOQ.

2184 views

Një video e mbërritur në redaksinë e JOQ Albania tregon një përplasje të dhunshme mes disa të rinjve. Sipas denoncuesit, sherri ka nisur për "punë femrash". Në pamje shihet një djalë me bluzë të zezë që sulmohet nga dy të rinj dhe përfundon i rrëzuar në tokë. Njëri prej tyre e godet pa pushim, ndërsa tjetri e qëllon edhe pasi është rrëzuar. Sherri ndalet vetëm pasi ndërhyjnë kalimtarët e rastit. Është alarmante që të rinjtë zgjidhin konfliktet me dhunë në mes të rrugës, duke rrezikuar jo vetëm veten e tyre, por edhe kalimtarët, në një shfaqje të turpshme të degradimit shoqëror.

2056 views

Vajza që shihni në foto është 22-vjeçarja Izabela Kuteli, e cila humbi jetën në një aksident tragjik ditën e shtunë në Athinë. Ajo ishte me origjinë nga Dukati i Vlorës. E re në moshë, e dashur për të gjithë ata që e njihnin, Izabela u nda nga jeta në mënyrë të parakohshme, duke lënë pas një dhimbje të madhe dhe një boshllëk të pazëvendësueshëm për prindërit, vëllain, miqtë dhe të njohurit e saj. Në rrjetet sociale janë publikuar dhjetëra mesazhe prekëse ngushëllimi nga familjarë, miq dhe bashkëfshatarë, të cilët ndajnë trishtimin për këtë humbje të madhe.

22.5K views

Një qytetare ka denoncuar në redaksinë e JOQ Albania sjelljen aspak të hijshme të një turisteje franceze, e cila dyshohet se ka qenë në gjendje të dehur. Ngjarja ka ndodhur dy ditë më parë në aeroportin e Rinasit, ku turistja ka dëmtuar një pemë dekorative duke i këputur gjethet dhe ka shfaqur sjellje agresive ndaj stafit të aeroportit. Mesazhi i qytetares: “Turistja franceze tapë në aeroportin e Tiranës dy ditë më parë. Shkatërroi pemën dhe kishte sjellje agresive me stafin.” Pavarësisht se Shqipëria mirëpret turistët me mikpritje, gjeste të tilla nuk mund dhe nuk duhet të tolerohen. Respekti për ambientin dhe njerëzit që punojnë për ofrimin e shërbimeve është minimalja që pritet nga kushdo.

3107 views

Një video e pazakontë ka mbërritur në redaksinë e JOQ Albania, ku shihet një i ri nga Kukësi i cili, në dëshpërim e sipër, hedh në lum një tufë të madhe me trëndafila të kuq në formë zemre. Sipas personit që ka dërguar videon, lulet ishin për një vajzë nga Kosova, por kjo e fundit ka refuzuar t’i marrë. Në tufën me trëndafila ishte shkruar: “Ti je vajza më e bukur në planet.” Në një moment dëgjohet i riu duke thënë me zhgënjim: “600 euro, mirupafshim!”, duke nënkuptuar paratë që kishte shpenzuar për gjestin romantik, i cili nuk u vlerësua. Çfarë mendoni për këtë situatë? Si do kishit vepruar ju në vendin e tij?

540.2K views

Një ngjarje e pazakontë ka ndodhur ditën e djeshme në një pallat në lagjen nr 13 në qytetin e Durrësit. Në pamje duket një burrë, mbase në gjendje të dehur, i cili mban në dorë një pistoletë silikoni. Ai hip mbi bordurën e sheshpushimit dhe zgjat pistoletën e tij drejt kamerës së sigurisë që është vendosur në hyrje të pallatit. Në një moment ai humb ekuilibrin dhe rrëzohet, për tu ringritur pak çaste më pas e për të vazhduar misionin e tij, ‘t’i bllokojë fushëpamjen kameras’. Nuk dihet se për çfarë arsye ai ka zgjedhur të zërë syrin e kamerës me silikon, por administratori i pallatit është i shqetësuar me sjellje të tilla të banorëve të cilat me sa duket janë të përsëritura. Administratori i pallatit tha për JOQ Albania se disa banorë nuk dinë të jetojnë në komunitet me prona të përbashkëta. Sipas tij, disa banorë përveç se nuk paguajnë detyrimet e përbashkëta, mundohen të shkatërrojnë dhe ambientet e komunitetit. “Ju lutem publikojeni në mënyrë që të ndërgjegjësohen se çfarë është të jetosh në komunitet dhe të mos përpiqen të na dëmtojnë më pronat e përbashkëta që banorët e tjerë kanë paguar,” shkruan denocnuesi. Denoncimi i plotë: Pershendetje JOQ. Dua te bej nje denancim. Jam administratori i nje pallati ne lagjen 13 plazh, Durres zona Iliria. Dua te paraqes nje shqetesim qe lidhet me banoret qe nuk paguajne per detyrimet e perbashketa qe mundohen me cdo kusht te shkaterrojn ambientet e perbashketa. Si ky person qe mbreme ka demtuar kamerat e sigurise jane te shumte duke perfshire doktora e deri tek shitesit ambulant. Ju lutem publikojeni ne menyre qe te ndergjegjesohen se cfare eshte te jetosh ne komunitet dhe te mos perpiqen te na demtojne me pronat e perbashketa qe banoret e tjere kane paguar.

230.5K views

Banorët e Lagjes nr 14 në zonën e Astirit në Tiranë prej kohësh po jetojnë mes erës së rëndë dhe rrezikut për përhapjen e sëmundjeve infektive, për shkak se në një ndërtim në lagje janë mbledhur pirgje të tëra mbeturinash, për të cilat askush nuk merr masa për t’i larguar. Pamjet tregojnë qartë gjendjen në të cilën ndodhet zona. Plehrat janë hedhur në katin e parë nëntokë të një pallati në ndërtim, i cili ndodhet në mes të lagjes mes shumë ndërtesave të tjera. Banorët tregojnë se shqetësimin e tyre e kanë adresuar në Bashkinë Tiranë, por përgjigjja që kanë marrë ka qenë negative: Ne nuk mund të ndërhyjmë pasi është objek privat. Po ashtu problemi është raportuar dhe te Instituti i Shëndetit Publik, por as ky institucion nuk i ka dhënë një zgjidhje situatës. “Përshëndetje! Ju lutemi shume, a mund ta beni publike kete shqetesim te shume banoreve qe jetojne afer ketij objekti te filluar pa leje ndertimi e te braktisur nga shoqeria Ormars 2000 i ndodhur ne adresen Lagja 14 Astir ,ndermjet rruges Loni Ligori dhe Foto Xhavella. Objekti eshte denancuar prane institucioneve pergjegjese, si per ndertimin pa leje po ashtu edhe ne Institutin e Shendetit Publik te cilet na drejtuan per ankese te Bashkia Tirane. Bashkia Tirane me ka kontaktuar dhe me ka shpjeguar qe ai eshte objekt privat dhe nuk nderhyjne dot,” shkruan denoncuesi. Të gjendur në këtë situatë dhe pa asnjë zgjidhje, banorët bëjnë thirrje publike që institucionet të reagojnë dhe të bëjnë heqjen e mbeturinave nga godina. Përveç aromës së rëndë, ata janë të frikësuar dhe për përhapjen e sëmundjeve, në një kohë kur temperaturat atmosferike janë të larta.

36.2K views