Një peshkaqen është afruar pranë bregut të pushuesve në plazhin e Rrjollit ditën e sotme, duke u shëndrruar në tmerrin e vizitorëve dhe aq më tepër të fëmijëve të vegjël që ishin duke pushuar. Një qytetare ka filmuar momentin kur Policia dhe peshkatarët ndërhyjnë me rrjeta peshkimi për të kapur peshkaqenin dhe për ta kthyer në det të hapur. Ajo thotë se kjo është dita e dytë që peshkaqeni afrohet pranë bregut të detit, por autoritet nuk kanë dhënë asnjë paralajmërim. “Janë vendosur rrjeta peshkimi afër bregut. Është dita e dytë që e marrim vesh nga peshkatarët për peshkaqenin e madh. Po tmerrohen fëmijët, kanë dalë të gjithë në breg. Ne nuk na jepet asnjë sqarim nga policia,” thotë denoncuesja në video. Në pamje duket se si peshkaqeni i madh është kapur nga rrjetat e hedhura në det. Pushuesit kërkojnë që të merren masa për të garantuar sigurinë e tyre në këto javë të fundit të sezonit të plazhit. Paralajmërimi në kohë i pushuesve për pranin e peshkaqenëve pranë zonave të pushimit mund të shërbejë si një mjet për të shmangur tragjeditë me pasojë në jetë njerëzish. Denocnimi i plotë: “Përshëndetje si jeni? Video e momentit në Rioll, peshkaqeni është afruar shumë afër bregut. Ka ardhur policia bregdetare po mundohen ta kapin. Kanë vendosur rrjetat shumë afër bregut. Fëmijët janë të tmerruar.” Nga ana tjetër, një qytetar thotë se peshkaqeni u kap nga peshkatarët, të cilët e lëshuan përsëri sepse rrezikonte që t’u përmbyste varkën. Më pas policia shkoi dhe e kapi! “Përshëndetje! Në plazhin e Rriollit në Velipojë është filmuar një peshkaqen nga një peshkatar, por ai e ka lëshuar nga rrjeta pasi i është rrezikuar jeta sepse peshkaqeni mund t’i kthente varkën përmbys. Policia Detare ka arritur aty dhe ka hedhur rrjetat por akoma asnjë rezultat. Shpresojmë të kapet dhe plazhistët të bien në qetësi.”

2792 views

Një qytetare ka raportuar një përvojë shumë të pakënaqshme gjatë pushimeve të saj në Vlorë, në Hotel Britania, duke denoncuar kushte të papranueshme shërbimi dhe ushqimi, që kanë shkaktuar probleme shëndetësore për familjen e saj dhe të tjerët. Sipas saj, problemet kanë nisur që me mëngjesin. Shërbimi ishte planifikuar nga ora 7:00 deri në 10:00, por kur qytetarja shkoi në orën 7:40, ushqimi kishte përfunduar. Pjata të lagura, gota të papastra dhe ushqime të lëna të hapura me insekte ishin pjesë e përditshmërisë në hotel. Pjesa më e madhe e ushqimeve gjatë mëngjesit dhe darkës ishte e ftohtë, dhe pushuesit detyroheshin të rrinin në radhë për të marrë pjesën e tyre. Edhe gjatë darkës situata nuk ndryshoi: makarona të ftohta, ushqime të paprekura dhe një menaxhim që favorizonte disa persona, duke lënë pjesën tjetër të pushuesve pa ushqim. Qytetarja tregon se, për shkak të kushteve dhe ushqimit të keq, burri dhe vajza e saj u helmuan, gjë që e detyroi të ndërpresë qëndrimin dhe të largohej nga hoteli, pavarësisht çmimit të lartë, 180 euro nata. Ajo thekson se helmimi nuk ndodhi vetëm tek familja e saj: "Por mbi të gjitha, jo vetëm ne që ishim helmuar, po të gjithë që ishim në atë hotel. Nga data 23 gusht jemi helmuar, dhe ata na tregonin se në atë gjendje ishin." Ky rast nxjerr në pah mungesën e higjienës dhe cilësisë së shërbimeve në disa hotele dhe tregon nevojën për kontrolle më të rrepta për sigurinë dhe mirëqenien e turistëve. Mesazhi i plotë i qytetares: "Pershendetje JOQ Albania! Unë pushimet vendosa mi kalu në Vlorë te Hotel Britania Vlorë, i tmerrshëm ka qenë mëngjesi dhe darka, mëngjesi shërbehej nga ora 7 deri ne ora 10 dhe në ora 7:40 kur shkova me hëngër mëngjes unë kështu nuk kishte asgjë për mëngjes dhe kur i pyeta a ka ma sene tjera ndonjë kifle than jo s’na kanë mbet, pjatat të lagta gotat e lagta të pa pastra i insekte mbi ushqime sepse i lenin të hapura, njëjtë darka çdo natë makarona të ftohta dhe shumica mbetnin unë në fund nuk kishin qa me thon, thonin jo po te gjithë tjerët po i marrin ka dy copa prandaj ju po mbetni pa ushqim. E vendosnin vetëm në një vend dhe u bënte radha e njerëzve që qëndronin në atë hotel sikur refugjat lufte ndërsa çmimi 180€ nata. U helmua nga ushqimi burri dhe vajza dhe u deshtë me ndërpre me lënë të paguar hotelin. Por mbi të gjitha, jo vetëm ne që ishim helmuar, po të gjithë që ishim në atë hotel. Nga data 23 gusht jemi helmuar, dhe ata na tregonin se në atë gjendje ishin."

9805 views

Vera mbaroi dhe bashkë me të edhe gëzimet e saj. Ajo që na rëndon më shumë zemrat janë lotët e familjarëve, e sidomos të fëmijëve që jetojnë larg trojeve të tyre dhe janë të privuar nga përqafimi e dashuria e gjyshërve.

56.7K views

Një rast shqetësues është denoncuar në Shtëpinë e Fëmijës “Zyber Hallulli” në Tiranë, ku prej rreth një muaji një nga kujdestaret dyshohet se ulëret vazhdimisht ndaj fëmijëve, duke krijuar një klimë frike dhe stresi te ta. Ngjarjet mësohet se ndodhin në orët e mëngjesit, rreth orës 08:00, në kohën kur fëmijët ushqehen. Sipas qytetarëve që kanë dëgjuar situatën, sjellja e kujdestares nuk është e justifikueshme dhe shihet si një formë e rëndë abuzimi psikologjik. Fëmijët që ndodhen në këtë institucion janë ndër më të pambrojturit në shoqëri, prandaj edhe kërkohet vëmendje dhe përkujdesje e veçantë, jo ulërima dhe trajtim të ashpër. Ky denoncim rikthen në vëmendje shqetësimet e vazhdueshme mbi mënyrën si menaxhohen institucionet e kujdesit social, duke ngritur pyetje mbi mungesën e monitorimit dhe kontrollit efektiv nga autoritetet përgjegjëse. Qytetarët kërkojnë reagim urgjent për të mbrojtur fëmijët dhe për të garantuar që raste të tilla të mos përsëriten. Mesazhi i plotë i qytetarit: “Përshëndetje! Dua të ndaj një shqetësim urgjent! Tek shtëpia e fëmijës Zyber Hallulli ka rreth 1 muaj që një nga kujdestaret dëgjohet sistematikisht që ulëret fëmijëve. Ora 8 e mëngjesit. Nuk e di çfarë mund të ketë bërë një fëmijë që do të ushqehet për të merituar një trajtim të tillë. Ka rreth 1 muaj dëgjohet kjo. Më parë nuk kemi dëgjuar gjë.” Ky rast kërkon hetim urgjent nga Ministria e Shëndetësisë dhe Mbrojtjes Sociale, si dhe nga institucionet përkatëse, në mënyrë që fëmijët të mbrohen nga çdo formë abuzimi dhe të marrin kujdesin që meritojnë.

2119 views

Pamjet janë nga stuhia e djeshme ku shumë grila, depozita, llamarina “fluturuan” nga era e fortë dhe përfunduan në rrugë, mbi automjete e jo vetëm. Në pamjet që shihni, një llamarinë bie nga lartësia e një pallati në zonën e Astirit dhe i rrezikon jetën një drejtuesi motori i cili shpëton për pak.

14.3K views

Një qytetar ka denoncuar një rast të rëndë në Tiranë, ku muzika e lartë e një feste private ka mbajtur zgjuar banorët deri në orët e para të mëngjesit. Ngjarja ka ndodhur rreth orës 02:25, pranë “Arenës”, në katin e fundit të kompleksit “Ambasador 3”. Sipas denoncimit, muzika ishte aq e fortë saqë banorët nuk kishin mundësi të flinin gjumë dhe detyruan thirrjen e policisë. Por, edhe pse uniformat blu mbërritën dy herë në vendngjarje, situata nuk ndryshoi. Në vend që të ndalonin zhurmën, policia “mori kafen”, një shprehje që nënkupton marrjen e ryshfetit, dhe më pas u largua, duke e lënë festën të vazhdonte si më parë. “Këtu tek Arena, ora 02:25 e natës, muzika është në qiell dhe na kanë lënë pa gjumë. Erdhi policia, por vetëm mori kafen, siç do ta shihni edhe në video. Tani po zhvillohet një party në katin e fundit të Ambasador 3. Përfundimisht, në Shqipëri nuk bëhet më gjë: dy herë erdhi policia dhe u largua, ndërsa muzika vazhdon. Publikojeni ju, o JOQ, tregojuni këtyre që bëjnë sikur ka shtet. Anonim.”, shprehet qytetari i revoltuar, duke vënë në dukje mungesën e plotë të reagimit. Ky rast ka ngjallur zemërim, duke rikthyer debatin mbi abuzimin e autoriteteve dhe mungesën e zbatimit të ligjit, teksa qytetarët ndihen të pambrojtur përballë shkeljeve të hapura të rendit dhe qetësisë publike.

22.5K views

“Valët e nxehtit po bëhen më të shpeshta dhe zgjasin më shumë, prandaj pasojat shëndetësore në të ardhmen mund të jenë edhe më të rënda,” tha Dr. Cui Guo nga Universiteti i Hong Kongut, autor i studimit. Ekspertët thonë se ky studim është një “ndryshim paradigme” në mënyrën se si e kuptojmë efektin e të nxehtit mbi shëndetin. Profesori australian Paul Beggs u shpreh: “Shumë prej nesh kemi kaluar valë të nxehti dhe kemi menduar se nuk na kanë lënë pasoja. Por ky hulumtim tregon se i nxehti ndikon në mënyrën si ne plake­mi. Efekti mund të ndodhë në çdo moshë dhe të zgjasë gjithë jetën.” Studimi u publikua në revistën shkencore Nature Climate Change dhe përfshinte analiza të detajuara mbi tensionin e gjakut, kolesterolin, inflamacionin dhe funksionimin e organeve si mushkëritë, mëlçia dhe veshkat. Të gjitha këto të dhëna krahasoheshin me moshën reale për të parë nëse i nxehti përshpejtonte plakjen. Rezultoi se numri total i ditëve me vapë ekstreme kishte ndikimin më të madh tek plakja e përshpejtuar. Shkencëtarët dyshojnë se dëmtimi i ADN-së është një nga shkaqet kryesore. Edhe pse me kalimin e kohës njerëzit përpiqeshin të përshtateshin, duke qëndruar në hije ose duke përdorur ajër të kondicionuar, efekti i të nxehtit mbetej i rëndësishëm. Në fakt, 25 mijë personat e studimit ishin mesatarisht më të rinj dhe më të shëndetshëm se popullsia e përgjithshme. Kjo do të thotë se tek njerëzit më të moshuar dhe me probleme shëndetësore efektet janë shumë më të mëdha se ato që tregoi studimi. Rezultatet janë në përputhje edhe me studime të tjera të kryera në SHBA, ku u gjet se nxehtësia e lartë përshpejton plakjen dhe përkeqëson funksionin e trurit, sidomos tek të moshuarit dhe tek njerëzit që jetojnë në lagje të varfra.

21.7K views

Qytetari shprehet: “Po na vendosen gjoba pa qenë fare në ato vende. Konkretisht, gjoba është vendosur gabimisht, pasi mund ta vërtetoj me të dhëna nga GPS-i që makina nuk ka qenë fare në Tepelenë. Pres që ky gabim të korrigjohet.” Ky nuk është rasti i parë që qytetarët denoncojnë gjoba të tilla “fantazmë”, ku automjetet rezultojnë në një vend tjetër nga ai që shënohet në fletë-gjobë. Kjo situatë ka shkaktuar shqetësim të madh, pasi jo vetëm rëndon financiarisht qytetarët, por cenon edhe besimin tek institucionet.

79.7K views

Një apel i ndjerë ka mbërritur në redaksinë e JOQ Albania nga një 34-vjeçar shqiptar, i cili ndodhet në Torino të Italisë. Ai rrëfen se është larguar nga Shqipëria për arsye ekonomike, por ndodhet në një gjendje të vështirë, pa punë e pa të ardhura. I riu tregon se kishte shkuar në Itali me premtimin e një pune në ndërtim nga një person i njohur, por ajo nuk u realizua. Prej dy muajsh ai endet pa punë, ndërkohë që mban mbi supe edhe borxhe dhe shqetësimin për nënën e tij të moshuar që jeton e vetme në Shqipëri. “Kam shumë nevojë për ndihmën tuaj. Ndodhem në Torino prej dy muajsh. Erdha me borxhe e jam pa punë dhe në gjendje jo të mirë, sidomos psikologjike, pasi kam nënën të moshuar vetëm në Shqipëri. Dua të kërkoj ndihmë nga shqiptarët, kush më ndihmon dot me punë në ndërtim apo çfarëdo qoftë, se jam në hall të madh. Zoti ju bekoftë, faleminderit!”, shprehet ai në mesazhin e tij. Ai kërkon thjesht një vend pune për të nisur një jetë normale dhe i lutet bashkëkombësve që të tregojnë solidaritet, ashtu si shpesh shqiptarët kanë bërë në këto raste. Kushdo që ka dëshirë dhe mundësi t’i sigurojë një vend pune, mund ta kontaktojë personalisht të riun në këtë numër telefoni: +39 353 314 3062.

111.8K views

Ka nisur këtë të premte të 29 gushtit regjistrimi i maturantëve në universitete, i cili do të vazhdojë deri në 11 shtator. Kjo periudhë është parashikuar të ndahet në 7 faza regjistrimi, secila me nga 48 orë kohëzgjatje. Maturantët që kanë kaluar provimet e maturës dhe kanë dalë fitues në aplikimin e degëve të studimit, duhet që të kryejnë regjistrimin në universitet brenda afateve, në të kundërt vendi i tyre mund t’i kalojë automatikisht kandidatëve që janë në listë pritëse. Kjo gjë po vendos në vështirësi dhe stres maturantët, të cilët që ditën e tyre të parë të regjistrimeve janë përballur me probleme. Më e vështirë situata është paraqitur në Universitetin e Mjekësisë, ku fluksi i madh i studentëve ka shkaktuar radhë të gjata dhe debate në korridore. Një maturante denoncon situatën duke thënë: “Përshëndetje JOQ! Ju lutem bëni diçka për këtë gjendje në Universitetin e Mjekësisë 2025. Shikoni çfarë ka ndodhur sot gjatë regjistrimeve. Kemi vetëm dy ditë kohë për t’u regjistruar, përndryshe rrezikojmë të humbasim degën. Anonim ju lutem.” Shumë studentë kërkojnë që fazat e regjistrimit të mos kufizohen vetëm në 48 orë, pasi kjo krijon kaos dhe mund të pengojë disa prej tyre që të sigurojnë vendin e fituar. Pas përfundimit të 7 fazave të para, është parashikuar një periudhë e veçantë çregjistrimi, ku studentët që duan të ndryshojnë degën mund të heqin dorë nga regjistrimi aktual dhe të rikthehen në garë për raundin e dytë të aplikimeve.

97.3K views

URGJENTE: Ka humbur një vajzë 12-vjeçare në Borsh! Një ngjarje shqetësuese ka ndodhur pasditen e sotme në plazhin e Borshit, ku është raportuar e humbur një vajzë 12-vjeçare me origjinë nga Ukraina. Prindërit e saj të shqetësuar kanë kërkuar ndihmën e qytetarëve, ndërsa është njoftuar edhe policia. Kushdo që ka informacion për vajzën e mitur të kontaktojë menjëherë me policinë ose në numrin e telefonit: 0692138812. PËRDITËSIM: Pas publikimit në JOQ, vajza e mitur nga Ukraina është gjetur shëndoshë e mirë dhe është ribashkuar me familjen e saj 🙏👨‍👩‍👧

3853 views

Me “bonuset” që jep gjykimi i shkurtuar dhe llogaritjen bujare të paraburgimit, dënimi u shkri si akullorja nën diellin e Dhërmiut.

31.8K views

Çështja e sigurisë ushqimore është trajtuar shpesh si një ndër problemet më të mëdha që prek shoqërinë tonë. Produkte të skaduara ose të pakontrolluara vazhdojnë të shiten në tregje, markete apo dyqane të ndryshme, ndërkohë që autoritetet përgjegjëse shpesh nuk marrin masat e nevojshme për t’i parandaluar. Një qytetar ka denoncuar sot një rast të ngjashëm i cili ngre dyshime për sigurinë e produktit. Ai tregon se pasi bleu bukë në një “Big Market”, shkroi në shtëpi për drekë dhe vuri re se buka kishte disa njolla në ngjyrë të verdhë të ndezur. “Më ka ndodhur edhe më parë, por nuk i kam kushtuar shumë rëndësi. Çfarë përzierje mund të jetë kjo?” shprehet qytetari i habitur. Në videon e dërguar prej tij dallohen qartë shenjat e pazakonta në bukë, megjithatë nuk është e qartë se nga çfarë janë shkaktuar. Kjo e ka shqetësuar atë për shëndetin e vet dhe të familjes. Në mesazhin e plotë, qytetari shkruan: “Pershendetje JOQ! Bleva buke sot te BIG MARKET, edhe po shoh keto shenjat e verdha te buka! Me ndodhi edhe një herë më parë por nuk i kushtova shumë rëndësi por këtë herë ndodhi përsëri edhe duket shumë shqetësuese sepse nuk e di se çfarë mund të jetë! Çfarë përzierje produktesh të skaduara mund te jetë? Nuk më duket aspak normale.” Ky rast nënvizon nevojën urgjente që produktet e dyshimta të mos dalin në treg dhe që tregtarët të mbajnë përgjegjësi për produktet që shesin, duke u ndëshkuar sipas ligjit në fuqi në rast se ato rezultojnë të rrezikshme për shëndetin e konsumatorëve.

33.7K views

Zyra e Guvernatorit të Nevşehir-it konfirmoi nisjen e një hetimi penal dhe bëri me dije se gruaja mund të ndiqet penalisht sipas dy neneve të Kodit Penal turk. Zyra e Guvernatorit njoftoi se: “Prokuroria e Nevşehir-it ka filluar hetim gjyqësor ndaj shtetases së huaj, në bazë të neneve 300 dhe 301 të Kodit Penal turk. Ky incident i neveritshëm, që e konsiderojmë si mosrespekt ndaj vlerave kombëtare dhe shpirtërore të kombit tonë, po ndiqet me kujdes dhe ndjeshmëri nga Zyra jonë.” Sipas Nenit 300 të Kodit Penal, fyerja ose mosrespektimi i flamurit turk duke përfshirë “prerjen, djegien ose veprime të ngjashme” dënohet deri në tre vjet burg. Videoja e vajzës nga Bosnja dhe Hercegovina ka shkaktuar debate të shumta online. Disa komentues kritikuan ashpër duke thënë: “Mosrespekt ndaj flamurit tonë, tregoni pak kulturë,” dhe “Më vjen keq, flamuri turk nuk është vend për të kërcyer.” Një përdorues tjetër shkroi: “Ne e respektojmë flamurin tonë… Kjo nuk është një shtyllë për striptizë.” Ndërkohë rikujtojmë se ditën e djeshme tifozët polakë të Jagiellonias përdhosën shtatoren e Heroit tonë Kombëtar, Gjergj Kastriot Skënderbeu në sheshin qendror të kryeqytetit, por u larguan nga Tirana pa asnjë “gjemb në thua”. JOQ ALBANIA publikoi pamjet ku tifozët shfaqeshin duke bërë veprime të turpshme para shtatores së Heroit Kombëtar, por Policia e Shtetit me në krye Ilir Prodën s’lëvizi as gishtin e vogël për të ndëshkuar këta tifozë që njihen si pro-serbë. Të vetmit që u përpoqën të vendosin nderin dhe respektin në vend janë disa tifozë shqiptarë që sulmuan polakët dhe autobusin e tyre kur po shkonin drejt aeroportit, por ata janë arrestuar dhe disa prej tyre po ndiqen penalisht në gjendje të lirë.

64.7K views

JOQ Albania i publikoi me pamje veprimet e tyre, të cilat u filmuan nga qytetarë të zakonshëm. Për ironi, ata që u ndaluan janë tifozët vendas, që duke parë mosveprimet e autoriteteve, u organizuan vetë për të mbrojtur nderin e Heroit Kombëtar.

4402 views

Ameis, një vogëlushe 4-vjeçare kërkon të dhurojë flokët e sapo prera te ndonjë vajze të lufton me kancerin. Mamaja e Ameisit thotë se vogëlushja i ka prerë 20 cm flokët për aryse prakticiteti, prandaj tani dëshiron t’ia dhurojë dikujt që i nevojiten për ta bërë sa më të lumtur. Të interesuarit mund të kontaktojnë me vajzën në faqen e saj të Instagramit me të njëjtin emër, Ameis. Mesazhi i mamasë së saj: Përshëndetje !!! Ameis për arsye prakticiteti i ka prerë flokët 20 cm siç shihet dhe në foto . Ne si prindër së bashku me dëshirën e Ameis dëshirojm ti dhurojm për 1 gocë(të vogël) që lufton me kancerin ,për ta bërë sado pak të lumtur Mqs ju keni viralitet ju lutem postojeni dhe rastet konkrete të më kontaktojnë . Punë të mbarë!

8812 views

Është çifti që po pengon këtë divë apo e kundërta?

8579 views

Një skenë e rrezikshme është regjistruar në mes të Tiranës, ku një automjet i bankës OTP me targa AB 220 ES është futur me semafor të kuq tek Bulevardi i Ri, duke i prerë rrugën këmbësorëve që po kalonin në vizat e bardha. Në momentin kritik, një nënë me fëmijë të vogël në karrocë ndodhej duke kaluar rrugën dhe për pak sa nuk u godit nga mjeti, i cili kaloi me shpejtësi pa respektuar sinjalistikën. Ngjarja ka shkaktuar reagim të fortë nga qytetarët, të cilët e konsiderojnë shoferin një rrezik potencial për jetën e njerëzve. Qytetari që ka dërguar pamjet shprehet i indinjuar: "Çfarë të thuash? Në 19 sekonda ke shkelje semafori me të kuq + për pak sa nuk përplasi një nënë me fëmijë të vogël po në semafor." Ky incident ngre alarmin për sjelljen e papërgjegjshme të shoferëve, të cilët edhe pse janë në detyrë zyrtare, nuk përjashtohen nga respektimi i rregullave të qarkullimit rrugor. Shkelja e semaforit nuk është vetëm një kundërvajtje e thjeshtë, por një akt që mund të sjellë pasoja tragjike për qytetarët e pafajshëm. Banorët shprehen të shqetësuar se raste të tilla po bëhen gjithnjë e më të shpeshta në rrugët e Tiranës, ku shpejtësia e lartë, mungesa e respektimit të sinjalistikës dhe papërgjegjshmëria e drejtuesve të mjeteve po rrisin rrezikun e aksidenteve fatale. Ata kërkojnë nga Policia e Shtetit dhe institucionet përkatëse që të ndërhyjnë menjëherë dhe të marrin masa ndaj shoferëve të tillë, të cilët i konsiderojnë si "kriminelë rruge". Sipas tyre, ndëshkimi i rreptë i shkelësve është e vetmja mënyrë për të parandaluar ngjarje që mund të përfundojnë me viktima. Ky rast shërben si një kujtesë e fortë se respektimi i rregullave të qarkullimit nuk është formalitet, por një domosdoshmëri që lidhet drejtpërdrejt me jetën e qytetarëve në rrugë.

39.6K views

Pas përfundimit të ndeshjes mes Dinamo City dhe ekipit polak Jagiellonia, e zhvilluar mbrëmjen e së enjtes tek “Arena Kombëtare”, situata në kryeqytet ka degjeneruar në përplasje dhe akte dhune. Fillimisht, në afërsi të stadiumit, një nga huliganët polakë u dhunua nga një grup tifozësh shqiptarë. Personi në fjalë u identifikua si njëri nga tifozët që disa orë më parë ishte filmuar duke përdhosur bustin e Heroit Kombëtar, Gjergj Kastrioti Skënderbeu, në sheshin qendror të Tiranës. Pamjet e veprimit të turpshëm shkaktuan zemërim të madh në rrjetet sociale dhe reagime të ashpra nga qytetarët. Ndërkohë, pamje të tjera kanë mbërritur në redaksinë tonë ku shihet autobusi i tifozëve të Jagiellonias teksa sulmohet nga një grup tifozësh shqiptarë në afërsi të Rinasit. Nga videoja dëgjohen thirrje të shumta dhe tension i madh mes palëve, ndërsa situata është përshkallëzuar dukshëm, ku është nevojitur edhe prania e forcave të shumta të rendit. Kujtojmë se më herët JOQ Albania publikoi pamjet ku huliganët polakë kryenin gjeste të pahijshme poshtë bustit të Skënderbeut dhe valëvitnin një flamur me mbishkrimin provokues “Kosova është Serbi”. Po ashtu, u raportua se kjo tifozeri është e njohur prej kohësh për kore raciste dhe këngë të tipit “Vritini Shqiptarët”, ndërsa përshkruhen si grupe radikale pro-serbe. Ndeshja e vlefshme për Play-Off e Ligës së Konferencave përfundoi me rezultatin 1-1. Pavarësisht barazimit, skuadra shqiptare u eliminua për shkak të humbjes 3-0 në ndeshjen e parë në Poloni.

11.2K views

Një episod i pakëndshëm është raportuar sot në plazhin e Shkëmbit të Kavajës në Durrës. Një nënë ka dërguar në redaksinë e JOQ Albania një video dhe një mesazh, ku rrëfen se vajzës së saj i është marrë një shumë e konsiderueshme parash në mënyrë të padrejtë. Sipas denoncimit, vajza kishte ardhur nga Gjermania vetëm disa orë më parë për të kaluar pushimet në Shqipëri. Teksa luante me motrën e saj në një park lodrash, portofoli i saj ra nga çanta e saj, që e kishte harruar aksidentalisht hapur. Brenda ndodheshin plot 1050 euro, të cilat vajza i kishte marrë për t’i shkëmbyer në lekë shqiptare. Sipas denoncueses, portofoli u gjet fillimisht nga një vajzë e vogël 6-vjeçare, e cila ia dorëzoi nënës së saj. Por menjëherë pas këtij momenti, një grua e moshuar iu afrua, ia mori dhe deklaroi se portofoli ishte i saj. Madje, edhe dy turiste ruse që ndodheshin aty pranë treguan me saktësi se kush ishte personi që e mori portofolin. Nëna i bën apel gruas që e ka marrë të reflektojë dhe t’i kthejë paratë, pasi sipas saj, vajza ka punuar me shumë mund për t’i mbledhur ato, vetëm që të shijonte disa ditë pushime në vendlindje. Denoncimi i plotë i saj: “Përshëndetje JOQ! Unë jam nëna e dy vajzave që po shihni duke luajtur në rrëshqitësen e një parku në plazhin e Shkëmbit të Kavajës, pranë restorantit “Te Xhabarka”. Gjatë lojës, vajza ime e madhe kishte harruar të mbyllte çantën dhe siç shihet edhe në video, portofoli i saj ra. Brenda kishte 1050 €, të cilat i kishte marrë me vete për t’i kthyer në lekë shqiptare. Vajza ime ka ardhur sot nga Gjermania, rreth orës 18:30. Në video shihet qartë personi që e ka marrë portofolin. Dy turiste ruse na treguan me saktësi se kush e mori. Madje, një vajzë e vogël 6-vjeçare e gjeti portofolin dhe ia dha nënës së saj, por në atë moment një grua e moshuar iu afrua, ia mori dhe tha se ishte i saj. Ju lutem, ndihmoni të gjendet kjo grua, sepse vajza ime ka punuar me mund për këto para, vetëm që të kalonte disa ditë pushime. I lutem asaj gruaje t’i kthejë paratë. Faleminderit shumë për ndihmën!”

83.5K views