TIRANË- Biznesmeni Lul Morina është paraqitur në orët e pasdites në Policinë e Tiranës, pas denoncimit publik nga gazetari Almer Toska, i cili deklaron se është kërcënuar. Burime i thanë Vox News, se Morina është thirrur për të dhënë sqarime për këtë çështje. Toska denoncoi sot se është kërcënuar nga Morina përmes disa mesazheve fyese në Whatsapp. Mesazhet vijnë pas publikimit të disa shkrimeve kritike për Morinën dhe lidhjet e tij me disa politikanë që sipas gazetarit e shpërblejnë me leje ndërtimi. Morina është thirrur për të dhënë sqarime për arsyet që e kanë çuar drejt kërcënimit të Toskës. Ai është mbajtur për gati 2 orë në Policinë e Tiranës ku ka dhënë shpjegime, përmbajtja e të cilave, ende nuk dihet./VOX NEWS Për më shumë klikoni në STORY 👆 #voxnews #media #news @voxnews.al
Një ndërhyrje e shpejtë e Policisë së Kukësit ka parandaluar një ngjarje të mundshme kriminale në fshatin Kosharisht. Sipas njoftimit zyrtar, pas një konflikti për motive të dobëta me të afërmin e tyre, M. M., 53 vjeç, dhe B. M., 18 vjeç (babë e bir), banues në Kosharisht, sulmuan me sende të forta shtetasin O. K., 50 vjeç, banues në Tiranë, duke i shkaktuar dëmtime në trup. Policia ka arritur të arrestojë në flagrancë babë e bir dhe të sigurojë vendngjarjen, duke parandaluar përshkallëzimin e dhunës. Materialet procedurale janë dërguar në Prokurorinë pranë Gjykatës së Shkallës së Parë të Kukësit për veprime të mëtejshme.@voxnewsalbania
Motra e Marjola Nakolecit, 36-vjeçares shqiptare e cila u vra nga bashkëshorti të premten në Greqi, ka dhënën një reagim për Euronews Albania, ka folur në lidhje me ngjarjen tragjike. Jashtë kamerave, ajo rrëfen se Pandi Nakoleci, bashkëshorti i Marjolës dhe autori i krimit, herë pas here ushtronte dhunë jo vetëm ndaj gruas së tij, por edhe ndaj fëmijëve. Ajo shton se fëmijët kishin frikë të rrinin me babain e tyre, ndaj Marjola i kishte kërkuar të largohej nga shtëpia për pak kohë që të qetësohej. Sipas deklaratave të së motrës, analizat nga klinika psikiatrike dolën shumë mirë dhe nuk rezultoi që Pandi Nakoleci të kishte probleme mendore. Ajo ka kërkuar që Pandi Nakoleci të kapet nga autoritetet dhe të marrë dënimin e merituar: Çfarë të them moj vëlla… ai ishte një qen i pabesë që ia mori jetën motrës time në lule të rinisë dhe la fëmijët jetimë. Ai nuk ishte i sëmurë nga mendja, por donte dhe bënte ç’i vinte për mbarë. U bënte fëmijëve dhunë psikologjike. Fëmijët kishin frikë të rrinin me të në shtëpi nga sjellja që kishte. Prandaj motra ime u detyrua dhe i tha: ‘Ik pak kohë nga shtëpia që të qetësohesh.’ Motra ime e çoi edhe te psikiatri me policinë. Ata i thanë që ishte shumë mirë, nuk kishte asgjë. Ia bënë edhe analizat dhe çdo gjë doli në rregull. E mbajtën vetëm dy ditë dhe më pas ai u kthye në shtëpi. Sillej dy ditë mirë, pastaj fillonte prapë sherre me motrën time, pa asnjë arsye, e kapte edhe me fëmijët. Ajo, si nënë normale, i hidhte sytë nga fëmijët. Unë dua që ai njeri i poshtër të kapet dhe të kalbet në burg,” deklaroi motra e viktimës për Euronews Për më shumë klikoni në STORY 👆 #voxnews #media #news @voxnews.al
Nga call center-at te fermat, IA po zëvendëson profesionet rutinë dhe po krijon kërkesa të reja për aftësi, ndërkohë që sfidat me papunësinë tek të rinjtë dhe mungesat në tregun e punës po thellohen Para pak ditësh A. Aga, në të 50-tat e tij, humbi punën në call center në të cilën po punonte 15 vitet e fundit. Vodafone Italia shkurtoi rreth 450 punonjës në Shqipëri, të cilët kryenin shërbimet ndaj klientit, duke i zëvendësuar ata me një chatbot të integruar me Inteligjencën Artificiale. “Atë që bënin 750 punonjës për disa orë, tani e bën Inteligjenca Artificiale vetëm në tri minuta dhe pa asnjë gabim”, tha z. Aga. Deri në fund të vitit pritet të humbin punën rreth 900 punonjës që ofronin shërbimet call center nga Shqipëria për Vodafone Italia. Inteligjenca Artificiale po integrohet me shpejtësi në shumë procese pune, teksa kompanitë e teknologjisë janë duke zhvilluar lloje të reja për profesione të ndërlikuara. Teknologjia po përparon aq shpejt sa parashikimet po bëhen më të vështira. Nina Bala, e cila punon për një kompani britanike në Shqipëri, që ofron shërbime financiare, të konsulencës dhe dizajnit, tha se Inteligjenca Artificiale është integruar fuqimisht në të gjitha proceset. Ajo pohoi se kompania nuk ka bërë shkurtime, por nuk po zgjerohet në punonjës të rinj edhe pse aktiviteti është zgjeruar. Me ndihmën e IA tashmë një dizenjues bën punën e tre personave. Kjo vlen për të gjithë sektorët, tha ajo. Ekonomia shqiptare është pak e dixhitalizuar dhe ende e bazuar në një model ku dominon krahu i lirë i punës. Mirëpo integrimi i Inteligjencës Artificiale edhe në vendin tonë për disa profesione të tilla si përkthyesit, operatorët telefonikë, ekspertë të marketingut, disa specialistë të teknologjisë, dhe përgjithësisht profesione në të gjitha fushat e detyrave, në nivelin e ulët dhe të mesëm, po bëhen gjithnjë e më shumë të zëvendësueshëm. Studimet e deritanishme tregojnë se Inteligjenca Artificiale po integrohet me shpejtësi duke zëvendësuar njerëzit, por kjo nuk po ndikon në rritjen e papunësisë. Për më shumë klikoni në STORY 👆 #voxnews #media #news @voxnews.al
Policia e Tiranës ka zbardhur ngjarjen që ndodhi të premten e 22 gushtit, në zonën e Kombinatit, ku u qëllua me armë zjarri në drejtim të një makine. Atje lëviznin dy persona, shoferi 38-vjeçar dhe një pasagjer. Si autorë të ngjarjes janë arrestuar dy persona. Bëhet fjalë për një 28-vjeçar që ka shtënë me kallashnikov dhe një 30-vjeçar që i jepte makinës në momentin e ngjarjes. Ndërkohë janë proceduar penalisht dy personat në makinën ndaj të cilës u qëllua me armë dhe dy persona të tjerë, të cilët sipas policisë janë konfliktuar fillimisht fizikisht me dy autorët. Pas kësaj ngjarje, 28-vjeçari ka marrë armën dhe ka qëlluar ndaj makinës së 38-vjeçarit duke rrezikuar edhe jetën e kalimtarëve në afërsi. Fatmirësisht nga të shtënat janë shkaktuar vetëm dëme materiale Për më shumë klikoni në STORY 👆 #voxnews #media #news @voxnews.al
Shkencëtarët kanë dhënë një paralajmërim të fortë pas vëzhgimit të ndryshimeve dramatike në sjelljen e bletëve të mjaltit, të cilat po përballen me vështirësi për shkak të temperaturave gjithnjë e më të larta globale. Studimet tregojnë se bletët po shpenzojnë shumë energji për t’u ftohur, duke rrahur krahët më fort dhe duke u strehuar në hije, çka i largon nga roli i tyre kryesor, pjalmimi i bimëve dhe riprodhimi. Krahas ndryshimeve klimatike, bletët po përballen edhe me faktorë të tjerë stresues si pesticidet, sëmundjet dhe shkatërrimi i habitateve, që i bëjnë ato më pak rezistente ndaj nxehtësisë. “Nëse trupi është i dobësuar dhe i ekspozuar ndaj kimikateve, rezistenca ndaj temperaturave të larta bie ndjeshëm”, ka shpjeguar ekspertja e shëndetit të pjalmuesve, Margarita López-Uribe. Humbja e kolonive është bërë tashmë shqetësim i madh për bletarët dhe fermerët. Raportimet tregojnë se deri në një të tretën e kolonive janë zhdukur, duke sjellë pasoja të rënda për bujqësinë. Bletët janë jetike për pjalmimin e të paktën 35% të kulturave ushqimore në botë, përfshirë prodhime të rëndësishme si bajamet, mollët, qershitë dhe boronicat. Shkencëtarët po monitorojnë nga afër këtë krizë dhe po kërkojnë zgjidhje afatgjata për të ruajtur popullatën e bletëve. Për më shumë klikoni në STORY 👆 #voxnews #media #news @voxnews.al
Një ngjarje e rëndë me pasojë humbjen e jetës së një fëmije ka ndodhur pasditen e djeshme në ishullin Paksos, Greqi, ku një vajzë 4-vjeçare, me origjinë shqiptare, ka ndërruar jetë tragjikisht pasi u mbyt në një pishinë. E mitura, vajza e vetme e një familjeje shqiptare që prej vitesh jeton dhe punon në ishull, ishte duke luajtur në kopshtin e banesës së saj rreth orës 15:00, kur i shpëtoi vëmendjes së nënës. Pas kërkimeve të menjëhershme nga nëna dhe fqinjët, vogëlushja u gjet disa minuta më vonë, rreth 150 metra larg banesës, në pishinën e një vile turistike, nga kuzhinieri i objektit. Në atë moment, pushuesit e vilës nuk ndodheshin në vend. Vajza u transportua me urgjencë në qendrën shëndetësore të ishullit, por pavarësisht përpjekjeve të mjekëve, nuk mundi të shpëtohej. Ndërkohë, autoritetet greke kanë shoqëruar nënën e 4-vjeçares në komisariatin e Paksos dhe pritet që ajo të dalë përpara prokurorit për vijimin e procedurave ligjore. Për më shumë klikoni në STORY 👆 #voxnews #media #news @voxnews.al
Presidenti amerikan Donald Trump thotë se vendi i tij "mund edhe të mos bëjë asgjë", nëse nuk arrihet një marrëveshjeje paqeje mes Rusisë dhe Ukrainës. Nga zyra në Shtëpinë e Bardhë, Trump tha se vendimi i takon atij se si do t'i përgjigjet Rusisë, qoftë kjo me sanksione masive, tarifa masive, të dyja bashkë, ose duke mos bërë asgjë. "Do të duhet të marr një vendim. Mund të jenë sanksione masive, tarifa masive, ose të dyja. Ose mund të marr vendim që nuk do të bëjmë asgjë. Mund të them edhe që nuk është lufta jonë. Ne nuk kishim të bënim fare me këtë luftë. Po vdesin djem të rinj çdo ditë. Zgjidha problemin në Kongo, që kishte 31 vite që po ndodhte. Njerëzve aty u priheshin kokat me machete. Njerëzit thanë do të na fusi në luftë, jo unë i nxjerr nga lufta. Do të shohim nëse do të kenë takim. Në dy javë do e di, nëse shkon në takim, dhe nëse nuk shkon, pse nuk shkoi", deklaroi Trump. Për më shumë klikoni në STORY 👆 #voxnews #media #news @voxnews.al
Një ngjarje e rëndë ka ndodhur në Tiranë, ku një 21-vjeçar u plagos rëndë nga tre shtetas, pas një konflikti që kishte nisur në rrjetet sociale. Sipas raportimeve, autorët i kanë shkuar 21-vjeçarit në shtëpi, e kanë goditur me shishe në kokë dhe gjatë sulmit i është prerë plotësisht njëri vesh. Për më shumë klikoni në STORY 👆 #voxnews #media #news @voxnews.al
Një takim i rrallë me natyrën e egër Në mes të maleve madhështore të Komanit, një ujk i egër u filmua duke kaluar not mbi ujërat e liqenit. Një pamje e pazakontë, ku qetësia e liqenit takon fuqinë dhe lirinë e natyrës së paprekur. Momente të tilla na kujtojnë se sa e gjallë, e bukur dhe misterioze mbetet bota përreth nesh Për më shumë klikoni në STORY 👆 #voxnews #media #news @voxnews.al
Del pas 4 oresh ne SPAK Arber Veliaj: “erdha vullnetarisht per te sqaruar pozicionin tim” Për më shumë klikoni në STORY 👆 #voxnews #media #news @voxnews.al
Gjykatësi më i mirë në botë, Frank Caprio, ndërron jetë pas rikthimit të kancerit. ‘Në nder të tij, le të përpiqemi secili të sjellim pak më shumë dhembshuri në botë – ashtu siç bënte ai çdo ditë,’ thuhet në postimin që njoftoi vdekjen e Caprio ditën e mërkurë Për më shumë klikoni në STORY 👆 #voxnews #media #news @voxnews.al
Sigurimtar që bëhet yll në skenë – Coldplay surprizon publikun në Düsseldorf Një nga momentet më të paharrueshme të koncerteve të Coldplay në Düsseldorf nuk ishte vetëm muzika, dritat madhështore apo koreografia e publikut me byzylykë ndriçues. Ishte një sigurimtar që, papritur, u kthye në yllin e mbrëmjes. Gjatë performancës së turneut botëror Music of the Spheres, këngëtari Chris Martin ftoi një pjesëtar të sigurisë në skenë. Fillimisht, ai i vendosi një maskë në formë alieni – element tipik i estetikës së turneut. Më pas, mes brohoritjeve të publikut, sigurimtari nisi të kërcente në mënyrë plot energji, duke e kthyer momentin në një shfaqje spontane dhe të papritur. Publiku shpërtheu në duartrokitje dhe entuziazëm. Videot nga skena u shpërndanë me shpejtësi në rrjetet sociale, ku shumë fansa pohuan se sigurimtari “i vodhi shfaqjen” Chris Martinit. Në disa media u përfol se bëhej fjalë për një koreograf profesionist, që ndoshta ishte pjesë e planifikuar e show-t, por kjo nuk e zbeh magjinë e momentit për mijëra të pranishëm. Ky episod i veçantë u bë një nga kujtimet më të bukura të netëve të Coldplay në Düsseldorf, duke treguar se grupi britanik di të kombinojë spektaklin muzikor me surpriza që e afrojnë publikun edhe më shumë me artin e tyre. Për më shumë klikoni në STORY 👆 #voxnews #media #news @voxnews.al
Gusht 2025, një stuhi e fortë breshëri goditi qytetin e Houston, Texas. Raportohet për dëmtime të mëdha në automjete, ndërtesa dhe zona të banuara. Fenomeni u shoqërua me erëra të fuqishme dhe reshje të dendura, duke shkaktuar shqetësim të madh tek banorët. #StuhiBreshëri #Houston #MotiEkstrem #Lajme #Urgjente Për më shumë klikoni në STORY 👆 @voxnews.al
S’vjen më kurrë në Shkodër?!” – Luiz Ejlli ia kujton fjalët Kiarës, ajo i kthen përgjigjen surprizë Në një bisedë plot ngacmime, Luizi i rikujton Kiarës se ajo kishte thënë se nuk do të vinte më kurrë në Shkodër, për shkak të udhëtimit 4 orë e gjysmë. Por Kiara e zbut atmosferën, duke treguar se i pëlqen shumë Shkodra, edhe pse trafiku është problem, dhe shprehet e lumtur që ka një vajzë shkodrane. Për më shumë klikoni në STORY 👆 #voxnews #media #news @voxnews.al
Pas thyerjes së dritares së selisë së SNS në rrugën Cvijiça në Beograd, në vendngjarje mbërriti xhandarmëria. Xhandarmëria fillimisht i shtyu qytetarët e mbledhur, hodhi disa bomba shokuese dhe më pas u drejtua me automjete drejt qytetarëve që po tërhiqeshin para policisë. E gjithë ngjarja ndodhi në kryqëzimin e rrugës Cvijiçeva dhe Zdraka Çelara. @voxnewsalbania
Elefanti sulmon burrin pasi u tremb nga blici i kamerës Një elefant shkeli një burrë që e trembi me blicin e kamerës gjatë një bllokimi trafiku. Pas ngjarjes, burri arriti të ngrihej në këmbë dhe të largohej duke ecur. Për më shumë klikoni në STORY 👆 #voxnews #media #news @voxnews.al
Login
