ZëvendësKryeministrja, njëherësh Ministër i Infrastrukturës dhe Energjisë, Belinda Balluku ka nënshkruar marrëveshjen e kredisë dhe grantit për financimin të projektit për ndërtimin të parkut fotovoltaik të Belshit.

Ajo tregoi procedurat, afatet dhe vlerën e investimit të projektit në fjalë.

“ Ky është një projekt shumë i dashur për ne të ministrisë, sidomos për KESH. Është ngjizur në periudhën e krizës energjetike, ku  BE dhe përfaqësuesit e BE hapën një thirrje për projekte të dedikuara për ngritjen e kapaciteteve për projekte të rinovueshme. Kjo thirrje rezultoi e suksesshme për ne, sepse arritëm të marrin një mbështetje granti, 9.58 milionë euro, që është 23% e vlerës investimet, ndërkohë e shoqëruar nga një hua nga BERZH, që ekuivalon në 30 milionë euro. BERZH, që tashmë partner i konsoliduar në sektorin tonë energjetik. Projekti ka afate të mire caktuara, menjëherë pas nënshkrimit të marrëveshjes, do të përgatitemi për thirrjen ndërkombëtarë për ndërtimin e  këtij parku, kompania fituese duhet të që brena 6 muajsh duhet të dorëzojë projektin e detajuar dhe  më pas 12 muaj janë të mjaftueshëm për ndërtimin e kësaj vepre”, tha ajo./E.T

Paketa e Maleve është një projekt i iniciuar nga Qeveria për të afruar emigrantët shqiptarë që të investojnë në Shqipëri, në tokën e të parëve të tyre në zonat malore.

Ministri i Pushtetit Vendor, Arban Mazniku, ka treguar të gjitha hallkat se si do të funksionojë Paketa e Maleve dhe si mund të marrët statusi për të investuar, që do quhet “statusi i poseduesit jo pronar”.

Në një intervistë për emisionin “Sot Live në Shqipëri” me gazetarin Nertil Agalliu në Report Tv, Mazniku tregoi se deri më tani, që është faza e parë e këtij programi, kanë shprehur interes mbi 1800 aplikantë.

Sipas Maznikut, kjo fazë e parë do të jetë e hapur deri në mesin e muajit Shtator.

“Kemi më shumë se 1800 aplikantë të cilët kanë aplikuar për të shprehur interesin. Kjo shprehje interesi do ndihmojë bashkitë për të caktuar zonat që do quhen zona për zhvillim malor. Do kenë një status të posaçëm. Pra faza e parë e këtij procesi do jetë deri në mesin e Shtatorit. Bazuar në këtë proces, bashkitë do t’i sjellin në Këshillin e Ministrave, do miratohet në Këshillin e Ministrave, më pas brenda kësaj zone do ketë mundësi të aplikohet me të gjitha parametrat e paketës së maleve brenda 3 kollonave kryesore. Kollona e parë ka të bëjë me mundësinë e një personi që të investojë në një pronë që është e tija, t’i japë statusin e posaçëm bashkia që quhet statusi i poseduesit jo pronar. Me këtë status të posaçëm, pasi kalon statusin e apelimit nëse ka një ankesë, merr këtë status, i jepet e drejta për të aplikuar pranë Agjencisë Kombëtare të Zhvillimit të Territorit, dhe pasi bën këtë zhvillim i jepet mundësia që tokën të cilën e kishte të vetën por për arsye s’kishte mundësi ta merrte, i jepet mundësia ta blejë për 1 Euro. Të gjitha bashkitë e vendit janë super të interesuara që të kenë sa më shumë bujtina, agroturizme. Po të jenë të gjithë, vetëm mirë bëjnë”, deklaroi Mazniku.

Sa i përket ligjit për bashkëpronësinë, ministri i Pushtetit Vendor theksoi se bëhet për të rregulluar të drejtat dhe detyrimet e banorëve nëpër pallate.

“Ligji për bashkëpronësinë është ligj i ri për mënyrën si administrojmë struktura të përbashkëta. Ky është një ndër problemet thelbësore të shtetit tonë. Një person teksa është pronar i apartamentit të tij, është edhe i shkallëve, tarracës, ashensorit dhe siç ka të drejta ka dhe disa detyrime, e duhet t’i gëzojë të dyja këto. Ashtu si ne kemi përgjegjësi të lyejmë shtëpinë, të riparojmë kuzhinën, ashtu kemi dhe përgjegjësi për pronën e përbashkët”, tha ndër të tjera Arbjan Mazniku./E.T

Granit Xhaka i ka komunikuar klubit të tij aktual, Bayer Leverkusen, se dëshiron të transferohet te Sunderland, raporton gazetari i njohur David Ornstein për “The Athletic”.

Mesfushori shqiptar ka arritur tashmë marrëveshje për kushtet personale me klubin e rikthyer në Premier League dhe është i fokusuar vetëm te kalimi në “Stadium of Light”.

Megjithëse ende nuk ka marrëveshje mes klubeve, negociatat po vazhdojnë dhe Xhaka i ka kërkuar drejtuesve të Leverkusenit që të përshpejtojnë transferimin.

Raportimet për interesimin e Sunderlandit për Xhakën u shfaqën javën e kaluar, por në atë kohë thuhej se klube nga Arabia Saudite ishin gjithashtu në garë për të.

EXCL: Granit Xhaka informs Bayer Leverkusen he only wants to join Sunderland as club-to-club talks continue. Agreement now in place between 32yo & #SAFC. #Bayer04 asked by Switzerland midfielder to close deal rapidly. Negotiations ongoing @TheAthleticFC https://t.co/spjmXUgbLL

— David Ornstein (@David_Ornstein) July 22, 2025

Sipas The Athletic, ofertat saudite ishin më të mëdha financiarisht, si për Leverkusenin ashtu edhe për vetë lojtarin, por dëshira e Xhakës është që të rikthehet në Premier League.

Ai ka ende kontratë me Leverkusenin deri në vitin 2028, çka i jep klubit gjerman një pozicion të fortë negociues për të përfituar nga shitja e tij.

Granit Xhaka kaloi shtatë sezone te Arsenali nga viti 2016 deri më 2023, përpara se të kalonte te Leverkuseni, ku fitoi titullin e Bundesligës sezonin e kaluar. Një rikthim në Angli do të ishte befasues, por i mirëpritur nga shumë tifozë./ D.C

Shtetet e Bashkuara të Amerikës do të tërhiqen nga Organizata e Kombeve të Bashkuara për Arsim, Shkencë dhe Kulturë (UNESCO), sipas dy diplomatëve europianë, ndërsa presidenti Donald Trump vazhdon të largojë vendin nga institucionet ndërkombëtare që prej kohësh i ka kritikuar ashpër.

Shtëpia e Bardhë nuk ka reaguar ende zyrtarisht në lidhje me këtë vendim, ndërsa raportimi vjen nga burime diplomatike dhe është konfirmuar edhe nga New York Post, duke cituar një zyrtar të administratës amerikane.

Ky vendim përbën një goditje për UNESCO-n, një agjenci me qendër në Paris e themeluar pas Luftës së Dytë Botërore me synimin për të promovuar paqen përmes bashkëpunimit ndërkombëtar në fushat e arsimit, shkencës dhe kulturës. Ndër iniciativat më të njohura të UNESCO-s janë shpallja e Vendeve të Trashëgimisë Botërore.

Trump kishte ndërmarrë hapa të ngjashëm edhe gjatë mandatit të tij të parë, duke e nxjerrë SHBA-në nga Organizata Botërore e Shëndetësisë (OBSH), Këshilli i të Drejtave të Njeriut i OKB-së, marrëveshja globale për ndryshimet klimatike dhe marrëveshja bërthamore me Iranin. Presidenti Joe Biden, pas marrjes së detyrës në vitin 2021, i riktheu Shtetet e Bashkuara në këto organizata dhe marrëveshje, përfshirë edhe UNESCO-n.

Por me Trump sërish në Shtëpinë e Bardhë, SHBA ka nisur një tjetër cikël tërheqjeje nga trupat ndërkombëtarë. Ai ka vendosur tashmë të tërhiqet nga OBSH dhe të ndalojë financimin për agjencinë e OKB-së për ndihmën ndaj refugjatëve palestinezë (UNRWA), si pjesë e një rishikimi më të gjerë të pjesëmarrjes së SHBA në agjencitë e Kombeve të Bashkuara, i cili pritet të përfundojë në muajin gusht.

SHBA ishte një ndër themeluesit e UNESCO-s në vitin 1945, por u tërhoq për herë të parë në vitin 1984, duke akuzuar agjencinë për menaxhim të dobët financiar dhe paragjykim ndaj interesave amerikane. Pas rreth 20 vitesh, në vitin 2003, nën administratën e presidentit George W. Bush, SHBA u rikthye në UNESCO, pasi agjencia kishte ndërmarrë reforma të rëndësishme.

Aktualisht, SHBA mbulon rreth 8% të buxhetit të përgjithshëm të UNESCO-s, një rënie e ndjeshme krahasuar me 20% që kontribuonte para tërheqjes së parë të ndërmarrë nga Trump gjatë mandatit të tij të parë. Kjo tërheqje pritet të ketë pasoja të mëdha si për funksionimin e UNESCO-s, ashtu edhe për rolin e SHBA në bashkëpunimin global për çështje kulturore dhe arsimore. /E.T

22 korrik 1718

Nga Leonard Veizi

Në galerinë e figurave të mëdha të historisë botërore, disa emra nuk i përkasin më vetëm një kombi — ata bëhen simbole të përbashkëta të qëndresës, nderit dhe idealit njerëzor. Një nga këta emra është Gjergj Kastrioti Skënderbeu, prijësi shqiptar i shekullit XV, i cili me shpirtin e tij të pamposhtur dhe shpatën e tij të zjarrtë ndaloi për dekada radhazi hovin e Perandorisë Osmane në zemër të Evropës. Por lavdia e tij nuk u ngul vetëm në histori si një kapitull i lavdishëm ushtarak – ajo u përjetësua në fjalën e shkruar, në artin e penës dhe të tingullit, nëpër shekuj. Që nga biografia monumentale e Marin Barletit, deri tek kronikat veneciane, letrat e papëve, e më pas te studiues, historianë dhe shkrimtarë evropianë që nga Rilindja e deri në kohët moderne, Skënderbeu ka qenë figurë e përhershme e frymëzimit evropian. Emri i tij përmendej në oborret mbretërore, përshëndetej në predikime kishtare, përmblidhej në poezi, dhe ngjitej mbi skenat e teatrove. Kjo është arsyeja pse, më 1718, në Firence – zemra e artit italian – Antonio Vivaldi, një nga gjenitë e muzikës baroke, i kushtoi një operë të tërë jetës dhe lavdisë së Skënderbeut. Kjo ishte një dëshmi e qartë: Skënderbeu nuk ishte më vetëm i shqiptarëve, por një hero evropian, i përjetësuar jo vetëm në kujtesën historike, por edhe në ndjeshmërinë artistike të kontinentit. Ai u bë mit modern i qëndresës dhe i ndershmërisë, një figurë që sfidoi jo vetëm perandori, por edhe harresën.

…Në fillim të shekullit XVIII, Italia ishte një nga qendrat kryesore të artit dhe kulturës në Evropë. Opera kishte marrë hov të madh, jo vetëm si formë e argëtimit aristokratik, por edhe si mënyrë për të shprehur idealet politike, moralin, virtytin dhe historinë heroike. Në këtë atmosferë, u krijua dhe u shfaq për herë të parë një vepër unike: “Scanderbeg” nga kompozitori i famshëm italian Antonio Vivaldi.

Vivaldi

Antonio Vivaldi (1678–1741), i njohur për veprat si “Katër Stinët”, ishte një nga kompozitorët më të mëdhenj të epokës baroke. Ai nuk ishte vetëm mjeshtër i muzikës instrumentale, por edhe autor i shumë operave. Në total, Vivaldi kompozoi mbi 50 opera, dhe “Scanderbeg” ishte një nga veprat e tij më të rëndësishme të periudhës së hershme operistike.

Premiera

Opera “Scanderbeg” u shfaq për herë të parë në Teatrin e Firences në 22 qershor 1718. Libreti (teksti i operës) ishte shkruar nga Antonio Salvi, një poet dhe dramaturg i njohur i kohës, i cili kishte bashkëpunuar më parë me kompozitorë të mëdhenj si Händel dhe Vivaldi.

Në këtë vepër, për herë të parë figura historike e Gjergj Kastriotit – Skënderbeut u paraqit në një formë artistike të përpunuar për publikun perëndimor, si një hero epik i krishterimit, një mbrojtës i lirisë dhe kundërshtar i fuqishëm i Perandorisë Osmane.

Subjekti

Opera përqendrohej në betejat e Skënderbeut kundër osmanëve, në konfliktet e tij personale dhe politike, dhe në trimërinë që e bëri atë një figurë legjendare në sytë e Europës. Ajo kishte elemente tipike të operave baroke: dashuri, tradhti, betejë, dhe një moral të fortë në fund.

Ndërsa detajet e plota të libretit nuk janë ruajtur në mënyrë të plotë, dihet se fabula ishte ndërtuar mbi figurën e Skënderbeut si simbol i qëndresës së krishterë ndaj Islamit osman – një temë shumë e ndjeshme dhe e rëndësishme për auditorin evropian të shekullit XVIII.

Simbolika

Opera “Scanderbeg” nuk ishte thjesht një krijim artistik. Ajo përfaqësonte:

Një nderim për Skënderbeun, që në atë kohë konsiderohej si hero evropian, jo vetëm shqiptar.

Një deklaratë politike, në një Evropë ende në konflikt me Perandorinë Osmane dhe në kërkim të modeleve të rezistencës.

Një pasqyrim i interesit të Perëndimit për historinë shqiptare, në një periudhë kur shumë figura shqiptare si Skënderbeu, Bogdani, dhe më vonë Noli, përfaqësuan ura mes Lindjes dhe Perëndimit.

Fati i veprës

Fatkeqësisht, nga kjo operë nuk është ruajtur partitura e plotë – vetëm disa fragmente janë gjetur në arkiva të ndryshme, dhe shumë pjesë janë të humbura. Për këtë arsye, “Scanderbeg” nuk ka mundur të ringjallet siç ndodh me vepra të tjera të Vivaldit.

Megjithatë, rëndësia historike dhe simbolike e kësaj opere është e madhe për muzikologjinë, për studimet shqiptare dhe për historinë kulturore të Evropës.

Në kohët moderne, rreth viteve 2000, muzikologë italianë dhe shqiptarë kanë bërë përpjekje për të rindërtuar operën përmes dokumenteve dhe materialeve të shpërndara në arkiva.

Epilogu

“Skënderbeu” e Vivaldit, e shfaqur në Firence më 1718, është një nga shembujt më të hershëm dhe më të fuqishëm të përfaqësimit të një figure shqiptare në skenën artistike ndërkombëtare. Megjithëse e paplotë sot, kjo vepër mbetet një thesar i historisë së marrëdhënieve shqiptaro-evropiane, një dëshmi se kultura dhe heronjtë shqiptarë kanë pasur jehonë përtej kufijve të Ballkanit.

Opera “Scanderbeg” e Antonio Vivaldit është një dëshmi e qartë se Skënderbeu nuk ishte vetëm hero kombëtar i shqiptarëve, por edhe ikonë e rezistencës evropiane, i përfshirë në trupin e kulturës klasike evropiane – krahas Aleksandrit të Madh, Çezarit, apo Karli i Madh.

Fakti që një nga kompozitorët më të njohur të historisë ndërtoi një vepër mbi të, flet për lartësinë e figurës së Skënderbeut në ndërgjegjen kulturore të Evropës.

Ka dhënë dorëheqjen nga posti Drejtori i Departamentit për Kufirin dhe Migracionin ne DPPSH, Saimir Boshnjaku.

Saimir Boshnjaku, sipas burimeve, i ka dorëzuar dorëheqjen ministrit të Brendshëm, Ervin Hoxha.

Drejtues i Lartë mbante detyrën e Drejtorit të Departamentit për Kufirin dhe Migracionin nga data 20 Korrik 2022./E.T

Një tjetër goditje në merkato nga Premier League, me shifra që, edhe pse respektojnë vlerën e lojtarëve të përfshirë, duken të ekzagjeruara. Liverpool ka finalizuar për 69 milionë paund (rreth 80 milionë euro), plus 10 të tjera (rreth 11,5 milionë euro) në formë bonusesh, blerjen nga Eintracht Frankfurt të sulmuesit 23-vjeçar Hugo Ekitike, autor i 22 golave në 48 ndeshje me skuadrën gjermane sezonin e kaluar.

Në repartin ofensiv të Reds, Ekitike do të zëvendësojë Diogo Jotën, i cili fatkeqësisht humbi jetën në një aksident rrugor.

Në qershor, Liverpool kishte blerë Florian Wirtz dhe Jeremy Frimpong nga Bayer Leverkusen, përkatësisht për 135 dhe 34,7 milionë euro. Tani drejtuesit e kampionëve të Anglisë do të fokusohen në shitje, duke kërkuar të largojnë Darwin Núñez dhe Federico Chiesa, ndërsa deri tani kanë refuzuar ofertat e Bayern Munich për Luis Díaz.

Një strategji vërtet e veçantë e ndjekur këtë sezon nga “The Reds”. Pavarësisht se arritën të shpalleshin kampion në Premier League sezonin e shkuar, duket se Arne Slot dhe drejtuesit kanë vendosur të ndryshojnë, duke kryer shumë lëvizje sidomos në sulm, me repartin ofensiv që thuajse ka ndryshuar plotësish “fytyrë”./ D.C

Kryeministri Edi Rama ka ndarë një tjetër foto nga një gomisteri në Tiranë, që kishte zaptuar një hapësirë në një bllok pallatesh. Rama shkruan se nuk mund të ketë shërbim gomisterie në mes të rrugës. Më tej, thekson se do merren masa të reja ligjore për shpërdorimin e ujit të pijshëm

“Pikërisht! Nuk mund të ketë shërbim gomisterie në mes të rrugës, kufiri i biznesit mbaron aty ku fillon kufiri i jetës së komunitetit. Ndërkohë që do të merren masa të reja ligjore për shpërdorimin e ujit të pijshëm me zorrë për larje turlilloj”, shkruan Rama./e.t

Kryetari i Partisë Demokratike, Sali Berisha ka vijuar me denoncimin per zgjedhjet e 11 majit.

Nga selia blu, Berisha akuzoi kreun e KQZ-së, Ilirjan Celibashi, se ‘350 kuti votimi janë marrë nga magazinat e KQZ pa asnjë dokument dhe janë dorëzuar në një vend të administruar nga një ish-deputet i PS’.

Berisha: Për një shoqëri, groposja e zgjedhjeve si proces demokratik, shndërrimi i tyre në farsë elektorale, është de facto dhe de jure varrosje e shtetit ligjor, Kushtetutës dhe demokracisë së atij vendi.

Në farsën elektorale të 11 majit 2025, Edi Rama ka përdorur të gjitha format, mënyrat, mjetet, pushtetet për denatyrimin e zgjedhjeve në mënyrë të plotë dhe totale.

Sot unë kam këto pyetje për Ilirjan Celibashin.

A janë marrë 350 kuti votimi me 12 apo me 13 prill të vitit 2025 nga magazinat e KQZ-së në Farkë? Së pari.

Së dyti. A ka firmosur ai dorëzimin e personave të caktuar të 350 kutive të votimit?

Së treti. A ka dijeni ai për marrjen e tyre pa asnjë dokument? Për marrjen e tyre pa asnjë dokument dhe dërgimin e tyre në një lokacion të administruar nga një ish-deputet socialist.

Dhe e fundit. I kërkoj zotit Celibashi të dorëzojë menjëherë kamerat e magazinave të materialeve të votimit sipas kërkesës të përfaqësuesve të Aleancës për Shqipërinë Madhështore në KQZ.

Transferimi që kërkon të bëjë tek Ilirian Gardë, një sipërmarrje shtetërore e sigurimit të objekteve shtetërore, është qesharak dhe është thjesht një përpjekje për t’u fshehur, për të larë duart me një krim ndoshta të padëgjuar më parë.

PD disponon të gjitha mundësitë për të faktuar sa ato që unë shtrova pyetjet sot.

Por zoti Celibashi duhet të përgjigjet këtyre pyetjeve sepse kemi të bëjmë me një akt të padëgjuar në 32 vite, por të paralajmëruar se ka ndodhur nga një seri demonstrimesh në të cilat kutitë me fletë votimi çdo gjë mund të ishin, por jo kuti të qendrave të votimit./e.t

Kristjan Asllani po kthehet gjithnjë e më shumë në një problem për Interin. Mesfushori i Kombëtares shqiptare është jashtë planeve të klubit dhe kjo është pranuar publikisht edhe nga drejtuesit e zikaltërve. Por ata nuk po bëjnë asgjë që të ndihmojnë mesfushorin që të gjejë një sistemim të ri.

Pasi Asllani refuzoi Betisin, sepse dëshiron të vazhdojë të luajë në Serinë A, u përfol se dy skuadra kishin mbetur në garë për të, të interesuara për të siguruar shërbimet e mesfushorit të Kombëtares shqiptare. Fiorentina dhe Bologna janë në kërkim të përforcimeve në mesfushë dhe shohin te Asllani një element që mund t’i ndihmojë të bëjnë një tjetër hap cilësor.

Por mediat italiane raportojnë se Fiorentina është tërhequr nga interesimi për futbollistin, për shkak të çmimit të lartë që Interi i ka vendosur kartonit të tij. Zikaltrit kërkojnë 18-20 milionë euro për të lënë të lirë futbollistin e Kombëtares dhe në Itali kjo shifër nuk paguhet lehtësisht. Ndaj klubi i qytetit të Firences është tërhequr dhe tashmë është një opsion më pak për të ardhmen e Asllanit./ D.C

Operatori i Shpërndarjes së Energjisë Elektrike ka miratuar një paketë të re aktmarrëveshjesh që lehtësojnë pagesën me këste të faturave të pashlyera të energjisë elektrike deri në fund të vitit 2023.

Masat synojnë mbështetjen e shtresave në nevojë, mbeshtetjen e biznesit te vogël, si dhe garantimin e qëndrueshmërise financiare te kompanisë.

Përfitues janë familjarët me ndihmë ekonomike, pensionistët kryefamiljarë dhe personat me status të veçantë që mund të shlyejnë detyrimet me këste nga 1,200 lekë në muaj. Klientët e tjerë familjarë përfitojnë këste nga 2,800 lekë nderkohe qe kufiri maksimal është 240 këste.

Klientët jofamiljarë – bizneset private dhe entitetet buxhetore – do të ndjekin një skemë të diferencuar sipas vlerës së detyrimit:

Për klientët që shlyejnë detyrimin menjëherë, OSHEE ofron ulje të kamatëvonesës: 70% për familjarët, 50% për jofamiljarët dhe 100% për bizneset e vogla.

Për t’u përfshirë në skemat e reja, klientët duhet të kenë paguar detyrimet për vitin 2024 dhe të kryejnë këstin e parë brenda 7 ditëve nga nënshkrimi i marrëveshjes./e.t

Me anë të një deklarate për mediat, kompania “Bankers Petroleum” ka reaguar zyrtarisht për hetimet e prokurorisë ndaj drejtuesve të kësaj kompanie, të cilët janë me masë arresti me burg.

Në deklaratë, kompania thotë se, “këto zhvillime vijnë pas muajsh mbikqyrjeje mbi komunikimet telefonike dhe sekuestrimit të sendeve personale dhe të punës të disa prej punonjësve tanë, të kryera në rrethana që ngrenë shqetësime serioze mbi procedurat dhe proporcionalitetin, duke kulmuar në masa kufizuese ndaj individëve dhe mjeteve të punës”.

“Ne rikonfirmojmë se:

·         Marrëveshjet sipas të cilave Kompania operon në Shqipëri, dhe sistemi i “rikuperimit të kostove” në ato marrëveshje, i cili është në qendër të këtij hetimi penal ndaj drejtuesve dhe punonjësve të Kompanisë, u vlerësuan në një vendim përfundimtar të lëshuar nga një arbitrazh i ICC në vitin 2024;

·         Megjithatë, Kompania po bashkëpunon plotësisht me autoritetet kompetente hetimore shqiptare;

·         Të gjithë punonjësit kanë të drejtë të prezumohen të  pafajshëm dhe kanë të drejtën për mbrojtje ligjore të pavarur dhe të drejtë;

·         Kompania po ofron mbështetje të plotë ligjore për të gjithë stafin e prekur dhe garanton përfaqësim të plotë ligjor në çdo fazë proceduriale, duke mbështetur fuqimisht të drejtën e tyre për një proces të drejtë dhe të paanshëm”.

Më tej, thuhet se kompania “kompania aktualisht po vlerëson të gjitha rrugët ligjore ndërkombëtare të disponueshme, duke përfshirë procedimet tek institucionet ndërkombëtare të investimeve dhe arbitrazhit sipas Rregullave të ICC-së, me qëllim mbrojtjen e të drejtave të saj si investitor i huaj dhe ruajtjen e sigurisë ligjore të operacioneve të saj”.

“Duke marrë parasysh ndikimin e mundshëm që këto zhvillime mund të kenë në integritetin e operacioneve të saj në Shqipëri, Kompania ka angazhuar ekipe ligjore si në Shqipëri ashtu edhe jashtë vendit për të bashkë-udhëhequr mbrojtjen ligjore, si brenda vendit ashtu edhe para organeve ndërkombëtare të arbitrazhit.

Kompania aktualisht po vlerëson të gjitha rrugët ligjore ndërkombëtare të disponueshme, duke përfshirë procedimet tek institucionet ndërkombëtare të investimeve dhe arbitrazhit sipas Rregullave të ICC-së, me qëllim mbrojtjen e të drejtave të saj si investitor i huaj dhe ruajtjen e sigurisë ligjore të operacioneve të saj.

Kompania do të vazhdojë të përmbushë detyrimet e saj kontraktuale dhe t’u përmbahet ligjeve shqiptare. Ne besojmë se as mekanizmat e lartpërmendur dhe as nxitja e tyre nuk duhet të zëvendësojnë dialogun në lidhje me zbatimin e vendimit përfundimtar të lëshuar në arbitrazhin e lartpërmendur të ICC-së, të cilin ne kemi shprehur prej kohësh gadishmërinë tonë për ta finalizuar dhe zbatuar.

Kompania jonë nuk do të pranojë asnjë ndërhyrje të pajustifikuar që dëmton stafin e saj, familjet e tyre, reputacionin e saj ose investimin e saj të gjatë në vend.

Në këtë mjedis sfidues, ekipi ynë kryesor ka demonstruar unitet dhe profesionalizëm, duke siguruar që operacionet e Kompanisë të vazhdojnë pa ndërprerje.

Ne mbetemi plotësisht të përkushtuar ndaj partnerëve tanë dhe të gjithë palëve të interesuara duke përmbushur detyrimet tona me të njëjtën cilësi dhe besueshmëri, ndaj institucioneve shqiptare dhe mbi të gjitha, ndaj të gjithë punonjësve tanë, të cilët i kanë shërbyer misionit tonë me integritet dhe profesionalizëm”, mbyllet reagimi i kompanisë.

Arrestimi i drejtuesve të Bankers Petroleum me akuzat për fshehje të të ardhurave shënon vetëm kulmin e një marrëdhënieje të tensionuar mes kompanisë kineze dhe shtetit. Historia e përplasjeve në mbi dy dekada “bashkëjetesë të trazuar” mes kompanisë kineze e ka zanafillën shumë më herët./e.t

Kreu i Lëvizjes “Shqipëria Bëhet”, Adriatik Lapaj, ka dalë në një konferencë për shtyp, ku ka komentuar zhvillimet e fundit lidhur me përplasjen mes tij dhe Endrit Shabanit të Nismës Thurje, për mandatin e vetëm të fituar nga koalicioni në zgjedhjet e 11 majit.

Lapaj deklaroi se ekziston një marrëveshje e shkruar mes palëve, sipas së cilës mandati duhet t’i kalojë kandidatit më të votuar në listën e hapur. Duke qenë se ai rezultoi i pari në renditje, Lapaj tha se kishte propozuar që ai, Shabani dhe Pano Soko të tërhiqeshin në mënyrë që mandati t’i kalonte zonjës Greta Ambelit, gruaja më e votuar e koalicionit në Tiranë.

“Kam pritur zbatimin e kësaj marrëveshjeje, por kur u informova se një nga kandidatët e zotit Shabani u tërhoq nga ky zotim, u bë e qartë se marrëveshja nuk po respektohej,” tha Lapaj.

Ai shtoi se koalicioni kishte hyrë në zgjedhje me një premtim të qartë ndaj qytetarëve: se mandati do t’i kalonte kandidatit më të votuar. “Ligji elektoral i padrejtë na detyroi të përdorim këtë mënyrë për të djegur listat e mbyllura. Më vjen keq që ky zotim tani po shkelen,” u shpreh ai.

Në fund, Lapaj e sfidoi publikisht Endrit Shabanin: “Të vijmë bashkë dhe të japim dorëheqjen, që mandati t’i kalojë më të votuarës së listës, zonjës Greta Ambeli. Zoti Shabani kërkon që mandati të shkojë tek ai, jo tek më e votuara e ‘Shqipëria Bëhet’. Kjo nuk është ajo për të cilën i kërkuam besimin qytetarëve.”/E.T

Drejtoria e Përgjithshme e Tatimeve vijon aksionin për sigurinë ushqimore në vend, me sekuestrime të tjera të mallrave të skaduara apo pa faturë.

Informohet se si rezultat i 151 kontrolleve të ushtruara në ditën e nëntë të aksionit janë bllokuar 63 tonë produkte bujqësore e blegtorale pa faturë.

“Vazhdon me intensitet aksioni kombëtar tashmë i shtrirë në qarqet Tiranë, Durrës, Fier, Lezhë dhe Korçë për formalizimin dhe përmirësimin e sigurisë ushqimore. Ky proces është një përpjekje e koordinuar midis Ministrisë së Financës dhe Ministrisë së Bujqësisë me strukturat përkatëse për të fomalizuar sektorin bujqësor, forcuar kontrollin mbi sigurinë ushqimore dhe për të garantuar përfshirjen e fermerëve në tregun formal përmes gjurmueshmërisë së produkteve, faturimit tatimor dhe identifikimit me NIPT”, informoi sot (22 korrik) DPTSH.

Institucioni këshillon të gjithë tregtarët që të mos lëshojnë apo blejnë mall pa faturën tatimore në çdo hallkë.

“Ftojmë tatimpaguesit të zbatojnë ligjet tatimore duke lëshuar faturat fiskale në çdo hallkë të zinxhirit ushqimor për të siguruar gjurmueshmëri dhe transparencë nga prodhuesi tek konsumatori”, theksohet në njoftim./kb

Kryeministri Edi Rama tha se Shqipëria ka nevojë për ata studentë që përgatit Universiteti Bujqësor i Tiranës. Per juristë, tha ai, vendi nuk ka nevojë, pasi janë me shumicë dhe shtoi me ironi se edhe mund t’i eksportojë.

“Për juristë nuk ka nevojë Shqipëria, ka plot dhe i teprojnë, mund t’ia japin edhe Ballkanit dhe mund ti eksportojë dhe kontinenteve të tjera. Shqipëria ka nevojë për ata që përgatit UBT, se njësoj si Evropa e gjithë bota, përballet me ndryshimet klimatike, degradimin e mjedisit, motin ekstrem, humbjen e ekosistemeve që ndikojnë bujqësinë, furnizimin me ujë dhe biodiversitetin dhe këto janë të pa ndashme nga jeta jonë.

Me anëtarësimin në BE numri i profesionistëve që vijnë nga fushat që mbulon UBT është shumë më i madh se ai i juristëve duhen profesionistëve që të dinë për çfarë bëhet fjalë, si ti rimodelojnë zhvillimet. Mungesa e ujit, konfliktet për burimet po kthehen deri në konflikte midis shteteve. Janë mbi 2 mld njerëz që përballen me etje. Bujqësia konsumon 70 % të ujit të ëmbël ndaj bota flet për menaxhim të zgjuar të ujit. Politika për ujin për të shmangur kriza konflikte. Janë tema që janë pjesë e axhendës së punës së universitet Boku dhe UBT.

Siguria ushqimore, çështje të inovacionit dhe teknologjisë të lidhura me fshatin dhe zhvillimin. Pa fshat, s’ka qytet, pa prodhimin në fshat nuk mbijeton dot qyteti, ndaj na duhen njerëz të ditur për të gjithë teknologjinë që ka nisur të hyjë me shpejtësi të madhe, për satelitët, dronët, kërkimet për të dhënat. Jemi në kohë, por jemi në zgrip të kohës. Fatkeqësitë natyrore dhe menaxhimi i rrezikut…smund ta tejkalojmë një fatkeqësi se i ka fajet qeveria se nuk ka pastruar kanalin. Duhen dije të reja, struktura dhe forca të reja, duhet gjithmonë e më shumë kapaciteti I shteteve për zgjidhjet e integruara ndërdiplinore, që bashkojnë shkencën, politikën, njohjen e territorit. Pa asnjë diskutim cfarë po bëjmë ne, stafi drejtuar nga Bardhi e të tjerë, së bashku me pedagogë të Bokut është mbjellja e një territori me fidanë të rinj të dijes edhe të profesioneve dhe natyrisht që ky territor ka nevojë për forcat e reja që duhet të trokasin në derën e UBT.”, u shpreh Rama./E.T

Kryeministri Edi Rama mori pjesë sot në një aktivitet të zhvilluar në Universitetin Bujqësor të Tiranës, ku theksoi rëndësinë e transformimit të këtij institucioni në një qendër ekselence rajonale për arsimin dhe kërkimin shkencor në fushën bujqësore.

Ai nënvizoi ambicien për ta kthyer UBT-në në antenën rajonale të universitetit prestigjioz austriak BOKU deri në vitin 2030, ndërsa bëri një përmbledhje të historisë së universitetit, nga koha e lavdisë deri te periudhat e degradimit, duke e cilësuar reformën aktuale si një kthesë të vërtetë evropiane për të ardhmen e arsimit bujqësor në Shqipëri.

“Në asnjë universitet në Shqipëri nuk mund të gjesh këtë perspektive që ka hapur kjo reformë reale europiane në UBT.
UBT për hir të së vërtetës ka kaluar dy faza në histori, dikur ishte një qendër e ekselencës reale, koha para përmbysjes së regjimit. Pedagogët ishin akademikë dhe dijetarë të pamohueshëm.
Faza e dytë ishte ajo e rrënimi, braktisjes dhe degjenerimit publik.
Bëmë çlirimin e universitetit nga pushtues që kishin marrë territoret për historitë e tyre që nga qoftet te shitja e të brendshmeve. Ishte dramatike të hyjë në një universitet që për të shkuar në auditor duhet të kalojë në një Pazar.

Kush mendoi se iku koha e autokombajnave dhe erdhi koha e mercedesëve të vjedhur, të gjithë i kthyen kurrizin UBT-së”, tha ai./e.t

Dy javë pasi votoi për miratimin e një projektligji gjithëpërfshirës të politikave të brendshme që përfshinte shkurtime prej rreth 1 trilion dollarësh në Medicaid programin federal që mbështet qytetarët me të ardhura të ulëta për shërbime shëndetësore senatori republikan nga Missouri, Josh Hawley, ka paraqitur një projektligj të ri për të shfuqizuar një pjesë të atyre shkurtimeve.

“Nuk duhet të lejojmë që shkurtime të mëtejshme në Medicaid të hyjnë në fuqi,” tha Hawley në një deklaratë për mediat.

Por ky veprim ka nxitur ironi nga kolegët e tij demokratë. Senatori Chris Coons nga Delaware shkroi në platformën X (ish-Tëitter):

“Vetëm që të jem i qartë… ai po paraqet një projektligj për të shfuqizuar projektligjin për të cilin votoi vetë… para dy javësh?”

Hawley e justifikoi votën e tij fillestare duke theksuar se projektligji do të sillte më shumë fonde për spitalet në Missouri gjatë katër viteve të para.

“Nuk mund të marrësh gjithçka që dëshiron në një ligj. Më pëlqen shumë nga ajo që bëmë. Disa pjesë nuk më pëlqejnë,” tha ai për gazetarët.

Ky episod është ilustrues i një tendence në rritje në Kongres gjatë mandatit të dytë të Donald Trump, ku shumë ligjvënës republikanë, pavarësisht rezervave, mbështesin projektligje që më pas kritikojnë publikisht. Në disa raste, kanë kërcënuar me votë kundër, për të kaluar në votë pro nën presion politik.

Në Dhomën e Përfaqësuesve, përfaqësues konservatorë si Ralph Norman fillimisht e kundërshtuan projektligjin duke e quajtur “të paarsyeshëm”, por në fund e mbështetën atë pas garancive se do të kishte legjislacion të ardhshëm për të adresuar borxhin kombëtar, që sipas Zyrës së Buxhetit të Kongresit pritet të rritet me 3.3 trilionë dollarë për një periudhë 10-vjeçare.

Edhe në Senat, figura si Lisa Murkoëski nga Alaska shprehën shqetësime për ndikimin e projektligjit tek më të ndjeshmit, veçanërisht për Medicaid dhe SNAP (ndihmat për ushqim), por gjithsesi votuan pro duke theksuar rëndësinë e përfitimeve për shtetet e tyre.

Projektligji u miratua pa ndryshime edhe nga Dhoma e Përfaqësuesve dhe tashmë është dërguar për firmë te presidenti Trump./kb

Filloi në një klub striptize dhe përfundoi duke sjellë komedinë alternative në ekranet tona televizive. Në prag të një shfaqjeje të re në Edinburg, Peter Richardson tregon pse krijimi i tij i rrëmbyeshëm vazhdon të bëjë audiencën të qeshë edhe pas 40 vjetësh.

Nga Brian Logan

Ishte momenti kur komedia u shkëput nga seksizmi – por ndodhi në një klub striptize. Ishte një zjarr i shprehjes së lirë krijuese – por mbeti edhe komerciale dhe me synime karriere. Ishte një nga markat më jetëgjata dhe më të suksesshme në historinë e komedisë britanike – që sot pak vetë do ta njihnin.

Në festivalin Fringe të Edinburgut këtë verë, “The Comic Strip Presents…” do të përkujtohet me një seri shfaqjesh filmike dhe sesione pyetjesh e përgjigjesh me krijuesin dhe nismëtarin kryesor, Peter Richardson. Ai ishte impresari pas klubit legjendar të komedisë The Comic Strip, i cili hapi dyert në vitin 1980. Kur ai dhe yjet e tij – si Rik Mayall, Alexei Sayle, French dhe Saunders – krijuan serialin “The Comic Strip Presents…” për Channel 4 pak vite më vonë, Richardson me të drejtë mund të quhej njeriu që solli komedinë alternative në televizion.

Duke qenë se bëhet fjalë për një moment ikonik në historinë e komedisë britanike, dikush do të mendonte se ngjarja do të mbahej në vende madhështore si Usher Hall ose Pleasance Grand me 750 vende. Por jo. “Kur filluam t’i shfaqnim këto filma para një viti,” tregon Richardson, “nuk kishim para për reklamim. Arrinim në teatër dhe na prisnin rreth 30 veta që si me magji kishin marrë vesh që do ishim aty. Dhe 30 veta në një sallë me 300 vende mund të jenë të lodhshëm.”

“The Comic Strip Presents…” u transmetua për tre sezone në Channel 4 nga 1982 deri në 1988, më pas kaloi në BBC në fillim të viteve ’90 për t’u rikthyer te Channel 4 me episode speciale, i fundit në 2016. Por nuk është një emër i madh në komedi – shumë më pak se, për shembull, “The Young Ones”, seriali i BBC-së që kishte disa nga të njëjtët aktorë.

“Nuk ishte televizion i mirë,” pranon Richardson, “sepse nuk ishte i përsëritshëm, dhe televizioni funksionon mbi përsëritjen e një formule.” Madje, a ishte vërtet komedi? Rik Mayall, një nga yjet e serialit, thoshte se nuk duhej të quhej “The Comic Strip”, por ndoshta “Filma Interesantë”. Seriali ishte një antologji me tone të ndryshme, si “Inside No 9” më vonë, me filma të veçantë që i bashkonte vetëm ndjeshmëria dhe aktorët.

“U thashë drejtuesve të Channel 4: ‘Këta aktorë janë aq të mirë sa nuk kanë nevojë të ngelen te role njëdimensionale. Një javë mund të jenë grup heavy metal, javën tjetër mund të jenë ‘Famous Five’,” tregon Richardson.

Aktorët përfshinin edhe Adrian Edmondson, Nigel Planer dhe vetë Richardson, me një kast mbështetës që përfshinte Keith Allen, Robbie Coltrane dhe të tjerë. Filloi që në “The Comedy Store” – një klub striptize dhe qendër anarkike e asaj që u quajt “komedi alternative”. Richardson mori zërat më të freskët të asaj kohe dhe i transferoi në një klub tjetër striptize: Raymond Revuebar. Me mbështetje financiare nga producenti i “Rocky Horror Picture Show”, Michael White, hapi klubin “The Comic Strip” – emër që ishte gati të ishte “The New Depression Club”, sipas Edmondson.

Për një vit, nga 1980 deri më 1981, “The Comic Strip” ishte nata më e nxehtë e komedisë në Londër. “Rojet e Revuebar kishin një rregull të thjeshtë,” shkroi Sayle. “Nëse dikush vinte erë locioni rroje, shkonte në shfaqjen e stripit; nëse vinte erë birre, vinte tek ne.” Yje si Bianca Jagger, Dustin Hoffman dhe Robin Williams erdhën për të parë. Williams madje kërkoi të performonte, për të impresionuar David Bowie-n që kishte me vete. Sayle i dha 15 minuta. Williams: “I thashë Bowie-t se do bëja një orë.” Sayle: “S’ke si.” Williams: “Do e blej klubin!” Sayle: “S’është i yni. Është i një pornografi flokë-lakuar.”

Pastaj erdhi Channel 4, në kërkim të talenteve të reja për të nisur transmetimet. Richardson kishte dorë të lirë. “Më pyetën: ‘Çfarë do të bësh?’ dhe thashë: ‘Dua të bëj gjashtë filma, të ndryshëm nga njëri-tjetri.’” I pari, Five Go Mad in Dorset, u transmetua natën e parë të Channel 4 dhe krijoi polemika për satirën ndaj qëndrimeve të Enid Blyton.

Por ky episod nuk do të shfaqet në Edinburg këtë verë. “Tani, të tallesh me racizmin dhe seksizmin nuk është më temë qesharake siç ishte në vitet ’80,” thotë Richardson.

Ai ka bërë edhe prerje të reja për disa nga filmat. “I kemi rishikuar pas 30 vitesh dhe thjesht… duheshin pak rregullime. Gjërat sot ecin më shpejt.” Ka prerje te Fistful of Travellers Cheques, Four Men in a Car, dhe një skenë e hequr nga The Strike – një satirë ndaj grevës së minatorëve, ku Richardson luante Al Pacinon duke luajtur Arthur Scargillin.

Richardson punoi gjithashtu te Stella Street, gjatë një pauze nga “Comic Strip”. Ai gjithmonë ka qenë i apasionuar pas filmave dhe prodhoi edhe filma për kinematë, si The Supergrass (1985) dhe Eat the Rich (1987). Ka bërë specialë si Red Nose of Courage dhe The Hunt for Tony Blair (2011), që do të shfaqen në Edinburg, të udhëhequra nga komediani Robin Ince dhe me të ftuar si Sayle dhe Allen.

“Gjithmonë e kam parë veten si krijues i komedive të reja ‘Ealing’,” thotë Richardson. “Ata bënë 150 filma në 20 vjet, nga të cilët vetëm 15 mbahen mend. Edhe ne kemi bërë disa dështime, por gjithnjë kishte të paktën një ose dy filma të shkëlqyer në çdo seri.”

Disa prej tyre kanë mbetur të paharrueshëm – si Bad News Tour dhe More Bad News, parodia heavy metal që doli përpara This Is Spinal Tap, dhe që solli grupin në skenë në festivalin Monsters of Rock në 1986.

Richardson është i qetë me faktin që “The Comic Strip Presents” nuk është vlerësuar sa duhet. Ai e pranon se, si një kokëfortë që refuzonte formatin klasik të sitcom-it, e ka ndërtuar vetë këtë “fat”. Por është i lumtur që po i sjell këta filma të restauruar në Edinburg, një qytet ku dikur ai dhe Planer shkonin në turne si hapës për grupin Dexy’s Midnight Runners. “Kevin Rowland ankohej,” thotë ai, “që nuk bënim material të ri në çdo performancë.”

Kësaj here nuk ka material të ri – por përvojë e re, ndoshta. “Është fantastike t’i shohësh këta filma në kinema,” thotë Richardson. “Nuk ndodh shpesh të ndash komedinë televizive me audiencë. Ndjesia ndryshon krejt: njerëzit qeshin bashkë me ty. Ka një audiencë që dëshiron t’i shohë këta filma në ekran të madh dhe të flasë për to. Është e mrekullueshme që diçka që krijuam 30 ose 40 vjet më parë ende bën njerëzit të qeshin. E dua këtë.”

Burimi: theguardian.com/ Përgatiti për botim: L.Veizi

Vijon tensioni mes Endri Shabanit dhe Adriatik Lapajt për mandatin e vetëm të fituar në zgjedhjet e 11 majit. Në një reagim të fundit në Facebook, Shabani ka publikuar dokumentet e marrëveshjes së koalicionit, duke sfiduar Lapajn për zbatimin e fjalës së dhënë.

“SHB pretendon se premtimi i Adriatikut për dorëheqje nuk ka qenë pjesë e marrëveshjes së koalicionit. Po as premtimi i Zeqirit nuk ka qenë. Atëherë, pse i kërkohet dorëheqja Zeqirit, por jo Adriatikut?”, shkruan Shabani.

Ai thekson se, ndonëse marrëveshja nuk parashikon në mënyrë të detyrueshme dorëheqjen e kandidatëve, 46 prej tyre dhanë fjalën që do të hapnin rrugë për kandidatët e listës së hapur. Kjo, sipas tij, është një zotim moral, jo ligjor, por që mbështetet në një parim të rrënjosur thellë në ndërgjegjen kombëtare: fjala e dhënë.

“Në këtë vend, fjala ka qenë gjithmonë më shumë se një firmë në letër. Ka qenë besa”, shkruan ai

Reagimi i Plotë

“Sqarim publik

SHB pretendon se premtimi i Adriatikut për dorëheqje nuk ka qenë pjesë e marrëveshjes së koalicionit.

Po as premtimi i Zeqirit nuk ka qenë.

Atëherë pse i kërkohet dorëheqja Zeqirit, por jo Adriatikut?

Apo funksionon parimi: “bëj si të them unë, jo si bëj unë”?

Për ata që janë të interesuar, më poshtë gjeni marrëveshjen e nënshkruar. Aty nuk thuhet askund që kandidatët e listës së fiksuar janë të detyruar të japin dorëheqjen. As për Zeqirin, as për ndonjë tjetër.

Por është fakt që 46 kandidatë të listës së fiksuar dhanë fjalën e tyre që do të dorëhiqeshin për t’u hapur rrugë kandidatëve të listës së hapur.

Një zotim moral, jo ligjor. Një fjalë e dhënë – si ajo e Adriatikut.

Dhe në këtë vend, fjala ka qenë gjithmonë më shumë se një firmë në letër. Ka qenë besa!

Nëse kryetari nuk mban fjalën, me ç’të drejtë kërkon nga të tjerët që ta mbajnë të tyren?”/e.t

Në kohërat e sotme, kur çdo gjë postohet në rrjetet sociale, edhe një palë pushime mund të kthehen në një debat nacionalist.

Kështu ka ndodhur me këngëtaren e njohur shqiptare Arilena Ara.

Ajo është duke pushuar në ishullin e njohur grek Mykonos.

Dhe me këtë rast ka postuar edhe disa foto.

Por në rrjet kanë shpërthyer komentet, duke e etiketuar atë si “tradhtare” që shkon e bën pushime në Greqi./kb