Udhëheqësi i Koresë së Veriut, Kim Jong Un, është takuar me familjet e ushtarëve koreano-veriorë të vrarë gjatë luftimeve në mbështetje të Rusisë në luftën kundër Ukrainës, duke u shprehur “ngushëllimet më të thella”, njoftoi media shtetërore koreano-veriore.

Ceremonia e veçantë u zhvillua të premten, ku Kim u pa duke ngushëlluar familjet e të rënëve dhe duke iu dhuruar portrete të të afërmve të tyre të vdekur, të mbështjella me flamurin kombëtar.

Sipas autoriteteve të Koresë së Jugut, Koreja e Veriut ka dërguar rreth 15 mijë trupa për të mbështetur Rusinë në pushtimin e saj ndaj Ukrainës, së bashku me raketa dhe armë me rreze të gjatë veprimi. Në këmbim, Pheniani dyshohet të ketë marrë ndihma në ushqim, para dhe mbështetje teknike.

Vetëm në muajin prill, Koreja e Veriut e pranoi zyrtarisht përfshirjen në konfliktin e huaj, duke konfirmuar se disa nga ushtarët e saj ishin vrarë. Zyrtarë perëndimorë i thanë BBC-së në janar se besohej që të paktën 1,000 ushtarë koreano-veriorë ishin vrarë brenda tre muajve të parë të dërgimit, me disa mijëra të tjerë të plagosur. Megjithatë, vlerësimet më të fundit flasin për rreth 600 të vrarë.

Ceremonia e së premtes ishte e dyta e këtij lloji brenda një jave. Gjatë fjalës së tij, Kim u shpreh se ishte i mbushur me “trishtim” që nuk kishte arritur t’i sillte ushtarët gjallë në atdhe, duke premtuar ndërtimin e një monumenti në nder të tyre si dhe përkujdesje për fëmijët e të rënëve.

“Mendova shumë për familjet e dëshmorëve që nuk ishin të pranishme në ceremoninë e kaluar… Kështu që vendosa të organizoj këtë takim për të ngushëlluar familjet e të gjithë heronjve dhe për të lehtësuar sadopak dhimbjen dhe pikëllimin e tyre,” citoi agjencia shtetërore KCNA fjalët e Kim Jong Un.

Javën e ardhshme, Kim pritet të takohet me presidentin rus Vladimir Putin në Kinë, gjatë një vizite që përkon me paradën ushtarake për përkujtimin e dorëzimit të Japonisë në fund të Luftës së Dytë Botërore.

Kjo do të jetë takimi i tretë mes Kim dhe Putin brenda dy viteve, në një periudhë kur marrëdhëniet mes dy vendeve po thellohen gjithnjë e më shumë.

Në tetor të vitit të kaluar, Kim i dërgoi Putinit një mesazh urimi për ditëlindje, duke e përshkruar atë si “shokun më të ngushtë”. Po atë muaj, Putin prezantoi një projekt-ligj për ratifikimin e një marrëveshjeje ushtarake të arritur me Kimin, e cila parashikon ndihmë të ndërsjellë në rast të ndonjë “agresioni” ndaj njërës prej palëve. Koreja e Veriut ka rreth 1.28 milionë ushtarë aktivë, por përpara përfshirjes në Ukrainë, ushtria e saj nuk kishte përvojë të fundit në operacione luftarake jashtë vendit./abcnews.al

E nisi në Champions dhe nuk mundi ta vazhdonte aty, por gjithsesi një sukses e arriti. Vllaznia siguroi vazhdimësinë në futbollin kontinental për femra me fitoren 3-1 ndaj një rivali nga Luksemburgu.

Rasing Union u mund 3-1 në stadiumin “Loro Boriçi” dhe ky sukses ishte një reagim pas humbjes së pak ditëve më parë, gjithashtu në Shkodër ndaj Dinamos së Minskut. Bajraktari, Doçi dhe Deda ishin autoret e golave, dhe shkodranet do të vazhdojnë tashmë në Kupën e Europës, pasi u eliminuan nga Championsi.

Shorti për raundin e parë eliminator hidhet këtë të diel, ndërsa ndeshjet do të luhen në 10 e 11 shtator, si dhe në 17 e 18 shtator. Trajneri Nikolin Leka dhe sulmuesja kryesore, Megi Doçi e komentuan kështu kualifikimin.

Futbolli shqiptar i femrave do të përfaqësohet në këtë konkurrim edhe nga Partizani. Dy ekipet shqiptare do të synojnë të kalojnë dy raunde eliminatore, për t’u kualifikuar për në të tetat e finaleve./abcnews.al

 

 

 

Të paktë janë ata yje futbolli me një ritëm të tillë të çmendur. Mirlind Daku dha një tjetër provë se është në formë të madhe, dhe se ky mund të jetë sezoni i tij, ndërsa realizoi edhe dy herë të tjera në Premier Ligën e Rusisë.

Sulmuesi i kombëtares shqiptare e bëri heroizmin e fundit në ndeshjen e kampionatit, që skuadra e tij Rubin, e barazoi 2-2 në fushën e Orenburgut.

Ai goditi saktë në minutat 16 e 34, duke I thënë ekipit nga Tatarstani epërsinë 2-0, por që nuk u arrit të ruhej. Vendasit barazuan në 20 minuta në pjesën e dytë, duke i dhënë një goditje të rëndë pretendimeve të Rubinit për të luftuar për Europën këtë sezon, apo edhe për titullin, ndërsa ekipi nga Kazani ka 12 pikë, duke zbritur në vendin e gjashtë.

Gjithsesi, Daku është plotësisht brenda parashikimeve dhe objektivave personalë. Sulmuesi kuqezi ka shënuar deri tani 6 gola në 7 ndeshje në Premier Ligën ruse, si dhe ka shërbyer një asist.

Ai po përjeton edicionin më pozitiv që kur erdhi tek Rubini, madje më të mirin në karrierën, dhe është vetëm një gol prapa kryesuesit të renditjes së Këpucës së Artë, Aleksei Batrakov të Lokomotivës moskovite.

Në total në Rusi ka luajtur 72 ndeshje, duke shënuar 32 gola e shërbyer 12 asistë, duke qenë më i miri për ekipin e tij, dhe një nga më të mirët në kampionat./abcnews.al

Fabrizio Romano raporton se Chelsea i ka dërguar këtë pasdite Barcelonës ofertën e parë zyrtare për Fermin Lopez dhe është shumë larg asaj që pritej.

Sipas raportimit në fjalë, “Blutë” i kanë ofruar Barcelonës shifrën 40 milionë euro për kartonin e Fermin Lopez dhe presin një përgjigje brenda ditës së sotme. Sigurisht që pritet përgjigje negative nga Barcelona, pasi katalanasit janë të gatshëm të lejojnë largimin e Fermin Lopez vetëm për një shifër 60 milionë euro ose më shumë.

Nga ana tjetër, vetë lojtari duket se nuk ka ndërmend të largohet nga Barcelona, duke ditur edhe besimin e madh që trajneri Hansi Flick ka për të. Largimi i Fermin Lopez për një shifër mbi 60 milionë euro, mund të zgjidhte disi problemet financiare të Barcelonës. m.p.

Sot u mbyll java e katërt e Ligës së Parë në futbollin kosovar, ku të gjitha ndeshjet u zhvilluan me të njëjtin orar dhe sollën rezultate befasuese dhe të pritshme.

Ndeshja më interesante u zhvillua mes Feronikelit 74 dhe Suharekës, ku vendasit triumfuan me rezultatin 2:0.

Ndërkohë, Vëllaznimi i Gjakovës vazhdoi me fitore të merituar, duke mposhtur Prizrenin me shifrat 1:3.

Pas kësaj jave, Vëllaznimi është lider i Ligës së Parë me 10 pikë, një më shumë se Feronikeli (9) që renditet i dyti dhe dy më shumë se Vushtrria që është e treta me 8 pikë.

Sinjali – aty ku e vërteta flet para lajmit!

/GazetaSinjali/

The post Java e katërt në Ligën e Parë, kjo është tabela pas rezultateve të ditës së sotme appeared first on Sinjali.

TIRANË, 30 gusht /ATSH/  – Flamurtari dhe Bylisi përfunduan me barazimin 3-3 në sfidën e Superiores, e cila u zhvillua në stadiumin “Adush Muçaj” të Ballshit. Kjo ndeshje ishte e vlefshme për javën e dytë të kampionatit, me të dyja skuadrat që kërkonin fitoren e parë të këtij sezoni.

Në një ndeshje tërheqëse dhe plot emocione, të dyja ekipet shënuan gola të shumtë, duke ofruar një spektakël për tifozët në Vlorë. Flamurtari e nisi ndeshjen me një penallti të shndërruar në gol nga Burard në minutën e 5-të, ndërsa dyfishoi shifrat në minutën e 22 përmes Maksutit. Bylisi nuk u dorëzua dhe rihapi lojën në minutën e 24-rt me Walison Nem, teksa barazioi shifrat në sekondat e para të pjesës se dytë me Kodji Mouctar.

Flamurtari gjeti sërisht avantazhin me Erald Maksutin në minutën e 64′. Por  edhe pas kësaj ballshiotët nuk u dorëzuan. Ishte po Walison Nem që barazoi shifrat katër minuta më vonë, duke sigluar dhe rezultatin final 3-3.

Të dy trajnerët, Karlos Garsia për Flamurtarin dhe Mirel Josa për Bylisin, kishin bërë disa ndryshime taktike gjatë ndeshjes për të kërkuar fitoren, por asnjëra prej skuadrave nuk arriti të sigurojë fitoren.

Flamurtari dhe Bylisi vazhdojnë të kërkojnë fitoren e parë në këtë edicion të Superiores, ndërsa ky barazim i lë skuadrat në pritje të sfidave të ardhshme.

Ky barazim sjell një rezultat të drejtë për të dy ekipet, të cilat treguan lojë të mirë, por dhe pasiguri në mbrojtje. Sfida e radhës do të jetë një mundësi për secilën skuadër për të përmirësuar performancën dhe për të siguruar pikët e plota.

Java e dytë e superligës:
Ndeshjet sot:
Flamurtari – Byliz 3-3
Partizani-Teuta ora 20:00
Egnatia – Af Elbasani 20:00

Te dielen:
Vora – Tirana ora 17:00
Dinamo City – Vllaznia ora 20:00

Klasifikimi: *Flamurtari dhe Bylis kanë një ndeshje më shumë

The post Superliga, Flamurtari dhe Bylisi barazojnë 3-3 appeared first on Agjencia Telegrafike Shqiptare.

Sulmuesi i kombëtares shqiptare dhe futbollisti nga Kosova, Mirlind Daku, ka shkëlqyer sot me dy gola në barazimin 2:2 që Rubin Kazan mori në transfertë ndaj Orenburgut, në kuadër të javës së shtatë të Premier League ruse.

Në qendër të vëmendjes ishte sidomos goli i parë i Dakut, i cili erdhi nga një goditje e fuqishme nga distanca. Por më shumë se bukuria e golit, emocionoi dedikimi i tij: ai ia kushtoi golin gjyshit të ndjerë, i cili ndërroi jetë vetëm një ditë më parë. Pas shënimit, Daku shpërtheu në lot në fushë, skenë që u pasqyrua gjerësisht në media.

Portali boshnjak Sportsport shkroi: “Lotët e shqiptarit udhëtojnë nëpër botë!”, duke theksuar momentin e veçantë të golit dhe dhimbjen e futbollistit.

Me këtë paraqitje, Daku konfirmoi edhe një herë formën e tij të lartë, duke qenë lojtari kryesor i ekipit në këtë ndeshje dhe një nga sulmuesit më premtues të kampionatit rus./KultPlus.com

Nga Gazeta Si – Australiani i Mclaren, Oscar Piastri siguroi “pole position” në Dutch Grand Prix” duke lënë pas, shokun e skuadrës Lando Norris.

Nëse britaniku kishte kryesuar në 3 sesionet e Provave të Lira gjatë fundjavës, Piastri vendosi ritmin në sesionin e 1-rë kualifikues.

Norris u kundërpërgjigj në sesionin e 2, duke kulmuar me duelin në sesionin e 3 ku Piastri “pole position” provizor me kohën 1’08”662.

Lando Norris provoi ta thyente këtë kohë në xhirot e fundit por as ai dhe as Piastri nuk u përmirësuan.

Britaniku u detyrua të pranojë vendin e 2 në rradhën e parë me një difference prej 0.012” pas shokut të skuadrës.

Max Verstappen, iu dha një arësye tifozëve vendas duke e renditur Red Bull në vendin e 3 përpara Isack Hadjar që realizoi paraqitjen më të mire të karrierës me vendin e 4 në bordin e Racing Bulls.

Pas tij do të nisen  Mercedes dhe George Russell që lanë pas binomial e Ferrari-t, Charles Leclerc dhe Lewis Hamilton, respektivisht në vendet 6 dhe 7.

Liam Lawson kompletoi paraqitjen e  Racing Bulls në top10 duke u renditur në vendin e 8.  Williams i Carlos Sainz dhe Aston Martin i Fernando Alonso-s plotësuan rradhën e 5.

The post Piastri mundi Norris në thrillerin e Zandvoort-it appeared first on Gazeta Si.

Sulmuesi shqiptar i Rubin Kazan, Mirlind Daku, ka vazhduar me ritmin e tij të shkëlqyer në elitën e futbollit të Rusisë, duke shënuar një dygolësh në barazimin 2-2 ndaj Orenburgut. Në këtë ndeshje të zhvilluar të shtunën, Daku ka arritur të realizojë golin e parë në minutën e 16-të, dhe të dytin në minutën e 34-të, duke u shfaqur si një nga lojtarët më të rëndësishëm të skuadrës.

E veçantë ishte dedikimi i parë të golit, të cilin Daku ia kushtoi gjyshit të tij që ndërroi jetë disa ditë para ndeshjes.

Përveç suksesit me klubin, Daku ka edhe dy ndeshje të rëndësishme me Kombëtaren e Shqipërisë. Ai do të jetë një nga lojtarët kyç për trajnerin Sylvinho në përballjet e ardhshme për kualifikueset e Kampionatit Botëror, ku Shqipëria ka nevojë për rezultate pozitive. m.p.

Interesimi i tifozëve për ndeshjen e 9 shtatorit të kombëtares ndaj Letonisë, është ndjeshëm më i ulët. Ndryshe nga ndeshjet e tjera, ku biletat shiteshin në pak orë, këtë herë biletat kanë dalë në shitje që në datën 6 gusht, madje në sasi më të vogël për shkak të vendimit të UEFA-s për të mbyllur një sektor të stadiumit “Air Albania”.

Lajmin e raporton Panorama Sport. Biletat ende nuk janë shitur dhe bie në sy fakti se ndaj Letonisë, biletat po shiten edhe fizikisht dhe jo vetëm online siç shiteshin në ndeshjet e mëparshme. m.p.

Podcasti “Arena e Yjeve”, i mbështetur nga Golden Eagle dhe Air Munich, këtë fundjavë vjen me një episod të veçantë, kushtuar figurave të njohura që lanë gjurmë të pashlyera në historinë e futbollit kosovar.

Në episodin e 54-të do të rikthehen rrëfimet e  Malsor Gjonbalaj, Bekim Iusfi, Hysni Gjinovci, Faruk Statovci dhe Ismet Munishi – ish-futbollistë që kanë kontribuar në zhvillimin e futbollit kosovar si lojtarë dhe disa prej tyre tashmë si trajnerë.

Nga momentet kyçe të karrierës së tyre, përvojat, gëzimet e fitoreve dhe dhimbjet e humbjeve, ky episod sjell disa rrëfime plot emocion që nuk i keni dëgjuar më herët.

Episodi i 54-të transmetohet të shtunën, në ora 17:10, në RTV Dukagjini dhe në kanalin zyrtar të Telegrafit në YouTube.

Malsor Gjonbalaj – Profesori modest i futbollit, nga loja te trajneri

The post “Arena e Yjeve” sjell episodin e 54-të kushtuar figurave që lanë gjurmë në futbollin kosovar appeared first on Telegrafi.

AURON TARE – Një grup huliganësh polakë i bënë shurrën Heroit Kombëtar të Shqiptarëve. Një grusht djemsh shqiptarë me zemër protestuan dhe hodhën gurë kundër tyre. Policia shqiptare i fut brenda djemtë shqiptarë dhe i mban në burg me akuzë për veprime të dhunshme.

Në Shqipëri askush nuk flet për këtë ngjarje, njerëzit e kanë hallin te telenovelat dhe thashethemet për ministrat e rinj. Imagjinoni nëse kjo ndodhte në Greqi, Itali apo në ndonjë nga ato vendet e Europës, që na ka hapur kapitujt e bashkë-egzistencës.

Vetem një populli i tredhur mendërisht nuk reagon për këtë ngjarje të padëgjuar. Nuk i di detajet, por të mbash në burg djem që u përpoqën të mbrojnë nderin e Shqipërisë në këtë ofendim kombëtar, nuk ka asnjë kuptim.

Ata djem duhen liruar dhe falenderuar për atë që bënë në emër të shqiptarëve. Përndryshe, e gjithe fasada me figurë të Gjergjit nëpër bashki dhe institucione shtetërore është një hipokrizi vanitoze e një populli që nuk ka respekt për vendin dhe herojntë e vet. m.p.

Hansi Flick është njeri optimist. Këtë e konfirmoi këtë të shtunë në konferencën për shtyp, para ndeshjes kundër Rayo Vallecano. Ai siguroi se ka besim që Fermín do të vazhdojë te Barça, u shpreh shpresëplotë për rikuperimin e Gavit nga dëmtimi në gju, pas pushimit (kualifikueseve të kombëtareve), pranoi se objektivi është të fitohet Champions League.

Ndeshja – “E rëndësishme është që kemi fituar 6 pikët e para, por duam ta fitojmë edhe ndeshjen e tretë. Rayo ka bërë një punë të madhe, trajneri i tyre po punon mjaft mirë. Ata dinë si të luajnë. Do të jetë një ndeshje e fortë. Fusha nuk është shumë e madhe, na pret një rival i madh dhe ndeshje ndryshe”.

Fermín – “Për momentin, është këtu. Kam folur me të. Jam i sigurt që do të qëndrojë, por nuk e di çfarë mund të ndodhë. Duhet pritur. Do të jem i lumtur kur të mbyllet merkatoja. Ia kam thënë mendimin tim dhe kjo mbetet mes nesh. Ndonjëherë lojtarët apo rrethi i tyre, ka shumë njerëz, ndoshta dinë më shumë. Futbolli është një biznes i madh. Si trajner përqendrohem tek ekipi im dhe jam i lumtur që është te Barça. Është një pjesë e rëndësishme, stili i tij është ndryshe dhe mund të na ndihmojë shumë”.

Champions League – “Besoj se të gjitha klubet si Barça kanë të njëjtin objektiv: të fitohet Champions-i. Është kompeticioni më i mirë ku luajmë. Ky kapitull i ri është një çmenduri. E pashë me ndihmësin tim Marcus. Është interesant, jemi të lumtur që e luajmë. Sezonin e kaluar bëmë një rrugëtim të madh deri në gjysmëfinale, meritonim më shumë. Do të përpiqemi dhe do ta tentojmë triumfin”. m.p.

Anis Mehmeti e ka nisur në mënyrën më të mirë të mundshme sezonin e ri me Bristol City, që merr pjesë në Championship në Angli. Mesfushori me tipare sulmuese ka shënuar golin e dytë në 4 javë të këtij sezoni të ri.

Bristol City po fiton në shtëpi 3-1 ndaj Hull City, pas 45 minutave të para. Kur rezultati i përkohshëm ishte 1-1, Anis Mehmeti kaloi ekipin e tij në avantazh, pasi dërgoi topin në rrjetë, pas asistit që mori me kokë nga shoku i skuadrës.

Në mënyrë të habitshme, edhe pse sezonin e kaluar, Mehmeti tregoi një formë shumë të mirë, nuk u ftua kurrë nga trajneri Sylvinho dhe e njëjta gjë vazhdon akoma. Arsyeja? E di vetëm Sylvinho, pasi Mehmeti është padyshim një nga lojtarët shqiptarë që ka ruajtur një formë dhe nivel të mirë në mënyrë sistematike. m.p.

Sulmuesi Mirlind Daku shkëlqeu të shtunën te Rubin Kazani, duke i shënuar të dy golat në barazimin 2:2 ndaj Orenburgut. Ndeshja ishte e xhiros së shtatë të elitës ruse.

Pas golave, Daku i kushtoi momentet e veçanta gjyshit të ndjerë, duke zbuluar një fanellë me fotografi të tij dhe gjyshit, i cili kishte ndërruar jetë disa ditë më parë.

VIDEO

Sinjali – aty ku e vërteta flet para lajmit!

/GazetaSinjali/

The post Emocionuese: Mirlind Daku i shënon dy gola  ndaj Orenburg, ia dedikon gjyshit të ndjerë appeared first on Sinjali.

UEFA ka publikuar zyrtarisht listën e ndeshjeve për fazën e grupeve të Ligës së Kampionëve, duke zbuluar datat dhe oraret e të gjitha përballjeve për edicionin 2025/26.

Faza e grupeve do të nisë më 16 shtator dhe do të përfundojë me finalen që do të zhvillohet më 30 maj në Budapest, ku skuadrat më të mira të Evropës do të luftojnë për të fituar titullin elitar.

Xhiro e parë e ndeshjes

E martë 16 shtator 2025

Athletic Club vs Arsenal (18:45)

PSV Eindhoven vs Union Saint-Gilloise (18:45)

Juventus vs Borussia Dortmund

Real Madrid vs Marseille

Benfica vs Qarabağ

Tottenham vs Villarreal

E mërkurë 17 shtator 2025

Olympiacos vs Pafos (18:45)

Slavia Praha vs Bodø/Glimt (18:45)

Ajax vs Inter

Bayern München vs Chelsea

Liverpool vs Atlético de Madrid

Paris Saint-Germain vs Atalanta

E enjte 18 shtator 2025

Club Brugge vs Monaco (18:45)

Kopenhagen vs Leverkusen (18:45)

Frankfurt vs Galatasaray

Manchester City vs Napoli

Newcastle United vs Barcelona

Sporting CP vs Kairat Almaty

Xhiro e dytë e ndeshjes

E martë, 30 shtator 2025

Atalanta vs Club Brugge (18:45)

Kairat Almaty vs Real Madrid (18:45)

Atlético de Madrid vs Frankfurt

Chelsea vs Benfica

Inter vs Slavia Praha

Bodø/Glimt vs Tottenham

Galatasaray vs Liverpool

Marseille vs Ajax

Pafos vs Bayern München

E mërkurë, 1 tetor 2025

Qarabağ vs Copenhagen (18:45)

Union Saint-Gilloise vs Newcastle United (18:45)

Arsenal vs Olympiacos

Monaco vs Manchester City

Leverkusen vs PSV Eindhoven

Borussia Dortmund vs Athletic Club

Barcelona vs Paris Saint-Germain

Napoli vs Sporting CP

Villarreal vs Juventus

Xhiro e tretë e ndeshjeve

E martë 21 tetor 2025

Barcelona vs Olympiacos (18:45)

Kairat Almaty vs Pafos (18:45)

Arsenal vs Atlético de Madrid

Leverkusen vs Paris Saint-Germain

Copenhagen vs Borussia Dortmund

Newcastle United vs Benfica

PSV Eindhoven vs Napoli

Union Saint-Gilloise vs Inter

Villarreal vs Manchester City

E mërkurë 22 tetor 2025

Athletic Club vs Qarabağ (18:45)

Galatasaray vs Bodø/Glimt (18:45)

Monaco vs Tottenham

Atalanta vs Slavia Praha

Chelsea vs Ajax

Frankfurt vs Liverpool

Bayern München vs Club Brugge

Real Madrid vs Juventus

Sporting CP vs Marseille

Xhiro e katërt e ndeshjeve

E martë 4 nëntor 2025

Slavia Praha vs Arsenal (18:45)

Napoli vs Frankfurt (18:45)

Atlético de Madrid vs Union Saint-Gilloise

Bodø/Glimt vs Monaco

Juventus vs Sporting CP

Liverpool vs Real Madrid

Olympiacos vs PSV Eindhoven

Paris Saint-Germain vs Bayern München

Tottenham vs Copenhagen

E mërkurë 5 nëntor 2025

Pafos vs Villarreal (18:45)

Qarabağ vs Chelsea (18:45)

Ajax vs Galatasaray

Club Brugge vs Barcelona

Inter vs Kairat Almaty

Manchester City vs Borussia Dortmund

Newcastle United vs Athletic Club

Marseille vs Atalanta

Benfica vs Leverkusen

Xhiro e pestë e ndeshjeve

E martë 25 nëntor 2025

Ajax vs Benfica (18:45)

Galatasaray vs Union Saint-Gilloise (18:45)

Borussia Dortmund vs Villarreal

Chelsea vs Barcelona

Bodø/Glimt vs Juventus

Manchester City vs Leverkusen

Marseille vs Newcastle United

Slavia Praha vs Athletic Club

Napoli vs Qarabağ

E mërkurë 26 nëntor 2025

Copenhagen vs Kairat Almaty (18:45)

Pafos vs Monaco (18:45)

Arsenal vs Bayern München

Atlético de Madrid vs Inter

Frankfurt vs Atalanta

Liverpool vs PSV Eindhoven

Olympiacos vs Real Madrid

Paris Saint-Germain vs Tottenham

Sporting CP vs Club Brugge

Xhiro e gjashtë e ndeshjeve

E martë 9 dhjetor 2025

Kairat Almaty vs Olympiacos (16:30)

Bayern München vs Sporting CP (18:45)

Monaco vs Galatasaray

Atalanta vs Chelsea

Barcelona vs Frankfurt

Inter vs Liverpool

PSV Eindhoven vs Atlético de Madrid

Union Saint-Gilloise vs Marseille

Tottenham vs Slavia Praha

E mërkurë 10 dhjetor 2025

Qarabağ vs Ajax (18:45)

Villarreal vs Copenhagen (18:45)

Athletic Club vs Paris Saint-Germain

Leverkusen vs Newcastle United

Borussia Dortmund vs Bodø/Glimt

Club Brugge vs Arsenal

Juventus vs Pafos

Real Madrid vs Manchester City

Benfica vs Napoli

Xhiro e shtatë e ndeshjeve

E martë 20 janar 2025

Kairat Almaty vs Club Brugge (16:30)

Bodø/Glimt vs Manchester City (18:45)

Copenhagen vs Napoli

Inter vs Arsenal

Olympiacos vs Leverkusen

Real Madrid vs Monaco

Sporting CP vs Paris Saint-Germain

Tottenham vs Borussia Dortmund

Villarreal vs Ajax

E mërkurë 21 janar 2025

Galatasaray vs Atlético de Madrid (18:45)

Qarabağ vs Frankfurt (18:45)

Atalanta vs Athletic Club

Chelsea vs Pafos

Bayern München vs Union Saint-Gilloise

Juventus vs Benfica

Newcastle United vs PSV Eindhoven

Marseille vs Liverpool

Slavia Praha vs Barcelona

Xhiro e tetë e ndeshjeve

E mërkurë 28 janar

Ajax vs Olympiacos

Arsenal vs Kairat Almaty

Monaco vs Juventus

Athletic Club vs Sporting CP

Atlético de Madrid vs Bodø/Glimt

Leverkusen vs Villarreal

Borussia Dortmund vs Inter

Club Brugge vs Marseille

Frankfurt vs Tottenham

Barcelona vs Copenhagen

Liverpool vs Qarabağ

Manchester City vs Galatasaray

Pafos vs Slavia Praha

Paris Saint-Germain vs Newcastle United

PSV Eindhoven vs Bayern München

Union Saint-Gilloise vs Atalanta

Benfica vs Real Madrid

Napoli vs Chelsea

Të gjitha ndeshjet tjera nisin në orën 21:00 përveç nëse përcaktohet ndryshe;

Sinjali – aty ku e vërteta flet para lajmit!

/GazetaSinjali/

The post Publikohet lista e ndeshjeve për fazën e ligës së Ligës së Kampionëve 2025/26 appeared first on Sinjali.

Mirlind Daku gjeti rrugën e rrjetës dy herë, në ndeshjen e Rubin Kazan ndaj Orenburg në kampionatin rus.

Kjo dopietë vjen në një moment delikat për sulmuesin e Kombëtares. Vetëm një ditë më parë, Daku njoftoi lajmin e hidhur me ndjekësit, për ndarjen nga jeta të gjyshit të tij.

Pikërisht golat e shënuar sot ishin dedikim për të. Pas realizimit të parë, Daku nuk i mbajti dot lotët, ndërsa u mbështet nga shokët e skuadrës.

Sa i përket ndeshjes, Daku i dha avantazhin e dyfishtë Rubin Kazan, por skuadra e shqiptarit u barazua në pjesën e dytë, falë dy realizimeve nga Guzina dhe Thompson.

The post Humbi njeriun e dashur, Daku shënon dopietë dhe nuk i mban dot lotët first appeared on JavaNews.al.

Konfirmohet pengesa e parë e sezonit të ri për Gavi (20 vjeç). Barcelona njoftoi se mesfushori ka shqetësime në gjurin e djathtë dhe nuk do të jetë i disponueshëm këtë të diel (ora 21:30) për ndeshjen kundër Rayo Vallecano. Në njoftimin mjekësor nuk specifikohet koha e saktë e mungesës së tij, por theksohet se evolucioni i dëmtimit do të përcaktojë disponueshmërinë.

Për më tepër, ai nuk do të jetë as në dispozicion të trajnerit Luis de la Fuente për ndeshjet e radhës të përfaqësueses spanjolle kundër Bullgarisë e Turqisë, më 4 dhe 7 shtator.

Barcelona nuk dëshiron të rrezikojë fare me gjuin e djathtë të Gavit, i cili është i njëjti që pësoi dëmtim të rëndë më 19 nëntor 2023. Në atë ndeshje kundër Gjeorgjisë, ai pësoi prerje të plotë të ligamentit kryqëzor dhe dëmtim të meniskut të jashtëm, duke qëndruar jashtë fushave për gati një vit. m.p.

Skuadra e Superligës së Turqisë, Fenerbahce ka shkarkuar trajnerin Jose Mourinho. Lajmin e ka bërë të ditur klubi turk përmes rrjeteve sociale dhe ky shkarkim vjen pas humbjes ndaj Benficas në UEFA Champions League.

E ardhmja e trajnerit portugez tashmë mund të jetë Premier League. Pasi është raportuar se Nottingham Forest është në kërkim të një trajneri të ri, pasi Nuno Espirito Santo është vënë në diskutim nga presidenti grek.

Megjithëse është përmendur edhe si pasardhës i mundshëm i United, në rast se Amorim dështon sërish edhe në ndeshjen me Burnleyn. Edhe pse kishte shumë objektiva suksesi, Mourinho nuk e arriti asnjë me Fenerbahcen. Gjithsesi nga ky shkarkim i tij, ai do të marrë një dëmshpërblim prej 13 milionë eurosh nga klubi turk. Për një total prej 108 milionë eurosh, që i kanë ardhur vetëm nga shkarkimet./ D.C

TIRANË, 30 gusht /ATSH/ Vllaznia e vajzave arriti një fitore të rëndësishme ndaj Racing Union në UEFA Women’s Champions League, duke triumfuar 3-1 në ndeshjen e zhvilluar sot në “Loro Boriçi” në Shkodër.

Me këtë sukses, Vllaznia siguroi vendin e tretë në mini-turneun e saj dhe kualifikohet automatikisht në raundin e parë të UEFA Women’s Europa Cup për sezonin 2025/26, duke vazhduar rrugëtimin në garat europiane.

Skuadra shkodrane dominoi takimin dhe në pjesën e parë realizoi tre gola me Arbiona Bajraktarit, Megi Doçin dhe Teresa Dedan.

Racing Union arriti të shënojë vetëm një gol në fund të takimit me Coraline Corplet, dhe ndeshja u mbyll 3-1 në favor të Vllaznisë.

Në raundin e parë kualifikues të UEFA Women’s Europa Cup do të marrë pjesë edhe Partizani i vajzave. Shorti për këtë raund është planifikuar nesër, më 31 gusht.

/gj.m/j.p/

The post Vllaznia e vajzave fiton 3-1 ndaj Racing Union, vijon rrugëtimin në UEFA Women’s Europa Cup appeared first on Agjencia Telegrafike Shqiptare.