Sunderlandi është eliminuar nga Kupa e Ligës angleze të martën mbrëma. Sunderlandi, që garon në Premier League të Anglisë, humbi nga Huddersfieldi i Kategorisë së Tretë angleze.

U eliminua pas ekzekutimit të penalltive. Humbi 6:5. Koha e rregullt përfundoi baras, 1:1.

Xhaka nuk ishte pjesë e ekipit. Ai u pushua për këtë ndeshje nga trajneri i Sunderlandit.

Sinjali – aty ku e vërteta flet para lajmit!

/GazetaSinjali/

The post Sunderlandi eliminohet nga Kupa e Ligës angleze appeared first on Sinjali.

Selektori i Zvicrës, Murat Yakin, pritet të publikojë të enjten listën e lojtarëve për dy ndeshjet kualifikuese të Kupës së Botës 2026, kundër Kosovës dhe Sllovenisë.

Gazeta zvicerane Luzerner Zeitung raportoi se mesfushori Leon Avdullahu do të ishte pjesë e listës së Yakin-it, nëse nuk do të vendoste të luante për Kosovën.

Avdullahu, i cili këtë verë u transferua nga Baseli te Hoffenheimi për 8 milionë franga zvicerane, ka shkëlqyer me paraqitjet e para në Bundesliga dhe Kupën e Gjermanisë, ku ka luajtur si titullar. Megjithatë, ai vendosi që karrierën ndërkombëtare ta vazhdojë me Kosovën.

Vendimi i tij ka nxitur reagime në Zvicër, përfshirë edhe kapitenin e Baselit, Xherdan Shaqiri, i cili ka folur për këtë temë.

“Leonit me siguri iu shfaqën perspektiva më të mira në Kosovë, përndryshe nuk do ta kishte bërë këtë ndërrim”, deklaroi Shaqiri, i cili deri në vitin 2024 ishte ylli kryesor i përfaqësueses zvicerane.

Shaqiri dhe Avdullahu ishin dy prej lojtarëve më të rëndësishëm të Baselit në sezonin e kaluar, me Shaqirin si lider të sulmit dhe Avdullahun si “trurin” e mesfushës. Ylli i Zvicrës thekson se vendimi i Avdullahut ishte personal.

“Sigurisht që folëm për këtë herë pas here në Basel. Por Leoni e mori vendimin vetëm me familjen e tij. Nuk mendoj se pata ndonjë ndikim. Dhe në fund të fundit, tani ai ka kohë që është në Hoffenheim”, ka shtuar Shaqiri.

Kosova u pranua në FIFA dhe UEFA në maj të vitit 2016, periudhë kur FFK bëri përpjekje për ta bindur edhe vetë Shaqirin që t’i bashkohej. Megjithatë, ai zgjodhi të mbetej me Zvicrën, për të cilën deri në pensionimin e tij zhvilloi 125 ndeshje dhe shënoi 32 gola.

Avdullahu tani pritet të debutojë për Kosovën më 5 shtator, pikërisht në Basel, qytetin ku u zhvillua si futbollist. Ndeshja ndaj Zvicrës do të jetë sfida hapëse e “Dardanëve” në kualifikimet për Kupën e Botës 2026.

Edhe mesfushori i Zurichut, Bledian Krasniqi, ka përshëndetur zgjedhjen e Avdullahut.

“Avdullahu është lojtar i shkëlqyer që do të na ndihmojë shumë. Është plus për ne”, tha ai për Bluewin.

Krasniqi debutoi për Kosovën në qershor, në ndeshjen kundër Komoreve, pasi më herët kishte luajtur për grupmoshat e Zvicrës.

Sinjali – aty ku e vërteta flet para lajmit!

/GazetaSinjali/

The post Avdullahu zgjodhi Kosovën para Zvicrës, Xherdan Shaqiri: Kemi folur shpesh për këtë appeared first on Sinjali.

Karriera e sulmuesit Ardit Tahiri do të vazhdojë në Finlandë, pasi ai ka kompletuar transferimin te klubi më i madh i këtij vendi, HJK Helsinki, raporton Gazeta Sinjali.

Lajmi është zyrtarizuar të martën, me Tahirin që largohet nga Llapi në formë huazimi deri në fund të këtij viti kalendarik.

“KF Llapi ka vendosur të mos e pengojë futbollistin për të bërë hap para në karrierë, duke përfituar edhe financiarisht nga huazimi dhe eventualisht nga transferimi i përhershëm, duke mbajtur poashtu një përqindje në kartonin e tij. Tahiri u bashkua me Llapin nga Dinamo City gjatë sezonit të kaluar dhe dha një kontribut të jashtëzakonshëm: 19 gola dhe 4 asistime në 44 paraqitje zyrtare. KF Llapi e falënderon përzemërsisht Arditin për përkushtimin dhe kontributin e dhënë si bardhekaltër dhe i uron shumë suksese në sfidat e reja te klubi i ri.”, ka njoftuar Llapi.

Sinjali – aty ku e vërteta flet para lajmit!

/GazetaSinjali/

The post Zyrtare: Ardit Tahiri nga Llapi te Helsinki appeared first on Sinjali.

Nga Gazeta Si – Sulmuesi i Bayern Munich, Harry Kane kryesoi listën e shënuesve më të mirë në dy sezonet e fundit në Bundesliga. Serhou Guirassy dhe Patrik Schick kanë një detyrë të vështirë për ta ndjekur pas asaj çka anglezi bëri në javën e parë… Kandidatët për Shënuesin më të mirë janë si më poshtë:

1) Harry Kane
Klubi: Bayern
Gola: 3
Ndeshje: 1
Vdekja, taksat dhe golat e Harry Kane janë të sigurta. Numri 9 te Bayern shënoi 26 herë sezonin e kaluar pas atyre 36 në sezonin e parë në Mynih. Tani ai rregjistron 65 gola në 64 ndeshje në Bundesliga – ose ndryshe 1 gol për 88.61 minuta!
= 2) Ilyas Ansah
Klubi: Union Berlin
Gola: 2
Ndeshje: 1

= 2) Jean-Mattéo Bahoya
Klubi: Eintracht Frankfurt
Gola: 2
Ndeshje: 1

= 2) Michael Olise
Klubi: Bayern
Gola: 2
Ndeshje: 1

= 3) Serhou Guirassy
Klubi: Borussia Dortmund
Gola: 1
Ndeshje: 1

Patrik Schick (Bayer Leverkusen), Jonathan Burkardt (Eintracht Frankfurt), Tim Kleindienst (Borussia Mönchengladbach) dhe Nick Woltemade (VfB Stuttgart), nuk shënuan asnjë gol në javën e parë, por janë pretendentë për skeptrin e Harry Kane.

The post Nis gara për Shënuesin më të mirë në Bundesliga appeared first on Gazeta Si.

Nga Gazeta Si – Pas Fisnik Asllanit që e nisi sezonin me gol ndaj Leverkusen dhe Leon Avdullahut, Hoffenheim prezantoi mbrëmjen e sotme, dardanin e tretë në skuadër.

Albian Hajdari transferohet nga Lugano në Bundesliga. 22 vjeçari kaloi 3 sezone i huazuar nga Juventus te Basel dhe Lugano që bleu kartonin e tij në vitin 2023.

64 ndeshje dhe 4 gola në dy sezone mjaftuan që kartoni i tij të vlerësohej 5 milionë euro që u shpenzuan nga gjermanët e Hoffenheim për një kontratë disavjeçare.

The post Tre dardanë te Hoffenheim appeared first on Gazeta Si.

Nga Gazeta Si – Firmos dhe prezantohet, por Inter nuk e lejon Asllanin të zbresë në fushë si kundërshtar.

Mesfushori shqiptar që u kthye në një hall për zikaltërit, nga sot është “granata” me efekt të plotë dhe do të jetë në dispozicion të skuadrës duke nisur nga java e ardhshme.

Kur Torino do të presë Fiorentinën (një tjetër skuadër që e deshi Asllanin) në shtëpi.

The post Mirësevjen Asllani – por nuk mund të luash… (Video) appeared first on Gazeta Si.

Nga Gazeta Si – Mesfushori ofensiv Regi Lushkja firmosi një kontratë me klubin Tractor në Iran që drejtohet nga Dragan Scotic.

Lushkja e nis aventurën e re pas paraqitjeve të shkëlqyera me fanellën e Egnatia-s për të cilën, një sezon më parë shënoi 16 gola dhe shërbeu 4 asists.

29 vjecari që në vitet e fundit ka qënë forcë kryesore kudo që ka luajtur bëri një start pozitiv në “Champions League” dhe “Conference League” me kampionët e Shqipërisë.

Ai demonstroi sërish aftësitë e tij me 3 gola dhe 1 asist në 5 ndeshje.

Pas prezantimit ai u bë lojtari i dytë shqiptar në rradhët e Tractor dhe i 7 që ka luajtur ose luan aktualisht në Gjirin Persik. 

–Lojtarët shqiptarë në Iran
Regi Lushkja – Tractor
Jasir Asani – Esteghlal
Sokol Cikalleshi – Tractor
Sebastian Spahiu – Mes Rafsanjan
Edon Hasani – Sepahan
Xhevahir Sukaj – Sepahan
Ervin Bulku – Sepahan

The post Ylli shqiptar tek Tractor (Video) appeared first on Gazeta Si.

The post Shqipëri – Letoni, dalin në shitje biletat fizike pranë stadiumit “Air Albania” appeared first on Agjencia Telegrafike Shqiptare.

Nga Gazeta Si – Kjo fundjavë shënoi edhe fillimin e sezonit të ri në Kategorinë e parë në futboll. Pesë ndeshje u zhvilluan të shtunën (4 në orën 17:00 dhe 1 në orën 20:00) që prodhuan 11 gola, 3 fitore dhe 2 barazime.

Ajo çka bien ë sy është shkëputja e menjëhershme e skuadrave që zbritën nga Kategoria Superiore. Bashkë me to edhe Kukësi që ka historinë e tij në nivelin më të lartë të futbollit në vend.

3 gola shënuan të besuarit e Ernest Gjokës në Korçë ndaj Burrelit, Nasr në 12′ (penallti), Abiodun në 64′ dhe Çuçka në 64′ mjaftuan për fitoren e parë të “ujqërve” në pritje të dëborës.

Në shtëpi fitoi edhe Kukësi, minimalisht 2-1 ndaj Apolonisë. Rezultat që e përsëriti Laçi në transfertën e Fushës Krujës ndaj Ilirisë.

Pas këtyre fitoreve dhe golevarazhit +3, Skënderbeu ngjitet në krye të klasifikimit me pikë të barabarta me Laëin dhe Kukësin.

Dy barazime plotësuan kuadrin e të shtunës. Shifra të njëjta në Gjirokastër dhe Lushnjë, respektivisht në Luftëtari-Korabi dhe Besa-Kastrioti.

Ndeshja që mbyll raundin e parë në Kategorinë e parë, vë përballë Pogradecin dhe Lushnjën.

The post Superiorja kryeson në Kategorinë e parë appeared first on Gazeta Si.

Nga Gazeta Si – Dy javë, 6 pikë dhe një rekord për trainerin Thomas Frank që futet në një klub special. Ai u bë traineri i 3 që fiton në transfertë ndaj Pep Guardiola me dy skuadra të ndryshme.

Pas suksesit në drejtimin e Brentford, Frank përsëriti të njëjtin rezultat edhe në drejtimin e Tottenham Hotspur.

Më herët këtë e kishte bërë Antonio Conte kur drejtonte Chelsea-n dhe Tottenham. Si dhe Jose Mourinho kur drejtonte Real Madrid dhe më pas Manchester United.

Pas fitores së të dielës, Spurs u konfirmuan si skuadra që ka fituar më shumë ndeshje (8) në Premier League vs. Manchester City-t. Pas tyre vijnë Manchester United dhe Liverpool (6).

The post Thomas Frank shkruan historinë appeared first on Gazeta Si.

Nga Gazeta Si – Gol për çdo pjesë dhe leksion për kampionët në fuqi. Vllaznia kthen Egnatian me këmbë në tokë.

Gurishta (19′) dhe Bajrami (49′) në distancë prej 30 minutash nga njëri-tjetri mjaftuan që vendasit të merrnin 3 pikët e para.

Një humbje jo e lehtë për Egnatian që vjen vetëm pak orë pas largimit të Regi Lushkjas.

Mbrëmja në “Loro Boriçi” ishte një “remake” i Finales së “Final4” në sezonin e kaluar.

Vllaznia mori një revansh të ëmbël për humbjen që pësoi në “Arenën Kombëtare”.

Ndërsa pas ndeshjesh traineri mik Tetova akuzoi arbitrin për favorizim të vendasve dhe pyeti – “A do të arbitrojë më ky në vazhdim”?

The post Boom Boom Vllaznia – Egnatia zbret me këmbë në Tokë appeared first on Gazeta Si.

TIRANË, 22 gusht /ATSH/ Edicioni i 87-të i kampionatit shqiptar të futbollit, ngre sot, më 22 gusht, siparin e sezonit të ri, 2025-2026, me duelin mes Egnatias dhe Vllaznisë.

Presidenti i FSHF-së, Armand Duka, me anë të një mesazhi në rrjetet sociale, i uroi suksese dhjetë klubeve pjesëmarrëse, duke e cilësuar sezonin e ri si një kapitull të mbushur me sfida dhe emocione.

Duka nënvizoi rëndësinë e profesionalizmit dhe respektit në fushë. Gjithashtu, ai theksoi se FSHF do të vijojë t’u japë mbështetje maksimale klubeve për zhvillimin e talenteve dhe përmirësimin e infrastrukturës.

Presidenti Duka pati edhe një mesazh të veçantë për tifozët, të cilët i ftoi të jenë forca kryesore e atmosferës në stadiume, gjithmonë në frymën e Fair-Play.

“Sot hapet një kapitull i ri i futbollit shqiptar me nisjen e edicionit të 87-të të Kategorisë “Abissnet Superiore 2025-2026”. Çdo fillim sezoni është një moment shprese dhe ambicieje, ku ekipet, trajnerët, lojtarët dhe tifozët hyjnë në një udhëtim të ri, të mbushur me plot sfida dhe emocione.

Së pari, dëshiroj t’u uroj të gjitha skuadrave pjesëmarrëse një sezon të suksesshëm, të mbushur me rivalitet sportiv, profesionalizëm dhe respekt në fushën e lojës. Jam i bindur se çdo klub do të japë maksimumin për të arritur objektivat e tij dhe për të kontribuar në rritjen e futbollit tonë.

FSHF mbetet e vendosur të mbështesë rritjen e klubeve në çdo aspekt, duke i inkurajuar ato të investojnë në zhvillimin e talenteve, në përmirësimin e infrastrukturës dhe në rritjen e profesionalizmit. Jam krenar për përparimin që ka bërë futbolli ynë në vitet e fundit, por jam po aq i bindur se rruga përpara kërkon edhe më shumë punë, bashkëpunim dhe vizion.

Gjithashtu, dua të shpreh mirënjohje për çdo futbollist, trajner, arbitër dhe punonjës që kontribuon në organizimin dhe mbarëvajtjen e këtij kampionati. Secili prej jush është pjesë e mozaikut të futbollit shqiptar dhe çdo përpjekje individuale shndërrohet në një arritje kolektive.

Një mesazh i veçantë shkon për tifozët, që janë zemra e futbollit. Ju ftoj të vazhdoni ta bëni të jashtëzakonshme atmosferën në stadiume, por gjithmonë duke respektuar vlerat dhe frymën e Fair-Play. Është përgjegjësi e përbashkët të tregojmë se futbolli shqiptar di të promovojë kulturë sporti dhe krenari kombëtare.

Përpara kemi një sezon të ri që premton rivalitet, emocione dhe histori të reja. Jam i bindur se, me përkushtim dhe pasion, do të përjetojmë së bashku një kampionat të denjë për traditën dhe të ardhmen e futbollit shqiptar.

Në emër të Federatës Shqiptare të Futbollit, ju uroj një sezon të mbushur me suksese dhe momente të paharrueshme. Le të nisë spektakli i futbollit shqiptar”, ka shkruar Duka.

/gj.m//a.f/

The post Duka mesazh për nisjen e kampionatit: Mbështetje për rritjen e klubeve në çdo aspekt appeared first on Agjencia Telegrafike Shqiptare.

Nga Gazeta Si – Kategoria Superiore ngre siparin e edicionit të 87 në stadiumin “Loro Boriçi”. Sfida Vllaznia – Egnatia në orën 20:00 do të paraprihet nga ceremonia zyrtare e hapjes së kampionatit.

Themeluesit e futbollit në vend do të presin dy herë kampionët rradhazi në fuqi pas një starti në Kupat e Evropës ku kuqeblu dhe të gjelbër nuk arritën në raundin e playoff-it.

Vendas dhe miq kanë objektiv titullin dhe këtë e deklarojnë hapur. Raundi i parë në sezonin e ri vazhdon të shtunën me dy ndeshjet e rradhës. Bylis – Tirana në orën 17:00, në stadiumin “Adush Muça” në Ballsh.

Atje ku bardheblutë janë në provën “Josa”. Legjenda kryeqytetase do të drejtojë mallakstriotët këtë sezon.

Në orën 20:00, AF Elbasani dhe Flamurtari zbresin në stadiumin “Elbasan Arena”.

Në stolin e kuqezinjve do të debutojë spanjolli Carlos Garcia dhe vlonjatët pretendojnë se kanë ardhur për gjëra të mëdha mes më të mirëve.

Partizani – Vora, që do të luhet në orën 20:00 të së dielës në stadiumin “Arena e Demave” do të mbyllë pjesërisht javën e parë.

Të kuqtë kryeqytetas vijnë pas një vere turbulente të cilën shpresojnë ta lënë pas sa më shpejt nën drejtimin e Milinkovic.

Impenjimi i Dinamo City-t në UEFA Conference League shtyu ndeshjen ndaj Teutës më 5 Shtator.

Sfida mes tyre do të luhet në orën 17:00, në stadiumin “Niko Dovana”

The post Egnatia e nis nga ‘Loro Boriçi’, djepi i futbollit appeared first on Gazeta Si.

Nga Gazeta Si – Bayern Munich do të startojë mbrojtjen e titullit ndaj Leipzig në Allianz Arena me objektivin për 3 pikët e para që do të ishin vazhdim i suksesit në Superkupë dhe një sinjal i dërguar për kundërshtarët që kampionët janë aty.
Bayern vërtetë humbi të pakrahasueshmin Thomas Müller por mund të bazohet te eksperienca dhe influenca e Manuel Neuer që bëhet gati të nisë edicionin e 15 pas titullit të 12 (në klub) në Maj.

39 vjeçari u shpall Lojtari i ndeshjes në Franz Beckenbauer Supercup ndaj Stuttgart dhe përballë tij është Péter Gulácsi në portën e Leipzig.

35 vjeçari hungarez është ndër të paktët konstantë në një skuadër që ka qarkulluar talente të shumtë.

Sezonin e kaluar nuk pësoi gol në 14 nga 30 ndeshje dhe mbetet zgjedhja e parë në dëm të Maarten Vandevoordt.

Përpara Gulácsi rrjeshtohen 4 mbrojtës me patriotin Willi Orbán, Kapitenin David Raum, El Chadaille Bitshiabu dhe Castello Lukeba.

Te Bayern, Jonathan Tah erdhi nga Leverkusen dhe në Superkup impresionoi përkrah Dayot Upamecano-s. Konrad Laimer, Josip Stanišić dhe Raphaël Guerreiro janë kandidaturat e tjera për Vincent Kompany.

Mbërritja e Tom Bischof dhe Aleksandar Pavlović janë e ardhmja e mesfushës bavareze që sërish do të ndërtohet rreth Joshua Kimmich në partneritet me të rilindurin Goretzka në pritje të të dëmtuarit Musiala.

E ardhmja e Xavi Simons është ende e hapur por tek Leipzig sqarojnë se holandezi do të largohet për ofertën e duhur financiare.

Në të kundërt Xavi do të qëndrojë te Leipzig që pak ditë më parë largoi Benjamin Šeško drejt man Utd. Braziliani Rômulo nga Göztepe dhe Loïs Openda janë shpresa e trainerit Werner për sezonin e ri.

Ndërkohë në sulmin e vendasve, aftësia e Harry Kane dhe saktësia e Michael Olise u pasuruan me mbërritjen e Luis Díaz nga Liverpool.

Sezonin e kaluar Bayern fitoi 5-1 në shtëpi në raundin e 15 dhe barazoi 3-3 në raundin e 32.

The post Bayern nis mbrojtjen e titullit, Bundesliga starton edicionin e 63 appeared first on Gazeta Si.

Nga Gazeta Si – Dy fitore dhe një humbje për skuadrat shqiptare në “Europa League” dhe “Conference League”. Rezultat identik në Shkup dhe Prishtinë, 2-1 që ruan shpresat e kuqezinjve nga Tetova për një vend në fazën e Ligës në “Europa League” (eleminimi i dërgon në fazën e Ligës në “Conference League”).

Si dhe konfirmon forcën e Dritës që duket në rrugë të mbarë për eleminimin e dytë të Differdange (e eleminoi në raundin e 1-rë të “Champions League”) dhe mbërritjen për të parën herë në fazën e Ligës në “Conference League”.

Nëse ja del, Drita do të jetë skuadra e dytë pas Ballkanit që shkon në fazën e grupeve/ Ligës në kupat e Evropës. Latifi (35’) dhe Ibraimi (60’) përmbysën avantazhin e Ludogorets (Duarte 17’) në “National Arena Todor Proeski” në Shkup.

Ndërsa Dabiqaj (30’) dhe Krasniqi (80’) zhvleftësuan barazimin e Differdange (Busch 65’) në “Stadiumi Fadil Vokrri” të Prishtinës.

Mfoumou (90’) u ndëshkua me karton të kuq për miqtë nga Luksemburgu dhe nuk do të luajë një javë më pas.

Shumë e fortë Jagiellonia në shtëpi ndaj Dinamo City-t që mesa duket me humbjen 3-0 në “Stadion Miejski w Białymstoku” në Bialystok e ka mbyllur kthimin në Evropë pas më shumë se dy dekadash.

Jonuzi, Bregu dhe Berisha nuk ishin në gjëndje të shënonin asnjë gol nderi. Ndërsa Imaz (12’), Pululu (34’) dhe Wojtuszek (50’) mposhtën Teqjan në çdo pjesë. Një javë më pas kryeqytetasit do të provojnë gjithçka për gjithçka.

Nëse nuk arrijnë përmbysjen, të paktën të largohen me kokën lart nga Conference League.

The post Shkëndija dhe Drita fitojnë në shtëpi, bie Dinamo në Poloni appeared first on Gazeta Si.

Shkëndija: Gaye, Trumçi, Fetai, Cake, Webster, Ramadani, Alhassan, Tamba, Zejnullai, Latifi, Ibraimi.

Ludogorets: Padt, Nedyalkov, Almeida, Nachmias, Son, Stanic, Duarte, Naressi, Chouiar, Bile, Marcus.

Drita: Maloku, Krasniqi, Bejtulai, Sheji, Ovouka, Dabiqaj, Limaj, Balaj, Ajzeraj, Tushaj, Manaj.

Differdange: Felipe, Bedouret, Brusco, D’Anzico, Lempereur, Rafa Pinto, Rauch, Franzoni, Leandro Borges, Artur Abreu, Hadji.

Jagiellonia: Abramowicz, Wojtuszek, Bernardo Vital, Kobayashi, Wdowik, Pozo, Romanczuk, Flach, Pietuszewski, Pululu, Imaz.

Dinamo City: Teqja, Lorran, Aliji, Meksi, Tiago Nani, Gassama, Vila, Beqja, B. Berisha, Bregu, H. Berisha.

The post Formacionet e mbrëmjes – ja si do të luajnë Shkëndija, Drita dhe Dinamo City appeared first on Gazeta Si.

Skuadra kampione e Kosovës, Drita, sot zhvillon ndeshjen e parë të play-offit në Ligën e Konferencës kundër ekipit nga Luksemburgu, Differdange. Përballja do të luhet në stadiumin “Fadil Vokrri” në Prishtinë, me fillim nga ora 20:00.

Ky duel është i një rëndësie të veçantë për gjilanasit, të cilët kanë mundësinë të shkruajnë historinë duke u kualifikuar për herë të parë në fazën e grupeve të një kompeticioni evropian.

Drita e njeh mirë kundërshtarin, pasi vetëm pak javë më parë e eliminoi në raundin e parë kualifikues të Ligës së Kampionëve, duke e mposhtur në të dyja ndeshjet, me rezultatet 1-0 dhe 3-2.

Ndeshja e kthimit zhvillohet javën e ardhshme në Luksemburg, ndërsa rezultati i kësaj sfide do të jetë vendimtar për ëndrrën evropiane të kampionëve të Kosovës./KultPlus.com

Nga Gazeta Si – Kampionia e Kosovës, Drita e Gjilanit do të përballet me kampionët e Luksemburgut, Differdange 03 në raundin e “Playoff-it” të “UEFA Europa Conference League”.

Drita vjen mbrëmjen e sotme pas startit me humbjen 1-0 në Ferizaj për Superliagën e Kosovës.

Mesjavën e kaluar u eleminua nga raundi i 3 kualifikues në “UEFA Europa League”, 6-3 nga kampionia e Rumanisë, FCSB.

Ndërkohë Differdange vjen pas kualifikimit në dëm të kampiones së Estonisë, Levadia Tallinn në raundin e 3 kualifikues të “UEFA Europa Conference League”.

Drita eleminoi Differdange-n në raundin e parë kualifikues të “UEFA Champions League”, muajin e kaluar.

Pas raundeve me eleminim direkt një sezon më parë, Jagiellonia Bialystok provon të kthehet në fazën e Ligës në dëm të Dinamo City-t.

Jesus Imaz dhe Afimico Pululu janë në formën më të mirë dhe ndihmuan polakët në fitonin ndaj Silkeborg dhe Novi Pazar.

Përballë do të kenë blutë e Dinamo City-t që kthehen pas dy dekadash në Evropë.

Të besuarit e Ilir Dajës eleminuan Atletic Club d’Escaldes (Andorra) përpara shkaktimit të befasisë me eleminimi e gjigandit kroat, Hajduk Split në raundin e 3 kualifikues.

Jagiellonia nuk humbet në 7 ndeshjet e këtij sezoni në të gjitha kompeticionet. Ka shënuar 18 gola dhe është favorite për të mbërritjen në fazën e Ligës.

The post Drita dhe Dinamo City në gjurmët e historisë appeared first on Gazeta Si.

TIRANË, 21 gusht /ATSH/ Mesfushori i Kombëtares shqiptare, Kristjan Asllani ka përzgjedhur skuadrën e Torinos si klubin e tij të ardhshëm.

Asllani lë kështu zikaltërit e Interit, duke kaluar në një huazim 1,5 milionë euro, me të drejtë blerje për 12 milionë euro tek Torino.

Mesfushori shqiptar zgjodhi të ardhmen e tij, duke realizuar kushtin kryesor, atë të qëndrimit në Serie A italiane. Vullneti i lojtarit u plotësua nga Torino, me 23-vjeçarin që i ka thënë “Po” klubit torinez dhe marrëveshja është praktikisht e mbyllur.

Interi do të provojë të mbyllë sa më shpejt negociatat me klubin “granata”, për të evituar të papritura.

Më parë zikaltërit kishin arritur marrëveshjen me Betisin për shitjen e Asllanit, por mesfushori shqiptar nuk dëshironte të largohej nga Italia. Më pas ishte mesfushori ai që refuzoi transferimin te Bologna për 10 milionë euro, plus 40 përqind të vlerës në rast të rishitjes.

Problem në atë rast ishte rroga, me 300 mijë euro diferencë mes kërkesës dhe ofertës. Nga situata e krijuar përfitoi Torino, që do ta huazojë kuqeziun për 1,5 milionë euro dhe ka të drejtën e blerjes përfundimtare për 12 milionë euro.

Asllani zgjodhi projektin e Torinos, aty ku luan edhe Ardian Ismajli dhe zyrtarizimi është çështje orësh.

/gj.m//a.f/

The post Asllani lë Interin, gati huazimi tek Torino appeared first on Agjencia Telegrafike Shqiptare.

Nga Gazeta Si – Torino përforcohet në mesfushë: mbërrin Asllani nga Inter që prej disa ditësh ishte obiektiv i Bologna-s pas interesimit fillestar të Fiorentina-s.

Skuadra e Presidentit Cairo realizoi një nga goditjet më interesante në Serie A. “Granata-t” në pak orë kryen blerjen e Kristjan Asllani-t nga Inter që prej javësh e kishte nxjerrë në shitje.

22 vjeçari ishte zgjedhur nga Chivu si titullar i Inter-it në Botërorin e klubeve por diçka nuk funksionoi.

Shto këtu konfermimin e Çalhanoğlu (që nuk u kthye në Turqi) dhe blerjen e talentit kroat Sucic.

Ish lojtari i Empoli-t huazohet për 1.5 milionë euro me opsion blerjen për 12 milionë, verën e ardhshme.

Një formulë e përdorur shpesh nga Presidenti Cairo që do të shërbejë edhe për shqyrtimin e rendimentit të mesfushorit kuqezi.

Mbërritja e Asllanit te Torino është një përforcim i rëndësishëm për mesfushën ku janë Casadei dhe Anjorin.

Tek Torino, Asllani bashkohet me Ardian Ismajlin që u transferua javë më parë nga Empoli.

The post As Fiorentina e as Bologna – Asllani zgjedh Torino-n appeared first on Gazeta Si.