Zona e Paskuqani po zhvillohet dhe vlera e apartamenteve ka arritur trefishim. Një investim serioz po bëhet përreth liqenit.

Source

NJOFTIMI I SPAK Prokuroria e Posaçme kundër Korrupsionit dhe Krimit të Organizuar pas përfundimit të hetimeve, më 29.08.2025 ka dërguar për gjykim në Gjykatën e Posaçme të Shkallës së Parë, procedimin penal nr. 55/2019, në ngarkim të të pandehurve: Ilir Meta, i akuzuar për kryerjen e veprave penale “Korrupsioni pasiv i funksionarëve të lartë shtetërore ose i të zgjedhurve vendorë” në 3 raste…

Source

Kancelari gjerman, Friedrich Merz, tha më 29 gusht se lufta e Rusisë në Ukrainë mund të vazhdojë për “muaj të tërë” pavarësisht përpjekjeve të fundit të udhëhequra nga Shtetet e Bashkuara për t’i dhënë fund konfliktit. Duke folur së bashku me presidentin francez, Emmanuel Macron, në Francë, Merz tha se ai nuk ka “iluzione” për mundësinë e një përfundimi të shpejtë të luftës dhe u zotua se “ne…

Source

Shtëpia e Bardhë nisi sot një reagim të ashpër ndaj gazetës Politico për shkak të një artikulli që kritikonte negociatat e të dërguarit të posaçëm për Ukrainën të presidentit Donald Trump, Steve Witkoff.

Zëvendëspresidenti amerikan, J.D. Vance, e kritikoi ashpër gazetën, e cila u ble në vitin 2021 nga gjigandi mediatik gjerman Axel Springer, për raportimin se “mungesa e përvojës së Wittkoff është e dukshme” gjatë bisedave me presidentin rus, Vladimir Putin.

“Artikulli i Politico-s është gazetari e dobët. Por është më shumë se kaq, është një operacion ndikimi i huaj që synon të dëmtojë qeverinë dhe një nga anëtarët e saj më efektivë”, shkroi Vance në X.

This story from Politico is journalistic malpractice. But it's more than that: it's a foreign influence operation meant to hurt the administration and one of our most effective members.

Notice how all of the people attacking Steve are on background? That means it's two or three… https://t.co/LsPmTpZfqy

— JD Vance (@JDVance) August 29, 2025

Po ashtu, zëvendësshefi i stafit të Shtëpisë së Bardhë, James Blair, e cilësoi artikullin “një operacion ndikimi të huaj përmes një mediumi online të kontrolluar nga Gjermania”. Zyrtarët nuk dhanë asnjë provë për ndonjë përfshirje të fuqisë së huaj ose qeverisë pas raportit.

Kjo nuk është hera e parë që administrata Trump mbron Steve Witkoff, i cili është kritikuar për rolin e tij si i dërguar special.

Reagimi ndaj Politico-s vjen ndërsa Berlini dhe Parisi shprehin dyshime mbi suksesin e përpjekjeve të Trump për paqe në Ukrainë, me kancelarin gjerman Friedrich Merz që deklaroi se konflikti mund të zgjasë “shumë muaj të tjerë”.

The hit piece on Steve Witkoff in Politico today is a foreign influence operation run through a German-controlled online media outlet. Embarrassing for them to let themselves be used that way.

— James Blair (@JamesBlairUSA) August 29, 2025

Sinjali – aty ku e vërteta flet para lajmit!

/GazetaSinjali/

The post Shtëpia e Bardhë ‘shpërthen’ ndaj medias prestigjioze amerikane Politico: Gazetari e dobët, ka ndikim të huaj appeared first on Sinjali.

Kate Cassidy i bëri një postim prekës Liam Payne në ditëlindjen e tij të 32-të, duke publikuar një video-montazh në Instagram me momentet e tyre më të veçanta së bashku, nga udhëtimet dhe darkat, deri tek çastet intime.

Në mesazhin emocional, ajo shprehu dhimbjen për humbjen e tij dhe dëshirën për t’i dhënë disa vite të tjera: “Gëzuar ditëlindjen Liam. Do të doja të mundnim të festonim së bashku. Në jetën tjetër, ndoshta”.

Ky dedikim vjen pas tragjedisë në Argjentinë disa javë më parë, kur Liam humbi jetën nga një rënie nga ballkoni i dhomës së tij.

Ai kishte luftuar me varësinë dhe kishte përfunduar një rehabilitim në maj të vitit 2023, duke lënë pas djalin e tij 8-vjeçar, Bear, me ish-gruan Cheryl Cole.

View this post on Instagram

A post shared by Kate Cassidy (@kateecass)

Sinjali – aty ku e vërteta flet para lajmit!

/GazetaSinjali/

The post Kate Cassidy bën postim prekës për Liam Payne në ditëlindjen e tij të 32-të: Në jetën tjetër, ndoshta… appeared first on Sinjali.

Pritjet për të dalë nga Kosova nëpër pikat kufitare po vazhdojnë të jenë të gjata.

Sipas përditësimit të fundit të të dhënave nga Qendra Kombëtare për Menaxhim Kufitar, në Merdarë po pritet deri në 3 orë.

Më poshtë gjendja në të gjitha pikëkalimet kufitare.

Sinjali – aty ku e vërteta flet para lajmit!

/GazetaSinjali/

The post Vazhdojnë kolonat e gjata në kufi për të dalë nga Kosova, në Merdarë pritje deri në 3 orë appeared first on Sinjali.

Presidenti i Ukrainës, Volodymyr Zelensky, ka refuzuar propozimet për krijimin e një zone tampon mes forcave ukrainase dhe atyre ruse si pjesë e një marrëveshjeje për paqe, duke theksuar se një koncept i tillë nuk reflekton realitetin e një lufte moderne.

“Vetëm ata që nuk e kuptojnë gjendjen teknologjike të luftës së sotme, propozojnë një zonë tampon”, tha ai për gazetarët të premten.

Komentet e tij erdhën pas raportimeve se liderët evropianë po shqyrtojnë mundësinë e një zone tampon 40 kilometra si pjesë e një armëpushimi ose marrëveshjeje afatgjate. Zelensky theksoi se lufta në Ukrainë dominohet nga teknologjia e dronëve dhe se një “zonë tampon” tashmë ekziston për shkak të kërcënimit nga sulmet ajrore.

Zonat tampon historikisht përdoren për të krijuar hapësira të demilitarizuara mes shteteve në konflikt, siç ka ndodhur mes Koresë së Veriut dhe Koresë së Jugut, apo si kufijtë fizikë të njohur si Perdja e Hekurt gjatë Luftës së Dytë Botërore.

Siç raporton “Politico”, diplomatët evropianë kanë diskutuar që një rrip i tokës në Ukrainë të përdoret si zonë mes dy forcave ushtarake. Megjithatë, Zelensky sqaroi se në front tashmë ka zona ku artileria e rëndë nuk mund të operojë për shkak të dronëve.

“Sot, armët tona të rënda janë të vendosura rreth 10 kilometra larg njëra-tjetrës, sepse gjithçka goditet nga dronët”, tha Zelensky. “Kjo ‘zonë tampon’ – unë do ta quaja ‘zonë e vdekur’, e disa ‘të hirtë’ – tashmë ekziston”.

Ai paralajmëroi se çdo marrëveshje që do të nënkuptonte dhënien e territorit nga Ukraina për krijimin e këtyre zonave duhet të refuzohet.

“Nëse Rusia do distancë më të madhe nga ne, duhet të tërhiqen prapa nga territoret e okupuara përkohësisht të Ukrainës”, shtoi ai.

Presidenti ukrainas po ashtu theksoi se Rusia nuk është e gatshme për diplomaci, por po kërkon mënyra për të shtyrë përfundimin e konfliktit.

Sinjali – aty ku e vërteta flet para lajmit!

/GazetaSinjali/

The post Zelensky refuzon zonën tampon: Vetëm ata që nuk e kuptojnë gjendjen teknologjike të luftës së sotme e propozojnë appeared first on Sinjali.

Kuvendi i Kosovës nesër do t’i vazhdojë punimet në përpjekje për konstituimin e legjislaturës së nëntë.

Kështu, një ditë para tentimit të 60-të për konstituimin e Kuvendit, presidentja e Kosovës, Vjosa Osmani, u ka bërë thirrje partive parlamentare që të formojnë sa më shpejt Kuvendin dhe Qeverinë e re. Kryeministri në detyrë, Albin Kurti, shpreson që nesër të zgjidhet çështja e nënkryetarëve të Kuvendit.

“Kuvendi të konstituohet urgjentisht, po ashtu qeveria të zgjidhet urgjentisht. Çdo ditë e humbur është ditë e humbur për Kosovën, për popullin e saj, për perspektivën tonë euroatlantike, kështu që shpresoj që të gjendet një zgjidhje në përputhje me Kushtetutën sa më parë që të jetë e mundur”, ka thënë Osmani.

Votimi ndaras për nënkryetarët ka shkaktuar mospajtime në parlament dhe ka sjellë ngërçin e radhës, të cilin kryeministri në detyrë shpreson ta zgjidhin nesër.

“Besoj që më së miri do të ishte që të kryhet kjo punë nesër duke e përzgjedhur aty Nenad Rashiqin i cili e pranon Republikën e Kosovës, punon për institucionet e shtetit tonë dhe njëkohësisht është ministri i cili ka bërë më së shumti për komunitetin serb në vendin tonë”, ka deklaruar Kurti.

Ndërkohë, zyrtarët e Bashkimit Evropian i kanë bërë të ditur Kurtit se nuk do të zhvillojnë takime në ndërtesën e Qeverisë së Kosovës derisa vendi të ketë një ekzekutiv me mandat të plotë.

“Në përputhje me këtë aktgjykim dhe në interes të qëndrueshmërisë institucionale dhe respektimit të sundimit të ligjit, vizitorët e nivelit të lartë nga shtetet anëtare të BE-së dhe institucionet e BE-së do të përmbahen, përkohësisht, nga mbajtja e takimeve me kryeministrin në detyrë dhe ministrat brenda ndërtesës së Qeverisë së Kosovës, derisa të vijë një qeveri me mandat të plotë”, ka thënë Ambasadori i Bashkimit Evropian në Kosovë, Aivo Orav.

Letra e Bashkimit Evropian ka shkaktuar reagime të shumta me kritika ndaj kryeministrit në detyrë.

Zëdhënësi i Qeverisë në detyrë, Përparim Kryeziu, ka theksuar se takimet duhet të zhvillohen në ambientet e Kryeministrisë, duke shtuar se kjo nuk e ndalon mbajtjen e takimeve edhe jashtë zyrës së tij, me dakordimin e palëve.

“Kushdo që kërkon takim me kryeministrin në detyrë të Republikës së Kosovës, duhet të vijë në vendin ku punon kryeministri në detyrë i Republikës së Kosovës, gjithsesi kjo nuk do të thotë që nuk mban takime pune edhe jashtë zyrës së tij, por për këtë duhet të ketë dakordim të palëve”, ka thënë Kryeziu.

Sinjali – aty ku e vërteta flet para lajmit!

/GazetaSinjali/

The post Nesër tentimi i 60-të – a do arrijnë deputetët ta konstituojnë Kuvendin? appeared first on Sinjali.

Policia e Kosovës ka parandaluar një rast kontrabandimi me mallra në fshatin Lisockë të Kamenicës, ku u kap një automjet me targa vendore, i drejtuar nga një mashkull kosovar, raporton Gazeta Sinjali.

Gjatë kontrollit të automjetit, njësitë patrulluese nga DRPK-Lindje gjetën 92 pako me speca, në sasi totale rreth 1,000 kilogramë, me vlerë tregu rreth 2,500–3,000 euro, për të cilat i dyshuari nuk kishte dokumentacion të vlefshëm.

Prokurori kujdestar u njoftua menjëherë dhe me vendimin e tij u inicua rasti, ndërsa mallrat u dorëzuan në pikën doganore kompetente.

“Policia e Kosovës mbetet e përkushtuar në parandalimin dhe luftimin e të gjitha formave të krimit dhe falënderon qytetarët për bashkëpunimin e tyre.”, thuhet tutje në njoftimin e PK-së.

Sinjali – aty ku e vërteta flet para lajmit!

/GazetaSinjali/

The post Policia parandalon kontrabandën në Kamenicë, kapen 92 pako me speca – vlera deri në 3 mijë euro appeared first on Sinjali.

Prokuroria Speciale e Kosovës ka thënë se u ka dërguar kërkesë zyrtare autoriteteve të Kroacisë për sigurimin e provave në lidhje me arrestimin e shtetases serbe të Republikës së Kosovës, ndaj të cilës dhe partnerit të saj, Prokuroria e Qarkut në Split ka hapur hetim për spiunazh.

A.M. dhe i dashuri i saj, pilot i forcave kroate në KFOR, janë në paraburgim në Kroaci nën dyshimin se kanë spiunuar planet e forcave ndërkombëtare ushtarake te Serbia.

“Lidhur me arrestimin e një shtetaseje të Republikës së Kosovës në Kroaci, ju njoftojmë se Prokuroria Speciale është në kontakt me autoritetet përkatëse. Tashmë Prokuroria u ka dërguar kërkesë zyrtare për sigurimin e provave institucioneve të Kroacisë, në përputhje me marrëveshjet për bashkëpunim juridik ndërkombëtar. Prokuroria Speciale do të ndërmarrë të gjitha veprimet e nevojshme ligjore në lidhje me këtë çështje”, u tha në një përgjigje të zyrës për informim nga Prokuroria Speciale.

Serbja e Kosovës, A.M., që gjendet në paraburgim në Kroaci së bashku me të dashurin e saj, pilotin ushtarak kroat J.I. (54), dyshohet se i ka dërguar mesazhe Vladimir Radivojeviqit, të njohur me nofkën “Mami”, raporton “Index.hr”.

Prokuroria Speciale e Kosovës ka ngritur aktakuzë ndaj Radivojeviqit vitin e kaluar, ndërsa dyshohet se është i lidhur me sulmin terrorist në Banjskë të 24 shtatorit të vitit 2023, gjatë të cilit u vra rreshteri policor Afrim Bunjaku.

“Mami” njihet si lider i “Brigadës së Veriut”, që është shpallur organizatë terroriste në Kosovë.

Pilotit kroat J.I., që ishte pjesë e kontingjentit kroat të KFOR-it, dhe të dashurës së tij serbe iu gjetën mesazhe në telefonat celularë, ndër të tjera korrespondonin rreth ngjarjes së 25 shtatorit të vitit 2022, kur anëtarët e KFOR-it u sulmuan në Zubin Potok.

Sinjali – aty ku e vërteta flet para lajmit!

/GazetaSinjali/

The post Prokuroria Speciale kërkon nga Kroacia provat për të dyshuarën për spiunazh appeared first on Sinjali.

Meta po planifikon të publikojë modelin e ri të Inteligjencës Artificiale, Llama 4.X, deri në fund të vitit, duke e bërë këtë një nga projektet kryesore të laboratorit të ri të kompanisë, Meta Superintelligence Labs (MSL).

Modeli i ri, i cili brenda Meta-s njihet edhe si Llama 4.5, po zhvillohet nga një nën-grup i veçantë i quajtur TBD.

Pas lançimit të serisë Llama 4 në prill, e cila u prit me kritika për performancën e kufizuar në detyra praktike, Meta synon që versioni i ri të korrigjojë këto mangësi dhe të sjellë përmirësime të dukshme.

Kompania kishte parashikuar gjithashtu një model tjetër, të quajtur Behemoth, por sipas raportimeve, lansimi i tij është shtyrë.

Në korrik, CEO i Meta-s, Mark Zuckerberg, deklaroi se MSL është ngritur për të zhvilluar gjeneratën e ardhshme të modeleve të AI-së dhe se përparimet drejt Llama 4.1 dhe 4.2 po ecin me ritëm të mirë.

Kreu i MSL, Alexandr Wang, ka theksuar se ekipi TBD po punon për “trajnimin dhe shkallëzimin e modeleve të mëdha drejt superinteligjencës”.

Megjithatë, edhe pse Meta ka ofruar paketa milionëshe për të rekrutuar ekspertë të AI nga OpenAI dhe Google DeepMind, laboratori i ri tashmë ka humbur disa punonjës të rëndësishëm.

Deri tani, të paktën tetë inxhinierë, studiues dhe një drejtues i lartë produkti kanë lënë kompaninë brenda vetëm dy muajve të fundit.

Sinjali – aty ku e vërteta flet para lajmit!

/GazetaSinjali/

The post Meta planifikon të lansojë modelin e ri të Inteligjencës Artificiale Llama 4.X deri në fund të vitit appeared first on Sinjali.

Presidenti Donald Trump ka vendosur të anulojë mbrojtjen e ‘Secret Service’ për ish-Zëvendëspresidenten Kamala Harris, vetëm shtatë muaj pas largimit të saj nga detyra.

Vendimi ka shkaktuar polemikë të fortë në politikën amerikane, pasi Harris pritet të nisë së shpejti një turne të gjerë kombëtar për promovimin e librit të saj, “107 Days”, që rrëfen periudhën e shkurtër dhe të tensionuar të kandidaturës së saj presidenciale në vitin 2024, analizon BBC.

Çfarë thotë ligji?

Ligji federal i vitit 2008 parashikon që ish-zëvendëspresidentët dhe familjet e tyre gëzojnë mbrojtje nga Secret Service për gjashtë muaj pas përfundimit të mandatit të tyre. Ky afat mund të zgjatet në raste të veçanta, kur Sekretari i Sigurisë Kombëtare vlerëson se ekziston rrezik i shtuar.

Sipas burimeve të CNN, Joe Biden, pak para largimit nga Shtëpia e Bardhë në janar 2025, kishte firmosur një urdhër të fshehtë për zgjatjen me një vit të mbrojtjes për Harris, një vendim që tani Trump e ka anuluar.

A përballet Harris me kërcënime reale?

Ndërsa një vlerësim i fundit i kërcënimeve nuk ka identifikuar ndonjë rrezik të menjëhershëm ndaj Harris, burime nga stafi i saj janë shprehur se pozita e saj si gruaja e parë dhe personi i parë me ngjyrë që ka shërbyer si zëvendëspresidente e bën atë një figurë të ekspozuar ndaj kërcënimeve të urrejtjes.

Në vitin 2024, disa individë u arrestuan për kërcënime të drejtpërdrejta ndaj saj, përfshirë plane për atentat dhe përhapje videosh me armë dhe gjuhë të dhunshme.

Zemërim në Kaliforni:

Guvernatori i Kalifornisë, Gavin Newsom, dhe kryetarja e bashkisë së Los Angeles, Karen Bass, kanë reaguar ashpër ndaj këtij vendimi, duke e quajtur “politikisht të motivuar dhe hakmarrës”.

“Siguria e zyrtarëve publikë nuk duhet të jetë lojë politike. Ky është një vendim i rrezikshëm dhe i motivuar nga mllefi politik,” – u shpreh zëdhënësi i Newsom për CNN.

Trump: Shërbimi Sekret është i mbingarkuar

Sipas analistit Ronald Kessler, i cili ka shkruar për Shërbimin Sekret, vendimi ka një anë praktike: agjencia është e mbingarkuar dhe nën presion logjistik.

“Turneu i librit të Harris do të kërkonte qindra orë pune, dhjetëra makina dhe agjentë që ta shoqëronin në qytete të ndryshme. Është barrë e madhe për një agjenci tashmë të shtrirë në maksimum,” u shpreh ai për BBC.

Kessler shtoi gjithashtu se Trump ka hequr mbrojtjen edhe për figura të tjera, përfshirë Hunter dhe Ashley Biden, si dhe ish-zyrtarë të administratës së vet si Mike Pompeo dhe Anthony Fauci, duke e portretizuar vendimin si pjesë e një spastrimi politik të gjerë.

Presidentët mbrohen përjetë – zëvendësit jo

Ndryshe nga ish-zëvendëspresidentët, ish-presidentët amerikanë gëzojnë mbrojtje të përhershme nga Secret Service. Kjo falë një ligji të nënshkruar nga Barack Obama në vitin 2013, që riktheu mbrojtjen e përjetshme të liderëve të mëparshëm të Shtëpisë së Bardhë.

Vetëm Richard Nixon në vitin 1985 kishte zgjedhur të heqë dorë vullnetarisht nga kjo mbrojtje, për të kursyer buxhetin e agjencisë.

Për momentin, Kamala Harris do të jetë e detyruar të kërkojë mbrojtje private për të përballuar turin e saj mediatik, një kosto që, sipas ekspertëve, mund të arrijë miliona dollarë në vit.

Sinjali – aty ku e vërteta flet para lajmit!

/GazetaSinjali/

The post Pse Trump hoqi mbrojtjen nga Shërbimi Sekret për Kamala Harris? appeared first on Sinjali.

Kandidatja për kryetare të Komunës së Deçanit, Natyra Kuçi, ka kritikuar kryetarin aktual, Bashkim Ramosaj, duke thënë se ai mban shumë para në dorë.

Ajo ka bërë të ditur se Ramosaj zotëron një veturë në vlerë prej 18 mijë eurosh dhe ka të kursyera edhe 10 mijë euro të tjera.

“Nëse një kryetar ka të hyra 20 mijë euro vjetore, si mundet me ble veturën 18 mijë euro edhe me i kursy në llogari bankare 10 mijë euro”, tha Kuçi.

Sipas saj, Ramosaj e arrin këtë përmes mënyrës së tij të menaxhimit: “Ai se prek fare rrogën se ka shumë para kesh në dorë”, shtoi ajo në një video.

Në fund, Kuçi i ka bërë thirrje Ramosajt për një përballje në debat, duke kërkuar sqarime për akuzat e ngritura.

Sinjali – aty ku e vërteta flet para lajmit!

/GazetaSinjali/

The post “Bashkim Ramosaj ka shumë pare kesh nëpër dorë” appeared first on Sinjali.

Një aventurier britanik, Graham Hughes nga Liverpuli, ka hyrë në Librin e Rekordeve Guinness si personi i parë në botë që ka vizituar çdo vend të globit pa përdorur asnjëherë avionin.

Hughes udhëtoi në 193 shtetet anëtare të OKB-së dhe në disa territore të tjera, duke e çuar numrin e vizitave në 201 vende. Ai nisi aventurën më 1 janar 2009 dhe pas katër viteve e 31 ditësh, e përfundoi rrugëtimin e tij të jashtëzakonshëm, duke shpenzuar rreth 28,000 paund.

Për të arritur këtë mision, ai përdori vetëm transport tokësor e detar, si autobusë, trena, tragete e madje edhe anije peshkimi. Gjatë udhëtimeve hasi në shumë pengesa, u arrestua në disa vende dhe përjetoi situata të rrezikshme, por nuk e ndali vendosmëria e tij.

Brenda një viti të vetëm, Hughes arriti të vizitojë 133 vende duke përdorur transport publik, gjë që i siguroi edhe një rekord tjetër Guinness.

Aventurieri tha se frymëzimin e mori nga një shfaqje televizive e Michael Palin, si dhe nga udhëtimet e hershme me familjen në Evropë. Sipas tij, ky udhëtim dëshmon se një ëndërr e madhe mund të realizohet edhe me pak mjete financiare, për sa kohë që ka vendosmëri dhe kreativitet./KultPlus.com

Në vitet 1950, Marie Tharp kishte një ëndërr të eksploronte oqeanet. Por si grua në atë kohë, asaj iu mohua mundësia të shkonte në ekspedita detare. Ndërsa burrat mblidhnin të dhëna me sonar mbi anijet kërkimore, Tharp qëndronte në një zyrë të qetë, duke i kthyer rreshtat e pafund të shifrave në harta.

Ajo që vizatoi ndryshoi përgjithmonë shkencën. Përmes punës së saj të përpiktë, Tharp zbuloi ekzistencën e një lugine të madhe të çarë në mes të Atlantikut, pjesë e një zinxhiri malor nënujore që shtrihej nëpër oqeane. Në fillim, gjetjet e saj u përbuzën si “biseda grash”. Por me kalimin e kohës, kur provat u shtuan, hartat e saj u kthyen në dëshmi të pakundërshtueshme për teorinë e tektonikës së pllakave, një nga revolucionet më të mëdha në shkencat e tokës, shkruan KultPlus.

Në vitin 1977, u botua Harta Botërore e Dyshemesë së Oqeanit, një portret mahnitës i botës së fshehur nën detet e planetit. Sot, puna e saj vazhdon të jetë bazë edhe për teknologjitë moderne si Google Ocean.

Trashëgimia e Marie Tharp-it mbetet një dëshmi frymëzuese: për të ndryshuar botën nuk mjafton leja, por këmbëngulja, vizioni dhe guximi për të parë atë që të tjerët refuzojnë ta besojnë./KultPlus.com

Kryetarja e komanduar e bashkisë së Tiranës, Anuela Ristani ka bërë një thirrje për qytetarët që të tregojnë kujdes për shkak të motit të përkeqësuar që pritet në ditët në vijim.

Sipas buletinit të Shërbimit Meteorologjik Ushtarak, nga data 29 gusht deri më 2 shtator vendi do të përballet me situata të vështira atmosferike, me reshje shiu me intensitet të lartë.

“Të dashur qytetarë. Sipas Buletinit Meteorologjik të Shërbimit Meteorologjik Ushtarak, për periudhën 29 Gusht 2 Shtator priten situata të vështira atmosferike me reshje shiu me intensitet të lartë.

Ju këshillojmë të tregoni kujdes gjatë këtyre ditëve, të shmangni lëvizjet e panevojshme në zonat me rrezik përmbytjeje dhe të merrni masat e nevojshme për sigurinë tuaj dhe të familjeve tuaja”, shprehet Ristani.

Ajo garantoi se strukturat e bashkisë së Tiranës dhe emergjencat civile janë në gatishmëri të shtuar për menaxhimin e situatës.

“Strukturat e Bashkisë dhe Emergjencat Civile janë në gatishmëri të shtuar për menaxhimin e situatës.

Për çdo rast emergjent, mund të kontaktoni në numrat:

112 – Emergjencat Civile

127 – Urgjenca Mjekësore

128 – Policia

The post Reshjet e shiut, edhe Tirana në alarm: Evitoni lëvizjet e panevojshme, bashkëpunim me emergjencat civile appeared first on Albeu.com.

Një zjarr është regjistruar mbrëmjen e sotme në Nikël. Mësohet se zjarri ka rënë në një kanal i cili është i mbushur me mbeturina dhe me shkurre. Zjarri dyshohet se ka qenë i qëllimshëm. Zjarri është përhapur me shpejtësi për shkak të mbetjeve që ndodheshin në zonë. Në afërsi të vatrës së zjarrit ka disa banesa të cilat rrezikohen nga flakët.

Gjithashtu bëhet me dije se pranë zjarrit është edhe një kabine elektrike. Në vendngjarje kanë mbërritur zjarrikësit të cilët po ndërhyjnë për izolimin e flakëve. Sipas raportimeve zjarri po përparon pasi është në disa vatra. Autoritetet gjithashtu kanë nisur hetimet në lidhje me zjarrin dhe kapjen e personave që mund të kenë shkaktuar zjarrin nëse rezulton i qëllimshëm.

The post Përfshihet nga flakët një kanal me mbeturina në Nikël, dyshohet për zjarrvënie, në rrezik banesat përreth appeared first on Albeu.com.

Kapiteneria e Portit Sarandë ka dalë me një njoftim lidhur me ndryshimet e motit që priten të ndodhin në fundjavë. Në njoftim bëhet me dije se për shkak të përkeqësimit të kushteve atmosferike dhe detare do të ndalohet çdo dalje në det e mjeteve lundruese, përfshirë mjetet turistike, peshkarexhat dhe skafet e vogla.

Ky ndalim vlen për të gjithë gjirin dhe zonën bregdetare të Sarandës, Ksamilit dhe Borshit. Sipas njoftimit ndalimi i daljes në det të mjeteve hy në fuqi nesër në orën ora 06:00. Ky udhër ndalimi do të jetë aktiv deri në një përmirësim të kushteve detare i cili më pas do të njoftohet me një reagim tjetër.

The post Ndryshimi i motit në fundjavë, Kapiteneria e Portit Sarandë: Ndalohet çdo dalje në det e mjeteve lundruese! appeared first on Albeu.com.

Policia e Kosovës ka kryer bastisje në shtëpinë e serbes Ana Murganiq, e cila, së bashku me të dashurin e saj, J.I., pjesëtar i forcave ajrore kroate, u arrestua në Kroaci nën akuza për spiunazh në favor të Serbisë.

Zëvendësdrejtori i Policisë për rajonin e Veriut, Veton Elshani, i tha Sinjalit se bastisjet u kryen më 27 gusht rreth orës 20:00.

Ai bëri të ditur se gjatë kontrollit në shtëpinë e të dyshuarës janë gjetur sprej dhe fishekë.

Më 28 gusht, Prokuroria e Qarkut në Split njoftoi se ndaj të dyshuarve është caktuar masa e paraburgimit.

Sipas medias kroate Index, J.I., i cili në Kosovë ka shërbyer në kuadër të misionit paqeruajtës të NATO-s, KFOR, kishte dhënë informacione konfidenciale partneres së tij, të cilat ajo më pas ua ka përcjellë anëtarëve të Listës Serbe.

Sinjali – aty ku e vërteta flet para lajmit!

/GazetaSinjali/

The post Policia e Kosovës bastis shtëpinë e të arrestuarës për spiunazh për Serbinë, gjenden sprej e fishekë appeared first on Sinjali.

Gazeta Sinjali raportoi gjatë ditës së djeshme për një skenë të pazakontë që ka ndodhur të mërkurën pasdite në Prizren, ku një 28-vjeçar ka përfunduar në pranga pasi sulmoi fizikisht zyrtarët policorë.

Sinjali mësoi ekskluzivisht se bëhet fjalë për Taner Çusen, 28 vjeçar, i cili u ndalua në pikën e kontrollit nga patrulla policore në rrugën “Adem Jashari”.

Lidhur me rastin, Gjykata në Prizren ka vendosur një muaj paraburgim për të. Sinjali mëson se Çuse ka të kaluar kriminale, një fakt që është marrë parasysh si rrethanë rënduese gjatë vlerësimit të kushteve ligjore për paraburgimin.

Siç raportoi Sinjali, pas shqiptimit të një gjobe për kundërvajtje, ai e shqeu gjobën para policëve dhe iu afrua me sjellje arrogante, duke i sulmuar fizikisht ata.

Si pasojë, dy zyrtarë policorë kanë pësuar lëndime të lehta trupore. Megjithatë, patrulla ka arritur ta fusë nën kontroll të dyshuarin, i cili është shoqëruar në zyrat e hetimeve rajonale.

Ekskluzive: Ky është 28-vjeçari që sulmoi policët në Prizren

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Një muaj paraburgim për Taner Çusen, 28-vjeçarin që sulmoi policët në Prizren appeared first on Sinjali.