Zia ka pllakosur në familjen e këngëtarit Butrinti Imeri pasi mësohet se është ndarë nga jeta gjyshja e artistit.

Lajmin e ka bërë të ditur vetë këngëtari, i cili përmes një postimi në rrjet njofton ndarjen nga jeta të gjyshes së tij, një ngjarje e cila e tronditur.

Teksa publikoi foton e gjyshes, Butrinti shkruan se ndonëse gjyshja mbylli sytë përgjithmonë, ai do ta kujtojë gjithë jetën për mirësinë, kujtimet dhe buzëqeshjen që ajo u mësoi pasardhësve të saj.

“Gjyshja ime, ti më ke mësuar se çfarë është dashuria e pastër dhe mirësia. Shpirti yt i bardhë na ka pritur me buzëqeshje, ngrohtësi dhe dashuri të pakufizuar. Nanushi im, faleminderit për të gjitha kujtimet dhe momentet që i kemi kaluar bashkë.

Do të më mungosh përjetë, ti sot je larguar prej neve vetëm fizikisht, sepse çdo sekond të jetës ti je pjesë e pandarë e shpirtit tonë. Pushofsh e qetë në paqe, gjyshja ime e dashur. Allahu të mëshiroftë dhe ta dhuroftë parajsën e merituar. Do të të dua pafundësisht përgjithmonë”, shkruan Butrinti në reagimin e tij.

Newsbomb.al i shpreh ngushëllime familjes për humbjen e njeriut të tyre të zemrës.

The post Zi në familjen e Butrint Imerit, këngëtari ndan lajmin e trishtë: Nanushi im faleminderit për kujtimet, Allahu të mëshiroftë parajsën appeared first on Albeu.com.

Dashi

Do keni nevoje për me shume siguri sot ne jetën tuaj ne çift ne mënyrë qe te merrni vendime te rëndësishme. Thuajani partnerit këtë. Beqaret do jene shume joshës dhe do kenë fat ne dashuri. Jeta e tyre do marre një tjetër kthese edhe me te bukur. Ne planin financiar fati do jete ne anën tuaj kështu qe nuk do keni për çfarë te shqetësoheni. Mund te kryeni edhe shpenzimet me te domosdoshme.

Demi

Si ju ashtu edhe partneri juaj do keni te njëjtat synime për te ardhmen dhe do ecni ne te njëjtin drejtim. Marrëdhënia mes jush do jete me e qëndrueshme se me pare. Beqaret do kenë takime impresionuese te cilat do i lënë me goje hapur. Shfrytëzojini! Ne planin financiar duhet te bëni kujdes me shpenzimet apo dhëniet e huave. Tregohuni me largpamës.

Binjaket

Dite shume e vështirë dhe e mbushur me probleme te shumta kjo e sotmja për te dashuruarit. Nuk do jeni për asnjë moment te qete dhe kjo do ju mundoje pa mase. Beqaret do bëjnë sakrifica jashtë çdo kufiri për te gjetur dashurinë, por serish nuk do ja dalin dot mbanë. Ne planin financiar nuk është momenti për te marre hua edhe nëse situata do jete e vështirë.

Gaforrja

Do jeni te vendosur te merrni ne dore fatin e jetës suaj sentimentale sot dhe do arrini te vini nen kontroll gjithçka. Do e afroni me tepër pas vetes partnerin dhe gjerat do shkojnë me mire se kohet e fundit. Beqaret do kenë mundësi te njihen me persona serioze, te dashur dhe me para. Nëse nuk tregoheni te arsyeshëm me shpenzimet do keni probleme te mëdha financiare.

Luani

Ne përgjithësi e vlerësoni mjaft partnerin tuaj për sjelljen e tij ndaj jush, por sot ne ndikimin negativ te planetëve do e kritikoni atë dhe nuk do jeni te kënaqur. Beqaret do qëndrojnë gjithë kohës ne pritje, por nuk do e gjejnë personin e tyre te ëndrrave. Ne planin financiar nuk duhen filluar operacione te rrezikshme. Prisni edhe pak kohe.

Virgjeresha

Te gjithë planetët do jene te pozicionuar mire sot ne jetën tuaj ne çift. Gjithçka do shkoje sipas parashikimeve dhe zemra do rrahe me shpejt. Për beqaret gjithçka do ndodhe si me magji. Ne ndonjë moment do iu duket vetja sikur jeni ne një film romantik. Financat nuk do jene ne gjendjen me te mire pers hak te disa vonesave ne marrjen e te ardhurave.

Peshorja

Sot do qëndroni me tepër kohe me partnerin tuaj dhe do flisni gjere e gjate për te ardhmen. Ne mbrëmje mund te merrni një surprize te këndshme e cila do e ndeze atmosferën. Beqaret do kenë një dite te ngarkuar me pune dhe angazhime e nuk do kenë kohe te mendojnë për dashurinë. Ne planin financiar mos prisni qe situata te përmirësohet vete, por merrni sa me shpejt masa.

Akrepi

Fale konfigurimit te yjeve, sot do kaloni nga njëra surprize tek tjetra, por edhe nga një debat tek tjetri. Mos u alarmoni për këtë fakt sepse ne fund te ditës do ngeleni me një shije te mire. Beqaret do kenë me shume fat se te gjithë dhe do takojnë me ne fund princin e tyre te kaltër. Ne planin financiar mos harroni te shihni njëherë buxhetin para se te shpenzoni.

Shigjetari

Kjo e sotmja do jete një dite e mrekullueshme për ata qe janë ne një lidhje. Atmosfera ne mbrëmje nuk do jete e ngrohte, por e zjarrte. Përgatituni për kënaqësi pa fund. Edhe beqaret do kenë një dite me fat dhe te mbushur me takime impresionuese. Ne planin financiar priten përmirësime për shkak te një projekti te suksesshëm qe do përmbyllni.

Bricjapi

Marrëdhënia ne çift ka shume gjasa te përmirësohet gjate kësaj dite. Do ndiheni me te afërt me njeri-tjetrin dhe do bashkëpunoni mjaft. Beqaret do jene te parrezistueshem dhe do marrin propozime te shumta. Përfitoni nga ky fakt për te bere zgjedhjen e duhur. Një pakujdesi e vogël me financat mund t’iu kushtoje shume. Shikoni buxhetin para se te shpenzoni.

Ujori

Konfigurimi i yjeve do jete mjaft pozitiv gjate kësaj dite për jetën tuaj ne çift. Fati do iu buzëqeshë dhe do ia kaloni me se miri nen praninë e atij qe dashuroni. Beqaret do jene luftarake dhe do arrijnë ta bëjnë për vete atë qe kane pëlqyer prej kohesh. Ne planin financiar edhe pse me shume vështirësi do arrini t’i bëni balle tundimit dhe te shmangni shpenzimet e mëdha.

Peshqit

Ka shume mundësi qe sot te qëndroni larg partnerit tuaj dhe te reflektoni me kujdes mbi ato qe do bëni ne te ardhmen. Do i kuptoni edhe disa gabime qe keni bere. Për beqaret dita do jete si gjithë te tjerat dhe nuk do ketë surpriza te mëdha. Beni pak me tepër durim! Financat nuk do jene te këqija, megjithatë mendoni edhe për te ardhmen dhe kursehuni me shpenzimet.

The post Horoskopi 24 Qershor 2026/ Dita do të jetë e favorshme, në një takim në dashuri appeared first on Albeu.com.

Protestuesit janë zhvendosur para Kryeministrisë, ndërsa gjatë marshimit të tyre kanë bërë thirrje për dorëheqjen e kryeministrit Edi Rama.

Ata kanë nisur fjalimet e tyre para godinës qeveritare, ndërsa qindra mijëra qytetarë kanë mbushur bulevardin. Me pankarta në duar dhe flamuj kuqezi ata kanë bërë thirrje për ndryshim.

The post Protestuesit zhvendosen para Kryeministrisë, nisin fjalimet: Edi Rama jep dorëheqjen! appeared first on Albeu.com.

Ditën e mërkurë vendi ynë do të ndikohet nga pothuajse e njëjta situatë meteorologjike me mot relativisht të paqëndrueshëm.

Moti parashikohet fillimisht i kthjellët si dhe alternime vranësirash mesatare deri të dendura në pjesën më të madhe të territorit nga orët e mesditës deri pasdite, më të theksuara në lindje e jug.

Në mesditë deri pasdite reshje shiu afatshkurtra me intensitet të ulët dhe kryesisht në formë pikash në pjesën më të madhe të territorit.

Përgjatë relieveve malore në juglindje-jug reshjet në formën e shtrëngatave shoqëruar me shkarkesa elektrike. Temperaturat maksimale pritet të arrijnë deri në 36 gradë celcius, ndërsa ato minimale në 17 gradë celcius.

Era do të fryjë me drejtim kryesor veriperëndim-juglindje me shpejtësi mesatare 7 m/s, përgjatë vijës bregdetare në veriperëndim era hera-herës me shpejtësi deri në 10 m/s.

The post Temperatura përvëluese/ Zbuloni parashikimin e motit, për ditën e nesërme appeared first on Albeu.com.

Një aksident rrugor ka ndodhur ditën e sotme, ku një furgon që transportonte turistë është përplasur me një autoveturë. Nga të dhënat e para nga vendngjarja, mësohet se si pasojë e përplasjes kanë mbetur të lënduar lehtë dy persona.

Mësohet se, ata janë dërguar menjëherë në Spitalin Rajonal të Gjirokastrës, ku kanë marrë asistencën e nevojshme mjekësore dhe ndodhen jashtë rrezikut për jetën.

Siç shihet edhe nga pamjet, dëmet materiale në të dy mjetet e përfshira në aksident janë të konsiderueshme. Ndërkohë, grupi hetimor po punon për zbardhjen e shkaqeve dhe rrethanave të plota të këtij aksidenti.

The post Aksident në aksin Gjirokastër-Tepelenë/ Mikrobusi i turistëve përplaset me një makinë, plagosen dy persona appeared first on Albeu.com.

Dashi

Bëni kujdes! Në muajt e kaluar nuk kanë munguar konfliktet në dashuri. Por mos u druani, pasi me maturinë e duhur do të përjetoni ditë interesante. Nuk do të mungojnë as mundësitë që kanë të bëjnë me punën. Gjërat do të ecin gradualisht.

Demi

Hënën nuk e keni më kundër, por bëni kujdes që të mos bini pre e provokimeve. Sa i takon punës, nëse jeni përballur me një pakënaqësi, mundohuni që të kuptoni nëse është rasti për të arritur një marrëveshje.

Binjakët

Nëse jeni duke përjetuar një histori dashurie konfliktuale, përgatituni për tu përballur me një ditë të vështirë. As në punë nuk do të jeni të qetë, ndaj mundohuni që të ecni përpara me vendosmëri, edhe pse ndonjë problem mund të mos ketë gjetur zgjidhje.

Gaforrja

Në dashuri ju pret një ditë e favorshme. Mundohuni që të mos përballeni me debate të vështira. Në punë, ndryshimet do të nisin duke filluar nga data 27 shtator, ku do të merrni propozime interesante.

Luani

Hëna do të jetë në anën tuaj, ndaj nëse është dikush që ju intereson, guxoni më shumë. Sa i takon punës, do të ndiheni disi të lodhur. Por nga ana tjetër, jeni vetëm në mes të javës, ndaj bëni durim!

Virgjëresha

Ju pret një ditë e vështirë në dashuri, ku gjatë saj do të vihet në provë durimi juaj. Në punë dhe në sferën financiare, mundohuni që të tregoheni të kujdesshëm, pasi do të ketë shpenzime.

Peshorja

Muaji gusht mbarti për të lindurit e kësaj shenje një sërë problemesh. Por nëse një dashuri është ende në këmbë, mundohuni që të investoheni. Sa i takon punës, nëse ju ftojnë që të bëni diçka interesante mos hezitoni, por mundohuni që të mos bini në kundërshti me atë që mendoni.

Akrepi

Në dashuri do të ketë pakënaqësi. Por rrini të qetë, pasi që nga 2 korriku, situata do të përmirësohet. Në punë, duhet të bëni kujdes dhe të mos hidhni hapa të gabuar.

Shigjetari

Hëna dhe Venusi janë në anën tuaj dhe kjo do të thotë vetëm një gjë, ditë pozitive për dashurinë dhe emocionet, shkruan noa.al. Sa i takon punës, do të keni mundësi që të bëni një projekt të ri për të ardhmen.

Bricjapi

E marta paraqitet një ditë mjaft premtuese për dashurinë, ndërsa tetori do të jetë i mbushur me pasion. Sa i takon punës, mos bëni hapa të nxituar nëse jeni në krizë. Nuk do të vonojnë zgjidhjet e rëndësishme, por bëni durim.

Ujori

Do të shfaqni interes më të madh për dashurinë, në raport me orët e kaluar. Në punë, kush ju ka lënduar, shumë shpejt do të ndëshkohet. Por pavarësisht kësaj ndiheni të acaruar, ndaj bëni mirë që të relaksoheni.

Peshqit

Në dashuri do të dominojë nervozizmi. Bëni mirë që të ruani qetësinë. Edhe në punë, mundësitë e reja nuk do të mungojnë. Ndoshta mund të merrni një lajm të mirë, brenda fundit të muajit. Edhe ata që janë të përfshirë në studime, yjet i kanë në anën e tyre.

The post Horoskopi 23 Qershor 2026/ Dita do të jetë e favorshme, në një takim në dashuri appeared first on Albeu.com.

Belgjika i ka lëshuar viza një delegacioni taleban për të marrë pjesë në një takim për migracionin në Bruksel, duke i hapur rrugën vizitës së parë të përfaqësuesve talebanë në një aktivitet të organizuar nga BE-ja që kur grupi u rikthye në pushtet në Afganistan në vitin 2021.

Bisedimet e planifikuara kanë shkaktuar kritika nga organizatat e të drejtave të njeriut, të cilat argumentojnë se angazhimi me talebanët rrezikon të minojë angazhimin e Bashkimit Evropian ndaj të drejtave të njeriut.

Megjithatë, qeveria belge tha se miratoi pesë viza për anëtarët e delegacionit pasi vlerësimet e sigurisë nuk gjetën prova se individët përbënin kërcënim. Vizat janë të kufizuara rreptësisht, duke lejuar hyrjen vetëm në Belgjikë, jo në Zonën më të gjerë Shengen, dhe janë të vlefshme për një ditë të vetme.

Sipas mediave të huaja, zyrtarët belgë kanë refuzuar të zbulojnë datën e saktë të vizitës, duke përmendur shqetësime sigurie. Megjithatë, burime të BE-së thonë se takimi pritej të zhvillohej menjëherë pas lëshimit të vizave.

Sipas zyrtarëve evropianë, diskutimet do të përqendrohen në migrimin dhe kthimin e mundshëm të shtetasve afganë që nuk kanë të drejtë të qëndrojnë në Bashkimin Evropian. Në maj, Komisioni Evropian njoftoi “qëllimin e tij për të ftuar zyrtarët talebanë në Bruksel në të ardhmen e afërt për diskutime në lidhje me kthimin e migrantëve në Afganistan”.

Komisioni Evropian ka theksuar se takimi po mbahet në një nivel teknik dhe nuk përbën njohje formale të qeverisë talebane. Zyrtarët e BE-së kanë thënë vazhdimisht se bisedimet kanë për qëllim të adresojnë çështjet praktike të migracionit dhe jo marrëdhëniet diplomatike me sundimtarët e Afganistanit.

Çështja mbetet shumë e ndjeshme sepse talebanët janë përballur me kritika të gjera ndërkombëtare që kur kanë rifituar pushtetin. Ata vendosën kufizime të ashpra ndaj grave dhe vajzave, duke përfshirë kufizime në arsim, punësim dhe liri lëvizjeje.

The post Belgjika lëshon viza për delegacionin e talebanëve për bisedimet e BE-së për migracionin appeared first on Albeu.com.

Një sherr me grushte ka ndodhur mbrëmjen e kësaj të hëne në bulevardin “Ismail Qemali”, në lagjen Lef Sallata në Vlorë. Bëhet me dije se disa persona janë përfshirë në një përplasje me njëri-tjetrin, duke shkaktuar tension dhe shqetësim në zonë.

Menjëherë pas njoftimit, në vendngjarje kanë mbërritur forcat e Policisë, të cilat kanë ndërhyrë për të neutralizuar situatën dhe për të parandaluar përshkallëzimin e konfliktit. Personat e përfshirë janë shoqëruar në komisariat, ku po merren në pyetje për të sqaruar rrethanat e ngjarjes. Sakaq, policia po vijon hetimet për zbardhjen e plotë të ngjarjes.

The post Plas sherri me grushte në Vlorë, policia shoqëron në komisariat disa qytetarë appeared first on Albeu.com.

Një nga përballjet më të forta në Post Ferma VIP ishte ajo mes Vanesës dhe Indrit, të cilët sqaruan publikisht raportin e tyre pas përfundimit të spektaklit.

Vanesa u shpreh e zhgënjyer nga sjellja e Indrit pas daljes nga ferma, duke deklaruar se kishte investuar maksimalisht në marrëdhënien e tyre, ndërsa sipas saj ai e harroi gjithçka sapo ajo u eliminua.

Nga ana tjetër, Indri mohoi se kishte luajtur me ndjenjat e saj dhe këmbënguli se çdo gjë që kishte thënë brenda fermës ishte e sinqertë.

Indri pranoi se kishte gabuar me mënyrën se si kishte vepruar pas largimit të Vanesës, por mohoi që Klevisa të kishte qenë arsyeja e krisjes së raportit të tyre.

Pjesë nga biseda:

Florian Agalliu: Pasi u eliminove, si e le marrëdhënien?

Vanesa: Ne ishim shumë, shumë mirë. Përgjatë gjithë javës së fundit unë i jam dhënë 150% Indrit dhe deri në ditën e fundit meraku im ka qenë si ishte ai.

Kur kam dalë, kam lënë amanet rrobat dhe fizikën e Indrit.

Pesë minuta që dola, pastaj ishte kështu si një pluhur, u harrua çdo gjë që kishte ndodhur këtu brenda.

Florian Agalliu: Ju keni komunikuar gjatë kësaj kohe që keni qenë jashtë?

Vanesa: Kemi pasur një bisedë te after party. Një bisedë shumë të shkurtër, pesë minuta.

Në ato pesë minuta vërtetova edhe njëherë atë që kisha krijuar, ishte shumë i ftohtë në logjikën, në atë që thoshte. Kuptova që s’kishte pasur pikë ndjenje.

Indri: Unë e kuptoj Vanesën, më vjen shumë keq. Unë të gjitha gjërat që t’i kam thënë ty, i kam thënë se i kam ndjerë vërtet. Nuk ka qenë strategji.

Vanesa: Ka qenë.

Indri: Unë nuk e kam fuqinë të të bëj ty të më besosh. Por unë po ta them në sy, letrën e kam shkruar unë me vullnetin tim.

Vanesa: Bravo, urime.

Indri: Unë kam pasur vërtet një pëlqim të madh për ty që në ditën 1, 2. Më ke pëlqyer shumë për vajzën që je, për artisten që je, për shpirtin e pastër që mendoj se e ke.

Ndodhi çfarë ndodhi… Ti je viktimë e atij problemi që unë kam pasur, e atij momenti.

Unë shumë, shumë herë të kam thënë ta marrim me qetësi, hap pas hapi. Ti s’e ke marrë me qetësi.

Vanesa: Më thuaj kur s’e kam marrë unë me qetësi?

Indri: Kemi pasur një disnivel.

Vanesa: Pse s’ma ke thënë brenda, por prite të dilja jashtë?

Indri: Në momentin që ti më thua “të dua”, “jam e përfshirë”… në momentin që unë s’të përgjigjem “të dua”, por them ta marrim me qetësi…

Vanesa: Jo, s’ma ke thënë.

Indri: Ka qenë një marrëdhënie njohjeje.

Vanesa: Nëse të pyesin: “Vanesa Sono çfarë e ke pasur?”, çfarë do thuash ti? Do thuash e kam pasur shoqe? Çfarë kemi qenë ne të dy?

Indri: Të dashur s’kemi qenë. Ajo që të kam dhënë unë ty ka qenë komplet prej shpirtit tim, të tëra momentet e bukura.

Vanesa: Ke dalë dhe ke thënë s’kam qenë i dashuruar. Si ke dhënë dashuri kur s’ke qenë i dashuruar?

Indri: Po, faji im është që s’kam rënë në dashuri me ty, o Vanesa?

Vanesa: Pika jote e fortë në lojë ishin marrëdhëniet romantike. Dhe the:

“Marrëdhënia romantike iku, çfarë të bëj unë tani?”. Po prit se kjo vajza, Klevisa, erdhi, ja ta shtyj deri në finale.

Indri: Klevisa s’ka lidhje me ndarjen tonë. Bëra gabim, shumë gabim që shpreha diçka të sinqertë për Klevisën.

Vanesa: Mua gjëja që më bezdisi më tepër se ndërprerja e marrëdhënies është, nga ana njerëzore, një seri gjërash që ti bëre.

Vjen Klevisa, pas pesë minutash që unë isha larguar, shkon merr Klevisën, harrove dhe patericën. Madje, në një moment the: “Shpëtova nga skemat”. Nga cilat skema?

The post “S’të kam thënë të dua”/ Indri përballet për herë të parë me Vanesën, zbulojnë bisedat pas daljes nga Ferma VIP appeared first on Albeu.com.

Ministri i drejtësisë, Toni Gogu, i ftuar në emisionin “Të Paekspozuarit” në MCN TV, hodhi poshtë kategorikisht kërkesën e protestuesve për dorëheqjen e Ramës dhe qeverisë.

Gogu tha se qeveria u mandatua pas zgjedhjeve të 11 majit dhe se detyra e Ramës është të qeverisë, sipas vullnetit të popullit.

Biseda:

Ylli Rakipi: Kërkesa e parë e protestuesve është dorëheqje e panegociueshme e kryeministrit dhe qeverisë. Nëse nuk bëhet kjo, bien kërkesat e tjera. Çdo kërkesë nis me dorëheqjen e qeverisë. E keni diskutuar këtë?

Toni Gogu: E kemi diskutuar në 11 maj kur vendosi populli. Aty u diskutua se kush do ta qeverisë Shqipërinë.
Detyra e kryeministrit është të qeverisë. Ka dy muaj që është në tur duke dëgjuar njerëzit. Ishte dy orë me banorët e Zvërnecit. U bëri thirrje protesuesve që janë aty për çështje konkrete, ejani të flasim. Kur kuptoi se ishin nën magjepsjen e algorithmit, atëherë detyra e kryeministrit është të qeverisë vendin.

Ylli Rakipi: Pra shkurt nuk e keni menduar ndonjëherë dorëheqjen.

Toni Gogu: Nuk është pjesë e rregullave të lojës.

The post “A e keni menduar dorëheqjen?”, Toni Gogu: Populli vendosi në 11 maj! Kryeministri ka detyrë të qeverisë vendin appeared first on Albeu.com.

Pasditen e sotme, juglindja e vendit është përfshirë nga reshje e dendura të shiut.

Si pasojë, ka pasur edhe rrëshqitje dherash në aksin rrugor Maliq-Gramsh, në afërsi të Shkëmbit të Dobërçanit.

Në terren janë angazhuar mjetet e Bashkisë së Maliqit dhe firmat nënkontraktore, të cilat po punojnë për pastrimin e rrugës.

Autoritetet u bëjnë thirrje drejtuesve të mjeteve të tregojnë kujdes të shtuar gjatë lëvizjes, veçanërisht në segmentet e prekura nga reshjet intensive.

The post Shiu i rrëmbyeshëm godet juglindjen, rrëshqitje dherash në aksin Maliq-Gramsh appeared first on Albeu.com.

Ambasadorja e Zvicrës në Shqipëri, Ruth Huber ka zhvilluar një vizitë në Korçë dhe është takuar edhe me kryebashkiakun Sotiraq Filo. Gjatë një deklarate për mediat, Huber u pyetur nga gazetarët se çfarë mendon për protestën dhe a ka diçka për t’i thënë qeverisë shqiptare.

Në përgjigje, Huber u shpreh se institucionet demokratike dhe pjesëmarrja e njerëzve në protesta, janë një element i rëndësishëm i çdo sistemi. Ajo theksoi ndër të tjera se Zvicra ka dhënë një mbështetje afatgjatë për shoqërinë civile, të cilët merren mes të tjerash, edhe me organizimin e protestave.

Pyetje: Pyetja jonë lidhet me protestën që po zhvillohet në Tiranë dhe në disa qytete të tjera të Shqipërisë. Çfarë mendoni për protestën, si e shihni atë në të ardhmen dhe a keni diçka për t’i thënë qeverisë shqiptare?

Ruth Huber: Kjo është një pyetje shumë politike dhe është e vështirë për t’u përgjigjur si një ambasadë e huaj. Natyrisht, ne përmes programit tonë të zhvillimit, gjithashtu forcojmë demokracinë, me mbështetjen tonë ndaj parlamentit kombëtar, ndaj parlamenteve lokale. Ne kemi një mbështetje afatgjatë për shoqërinë civile, kështu që instrumentet demokratike dhe pjesëmarrja e njerëzve në protesta janë një element i rëndësishëm i çdo sistemi, ashtu si edhe në sistemin tonë në Zvicër.

The post Ambasadorja e Zvicrës në Shqipëri pyetet për çështjen e Zvërnecit: Pjesëmarrja në tubime element i rëndësishëm i sistemeve demokratike appeared first on Albeu.com.

Një nga momentet më të komentuara të këtij sezoni të “Ferma VIP” ishte droni që mbërriti për këngëtaren Soni Malaj, duke nxitur menjëherë aludime të shumta në rrjetet sociale se pas surprizës fshihej kantautori Flor Mumajesi.

Megjithatë, sipas gazetarit Elton Tozaj, e vërteta mund të jetë krejt ndryshe nga ajo që është përfolur deri më tani.

Gjatë një lidhjeje së fundmi, Tozaj deklaroi se droni nuk është dërguar nga Flori Mumajesi, por nga vetë produksioni i spektaklit.

“Dronin s’ia ka çuar Flori. Ia ka çuar produksioni. Flori nuk vajti në dasmën e Klajdi Harunit, paska gjetur kohën për t’i bërë dedikime Soni Malajt?”, u shpreh gazetari.

Deklarata e tij ka hapur menjëherë debat në rrjet, pasi për javë të tëra publiku kishte aluduar se surpriza lidhej me Flor Mumajesin, për shkak të raportit të tyre të njohur ndër vite dhe simbolikës që u interpretua nga shumë ndjekës.

The post Habit gazetari: Dronin Soni Malajt nuk ia ka çuar Flor Mumajesi, ja kush fshihet pas tij appeared first on Albeu.com.

Dashi

Ditë pozitive për dashurinë. Nëse doni të takoni njerëz ose të shoqëroheni me ta, kjo është koha e duhur. Sa i përket punës, mundësi të reja janë në rrugë e sipër për ata që nuk kanë asnjë aktivitet profesional, edhe nëse janë me kohë të pjesshme.

Demi

Pas dy ditëve të vështira, tani është koha të shërohemi. Ju duhet të keni një partner solid për të shmangur çdo rrezik. Hëna është në të kundërt, prandaj është më mirë të mos adresoni ndonjë çështje të veçantë sot.

Binjakët

Akoma pak pozitivitet në dashuri. Sa i përket punës, do të përjetoni pak vështirësi. Ruani qetësinë, është një ditë vërtet e vështirë.

Gaforrja

Ju duhet të vendosni një pikë të plotë në historinë tuaj të dashurisë. Hëna është në një pozitë të mirë.

Luani

Nëse dashuria juaj është në krizë, dijeni se mund të rikuperohet. Atëherë do të jeni ju ai që do të kuptoni nëse është e përshtatshme të shikoni përreth jush, Venusi do t’ju ndihmojë. Sa për punën, mbërrijnë ditë pozitive. Por është më mirë të shmangni projekte që janë shumë kërkuese nga pikëpamja financiare.

Virgjëresha

Hëna është në favorin tuaj, pozitive për ndjenjat. Pozitivitet edhe në punë: dikush mund t’ju bëjë një propozim.

Peshorja

Dita e sotme është paksa e hutuar në dashuri, keni nevojë për konfirmim. Ndryshime të mundshme në frontin e punës deri në vjeshtë. Paralajmërim: është koha të lësh gjërat e tepërta.

Akrepi

Venusi nuk është akoma në shenjën tuaj. Nëse një histori dashurie sapo ka filluar, ju mund të keni dyshime dhe hutime.

Sa i përket punës, nëse e kuptoni që keni dhënë shumë dhe keni marrë pak, koha juaj ka ardhur: duhet ta bëni veten të dëgjuar.

Shigjetari

Nëse jeni duke kërkuar për një person kontakti këto janë ditët e duhura. Sa i përket punës, përpiquni të jeni të vëmendshëm ndaj propozimeve. Më shumë gatishmëri edhe nga të tjerët. Këto ditë mund të rishikoni një kontratë.

Bricjapi

Hëna është në gjendje të mire. Shfrytëzojeni atë. Lidhur me punën nëse keni procese gjyqësore në pritje është mirë të flisni me një noter / avokat.

Ujori

Ruani qetësinë, gjërat në dashuri do të përmirësohen nga e marta. Sa i përket punës, ju nuk ndiheni plotësisht të kënaqur. Ju jeni të lodhur, dita do të jetë e lodhshme.

Peshqit

Dita e sotme do të jetë një ditë pak e lodhshme dhe nervoze. Ka kohë për të dashur, duhen bërë gjërat me qetësi. Ndërsa për punën, jini të sigurt: lajmet e mira mund të vijnë deri në fund të muajit.

The post Horoskopi 22 Qershor 2026/ Dita do të jetë e favorshme, në një takim në dashuri appeared first on Albeu.com.

Të hysh në shtëpinë e dikujt është gjithmonë një rit i vogël. Lë pallton te hyrja, shkëmben buzëqeshje e përqafime, përpiqesh të ndihesh rehat dhe të përshtatesh me atmosferën familjare. Por kur i zoti i shtëpisë kërkon që të heqësh këpucët, atmosfera mund të ndryshojë në një çast. Nga njëra anë, heqja e këpucëve para se të hysh brenda është një gjest higjiene. Nga ana tjetër, është edhe një zakon që te disa njerëz krijon siklet, sikur të dalësh në çorape të të bënte të ndiheshe i zhveshur dhe i ekspozuar. Mes kulturave të ndryshme dhe rregullave të mirësjelljes në shtëpi, ja si mund ta bësh këtë kërkesë me takt dhe stil, pa cenuar mikpritjen dhe pa vënë në siklet askënd.

Të heqësh këpucët në shtëpi është, para së gjithash, çështje higjiene, sidomos kur jashtë bie shi apo dëborë dhe këpucët, patjetër, do të jenë të ndotura ,shpjegon arkitekti i interierit Paolo Rota. Por kjo ka të bëjë edhe me respektin për hapësirën, veçanërisht kur dyshemetë janë me parket, sepse druri është delikat dhe mund të njolloset ose dëmtohet lehtë, edhe nga takat. E njëjta vlen edhe për tapetet dhe moketin, ku këpucët mund të sjellin papastërti dhe lagështi.

Siç kujton eksperti, në shumë kultura, nga Azia te vendet skandinave, e deri në zona të caktuara alpine, kjo është pjesë e natyrshme e jetesës në shtëpi dhe lidhet me kujdesin për ambientin dhe respektin për ata që jetojnë aty. Për këtë arsye, këshilla e tij për të zotët e shtëpisë është e thjeshtë: ta shoqërojnë kërkesën me buzëqeshjen më të mirë dhe t’u ofrojnë miqve pantofla elegante ose çorape të buta, të pastra dhe në gjendje të mirë. Nuk është një detaj i vogël. Përkundrazi, komunikon vëmendje, kujdes dhe mikpritje, duke e kthyer një rregull që mund të duket i ngurtë në një përvojë komoditeti dhe stili. Në fund, kur të gjithë janë me pantofla ose çorape, atmosfera bëhet më e relaksuar dhe shtëpia ndihet vërtet si shtëpi.

Sipas përvojës së coach-it Davide Cortesi, “t’u kërkosh miqve të heqin këpucët mund të krijojë një siklet të lehtë te ata që nuk e kanë këtë zakon. Por, nëse menaxhohet me takt, ky ftesë, që nuk duhet të tingëllojë kurrë si urdhër, mund të komunikojë respekt, kujdes dhe një mikpritje autentike”.

Çelësi është mënyra si e thua. Kërkesa duhet formuluar me butësi dhe, kur është e nevojshme, shoqëruar me një arsye të thjeshtë që e bën të kuptueshme: për të ruajtur parketin, për të mbajtur të pastra tapetet, sepse është një traditë familjare, ose sepse në shtëpi ka fëmijë të vegjël dhe higjiena është prioritet.

Një tjetër sugjerim praktik është ta paralajmërosh lehtë qysh në momentin e ftesës, që i ftuari të vijë i përgatitur dhe të mos e ndjejë si imponim, por si pjesë e ritualit të mirëseardhjes. Po aq e rëndësishme është edhe logjistika: të ketë një stol të vogël, një bankinë ose një karrige pranë hyrjes, në mënyrë që miqtë të ulen dhe t’i heqin këpucët pa u ndier në siklet.

Janë këto imtësi që, së bashku, ndikojnë te ndjesia emocionale e të ftuarit dhe krijojnë një ambient të qetë, ku secili ndihet vërtet rehat. Në fund, pyetja nuk është nëse është pa edukatë, por si bëhet. Kur shoqërohet me kujdes, shpjegim të thjeshtë dhe një gjest mikpritjeje, heqja e këpucëve nuk e ftoh atmosferën. Përkundrazi, e bën më të ngrohtë.

The post Heqja e këpucëve në shtëpi, rregull higjiene apo mungesë mikpritjeje?! Ja çfarë thonë ekspertët… appeared first on Albeu.com.

Është mbajtur sot në kryeqytet dita e 22-të e protestës jopartiake.

Si çdo ditë tjetër, qytetarët nisën grumbullimin në sheshin “Skënderbej”, për të vazhduar më pas marshimin në bulevardin “Dëshmorët e Kombit”.

Gjatë marshimit, protestuesit u ndalën edhe në “Fan Zone”, aty ku i bënë thirrje tifozëve t’i bashkohen në tubim.

Më pas qytetarët u stacionuan para Kryeministrisë, aty ku mbajtën fjalimet.

Në protestën e sotme u regjistrua edhe një incident, ku një nga qytetaret, ndërsa po mbante fjalën dhe po i bënte thirrje administratës t’i bashkohej protestës, iu mor me forcë mikrofoni.

The post Dita e 22-të e tubimit në Tiranë, nga bulevardi ‘Dëshmorët e Kombit’ në ‘Qytet Studenti’, vijon marshimi i qytetarëve në kryeqytet appeared first on Albeu.com.

Kryeministri Edi Rama ka reaguar pas deklaratës së një prej protestuesve lidhur me incidentin e flamurit të Izraelit. Me anë të një postimi në Facebook, Rama ironizon deklaratën e njërit prej organizatorëve, Arben Kola, i cili deklaroi se në protestë ka pasur persona të infiltruar.

Kryeministri ngre pikëpyetjen: “Po ky vetë?”, ndërkohë shkruan më tej se se “flamingot” do të habiten me veten e tyre si ranë me kokë mes korbave e sorrave të shqiptarisë së rreme.

Postimi i Ramës:

Ouuu….. Po ky vetë?!
Avash avash, të gjithë do dalin!
Dhe flamingot do habiten me veten e tyre si ranë me kokë mes korbave e sorrave të shqiptarisë së rreme.

The post Rama tall protestuesit: “Flamingot” do të habiten me veten e tyre se si ranë mes korbave e sorrave të shqiptarisë së rreme appeared first on Albeu.com.

Supermodelja Naomi Campbell “i neglizhoi plotësisht” përgjegjësitë e saj si administratore e Fashion for Relief, tha Komisioni i Bamirësisë në një seancë dëgjimore.

Modelja tregoi se ishte e papërshtatshme për të drejtuar një organizatë bamirëse pasi “i neglizhoi plotësisht” përgjegjësitë e saj si administratore e projektit tani të mbyllur “Moda për Ndihmë”, tha rregullatori i organizatës bamirëse.

Komisioni i Bamirësisë i tha gjykatës se Naomi Campbell, e cila po përpiqet të rrëzojë një ndalim pesëvjeçar për menaxhimin e organizatave bamirëse , ishte “kryesisht përgjegjëse” për keqmenaxhimin dhe keqpërdorimin e fondeve në Fashion for Relief, të cilën ajo e themeloi në vitin 2015.

Sipas komisionit, Campbell tregoi “mungesën e kompetencës që pritet nga një administrator” kur ia la mbikëqyrjen e organizatës një administratori tjetër dhe nuk u përfshi mjaftueshëm edhe kur u bë e qartë se kishte probleme, shkruan The Guardian .

Avokatët e Naomi Campbell i hodhën poshtë pretendimet e komisionit, duke thënë se rregullatori po e trajtonte atë si një “frazë të shkurtër për të dhënë shembull”. Ata theksuan se ajo ishte viktimë e mashtrimit, se kishte bërë një gabim të ndershëm dhe se nuk kishte asnjë përfitim personal nga puna e organizatës.“Moda for Relief”, e cila mblodhi miliona paund për projekte kundër varfërisë përmes një serie ngjarjesh joshëse mode të sponsorizuara nga Campbell, u mbyll në mars të vitit 2024 pasi administratorët e emëruar nga komisioni e gjetën atë të falimentuar.

Raporti i komisionit mbi hetimin e Fashion for Relief, i publikuar gjashtë muaj më vonë, vuri në dukje menaxhimin kaotik financiar, parregullsitë dhe mbajtjen e dobët të të dhënave, duke përfshirë dështimin për të mbajtur llogaritë, procesverbalet e mbledhjeve dhe vendimet.

Në një rast, organizatës iu faturuan mijëra paund për përdorimin nga Campbell të dhomave luksoze të hoteleve, fluturimeve, trajtimeve në spa dhe cigareve. Edhe pse u mblodhën 4.8 milionë paund gjatë pesë viteve, organizatat bamirëse partnere, përfshirë Save the Children dhe Fondin e Kryetarit të Bashkisë për Londrën, morën vetëm 10 përqind të asaj shume.

Duke kundërshtuar ndalimin, avokatët e Campbell i thanë gjykatës se ajo ishte viktimë e një mashtrimi të përpunuar të kryer nga një tjetër administratore, Bianca Helmich, e cila dyshohet se falsifikoi dokumente dhe email-e dhe ia fshehu gjendjen financiare të organizatës.

Ata pretendojnë se Campbell u mbështet me mirëbesim te Helmich, atëherë një mik dhe këshilltar i ngushtë, për të menaxhuar çështjet financiare dhe të biznesit dhe nuk ishte në dijeni të përvetësimit të fondeve dhe keqmenaxhimit që zbuloi komisioni më vonë.

Supermodelja nuk veproi në mënyrë të pandershme, nuk i mungoi integriteti dhe as nuk fitoi ndonjë përfitim personal, tha avokati i saj Andrew Westwood para gjykatës. “Besimi i saj i gabuar” te Helmich ishte një gabim, por i ndershëm, dhe nuk është në interesin publik të ndalohet dikë që ka qenë viktimë e mashtrimit.

Westwood deklaroi se Campbell ia delegoi përgjegjësitë Helmich duke besuar se ajo “zotëronte njohuritë, aftësitë dhe maturinë e nevojshme për të menaxhuar aspektet financiare, ligjore dhe rregullatore të organizatës”, ndërsa vetë Campbell vepronte si fytyra e projektit.

Por Faisal Sadiq, që përfaqësonte komisionin, tha se Campbell kishte dështuar në detyrën e saj si administratore për të mbikëqyrur në mënyrë aktive punën e organizatës.

“Vetëm pse Campbell është e zënë dhe jeton në Amerikë, nuk i jep asaj të drejtë për trajtim të ndryshëm”, tha ai.

Sadiq i tha gjykatës se Campbell, e cila dha dëshmi të martën, ishte një “dëshmitare krejtësisht e pabesueshme” e cila, ndërsa nuk ishte “aktivisht e pandershme”, “bëri një numër pretendimesh që thjesht nuk ishin të vërteta”. Në vend që të përqendrohej te “ndershmëria dhe saktësia”, ai beson se përparësia e saj ishte “kontrollimi i narrativës mediatike”.

Sipas tij, Campbell nuk tregoi asnjë pendim apo mirëkuptim për gabimet e saj.

“Reagimi i saj i parë ishte të fajësonte të tjerët”, tha Sadiq, duke shtuar se ajo ishte dhe mbetet e papërshtatshme për të qenë administratore e një organizate humanitare.

Westwood hodhi poshtë “pretendimet hiperbolike” të Sadiq në lidhje me sjelljen e Campbell. Ai deklaroi se hetimi i komisionit ishte i gabuar, por se me Naomi Campbell, komisioni “mori emrin e tij të famshëm për vrasjen” dhe se ishte “i vendosur ta mbante atë me çdo kusht”.

Hetimi i komisionit zbuloi se Helmich mori 316,000 £ në tarifa dhe shpenzime udhëtimi të paautorizuara nga fondet e organizatës gjatë një periudhe dyvjeçare. Që atëherë ajo i ka kthyer këto para. E kontaktuar për koment, Helmich i tha më parë Guardian se nuk kishte “absolutisht asnjë të vërtetë” në akuzat e Campbell.

Akuzat për falsifikim dhe mashtrim kundër Helmich iu kaluan policisë si nga ekipi i Campbell ashtu edhe nga komisioni, iu tha gjykatës.

Helmich dhe administratorja e tretë, Veronica Chow, u ndaluan të shërbenin si administratore në organizata humanitare për nëntë dhe katër vjet, përkatësisht. Askush nuk apeloi kundër këtij vendimi.

Gjykata tani do ta shqyrtojë çështjen përpara se të japë një vendim, i cili pritet të jepet brenda tre muajve të ardhshëm.

The post Naomi Campbell shpallet e papërshtatshme për të drejtuar një organizatë humanitare appeared first on Albeu.com.

Protestuesit kanë nisur marshimin masiv në rrugët e kryeqytetit, pas dy orëve tubim para Kryeministrisë.

Një pjesë prej tyre qëndroi para Kryeministrisë, pasi siç lajmëruan edhe më herët ata nuk do largohen nga sheshi dhe do qëndrojnë 24 orë aty pa u larguar qeveria dhe kryeministri Rama.

The post Pas fjalimit para kryeministrisë, protestuesit nisin marshimin masiv rrugëve të kryeqytetit: Rama në burg, Berisha në burg appeared first on Albeu.com.

Një grup shqiptarësh në Bazel të Zvicrës po protestojnë këtë të diel kundër qeverisë shqiptar. Me pankarta dhe postera të shumta, shqiptarët atje kanë dalë në një nga rrugët e këtij kantoni zviceran.

Siç vihet re edhe nga pamjet e mëposhtme, protestuesit po vijojnë me thirrjen: Rama në burg, Berisha në burg.

The post Shqiptarët në Zvicër me pankarta, protestë kundër qeverisë: Rama në burg, Berisha në burg appeared first on Albeu.com.