Ish-banorja e “Big Brother VIP Kosova 2”, këngëtarja dhe sipërmarrësja Ledi Vokshi, ka ndarë me ndjekësit një lajm të dhimbshëm, duke zbuluar se ka humbur foshnjën që priste.

Përmes një postimi në Instagram, ajo rrëfeu se kishte planifikuar të njoftonte shtatzëninë, për të cilën ishte lutur prej tre vitesh, por në vend të kësaj vendosi të fliste për humbjen që ka përjetuar.

“Ky nuk ishte postimi që kisha planifikuar të shkruaja. Do të njoftoja një moment për të cilin jam lutur për 3 vite. Në vend të kësaj, po ndaj një humbje. Po e ndaj këtë sepse shumë gra e mbajnë këtë dhimbje vetëm, dhe edhe pse kështu ndihem në këtë moment, nuk besoj se duhet ta bëjmë. Nëse keni qenë në këtë situatë, unë po ju mbaj dorën nga ku do që jeni.”

Me këtë mesazh, Ledi Vokshi u shpreh në mbështetje të grave që kanë kaluar të njëjtën përvojë, duke theksuar se dhimbje të tilla nuk duhet të përjetohen në heshtje.

Gjatë pjesëmarrjes së saj në “Big Brother VIP Kosova 2”, ajo kishte treguar se brenda një periudhe të shkurtër kishte humbur dy foshnja, si edhe babanë e saj.

Ledi Vokshi është nënë e dy djemve, të cilët, sipas saj, mbeten mbështetja më e madhe në jetën e saj.

The post “Ne e humbëm beben”, Ish-banorja e Big Brother VIP ndan mesazhin e dhimbshëm appeared first on Albeu.com.

Dashi

Marsi do të jetë i pranishëm në shenjën tuaj, ndërsa ka ardhur momenti që të pranoni çdo gjë me kurajo. Për shumë kohë keni përballuar shumë gjëra në heshtje. Ndërsa në punë, Marsi dhe Saturni janë kundër, ndaj do të përballeni me disa çështje që kërkojnë zgjidhje.

Demi

Mundohuni që të ruani qetësinë në dashuri dhe mos u përfshini në situata të paqarta. Në punë, duhet të bëni zgjedhje me rëndësi në javët në vijim. Sa i takon një kontrate të re, duhet të prisni.

Binjakët

Hëna do të jetë e pranishme në shenjën tuaj. Nëse ka diçka të cilën duhet t’ia thoni partnerit/es, bëjeni gjatë kësaj dite. Sa i takon punës, mundohuni që të ruani qetësinë dhe të mos reagoni në mënyrë impulsive. Punët e pavarura janë mjaft të favorshme.

Gaforrja

Hëna do të hyjë gradualisht në shenjën tuaj, duke sjellë zhvillime pozitive në dashuri. Edhe në punë, do të ketë propozime të bukura dhe interesante.

Luani

Në dashuri ju pret një ditë pozitive, ku takimet do të jenë mjaft të favorshme, ndaj përfitoni. Në punë, nëse një projekt nuk kushton, bëni mirë që ta çoni deri në fund.

Virgjëresha

Ndikimi i Hënës do ju bëjë disi nervoz, ndaj mundohuni që të tregoheni të durueshëm në dashuri. Ky është një moment i mbushur me pesimizëm. Në punë, humori juaj nuk do të jetë ndër më të mirët, por pengesat nuk ju frikësojnë.

Peshorja

Në dashuri do të ketë takime të reja. Venusi do të jetë i pranishëm në shenjën tuaj, duke nisur nga 28 tetori. Në punë, kush ka fituar eksperienca në të kaluarën, do të ketë mundësi që të rifutet në lojë.

Akrepi

Mund të përballeni me probleme dhe kundërshti në dashuri, me të lindurit e shenjës së ujorit dhe luanit. Në punë, nuk do të toleroni më disa situata. Ndryshime parashikohen në vijim.

Shigjetari

Ndryshime të rëndësishme do të ketë në dashuri, por Hënën do e keni kundër. Mund të përballeni me probleme, shkruan noa.al. Në punë, mundohuni që të tregoheni të kujdesshëm, lidhur me shpenzimet.

Bricjapi

Hëna do të ketë ndikim të favorshëm në shenjën tuaj gjatë kësaj dite, në sferën sentimentale. Ndërsa në punë, do të keni mundësi që të rinisni projekte të cilat i kishit ndërprerë. Po ashtu ekziston mundësia që të ndryshoni qëllim.

Ujori

Kjo e martë nuk është e favorshme për dashurinë, ndaj mundohuni që të shmangni komplikimet. Në punë, mundohuni që të kujdeseni për shpenzimet dhe të jeni të matur.

Peshqit

Ju presin orë të vështira sa i takon ndjenjave, pasi mund të ketë polemika. Ndërsa në punë do të ndiheni shumë të lodhur dhe nuk do të jeni të përqendruar.

The post Parashikimi i horoskopit, zbuloni se çfarë kanë rezervuar yjet për ju sot appeared first on Albeu.com.

Kryetari i Lëvizja Bashkë, Arlind Qori, i ftur në emisionin “Të Paekspozuarit” në MCN TV, ka deklaruar se Edi Rama ka qenë garant i interesave “më të pista” dhe nga kjo ka buruar pushteti i tij, por tashmë që shqiptarët po protestojnë dhe kjo do të prodhojë kaos edhe brenda këtyre interesave.

Qori foli edhe për teoritë konspirative që përdor pushteti për të sulmuar protestën.

“Edi Rama nuk është i gjithëpushtetshëm, ai ka marrë pushtet politik pasi ka qenë garant i interesave më të pista, të krimit, të oligarkisë, të cilët i kanë dhënë mundësi të qeverisë, pasi i ka premtuar se mund të vjedhin dhe të pasurohen në qetësi. Askush nuk do të bëjë zhurmë, askush nuk vë sistmein në krizë. Por prej një muaj e ca njerëzit nuk po rrinë urtë, por po shembin gardhe.

Një pjesë prej këtyre do ta heqin spinën një moment dhe do të prodhojë kaos dhe kontradiktë brenda interesave të pista dhe do të çelë mundësinë për transformim.

Teoritë e konsipracionit, dalin thonë janë grekët, serbët, ministra, deputetë. Për arsye studimore kam hyrë në arkivë, ka qe atëherë që çdo ngjarje që ndodhte nuk pyetej pse hyjnë këta në ambasada, pse dalin në protestë, jo thonë është dora e jugosllavit sovjetikut, CIA, e me rradhë. Është fyese kjo. Është një zotëri, Altin Hila, e kanë mbajtur tre ditë në burg, ka fëmijë të sëmurë. Rama atij njeriu me 10001 halle i thotë ti nuk ke halle, nuk je kundër korrupsionit, etj, por ti je një njeri që të kanë manupuluar serbët, grekët, iranianët. Kanë humbur raportin me realitetin.

Ka një çerek shekulli distancë me njëri tjetrin. Kam qenë 9-10 vjeç, kur Ramiz Alia takonte studentët.

E njëjta gjë me Ramën sot. Ramiz Alisë i kishte mbetur ora në vitet ’70, kurse Ramës i ka mbetur në 2000. Ndërsa rinia që proteston sot është rini europiane”, tha ndër të tjera Qori

The post “Rama, garant i interesave më të pista”/ Arlind Qori: I ka mbetur ora në vitet 2000, por ka përballë rini europiane appeared first on Albeu.com.