Normal view

There are new articles available, click to refresh the page.
Today — 31 August 2025Main stream

Përballje mes dy kandidatëve për titull, formacionet zyrtare të Liverpool-Arsenal

By: Admin
31 August 2025 at 17:25

Liverpooli do të presë Arsenalin në kuadër të xhiros së tretë të Premier League, në një nga derbit më të madh anglez.

Të dy rivalët hyjnë në këtë ndeshje me nga dy fitore në dy ndeshjet e para të kampionatit anglez dhe është e qartë se seria e fitoreve të të paktën njërës prej skuadrave do të ndërpritet në këtë ndeshje.

Të Kuqtë mposhtën Bournemouth në shtëpi dhe Newcastle jashtë fushe në dy raundet e para dhe po kërkojnë të arrijnë fitoren e tretë radhazi në këtë ndeshje.

“Topçinjtë” e kanë forcuar skuadrën e tyre këtë sezon me disa lojtarë të nivelit të lartë dhe duket se kanë mbushur pozicionet që më parë mungonin, dhe në dy raundet e para ata treguan forcën e tyre duke mposhtur Manchester United jashtë fushe dhe Leeds në shtëpi.

Trajnerët e të dyja skuadrave, Arne Slot nga njëra anë dhe Mikel Arteta nga ana tjetër, kanë zgjedhur formacionet titullare për duelin në stadiumin Anfield Road.

Formacionet zyrtare:

Liverpool: Alisson; Szoboszlai, Van Dijk, Konate, Kerkez; Gravenberch, Mac Allister, Wirtz; Salah, Gakpo, Ekike.

Arsenal: Raya;Saliba, Gabriel, Calafiori; Zubimendi, Oriz, Merino; Madueke, Martinelli, Gyokeres.

Brighton përmbys Manchester Cityn brenda 45 minutave, Brajan Gruda fantastik

By: Admin
31 August 2025 at 17:05

Manchester City është ndalur përsëri në kampionat, këtë radhë duke u mposhtur nga Brighton me shifrat 2-1, me Brajan Grudën si protagonist kryesor.

Në transfertën përballë Brighton, “qytetarët” ishin në kërkim të hakmarrjes pasi ishin mposhtur në javën e kaluar nga Totenhemi. Ata ia dolën të kalonin të parët në avantazh me anë të Haaland dhe dukeshin plotësisht në kontroll të ndeshjes.

Por gjithçka ndryshoi në pjesën e dytë, ku Brighton shtoi forcat në sulm duke hedhur në fushë edhe Brajan Grudën. Barazimi erdhi fillimisht me penalltinë e Milner në minutën e 67-të.

Në fund, ishte pikërisht Gruda që u bë protagonist me golin e minutës së 89-të, kur finalizoi në mënyrë perfekte një kundërsulm për të çuar topin në rrjetë e vulosur fitoren 2-1 për ekipin e tij./ D.C

🚨🏴󠁧󠁢󠁥󠁮󠁧󠁿 BRAJAN GRUDA HAS GIVEN BRIGHTON THE LEAD IN THE 89TH MINUTE !!!!!!!!!!!!!!!!!!!!!!!!!!!!!!!

Brighton 2-1 Manchester City.pic.twitter.com/KTlsN4F6lV

— Tekkers Foot (@tekkersfoot) August 31, 2025

Erik ten Hag në “fije të perit”, rrezikon shkarkimin nga Leverkusen pas vetëm dy javësh

By: Admin
31 August 2025 at 16:00

Erik Ten Hag është pranë shkarkimit pas vetëm dy ndeshjeve në Bundesligë me Bajer Leverkusen. Trajneri holandez është përballur me kritika të panumërta në fillimin e aventurës së re.

Ten Hag nuk duket se ka mbështetjen e klubit. Merkato përfundon nesër në orën 20:00 dhe pas saj, klubi gjerman pritet të marrë një vendim përfundimtar.

Humbja me Hoffenheim dhe barazimi i djeshëm më pas ndaj Werder Bremen, kanë krijuar një situatë mjaft delikate për të ardhmen. Pauza për shkak të kombëtareve u jep mundësinë që ta shikojnë me kujdes situatën.

Ten Hag u rikthye në Gjermani, disa muaj pasi e kishte mbyllur me Manchester United. Dhe kjo do të ishte aventura më e rrallë për të në karrierë./ D.C

Yesterday — 30 August 2025Main stream

Shkarkimi nga Fenerbahce, Jose Mourinho drejt rikthimit në Premier League

By: Admin
30 August 2025 at 14:35

Skuadra e Superligës së Turqisë, Fenerbahce ka shkarkuar trajnerin Jose Mourinho. Lajmin e ka bërë të ditur klubi turk përmes rrjeteve sociale dhe ky shkarkim vjen pas humbjes ndaj Benficas në UEFA Champions League.

E ardhmja e trajnerit portugez tashmë mund të jetë Premier League. Pasi është raportuar se Nottingham Forest është në kërkim të një trajneri të ri, pasi Nuno Espirito Santo është vënë në diskutim nga presidenti grek.

Megjithëse është përmendur edhe si pasardhës i mundshëm i United, në rast se Amorim dështon sërish edhe në ndeshjen me Burnleyn. Edhe pse kishte shumë objektiva suksesi, Mourinho nuk e arriti asnjë me Fenerbahcen. Gjithsesi nga ky shkarkim i tij, ai do të marrë një dëmshpërblim prej 13 milionë eurosh nga klubi turk. Për një total prej 108 milionë eurosh, që i kanë ardhur vetëm nga shkarkimet./ D.C

Before yesterdayMain stream

Ndër lëvizjet më surprizuese të merkatos, Xavi Simons firmos me Tottenhamin

By: Admin
29 August 2025 at 18:50

Xavi Simons është lojtari më i ri i Totenhem. Klubi i Premier Ligë ka blerë kartonin e tij për 65 milionë euro nga RB Leipzig.

Simons ka firmosur kontratë të vlefshme deri në vitin 2030. Kjo ishte edhe një nga lëvizjet më surprizuese të kësaj merkato vere.

Tottenham called and he answered 📞 pic.twitter.com/2OVw8ALgWx

— Tottenham Hotspur (@SpursOfficial) August 29, 2025

“Totenhem më thirri dhe unë u përgjigja”, tha Simons. Tifozët po ashtu janë të entuziasmuar për arritjen e kësaj marrëveshje.

Talenti i Holandës do e ketë eksperiencën e parë në Angli. Më parë ka luajtur në Francë dhe Holandë, ndërsa e mbylli me eksperiencë mjaft pozitive edhe në Gjermani./ D.C

Don't listen to the noise… pic.twitter.com/K966GFrOks

— Tottenham Hotspur (@SpursOfficial) August 29, 2025

Slot gati për sfidat e Champions: “Përballja me Realin është e veçantë”

By: Admin
29 August 2025 at 17:20

Trajneri i Liverpulit, Arne Slot, ka reaguar pas shortit të skuadrës së tij.

Ai tha:”Mendoj se gjëja e parë që duhet thënë është se, ashtu si sezonin e kaluar, është një short shumë sfidues, por e dinim që do të ishte i tillë sepse në Ligën e Kampionëve, sidomos me formatin e ri, nuk ka short të lehtë.

“Por ajo që është gjithashtu e qartë, është se ky është një short shumë emocionues, plot me ndeshje të mëdha si në shtëpi ashtu edhe jashtë. Të kemi mundësinë ta presim Real Madridin sërish në Anfield është diçka e veçantë. Ndeshja e sezonit të kaluar ishte, sigurisht, një ndeshje e paharrueshme – dhe pres të njëjtën gjë edhe këtë herë. Jam i sigurt që kjo do të jetë një përballje që do ta ndjekë gjithë bota./ D.C

Sylvinho publikon listën me 25 lojtarë për ndeshjet e shtatorit, dy largohen të lënduar

By: Admin
29 August 2025 at 15:00

Federata Shqiptare e Futbollit publikoi sot listën me 25 lojtarë të ftuar për ndeshjet e shtatorit. Ndryshe nga sfidat e qershorit, kur ishin 27 futbollistë në dispozicionin e Silvinjos, këtë herë janë larguar dy.

Bëhet fjalë për Ardian Ismajlin dhe Alen Sherrin. Dy të dëmtuar, që gjithsesi nuk u zëvendësuan në listën e Silvinjos.

Surpriza nuk pati. Emrat e 25 të tjerëve ishin të njëjtë, edhe pse lojtarë si Kristian Shpendi kanë qarkulluar si risi.

Fakti që sfida e parë do të jetë miqësore, e bën më të pakuptimtë mungesën e të paktën dy emrave që do zëvendësonin Alen Sherrin dhe Ardian Ismajlin./ D.C

LISTA E KOMBËTARES 

Portierë: Thomas Strakosha, Elhan Kastrati, Mario Dajsinani

Mbrojtës: Elseid Hysaj, Ivan Balliu, Mario Mitaj, Naser Aliji, Marash Kumbulla, Adrian Bajrami, Berat Gjimshiti, Arlind Ajeti

Mesfushorë: Ylber Ramadani, Juljan Shehu, Kristjan Asllani, Medon Berisha, Qazim Laçi, Adrion Pajaziti, Nedim Bajrami, Arbër Hoxha, Ernest Muçi, Jasir Asani

Sulmues: Armando Broja, Myrto Uzuni, Rey Manaj, Mirlind Daku

Tifozët e Jagiellonias mbërrijnë në Tiranë, fotoja e parë e huliganëve polak

By: Admin
28 August 2025 at 19:00

Dinamo do të presë sot Jagiellonian në stadiumin “Air Albania”. Do të duhet një mrekulli përballë polakëve, pasi takimi i parë në transfertë u humb me rezultatin 3-0.

Tifozët e Jagiellonias njihen për mbështetjen e zjarrtë ndaj skuadrës së tyre. Së fundmi faqja “Hooligans.cz” ka publikuar foton e një grupi nga ata që priten sot në stadium.

Në Sheshin Skënderbej mund të quhet vetëm një grup i vogël. Kujtojmë se ndeshja është e vlefshme për fazën “play-off” të Ligës së Konferencës.

Më parë në Shqipëri janë shkaktuar trazira me tifozët polak. Këtu mund të kujtojmë ata të Legias së Varshavës./ D.C

Shorti i Champions, Leverkusen tallet me United: Shpresojmë mos të përballemi me Grimsbyn

By: Admin
28 August 2025 at 18:26

Grimsby surprizoi dje Manchester United duke e eliminuar përmes penalltive nga Kupa EFL. “Djajtë” u bënë objekt tallje nga bota e futbollit.

Sot ishte radha e Bayer Leverkusenit, që shfrytëzuan shortin e Champions. “Thjesht duke shprehur që të mos përballemi me Grimbsyn”, shkruan faqja e verifikuar e Leverkusenit.

Just hoping we don't get Grimsby… #UCLdraw pic.twitter.com/BQX43nbQue

— Bayer 04 Leverkusen (@bayer04_en) August 28, 2025

Leverkuseni dhe skuadrat e tjera të Champions do të mësojnë skuadrat, me të cilat masin forcat në fazën e grupeve. Edicioni i ri është në prag./ D.C

UEFA merr vendimin, ja në çfarë ore do të luhet finalja e Championsit këtë vit

By: Admin
28 August 2025 at 14:50

Vetëm pak orë para shortit për Ligën e Kampioneve të sezonit të ardhshëm, UEFA ka lëshuar një njoftim të rëndësishëm në lidhje me finalen e garës, e cila do të luhet në Budapest këtë sezon. Konkretisht, ora e fillimit të ndeshjes do të ndryshohet nga ora 21:00 e zakonshme në orën 18:00.

Vetë UEFA e shpjegoi vendimin si më poshtë: “Vendimi u mor për të përmirësuar përvojën e përgjithshme të ditës së ndeshjes për tifozët, si dhe për ekipet dhe qytetet pritëse duke optimizuar logjistikën dhe operacionet. Qëllimi është që dita e ndeshjes të jetë një përvojë për të gjithë ata që dëshirojnë të marrin pjesë, duke krijuar një atmosferë të arritshme për familjet dhe fëmijët. Për tifozët mysafirë, kjo do të thotë akses më i mirë në transportin publik, veçanërisht pas ndeshjes, dhe një kthim më të sigurt dhe më të përballueshëm nga stadiumi. Për qytetet pritëse, kjo do të rrisë ndikimin ekonomik duke u dhënë tifozëve mundësinë për të vazhduar festimet.”

Presidenti Ceferin komentoi gjithashtu: “Me këtë ndryshim, ne po i vendosim tifozët në zemër të projektit tonë. Ora e re e fillimit do ta bëjë eventin më të arritshëm, gjithëpërfshirës dhe me ndikim për të gjithë të përfshirët.”/ D.C

Eliminimi poshtërues i United ndaj Grimsby, Amorim: “Më vjen shumë keq për tifozët”

By: Admin
28 August 2025 at 13:15

Në “Blundell Park”, ndodhi e paimagjinueshmja në ndeshjen midis Grimsby dhe Manchester United. Ekipi anglez i kategorisë së katërt, pas një serie prej 26 penalltish, i eliminoi “Djajtë e Kuq” nga Kupa Carabao.

“Dua vetëm t’u kërkoj falje tifozëve tanë. Nuk kam asgjë tjetër për të thënë për performancën”, ishin fjalët e para të trajnerit Ruben Amorim.

“Kur gjithçka është kaq e rëndësishme në klubin tonë, përpiqesh të bësh gjithçka. Që nga para sezonet, madje edhe me Arsenalin… mund ta humbasësh ndeshjen, por je aty, po përmirësohesh, i sheh lojtarët duke luajtur”, shtoi ai më vonë në mikrofonat zyrtarë të klubit.

Duke vazhduar analizën e tij të ndeshjes së mbrëmshme kundër Grimsby, Amorim nuk u përmbajt: “Por pastaj vjen në këtë lloj ndeshjeje, kur gjithçka është kaq e rëndësishme në klubin tonë. E fillon ndeshjen kështu… Mendoj se lojtarët e mi po thonë me zë të lartë atë që duan vërtet.”

Ai përfundoi: “Pra, më vjen shumë keq për tifozët tanë. Nuk kam asgjë tjetër për të thënë.”

Tani “Djajtë e Kuq” duhet të rikthehen menjëherë kundër Burnley në Premier Ligë për t’u larguar kritikave që kanë marrë në momentet e para të sezonit. Me vetëm një pikë në kampionat nga dy ndeshje dhe një eliminim nga Kupa nga një ekip që ishte qartësisht inferior në letër, ata do të duhet të rikthehen./ D.C

Mbappe “mbret” i Evropës, sulmuesi francez lë pas Lewandowskin dhe Harry Kane

By: Admin
25 August 2025 at 16:05

Kylian Mbappe po jeton një sezon madhështor me Real Madridin, duke e kthyer çdo ndeshje në një spektakël golash. 

Superylli francez, tashmë në atë që tifozët e quajnë “modaliteti CR7”, po dominon fushën me një instinkt vdekjeprurës, duke sjellë kujtime nga ditët më të mira të Cristiano Ronaldos në “Santiago Bernabeu”.  

Shifrat e Mbappes janë marramendëse. Vetëm në sezonin 2024/25, ai ka shënuar plot 47 gola në të gjitha garat, një arritje që e vendos mbi legjendën Rafael Martin Vazquez në historinë e klubit.  

Në vitin 2025, ai ka realizuar 33 gola në 37 ndeshje, shifra që flasin vetë për formën e tij të jashtëzakonshme. Në sfidën e fundit ndaj Oviedos, ai shënoi dy herë, duke treguar klas dhe vendosmëri.  

W’Allah je t’aime Kylian Mbappé pic.twitter.com/IxCaeNwdOu

🇫🇷 (@Kyliandecf) August 24, 2025

Pasimi i Arda Guler u kthye në gol me një prekje të ftohtë nga Mbappe, i cili, megjithëse nuk është një “numër 9” klasik, po shfaqet si një makinë golash. 

Në La Liga, ai ka realizuar 34 gola që nga ardhja në Madrid, duke thyer mbrojtje të njëpasnjëshme me saktësi kirurgjikale.  

Për më tepër, ai kryeson listën e golashënuesve në pesë ligat kryesore të Evropës, duke lënë pas emra të mëdhenj si Harry Kane (45 gola), Lewandowski 42) dhe Guirassy (40).

Ky version i Mbappes është krejt ndryshe nga ai i sezonit të kaluar, më i lehtë, më i mprehtë dhe më i uritur për sukses. 

Trajektorja e tij aktuale rikujton sezonin 2014/2015 të Ronaldos, kur portugezi shënonte pa u ndalur.  

Tani, është Mbappe ai që po vendos ritmin në Evropë, me një efikasitet që frymëzon frikë dhe admirim njëkohësisht./ D.C

Kylian Mbappé. 🌟 pic.twitter.com/xKmM4RbxXh

— LALIGA (@LaLiga) August 24, 2025

VIDEO/ I frustruar pas zëvendësimit, ja reagimi i Rodrygos në pankinën e Realit

By: Admin
25 August 2025 at 12:55

Rodrygo mori një mundësi të rrallë si titullar për Real Madridin në ndeshjen ndaj Real Oviedos, një shans për të treguar veten përpara Xabi Alonsos.

Megjithatë, braziliani nuk arriti të ndikojë në lojë dhe u zëvendësua në minutën e 63-të, duke i lënë vend Viniciusit. Pas zëvendësimit, ai u duk i frustruar dhe hodhi bluzën e stërvitjes në tokë, gjest që la të kuptohet pakënaqësia e tij.

Mbetet e paqartë nëse veprimi i lojtarit ishte drejtuar ndaj tij vetë apo trajnerit, por emocionet dhe frustrimi ishin të dukshëm./ D.C

Rodrygo it’s never too late to join mancity
It’s obvious Real Madrid don’t want you there pic.twitter.com/DBHAdrD4fH

— ×͜× (@MciNicoo) August 24, 2025

Zyrtare/ Kristjan Asllani prezantohet si lojtar i Torinos

By: Admin
25 August 2025 at 12:40

Kristjan Asllani është zyrtarisht futbollist i ri i Torinos. Mesfushori i Kombëtares kuqezi u transferua nga Interi në huazim me pagesë prej 1.5 milionë eurosh me të drejtë blerjeje të përcaktuar në 12 milionë euro.

Asllani pasi kreu vizitat mjekësore të zakonshme dhe nënshkroi kontratën që do ta lidhë me Torinon që nga e enjtja, u zyrtarizua sot nga klubi për shkak të disa problemeve burokratike mes klubit dhe Interit.

Ai është përforcimi i shtatë i klubit granata dhe i shtohet blerjeve të tjera verore të Torinos, si Anjorin, Ngonge, Ismajli, Aboukhlal, Israel dhe Simeone.

Rikujtojmë që mesfushori nga Elbasani, iu bashkua Interit në korrik të 2022-shit, ku në tre vjet si pjesë e zikaltërve, bëri 99 paraqitje, duke shënuar katër gola dhe duke dhënë pesë asiste. Ai largohet nga Milano me një titull Seria A, një Kupë të Italisë dhe dy Superkupa të Italisë./ D.C

Benvenuto, Kristjan 🐂 🇦🇱 pic.twitter.com/ExXLh6ieKd

— Torino Football Club (@TorinoFC_1906) August 25, 2025

Fati i “zi” i Neymar, sulmuesi dëmtohet dhe rrezikon grumbullimin tek Brazili

By: Admin
24 August 2025 at 14:55

Klubi brazilian Santos ka njoftuar Federatën Braziliane të Futbollit (CBF) se Neymar ka pësuar lëdim në kofshë, sipas informacioneve të publikuara nga ge.globo. 

Ylli me numrin 10 thuhet se ka ndier dhimbje gjatë një aktiviteti të zhvilluar të enjten dhe pas ekzaminimeve mjekësore, dëmtimi është konfirmuar. 

Si rezultat, rikthimi i tij në kombëtaren braziliane mund të mos ndodhë, siç ishte parashikuar. 

Tekniku i Brazilit, Carlo Ancelotti, do të shpallë listën e lojtarëve për ndeshjet e fundit kualifikuese të Kupës së Botës 2026 të hënën e ardhshme, dhe prania e Neymar në listë do të vlerësohet në varësi të gjendjes fizike. 

Neymar pritet të rikthehet te Santos më 31 gusht, në ndeshjen ndaj Fluminense që do të luhet në Vila Belmiro, në kuadër të Brasileiraos.  

Ai tashmë ka nisur trajtim mjekësor, por sipas burimeve, nuk pritet të marrë pjesë në stërvitjet e para të javës së ardhshme, për shkak të dëmtimit./ D.C

Humbja e hidhur ndaj Cremoneses, Allegri takim me Igli Taren dhe drejtuesit e tjerë

By: Admin
24 August 2025 at 14:35

Ditë e diel, por te Milani nuk ka pushim pasi ka shumë punë për të bërë. Kuqezinjtë u mposhtën dje nga Cremonese me rezultatin 1-2 në “San Siro”. Sot, pas disfatës, trajneri Alegri po takohet në selinë e Milanit me Igli Taren dhe drejtuesit e tjerë.

Tema kryesore është ajo e tregut të transferimeve. Sot në selinë e Milanit ndodhen edhe agjentët e Conrad Harder. Për këtë po punohet që të realizohet huazimi nga Sportingu i Lisbonës.

🔴⚫ Massimiliano #Allegri è uscito da Casa #Milan dopo il summit di mercato di questa mattina con la dirigenza.

(Via @lollodean_ ) pic.twitter.com/oV0Hlhw5ux

— MilanNews.it (@MilanNewsit) August 24, 2025

Sulmuesi do të shtonte forcat në repartin ofensiv ku Milani nuk po ka vetëm një objektiv. Kuqezinjtë dukshëm kanë mangësi dhe skuadra aktuale, pa përforcime të tjera, nuk jep garanci për të qenë pretendente.

Milani ka grumbulluar të ardhura të konsiderueshme nga shitjet në këtë edicion. Blerjet akoma nuk i kanë kënaqur tifozët, që mbeten të zhgënjyer nga drejtuesit./ D.C

❌
❌