Anthony Joshua iu desh të shpëtonte veten nga një humbje e turpshme ndaj Kristian Prengës në rikthimin e tij në ring.
Boksieri britanik u rrëzua dy herë në raundin e parë të duelit të zhvilluar në Jeddah të Arabisë Saudite.
36-vjeçari u befasua nga një goditje e fuqishme e boksierit shqiptar, e cila e dërgoi në tapet. Pak çaste më vonë ai u rrëzua sërish, duke bërë që shumëkush të mendonte se fundi i karrierës së tij po afrohej.
Megjithatë, në raundin e dytë Joshua u rikthye ndryshe, mori kontrollin e meçit dhe e mbylli atë me nokaut ndaj Prengës, duke lehtësuar tifozët e tij.
Një rol të rëndësishëm në këtë rikthim duket se e pati edhe trajneri i tij, Iegor Golub. Trajneri ukrainas, i cili më parë ka punuar me Oleksandr Usyk dhe ish-kampionin e WBO-së në peshën e lehtë, Denys Berinchyk, i dha Joshuas udhëzime të qarta gjatë pushimit mes raundit të parë dhe të dytë.
Fjalët e tij u kapën nga mikrofonët pranë ringut, duke i treguar se si të lëvizte dhe godiste.
"AJ, para së gjithash duhet të lëvizësh. Mbaji duart lart dhe të mbyllura. Duhet të lëvizësh dhe të punosh me goditjen e parë. Qëndro në këmbë, mos u rrëzo më", ishte mesazhi i Golubit.
Këshillat dhanë efektin e dëshiruar, pasi Joshua u paraqit shumë më mirë në raundin e dytë.
Barcelona vazhdon ta ketë në listën e objektivave sulmuesin shqiptar të Hoffenheim, Fisnik Asllanin, në rast se Ferran Torres largohet nga klubi këtë verë.
Sulmuesi i Hoffenheimit është shumë pranë transferimit te RB Leipzig, por ka kërkuar pak kohë shtesë me shpresën se do të marrë një ofertë nga Barcelona.
Klubi katalanas e sheh atë si një alternativë për repartin ofensiv dhe si një sulmues të dytë, profil që pëlqehet shumë nga drejtuesit sportivë. Klauzola e tij prej 29 milionë eurosh konsiderohet e përballueshme në situatën aktuale financiare të klubit, shkruan meduimi i njohur spanjoll Sport.
Tashmë gjithçka varet nga Barcelona. Asllani është i gatshëm të presë, por është i vetëdijshëm se nuk mund ta bëjë këtë pafundësisht.
Profili që pëlqehet nga drejtuesit sportivë
Barcelona e ndjek prej muajsh Fisnik Asllanin. Në moshën 23-vjeçare, reprezentuesi i Kosovës i plotëson karakteristikat që kërkon trajneri Hansi Flick: presion të lartë ndaj kundërshtarit, forcë fizike – pasi është 1.91 metra i gjatë – dhe potencial të madh për t’u zhvilluar më tej.
Sezonin e kaluar në Bundesliga ai e përfundoi me 10 gola dhe 7 asistime, statistika që konfirmuan shpërthimin e tij si një prej sulmuesve më premtues të kampionatit gjerman.
Një tjetër cilësi që vlerësohet shumë nga Flick është aftësia e Asllanit për të finalizuar me të dyja këmbët, si dhe loja e fortë në ajër, duke e bërë atë një kërcënim të vazhdueshëm në zonën kundërshtare.
Nga huazimet te zbulimi i Bundesligës
Rritja e Asllanit nuk ka ardhur rastësisht, por është rezultat i një zhvillimi gradual. Ai u formua te BFC Dynamo dhe Union Berlin, ndërsa më pas vazhdoi zhvillimin te Hoffenheimi.
Për të fituar përvojë, u huazua fillimisht te Austria Vienna dhe më pas te Elversberg, përpara se të rikthehej në Sinsheim dhe të fitonte vendin në ekipin e parë.
Me kontratë deri në vitin 2029, Asllani konsiderohet profili ideal i një lojtari të ri me hapësirë të madhe për përmirësim, pikërisht modeli që Barcelona kërkon për të forcuar skuadrën pa rrezikuar balancën financiare.
Opsion në rast të largimit të Ferran Torresit
Transferimi i Asllanit lidhet drejtpërdrejt me lëvizjet në repartin ofensiv të Barcelonës. Prioriteti i klubit për pozitën e sulmuesit qendror mbetet Julián Álvarez, ndërsa Asllani shihet si një lojtar rotacioni, sidomos nëse Ferran Torres largohet.
Megjithatë, brenda klubit nuk përjashtohet mundësia që ai të transferohet edhe nëse Ferran qëndron. Çmimi relativisht i ulët e bën atë një mundësi tërheqëse në treg, sidomos në një kohë kur sulmuesit cilësorë kanë arritur vlera shumë të larta.
Klauzola e lirimit prej 29 milionë eurosh nuk konsiderohet problem për Barcelonën. Klubi mund ta realizojë këtë operacion edhe pa qenë i detyruar të shesë lojtarë paraprakisht, ndërsa ideja është të negociohet me Hoffenheimin për ta ulur edhe më tej shumën e transferimit.
Për drejtuesit katalanas, bëhet fjalë për një investim të arsyeshëm për një sulmues të ri, me potencial të madh dhe kontratë afatgjatë.
Leipzigu pret, Asllani shikon nga Barcelona
Edhe pse nuk ka një afat të caktuar për vendimin, në Gjermani dëshirojnë ta mbyllin sa më shpejt transferimin e Asllanit te Leipzigu.
Klubi gjerman ka avancuar shumë në negociata, por sulmuesi vazhdon të presë një sinjal nga Barcelona.
Dëshira e tij për të veshur fanellën blaugrana nuk është sekret. Në dhjetor të vitit të kaluar ai u fotografua me legjendën e Barcelonës, Xavi Hernández, një tjetër tregues i simpatisë së tij për klubin katalanas.
Megjithatë, mbetet për t’u parë edhe sa gjatë është i gatshëm të presë, përpara se presioni nga Leipzigu ta detyrojë të marrë një vendim përfundimtar. /Telegrafi/
Real Madrid duket se e ka kompletuar transferimin e Yan Diomande, pasi Paris Saint-Germain është tërhequr zyrtarisht nga gara për talentin nga Bregu i Fildishtë.
Sipas raportimeve nga Spanja, dita e sotme ka qenë vendimtare për të ardhmen e Diomandes. Deri në orët e paradites, PSG vazhdonte të ishte në garë për nënshkrimin e lojtarit, por në mbrëmje klubi francez vendosi të ndalojë negociatat.
PSG: Nuk do të marrim pjesë në lojën e çmimeve të fryra
Në një reagim zyrtar, PSG bëri të ditur se ka hequr dorë nga transferimi, duke argumentuar se kërkesat financiare ishin të tepruara.
"Paris Saint-Germain ka tërhequr zyrtarisht interesimin për Yan Diomanden dhe ka përfunduar të gjitha negociatat. Shuma e kërkuar për transferimin, si dhe kërkesat për pagë, ishin plotësisht disproporcionale dhe mund të destabilizonin tregun".
Klubi francez shtoi se nuk do të largohet nga politika e tij e menaxhimit financiar.
"PSG nuk do të heqë dorë nga parimet e menaxhimit rigoroz financiar dhe balancës së skuadrës. Nuk do të ndikohemi nga inflacioni artificial i tregut apo nga manovrat e ndërmjetësve", shkruan reagimi i tyre.
🚨 Paris Saint-Germain has this evening formally withdrawn its interest in and bids for Yan Diomande.
PSG will not break its principles of rational financial management and squad balance.
⚪️🔜 Diomande has decided to join Real Madrid and the move will be completed next week. pic.twitter.com/9B0B0UoTjo — Fabrizio Romano (@FabrizioRomano) July 26, 2026
Real Madridi rriti ofertën
Sipas mediave spanjolle, Real Madridi hyri fuqishëm në garë gjatë ditëve të fundit dhe përmirësoi ndjeshëm ofertën si për lojtarin, ashtu edhe për RB Leipzigun.
Raportohet se marrëveshja mund të kalojë shifrën e 100 milionë eurove, ndërsa zyrtarizimi pritet të bëhet së shpejti.
Një nga arsyet pse Real Madridi ka përshpejtuar negociatat është edhe pasiguria rreth të ardhmes së Vinícius Júnior. Kontrata e brazilianit ende nuk është rinovuar dhe klubi dëshiron të jetë i përgatitur për çdo skenar, edhe pse prioritet mbetet vazhdimi i bashkëpunimit me një nga yjet kryesorë të skuadrës.
Në të njëjtën kohë, mediat spanjolle raportojnë se madrilenët kanë hequr dorë nga ndjekja e Michael Olise, pasi Bayern Munich ka bërë të qartë se nuk ka ndërmend ta shesë francezin.
Përforcimi i pestë për Mourinhon
Nëse gjithçka shkon sipas planit, Diomande do të bëhet përforcimi i pestë i Real Madridit në këtë afat kalimtar.
Më herët, klubi madrilen ka afruar Ibrahima Konaté, Marc Cucurella, Denzel Dumfries dhe Bernardo Silva.
Me afrimin e talentit nga Bregu i Fildishtë, trajneri José Mourinho do të ketë në dispozicion një tjetër armë të rëndësishme në repartin ofensiv për sezonin e ri. /Telegrafi/
Çaykur Rizespor ka bërë lëvizjen e parë për transferimin e Milot Rashicës, duke i dërguar një ofertë zyrtare Besiktasit për huazimin e sulmuesit kosovar.
Sipas raportimeve nga mediat turke, drejtuesit e Rizesporit e kanë vendosur Rashicën në krye të listës së dëshirave për këtë merkato dhe e konsiderojnë atë si objektivin kryesor për të përforcuar repartin ofensiv.
Tashmë klubi pret përgjigjen e Besiktasit, i cili do të vendosë nëse do ta lejojë largimin e 30-vjeçarit në formë huazimi.
Forma dhe përvoja e Rashicës në futbollin turk e kanë bërë atë objektivin numër një të Rizesporit, që synon të rrisë cilësinë në fazën sulmuese për sezonin e ri.
Megjithatë, drejtuesit e klubit kanë përgatitur edhe një plan rezervë në rast se nuk arrijnë marrëveshje me Beşiktaşin.
Sipas mediumit turk Takagazete, alternativa e parë është rikthimi i Jesurun Rak-Sakyi, i cili luajti sezonin e kaluar te Rizespori si i huazuar nga Crystal Palace FC.
Milot Rashica është pjesë e Besiktasit dhe ka kontratë me klubin nga Stambolli deri në verën e vitit 2027.
Në anën tjetër, pjesë e Rizesporit është edhe mesfushori i Kombëtares së Shqipërisë, Qazim Laçi. /Telegrafi/
Tadej Pogacar ka shkruar një tjetër kapitull të artë në historinë e çiklizmit, duke fituar për herë të pestë Tour de France dhe duke u bashkuar me një grup legjendash që për dekada dukej i paarritshëm.
Slloveni 27-vjeçar triumfoi në edicionin e vitit 2026, duke siguruar fitoren e tretë radhazi në garën më prestigjioze të çiklizmit dhe duke barazuar rekordin e pesë fitoreve të mbajtur nga Jacques Anquetil, Eddy Merckx, Bernard Hinault dhe Miguel Induráin.
Arritja e Pogacarit bëhet edhe më e jashtëzakonshme kur krahasohet me legjendat e këtij sporti. Miguel Indurain ishte 31 vjeç kur fitoi Tour de France-in e tij të pestë, ndërsa Merckx e arriti këtë shifër në moshën 29-vjeçare. Anquetil dhe Hinault e realizuan në moshën 30-vjeçare.
Pogacar e ka bërë këtë vetëm në moshën 27-vjeçare, duke konfirmuar se është një nga çiklistët më dominues që ka njohur ndonjëherë ky sport. Ai ka fituar Tour de France në vitet 2020, 2021, 2024, 2025 dhe 2026.
Një kampion që zgjodhi të ndihmonte shokun e skuadrës
Pavarësisht dominimit të tij, një nga momentet më të veçanta të këtij edicioni nuk ishte një fitore etape.
Në etapën mbretërore drejt Alpe d'Huez, Pogačar hoqi dorë nga mundësia për një tjetër triumf individual dhe vendosi të ndihmonte shokun e skuadrës, Isaac del Toro, që të siguronte vendin e tretë në renditjen e përgjithshme.
Të dy kaluan vijën e finishit krah për krah, në një skenë që u konsiderua një nga momentet më emocionale të këtij Touri.
“Më dridhet trupi sa herë e kujtoj. Do ta mbaj mend përgjithmonë këtë moment”, tha Pogacar pas garës.
“Isaac mund të jetë pasardhësi im”
Deklarata që bëri më shumë bujë erdhi pas përfundimit të garës. Edhe pse është vetëm 27 vjeç dhe konsiderohet në kulmin e karrierës, Pogacar la të kuptohet se nuk planifikon të garojë për shumë vite.
“Nuk do të garoj edhe për shumë gjatë dhe Isaac ka potencialin dhe talentin për të qenë pasardhësi im”, deklaroi kampioni slloven.
Këto fjalë surprizuan botën e çiklizmit, pasi Pogacar ka kontratë me ekipin UAE Team Emirates deri në vitin 2030 dhe shumica besojnë se ai ka ende shumë vite në nivelin më të lartë.
🎤 "Thank you everyone, let's party tonight!" 💛 A message of thanks from the five-time Tour de France winner.
Pogačar dominoi pothuajse nga fillimi deri në fund. Ai fitoi pesë etapa, mori fanellën e verdhë që në javën e parë dhe nuk lejoi asnjë rival ta vinte seriozisht në diskutim epërsinë e tij.
Në podiumin final në Paris, pas tij u renditën Remco Evenepoel në vendin e dytë dhe Isaac del Toro në vendin e tretë.
Me pesë fitore në etapa këtë vit, Pogačar e çoi në 26 numrin total të etapave të fituara në Tour de France.
Edhe pse ka hyrë tashmë në panteonin e legjendave të çiklizmit, Pogacar ka ende objektiva të mëdhenj përpara.
Një triumf i gjashtë në Tour de France do ta bënte çiklistin më të suksesshëm në historinë e garës, ndërsa në listën e synimeve të tij mbeten edhe Vuelta a España, Paris–Roubaix dhe medalja olimpike.
Megjithatë, në ditën kur u ngjit për herë të pestë në majën e Tour de France-it, Pogacar nuk foli vetëm për fitoret, por edhe për fundin e karrierës dhe për njeriun që, sipas tij, mund të marrë një ditë stafetën.
Një deklaratë që e bëri triumfin e tij historik edhe më të veçantë. /Telegrafi/
Promotori i njohur, Eddie Hearn ka pranuar se për një moment kishte frikë se karriera e Anthony Joshua kishte marrë fund, pasi britaniku u rrëzua dy herë nga boksieri shqiptar Kristian Prenga.
Joshua u rikthye në ring në Jeddah të Arabisë Saudite në një përballje që fillimisht ishte parashikuar si një fitore e lehtë ndaj Prengës, por sfida u shndërrua në një dramë të vërtetë. Ish-kampioni i botës në peshat e rënda u rrëzua që pas vetëm 20 sekondash lojë, pas një goditjeje të fuqishme me të djathtën nga Prenga.
Por momentet e vështira për Joshuan nuk përfunduan aty. Në fund të raundit të parë, boksieri shqiptar e dërgoi përsëri në dysheme britanikun, duke e vendosur atë përballë një humbjeje të papritur.
Përballja kishte një ngarkesë të madhe emocionale për Joshuan, pasi ai u rikthye në ring vetëm tetë muaj pas aksidentit tragjik me makinë në Nigeri, ku humbën jetën dy miqtë e tij të afërt, Sina Ghami dhe Latif “Latz” Ayodele.
Hearn kishte shqetësime se Joshua mund të ishte rikthyer shumë shpejt, pasi përveç dëmtimeve fizike, ai ende po përballej me pasojat emocionale të humbjes.
“Në një moment mendova se karriera kishte përfunduar”
Pas meçit, Hearn tregoi emocionet e përjetuara gjatë atyre minutave dramatike, kur boksieri i tij ra dy herë në tokë.
“Ky ishte momenti më dramatik dhe emocional i karrierës sime, ndoshta edhe i jetës sime. Kishte kaq shumë emocione në ato pak minuta”, deklaroi promotori.
Ai pranoi se, pasi Joshua u rrëzua dy herë, mendoi për skenarin më të keq.
“Thjesht nuk mund ta besoja që ai gjeti një mënyrë për të fituar. Gjatë gjithë javës po pyesja veten: A është kthyer shumë shpejt? Ai kishte nevojë për boksin për ta kaluar dhimbjen, por në të njëjtën kohë ende nuk e ka kaluar atë plotësisht”.
Hearn shtoi: “Kur e pashë të rrëzohej ashtu, mendova: Ka mbaruar. Karriera ka përfunduar. Në një moment mendova se ky ishte fundi, por çfarë udhëtimi i jashtëzakonshëm ka pasur”.
Fuqia e goditjes e mbajti gjallë Joshuan
Megjithatë, Hearn besonte se një gjë nuk i është larguar kurrë Joshuas – fuqia shkatërruese e goditjes së tij. Sipas tij, sapo Joshua arriti të rikthehej në këmbë dhe të gjente ritmin, gjithçka ndryshoi.
“Një gjë që ai do ta ketë gjithmonë është fuqia nokautuese. Nëse të godet një herë mirë në mjekër, lufta ndryshon”.
Dhe pikërisht kështu ndodhi. Joshua nisi të marrë kontrollin në raundin e dytë, goditi fort Prengën dhe më pas e mbylli duelin me nokaut, duke ruajtur gjallë përballjen e madhe me Tyson Fury.
Joshua-Fury, beteja e madhe e boksit britanik
Pas kësaj fitoreje, Joshua dhe Fury tashmë janë shumë pranë realizimit të një prej përballjeve më të mëdha në historinë e boksit britanik.
Të dy boksierët kanë nënshkruar kontratat për duelin e shumëpritur, por ende nuk është vendosur data dhe vendi i zhvillimit.
Sipas marrëveshjes së Joshuas, dueli duhet të zhvillohet në Britani të Madhe, edhe pse Madison Square Garden është përmendur si një opsion i mundshëm për shkak të interesit të madh në tregun amerikan.
Ndërkohë, Fury kishte siguruar një fitore një ditë më herët ndaj polakut Mariusz Wach, duke e përgatitur terrenin për përballjen që pritet të jetë një nga ngjarjet më të mëdha sportive të vitit. /Telegrafi/
Sipas raportimeve, Real Madrid ka siguruar përforcimin kryesor të afatit kalimtar të verës, duke arritur marrëveshje me RB Leipzig për transferimin e talentit nga Bregu i Fildishtë, Yan Diomande.
Klubi madrilen do të paguajë rreth 100 milionë euro për kartonin e 19-vjeçarit, i cili është cilësuar si një nga talentet më premtues të futbollit evropian, sipas Fabrizio Romanos.
Pasi hoqi dorë nga një transferim i mundshëm i Michael Olise nga Bayern Munich, Real Madridi e ktheu vëmendjen te Diomande dhe arriti ta mposhtë konkurrencën e klubeve të mëdha si Paris Saint-Germain, Manchester City dhe Arsenal.
🚨💣 BREAKING: YAN DIOMANDE TO REAL MADRID, HERE WE GO! ⚪️✨
Agreement closed tonight with RB Leipzig for fee over €100m for the Ivorian winger.
Diomande will fly to Madrid this week for medical tests and contract signing until June 2031.
Në sezonin e fundit, anësori afrikan zhvilloi një edicion mbresëlënës me fanellën e Leipzigut, duke regjistruar 15 gola dhe 11 asistime në 46 paraqitje në të gjitha garat.
Ky transferim ka edhe një prapavijë strategjike për Real Madridin, pasi Diomande dhe Vinícius Júnior përfaqësohen nga e njëjta agjenci, ROC Nation.
Përfaqësuesit e Viniciusit pritet të udhëtojnë drejt Madridit për të finalizuar marrëveshjen e transferimit të Diomandes, por njëkohësisht edhe për të diskutuar situatën e kontratës së yllit brazilian me klubin spanjoll.
Nëse marrëveshja zyrtarizohet, shuma prej 100 milionë eurosh do ta vendosë Diomanden në mesin e transferimeve më të shtrenjta të këtij afati kalimtar verore.
Njoftimi zyrtar pritet të bëhet përpara se skuadra e drejtuar nga José Mourinho të udhëtojë drejt Austrisë për fazën përgatitore të sezonit të ri. /Telegrafi/
Luis Díaz mund të jetë protagonist i një prej transferimeve më të mëdha në historinë e futbollit saudit, pasi Al Hilal e ka identifikuar sulmuesin e Bayern Munich si objektivin kryesor të afatit kalimtar të verës.
Klubi nga Arabia Saudite po përgatit një ofertë rekord për kolumbianin, i cili shihet si përforcimi ideal për repartin ofensiv të skuadrës.
Sipas gazetarit Sacha Tavolieri, Al-Hilal ka vendosur që fillimisht të arrijë marrëveshje me lojtarin dhe përfaqësuesit e tij, përpara se të nisë negociatat zyrtare me Bayernin për kartonin e tij.
Në këtë proces raportohet se po luan rol të rëndësishëm Richard Hughes, aktualisht drejtor sportiv i Liverpoolit, i cili pritet të marrë një rol të ngjashëm te Al-Hilal pas përfundimit të afatit kalimtar.
🔵 Al Hilal continue to explore the market for attacking players. In the Luis Díaz case, Richard Hughes is leading the negotiations. The Saudi club is ready to convince the Colombian’s camp with a salary worth around €25M net per season.
Ofertë prej 120 deri në 150 milionë dollarë për Bayernin
Al-Hilal është i gatshëm t’i ofrojë Luis Diazit një pagë vjetore prej rreth 25 milionë eurosh për ta bindur që të transferohet në Arabinë Saudite.
Në rast se lojtari pranon kushtet personale, klubi saudit do të nisë menjëherë bisedimet me Bayernin dhe pritet të paraqesë një ofertë që mund të jetë mes 120 dhe 150 milionë dollarëve.
Nëse marrëveshja do të realizohej me këto shifra, Luis Diaz do të bëhej transferimi më i shtrenjtë në historinë e Ligës Saudite.
Rekordi aktual mbahet nga Neymar, për të cilin Al-Hilal pagoi rreth 90 milionë euro te Paris Saint-Germain FC në vitin 2023.
Al-Hilal me buxhet të madh për afatin e verës
Sipas raportimeve, Al-Hilal ka në dispozicion një buxhet prej rreth 350 milionë dollarësh për përforcime gjatë kësaj vere, duke treguar ambiciet e mëdha të klubit.
Skuadra saudite tashmë ka bërë disa lëvizje në merkato, duke siguruar gjashtë përforcime të reja.
Përveç transferimit të mundshëm të Crysencio Summerville nga West Ham United FC, Al-Hilal ka afruar edhe Mohammed Al-Owais, Sabri Dahl, Abdullah Al-Anzi, Mohammed Al-Sarnukh dhe Nawaf Al-Habashi.
Me një investim të tillë financiar, klubi saudit synon të forcojë ndjeshëm skuadrën dhe të vazhdojë garën për dominim në futbollin aziatik. Nëse Luis Diaz do të mbërrinte në Riad, transferimi i tij do të shënonte një tjetër rekord të madh në epokën e shpenzimeve marramendëse të futbollit saudit. /Telegrafi/
Anthony Joshua ka treguar përvojën dhe qetësinë e një kampioni për të përmbysur një situatë shumë të vështirë ndaj boksierit shqiptar Kristian Prenga.
Statistikat e meçit kanë zbuluar se si Joshua ndryshoi qasje në ring pas një raundi të parë dramatik, duke përshtatur taktikat e tij për të neutralizuar fuqinë e Prengës dhe për të përgatitur goditjen që i dha fund përballjes.
Joshua pati një fillim katastrofik në duelin e zhvilluar në Jeddah Superdome të Arabisë Saudite. Vetëm pas 20 sekondash nga fillimi i ndeshjes, boksieri britanik u rrëzua pas një goditjeje të fuqishme të Prengës.
Por momentet e vështira për Joshuan nuk përfunduan aty. Në raundin e parë, ai u dërgua përsëri në dysheme, duke u gjendur shumë pranë një humbjeje të papritur.
Megjithatë, 36-vjeçari arriti të mbijetojë deri në fund të raundit dhe në pushimin mes dy raundeve bëri ndryshimet e nevojshme taktike.
Joshua ndryshoi ritmin dhe kontrolloi distancën
Në raundin e dytë, ish-kampioni botëror u rikthye krejtësisht ndryshe. Ai rriti volumin e goditjeve, kontrolloi distancën dhe nuk i lejoi më Prengës të zhvillonte të njëjtin presion si në fillim.
Sipas statistikave të publikuara nga “CompuBox”, Joshua e dyfishoi numrin e goditjeve të hedhura. Në raundin e parë ai provoi 22 goditje, ndërsa në të dytin 46.
Prenga kishte qenë shumë efikas në raundin e parë, duke realizuar 14 nga 28 goditje të fuqishme, ndërsa Joshua në raundin e dytë u përgjigj duke gjetur objektivin me 10 nga 17 goditje të fuqishme para ndërprerjes së duelit.
Goditja e drejtë ishte çelësi i strategjisë
Një nga elementet më interesante të ndryshimit taktik të Joshuas ishte përdorimi i goditjes së drejtë.
Britaniku nuk e përdori këtë goditje me qëllimin për ta dëmtuar menjëherë Prengën, por për ta mbajtur në distancë, për t’i prishur ritmin dhe për të krijuar hapësirën për goditjen vendimtare.
Gjatë gjithë meçit, vetëm pesë nga 45 goditjet e drejta të Joshuas gjetën objektivin, por ndikimi i tyre ishte taktik. Ato shërbyen për të ulur agresivitetin e Prengës dhe për të përgatitur sulmin final.
Përvoja e Joshuas bëri diferencën
Raundi i dytë ishte një demonstrim i përvojës së Joshuas në nivelet më të larta të boksit. Ai nuk u përpoq të hynte në shkëmbime të rrezikshme, por zgjodhi të kontrollonte ritmin dhe të priste momentin e duhur.
Pas një serie goditjesh të fuqishme, Joshua e detyroi Prengën drejt litarëve dhe më pas e rrëzoi, duke e mbyllur meçin me nokaut.
Kjo fitore i siguroi Joshuas vazhdimin e rrugëtimit drejt përballjes së shumëpritur me Tyson Fury, një duel që pritet të jetë një nga më fitimprurësit në historinë e boksit.
Në anën tjetër, Kristian Prenga la përshtypje të fortë me paraqitjen e tij, duke treguar se mund të përballet me emrat më të mëdhenj të peshave të rënda. Megjithatë, në fund, përvoja dhe përshtatja taktike e Joshuas bënë diferencën. /Telegrafi/
Futbolli modern po ndryshon me ritme të shpejta, ndërsa një nga elementet që ka fituar rëndësi të jashtëzakonshme vitet e fundit janë goditjet standarde. Ato nuk konsiderohen më vetëm si raste të rastësishme për gol, por si një armë strategjike që mund të vendosë ndeshje dhe trofe.
Në këtë revolucion taktik kanë luajtur rol të madh specialistët e goditjeve të ndaluara, me emra si Nicolas Jover te Arsenali që kanë dëshmuar ndikimin e tyre në elitën e futbollit anglez.
Tashmë, një tjetër ekspert i këtij departamenti pritet të bëjë një hap të madh në karrierë.
MacPhee largohet nga Aston Villa pas pesë vitesh suksesi
Austin MacPhee është shumë pranë largimit nga Aston Villa, pas pesë sezoneve të suksesshme në stafin e Unai Emery.
Specialisti skocez ka qenë një nga figurat më të rëndësishme në prapaskenë te Villa, duke e shndërruar skuadrën angleze në një prej ekipeve më të rrezikshme në Evropë nga goditjet standarde.
Puna e tij taktike ka dhënë një kontribut të madh në rezultatet e Aston Villas gjatë viteve të fundit, duke kulmuar me fitimin e trofeut të Ligës së Evropës në muajin maj.
Chelsea dhe Xabi Alonso kërkojnë ta sjellin në Londër
Edhe pse ende nuk ka një konfirmim zyrtar, në Angli raportohet se MacPhee pritet t’i bashkohet Chelseat, skuadër e cila tani drejtohet nga Xabi Alonso.
Klubi londinez po synon të forcojë departamentin e goditjeve standarde dhe transferimi i MacPhee shihet si një lëvizje ambicioze për të përmirësuar një aspekt ku Chelsea ka pasur vështirësi në sezonet e fundit.
Ai do të zëvendësonte Bernardo Cueva, ndërsa ardhja e tij do të ishte një tjetër dëshmi se klubet e mëdha tashmë investojnë seriozisht në specialistë të fushave të veçanta taktike.
Një humbje e madhe për Unai Emeryn
Largimi i MacPhee do të jetë një goditje për Unai Emeryn, pasi skocezi ishte një nga bashkëpunëtorët më të besuar të tij në Aston Villa.
Në një ligë si Liga Premier, ku intensiteti fizik dhe diferencat e vogla shpesh vendosin fatin e ndeshjeve, specialistët e goditjeve standarde janë bërë gjithnjë e më të rëndësishëm.
Shumë klube tashmë i shohin këto situata si një mënyrë për të krijuar avantazh ndaj kundërshtarëve dhe për të gjetur “rrugë të shkurtra” drejt golit.
Monchi, Damian Vidagany, Unai Emery and his backroom team have worked tirelessly to deliver history in their first full season at Villa Park. 🤝
🇪🇸 Pako Ayestarán 🇪🇸 Pablo Villanueva 🇪🇸 Javi García 🇪🇸 Rodri 🏴 Austin MacPhee 🇪🇸 Moisés De Hoyo 🇪🇸 Víctor Mañas pic.twitter.com/6j2ijlv7k0 — Aston Villa (@AVFCOfficial) May 15, 2024
Ekspertiza e tij vlerësohet edhe nga Portugalia
Vlerat e MacPhee nuk kanë kaluar pa u vërejtur edhe në nivel ndërkombëtar. Në vitin 2024, ai u përfshi në stafin e kombëtares së Portugalisë.
Përzgjedhësi Roberto Martínez kishte vlerësuar punën e tij, veçanërisht përdorimin e teknologjisë dhe analizave në përgatitjen e goditjeve standarde.
“E përdor shumë mirë teknologjinë dhe na ndihmon në përgatitjet tona. Kjo përfaqëson një ndryshim revolucionar”, kishte deklaruar Martínez.
MacPhee ishte pjesë e stafit të Portugalisë edhe në Kupën e Botës 2026, por ekipi nuk arriti të shfaqte të njëjtin efikasitet nga goditjet standarde gjatë turneut, ku u eliminua në fazën e 16 skuadrave.
Nëse marrëveshja me Chelsean finalizohet, Austin MacPhee do të bëhet një nga specialistët më të profilizuar dhe një tjetër shembull se sa shumë ka ndryshuar mënyra se si klubet elitare ndërtojnë stafet e tyre teknike. /Telegrafi/
Reprezentuesi kosovar ishte një prej lojtarëve më të rëndësishëm të Rubin Kazanit edhe sezonin e kaluar. Ai realizoi 10 gola në kampionat, por një lëndim e detyroi të mungojë në periudhën më të rëndësishme të sezonit, duke ia ndërprerë një ecuri shumë të mirë.
Megjithatë, rikthimi i tij ka sjellë sinjale pozitive dhe goli në startin e edicionit të ri tregon se Daku synon të jetë përsëri një nga figurat kryesore të Rubin Kazanit dhe një prej sulmuesve më të rrezikshëm në kampionatin rus.
Në këtë përballje, përveç Dakut, nga minuta e parë për Rubin Kazanin u paraqitën edhe futbollistët kosovarë Nazmi Gripshi dhe Veldin Hoxha. Ndërkohë, Dardan Shabanhaxhaj nuk ishte pjesë e skuadrës për këtë takim. /Telegrafi/
Futbollisti kosovar, Arbër Zeneli, ka qenë protagonist kryesor në fitoren e IF Elfsborg ndaj Malmö FF me rezultat 2:1, të dielën pasdite.
Zeneli ishte vendimtar në suksesin e skuadrës së tij në udhëtim, në kuadër të xhiros së 14-të të elitës së futbollit suedez, duke realizuar një gol dhe duke dhuruar një asistim.
Reprezentuesi kosovar e nisi ndeshjen në mënyrën më të mirë të mundshme, duke shënuar golin e epërsisë 1:0 në minutën e pestë dhe duke i dhënë avantazhin Elfsborgut që në fillim të takimit.
Por paraqitja e tij nuk u ndal me kaq. Në minutën e 34-t, Zeneli u shndërrua në asistues, duke përgatitur golin e fitores 2:1 për skuadrën suedeze.
Sulmuesi anësor u zëvendësua në minutën e 76-të, ndërsa për paraqitjen e tij u vlerësua me notën 7.9 nga “SofaScore”, duke qenë njëri prej lojtarëve më të mirë të ndeshjes.
Futbollisti tjetër kosovar i Elfsborgut, Dion Krasniqi, e ndoqi takimin nga banka rezervë.
Me këtë fitore, Elfsborgu ka arritur në kuotën e 21 pikëve pas 15 ndeshjeve të zhvilluara dhe aktualisht mban pozitën e gjashtë në tabelën e Allsvenskan.
Zeneli po kalon një sezon të mirë deri më tani, pasi ka regjistruar katër gola dhe dy asistime në kampionatin suedez, duke u bërë një nga lojtarët më të rëndësishëm të skuadrës së tij. /Telegrafi/
Anthony Joshua ka regjistruar fitore ndaj boksierit shqiptar Kristian Prenga, në një përballje që pati një skenar të jashtëzakonshëm dhe që ka nxitur reagime të shumta në botën e boksit.
Joshua u rikthye në ring pas një pauze shtatëmujore, por fillimi i duelit ishte një makth për ish-kampionin botëror. Boksieri shqiptar e befasoi që në sekondat e para, duke e rrëzuar Joshuan pas vetëm 20 sekondash luftë.
Situata u bë edhe më dramatike në fund të raundit të parë, kur Prenga arriti ta dërgonte përsëri në tokë britanikun. Pas dy rrëzimeve brenda një raundi, shumëkush nisi të dyshonte nëse Joshua do të arrinte të rikthehej dhe ta përfundonte duelin.
Një ndryshim i madh nga raundi i parë në të dytin
Por raundi i dytë solli një kthesë të jashtëzakonshme. Joshua u rikthye krejtësisht ndryshe në ring, duke marrë kontrollin e përballjes dhe duke e vendosur Prengën nën presion të vazhdueshëm.
Britaniku lëshoi një seri goditjesh të fuqishme, e detyroi kundërshtarin të tërhiqej drejt litarëve dhe më pas e rrëzoi, duke e mbyllur duelin me nokaut.
Kjo fitore ishte veçanërisht e rëndësishme për Joshuan, pasi i siguroi atij një tjetër mundësi të madhe financiare në karrierë – përballjen e shumëpritur me Tyson Fury.
Pas fitores së Furyt ndaj Mariusz Wach një ditë më parë, rruga u hap që dy yjet britanikë të peshave të rënda të përballen më në fund në një duel që pritet të jetë ndër më fitimprurësit në historinë e boksit.
Gazetari Simon Jordan ngre dyshime për përmbysjen e Joshuas
Megjithatë, mënyra se si ndryshoi performanca e Joshuas nga një raund në tjetrin ka ngritur pikëpyetje. Komentatori dhe prezantuesi i njohur i talkSPORT, Simon Jordan, ka shprehur publikisht dyshimet e tij për atë që ndodhi në ring.
Jordan nuk e ka kritikuar rezultatin zyrtar, por ka vënë në dyshim ndryshimin drastik të paraqitjes së Joshuas brenda pak minutash.
“Nuk e besoj këtë histori... diçka nuk shkon këtu”, ka shkruar Jordan në rrjetet sociale.
Ai më pas shtoi: “Rrëzohesh dy herë dhe më pas fillon të diktosh ritmin e ndeshjes? Si është e mundur? Raundi i dytë ishte një ndeshje krejtësisht tjetër. Diçka nuk shkon, gjithçka duket sikur është ndërtuar për të nxjerrë maksimumin financiar nga përballja Joshua-Fury”.
Dropped twice and sets the tempo, how’s that ? … Prenga totally different in 2nd
Something not quite right , all designed to rinse maximum amount of money … — Simon Jordan (@Sjopinion10) July 25, 2026
Statistikat tregojnë ndryshimin e madh mes dy raundeve
Edhe statistikat e përballjes tregojnë një kontrast të madh mes raundit të parë dhe atij të dytë.
Në raundin e parë, Joshua pati një paraqitje të dobët në aspektin ofensiv. Ai realizoi vetëm 5 goditje nga 22 tentativa, ndërsa Prenga ishte shumë më efikas, duke gjetur objektivin 15 herë nga 32 goditje të provuara.
Në raundin e dytë, situata ndryshoi plotësisht. Joshua arriti të realizojë 13 goditje nga 46 tentativa, ndërsa Prenga uli ndjeshëm ritmin, duke regjistruar vetëm 3 goditje nga 17 përpjekje.
Ky ndryshim i madh në vetëm një raund ka bërë që shumë tifozë dhe analistë të diskutojnë mbi atë që ndodhi në ring.
Pavarësisht polemikave, rezultati zyrtar mbetet në favor të Anthony Joshuas, i cili tashmë shikon drejt sfidës së madhe me Tyson Furyn – një duel që pritet të jetë një nga ngjarjet më të mëdha të boksit në vitet e fundit. /Telegrafi/
Një skenë e pazakontë tërhoqi vëmendjen gjatë Çmimit të Madh të Hungarisë në Formula 1. Presidenti i Republikës Çeke, Petr Pavel, u shfaq në pistën e Formula 1 jo si mysafir apo spektator, por si fotograf, i pajisur me kamerë profesionale dhe akreditim zyrtar të FIA-s.
Pavel ndoqi nga afër seancat stërvitore dhe kualifikuese të së shtunës, ku realizoi fotografi pranë fotografit të njohur çek të Formula 1, Jirí Krenek.
Megjithatë, kjo nuk është hera e parë që presidenti çek shfaq pasionin e tij për fotografinë në sportet motorike.
Vetëm pak javë më parë, ai ishte i pranishëm në garën legjendare 24 Orët e Le Mans në Francë, ku gjithashtu fotografoi nga afër ngjarjen me pajisje profesionale.
Ish-kryetari i Komitetit Ushtarak të NATO-s është një adhurues i njohur i sporteve motorike. Gjatë viteve ai ka fotografuar gara të MotoGP dhe World Superbike në Brno, ndërsa ka udhëtuar edhe në Shtetet e Bashkuara dhe Arabinë Saudite për të ndjekur nga afër gara si NASCAR dhe Rally Dakar.
Prania e tij në Hungari si fotograf u bë një nga momentet më të veçanta jashtë pistës gjatë fundjavës së Formula 1, duke treguar edhe një herë pasionin e presidentit çek për fotografinë dhe sportet motorike. /Telegrafi/
Kastriot Imeri e ka nisur në mënyrën më të mirë të mundshme edicionin 2026/27 në elitën e futbollit zviceran.
Mesfushori kosovar ka qenë protagonist në fitoren e BSC Young Boys ndaj FC Sion, duke dhuruar dy asistime në suksesin 4-2 të skuadrës nga Berna.
Imeri u inkuadrua në lojë në minutën e 25-të, pasi zëvendësoi Alan Virginiusin, i cili u detyrua të largohej për shkak të një lëndimi. Megjithatë, rikthimi i tij në fushë ishte i menjëhershëm dhe me shumë ndikim.
Në minutën e 40-të, 26-vjeçari asistoi për Alvyn Sanches, i cili realizoi për epërsinë 2-0 të Young Boysit. Ndërsa në minutën e 66-të, Imeri ishte përsëri në rolin e krijuesit, duke ndihmuar Samuel Essenden të shënonte për 3-2.
Ky ishte një rikthim me stil për Imerin, i cili sezonin e kaluar ishte i huazuar te FC Thun.
Me Thunin, mesfushori pati një edicion të jashtëzakonshëm, duke fituar titullin e kampionit dhe duke ndihmuar ekipin të rikthehej në elitën e futbollit zviceran.
Tashmë, Imeri është kthyer te Young Boys me ambicie të reja dhe paraqitja e parë e sezonit ka treguar se ai mund të jetë një nga lojtarët kryesorë të skuadrës në garat e reja. /Telegrafi/
West Ham ka hyrë në histori si klubi i divizionit të dytë anglez që ka arkëtuar më shumë para nga shitja e lojtarëve në një afat kalimtar.
Edhe pse sezonin e ardhshëm do të garojë në Championship, klubi londinez ka përfituar plot 179 milionë euro nga largimi i vetëm dy futbollistëve.
Shitja më e madhe ishte ajo e Mateus Fernandes, i cili u transferua te Tottenham Hotspur për 99 milionë euro, duke u bërë largimi më i shtrenjtë në historinë e West Hamit dhe një nga transferimet më të kushtueshme në historinë e Spurs.
Pak javë më vonë, Crysencio Summerville iu bashkua Al Hilalit në Arabinë Saudite për 80 milionë euro, duke u bërë një nga blerjet më të shtrenjta në historinë e klubit saudit.
Shitjet shpëtojnë financat e klubit
Sipas The Telegraph, West Ham kishte nevojë të siguronte rreth 150 milionë funte nga shitjet e lojtarëve për të balancuar financat pas rënies nga Liga Premier, e cila i kushtoi klubit rreth 100 milionë euro të ardhura të humbura.
Me këto dy transferime, klubi jo vetëm që stabilizoi financat, por vendosi edhe një rekord për një skuadër të Championship.
Everywhere we go 🫧 — West Ham United (@WestHam) July 9, 2026
Para se të zgjidhte Tottenhamin, Mateus Fernandes ishte në radarët e klubeve të mëdha evropiane, përfshirë Real Madridin dhe Manchester Unitedin. Megjithatë, ishte Tottenham që vendosi të investonte 99 milionë euro për mesfushorin portugez.
Ndërkohë, Summerville ishte shumë pranë kalimit te Roma, por oferta përfundimtare e Al Hilalit rezultoi bindëse. Klubi saudit pagoi rreth 70 milionë euro, duke e bërë holandezin transferimin e dytë më të shtrenjtë në historinë e tij, pas Neymarit.
Këto shifra dëshmojnë se Championship vazhdon të jetë një burim i rëndësishëm parash, ndërsa West Ham ka treguar se edhe pas rënies nga elita mund të realizohen marrëveshje rekord në tregun e transferimeve.
Shitjet më të shtrenjta nga klubet e divizionit të dytë në pesë ligat kryesore
Mateus Fernandes (West Ham → Tottenham) – 99 milionë euro
Crysencio Summerville (West Ham → Al Hilal) – 70 milionë euro
Roméo Lavia (Southampton → Chelsea) – 62.1 milionë euro
Mateus Fernandes (Southampton → West Ham) – 52.25 milionë euro
Georginio Rutter (Leeds United → Brighton) – 46.7 milionë euro
James Maddison (Leicester → Tottenham) – 46.3 milionë euro
Nathan Aké (Bournemouth → Manchester City) – 45.3 milionë euro
Harvey Barnes (Leicester → Newcastle) – 44 milionë euro
Omari Hutchinson (Ipswich → Nottingham Forest) – 43.4 milionë euro
Archie Gray (Leeds United → Tottenham) – 41.25 milionë euro
Legjenda e basketbollit, LeBron James, ka pranuar uljen më të madhe të pagës në historinë e NBA-së, pasi ka nënshkruar me Philadelphia 76ers për pagën minimale prej 3.88 milionë dollarësh për sezonin 2026/27.
41-vjeçari, i cili sezonin e kaluar përfitoi 52.63 milionë dollarë te Los Angeles Lakers, do të ketë një ulje prej rreth 93 për qind të pagës së tij, një rekord i paprecedentë për një superyll të NBA-së.
Kontrata e re është më e ulëta që LeBron ka marrë në gjithë karrierën e tij 24-vjeçare. Madje, edhe në sezonin e tij debutues me Cleveland Cavaliers në vitin 2003, ai fitoi më shumë, rreth 4 milionë dollarë.
Synimi është titulli, jo paratë
LeBron ka zgjedhur të sakrifikojë fitimet për të rritur mundësitë e Philadelphia 76ers për të fituar titullin e NBA-së. Ai synon të fitojë unazën e pestë të kampionit, ndërsa pranoi pagën minimale të lejuar për një basketbollist me përvojën e tij.
Me këtë kontratë, ai do të jetë vetëm lojtari i 298-të më i paguar në NBA sezonin e ardhshëm.
Për krahasim, Stephen Curry do të jetë basketbollisti më i paguar i ligës me 62.5 milionë dollarë, ndërsa te Sixers, Joel Embiid dhe Jaylen Brown do të përfitojnë nga 57.7 milionë dollarë secili.
Ende në nivel të lartë
Pavarësisht moshës, LeBron vazhdon të jetë ndër lojtarët më produktivë të NBA-së. Sezonin e kaluar ai regjistroi mesatarisht: 20.9 pikë, 6.1 ribaunde, 7.2 asistime dhe në mbi 33 minuta për ndeshje.
Statistika të tilla zakonisht u sigurojnë lojtarëve kontrata me vlerë rreth 40 milionë dollarë në sezon, çka e bën marrëveshjen e Sixers një nga më të favorshmet në aspektin sportiv.
Mbi 580 milionë dollarë nga kontratat në NBA
LeBron mund ta përballojë këtë sakrificë financiare, pasi gjatë karrierës së tij ka fituar mbi 580 milionë dollarë vetëm nga kontratat në NBA. Përveç kësaj, ai vazhdon të ketë të ardhura të mëdha nga sponsorët, përfshirë kontratën e përjetshme me Nike.
Pas përfundimit të sezonit të kaluar, veterani pranoi se kishte menduar seriozisht të tërhiqej.
"Kur sezoni përfundoi, isha pothuajse i bindur se kisha luajtur ndeshjen time të fundit. Më duhej të reflektoja nëse ende e doja basketbollin. Në fund kuptova se ende e dua këtë lojë dhe besoj se kam shumë për të dhënë", deklaroi LeBron.
Kontrata e tij me Philadelphia është dyvjeçare, por sezoni i dytë është opsional, duke lënë të hapur mundësinë që kjo të jetë etapa e fundit e karrierës së njërit prej basketbollistëve më të mëdhenj të të gjitha kohërave. /Telegrafi/
Sporti kosovar ka humbur një nga emrat më të respektuar të basketbollit. Ka ndërruar jetë Mithat Belegu, ish-basketbollist dhe figurë e shquar e basketbollit pejan.
Lajmi për vdekjen e tij është bërë i ditur nga familjarët, ndërsa nipi i tij, Aroni, ka njoftuar edhe për ceremoninë e varrimit.
"Me pikëllim të thellë njoftojmë familjarët, miqtë dhe dashamirët se ka ndërruar jetë më i dashuri ynë, Mithat Belegu. Ai do të kujtohet gjithmonë për mirësinë, urtësinë, forcën dhe dashurinë që ua dhuroi familjes dhe të gjithë atyre që e njohën. Varrimi do të bëhet më 27 korrik 2026, në ora 14:00, në varrezat e qytetit", thuhet në njoftimin e familjes.
Mithat Belegu ishte pjesë e gjeneratës së artë të KB Buducnost, klub që sot njihet si KB Peja, duke dhënë një kontribut të çmuar në zhvillimin e basketbollit pejan dhe kosovar.
Ai do të kujtohet si një sportist i përkushtuar dhe një personalitet që la gjurmë të pashlyeshme në historinë e basketbollit të Kosovës.
Ngushëllime familjes Belegu, miqve dhe gjithë komunitetit të basketbollit për këtë humbje të madhe. /Telegrafi/
Lando Norris ka regjistruar fitoren e tij të parë në sezonin 2026 të Formula 1, pasi triumfoi në Çmimin e Madh të Hungarisë, duke lënë pas Max Verstappenin dhe Kimi Antonellin, të cilët plotësuan podiumin.
Piloti britanik përfitoi nga strategjia e McLarenit dhe nga problemet e shokut të skuadrës, Oscar Piastri, i cili u detyrua të tërhiqej nga gara, ndërsa Lewis Hamilton e mbylli garën në vendin e pestë pas një penalizimi prej pesë sekondash.
Starti i garës i takoi Oscar Piastrit, i cili nga vendi i tretë mori menjëherë kryesimin pas kthesës së tretë. Norris u vendos i dyti, ndërsa Verstappen përfitoi nga një nisje jo ideale e Charles Leclerc për t'u ngjitur në pozitën e tretë.
Në anën tjetër, George Russell pati një start katastrofik, duke rënë nga vendi i shtatë në të 18-in.
Strategjia vendosi fituesin
Pas ndalesave të para në bokse, Verstappen arriti ta rikuperonte pozitën ndaj Hamiltonit, ndërsa dy pilotët e McLarenit vazhduan të udhëhiqnin garën.
Në mesin e garës, Norris kërkoi në radio një strategji ndryshe, duke besuar se kishte ritëm më të mirë se Piastri. Vendimi i ekipit për ta mbajtur më gjatë në pistë rezultoi vendimtar.
Kur britaniku kreu ndalesën e dytë në bokse, ai u rikthye në pistë përpara Piastrit, i cili humbi kohë duke kaluar pilotët e xhiruar dhe pas një kontakti me Carlos Sainzin.
From fighting for the win to pulling up at the side of the track
Hamilton gjithashtu përfitoi nga neutralizimi, por më vonë iu desh t'ia kthente pozitën Antonellit, pasi e kishte kaluar në mënyrë të parregullt gjatë daljes nga boksi.
Pak më vonë, shtatë herë kampioni i botës mori edhe një penalizim prej pesë sekondash për tejkalim të shpejtësisë së lejuar në korsinë e bokseve, duke rënë pas Charles Leclerc në renditjen përfundimtare.
Oleksandr Usyk u bë një nga personazhet më të komentuar të mbrëmjes, jo vetëm për praninë e tij pranë ringut, por edhe për reagimin emocional gjatë fitores dramatike të Anthony Joshuas ndaj boksierit shqiptar Kristian Prenga.
Joshua kaloi një nga sfidat më të vështira të karrierës së tij, pasi u rrëzua dy herë në raundin e parë nga Prenga.
Goditja e parë erdhi vetëm 20 sekonda pas nisjes së meçit, ndërsa shqiptari e dërgoi sërish në tapet britanikun para përfundimit të raundit të parë, duke lënë të kuptohej se një sensacion ishte pranë.
Megjithatë, Joshua reagoi fuqishëm në raundin e dytë, ku riktheu kontrollin e duelit dhe e mbylli përballjen me nokaut teknik.
Usyk nuk i fshehu emocionet
Në tribunë ishte i pranishëm edhe kampioni ukrainas Oleksandr Usyk, rivali i dikurshëm dhe tashmë mik i Joshuas.
Kamerat kapën momentin kur, pas nokautit të Joshuas, Usyk mori frymë thellë dhe shfaqi një lehtësim të dukshëm në fytyrë. Reagimi i tij u bë menjëherë viral në rrjetet sociale.
Usyk avec un GROS soupir de soulagement après le KO de retour d'AJ 😅 pic.twitter.com/2MJ753C5Z5 — Le retour de BOXE Anglaise News (@RetourBoxe) July 26, 2026
"Fytyra e tij tregoi gjithçka", shkroi një tifoz. Një tjetër komentoi: "Usyk mori një frymë të madhe lehtësimi."
Ndërsa një përdorues tjetër i rrjeteve sociale shtoi: "Mund të shihet qartë se ai kujdeset sinqerisht për Joshuan".
This brotherhood between Usyk & AJ is the best thing in boxing.
The way AJ approached the person who beat him twice, the way Usyk put his arm around AJ after what happened last year.
Ky ishte meçi i parë i Anthony Joshuas që nga aksidenti tragjik me makinë në Nigeri, ku humbën jetën dy miqtë e tij të ngushtë, Sina Ghami dhe Latif "Latz" Ayodele.
Pas fitores, Joshua u emocionua teksa ua dedikoi suksesin miqve të ndjerë.
"Kjo ishte më shumë sesa fuqi goditëse. Ishte shpirti i Latzit, i Sinas dhe i familjeve të tyre. Më dhemb edhe ta flas këtë. Ka qenë një periudhë shumë e vështirë", deklaroi Joshua.
Fitorja ndaj Prengës i hap rrugën britanikut për superduelin e shumëpritur me Tyson Furyn, i cili pritet të zhvillohet në fund të këtij viti. Fury nuk ishte i pranishëm në "Jeddah Superdome" për ta ndjekur meçin. /Telegrafi/
Login
