Bayern Munich ka paraqitur një ofertë prej 52 milionë eurosh për anësorin e Liverpoolit, Luis Diaz, sipas raportimeve të gazetës gjermane Bild.

Megjithatë, kjo shumë është dukshëm më e ulët se kërkesa e klubit anglez, i cili e vlerëson kolumbianin me rreth 80 milionë euro.

Sipas burimeve nga Spanja, thuhet se ekziston një “marrëveshje zotërinjsh” mes lojtarit dhe Liverpoolit, e cila do t’i lejonte Diazit të largohet nëse vjen një ofertë e përshtatshme.

Megjithatë, Bayern nuk është i gatshëm të shkojë përtej 60 milionë eurove plus bonuse.

Diaz, i cili është 28 vjeç, raportohet se i ka bërë të qartë Liverpoolit dëshirën e tij për t’u transferuar në Mynih.

Pavarësisht se vlera e tij në aspektin e rishitjes është e kufizuar për shkak të moshës, Bayern është i fokusuar në përmirësimin afatshkurtër të skuadrës dhe konkurrencën në garat madhore si Liga e Kampionëve.

Lexo po ashtu Luis Diaz thyen heshtjen dhe flet publikisht për të ardhmen e tij tek Liverpooli

Bisedimet mes klubeve ishin ndërprerë përkohësisht për shkak të vdekjes tragjike të sulmuesit të Liverpoolit, Diogo Jota.

Megjithatë, Bayern ka rifilluar interesimin e tij nëpërmjet përfaqësuesve të Diaz. /Telegrafi/

The post Bayern Munich bën ofertën e parë për Luis Diaz appeared first on Telegrafi.

Pas rikthimit nga huazimi te SV Elversberg, Fisnik Asllani ka vendosur të vazhdojë karrierën te TSG Hoffenheim.

Sipas asaj që raporton Transfermarkt, sulmuesi 22-vjeçar do të nënshkruajë të dielën kontratë të re që e mban të lidhur me klubin deri në verën e vitit 2029. Kështu, Werder Bremen – që kishte shfaqur interes serioz për lojtarin, nuk ka arritur ta bindë për transferim.

Një bisedë me trajnerin e ri të Hoffenheim, Christian Ilzer, ka qenë vendimtare në këtë vendim. Ilzer i ka garantuar Asllanit se do të jetë pjesë e rëndësishme e projektit për sezonin e ardhshëm.

Asllani iu bashkua Hoffenheimit në vitin 2020 nga akademia e Union Berlin, fillimisht duke u aktivizuar me ekipin U23. Pas një kohe të shkurtër, ai u bashkua me ekipin e parë dhe më vonë u huazua te Austria Vjena dhe së fundmi te Elversberg në Bundesliga 2.

Te Elversberg, Asllani shkëlqeu me 18 gola dhe 9 asistime, duke udhëhequr ekipin drejt ndeshjeve të “play-off”-it për ngjitje në elitë kundër Heidenheim.

Në dy ndeshjet e “play-off”-it, ai realizoi një gol dhe dhuroi një asist, ndonëse Elversberg nuk arriti të promovoj.

Falë këtij sezoni të jashtëzakonshëm, vlera e Asllanit në Transfermarkt është rritur në 8 milionë euro – dhjetëfish më shumë se më parë. /Telegrafi/ 

The post Fisnik Asllani rinovon me Hoffenheim deri në vitin 2029 – zyrtarizimi në fund të javës appeared first on Telegrafi.

Mesfushori i ri holandez, Xavi Simons, është shumë pranë një kalimi të madh drejt kampionëve të Gjermanisë, Bayern Munich.

Sipas burimeve të “The Athletic”, Bayern ka dorëzuar një kërkesë zyrtare për transferimin e lojtarit, ndërsa vetë Simons ka informuar klubin e tij aktual, RB Leipzig, për dëshirën që të largohet.

22-vjeçari kaloi sezonin e fundit te Leipzig si huazim nga Paris Saint-Germain dhe zhvilloi një kampanjë mbresëlënëse në Bundesliga, me 10 gola dhe 7 asiste në 25 paraqitje. Performanca e tij e fortë në ligën gjermane ka tërhequr vëmendjen e klubeve më të mëdha evropiane, përfshirë Bayern Munich, i cili po kërkon të forcojë mesfushën për sezonin e ardhshëm.

Lexo po ashtu Sane po largohet, Bayerni do ta transferojë yllin holandez si zëvendësues të anësorit gjerman

Simons u rikthye në PSG në janar 2025 pasi huazimi përfundoi, por nuk ishte në planet afatgjata të trajnerit Luis Enrique. RB Leipzig kishte shpresuar ta blinte përfundimisht për një shumë prej 50 milionë eurosh, por mungesa e kualifikimit në Kupat Evropiane duket se e ka bindur lojtarin që të kërkojë një sfidë të re.

Marrëveshja e mundshme me Bayernin pritet të jetë një huazim me opsion blerjeje, ndërsa PSG ende mban të drejtat e kartonit të lojtarit. Klubi gjerman ka qenë aktiv në merkato dhe e sheh Simons si një përforcim ideal për fazën sulmuese dhe kreativitetin në mesfushë, pas largimeve të mundshme të disa emrave kyç.

Simons ka qenë një nga talentet më premtues të futbollit holandez dhe ka bërë paraqitje mbresëlënëse edhe me kombëtaren e “Tulipanëve”, duke e konfirmuar potencialin e tij në nivelet më të larta. Me stilin e lojës që i përshtatet filozofisë së Bayernit, ai mund të jetë një përforcim i rëndësishëm për sezonin 2025/26.

Negociatat mes klubeve janë ende në zhvillim, por pritet që çështja të mbyllet gjatë javës në vijim. Në rast se kalimi realizohet, Bayerni do të sigurojë një nga emrat më të kërkuar të brezit të ri në futbollin evropian. /Telegrafi/

The post Xavi Simons drejt Bayernit – talenti holandez kërkon një tjetër hap të madh në karrierë appeared first on Telegrafi.

Juventusi po përparon në përpjekjen për të transferuar mesfushorin e Bayer Leverkusenit, Granit Xhaka, ku mediat nga Italia tashmë zbulojnë detaje mbi çmimin e kërkuar dhe kushtet personale të marrëveshjes.

Ish-mesfushori i Arsenalit, i cili ka regjistruar 225 paraqitje në Ligën Premier dhe 174 në Bundesligë, ishte lidhur edhe me një kalim te Milani, por mediat italiane si Tuttosport dhe La Gazzetta dello Sport raportojnë se Juventusi ka dalë në skenë si opsioni më serioz dhe i mundshëm për shqiptarin.

Xhaka, 32 vjeç, shihet si një alternativë shumë e vlefshme për “Zonjën e Vjetër” falë përvojës dhe besueshmërisë së tij. Ai ka qenë titullar pothuajse i padiskutueshëm në radhët e Leverkusenit gjatë dy sezoneve të fundit dhe nuk ka munguar në më shumë se një ndeshje radhazi që nga viti 2021.

Për më tepër, çmimi i vendosur nga Bayer Leverkusen për kartonin e tij është rreth 15 milionë euro, shumë më i ulët krahasuar me alternativat e tjera që Juventusi ka vlerësuar si Morten Hjulmand apo Florentino Luis, të cilët vlerësohen nga klubet në mbi 40 milionë euro.

Lexo po ashtu Pse Juventusi e dëshiron Granit Xhakën?

Sipas raportimeve të fundit, Juventus synon të negociojë edhe më tej këtë shifër, duke shpresuar ta ulë në 12 milionë euro. Edhe kërkesat për pagë nga ana e Xhakës nuk konsiderohen problem për klubin torinez, që është i vendosur ta mbyllë marrëveshjen sa më shpejt. /Telegrafi/ 

The post Juventusi dhe Granit Xhaka, në rrugën e duhur – zbulohen çmimi, kushtet personale nuk janë problem appeared first on Telegrafi.

Ideja më e fundit për të forcuar mesfushën e Juventusit çon te Bayer Leverkusen, me Granit Xhakën i cili është në listën e Zonjës së Vjetër, ndërsa në dy sezonet e fundit ka treguar paraqitje të qëndrueshme dhe të lartë.

Lidhja e emrit të tij me Bianconerët fillimisht habiti, duke marrë parasysh moshën e tij. Kjo pasi Xhaka, do të mbushë 33 vjet në shtator.

Nënshkrimi i fundit i Juventusit mbi 30-vjeçar daton që nga ardhja e Angel Di Marias në verën e vitit 2022 — një periudhë që sot duket si një epokë tjetër futbolli, veçanërisht në Torino.

Por, pse Juventusi beson te Xhaka?

Së pari, sepse ai është një lojtar shumë i aftë dhe i besueshëm, me përvojë të gjerë ndërkombëtare: nga Baseli në Bayer Leverkusen dhe veçanërisht Arsenali, Xhaka ka luajtur dhe ka fituar në çdo fazë të karrierës së tij. Kjo e bën kandidaturën e tij ideale për të përforcuar mesfushën, e cila më pak se një vit më parë u mbush me investime të mëdha, por pa arritur rezultatet e pritura. Shembujt e fundit, Douglas Luiz dhe Teun Koopmeiners.

Nga ana tjetër, Xhaka vjen pas një sezoni pozitiv, një dëshmi e qëndrueshmërisë dhe jetëgjatësisë së tij si futbollist. Ai është gjithashtu i besueshëm fizikisht: ka luajtur 49 ndeshje në sezonin e fundit me Bayer Leverkusen, dhe mungesa e tij më e fundit daton nga shtatori 2021, kur ishte ende pjesë e Arsenalit — një rekord i vërtetë.

Gjithashtu, nga pikëpamja financiare, Xhaka është një opsion më i përballueshëm krahasuar me lojtarët e tjerë të profilit të ngjashëm dhe më të rinj, me të cilët Juventusi ka pasur negociata të thella në javët e fundit, si Florentino i Benficës dhe Hjulmand i Sportingut, të cilët kërkojnë të paktën 40 milionë euro investim.

Bayer Leverkusen ka vendosur çmimin për largimin e Granit Xhakës në 15 milionë euro, një shifër që konsiderohet e negociueshme, duke marrë parasysh negociatat e forta dhe dëshirën e lojtarit për një ndryshim ambienti. /Telegrafi/ 

The post Pse Juventusi e dëshiron Granit Xhakën? appeared first on Telegrafi.

Liverpooli është shfaqur si pretendent serioz për të siguruar shërbimet e sulmuesit francez Hugo Ekitike nga Eintracht Frankfurt. Sipas gazetarit të njohur Nicolo Schira, palët janë në bisedime të avancuara për një kontratë që do të zgjaste deri në qershor të vitit 2030.

23-vjeçari pati një sezon mbresëlënës në Bundesliga, duke realizuar 22 gola dhe dhënë 11 asistime në 47 paraqitje gjatë edicionit 2024/25 dhe forma e tij ka tërhequr vëmendjen e disa klubeve të mëdha evropiane.

Eintracht Frankfurt ka vendosur një çmim prej 100 milionë eurosh për Ekitike, ndërsa Liverpooli po sheh mundësinë që ta financojë transferimin përmes shitjes së mundshme të Darwin Nunez.

Trajneri i ‘The Reds’, Arne Slot, e sheh sulmuesin francez si zëvendësuesin ideal të Nunez dhe po e shtyn klubin drejt finalizimit të marrëveshjes.

Ndërkohë, edhe Chelsea dhe Manchester United kanë shfaqur interes për Ekitike, por duket se Liverpooli është më pranë arritjes së një marrëveshjeje konkrete.

Bisedimet mes klubit anglez dhe përfaqësuesve të lojtarit po përparojnë me ritme të shpejta dhe janë në fazat përfundimtare.

Vetë Ekitike është i etur për një transferim në ‘Anfield’ dhe thuhet se është i impresionuar nga projekti sportiv i kampionëve të Ligës Premier. /Telegrafi/

The post Liverpooli mbetet skuadra favorite për të nënshkruar me Hugo Ekitiken appeared first on Telegrafi.

Pas afrimit të afërt të Maximilian Wober, Werder Bremen po kërkon të shtojë edhe një emër në repartin mbrojtës, dhe një nga kandidatët kryesorë është Albian Hajdari i FC Lugano.

Sipas gazetës gjermane BILD, mbrojtësi 22-vjeçar është në listën e dëshirave të klubit gjerman, i cili ka nevojë për përforcime.

Hajdari ishte një nga lojtarët kyç të Luganos sezonin e kaluar, me 40 paraqitje zyrtare. Ai është përdorur kryesisht si qendërmbrojtës, por ka treguar fleksibilitet edhe si mbrojtës i majtë dhe mesfushor mbrojtës. Në mars të këtij viti, ai debutoi me Zvicrën në një fitore 3-1 ndaj Luksemburgut.

Një transferim i tij mund të realizohet për vetëm 5 milionë euro, falë një klauzole lirimi, ndonëse vlera e tij aktuale në treg sipas Transfermarkt vlerësohet në 12 milionë euro.

Megjithatë, Werder Bremen nuk ka gjeneruar ende të ardhura nga shitjet dhe mbetet e paqartë nëse mund të përballojë marrëveshjen pa largime paraprake nga skuadra.

Përveç gjermanëve, interes për Hajdarin kanë shprehur edhe Bournemouth dhe West Ham, si dhe disa ekipe nga Serie A. /Telegrafi/

The post Albian Hajdari në shënjestër të Werder Bremen – interesim edhe nga Anglia dhe Italia appeared first on Telegrafi.

Bayern Munich thuhet se po bën një përpjekje të fundit për të nënshkruar me anësorin e Athletic Bilbaos, Nico Williams, pavarësisht dëshirës së shprehur të lojtarit për t’u bashkuar me Barcelonën.

Sipas Sky Sport, Bayern i ka ofruar Williams një marrëveshje fitimprurëse me vlerë 12 milionë euro, që përbëhet nga 10 milionë euro pagë dhe 2 milionë euro bonuse.

Megjithatë, kuptohet që qëllimi i Williams është të finalizojë transferimin e tij në Barcelonë, dhe aktualisht nuk ka bisedime midis lojtarit dhe Bayernit.

Klubi gjerman është në dijeni të preferencës së Williams dhe po shqyrton mundësi alternative.

Ndërkohë, Barcelona po punon për të përmbushur klauzolën e lirimit prej 58 milionë eurosh për Williams, por transaksioni po vonohet për shkak të kërkesës së lojtarit për garanci se ai do të regjistrohet.

Klubi katalanas shpreson të përfundojë nënshkrimin deri në fund të javës, por është e pasigurt nëse do ta përmbushin afatin.

Lexo po ashtu Javier Tebas ia shuan shpresat Barcelonës për Nico Williams

Ndërsa saga vazhdon, Athletic Bilbao do të rifillojë stërvitjen më 9 korrik dhe tifozët mezi presin një zgjidhje për të ardhmen e Williams.

Përgatitjet e klubit bask për sezonin e ri ka të ngjarë të ndikohen nga pasiguria rreth largimit të lojtarit të tyre yll. /Telegrafi/

The post Bayern Munich fut nën presion Barcelonën me ofertën e fundit për Nico Willimas appeared first on Telegrafi.

Nick Woltemade është pranë një rritjeje të jashtëzakonshme të pagës nëse i bashkohet Bayern Munichut këtë verë. 

Sulmuesi tashmë ka informuar Stuttgartin se dëshiron të luajë për kampionët e Bundesligës, të cilët janë të vendosur për ta transferuar talentin në rritje. 

Stuttgart kërkon ta mbajë lojtarin edhe pas kësaj vere dhe ka ofruar një kontratë të re, por oferta marramendëse e bavarezëve mund ta bindë që të largohet. 

Sipas Sky Sports në Gjermani, trajneri i Bayernit, Vincent Kompany, së bashku me drejtuesit sportivë Max Eberl dhe Christoph Freund, kanë punuar pas skenave për ta bindur Woltemade që të transferohet në ‘Allianz Arena’ gjatë afatit kalimtar të verës. 

Lexo po ashtu U tha se Bayerni ka arritur marrëveshje me Woltemade, reagon drejtori i Stuttgartit dhe zbulon çmimin e lojtarit

Lojtari tashmë ka njoftuar zyrtarisht Stuttgartin për dëshirën e tij për të kaluar te gjigantët gjermanë. 

Kampionët e sapokurorëzuar të Gjermanisë raportohet se janë gati t’i ofrojnë atij një kontratë pesëvjeçare me pagë bazë prej 7.5 milionë eurosh në vit, që mund të arrijë deri në 10 milionë me bonuse,një rritje e ndjeshme nga paga aktuale prej 1.5 milionë eurosh në sezon.  

Oferta e rinovimit nga Stuttgart do ta kishte çuar pagën e tij në 2.5 milionë euro në vit. 

Në sezonin e tij të parë me Stuttgartin, Woltemade fitoi Kupën e Gjermanisë dhe kontribuoi me 17 gola në 33 ndeshje në të gjitha kompeticionet.  

Ai gjithashtu fitoi çmimin si golashënuesi më i mirë në Kupën e Gjermanisë, me pesë gola të shënuar./Telegrafi/

The post Bayern Munich bën çmendurinë – kjo është paga marramendëse që i kanë ofruar Woltemades appeared first on Telegrafi.

Milani është i interesuar të transferojë Granit Xhakën, dhe sipas mediave italiane edhe vetë mesfushori zviceran dëshiron një aventurë të re në Serie A. Megjithatë, situata komplikohet nga qëndrimi i Bayer Leverkusenit, klubi aktual që posedon kartonin e mesfushorit shqiptar.

Drejtori sportiv i Leverkusenit, Simon Rolfes, ka hedhur poshtë çdo mundësi për negociata me Milanin, duke e vlerësuar Xhakën si shumë të rëndësishëm.

“Nuk ka pasur dhe nuk ka negociata me Milanin për Granit Xhakën. As nuk kemi ndërmend ta shesim. Graniti është një lojtar shumë i rëndësishëm për ne”, deklaroi Rolfes.

Xhaka u transferua te Bayer Leverkuseni në verën e vitit 2023 nga Arsenali për 15 milionë euro, me një kontratë që skadon në qershor 2028. Megjithatë, ai duket i gatshëm për një sfidë të re, ndërsa Milani, në kërkim të forcimit të mesfushës, po përpiqet ta bindë.

Babai i Granit Xhakës, Ragip Xhaka, ka konfirmuar interesin e kuqezinjve për të dhe ka përgëzuar punën e drejtuesit sportiv të Milanit, Igli Tare ditë më parë për Tëvë 1 në Kosovë.

Lexo po ashtu “Mesfusha prioritet – Xhaka dhe Jashari janë në listë” - Tare e pranon dhe flet për dy mesfushorët shqiptarë

“Milani e do Granitin, dhe unë e vlerësoj shumë Taren”, deklaroi Ragip Xhaka.

Tregu i transferimeve në Milan po gëlon, ndërsa skuadra po përgatitet për ardhjen e Luka Modric. Menaxhmenti ka si qëllim t’i ofrojë trajnerit Massimiliano Allegri një mesfushë më të fortë dhe më përvojë.

Megjithatë, Bayer Leverkuseni është i pakënaqur me thashethemet që qarkullojnë, sidomos ato që flasin për një largim të mundshëm të Xhakës për vetëm 8-10 milionë euro, shifër kjo që është po ashtu kërkuar nga Milani. /Telegrafi/ 

The post “Nuk ka negociata me Milanin” – Bayer Leverkusen i mbyll derën e transferimit Granit Xhakës appeared first on Telegrafi.

E ardhmja e Edon Zhegrovës te Lille mbetet e paqartë, me kontratën që i skadon pas një viti dhe pa sinjale për rinovim. Klubi francez është i hapur ta shesë gjatë kësaj vere për të shmangur një largim pa përfitime në verën e ardhshme.

Sipas mediumit francez Le 11, lojtari kosovar është jashtë planeve afatgjata të Lille, veçanërisht pas ardhjes së Marius Broholm në repartin ofensiv.

Zhegrova nuk ka luajtur që nga dhjetori për shkak të një lëndimi në ijë, që ishte i vështirë për t’u diagnostikuar dhe që shkaktoi shqetësim në klub.

Aktualisht, 26-vjeçari po punon individualisht për të rikuperuar plotësisht dhe për t’u përgatitur për sezonin e ri – megjithatë ende nuk dihet ku do ta nisë atë.

Edhe pse vlera e tij në treg ka rënë për shkak të situatës kontraktuale dhe mungesës së garancive për formën fizike, interesimi nuk mungon.

Lexo po ashtu Klubi i njohur italian vihet pas Edon Zhegrovës – sulmuesi anësor mbetet në radarin e Serie A

Napoli dhe Atalanta janë dy nga klubet që e kanë në radar në Itali, ndërsa për Zhegrovën është përmendur edhe një transferim i mundshëm në Bundesligë, me RB Leipzigun si një ndër opsionet më të përfolura.

Zhegrova e kishte informuar Lille qysh në shkurt se nuk do ta rinovonte kontratën, duke e bërë të qartë synimin për një ndryshim këtë verë. Ai pati një pjesë të parë të sezonit shumë të mirë, me paraqitje mbresëlënëse edhe në Ligën e Kampionëve.

Tashmë mbetet të shihet se cili klub do të jetë destinacioni i radhës për lojtarin kreativ nga Kosova. /Telegrafi/

The post Kah po shkon Edon Zhegrova – tri klube të njohura vihen pas tij, pak gjasa të qëndrojë te Lille appeared first on Telegrafi.

Pas një sezoni të jashtëzakonshëm si i huazuar te SV 07 Elversberg, ku u shpall golashënuesi më i mirë i Bundesliga 2 me 18 gola dhe 8 asistime, Fisnik Asllani ka tërhequr vëmendjen e Werder Bremen.

Ndërkohë që Hoffenheim – klubi që zotëron kartonin e tij – po punon për zgjatjen e kontratës që skadon në vitin 2026, një transferim te Werder Bremen mbetet një mundësi reale për sulmuesin kosovar.

Një element interesant në këtë skenar është trajneri i ri i Werderit, Horst Steffen, i cili ka punuar më parë me Asllanin në Elversberg.

Në prezantimin e tij zyrtar, Steffen theksoi se nuk përjashton transferimet e ish-lojtarëve të tij, dhe sipas Kicker, ai do ta mirëpriste një ribashkim me 22-vjeçarin. Lidhja mes tyre thuhet të jetë e ngushtë.

Megjithatë, çdo lëvizje e mundshme varet edhe nga kushtet financiare. Hoffenheim kërkon një tarifë të lartë për kartonin e Asllanit, ndërsa Werder duhet të menaxhojë me kujdes buxhetin e transferimeve, i cili kap vlerën rreth 7.5 milionë euro.

Lexo po ashtu Sezoni i jashtëzakonshëm, Fisnik Asllanit i dyfishohet vlera nga Transfermarkt

Një mundësi për të liruar fonde është shitja e sulmuesit Marvin Ducksch. 31-vjeçari është i hapur për një transferim dhe ka pasur bisedime me klube të ndryshme, por deri më tani mungojnë ofertat konkrete.

Derisa situata financiare të qartësohet, Asllani mbetet një opsion shumë interesant për Werderin – por jo i lehtë për t’u realizuar. /Telegrafi/ 

The post Werder Bremen gati t’i japë ‘çelësat’ e sulmit Fisnik Asllanit, vetëm një pengesë i ndalon appeared first on Telegrafi.

Transferimi i Granit Xhakës te Milani mund të përmbyllet shumë shpejt, pasi paportimet e fundit flasin për një marrëveshje të arritur mes mesfushorit dhe klubit italian për një kontratë trevjeçare me pagë rreth 4 milionë euro në sezon.

Sidoqoftë, negociatat mes Milanit dhe Bayer Leverkusenit vazhdojnë ende, pasi oferta fillestare e Milanit është 10 milionë euro.

Sipas “Corriere dello Sport”, klubi gjerman kërkon 15 milionë euro si dëmshpërblim për largimin e Xhakës.

Bayer Leverkuseni dëshiron të shmangë humbjet e mëdha, pasi bleu mesfushorin për 23 milionë euro nga Arsenali vetëm në vitin 2023.

Lexo po ashtu Zbulohet paga që Granit Xhaka do ta fitojë te Milani

Tani, Milan po përpiqet të gjejë një marrëveshje që t’i përshtatet të dyja palëve dhe ta kompletojë transferimin e lojtarit sa më shpejt. /Telegrafi/ 

The post Xhaka ka marrëveshje me Milanin – tani mësohet shuma që po kërkon Bayer Leverkusen për kartonin e tij appeared first on Telegrafi.

Kur Jobe Bellingham debutoi për Borussia Dortmund, nuk ishte vetëm paraqitja e tij në klubin e ri që tërhoqi vëmendjen e tifozëve, por edhe detaji në fanellën e gjigantit gjerman.

Mesfushori 19-vjeçar nuk e mbante mbiemrin Bellingham në pjesën e pasme të fanellës, gjë që shkaktoi komente dhe pyetje të shumta në rrjetet sociale. Megjithatë, ekziston një shpjegim shumë i qartë.

Jobe, i cili nënshkroi një kontratë pesëvjeçare me gjigantët gjermanë javën e kaluar, luajti në ndeshjen e Kupës së Botës për Klube kundër Fluminense të Brazilit, e cila përfundoi pa gola. Me këtë, ai zyrtarisht bëri paraqitjen e tij të parë për ekipin nga Dortmundi.

Dhe ndërsa vëllai i tij më i madh, superylli i Real Madridit dhe Anglisë, Jude Bellingham, ende e mban me krenari mbiemrin e familjes në fanellën e tij, Jobe vendosi me vetëdije të kundërtën.

Vendimi i tij u shpjegua më parë nga ish-trajneri i Sunderland, Tony Mowbray, i cili tha: “Mendoj se ai po përpiqet të ndërtojë identitetin e tij. Ai nuk dëshiron që njerëzit ta shohin vetëm si vëllain e Jude – ai dëshiron të provojë veten si një futbollist në të drejtën e tij dhe të tregojë se çfarë mund të bëjë”.

Lexo po ashtu Borussia Dortmund do të paguajë më shumë për Jobe Bellingham se sa për Jude

Vetë Jobe tha kur u prezantua si lojtar i ri i Borussia Dortmund: “Unë nuk po ndjek gjurmët e askujt”.

Kjo praktikë nuk është e pazakontë në botën e futbollit. Virgil van Dijk vesh vetëm Virgil në fanellën e tij të Liverpoolit, dhe Dele Alli mbante vetëm Dele në fanellat e tij.

Shembulli më i fundit është Trent Alexander-Arnold, i cili gjatë prezantimit të tij te Real Madrid mbajti një fanellë me mbishkrimin Trent.

“Sinqerisht, arsyeja është mjaft e thjeshtë. Kur udhëtoj nëpër Evropë, emri im mund t’i ngatërrojë njerëzit – disa më quajnë Arnold, disa më quajnë Alexander, disa më quajnë Alex, disa më quajnë Trent. Thjesht vendosa ta thjeshtoj gjithçka”, deklaroi lojtari i ri i Real Madridit.

Duket se Jobe Bellingham ndjek një logjikë të ngjashme – jo nga rebelimi, por nga dëshira për t’u njohur si lojtari i tij unik, dhe jo thjesht si “vëllai i Jude Bellingham”. /Telegrafi/ 

The post Pse vëllai i Jude Bellingham nuk e mban mbiemrin në fanellën e Borussia Dortmund, shpjegimi tani është i thjeshtë appeared first on Telegrafi.

Tashmë që ka nisur merkatoja e verës, Leon Avdullahu nuk do të jetë më pjesë e klubit të Baselit. Mesfushori me origjinë shqiptare ka bërë një hap të madh duke u transferuar në Bundesligë.

Avdullahu është tashmë zyrtarisht lojtari më i ri i skuadrës së Hoffenheimit. Lajmin e ka bërë të ditur vetë skuadra gjermane përmes një postimi në rrjetet sociale të klubit.

Mesfushori i cili vesh fanellën e Zvicrës U-21 ka firmosur një kontratë disa vjeçare me Hoffenheim, e cila ende nuk është bërë e ditur. Ndërsa klubi gjerman pagoi në arkat e Baselit 8 milionë euro për shqiptarin.

View this post on Instagram

A post shared by TSG Hoffenheim (@tsghoffenheim)

The post ZYRTARE/ Hap i madh në karrierë, mesfushori shqiptar prezantohet në Bundesligë appeared first on Albeu.com.

Bayern Munich vazhdon kërkimin në treg për të përforcuar repartin e sulmit dhe për t’i dhënë trajnerit të ri, Vincent Kompany, një anësor të klasit të lartë, sidomos në krahun e majtë.

Klubi bavarez është në kërkim të një zëvendësuesi potencial për Leroy Sane, i cili do të transferohet te Galatasaray si lojtar i lirë.

Një nga emrat e parë në listën e dëshirave ka qenë Rafael Leao i Milanit. Megjithatë, në orët e fundit, fokusi po zhvendoset gjithnjë e më shumë nga ylli portugez tek spanjolli Nico Williams, për shkak të kërkesave të larta financiare nga “Rossonerët”.

Milan ka refuzuar të ulë çmimin për Leaon, i cili mbetet pjesë kyçe e planeve të trajnerit të ri Massimiliano Allegri. Klubi italian ka vendosur një çmim prej 95 milionë euro, shumë që Bayern Munich nuk është i gatshëm ta paguajë.

Për këtë arsye, gjermanët kanë zhvendosur vëmendjen te Nico Williams, anësori 21-vjeçar i Athletic Bilbaos, i cili shihet si alternativë më e re dhe më e leverdishme ekonomikisht.

Lexo po ashtu Rafael Leao në qendër të një mega-transferimi: Bayern Munich ofron lojtar e para për yllin e Milanit

Sipas Sky Sport Germany, Bayern Munich është i gatshëm të paguajë klauzolën e lirimit prej 65 milionë eurosh të parashikuar në kontratën e Williamsit, e cila skadon në verën e vitit 2027.

Nga ana tjetër, futbollisti spanjoll ka shprehur gatishmërinë për transferim në Allianz Arena, pavarësisht ofertës së rinovimit nga Athletic Bilbao. Ai kërkon një pagë vjetore prej 10 milionë euro neto, kusht që bavarezët po e konsiderojnë seriozisht.

Tani duket se Bayern Munich është më pranë sjelljes së Nico Williams në Gjermani, duke përmbyllur një afrim të rëndësishëm për ndërtimin e skuadrës nën drejtimin e Kompanyt. /Telegrafi/ 

The post Bayern Munich kërkon një anësor eksploziv – Williams fiton terren para Leaos shkaku i çmimit appeared first on Telegrafi.

Sipas “La Gazzetta dello Sport”, Milani është i gatshëm të dëgjojë ofertat për sulmuesin portugez Rafael Leao – por vetëm ato që kalojnë shifrën e 100 milionë eurove.

Edhe pse Leao ka një klauzolë lirimi prej 175 milionë eurosh, “Rossonerët” e dinë që asnjë klub nuk është i gatshëm ta paguajë këtë shumë në afatin kalimtar të verës 2025.

Raportimet e mëhershme kishin sugjeruar se Leao kishte njoftuar tashmë drejtuesit e Milanit për dëshirën e tij për t’u larguar.

Ndërkohë, Bayern Munich mbetet një nga klubet më të interesuara për të – dhe sipas burimeve të tjera, gjermanët janë duke përgatitur një ofertë që përfshin para dhe një lojtar në këmbim.

Drejtues të Bayern Munich e ndoqën Leaon në aksion gjatë finales së Ligës së Kombeve mes Portugalisë dhe Spanjës, e cila u zhvillua në “Allianz Arena” të dielën.

Milani ka emëruar Massimiliano Allegrin si trajner të ri për sezonin 2025-26. Klubi është duke kaluar një revolucion të thellë, me negociata në vazhdim për shitjen e portierit Mike Maignan te Chelsea dhe transferimin e Tijjani Reijnders te Manchester City.

The post Rafael Leao në qendër të një mega-transferimi: Bayern Munich ofron lojtar dhe para për yllin e Milanit appeared first on Albeu.com.

Borussia Dortmund ka zyrtarizuar transferimin e mesfushorit anglez Jobe Bellingham nga Sunderland. Klubi gjerman siguron kështu një nga talentet më premtues në futbollin evropian.

19-vjeçari ndjek gjurmët e vëllait të tij, Jude Bellingham, i cili shkëlqeu më parë në Dortmund përpara se të transferohej te Real Madridi.

Sipas raporteve, tarifa fillestare e transferimit është 33 milionë euro, me bonuse që mund ta çojnë shumën totale deri në 38 milionë euro.

Jobe vjen pas një sezoni shumë të mirë në Championship, ku zhvilloi 43 ndeshje, shënoi katër gola dhe u përfshi në formacionin e sezonit.

pic.twitter.com/vlrTjT4otS

— Borussia Dortmund (@BVB) June 10, 2025

Mesfushori i ri ka nënshkruar një kontratë pesëvjeçare me Dortmundin, që e mban të lidhur me klubin deri në vitin 2030.

Ky transferim e konfirmon edhe një herë reputacionin e Borussia Dortmund si destinacion ideal për zhvillimin e lojtarëve të rinj dhe talentuar.

Dortmund synon ta regjistrojë Bellingham në kohë për Kupën e Botës për Klube që do të zhvillohet në SHBA, duke i mundësuar një debutim të rëndësishëm në arenën ndërkombëtare. /Telegrafi/ 

The post Zyrtare: Dortmundi prezanton talentin anglez Jobe Bellingham appeared first on Telegrafi.

Christopher Nkunku është gjithnjë e më afër largimit nga Chelsea gjatë këtij afati kalimtar veror.

Sulmuesi francez ka pasur një rol relativisht të kufizuar te Blutë dhe largimi i tij duket gjithnjë e më i mundshëm.

Bayern Munich është klubi më i interesuar për shërbimet e tij. Gjigantët gjermanë po e ndjekin me vëmendje situatën e Nkunkut, por nuk janë të gatshëm të hyjnë në një garë të çdo kushti për ta transferuar.

Sipas gazetarit të njohur Fabrizio Romano, Nkunku  po shqyrton seriozisht një ndryshim destinacioni për sezonin e ardhshëm.

Lexo po ashtu Nkunku pritet të largohet nga Chelsea, gjiganti evropian po mendon transferimin e tij

Ai e kupton që konkurrenca në sulmin e Chelseat është e ashpër dhe dëshiron një rol më të rëndësishëm diku tjetër.

Bayern Munich e konsideron sulmuesin si një mundësi të shkëlqyer, sidomos për shkak të përvojës së tij të mëparshme në Bundesligë me RB Leipzig. Megjithatë, ata nuk janë të gatshëm të paguajnë çdo shumë të kërkuar nga Chelsea.

Kërkesa e Chelseat për kartonin e Nkunkut është rreth 60 milionë euro. Një shumë që bavarezët e konsiderojnë të lartë, duke e bërë të qartë se do të tërhiqen nga bisedimet nëse nuk ka ulje në çmim.

Në këtë fazë, gjithçka mbetet e hapur për të ardhmen e Nkunkut, por ajo që dihet është se verën që vjen ai pritet të jetë një nga emrat më të nxehtë në merkato. /Telegrafi/ 

The post Gjiganti evropian e do transferimin e Nkunkus, por vetëm për një çmim të arsyeshëm appeared first on Telegrafi.

Dy vjet pas transferimit të Jude te Real Madrid, Borussia Dortmund po përgatitet të mirëpresë një tjetër anëtar të familjes Bellingham.

Sunderland në fakt ka pranuar në orët e fundit ofertën prej 33 milionë eurosh plus 5 në bonuse të paraqitura nga klubi verdhë e zi për Jobe Bellingham, i cili do të mbërrijë në Bundesliga pesë vjet pas vëllait të tij.

Marrëveshja midis dy klubeve, raporton “Sky Sports UK”, përfshin gjithashtu një tarifë rishitjeje prej 15 përqind.

Kjo është një rritje e konsiderueshme në krahasim me ofertën fillestare prej 20 milionë eurosh të paraqitur nga Borussia; kur transferimi të përfundojë, Sunderland do të ketë marrë tarifën më të lartë për një lojtar.

Duke përjashtuar bonuset, Jobe Bellingham do të bëhet blerja e dytë më e shtrenjtë në historinë e Borussia Dortmund, pas Ousmane Dembele, për të cilin u paguan 35 milionë.

The post Arrihet akordi, Bellingham transferohet te Dortmund appeared first on Albeu.com.